#رمى الصورة ع الارض وطلع وضرب باب الغرفة وراه .. نزلت وراه ع الدرج وانا عم نادي عليه
- فتون : يماااان .. يمان فهمني شو اللي صار .. يماااان
#طلع يمان من البيت بدون ما يلتفت او يرد علي والكل تجمع حوالي.
- يوسف : شو اللي صار
- فتون : ما بعرف ما بعرففف
- يوسف : تعي معي
#مسكني يوسف من ايدي واخدني ع المكتب واجى ادم معنا
- يوسف : عرف انك بقيتي بالمشفى
- فتون : لاا
- يوسف : لكا شو اللي خلاه يعصب لهي الدرجة
- فتون : صورة امي
- يوسف: صورة امكك !!!
- فتون : اي دخل لعندي كنت عم بتفرج ع صوري القديمة ولما شاف صورة امي عصب وجن وصرخ وطلع حتى انا ما فهمت شي
- يوسف: جيبيلي الصورة
#ركضت جبتلو الصورة وقعد يشوف فيها وشافها ادم
- يوسف : بحياتي ما شفتا .. من وين بيعرفها يمان
#تركتن وطلعت رميت حالي ع التخت فوق كل الصور عم حاول اربط احداث اليوم بس عبث ما عم بفهم شي
مسكت الجوال وكتبت الرقم بس ترددت اتصل او لاا .. قفلت الجوال ونمت
فقت الصبح رحت فورا ع غرفتو ما كان موجود حتى الغرفة لساتها مرتبة عرفت انو ما اجى بالليل .. رجعت لغرفتي عم جهز حالي لاطلع ع المشفى رن جوالي
- فتون : بابا انت كيف هيك بتسافر فجأة وحتى بدون ما تخبرني
- خالد : ان شاء لله ما رح طول
- فتون : ليش رحت لعندن
- خالد : عمك مريض وتعبان وحالتو صعبة كتير وطلب يشوفني وانا اجيت
- فتون : بس..
- خالد : انا منيح لا تخافي
- فتون : طيب دير بالك ع حالك وحاول كل ما صرلك تتصل وتطمني
- خالد : وانتي انتبهي ع حالك
#نزلت لتحت وقعدنا كلنا ع سفرة الفطور
- فتون : لوين بكون راح
- جليلة : ما تخافي اليوم بيجي .. الليلة اللي بكون مخنوق ومعصب ومزعوج بروح ع مكان ليهدا
- فتون : طيب وين ع المكان
- يوسف : محدا بيعرفو
#تطلعت بيوسف اللي فهمتو انهن بيعرفو المكان بس ما بدهن يخبروني .. وانا كتير هاممني يعني يروح ع جهنم الحمرا اخر همي ..
قمت بدي امشي
- جليلة : لوين بنتي
- فتون: ع المشفى
- جليلة: بلاها هلأ اذا اجى يمان وما لقاكي بيخرب الدنيا
- يوسف : انا بتصرف امي تركيها تروح
#رحت ع المشفى ورحت طول لعند امجد .. شفقت عليه حالتو خطرة كتير.. حسيت بندم مو معقول لانو متأكدة يوسف ما رح يخليه عايش بعيدا عن حماية يمان هو خانن ومستحيل يسمحولو يعيش بعد كل المعلومات اللي اخدها منن .. برافو فتون برافو صرتي دكتورة لحتى تساعدي الناس وتقتلي اخوكيي اوف ياا اوفف
سمععت صوتها كانت واقفة وراي
- منار : رح خليكي الدكتورة المسؤولة عنو
- فتون : لا
- منار : معقول ما تساعدي اخوكي بعترف انا غلطت بس هو شو ذنبو لسه عمرو ١٨ ما شاف شي من حياتو
- فتون : رح نهربو
- منار: شو ؟؟
- فتون : ما رح اسمحلن يقتلو وانا موجودة .. انا خسرت حياتي بسبب المافيا ما رح اخسر اخي مرة تانية بسببن .. لازم نهربو والاحسن يضل ع اسم زيااد لحتى ما يشكو فيني
- منار : ننقلو ع مشفى تاني ؟
- فتون : لا رح يفتلو بكل المشافي .. رجالن رح تكون متل النمل بالمشافي رح يقتلوه ورح نحطو بخطر اكبر
- منار: فتو..
