هربت منو وقعدت بعيد عنو: اتركني الله يخليك والله تعبانة
قرب منا وقلا: انتي استفزيتيني.. كام شهر الك هون الي بالعادة اضربك ولا يوم عاملتك بسوء بس انت جبرتيني
نورا: بس انت متل ابوك عم تعاملني متل ما عامل ابوك امك لما مسكت الدفتر وقريت حسيت عم اققرا عن حالي
رد عليا بلهجة تحدي وصوت عالي : انا ما متلو فهمانة.. فهمااااااااانة
نورا: طيب ماشي فهمانة والحق عليي متل مابدك بس الله يخليك جسمي كلو عم يوجعني
وقف ومشي ب اتجاه الباب
نورا: طيب طالعني من هون
خالد: مابقدر انتي غلطتي وامي جازتك
نورا: بعد يومين السبت ولازم روح لعند اهلي
خالد: اي بعرف خلص هلق بقنعا مشان تطالعك
كانت عم تضبط اعصابا مشان ما تغلط معو وتاكل اتلة تاني مع انو كان في حكي كتييير جواتا بس بقيت ساكتة..
عطاها جوالا لتحكي اهلا وهوي بقي قاعد يتأملا كيف عم تحرك شفايفا وترمش بعيونا..
خلصت حكي ومدت ايدا لتعطيه الجوال وهيي دايرة وجها سحب الجوال من ايدا وطلع ورجع بعد ساعات قلا يلا فُرجت مشيت قدامو ودخلت غرفتا وقفلت الباب
نورا: بدي نام اتركني ارتاح
خالد: افف يعني مافي مكافئة
نام هوي بالصالون وهيي بغرفتا وما حاولت تشوف حماتا ابدا
تاني يوم كان هادي وهيي بقيت بغرفتا وكمان ما التقت مع حماتا رجع خالد المسا كانت قاعدة ع التخت: شو ماجايبلي معك شي
خالد: شو عجبتك الشغلة
نورا: اي ليش لا انا مشتهية ع بيتزا
خالد: ليش حامل !
نورا: لا بس مشتهية
خالد: اي بكرا بس هلق بدي احكي معك بشغلة..
دقت الباب حماتا بعصبية: لييش مكسرين الباب يلا افتحوه
ركز خالد تيابو ومشي وفتح الباب بس نورا بقيت متل ماهيي .. زر بجامتا مفتوح وخصل شعرا منتشرة
ام خالد: لك الف مرة صرت قايلة خلو الباب مفتوح شو انتو ما بتفهمو.. وانت لي هيك منظرك .. تعال لعندي بدي اياك
طلعت الام وهوي راح لعند نورا يلي كانت عم تحبس ضحكتا وقلا بتحدي: راجعلك
ركضت ورمت حالا ع التخت وحاولت تنام بس ما قدرت ورجع بعد ساعة وحاول يتقرب منا بس هيي عملت حالا نايمة
خالد: شو هاد نامت مالي الا ارشيا بكرا بالبيتزا
انزعجت عقدت حواجبا وقفت شفايفا (هلق هالشي لازم يرشيني فيه ولا لازم يخليني حبو.!!! )
فتح عيونو تاني يوم كانت نورا واقفة عند الشباك وخصل شعرا عم تطير من ورا البرداية
خالد: شبك ليش واقفة هيك
نورا: مافي شي عم اتنفس
وقف خالد ومشي ب اتجاها ومسكا من خواصرا
نورا: شبك
خالد: لا مافي شي
سكر الشباك ومسكا من ايدا وسحبا لعندو
نورا: الباب مفتووح
خالد: اففف.. طيب مابدك تجيبيلي ولد
نورا: والله طوال الباب ما مفتوح مارح نجيب ولاد
خالد: معك حق
نورا: يعني مشانك انا ما فارقة معي
خالد: يعني انت ما بتفرق معك
نورا: لا ابدا
خالد: يعني انت ما رايدتيني
اتطلعت عليه ودارت وجها عم تبتسم بحزن وقالت بقلبا: كنت حبك قبل ما اعرفك وبس عرفتك ماعاد عرفت حبك...
وتاني يوم لما راحت لعند اهلا سألوا ع علامات الضرب قالتلن وقعت
ومضيت الايام والبرود واضح بالبيت وفوقا نق الحماية ع الحمل وسمحتلن يسكرو الباب وابدا معت اتدخلت بشي .. وبعد بكام شهر طلعت حامل والكل فرح بحملا حتى حماتا صارت تطعميا وتغذيا ع غير عادتا
*
كانت بتختا وعم تحاول تنام لما سمعت خالد داخل ع البيت عملت حالا نايمة
دخل خالد وحط شغلة ع رف الخزانة وغطاها منيح اتمدد بقربا. ومافي ثواني كان غفيان وصوت انتظام نفسو واضح .. اتحرقصت وماعاد يجيا نوم هوي طلع الضو وراح خالد ع الشغل ركضت فتحت الخزانة وشافت جواز سفر
فتحتو وبلشت تقلب فيه ( امم مسافر كتير ولا مرة قلي ) رجعت ل اول صفحة وشافت الصدمة
لبست وطلعت وحماتا عم تندهلا راحت ع بيت اهلا فتحتلا اما الباب وكانو اخواتا لسا نايمين وابوا عم يشرب قهوة قربت وحطت الجواز قدامو
ابو نورا: شو في؟؟ شوصاير؟؟
نورا: اتطلع هون
حطت اصبعتا ع رقم مواليدو: 1969 كنتو بتعرفو وخبيتو عني
ابو نورا: لا ابدا والله ما منعرف ع اساس مواليد ال 80 هيك قالولنا
ام نورا: اي ما بأثر يمكن لان خافو نرفض بس ليكيه شب وما مبين عليه
نورا: لك شبك هاد الزلمي بيني وبينو اكتر من 20 سنة
ام نورا: اي والله ما بأثر كتير في عالم هيك بتتجوز
نورا: بس انا ماعاد بدي اياه
ام نورا: لك شبك جنيتي شو تطلقي مشان سبب تافه
سكتت وهيي عم تفكر اساب كتيرة كتيييرة بس ما قدرت تحكيلن حركت شفايفا وقالتلن: هلق الكذب سبب تافه وكمان في كتير اسباب
كان ماسك جواز السفر وعم يقلب فيه: هلق خالد ايمات سافر كل هالسفريات ليش ما قلنا
نورا: والله مابعرف.. هالعيلة كتير غامضة والله خيفانة منن
ابو نورا: لا ليش الخوف هلق بيجي وبيحكيلنا كل شي
وهني عم يحكو بيندق جوال نورا ردت عليه وقالتلو هيي عند اهلا
قعدت بقرب ابوا وهيي عم تشرب قهوه كان اجا
فتحتلو اما وقعد بالصالون ودخلو وقعدو معو
خالد: كيف هيك بتطلعي من دون ما تحكي ل امي شي
نورا: والله فورا فسدت