قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
قصة جديدة: #حبك_وجع

.............
قراءة ممتعة🦋💙"
#ⴅÂÐЄĦÂ
Link
0
6.5k
13:132018/08/08
#حبك_وجع
#بقلم_فيلوفوبيا
#الجزء_الاول

الجزء الاول

من بين جميع الرجال
لم اختر الا طفلا تلبس جسد رجل...
و عزف عن محاولة انقاذي من الغرق
و شد يدي نحو قاع الحزن والالم
اذاقني حلو الحياة في يومين
و ترك لي حنظل الوحدة لباقي العمر

____________________
كلمات خطتها بايد عم ترجف و سكرت دفترها و مسحت دمعة نزلت غصب من عيونها...جالت بنظرها بالغرفة و نطرت جيتو بالدقيقة
دقايق و نقر عالباب و دخل

طارق:مسالخير يا حلوة

ميس:هههه دخيلك بلاها هالكلمة....مسالنور حبيبي

طارق:انتي بنظري احلا مرا بالكون كلو

ميس:و انت بنظري سيد الرجال كلهن

طارق:بلشتي بمذكراتك متل مااتفقنا

ميس:اليوم كتبت فاتحة مذكراتي

طارق:حلو كتير

ميس:تعبت من القعدة هون...شو رأيك تنزلني عالحديقة

طارق:تكرمي...هلأ مننزل سوا

ميس:لا حابة اقعد لحالي شوي و بلش كتابة

طارق:طيب...رح خلي الخدم يجهزولك الطاولة تحت و ببدل تيابي و بنزلك

مشي خطوتين باتجاه الباب بس وقف لحظة و التفت ناحيتها

طارق:على فكرة...قريبا جدا رح تسمعي اخبار حلوة عن سارة

ميس:بدي شوفها عن قريب طارق

طارق:والله عم اعمل جهدي يا امي

ميس:بعرف... وواثقة اني مربية رجال بيقدر يعمل اي شي بيخطر على بالو...بس سارة لازم تكون عندي عن قريب

طارق:و انا عم حاول

ميس:الله يرضا عليك

نزلت عحديقة الفيلا بكرسيها المتحرك..طلعت حواليها بخنقة...رغم وساعة المكان و جمالو الا انو عم يخنقها...فتحت الدفتر و بلشت تخط حروف معاناتها يلي استمرت عمر و زمن طويل

____________
_بالماضي_

كنت قاعدة عالكرسي و عم هز لطارق حتى ينام..عم حاول الهيه عن الجوع باني نيمو بينما يجي همام حامل معو كياس الاكل و الخضرا و الفواكي و اللحمة يلي كل يوم بتخيلو حاملهن و بجيني بربطة خبز و كم قرص فلافل...و بالكتير زبدية فول مدمس
عيشة الفقر و القلة انا ارتضيتها لنفسي و اخدت همام غصب عن اهلي يلي تخلو عني مجرد ماطلعت من بيتهن
مافهمو اديش حبيتو...مافهمو انو اذا حرموني منو كنت رح موت
طلعت بطارق و مسحت على شعرو الناعم والمسدول على جبينو...طفل بعمر السنتين شو ذنبو يتحمل كل هالجوع
تأملت ملامحو البريئة و ابتسمت لانو حامل كل ملامح همام و هالشي زاد غرامو بقلبي اضعاف مضاعفة
بيقولو بس يدخل الفقر من الباب بيهرب الحب من الشباك
بس قصتي مع همام بالعكس
الفقر قربنا من بعض و زاد حبنا لبعض و احساسنا ببعض
و انا شاردة بابني فتح همام الباب و دخل
هالمرة حامل بايدو كتير كياس و غراض...استغربت كتير و ماصدقت...معقول عم اتخيل و لا عم احلم!!!

ميس:همام من وين جايب كل هالغراض على علمي مامعك مصاري

همام:لك شو بدك بهالحكي تعالي ناكل بسرعة قبل مايبرد الفروج

ميس:مو قبل ما اعرف من وين جبت كل هالغراض

همام:اوووف شو عنيدة...لك توظفت بشغل جديد منيح هيك عند وحدة كريمة و غنية اد ماقلك و اكتر و لانو عجبتا عطتني مبلغ منيح اكرامية...هلأ تعالي ناكل و فيقيلي طارق يشوف شوجبتلو وبعدين بحكيلك كل شي بالتفصيل

فيقنا طارق وطار عقلو بكل الغراض يلي جابهن همام
من اكلات طيبة و فواكي و لحمة و تياب الي و لطارق و العاب...كل شي تخيلتو اجاني دفعة وحدة...رغم فرحتنا بس كان في غصة جواتي عم تخليني ما اتطمن لهالفرح كتير......

