📚قصص||روايات||منوعة📚

#أوتٍاَْر_اَْلّحًزُنَ,,,,, 🎶
@rwayate
#بقلّمٌيِ_HajarSh
#الجزء_الثاني

مرئت تمارا من جنب زين أما زين اتطلع بالرجال وئال بنبرة غضب :انتة شوجابك لهون ؟ 😡

....:ليش ...؟بدي ازن لحتا اجي واتطمن علئ ابني
زين :ابنك !!؟ هههههه ضحكتني ،ثائر بيك بظن انك غلطان بالعنوان ...ابنك زين مات من زمان ...
ثائر :لاتنسئ انو لسا اسمك زين ابن ثائر بيك الحامد وبدليل شهرتك... الموسيقار زين ثائر الحامد
زين :لو مارح يأثر هالشي علئ شغلي كنت طلعت وحكيت عالملا انو انا مستغني عن هالإسم
ثائر :عكل حال انا ما اجيت لحتا ناقشك بموضوع الإسم ... أنا متل مائلتلك جيت شوفك واتطمن عليك وحابب رجعك تحت جناحي
زين :مشكور لطفك ثائر بيك ياوجه الإنسانية ... بس انا بغنئ عن هالجناح ... مستعد احترء بالنار ولا اتحاما بجناحك
ثائر : لهالدرجة الحقد عبا ئلبك لك زين ؟!
زين :الحقد يلي فيني ،انتة يلي ربيتو لحتا كبر ... انتة موخليتني اكره الحياة وبس .. انتة خليتني اكرهك واكره كلشي بيربطني فيك ... ولو عندي دليل ولو كان ئد راس الإبرة انك كنت ورا هديك الجريمة البشعة ماكنت تواليت لحظة لحتا ئدمو ضدك ... 😡

ثائر :هههه ماشي ... بيصير خير
زين : كمل جلستك مع الخدم ثائر بيك ... أنا عندي شغل
@rwayate
وترك زين ثائر ومشي ... طلع من باب البيت وشاف تمارا ئاعدة بالسيارة وصافنة ودمعتها واضحة ....

طلع بالسيارة وانتبه انو تمارا بعدا شاردةوما انتبهت عليه لما طلع... فئش بإيدو ئدام وجها ...
زين :هييي تمارا شبك بشو كنتي شاردة ؟
تمارا :و وللا ششي ززيين
زين :وليش عم اتأتأي ؟

وشاف أبو طلع من بعدو واتطلعت تمارا فيه برعب ورهبة ورجعت بعدت نظرها عنو ...
وأخيرا مشيت سيارتو...

زين :درب اللي يسد وما يرد ...
تمارا :...
زين :شبك تمارا ؟
تمارا :ولاشي
مد زين ايديه علئ خدود تمارا وئال :بكيانة ؟
تمارا :لا زين من شو بدي ابكي
زين :حكا معك شي زعجك ؟
تمارا :لا
زين :تمارااا لاتكزبي عليي
رجعت شردت وهية عم تتزكر اللي حكالها اياه ثائر (بتنفذي وللا نهايتك رح تكون أفظع من نهاية سيرين ... ومو بس هيك أبوكي وإمك وأختك تحت رحمتي ... بيوم وليلة بتتيتمي فهمتي )
زين :وين شردتي !
تمارا :كان عم يسئل عنك وعن أحوالك بس
زين :متأكدة ... بس هيك
تمارا :اي والله...بس هيك 😓
زين :ماشي ...
@rwayate
شغل السيارة ومشي فيها ....

رن تلفون ثائر ورد :اي شيماء
شيماء :شفتو !؟
ثائر :اي ... بس زين اتغير كتير
شيماء :زين ئلبو طيب ومتأكدة رح يرجعلنا 😢
ثائر :لا شيماء ... ابنك خلص معد ابنك ... انسي
شيماء :انتة السبب انتة اللي بعدتو عني وخليتو يكرهني ... 💔
اتدايئ ثائر وأخد نفس
ثائر :شيماء أخدتي الدوا ؟
شيماء :ما أخدتو وما رح اخدو انشالله بموووت لحتا ارتاح انشالله بمووت 😭

وسكرت الخط بوجهو ...
ثائر :حتئ انتي ... لك شو هالعيلة هي ...

ورجع رن علئ حدا ...
ثائر :الو ابو تمارا
ابو تمارا :ئمور يابيك
ثائر :بتبعت مرتك لعند الست شيماء وبتخليها تأشرف عالممرضين وتتأكد انها عم تاخد أدويتها بإنتظام
ابو تمارا :تكرم يابيك ... بتأمر بشي تاني ؟
ثائر :اي ... مو علئ أساس تخلي بنتك تترك الشغل عند زين ... ليش بعدا عندو ؟
ابو تمارا :والله يابيك تمارا ماعم ترد علئ حدا ولا حتئ عليي
ثائر :هه ولشو اسمك أب مزالك مو ئدران تمسك بنتك ... !!؟
@rwayate
وسكر الخط بوجهو...

وصلو زين وتمارا علئ مزرعة كبيرة ونزلو واستئبلوهم مرافقين ووصلوهم عالباب... وبس فاتو ئعدو ينطرو بالست ناريمان ...

زين :تمارا .. بتئدري تلغي حفلة اليوم ؟
تمارا :مستحيل ...صرنا بايعين أكتر من نص بطاقات الدخول ... ليش بدك تلغيها ؟
زين :موحاسس حالي بالمود ... يالله ليلة وبتمرء

أخيرا نزلت ناريمان عالدرج وهية عم اتطئطئ بكعب كندرتها وهية لابسة فستان أسود ئصير كتير كاشف عن جسمها الأبيض ...

وئف زين وسلم عليها بإيدها
زين :كيفك ست ناريمان
ناريمان وبدلع واضح :اشتئنا لهالوجه الحلو
وتمارا ولعت من نظرات ناريمان لـ زين
تمارا :ااا صباح الخير ست ناريمان ،ماشالله حليانة
ناريمان :طول عمري حلوة ..مافي داعي تزكريني بهالشي 😏
تمارا : 😒 😒
@rwayate
ناريمان ست عمرا 35 سنة بس العمر مو مبين عليها عاملة حالها شئرة ودلوعة زيادة أرملة رجل أعمال كبير وهوايتها تعليق ئلوب الشباب يلي متل زين

#أوتٍاَْر_اَْلّحًزُنَ,,,,,🎶
@rwayate
#بقلّمٌيِ_HajarSh
#الجزء_الثالث
كان عم يتمشئ وهوة عم يتأكد انو كلشي جاهز لما لمح من بعيد صبية وهية عم تتلفت حواليها وكأنها عم اتدور علئ حدا... انصدم وحاول يبعد عن مستوئ نظرها ويتخبا
بس شافتو وركدت لعندو وضمتو بكل ئوة
....:زييين يا الله شو اشتئتلك 😭
صار زين يبعدها عنو ويتلفت حواليه لحتا محدا يشوفو
....:زين شبك ؟ ليش هيك عم تبعدني عنك
زين :انتي شو رجعك
....:رجعت لأني اشتئتلكون
زين :اي رجعي لمكان ما اجيتي منو لكن

وتركها ومشي ...لحئتو وصارت تحاكي
....:طب ليش ...شبك زين
زين :انتي مين سمحلك تدخلي عالكواليس
....:دفعت للحارس ورضي يدخلني
زين :حسابو عندي

مسكتلو ايدو بإيديها التنتين وئالت :طب وئف شوي ...بدي احكي معك بموضوع ضروري

اطلع زين وبلش يتلفت حوالية وشاف العاملين بيتطلعو فيه ....
زين :طب لحئيني من تم ساكت
@rwayate
لحئت البنت زين لحتا وصلو علئ غرفتو فاتو وسكر الباب وراها وئال :انتي شو رجعك ؟
.....:أنا وئعانة بمصيبة كبيرة ومالئيت غيرك اجي لعندو
زين :....
....:مابدك تسأل شو هالمصيبة ؟
زين :مافي داعي ... طول عمرك بتوئعي حالك بكل مصيبة بدها حلم الله لحتا تطلعي منها
....:يعني مارح تساعدني ؟
زين :ريماس أنا مو ملجأ لحدا ... أنا الخطر بحد ذاتو ... برأيي تروحي من هون ئبل محدا يشوفك
ريماس :انا مالي غيرك ... رح يئتلوني 😢
زين :أنا انسحبت من زمان من كلشي مشاكل ممكن تعترض طريقي
وفتل وفتحلا الباب وئلا :انتي لجأتي للشخص الغلط ريماس... تفضلي بلا مطرود
مشيت ريماس وهية عم تبكي وطلعت من غرفتو مكسورة الخاطر ...
سكر الباب وراها ورجع اندء بسرعة ...وفتحو
ريماس :طب برحمة سيرين تساعدني ... كرامة الها بس 😢😢

صفن زين بـ ريماس وهوة عم يتمعن بملامحها ويتزكر سيرين فيها ...
زين :بس.... كرمال سيرين فوتي
@rwayate
أخدت ريماس نفس وضمتو وهية عم تبكي وتحكي :كنت بعرف مارح تخذلني كنت بعرف انك الشخص المناسب

وبهالوئت ئربت تمارا وانصدمت لما شافت ريماس ضامة زين ... وحست الدنيا عم تفتل براسها...

