📚قصص||روايات||منوعة📚

مكانا وراسا رح ينفجر من التفكير

*

صحيت تاني يوم بعد العصر لان ببساطة ما نامت الليل صحيت وهيي مقررة تعمل كل شي خططتلو
ومتل ما خططت نفذت
اتحممت ووسرحت شعرا ورفعتو بربطة وهوي مي من دون ما تعمل اي شي اصلا هيي نسيت كيف بتكون الانثى وكيف بتعتني بحالا .. لمت تيابا من عن حبل الغسيل .. تيابا يلي بتلبسن كل يوم بتغسلن قبل ما تنام لترجع تلبسن تاني يوم
ونزلت بعجل..
دخلت من باب الشركة الكبير المصنوع من الازاز المزركش يلي انفتح لحالو مجرد ما وقفت قدامو مشيت بين الناس بلباسا الخفيف نسبة للمكان يلي هيي فيه وطلعت ع مكتبو وقفت قدام السكرتيرة وهيي عم تفكر شو تقلا
السكرتيرة: اهلا بتريدي شي

امل: بدي احكي مع عمر

السكرتيرة: مين حضرتك وعندك موعد

امل: لا بس لازم احكي معو

السكرتيرة: بعتذر منك ما بقدر دخلك لعندو من دون موعد

شدت امل كف ايدا وشبكت اصابيعا ببعض وقالتلا من دون ما تفكر: انا زوجتو بدي احكي معو ضروري

مشيت وفتحت الباب والسكرتيرة عم تلحقا .. هوي شافا عمر وقف وقلا للسكرتيرة تروح

وقفت مصدومة من رد عمر وهوي رجع كرر: طلعي لبرا

لفت عليا نظرة بانورامية من فوق لتحت ومن اليمين لليسار (معقول هاي مرتو !!)
مشيت بخطى تقيلة وسكرت الباب
اما عمر لساه واقف مصدوم من جيتا لعندو فجأة بعد يلي صار اليوم يلي قبلو!؟

كانت واقفة وايديا ع خواصرا وعم تهز اجريا بقوة
بدأ عمر كلامو وقلا: اهلا وسهلا امل اتفضلي

هوي نطق اسما رجف قلبو وابتسم
بس هيي بقيت ع وقفتا وهزت جسما زادت

عمر: خير امل صاير شي لازمك شي

كمان ما ردت

عمر: انا اسف امبارح نسيت حالي ماكان لازم اعمل هيك شي اكيد سببتلك مشاكل
امل لما بحكي معك بتردي

هوي عم يحكي اخر جملة وهيي عم تحرك اجريا ب اتجاهو مشي خطوتين كبار لورا لحتى لزق ظهرو بازاز الشباك الكبير يلي بطل ع الشارع الرئيسي

حطت ايديا ع الشباك وحاوطتو بجسما .. غمض عيونو وكتم نفسو مشان ما يضعف ويعمل شي غلط يندم عليه .. ريحتا خلت عقلو يتخربط ونفسا الدافي بلش يقرب منو حس فيا .. وحس بحرارة جسما وكل شي فيا ملكو بس هالملك محرم عليه

وفجأة طلع صوتا

امل: اولا اتركني بحالي .. ثانيا حل عني .. ثالثا انا بكرهك وبكره شوفك .. ورابعا بدك تطلقني غصب عنك فهمان احسن ما اعملك فضيحة كبيرة اصلا هلق السكرتيرة بتكون نشرت الخبر والاكيد رح يوصل ل اهلك
رفعت راسا وشهقت وحطت كف ايدا ع تما : ياااه ياااالطييييف ابن الحسب والنسب متزوج هيك وحدة .. اووووووو رح تكون فضيحتك اكبر من فضايحي يلي عم تعملي اياها
دائما بشوفك حواليي وين ما رحت وبقيت ساكتة بس انك تجي لعندي ع المكان يلي اخترتو بس لنام ولاقي سقف يئويني هاد يلي ما بقبلو .. اتأكد انا ما بطيئك ولا بطيئ سيرتك انتي دمرتلي حياتي ومستقبلي اتركني بحالي .. اتركني بحالي

كان عم يسمعا وعيونو عم شفايفا كيف عم تحركن بهدوء وتناسق وشوي ينقلن لعيونا .. عيون كلا تحدي وتصميم بتشبه عيون فهد منقض ع فريستو
بلع ريئو بصعوبة وما رد عليا لسانو ارتبط وكيانو كلو اتلخبط ريحتا المسكية الممزوج بريحة شامبو تازا اسكرتو ماعرف شو ريحتو بالظبط بس يلي بيعرفو انو دااااخ

وهيي رجعت كررت: اوعك تطلع بطريقي مرة تانية والا رح تشوف شي ما بتحبو وخصوصا انا مرتك وقدام الكل وما حابة تجيك سمعات عاطلة انو مرتك عملت شي ما بتحبو او يصير فيك متل ما صار بغيرك فهمان يا عمر .. بيييك

نزلت ايديا وبعدت عنو فتلت جسما ومشيت ب اتجاه الباب وراسا مرفوع
اجاها صوتو العالي وهوي عم يندهلا بحزم: امل شوقصدك
ما ردت وبقيت ماشي
قرب منا وشدا من ايدا وسحبا لعندو: لما بحكيكي بتردي فهمانة انا تركتك تحكي كل شي لتاخدي راحتك بس زودتيا

كمان ما ردت طلعت ووقبل ما تخبط الباب قلا: حسابك معي

خبطت الباب وراها بقوة والصوت كان واضح للكل .. طلعت وعيونن عليا والكل عم يهمس والاكيد عليا .. جملة وحدة بس فهمتا ( معقول عمر بيك يتجوز هيك وحدة اكيد هاي كذابة )
مشيت وما اهتمت لكلام الكل اصلا هيي اتعودت ع هالكلام .. مشيت بين السيارات الفاخرة لوصلت لموقف الباص ولمحتو اجا طلعت فيه مع عدد من الناس يلي كانو واقفين معا وقعدت عند اول كرسي شافتو وقبل ما يتسكر الباب دخل منو وهوي عم يركض .. اتفاجئو الكل من دخولو بهالشكل بلباسو الرسمي وهيبتو يلي فرضا اول ما عدل جاكيتو وشبك اصابيعو بخصل شعرو ليرجع يترتب ومشي ب اتجاها
لحسن حظو الكرسي بقربا فاضي .. قعد وفتح زر جاكيتو واتنحنح سعل سعلتين وقلا: شو كان قصدك لما قلتي يصير فيي متل غيري

ردت من دون ما تلتفت وعيونا موجهة ع الطريق: كيف هيك عمر بيييك راكب بالباص
عمر: ولو نحنا لولا ما ركبنا بالباص ما كنا صرنا بكوات هلق ردي على سؤالي
التفتت وعقدت حواجبا وهيي عم تمثل: اي سؤال
عمر: شو قصدك يصير فيي متل غيري قصدك متل جابر
امل: والله يلي بدك تفهمو فهمو .. اصلا انتي اتزوجتني من دون ما وافق عليك متل زواجتي من جابر ويمكن رح تكون نهاية علاقتي معك متل نهاية علاقتي مع جابر انا مرة نحس بنصحك

تيابي

عمر: مشان تهربي ما .. مستحيل خليكي تروحي

وقف السيارة ونزل قدام مول كبير وقفل السيارة من برا ومشي ب اتجاه المول
هيي بتعرف انو فينا تفتح السيارة واذا يعني قفلا!!
حاولت تفتح الباب لتفرجيه انو فينا تهرب بس نوع سيارتو بتنقفل قفل كامل ليرجع يفتحا هوي بمفتاحو
بقيت ناطرتو بتأفف مزعوجة من تحكمو فيا اتكتفت وعقدت حواجبا وزمت شفايفا
وشافتو راجع وبايدو كيس رماه بحضنا