همام:هالمخلوقة كتير منيحة....ارملة عمرها35سنة
عندا بنت بعمر ال15 سنة وعايشين لحالهن بقصر طويل عريض...كانت ماشية هيه و بنتا بالمول و انا عم نضف الارض كالعادة و اذ بيجيلك واحد بيسرق جزدانها و بيركد...انا لما شفتها صرخت و عم تستنجد بالناس ركدت وراه حتى لحقتو و قدرت امسكو ثبتو بالارض و ضربتو و عطيت الجزدان للمرا
هيه تشكرتني كتير و عطتني هالمبلغ الكبير...و انعجبت ببنيتي القوية وعرضت عليي اشتغل عندا بودي غارد
طبعا وافقت فورا و اخدتني معها بالسيارة على بيتها و عرفتني عالوضع و اتفقنا من بكرا بلش شغل عندا

ميس:كل هااااد صار بيوم واحد

همام:اي والله

ميس:قلتلي انعجبت ببنيتك القوية!!

همام:(بغرور)و جسمي الرياضي كمان

ميس:هماااام وحياة ربي بقتلك ها....هلأ بتبطل شغل عندا هلأ

همام:ههههههه دخيل ربك شو مجنونة..(شدني لحضنو و باسني من راسي)ليش انا شايف غيرك بعيوني قوليلي
انا الي غنى عنك؟لو بتنصف نسوان الدنيا كلها مارح اختار غيرك لو شو ماصار وحياتك عالغالي

ميس:امانة لاتخليها تحبك همام

همام:شوفو شو مجنونة لك هي وحدة فوق فوق و اكابر مارح تطلع باللي متلي ماتخافي

ميس:حلوة؟

همام:انووو....اية من الجمال

ميس:لك هماااام!!

همام:والله ياعمري انتي احلا...بعدين انا بدي اترك بنت العشرين الحلوة و الدلوعة و الحق بنت ال30 كبري عقلك ولو

ميس:مابدي بغار

همام:(حكا بلهجة جدية و نبرة هادية)وحياة عيونك مابطلع بغيرك....هيه كلها فترة و بعدها رح تنقلب حياتنا قلبش

ميس:مافهمت شو قصدك!

همام:ميس!حبيبتي قومي عملي شاي حاجتك نق طوشتيني

___________

نزل طارق وقاطعها عن الكتابة

طارق:امي اليوم رح تجي ريما

ميس:اي اهلا و س
Link
0
6.2k
13:132018/08/08
هلا

طارق:بعرف انوو__

ميس:حبيبي طارق المهم عندي انك ماتتلاعب بمشاعرها..اذا مابتحبها لا تدخلها بهاللعبة الي عم تلعبها

طارق:المشكلة مافي غير ريما مقربة من سارة و هيه الوحيدة يلي رح توصلني لاهلها و مكان سكنها...صرلي 6 شهور عم اتقرب من ريما حتى وافقت تجي تتعرف على امي على اساس بداعي الخطبة...مع اني مو حاطط ببالي اخطبها بس انا مضطر كزب حتى اقدر جيب سارة لعندك

ميس:اااه يا امي...الظاهر الموضوع عنكن وراثة...انتبه عالبنت و ماتخليها تغرق معك كتير الله يرضا عليك

طارق:غريب...كيف مابتحبيها وعم توصيني فيها

ميس(بانفعال)انا مابكرها...انا بكره الطريقة يلي تتلاعب فيها بمشاعرها..بكره كيف عم تستغلها..لك انا مادمر حياتي الا هالشي هاد ياطارق
و مابدي ياك تعيد الماضي فهام عليي

(باس ايد امو وحط راسو بحضنها)

طارق:خلص اهدي...بوعدك اني كون حذر معها لابعد حد
و رح خليها تطلع من هاللعبة بأقل خسائر ممكنة و حياتك

_______________
_ببيت ريما_

ريما:شوفيني حلوة هيك!

سارة:مابعرف..لبسي البلوز النيلي احلا..بيلبق على لون عيونك

ريما:طيب لحظة

(برمت للخزامة و طالعت البلوز النيلي و لبستو وحكت مع سارة و هيه عم تسكر الازرار)

ريما:سارتي...شو رأيك بطارق

سارة:منيييح مابو شي

ريما:اي سكتي اصلا يصحلك...شب حلو و غني و ابن عيلة و مهندس اد الدنيا يطلع فيكي

سارة:وشايف حالو و مغرور ومو شايف حدا ادامو كمان

ريما:و اذا كان بيلبقلو ياستي

سارة:لك ريما اصحي على حالك...نحنا جماعة فقرا...فقرااا و هاد غني كتير...اكيد بكرا رح يضحك عليكي و يرميكي

ريما:هلأ انتي ليش عم تحسسيني انو نحنا دون عن باقي البشر!و اذا كنا فقرا مابيحقلنا نحب ونعيش!قوليلي

سارة:هفففف ياا حلي عني خليني اقرأ بهالرواية احسنلي

ريما:صحي...كيفهن امك و ابوكي

سارة:مناح...ابي مطنش و امي عم تموت عالبطيء

ريما:والله العظيم مابعرف شو هالاب يلي عندك...لك موطبيعي الاستهتار يا ربي

سارة:(بانفعال)ريما!!!مشان الله انا بهرب لعندك حتى انسى مو تزكريني اكتر!

