📚قصص||روايات||منوعة📚

وافقولي فورا😃😃
يالله معقول انجح واربح المسابقه رح صير مشهوره واذا فزت رح يعملولي البوم على حساب شركه ....
يالله شو مبسوطه يا كرم كتيير واخيرا رح حقق حلمي #هو السعاده... يلي وشو اختفت وملامحو اتغيرت وانصدم بشده فات بستين حيط حطمتلو كل امالو وفرحتو

كرم:انتي عم تحكي عن جد يعني من كل عقلك

ديمه:لك ايه كرم والله وبس يتصلو فيني رح سافر على لبنان لانو البرنامج هونيك وبس ارجع بتجي بتخطبني

كرم: لاولو عنجد 😠😠

ديمه:شبك كرم كأنو ما عجبتك المفاجئه ؟؟ما فرحتلي

كرم:هلق بكذب عليكي اذا بقلك ما فاجئتيني مبلى اتفاجئت وانصدمت كمان لك ديمه انا جاي قلك انو اليوم رح اخطبك وبدي تكوني الي وانتي جاي تقليلي بدك تصيري مغنيه وتسافري علبنان وفوق كل هاز اشتركتي بدون ما تخبرني جاووبي بدك افرحلك كمااان😠

ديمه:كرم روق شبك انا

كرم:انتي شو ديمه انتي شو ؟؟ا شتركتي بدون ما تخبرني وجاي تقليلي بدك تسافري

ديمه:بس حبيبي هاد حلمي انا من زمان بتمنى غني بس كنت بخجل

كرم:وهلق بطلتي تخجلي يعني

ديمه:ايه انا قررت انو خلص لازم حقق حلمي واكسر حاجز الخجل مازال بقدر غني قدامك خلص معناها

كرم:معناها شو رح تغني للعالم كلو

ديمه:شبك كرم ليش عم تحكي معي بهي الطريقه

كرم:سمعي ديمه انا بحبك وبدي ياكي وانا مالي موافق انك تسافري ولا بوافق انو حبيبتي تغني لحدا غيري

ديمه:😨😨 كرم شو صرلك هاد حلمي وبدي حققو

كرم:ديمه انا بدي ياكي الي لوحدي ما حدا يشوفك غيري بدك تطلعي عالتلفزيون والعالم كلا تشوفك وتسمع صوتك وتحكي عنك بدك اسمع العالم عم يحكو عنك بدك شوف صورك بأيدين العالم بدك جن ديمه ما فيني والله بموت ديمه

ديمه:😔😔

كرم:لا تزعلي حبيبتي ما فيني شوفك هيك زعلانه

ديمه:كرم بترجااك لا تحطملي املي الله يوفقك انا بحبك وما بدي اخسرك بدي ياك توقف جبني وتدعمني

كرم:يااله منك ديمه ليش ما عم تفهميني

ديمه:انت ما عم تفهمني انا ما نجحت بدراستي حابه حقق حلمي وانجح فيه واعمل شي مهم بحياتي😭😭

كرم:هلق اذا صرتي مطربه هاد شي مهم

ديمه:بدي روح عالبيت قوم وصلني

كرم:بس نحن ماخلصنا حديثنا

ديمه:😭😭

كرم:لا تبكي بترجاكي حبيبتي والله انا بغار عليكي ما فيني اقبل بهيك شي ما فيني

#راحت ديمه عالبيت بعدما كرم حطملا فرحتا كانت كل اليل عم تبكي وهو كل اليل معصب حاول يتصل فيا كتير بس ماردت عليه وحكت لرشا عن ردة فعلو لكرم رشا احتارت شو تنصحا وديمه حست انها وقعت بين اختيارين صعبين كتير بين مستقبلا يلي بتحلم فيه وبين كرم حبيبا .. ضلوا سبوع على هالحاله وبعدا اتصلت فيه وتواعد .. راحت شافتو وقعدو يحكو

كرم:هيك يا ظالمه هيك اسبوع بتجافيني

ديمه:😔😔

كرم:ما فيني شوف عيونك هي زعلانين ديمه حبيبتي اطلعي فيني

ديمه:انت لو بتحبني عنجد كنت شجعتني مو

كرم:عم تشككي بحبي الك ديمه معقول مالك واثقه من حبي

ديمه:طيب وقف جنبي ادعمني مو توقف بطريقي

كرم:#هون كرم جن جنااانو وعصب عليها كتيير 😠😠😡
لك اينا طريق ديمه انو طريق انتي هالطريق مالك قدو نشالله مفكره القصه سهله اه جاوبيني

ديمه:وطي صوتك كرم

كرم:ل اتجننيني ديمه سفر مافي وانك تغني كمان مافي ما بصير تغني من هون ورايح ما بقى تغني قدام حدا فهماااانه

ديمه:😭😭😭

كرم:حاج تبكي اذا بضلي عم تبكي من هوون لسنه مارح اقبل عم تفهمي لهيك حاج تعذبي حالك واوعك اوعك من يوم ورايح تغني ولاحتى قدام رشا فهمانه

ديمه:#ديمه بكيت كتير من قسوتو وطريقه كلامو وعصبت منو وبلشت تخبص بالحكي

ديمه:انت بأي حق بتحكي معي بهي الطريقه بأي حق بتعطيني اوامر اه ؟؟

كرم:انصدم .. بحق اني حبيبك وخايف عليك وبغار عليكي وبدي ياكي الي وبس انتي هيك قلتيلي

ديمه:#وقفت ديمه واجت بدها تطلع من المطعم ..
كرم انا بحبك بس ما بدي اتخلى عن حلمي بسبب غيرتك

كرم:المعنى ؟؟؟

ديمه:انا رح سافر ورح اشترك بالمسابقه

كرم:يعني انا ما بهمك

ديمه:انت ليش عم تحسبا القصه مو هيك كرم القصه هي انو..

كرم:ديمه اذا رح تسافري رح اطلع من حياتك وللأبد ..💔

ديمه:#انصدمت ديمه ما فكرت انو الموضوع رح يوصل لهون بس هي تفاجئت من ردة فعلو وعصبيتو لهيك اخدت قرار وكبرت راسا وصارت القصه عناد

ديمه:كرم لا تقسى علي

كرم:اختاري هلق انا او المسابقه

ديمه:😭😭😭
ليش هيك كرم حرام عليك

كرم:ناطر جوووابك يلله

ديمه:#مسحت دموعا
كرم انا مارح اتخلى عن حلمي وبتمنالك حياة سعيده انساني كرم سلاااام

#طلعت ديمه من المطعم وسط صدمت كرم الكبيره هو كان مفكر انو اذا عصب عليها شوي وخيرا بينو وبين المسابقه رح تختارو الو كانت مصدوم من ردة فعلا طلع من المطعم وهو عم يبكي ما اتخيل ابدن انها تتركو صار يسأل حالو

كرم:معقول لك معقول تركتني قالتلي نساني لعمى شو حماره لك لعمى شو غبيه لك هي حياتي كيف انساها ما عم صدق ااه منك ياديمه ليش هيك كسرتيلي قلبي 💔😭

#الجزء_الاول
Telegram:@rwayate
ديمة انا رفيقتك لاتعملي معي هيك فهميني والله مو اصدي تزعلي ( رهام رفيقة ديمة ) ..

ديمة : خلص تركيني بحالي ، كل عمركن بتتمسخرو عليي حلو عني بئا مابدي شوف حدا

رهام : والله ماني اصدتك انتي لاتفهميني غلط

ديمة ركدت ع الحمام سكرت الباب و استندت ع المغسلة وهي عم تطلع ع شكلها بالمراية ..
بعدين اخدت نفس قوي و قالتلا لرهام :
شو ذنبي انااا !! هاد الشي البشع يلي بوجهي شو ذنبي بوجودو ..

رهام : سامحيني مشان الله

" ديمة عصبت كتير مسكت الصابونة يلي كانت ع المغسلة وضربتا ع المرايا ، تكسرت المرايا ورهام خافت صارت تصرخ خاصة انو ديمة معد ردت عليها ، بهالوقت هاد ديمة كانت محاولة تنتحر وجارحة ايدها "

اجا آزن المدرسة ع صوت رهام وفتح باب الحمام ، كانت ديمة واقعة بالارض و الدم معبي تيابا ..
فوراً اخدوها ع المشفى ..

ديمة : وين انا !
Telegram:@rwayate
رهام : بالمشفى ، ليش هيك عملتي بحالك

اتطلعت ديمة برهام و عيونا مدمعين و كانت نظرتا جامدة و قاسية ..
بعدين التلا : مو مهم

اجت ام ديمة و ابوها ، عرفو انو البنت كالعادة بسبب التشوه يلي بوجها اذت حالها و الحمدلله ما صابها اي مكروه ..

