#داء_وَ_دواء
#الحلقة_الرابعة
#ياسمينة .
..
..
..
#طلع يمان ووقفت فتون ع المراية تزبط شعرها وفجأة سمعت صوت رصاصة ركضت وفتحت الباب شافت يمان واقف وبايدو المسدس وكان عم يتطلع ع الارض .. تطلعت هيي لقت في واحد ميت ع الارض صرخت وركضت لعندو
- يمان : تركيه وقومي
- فتون : كيف بدي قوم
- يمان : اكيد رح يجو لهون .. هلأ بيقتلونا
- فتون : بس لسه في نفس ممكن اساعدو
- يمان : فتون عم قلك رح يجو لهون قومي بسرعة
#كانت فتون عيونها ع الشب وبدا تساعدو مسكها يمان من ايدها وشدهااا
- يمان : لازم نمشي
- فتون : بس ..
#ركض يمان بالغابة وكان ماسك ايد فتون .. اما فتون فكانت عيونها لورا لسه وعقلها عندو وبدا تساعدوو .. بعد شوي سمعو صوت رصاص
- يمان : قلتلك رح يجو ولو كنا هنيك كنا هلأ متنا
- فتون : طب ممكن نستريح شوي انا تعبت ..
- يمان : رح نوصل تحملي شوي
#ضلو يركضو لحتى وصلو للطريق
- يمان : تعالي هي وصلنا عند السيارة
#قربو ع السيارة لقوهن مخربين الدواليب
- يمان : الله يلعنكم
- فتون : وهلأ شووو ؟؟ اكيد جاين ورانا
- يمان : مافينا نعمل شي غير انو نركض
- فتون : بس اذا لحقونا ح يقتلونا فورا هالطريق لا فيه سير ولا فيه دنيا
- يمان : ح ندخل بالقسم التاني من الغابة .. طريق مختصر لبيتنا
- فتون : يعني لفيت ودرت ورجعت لعنكن
- يمان : شو بدك تعملي نصيبك هيك
#فاتو بالجهة التانية من الغابة وبلشو يركضو لحتى وصلو للبيت .
- يمان : هنن وراي ع الاغلب تصرفوا
- حاضر معلم
#تفركشت فتون ووقعت
- فتون : اااخخ رجليي
- يمان : انتي منيحة ؟
- فتون : ع الاغلب التواء
- يمان : تمام شوي شوي
- فتون ؛ مو قادرة وقف عليهاا
- يمان : خلص اهدي ..
#حملها يمان ومشي .. دخلو ع البيت كان الكل قاعد وفات وهو حاملها وحطها ع الكنباية
- يمان : جيبي شي قطعة متلجة لهون
- فتون : انا منيحة
- جليلة : شو صار
- يمان : التوت رجلها ووقعت
#نور كانت واقفة وساكتة .. شايفة كيف عم يهتم فيها .. اول مرة بتشوف يمان هيك كتير انقهرت وتذكرت يلي حكاه يوسف مبارحة

#الليلة_الماضية ..
- يوسف : عم فكر بشي يمكن يساعد لتعرفي اذا كنتي بتحبيه او حتى اذا كان هو بحبك
- نور : شو هو ؟
- يوسف : تتزوجيني ؟
- نور : شوو
- يوسف : منعلن خطبتنا وبوقتا يا بيرجعلك يمان يا اما بتلاقي حالك عايشة كتير منيح بلاه
- نور : يوسف انت عم تحكي جد ؟
- يوسف : اكتر مرة بكون فيها جدي .. فكري نور

#الحاضر
- يمان : صرتي احسن ؟
- فتون : ايي
#كانت جو العيلة متوتر من يلي عم يصير ومن انو عدوهن مو شايف قداموو ونور بس واقفة وعم تتذكر حكي مبارحة .. عم ينعاد ببالها
- نور : يمكن هالحكي ما وقتو بس ..
#التفت الكل عليها
- جليلة : بس شو بنتي ؟ شو صاير ؟
- نور : يعني الشي يلي بدي خبركم ياه انو ..
