#ميرا
#بقلمي_leen
Telegram:@rwayate
#الجزء_السادس
(عمر مع لمى)
دقت ميرا الباب و فتحتلها لمى وشافت عمر بدون كنزة و لمى بمظهر غير لائق ببيت لمى..... لحالهم
عمر(وقف). م ميراا انتي فهمانة غلط
ميرا(بصراخ) . غللط! لك شوو الغلط!!لك انت واحد خاين خاااين.... الله يكسرلك قلبك متل ماكسرت قلبي.... كلكم هيك انتو يلي معكم مصاري كلللللكم 😭
عمر. ميرااا ميرااا تعالي فهمك.... ميراا
(طلعت ميرا لبرا وقلبها مكسور 💔 انو معقول عمر اللي عشقتو ومالها غيرو يطلع خاين!!..... انو الوعود كلها هيك راحت 💔..... انو معقول كل اللي معهم مصاري هيك بيلعبوا بمشاعر الفقراء و يكسرولهم قلبهم هيك 💔)
قطع تفكير ميرا ونوبة البكاء تبعها رنة تلفونها القديم
ميرا(بصوت مبحوح) . اهلين ماما
امينة(تبكي) . تعالي الحقي اختك ريم بالمشفى يا ميرااا.....بسرعة.....لك اااخ شو صار فينا😭💔
ميرا. ماما شووفي
Telegram:@rwayate
امينة. بسرعة تعالي عمشفى ال........... 😭
ميرا. يلا يلا جاية
ميرا(بقلبها). يا رب استر شو صرلا ريم
(راحت بسرعة عالمشفى كانت اختها بالعناية المشددة و قابلت الدكتور)
ميرا(تبكي) . منشان الله طمني دكتور
الدكتور. الله يعينك يا بنتي ما بعرف شو بدي قلك
ميرا. لك شبها اختتتي
الدكتور. اختك معها مرض السل من زمان بس كأنها كانت مطنشة.... وهاد المرض ما بخبي عليكي..... يعني..... مميت..... وهي اتأخرت كتير و جسمها بعدو صغير..... نحنا عملنا اللي علينا والباقي على الله.....
ميرا. شووووو..... منشان الله احكي غير هالحكي دكتور
(ظلت ميرا و امها يدعوا انها تقوم بالسلامة)
(طلع الدكتور )
ميرا. بشر دكتور
الدكتور. ما بعرف شو قول........ العمر الكم
امينة. شوووووو..... لك عن اي عمر عمتحكي بعد ما ماتت بنتي (واغمى عليها من الصدمة لانو اتأخرت بالعملية وما كان بيسوالها الزعل...... و اخدوها كمان على غرفة)
(طلع الدكتور مرة تانية)
Telegram:@rwayate
الدكتور. يا بنتي انتي عندك حدا او قرايب
ميرا. لا..... احكي دكتور شووفي
الدكتور. بعرف الصدمة كبيرة...... بس..... العمر الك💔
ميرا(صارت تبكي وتضحك بهستيريا و تضرب بحالها) . شووووو لا لا ياربي......هههههه........ لا لا امي ما بتموت...... واختي ما بتموت كمان...... لككك لااااااااااا...... لك فوق الموتة عصة قبر...... لاااااا (و غميت)
__________________
(ميرا دخلت بغيبوبة لانها ما تحملت صدمة خيانة عمر الها و موت اختها و امها اللي ما الها غيرهم)
(عمر صابتو حالة اكتئاب لانو ميرا تركتو)
(لمى حست حالها انتصرت و انتقمت من ميرا و سافرت على دبي فترة مؤقتاً منشان عمر ما يساويلها شي)
__________________
بعد شهر :
في منزل عمر:
ام عمر. لايمتا بدك تضل هيك يا ابني لايمتا
عمر. اخ يا امي اخ💔خسرت اغلى شي بقلبي و ما بدك ياني ازعل 💔
ام عمر. حاسة فيك يا ابني حاسة فيك😔😔
__________________
(صحيت ميرا من الغيبوبة )
Telegram:@rwayate
ميرا. اخ راسي...... وين انا..... (وبعدين اتذكرت كلشي و رجعت لحالة البكاء)
ميرا. امييييي.......ريييييم.......ليش رحتو و تركتوني..... ااه؟.... ليششش...... اصلا انتو انانين ارتحتو من الحياة و تركتوني هيك لحالي..... ما رح سامحكم...... لا لا ما رح سامحكم....... ااااااااااااه
(اجو الدكاترة عالصوت و عطوها إبرة مهدئ و اتصلو بدكتور نفسي منشان تقدر تتخطى الصدمة)
__________________
بعد اسبوعين:
(ميرا عمتتعالج عند طبيب نفسي واتحسنت شوي.... بس ما كانت كتير مرتاحتلو فقررت تشوف دكتور تاني وقت تفضى..... وقررت تروح تنظف البيت لانو بدها تتطلع منو و ما ينفتحو جروحاتها)
__________________
ميرا في بيتهم:
ميرا. الله يصبرني لأتخطى هالمحنة 😔💔
Telegram:@rwayate
(ضلت تنظف البيت وهي عمتسمع غنية اليسا :
🎵اااااااه يا زماني اااااااه🎵
🎵شو بعمل بيلي جواتي🎵
🎵آسرني وحابس انفاسي🎵
🎵شو صعبة انسى حبيبي والأصعب كمل حياتي🎵
🎵يا رييت🎵
(نزلوا دموع ميرا لانها حست انو الغنية بتتكلم عنها و راحت صارت تشم اواعي امها و اختها و تبكي فاتصلت على الدكتور النفسي منشان يجي لعندها لانها كتير متضايقة)
__________________
اجا الدكتور لعندا عالبيت و نظر لالها نظرات بتخوف وصار يقرب منها ببطئ و ميرا خايفة و عمتبعد لورا...... حاصرها و حط ايدو عتمها منشان ما تصرخ.....و
يتبع.....
__________________يتبع.....
__________________
توقعاتكم؟؟
الجزء هاد بيحزن 💔
لانو ضربتين عالراس بتوجع (امها و اختها) و ضربة على قلبها (عمر) 💔
هل حتقدر ميرا تتخطى محنتها ؟
وشو بتتوقعوا الاحداث الجاية؟
تغيرت حياة ميرا بأقل من 24 ساعة من جنة لنار

