#سكرك_مر
#بقلم_فيلوفوبيا
#الجزء_العاشر
وائل كان وحش...وحش كل يوم ينهش مني شقفة...وائل كان اسوء قدر انكتب عليي
انت حققت معي وبتعرف كل شي....بتعرف انو متزوج و عنده ولاد....واليوم شفت مرته...بس ياترى قدرت تعرف ليش تزوج!قدرت تعرف ليش انا ماعندي ولاد.!!!

جواد:عم اسمعك...احكي

شغف:وائل....من اول يوم اكتشف اني بنت...وحس حاله انتصر....يعني تخيل بنت 20 سنة...مرمية بين ايدين رجال عمره 40 سنة...شو رح يعمل؟انت رجال وبتعرف
مارحمني.....ماقدر يرحمني

جواد:ليش عم تحكيلي هاد الكلام؟بدك الدم يغلي فيني وروح اقتلك ياه؟عم تحكيلي اسوء شي تخيلته؟مشان شو.....مشان تحرقي قلبي اكتر!!!!!

شغف:لا.....عم احكيلك ليش بكره وائل....سماع القصة للاخر

جواد:(شغل سيكارة)هاتي لشوف

شغف:(تنهدت)صرت انزف....مرة ورا مرة ورا مرة
بس هو مايرتدع....مايخاف عليي....كان النزيف يروح ويجي....ولا فكر يعرضني على دكتورة...تعرف شو فيني
صفي دمي....اخر شي....شهر كامل و انا عم انزف
بالاخر انتخى اخدني على دكتور...لما اغمى عليي ادامه
بعد طول فحوصات....ومافي شي قدر يوقف هالنزيف
ليش؟لان عنق الرحم تالف.....تالف!
والرحم مهدد بظهور طفرات سرطانية من كتر النزيف ومن تلف عنق الرحم....وائل انحط ادام خيارين...اما الاستئصال او الربط....وطبعا اختار الربط....عملولي العملية....وبعد العملية خبرني هو شو عمل فيني
قرر عني...قرر انو مابدي ولاد....بدي كمل عمري عشيقته
بدي كفي لحالي....اخد هاد القرار بدالي..وصار رحمي عقيم....شوبدك احلا من هيك عيشة.....لك فوق الموتة عصة قبر(تبكي)تزوجني بالغصب....حرموني من ابسط شي بحلم فيه....حملوني ذنب انا ما ارتكبته ودفعت تمنه
عشت 5 سنين احلم فيك....كل يوم اصحى عم ابكي
كنت قول معلش...انا بدفع التمن عنك....المهم انت تكون مبسوط....وائل تزوج فورا مشان يجيب ولاد....انا كنت مركونة على جنب....كرمال شهواته وبس
حياتي لمدة 5 سنين كانت بين هالحيطان.....والمرسم...المكان الوحيد اللي كنت حس اني بتنفس فيه....كل مرة كنت ارسم صورة طفل صغير
يضحك عليي وائل....يقلي انسي هاد الحلم
انحرمت كون ام....لاخر يوم بعمري
جواد......انا دفعت تمن حبك....دمي و اعصابي وعمري ودموعي....و امومتي....كل هالقد حبك تمنه غالي!

_حضنت وجهي بين ايديي وبكيت... تذكرت كل لحظة بشعة عشتها....تذكرت وائل و تذكرت لوكاس بكيت من قلب محروق...مالقيته الا عم يحضني....شدني عليه و صار يمسح على شعري وانا لسا عم ابكي...._

جواد:اهدي....انا هلأ معك....مارح اتخلى عنك شو ماصار....اهدي

_بعدت عنه و طلعت فيه وعيوني غرقانين بالدمع_

شغف:كيف بدي اهدى....لك اهلي بس يصلهن خبر طلاقي رح يجو يقتلوني....كيف اذا عرفو انك لهلا موجود بحياتي....مين رح يصدق انا شو صار فيني!!!!

جواد:يسترجي حدا ويقرب منك او يلمس منك شعرة....والله بحرق الدنيا باللي فيها

شغف:انت بوجودك معي رح تفتح على حالك حرب كبيرة.....بعد عني احسنلك...مابدي ياك تتأذى كرمالي

جواد:عنجد؟...بتخافي عليي؟

شغف:هلأ لاتقلبها غزل

جواد:سؤالي واضح...جاوبي لشوف

شغف:تعال لجاوبك

_مسكت ايده و اخدته على مرسمي....شغلت الضو و طالعت لوحة كبيرة كنت مخبيتها ورا لوحات كتير...لما شافها انصدم وبقي عم يتأملها بدون مايحكي_

شغف:صرلي 3 سنين عم اشتغل عليها

جواد:(مذهول)كأني عم طلع بحالي عالمراية

شغف:حلمت كتير باليوم اللي رح اهديك ياها فيه

جواد:عنجد مو معقولة انتي....كيف متذكرة ملامحي بهالدقة؟!

شغف:ليش انا نسيت لاتذكر؟

_قرب ومسك ايديي وطلع بعيوني_

جواد:لسا بتحبيني؟...........لاتهربي عيونك مني.....قولي....(حط ايدي على قلبه)عم تحسي فيني؟
قولي اي....حتى خوض سبع حروب كرمالك....مستعد احرق الدنيا...مستعد حارب اهلك و اهلي وندى و الدنيا كلها...مستعد اتخلى عن كل شي....مقابل تصيري الي
صح انا ماتعذبت بقدك....بس البعد عنك مابيشبه الا الموت....قولي اي....لعوضك عن كل دمعة...عن كل لحظة تمنيتي كون معك وماكنت....شو؟لسا بتحبيني!

شغف:_

جواد:قوليها....طفي ناري...قولي بحبك...قوليلي حبيبي...متل ماكنتي تقوليها زمان.....قولي هالكلمة....حتى خليها بداية كل شي حلو بحياتك

شغف:جواد

جواد:عمري

شغف:انت عم تسألني سؤال بتعرف جوابه

جواد:حابب اسمعه منك....ليتطمن قلبي

شغف:غمض عيونك...بخجل

جواد(ابتسم)حاضر.....ها...غمضت

شغف(همست)بحبك

جواد:شو عم توشوشي حالك....ماسمعت

شغف:(همست)بحبك

جواد:قوليها بإدني...رح ابقى مغمض...همسي بإدني

_قربت وهمست بإدنه_

شغف:بحبك

جواد:كمان مرة

شغف:بحبك

جواد:كرمالي علي صوتك

شغف:لك بحبك...بحبك بحبك بحبك.....سمعتني هلأ!!!

جواد:ههههه...لسا ما ارتويت

شغف:جوااااد

جواد:لك عمري انتي...عمري انتي....تعالي لقلبي تعالي