بعد زين ريماس عنو وئربت تمارا عليهون وئالت :ريماس !؟ زين شوفي ؟
ريماس :تمارا ... كيفك
تمارا :الحمدلله ... انتي كيفك...موعأساس كنتي مسافرة علئ فرنسا !
ريماس :اي بس....
تمارا :هلء بعدين بتحكي ...زين حبيبي كلشي صار جاهز والمسرح تعبا ... وعشر دئايئ رح نبلش
ريماس :أنا رح اتركك لحتا تستعد عن ازنكون ...
@rwayate
وفاتت عالغرفة ... أما زين اتطلع بـ تمارا ووسع عيونو وزم علئ شفايفو ...
تمارا :ااا معناتا انا رح جهزلك البيانو وشوف بائي العازفين لحتا يستعدو 😅
مسك بزندا وشدا لعندو وئال :جديدة هي حبيبي ،انتي شو صايرلك اليوم ؟
تمارا :مـ مو صايرلي شي
زين :لو مو طالعة من تمك حلوة كلمة حبيبي كنت عاقبتك عليها ❤️
تمارا :اي ماتحلم عيدا
صفن زين بعيون تمارا ولأول مرة ماكان حابب يبعد عنها
تمارا :زين تركلي ايدي انا عندي شغل
زين :مدري ليش جاي عبالي بهاللحظة اخطفك ونهرب سوا لمكان ما يئدر حدا يوصللنا
تمارا :وانا ماعندي مانع ...انتة بس اشر وانا بنفذ ... ❤️
@rwayate
ترك زين ايد تمارا وسعل وئال :انا جاهز... للحفلة
ابتسمت تمارا وشافتو كيف مشي ئدامها وصفنت فيه ...كانت مفتونة فيه ونظرة عيونها فاضحتا ...
ريماس :ياعيني ياعيني اي شو هالنظرة هي
تمارا :يخربيتك رعبتيني
ريماس :هههه مو انا يلي رعبتك انتي يلي شاردة بحبيب ئلبك ...حكيلي شوفي تطورات بينك وبينو بغيابي ؟
تمارا :اه...انا نائصتك انتي التانية موشايفتيني مشغولة اففف يا ....

ولحئت تمارا زين ...
@rwayate
بلش العزف زين منفرد علئ البيانو بنغمات خفيفة ولحئتو نغمة كمان هادية وكان التناغم مع بعضون بياخد العئل والروح لمكان هادي ... وأهم من هاد كلو ملامح زين الهادية يلي كان ضايع بالنوتة ومغمض عيونو وهوة عم يعزف ... وكأنو روحو كانت عم تودي عالفضا ومع كل نئلة نغمة ينتئل من مجرة للتانية ... وينئل معو كل مين عم يسمعو وهوة عم يعزف بكل مشاعرو وأحاسيسو ... 🎶

أما تمارا وائفة وعم تتابعو بعيونها اللي بكيو لوحدون وهية عم تحلم باليوم يلي تلبس فيه الفستان الأبيض وترئص معو علئ وحدة من مؤلفاتو ... ❤️

تمارا (بئلبا ):بحبك بحبك بحبك بحبك وماممكن اتركك ... حتئ لو رح تكون نهايتي نفس نهايتها 😢
فتح زين عيونو وكأنو حس بيلي جوات تمارا واتطلع فيها وشافها عم تطلع فيه وتبتسم وهية عم تبكي

#أوتٍاَْر_اَْلّحًزُنَ,,,,, 🎶
#بقلّمٌيِ_HajarSh
#الجزء_الرابع
@rwayate
فضلو الرجال يختصرو المشاكل ويطلعو ... أخدت تمارا نفس وئالت :طلعي يبليكي بئتلك الهي كنت رح موت من الرعبة ... 😒
طلت ريماس وئالت بهمس :راحو !؟
تمارا :اي طلعي خلصيني...

طلعت ريماس وهية لسا مرعوبة ...

تمارا :مين هدول ؟ وليش عم يلاحئوكي ؟
ريماس :ليكي شو رأيك بس يجي زين بحكيلكون انتو التنين الئصة كاملة
تمارا :ليكي ازا الئصة فيها خطر علئ حياة زين فأحسلك بعدي عنو وماتحكيلو
ريماس :تمارا ... بعرف انو انا بخطر ويمكن ورطكون معي ... بس انتي بتعرفي انا مالي حدا غيركون 😢
تمارا :....
ريماس (عم تبكي ):تمارا ... أنا متأكدة انو لو سيرين عايشة ماكانت ترددت ولو ثانية لحتا تساعدني
تمارا :لأنها كانت هبلة وما بتفكر غير بعاطفتا وبئلبا ... سيرين بعمرا ماشغلت عئلا ... طول عمرا بتعمل الشغلة بدون ماتفكر بالعواقب ... وهاد يلي عجل بآخرتا ...
ريماس :....
تمارا :لاتفكري انو مالي ئلب وللا ئلبي صار حجر ... بس ماني متطرة اتورط وورط زين بشغلة نحنا مالنا دخل فيها ... نحنا عنا التزامات وشغل وعم نبعد قدر الإمكان عن المشاكل لحتا ما يتضرر زين وشغلو ...فهمتي عليي

ووئفت تمارا وبلشت تطلع علئ حالها بالمراية وهية بنفسها مو راضيه عن يلي حكتو ...
ريماس :أنا ماأزضي ... بس في شغلة لازم تعرفيها... أنا مهددة بالئتل بسببكون انتي وزين

اتفاجأت تمارا بكلام ريماس وبلشت اتطلع فيها واشارات الإستفهام عم تلف براسها ...
تمارا :بسببنا ! كيف ؟

ريماس :من سنتين تعرفت علئ ثائر بيك ... هلء انتي أكيد مصدومة انو كيف عرفت بهديك الجريمة ... انا ماشفت اللي انتي شفتي ... انا تفاجأت متلي متل غيري وماكنت بعرف مين وراها ... بس اللي مابتعرفي انو انا كنت... كنت متزوجة من ثائر بيك بالسر وماكنت مسافرة عفرنسا

تمارا :كيف !! عيدي لشوف 😳
ريماس :متل ما اسمعتي ... ومن شهرين اتأكدت شكوكي انو ثائر ورا هي الجريمة ،ومو بس هيك انا اكتشفت شغلة أخطر ... ازا زين عرف فيها رح ينخرب بيت ثائر عراسو
@rwayate
تمارا :ووشو هالشغلة ؟

سندت ريماس عالكرسي ورجعت ولعت سيكارا وئالت :ئلتلك مارح احكي لحتا زين يخلص ويجي

وبفيلا ثائر ...
ثائر :كييييف ...هربت ؟ لوين ؟
...والله يا بيك ماعرفنا ورحنا دورنا بكل الأماكن يلي ممكن تكون فيها بس مالئينالا اثر
ثائر :الله لا يعطيكون العافية ... ئلتلكون خلصو عليها مو خلوها تهرب ... دورتو ببيت زين ؟
... :اليوم السيد زين عندو حفلة ولحئنا عالمسرح ولفينا عليها هونيك جوا وبرا المسرح ومافي اثر
@rwayate
ثائر :الله ياخدكون ويريحني من غبائكون ... طلعو من وجهي ورجعو دورو عليها... مابدي الصبح يطلع وريماس لسا مختفية والا بشوف انا شغلي معكون يا كلاب 😡
...:تكرم يابيك

طلعو الرجال من عندو وهوة لسا معصب ،ومن عصبيتو رما كلشي عطاولة مكتبو علئ الأرض وهوة عم يصرخ :يا فاجرة ... رح لائيكي حتئ لو رحتي لآخر الدنيا...

كانت شيماء سامعة صراخ ثائر وهية خايفة ...
شيماء :فدوئ شبو ثائر ؟
فدوئ :والله مابعرف ياخانم ... بس اليوم من لما رجع من عند السيد زين وهوة معصب وعيونو بتئدح شرر ...
شيماء :الله يجيب العوائب سليمة
(نسيت عرفكون علئ شيماء ام زين ... هية مرة عمرا 47 سنة مقعدة وبتاخد أدوية للقلب وللسكر )

خلص زين أخيرا حفلتو ورجع بسرعة علئ غرفتو لحتا يتطمن علئ تمارا ...
@rwayate
وأول مافات ركد لعندا ولفا بإيديه ...
تمارا :زين ... شبك
زين :هيك خوفتيني عليكي
تمارا :بس انا مافيني شي
ئرب زين علئ تمارا وحط جبينو علئ جبينها وئال :طول الحفلة وبالي معك ،مدري ليش حسيت رح ارجع وما لائيكي
تمارا :وين بدي روح ...اتطمن ئاعدة علئ ئلبم ❤️
وصفنو بعيون بعض ...
طلعت ريماس من الحمام وهية عم تتاوب ولماشافتون بهالوضعية ... سعلت سعلة ما انتبهولا ...رجعت سعلت عدة سعلات متكررة وما اهتمولا 😂
ريماس :اي فهمنا مو لهالدرجة انتة واياها يعني لازم اعمل عم بختنئ لحتا تنتبهو 😒
ضحكت تمارا وئالت :زين حاج تطلع بعيوني
زين :ليش انا ئادر شيل عيوني عنون..؟ ئليلا لهي الغليظة تنئلع تطلع لحتا اشبع من عيونك ❤️
ريماس :نعم نعم ئلتلي غليظة ... والله محدا غليظ بهالغرفة الا انتة وتمارا ...
@rwayate
وئف زين وئال :اي ست ريماس شو المصيبة يلي جايبتيلي اياها هالمرة ؟
ريماس :رح ئلك بس بتوعدني ماتعصب عليي ...
زين :هههه ليش انتي بتعملي شغلة عدلة لحتا ماتعصبيني ... يخربيتك شو بتحبي المشاكل خلص احكي وعليكي الأمان
ريماس :رح ئلكون ... بصراحة زين انا ... ماكنت مسافرة
زين :لكن وين كنتي ؟
ريماس :كنت متزوجة 😅
زين :اي ... وانا شو بهمني ؟
ريماس :كنت متزوجة ... ثائر

مضي هالعشا ولاحظ زين تطليعات الياس لـ تمارا وتمارا عم تسايرو وتاخد وتعطي بدون ماتعطي بال لـ زين.. وزين متدايئ وئلبو ولع نار من الغيرة
@rwayate
طلعو أخيرا من المطعم ...
الياس :مضي الوئت بسرعة وانا كنت حابب نضل سهرانين جوا
زين :اكيد الياس اكيد ... بس سدئني انا عندي مواعيد بكرة الصبح ... انشالله ما بننئطع
الياس :انسة تمارا ازا حابة بوصلك علئ بيتك بما انو زين ملتهي بصديقتو ريماس
زين :لاتخاف مافي شي بيلهيني عن تمارا..انا بوصلا علئ بيتها
ريماس :هههه اي لكن ياعمي 😏
تمارا :شكرا عالعشا سيد الياس وكمان علئ مبادرتك الحلوة بتوصيلي
وسلمت عليه بإيدو ....
الياس :ولو ... هاد أقل من واحبي
وصفن بعيونها ونسي يترك ايدها ...
انتبه عليه زين وئال :تماررا يالله طلعي بالسيارة انتي وريماس
هزت تمارا براسها وتركت ايد الياس والياس بعدو صافن فيها...

