__
- زيد: وقف وقف شو هاد مين متجرأ يفبرك هيك فيديو لحتى ينزع كل شي
- كل شي صار واضح فعلا مشتغلين كتير ع الفيديو التوضيحي
- زيد : لحظة لحظة اكيد في مؤامرة انا متأكد ما بدن هالصفقة تصير
- اذا سمحت بعد عن طريقنا .. ضليت ورانا وعم تغرينا بعروضك لحتى قبلنا نعمل مقابلة معكن بس الشغل مبين من قبل ما نشتغل وفيك تعتبر انو كل عروضك يلي قدمتا النا مرفوضة ولا عاد تورجينا وجهك احسن ما نحطك بالحبس بتهمة ما بتنفد منها طول حياتك
- زيد : لحظة .. لك لحظة شو عم يصير .. ادهم احكيلك كلمة
- ادهم : احكي !!
#قام ادهم وهجم على زيد
- ادهم : بدك تخونييي !! بدك تبلينييي !! بدك تاخد كل شي الك وانا اكتر واحد فيكن تعب يا كلب يا واطي
- زيد : كلكن عم تعملو هيك مو بس انا
- ادهم : زيد خراس
- زيد : هههه ليش خايف افضحك ؟؟
- ادهم : انقلع برا شركتي فورااااا
- زيد : اي طالع بس انت وهنن ويلي شغل الفيديو ما رح يسلم مني وبوعدك بهالشي
- ادهم : برااااا
#طلع زيد وكان ادهم معصب ومتوتر كتير وبنفس الوقت خايف انو زيد يحكي كلمة وحدة لان بروح فيهاا .. تطلعت شيراز بناديا وابتسمت .. عرفت ناديا انو هي كلا خطة مجهزتلا شيراز بس بنفس الوقت خافت وبلشت تتسائل شيراز من وين جابت هيك فيديو مصور
#المسا
- صفا : شو ح نعمل هلأ يعني
- ادهم : ما بعرف
- صفا : زيد اذا حكى شي نحن بنروح فيها
- ادهم : هه وانا هاد يلي خايف منوو
- صفا : برأي نتخلص منو
- ادهم : هاد الحل الوحيد اصلا
- صفا : بس المشكلة انو دقيتلو وما رد علي ولما دقيتلو تاني مرة طلع الرقم مو موجود بالخدمة وزيد مانو بالشركة ولا بالبيت ولا بأي مكان منعرفو
@rwayate
- ادهم : اكيد هرب ل شي مكان
- صفا : الله يسترنا بس من يلي جاي
- ادهم : رح لاقيي لو كان تحت الارض
- صفا : ما عرفت مين شغل الفيديو .. يلي شغلو اكيد هدفو يفرقكن
- ادهم : وشو الهدف من تفريقنا
- صفا : ما بتعرف بالقانون يلي بقول انك تفكك عصابة وتدمرها اهون من انك تدمرها وهي متماسكة
- ادهم : خلينا نلاقي زيد وبعدين بلتفت ل يلي شغل الفيديو
_____________
#كان قاعد ع الكرسي ومربط بالحبال بغرفة فاضية ما فيها اي شي .. الحكي بينسمعلو صدى .. بلش يستعيد وعيو شوي شوي
- زيد : وين انا
كانت واقفة مقابيلو وعم تضحك
- زيد : ش.. شيراز !
