📚قصص||روايات||منوعة📚

rwayate

📚قصص||روايات||منوعة📚

rwayate

#الا_ماتفرج
(الجزء التاني)

البيت كان 3 غرف وحده مقفوله وتنتين النا كان الغراض مالن مرتبة اجلنا كل شي لتاني يوم بابا فرش ونام عالارض وامي تسطحت عالتخت وانا واخواتي فرشنا بلصالون
ميس: ماعم اقدر نام
احمد:ليش شبك هي الحمدلله صرنا كلنا ببيت وهي اول ليلة فيو رح تقضيا هيك
ميس:والله ألبي قابضني كتير الله يلطف 😢
احمد:لك ليش عم تبكي
ميس:مابعرف مابعرف نام انت رح قوم شوف ماما ..
قمت من مطرحي وتسطحت جنبا وبكيت كتير هديك الليله ماكنت عرفانه ليش كل هالدموع
فتلت رأسا وقالتلي بتفرج روحي وعهي الكلمة نمت وياريتني مافقت
رغد:قومي امي
ابو محمد:تركي امك تعبانه
رغد:بابا ...ماما ماعم تتحرك
سمعت هالكلمة ونطيت طلعت فيا كانت ايدا زرقا وشفايفا زرق بلون الحبر
ميس:ماما روحي قومي الله يوفقك يابابا جبلا دكتور
بهداك اليوم طلعت الجارة وقالتلي لاتخافي هلق بتصحا عشت عأمل لحظات انو رح تقوم وتئلي انا جنبكن مارح اترككن
اجا الدكتور وفحصا وطلعت ميتة من ساعة اجتا جلطة قاتلة عقلبا ماقدرت تتحمل الظلم والمذلة تركت كل شي وراحت واخدت معا فرحتي وسعادتي ماتت بشهر رجب
مرقو ايام العزا وراحو الناس اللي انصدمو بوفاتا ضليت فترة متل المجنونه اعمل قهوة الي والها اجا رمضان والله صبرني كتير صرت انزل عالجامع وصلي وادعي وابكي الحرقه

هي هي بس سبحان اسمو هو اللي بيصبرنا عكل شي
خلص رمضان واجا العيد اللي ماكان عيد بالنسبة النا طبعا اخي المسافر تاني يوم وفاتا عرف ولهلآ مو مصدق انو اندفنت وماشافا ...

📚قصص||روايات||منوعة📚

rwayate

📚قصص||روايات||منوعة📚

rwayate

#الا_ماتفرج
(الجزء الثالث)

رابع ايام العيد بتجيني رساله عالنت من رقم غريب
مجهول:كيفك اختي شو اخبارك
ميس :عفوا مين معي
مجهول :انا آدم رفيق اخوكي محمد
ميس :اهلين اخي كيفا امك وخواتك/طبعا نحن كنا منعرفن لعيله آدم بس معرفه سطحية /
آدم:الحمدلله كلن مناح اخوكي عطاني رقمك بعت معي مصاري الك وئلي اذا بدك شي تتطلبي مني
ميس:يسلمو والله مو لازمني شي
آدم :رح ابعتلك المصاري مع اختي وامانه شو مابلزمك انا جاهز
ميس:انشالله اخي الله يعطيك العافية
طبعا آدم ضل يحكي معي ويطمن علينا لحد ماصار ينزعج وقت مارد وينشغل بالو وقت ماافتح النت وبصراحة انا ارتحتلو كتير وحسيت انو هو الشب اللي بحلم فيو
بس هو ماحكا معي بشكل مباشر وانا مابدي فوت بقصة تسببلي جرح خاصة جرح وفاه امي سببلي قهر وحزن وتعب
لحد مااجا يوم كان عم يحكي معي ويناقشني
(الجزء الرابع)

ميس:خلص انا قررت عيش حياتي لأهلي ومابدي لا اتزوج ولاشي
آدم :لك فهمي فهمي بقا اخواتك كل واحد بكرا بيكمل حياتو ومابيسأل وابوكي رح يتزوج

ميس:لا ابي مارح يتزوج وانا مابدي شي خلص انا الدنيا خلصت عندي من بعد امي
آدم:لك اسكتي بقا ليش ماعم تحسي ليش
ميس :آدم شبك
آدم :لك انا بحبك ومو بإيدي بحبك من لما سمعتك عم تبكي بعزا امك
ميس:..........
آدم :لك ليش ساكته
ميس:بدي سكر ممكن منحكي بعدين سلام
آدم :سكري بس انتي الي ومارح اسمح لحدا ياخدك مني حتى لو عيلتك