"" ديمة عمرا 17 سنة صبية عيونا عسلي وسعرا بني غامق ، بس في تشووه خلقي بوجها تشووه واضح كتير ، كان الو تأثير ع حياتا و سببلا عقد ومشاكل ، دايماً تسمع حكي من الناس يلي حواليها او رفقاتا بالمدرسة ""

بعد فترة اسبوع من القصة ، رجعت ديمة من المدرسة وهي تعبانة حطت شنتاينتا ع تختا و غسلت ايديها و شعراتا كانو منكوشين كتير ، رفعتن بملقط و اعدت ع طاولة الاكل ..

امها لديمة ( سنا ) : اليوم بدو يجينا ضيوف ..

ديمة : اهلا وسهلا
Telegram:@rwayate
سنا : خطابين ..

ديمة : مممم
" يمكن حست بالفرحة لدقايق انه في حدا رح يجي يشوفا " ..
مافي داعي تستقبليهن ماحدا رح يقبل فيني

سنا : لاتحكي هيك ياصغيرة ، بعدين الخطابين لأختك ضحى

ديمة " اتطلعت وهي متدايئة وخايبة " ..
شوو ضحى !!
امي ضحى عمرا 14 سنة حرام عليكن /!

سنا : ضحى حلوة و راكزة ومعلش لازم تتعلم تتكل ع حالا وتتحمل مسؤولية

ديمة : اااه اسفة نسيت اني بشعة و الاصغر مني صارو افهم ..
تركت الاكل وقامت وهي محروئة وعم تبكي ..

اعدت لساعات طويلة بغرفتا لحالا و بإيدا المرايا ، كانت عم تطلع فيها وتحكي مع حالا ..
ليش انا خلئت فيني تشووه !! ليش مختلفة عن باقي البنات ؟
ليش فيني شي يخلي الكل ينفرو مني ويبعدو عني !!
Telegram:@rwayate
بلحظة حست كأنو هالمرايا حكت ، حست قوة الدنيا تمالكتا ..
حكت لحالا : انا الله خلق فيني شي مميز مالازم اخجل فيه ...
لازم كون قوية و ما استسلم لكلام حدا مابدي اتدمر من الناس و حكيهن

قامت رفعت شعرا عن وجها ورجعت اعدت مع اهلا ..

امها كانت اعدة ع الكرسي ادام البحرة عم تقرأ كتاب وتشرب فنجان قهوتا ، و اختا ضحى كانت نايمة
اعدت جنب امها وقرأت عنوان الكتاب " ثرثرة صامتة "

ديمة : ماما ، شو يعني هالكتاب

سنا : كتاب متل اي كتاب

ديمة : في ثرثرة بدون صوت ؟

سنا : آي ، في حكي كتير بدون همس ..

ديمة : اصدك نفس الناس يلي بيتغامزو عليي وقت يشوفو شكلي ؟

سناا : ابداً يابنتي ، هاد العنوان بيحكي عن ثرثرة العيون ، كلام الروح يلي بكون عم ينبض بالصدق

ديمة : بس بضلو ثرثرة وحكي مالو وجود صح ؟

سنا : مو دايماً ، اوقات هالحكي بيتحول لسحر يتغلغل بالروح ..

ديمة : شو نوع الثرثرة بهاد الكتاب ..

سناا : ثرثرة حب

ابتسمت ديمة و بعدين سكتت ..
Telegram:@rwayate
تاني يوم جهزت حالا لتروح ع مدرستا ، لأول مرة كانت عم تمشي وهي رافعة شعرا و رافعة راسا مو مستحية ابداً بشكلا ..

اول مادخلت ع الصف اعدت بمقعدا .. الكل كان مستغرب كيف كانت رافعة شعرا ، كيف وثقت بحالا وماهتمت بكلام الناس ..
اول مابلش الدرس ..

دخل استاذ جديد ، الكل تفاجئو منو ..

سامر " واحد من الطلاب " : وين استاذ العربي

الاستاذ يمان : انا طالب سنة رابعة لسعتني بالجامعة و جيت بدال استاذكن بهالفترة لانو تعبان تقبلوني كصديق

سامر : مممم اهلا وسهلا

يمان : بدي اتعرف عليكن بالاول ، تفضلي انسة !!

هبة : انا هبة من الشام ..
راما : انا راما كمان شامية
الاستاذ يمان : تشرفت ، وحضرتك ياصبية .. !!

" ديمة كانت غفلانة ع المقعد "
Telegram:@rwayate
يمان : يا انسة !! صحوها لرفيقتكن ..

اول ماصحيت ديمة ورفعت راسا تفاجئ يمان بشكلا بس مابينلا ،
يمان : صح النوم

ديمة : بعتذر

يمان : ولايهمك

" احمد " طالب من الصف : هههه شو يا ديمة نمتي مشان الاستاز ما يشوف وشك الحلو ..

كل الطلاب صارو يضحكو ، الاستاز كتير اتدايئ ..
بعدين وقفت ديمة بكل قوية وقالت :
لاا ماخبيت وجهي لحتى مايشوفو الاستاذ ، خبيت وجهي لحتى ماشوف غبائكن ..
و بتمنى من ربي انو يعين الاستاز يمان ع هيك طلاب اغبياء متلكن ..

#الجزء_التاني
Telegram:@rwayate
رهام : تروحي نتمشا اليوم !! و مناكل بوظة ، بعدين منئعد بشي حديقة شو رأيك ؟ .. ديمة ، ديمة

ديمة : اي اي

رهام : عم احكي معك شبك وين شاردة !

ديمة : لا لا مو شاردة ، خلص منروح وين مابدك

رجعت ع البيت بعد دوام المدرسة وفاتت ع المطبخ لعند امها وهي مستعجلة ..

ديمة : ماما ماما ، بسرعة بدي اكل و روح
" كانت عم تحط صحن الاكل و الخبزات ع الطاولة وبلشت تاكل بسرعة وتحكي "

سناا : لوين بدك تروحي

ديمة : عندي درس عربي انا ورفقاتي عند رفيقتنا هبة

سنا : اي طيب ، بس هي اول مرة بتاخدي دروس مو

ديمة : صح ، استاذي مريض و راح علينا كتير دروس ، لهيك الاستاذ يمان الجديد رح يعطينا اضافي
Telegram:@rwayate
سنا : وكل الطلاب حيكونو

ديمة : اي ع الاغلب .. يلا انا ايمة بدك شي

سناا : الله معك

ديمة بيتا بعيد عن بيت هبة ، صارت تركد لحتى توصل ع الوقت .. اطعت الشارع متل المجنونة و هي عم تمشي بسرعة بين عجئة السيارات و ضجة الناس ..

بعدين استندت ع حيط عليه ياسمين لتاخد نفس ، اطفت ياسمينة و قربتا من وجها .. كانت عم تتنفس بسرعة من تعبها ، و عم ترتاح
بعدين بقرب منها شخص ، بيشبه الاستاذ يمان ..

يمان : مرحبا

ديمة : اهلين استاذ

يمان : ديمة مو هيك

ديمة : مبلا

يمان : خير فيكي شي شكلك تعبانة

ديمة : كنت عم اركد مشان اوصل ع الدرس وما اتأخر لان بيتي بعيد

يمان : اوف ، طيب تعي طلعي بالسيارة دقيقتين ومنوصل

ديمة : لا مافي داعي بكمل مشي

يمان : مو معقول رايحين انا وياكي ع نفس المكان و اتركك تروحي مشي ،بعدين مشان ماتتأخري

ديمة : طيب .
Telegram:@rwayate
طلعنا بالسيارة كنت تعبانة كتير وما الي نفس احضر الدرس ، اجت عيني ع مرايا السيارة الامامية ، كان يمان عم بسوق و عيونو مركزين ع الشارع ..
ايديه عم يتحركو بشكل غريب ، وشعراتو عم يطيرو من الهوا ..

ابتسمت لهالشخصية يلي شفتا فيه ، هو شب حلو كتير ..
بعد ما ضحكت رخيت راسي وكنت عم فكر !!

معقول رح يجي يوم وحدا يتطلع فيني متل ما اتطلعت ب يمان !!
يمكن ماحدا رح يفكر فيني ولا حدا رح يقرب مني ..

بعد شوي رن تلفون يمان /
هبة : مرحبا استاذ

يمان : اهلاً هبة
Telegram:@rwayate
هبة : معلش نلغي درس اليوم والله صار عندي بالبيت ظرف مو خرج ابداً حدا يجي من رفقاتي

يمان : طيب ولايهمك اتصلي برفقاتك قوليلن

هبة : خبرت الكل ، بس ضلت ديمة هلأ بتصل فيها

يمان : طيب ، الله معك
قال رح يلغو الدرس اليوم ..

ديمة : ممم ، معناتا نزلني هون و انا برجع ع البيت

يمان : ممكن سؤال ؟

ديمة : تفضل استاذ ..

" وقف السيارة و التفت لعندي "

يمان : شو السر يلي فيكي !!