- فتون : خرجيه ع البيت وهناك بعالجو انا واذا ما قدرت سفريه برا البلد كلللااا ما لازم يموت ما رح اسمحلن ابدااا
#كانت واقفة ومصدومة من حكيي كنت دائما بنظر الكل البنت الهبلة والغبية يلي بينضحك عليها بسرعة بس وقت الجد بضحك ع الكل وبلعبهم ع ايدي وهاد اللي رح يصير
___
#رجعت ع مكتبي عم حاول مشي اليوم بشكل طبيعي بين مواعيد ومرضى وتفقدات
- شيرين : واخر شي هي تحاليل سارة
- فتون : مين سارة
- شيرين : دكتورة سارة سارة ما غيرا البنت اللي عندا ورم بدماغا سببلا تشوشات بالمخ
- فتون : اوووف نسيتا كليا لازم شوف وضعا وحددلا عملية
#نقر ع الباب نقرتين ودخل والابتسامة ع وجهو
- ادم : دكتورة فتون لازم نخطفك هيك الاوامر
- شيرين : ادم بيك
#كانت بتطلع فيه وبتبتسم متل الهبلة
- فتون : تمام شيرين فيكي تطلعي
- شيرين : ايي
- فتون : شيرين .. شيرييييين
- شيرين : نعم دكتورة
- فتون : فيكي تمشي
#اخدت الوراق ومشت وقفت قبالو ابتسامتها شبرين
- شيرين : نورت المشفى ادم بيك
- ادم : شكرا يا ..
- شيرين : شيرين اسمي شيرين
- ادم : تشرفنا شيرين
- شيرين : وانا اكترررر
#كانت فتون قاعدة وبتطلع عليهن رحت شيرين وعيونها لورا وبتوزع ابتسامات وادم دخل
- ادم : لطيفة هالبنت
- فتون : بس معك
- ادم : اي يلاااا يلا قدامي لشوف انا جاي اخطفك مو جاي تتمسخري علي
- فتون : حسب المكان يا بقوم يا لا
- ادم : حبيب القلب
- فتون : انو حبيب هاااد .. قصدك المتوحش
- ادم: ايوا هو بذاتو
#وقفت فتون مستنفرة
- فتون : لحظة قصدك هو عرف اني بالمشفى .. اقرأ الفاتحة ع روحييي

- جليلة : بس انتي..
- نور : انا منيحة
#ركضت نور وطلعت ع غرفتها وقعدت تبكي ولحقتها جليلة
- جليلة : نور حكيلي شو في
- نور : يمان
- جليلة : شبو
- نور : يمان بعمرو ما حبني ولا بادلني نفس الشعور
- جليلة : شو عم تحكي انتي جنيتي شي ؟؟ خطبتكن رح تكون قريبا وهلأ عم تقولي ما بحبني ولا شي
- نور : مزبوط بس يمان رح يخطبني شفقة مو اكتر .. لاني يتيمة ولاني بنت عمو ف عم يعمل هالشي متل واجب مو اكتر
- جليلة : انتي عم تتوهمي هو قلي ياها بدو يخطبك لانو بحبك
- نور : مزبوط بس بعمرو ما قلي بحبك بتعرفيي صرلنا سنتين .. سنتين عم نأجل بالخطبة ونحن محسوبين مرتبطين طول هالسنتين ما تطلع فيني بنظرة حب ولا بلهفة بتعرفي .. بتعرفي انو اليوم تطلع هيك بفتون ! فتون يلي ما صرلو بيعرفها يومين
- جليلة : اكيد عم تتوهمي
- نور : لااا .. جربي حطي فتون بموقف ممكن يأذيها وشوفي
- جليلة : رح اثبتلك انك عم تتوهمي
- نور : كيفف ؟؟
- جليلة : رح خليه يحدد موعد الخطبة بهاد الاسبوع وكمان رح خلي فتون تحضر
- نور : عنجد
- جليلة : عنجد .. انتي بنتي يلي ما طعمني الله فيها معقول خلي قلبك ينكسر !
- نور : وانتي امي يلي انحرمت منها
#ضمتها لنور ونور عم تبكي وعم تمسح ع شعرها وتهديها ..