- شيراز : مبلا شيراز لي مستغرب
- زيد : ليش انا هون كيف جبتيني
- شيراز : يا زلمة من اول ما صحيت بدك تبلش تكرفت بالاسئلة .. طيب بعيني الله رح جاوبك
ليش انت هون لانك قتلت اختي وانا حابة اقتلك بظن الموضوع بسيط كتير وشرحتلك ياه بسهولة
اما كيف جبتك ف الرسالة يلي وصلتك ع أساس انو من ادهم واعتذر منك وطلب منك لتجي وتتفقو كرمال ما حدا ينضر ف بحب خبرك انو هي الرسالة انا يلي بعتلك ياها مو ادهم
- زيد : شيراز ما بتعرفي مع مين عم تلعبي
- شيراز : مصيرك ب ايدي اوعكك تهدد
- زيد : عم قلك فكيني
- شيراز : حابة اخد رأيك ب شي
- زيد : لا تحاولي تستفزيني
- شيراز : صدمات الكهربا اديه ممكن توجع ؟
- زيد : ههههههه عم تمزحي
@rwayate
- شيراز : لا والنبي .. بما انك هون عم قول لي ما منجرب ومنشوف اذا كانت بتوجع او لا
- ناديا : زيدددددد
- زيد : ناديا.. ناديا منيح انك اجيتي .. فكيني لحتى نتخلص من هي المجنونة
- ناديا : كيف بتتجرأي !! ااه كيف
- زيد : ناديا فكيني
- ناديا : طبعا حبيبي طبعا انا هون لموتك ب ايديي هدول
- زيد : ناديا انتي
- ناديا : شو انا ؟ لما قررتوا تقتلوني وتستغنوا عن خدماتي ليش ما اجيت لعندي وقلت ناديا
- زيد : انا ما كنت موافق
- ناديا : بس كنت رح موت .. وهلأ حابة جرب صدمات الكهربا عليكك متل ما قالت شيراز
#مسكت شيراز شريطين كهربا وعطت واحد منن لناديا وابتسموا ببرود
- شيراز : قول هاي للموت
- زيد : بترجاكن لا بترجاكن بعطيكن شو ما بدكن
#بعدين ..

#يتبع
#زينب_كوجار 💜🐥

#ما_وراء_الجريمة
#الحلقة_الرابعة
@rwayate
#الكاتبة : #زينب_كوجار 💜🐥
..
..
..

#بعدين بلشو شيراز وناديا يحطو الكهربا ع جسمو وهو يصرخ اكتر .. بكل صرخة كانت شيراز عم تتذكر اختها .. كيف عذبوها كيف ماتت كيف قتلوها بلا اي رحمة .. كان الحقد عليهن عم يزيد جوا قلبااا
- ناديا : بظن حاجتو اليوم
- شيراز : ما شفي غليلي
- ناديا : لا تخافي لسه في اساليب كتير
#تركوه وهو مو بوعيو
تاني يوم راحت ع الشركة وتصرفت كتير عادي
ولما رجعو هي وناديا ع المكان يلي حاطين فيه زيد
- شيراز : اشتقتلي مو
- ناديا : اكيد اشتقلنا كتير
- شيراز : شو رأيك شو ممكن نجرب عليه اليوم
- ناديا : اختاري
- شيراز : عم فكر شغل فيه نار .. وبرد منو بنتدفى
- ناديا: فكرة حلوة بس عم فكر لو بنقص اطرافو بالاول
- شيراز : عنجد شي بحير
- زيد : عم تحاولو تخوفوني .. رجالي بكونو عم يدورو علي
- ناديا : طيب اول شغلة بحب قلك انو صح فعلا رجالك عم يدورو وتاني شغلة انك اليوم ميت
#توتر زيد من كلام ناديا وما عرف شو يعمل ..
#مسكت شيراز جوال زيد وبعتت رسالة ل ادهم بتقول: ليك ادهم رح اعطيك من الاخر بدي مقابل سكتوي 100 الف دولار اذا موافق رح ابعتلك عنواني ..
- ادهم : موافق
- *************
- ادهم : ساعة ونص وبكون عندك
- ماشي
________
#مسكت ناديا مسدس وضربت رصاصة بكتفو ورصاصة برجلو
- ناديا : انا بدك تقتلني يا خاين
@rwayate
- زيد : ناديا لا تنسي كل يلي كان بينااا
- شيراز : وانت تنسى عادي
- زيد : لا تدخليي
- ناديا: انت ما تدخل
#ضربت رصاصة براسو
وبعد #ربع ساعة تأكدو انوو مات وطلعو من المكان بدون ما يتركو ولا اثر عليهن وخبرو الشرطة عن جريمة قتل
.....