ديمة : عفواً هههه انا فيني سر

يمان : القوة يلي فيكي ، انا مستغرب كيف بتتحملي تسمعي رفقاتك عم يحكو عنك هيك ، يمكن ازا بكون محلك رح اتخبا وما اطلع ادام حدا
Telegram:@rwayate
ديمة : لا انا ماني قوية ، انا ضعيفة كتير ، بس بتظاهر اني قوية حتى ما اسمح لحدا يحكي عليي ، بتظاهر اني مقتنعة بحالي لحتى ماحدا يتدخل ..
اكيد ماني رضيانة بشكلي انا مو ذنبي انو خلئت مشوهة بس شوفيني اعمل !!

يمان : نيالك ، ع فكرة انتي حلوة كتير

ديمة : شكراً استاذ

يمان : برات المدرسة لاتقليلي استاذ ، خلص يمان وبس مابدي تكبريني لسعتني صغير ..

ديمة : طيب

رجعت ديمة ع البيت وكانت عم تفكر بحكي يمان وعيونو وضحكتو ، يمكن هو اول مرة بدئ قلبا ..
ديمة : ضليت ع هالحلة فترة طويلة كل ماكنت شوف يمان بالمدرسة كانت تزيد دئات قلبي ، وضل صافنة لساعات ..
بس شو الفائدة اني حب و انعجب بحدا مستحيل يفكر فيني ..

كنت اعدة عم ارسم قلوب و صافنة ، وطبعاً الاستاذ عم يشرح الدرس و انا صافنة بعيونو و عم ارسم قلوب ، عبالي ابكي و عبالي اضحك ع حالي ..

يمان : تفضلي ديمة شرحيلنا !!

ديمة : اا .. مم ممكن تعيد سؤالك ؟!

يمان : شو يعني ثرثرة ؟

ديمة : كلام الروح و سحر العيون
Telegram:@rwayate
يمان : ولو انو الشرح يلي حكيتيه مالو علاقة بدرسنا ، بس عندي فضول اعرف تفسيرك لكلمة ثرثرة كأنو غريب

ديمة : العيون بتثرثر اكتر من الكلام ، بتحكي اشكال الوان .. من خلال الصمت بتقدر توصل معنى المشاعر و الحب ..

يمان : براڤو ، تفضلي رتاحي

سامر : ههههه شو دخل الحب بدرسنا يا استاذ

يمان : الحب انوجد قبل كلشي ، وفعلاً كلام العيون بيوصل لقلب اي حدا ..

-----------
#بقلم_رند_محمد

يتبع ..

#الجزء_التالت || ( الاخير ) ..
Telegram:@rwayate
كنت اعدة ع طرف البحرة عم اتصفن نجوم السما نجمة نجمة .. امي اعدة عم تكمل كتاب ثرثرة صامتة ، كانت بالصفحة 200 و الكتاب 300 صفحة ، شكلا مطولة ..

سنا : ديمة شو رأيك تقرأي هاد الكتاب بس اخلصو ؟

ديمة : عن شو بيحكي

سنا : حب و وجع و جرح ..

ديمة : بس تخلصيه بفكر اقرأو

ئمت ع غرفتي نمت ، والصبح فئت ع صوت الباب عم يندئ ..

ديمة : اي اي

الجارة ام مازن : يلله لك ديمة قومي شربينا قهوة اوام

ديمة : شبك خالة لسا الساعة 8

ام مازن : كسلانة ، يلله روحي ساوي قهوة

" حطينا القهوة انا و امي و ام مازن "

ام مازن : شفتك بمنامي انك مخطوبة ماقدرت استنا اكتر

ديمة : هههه طيب هاد منام وبس مارح يصير حقيقة

ام مازن : الله يكرمك بشب متل مابدك
Telegram:@rwayate
ديمة : اييي ، انا بدي روح اشتري فطور خليكي عنا خالة بتفطري معنا ..
طلعت من البيت و ع الطريق
شفت يمان كان عم يشتري فطور كمان ، وقت شافني سلم عليي .. كان مبتسم كتير

يمان : ديمة بدي شوفك اليوم بالحديقة

ديمة : ليش

يمان : حابب احكي معك ..

ديمة : طيب الساعة 6 بشوفك ..

رجعت ع البيت و انا عم فكر شو قصتو هالاستاذ فيه شي غريب ، بحياتي ماشفت استاذ بيتعاطف مع طلابو لهالدرجة ..
ضليت كل نهاري فكر بغرابتو ، وكنت عم استنا الساعة 6 و انا متشوقة

و المسا رحت ع موعدي معو ..

يمان : انا ماقدرت كون معك متل رفقاتك و الناس يلي حوليكي .. انا حبيت كون الحدا المنيح معك بدون مقابل

ديمة : انا مابدي حدا يشفق عليي ولا يتعاطف معي

يمان : ماني شفقان عليكي بس فيكي شي جذبني الك

ديمة : لاتكمل ، مستحيل حدا ينجذبلي ، شكل وجهي مارح يخلي حدا يتقرب مني

يمان : لا الشكل مادخلو الروح هي الحب .. قلتيلي انو الثرثرة هي حديث العيون ، طيب شوفي ثرثرة عيوني ماحسيتي فيها شي غريب

ديمة : انت شو بدك فهمني شو !!؟

يمان : انا حبيتك ، ثقتك بحالك حتى جمالك انا ماني شايفك مشوهة ، شايفك كاملة انا حبيتك كتير

ديمة : مو معقول ، بدي امشي ..

تركت يمان و رحت بسرعة ركدت مابعرف وين رايحة بس كنت عم ابكي و قلبي عم يدئ بسرعة
فتت ع البيت اعدت ع تختي و لقطت نفس و صفنت
Telegram:@rwayate
امي : شبك ديمة ، شو صاير معك

ديمة : يا اممي يمان استاذي قلي انو حبني كتير

امي : ايمتا

ديمة : هلأ من شوي ، شفتو وقلي

امي : وليش عم تبكي شبك !! لازم تفرحي هي في حدا حبك مو متل مابتقولي

ديمة : لااا مستحيل ..

امي : مو مستحيل ، انا قلتلك بيوم من الايام رح يكون في شخص عم يشوفك ملاك .. يلله قومي نئعد برا
" اندئ الباب " ..

ديمة : يلا رح شوف مين وبرجع

فتحت الباب ، كان يمان ..
صفنت فيه ، نزلو دموعي ماعرفت شو بدي احكي ،.مافيني قلو روح لاني بحبو ، ومافيني قلو ضل لاني بخاف بيوم من الايام يحسسني بالشفقة ..

امي : اهلا مين حضرتك !!

التفتت لعند امي و التلا : هاد يمان
Telegram:@rwayate
امي : تفضل
فات يمان اعد و كان عم يتطلع فيني و يحكي مع امي ..

يمان : ياخالة والله حبيتا لديمة ، شكلا مابهمني ،انا شايفها احلا بنت روحا حلوة وبكفيني
ديمة ماعم كزب عليكي ، انا رح ابعت اهلي لعندكن ...

سنا : طيب ازا كان فعلاً بتحبا لديمة خلي اهلك يجو لعنا ..

اجو اهلو ليمان شافوني و اكيد.متلن متل غيرن ماعجبتن ، طلعو وهن مشمئزين ..
بوقتا عرفت انو يمان خلص مارح يرجع ، و انو اهلو مارح يخلوه

اتصل فيني يمان وكان عم يبكي !
يمان : كيفك
ديمة : منيحة
يمان : اهلي كا..
ديمة : لاتكمل ، بعرف اني ماعجبتن خلص مافي داعي تحكي
يمان : شو اعمل ، امي ماقبلت و غضبت عليي ازا رح ضل ع تواصل معك بس انا مستحيل رد عليها ..
ديمة : لاا مارح اقبل ضل معك و اهلك مو رضيانين
يمان : شو عم تحكي انا بحبك ..
ديمة : قصتنا مارح تكمل مافي داعي نضل سوا
يمان : طيب سامحيني ..

سكرت الخط و اعدت ع الارض كنت منهارة ع الاخير بكيت كتير ، حسيت بالخيبة و الكسران ..
كسري بحياتو ما انجبر ولو بكلمة ..
Telegram:@rwayate
طلعت من غرفتي ، لقيت امي اعدة عم تبكي و تقرأ كتابا يلي صارت بصفحاتو الاخيرة ..

ديمة : شو صار امي

سناا : ابطال الرواية تركو بعض , كنت متوقعة يخلص كتاب " ثرثرة صامتة " بحدث حلو ، بس خلص بحدث بوجع ..

ديمة : دائماً الثرثرة مالا وجود ، و العيون مادخلا هلأ اقتنعت بالمعنى الحقيقي للكلمة

ضميت امي وبكيت ، هي الحدا الوحيد يلي بيزعل ع زعلي وبهمو انا ..

-- / مرئو سنتين ع القصة \ --

عملت عملية تجميل لوجهي و صرت احلا بكتير من ما كنت بتوقع .. كملت دراسة ونسيت كل الماضي بلشت ديمة جديدة ..

بالصدفة اجتمعت ب يمان كان عم يمشي بسرعة و معو صبية طرف وجها عليه اثر حرق ..
وقت شفتو تغيرت ملامحي ، قربت كان بدي سلم عليه مو لاني اشتقتلو ..