اما فتون فكانت قاعدة تحت مع بقية العيلة وخايفة خصوصا بعد ما طلع صوت رصاص وضلت متوترة وخايفة لحد ما رجع يمان قامت ركضت وضمتو قدام الكل .. وكانت جليلة ونور نازلين ع الدرج وشافوها كيف ضمتوو .. حط ايدو يمان ع خصرها وبالايد التانية كان ماسك المسدس
- يمان : فتون
#صحت وانتبهت ع حالها شو عملت وبعدت عنو ولما بعدت شافت دم ع تيابها اجاها من تيابو
- فتون : انت منيح ؟؟
- يمان : منيح ما فيني شي
- فتون : والدم هاد ؟؟؟
- يوسف : اخي
- يمان : شبكن انا منيح
- يوسف : تعال معي
#اخد يوسف يمان وراحو ع الغرفة وفتون ضلت واقفة مكانها وراسها بالارض..
- تعالي قعدي بنتي رح خليهن يحضرولك الغرفة
- فتون : مافي داعي ع اساس يمان يوصلني بس يرجع
- الوقت متأخر لك بنتي ومتل ما شفتي هجمو عليه هلأ نامي هون اليوم والصباح رباح
- فتون : طيب ..
#راحت فتون وقعدت حد الختيارة وامرت الخدم يجهزوا غرفة لفتون واجت جليلة ونور قعدو
_
- يوسف : حكيلي
- يمان : كان عم يخطط ليقتلني الظاهر بعد ما صابك
- يوسف: حسابو عسير عندي .. بس لاتعافى صدقني رح صفي دمو
_
- الغرفة جاهزة يا خانم
- خدي فتون ودليها ع الغرفة
- حاضر
- نور : خليكي انا باخدا
- ماشي يا خانم
- فتون : برأي مافي داعي تعذبي حالك
- نور : ولو عذابك راحة
- فتون : امم امشي
#مشت نور ومشت وراها فتون وطول الوقت ساكتين وصلت نور للغرفة وفتحت الباب
- نور : تفضلي
#دخلت فتون ودخلت وراها نور بسرعة وقفلت الباب
- فتون : لي قفلتيه ؟
- نور : اسمعي منيح وليك موتك رح يكون على ايدييي صدقيني
- فتون : عفوا ؟ انقلعي برا
#فتلت فتون و ..

#يتبع ..
#ياسمينة

#داء_وَ_دواء
#الحلقة_السادسة
#ياسمينة
..
..
..

#طلعت من الحمام عم تركض اول ما فتحت باب الغرفة فجأة حط ايدو ع الباب وسكرو غمضت عيونا فتون وهو واقف وراها وايدو ع الباب .. قرب منها اكتر وهمس ب ادنها
- يمان : معقول مفكرتيني غبي لهي الدرجة
#ما ردت فتون .. حط ايديه ع خصرها وحاوطها
- فتون : ششو عم تعمل
- يمان : عم عاقبك
- فتون : بعد عني
#بعد شوي عنها وهي كانت بدها تهرب رجع حملها ومشي فيها ع الحمام
- فتون : نزلنييي يمان نزلنييي
- يمان : تكرم عيونك
#نزلها يمان وفتح المي الباردة عليهااا
- فتون : لككك شو عم تعمل سكرها بررددد لكككك يمااااان
#كانو واقفين تحت المي الباردة وفتون عم ترجف ويمان ولا عم يتأثر
- فتون : يماااان تلجتت بترجاك سكر المييي
#مد ايدو وسكرها وطلع من الحمام لحقتو فتون كان شالح الكنزة
- فتون : انت كيف بتتجرأ
#شهقت اول ما شافتو .. كانت اول مرة بتشوفو بدون كنزة عضلاتوو كتير حلوين وفتون كانت متل الهبلة واقفة وبتطلع فيه
- يمان : عجبك
- فتون : ها ؟
- يمان : شايفك صافنة فيني عم بسألك عجبك جسمي
#انتبهت فتون ع حالها وفتلت وهي متوترة
- فتون : اكيد لا ليش مين يلي قلك انو جسمك حلو او ممكن يعجب حدا
- يمان : امم قلتيلي
#كان صوتو كتير قريب منها فتلت لحتى تشوفو كان وراها تماما
- فتون : ان.. انتتت
- يمان : انا شو
#هو يقرب خطوة وهي ترجع خطوة لحد ما خبطت بشي وراها ما ضل مجال ترجع
- فتون : بعد هيكك
#مد ايدو ليحصرها ونزل راسو لعندها لحتى صارت انفاسن مشتركة
- يمان : قوليلي انا شو
- فتون : انتت ا.. انت
