#أمل_حياتي
#بقلم_أمل_الحياة
#الجزء_الثاني

( طلعت مرح من العملية وحكت شوي مع الدكتورة واطمنت على صحتها ... بعدين رجعت مع حنان عالبيت ... )
مرح بتعب : تفضلي شربي قهوة ...
حنان : صحة وهنا ان شاء الله ... ادخلي انتي ارتاحي ... وانا بكرة بجي بطمن عليكي ...
مرح : الله يعطيكي الف عافية ... عزبتك معي اليوم ...
حنان : ولو هاد واجبي ... وانتي متل اختي ...
مرح : واعز ان شاء الله ...
حنان : يلا سلام ... بشوفك بكرة ...
مرح : سلام ...
( دخلت مرح عالبيت بتعب ... ونادت ل بنتها لمار ... )
مرح : لمااار ... يا لماااار
لمار بسرعة : نعم ماما ...
مرح : عزبوكي إخواتك بغيابي ؟!
لمار : اي جننوني والله ... الحمد لله عسلامتك ماما ...
مرح : الله يسلمك يارب ... انا داخلة على غرفتي ارتاح ... انتبهي على خواتك ...
لمار : ماشي ماما ... صحيح انسيت احكيلك ... اتصلت جارتنا ام وليد ...
مرح بتساؤل : شو بدها هي كمان ؟!..
لمار : قال بكرة الجيران بدهم يجو يطمنو عليكي ...
مرح : ماشي ...
( دخلت مرح على غرفتها مشان تنام شوي وترتاح ... بعد شوي اجا نزار من الشغل ... ودخل عالبيت معصب ومتدايق ... )
نزار بعصبية : مراااح ... لمااار ....
لمار بخوف : نعم بابا ...
نزار : وين امك ؟!...
لمار : هي بغرفتها نايمة ... لانو اجت من المشفى تعبانة ...
نزار : يعني عملت اللي براسها ... الله يسامحك يا مرح ...
( دخل نزار عند مرح وصار قتال بينهم ... وطلعو صواتهم لبرى الغرفة ... )
نزار : لك حرام عليكي ... كيف قلبك طاوعك تموتي الجنين ... لك هاد روح ورح تتحاسبي عن هالشي ...
مرح : بعرف هالشي ... بس بناتك جننوني ... وانا مو ناقصني جنان ... واخدت اذنك قبل ماروح ... وانت بلسانك قلتلي عملي اللي بريحك ...
نزار بعصبية وصياح : صحيح انا قلت هالشي ... بس ماكان اللي خبر انك قاسية لهالدرجة ...
مرح بصياح : يعني فهمني ليش معصب ... خلص اللي صار صار ... والموضوع انتهى ...
نزار : الله يسامحك بس ... مابقول غير الله يسامحك ...

تاني يوم الظهر ...
( كانو الجيران كلهم مجموعين عند مرح وعم يطمنو على صحتها بعد العملية ... )
إم وليد : الحمد لله على سلامتك ... صدقيني وقت عرفت اللي صار ماطاوعني قلبي مااجي وزورك ...
مرح بهمس : قصدك ماحبيتي يروح شي عليكي ...
إم وليد بتساؤل : نعم ؟!...
مرح بإبتسامة مزيفة : عم قول ماشاء الله عليكي موجبة وبنت ناس ... ميت السلامة نورتي ...
إم حسن : الحمد لله على سلامتك يا ام محمد
"" ملاحظة : مرح بتكون إم محمد بس ماحدى بناديلها ام محمد . الكل بيعرفها مرح ""
مرح : الله يسلمك يا ام حسن ...
إم وليد : مبارحة كانت بنتي عند الدكتورة ... وقالتلها الدكتورة انو عالاغلب معها صبي ... عقبال عند كل مشتهية ...
حنان : امين يارب ... الله يهنيها يارب ... بس مو مهم صبي او بنت ... صدقيني الخلقة الشريفة بتسوى الدنيا ...
إم حسن : اي والله ياحنان معك حق ... اهم شي الولد الصالح ... والخلقة الحسنة ...
( عرفت مرح انو كلام ام وليد موجه إلها ... وحست بشي من الندم لأنها نزلت الجنين ... )

عند لمار وخواتها بالمطبخ ...
لمار : يييي ياسارة ... حزري شو !..
سارة بإستغراب : خير اختي شو في ؟!....
لمار بتوتر : قالتلي الماما اعمل شاي ... بس المشكلة الشاي خالص عنا ... وانا هلق حتى انتبهت ...
سارة بعد تفكير : مو مشكلة ... رح ابعت مروة مشان تقول للماما ...
لمار : تمام ... مافي غير هالحل ... مروووة ... يامروووة ...
مروة وهي تركد : نعم اختي ...
لمار : روحي لعند ماما ... قعدي جنبها وقليلها بدانها ... انو مو بقيان عنا شاي ...
مروة ببراءة : ماشي ...
لمار بتنبيه : بدانها لاتنسي ... عيب لانو عنا ضيوف ...
مروة : طيب ماشي بدانها ...
دخلت مروة عالغرفة وقعدت جنب امها وقالتلها...
مروة بطفولة : ماما ... ياماما ...
مرح بعصبية : شو بدك ؟!...
مروة بصوت عالي : قال بتقلك لمار بدانك ... بدانك ... قال مو بقيان عنا شاي .....
الكل : ههههههههههه
( فرطو الكل من الضحك ... ومرح صار وجهها أحمر من الخجل ... حست حنان بموقف مرح وخجلها وراحت على بيتها وجابتلهم شاي ... كملو الجيران زيارتهم متل العادة ... وبعدها راحو على بيوتهم ... )

بعد فترة من الزمن ...
حنان : لك مرح شو صايرلك ... كل يوم صواتك انتي وزوجك واصل لعنا ...
مرح بحزن : لك شو اعمل ... نزار صرلو شهرين على هالحالة ... بيجي معصب وبروح معصب ... من وقت نزلت الجنين انقلب قلب ... والله خلاني اتندم عالشي اللي عملتو ...
حنان : ومع هالشي عم تنصحي ... يعني بالعكس ... لازم تنحفي على هالقهر اللي عم تاكليه ...
مرح : لك والله خايفة يكون معي مرض ... بهالشهرين جسمي كتير متغير ... عم عصب على اتفه الأشياء ...
وماعم حب حدى ... وكل يومين تلاتة عم امرض واتعب ... وصار في كتير تغييرات بجسمي ... لك حتى شوفي بطني كيف كبران ...
حنان : طيب والله امرك غريب ... روحي عالدكتورة اطمني على وضعك ... احسن ماتتأ