سكرت النت بهديك الليله ماقدرت ناام انا كمان انا حاسه بشي حلو تجاهو شي يطالعني من حالتي بس قررت مااقبل كمل بشي مجهول
تاني يوم حكيت معو بشكل عادي وحاولت اقطع لوقت مافات ابي وحكا هون كان لامي 8 تشهر متوفية
ابي:بنتي انتي كبيرة وواعية وبالايام رح تتزوجو انتي واخواتك ورح ضل لحالي
ميس :بس بابا انا مابدي اتزوج بخدمك بعيوني
ابي:لا ميس امك كانت وصيتا انو اذا اجا نصيبك ما اوقف بوشك
ميس:...
ابي:انا بدي اتزوج
لما قال هالكلمة حسيت الدنيا فتلت فيني اخدني اخي ونزلنا نمشي بلشارع بكيت كتير واتذكرت امي فجأه دق آدم لاخي وعرف اللي صار وبنفس الليله حكا معي

آدم :ممكن تردي علي
ميس :آدم لو سمحت انا كتير تعبانه تركني بحالي
آدم:مستحيل اتركك شفتي لما ئلتلك ابوكي بدو يتزوج
ميس:😢
آدم :بوس ايدك حاج تبكي ألبي مابيتحمل
وغفيت هديك الليله ودموعي ع خدي وتزوج ابي مرتو كانت حبابه نوعاً ما بس الا مايصير شويه مشاكل آدم ما سكت وضل يحكي لوقت ماقررت حط حد ..

📚قصص||روايات||منوعة📚

rwayate

📚قصص||روايات||منوعة📚

rwayate

#الا_ماتفرج

آدم:ميس ليش عم تعملي فيني هيك شتقتلك
ميس:ليك آدم رح احكي كلمتين انا هيك مافيني ضل معك يا بتتقدملي بشكل رسمي يا كل واحد بروح بحال سبيلو
آدم :لا لا انا موافق ومستعد اتقدملك بس اصبري علي كم شهر
وفعلا آدم وفا بوعدو بعد كم شهر فاتح اخي بلموضوع واخي حكا مع ابي وتمت خطبتنا وعشت احلى ايام حياتي مع اول حب الي ومرء على خطبتي 5 شهور والامور تمام بس آدم ماكان تمام كان عم يبلش يتغير او يمل مابعرف هو كان وحيد لاهلو وبيت حماي كانو كتير طيبين وحبابين معي ولاحظو اهلو هالتغير بيوم حكا معي وئلي

آدم:ميس انا يمكن تسرعت وظلمتك معي
ميس :شو يعني آدم بشو ظلمتني
آدم :انا ظروف شغلي ماعم تتحسن وانتي ألف شب بيتمناكي
ميس:شووووو عم تحكي انت انا حبيتك الك ومابدي غيرك وانا ئلتلك آدم لاتكسرني موت امي كسرني
آدم :بس انا فقير
ميس:لما خطبتني كنت فقير وانا وافقت وموافقه والسعاده مو بالمال والله كريم بتفرج علينا مهم نحنا مع بعض
آدم :خلص تركيني راسي عم يوجعني سلام

وضلينا على هالحالة كل يوم ابكي بحرقة من تصرفاتو ومزاجيتو لحد مادخل أخي بيوم وئلي
عبد : اشلحي المحبس آدم فسخ الخطبة
ماصدقت بوقتا كل وعودو وكل احلامنا راحت كنت بسابع سما وفجأه خبطت لأسفل ارض

دخلت بحاله نفسيه سيئه صار معي اكتئاب والبكا والوجع مافارقني حبيتو كتير اعتبرتو كل شي بحياتي امي وابي ودنيتي كلا وبعد شهر تقريبا بعتلي رساله آدم :البسي المحبس يابنت الحلال اللي بيناتنا أقوى من كل شي
انا مارديت ورجع يبعت ويتصل مارد بالاخر حن قلبي ورديت

ميس:شوو بدك
آدم :شتقتلك مافيني عيش بلاكي
ميس:خلص آدم لو سمحت قصتنا انتهت والمحبس مارح ارجع البسو
آدم :رح ارجع لبسك ياه وبتشوفي ياميس
بيوما حكا مع أبي وقدر يقنعو انو كان في حالة سيئه وظروفو صعبة ومارح يكرر اللي صار
اجا ابي لعندي
ابي:بنتي ميس خطيبك حكا معي واهلو جايين بكرا يرجعو يلبسوكي المحبس
ميس: بس انا مابدي ارجع
ابي:لا بنتي برضاي عليكي انا حكيت كلمة واي شب بتعدي عليه فترة طيش وبيرجع لعقلو
بعد محاولات عديده ئلتلو اللي بدك ياه بصير واجو بيت حماي وانا لبست وتمكيجت ودمعتي بعيوني
اخي ماكان راضي ارجع مع انو كان رفيقو من الروح للروح بس كان حاسس اني مو مرتاحه ابدا وعم كابر مع هيك رجعت وخطيبي رجع معي منيح