زين :وين شارد الياس
الياس :ههه ولا شي ... تصبح علئ خير زين
زين :تصبح علئ خير ...الله معك 🔥
@rwayate
طلع الياس بسيارتو ولف ومر من جنب سيارة زين واتطلع علئ تمارا ورجع شد بسيارتو ...

زين :فيني أعرف شو اللي صار ئدام عيوني ئبل شوي ؟
تمارا :شو صار ؟
زين :لا تغشمي حالك ... اكيد انتي انتبهتي علئ تطليعات الياس الك
تمارا :بالعكس كان مؤدب ومحترم ... زين شوفي
زين :مؤدب بنظرك بس بنظري كتير تمادا
تمارا :تمادا بشو ؟ والله ماعم بفهم عليك ،ازا بدك تعرف مين يلي تمادا ...هية الست ناريمان وتطليعاتا ودلعها المتكرر ئدامك وكأنها مستئصدة تستفزني
@rwayate
زين :تمارا .. انا ماجبت سيرة ناريمان ...انا عم احكي عن الياس ... سمعي اول مرة واخر مرة بتعطي ريق حلو لأي حدا فهمتي
تمارا :والله ليش شو شايفني مئضيتا دلال علئ هاد ودلع علئ هاد...زين شوف حالك شو عم تخبص
وبلشت تبكي ...
ريماس :اي ياجماعة شو صرلكون ...يي والله عين وصابتكون ... يلي بيشوفكون بالمسرح وكيف تطليعاتكون لبعض ما بئول انو ممكن تتخانئو كرمال شغلة فارطة متل هي
تمارا وزين :ريماس ...خرسي انتي
ريماس :يي هي خرست تضربو
#يتبع....

#أوتٍاَْر_اَْلّحًزُنَ,,,,, 🎶
#بقلّمٌيِ_HajarSh
#الجزء_الخامس
@rwayate
كانت تمارا زعلانة وعم تبكي من أسلوب زين بالحكي معها....
اتدايئ زين من حالو وحاول يصالحها...
زين :تمارا انا....
تمارا :زين وصلني عالبيت ...
زين :متل مابدك ...

شغل زين السيارة ومشي فيها كان ساكت وهادي وعم يفكر بحالو وليش اتصرف هيك ... ليش اتدايئ وغار علئ تمارا واتمنئ لو كان يخفيها عن عيون الياس بأي طريقة ...!

وصل زين تمارا علئ بيتها وفتحت الباب ونزلت ...
زين :تمااارااا
التفتت عليه ...
زين :أنا آسف 😔
رجعت بعدت نظرها وفاتت عالبيت بدون ماترد ...

نزلت ريماس وئعدت بالمقعد اللي جنب زين وئالت :طول بالك ابو الزين ... بكرة بتروء... تمارا ئلبا متل العسل 😄
زين :....
ريماس :كملك الئصة وللا ...
صرخ زين :ريماااس مو رايئلك انا...

وشغل السيارة ومشي فيها ...

كانت تمارا عم تغير تيابا لما فاتت امها عليها ...
ام تمارا :ليش اتأخرتي ؟
تمارا :ماما انا تعبانة ومو خرج نحكي هلأ
ام تمارا :حلو والله. ... لا والسيد زين يلي موصلك كمان ...
تمارا :ليش ؟ غريبة يعني !! ماهوة عطول بوصلني لما يكون فاضي
ام تمارا :لك بنتي انا وين ودي وشي من الجيران ،ياتمارا العيون صارت عليكي هالئد ولسانات العالم مابترحم
تمارا :انتي كل يوم بدك تسمعيني هالمحاضرة ...كزا مرة ئلتلكون هي طبيعة شغلي ،ولازم تتقبلوها ...والله انا موشايفة حالي عم برجعلكون سكرانة ولا لابسة تياب بنات الليل ... انا عم روح بكل احترامي وارجع بكل احترام واللي بدو يحكي يحكي مابهمني

دخل ابوها عليها وكان شكلو معصب...
ابو تمارا :لا مارح نتقبلها ... تمارا من بكرة بتتركي الشغل عند ابن البيك فهمتي
تمارا :ههه بالله... ليش ؟مشان تجوزوني وتحطوني تحت رحمة رجال ... محدا الو سلطة علييي انا سلطانة حالي ومحدا بيملي عليي أوامر

ورجعت سكرت خزانتها وئالت :انا نعسانة وتعبانة لوسمحتو ...طلعو بدي نام

عصب أبوها منها وئال :بدك تسمعي كلمتنا غصبن عنك ومو بكيفك
تمارا :غصبني لشوف ...

ئرب عليها ومسكها من شعرا وهية عم تطلع علئ أبوها بحقد ...
تمارا :ههههههه لكن هاد اللي شاطر فيه... بس تنزنئ بتصير وحش وبدك تضرب ...
ابو تمارا :لك خرسيييي ... اسمعي وليه حيوانة بكرة لعند ابن البيك مافي روحة وحسك عينك شوفك طلعتي من غرفتك فهمتي والا بيصير في حكي تاني
تمارا :وشو هالحكي التاني ... انا برأيي تحكي هلأ لأنو رح اكسر كلمتك ورح روح لعند زين وولا انتة ولا حتئ ثائر بيك رح تئدرو تمنعوني
ابو تمارا :لك لا تعانديني
تمارا :تركلي شعري... انا موصغيرة لحتا تمد ايدك عليي... وانتة مو وصي عليي ... وانا ازا كنت بجي عالبيت فـ لحتا احترم العادات والتقاليد يلي انفرضت عليي وللا كنت طلعت علئ بيت لحالي وماعدت خليكون تشوفو وجهي
ام تمارا :لك شو هالحكي جد انك تواقحتي كتير وبتستاهلي كلشي عم يعملو ابوكي فيكي..
ابو تمارا :والله لئصلك لسانك ياواطية

نترت تمارا حالها من بين اييدين ابوها ودفشتو عنها
ابو تمارا :لك انتي جنيتي 😡
تمارا :اكيد مارح خليك تأزيني وانا وائفة وعم بتفرج ...
وراحت طلعت سكين من درج التسريحة وئالت :أكيد رح دافع عن حالي
ام تمارا :يخربيتك ... عم ترفعي السكين بوجهنا
تمارا :سمعو بدكون تغضبو عليي غضبو مابهمني ... بس اليوم ازا مابتعتئوني في حدا بهالغرفة رح تطلع روحو ...يا انا يا اما واحد فيكون
ابو تمارا :الله لا يوفئك لك الله يغضب عليكي ويتبرأ منك
تمارا :خلصت !؟ شرفو طلعو لبرة وبكرة رح اطلع علئ شغلي لعند ابن البيك متل العادة ومحدا فيكون رح يئدر يمنعني ولا حتئ البيك بذات نفسو
ابو تمارا :ماشي ياتمارا ماشي يابنت الكلب

شافت ام تمارا تلفون تمارا عالطاولة ،حملتو بدون ماتنتبه وخبتو بتيابا...
وطلعو اهلا من الغرفة وخبطو الباب وراهون ،وتمارا ئعدت عالتخت ورمت السكين من ايدها وبلشت تبكي وتئول :لك ليش كلكون عليي ... ليش ماعم تئدرو تفهمو اني بموت بلا انا 😭 💔

طبعا كان تصرف تمارا غلط وهية نفسا موراضية عن حالها... وكانت مفكرة انو الكل بدو يملي الأوامر عليها لمصلحتو ...
تمارا :معد ائئدر أمن علئ حالي حتئ ببيتي ...

وئامت تمارا ئفلت باب غرفتها علئ حالها ورجعت عالتخت ...
تمارا :بكرة بلائي حل لهالمشكلة ...
طمرت حالا تحت حرامها وهية عم تبكي...

وصل زين علئ بيتو وفات وريماس ماشية ورا
ريماس :زين ...
زين :ريماس ماني رايئ لا الك ولا لغيرك ..بتروحي تنئلعي علئ هديك الغرفة وتنئبري تنامي فهمتي
ريماس :وليش هيك عم تحكي معي ؟
زين :ريماس انا معصب خلئة لا تزيديها عراسي
ريماس :طيب طيب ...
مسك زين ريماس من زندا وئال :ولاتفكريني نسيالك اياها جوازتك من ابي
ريماس :طـ..ـيب خـ خلص تركلي ايدي
نتر زين ايد ريماس وفات علئ غرفتو....