ريما:طيب خليكي انتي عم تقرأي بينما اجي اوكي

سارة:لا تتأخري مافيني اتأخر على امي كتير

ريما:لا مارح اتأخر...يلا باي

(طلعت ريما من البيت ووقفت عند الباب و طلعت يمين وشمال...لما تأكدت انو مافي حدا طالعت ميل الحمرا من جزدانها و بسرعة حطت منو و رشت عطر و طلعت لتقابل طارق بأول الشارع)

ريما:حياتي مرحبا

طارق:هلا بالقمر..(قرب و باس خدودها)

ريما:(بدلع)طااارق..اذا بتريد بلا هالحركات مابدي يصير شي بيناتنا قبل الزواج

طارق(لنفسه_على اساس مالك قاتلة حالك هه_اصطنع البسمة على وجهو و حكا)كيف بدي امنع حالك من جمالك...عم تطالبيني بالمستحيل انتي

ريما:معناها خلينا نعجل بزواجنا

طارق:ياستي اذا الحجة قالت عنك اوك معناها فورا منتزوج

ريما:وليش حتى ما اعجبها...مأحلاني

طارق:قمر والله قمر

(كمل طارق كل الطريق من بيت ريما للفيلا وهو يخترع كلمات الغزل و يتصنع الحب يلي مو موجود بقلبو تجاها
هيه مجرد اداة....وسيلة..رح توصلو لغايتو....و طبعا الغاية تبرر الوسيلة)

_بالفيلا_

طارق:سميحة...روحي جيبلي الخانم حتى تقابل ضيفتها

سميحة:حاضر يابيك

طارق:شو حبي...عجبك بيتنا

(كانت عيون ريما عم تتجول بالمكان و تتفحصو و تأكد لنفسها انها مو بحلم و هاد القصر عن قريب رح يصير ملكها)

ريما:عم تقول عن هاد بيت!!اي هاد قصر

طارق:هههه...ماشفتي بيت الجزيرة لسا

ريما:______

طارق:احم...بكرا هاد كلو بيصير تحت تصرفك

ريما:و انا الامرة الناهية موهيك

طارق:من بعد امي طبعا

(طلعت فيه و كأن ماعجبها الحكي وهو قرص خدودها و ابتسملا)

طارق:خلينا نتزوج و بعدها منحكي ماشي

ميس:يا اهلا و سهلا

ريما:(باستغراب)اهلين خالة

(استغربت ريما لما شافت ميس على كرسي متحرك ماكانت متخيلة الوضع هيك بس قالت لحالها هيك احسن بيسهل عليها السيطرة على كل شي)

ميس:تفضلي حبيبتي ليش واقفة

ريما:شكرا خالة

ميس:طارق..انت حكيتلي انو ريما حلوة بس ماقلتلي انو لهدرجة..(دقت عالخشب)ماشالله عنك بتاخدي العقل

ريما(بخجل)تسلمي خالة

طارق:قلت لحالي بس تشوفيها عالواقع رح تعرفي ليش انا طاير عقلي بجمالها

ميس:الله يخليكن لبعض

(ميس كانت مسايرة لابعد حد و عم تجامل ريما كتير حتى تبينلا رضاها عن ارتباطها بابنها طارق
مرقو ساعتين من الزمن حتى مشيت ريما و راح طارق ليوصلها و رجعت ميس لغرفتها و مذكراتها و قصتها الموجعة)

_______
_مرقت فترة و همام عم يشتغل عند الست نور من الصبح للمسا و الخير عم يزيد علينا و حياتنا تحسنت كتير عن قبل
بس همام بلش يتغير...صار يشرد كتير و انتباهو مشتت على غير عادتو
انا لاحظت كتير عليه بس ماكنت احكي لاني كنت مفكرة انو همام معي قلبا و قالبا و مستحيل يعمل شي يدايقني او يزعلني_

همام:ميس حبيبتي تعالي بدي احكي معك بموضوع

ميس:خير حبيبي

همام:هاد ياستي الخانم بدا ياني صير بات عندها

ميس:بالله شو؟؟ليش بقا

همام:لك موعلى طول بس هالف
Link
0
3.1k
13:132018/08/08
ترة لان من يومين دخل حرامي على بيتها و خافت كتير

ميس:بتتركني لوحدي كرمال تدير بالك عليها!