#وصل ادهم بدون حرس وفات ع البيت كان بيت شبه مهجور
- ادهم : هي نهايتك يا زيد تقعد بهيك مكان
#فات لجوا وبلش يصرخ ع زيد ويدور عليه لحتى لقاه ع الارض وغرقان بدمو .. قرب عليه لقى مسدس محطوط ع الكرسي وتحتو ورقة .. مسك المسدس وضربو بالحيط ومسك الورقة وكان مكتوب فيهاا : حياة حلوة بالسجن ♡
بنفس الوقت وصلت الشرطة والاسعاف .. حاول يهرب ادهم بس ما قدر لان الشرطة كانت محاوطة المكان كلو
الاسعاف اخدت الجثة وراحت والشرطة مسكت ادهم ولقت المسدس كمان يلي عليه بصمات ادهم وهيك صار اثبات قدام الكل انو ادهم قاتل زيد
حطوه بالسجن وخبرت مروة وعروة وراحو لعندو وخبرت صفا مرتو ل زيد انو زيد مات وانو ادهم يلي قتلو وركضت بسرعة ع المشفى وعملت حالا الزوجة المخلصة وصارت تبكي وتبكي وطلبت تشوف زيد وعملت حالا مهتمة بالموضوع كتير
باليوم التاني كانت صفا بقيانة بالمشفى كرمال الصبح تاخد جثة زيد ويتم دفنها.. وهي طالعة كانت الصحافة واقفة ع باب المشفى ..
- صفا خانم
@rwayate
- صفا خانم ممكن تردي علينا
- صفا خانم معقول ادهم قتل زيد وشو السبب انو قتلو رغم انهم كانو رفقة
- صفا : انا صح تعبانة وانا بوضع ما بيسمحلي اشرحلكم لكن بحب خبركم انو زيد مات مظلوم وانو ادهم قاتل .. قتل كتير ناس مو بس زيد وهلأ القانون رح يحاسبو الله لا يسامحك وادهم طلب من زيد شغلات كتير مخالفة ل نظام هالبلد ولما زيد رفض وهددوا ب انو رح يفضحو متل مو شايفين قتلو ل زيد بكل دم بارد الله ينتقم منك
- صفا خانم ممكن يكون في شركاء تانين
- صفا خانم بس سؤال
- صفا : اذا سمحتو بعدو بدنا نطالع الجثة وندفنهاا
___
#كانت قاعدة ع الكنباية واللابتوب قداما وعم تحضر حكي صفا .. ابتسمت وصارت تصفق وتصفق وتضحك
- شيراز : واو طلعتي شاطرة بالكذب كمان برافو برافو .. بس في مشكلة وحدة انو انا اذا شفت حدا وانا بعرف الحقيقة ما بقدر اسكت لهيك رح عزيكي بطريقتي الخاصة .. اما ادهم ف تحت المراقبة ما رح يأثر اذا تأخرت عليه كم يوم ..
#قامت ع الغرفة وجابت الصندوق وطالعت منو كرت ذاكرة مرقم ب 3 وطلعت من البيت ومشت لصحافة قريبة .. تلتمت وفاتت عطتهن كرت الذاكرة وقالت شي بيعجبكن وطلعت بسرعة واختفت ..
كانت ناديا ناطرتا بسيارتها بالشارع التاني
- ناديا : طمنيني مشي الحال
- شيراز : مشي .. افتحي مواقع التواصل خلينا نشوف
#كان عنوان واحد متصدر كل مواقع التواصل الاجتماعي وهو#خيانة_صفا ..
بالفيديو يلي عطيتن ياه كان موجود خيانة صفا ل زيد ومع ادهم .. بالفيديو مبين انو صفا وادهم على علاقة وحتى كانو عم يحكو عن طريقة يتخلصو فيها من زيد ومن مروة بنفس الوقت
#الفيديو خلال ساعة كان منتشر بكل البلد وكان عليه عدد كبير من المشاهدات
_______
#صفا مسكوها بالمطار ب اخر لحظة كانت عم تحاول تهرب برا البلد وحطوها بالسجن باعتبارها شريكة بجريمة القتل ومروة وعروة ما عاد اعترفو على ابوهن ابدا
- ناديا : وهلأ شو
- شيراز : ولا شي
- ناديا : كيف ولا شي !
- شيراز: خلي مواقع التواصل تتفرفد بالخبر شوي من هون ل 10 ايام ما رح نعمل ولا خطوة رح نترك كل شي ع حاله وبعدين بنشوف
@rwayate
___________

#حاليًا توكلي على الله يا بنتي، الي صار صار بدنا نستنى. خليكِ هون رح اعمل لفة ببلدكم اطمن على الوضع وارجع..
ديري بالك تفكري تطلعي.
________
كان بيت اهلي مقلوب. امي عم تصرخ وتبكي..
#لك شووو عامل انت..اخدووووا بنتك امي..بنتك اخدوها..شوووو المصيبة يلي جبتها يا امي..