#ميرا
#بقلمي_leen
#الجزء_السابع
Telegram:@rwayate
اجا الدكتور لعندا عالبيت و نظر لألها نظرات خبيثة بتخوف.... وصار يقرب منها ببطئ و ميرا خايفة و عمتبعد لورا..... حاصرها و حد ايدو عتمها منشان ما تصرخ...... و حاول يعتدي عليها..... بس ميرا اجتها القوة و عضت أيدو و رفستو :
ميرا. يا عااالم.... الحقوني.... الحقوني
(تجمعوا الجيران على صوت صراخها.... بس هو لحق حالو و قدر يهرب من البيت بسرعة )
........ .شوفي يا بنتي ليش هيك عمتصرخي
ميرا(عمترجف من الخوف). ااااه...... لا..... م ما ففيني ششي
.......... لا حول ولا قوة الا بالله العلي العظيم..... شكلها جنت هالبنت بعد موت امها و اختها
(راحو الجيران و هم مفكرين انو ميرا جنت بعد صدمتها)
(ميرا (مرعوبة) . يا ربي.... يا ربي..... بسم الله الرحمن الرحيم..... قل اعوذ برب الفلق..... 😭😭..... ليش هيك.... ااه؟.... لييش..... انا لازم بلغ عنو..... لا لا كيف بدي بلغ عنو..... هو اكيد معو واسطات و بيقدر يطلع..... من وين بدي امن مبلغ و اعطي محامي لو بدي اشتكي عليه..... لا لا خلص ما رح اشتكي )
Telegram:@rwayate
_________________
(من بعد هاد اليوم ميرا صار معها عقدة من الرجال و حالتها النفسية صارت للاسوء و صارت تتدين كتير لحتى تأمن حالها و قررت تروح عند دكتورة نفسية هلمرة مو دكتور منشان ما يتكرر هاد الشي)
ميرا بالعيادة:
ميرا. مرحبا
السكرتيرة. اهلا مدام تفضلي
ميرا. ديموزيل لو سمحتي
السكرتيرة. اهلا ديموزيل
ميرا. انا جاية اخد موعد
السكرتيرة. مممم هلأ في عنا بهي العيادة الدكتورة عبير و في الدكتور عامر...... بس الدكتورة عبير ما في ولا موعد فاضي كل هالاسبوع...... بتحبي اخدلك موعد عند الدكتور عامر؟؟ (طبعا عامر هو نفسو اخوه لعمر)
ميرا. يعني ما في ولا دكتورة؟
السكرتيرة. لا دكتورة ما في المواعيد ممتلئة..... ازا بدك الدكتور عامر كتير شاطر ازا بتحبي
ميرا.(ما كان عندها خيار تاني لانو هي العيادة الوحيدة القريبة من بيتها ). اوك.... حطيلي موعد
السكرتيرة. اوك....
____________
Telegram:@rwayate_
راحت ميرا عالعيادة :
ميرا(خايفة و متوترة). م مرحبا دكتور
عامر. اهلا ميرا
ميرا.........
عامر. بلشي ولا توتري
ميرا. م ما بعرف من وين بلش بصراحة
عامر. بلشي من النقطة اللي انتي بتحبي تبلشي منها..... ما تعامليني كطبيب..... عامليني كصديق الك و فضفضيلي..... ما توتري
(ميرا كتير ارتاحت لكلام لعامر و استمرت بالعلاج عندو و صارو اصدقاء بعض الشيئ.....)
_____________
في بيت ميرا:
(الباب يدق)
ميرا (فتحت الباب ). اهلا.... مين حضرتك
...... انا محامي
ميرا(باستغراب ) . ليش المحامي.... في شي؟
المحامي. ممكن توقعي هون
ميرا. على شو وقع؟!
المحامي. هدول وراق الميراث تبعك من عمك توفى جديد و بما انو انتي الوريثة الوحيدة.. وقعي هون
ميرا. عفوا !! انت اكيد مخربط !!
المحامي. لا مو مخربط..... مو حضرتك ميرا ال.....
Telegram:@rwayate
ميرا. مزبوط انا ميرا..... بس نحنا قرايبنا مقاطعينا و ما بعرفهم اصلا !!
المحامي. ما بعرف..... انتي الوريثة الوحيدة..... وقعي هون اذا سمحتي....
ميرا(مدهوشة) .اي... اي.... يلا
(وقعت ميرا و قرأت العقد وكان من ضمن ميراث عمها اللي ما بتعرفه اصلا شركات وفيلات و بيوت كتير )
_______________
ميرا نقلت تخصصها من التمريض ونقلت عالمحاماة لانو بدها تدافع عن اللي ظلمهم المجتمع متلها..... و تخطت حالتها النفسية بس لسا معها عقدة من الرجال...... و سافرت عدبي بالمصاري اللي معها و الشركات تطوروا اكتر من قبل..... و قررت تكمل حياتها طبيعي و تنسى عمر..... وغيرت كل اللوك تبعها و قصت شعرها و صبغتو اشقر و غيرت اسمها كمان منشان تنسى الماضي وصارت شخصيتها قوية...... و تخرجت لصارت محامية شاطرة كتير و معروفة
_______________
بعد اربع سنوات :
في مكتب بشركة عمر :
كريم (رفيق عمر). عمر... هاد اياد انا مو مرتحلو
Telegram:@rwayate
عمر. لك شبو اياد.... شبو؟
كريم. لساتو مصر انو نحط مواد ضعيفة و رخيصة بالبناء..... لك شو بدو تنهد شي بناية و نبتلا
عمر(بسخرية) . شوووو..... ليكون صاحب الشركة وانا مو عرفان... هه
كريم. قال انو منربح اكتر
عمر. وانا ما بدي اربح اكتر..... منيح هيك
كريم. ايه....متل ما بدك
_______________
نزلت سيلار (ميرا) من سيارتها الفخمة بكل غرور و ثقة و اناقة
وطلعت عالفيلا
سيلار(تنادي) .يا خالة ام العبد... يا ام العبد..... وينك
ام العبد(خادمة) . اي ليكني..... اهلين بنتي
سيلار. كيفك خالة
ام العبد. الحمدلله يا بنتي..... اعملك شي
سيلار. لا سلامتك.... بس فنجان قهوة لو سمحتي
ام العبد. يلا من عيوني