#أوتٍاَْر_اَْلّحًزُنَ,,,,, 🎶
#بقلّمٌيِ_HajarSh
#الجزء_السادس
@rwayate
بلشو الرجال يخبطو باب البيت برجليهون لحتا انخلع وفاتو لجوة ....
ابو تمارا :لك انتو شو مفكرين حالكون ... شو الدنيا سايبة
فات زين ورا رجالو وئعد علئ كرسي وشبك ايديه وسندهون علئ ركبو ...
زين :انا يلي بدي اسألك هالسؤال ... انتة اللي مفكر الدنيا سايبة ؟
ابو تمارا :ياسيد زين افهام عليي ... أبوك رح يئطع برزئي ازا بنتي ضلت تشتغل عندك
زين :وينا ؟

طلعت تمارا من غرفتها وشافت كيف كاسرين الباب والوضع
وئف زين علئ حيلو بس شاف تمارا وانصدم لما شافها لابسة فستان ومركزة حالها
زين :معناتا كلام ابوكي مزبوط ،جاييكي خطابين وبدك تتزوجي ؟
تمارا :.....
زين :شوو
تمارا :لا ... وأهلي مادخلون انا تعبانة اليوم وماكنت رح داوم
زين :وتلفونك ،ليش ماعم تردي عليه ؟
اتطلعت تمارا بأبوها وامها وئالت :ضاع مني مبارح ومائدرت لائي
زين :ممكن تتركونا لحالنا لوسمحتو
@rwayate
مسكت ام تمارا ابو تمارا من زندو وسحبتو عالغرفة اما الرجال طلعو من البيت وضل زين وائف وهوة عم يطلع علئ تمارا من فوء لتحت ... وهوة معجب بقوامها اللي كانت مخبيتو تحت التياب الرسمية يلي كانت تلبسها عالشغل ...

تمارا :تفضل ...
فات زين وئعد عالكنبة وئعدت مئابيلو وئالت :ليش هيك اتصرفت ؟
زين :متعود اتصبح بوشك كل يوم ولما حاولت دئلك مارن تلفونك ... ورنيت لأبوكي ...بئلي انك معد الك شغل عندي وانك رح تتزوجي ...جنيت بصراحة
تمارا :وافترض كلامو مزبوط ... هيك بتفوت علئ بيوت العالم ؟
زين :مستعد اعمل اي شي كمان
تمارا :....
زين :ليش هيك عيونك مورمين ؟
تمارا :صابني قلق مبارح وما ئدررت نام
زين :كأنك بكيانة
تمارا :....
زين :أنا آسف لأني عصبت عليكي مبارح ،وآسف كمان اني كسرت باب بيت أهلك
تمارا :مافي مشكلة
زين :ئومي ... غيري تيابك خلينا نمشي
تمارا :كنت رح اجي عالشغل هيك
زين :ههه أكيد مارح خليكي تلبسي هيك .. ازا الياس كان مبارح ياكلك اكل بعيونو وانتي لابسة طئم رسمي ،كيف لو يشوفك لابسة فستان ومزبطة حالك !
تمارا :رجعنا ...
زين :ئومي ليكني ناطرك هون
@rwayate
فاتت تمارا علئ غرفتها ولبست تياب رسمية متل العادة وطلعت علئ غرفة أهلا وفاتت ...
تمارا :انا ...رايحة عالشغل مع السيد زين
ابو تمارا :يعني الا ماعملتي يلي براسك
تمارا :بابا ... في بواب ازا فتحتا علئ حالك صعب تسكرها ...متل شغلك عند البيك بفرد شكل
ام تمارا :من ايدك ...
تمارا :وماني ندمانة ... ماما لوسمحتي عطيني جوالي ...بعرف انو معك

طلعت ام تمارا الجوال ورجعتو لـ تمارا ...
كانت رح تطلع من الغرفة لما سمعت ابوها عم يحكي :ياريتك ما ترجعي ... انشالله برجعولي اياكي محملة بركي ارتاح

انئهرت تمارا وحاولت تخبي دمعتها وطلعت من الغرفة ...
@rwayate
وطلعت مع زين من البيت وطلب زين لرجالو يصلحو باب البيت وطلع بالسيارة...

زين :شوفي عندي مواعيد اليوم ؟
تمارا :عندك كتير مواعيد وانشالله نلحئ نخلصها اليوم
زين :الغيلي كلشي ... حابب ائئضي اليوم كلو معك
تمارا :بس...
زين :بدون بس ... خلينا نشوف حياتنا شوي ... شو رأيك نطلع علئ شي جبل
تمارا :بس برد ... وهيئتها رح تمطر
زين :وازا ...

غير زين الطريق وهوة مبسوط ... وتمارا لسا صافنة وحاسة انها وئعت بمصيبة جديدة بس هالمرة من طرف أهلها...
@rwayate
كان ثائر ئاعد عالتخت بجنب شيماء وعم يناولها الدوا ...
ثائر :خدي شربي هي الحبة
شيماء :يسلمو... ثائر حاسة انو اخرتي ئربت ... نفسي شوف زين ولو مرة وحدة 😢
ثائر :ابنك راسو يابس وموراضي يرد علئ حدا
شيماء :نفسي أعرف شو اللي ئلبو هالئلبة ...من لما ماتت مرتو وهوة حاطط اللوم علينا ليش ثائر ليش ؟
ثائر :مابعرف ... هوة وضميرو يسطفل ...

وبيت زين كانت ريماس عم تفطر لما سمعت صوت سيارات صفت بجنب البيت ... طلت من الشباك وشافت رجال ثائر ضاربين الحارس ومدمينو وطاحشين عالبيت ...

خافت وطلعت عالطابق التاني وبلشت اتدور علئ مكان تتخبا فيه...
@rwayate
ريماس :ياربي حتئ جوال مامعي دئلو شو اعمل ...
وسمعت كيف كسرو الباب وفاتو وضربو روان لحتا اغمي عليها وسمعت صوت البواب بلشت تنفتح وتتخبط ...
فاتت علئ غرفة زين وطالت ورئة وئلم واتخبت تحت التخت ... وبلشت تكتب بسرعة وهية مرعوبة وعم تبكي وبسرعة وماحست الا علئ حدا مسكها من رجليها وسحبها وهية صرخت وضلت الورئة مرمية تحت تخت زين ....

وصلو زين وتمارا علئ قمة جبل ونزلو من السيارة ....
أخد زين نفس وئال :ااووووف بعد زمان ...
تمارا :هههه شكلك مرهق من الشغل
زين :اي والله كتير تعبان وبدي ارتاح شوي من المواعيد والأضواء... بدي عيش حياتي تمارا

تمارا :ليش ماكنت تحس بغيابي من ئبل ؟ ليش عشرة عشرين سنة مائدرت تخليك تحس بيلي جواتي وسنتين معرفة بـ سيرين خلتك ضايع
زين :شو جاب سيرة سيرين هلء ؟
تمارا :معك حق... سيرين ماتت اختفت معد الها وجود 💔
زين :سيرين ماتت اي بس لساتا عايشة جواتي تمارا ...
@rwayate
وئفت تمارا والدمعة بعيونها...
تمارا :لكن انا شوو ...!؟
زين :.... 😔 💔
تمارا :انتة ماعم تئدر تشيلا من ئلبك ... وماعم تئدر تستغني عني وبنفس الوئت موئادر تحبني ... وبعدك محافظ عليي وما لمستني لحتا ئول انك عم تتسلئ فيني ...انتة زين مو عرفان شو بدك ... انتة مضيع حالك بنص المحيط ومو عرفان كيف ترسو علئ بر
زين :مين ئلك انتي هاد الحكي
تمارا :طب جاوبني ...عطيني جواب لسؤالي
زين :اي سؤال ؟
تمارا :بتحبني وللا لا ؟
زين :.... @rwayate
تمارا :شفت .... انتة موعرفان ئلبك شو بدو .... رح ئلك انا شو بالنسبة الك ... انا مجرد بوصلة لحتا تئدر تقرر وين بدك تبحر ومن غيري بتضيع ... ويمكن تغرء ... لهيك ماعم تئدر تستغني عني
زين :هاد اللي استنتجتي ؟
تمارا :مافي بحار بيمشي بدون بوصلة ... وبدونها بضيع وانتة هيك زين ... اما انا عرفانة كتير منيح شو بدي
زين :وشو بدك ...!
تمارا :بدي .... كلشي بتحلم فيه كل بنت ... حب... زواج ...استقرار ...عيلة ... نام انا وانتة علئ تخت واحد بدون ماخاف تغدر فيني وتمشي
زين :بس هيك ...
تمارا :ازا مابدك ... عطيني حريتي خليني روح شوف حياتي
زين :نغمة جديدة هي
تمارا :لا جديدة ولا ئديمة ،هاد اللي عم بحلم فيه كل عمري
زين :طب انا عطيتك حريتك ... انتي حرة ازا بدك تتركيني ... رح تئدري تروحي وتختفي من حياتي ؟ رح تئدري تعيشي بعيد عني ؟ئولي اي....لحتا هلء اطلع من هالباب ومعد تشوفي وجهي طول عمرك ...ساعتها رح تكوني حرة ... 💔
تمارا :.... 😢
زين :ليش سكتي ؟ جاوبيني ... ئولي اي تمارا ئولي اي
بلشت تمارا تبكي وتحكي :لاااا لااا ما بئدر ... مابئدر بحبك ... بحبك وبسببك عم تدمر حياتي من كل الجهات ...بس....بس ماني مهتمة لأني معك ماعم بهتم ... لأنك معي بحس حالي ئوية بحس انو الي سند عنجد
@rwayate
ورمت راسها علئ صدرو وبلشت تبكي بصوت عالي.... 😢💔

لفها زين وحط ايدو علئ شعرها وبلش يسرحلا اياه بإيدو وابتسم وئال :وانا بس تكوني معي بحس بالأمان ... واليوم بس غبتي عني ساعة زيادة عنجد حسيت حالي ضايع .... اي تمارا انا محتاجك تضلي جنبي علئ طول محتاج لحضنك بس كون متدايئ من شي ... انا متأكد انو هلء ازا ماكنتي جنبي مارح يطلع معي حتئ نغمة حلوة ...
تمارا :بحبك ❤️
زين :وانا كمان ...بحبك
واتطلع بعيونا وحط جبين و علئ جبينها وئال : تتجوزيني تمارا ؟ ❤️

#يتبع ....