امل: مابدي .. مرة تاني ما تقفل الباب عليي فهمان انا ما عبدة عندك
حط ايدو ع راسو وقلا: ع راسي امل خانم بس انا بخاف عليكي
مسكت الكيس بايدا وشافت شوفي بقلبو
عمر: انا رح استناكي برا لبين ما تلبسي
امل: شووو كيف بدي البس هون
عمر: ماحدا رح يشوفك السيارة كلا مفيمة ونزلي البرادي اذا حبيتي
سكر الباب ووقف ع جنب طالع من جيبتو جوالو وحكا مكالمة لبين ما تخلص لبس
كانت عم تلبس بسرعة وبتلبك شديد دقتلو الشباك بعد ما خلصت .. اول ما اجت عينو ع الفسطان ما قدر يتحرك بس بقي يتأملا بتمعن كان لونو ازرق نيلي بكمام طويلة دانتيل وصدرو وظهرو مفتوحين بشكل سفينة واضح فيا شكل غضمتين بازات حوالين رقبتا الطويلة والنحيفة

همست ب انزعاج: شبك خلصني خلي اهلك يشوفوني وبعدين بدي ارجع ع البيت نعسانه بدي نام

عمر: تنامي!! لسا حين شو جاجة
امل: شو !!!!! هلق انا جاجة
ابتسم وشغل السيارة: اي مافي غير الجاج بنام بهالوقت
امل: النوم احسن واريح الواحد مايفكر بشي ابدا
عمر: يعني عم تهربي يعني انتي جبانة
شدت كف ايدا وردت من ورا سنانها وهيي كازة علين: قلتلك الف مرة انا ما جبانة
عمو: متل ما بدك لكن فرجيني كيف بتكون الجرأة
ديقت عيونا وردت: شو قصدك !!!!
عمر ب ابتسامة: قصدي جرأتك قدام ام عمر
ماردت عليه ودارت وجها لجهة الشباك انتبهت ع المراية ع شكل شعرا فكت الربطة وهر ع ظهرا مشطتو ب اصابع ايديها ورتبتو ( يا ريت لو معي نوع مكياج او بس حمرة خفيفة او كريم يخفي اثار البقع السودة تحت عيوني اكيد اهلو بكونو كتير راقيين )
هيك كانت عم تفكر وهيي عم تشوف صورتا بالمرابة ولسا اصابيعا عم يتحركو بخصل شعرا
انتبهت ع حالا كيف عم تفكر ورجعت تفكر ( لك يا مجنونة هالزيارة وحيدة مافي غيرا لا تثقي بحالك وفيه زيادة انتي قوية ومن دونو اتذكري هالشي)

انتبه عليا كيف شاردة وملامح وجها شوي تبتسم وشوي تعبس كانت حلوة رغم شحوب وجها ونحولا الزايد وعضام وجها البارزة الا انا حلوة بحبا هوي بكل اشكالا

وصلو ع البيت ومتل ما اتوقعت لقت
بيت كبير وحواليه حديقة صغيرة كلا شجر وورد متوسطا مسبح كبير مزركش بعدة الوان واضواء ممزوجة بين الاخضر والأحمر والازرق
دخلت من الباب وعيون متفحصة عم تراقب هالبنت يلي دخلت ع قلب ابنن قبل ما تدخل ع هالبيت

استقبلوا الخدم مسكا من ايدا قدام الجميع التفتت علية عمزلا بعيونو مشان توافق دخلا ع الصالون وقلا: استنيني هلق برجع
بقيت قاعدة وهيي مزعوجة انحطت تحت الامر الواقع وماقدرت تعمل شي ( شو عم تعملي هون يا امل ) هدت دقات قلبا ب ايدا وعيونا عم تتفقد الصالون كيف مرتب ع الطريقة القديمة والفخامة وكل شي فاخر وراقي من الفرش للصمد

ومافي دقايق كان راجع مع امو وابوه
الاب واضح عليه انو فرحان بس الام الهيئة ما عاجبتا الكنة الجديدة
لفت اجر ع اجر بعد ما قعدت هيي وزوجا ع اكبر كرسي موجود بالغرفة وامل قاعدة بقرب الباب اما عمر قعد عند كتف كرسي امل
اول شي نطقتو الام: كيف وقعتي ابني بشباكك
قرب عمر منا وحط ايدو ع كتفا وشدا لعندو وقلا ل امو: انا وقعتا بشباكي واخترتا وحبيتا قبل ما توافق عليي وتحبني
ابتسم الاب والام حاولت تظهر ابتسامة صفرة مالا مغزة
ام عمر: انتو بتسكنو وين ومن بيت مين اهلك وشو دارسة
ابتسم عمر وهوي عم يغير الحديث: شو مجهزتيلنا عشا ترى انا كتير جوعان
زمت شفايفا ووقفت وهيي عم تدعين للعشا: اتفضلو ع العشا وبعدين منكمل حديثنا
وقفت ومشيت قدامن مسكا من ايدا وقعدو ع الطاولة سوا كانت الطاولة فيا عدة انواع من الاكل المشكل والملون
هيي كانت ببيتا متعودة ع العز بس ما كل هالقد هالشي زيادة عليا وعم يحرجا وعم تشوف الفرق بينا وبينو وأسئلة امو الزايدة والمالا طعمة
رجعت سألتا: من بيت مين انتي
ابو عمر: خلص يا مرة هلكتيا اسئلة للبنت

عمر: طيب هلق بنزل بجيبو

كانت عم تفكر تغير فستانا لان كتير مكشوف بس اتراجعت عن رئيا وبقيت قاعدة مكانا
سمعتو عم يقلا من المطبخ ( تشربي قهوة )

ردت من بعيد: اي بشرب

مضيت اول ساعة وهني قاعدين كل واحد بزاوية وماسكين فنجان القهوة وعم يلعبو فيه

رفعت راسا وقالتلو: لسا ما راحو

وقف وقرب من الشباك يلي فوق راسا وقلا: لسا ما راحو هيئتن عم يستنو للصبح

امل: هاي صورونا ومشي الحال يروحو عاد

عمر: انتي ما بتعرفي الصحافيين عندن برادة قلب ما طبيعية وكلو مشان شغلن ونجاحن

امل بتعب: اففف نعست
عمر: فوتي ع الغرفة نامي
امل: لا يه لا ابدا

رجع قعد مكانو وقلا: متل ما بدك
ملت وزهقت وتعبت هوي ماسك جوالو وعيونو عليا شوي تحط راسا ع ظهر الكنباية وشوي ع ايدا وشوي تريحو ع كتفا .. رفعت اجريا ورجعت نزلتن هيي عم تقاوم النعس مع كل محاولاتا بلش النعس يتسلل لجفونا وبلا شعور راسا يميل يمين وشمال وبالنهاية استسلمت وعيونا لحالن اتسكرو والنوم ربح جولتو هالمرة

لدقايق طويل بقي يتأملها كانت متل الحورية بفستانا الطويل وجسما النحيف ايديا ضامتتن لبعض لقدام وراسا مايل وخصل شعرا انتشرت ع وجها
حركت وجها بحركة خفيفة لتبعد خصلة ع انفا كانت زاعجتا كررت هالحركة عدة مرات وهيي نايمة لدرجة خلتو يضحك
قرب منا وقعد بقربا وهوي عم يتأملا بعد ما رفع كل خصل شعرا وجمعن ورا رقبتا
مرر اصبعتو من شعرا مرورا بوجها وخدودا الجافة يلي سلبتن الدموع نعومتهن ورجع مررا برقبتا وبالنهاية لوصل لايدا قرب اكتر منا وشم ريحتها المسكية وخطف بوسة صغيرة من خدا اتحركت هيي رفعت ايدا وحكت ب اصبعتا مكان البوسة .. بعد عنا وراح جبلا شرشف ليغطيها

انتفضت لما حست الشرشف ارتمى ع جسما بنعومة
وقفت مرعوبة وقالتلو: وين غرفة النوم

اشرلا ب اصبعتو وهيي ركضت مكان الاشارة
رما حالو ع الكنبة بعد ما سمع صوت الباب انقفل
همس وهوي عم يرمي الشرشف عليه ( رح تبقى البواب المقفولة ل ايمات بيناتنا )

طلعت من الغرفة بعد ما كان الا عدة ساعات قافلة الباب عليا طلعت وهيي لابسة فستانا القديم كيف سحبتوا معا وهيي داخلة ع الغرفة ما بتعرف

كان قاعد وعم يدخن صحن السيجارة قدامو معبا ولبسو مبهدل وغير هيك مانو نايم
وقف وهوي عم يقلا: واخيرا .. هلكتنيني ليش لتخافي مني انا جوزك