صرت اضرب على جبيني. الا البنت. بنتي يا الله رح جنن. شو اعمل هلأ..
ما توقعت هالشي.
كان ابي عم يتواصل مع الشرطة وكنت واثق تمامًا انه بنتي ما رح ترجعي بهالسهولة.
ليلى وانا وليان وقعنا بأوسخ فخ.
شو اعمل يا رب. شو اعمل
.رن تلفوني..وسمعت صوته.
بنتك مقابل بنتي!
والفيديوهات وكلشي كلشي، كاشي ك ل ش ي بتعلق فيني. بينحذف من حياتك ومخيلتك وتلغونك.
واذا ما رجعت بنتي شوف من الله حق.
حكيتلك اللعب معي اصعب من ما كنت تتصور.
سكر الخط بوجهي..
#لك انت شو عامل، هالكلبة ما رح تنساها. بنتك شو ذنبا بخطفوها منشان وحدة كلبة يا نجس يااااا وسخ.
بلشت كسر كلشي عم شوفه قدامي..بلحظة قدر يدمر حياتي.
بنتي او ليلى.
صار لازم اختار.
تعقدت الامور اكثر ما كنت متخيل.
رجعت بتلفون.
#بدك تقتل بنتي؟
ما بصير عليها شي بس بحالة لعبت بذيلك اقسم بالله رح تدفنها وبعد دفنها رح يغسلولك.
سكر الخط بوجهي وبعدا بعتلي فيديو واتس اب..بنتي عم تاكل بوظة ومبسوطة.
_____
ما تحملت شوف ابني ضايع. وحيدي وما عندي غيره.
بنته صارت جزء من لعبتك يا وسخ يا مروان.
بعثت رجالي واطلقوا النار على الفيلا تبعه.
يا بتموت يا بتموت.
__
اجا العم ابو علي وحكالي شو صاير، ما قدرت ما احكي معه..اتصلتله .
كان صوته مبحوح. مخنوق..حماس مبارح تحول لقهر اليوم.
وما اصعب قهر الرجال!

#شو مراد..انت كيف طمني عنك؟
صحيح هالحكي.
خطفوها، كسروا شوكتي وشوكتك بهالعملة.

#انا خايفة مراد. خلص انا رح ارجع على البيت.
بنتك لازم ترجعلك .انا اسفة انه وصلتك لهيك مكان..ما كنت متخيلة ابي يكون بهالشراسة.
ليلى منشان الله تحملي، اصبري هلأ لا ترجعي رح يقتلك. رح يتخلص منك. ومني.
#وبنتك؟
ما عارف بنتي كسرت ظهري..
#ليلى انا ماسك على ابوكِ شي. كنت عم فكر انه بهالطريقة ممكن امسكه من ايده يلي بتوجعه.
سكتتت وخفت..
شو هالشي ؟
#بعدين بتعرفي.حاليًا ديري بالك على حالك. ليلى اذا صار معي شي تأكدي أنه أنا باليوم يلي كذبت عليكِ كنت عم اعيش اكثر حالة صدق.
حكتيلي انسى..
وكنت ناوي انسى.
بس ما كنت عارف والله ما عرفت.حاولت وما قدرت..جربت وما عرفت.
انا ما عرفت.
انا ما عرفت كيف يلي بحبوا بعرفوا ينسوا!!
جربت اعمل متلهم.
بس ما عرفت.
ليلى انا ما عرفت #كيف_انسى!
اذا متت أنا، انت لا تنسي. خليك الي واملي تكوني الي بالجنة.
هالحكي دبحني..كان عم يحكي وكنت عم اشعر بذبحة بصدري. يا ريت متت ولا سمعته مهدوم ومكسور بهالطريقة.
ليلى انا متأكد انه أنا وانت ما بنفع نكون لبعض.
بس بدي حارب لأنه بحبك. بتعرفي شو يعني بحبك؟؟
عرفوا كيف يقتلوني..حطوك انت وبنتي كل وحدة بخانة وحكوالي اختار.
انا شو اختاااار..اختار روحي او روحي؟
اخدت نفس عميق..ومسحت دموعي.كنت مجبورة قويه رغم ضعفي وقلة حيلتي. كنت بدي كون سنده وكنت بعرف انه كتفي مايل.
#اغلى شي بحياتي انت..اتأكد وقت تموت ما رح استنى رح موت بعدك. بعيد الشر عنك.