همام:ياعمري نحنا بيتنا صغير و اذا قفلتي الباب و الشبابيك صار امان بينما هيه عايشة بقصر و مافي امان لازم يكون في رجال معها

ميس:مابدي...هلأ بتترك الشغل عندا هلأ

همام:لك رح تصير تعطيني راتب اكبر بلكي منشتري هالبيت و منخلص من الاجار

ميس_____

همام:بتعرفي انو ماحدا بيملي عيوني غيرك

ميس:مابدي

همام:خلينا نأسس حياتنا و نعرف نعيش متل غيرنا

ميس:بس هيه حلوة

همام:مو احلا منك وحياتك...ماحدا غيرك بيسكن قلبي

ميس:ياااااربي

همام:لك انا بحبك يامجنونة...صدقيني انا عم اعمل هيك كرمال تزبط حياتنا ونأمن مستقبل هالطفل

ميس:طيب....بس مو اكتر من كم يوم ها

همام:اي دخيل ربو اللي بيفهم اي

_وبلش همام يبات عند الخانم و انا طارق ننام بالبيت لوحدنا...صرنا مانشوفو الا كم ساعة الصبح قبل مايرجع لشغلو رغم كل هالشي حبي الو مانقص بيوم ولا قل
انا عشقتو و فضلتو عن اهلي و عن الدنيا
بنيت معو عالمي الصغير بعيد عن الناس...ماتخيلت يجي اليوم الي شوف همام عم يغدر فيني فيه_

#يتبع
Link
0
2.4k
13:132018/08/08
Link
0
2.3k
13:132018/08/08
#حبك_وجع
#بقلم_فيلوفوبيا
#الجزء_الثاني

الجزء التاني

غالية:يا سارة تعالي امي تغدي

سارة:مو جاية عبالي كلو انتو

محمود:تعالي وليه احسن مااجيلك

سارة:لك ياااربي كل يوم هالموال....جاية جاية

غالية:محمود خف عالبنت شوي

محمود:غاااالية...سكتي ها وخليكي على نصتك

سارة:هي اجيت منيح هيك

محمود:قعدي تسممي يلا

سارة:ماما لازمني مصاري للجامعة

محمود:عملي حسابك ماعاد في دراسة و بدك تصيري تروحي مع امك تشتغلي

سارة:بس انا عندي السنة تخرج مافيني اترك

محمود:(بعصبية)عم قلك بدك تروحي تشتغلي

سارة:يا ابي كلها هالسنة بتخرج و بشتغل بشهادتي والله احسن الله يخليك

محمود:بدك تشتغلي وتصرفي عحالك انا مابفهم

سارة:طيب...طيب...رح اشتغل و ادرس بس ماتقلي في قعدة بالبيت الله يخليك

محمود:لشووف...معك اسبوع واحد و بدك تكوني ملاقية شغل ايوااااا انا مالي مجبور اصرف على دراسة حدا

سارة:حاضر..حاضر

(بلعت اللقمة بغصة كبيرة و كأنها عم تبلع حجر
كانت مستعدة تعمل اي شي و ماتخسر دراستها لانها المكان الوحيد الي بتقدر تتنفس فيه....خلصت غداها و راحت لبيت ريما لتنسى واقعها شوي و تتسلا)

ريما:يبعتلي حمة عليكي لك والله التخرج صعب كتير

سارة:شوبدي اعمل لك ريما...دليني مشان الله..والله مستعد يقعدني بالبيت و يحرمني حتى الهوا الي عم اتنفسو

ريما:خليني فكرلك بحل طولي بالك

سارة:اوووف...هاتي لشوف تشالله عجبتي حماتك

ريما:على سيرة حماتي...ااااااخ ياسارة على هالبيت قصر والله قصر...كل شي بتشتهي العين موجود مافي شي ناقص...بكرا انا رح صير اميرة هالقصر هاد

سارة:ليش ماتت حماتك؟

ريما:يييي سبعي تمك الله لايفوت زعل على قلب طارق

سارة:بتحبيه عنجد لك ريما؟

ريما:ااااه والله بحبو رغم تقلو عليي وشوفة حالو وغرورو بحالو بس بحبو

سارة:بس ماكان هاد حكيك بالاول نسيتي؟كنت بس بدك ياه يحبك و تكسبي من محبتو كل شي بتتمنيه

ريما:سارة....مافيكي تشوفي شخص عم يهتم فيكي و بتهمو سعادتك و راحتك و بيدللك و بيغنجك و ماتحبيه
خاصة اذا كان هالشخص هاد حلو...صاحب غمازة على خدو اليمين...وعيون سود متل سواد الليل وجاذببة بتقتل قتل و اول حرف باسمو طارق

سارة:ياااستي الله يهنيكي فيه

ريما:ستني...رح خليه يشغلك شو رأيك

سارة:بس......