- انوووو ؟
#مشت نور باتجاه يوسف ومدت ايدها ومسكت ايدو
- نور : نحن قررنا نخطب
#الكل انصدم واستغرب وحتى يوسف كان مصدوم
- جليلة : شو هالحكي يلي عم اسمعو
- يوسف : صح انا مبارحة حكيت مع نور وقررنا نخطب
# الكل مصدوم مو عرفانين يفرحو ولا ينزعجو من تصرفن .. معروف نور ليمان كيف هيك بقررو يخطبو
- هاد الشي ممنوع بعيلتنا نحن كبار العيلة وقررنا نور ليمان ب اي حق بدكن تخطبو هلأ وما فكرتو بيمان
- يمان : انا ما عندي مشكلة
#تطلعت نور فيه وهي مصدومة توقعت يقول لا توقعت يركض ويبعدهم عن بعض ويقلها انتي الي
- يمان : يعني يوسف احسن مني بالف مرة ونور بتستاهل تتزوج حدا يحميها ويحبها ويصونها
- جليلة : بس نور انتي ...
- نور : كنت
#تطلعت بيمان وضحكت
- نور : انا ويمان ما النا نصيب مع بعض
#بعدها متأملة يمنعها ويقلا لا بس يمان رجع لعند فتون
- يمان : كيف صرتي
- فتون : احسن
#كل العيلة قعدت تباركلن وتهنيهن وقعدوا يحددو موعد الخطبة ونور عم تبتسم وتحاول تمنع حالها من البكي
- نور : عن اذنكم شوي
- جليلة : لوين بنتي
- نور : بدي ارتاح شوي بغرفتي
- الهام : تركيها خجلت عروستنا من حكينا
- نور : ستييي
- الهام : حكي غلط
#طلعت نور بدون ما ترد وقامت فتون وراها
الكل كان عم يخطط اما يمان ويوسف فكانو بالمكتب عم يفكرو بطريقة ليخلصو من عدوهن .
راحت فتون لعند نور وفتحت الباب كانت عم تبكي
- نور : مين سمحلك تفوتي كيف بتفوتي اصلا بدون ما تدقي الباب انقلعي انقلعي برا
- فتون : ليش هيك عملتي
- نور : شو عملت هاد الناقص تجي تحاسبيني
- فتون : انا ما عم حاسبك بس حابة قلك لا تعملي هيك شي .. لا تربطي حياتك بشخص ما بتحبيه
- نور : مين قال ما بحبو
- فتون : نور انتي يلي بيتطلع بعيونك بشوف يمان هلأ صرتي تحبي يوسف
- نور : لك انتي شو دخلك

#داء_وَ_دواء
#الحلقة_الثامنة
#ياسمينة ..
..
..
..
#فتون :
دخلنا ع الصالون هو وعم يجرني من ايدي كانت قاعدة جليلة وابي وتنين شكلن من الحراس وشيخ .. تطلعت بيمان ناطرة انو يشرحليي
- يمان ؛ رح نكتب الكتاب هلأ بس ما رح نعلن شي للعالم
#حركت راسي بمعنى لا .. قرب مني وهمسلي
- يمان : شايفة هدول التنين يلي جاين يشهدو ع زواجك بخليهن يشهدو ع موت ابوكي فاهمة ؟
#اخدت نفس وغمضت عيوني ما بدي ابكي.. ما بدي دموعي ينزلو
- فتون : تمام
#انكتب الكتاب وراح الشيخ قامت لعندي جليلة وضمتني
- جليلة : الف مبروك بنتي تتهنو .. صح ما عملتلك خطبة بس رح اعملك عرس خلي كل العالم تقول نيالها
- فتون : مو مشكلة
#حط ابي ايدو ع كتفي عم بطمني ابتسمت بوجهو ورجعنا اطلعنا لبرا ع الحديقة بس كنت باردة حاسة حالي عايشة خيبة امل مو طبيعية ليش !! ما لحقت افرح انو التغى العرس اجى وكتب الكتاب متل كأنو عم بقلي لا تفرحي ..انسي كلمة فرح وانا موجود ..
#خلصت الحفلة وبلشت العالم تروح واحد ورا واحد
دخل الكل ع الصالون وقبل ماادخل انا وقفني صوتو
- آدم : فتووون
- فتون : نعم
- ادم: تطلعي نشم شوية هوا
- فتون : انا..