#ميرا
#بقلمي_leen
#الجزء_الثامن
Telegram:@rwayate
عمر. لك شووفي شو صايير
الشرطي. انت متهم بأنك بتستعمل مواد قليلة الجودة بالبناء بأكثر من عَمَار .....شو بتفسر هالشي يا سيد عمر
عمر. شووو.... كيييف(و خطر ببالو انو اياد كان بدو يعمل هيك)..... لا..... ما في دليل بيثبت اصلا اني انا اللي عملت هيك
(طلع الشرطي من الجرار ملف و وجهو لوجه عمر)
الشرطي. وهاد توقيع مين بلا !!
عمر. صدقوني انا ما عملت شي..... ما عملت شيييي..... هاد مو توقيعي
(اخدو عمر عالزنزانة)

بعد عدة ساعات:
الشرطي. عمر ال....... زيارة
(طلع عمر على غرفة الزيارات)
ام عمر(تبكي) . ابنييي.... ليش هيك عمللت
عمر. امي والله انا بريئ.... برييئ.... اكيد في حدا متلاعب بالملفات
ام عمر(تبكي) . مصدقتك يا امي..... مصدقتك..... انا رح لاقيلك احسن محامي بالبلد لحتى تطلع
الشرطي. انتهت الزيارة
ام عمر.دير بالك على حالك ابني
عمر(تنهد) . انشالله امي انشالله
____________
Telegram:@rwayate
في مكتب سيلار :
(باب المكتب يدق)
ميرا. تفضل
السكرتيرة. في قضية جديدة استاذة سيلار
سيلار. اعطيني الملف
السكرتيرة. اوك
فتحت الملف و شافت الاسم:
سيلار. شوووو..... لالا مستحيل..... عمر !!
(مر شريط ذكرياتا مع عمر و تذكرت وقت خانها و اتخلى عنها.... ونزلت دمعة من عينها وقالت بقلبها. لالا انا رح كون قوية و ما اهتم لشي)
Telegram:@rwayate
(احتارت سيلار اذا تمشي بالملف و تستلم القضية ولا لا..... بس قررت ما تضعف و تكون قوية..... بس الحب رح يكون اقوى من كل شي)
______________
بعد شهرين في المحكمة :
(عمر صار وجهو شاحب و دقنو طولت و شعرو كمان و حالتو مزرية وضعفان)

(اجت سيلار بغرورها و ثقتها المعتادة و لبست اواعي المحاماة و اجت تقدم الادلة و عيون عمر عليها و متأكد انو هي ميرا اللي عشقها من اول نظرة لانو هو بيعرف عيونها حتى لو غيرت اللوك كامل تبعها و اتذكر افتراقهم بهداك اليوم المشؤوم)

////فلااااش بااك////
(كان عمر بغرفتو لما سمع رنة تلفونو)
عمر. افففف شو بدها هي كمان..... انا حذرتها ما تقرب من ميرا
(رد عالتلفون)
عمر(ببرود). اهلين لمى
Telegram:@rwayate
لمى. اهلين عمورة...... في شي ضروري لازم تاخدو..... بدي اعطيك امانة ضرورية
عمر (بقلبو). ياربي هلأ وقتها هي
عمر. ماشي ماشي وين بدك نلتقي
لمى. اليوم ببيتي بهاد العنوان.......
عمر. اوك بشوفك..... باي
لمى. باي
(عالساعة 6:50 كان عمر ببيت لمى ولمى كان لبسها غير لائق ابدا)
(رن تلفون عمر وكانت ميرا)
عمر. اهلين حبيبتي كيفك
ميرا. حبيبي...... انت وينك
عمر(خاف انو تزعل او تفهمو غلط ازا قلها انو ببيت لمى). اااه..... ااانا..... اانا بالبيت...... اي بالبيت
لمى. عمر انا رح ساوي قهوة
عمر. اي استعجلي
(اجت لمى تضيفو القهوة و تقصدت تكبها عليه)
لمى. ييي.... سوري..... عنجد سوري
عمر. افففف امنت بالله على هالنهار
Telegram:@rwayate
لمى. يي.... اشلح هي الكنزة وانا رايحة جبلك كنزة تلبسها
عمر. لاحول ولاقوة الا بالله..... طيب يلا بسرعة
(دقت ميرا الباب و فتحتلها لمى وشافت عمر بدون كنزة و لمى بمظهر غير لائق ببيت لمى..... لحالهم )
عمر(وقف). ميراا انتي فهمانة غلط
////باااك////
فاق من شرودو عصوت سيلار :
سيلار. لاحظ انو بكل الملفات و الاوراق التوقيع كان بشكل سريع
..... اما هون لاحظ انو الشخص اللي كاتب التوقيع كاتبو بحذر كتير و شوي شوي...... يعني بهالحالة بيدل انو التوقيع مزور
Telegram:@rwayate
القاضي. حكم على المتهم عمر ال...... ب..........
يتبع......
____________________________
هل عمر و سيلار (ميرا) بيرجعو لبعض؟؟
و شو بتتوقعو يكون حكم عمر.؟؟

#ميرا
#بقلمي_leen
#الجزء_التاسع
Telegram:@rwayate
(اسفة تأخرت عليكم بالجزء بس رح عوضكم انشالله)