#كانت فتون متلبكة والكلام ما عم يطلع معها ميل راسو وهي غمضت عيونهااا . ضحكك واخد كنزة من الخزانة يلي وراها ومشي .. فتحت فتون عيونها وانتبهت انو الخزانة كانت وراها
- فتون : شو حقير
- يمان : قلتي شي
- فتون : لا انا نازلة بدي اكل
#ركضت فتون ع الباب وركض ومسكها
- يمان: نازلة هيك
- فتون : كيف هيك
- يمان : مو شايفة كيف تيابك مبللة ولازقة ع جسمك مو حلوة يشوفك حدا بهالمنظر
- فتون : ما دخلككك
- يمان : فتوووون
- فتون : جوعانة
- يمان : خليكي هون انا بنزل بجبلك اكل
#راح ع الخزانة وطالع كنزة وشلفها ع التخت
- يمان : بدلي تيابك بين ما اجي
#طلع من الغرفة ونزل ع المطبخ عم يطالع اكل سمع صوت اجا من وراه
- نور : يمان بالمطبخ وبهالوقت .. اوووه شكلا هالعروس رح تعملك تغير جذري
#طنش كلامها وكمل شغلو
- نور : بس على حد علمي انت ما بتاكل بهالوقت.. اكيد الخانم جاعت لانو ما نزلت ع الاكل
- يمان : نور شو رأيك تروحي من وجهي قبل ما ابتلى فيكي
- نور : انا شو بفرق عنها ااه ؟؟ قلي شو بفرق عنها
- يمان : شو قصدك
- نور : رغم انك بتعرف قصدي كتير منيحح بس رح قلك . ضليت سنين وراااك وانا قلك يمان بحبك يمان لا تتركني يمان خليكك جنبي ع طول بس انت ما اهتميت وفتون .. فتون من اول ما اجت وانت جنبا وعم تحميها وكل هاد وهي ما طلبت منك لو طلبت منك شو كنت عملتتتت !!
- يمان : تماما هاد الفرق فتون من يوم عرفتها لهلأ ما رخصت بحالها
- نور : لككك انا لانو بحبك
- يمان : ودائما حجتك انك بتحبيني
- نور : بس انا عنجد بحبك
- يمان : نور انا عرسي بكرى ابعدي عن طريقي مشان ما تشوفي مني شي ما بيعجبك
- نور : مو بس انت عرسك بكرى
- يمان : اها في مناسبة تانية شكلو
- نور : خطبتيي انا ويوسف
- يمان : الف مبروك
- نور : بهالبررود
- يمان : لا تقوليلي انك ناطرة مني اتأثر وقلك لا مشان الله لا تتزوجي اخي.. بالعكس يوسف شب كتير منيح تتهني فيه
#تركها يمان ومشي وهي عم تحكي وصل للدرج شاف فتون نازلة ولابسة كنزتو بس
- يمان : انتي ليش نازلة هيك
- فتون : انت تأخرت ومافي حدا قلت بنزل بشوف ليش تأخرت
- يمان : مافي شي امشي نطلع ع الغرفة
#اجت نور من وراه ودموعها ع خدها وعم تحكي يمان وبعدين انتبهت لفتون
- نور : العاهرة هون
- فتون : احترمي حالك احسن الك
- نور : مو لتحترمي حالك انتي بالاول
- يمان : نور اخرسيي
- نور : انا يا يمان انا تقلي اخرسي مشان وحدة مبارحة دخلت حياتنا
- يمان : المرة الالف رح حاول فهمك انو هي رح تصير مرتيييي .. امشي فتون
- نور : بس ان..
- يمان : فتووووون امشيييي
#ركضت فتون ع الغرفة ويمان لحقها ونور ضلت واقفة وعم تبكي وتبكيي وتشهق
___________
- يمان : بكرى رح تنزلي ع السوق مع امي ونور
- فتون : ليش
- يمان : مشان تشتري تياب بحكم انو رح تستقري هون لفترة
- فتون : ما بدي .. خدني ع بيتنا وانا بجيب غراضي
- يمان : لا تعاندي
- فتون : انت لا تعاند لان حتى لو بعتتني معن غصب ما رح اشتري ولا قطعة
- يمان : فتووون

- فتون : بس هالمرة خليني اعمل شي انا بدي ياه واصلا غير التياب في اغراض تانية حابة جيبهن
- يمان : تمام انزلي بكرى ع السوق معهن والمسا بس ارجع باخدك ع بيتك وبتجيبي يلي بدك ياه
#كانت فتون قاعدة وعم تاكل ويمان متسطح ع التخت ومغمض عيونه .