- ادم: ما قصدي احرجك ابدا بس انا شفتك متدايقة قلت بخليكي تغيري جو
- يمان : انا يلي بدي غيرلك جو
#كان واقف قريب منا ..قرب لعنا وحط ايدو ع كتف ادم والغضب بعيونو
- يمان : انت تعا معي .. فتون انتي ادخلي لجوا
#ما نطرني حتى لجاوب ومشي هو وادم بس انا اقعد عاقلة لا والله لحقتن بسرعة كانو واقفين ورا البيت اول مرة بشوف هالمنطقة مافي اي شباك او برندة بالبيت بطل لهون
- ادم: شو في يمان
#قرب يمان ومسكو من قبة قميصو وضربو . رجع ادم لورا وحط ايدو ع الدم اللي نزل من انفو
- يمان : ع فتون ما عاد تقرب عم تفهم
#رجع ادم وردلو الضربة ع فكو
- ادم : ليش لتكون بتخصك
#بزق يمان الدم من تمو وفشكلو ل ادم وقع بالارض .. نزل لعندو وحط ايديه التنتين ع رقبتو عم يخنقو
- يمان : بتخصني وكتير
#كان عم يحاول ادم انو يفك ايدين يمان بس ما عم يقدر .. ما قدرت ضل واقفة واتفرج كيف عم يموت بين ايديه
- فتون : يمااان
#التفت يمان لعندي واخدو ادم ع غفلة ودفشو وقام عم يحاول يرد النفس
- يمان : انا ما قلتلك فوتي ع البيت
#ضربو ادم ووقعو بالارض
- فتون: يمااان
#قام يمان وردلو الضربة ورجع ادم ردلو ياها وانا واقفة محدا فيهم برد عليي .. بقيو هيك لحتى شوهو بعض .. قعد ادم ع الارض عم يلقط انفاسو بصعوبة
- ادم: اوووه بتعرف انو من زمان ما تقاتلت مع حدا هيك عنجد فادتني
- يمان : ايمت ما بدك تعا اهلا وسهلا
- فتون : لا انتو اكيد مريضين نفسيا
- يوسف : لسه الخير لقدام رح تشوفي شغلات كتيرة من هدول التنين
#تركتن ومشيت ودخلت ع البيت
- جليلة: هاا بنتي خليتن يجهزولك غرفة فوق جنب غرفة نور
- فتون : تمام
#دخلو يوسف ويمان وادم
- جليلة : انتو شو صاير معكم
- يمان : ولا شي امي
- جليلة: كيف ولا شي لك ابني ووجوهكم هي يلي ما بتتفسر
- ادم: تسلينا شوي
#طلعت ع غرفتي وتركتن تحت.. دقايق وسمعت صوتن طالعين ع الدرج ضليت رايحة جاي بالغرفة وانا متحرقصة بعدين ماعاد اتحمل نزلت لتحت اخدت علبة الاسعافات الاولية وطلعت دقيت الباب ع غرفة يمان ما رد ..فتحت الباب كان نايم متل عادتو شالح الكنزة وحاطت ايديه تحت راسو قربت لعندو اتأمل فيه كانت الجروح كتيرة ع وجهو
- يمان : مو ناوية تحكي شي
- فتون : ككيف
#تجلس وتطلع فيني
- يمان : اكيد مو جاي لهون لحتى تتصفني فيني
- فتون : ابدا .. جاي عقملك جروحك
- يمان: مافي داعي فيكي تطلعي
#قعدت ع طرف التخت وطالعت المعقم وبلشت عقملو وهو ساكت وعم يتطلع فيني بس
- فتون : شو في
- يمان : شو في
- فتون : ليش عم تطلع فيني هيك
- يمان : انا عم بتطلع فيكي
- فتون : لكا اانا
- يمان : ليش لاتطلع فيكي شايفة حالك حلوة
#سكرت علبة الاسعافات الاولية وبكل ثقة حكيت
- فتون : حلوة.. وكتير
#ضحك ع جنب واخد علبة الاسعافات مني ورماها ع الارض ودفشني ع التخت وقلب حالو فوقي
- يمان : ابدا مو حلوة
- فتون : يماا..ن
- يمان : امم
- فتون : شو عم تعمل..
- يمان: عم اخد حقوقي
#حاولت ادفشو بايدي بس عبث
- يمان : برأي لا تقاومي
- فتون : اللي عم تحكيه تخبيص ما الك حقوق عندي
- يمان : ولوو نسيتي كيف انكتب كتابنا من شوي
- فتون : لا بس شكلك نسيت كيف كنت مجبورة ع هالشي
#حط ايدو ع رقبتها وبلش يشد شوي شوي وبلشت تختنق
- يمان : اوعك الشي اللي صار بالحديقة ينعااد
- فتون : يم..اان..