كان بدي ياه يشوف شكلي الجديد ، كنت بدي اعرف شو اخبارو ..

ديمة : كيفك يمان

يمان : د ديمة ، هاد انتي

#عيد_الحب
Telegram:@rwayate
نهى: مرحبا عمو
صاحب الكافيه: اهلا عمو قليلي تفضلي
نهى: بدي اسألك شي
صاحب الكافيه: اي تفضلي
نهى: هداك الشب و الصبية بتعرف شو اسمائن؟ ومين بكونو
صاحب الكافيه: اي كيف لكن هاد استاذ جوليان من هي المنطقة و اهلو كتير اغنياء
نهى: ايوووه.. طيب والصبية اللي معو
صاحب الكافيه: والله هيك ما بعرف بس بسمعو بناديلا ليلي ما بعرف اذا اسمها او اختصار
نهى: طيب يعني هي حبيبتو او خطيبتو او اختو؟
صاحب الكافيه: والله ما بعرف.. هيي ما الها زمان بتجي معو بالعادة الاستاذ جوليان بيجي لحالو او مع رفقاتو الشباب
نهى: يعني هوي كتير بيجي لهون؟ بتعرف شو بيدرس؟
صاحب الكافيه: اي كل كم يوم بيجي لهون.. ما بيدرس متخرج من كلية الاقتصاد وبيشتغل بشركة ابوه.. بس بنتي ليش عم تسألي هالأسئلة؟
نهى: اه لا لا ولا شي عمو بس كنت عاوزتو بشغلة بس ما بعرف شو اسمو قلت بسأل
صاحب الكافيه: ولا يهمك
Telegram:@rwayate
برمت وجهها نهى و طلعت من الكافيه وقعدت برا ناطرتو ليطلع
بعد نص ساعة طلع هوي و الصبية و اول ما طلعو قربت عليهن بسرعة..
نهى: مرحبا
وقفو متفاجئين فيها..
نهى: اجيت اسالك عن القميص مشا حالو اذا ما مشا حالو قليلي لاغسلك ياه انا
جوليان: بعدي من طريقنا
واجو ليكملو طريقن بس نهى وقفت بوجهن مرة تانية وقالت: هلا انت ليش بتضل هيك مزعوج و معصب انا عم حكي الانسة.. عفواً شو اسمك يا انسة
ليلي: ليلي
جوليان: ليلي لا تحكي مع هيك بشر... امشي
نهى: ليش شبن هيك بشر بلا صغرة يا استاذ
جوليان: خلصنا بقا انقلعي من خلقتي
نهى: اوكي بعتذر ع الازعاج
كملو طريقن و هيي معصبة
Telegram:@rwayate
رجعت ع البيت و اول ما وصلت رن موبايلا كان جنى...
جنى: ولي نحنا هلا خلصنا من المحاضرة وينك انتي ما شفناكي بالكافيه
نهى: انا بالبيت ليكي فيكي تجي انتي وربى لعندي بعد ما ترتاحو شوي و جيبولي معكن تياب حلوين من عندكن قررت صير انثى بس ما عندي تياب انثى
جنى: عم تمزحي شي؟!!
نهى: لا ما عم امزح... خلصيني اسالي ربى بتجي؟
......
جنى: قال اي بتجي
نهى: ماشي يلا روحي باي
اتغدت نهى و ارتاحت شوي و بعدا اجو رفقاتا جنى و ربى وقعدو بالغرفة
ربى: شوفي هاد الفستان
جنى: لا لا البسي هي التنورة
Telegram:@rwayate
نهى: لك خلصوني بلبس التنين يلا
لبست الفستان و طلعت..
نهى: كيف طالعة
جنى: طالعة بتهوي... شيلي هالطاقية وافردي شعرك
ضحكت نهى: لك نسيت ولو
شالت الطاقية و فردت شعرا وسط اندعاش ربى و جنى
نهى: هيك
جنى: اللهم صلي ع النبي مأطولو
ربى: الله اكبر مأجملو
نهى: هلا منيح هيك او لا
ربى: اي منيح تعي لنمكيجك
نهى: استنو تكة
قربت نهى من المراية وشالت عدسات بنيات من عيونا
جنى: حاطة عدسات؟
نهى: اي عيوني خضر
ربى: وانا عم قول امك و ابوكي كيف عيونن خضر و اخوكي دريد كمان عيونو خضر وانتي لا
جنى: لك من خمس سنين رفقة وما عندي خبر
نهى: لك خلصوني هلا.. او قلكن تعو لعندي بكرا الصبح و مكيجوني و جهزوني عندي موعد
جنى: موعد غرامي؟
Telegram:@rwayate
نهى: لك خلصنا بقا.. بكرا تعو و جهزوني و بحكيلكن بعدين
ربى: بس قليلنا حلو؟
نهى: بجنن
تاني يوم جهزوها البنات و طلعت ع الكافيه و قعدت تنطر جوليان وهي عم تتمنى يجي لحالو مشان الانتقام يكون احلا.. بهالوقت ما ضل شب ولا صبية ما اطلعو عليها و انبهرو بجمالا
ومتل. ما تمنت صار اجا جوليان لوحدو و قعد ع الطاولة اللي مقابيلا...
ضلت تطلع عليه لوقت ما اجت عيونو بعينا...
بعد شوي قامت و اتجهت لعندو...
نهى: مرحبا (بلطف)
ابتسم جوليان وقال: هلا
.....
يتبع....

#عيد_الحب
Telegram:@rwayate
نهى: حضرتك جوليان ما؟
جوليان: مبلا أنا جوليان بتعرفيني؟
نهى: بقدر اقعد؟
جوليان: اكيد تفضلي
سحبت نهى الكرسي و قعدت بكل ثقة...
اطلعت فيه بكل انوثة و رقة و قالت: بصراحة انا سمعت عن اللي صار من فترة
استغرب جوليان وقال: عفواً ما فهمت.. ليش شو صار؟
نهى: بخصوص البنت الي كبت العصير ع البنت اللي كانت معك حبيبتك يمكن مو؟
جوليان: اييي اذكرت الموقف بس كيف عرفتي فيه يعني كنتي قاعدة هون؟ بعدين مين قلك انو ليلي حبيبتي لا هيي رفيقتي وجايي من اميركا خصيصاً لهون مشان شوفا وبوقتا اتدايقت كتير من البنت لانو اعتذرت باسلوب سخيف وما حبيت طريقتا المتعالية
نهى: ع كل انا اسمي رولا و البنت اللي ضربتك هيي بتكون اختي و دلتني عليك مشان اعتذر منك باسلوب راقي
جوليان: هههه شو في فرق بينك وبينا
نهى: عفواً ما فهمت
Telegram:@rwayate
جوليان: بقصد انتي جمال و رقة و انوثة بينما هيي بشعة و مسترجلة و....
نهى: انتبه ع الفاظك يا استاذ هي بتكون اختي
جوليان: اه عفواً بعتذر
نهى: اوكي المهم انا بعتذر عنها..
جوليان: حصل خير و انا بعتذر ع الكف ما كان قصدي كنت معصب من قبل و عصبت اكتر باسلوب اختك
وقفت نهى و كأنها متفاجئة بهالحكي: نعاااام ضربت اختي؟؟
اتلبك جوليان و وقف: والله صارت الشغلة بدون قصد ممكن تقعدي لنتفاهم
نهى: نتفاهم ع شو...انت واحد قليل ذوق و مو متربى.. الرجل يا استاذ رجل بتعاملو مو بشواربو و لعلمك ما في رجل بيضرب بنت عم تفهم
وبرمت وجها و راحت...
لحقها جوليان و هوي عم ينادي: يا انسة يا انسة استني بترجاكي يا انسة رولا
بس نهى استعجلت و طلعت بتاكسي و راحت...
اطلعت عليه من ورا و شافيتو كيف كان واقف عم يتفرج عليها...
ضحكت بالسيارة وهيي مبسوطة انو الخطة نجحت مبدئياً..
Telegram:@rwayate
رجعت ع البيت و بدلت تيابا و رجعت لبست التياب الصبيانية و رفعت شعرا و حطت الطاقية والعدسات وطلعت...
بعد يومين كانت قاعدة نهى مع رفقاتا البنات بالكافيه نفسو ناطرين موعد المحاضرة...
ما حست نهى الا ب جوليان عم يتوجه لعندا..
جوليان: مرحبا
ربى: اهلين شو بتريد
جوليان اطلع ع عيونا ل نهى وقلا: لو سمحتي ممكن حاكيكي ع جنب
نهى بلطف غير معتاد: اكيد
قامت و راحت معو..
جوليان: لو سمحتي بدي اسالك عن الانسة رولا
نهى: اي اختي منيحة الحمدلله.. هيي شافيتك و حكيتك و اعتذرت عني مو؟
جوليان: اي مو هاد المهم... لو سمحتي فيني اخد رقما منك؟
نهى: اي بس ليش خير؟
جوليان: حابب حاكيها.. وانا اسف ع الكف مو بقصدي بعتذر
نهى: اي ولا يهمك... يلا سجل عندك رقمو
و طبعاً نهى عطيتو رقمها هيي و قالتلو انو هاد رقم اختا..
اخد جوليان الرقم و شكرها و راح..
ابتسمت نهى هيي و عم تشوفو عم يبعد و رجعت ع الطاولة..
جنى: شو بدو و شو هاللطف اللي حل عليكي فجأة؟
نهى: عم يعتذر عن الكف بس
Telegram:@rwayate
مر يومين ع اللقاء وجوليان ما اتصل..
بلشت نهى تخاف معقول ما بدو يحاكيها؟ ولا نسى الموضوع...
مر يومين تانيين و لما عرفت نهى انو ما في فائدة قررت ترجع انثى و تطلع ع الكافيه يمكن تلتقى فيه و يصير شي...
لبست التنورة و البلوزة الزهر و تمكيجت ورخت شعراتا و شالت العدسات و بوجهها ع الكافيه..
اول ما وصلت نهى هنيك اجت عينا بعينو ل جوليان الي كان قاعد هوي و ليلي..
و اول ما شافا وقف بسرعة و نادالا: انسة رولا
برمت وجهها نهى و ما ردت و قربت من طاولة و بدا تقعد بس جوليان كان صار جنبا و مسك ايدا و قلا: انسة رولا بعد اذنك ممكن نحكي
اطلعت عليه و اطلعت ع ايدو و قالت: ايدك
جوليان سحب ايدو وقال: اسف بس ممكن نحكي
نهى: بشوبدنا نحكي
جوليان: تفضلي اقعدي معنا انا و ليلي شوي و بدا تروح و بعدا منحكي
نهى عملت حالا انو مترددة مع انها كان بدا تروح تقعد معن بسرعة..
سلمت نهى ع ليلي و قالت: اسمي رولا
ليلي: وانا ليلي
نهى: تشرفنا
ليلي: من وين بتعرفو بعض جوليان؟
Telegram:@rwayate
جوليان: بعرفا من ايام الجامعة ما تشغلي بالك
ليلي: طيب أنا صار لازم اطلع... انبسطت بشوفتك انسة رولا
نهى: وانت بالاكتر
قامت ليلي وقام وراها جوليان وصلا لباب الكافيه وبعدا رجع لعند نهى
جوليان: اسف طولت عليكي
نهى: فداك
جوليان: بصراحة انا بدي اعتذر عن اللي صار لانو اللي صار مو قاصدو و بتمنى تقبلي اعتذاري
نهى: المهم اختي تقبل اعتذارك مو مهم انا ابداً
جوليان: انا اعتذرت لاختك وهيي قبلت اعتذاري بس يدي انتي تقبلي اعتذاري
نهى: تمام هيك وانا قبلتو لكن وبتمنى ما تتكرر هالقصة
جوليان:طيب بتسمحيلي اعزمك ع الغدا لاتأكد انك قبلتي اعتذاري
نهى: عفواً بس انت ما شفتني الا مرة وحدة كيف بدي اتغدى معك؟ لا شكراً كلك ذوق وخلص انا اعتذارك قبلتو
جوليان: طيب فنجان قهوة بس
صفنت شوي نهى وكأنها عم تفكر بالقصة...
نهى: طيب موافقة
Telegram:@rwayate
مر اسبوع ع هالقعدة بين جوليان و نهى..
كانت نهى عم تدرس بغرفتا وتاركة الخطوة الجاي من الانتقام ل جوليان...
رن الموبايل.. كان رقم غريب