نطقت جملة وحدة بس : بدي روح لعند ام فاروق
عمر: خليكي هون اليوم بكرا بتروحي
امل: لا هلق بدي روح
قرب منا وقلا بهدوء: بس اليوم
رفعت اصبعتا بوجهو وما سمحتلو يقرب ولا خطوة زايدة: لا يوم ولا ساعة ولا ثانية

وكأنو ما حكى أي شي !! اتنهد ورد ب انزعاج واضح : براحتك ما بقدر اجبرك على شي بس صارت الساعة 11 انا بوصلك

وقفتو بصوتا ورفعت ايدا وهيي عم تصدو: لا انا بروح لحالي وبعدين الشوارع مليانة عالم وفي تكسي ب اخر الشارع

عمر: قلتلك انا بوصلك
امل: وقلتلك بروح لحالي
عمر: كيف بدك اتركك بهالوقت لحالك مافي رجال بيعملا ويمكن حدا يشوفك ماشي لحالك او الصحافة تشوفك
امل: لا تاكل هم ما حدا رح يعرفني وانا بهاللبس
عمر: امل عم قلك بوصلك
امل: اففف على عنادك مابدي اياك تعملي اي شي
عمر: طيب متل ما بدك رح احكي مع الناطور يأمنلك سيارة وبهيك ما بزعجك ما انتي بترتاحي من دوني روحي الله معك

مشيت وفتحت الباب وطلعت ورجعت سكرتو بهدوء تحسد عليه
اما هوي بعكسا تماما كانت النار عم تشعل بقلبو وهيي ولا على بالا اتنهد تنهيدة كبيرة وخبط الحيط بكف
مشي بتعب ووقف بقرب الشباك بعد ما حكا مع الناطور يأمن عليا لتوصل لشي تاكسي همس وهوي عم يشوفا نازلة من البناية ( مافي امل يا امل ).

مشي ب اتجاه الغرفة شافا مرتبة وكأن ولا مخلوق داسا .. شاف الفستان مفرود ع التخت بترتيب رما حالو عليه وضمو بين ايديه وصار يشم ريحتا المحروم منا .. وغفي وما عاد حس ع شي..

مشيت بين الشوارع بعد ما رفضت تطلع بأي تكسي لان ببساطة ما معا ولا ليرة بقيت تتعالج مع الناطور وقت طويل لحتى هربت وخلصت منو .. مشيت وهي عم تنقل اجريا من بركة مي لبركة تانية المطر عم ينزل بهدوء بشكل رزاز ناعم الخريف ب اولو وعادي كتير يكون هيك الجو .. شافت مجموعة شباب واقفين بزاوية شارع فاضي ما في اي مخلوق غيرا وغيرن اخدت نفس عميق وركضت لتقطع الشارع بس لحقها واحد وقف مقابيلا والثاني وراها وشبين تانيين عم يتفرجو حاول الاول يمد ايدو عليا بس ضربتو .. ضمت جسما ب ايديا هيي عم ترجف شي من البرد وشي من الخوف .. رجع قرب التاني منا وهوي عم يلمسلا بشرتا الباردة سمعو صوت زمور سيارة عالي ركضو كلن وراحو لبعيد
سمعت شوفير السيار عم ينده عليا : تعالي لوصلك
ما اهتمت وركضت ب اقصى سرعة عندا لوصلت لبيت ام فاروق انتبهت انو المفتاح ما معا واصلا ام فاروق بتكون قفلت الباب بالمفتاح عدة طقات هيك متعودة كل يوم .. لو قاعدة بالمدينة الجامعية كان اسهلا من تشدد ام فاروق .. حاولت ترمي حجر ع البيت بس ما قدرت قعدت لدقايق وهيي عم تحاول تعمل اي شي لتصحي شي بنت من البنات بس ما في امل
ما لقت حل الا ترجع لعندو .. بس المطر ص

ار ينهمر بسرعة كبيرة وجسما كلو اتبلل صارت ترجف وترجف وترجف حاولت تتدارى تحت اي شي لبين ما تخاف المطر اول ما سمعت حركشة حواليها ركضت ب اتجاه بيتو ورجعت لعندو والطريق اخد معا وقت اكبر من غزارة المطر

الساعة 1 بعد منتصف الليل رن جرس البيت
انتفض من مكانو ع اثر منام مزعج وهوي عم يتعرق ورنة الجرس فكرا منام بس لما رجع رن اتأكد منو .. مشي بعجل وهوي عم يتعثر بمشيتو .. النوم لسا اخدو .. مين رح يجيه بهيك وقت؟؟
واتفاجأ لما شافا قدامو
عمر: امل .. شو صار معك .. ليش هيك شكلك ..

امل: ام فاروق نامت وما معي مفتاح وما الي حدا غيرك

سحبا من ايدا ودخلا ع البيت: انا قلتلك ما تطلعي ورجعت قلتلك بوصلك ليش هيك انتي عنيدة

بعدت عنو بعد ما عطست وهيي عم ترفع خصل شعرا المببلة عن وجها ونزلت راسا بالارض
اتلبك وقلا فوتي اتحممي حمام سخن رح حضرلك شي تشربيه لتدفي حالك
ومتل ما قال صار دخلت ع الحمام وقفلت الباب قعدت بقلب البانيو بتيابا وفتحت المي السخنة وهيي عم تبكي وتهمس: اي انا ما الي حدا غيرو .. بس انا ما بدي اياه ما بدي انا بكرهك.. بكرهك انتي السبب بكل شي بس .. بس انا ما الي اي حدا غيرك..
اتمددت بقلب المي وخلال ثواني صار جسما متل النار والبخار ملا الحمام وصارت الرؤية ضبابية وغفيت

كان هوي عند الباب عم يحوص رايح وجاي الا قريب الساعة بالحمام ( معقول صرلا شي!!؟؟ .. معقول عملت بحالا شي!؟ .. طيب افتح الباب!؟ .. رح اكسرو احسن!؟ .. لا رح دق بالاول!! )

قرب من الباب ودق دقتين ما ردت رجع دق دقتين قوايا كمان ما ردت
قلبو نئذو بلش يخبط بقوة ومسكة الباب كانت رح تنكسر

ل لما كانو بحاجتا اما جابر اااه من جابر بتتذكر لما مرضت مرضة قوية وصار معا ريقان بعتا لعند اهلا وقلا (بس تطيبي ارجعي احسن ما تعديني)
رمت الخبرة ع الطاولة وبلشت تحكي: بحياتي ما حدا اهتم فيي هيك بحياتي ما كنت ضعيفة بحياتي ما
كملت اخر جملة بداخلها (بحياتي ما كنت قوية وما رح اققدر كون)
رجعت علت صوتا: عم تعبني عم توجعني انا بكرهك انتي السبب انتي السبب بكل مشاكل حياتي وجاي هلق بشوية فطور تضحك عليي انا ما بدي اياك ما بدي اهتمامك مابدي ابقى معك بدي روح ع بيتي

بقي ساكت وهوي عم يتأملا لتاخد راحتا اكتر وتفش كل شي بقلبا معها حق هيي تعبانة ونفسيتها متأزمة الكل تركها وبقيت وحيدة فجأة وهوي بس بحياتا

بكيت كتير وهيي قدامو اجريا انشلو وقفت غصب عنا لتطلع من المطبخ قلا: تعالي كلي عندك دوا

رجعت بسرعة حملت فنجان الشاي وكبتو بصحة الاومليت ورمتو لوراه ع الحيط بقرب راسو بالظبط وانتشر بكل المطبخ .. كمان بقي ساكت عم يتفرج
غاظا كتير برودو قربت منو وحطت ايدا ع قبة كنزتو وصارت تهزو بعنف: صرخ عيط سكتني قلي روحي قلي بتكرهني قلي انتي بنت بدك ترباية قلعني اتركني (لان ماعاد فيي اتركك بعد ما لقيتك) كملت اخر جملة بقلبا

اتطلع عليا بحيرة وهمس: ليش جابر هيك كان يقلك

(جابر دائما كان يزلني مع انو انا كنت اهتم فيه ما العكس)
هيك قالت بقلبا وما استرجت تعلي صوتا
حط ايدو ع راسا وقلا بخوف: حرارتك رجعت ارتفعت
بعدت ايدها عنو وقالتلو: لا تلمسني احسنلك
عمر: متل ما بدك ارتاحي ورح اعطيكي الدوا بس كلي لقمتين
امل: مابدي اكل ولابدي دوا وما بدي شي منك
ومشيت..