#جرحني باضافيرو بعدين قام
- يمان : هي عقوبة انك رقصتي اليوم مع ادم اوعك تفكري تعيدي هيك شي
#رجع تسطح ع التخت وهي قامت تركض ع المراية

- ادم : والله برأي تاخدي القرآن معك وتقرأيه ع الطريق كامل
- فتون : انتهيتي فتون انتهيتي والله اليوم ليدفني بحديقة البيت
- ادم : ششش روقي ما عرف شي كنت عم بمزح معك ما توقعت لهدرجة بتخافي منو
- فتون : انا ما بخاف منو
- ادم : واضح من ملامحك
- فتون : ادم شكلي انا يلي رح ابتلى فيك وادفنك تحت مكتبي
- ادم : تمام سكتت ما عاد احكي شي
_____
#قاعدين كلنا بالصالون ما حكى معي ولا كلمة وحتى انا ما بادرت وحكيت .. قاعدة وعم فكر بالمصيبة يلي رح تحل ع راسي بعد ساعة او يمكن اقل ..
دخلت فجأة بنت عم يحاولو يوقفوها الحراس
- يا خانم لو سمحتي
- جليلة : ريمم !
#كلنا وقفنا ومستنفرين .. تطلع الحارس بيمان
- بعتذر يا بيك ما قدرت امنعها
- يمان : تمام مو مشكلة
#قربت لعنا وهي عم تصفق
- ريم : اوووووه يمان بيكك في تطورات كتير بحياتك انا ما الي خبر فيها
- يمان: ريممم
- ريم : مثلا قبل ما نبلش خليني باركلك ع خطوبتك اللي ما حدا بيعرف فيها .. لحد الان يعني
- يمان : عم تهددي يعني
- ريم : ابداا .. لا هلأ ولا من قبل ولا يوم تجرأت وهددتك لانو بعرف مصيري شو ح يكون ولا مرةةة فكرت حتى مجرد تفكير قلل من قيمتك بس انت .. انت شو عملت .. انت تركت كل حبي واهتمامي الك ورحت تزوجت من وحدة ما صرلك بتعرفا يوميننننن وحد..
- يمان : ريممممم .. اوعك
- يوسف : يمان برأي تحل الموضوع برا بينك وبينها
- نور : حدا يفهمني شو الموضوع .. ريم انتي عن شو عم تحكي
- فتون : اوووه كنت مفكرة حالي الوحيدة يلي متل الاطرش بالزفة
- ريم : خليني عرفكن لكااا .. ريم العشيقة السرية ليماان بيك .. بير اسرارو .. المكان اللي بيلجأ الو كل ما ينزعج ..
- نور : يما..ن هي شو عم تحكيي
- ريم : معك حق تنصدمي بس صدقيني انا موجودة معو من قبل ما تكوني انتي معو
#يمان كان ساكت ومغمض عيونو وشادد ع قبضة ايدو
- يمان : امشي قدامي
- فتون : ترا من حقنا نفهم الموضوع فيكن تحكو قدامنا
- ريم : انتي بالذات بتسكري تمككك
#هجمت ريم ع فتون ومسكتها من شعرهاا .. تدخل يمان بينهن وبعدهن . ضربها كف لريم وقعت بالارض
- يمان : تجاوزتي حدك كتير
#قرب ادم وحط ايدو ع كتف يمان
- ادم : برأي انت انشغل بفتون ونور وانا رح اهرب قصدي رح انشغل بريم
#مسك ادم ريم وطلع من البيت وراح ع المزرعة القاعدة فيها.. اما بالبيت فكان واقف وقبالو فتون ونور اللي ناطرين تفسير
- يمان : خيرررر
- فتون : ولا شي سلامتك يمان بيك بس يا ريت تاني مرة لما بدك تعملنا مفاجأة بترفعلنا الضغط تخبرنا لنهيئ نفسنا.. تصبحو ع خير
- يوسف: لحظة فتون
- فتون ؛ خير يوسف.. خير
- يوسف : انهولي موضوع ريم .. موضوع سخيف وتافه وتعالو معي ع المكتب في موضوع اهم.. او بمعنى اصح مصيبة اهم
- فتون : ما فينا نأجلها ؟ ترا والله اتلقيت صدمات ومشاكل وشغلات لا تعد ولا تحصى
- يمان ؛ بحب بشرك هي البداية بس
#دخلنا كلنا ع المكتب كنت عم حاول قد ما فيني ضل طبيعية وما بينلن دقات قلبي يلي عم تنبض الف بالثانية .. بعرف والله بعرف كل كلمة رح يحكوها بعرف كل شي رح عيشو بس معلش مستحيل اسمحلن يأذو اخي مستحيل .. اهدي فتون انتي ما عملتي شي اهدي .. اهدي .