وحاول ينسيني الفترة اللي جرحني وبكاني فيا كتير بس اللي فيو طبيعة مابيبعا بعد 3 شهور صار ابشع صار يجرح بلا احساس ويطلع مع بنات

📚قصص||روايات||منوعة📚

rwayate

📚قصص||روايات||منوعة📚

rwayate

#الا_ماتفرج
(الجزء السابع)

ميس:شوف آدم حاج تلعب بمشاعري يوم بدك نكمل يوم لا
ليش رجعت مدام هيك بدك تعاملني
آدم :انا هيك ماعجبك تركي انتي
ماضروري يطلع الحق علي مرتين

ميس :لك شو ساويتلك ليش عم تعذبني قال بيقولو احلى ايام .. ايام الخطبة اسوء ايامي هي خطبتي منك

آدم :حلي عني ها مو طايق حدا
ميس:شوف آدم انا مارح اترك بدك تترك روح احكي مع ابي وخلصني والا شو رأيك مرت عمو
مرت عمي:الحق معك بنتي آدم حاج تعذبا للبنت تركا انت مابتستاهلا ابني وبعرفك والله فكرتك عقلت وقت قررت تخطب
والبنت حبابه ودينه
طلعت ماتغيرت يا ابني

سامحيني يابنتي
ميس:مو ذنبك مرت عمي ..مهم تركني خلص انا تعبت
وبعد اسبوع رن هاتف البيت
ميس:ألو
آدم:مرحبا كيفك ميس
ميس:الحمدلله
آدم :عمي هون
ميس :لحظة

بابا يابابا آدم بدو يحكي معك
ابي:شوفي بنتي
ميس:مابعرف اسألو صارلي اسبوع ماحكيت معو
وحكا مع ابي واجا بعد ربع ساعه لعنا ورجع فسخ الخطبة رجع كسر ألبي للمرة التانية او بالاصح للمرة الألف

وابي بهدلو كتير وئلو لاتحلم ترجع وماعاد الك شي عنا انا فتت وحطيت قدامو المحبس وئلتلو كلمة
...حسبي الله ونعم الوكيل فيك والله لايسامحك على اللي عملتو فيني ...

📚قصص||روايات||منوعة📚

rwayate

📚قصص||روايات||منوعة📚

rwayate

#الا_ماتفرج
(الجزء التامن) والاخير

طلع من عنا ورقصت متل المجنونه رقصت لوقعت بالارض وبكيت كسرني وانا ئلتلو لاتكسرني حبيتو كتير تعلقت فيو كتير ولعب فيني كتير بلمرة التانية كان الجرح اعمق ماعاد اثق بشي وصرت خاف من كل شي هلق انا بكرهو كتير بكرهو وبكره هالتجربة اللي دفعت تمنا اني خسرت روحي وخسرت ألبي وخسرت ثقتي بأي شي

انا ماذكرت بيت حماي كتير بس كانو مافي متلن وكتير حاولو يساعدوني وكتير حكو معو بس للآسف هو كان هيك
شتقت لأمي شتقت لنفسي اللي كانت قبل آدم ياريتني ماعرفتو ياريت ضليت بجرح وفاة امي صارلنا تاركين سنة ولهﻷ ماعم بقدر اتجاوز هلمرحلة الاحساس بلفراغ رغم اني الحمدلله هلق عم اشتغل بس جواتي مكسور
شو صعبة انك تكوني بسابع سما وتوقعي وتنكسري والطعنة تجيكي من اللي وثقتي فين كتير وكنت مراهنة عليهن ومتحديه الكل مشانن

بعتذر عطول الاحداث بس صدقوني في كتير مواقف جرحني فيا وعذبني كتير
وماذكرتا وبعرف في ناس رح تقول كان لازم تتركي بس الظروف اللي انا فيا مرت اب وبيت ماعاد فيو دفا وحنان كنت اصبر واتحمل وقول بكرا بيرجع متل قبل فكرتو رح يعوضني عن جروحي وعن آلمي ورح يحس

بس لعب بمشاعري كتير الكل نسي القصة بس انا لهلآ ماقدرت انسى
مع هيك رح يجي يوم وتفرج متل ماوعدنا ربنا ومتل ماقالت امي
..قالت لي ستفرج ذات يوم وامي امرأه لاتكذب..

دعواتكن لامي بلرحمة وادعولي الي بالصبر والفرج ...
#تمت

#ٱلقصة_واقعية