#عيد_الحب
Telegram:@rwayate
مرت الايام و هني مرتبطين
جوليان كل مانو عم يتعلق اكتر ب رولا اللي هيي بالاساس نهى
ونهى عم تمشي بخطة الانتقام من الكف اللي ضربا ياه قدام الكل و ما قدرت تردولو ياه بنفس اللحظة...ناطرة تردلو الصاع صاعين والكف... كفين
كان ع طول ياخدا مشاوير و يضل يقلا اضحكي كرمال الله اضحكي بعشق ضحكتك انا..
مرت لحظات كتير حلوة بيناتن.. هاللحظات زادت حبو ل جوليان و زادت انتقامها ل نهى..
ومرة راحو ع البحر مشوار و هني عم يتمشو.. مسك ايدا و اطلع بعيونا الخضر..
رفع شعراتا ع وجها بايدو وقال..
جوليان: حبيبي
نهى: اي عيوني
جوليان: شو رأيك عرفك ع رفقاتي؟
نهى: اي ليش لا منتعرف
جوليان: طيب حبيبي بشوفك بكرا ومنروح ع الغدا كلنا
نهى: طيب اتفقنا
Telegram:@rwayate
رجعت نهى ع البيت و تسطحت ع تختها و قعدت تفكر كيف بدا تردلو الكف قدام كل رفقاتو..
ما كانت متوقعة انو الانتقام رح يجي بايديه و رجليه لعندا..
تاني يوم جهزت حالا و طلعت كتير حلوة و طلعت تشوفو..
اول ما وصلت و شافا عيونو صارو يرقصو من الفرح.. الحب اللي بقلبو لالها كان كبير..
جوليان: طالعة بتجنني يا قلبي
نهى: عيونك الحلوين
جوليان: يلا نروح
نهى: بس حبيبي بدي اسالك سؤال
جوليان: اي يا قلبي قليلي
نهى: هي البنت ليلي رح تكون بالغدا؟
جوليان: اي حبيبي رح تكون ليش؟
نهى: لا ولا شي حبيبي عم اسال بس
Telegram:@rwayate
راحو ع الغدا و اول ما قعدو و تعرفو عليها بانت نظرات الدهشة و الاعجاب بشكلا و جمالا و اناقتا..
بعد الغدا قام جوليان و قال قدام الكل..
جوليان: انا حبيت انو باليوم اللي عرفكن ع البنت اللي خترتا شريكة حياتي يكون يوم مميز.. ويوم ما ننساه كلياتنا...
قرب جوليان من نهى و قال: حبيبي ممكن تقومي شوي
قامت نهى من الكرسي و وقفت جنبو..
قال: اطلعو لهنيك
الكل اطلع بالاتجاه اللي اشر عليه جوليان
و فجأة طلع بهداك الاتجاه بالونات و فقاعات مي.. و طلعت بالونة كبيرة مربوط فيها كرت..
جوليان: رولا روحي و افتحي الكرت
راحت نهى شوي شوي و مسكت الكرت و فتحتو..
جوليان: اقرأي بصوت عالي
نهى: رولا بحبك... اخترتك شريكة حياتي.. عمري معك بيكمل.. بتتزوجيني؟
رفعت راسا نهى و اطلعت باستغراب..
قرب جوليان منها و قعد ع ركبتو و طالع علبة و فتحا.. كان بقلبا خاتم بجننن..
جوليان: بتقبلي تكوني حياتي و نصيبي و قدري وكل عمري!؟
الكل مبتسم و ناطر جوابا..
اطلعت عليهن واحد واحد..
Telegram:@rwayate
وبعدا اطلعت ب جوليان و قالت: لأ
اختفت ابتسامتو ل جوليان..
اختفت ابتسامة الكل..
سكتت الموسيقى..
هدوء تام.. ما حدا مستوعب اللي صار..
قال شب رفيقو ل جوليان: يا جماعة اكيد رولا عم تمزح مستحيل. تكون عم تحكي جد
و ضحك..
نهى: لا مو مزح.. جد عم احكي.. لا ما بقبل اتزوج واحد متلك
مسكت ايدو و قالتلو: قوم لنوضح كم شغلة مهمة
وقف جوليان ولسا الصدمة ع وجهو..
نهى: كبداية للقصة و للشرح انا نهى مو رولا.. اساساً ما في وجود ل رولا.. انا نهى البنت المسترجلة نفسها اللي ضربتا كف قدام الكل و قدام هي اللي اسمها ليلي..
واشرت بايدا ع ليلي..
وقعت العلبة من ايد جوليان و عيونو مركزة ع شفافا ل نهى ليقدر يستوعب الحكي اللي عم يطلع منها..
نهى: انا بوقتا ما رديتلك الكف و هلا انا رح ردلك الكف كفين..
ضحكت نهى و قالت: كل لحظة بيناتنا كانت كذب.. ما بحبك و ما بريدك ولا بتمناك
ليلي: انتي اكيد مجنونة و عم تكذبي مو
Telegram:@rwayate
اطلعت نهى عليها وقالت: انتي بالتحديد ريحيلي جمالك و خليكي ع جنب
رجعت اطلعت نهى ب جوليان وقالت: انا خدعتك و ما بحبك و انا مو رولا... انت هنتني قدام الكل و انا هلا عم هينك قدام الكل..
رفيقو ل جوليان: لك خلص بقا... انتي مجنونة اكيد مختلة عقلياً
ضحكت نهى: شو جوليان شكلن رفقاتك مو متوقعين انك تكون غبي لهالدرجة... بس عادي ما بلومك حتى اهلي ما قدرو يعرفوني انا و... رولا
جوليان ساكت و عيونو بعيونا..
قلبو بايدا وهيي همها الانتقام و بس
نهى: اكيد عم تقولو يا ترى كيف خطرتلا هالفكرة الجهنمية.. بصراحة ماعرفت كيف بدي رردلك الكف.. قلت اذا ضربتك كف متلو رح اتبهدل بس هيك انت بتحبني و قلبك الي و انا رح ادعس ع قلبك و امشي.. ابقى اتعلم كيف تحترم الناس.. ولا تمد ايدك ع بنت لانو الرجال ما بمد ايدو ع بنت يااا محترم..
رمت الكرت من ايدها و دعست. عليه وقربت من الطاولة و اخدت غراضا و مشت..
مر اسبوع وهيي مابتعرف شي عن جوليان و اساساً ما بقا فكرت فيه..
رجعت لدراستا و اهتماماتها و رجعت البنت المسترجلة..
كانت قاعدة هيي و ربى و جنى.. وفجأة بتجي ليلي وبتقرب من الطاولة و بتقلا: بدي احكي معك ضروري
قامت نهى و قعدت هيي وليلي لوحدن...
Telegram:@rwayate
ليلي: اذا مفكرة اني جاية لقلك انك فزتي عليه ل جوليان وهنتيه قدامنا بتكوني كتيييرر غلطانة لانو جوليان اغلى و اعز واهم منك بكتيييييير و ما رح تهز صداقتنا شي متل هالشي السخيف
ابتسمت نهى وقالت: اختصري