افكاري فورا تلاشت اول ما حكا يوسف
- يوسف : امجد
- يمان : مات
- يوسف : هرب
- يمان : شووو
- نور : كيف ! مو قلتلي مكسر تكسير
#ضرب يمان ايديه ع الطاولة
- يمان : هالندللل رح لاقيه رح لاقيه ووقتا خليني شوف كيف رح يهرب مني
#يمان ونور توترو بس يوسف كان واقف وعيونو ما نشالت عني .. وانا بقيت ساكتة وعم بتطلع فيه ابدا ما بعدت عيوني
- يوسف : فتون ما عطيتي رأيك معقول بتعرفي بالموضوع
- فتون : بعرف
#التفت يمان لعندي عم يتطلع فيني ناطرني فسر
- يمان : من وين بتعرفي
- فتون ؛ كوني دكتورة عم بشتغل بالمشفى من جهة وكوني متابعة اخر تطوراتو اكيد رح اعرف انو خرجوه
- يمان : تشتغلي بالمشفى!!! من ايمت ؟؟؟
- فتون : والله من لما سمحلي يوسف
#اتطلع يمان بيوسف
- يوسف : مو هاد موضوعنا
- يمان : ايمتتت كنت ناوي تخبرني يوسففففف
#تجاهل يوسف يمان واتطلع فيني
- يوسف : وفي احتمال تكوني بتعرفي لانك انت اللي هربتيه
#نور ويمان كان انظارهم عم تنتقل بيني وبين يوسف موو فهمانين شي .. انرسمت ابتسامة الاستفزاز ع وجهي
- فتون : مزبوط
- نور : يعني خنتينا !!!
#تجاهلتا ورجعت نظري ع يوسف
- فتون : بس لو انا اللي هربتوو كنت رح وقف بوجهك وقلك انا هربت امجد ماني خايفة لا منك ولا من يمان اكتر شي ممكن تعملوه رصاصة براسي.. اا صح نسيت في شي اكتر رصاصة براس ابي مثلاا
#حتى يوسف صارت نظرتو متل يمان ونور وبطل يفهم علي وكأني تحولت لوحدة تانية كنت عم بحكي بكل ثقة .. كبرياء .. مبين مو هاممني شي

- بعرف .. مرتو ليمان
#تنهدت وقعدت ع الكرسي جنبو
- فتون : كنت
- كيف يعني كنتي
- فتون : ما بعرف بس يمان راح ورفع دعوة طلاق بدون ما يخبرني وانا وقعت عليها
- يمان ما بيعمل هيك شي الا اذا كان في سبب مقنع
- فتون : والله هاد اللي مجنني انني عم لف ودور ولف ودور وحاول لاقي السبب بس عبث
- رح تلاقيه بالوقت المناسب
- فتون : ايي انت مين وليش عايش هون لوحدك
- انا ابوهن
- فتون : ككيف !! ابو ليمان !! بس هو خبرني انك متت يعني هو هيك قال
- العالم كلا هيك بتعرف بس هلأ انتي كشفتي هالسر
- فتون : يعني شو السبب اللي بخليك تحبس حالك بغرفة طول الوقت
- عالم المافيا بخليكي تعملي اكتر من هيك
- فتون : مزبوط وانا اللي بعرف
- بتعرفي انك اغرب بنت بشوفا
- فتون : انا ؟
- دكتورة بس ماضيكي مافيا .. قلبك طيب بس فجأة بتصيري اكتر حدا بخوف بالدنيا كلا
- فتون : فيني اعتبرو مدح ؟
- ابو يوسف : طبعا مدح
#بقينا نسولف انا وياه شوي وضحكت معو ومبين انسان غير باقي العيلة اخخ يا الله شو هي العيلة الغريبة
_______
#كانت قاعدة جنبو وعم تلعب بشعرو وهو عم بدخن
- ريم : اخيرا رجعتلي
- يمان : حاج تحكي .. انا جاي ريح راسي
- ريم : يمان انا الوحيدة يلي بتحبك والوحيدة يلي بتستاهل تكون مرتك وجنبك قدام الناس كلا
- يمان : ريممم
- ريم : شو شوو !! طيب قلي فتون بشو احسن مني ها ؟؟ لك بعمري ما قلتلك لا ع شي حبيتك حب بيتوزع ع بلد كامل وكنت رضيانة تكون جنبي بس ليش هيك عم تعمل يمان ليش .. تعاال خلينا نرجع متل قبل
#طفى السيجارة وقام
