#داء_وَ_دواء
#الحلقة_الثالثة
#ياسمينة
..
..
..
#فتلت فتون و مسكتها نور من ايدها وفتلتها
- نور : لا تفكري ماني منتبهة عليكي .. رح تبعدي عن يمان
- فتون : تتهني فيه
- نور : اا هلأ صار اتهنى فيه !! وتدبيل العيون واالضم وهالاساليب كلا شو وضعا حبيبتشي ؟
- فتون : والله انا حرة وبعمل يلي بدي ياه بس يكون الك شي عندي تعالي حاسبيني
- نور : طبعا الي ورح حاسبك
- فتون : هه تحاسبيني وبصفتك شو بالله ؟
- نور : خطيبة يمان
- فتون : بس على حد علمي مانكن خاطبين
- نور : ح نخطب وانتي اول المعزومين يا عمري
- فتون : اي ريتو الف مبروك
- نور : بس طبعا لازم تحضري هاا
- فتون : لازم خطبة اكتر تنين خربولي ايامي معقول ما احضر ؟ الله يسامحك انا يلي بحضر
- نور : اي ترقبي الموعد لكن
- فتون : بدي ارتاح بغرفتي الجديدة ممكن تطلعي
- نور : اي طبعا حقك
#طلعت نور وسكرت الباب وراها
- فتون : خطيبتو قلتيلييي
#تحرقصت فتون وصارت تروح وتجي بالغرفة ربع ساعة بعدين قعدت ع التخت
- فتون : افف يا وانتي ليش مزعوجة ينباعو بالعزاااا ما دخلك وما بهمك هاد اصلا رح ترجعي على بيتككك وهلأ اهدي .. اهدي
#قامت ونزلت لتحت كان الكل قاعد
- جليلة : تيابك كلن دم لسه شو ما بدلتي
- فتون : هو .. مافي تياب
- جليلة : معقول ما حدا اخدلك ؟ ثواني
- فتون : مافي داعي
- جليلة : كيف مافي داعي هيك رح تضلي ؟؟
- فتون : انا بدي ارجع ع بيتي احسن الي والكن
- ما بصير بنتي خلص ضلي لبكرى
- فتون : انا كتير حابة ارجع ع بيتي .. ما بحب ضل عند ناس تانين وبيتي موجود الحمدلله
- يمان : تمام انا رح وصلك خلص
- نور : يمان خلي حدا من الحراس يوصلها
- يمان : لا انا جبتا وانا برجعا
- نور : بس قلت بتضل معنا منتسلى شوي
- يمان : ما بطول برجع
- فتون : بكرى بالخطبة بتملي ع قد ما رح تشوفيه صحي بالمناسبة وقبل ما روح الف مبروك يمان
#تطلع يمان باستغراب ونور توترت
- يمان : وانتي مين قلك ع موضوع الخطبة ؟
- فتون : كيف يعني مين قلي نور قالتلي وحتى انعزمت اول العالم
- يمان : وانعزمتي حتى ؟
- فتون : اي ..
#تطلع يمان ب نور
- يمان : وانا ايمت المفروض كان اعرف
- جليلة : ابني
- يمان : امي اذا بتريدي لا تدخلييي هالمرة
- جليلة : لا هالمرة بالذات بدي اتدخل لان انا يلي قلتلا رح احكي معك ونحدد موعد الخطبة
- يمان : طب واناااا وانااا شو هووون ؟ رجل كرسييي
#مسك الكاسة يلي كانت ع الطاولة وكسرها
- يمان : هاتو حكولي ايمت كنتو ناوين تخبروني ؟
#بلشت نور تبكي
- جليلة : خلص يمان بعدين بنحكي
- يمان : لا هلأ بدي نحكي كل مرة بتسكتيني وما بتخليني احكيييي اجيتي وطلبتي منييي قول اني بحبا وقلت وطلبتي قول رح نخطب وقلتتتت وتطلبي ونفذ ونفذ ونفذ وشغلتي كانت بس نفذ طلباتك لتكون نور مبسوطة وما كنت احكي شي بس انك تحطيني تحت الامر الواقع واسكتتت ؟ انتو عنجد مستغبيني لهي الدرجة
- يوسف : خلص اخي
- يمان : شو خلص اخي الي عم تقلي خلص ! اليي ! قول لامك ونور واول مرة واخر مرة بتحطوني تحت الامر الواقع ماشيييي
- يوسف : روووق
- يمان : راااايق
- يوسف : واضح
#تركن يمان ومشي وفتون واقفة مكانها مصدومة من عصبيتو ومن الحكي يلي سمعتوو .. وصل يمان لباب البيت ووقف ..