مراد بحبك. رح تجتاز هالمرحلة.
انا بحكيلك اختار بنتك.
اختار بنتك.
كون حذر ودير بالك على حالك.
حضل حبك لحتى موت.
سكرت الخط. كنت متخذة قراري ارجع على البيت. بالحالتين رح موت.
لازم انقذ مراد وبنته.
____
بهالعالم في ظلم كبير وفي رب كبير.
الله مع كل شخص مظلوم بحاوطه وبحميه، وبعمل كل شي لصالحه..
واثقة انا بربي.
رح ارجع لبيت اهلي حتى انقذ بنت مراد.
اذا متت بكفيني شرف انه حاولت ولأنه احنا عايشين بغابة فأكيد الحصة بتكون من حظ يلي بكشر عن أنيابه، الضحية غالبًا بتكون الأضعف.
ضعيفة بحكم أبي وظلم محمود والتهم الباطلة يلي لبسني ياها محمود بدون علم مني.
وقوية أنا بحكم ربي وثقتي أنه محاوطني ورح يساعدني.
شو ما كانت النتيجة، الموت أو الحياة بكفيني أنه حاولت. وشرفي رح اظهره حتى لو كفنوني.
طلبت من العم أبو علي يتواصل مع ٥ دكاترة نسائية ويجوا معي لبيت أهلي.
____

أبي عم يعوث بلارض فساد.
مجرم بحكمه وطاغي بأفعاله.
كان سبب استسي لشو بصير معنا، ما بده يستسلم ولا بقبل واحد يكسر شوكته. بس هلأ أنا رح غير القاعدة.
اللعب ضد كل ظالم بكون حلال!
(ويقتَل الظالم بظلمهِ)
ركبت سيارتي ورحت لمحمود الراسي الكلب.
لما شافني عرف انه الي عنده حق وجاي اوخده..اطلع فيني وقبل ما احكي شي بادر بالحكي..
#انا ما الي علاقة بشي، ابوك..ابوك ورا هالشي!
قربت منه وسكرت المحل علينا نحن التنين. وشغلت التسجيل الصوتي بتلفوني.

#داء_وَ_دواء
#الحلقة_السابعة
#ياسمينة.
..
..
..
#لحد ما شافت يمان جاي لعندهم رعشة الخوف امتلكتها فورا
- يمان : ما خلصتو شغلكن
- جليلة : اهلين ابني .. لا لسه مطولين مو حضرتك بدك العرس اليوم ولسه لازم يروحو ع الكوافيرة
- نور : مافي داعي منعمل لحالنا شي بسيط بالبيت
- يمان : مافي عرس اليوم
#تطلعت فتون فيه مصدومة والفرحة غامرتها
- فتون : عنجد
#بعدين انتبهت ع نظرات جليلة
- فتون : قصدي ليش
- يمان : مشان اشغالنا رح نعلن خطبة نور ويوسف بالأول بعدين رح نتزوج انا وفتون
- جليلة : طيب ابني
- يمان : خلصتي فتون ؟
- جليلة : ما اختارت شي
#قرب من فتون وهمس بادنها
- يمان : يعني انتي بتحبي لما صرخ عليكي قدام العالم
- فتون : ما عجبني شي من هالمحلات
- يمان : بعتذر كان لازم اخدك ع ايطاليا تشتري مو هيكككك
- جليلة : ابني لا تصرخ هي صح ما اختارت شي بس انا جبتلا كل شي جبتو لنور مافي داعي تعصب
- يمان: امشي لكا
#مسكها من ايدها وشحطها قدام كل العالم وركبها بالسيارة
- فتون : هالتصرف مو حلو عفكرة
- يمان : قلتلك الففف مرة لا تعصبينييي لا تطالعييي جنانيي لااا تعمليي شي انتييي مو قدووو
- فتون : وانا قلتلك الفف مرة ما بدي اتزوجك . رديت عليي شييي ؟؟ اخدتتت رأيي لااا انا اليوم كنت ع وشك اني اتزوج اكتر حدا بكرهو بالكون كلو وحتى ما بعرففف السبب
- يمان : هاد يلي بدك ياه ؟ بدك تعرفي السبب
- فتون : بدي اطلع من حياتكك ارميك من حياتي انت ومواقفك وكأنو شي ما صار عم تفهم هاد يلي بدي ياه
- يمان : ليش . مشان تروحي تنامي بحضن زياد وتضححكي عليه ع كيفك
- فتون : اضحك عليه!