القاضي. حكم على المتهم عمر ال..... بالبراءة من القضية
(ابتسمت سيلار ابتسامة نصر لانها ربحت القضية...... و طلعت من المحكمة
(اما عمر كان كتير مبسوط لانو طلع من السجن..... و لانو كان متأكد انو هي ميرا (سيلار) )
(واياد فات عالسجن لانو هو اللي زوَّر و تلاعب بالملفات)
____________
رجع عمر عالبيت وكانو عاملين حفلة ليحتفلوا بعودته من السجن:
ام عمر. لك نوَّر البيت..... الحمدلله على سلامتك تؤبرني
عامر. اشتقتنا لغلاظتك شريك ههههههه
سارة. الحمدالله على سلامتك اخي
عمر. هههه الله يسلمكم كلكم
____________
رجعت سيلار عالبيت وهي شاردة و عمتفكر بعمر و ابتسمت لا ارادياً :
سيلار. لا لا انا بكرهك (تصرخ و تبكي ) بكررررهك..... بكرررررهك.......
____________
(عمر عميفكر بسيلار و متأكد مية بالمية انو ميرا لانو بيعرف عيونا..... بس محتار انو من وين جابت هالمصاري كلها !! )
____________
Telegram:@rwayate
بعد عدة ايام:
كانت رايحة سيلار عجلسة بالمحكمة و ربحت القضية و اجا عمر كمان :
طلعت سيلار من المحكمة :
عمر. ميرااا.....
سيلار. عفوا شكلك مخربط انا اسمي سيلار مو ميرا
عمر. لا.... انتي ميرا..... انا بعرفك من عيونك..... صدقيني انا ما خنتك...... هي كانت لعبة من لمى لتبعدنا عن بعض
سيلار. قلتلك انا سيلار مو ميرا..... باي
(رجع عمر على بيتو وضل يفكر بجملة ميرا بوقت الحادثة (انت واحد خاين خاااين..... الله يكسرلك قلبك متل ما كسرت قلبي)..... وصار يكسر كلشي حواليه )
عمر(يصرخ). ليش عمتنكري انك ميرا...... لييييش......ليش ظلمتيني...... ااااااااخ شو بحبك يا ميرا
___________
Telegram:@rwayate
سيلار راحت عالمطعم اللي عمر اعترفلها بحبو فيه و انهمروا دموعا لا اراديا...... و بتجي بنت بتسألها
....... لو سمحتي بتعرفي وين قسم العائلات هون لانو المحل كبير؟
(سيلار تفاجأت لمّا شافتها)
سيلار. ل ل لمى
لمى. عفوا.... من ويين بتعرفي اسمي !!! ؟؟
سيلار. ااااه..... لا اسفة...... مشبهتك لحدا
لمى. بس انا عنجد اسمي لمى !!
سيلار. هاااا..... اي اللي مشبهتك فيها اسما لمى..... منشان هيك يعني
(لمى ركزت بسيلار اكتر)
لمى. استني استني شوي...... ا ا انتي م ميرا !!
سيلار(بتوتر). عفوا.... م مين ميرا..... انا اسمي سيلار
لمى. لا لا انتي ميرا انا متأكدة !!
Telegram:@rwayate
سيلار. مين ميرا انا سيلار
لمى. انا بعرف انك ميرا..... انا اللي فترة طويلة عمدور عليكي..... بدي..... بدي اعتذر منك...... انا اللي دبرت كلشي مع عمر...... عمر حرام مو ذنبو..... عمر مو خاين..... انا اللي دبرت الخطة و (حكت لمى كيف صار هيك و كيف كبّت القهوة عليه و انو هية اللي كتبت الرسالة و سيلار ساكتة و متفاجئة) 😔.....انا اسفة كتير بس كنت طمعانة بعمر......ما بدي منك غير انو تسامحيني...... سلام
سيلار(مدهوشة)(بقلبها). معقول..... معقول كون ظلمتو لعمر...... اي انا بحبو لعمر...... اصلا عيونو حسيتهم صادقين...... ااااخ معقول كون ظلمتك يا عمر
____________
راحت سيلار عالمكتب :
السكرتيرة. اسفة استاذة بس هو أصرّ يفوت
سيلار. مين هو
السكرتيرة.............
Telegram:@rwayate
فتحت سيلار باب المكتب و شافت عمر:
سيلار. عفوا انت كيف بتسمح لحالك تفوت هيك!! ؟
عمر. انا حبيبك...... لازم الحبيب ياخد اذن ليشوف حبيبتو
سيلار. انت شو عمتخبص...... طلاع لبرا لو سمحت
عمر. ميرا.... انا بعرفك منيح..... انا حافظك...... حافظ عيونك و ملامحك
سيلار(معد تحملت انو تنكر). اي نعم انا ميرا..... ميرا
عمر(انبسط). طب ليش كنتي تنكري...... تعالي...... خلينا نتجوز..... نحنا كتير منحب بعض
ميرا. ازا انت بتحبني انا ما بحبك....... مع السلامةض
عمر...........
(و طلع من المكتب و هو مكسور...... بس رح يضل يحاول معها حتى ترجعلو...... هو متأكد انو ميرا بتحبو...... )

(اخد عمر كرت فيه رقم ميرا (سيلار) )
اتصل عمر على سيلار :
سيلار. الو مرحبا
عمر. اهلين يا اميرتي
سيلار. اهلا استاذ عمر..... في شي
عمر. اشتقتلك
Telegram:@rwayate
سيلار. التزم حدودك استاذ عمر
عمر. بين الحبيب و حبيبتو ما في حدود
سيلار. انت شو عمتحكي..... رجاءً تلتزم حدودك هاد رقم مكتب شغل..... مو للتسلاية..... سلام (وسكرت الخط)
(ضل عمر يرن بس سيلار ما ترد)
_____________
عمر بالسيارة و عميسوق بسرعة و معصب:
عمر. ليش هيك عمتعملي...... معقول ما بتحبيني...... ليش يا ميرا...... ليييييش
(قطع صراخو صوت اصطدامه بشاحنة كبيرة)........

يتبع.......
______________________________________________

#ميرا
#بقلمي_leen
#الجزء_الاول
Telegram:@rwayate
بنت فايتة بأول يوم الها بالجامعة و مو عرفانة وين تروح، خبطت ببنت وهي ماشية :
ميرا. اسسفة كتتير
ديانا. لا لا عادي
نزلوا يلموا الكتب اللي وقعت...
ديانا. كأنك جديدة هون
ميرا. اي ممكن تقليلي وين كلية التمريض
ديانا. بتضلي ماشية لتلاقيها عاليمين
ميرا. اوك شكراا كتيير
ديانا. عفوا حبيبتي.... شو رأيك نكون اصدقاء لاني وانا كمان بالتمريض
ميرا. اكييد
(ميرا بنت حلوة كتير بشرة بيضا بعيون عسلي و شعر اشقر غامق طوييل و كتير نعومة عمرها 18 سنة وطيوبة بس مشكلتها انها من عيلة فقيرة عايشة مع امها وابوها متوفي و عندها اخت صغيرة اسمها ريم)
في الجانب الآخر :
(شلة مكونة من بنت اسمها لمى و شب اسمو عمر و كريم و مراد)
عمر. يلا انا تأخرت لازم روح
لمى. لسا بكير ،لتكون خايف تاكل بهدلة من امك يعني هههههههههه
Telegram:@rwayate
عمر. لمى مو ناقصك ها ماشي
(عمر شب من عيلة غنية كتير معروفة حلو كتير اسمر بعيون و شعر بني بملامح جدية بس مو ملتزم وما عندو مسؤوليات )
(لمى بنت من شب لشب وشايفة حالا)
خلصت المحاضرة و راحت ديانا و ميرا منشان يرتاحو و مروا من جنب هي الشلة :
لمى. شوو شايفة في وجوه جديدة هي السنة ههههه
كريم. بس والله خلقتا حلوة هالبنت (ميرا)
مراد. اي والله مع شوية تزبيط بتطلع ملكة
لمى.بلا شو هلأ هي الشرشوحة ملكة!!
عمر. هي شرشوحة ما اختلفنا بس ماشي حالها
لمى. هيك لكن😒
عمر. بس بدي افهم كيف هيك شكيلات بدخلوهم عالجامعة...
Telegram:@rwayate
ميرا. عرفيني عن حالك ديانا
ديانا. مممم انا عادي متلي متل اي بنت عيلتنا مكونة من امي و ابي واختي سلمى اكبر مني بهي الجامعة بس سنة رابعة و
اخي احمد ووضعنا المادي عادي 😊
(وميرا كمان عرفتها عن نفسها.... )
(راح كل حدا على بيتو و ميرا مبسوطة انها تعرفت على صديقة جديدة )
(دخلت ميرا عالبيت :
ميرا. مرحبا يا ست الكل
ام ميرا. اهلين حبيبتي شو طمنيني كيف كان اول يوم الك
ميرا. كتييير حلو وتعرفت على صديقة اسمها ديانا
ام ميرا. حلوو الله يهنيكي حبيبتي
ميرا.شو وينها ريم ؟؟
ام ميرا. يعليي عليها طالعة حرارتها وما معي مصاري اخدها عللدكتور😔😔
ميرا. لا حول ولا قوة الا بالله انا رايحة شوفها...... انشالله هلأ وقت اتخرج ما حتحتاجو شي.... وانتي امي رح تبطلي هالشغل
(ام ميرا بتشتغل خادمة مشان ياكلو و يعيشوا)
(مرت الايام وعلاقة ديانا و ميرا عمتتطور اكتر وصارو اصدقاء مقربين)
(كانت ميرا راجعة من الجامعة)
ميرا.مرحبا... وينكن
ريم (تبكي) . اختي تعاالي امي ما بعرف شو صرلها....😭😭
يتبع.