- يمان : فتون ناطرك بالسيارة
- فتون : ها ؟!
- يمان : بسسسسرعة
- فتون : جااي
#طلع يمان وركضت وراه فتون وركبت معو بالسيارة ومشي بسرعة
___
#بالبيت
- نور : شو هاد يلي سمعتو ؟
- جليلة : هو حكا هيك لانو معصب
- نور : لا .. لا كنت حاسة انو ما بحبني كتير ومو متعلق فيني بس ما توقعت انو يحبني ع طلب منكك .. ما توقعت
- جليلة : نور بنتي سمعيني هو ما حكى القصة منيح
- نور : ما حكى القصة منيح !! هاتي قوليلي شو القصة ترجيتيه اكتر مثلا ؟؟ ما تجبرو بخاطري .. بكفي انكن ما تكسرولي قلبي .. بكفي
#ركضت نور ع غرفتها وهي عم تبكي وحبست حالها
- جليلة : بنتييي
- تركيها بتهدا لحالها
- جليلة : بس ..
- خلص تركيها هلأ مصدومة
- يوسف : معها حق
- جليلة : بس انا عملت هيك مشانها .. لانو بعرف هي اديه بتحب يمان ومتعلقة فيه من زمان .. يمان كان حب طفولتا .. ففكرت لو انو تزوجا يمكن يقدر ييعوضا شوي عن اهلها وفقدانن بس شو عملت اناااا .. كسرتلا قلبا
- يوسف : امي
#قعد يوسف حد امو وضمها
- يوسف : تمام لا تبكي.. اهدي وبوعدك انا احكي مع نور وراضيها
- جليلة : ماا عاد ترضى .. معها حق قلبا انكسر انا انا كسرتوووو
- يوسف : امي .. خلص انتي اهدي بالاول بعدين براسي بروح براضي نور.. وعد لحتى خلي الكل رضيان
________________
#بالسيارة ..
- فتون : فيك توصلني ع المشفى
- يمان : لا تأخر الوقت خلص بوصلك ع البيت

#ما_وراء_الجريمة
#الحلقة_الثالثة
@rwayate
#بقلم : #زينب_كوجار
..
..
..
#بعد شهر من موت نارين وانهيار شيراز بالكامل .. كانت شيراز تضل على قبر كل النهار تقريبا.. باول يومين ادهم ومروة ضلو يجو معها كل اليوم وبعدين بقي عروة وبيوم عروة كان مشغول وكانت شيراز قاعدة حد القبر وعم تحكي اختها وتبكي بس فجأة ..
- الموت صعب كتير
#التفتت شيراز عليها بس ما حكت شي ورجعت اتطلعت ع القبر
- البقية بحياتك
- شيراز : شو بدك مني
- بدي نساعد بعض
- شيراز : نساعد بعض هه وبشو
- انا بعرف انو نارين هي يلي حذرتني من هدول العالم ولولا نارين انا كنت ميتة هلأ
- شيراز : المطلوب
- ناديا : اسمعي شيراز .. عدو عدوك صديقك ..