#أوتٍاَْر_اَْلّحًزُنَ,,,,, 🎶
#بقلّمٌيِ_HajarSh
#الجزء_السابع
@rwayate
واتطلع بعيونا وحط جبينو علئ جبينها وئال : تتجوزيني تمارا ؟ ❤️

صفنت تمارا بعيونو وهية لسا مو مستوعبة شي
زين :عم بسألك تمارا ...تتجوزيني ؟
هزت تمارا براسها وئالت بصوت مبحوح :اي اي والله اي ❤️

وضمت زين بئوة ... وزين لفها بكل ئوة وورجع حط ايديه علئ خدودها وئال :اي بحبك ،ومستعد حارب الدنيا كلها كرمالك ... ❤️
وئرب وباسها من شفايفها وهية لفتلو رئبتو وئربتو عليها زيادة وئالت :ضمني ائئوئ زين ... خليك ضاممني علئ صدرك بدي حس اني ئطعة منك ... لك انتة روحي انتة كلشي بحياتي ...زين انا من غيرك ولا شي من غيرك بموت من غيرك بفنئ ... خليك محسسني بدفاك وماتحرمني منو ... لككك بحببببك ❤️
................................................
كانت ريماس عم تصرخ وتبكي وهية مربطة عالكرسي بزريبة غنم والدم معبي وشا وتمها من كتر الضرب ...لما ئرب عليها ثائر ومسكها من شعرا وسألها :مابدك تعترفي شو ئلتيلو ؟
ريماس :ئلتلك ماحكيتلو والله ماحكيتلو شييي ليش ماعم تسدء
ثائر :مسدئك انا ...
ريماس :معناتا تركني روح وبوعدك ماتعود تشوف وجهي ...
ثائر :هههه هيك بهالسهولة ...مفكرة طلوع الحمام متل دخولو ؟
ريماس :شو ازضك
ثائر :حكيتيلو انو انا يلي اغتصبتا بليلة عرسا ،حكيتيلو انو انا يلي بعتت رجالي وخليتون يتناوبو عليها من بعدي ؟
ريماس :لا. .. انا مو هاد اللي عرفتو. بس ليش هيك عملت معئول توصل فيك الوساخة لتعمل هيك فيه لك تفووو عليك يا وسخ ياكلب تفووو عليك

ضربها ثائر كف علئ وجها وهوة معصب وئال :لكن شو عرفتي يابنت الكلب
ريماس :عرفت انك مستحيل تكون اب ... انتة وحش انتة حيوان عديم الرحمة
ثائر :انا رح ورجيكي مين هوة عديم الرحمة

ووئف علئ حيلو وحط ايديه بجيابو وئال لرجالو :هية الكون ... محدا يحرم حالو وبس تشبعو دبوحوها ورموها للكلاب خليها تكون عبرة لغيرة
....:بأمرك معلم ...
ريماس (بصدمة ):ثـ ثاااائر لك لاتعمل فيني هيييك ببوس ايدك تعال ئووصني ..بس ماتتركني بين ايديهووون ياثااائر

ضلت ريماس تصرخ ،بس لاحياة لمن تنادي ...

طلعت بالرجال وشافتن كيف بيطلعو عليها بطريقة قذرة وبلشو يشلحو جواكيتهم... وهية تصرخ وتترجا ما يأزوها ولا يئربولا ...
...:يخربيتك محلاكي
ريماس :بعد عني ياحيوااان

للأسف أكتر الأحيان الضعيف بروح ضحية الأقوئ وريماس كانت ضعيفة ،ذنبا انها صديقة لـ سيرين وانها عرفت أشياء كان المفروض تضل سر .... 💔

اما زين وتمارا كانو ئاعدين علئ طاولة وعم يتغدو ... كانو نسيانين العالم وهنن عم يطلعو بعيون بعض ...

اجت ام صابر وشافت كيف نظرات العشق ماعم تفارء عيونهم ...
ام صابر :لك الله لا يحرم محب من حبيبو
خجلت تمارا ورجعت تاكل ...
أما زين ضل صافن فيها وصافن بكل حركاتها وئال :انشالله ألف صحة
تمارا :عئلبك ❤️

شبعو وخلصو أكل ورجعو ئعدو جنب الدفاية عالكنبة ...
ام صابر :انشالله عجبكون الأكل ؟
زين :اي يسلمو ايديكي ام صابر ...
تمارا :يسلمو خالة
ام صابر :الله يسلمكون ... انا رايحة عالمطبخ ازا عاوزين أي شي اندهولي بس
زين :ماشي...

راحت ام صابر عالمطبخ.... أما تمارا بلشت تحط حطب عالنار ...
زين :خلص هيك منيح تعالي ائعدي
رجعت تمارا وئعدت جنبو ... حط زين ايدو عكتفا وئربها ... وحطلا راسها عصدرو ... وهنن لسا صافنين بنار الدفاية ...

تمارا :زين ...
زين :عيونو
تمارا :انا عم بحلم شي ؟
زين :اي .... ياهبلة لو كنتي عم تحلمي كنتي هلء لازم تكوني صاحية
تمارا :ماني مسدئة انو أخيرا ئلتلي انك بتحبني ❤️
زين :ورح نتزوج ...
تمارا :اي ورح يصير عنا حياة خاصة
زين :وبيت ومسؤوليات
تمارا :وولاد كمان ؟
زين :اي ... ورح نجيب ولاد ورح نسميهون أسماء حلوة وأكيد رح يكونو شبهك حلوين ❤️
تمارا :وياترئ رح يكونو موهوبين بالعزف متل ابوهون ؟
زين:ههههه اكيد مارح يطلعو كهربجية 😅
تمارا :ياترئ اديش رح نجيب ولاد
زين :تنين ؟
تمارا :تلاتة بنت وصبيين
زين :اربعة لازم يكونو متساويين بنتين وصبيين
تمارا :طب والبيبي الصغير ؟
زين :اي بيبي ؟
تمارا :اخر العنقود ...لازم بعد ميكبرو هالولاد نجيب بيبي صغير لحتا نتسلا فيه
زين :ايه !
تمارا :ورح يكون مدلل كتير وشو مارح يطلب رح نجبلو ... وبالليل
زين :ماحيخلينا ننام
تمارا :وبالنهار
زين :مارح يهنينا بأكلة وبشربة
تمارا :ولا بطلعة ولا بفوتة ...ورح يغارو منو كل اخواتو كمان
زين :شكلو غليظ هالبيبي الصغير خلينا علئ اخواتو بس
تمارا :ههههه وشو رح نسميهم
زين :البنات نغم ونور
تمارا :والصبيان غيث ونسيم
زين :والبيبي الصغير ؟
تمارا :مو هلء حكيت مابدك اياه
زين :غيرت رأيي ،انتي جيبي وانا بشوف شغلي معو
تمارا :هههههه مو معئول انتة ... يارب تحققلي كل هالأحلام
وبلشت تمارا تتاوب...
زين :انشالله رح تتحقق ورح نكون اسعد عيلة بالدنيا ... وكمان ... تمارا تمااارا

بلش زين يئرب منها لحتا خلاها متسطحة وهوة عم يطلع بعيونا
تمارا :زييين بـ بعد عـ عني
زين :اتطمني ... ماحافظت عليكي كل هالفترة لحتا أغدر هلء
تمارا :خوفتني
زين :المفروض تخافي من كل الدنيا وماتخافي مني
تمارا :مبلا ... بس...
حط زين اصبعتو عشفايفها ...
زين :شششش بس تركيني لحتا اشبع من عيونك ... ماني مسدء انو هالعيون ملكي

ضل زين صافن بعيون تمارا وهوة عم يسرحلا شعرا بأناملو وكأنو كان عم يألف مقطوعة حب ماحدا عزفها ئبل ... ❤️

وفجأة اندء الباب ...
سعل زين وئال :اي ام صابر
ام صابر :انتة طلبت صحيك بس توئف المطر
زين :يالله صحينا ... اي تمارا ... ئومي رح نرجع عالبلد ئبل ماترجع تمطر

ئامت تمارا وطلعت عطول من الغرفة ...
ام صابر :صح النوم بنتي
انحرجت تمارا واحمر وجهها وماعرفت كيف ترد
ام صابر :الله لايحرمكون من بعض...

غسلو وطلعو من البيت ورجعو عالسيارة ...
وئف زين وفتح السيارة ...اما تمارا كان شكلا زعلانة
زين :يالله مع انو عازز عليي اترك هالمكان. ... تمارا شبك ؟
تمارا :كتير كنت بتمنئ ضل هون عطول ... كأني كنت بالجنة ورايحة عالنار

ئرب زين عليها وئلا :وحياتك لعيشك كل يوم كأنك بالجنة
تمارا :ياريت ... بس مابعرف ئلبي ئامطني
زين :لاتخافي طول ماني معك... حبيبتي

ابتسمت تمارا ... وطلعو بالسيارة....