حملت فتون الاكل وبدها تنزل
- يمان : لوين
- فتون : رعبتنييي مو كنت نايم
- يمان : وهلأ فقت . لوين
- فتون : لوين يعني نازلة ارجع الاكل ع المطبخ
- يمان : انا ما قلتلك بهاللبس ما بتنزلي
- فتون : بس انا بلبس قصير بكتير اوقات ما فهمت وين المشكلة
- يمان : هالحكي كان قبل ما تصيري مرتي
- فتون : ورح يستمر
- يمان : لا
- فتون : مبلا
- يمان : لا
- فتون : مب...
- يمان : فتووووون
- فتون : لا تتزوجني اذا مو عاجبك شي فيني
- يمان : مجبور
- فتون : والله محدا مجبور غيري
- يمان : انتي ما بتسكتي غير بالطريقة التانية يعني
#صفنت فتون شوي وفهمت شو بيقصد وبنفس الوقت يمان قام ومشي ناحها
- فتون : تمام سكتت خليك مكانك
- يمان : ما بصير معقول قمت ع الفاضي
- فتون : اذا بتقرب
- يمان: ايي اذا بقرب
- فتون : اذا بتقرب رح
- يمان : رح ؟
#فتون متلبكة والحكي مش طالع معها ويمان وقف قبالها
- يمان : رح ؟
- فتون: انا رح افتح الباب واطلع
- يمان : جربي عمليها
- فتون : ما بدي
#مدت فتون صينية الاكل يلي حاملتها
- فتون : نزلها انت اذا ما بدك انزل
#اخد يمان الاكل ونزل .. وراحت فتون وقفت عند الشباك المطل ع الحديقة
- يمان : عجبك
- فتون : الحديقة كتير حلوة
- يمان : رح تملي من منظرها لا تتحمسي كتير
- فتون : افف يا زلمة مستحيل الواحد يحكي معك كلمة
#مشت فتون ناح الباب
- يمان : لوين
- فتون : اكيد ما رح نام هون بهي الغرفة
- يمان : مبلا
- فتون : لا
- يمان : بلا كتر حكي
- فتون : طيب موافقة بس بشرط
- يمان : ان قبلت شرطك او لا رح تنامي هون
- فتون : طيب سايرنيييييي
- يمان : ماشي شو هو شرطك
- فتون : احكيلي عن حياتك
- يمان : ماني موافق وهلأ روحي نامي بسرعة
- فتون : ليش
- يمان : هيك
- فتون : طيب بس سؤال
- يمان : فتوووون
- فتون : سؤال واحد والله بموت من فضولي
- يمان : احكي
- فتون : ليش بتنادي جليلة امي وبنفس الوقت بتقول عن يوسف وحيدها
- يمان : لانها مو امي
- فتون : بس انت بتقلها امي
- يمان : فتون نامي قبل ما عصب ها
- فتون : احكيلي
- يمان : مو كل شي بينحكا ما حدا بيعرف بالقصة ف ليش اجي احكيلك ياها انتي
- فتون : لاني مرتك المستقبلية
- يمان : بشوفك بلشتي تحبي الفكرة
- فتون : ابدا يعععع
#تطلع فيها يمان وزورها
- يمان : عيديها
- فتون : يععععع
#حطت فتون ايدها ع تمها وانتبهت شو حكت
- فتون : شكلي لازم اروح انام
- يمان : تماماً روحي وبسرعةةةة
#ركضت فتون وتسطحت ع طرف التخت وخبت حالها تحت الحرام بس لسه فضولها رح يقتلها وبدها تعرف القصة .. تطلعت ع يمان يلي كان واقف عند الشباك وعم يدخن .. قامت بهدوء ووقفت وراه
- يمان : مو قلتلك نامي
- فتون : كيف بتعرف اني واقفة وراك
- يمان : قلتلك حاسة سادسة
- فتون : من شوي ما كملت القصة
- يمان : انا ما حكيتا لاكملا هاد يلي بتذكرو
- فتون : ذاكرتك عم تخونك
#وقفت فتون جنبو وهي ساكتة وضلو دقايق ما حدا حكا شي
- يمان : انا ابن ابي بس
- فتون : امك متوفية ؟ ولا تركتك وراحت
- يمان : شو عرفك
- فتون : امي تركتني ف صرت اتوقع انو اي حدا بدون ام ف امو تركتو متل ما تركتني امي
- يمان : تزوجت وسافرت
- فتون : ليش هي ما كانت متزوجة ابوك !