يعني نحن عدونا واحد وهدفنا واحد واذا تعاونا ايد بايد رح تنتقمي لموت اختك وانا رح انتقم منن لانهن خانوني .. اسمعي شيراز انا حاسة بوجعك وانا فقدت كتير عالم لهيك انجبرت اشتغل مع هيك عالم وقدملن كتير شغلات بس هنن .. هنن رفضو صداقتي وكانو بدهن يتخلصو مني ع اتفه سبب
- شيراز : قتلو اختي
- ناديا : اقتليهن
- شيراز : اختي كان بدا تفضحن واحد واحد .. اختي كان بدا تساعد عالم كتير وتنقذهن من هالوحوش بس ماتت .. ماتت ماتتتتتت
- ناديا : شيراز اسمعي مني هاد انسب وقت لازم تكوني قوية .. صدقيني انا بعرف كل شي عم يشتغلوه وبعرف ايمتى الوقت المناسب لننتقم
@rwayate
- شيراز : ايمتى
- ناديا : يعني موافقة
#مسحت دموعا وقالت
- شيراز : الله لا يخليني اذا بخليهن يعيشو ويتهنو .. رح اقتلهن واحد واحد متل ما قتلو اختي
- ناديا: تمام لكن اول شي اسمعي لازم تكوني قوية وتوقفي بكي شوي وتتذكري انو رح تعملي وتكملي الشي يلي ما قدرت اختك تعملو
- شيراز: ماشي
- ناديا : تاني شي رح تطلبي من ادهم يطالعك ع بيت لحالك وبيت يكون بعيد عن الانظار شوي
- شيراز : اعتبري اليوم صرت ببيت لحالي
- ناديا : تمام هلأ روحي ارتاحي ومن بكرى لازم تجي ع الشركة في اجتماع لازم تحضريه
- شيراز : طيب
#المسا #ببيت_ادهم
- مروة: اهلين يا بنتي
- شيراز : ادهم بيك اذا سمحت انا طالعة ضب غراضي بدي روح ع بيت لحالي مو متحملة ضل بهاد البيت
- ادهم: طيب متل ما بدك هلأ بخلي عروة ياخدك ع بيتنا التاني
- شيراز : شكرا
- مروة: عم قول لو تضلي معنا كم يوم
- شيراز : بكفي لا تخافي انا صرت منيحة ورح داوم بكرى بالشركة
- ادهم : عنجد
- شيراز : الا اذا ما عاد بدك ياني
- ادهم : مبلا مبلا فيكي تداومي
- شيراز : ماشي لكن انا طالعة ضب غراضي
- ادهم : تمام وهلأ بقول لعروة يوصلك
@rwayate
#طلعت شيراز ع الغرفة وفتحت لخزانة وبلشت تضب غراضها بعدين راحت ع غرفة اختها وكمان ضبت غراضها وبين الغراض لقت صندوق بس صاير متل الخزنة وفيه كلمة سر ضبيتو وطلعت ...
____________________
#بالبيت_الجديد
#بقيت شيراز لحالا فتحت الشباك كان في نسمة باردة غمضت عيونا وبلشت تتذكر نارين .. بعدين راحت ع الصندوق وتذكرت انو نارين قالتلا كلمة السر قبل ما تموت كان تاريخن .. التاريخ يلي كانو يحتفلو فيه سوا كل سنة لمجرد انو بحسوه يوم حظ الهن
فتحت الصندوق وشافت فيه صور ووراق وكرت ذاكرة .. مسكت اول صورة كانت لزيد .. زيد نفسو رفيق ادهم وصاحب شركات كبيرة .. قلبت الصورة كان مكتوب عليها حكي ومعلومات عن زيد .. عمرو . وين بعيش.. مين حواليه وهالقصص
وكاتبة بنهاية الصورة رقم 2
فتشت بين الورق لقت ورقة مكتوب براس الصفحة رقم 2 قرأتا كانت عبارة عن جرائم عاملها وشغلاات مش منيحة مشترك فيها وحتى صفقاات مخدراات بشركتو ..
استغربت نارين من وين قدرت تعرف كل هاد !!!
بعدين اتذكرت انو عروة كان عم يساعدها .. ترددت كتير اتصل او لا بعدين قررت ما خبرو شي واكيد هوو كان متعاون معن وقتل نارين بالنهاية ابوه مجرم
#اليوم_التاني
راحت شيراز ع الشركة بشكل طبيعي واجى زيد وناديا
- زيد : البقية بحياتك
- شيراز : تسلم
- ناديا : حبيبتي الله يرحمها
@rwayate
- شيراز : تعيشي
#كان في اجتماع بالشركة كتير كتير مهم وفيه عملاء كبار ومعروفين
#بالاجتماع
- ادهم : نحن مو حابين نحكي كتير عملنا فيديو توضيحي بالرسم البياني ومشروح كل شي فيه خلونا نشوفو
- طيب يلا
- ادهم : قاسم بعد اذنك حط كرت الذاكرة وشغل الفيديو واطفي الاضوية
- قاسم : حاضر
#كانت شيراز قاعدة وعم تطلع فيهم بدم بارد .. انطفت الاضوية كلا واشتغل الفيديو بس ما كان فيديو توضيحي كان فيديو لزيد عم يحكي .....