#ميرا
#بقلمي_leen
#الجزء_الثاني
Telegram:@rwayate
ميرا. مرحبا... وينكن
ريم(تبكي). اختي تعالي امي ما بعرف شو صرلها... 😭😭
ميرا. يلا جااية...
(راحت ميرا ولقت امها مغمى عليها و ريم عمتحاول تصحيها )
ريم. ميرا امي فجأة صار معها هيك 😭شو نعمل
(ميرا. اخدناها بصعوبة للمشفى بمساعدة الجيران و عملولها التحاليل اللازمة و نحنا خايفين و مو عرفانين كيف بدنا ندفع المبلغ)
(اليوم التالي.... و ام ميرا قربوا يطلعوها من المشفى...راحت ميرا عاالجامعة عند ديانا و هي كتير زعلانة و خايفة من نتائج التحاليل بنفس الوقت)
و هي فايتة عللجامعة خبطت بعمر...
عمر عرف انو هي البنت اللي كانوا بيحكوا عنها...
عمر. هيييي شو انتي عمية ما بتشوفي!!
ميرا. اسسفة بس مافي داعي للمسبات عفكرا😡
عمر. عرفي مع مين بتحكي😡😡
Telegram:@rwayate
ميرا. ما بيهمني اعرف... خبطت فيك واعتزرت منك وخلص مافي داعي تكبر الموضوع😡
عمر. هه ضحكتيني والله... روحي روحي من وشي يا شرشوحة
(ميرا كانت دمعتا على طرف عينا فطنشت و راحت عند ديانا )
ميرا(على شوي كانت رح تبكي ). مرحبا ديانا كيفك
ديانا. اهليين ميرا وينك ما اجيتي عالمحاضرة شغلتيلي بالي
ميرا(تبكي).ااااخ يا ديانا ااااخ.... امي امي 😭
ديانا. شباا امك
ميرا. نقلناها عالمشفى لقيناها مغمى عليها...... و خجلانة قلك كمان 😞
ديانا. ييييي سلامتا.... قولي حبيبتي لا تخجلي
ميرا. بدي اتدين منك مبلغ منشان ندفع للمشفى.... بعرف وضعكن على قدكن بس ما بعرف من مين اطلب و بتعرفي نحنا وضعنا على قدنا وما النا حدا 😢😢
ديانا. لا لا مو لهلدرجة.... بعطيكي قد ما بدك... لكن نحنا ليش رفقات.... خلص لا تبكي 🤗
ميرا. عنجد يسلمو والله ما بعرف شو اعمل بدونك 😔
ديانا. عفوا ياعمري.... الصديق وقت الضيق 😉😉
(طلعت ميرا من الجامعة و معها المصاري بس وهي طالعة فات شي بعينها وقعدت تحك فيها لانها بتوجع وشافها عمر من بعيد و راح لعندها)
Telegram:@rwayate
عمر. شبكي فيكي شي
ميرا. هادا انت... لا فيني شي شو بدك
عمر. لك ورجيني عينك صارت حمرا من الحك
ميرا........
(طلَّع عمر الشي اللي فات بعينها لميرا بعد ما سرح بعيونها )
ميرا. شكرا الك
عمر.ااه.. اي عفوا... و بعتذر عن سوء التفاهم اللي صار بيناتنا انا زودتها شوي
(طبعا عمر ما بيتنازل يعتذر بس هو ما بيعرف شو صرلو)
Telegram:@rwayate
(راحت ميرا عالمشفى وهي خجلانة من حالها عالموقف اللي صار معها و راحت لعند الدكتور لتعرف نتائج التحاليل وهي متوترة)
الدكتور. بصراحة النتائج مو كتير بتطمن
ميرا (توترت اكتر) . شششو دكتوور فيها شي
الدكتور. للاسف امك...............................
_______________________يتبع.....