بس وقفا مسكة ايدو الها وقلا بحزم: انتي عندي ولازم تديري بالك ع حالك مارح اسمحلك تبقي من دون اكل

قعدت بقربو وصار يلقما وهيي عم تاكل بصمت بعد الاعصار يلي صار اتحولت لقطة مسالمة .. ما بتنكر فرحا فيه كيف عم يعاملا هيي بحاجة اكتر من زوج بحاجة لحب وحنان واهتمام بحاجة لعاطفة قوية تعوضا عن الحرمان متل ما كانت عاطفتو اول ما صحيت بين ايديه

سمعت صوتو عم يقلا: ما بدك تشوفي اهلك ما اشتقتيلن
الفتت عليه وهيي فاتحة عيونا: بس انا رحت وقلعوني
عمر: ومنرجع منروح يا منتقلع سوا يا منتصالح سوا ابوكي صعب شفتو يوم المحكمة بس ما بيعني انو مانو اب وبالنهاية انتي قطعة منو
امل: معقول يسامحني
هز راسو بطيب وقلا بصدق: اكيد
ورجع همس: ايمات ما بدك منروح سوا
امل: يعني بتروح معي
عمر: اكيد بوقف معك ومنحكيلن كل شي
امل: بس انا خيفانة رحت وما استقبلوني
عمر: خليكي قوية وانا معك وبالنهاية رح يسامحوكي هني اهلك وبحبوكي
امل: وامك كمان بتحبك وبدا مصلحتك ومعا حق
نظرة وحدة من عيونو خلتا تغير مجرى الحديث: ماشي خلينا نروح بكرا مشتاقتلن كتير

خلصت كلاما وشكرتو وقبل ما تطلع ذكرا بالدوا
ومتل ما اتوقع اليوم الثاني كان اصعب بقيت طول الليل تسعل وتعطس وتهلوس بقي بقربا وحاضنا بيستغل فرصة ضعفا لصالحو لياخدو اكبر جرعة حب وعاطفة منا هيي اميرتو .. هوي مرتاح وبعبر عن ارتياحو بقربا وهيي مرتاحة بس دائما كانت تخبي شعورا اتحججت بالمرض اكتر لتبقى تدلل الاكل كان يجي لعندا الإهتمام رائع والحب الصادق بعيونو واضح وفي بيت دافي واكل يفتحلا شهيتها ما يصدا

المسا كانت قاعدة بالصالة ومتغطية لساها تعبانة وهوي ماسك اوراق مهمة جبلو اياها واحد من الشغل بقيت عم تراقبو بفرح داخلي معقول حبتو معقول

انتبه عليا كيف سارحة وعيونا عليه فرح كتير انا بلشت تتجاوب معو قبل من زمان كتير ما عرف كيف يستخدم حبو الا صح بس هلق هيي معو وببيتو والو وهيي ما الا غيرو اعترفتلو لما كانت ضعيفة مرضانة وتعبانة
استغل هالفرصة وقعد بقربا .. بعدت ل اخر الكنبة بس هوي لزق فيا شافت العاطفة بعيونو انتفضت خيفانة وريحة جسمو عم تزيد احساسها بالخطر .. ارتفعت شفايفو وابتسامتو زادت لما شاف خجلا ونظرتو زادت تحدي وتصميم
فجأة غمض عيونو وبلش يقرب منا حست حالا استسلمت هيي بحاحتو اي محتاجتو كتير قرب شفايفو اكتر ولمس شفايفا بحب
ايمات وقفت ما بتعرف حطت ايدا ع تما وعضت ع شفتا بلوم وهمست: هالشي ما بصير
وقف وقرب منا ومسكا من كتافا: بس نحنا متزوجين
امل: لا لا لا
عمر: ارحمينيي
بعدت عنو وغيرت مجرى الحديث: ما بدنا نروح لعند اهلي
هزلا راسو بالموافقة
رجعت قالتلو: ومن بيت اهلي لبيت ام فاروق
رفع ايديه بملل وقلا: متل ما بدك .. براحتك
مشي ورجع مسك الاوراق وهيي دخلت ع الغرفة وقفلت الباب

ومتل ما حكا صار لبست التياب يلي جبلا اياها ونزلت قعدت بقربو بالسيارة كان قلبا عم يرجف بس هييي واثقة فيه واثقة كتير ورح يساعدا
اول ما رن الجرس فتحت اختا الصغيرة ركضت وغمرتا وهيي شافتا اما خافت تضما بقيت ثابتة مكانا وعيونا عم تدمع بشوق
سمعو صوت الاب من جوا عم يقلن: مين ع الباب

فتح الباب عمر ودخل
عمر: هاد انا ما بتستقبلوني
-هاد انتي انقلع لبرا يلا
عمر: بس نحنا لازم نحكي وتعرفو كل شي
دخلت امل وقعدت عند اجرين ابوا وهيي عم تترجاه: انتي بتعرفني يابي انتي يلي ربيتني بتتوقع

مر واقف وماسك جابر من خوانيقو
وقفت امل وبعدت جابر عن عمر وهوي عم يصرخ فيا ويقلا: طلعي لبرا
طلع صوت عمر وقلا: وقفي مكانك .. جابر بتتذكر قبل اربع سنين شو صار هلق بدي رجع حقي

همس بتحدي: عمر لا ..لا

عمر: كان الك وهلق لازم يرجع الي اذا بدك اسكت على عمايلك بدك تتركني هون وبيتك ومع مرتك طول الليل والا بكرا صورك وفضايحك بتكون منشورة بكل مكان
قرب منو جابر والقلق والخوف واضح ع ملامحو بس عيون عمر كانت موجهة ل امل

جابر: لا الا امل اذا بدك خدا بس ما بهالطريقة انا ما عاد بدي اياها
عمر: انتي يلي اخدت مني امل

كانت امل واقفة بين التنين وما فهمانة اي شي بس عم تنقل عيونا بيناتهن
رجع كرر عمر كلامو وهالمرة بصرامة تامة: جابر طلاع من البيت وقبل ما تطلع خود الصور معك

جابر: وشو بأكدلي ما يكون معك غيرن
شهقت امل وعيونا معلقة بجوزا عم تناجيه ما يعمل هيك شي
ابتسم عمر ابتسامة صفرة وقلو: اتأكد امل بتسوى تقلا دهب ما بس شقفة صور
صرخت امل صوت عالي وهيي عم تشوف جابر طالع برا البيت .. مشي وراسو مطأطأ ومكسور والصور ب ايدو وسكر الباب وما التفت لورا ابدا...))

مسحت وجها بكف ايدا .. شو لازم تعمل هلق شو لازم معقول يلي حكاه جابر صحيح معقول كل شي كان لعبة كانت لعبة بين ايديهن
وهيي عم تفكر سمعت صوت حركة برا البيت وقفت بسرعة ودخلت ع غرفة النوم قعدت ع طرف التخت وبلشت تستعيد وعيا شوي وتنظم نفسا

دخل عمر وبوجهو ع المطبخ حط الاكل ع الطاولة وجهز السفرة مشان يتعشو سوا وكمل لمساتو الاخيرة ع الطاولة وشعل شمعتين ومشي بطريقو لغرفة النوم شافا قاعدة وهيي مبهوتة ما في ع وجها اي ملامح
قرب منا وقعد بقربا ومسكلا ايدا وهمسلا: قومي نتعشى

هزتلو براسا وهيي عم تستعيد وعيا شوي بعد تفكير طويل
سحبا من ايدا وغمضلا عيونا واتفجأت لما شافت شكل المطبخ كان كل شي مرتب وعمل كل هالشي كرمالا
اول ما قعدت ع الطاولة طالع محبس ولبسا اياه ب اصبعتا وطبع بوسة كبيرة ع ايدا وهمس بحب: رح اعملك عرس بليق فيكي اميرتي

ما عرفت شو تعمل تفرح ولا تزعل هاد زوجا يلي وثقت فيه وحبتو واتعلقت فيه بعد ما انخذلت من الجميع لقتو هوي بس عم يساعدا ودائما كل ما يلاقي اي فرصة يعبرلا عن حبو وتعلقو فيها ومدى جمالا وانوثتها يلي بيعشقها وهيي اتحدت اهلا وقالتلن انو الا سند .. طلع لعبان عليها لعبة واطية
يا الهي..
معقووول !!
اكلت بهدوء كام لقمة وبقيت تلعب بالصحن بشوكتا بشكل عشوائي وهيي عم تكتم بقلبا حزن وصريخ ..
ودموع بعيونا متل الجمر بس ما عم تطلع
كملت اكلا وانتفصت لما قرب منا ولمسلا راسا: حبيبتي تعبانة

