#سكرك_مر
#بقلم_فيلوفوبيا
#الجزء_الثامن
الممرضة:الحمدلله عسلامتها

شغف:الله يسلمك...كيفها؟

الممرضة:الحمدلله الام والطفلة بالف خير

شغف:(ابتسمت بلهفة)يعني جابت بنت!!!

الممرضة:وبتاخد العقل

شغف:فيني شوفهن؟

الممرضة:لسا المدام عم يجهزوها لتطلع على غرفتها....بس يعني انتو ماجبتو تياب للصغيرة

شغف:تياب!

الممرضة:اي....الديارة...ياريت تروحي تجيبيهن فورا لانو مافينا نخليها بلا تياب

شغف:طيب...رح روح دغري

_رجعت عالبيت و مابعرف من وين بدي جيب تياب البنت و لابعرف كيف بدي فوت على بيتهن او اني اتصل بجواد.....انا و طالعة عالدرج لقيت جواد واقف على بابي و مبين عليه القلق_

جواد:وين مرتي؟ما اجت لعندك؟

شغف:مبلا....مرتك.....مرتك ولدت

جواد(فتح عيونو بصدمة)ولدت!!!!وليش ما خبرتوني...ليش ماحدا اتصل فيني!!!هيه وين وكيف وضعها...كيف وضع الولد احكي لشوف!!

شغف:(ابتسمت بحزن)هيه منيحة....وجابتلك بنت

جواد:وليش ماحدا خبرني!!!!!!!

شغف:(بارتباك)دقت عليي وكانت عم تبكي وموجوعة...ترجتني اخدها عالمشفى....اخدتها بسرعة وفورا هنيك ولدوها....بس نسيت تاخد تياب للصغيرة مشان هيك انا رجعت لاخدهن مشان يلبسوها

جواد:(هز براسه)انا الحق عليي....قسيت عليها هالمرة...عكل حال فيكي ترجعي على بيتك انا باخد التياب وبروح...كتر خيرك مهمتك خلصت

شغف:(اختنقت بدموعي المحبوسين وغصيت من طريقة كلامه معي بس حاولت جهدي مابينله)طيب متل مابدك

_انا فتت على بيتي و دموعي نزلو غصب عني....مابكفيني الدنيا وكل قسوتها...حتى جواد جاية عليي مع الدنيا...لهالدرجة انا قوية حتى عم حارب لحالي!!!! حتى كل هالاوجاع تكاتفت عليي!!!
....اما جواد....فات على بيته وهو ملهوف ومستعجل....مابيعرف بشو حاسس....بالفرح...بالندم لانو غلط على ندى كتير....بالحزن لانه شغف مو هيه ام ولاده!
شغف الي موجودة بكل تفصيل من تفاصيل حياته!
وندى !°.....اللي كسر بخاطرها....قرر يعتذر منها ويعوضها عن كل شي....قرر يفتح معها صفحة جديدة و يطول بالو عليها....صار في بنت بيناتهن و هالبنت لازم تعيش حياة مستقرة......وهو طالع من بيته رن جواله_
ندى:(بصوت تعبان)جوادكيفك!

جواد:انا منيح....حبيبتي ندى الحمدلله عسلامتك....شفت شغف و حكتلي شو صار....الحمدلله عسلامتك انتي والصغيرة

ندى:الله يسلمك.....وين شغف؟

جواد:ببيتها....انا رح جيب تياب الصغيرة واجي...ورح اتصل بجينا كمان تجي تشوفك

ندى:جيب شغف بدي شوفها

جواد:مافي داعي اصلا هيه مارح ترضى

ندى:جواد!!!بدي شوفها و اتشكرها هيه وقفت معي....جيبها الله يخليك والله انا تعبانة ومالي قدرانة احكي

جواد:طيب...متل مابدك رح جيبها....يلا مسافة الطريق
سلام

_استسلم للامر الواقع و استجمع قوته و دق الباب على شغف...فتحتله و شاف عيونها المحمرين اللي مبين عليهن البكا....ولسا الدموع فيهن
مابيقدر يشوفها هيك...ضعيفة كتير....وهشة كتير....بكاها بيحفر بقلبه حفر...ودموعها كأنها دم وعم ينزل منه
تأملها وتمنى لو يقدر يضمها لصدره....وينسيها كل الوجع او حتى يمد ايدو و يمسح دمعة نازلة على خدها
بس لازم يكابر....ومايفكر حتى انه يضعف للحظة وحدة
لأنه شغف كتلة نار واللي بيقرب منها حتما رح يحترق_

شغف(بصوت مخنوق)خير....في شي؟

جواد:ندى بدها ياكي....بدها تشكرك

شغف:مافي داعي....انا عملت واجبي

جواد:بس هي مصرة تشوفك.....اذا بتريدي تروحي معي....بتعرفي هلأ وضعها حرج...مافيني زعلها

شغف:(بكسرة)صح.....مافيك تزعلها!!(تنهدت)....طيب...رح روح كرمالها بس

_نزلت وراه عالدرج....مضطرة اركب معه بالسيارة....ماحكينا شي ولا حتى اطلعنا ببعض....راح على محل ورد واشترالها باقة ورد كبيرة....كان مبين عليه متحمس وملهوف...طبعا.....اول مرة بيصير اب
فرحتله!!!....فرحت انه عايش هالاحساس..!..يمكن لو تزوجني كان رح ينحرم منه متلي..!
..حضنت حالي...وحاولت هدي...قلبي و دموعي و وجعي....مابدي انهار.....فكرة وجودي معو وهو ماقادر حتى يطلع فيني!!!
فكرة اني شم ريحة عطرو و اسمعو كيف بيتنفس!!!
اني طلع بايديه كل شوي و التانية و المحبس بيسارو عم يخنقني!!!
اني انفيت من قلبو و حياتو و استوطنت وحدة غيري مالها ادنى حق فيه!
اني انا احق حدا فيه بكل الدنيا...انا الي بحبو مهما دارت فيني الدنيا!
شعور الحرمان صعب كتير و الاصعب اني مجبورة خبي كل شي حاسة فيه!!!
الف فكرة و الف دوامة براسي و السكوت هو المخرج الوحيد منهم!
...وصلنا للمشفى و خطواته كانت سابقته....فورا اعطى شنتة التياب للممرضات حتى يلبسو الصغيرة.....مبينة اللهفة عليه......ياترى لو كانت هالطفلة بنتنا شو كان رح يحس!......دلونا على غرفة ندى...بمجرد دخولنا تغيرت تعابير وجهه.......ابتسم و قرب منها حضنها و قدملا الورد
و هيه ضحكتله ما كأنو من ساعة كانو عم يتخانقو!!! بلعت ريقي و شديت على اعصابي وباركتلا_

شغف:الحمدلله عسلامتك ندى

ندى:الله يسلمك....ويخليلي ياكي....انتي ملاكي الحارس!!
لولاكي ماكان بعرف شو كان صار فيني