ريما:سكتي لابس ولا شي رح اتصل فيه
(طالعت موبايلا و اتصلت بطارق)

طارق:اهلا بالقمر

ريما:حبيبي كيفك

طارق:تمام

ريما:بدي اطلب منك طلب

طارق:أمري

ريما:رفيقتي بحاجة شغل و بدي منك تشغلها
(فكر طارق بسرعة كتير و جمع كل الصور بذهنو )

طارق:بعتيها لعندي عالمكتب بكرا ومنتفق شو بشغلها

ريما:ياااا الله حبيبي عنجد شكرا

طارق:العفو...خليها تجي بكرا عال11 بكون ناطرها بالمكتب

ريما:اوك حبيبي...سلام
_____________

(نزل ركد عالدرج و راح لغرفة ميس و قاطعها عن الكتابة)

طارق:عندي خبر حلو

ميس:شو في؟

طارق:عالاغلب بكرا سارة تجي لعندي

ميس:عنجد عم تحكي!!

طارق:من بكرا كل شي رح يبلش يمشي باتجاه الافضل
خلال وقت قصير سارة رح تصير بيتاتنا

ميس:ياارب

(نزل على ركبو و باس ايديها)

طارق:وحياتك عندي رح يصير كل شي بدك ياه

ميس:الله يرضا عليك....ااه يا طارق...انا عشت عمري كلو ضعيفة و هشة...كل حياتي و انا عم الحق قلبي و مشاعري
و هاد الي ورطني مع ابوك و حبو بقلبي رغم حلاوتو كان اكبر مأساة بحياتي....بس انت ياعمري(مسحت على وجهو و شعرو)انت مصدر قوتي بهالدنيا...انت الي بتقويني و بتقلي انو لازم عيش و لازم افرض وجودي على هالدنيا ...وماخلي امواجها تاخدني يمين وشمال بدون مقاومة...انت ياعمري مصدر قوتي بهالكون...خليك قوي لاني بستمد طاقتي منك
(باست راسو وابتسمت)

طارق:انا قوي بفضلك...انتي الي بنيتي فيني رجال بيعرف يعتمد على حالو و مايحتاج حدا...انا لولاكي كنت ولا شي مع انك كنتي محطمة بس بنيتي فيني شخصية مابتهدها جبال...و وعد عليي لجبلك حقك لعندك

ميس:الله يخليلي ياك يارب

طارق:ويخليلي ياكي....جهزيلي حالك هالكم يوم بدنا نطلب ايد ريما

ميس:(باستغراب)ليش ستعجلت!

طارق:انا مستعجل اكتر منك لاكشف الحقيقة...و لجيب سارة لعند رجليكي...بدي ارتاح من هالهم الي صرلي حاملو سنين و مابقي على نهايتو شي

ميس:طيب حبيبي...منروح منطلبها بس بدك توعدني انك تحاول تتقبلها

طارق:ياستي بوعدك...خلي اللي ببالي يصير و بعدو كل شي بيهون....انا هلأ طالع و انتي كملي كتابة

ميس:مع السلامة ياعمري
______________
_يمكن كل شي بحياتنا الو وقت وبيخلص...مدة صلاحية و تاريخ انتهاء...بس ماتوقعت انو الحب يكون بقائمة هالاشياء هي
مرقت سنة كاملة و همام غيابو اكتر من حضورو و حتى بحضورو بيكون ذهنو غايب و فكرو مشغول
شغلو تحسن كتير و صرنا نقدر نصمد مصاري
خلال ست شهور كنا مشتريين البيت و كمان ست شهور كان عنا سيارة
صار الخير يجينا من كل جانب و انا قلبي لساتو مقبوض ومالي مرتاحة لكل هالشي....لحد مابيوم مرض طارق
حرارتو كتير ارتفعت
حاولت اني اعطيه من الادوية يلي عندي
Link
0
2.4k
13:132018/08/08
بس مانفع شي
و همام مو موجود بالبيت
سهرت كل الليل و انا عم حطلو كمادات مي باردة
و تاني يوم الصبح لبست و لبستو و رحت لعند همام لان طارق رح يروح من ايديي......