#ميرا
#بقلمي_leen
#الجزء_الثالث
Telegram:@rwayate
الدكتور. بصراحة النتائج مو كتير بتطمن
ميرا. شششو دكتوور فيها شي
الدكتور. للاسف امك( أمينة) معها مرض قلب
ميرا(تبكي). شووووو 😭وهلأ شو لازم نعمل
الدكتور. لا اطمني بتقدروا تعملوا عملية.... بس لازم تنعمل العملية بفترة اقل من شهرين و حالتها النفسية ضرورية يعني ما لازم تزعل لانو هاد الشي بأثر على صحتها..
ميرا. انشالله😥
ميرا(بقلبها). ياربي من وين بدي جيب تكاليف العملية.... لا وكمان لازم قبل شهرين... لك اااااخ من وين اجتني هالمصيبة
_____________
في بيت عمر :
رجع عمر عالفيلا (خلينا نعرفكن على عيلة عمر: عندو اخ اصغر منو بسنتين اسمو عامر بيدرس ليصير دكتور نفسي و اختو سارة و مريم متجوزين.... امو و ابوه عايشين..)
عمر. مرحبا امي
ام عمر. اهلين عمر
عمر. شو وين الخالة امينة
ام عمر. ما بعرف والله مو مبينة
عمر. ممممم غريبة..... طيب انا طالع
دخل عمر عالغرفة:
عامر. اهلين والله سيد عمر زمان عنك
عمر. .......
Telegram:@rwayate
عامر. هاااي... الووو.... شو وينك شارد
عمر. هاا اي ما كنت منتبه
عامر. ايواه 😏الي ساعة عمبحكي معك.... لككك عمر لتكون عشششقان يا بعدي
عمر. عامر اطلاع من راسي 😒
عامر. اي مالي رايح حتى تحكيلي
عمر. هفففف امري لله (وحكا عمر لعامر عن ميرا)
عامر. هالله هالله ...و شو اسما بلا صغرة 😏😏
عمر. لكك شبعرفني.... هلأ ازا قلتلك عجبوني عيونا بكون حبيتا يعني🙄😒
عامر. لك شبك انا رح صير دكتور نفسي ولا نسيان😏😏
عمر. ماشي فهمت... يلا لبرا🙂
عامر. ماشي يا عمر.... منشوف
Telegram:@rwayate
_______________
في اليوم التالي :بالجامعة :
(ميرا قاعدة لحالا و صافنة بالمصيبة اللي اجتها و بيطلع شب من وراها)
...... بتعرفي انك حلوة ههههههه
ميرا. روح من وشي
...... لوين يا حلو ههههههه عفكرا بتطلعي حلوة مع تزبيطات ههههه
ميرا. خراس و انقلع من وشي.... او قلك انا رايحة
(بهالوقت فات عمر وشاف ميرا )
اجت ميرا لتروح و مسكها الشب من ايدها
...... لك ليش خايفة تعي معي والله بعيشك احلى ملكة هههههههه
ضربت ميرا الشب كف..... و اجا عمر و عملو خناقة و تكسر الشب تكسير من ضرب عمر
ميرا. عنجد شكرا ما بعرف كيف ردلك هالمعروف
عمر. لا ولو... كان بدو هالقتلة..... رديلي المعروف بأني رح اعزمك على فنجان قهوة
ميرا. بس....
عمر. بدون بس...
(راحوا ميرا و عمر عكافيتيريا الجامعة و طبعا ميرا اول مرة بتفوتو)
عمر. ممم شو تطلبي
ميرا. نسكافيه
Telegram:@rwayate
عمر. وانا قهوه
(كانو كل الطلاب مستغربين انو عمر يقعد مع اللي بيلقبوها بالشرشوحة!! )
_____________
راحت ايام واجت ايام و ميرا عمتحاول تأمن المبلغ
و عمر و ميرا صارو اصدقاء
و لمى زاد حقدها على ميرا انو (الشرشوحة تاخد كل أموال عمر!! )
و عمر صار كتير بيفكر بميرا و ميرا عمتفكر بعمر
وعمر صار ملتزم و ما عد طلع يسهر و يضيع وقت
_____________

(مجتمعين لمى و كريم و مراد)
لمى. افففففف يعني لايمتا عمر بدو يضل مع هي اللي ما بتتسما
كريم. لك شو بدك فيه للزلمة
لمى. لك مالك شايف كيف طول الوقت معا....... بس انا ما رح خلي هالشغلة تدوم (و راحت)
كريم. اووف من هالبنت
Telegram:@rwayate
مراد. اي هلأ بتسكت و بترضى
كريم. لك انت لسا ما بتعرفها للمى
مراد. شو قصدك يعني
كريم. يعني بالمختصر لمى ما رح تسكت
____يتبع.... __________________________________________شو بتتوقعو رح تعمل لمى؟؟
وهل ميرا و عمر رح يحبو بعض ؟؟

#ميرا
#بقلمي_leen
#الجزء_الرابع
Telegram:@rwayate
(هاد الجزء اغلبه من قصة #مرام للكاتبة مريم يوسف اللي اصلا اخدت منها هي القصة بس غيرت الاحداث)
كان رايح عمر للعيادة اللي بيشتغل فيها اخوه عامر:
عامر. اهلين والله
عمر. اهلين.... عامر من الآخر... هلأ كل اللي بيجوا عندك مجانين؟
عامر. هههه اكيد لا نحنا العرب عنا نظرة للطبيب النفسي نظرة طبيب مجانين.... بس لا غلط الطبيب النفسي شخص بيساعد الناس اللي بتعاني من مشاكل نفسية في حياتها مش عارفة تحدد هدفها بالحياة اشخاص بحاجة الى صديق الطبيب بكون الصديق ناس بتشوف حياتها ظلمة الطبيب بفرجيها الجانب المشرق بالحياة...... و..... و..... و.....
Telegram:@rwayate
عمر. بس... بسسسسسس سألتك سؤال ما قلتلك حدثني عن الطبيب النفسي
عامر. اوك قلي انت عندك مشكلة يعني.... لك صح شو صار بأم عيون حلوة هههههههه
عمر. 😒😒 لك تضرب انت ويلي بيجي لعندك.... سلام
عامر. هههه لك ويين رايح عمنمزح ولوو
عمر. وهي قعدنا.... ما بعرف من وين بدي بلش
انا و ميرا اتقربنا من بعض و صرنا اصدقاء مقربين و اقتربت اكتر لحتى......
عامر. كمل ليش سكتت
عمر..........
عامر. حبيتها
عمر. انا ما قلت هيك بس..... بشعر بارتياح لما بكون معها..... معقول يكون هاد اعجاب مثلا
عامر. اعجاب ولا حب؟
عمر. ما بعرف حدد شعوري
عامر. عامر انت بتحبها
عمر. كيف عرفت😲😲
عامر. اول شي عيونك عميبرقوا لما انذكر اسمها و انرسمت الابتسامة عوشك
عمر. كمل
Telegram:@rwayate
عامر. غمض عيونك و تخيل
عامر.تخيل انو ميرا ماشية هي و شب و ماسكلها ايدها
(عمر بانت عليه علامات الغضب)
عامر. طب تخيل انو اجت ميرا و ضمتك و قالتلك بحبك يا عمر.... انت هلأ التفت لعندها واتطلع بعيونها
(بدء يتخيل عمر التفت لعندها و اتطلع بعيونها وقال وانا كمان بحبك بقلبو )
(عمر غارق بحلمو)
(عامر عميهمس باذنو بس عمر مو حاسس فيه)
عامر. ما سمعت قلي شو قلت (عمر عميسمع صوت عامر على انو صوت ميرا) (صحي عمر من حلمه وشاف عامر قاعد جنبه و عميضحك عليه)
عامر. قلتلي اعجاب!! هههههههههه
عمر. ههههههههههههه
___________________
Telegram:@rwayate
(مر شهر ونص و ميرا لسا ما قدرت تأمن المبلغ)
(ريم صار معها زكام قوي وكتير تعبت)
(عمر قرر يعترف بحبو لميرا)
(ميرا كمان حاسة حالها انها بتحبو لعمر)
___________________
ميرا بالبيت:
ميرا. لك شبك ريم شو صرلك مع السعلة
ريم. اخخخ ما بعرف تعباانة كتير
ميرا(بقلبها).يا الله شو اعمل امي مريضة و هلأ اختي
(ريم صار ينزل دم وقت تسعل بس ما اهتمت للموضوع و فكرت انو هاد الشي عادي )
___________________
اليوم التالي في الجامعة :
عمر. صباحو
لمى. اهلين بعمر والله زمان القمر ما بان
كريم. اهلين عمر
عمر. اليوم رح اعرفتلها بحبي لميرا
لمى. شووووو كيف يعني
Telegram:@rwayate
عمر. يعني انا بحبها
مراد. لك شو انت جنيت لحتى تحب هي البنت..... انت الف بنت بتتمناك ما لقيت غير هي الشرشوحة
عمر(بغضب). اووعك تجيب سيرتها علسانك..... فهمت..... اي في الف بنت و انا اخترت ميرا..... عندك مانع
كريم.عنجد انتو ليش منزعجين منو..... الزلمة بحبها شو بدكم فيه
لمى(بغضب). اي تتهنى سيد عمر 😡(و راحت)
لمى (بقلبها). انا لازم امنع هاد الشي والا بروحو عليي كل املاك عمر و المصاري (طبعا لمى طمعانة فيه)