هزتلو راسا وما جاوبت
حملا ب ايدو وهمسلا ب اذنا: اميرتي صار لازم تتدلل

مددا بالسرير اول ما دخلو الغرفة كانت هادية كتير حتى هوي ما سدق يلي عم يصير معا اتحولت تحول جذري من كره وحقد ل هدوء وسلام معقول عم تعمل هالشي لان اتيقنت انو هوي سندا وما الا غيرو ولا مشان يلي صار مع اهلا من كام يوم
اتمدد بقربا وحطلا راسا ع صدرو وصار يلعبلا بشعراتا وهوي عم يحكيلا من ايمات بحبا

عمر: بلشت قصة حبي الك من هداك اليوم لما دخلتي ع الجامعة اول ما شفتك طار عقلي فيكي بقيت عدة ايام راقبك وحاولت كمان احكيكي بس انتي ما تقبلي ابدا كل مرة كنتي تكبري بعيني اكتر واكتر وقررت انك تكوني الي بس جابر سبقني واخدك

همست بقلبا: هون بلشت اللعبة

كمل عمر وهوي لسا عم يلعبلا بشعراتا: رفيقي اخدك وما قدرت اعمل شي وهلق صار لازم ترجعيلي من زمان عم احلم بهاليوم يلي لازم تكوني فيه الي من زمااان وهلق رجعتيلي واخيرا وصرتي هلق بحضني
مسك دقنا ولف وجها لجهتو وهمس بحب صادق: امل انتي الي الي انا وبس

بقيو ع هالحال عدة قايق وهيي ما عم تتجاوب قرب منا وباسا من راسا عدة بوسات بس هيي انكمشت ع حالا شافا كيف عم ترجف بقي مركز وما اتحرك ابدا وما عمل اي خطوة اضافية خلاها ع راحتا ونام لما حس عليا غفيت

بعد ما اتأكدت من نومو وانتظام نفسو وقفت ومسكت ورقة وقلم وكتبتلو كام كلمة وحطت فوقا المحبس .. مشيت ووقفت عند مراية كبيرة بقرب باب البيت وهمست عدة كلمات وطلعت برا البيت وهالمرة اتجهت للبحر كان هايج كتير متلا بالظبط
مشيت ع الرمل عدة ساعات ومافي غير ضو الكشاف واضح بهالمكان القمر غايب بهاليوم
بعد ما مشيت مسافة كبيرة قعدت ع حرف صخرة عالية وهيي عم تتذكر
(( فتحت الباب بعد ما راحت امو لعمر بعدة دقايق وشافت جابر بوجها
امل: شو بدك يا حقير ليش جاي لهون

جابر: انا حقير ولا انتي وهالشخص يلي اتزوجتيه يا خاينة

امل: المرة ليش بتخون زوجا لان زوجا بالاصل مانو رجال وما خرج يحمل مسؤولية

قرب منا وكان بدو يضربا بس هيي سكرت الباب بوجهو: روح انقلع اول مرة بشوف حدا خسيس متلك بتعمل عملتك وبتلزقا بغيرك جبان جبااان وفي كتير كلمات بتعبر عن حالتك بس ما بيطلعو مني لان ما هيك اتربيت ما متل تربايتك يا واطي

وقف عند الباب وصار يقلا: هاد الرجال يلي خنتي جوزك معو هوي يلي اتراهن عليكي .. اتراهنا انا وياه عليكي وبالاخير انا ربحت

واتزوجتك وكانت النهاية هيي فضيحتك بس ليش هيك اتزوجك ما بعرف كان كل شي لعبة لعبة من الاول وحقك انو اشتغل معو بالشركة وكل شي انتها واندفع حقك مصاري

حست برعشة زحفت من ظهرا ومشيت بكل انحاء جسما هيي لعبة !! .. معقول هيي لعبة كانو عم يتسلو فيها !! .. معقول هالشباب شو طايشين كيف اتربو وشو اتعلمو وهمن يتسلو بالبنات واتراهنو عليا ودفعلو حقا كمان !!))

صرخت صوت عالي دوا صداها بكل المكان طالعت كل شي وجع جواتا وبقيت تبكي وقت طويل ما بتتذكر شقد بقيت وهيي ع هالقعدة

*

فتح عيونو وشاف الورقة ع المخدة وفوقا المحبس مسكا ب ايدو وهوي ع يقرا شو كاتبة وعيونو عم تتوسع شوي شوي كل ما قرأ حرف زايد { انت احلى شي صار بحياتي .. وأسوأ شي صار بحياتي .. انت الحلو والمر .. انت البرد والدفا .. انت القريب والصديق والحبيب .. وانت كمان اكثر حدا وقف معي .. واكتشفت انك اكتر حدا اذاني..
انت لعنتي الابدية } " مقتبس "

عرق براسو طق لما قرأ هالكلام شو قصدا!! شو رح تعمل!! شو عمل لتتركو هيك!! كان هادي ورايق معا!!
انتشرو الرجال بكل مكان وخبر الشرطة بس ما لقولا اي اثر حوالين بيتن ابدا
بعد ما سأل الناطور قلو امو اجت وعدة اشخاص ما بيعرفهن كانو طالبين الدكتور وشي طبيعي يدخلهن

جن جنانو لما عرف انو امو اجت لعندا واكيد هيي السبب
دخل ع الفيلا وهوي بكامل عصبيتو وقف قدام الكل وقلن بتحدي: شو حكيتي ل امل لحتى راحت بعرف انو امل راحت بسببك ورح رجعا وبتشوفي والله ما رح دوس هالبيت لترجع امل فهمانة.. فهمانة

وطلع..

التفت ابو عمر ع الام وقلا بلوم: شو عملتي عاجبك هيك ابنك ما عاد بدو يجي لهون

همست وهيي لسا مصدومة: بس انا قلت رح يتركا هوي دائما هيك ما بيرسي ع بنت وحدة وماحبيتا ما بدي اياها رحت حاكيتا ما كنت متوقعة توافق بهالسرعة

ابو عمر: شوفي نهاية عمايلك شو عملت ابنك حاببا ل امل وبدو اياها ليش تفكيرك دائما محدود اففف منك انا رايح شوفو

____________

ء حاجة وشوف رب العالمين كيف رح يستجيب رب العالمين كريم يجيب دعوة الداعي اذا دعاه يلا سلام

بقيت عيونو عليه وهوي عم يبعد وعم يتذكر اخر كلامو قضاء حاجة شو يعني؟؟
رجع التفت ع البحر وشاف الشمس كيف عم تغمر حالا بجوف البحر كأنا ولد صغير ملفوف وبحضن امو وكلام محمود لسا عم يدور براسو معقول ولا مرة هوي دعا ربو اصلا هوي بيعرف شي عن ربو ...!!!!!

كمل رمي كل الحجر يلي بحضنو وحدة ورا وحدة وقف ومشي وركب بسيارتو ورجع ع البيت شاف امو بوجهو واقفة ناطرتو بسيارتا الخاصة تحت البيت اول ما شافتو نزلت ولحقتو ع الشقة
فتح الباب وخلاه مفتوح مشان تدخل بعدو

رما جاكيتو بعد ما شلحو ورما كرافتو وراه وفك اول زرين من قميصو واتمدد ع الكنبة كل هالشي صار ولسا امو ما وصلت
التفت لجهة الباب وسمع صوت تنفسا المتعب وعرف انا وصلت .. وبلشت جريدتا المعتادة

ام عمر: شو هالبيت هاد انتي من ايمات بتترك بيتك يصير هيك .. ل ايمات هالحال اه احكي هيك بدك تبقى عايش مع طيف مرة تركتك والله يعلم مع مين خانتك هيي متعودة تخون لان

من طريقة كزو لسنانو عرفت انو عصب

قالت بقلبا( اي ويعصب هيك بدي شوف ابني عم يروح من بين ايديي واسكت)
رجعت كملت وهيي خيفانة من عصبيتو المعتادة بس ابنا ولازم تاكل همو : يا ماما الله يرضى عليك انا خطبتلك بنت خالتك وفاء واهلا موافقين