- زيد : هههههههه ما بتعرف اديه رح نربح بهي الصفقة عنجد عنجد يعمري ما شفت عالم اغبى منن تخيل .. تخيل بس المصاري يلي رح تصير بين ايديي وبعدا رح ارمي ادهم بنص الساحة وانا رح اسبح ببحر من المصاري و ..

#الليلة_العاشرة
#قصة_رعب
#الحلقة_الثالثة 3


انتي كان صاير معك شي قبل بليلة من لما اجت واختك طلبت منك التلفون حكيتله صح .. أنا بعرف شب إسمه ميّار وكنا متخانقين بهالليلة وأنا كان عندي امتحان اللي رح اقدمه بعد نص ساعه ومن الشي اللي صار مبارح مادرست عليه .. الشب بحبني .. بس هوه عم يغيّر أسلوبه معي كل مرة .. يعني مزاجي كتير وانا صرت بمشي على مزاجه لهيك كان وقتها متدايق وأنا متدايقه بسببه .. نحنا بنعرف بعض من ست شهور وهوه بشتغل مو بالجامعه معي .. بشتغل بشركة موباي?ت .. حكالي حلو كتير .. وموبايلك هاد من وين جبتيه ؟ ! حكيتله هوه جبلي ياه من محله هديه .. بس ?نه حالته الماديه صعبة شوي جابه مستعمل وأنا قلت ?هلي انه اشتريته من مصروفي الشخصي .. نحنا حالتنا متوسطة يعني بابا برا بشتغل برومانيا وببعتلنا مصاري واخي خاطب ومو ملحق مصروف وماما بتشتغل بأشغال يدوية للمطبخ والبيت وبتبيعهم لهيك ماكان معي وقتها لحتى اغير موبايلي القديم لجديد حكالي اذا صح هالشي صاير معك وصاحبتك ماشافته فأنتي بتكوني شفتي شي ماحد بشوفه .. وياخوفي اللي ببالي يكون صحيح .. خصوصاً إنه اللي صار من شوي ماكان من فراغ .. قلتله شو قصدك دكتور؟ قلي وقعة الموبايل بالقهوة ممكن تكون صدفة وبسبب انفعالك بأني ما اشوف صورك الشخصية بس دخول الطالب المفاجئ وضربة إيده بأبو محمد ووقعة الموبايل تاني مرة تحت رجله ! هي مو مصدفة الموبايل وقع لحتى أنا ما أشوف الفيديو .. يمكن لو شفته من موبايلك كنت قدرت أكشف شي .. حكيتله دكتور شو يعني هالحكي أنا متشتته .. قلي مابدي ياكي تتعبي نفسك .. انا رح اقعد معك على رواق وبعيد عن الجامعه وبدي توصفيلي شكله بالضبط وبدي أعرف كيف صار معك هيك وكيف صاحبتك ماشافت شي وكيف كاميرة المراقبة برا بيتكم مافرجتك وجود الشخص برغم انها عامة ورؤيتها عريضه وفيها تكشف المشهد بسهولة .. انتي صادقة أنا متأكد بس بدي أتأكد من كل شي وقت نقعد سوا .. حكيتله وبس نقعد سوا شو رح يصير ؟ ! قلي رح اخدك معي على بيتي واعملك تنويم مغناطيسي أو إسقاط نجمي .. بدي أعرف انتي شو شفتي واعرف حقيقة هالشي .. هل انتي توهمتي أو فع?ً شفتي شي ماحد شافه غيرك .. تطلعت عليه نظرة غريبة وفهم عليه فوراً .. قلي بعرف بعرف شو بتفكري .. ماتخافي انا زلمه متزوج ورح يكون الشي بوجود مرتي .. بس أوثقي فيني .. قلت كيف اروح عنده وما احكي ?هلي .. خايفه ولو عرف كرم رح تصير قصة .. وفجأة دخلت ميسم للمكتب طقت الباب وقالت مرحبا دكتور .. ناديا وينك .. تركتيني ورحتي ا?متحان قرب يبلش وما راجعتي شي ! وفي شي مهم كتير كنت بدي قلك ياه بس مالقيتك ورنيتلك كان مغلق قلتلها شو ؟ ! قالت اختي خلّصت الرسمة .. قال الدكتور أي رسمة
يتبع ...