- يمان : خلينا نكون صريحين وحاج تمثلي دور البنت المنيحة والدكتورة الانسانية يلي ما شهدتها الكرة الارضية كلها
- فتون : انت شو عم تخبص
- يمان : تخبيص قلتلي ؟ حكي مو صححح يعنيي . لك انا اليوم عم خلّص الشباب من اقرف بنت
- فتون : نزلنيي .. عم قلكككك نزلنييييي هلأ يلا وقف السيارةةة
#مدت ايدها وصارت تحرك المقود وقف يمان السيارة وكانت بدها تنزل بس قفل البواب
- يمان : ليش الحقيقة جرحتك
- فتون : حقيقة ؟ عن اي حقيقة عم تحكي فهمنييي لك اذاا انت انسان وسخ ومقرف مو يعني كل العالم متلك عم تفهممم
- يمان : مزبوط بس انتي بالذات ما بحقلك تحكيي يا شريفةة
#ضربتو فتون كف بكل قوتها
- فتون : اشرف منك ومن عيلتك كلا عم تفهم . واذا ما رح تفتحلي باب السيارة رح اكسرا ع راسكك
- يمان : كككيف بتتجرأيي
#التعصيب بين عليه .. عروقو كلها برزت وعيونو حمرت وصار يصرخخ
- يمان : كمم مرة نتبهتكككك لكك انا صوتك ما بخليكي تعليههه قدامييي عم تتجرأي وتضربينييي بدك اقتلككك بدكك فضي المسدس كلو براسكككك هلأ احكككييي ليشش ساكتة ولا هلأ لسااانكك اكلوو القطط مو هيككك
#نفخخ وضررب ايدو ببلور الشبااك .. ثواني وشغل السيارة ومشي وطول الطريق وهنن ساكتين
وصل قدام بيتها لفتون .. فتحت الباب ونزلت ودخلت ع بيتها ودخل هو وراها .. جابت علبة الاسعافاات الاولية
- فتون : عطيني ايدك
- يمان : ليش بدك تورجيني انك حنونة
#مسكت ايدو ورفعت كم القميص وبلشت تعقم الجرح وهي ساكتة ..
- يمان : خلصنا .. شفنا اديه انتي دكتورة شاطرة
- فتون : نص ساعة وبكون مخلصة
#راحت ع غرفتها وبلشت تضب غراضها ويمان عصب اكتر من تطنيشها وهو عم يحاول يستفزها
ضبت كل شي تياب..صور .. ذكريات الها بالبيت وكأنها كانت عم تودعو .. طلعت وهي عم تجر الشنتة وراها
- فتون : خلصت
#قبل ما يرد عليها مشت وطلعت من البيت .. طلع وراها وقفلت الباب .. رجعو ع البيت وطلعت ع الغرفة هي ويمان ولقت تياب اغراض كتيرة موجودة بالغرفة
- يمان : شكلا امي مدللتك كتير
#كمان ما ردت عليه وفتحت الشنتة وبلشت ترتب اغراضها بالغرفة وهو عم يحاول يتمالك اعصابو
- يمان : مطولة هيك . لان بلشت عصب من هالوضع
#عملت حالها ما سمعت وكملت ترتيب .. قام ومسكها من ايدها وفتلها لعندو
- يمان : لما احكي معك بتردي
- فتون : انا بطلت افهم عليك بحكي ما بيعجبك ما بحكي كمان ما بيعجبك شو اعمللل
- يمان : غريب انك ما تفهمي الشباب رغم انك خبرة بكل الانواع
#دفشتو وبعدت عنو
- فتون : لك انت شو يلي شفتو مني لحتى عم تحكيي هيك اااه شووو خبرني
- يمان : بدك تعرفي
- فتون : اي كتير حابة اعرف شو الشي يلي بخليك تكون وسخ مع بنت رح تصير ع اسمك
#فتح جوالو وعطاها ياه
- يمان : تفضلي شغلي الفيديو وشوفي
- فتون : زيااد !!
- يمان : اي زياد حبيب قلبك لا تخجلي شوفي الفيديو
# كان الفيديو عبارة عن زياد قاعد ع كرسي وعم يحكي
- زياد : انا وفتون منحب بعض من زمان يعني من اول ما توظفت هون تقريبااا