وقف وقرب منا ورد بعصبية وهوي شادد ع ايدو: لك كيييييف هيك بتعملي انتي بتعرفي اني ما رح اتزوج حدا غير امل انتي بتعرفي اني ما رح حب حدا غير امل

ام عمر: هههه امل يلي تركتك والله يعلم وينا

عمر: مااااماااااا امل رح ترجع وبفرجيكي كيف رح ترجعلي .. وبنت اختك روحي لاقيلا عريس جديد

ام عمر: لك شو عم تقول البنت قاتلة حالا عليك وهيي موافقة ع كل شي

عمر: انا بعرف وفاء ما بتوافق ع هيك شي هالحكي كلو منك ومن اختك اتركيني بحالي وطلعي

ام عمر: عم تقلعني

عمر: لك امي ليش ما عم تفهمي عليي ليش ما بتحترمي رغبتي انا ما بدي حدا غير امل لو استنيتا العمر كلو

ام عمر: لك امل بتكون لقت واحد مليان اكتر منك وبتكون عايشة معو وانتي عايش ع ذكراها يا غبي انا بعرف هالنوعية من البنات

رجع اتمدد ع الكنبة بملل وقلا : وانا بعرف مين هيي امل

ام عمر: لك هاي امل عم تلعب عليك متل ما لعبت ع جوزا

عمر: امل ما لعبت ع جوزا انا يلي لعبت عليه

ام عمر: كييييف ؟؟

عمر: متل ما سمعتي انا السبب

صفقت ب ايديا وهيي عم تتنهد وتردد: لا حول ولا قوة الا بالله العلي العظيم من هالولد بدو يجنني

عمر: امي روحي جوزي اخي واختي وخليكي مني

طلعت برا البيت وخبطت الباب وراها وهيي ما عم تسدق كلام ابنا

ركز تسطيحتو ع الكنبة ورفع راسو للسقف وهوي عم يتذكر شو صار هداك اليوم....

(( وصل قبل المدعويين ع السهرة .. كان جابر ومرتو مجهزين كل شي
فتحلو جابر الباب ب ابتسامة وهوي عم يقلو: اهلين والله عمووور جاي ع حين

عمر:خدلي طريق بدي احكي معك بشغلة قبل ما يجو الباقيين

جابر: طول بالك فوت .. فوت

دخلو ع صالون البيت وكانت الطاولة المخصصة للعب الشدة متوسطة المكان حواليها كاسات وصحون مشكلة
طالع من جيبة جاكيتو ظرف ابيض ورماه ع الطاولة وقلو بعصبية: انا وثقت فيك وعطيتك كل شي هيك بتعمل فيي لك انا الي اسبوع كامل عم افتل ع الشركات واترجاهن يعطوني فرصة لجبلن بضاعة جديدة بدل يلي غرقت وكمان رحت لعند اهلي وجبت مصاري منن لان ما معي سيولة وبالاخر بيطلع كلو لعبة منك .. كنت جربان ما بتسوى فرنك ساعدتك وقلت رفيقي ولهلق لسا بساعدك رغم يلي عملتو فيي وانتي بتعرف شو هوي وهلق كمان عم تلعب من ورايي .. قلتلي السفينة المحملة بالبضاعة غرقت لكن شو هدول
مد ايدة وفتح الظرف وحط الصور مقابيل وجهو
بلش جابر يتغير لون وجهو وملامحو

عمر: شو لسانك اكلو القط احكي شو كنت عم تعمل عند المينا هاي البضاعة ما نفسا يلي ع اساس غرقت يا خاين

رن جرس الباب مشي جابر بعجل من دون ما يلتفت فتح الباب بسرعة اتغيرت ملامح وجهو ورجع لطبيعتو واستقبل الشباب .. دخلو وقعدو ع كراسيهن وهني عم يحكو ويمزحو متل كل مرة الكل حس ع التوتر الواضح بوجه عمر
وجابر كان مشغول بفت الورق
مسك عمر مجموعة الورق وقلبا ب اصابيعو وابتسم ابتسامة ماكرة
عمر: جابر هالمرة الرهان عليي اذا فزت عليك بدك تنفذ الطلب يلي بطلبو منك

جابر: بس انا...

عمر: انا لازم حدد هالمرة كل شي ولا نسيت!!

كانو عيون رفقاتن عم تتناقل بين التنين وما فهمانين شي
اخد جابر نفس عميق وقلو: موافق
التفت عمر على رفقاتو وقلن: شاهدين
هزو براسن بدون ما يفهمو
لعبو لساعة كاملة وهني يتبارزو والشاطر بدو يربح وبالنهاية ربح عمر كان مقرر يربح .. واذا قرر شي لازم ينفذو
التفت واحد من الشباب وقلو لعمر يلا شو طلبك
من دون ما يلتفت لعندو قلن: اطلعو برا البيت اتفاقي انا وجابر بس
بلش جابر قلبو يدق بسرعة والخوف طغى ع كل المشاعر
وقفو الشباب وطالعن جابر برا البيت ورجع لعندو بعجل وهوي عم يترجاه : شو بدك تعمل خلص بوعدك ما عيدا بوعدك
ع صوت

بجي لهون ما رح يصير شي

طلع عمر ع السلم قعد محمود ع حرف السور وقعد عمر بقربو وهوي عم يطول بالو هالرجال المجنون بدو يطالعو عن طورو لسا
قعدو بقرب بعض واتخبو ورا شجرة سرو كبيرة مرقت ساعة ومافي اي حدا طلع

بلش عم ينفخ وتديق خلقو : لك محمود اذا هالمرة بكون غلط انا رح قلعك من الشغل ترا ها والله صاير متل الشباب المولدنين وراك

محمود قاعد وعيونو مركزة ع البيت: معلم انا متاكد هالمرة وانا ومرتي دعينالك كتير لا تخاف

( دعولي .. شقد قلبك طيب يا محمود )

ورجعت مرقت عد دقايق طويلة لحتى سمعو صوت حركة ولد بقلب البيت طلع من الباب وقعد ع مرجوحة ومعو مرة عم تهزلو

نطق محمود: ها معلم ليكا

وعمر: ولك محمود بدك تفلجني ما شايفا كيف متحجبة امل من دون حجاب

محمود: والله مالي خبرك ما بتعرف انو البنت مسلمة متلك وعادي كتير تتحجب شوف ملامحا هيي نفس يلي بالصورة

عمر: معقول تكون اتحجبت والله ما شايف شي

كانت واقفة وعم تهزلو برقة وكل ما قرب منا تبعتلو بوسة بالهوا كانت لابسة تنورة بيضة طويلة وفوقا كنزة بلون زهر فاتح بشال ابيض فيو خيط بطرفو متدرج الالوان

نزلتو عن المرجوحة وعطتو طابة ودخلت ع البيت
مشيت الطابة مع الريح ووصلت قريب منن والطفل لحق الطابة

نزل عمر واتوجه لعندو ومحمود عم يلحقو ويهديه
محمود: لك معلم لا تفضحنا نحنا ما ع الشط متل المرة الماضي والله بيسجنونا

قرب من الولد ومسكو برقة وهوي عم يقلو : كيفك عمو

بقي عم يتطلع عليه وما فهمان شي
عمر: شو اسمك عمو

-اناااا تنان

عمر: اممم وشو عمرك

- اممم ماما امل

وهوي نطق هالكلمة حس بقشعريرة زحفت بكل جسمو لوصلت ل اطراف ايديه واجريه
عمر: لك محمود امل عم يقول ماما امل

قرب منو وقلو: شو عمرك
مارد عليه قلو محمود: رح حاكي مرتي لنعرف شو عمرو

بقي عمر عم يلاعب الولد لبين ما اتصل محمود بمرتو
محمود: قال افتحلو تمو وعد السنان .. اي في اربع بالنص واربعة ع اليمين واربعة ع اليسار

التفت لعند عمر وقلو قالتلي اذا سنانو مكتملين بكون عمرو بين السنتين وانتي طالع واذا عم يحكي بكون فوق الثلث سنين وطبعا ما كل الولاد متل بعض
وقف عمر وهوي عم يفكر سنتين او ثلاثة معقول يكون ابني؟؟
سمع صوت الولد عم يقلو
- بابا عادل