- يمان : ابي وامي حبو بعضن من زمان بس كان في تار بين العيلتين وما قبلو انهن يتزوجو واهل ابي زوجوه امي جليلة غصب عنو وحتى امي جليلة ما بتعرف بقصة ابي وامي
ابي وامي انقطعو عن بعضن فترة منيحة وبهالفترة انولد يوسف .. ورجعو التقو بعد سنين وحبو بعضن من اول وجديد وبعدين خلقت انا اول ما بلشت اوعى كنت عايش بجو عيلة مثالي بس بعدين بلشت خناقات امي وابي وكانت تتكرر كل يوم ابي ما كان بيقدر يعلنها زوجة الو وحتى ما كان بيقدر يقول عندي ولد تاني وضلو هيك يتخانقو قدام عيوني لحد ما بيوم امي تركت ابي وتركتني وراحت .. تركت رسالة انها وكلت محامي ورح يمشي بقضية الطلاق وطلبت من ابي ما يعرقل الامور وخبرتو انو هي سافرت ورح تتزوج وتبني حياة من اول وجديد
ابي بوقتا ما عرف شو يعمل جابني ع البيت لهون الكل حبني وعاملني بلطف بدون ما يعرفو قصتي .. بوقتا ابي قرر ما يقلن اني ابنو وقلن كان قريب من هون وضايع من ميتم وقلبي لهفلو وشايف الكل حبو ورح سجلو ع اسمي ك ابن تاني الي ودخلو حياتي وبيتعامل متل ما بتعاملو يوسف .. ودخلت ع العيلة هي ع هاد الاساس وما حدا فيهن بيعرف بهي القصة .. بس انتي

#داء_وَ_دواء
#الحلقة_الثالثة
#ياسمينة
..
..
..
#فتلت فتون و مسكتها نور من ايدها وفتلتها
- نور : لا تفكري ماني منتبهة عليكي .. رح تبعدي عن يمان
- فتون : تتهني فيه
- نور : اا هلأ صار اتهنى فيه !! وتدبيل العيون واالضم وهالاساليب كلا شو وضعا حبيبتشي ؟
- فتون : والله انا حرة وبعمل يلي بدي ياه بس يكون الك شي عندي تعالي حاسبيني
- نور : طبعا الي ورح حاسبك
- فتون : هه تحاسبيني وبصفتك شو بالله ؟
- نور : خطيبة يمان
- فتون : بس على حد علمي مانكن خاطبين
- نور : ح نخطب وانتي اول المعزومين يا عمري
- فتون : اي ريتو الف مبروك
- نور : بس طبعا لازم تحضري هاا
- فتون : لازم خطبة اكتر تنين خربولي ايامي معقول ما احضر ؟ الله يسامحك انا يلي بحضر
- نور : اي ترقبي الموعد لكن
- فتون : بدي ارتاح بغرفتي الجديدة ممكن تطلعي
- نور : اي طبعا حقك
#طلعت نور وسكرت الباب وراها
- فتون : خطيبتو قلتيلييي
#تحرقصت فتون وصارت تروح وتجي بالغرفة ربع ساعة بعدين قعدت ع التخت
- فتون : افف يا وانتي ليش مزعوجة ينباعو بالعزاااا ما دخلك وما بهمك هاد اصلا رح ترجعي على بيتككك وهلأ اهدي .. اهدي
#قامت ونزلت لتحت كان الكل قاعد
- جليلة : تيابك كلن دم لسه شو ما بدلتي
- فتون : هو .. مافي تياب
- جليلة : معقول ما حدا اخدلك ؟ ثواني
- فتون : مافي داعي
- جليلة : كيف مافي داعي هيك رح تضلي ؟؟
- فتون : انا بدي ارجع ع بيتي احسن الي والكن
- ما بصير بنتي خلص ضلي لبكرى
- فتون : انا كتير حابة ارجع ع بيتي .. ما بحب ضل عند ناس تانين وبيتي موجود الحمدلله
- يمان : تمام انا رح وصلك خلص
- نور : يمان خلي حدا من الحراس يوصلها
- يمان : لا انا جبتا وانا برجعا
- نور : بس قلت بتضل معنا منتسلى شوي
- يمان : ما بطول برجع
- فتون : بكرى بالخطبة بتملي ع قد ما رح تشوفيه صحي بالمناسبة وقبل ما روح الف مبروك يمان
#تطلع يمان باستغراب ونور توترت
- يمان : وانتي مين قلك ع موضوع الخطبة ؟
- فتون : كيف يعني مين قلي نور قالتلي وحتى انعزمت اول العالم
- يمان : وانعزمتي حتى ؟
- فتون : اي ..