#ميرا
#بقلمي_leen
#الجزء الخامس
Telegram:@rwayate
(بهاد الجزء رح يبلش الاكشن ههههه)

عمر. انا جبتك منشان اعرفتلك بشغلة
ميرا. شو هية؟ ؟
عمر. ميرا انا بحبك، بحبك بجنون
ميرا.........
(ميرا من الصدمة ما قدرت تحكي شي لانو هي كمان بتحبو)
عمر. ازا ما بتحبيني عادي انا نا بقدر اجبرك على شي
ميرا.........
(خلصو اكل وعمر قام منشان يروحو والتفت)
ميرا. عمر
(عمر ضل واقف مكانو بدون ما يلتفت او يحكي شي)
ميرا. بحبك
عمر. شششو عمتحكي عنجد
ميرا. اي.... بحبك
(و طلعو وهن مبسوطين بس في حدا كان شايفهم و عميفكر بخطة ليبعدهم عن بعض)('' هدوء ما قبل العاصفة'' )
(المهم طلعو عالبحر و قضوا احلى نهار)
Telegram:@rwayate
________________
بعد عدة ايام في بيت ميرا :
أمينة. يلا بدك شي ميرا
ميرا. امي كتير مالة خليني روح معك عالبيت اللي عمتشتغلي فيه
امينة. والله ما بقدر يا بنتي..... بعدين عليكي دراسة
ميرا. امي والله مليت من الدراسة..... خديني معك بدي شوف هي الفيلا الكبيرة اللي حكيتيلي عنها.... يا ماما
أمينة. هففف شو عنيدة..... طيب يلا روحي البسي
ميرا. هييييي الله يخليلي ياكي يا احلى ام
(ام ميرا ما بتعرف بمرضها و ميرا ما خبرتها منشان ما تخاف و ريم كمان عمتتعب بزيادة و لساتها عمتسعل و ينزل دم من فمها بس ما خبرت حدا)
أمينة. يلا يا ميرا طولتي
ميرا. يلا جاية خلصت
امينة. بس مين بدو يبقى مع اختك
ميرا. هلأ بنادي لجارتنا وداد تطلع لعندا ازا بتقدر
امينة. ماشي يلا امشي بنتي اتأخرنا...... يلا باي ريم ديري بالك ولا تزعجيها لوداد (الجارة)
Telegram:@rwayate
(راحو ميرا و ام ميرا على البيت اللي بتشتغل فيه امينة و طبعا ميرا ما بتعرف اصلا انو هاد البيت نفسو بيت عمر و عمر كمان ما بيعرف انو امينة هي امها لميرا..... بس كان عمر يعتبر امينة متل امو و كتير بيحبها..... و طلعت وداد لعند ريم منشان ما تبقى لحالها)
ريم. خالة انا تعبانة فايتة نام
وداد. نامي حبيبتي سلامتك
ريم. الله يسلمك خالة
(دخلت ريم لتنام)
______________
في فيلا عمر :
ام عمر. اهلين امينة..... شو مين هالصبية الحلوة
امينة. هي بنتي ميرا
ام عمر. ماشاء الله تبارك الرحمن شو هالجمال هاد
ميرا. تسلمي خالة هاد من زوقك
(بهاد الوقت عمر كان نايم )
امينة. شو وينو عمر
ام عمر. نايم والله..... يلا عمليلو قهوة لانو هو بيحبها من تحت ايديكي
أمينة. اي تكرم عينك
(طبعا ميرا ما خطر ببالها يكون نفسو عمر حبيبها)
ام عمر(بنفسها). فيق يا عمر لتشوف هالقمر (تقصد ميرا).... الله يجعلها من نصيبك
Telegram:@rwayate
عملت امينة القهوة و طلبت من ميرا توصلها عغرفتو
راحت ميرا عالغرفة.... و مدت ايدها لتفتح الباب..... و فجأة بيفتح الباب و بيطلع عمر
(بيطّلعو التنين ببعض متفاجئين)
ميرا. ع ع ع عمر !!
عمر(عميحك راسو بتعجب). ميرا !!
(وبعدها بيعرفو انو ميرا هي بنت الخادمة امينة )
(و بتنزل ميرا لتحت و كانو عمر و ميرا انو الصدفة جمعت بيناتهم)
امينة. شو ليش طولتي
ميرا. اااه.... اي.... ضعت بالغرف
_________________
بعد يومين:
(في اخر الدوام ميرا قاعدة بساحة الجامعة عمتدرس و بتشوف بالكتاب ورقة)
ميرا. غريب.... لمين هي الورقة
(قرأت ميرا الورقة و تجمعت الدموع بعيونها)
(مضمون الورقة
Telegram:@rwayate
بحب قلك انو عمر عميخونك.... وازا مو متأكدة كوني اليوم بهاد العنوان.............. الساعة 7 بالليل...... و الصور رح توصل لعندك
#فاعل_خير.... )
(ميرا حاولت تكذب الخبر اللي وصلها بس كانت بدها تتأكد )
________________
(عالساعة 6:50 كان عمر ببيت لمى و لمى كان لبسها غير لائق ابدا)
(رن تلفون عمر وكانت ميرا)
عمر. اهلين حبيبتي كيفك
ميرا. الحمدالله حبيبي..... انت وينك
عمر. اااه.... انااا.... انا بالبيت...... اي بالبيت
(ميرا بلش الشك يلعب فيها و قررت تروح للعنوان )

