ماردو عليها ولا رضيو يعطوها مفتاح البيت
صرخت تمارا : عم ئلكون بموت حالي ...عطوني المفتاح احسن
ابو تمارا :موتي حالك
تمارا (عم تبكي ):بكرهكون انااا بكرهكوون
وراحت علئ غرفتها ... ورمت حالها عالتخت وبلشت تبكي ...
ئامت وبلشت اتدور علئ موبايلها لحتا ترن علئ زين. .. بس مالئتو ...
تمارا :وينو ... معئول اخدو
رجعت طلعت من الغرفة ...
تمارا :يعني ئفلتو الباب ومنعتوني روح علئ شغلي ... طب ليش اخدتو موبايلي ؟
ام تمارا :نحنا !؟ ما اخدنا شي
تمارا :رجعولي موبايلي
ابو تمارا :امك ئالت ما اخدنا شي ...
رجعت تمارا علئ غرفتها وخبطت الباب وراها وسمعو أهلا صوت تكسير وصراخ منها...
ام تمارا :ولي علئ ئامتي شو صرلا ؟ 😓
ابو تمارا :تركيها ... بتنجن ساعة وبعدين بتهدا
بعد ساعتين....
كان زين ئاعد عالتخت وعم يطلع بباب الغرفة يلي توقعو ينفتح بأي لحظة وتدخل تمارا منو ... بس يأس وطلع من الغرفة ...ونادا للشغالة
روان :امور سيد زين
زين :ما اجت تمارا ؟
روان :لا والله الآنسة تمارا ما اجت لسا
زين :طيب رجعي عشغلك
رجع زين علئ غرفتو وحمل التلفون وحاول يرنلا ... بس طلع موبايلها مغلق...
زين :ومسكرة تلفونك كمان ...
رجع رن علئ رقم أبوها ... ورد عليه بسرعة
زين :مرحبا
ابو تمارا :اهلين ...خير شو بدك ؟
زين :ممكن حاكي تمارا ،موبايلها مغلق وهية اتأخرت عالشغل اليوم
ابو تمارا :ولا تحلم ترجع تشتغل عندك
زين :عفوا ... لوسمحت خليني احكي معها
ابو تمارا :وانا عم ئلك مافي ،ومن يوم ورايح بتنسا انو تمارا كانت تشتغل عندك بيوم من الأيام ،تمارا رح تتزوج وتنستر ببيت زوجها وانتة يلي لو سمحت طلاع من حياتها
وسكر التلفون بوجهو وزين لسا مو ئادر يستوعب يلي حكا ابو تمارا ...
زين :تتزوج !! شو عم يخرف هاد ؟ والله بئيم الدنيا عراسك وراسها
ورما التلفون ولبس تيابو وطلع من الغرفة ... وصادفتو ريماس ..
ريماس :صباح الخير زين
مارضي يرد وضل طالع وهوة معصب ومو شايف بعيونو....
أما تمارا كانت ئاعدة وعم تبكي لما فاتت امها عليها ...
ام تمارا :خلص تمارا ،بعرف انو زودناها علييكي بس خلص حاج تعاندي أبوكي ...
تمارا :يعني بدكون تمشوني علئ كيفكون ،مارح امشي انا كبيرة وواعية وبعرف مصلحتي ...
ام تمارا :بس ياتمارا الشغلة مو وائفة علينا وبس ...شغل ابوكي رح يتضرر ازا ضليتي تشتغلي عند ابن البيك
تمارا :هه وشو زنبي انا ... ليش هالبيك مصر انو يبعدني عن ابننو ... لأني من مستواهون ؟،يتطمن لأنو زين مارح يتزوجني ... انا مديرة أعمالو وبس ليش ماعم تفهمو هالشغلة شو فارئة معو ومعكون
ام تمارا :انا بتفرء معي ...يابنتي لاتضلي رابطة حالك بوهم ... اجا نصيبك ليش تسكري الباب بوشو ،انا بدي جوزك وافرح فيكي ،لا تكبري راسك ،ومافي غير هالطريقة لحتا تفهمي انو مابتفرئي معو ...متل ما اجيتي بيجي غيرك بالنسبة الو
تمارا :ههه مين ئلك ما بيفرء معو ... هلء بتشوفي شو رح يصير ... انا برأيي انتو لاتكبرو راس لحتا ماتكبر اكتر ...
ام تمارا :شو أزضك ؟
وفجأة بلش باب البيت يخبط بئوة ...
ام تمارا :يا لطيف مين هيك عم يخبط علئ باب بيتنا ؟ 😰
تمارا :شو رأيك انتي ؟
وبرة ...كان زين وائف وتنين من رجالو عم يخبطو علئ الباب...
....: ماعم يردو سيد زين ،الهيئة مافي حدا جوا
زين :كسرو الباب معناتا 😡
#يتبع ....