ميس:لو سمحت انا جاية شوف همام

البواب:همام هيك حاف؟؟

ميس:ااحم...الله يخليك الموضوع كتير مهم الولد رح يروح من بين ايديي

البواب:خليكي لحظة لاسأل........الو....شادية في ست برا عم تقول بدا تشوف السيد همام.....طيب...حاضر
(طلع فيني)حظك حلو همام وافق يشوفك...فيكي تفوتي

_فتت عالفيلا يلي هيه قصر متل ماقال همام
تأملت العز و الجاه يلي عند هالانسانة وقلت الحمدلله عكل حال
لاقتني صبية بالممر و قالتلي انو همام جوا
الشك بلش يرادوني بس حاولت اتجاهل شعوري السيء
وصلت لجوات الفيلا و كانت مابتقل جمال عن برا
و على كرسي صدف...كان قاعد و ضهرو للباب و عم يدخن_

الخادمة:همام بيك هي الست الي بدا تشوفك

همام:انصرفي انتي
(التفت و هو عم يبتسم بس اختفت ابتسامتو وقت شافني و انصدم بشوفتي هون)

همام:لك انتي شو عم تعملي هون

ميس:(بلعت ريقي و مسكت دموعي)فيني اعرف ليش عم يقولولك يابيك

همام:ميس حبيبتي روحي عالبيت و بالبيت منتفاهم

ميس(صرخت)بس طارق موجوع!!!

همام:(بصوت واطي)وطي صوتك...هلأ بخلي الشوفير ياخدك
على دكتور بس روحي

ميس:ماعم صدق ياهمام...ماااعم صدق

_وفجأة نزلت عالدرج بصوت كعب كندرتها يلي عم يرن و عطرها يلي فايح بالمكان و الابتسامة العريضة على وجها....واضح انها بنت عز و انها هيه الست نور_

نور:حبيبي شو رأيك بهالفستان

همام:(ابتسم ابتسامة مصطنعة)بيجنن يا روحي

نور:مين هي همام؟؟

همام______

نور:مين حضرتك

(طلع فيني بحيرة و مسح العرق يلي تجمع على جبينو و فكر بكذبة كسرتني)

همام:حبيبتي هي اختي....اختي ميس

نور:اهلا ميس....ومين هاد الحلو

همام:ابنها طارق

نور:(بدلع)ياعمري شكلو مريض همام

همام(بارتباك)اي اي حبيبتي مريض وهيه اجت لهون لان كان بدا ياني اخدو على دكتور معها

نور:طيب حبيبي خلي الشوفور ياخدهن و نحنا لازم نروح لان تأخرنا على طيارتنا

همام:يلا حبيبتي يلا...رح احكي معها كلمتين برا بس

_كل هاد الحوار دار ادام عيوني....كل هاد وانا عم راقب زوجي كيف تخلا عني و ادعى اني اختو
كل هاد و انا عم شوف و اسمع كلمات الغزل من زوجي لمرا تانية بدون خجل او حيا و ادام عيوني
مسك ايدي و طالعني نحكي برا حتى ماتسمعنا

همام:(بصوت واطي)مشان الله لاتبكي

ميس:(تبكي)متزوجها ياهمام!!متزوجها

همام:والله مو بايدي والله...سمعيني روحي انتي عالبيت و بس اجي منتفاهم

ميس:ليش هيك!!!لك ليش بس فهمني ليييش

_مسح دموعي بايديه و مسك ايدي وباسها_

همام:بوس ايدك حاج تبكي...لك بموت و لاشوف دموعك هيه جبرتني..جبرتني...روحي هلأ بلا ماتحس على شي و بس ارجع رح فهمك كل القصة و حياتك عندي
و عرفي اني مابحب غيرك و الله العظيم مابحب غيرك و مابملي عيوني غيرك

ميس:اي...انا رايحة...بس الله لايسامحك لا انت و لاهيه

_بعدما راحت و تركت همام لوحدو عم يلعن الساعة الي تزوج فيها نور...بس فات اوان الندم و لازم يجاري الامر الواقع...رفس الكرسي الي موجود جنبو و كسرو
و ركدت عليه نور لتشوف شو صار_

نور:حبيبي شو في؟ليش هيك معصب

همام:مافي شي...خلينا نمشي

نور:لك ليش هالقد معصب شو صار

همام(بصوت عالي وبعصبية)عم قلك مافي شي!!!!