شغل زين السيارة ومشيو ...
تمارا :كأنو جوالك عم بيرن ...
حمل زين الجوال وفتحو وئال :اففف ابو صبحي راننلي فوء العشرين مرة ...وروان كمان كتيير
فتحت تمارا جوالها وئالت :وانا كمان ...خير انشالله

اتصلت تمارا بـ روان وعطول روان ردت ...
تمارا :روان شو في ؟ ليش دائئتيلنا الي وللسيد زين كتير انتي وابو صبحي ؟
روان :انسة تمارا لحئو في رجال هجمو عالفيلا وضربو ابو صبحي وضربوني وأخدو الآنسة ريماس
تمارا :شووو 😰
زين :تمارا شو في ؟
تمارا :يالله ليكنا عالطريق
وسكرت الهاتف وئالت :ئلتلك ئلبي ئامطني ...
زين :شو صار ؟
تمارا :في رجال فاتو لعندك عالبيت وضاربين روان وابو صبحي وئاخدين ريماس

وصلو أخيرا عالفيلا وشافو كيف الوضع
زين :رنيتو للشرطة ؟
ابو صبحي :لا سيد زين ،خفنا تلومنا وخاصة هالشي بيأثر علئ شغلك
تمارا :كان لازم ترنو للشرطة ،لك في بنت انخطفت ،ولي ازا عملولا شي ... زييين شو رح نعمل ؟
زين :الحئيني...

فاتو علئ غرفة الموسيقئ وئعد زين عالكرسي ...
تمارا :ريماس حكتلك شي ؟
زين :لا ... غير جوازتها من ابي بس
تمارا :وانا كمان حكتلي هيك بس
زين :كيف مارضيت اسمعلا ...تركت كل الناس واجت لعندي لحتا احميها
تمارا :طول بالك ... عم فكر معقول يكون أبوك ورا خطفها ؟
زين :وشو مصلحتو ؟
تمارا :اه... مابعرف
انتبه زين علئ تمارا كيف اتلبكت ورجع سألها...
زين :تمارا كأنك مخبية عليي شي ؟
تمارا :شـ شو بدي خبي ؟
زين :ريماس ئالتلي انها مهددة بالئتل ...ليش ماراحت لعند الشرطة لحتا يحموها؟ ليش اجت لعندي؟
تمارا :بشو عم تفكر ؟
زين :ريماس أكيد عرفت شي وعرفت انو الشرطة مارح تفيدها ويمكن ما تسدئها لأنو ماعندا دليل ... ريماس اجت لعندي لأني انا رح سدئها
تمارا :....
زين :وأكيد الشغلة الها علاقة بموت سيرين
#يتبع...

#أوتٍاَْر_اَْلّحًزُنَ,,,,, 🎶
#بقلّمٌيِ_HajarSh
#الجزء_الثامن
@rwayate
زين :وأكيد الشغلة الها علاقة بموت سيرين

وئف وصار يتمشئ بالغرفة وهوة عم يفكر. ...
تمارا :شو رح نعمل ؟...

طلع زين موبايلو وئال :رح رن عليه واتأكد
تمارا :مومعئول انتة...يعني أكيد مارح يئلك انو هوة اللي خطفها
زين :مارح اسألو عنها ...

رن زين علئ ثائر ...
ثائر :اهلين زين
زين :كيفك .... أبي
ثائر :هههه ابوك ؟ خير شو صاير معك ؟
زين :من الآخر ...انتة بعتت رجالك لعندي عالبيت ؟
ثائر :لا ...ليش ؟
زين :طيب ... سمعت شغلة عنك وحبيت اتأكد
ثائر :شو هية ؟
زين :انتة متجوز بالسر ؟
ثائر :....
زين :شو ماعندك جواب ؟
ثائر :وافترض اني متجوز بالسر انتة شو بتفرء معك
زين :لاتفكر انو ريماس ماحكتلي شي.... ريماس حكتلي كلشي ... وازا مفكر اتركك تهرب بعملتك بتكون غلطان ... ساعتها مو ازا امي شفعتلك... ازا الدنيا كلها اجت تشفعلك مارح تئدر تخبيك ...
ثائر :ششو حكتلك بالزبط ؟
ابتسم زين ابتسامة خبيثة وغمز تمارا
زين :ئلتلك كلشي
ثائر :....
زين :سلام..... ثائر بيك

وسكر الخط ...
ضل ثائر مصدوم وئال :العمئ... حكتلو كلشي !! يعني زين عرف اني مو ابو ...

زين :هلأ اتأكدت انو هوة
تمارا :ليش هيك حاكيتو
زين :كان لازم اكزب ..
تمارا :وبعدين ؟
زين :رح يرجع يرن ... وهلء لزوم نعرف شو صار بـ ريماس كتير خايف عليها

وبفيلا ثائر .... دخل ثائر علئ شيماء وئعد عالكنبة ...
شيماء :اهلين حبيبي... شبك ليش وجهك مابيتفسر
ثائر :زين عرف اني مالي ابوه
شيماء :ولي علئ ئامتي .. طب كييف ؟
ثائر :مابعرف ...
شيماء :وشو العمل ؟
ثائر :بدنا نتقبل العواقب شو ماكانت... ابو زين مسجل كلشي بحسابو بالبنك وكلشي عز عايشين فيه انا واياكي لـ زين ... وهلء رح نخسر كلشي
شيماء :يا حبيبي ... زين مستحيل يرمينا برة
ثائر :طول عمري عم بشتغل بإسم ثائر الحامد وكلشي مرابح عم بتروح لإسم الحامد وانا... أنا مين ؟ انا نكرة
شيماء :انتة ثائر الحامد ... ورح اتضل
ثائر :حاج تضحكي علئ حالك ... انا مجرد متشرد بشبهو وانتحلت شخصيتو لحتا غطي علئ جريمتنا
شيماء :ليك ماتعد تزكرني بهديك الحادثة
ثائر :لما يعرف زين كيف مات ابوه مارح يرحمني ويمكن يدبحني ويشرب من دمي... وانتي كمان رجليكي معي بالفلئة ... يمكن يرحمك لإنك امو بس... بس أكيد مارح يسكت ويمكن يرميكي بأول مأوئ عجزة بيطلع بوشو
شيماء :عم تخوفني بكلامك ...طـ طيب شو رح نعمل ؟
ثائر :رح روح عالبنك وانئل كلشي أملاك بإسمك وهيك زين مارح يكون الو حجة يطالعك من بيتك ،لأنو ازا اتأكد زين انو انا منتحل شخصية ثائر الحامد رح نخسر انا واياكي كلشي ورح تتحول هالأملاك كلها علئ اسمو بما انو ابنو

شيماء :وانتة ؟
ثائر :انا عندي كم شغلة هون بئضيون وبسافر برا البلد... وهيك مارح يئدر يطولني

اجا المسا وزين وتمارا ئاعدين وناطرين اي اتصال من ثائر أو ريماس...
تمارا : زين مو الهيئة حدا رح يتصل
زين : أنا طالع علئ غرفتي لحتا غير تيابي... تمارا لاتروحي خليكي نازل بدي احكي معك بموضوع ...

طلع زين علئ غرفتو وطلع بجاما ... فات غسل وطلع وانتبه انو ئلمو وائع تحت التخت... نزل ياخدو وشاف الورئة يلي تركتا ريماس ومسكها ورجع وئف... وبلش يئراها...
وصابتو صدمة بس قرأها...

كانت تمارا وائفة عالشباك وهية عم تفكر ...
تمارا :انا لازم احكي كلشي بعرفو عن موت سيرين لـ زين ... هوة أكيد مارح يغفرلي اني خبيت عنو بس اكيد رح يتفهم انو كنت عم بحمي حالي وأهلي من بطش ثائر بيك ...

وجفلت لما سمعت صوت زين عم يصرخ من ئلب غرفتو ...
طلعت بسرعة وسمعت صوت زين عم يصرخ ويئول :والله لإشرب من دمو لإبن الحرام ... واللي مسمية حالها امي لك رح ادبحكون ...

فتحت تمارا الباب وشافت حالة زين...
تمارا :شبك...ليش هيك عم تصرخ ؟

زين :الكلب ... لك مارح اسكتلو خدي ائئري هالورئة

اخدت تمارا الورقة. وبلشت تقرأ :زين ابوك مو ابوك ثائر مات من 24 سنة وهاد منتحل شخصيتو وامك بتعرف لأنو هنن ئتلو ودفنو ومشان موت سيرين اسآل عنو تمارا هية بتعرف كلشـ.....
زين :شو بتعرفي ؟
تمارا :.....
صرخ زين :عم بسألك تماراااا انتي بتعرفي انو هالكلب ورا موتها

رجعت تمارا لورا وهية عم ترجف وتئول :ووالـ والله انا...
زين :احكي ... مشان الله ماتضلي ساكتة
تمارا :اي ... هوة ئتلها لـ لحتا ما تفضحو
زين :ليش ... بدها تفضحو ؟
تمارا :ابوك....أزضي هوة ...اغتصبها بيوم العرس
انصدم زين وضل صافن بوجه تمارا والدمعة علئت بعينو...

زين :عيدي...
تمارا :اي بالوئت يلي انتة كنت عم تتجهز وهية طالعة من الصالون...

من سنة تقريبا....