#زواج_بلا_مشاعر 💔

#الحلقة_الثالثة ..

كنت كل يوم اكتبلو طلباتي لجهز طبخة .. عفن قلبي من أكل السوق والبيت .. طبخت ملوخية ورز كانو كتير طيبين 😍
اجا من شغلو تعبان حطيتلو غدا .. وأخدت صينية الأكل تبعي وفتت على غرفتي أكل بعيدة عنو .. لانو اذا شفت وجهو رح تلعي نفسي منو 😝
خلصنا غدا وطلعت اخد الجليات عالمطبخ اجليهون .. اجا لعندي وحكا اول كلمة معي من أسبوعين زواج (( قلي ريناد طبخك طيب يسلم ايدك ))
مابعرف ليش فرحت😃.. المهم خلصت كلشي ورجعت عالغرفة ..
هوي دايما" بضل بالصالون وبتابع أخبار... وأنا بالغرفة مالة .. بعد فترة فات على غرفتي وجايب معو تلفزيون مشان ما يديق خلقي. .
مر شهر ونص على زواجنا ونحن بنفس الحالة .. هوي عما يبكي على اطلال المحبوبة .. وانا زعلانة على عالعريس وعلى حظي النحس 😢مرضت وكرّبت وحرارتي صارت متل النار .. ماعاد طلعت من الغرفة .. استفقدني .. فات لعندي وحط ايدو ع راسي لاقاها مرتفعة .. راح جاب مية باردة من البراد وبلش يعملي كمادات .. راح عالصيدلية جبلي دوا .. صار كل شوي يفوت عالغرفة يتطمن عني ..
صار يطعميني بأيدو... حاول قد مافيه يساعدني.. ومرة عملي آندومي بتشبه كلشي إلا الآندومي😁
مارضيت أكل لانو ما الي نفس .. فورا" ركض عصرلي ليمون وكريفون .. والحمدلله بفضل الله وبفضله تحسنت كتير ورجعت متل قبل وأحسن ..
ورجعنا من جديد كل واحد مستلم القاووش تبعو 😅
مافي يومين ورجع من الشغل مدري شبو يمكن عديته😅.جاي عما يرجف رما حالو عالكنبة وقلي غطيني .. والله ماهان عليي اتركو ومارد عليه .. هوي ما قصر معي وقت مرضت .. ركضت غطيتو وعملتلو شاي أخضر وطعميتو.. وسهرت حدو لحتى طلع الضو واتطمنت عليه انو راحت البردية عنو. .
ضل يومين والتالت صحصح الحمدلله وراح ع شغلو. .
ما بمر يوم الا وجايب معو ع البيت كلشي .. ما بنقص شي .. يلي بيجي بزورني من أهلي بيركض على أحسن مطعم ويجيب أغلى الوجبات ..
كتير شهم .. صرت وقت شوفو هيك معي ما قصر معو بشي كان يجي عالبيت يلاقي الغدا جاهز .
والبيت مرتب ونضيف ..
وكلشي عل 24 .. بس سبحان الله كان كلشي تمام إلا علاقتنا سوا .. ما قدرت حبو وانسى حبيبي ولا هوي كمان 😔
مرة بالسهرة رحت اتدوش وبلشت اصرخ .. ركض لعندي وحتى ما أتطلع عليي حكاني وداير ضهرو .. قلي شبك ؟؟ شوفي؟؟ قلتلو طلعلي صرصور 😨
يالطيف شو ضحك قلي ولي عليكون انتو النسوان كل وحدة قد الديناصور وخايفة من صرصور😂 وقلبناها ضحك😂
وقتلناه للصرصور 😐
بس طلعت قلي نعيما" .. خفت عليكي وفكرت لقتطك الكهربا ..
قلتلو : هيك لكن انا ديناصور😅
ضحكنا وفات كل واحد على غرفتو😏

يتبع
#madeha