#تطلع يمان ب نور
- يمان : وانا ايمت المفروض كان اعرف
- جليلة : ابني
- يمان : امي اذا بتريدي لا تدخلييي هالمرة
- جليلة : لا هالمرة بالذات بدي اتدخل لان انا يلي قلتلا رح احكي معك ونحدد موعد الخطبة
- يمان : طب واناااا وانااا شو هووون ؟ رجل كرسييي
#مسك الكاسة يلي كانت ع الطاولة وكسرها
- يمان : هاتو حكولي ايمت كنتو ناوين تخبروني ؟
#بلشت نور تبكي
- جليلة : خلص يمان بعدين بنحكي
- يمان : لا هلأ بدي نحكي كل مرة بتسكتيني وما بتخليني احكيييي اجيتي وطلبتي منييي قول اني بحبا وقلت وطلبتي قول رح نخطب وقلتتتت وتطلبي ونفذ ونفذ ونفذ وشغلتي كانت بس نفذ طلباتك لتكون نور مبسوطة وما كنت احكي شي بس انك تحطيني تحت الامر الواقع واسكتتت ؟ انتو عنجد مستغبيني لهي الدرجة
- يوسف : خلص اخي
- يمان : شو خلص اخي الي عم تقلي خلص ! اليي ! قول لامك ونور واول مرة واخر مرة بتحطوني تحت الامر الواقع ماشيييي
- يوسف : روووق
- يمان : راااايق
- يوسف : واضح
#تركن يمان ومشي وفتون واقفة مكانها مصدومة من عصبيتو ومن الحكي يلي سمعتوو .. وصل يمان لباب البيت ووقف ..
- يمان : فتون ناطرك بالسيارة
- فتون : ها ؟!
- يمان : بسسسسرعة
- فتون : جااي
#طلع يمان وركضت وراه فتون وركبت معو بالسيارة ومشي بسرعة
___
#بالبيت
- نور : شو هاد يلي سمعتو ؟
- جليلة : هو حكا هيك لانو معصب
- نور : لا .. لا كنت حاسة انو ما بحبني كتير ومو متعلق فيني بس ما توقعت انو يحبني ع طلب منكك .. ما توقعت
- جليلة : نور بنتي سمعيني هو ما حكى القصة منيح
- نور : ما حكى القصة منيح !! هاتي قوليلي شو القصة ترجيتيه اكتر مثلا ؟؟ ما تجبرو بخاطري .. بكفي انكن ما تكسرولي قلبي .. بكفي
#ركضت نور ع غرفتها وهي عم تبكي وحبست حالها
- جليلة : بنتييي
- تركيها بتهدا لحالها
- جليلة : بس ..
- خلص تركيها هلأ مصدومة
- يوسف : معها حق
- جليلة : بس انا عملت هيك مشانها .. لانو بعرف هي اديه بتحب يمان ومتعلقة فيه من زمان .. يمان كان حب طفولتا .. ففكرت لو انو تزوجا يمكن يقدر ييعوضا شوي عن اهلها وفقدانن بس شو عملت اناااا .. كسرتلا قلبا
- يوسف : امي
#قعد يوسف حد امو وضمها
- يوسف : تمام لا تبكي.. اهدي وبوعدك انا احكي مع نور وراضيها
- جليلة : ماا عاد ترضى .. معها حق قلبا انكسر انا انا كسرتوووو
- يوسف : امي .. خلص انتي اهدي بالاول بعدين براسي بروح براضي نور.. وعد لحتى خلي الكل رضيان
________________
#بالسيارة ..
- فتون : فيك توصلني ع المشفى
- يمان : لا تأخر الوقت خلص بوصلك ع البيت