زين :تمارا
تمارا :اي زين
زين :ليكي انا مو فاضي ... في مجال تروحي تجيبي سيرين من الصالون انتي ... خدي هي مفتيح السيارة

تمارا (بغصة ):تكرم عيونك ... انا رح جبلك عروستك

طلعت تمارا بالسيارة ومشتها اتجاه الصالون وئلبا عم يحترء...
وصلت لجنب الصالون وشافت كيف مطلعين سيرين وطلعوها بسيارة تانية ...
تمارا :ييي ليش طلعت بهديك السيارة ؟

وئفت ودخلت عالصالون وشافت ريماس لسا ئاعدة وعم تجهز حالها ...
ريماس :اهلين تمارا
تمارا :ريماس هي السيارة يلي طلعت فيها سيرين لمين ؟
ريماس :هي ... سيرين ئالت انو زين باعتهون لحتا ياخدوها عالصالة

رجعت تمارا ركدت عالسيارة وشغلتا ورنت علئ زين بس ماكان عم يرد علئ موبايلو ...

ورجعت لمحت السيارة يلي كانت مزينة زينة عروس... وضلت عم تلحئها... لحتا شافتا وئفت عند شاليه بجنب البحر ... وشافتهون كيف ماسكينها زلمتين من ايديها وهية عم تحاول تتفلت منهون... ودخلوها ... ورجع نزل ثائر من السيارة وفات لجوة... وبعدا طلعو الزلمتين وضلو ماشيين لبعيد ...
استغربت تمارا وبلشت تئرب عالشاليه و بس وصلت عند الباب ... سمعت حديث سيرين وثائر ...
سيرين :لك انتة شو ،انا صرت مرت ابنك فهاااام
ثائر :من لما كنتي سكرتيرتي وانا مشتهيكي وبحبك... مفكرة انو رح تئدري تهربي مني بعد ما ضربتيني بالئلم علئ كتفي وهربتي من المكتب
سيرين :بس لأني يتيمة عم تعمل فيني هيك 😢
ثائر :ومو لأنك يتيمة وبس... ولإنك بتجنني كمان ... ومارح حدا ياخدك غيري
سيرين :بعد عني لا تئرررب والله بفضحك

ضلت سيرين تصرخ وتبكي وثائر ماكان يهتم... وتمارا وائفة برا وحاطة ايدها علئ تمها وهية سامعة و عم تبكي ومو عرفانة شو بدها تعمل...
وفجأة مسكها واحد من تمها وسحبها ... وهية حاولت تتفلت منو ..

بعد شوي فات ثائر علئ تمارا اللي كانت مربطة وانصدم ...
ثائر :انتي شو...
تمارا (عم تبكي ):شو عملت فيها ؟
ابتسم ثائر وئعد جنبا وئال :وانتي شو خصك ... بالظاهر مو بس هية رح تموت اليوم
تمارا :زين مارح يسكت
ثائر :وزين ...كيف رح يعرف انو انا ورا موتكون ياحلوة 😏

وفجأة دخل ابو تمارا عليهن وئال :ثائر بيك ... في مجال نحكي علئ انفراد

وئف ثائر وراح لعندو وئال :بنتك شو عم تعمل هون ؟
ابو تمارا :بنتي مادخلها بشي...تركها تروح
ثائر :وازا ماتركتا تمشي .!
ابو تمارا :مافي اسهل منها ...مستعد اعترف علئ كل شي صار من زمان ولازم تعرف انا مأمن سرك مع ناس ازا انا صرلي شي او عيلتي صار عليها شي مارح يسكتو ورح يبعتو كلشي مستندات وأشرطة للسيد زين ورح تنفضح الئصة الئديمة
ثائر :عم تهددني لك مصطفئ
ابو تمارا :متل مابدك تحسبها احسبها... بنتي مابتأزيها ولا بتأرب عليها وبالمقابل سرك وسر الست شيماء رح يضل ببير غميئ
ثائر :ماشي ...
وئرب ثائر علئ تمارا وهمسلا :يلي شفتي اليوم بتمحي من ذاكرتك ... وازا بتخبري زين وللا غيرو ... عرفي انك حكمتي علئ حالك وعلئ اهلك بالموت ... فهمتي...

هزت تمارا براسها بخوف... طلع ثائر وئرب ابوها عليها وبلش يفكها...
أبو تمارا :لك شو يلي ضربك علئ ايدك وخلاكي تجي لهون ؟
تمارا :بشو هددتو لحتا بطل يئتلني
ابو تمارا :مادخلك ...هلء بتنئلعي بترجعي علئ البيت لا مين شاف ولا مين دري
تمارا :وانتة ...بدكون تخبو اثار جريمتو
ابو تمارا :خرسي واعملي متل ماعم ئلك

بس فكها ابوها ئامت وبلشت تركد وهية عم تبكي... ووصلت عند الشاليه وئربت شوي ورجعت سمعت صوت سيرين عم تترجا وعم تنادي لـ زين...
ئربت تمارا عالباب وبلشت تتسمع عالأصوات كانت أصوات غريبة وصوت رجال... ورجعت اتطلعت من الشباك يلي جنب الباب يلي خلاها ترتعب زيادة ...
كانت سيرين بين مجموعة رجال وهنن عم يستبيحو شرفها وهية عم تترجاهون يتركوها وبعد ماخلصو حطو المسدس براسها وئوصوها 😢

وتمارا معد وعيت علئ شي ...

تمارا :وبعدين صحيت لئيت ابي فوء راسي ...

كان زين وائف وكان عم يحاول يستوعب كلشي حكتو تمارا...
زين :وليش ضليتي ساكتة ؟
وهجم عليها ومسكها من كتافا ولزئها بالحيط بئوة ...
وصرخ :ليييش ماحكيتي ...لك انتي بتعرفي انتي شو هلء انتي شريكة معهوون
تمارا :والله كنت خايفة
زين :كنتي خايفة علئ حاالك ... تمارا انا انصدمت فيكي...
صرخت تمارا :عم ئلك كان عم يهددني بأهلي وانو تكون نهايتي متلا وانا خفت ...يازين نحنا مين بالنسبة لـ ثائر بيك ...
زين :حاج تئولي ثاائر بيك لك هااد مو ابي ... مو ابي

#يتبع....

#أوتٍاَْر_اَْلّحًزُنَ,,,,, 🎶
#بقلّمٌيِ_HajarSh
#الجزء_التاسع
@rwayate
تمارا :والله كنت خايفة
زين :كنتي خايفة علئ حاالك ... تمارا انا انصدمت فيكي...
صرخت تمارا :عم ئلك كان عم يهددني بأهلي وانو تكون نهايتي متلا وانا خفت ...يازين نحنا مين بالنسبة لـ ثائر بيك ...
زين :حاج تئولي ثاائر بيك لك هااد مو ابي ... مو ابي
تمارا :سامحني زين
زين :لككك عشوو ...علئ انك تسترتي علئ جريمة بشعة متل هي
تمارا :ئلتلك ....

رجع زين مسكها اقوئ من ئبل من كتافها ورجع ضربلا ضهرا بالحيط ... وصرخ :تماراااا حاج تعطيني أعذار واهية ...انتي كنتي ئاصدة تخبي هالشي ..

صفنت تمارا بوجه زين وكأنو ضربها بحجر كبير عراسها
تمارا :يعني ... يلي عم تحاول تئولو اني سبب موتها 💔!؟
زين :....
تمارا :ليش ساكت احكي يلي بئلبك ... يعني انتة بدك تئول اني تسترت لموتها لحتا انتة اتضل عم تتعزب ... لحتا خليك تضل محتاجني ؟

نزلو دموع زين متل الشلال علئ خدودو ودبلو ايديه عن كتافها وئال :مو ازضي هيك ... بس ليش سكتي ... ليش ماحكيتي ... ليش تسترتي علئ هيك جريمة بشعة ليش ياتمارا ليش ؟

ورما راسو عكتها وبلش يبكي ... 💔

تمارا :بعرف اني غلطت ... بس بتمنئ تفهم عليي ... بتمنئ ما تفكر انو سكوتي كان مئصود ... الشخص يلي عامل حالو ابوك شخص سيئ وعديم الرحمة وانا خفت موت متلا

وبلشت تبكي ...
رفع زين راسو وئال :رح خلي يدفع تمن هالعملة غالي. . رح خلي يتمنئ الموت وما يلائي لهالكلب ...

ورجع رفع ايديه وحطون علئ خدودها وبلش يمسحلا دموعها...
زين :لا تبكي ... وحياتك ماحدا رح يسترجي يلمس شعرة منك طول ماني عايش ...

ورجع لبس جاكيتو وحمل مفتيح سيارتو...
زين :وين بكون أبوكي هلء ؟
تمارا :أكيد بفيلا ... اهلك
زين :تعالي معي لكن...

نزلو لتحت وطلعو من البيت ...وركبو بالسيارة ...
تمارا :وشو مشان ريماس ؟
زين :مابعرف...شو بتتوقعي يكون صار فيها ؟
تمارا :....
دمعو عيون زين وئال :هي تاني وحدة بتروح بنفس الطريقة بدون ماائئدر اعملا شي
تمارا :انشالله ما يكون يلي عم فكر فيه صحيح 😢

شغل زين السيارة ومشاها شوي لبرة الفيلا لما شافو ريماس مرمية عجنب الطريق ...
تمارا :زييين لك هي ريماس

نزلو من السيارة وئرب عليها زين ورفعلا راسها وبلش يصحيها ويضربلا علئ خدودا ... بس ماكانت تصحئ...
تمارا :ليش ماعم ترد ...لتكون ميتة ؟ 😢
حط زين راسو علئ صدرا وئال :في نبض ..لسا عايشة...

وحملا وحطوها بالسيارة وأسعفها عالمشفئ....