(عمر مع لمى )
دقت ميرا الباب و فتحتلها لمى و شافت عمر بدون كنزة و لمى بمظهر غير لائق.... لحالهم).
عمر(وقف ). ميراا انتي فهمانة غلط
يتبع.....
________________

#ميرا
#بقلمي_leen
#الجزء_العاشر_والاخيييير
Telegram:@rwayate
في المستشفى : في غرفة العناية المشددة :
ممرضة 1. شوفي اخر رقم متصل عليه و رنيلو
ممرضة 2. اوك يلا
(اتصلت الممرضة على اخر رقم متصل عليه عمر بسجل المكالمات واللي هو رقم سيلار : )
سيلار. سيد عمر الف مرة قلتلك لا تتصل.......خللص بقا
الممرضة. عفوا.....انا ممرضة من مستشفى ال........ عمر بالعناية المشددة بسبب حادث قوي و لقينا انو انتي اخر رقم متصل عليه......
سيلار. شووووو.😭..... عمر عمل حادث !! 😭...... انا جاية......
(سيلار في المستشفى :
سيلار. بدي شوفوو..
الممرضة. اسفة..... ممنوع
سيلار(تصرخ و تبكي) . لك شو انتي ما بتفهمي...... عمقلك بدي شوفووو.....
الممرضة(تنهدت). اوك امشي
Telegram:@rwayate
(دخلت سيلار عند عمر و مشيت ناحو...... و مسكت ايدو)
سيلار(تبكي) . عمر منشان الله فيق..... والله انا بحبك..... بتتذكر لما اعترفتلي بالمطعم انك بتحبني...... فيق عمر..... فيق... 😭
(وفجأة بيوقف جهاز النبض و بيصير خط مستقيم )
سيلار(تصرخ). لااااااااا عمممممر........... اصحى....... لااااااااا
(اجتمعوا الدكاترة...... وسيلار بحركة سريعة...... اخدت جهاز الصدمات......وضلت تحاول لحتى رجع النبض )
سيلار(انبسطت) . عمر انت عايش..... عاايش...... الحمدلله يا ربي..... الحمدلله
_____________
بعد ثلاث اشهر :
عمر. حبيبتي..... هلأ في سؤال محيرني
سيلار. شو هو حبيبي
عمر. هلأ انا بدي اطلبك..... طب من مين بدي اطلبك يعني هههههههه
سيلار. هههههههه اطلبني من حالي
عمر. هههههه طيب...... بشرفني اطلب منك ايد حالك على سنة الله و رسوله هههههههه
سيلار. مممممم امهلني يومين لاسأل حالي ازا موافق ههههههههه
_____________
بعرس عمر وسيلار :
ديانا. لك وينك يا خاينة اااه..... وينك
سيلار. ههههههه بتعرفي حبيبتي كانت الهموم فوق راسي و مو متذكرة حدا
ديانا. طبعا تفكريك مشغول بحبيب القلب عمورتك هههههههه
سيلار. هههههه لساتك غليظة
Telegram:@rwayate
عامر. مبروك اخي..... مبروك ميرا.....او سيلار يعني هههههه
عمر. الله يبارك فيك اخي..... بس استنى شوي انت من وين بتعرف انو اسم سيلار القديم ميرا
سيلار. ييي حبيبي ليش ما قلتلك...... ما انا كنت عمبتعالج عند اخوك وقت صارت معي هديك الشغلة....... تنذكر و ما تنعاد
عمر. عنننجد...... يا قلبي انتي...... ما كنت بعرف يا عمري
عامر. احم احم...... نحن هنا
عمر. هههههه اي روح خليني احكي انا و حبيبتي على انفراد
عامر. اي رايح شو عليه يا عمر...... بس لنشوف مين اجا عندي منشان يعمل اختبار حب ههههههه
عمر. خلص سكوت بلا فضايح هههه
عامر(يأشر على ديانا) . ليك عمر مين هي اللي واقفة هنيك
عمر. هي رفيقة سيلار
عامر. اممممم
(وقاموا عمر و سيلار يرقصوا سلو)
عمر. اااه لو تعرفي اديش تعذبت بغيابك يا ميرا
سيلار. وانا كمان تعذبت بغيابك...... بس حبيبي ما تقلي ميرا معد حبيتو هالاسم
عمر. لا.... أنا حبيت ميرا..... من يوم وطالع رح يرجع اسمك ميرا......
____________
Telegram:@rwayate
بعد 5 سنين :
(عامر اعجب بديانا و اتزوجوا و عندهم ولد اسمو محمد)
(و عمر و ميرا هلأ عندهم جود و جواد و ميرا حامل بتوأم بنات)
عمر. يا عامر اشوي اللحمة...... و ديانا ساوي السلطة...... و انتي حبيبتي ميرا خليكي مرتاحة
ديانا. ليش يعني هي ترتاح وانا لا
عامر. انت بس شاطر تتأمر ههههههه.......يلا قوم نشوي
عمر. هههههه قايم..... بس انتي ميرا ما تتحركي من مكانك منشان بناتي الحلوين
جود و جواد. و نحنا بابا
عمر. هههههه انتو روحو لعبو
ميرا. حبيبي خليني قوم اشتغل شوي والله تكسرت من القعدة
عمر. ممنوووع الشغل..... ما بدي تتعبي حالك
ام عمر. لك الله يخليلي ياكم كلهم و يديم هالضحكة يارب

❤️❤️❤️❤️❤️انتهت ❤️❤️❤️❤️❤️