هلق العصبية طغت ع كل مشاعرو امل وعادل لاااااا شو عم يقول هاد كان مشتهي يفوت ع البيت ويسحب امل من شعرا ويدفن عادل ب ارضو

سحبو محمود ولما شافو الولد بعد ولحق الطابة ورجعو اتخبو ورا الشجرة وعمر تفكيرو ما هون ابدا بس انتفض لما سمع صوت صريخ الولد .. وفجاة طلع رجال من باب الفيلا الكبير وهوي لابس بجامة بيتية حمل الولد وهوي عم يصرخ شافو كيف طلعت نفس المرأة ووقفت قدام الرجال واخدت الولد منو وضمتو وهيي عم تهديه ومنزلي راسا وهداك عم يبهدلا
بلع ريقو عمر وهوي عم يذكر هاللقطة
نده من بين اسنانو: امل اي هاي امل .. محمود هاي امل انا بعرفا هيك بتوقف وهيك بتحني راسا وليك ايدا كمان هاي امل اكييد

قعد بالارض بعد ما حس اجريه رح ينشلو وقعد محمود بقربو ( ايمات اتزوجت وكيف هيك بتتزوج وهيي ع زمتي معقول ما عاد استحت معقول متل ما قالت امي ليش هيك عملت هالشي فيه سجن يا الله يا امل)

بقي محمود بقربو وهوي عم يهديه مشان يرجعو يطلعو ع السور ويتركو المكان قبل ما ينكشفو..
وتمت العملية بنجاح وقدرو يطلعو برا البيت وركبو بالسيارو ومحمود عم يسوق وعمر عقلو الله يعلم وين...

بقي عدة ايام عم يراقب البيت ترك كل اشغالو واعمالو واتفرغ بس ليعرف ليش راحت بعد ما سامحتو ع عملتو هديك شو عمل شي اكبر منو لتتركو!!
وليش قعدت بهالبيت بالذاااااات حتى اخر يوم كان رح ينام حوالين البيت بس محمود اقنعو يروحو لان الناس بلشت تشتلق عليه
وبهاليوم بالذات طلعت كان يوم جمعة واتوقع بهاليوم تطلع مع العيلة يلي هيي معا رغم كل البحث يلي عملو عليا الا انو ما وصل لشي صاحب هالبيت شخص غامض ما بحب اي حدا يتدخل بخصوصياتو رح ينفجر ويعرف شو عم تعمل هون رح ينفجرررر

طلعو بسيارتين امل ومعا الولد بسيارة ومرة كبيرة بالعمر عم تمشي بعكازة ومعا بنت مبينة بعمر امل وركبو بسيارة تانية
مشي وراهن لوصلو ل اقرب مول موجود بهالمنطقة
دخلت الست الكبيرة والبنت ع المول وبقيت امل مع الولد بالحديقة التابعة لهالمكان عم تلعبو بالمرجوعة .. استغل هالفرصة ومشي بسرعة ووقف بقربا وهمس ( امل ) ما التفتت وبقيت عم تهز رجع قرب اكتر وهمس بصوت اعلى ( ااامللل )

التفتت هالمرة وقالتلو ( عفوا عم تحاكيني )

قلبو رجف لما سمع صوتا ديق عيونو وهوي عم يتذكر صوتا المحفور جواتو وهوي عم يفكر وهمس: انتي امل اي انتي امل انا حافظك بصم وهاي ايدك بتشهد ايدك هاي حركيا لشوف

سحبت ايدا منو بصعوبة وهيي عم تقلو: روح احسن ما جبلك البوليس انا ما بعرفك

عصب وشد ع كف ايدو بقوة : لك امل لا تجننيني ليش هيك عم تعملي ما بدك اياني احكي بس ما تنفري مني هيك وبعدين مين هالولد ابني ما هاد ابني ما ومين هالعيلة يلي انتي فيا ومين هالرجال والله اذا اتجوزتيه ل ادفنو ت

الجزء الثامن:
@rwayate
-ربيع: بيساااان ........

كانت عم تنزف بشكل كبير وما عم توعى .... اخدها عالكوخ وجرب كل الطرق .... وهيي لساتا غايبة عن الوعي .....

-ربيع: يلعن حظيييي .........

حملها وطلعها بالسيارة وطلع وساق بطريقة جنونية .... لقدر يوصل على اقرب مستشفى ........

-ربيع: الله يوفقكن سااعدونااااا .... مرتي وقعت وغابت عن الوعي .... عم تنزف .....

كان حاملها وعم يركض .... والدم عم ينقط وراه .... جابو الحمالة واخدوها فورا ...... ومجرد ما وصلو ع غرفة العمليات .... وقفو ربيع ......

-ما فيك تفوت .....

وقف قدام الباب وهوي عم يلهث .... تيابو وايديه دم .... واترددت بذاكرتو جملة وحدة ......

"وتأكد انو اذا بيسان بتتأذى شعرا وحدة منا ..... ما رح يكون اخر يوم الك .... بالعكس رح يبدا اول نهار عذاب الك .... وصدقني مش رح ارحمك .... رح خليك عبرة لكل الناس .... لانك حشرة .... ما عندي شي اخسرو ....... وقد اعذر من انذر ......"

طلع من صفنتو .... وراح ليغسل ايديه ..... اطلع بحالو عالمراية وهوي عم يحكي بقلبو .....

-ربيع: غبي ..... غبي .... يمكن ابتديت احلم بالاعالي .... كان لازم بس انهي بارو .... مش اخدا .... بس شكلي طمعت ببارو وببيسان بذات الوقت ... لك انا كيف عملت هيك ... كيف ما حسبتا صح ....

كانت الخطة بس انو يعرف خطوات ليث ورواد ببارو ليسبقن بخطوة ويمول مشروعو الخاص ... ووقتا بكون كسب المعركة اللي طلبا منو الريس الكبير .... بس كان غبي لما قرر يتفصحن ويخلص الموضوع من دون رجال .... بأسرع وقت ممكن ... بدون ما يحسبا صح ........ هالشي اللي عملو كان في الريس يعملو بدون طلب منو .... بس ما عملو كرمال يشتغل عالنضيف من دون ما طالو العدالة ...... بس كل شي تخربط بتهور ربيع اللي اخدو من قرارة نفسو .....

راح ربيع نطر قدام الباب ...... صار يضهر كذا حدا من جوا .... يسألن عن وضعا وما حدا يرد ....... لحد ما مرقت ممرضة بالصدفة حدو .......

-ربيع: رجاءاا فوتي شوفيلي الوضع وطمنيني .... رح جن ... ما حدا عم يقللي شي ..... مرتي عم تنزف ....

تعاطفت الممرضة معو وفاتت ع غرفة العمليات ..... دقيقتين وضهرت وهيي نص واعية .......

-الممرضة: قلتلي هاي مرتك ؟ ....

-ربيع: اي مرتي بيسان .... طمنيني كيف وضعا .........

بلعت ريقا ... وتأكدت شكوكا بهاللحظة .... متل اللي كانت عم تنفي هالشي ... او عم تقتنع بمقولة بيخلق من الشبه اربعين .... او حتى عم تقنع حالا انو هيي ومغمضة عيونا ما رح تنعرف مين ..... ركزت بملامح ربيع .... لتشوف اذا فيهن الاطمئنان ... او الخبثنة ....

-الممرضة: وضعا خطر ..... نزفت دم كتير .. وحاليا عم ينقلولا دم ........

-ربيع: بدا دم ؟؟؟؟ ....

-الممرضة: في عنا وحدات ... واذا حسو انها ما رح تكفي اكيد ح يعلموك ... انا ما بقى فيي فوت ....... (برمت لتفل ورجعت اتذكرت شي) .... اه صحيح وللأسف مرتك خسرت الجنين .....

-ربيع: ليش هيي حامل !!! .......

-الممرضة: اه ما بتعرف .... شكلا بعد ما خبرتك لانو بأولو ........

تركتو عم ينهار ...... وفلت .... نزلت عالطابق التحتاني وحملت تلفونا ...... ودقت رقم .........
_________________________________________

-ليث: روااااد .... عم يدق تلفونك ......

-رواد: يلا جايي ......

اجا رواد وشاف المتصل .... تأفف وعملو صامت ......

-ليث: ليه ما رديت .....

-رواد: هاي هنادي .... مش وقتا ......

فصل ودق مرة تانية ......