نور:خلص طول بالك...امشي خلين يعملولك كاسة عصير بتشربها و منمشي

همام:مابدي اتسمم شي...انا سابقك عالسيارة لحقيني بسرعة

نور:طيب...هلأ بلحقك

_مافي اصعب من احساس انك مجبور تخون حبيبك
مجبور تكون مع غيرو لانو دوافعك اكبر و انبل من كلمة خيانة بنظرك...لانك بلحظة تهورت و دفعت تمن هاللحظة غالي كتير...مافي اصعب انك تكون عايش بمكان و روحك بمكان تاني...وضميرك بكل لحظة عم يأنبك و يذكرك انك عملت غلط لايغتفر..و انو الجرح بقلب حبيبك مارح يطيب بسهولة...و لو قدمتلو مال الدنيا كلها
مافي شي بيعوض عن الوفا_
#يتبع
Link
0
2.3k
13:132018/08/08
Link
0
2.2k
13:132018/08/08
#حبك_وجع
#بقلم_فيلوفوبيا
#الجزء_الثالث

______________________
_اخدت تكسي و رحت عالبيت حضنت ابني و بكييييت من حرقة قلبي عحالي
بكيت حتى انطفيت و ماعاد فيني حيل ابكي و نمت
صحيت بالليل على حرارة ابني العالية ....حملتو و ركدت فيه على اقرب مشفى
وانا قلبي محروق و احساس الظلم و الخيانة و الخذلان عم ينهشوني من جوا...
بقي همام اسبوع غايب عن البيت و بعد اسبوع رجع
كنت عم لاعب طارق و حاول ملي الفراغ يلي تاركو هماك بحياتو
فتح باب البيت و دخل و انا ما التفتت حتى لاطلع فيه_

همام:مرحبا

ميس____

همام:شو مافي اهلا و سهلا....مافي تفضل!

ميس:____

همام:طارق حبيبي تعال شوف شوجبتلك معي العاب

(طلع طارق بعيوني و نطر مني اسمحلو يروح لعند ابوه
بس انا حملتو و مشيت باتجاه غرفتي)

همام:ميس ستني نحنا لازم نحكي....ميس!

(قرب مني و اخد طارق من ايدي حطو بالارض و حط الالعاب حواليه و بعدين مسك ايدي و قعدني جنبو عالصوفاية)

همام:نحنا لازم نحكي

ميس:مافي شي نحكي فيه

همام:لا في....في كل شي

ميس(تنهدت)انت خذلتني...وخنت ثقتي فيك...و خنتني و تزوجت عليي

همام:لاتفهمي الامور على كيفك

ميس(بصوت عالي)لك شو على كيفي شوووو...صرلك سنة متزوجها و بتقلي على كيفي!!!!لك انا قلبي كان حاسس انو في شي..كنت حاسة!!!انت واحد خاين...خاااين

همام(صرخ عليي)لك انا عملت هيك كرمالنا...كرمال عيشتنا تتحسن و طارق يصير احسن حدا بالدنيا
كرمال نقدر نجيب ولاد و ماناكل هم مصروفهن
كرمال تكون حياتك مأمنة بحال صرلي شي و ماتحتاجو العالم انتي و ابني
انا عملت هيك كرمالكن

ميس:هي كلها حجج واهية و اعذار فاضية عم تكزب على حالك فيها و جاية تكزب عليي كمان

همام:لك هيه حبتني...بعد خمس شهور اعترفتلي بحبا الي...كان لازم استغل هالشي لمصلحتي لازم
و صحيح صرلي سنة متزوجها...بس بتعرفي شو صار بهالسنة؟؟؟لك لانها بتحبني نقلت كل املاكها لاسمي...شوبدك احلا من هيك قوليلي

ميس:هههههه....يعني مو بس خاين...خاين...و اناني...و انتهازي...و استغلالي...و وصولي

همام:خرسييي

(ضربني كف على وجهي خلا توازني يختل و كل شي جواتي ينكسر نزلو دموعي غصب عني وطارق بلش يبكي لانو خاف من الصراخ ومن صوت الكف)

همام:انا ماتزوجتها الا لأمن حالي من وراها...ماتزوجتها الا كرمالك انتي...تعيشي و تلبسي متل كل هالصبايا
من وين بدي جيب خبريني...و انا لا معي شهادة و لا معي صنعة....من وين بدي امنلك عيشة العز الي كنتي عايشتيها ببيت ابوكي...ماكان ادامي الا هالحل
كان لازم اتزوجها لأمن حياتي من وراها

ميس:مين قلك بدي عيشة العز....مين قلك بدي كون غنية
انا بس بدي كون جنبك...بالفقر...بالتعتير...بالقلة
انا رضيت بهالشي لكون جنبك

همام:و انا مابرضا حبيبتي و ابني يشتهو اللقمة...مابرضا
شوف وجهك شاحب...و عم تلبسي نفس التياب من 3 سنين...انا تزوجت نور لهدف..لا لاني بحبا و اصلا هيه مو ببالي...انتي بتعرفي اني بعشق الارض الي بتمشي عليها انتي...زواجي منها مرهون بالوقت..مجرد ما امنت مصدر رزق الي رح طلقها و اخلص ونرجع متل قبل