#عيد_الحب
Telegram:@rwayate
ليلي: قبل شهر من اليوم اللي ضربك فيه جوليان كف... جوليان خسر أمو واختو بنفس اليوم بحادث سيارة و ما ضللو حدا غير ابوه اللي مو فاضيلو اساساً
نهى: شوووو انتي شو عم تحكي
ليلي: خلينا نقعد لاحكيلك كلشي
دخلو ع الكافيه و قعدو وبلشت ليلي بحكي القصة..
ليلي: السبب الاساسي لجيتي لهون من اميركا هوي خسارة جوليان لامو واختو اللي كانو كلشي بحياتوو.. حاولت انا و رفقاتنا انو نطالعو من حالة الوجع و القهر اللي هوي فيه.. وقت اللي شفتينا و صارت المشكلة كانت تاني مرة بقدر اني طالعو فيها برا البيت و طلعتي بوجهو.. يعني مو انتي المقصودة بس هيك اجت معو من وجعو و قهرو وبعدا استسلم للامر الواقع و تقبل فكرة غياب امو و اختو.. حكالي بعد ما شفتك لتاني مرة وعرفتي عن حالك ب انك رولا.. قلي هي البنت بتكون اخت الصبية اللي ضربتا كف و ارتحتلا كتير وخايف اذا ضليت حاكيها حبها و اتعلق فيها و بالاخير اخسرا.. وليكو حبك و تعلق فيكي و قرر بسرعة يطلب ايدك لحتى ما يخسرك بس انتي كسرتيه كسر جديد.. جوليان هلأ مكسور وأنا مسافرة والكل انشغلو حالياً وما ضللو حدا يوقف معو.. انشالله انبسطي بانتقامك هلا؟
Telegram:@rwayate
كان دموعا ل نهى ع وجهها.. مو قادرة تصدق انو جوليان الشب القوي صاير فيه هيك
ليلي: وفري دموعك.. دموعك ما رح يجبرو قلبو ل جوليان المكسور بس تحسي فيه وبوجعو هاد الشي الوحيد اللي ممكن يجبر قلبو.. صدقيني ما كنت بكسر حالي لوحدة متلك لو ما بعتبرو ل جوليان كلشي بحياتي.. روحي و وقفي معو هوي بحبك عنجد... حاولي تحبيه لانو جوليان هلأ متدمر تماماً لا تبني حالك ع حسابو.. سلام
قامت ليلي و راحت و تركت نهى قاعدة عم تبكي و ندمانة ع الشي اللي عمليتو بجوليان..
مر اسبوع ع اللقاء بين ليلي و نهى.. ونهى محتارة شو تساوي...
صارت تروح وترجع ع الجامعة وحاولت تنسى جوليان و قات بكرا بينساها و بلاقي البنت اللي بتستاهلو. بس عذاب الضمير كان قاتلها.. وللحقيقة قلبها بلش ينبض ل جوليان و يوم عن يوم كانت عم تشتقلو و تشتقلو وتشتقلو بس ما كان عندها الجرأة انها تروح و تواجهو...
وبيوم كانت الدني سماااء ومااااء.. نهى بغرفتا عم تدرس و تطلع بهالمطر اللي عم يضرب بشباك غرفتا.. صارت تفكر يا ترى جوليان شو عم يساوي هلا... عم يفكر فيني ولا نساني.. اكيد عم يفكر فيني اللي متلو ما بينسى... اللي متلو بحب من جوووااااات قلبو.. وبدون ما تحس قامت و لبست تيابا ورخت شعراتا و رجعت عيونا الخضر وطلعت بسرعة تدور ع جوليان...
Telegram:@rwayate
راحت ع البحر و دورت بالمكان اللي كانو فيه عطول بس ما لقيتو...
طلعت ع الكافييه بس ما لقيتتو.. راحت ع كل الاماكن اللي شافيتو فيها و اللي شهدت ع حبو و طيبة قلبو و غرامو ل جوليان... الحديقة والشوارع.. بسس ما لقيتو..
بعد ما تعبت من المشي و شعرا و تيابا و وجها تبللو بالمطر اللي ما كان يوقف...
وصلت عاخر مكان راحو عليه سوا كان حديقة صغير و فيها شجرتين كبار وبين هالشجرتين مقعد خشبي كان عليه كتير اسماء للعشاق و بوقتا قلا جوليان ل نهى رح اكتب اسمائنا بعيد الحب مشان يكون العيد عيدين... تذكرت بوقتا انو ما حسا بشي وقت قال هالحكي بس هلا صار يعنيلا كتير..
قعدت ع المقعد و صارت تبكي وتبكي و دموعها تختلط بدموع السما..
هيي و قاعدة تذكرت كلمتا ل ليلي..(وفري دموعك.. دموعك ما رح يجبرو قلبو ل جوليان المكسور بس تحسي فيه وبوجعو هاد الشي الوحيد اللي ممكن انو يجبر قلبو)
مسحت دموعها و قامت و راحت ع المقبرة.. اكيد رح يكون جوليان هنيك.. هنيك وجعو..
اول ما وصلت صارت تدور بين القبور... اخيراً لقيتو ل جوليان..
كان قاعد قدام قبرين و كل قبر عليه باقة ورد....
كان ساكت و ما عم يحكي شي .. عم يطلع ع الارض و بس..
قربت منو بهدوء و وقت وصلت لعندو قال: خسرت هالحياة امي
ضحك متل المجنون و بعدا صرخ بكل قوتو اااااااااااااخ وعلا صوتو بالبكي والوجع..
صار يصرخ: ياااااااا اللللللله يااااااا رب ياااااااا رب.. قلبي ياااااا رب.. ليش اناااااا ليش اناااااااا..
حطت ايدا ع تما و برمت وجهها و ركضت باتجاه باب المقبرة بس هيي وعم تركض تفشكلت ووقعت ع الارض.. صرخت بقوة ووقت صرخت التفت جوليان وشافا..
Telegram:@rwayate
قامت عن الارض و اطلعت عليه.. عيونا بعيونو.. جمدو التنين بمكانن و السما لسا ما خلصو دموعا..
حاولت تقرب باتجاهو بس رجليها خانوها..
وضلت واقفة عم تستنى منو اي حركة..
جوليان: شوبدك
نهى: انا اسفة
ضحك جوليان من بين دموعو و قال: ع شو بقا
يتبع......