-ليث: بعدك عم تتواصل معا ......

-رواد: لا ... هاي اول مرة بتدق بعد العرس .....

-ليث: بلكي صاير شي ..... رد .......

-رواد: يعني شو بدو يصير .... لازم فكر بحل لبيسان حاليا .......... لقيت حل رح يحل كل شي بس انطر لتكتكو عالمزبوط ومنبدا بالخطة ........

فصل ودق التالتة ......

-ليث: لك رد شكلو ضروري ......

رد رواد وهوي عم يتأفف .....

-رواد: اهلين هنادي .......

-هنادي: رواد مرتك وين ؟؟ ....

-رواد: كيف يعني مرتي وين .......

-هنادي: جاوب ع اد السؤال ......

-رواد: احكي .... شفتييهااااا ؟؟؟؟؟ .... بتعرفي وينااااااا ؟؟؟؟؟ ....

-هنادي: معناتا هيي ...... هيي عنا بالمستشفى ... جابا واحد هم يدّعي انها مرتو ..... وللأسف ب ........

توت توت توت .........

-ليث: شو فيي بتعرف وينااااا .....

-رواد: عالسريع ليث قووووم ....... هيي بالمستشفى ......

-ليث: شوووووو .....

طلعو بالسيارة بخوف .... وصار يسوق رواد بطريقة جنونية ...........

-رواد: رح ادبحو للواطي ... شو عامللهااا .... رح ادبحووو ...... رح ادبحوووووووو .......

كان عم يضرب الدركسيون بقوة ..... ووجو احمر متل الدم ..... شرايين جبينو بارزة ........ وليث عم يراقبو ..... عم يراقب تصرفاتو وعصبيتو وخوفو ........... رجع حمل رواد تلفونو وعمل اتصال سريع لهنادي .....
__________________________________________

زة اكتر من المتوقع ... والأحسن انو ما جاب سيرة سوزان خلال هالليلة أبداً ...

الصبح بكير ... وعيت نور لبست وراحت مشوار ورجعت قبل ما يوعى مازن ويجن ... رتبت كل شي وراحت على غرفة النوم حتى توعّي مازن ... كان نايم نوم عميق ... نامت جنبه و صارت تتأملو ... قلبها كان عم يبكي ... كانت عم تقول جواتها ( معقول نرجع نور ومازن متل زمان ؟؟؟؟ ) ... غدرتا دمعة من عيونا ونزلت على وجّ مازن ... وعي بكسل وكإنه إلو سنين مش نايم ....

مازن (بصوت مبحوح): أدي صارت الساعة ؟؟؟

نور : عشرة ... يلا قوم الفطور جاهز ...

ما رد عليها ... قام من تخته عالحمام هو وعم يفكر ... وهيي راحت عالمطبخ ...... ضهر من الحمام بعد دقايق وراح عالمطبخ ... بطريقو مر من الصالون وجمد مكانو ..... لقا صورة كبيرة محتلة الحيط ... فيها بنت عشرينية وعلى طرف الصورة خط أسود بدل انو صاحبة الصورة من المتوفّين ...... اجت نور من المطبخ ....

نور : شو حبيبي ؟ ليه وقفت عندك ؟ يلا تعا ناكل ... ما جعت ؟؟؟

بقي ساكت عم يتأمل الصورة .... حط إيده على راسه كإنه دايخ ... وقعد عالكنباية حدو وهوي صافن بالصورة ....... قربت منو وهيي عم تدعي ربها انو يتذكر اي شي ..... كان لازم تخطي هيك خطوة بعد ما موندا سحبت كل الصور وكل شي بذكرو بسوزان ....
شد ع مقبض ايدو وهيي عم تراقبو ..... صار راسو يوجعو بقوة ... والذكريات عم تتجسد قدامو بوضوح ..... لحظة اللي شاف البنت اللي بالصورة بأحضان غريب وسحب ابنو وهيي تترجاه يسمعا ..... اتذكرها بوجها السام وهيي تبهدلو وتعمل مشاكل طول الوقت بالبيت ... وهوي يهرب من صوتا العالي .... اتذكر تفاصيل كتير كانت تمرق قدامو بغباشة ...... وهلأ واضحة وضوح الشمس .....
غمض عيونو وكز عليهن وحرك راسو بقوة ليطلع هالمعانات ....... فتحن ولسا راسو في مين عم ينخر فيه من جوا ...... لقا ايد نور بوجو وحاملة حبة دوا وكاسة مي ..... دفشلا ايدا ووقعت الكاسة مين ايدا ميت قطعة .......

-مازن(بصراخ): بعدي يااا خااااينة ......

كان لسا قاعد ... بس مجرد ما شافا قدامو عقد حواجبو ..... للحظة قبل ما يشوف وجها فكرها سوزان ...... وقف ....

-مازن: اسف .... فكرتك حدا تاني ......

تركها ومشي ع غرفتو .... قفل الباب ..... وهيي قعدت عالكنباية مبتسمة ..... كان انجاز منيح .... اتأكدت انو اللي كان عم بمر بخيالو هوي سوزان ... لانو تصرفاتو بدل ع هيك ..... معناتا هلأ ما عاد يشوفا سوزان .... صار لازم يشوفا نور ... بس كيف ؟؟ .....

-نور: رح يتذكرني .... انا متأكدة ........
_____________________________

قعد عالتخت وهوي عم يفكر ...... حس حالو للحظة انو رجع لكل الماضي .... حس انو رجع نظيف وكلو صار واضح عندو ..... هوي عم يتذكر كل شي وكل التفاصيل وكل الوجوه ....... باستثناء شخص واحد .... نور ...... وقف لما اتذكر انو لساتا محاوطة بعلامات استفهام .... وقف قدام المراية ..... وضربها من كل عزمو ..... وصار يراقب حالو ببقاياها المكسرة ... لحد ما لمح وج بسيط واختفى من جديد .... لساتو مشوش ..... ومشتت ........

دقت عليه بقوة عم تصرخلو ....

-نور: مازن افتحلي ... شو عم يصير .....

فتحلا الباب بهدوء ... ورجع قعد عالتخت .... حست بآلامو من خلال كمية الهموم بعيونو ..... راقبت بقايا ازاز وغرفة مبعثرة .....

-نور: هالقد بتحبا ؟ ...

-مازن: كتيييير .....

قربت وقعدت حدو ... وتمتمت "احكيلي عنا" .....

-مازن: بحبا ع اد ما القمر بحب الليل وع اد ما اللحن بحب الوتر .... بحبا حب ما الو مثيل ... لا لا اعظم من هيك ..... هيي الدفا والامان .... هيي الألم وهيي الدوا ... اذا قررت اكتب عنا بضيع الحرف وبيعجز القلم ....... هيي سراج العتمة اللي بغار من بريقا النجم ... هيي سيمفونية العصافير وما احلاها من معزوفة بيحسدا النغم ... هيي كل افراحي ......

نظرات عيونا فضحت السعادة اللي حست فيها بهالوصف ... صفنت شوي وارجعت اندفعت للكلام .....

-نور: هيي بتحبك اضعاف حبك الها .... وعم تتألم اكتر منك ..... لانك مش متذكر ملامحا ....

-مازن: عالاقل هيي عم تشوفني بكل تفاصيلي .... هيي حدي ... بس انا ما عم شوفا ... ومحروم منا ومن حنانا .....

-نور: يعني مصدق انو هيي انا ؟؟ ....

وقف وما رد .... وفتح الخزانة واخد تياب ....

-مازن: رايح عند اهلي .... دقتلي امي مبارح وقالتلي اجي بس اقدر .. امير مدري شو اشبو ... ومكمل عالشركة ما تنطريني عالغدا .....

-نور: وانا بدي روح شوف اهلي .....

انفعل فجأة وطلعت منو "لاااااا" .... رجع عدل حالو وحكا بهدوء ....

-مازن: قصدي بكرا انا وياكي منروح .....

لبس وضهر وهيي ساكتة .... كانت عم تتذكر كلماتو ووصفو ... وعم تتأمل انو قريبا يتذكر كل شي ...... بس فجأة فتحت عيونا ع وسعن .... وصرخت ...

-نور: قال سيمفونية ... قال لحن ..... قال معزوووفة ...... قال بريق ..... انا كيف ما انتبهت ..... هه ... هه .... مازن رح يرجعلي ..... كيف كنت ناس