- ريم : لوين
- يمان : عندي شغل
- ريم : رح ترجع
- يمان : ما بعرف حسب
- ريم : الله يخليك ارجع لهون
- يمان : تمام برجع بس حاج تنقي
#طلع يمان بالسيارة ومشي بسرعة .. مسك جوالو واتصل
___
- فتون : بتعرف القعدة معك فادتني كتير
- ابو يوسف : والله وانا من زمان ما حدا قعد معي .. كلو مشغول عني ويا دوب بيطلعو دقيقتين وبس
- فتون : انا بدي انزل قبل ما يجي حدا
- ابو يوسف : ماشي
#قمت ومشيت لعند الباب بس رجعت التفتت لعندو
- فتون : ما تخبر حدا اني اجيت لهون
- ابو يوسف : بشرط انك ترجعي مرة تانية
- فتون : تمام
#رجعت لغرفتي وطالعت جوالي وبعتت رسالة لمنار " ما عم يخططو لشي بس عرفت انو ابوهم عايش وعم يخبوه عن العالم "
#رميت الجوال ع التخت ودخلت ع الحمام وفجأة رن وكانت منار
- فتون : الوو
- امجد : الوو فتون فتون سامعتيني
- فتون : امجد ! شو في شبك
- امجد : فتون الحقيني مشان الله الحقيني
- فتون : لك امجد شبك احكي لا تخوفني
- امجد : يمان
- فتون : شبو يمااان
- امجد : يمان اتصل ب امي واللي فهمتوو انو جاي لهون وقال في تصفية حسابات فتون ما رح يخليني عايش ولله ما رح يخليني
- فتون : جاي لعنكن !
- امجد : هو لسه ما وصل اانا ترجيت امي نتصل فيكي بس ما كانت ترضى فتون محدا غيرك بيقدر يوقف قدام يمان مشان الله ساعديني يا اختي مشان الله
- فتون : تمام تمام ما تخاف انا جاي .. اطلع ع غرفتك واقفل الباب ولا تفتح لاي شخص انا شوي وبوصل ما تخاف ما رح يصرلك شي تمام ما رح اسمحلن ابدا
#قفلت الخط وانا عم حاول استوعب
- فتون : شو رايح تعمل يمان شو
#قمت بسرعة وطلعت
- خالد : لوين بنتي
#ما رديت ع حدا وبسرعة رحت ع بيت منار فتحولي الحراس الباب
- فتون : يمان وصل !
- اي دخل قبلك بشوي يا خانم
- فتون : تمام
#فتحت الباب ما كان فيه غير يمان ومنار بالصالون .. كنت بدي ادخل بس وقفت لما سمعت يمان شو عم يحكي
- يمان: لك انتي شو ؟ انتي شوووو انتي اكتر حدا خربلي حياتي
- منار : يمان اسمعني
- يمان : شو بدي اسمعععععع شو .. لك انا بحياتي كلها .. كلها تعلقت ببنت وحدة بس .. حبيت بنت وحدة بس تمنيت انو هالبنت تضل معي بس .. بس اليوم وبسببك انا خسرت البنت اللي حبيتا .. انبسطي انا وفتون رح نتطلق والسبب !!
- منار : ابني
- يمان : والسببب شووووو !!! السبب انو امي اللي رمتني متل الكلاب وراحت لعند رجال تاني وما وقفت هون وما كفاها اللي صار رمت بنتا ورا ضهرا ورجعت راحت لرجال تاني .. لك انتي شو ؟ فهميني انتي ام ؟ انتي شو
- منار: صدقني الموضوع مو هيك خليني فهمك
- يمان : بس بتعرفي الدنيا صغيرة كتير يعني رميتي ابنك ورميتي بنتك والدنيا جمعتن ومو بس هيك جمعتن ب ابشع طريقة
#كنت واقفة عم بسمع حكيهن ودموعي عم تنزل لحالها وقدمت كم خطوة لحتى انتبهتلي منار
- منار : فتون
#التفت يمان لورا
- يمان : فت..
- فتون : الحكي اللي عم يحكيه يمان مزبوط
- منار : .....
- فتون : عم بسألك جاوبيني لا تضلييي ساكتةةةة .
كل هالفترة كنتي بتعرفي ومع هيك ساكتة وما عم تحكي اي شي . كنتي عم تكذبي وانتي عم تطلعي بعيونيي