ميس:و انت الصادق يا همام هي بداية النهاية يا..هي بداية نهايتنا

(حملت ابني و ركدت على غرفتي و قفلت الباب و سمحت لحالي ابكي و انهار و عبر عن الحزن يلي زرعو فيني بانانيتو....بينما هو ماصدر منو شي و لا كأن ندمان على شي....اصلا هو بنظر نفسو ماعمل شي غلط
بالعكس هو ضحا كرمالي و كرمال ابنا
بعد ساعات من البكي و الوحدة...وبعد مانام طارق
حسيت بخطوات همام باتجاه الباب....شفت خيالو وكيف قعد عالارض...سند راسو عالباب و حكى بصوت مهزوز و مكسور و كأنو كان عم يبكي)

همام:لك انا عملت هيك كرمالنا...والله كرمالنا
هيه حبتني...و ضلت ورايي...ضلت ورايي لحتى غلطت معها...وقت غلطت معها كنت مجبوووور...مجبور صلح غلطي و اتزوجها...لك لانها هددتني ترفع عليي دعوى اعتداء...هددتني تحبسني و عفن بالحبس اذا ماتزوجتها
هيه عرفت كيف تخطط و تتصرف حتى توقعني وتخليني اتزوجها
كل هاد بدافع الحب....هيه....هيه مجنونة فيني
بتحبني كتير...اكتر ماتتخيلي....بعد فترة اولاد زوجها يلي ورثت الاملاك عنو بلشو يلاحقوها كرمال حقهن بورثة ابوهن....يلي كان مسجل املاكو باسم مرتو الصبية
خلال ايام كانت ناقلة الاملاك لاسمي و هيه عاطيتني ثقتها الكاملة اني مارح اغدر فيها
وصرت انا المالك الرسمي و القانوني لكل هالاملاك
لهيك انا مافيني اتخلا عنها.هيه امنتني على حالها ومالها
وانا مافيني خون هيك امانة و ارميها بالشارع...انتي بتعرفي همام..انا مالي ندل..مالي خسيس
صبري فترة..بس فترة و رح رجع كل شي متل ماكان

(سمعت كلامو و الف سكين عم تغرز بصدري و الف دمعة عم تنزل من عيوني....فتحت الباب و وقف وطلع بعيوني )

ميس:مافيك تخونها بس فيك تخوني

همام:ميس رغم كل شي انا ماحبيتا اد ربع ماحبيتك...صح كان جسدي معها بس قلبي كان معك

ميس:حرام عليك....حرام عليك والله حرام

همام:ميس بترجاكي

ميس:لك انت كسرتني...انا اهل تبرو مني كرمالك
Link
0
2.3k
13:132018/08/08
انا مافيني اتطلق لان اهلي رح يرموني بالشارع...هماااام انت غرزت سكينتك بقلبي....انا مجبورة اتحمل خيانتك مجبورة اتحمل وجودك باحضان وحدة غيري لانو ببساطة ماعندي مأوى...ماعندي اهل
هماااام انا بكرهك...انا كرهتك اييي كرهتك

همام(مسك وجهي بين اديه و مسح دموعي)لاتسمحي لحالك تقوليها....لاتقولي انك بتكرهيني....انا...انا...

ميس:انت واحد اناني وبس..وحبك مات بقلبي...و بعملتك هي انت غرقت بالوحل و ماعاد تطلع منها بسهولة...ماعاد تطلع

همام:بس انتي رح تكوني معي موهيك

ميس:اول حدا خسرتو هو انا...كمل بطريقك لحالك انا مافيني ساعدك بشي

همام:ميس!!!لا تتخلي عني بترجاكي

ميس:لا تطلب مني ما اعمل شي انت سبقتني عليه

همام(بيصرخ)لك انا ماتخليييت عنك...ماتخلييت!!

_تركتو عم يصرخ و رجعت على غرفتي حضنت حالي ودموعي غلبتني..احساسي بالالم عمييق..و وجعي عم يقتلني...
كانت هي اكبر كارثة بمرق فيها مع همام
همام الي قعد يومين و بعدهن رجع لعند نور
التزامو معها و كذبو عليها بانو وحيد اهلو...كان يفرض عليه يبقى عندها اكتر بكتير مايكون ببيتنا و فوق راس ابنو
كل شي كان عم يصير كان يغرز سكين زيادة بصدري ويكسرني زيادة
بس ماقدرت اكرهو...ماقدرت لاني كنت اعشقو
لانو ابو ابني....لاني راهنت عليه مقابل حياتي
وكنت رافضة فكرة اني اخسر الرهان
بس ماكنت بعرف....انو العد العكسي لنهايتي مع همام بلش من لحظة زواجو من نور__
#يتبع
Link
0
2.2k
13:132018/08/08
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com