#عيد_الحب
Telegram:@rwayate
جوليان: ع شو بقا
نهى: ع كلشي.. انا بحبك جوليان بحبك كتير اسفة لان كسرت قلبك.. بس انت ما قلتلي ع الشي اللي واجعك ما قلتلي انك خسرت امك و اختك بيوم واحد
ضحك جوليان وقال: صح كان لازم اشرحلك و بينلك وجعي لانو قلبك الحجر ما قدر يشوف الوجع جواتي
نهى: انت... انت ما... ما كنت حاسس فيني
جوليان: حس فيكي؟؟ ليش مين الي كذب ع التاني مين الل انتحل شخصية تانية مين اللي حب كذب و وهم انا؟؟؟
نهى: بس انت ضربتني و هنتني قدام الكل
جوليان: صح هنتك قدام الكل و ضربتك مزبوط هالحكي.. وهي انتقمتي مشالله عنك شو لسا بدك؟؟! وليش لاحقتيني لهون
نهى: سامحني.. عطيني فرصة ورجيك فيا انو انا بعشقك و قلبي طيب و بحبك
جوليان: ع شو بدك تعوضيني ولك نهى.... ولا بقول رولا؟ اطلعي من حياتي و انا بعيش ملك
نهى: لا ما رح اطلع من حياتك مو عكيفك
جوليان: انا تعبان كتير نهى.. طلعي من حياتي و روحي من هون.. انا غلطت وقت فكرت انو وحدة متلك بقلبك الاسود ممكن يعوضني عن الحنان اللي خسرتو
نهى: بعوضك والله العظيم بعوضك.. بعملك اللي بدك ياه بس سامحني
جوليان: متأكدة اللي بدي ياه بتعمليه؟؟
نهى: اي متأكدة يلي بدك ياه بصير وبدون نقاش
جوليان: شو ما كان يكون؟
نهي: شو ما كان يكون
جوليان: سامحتك بس اطلعي من حياتي وهلا فوراً
واشر بايدو باتجاه باب المقبرة
Telegram:@rwayate
عيونا المليانين دموع الندم بعيونو المليانين وجع و قهر..
نهى: بس انا بحبك..
جوليان: وانا... كنت بحبك
ضلت واقفة عم تطلع فيه و مو عارفة شو تعمل لترجعو لقلبها..
نهى: رح روح هلا بس رح ارجع بعدين
جوليان: اذا رجعتي مرة تانية بوقتا نجوم السما اقربلك من اني سامحك
صمت...صمت...صمت... ما في غير صوت المطر...
قربت نهى منو لوقت ما وصلت لقدامو مباشرة.. رفعت ايدا وحطيتا ع خدو و رفعيتا لجبينو بعدت الشعرات المبلولين و قالت: معناها ما تسامحني وتركني قريبة منك
رجع خطوة لورا... ضلت ايدا ل نهى بالهوى.. نزلت ايدا بهدوء..
نهى: بحبك
جوليان: هي مو مشكلتي
Telegram:@rwayate
مشا باتجاها و مر من جنبا بهدوء و اتجه لبرا المقبرة... لحقيتو ومسكت ايدو..
نهى: مافيك تتركني و تروح هيكك
جوليان: مين قلك؟!
مسك ايدا و نزلا وكمل طريقو...
ضلت واقفة و عم تطلع عليه من بعيد.. لوقت ما اختفى..
طلعت من المقبرة و راحت ع البيت..
اول ما وصلت و شافيتا امها جنت.. فوتتا ع الغرفة و بدلتا تيابا و نشفتلا شعراتا و عملتلا شي سخن لتشربو و تدفى....
اطلعت نهى بامها وقالت: ماما الانسان بلا امو ما بيسوى شي مو؟
امها: مبلا بس ليش هالسؤال
نهى: بعرف واحد ما عندو ام.. لما بيرجع ع البيت مين ببجففلو شعراتو وبحضرلو تيابو و بيعملو شي سخن يشربو؟؟
امها: ماحدا.. الله يعينو ويوقف معو.. بس مين قصدك
نهى: ضميني ماما
ضمت نهى امها وبكت ع الهدا.. غمضت عيونا و نامت هيي وعم تفكر بجوليان و بحالتو هلا
تاني يوم فاقت نهى نشيطة و بوجهها ع الجامعة حضرت المحاضرات و طلعت فوراً تدور ع جوليان..
بعد ما تعبت لقيتو قاعد ع الكورنيش وحاطط طاقية الجاكيت ع راسو و بايدو في كاسة عم يطلع منها البخار ما عرفت اذا شاي او قهوة..
Telegram:@rwayate
قربت وقعدت جنبو و حطت الكتب ع جنب..
اطلع عليها وما حكا ولا كلمة..
ابتسمتلو ومدت ايدا ع الكاسة وقالت: شو عم تشرب..
بس جوليان ما رد..
نهى: ممم قهوة بس ما بحب القهوة انا.. يلا بلا ما اشرب شي
ابتسمت هيي و عم تطلع بعيونو وقالت بكل حب و حنان: شتقتلك بتعرف
بس كمان ضل يتطلع بعيونا و ما رد..
مسكت ايدو كانت دافيه من كاسة القهوة.. ضمت ايدو بايديها التنين و قالتلو: ياااي ايدك دافيه دفيلي ايديي
حاول يسحب ايدو بس نهى كانت شادة عليها كتير..
بعد عيونو عن عيونها و صار يتطلع بالبحر.. ايدو رهينة ايديها..
ابتسمت نهى و حطت راسا ع كتفو وصارت تتأمل بالبحر متل جوليان..
Telegram:@rwayate
مرت ساعة كاملة وهني ع نفس القعدة.. نهى بتحكي وهوي ما برد بس ما اتدايقت نهى ابداً...
رن موبايلا ل نهى.. بعدت عنو و تركت ايدو و ردت ع امها..
قام جوليان بهالوقت و كب كاسة القهوة بالسلة و حط ايديه بجيابو و كمل طريقو..
نهى حاطة التلفون ع ادنها و عيونها مليانين دموع وعم يطلعو ب جوليان اللي مشي..
تاني يوم خلصت محاضراتا وراحت تدور عليه و لقيتو ع البحر و معو كاسة القهوة..
قربت و حطت كتبا وقعدت جنبو...
اطلع عليها و عبس وقال: ماني محتاجك
ابتسمت وقالت: بس انا محتاجتك..
يتبع...

يامن : ما ليكني شايفك منيحة وما فيكي شي ليش لاسالك ؟ ... بعدين تأخرت عليكي كان الطريق كتير ازمة ..
ديمة : ايه انا فكرتك سحبت علي وما رح تجي .. بس عنجد جيت وجبت ايفون كمان هههه
يامن : ايه شو شايفتيني لاكذب ؟ قلتلك جاي يعني جاي !
ديمة : ليك انا ضميري عم يأنبني لانو كذبت عليك ، انا موبايلي مو ايفون ...
Telegram:@rwayate
يامن : والله توقعت .. بس شكلك بنت عالم وناس مو عيب تنصبي على شب اكابر متلي ؟
ديمة : لا لا مو هيك والله .. انا ما رح اخود الموبايل اصلاً .. بس هيك .. انو عصبت منك امبارح وانت كنت كتير لئيم .. بس اليوم حاسستك جنتل وحباب ف ما اجا من قلبي اضحك عليك
وفوقها بكفي انو وفيت بوعدك
يامن : مو مشكلة خلص خديه بدل موبايلك الي ضاع مسامحك
ديمة : لك لا اصلا ما كان معي موبايل تذكرت انو تاركتو بالبيت
يامن : كماااااااان !!!!!!!!! لا نصابة ومكتره
تلبكت كتير واحمرو خدودي : لا عفواً لو سمحت لا تاخد هي الفكرة عني ، بس والله انا انقهرت منك وقت قلتلي متل القردة .. يعني هلأ انا قردة ؟
رفع حواجبو باستغراب: هلأ هاد الي زعلك ؟ كان قصدي انك سليمة ما فيكي شي بس انا الفاظي هيك ..
رجعتلو كرتونة الموبايل انا ومبتسمة : تفضل خدو .. بس بدي رقمك كرمال ازا احتجت مشوار انا او رفقاتي انت توصلنا
Telegram:@rwayate
يامن : يعني اشتغل شوفيرك الخاص مثلاً ؟
ديمة : هلأ انت كيف هيك ؟ شوي بتكون حباب ورايق وشوي بتصير لئيم كتير وما بتتحاكى .. شو رح نطلع معك ببلاش ؟ منحاسبك على العداد .. وازا ما بدك تصطفل
يامن : انا اليوم رايق كتير ومزاجي عال العال .. بس انا ما بشتغل عالطلب ، في تكاسي بتشتغل هيك بس انا لا
ديمة : طيب مو مشكلة ... بعتذر على كل شي صار من امبارح لليوم يا يامن
يامن : ما تعتذري مضت على خير .. هاد الموبايل اكيد ما بدك ياه ؟
قبل ما جاوبو سمعنا صوت حدا عم يصرخ بصوت عالي .. تطلعت لفوق وشفت هيا واقفه على البرندة وعم تبكي وتصرخ (( حدا يسااااااااعدناااااااااا ... حدا يساعدنا بسررررررررررررعه البنت رح تموت ليلى ماتت لحقونا حدا يساعدناااااااااااا ))
ركضت بسرعه لفوق ، فتت على الشقه ولقيت ليلى ممددة بأرض الحمام قاطعة شرايين ايدها وعم تنزف دم كتير .. ومي عم تبكي فوق راسها وهي عم تصرخ برا على البرندة .. صرت ابكي واصرخ متلهن
ما شفت الا يامن وراي .. فات على الحمام حمل ليلى بين ايديه : جيبو هويتها لندخلها على المستشفى بسرعه بسرعه رح تموت البنت يلااااااااااا
_______________________________
_______________________________
#يامن
بعد ساعه طلعت الممرضة وقالت انو نقلو دم للبنت و وقفو النزيف ، و قالت انو الدكتور رح يتصل بالشرطة ليجو ويفتحو محضر محاولة انتحار .. فتت على مكتب الدكتور واضطريت اعطيه كم ليرة ليلف السيرة وما يتصل بالشرطة
Telegram:@rwayate
البنات رفقاتها نزلو على الكفتيريا يرتاحو شوي ... رحت على غرفتها وفتحت الباب .. كانت نايمة ومو حاسة بشي
وقفت وتطلعت فيها وعم فكر ليش هالبنت كانت بدها تقتل حالها ؟ كيف هيك عندها هالشجاعه تنهي حياتها ؟ شو الشي الي وصلها لهون !
حركت عيونها ونزلت دمعتها وصارت تأن وتحكي كلمات مو مفهومة ابداً ...
يامن : موجوعه شي ؟ ناديلك الممرضة ؟ .. شو عم تحكي انتي هلأ ؟
ضربت ادني لعندها لحاول افهم شي بس ما فهمت .. اجت ديمة بدون ما لاحظ وجودها
ديمة : شو في ؟ ليلى فيها شي ؟
رجعت خطوة لورا : ما بعرف والله عم تحكي بس مو فاهم عليها
ديمة : يا حبيبتي .. والله ما بتستاهل كل شي صار فيها .. عنجد ما بتستاهل
يامن : خلينا نطلع نحكي برا احسن ..
طلعنا من الغرفة .. سندت ضهري على الحيط وسألتها : هي رفيقتك ولا اختك ؟
ديمة : لا رفيقتي
Telegram:@rwayate
يامن : وليش هيك عامله بحالها ؟
ديمة : الله يعينها على مصيبتها
يامن : لك ليكون حدا ضحكان عليها ؟
صرخت بعصبيه : شو عم تخبص انت ؟ ليلى بنت شريفه ومحترمة وما في من هالتخبيص ! العمى ما بترحمو فوراً بتطعنو البنت بشرفها !
يامن : اهدي اهدي .. بعتذر خلص .... عموماً انا خلصت ولازم امشي
ديمة : لحظة اسفه انو صرخت بوشك هيك بس مو معقول حكيك
يامن : طيب خلص اصلاا شو دخلني انا .. عملت الي علي وريحت ضميري
ديمة : بس جد ليلى مو هيك .. هي امبارح كان عرسها والعرس انخرب وجوزها تركها و هي تخانقت مع اهلها كمان ورجعت لعندنا ما رضيت تروح معهن .. وهيك البنت مصدومة كتير فهمت ؟
جلست ضهري وحكيت راسي : اوف وليش هيك ؟
ديمة : ما بعرف الموضوع كتير خاص وحساس ما بقدر احكيلك شي ، بس صدقني ليلى بنت نظيفة وبعمرها ما غلطت ابداً ... وهي انظلمت والله
يامن : خير ان شاء الله .. ابقو ديرو بالكن عليها لا ترجع تحاول تنتحر .. يلا عن اذنك
ديمة : يامن شكراً كتير .. لولاك ما بعرف شو كان صار معنا يعني عنجد بتشكرك ما رح انسى معروفك
يامن : ولا يهمك ما عملت غير واجبي .. سلام
ديمة : مع السلامة