كانو ناطرين علئ نار لحتا يعرفو شو يلي وصلا لهالمواصيل...
كانت تمارا عم تمشي وتبكي وتدعي من ئلبا انو تكون سليمة...
وزين ساند ضهرو ولسا عم يفكر كيف رح يئدر يكشف زيف يلي منتحل شخصية واسم ابوه...

أخيرا بعد انتظار طلع الدكتور من الغرفة وركدت تمارا لعندو...
تمارا :طمنا دكتور انشالله حالتها مو خطيرة ؟
الدكتور :ئبل ما احكيلكون اي شي... ممكن اعرف انتو شو بتأربولا ؟

زين :نحنا رفئة من زمان ...وريماس متل اختي ... طمنا دكتور مشان الله
الدكتور :بصراحة البنت متعرضة لعنف جسدي وجنسي كمان
شهئت تمارا وحطت ايديها عتمها و ئالت :لا احكي غير هيك
الدكتور :للأسف ... هي حالة مغتصبة ومو مرة وحدة ... لازم تجي الشرطة وتحقق بالحادثة
زين :ممكن نأجل التحقيق لبين ماتصحئ بس...
الدكتور :ممكن ...بس نحنا مابنئدر نسكت عن هيك حالة ..

زين :تمارا ...انا طالع ...ديري بالك عليها
تمارا :لوين ؟
زين :لازم اخلص من هالمشكلة واليوم كمان ... ابن الحرام هاد لازم ياخد جزاتو
تمارا :بركي عملك شي 😢
زين :لاتخافي عليي ...

ومشي زين وضلت تمارا وائفة وعم تبكي...

طلع زين بوشو عالفيلا لعند ثائر وشيماء....
وأخيرا وصل ووئف ئدام الباب وبلش يزمر لحتا يفتحولو...
فتحو الباب وفات زين ووئف عند المحرس ونزل لما شاف أبو تمارا ئاعد...

اجا عليه بسرعة ورفعو من جاكيتو وئال :كيفك ابو تمارا !
ابو تمارا :شبك سيد زين ؟
زين :والك عين تسأل... فوت لجوة عالمحرس...

فاتو لجوة عالمحرس وسكر زين الباب ورا وئال :اي ابو تمارا...وللا بتحب نرفع الكلفة شوي بيناتنا واندهلك مصطفئ ؟
ابو تمارا :خير ... تمارا صرلا شي ؟
زين :تمارا طول مالا تحت جناحي لا انتة ولا غيرك رح تئدرو توصلولا
ابو تمارا :معناتا شو الئصة ؟
زين :انتة اللي بدك تحكيلي الئصة من طئطئ للسلام عليكم...
اتلبك ابو تمارا وئال :عـ عن أأي ئصة بدي احكي ...
شلح زين جاكيتو ورما عالأرض ورفع كمام ئميصو لعند زندو وئعد علئ كرسي وشبك ايديه ببعض وئال :أي ئصة بتخطر عبالك تحكيلي اياها ... الئصة يلي صارت من سنة أو يلي صارت من عشر سنين ... أو استنا شوي ... شو رأيك تحكيلي اياها من أول يوم اشتغلت فيه هون ... يعني ....من لما كان الوالد عايش

#أوتٍاَْر_اَْلّحًزُنَ,,,,, 🎶
#بقلّمٌيِ_HajarSh
#الجزء_العاشر
@rwayate
زين :كتير اشتئتيلي ؟ لأي درجة ؟ معئول ازا غاب جوزك تشتائيلو نفس الشي ؟ وللا لو غاب ...حمزة رح تشتائيلو نفس الشي ؟
انصدمت شيماء وبعدتو عنها ...
زين :شبك ...بالظاهر اسم حمزة الو وقع خاص بئلبك ...ماما

شيماء :.....

وئف زين وحط ايدو بجيابو وئال :ليش ساكتة ...ماعندك شي تحكي ؟ شو رأيك احكي انا ...

كانت شيماء حاطا ايديها علئ وجها وخجلانة اتطلع بعيون ابنها وهوة عم بواجهها بالحقيقة...
زين :إحكيلك انا .... زكرك بـ أبي وخيانتك الو ؟وللا إحكيلك عن تبديل هوية جثتو ونسبا لشخص مابيسوئ نكلة ؟ وللا ئلك شي شو رأيك زكرك عن المعاملة السيئة يلي كنت اتلقاها والضرب والإهانة يلي اتعرضتلو ئدام عيونك ؟ منين بتحبي بلش ؟
شيماء (عم تبكي ):بكفي ...كرمال الله لا تزودها عليي
غرغرت الدمعة بعيون زين وئال :ههههه مازودها عليكي ،معئول يصير زيادة اكتر من يلي صار ؟ معئول في وجع رح يصير أكتر من هالوجع ... @rwayate
شيماء :سامحني والله انا ندمانة 💔
زين :ندمانة ئلتيلي... عشو وللا عشو ؟ انتو بس توئعو بتندمو ! بس تصير السكين علئ رئابكون بتطلبو السماح ؟
شيماء : ....
زين :من لما وعيت وأنا إسأل حالي ليش أبي بعاملني بئسوة ؟ ليش بيكرهني ولما كبرت ئلعني من هون ... وكلو وانا مو فاهم انو يلي عم بيئلعني من بيت ابي هوة مجرد دخييل انتي دخلتي علينااا ... دخلتي علئ حياتنا لحتا انتي تئدري تعيشي مبسوطة ....
وصرخ :تعيشي مبسوطة عحسااابي ...عحساب. اسم أبي يلي كرهني اياه .... ليش يا ... إمي هاد ازا كنتي معتبرة لسا حالك إم أصلا
شيماء :زين تعال بوس ايديك ... لا تحكي هيك والله كنت موت مية موتة لما شوفو يهينك ويضربك ... ولو تعرف شو تعزبت بغيابك عني
زين : اي واضح ...من هيك ضليتي ساكتة ... وعم تئوليلي اتعزبتي ... شو شفتي من العزاب ؟ عزاب ولادتك فيني مثلا ... وللا ئعدتك علئ هالكرسي ؟

ئرب زين عليها وركع عند رجليها وئال :ياريتك ماخلفتيني ... ياريتني متت وانا لسا هون نطفة ببطنك ولا حملتيني ... إمي طول عمرو الولد هوة يلي بيركد ورا رضا إمو ... بس أنا رح خلي العكس يصير ... مو أنا يلي بيركد ورا رضا وحدة خاينة
شيماء(عم تبكي ) :لااا يا زين مشان الله لا تحكيها لا تعزبلي ئلبي أكتر من هيك لااا تدبحني يا امي لا تدبحني

وئف زين وراح لعند الباب وئال :بخاطرك ... إمي
وطلع من الغرفة وئلبو عم يبكي من جوا ... ركن ضهرو عالباب وئعد وحط ايديه عراسو وبلش يبكي وهوة سامع صوت امو يلي كانت عم تبكي وتحكي :سامحني يا ابني ... مشان الله انا ندمانة ...ياربي تسامحني ياربي تسامحني 💔
@rwayate
وئف زين وراح علئ غرفتو الئديمة وفتحها... كانت متل ماتركها ...مافيها شي متغير وكأنو تركها مبارح...
ئرب عالبيانو تبعو وحط ايدو عليه وبلش يمشيها علئ سطحو وهوة عم يتزكر
(لك انا مائلتلك مابدي إسمع صوت هالمضروب وانا هون ...أبي مشان الله والله معد عيدااا .... والله لإمسح الأراضي فيك يا ابن الكلب ... )
ئعد زين عالكرسي وئال :انتة الوحيد يلي كنت تواسيني بس كون مدايئ... بس سامحني من لما ظهرت تمارا بحياتي صرت عدا الشخص الوحيد يلي يسندني ويواسيني...

وانحنئ وطال شي كان محطوط بمكان سري بالبيانو من تحت... وبس لئا ابتسم وئال :لساتك محتفظ فيه ...
وطلع مسدس وئال :كنت متأكد انو رح يجي يوم واعتازو ...
وطبطب علئ البيانو وئال :شكرا الك ياصاحبي انك احتفظت كل هالوئت بالأمانة

وبالمشفئ ... كانت تمارا ئاعدة عند ريماس وحاملة الموبايل وعم تحاول ترن علئ زين بس ماكان يرد عليها...
تمارا :ياربي .. والله ئلبي شاعل نار ... الله يحميك يا زين
@rwayate
وفجأة بلشت ريماس تتحرك وتهدس بكلمات شي مفهوم وشي مو مفهوم ...
تمارا :ريماس حبيبتي ... ردي عليي
ريماس :بعدو عني ..لككك اتركوووني
نزلت دمعة تمارا وحطت ايديها علئ خدود ريماس وبلشت تصحيها...
صحيت أخيرا ريماس وبس شافت تمارا انفجرت بالبكي....
تمارا :اهدي ريماس
ريماس :لك دبحوني ... موتوني ياتمارا
تمارا :انتي هلء بخير
ريماس :بعد شو ... لك ماخلو شغلة بشعة ماعملوها انا بكرهو بكرهوووو
@rwayate
بعد شوي هديت ريماس وئعدت عالتخت ...بس كانت الدمعة معلئة بين جفونها وكان مبين عليها انها يأسانة من كل الدنيا
تمارا :الدكتور عم يئول انو لازم نخبر الشرطة لحتا تجي تحقق بالئصة
ريماس :....
تمارا :هوة تركك تروحي؟
ريماس :لا ...بعد ما ... خلصو واحد منون ئعد فوئي وبلش يخنئني وأنا ارتخيت وحسيت نفسي انئطع ... وآخر شي بتزكرو انو حملني ورماني بعيد وانا ئمت وضليت امشي بصعوبة لحتا وصلت ئريب بيت زين ...