#الظل_الشقي_بقلم_مال_الشام
Telegram:@rwayate
الجزء الخامس + السادس

ديمة: ابنك ؟ هههه حلو ... ابنك !! يعني انت متجوز ؟

يامن : بما انو ابني اكيد متجوز شو بدي اقطفو من عالشجرة يا ديمة ؟

ديمة : اها ..صح معك حق .. مزبوط

سحبت حالي و بدي اطلع من الغرفة ، لحقني و مسكني من ايدي بقوة .. : ممكن تسمعيني شوي ؟ ما بدك تعرفي ليش جبتك لهون ؟

ديمة : اتروك ايدي ازا بتريد .. انا بدي امشي

حاولت خلص حالي منو بس ما قدرت ، تجمعو الدموع بعيوني وما بدي يشوفني عم ابكي .. ما بعرف ليش انقهرت لهل درجة وزعلت .. بس انا حسيت بشي كتير حلو وصادق تجاهو

يامن : انا كنت متجوز .. كنت متجوز بس مرتي ماتت من سبع سنين وتركتلي آدم اسمعيني شوي لو سمحتي
Telegram:@rwayate
هديت واخدت نفس كبير كتير : ماتت ؟

يامن : ايه .. وابني كانت عم تربيه ستو امها لاسراء الله يرحمها .. وامبارح المسا توفت

ديمة : لاااا ... الله يرحمها ... زعلت ... زعلت كتير على قصتك يعني

تركلي ايدي وبعد عني خطوة لورا : ممكن هلأ نقعد ونحكي شوي ؟

ديمة : ايه طبعاً منحكي ..

راح وقاعد على الكنباية واشرلي بايدو لاقعد معو ... قعدت و عم حاول خبي ابتسامتي

يامن : ابني هلأ ما ضللو حدا ... ما في حدا يهتم فيه او يربيه ، وانا شوفة عينك بشتغل كل النهار صعب كتير اقعد معو

ديمة : فهمتك ، بس انا ما بعرف اي مربية ممكن نوثق فيها لتهتم بابنك

يامن : بس انا ما بدي اسالك ازا بتعرفي شي مربية ، انا بدي ياكي انتي تهتمي بآدم .. وما بقدر اثق بأي حدا غيرك

ديمة : انا ؟ ههههه بس انا ما بعرف ... يعني ما بشتغل هيك شي شو خطرلك تطلب هالطلب يامن !

يامن : بعرف انك ما بتشتغلي هيك .. بس في شغلة صعب تفهميها منيح رح حاول وضحلك ياها .. انا انسان بشتغل وبعيش ببيئة قذرة كتير ... وكل الناس الي بمحيطي اشخاص سيئين ... متلي

ديمة : ليش عم تحكي عن حالك هيك !

اشرلي بايدو اسكت وما قاطعو .. وكمل حديثو
Telegram:@rwayate
يامن : بسبب صدفة غريبه ... انتي دخلتي على حياتي ... وتعرفت عليكي ... و امبارح لما ضاقت فيني الدنيا انا وعم فكر شو رح يصير بهاد الصبي .. ما لقيت حالي الا عم فكر فيكي
انا متأكد انك لسه مو فهمانه منيح ... بس انا ابني ما بقدر خلي اي حدا يقعد معو لانو بخاف عليه كتير وعندي اسباب خاصه تخليني خاف عليه .. ما بقدر اعتمد على وحده ما بعرف عنها شي تربيه وتحافظ عليه

ديمة : بس بتقدر تعتمد علي !!!!!!! ليش انت شو بتعرف عني لتوثق فيني ازا بتخاف على ابنك كل هالقد !

يامن : بعرف اكتر ما بتتخيلي ، بعرف كل شي عنك وعن حياتك وعن اهلك وتعليمك ورفقاتك وبيئتك ... عرفت كل شي عنك بساعة زمن .. وبعيداً عن شو بعرف عنك .. انا شخص عاشر كتير ناس
وبيقدر يعرف كل انسان قدامو شو هو .. وانتي حالياً الوحيده الي بعرفها بحياتي ممكن اطلب منها هالطلب ... وبس بدي قلك انو انتي فيكي تطلبي المبلغ الي بدك ياه مقابل مساعدتك
Telegram:@rwayate
ديمة : مبلغ ؟ شو يعني جايبني اشتغل عندك ؟

يامن : ديمة ... انتي سامعيتني شو عم بحكي ؟ فهمانه انو انا عاجز وبطلب مساعدتك ؟ من لما انولدت على هالحياة ما كان في اي حدا يوقف جنبي .. وبعمري ما طلبت المساعده من حدا
واليوم عم تنكسر القاعده ... وعم قلك ... انا محتاج مساعدتك لو سمحتي ..

حكيت راسي بتوتر : بس انا شو بدي احكي لاهلي .. وكيف بدي اتعامل مع ابنك و

يامن : منحل كل شي ... رح لاقي حل لكل شي بس انتي وافقي

ديمة : _ _

يامن : شو ؟

كان عم يتطلع فيني بتركيز عالي ... تطلعت بعيونو وحسيت انو مستحيل اخذلو او ارفض مساعدتو ... انا عنجد وقعت بحبو لهاد الإنسان ... وعم افقد السيطرة قدام نظراتو ..

يامن : رح تساعديني ؟

هزيت راسي وابتسمت .. : انا معك ، رح ساعدك
Telegram:@rwayate
_______________________
_______________________

بعد مرور تلات اسابيع على قعدتي مع آدم .. اكتشفت انو طفل ذكي كتير ومهضوم .. قريب للقلب وفهمان .. عمرو 7 سنين بس رغم هيك كنا نقعد سوا ونحكي بكتير امور
نلعب مع بعض ونتخانق ونتجادل ... بسرعه كبيرة صرنا قراب من بعض وقدرت ما خليه يحس بغياب ستو

غمزني وباسني على خدي ... وراح طلع بالسيارة وشغلها ... ركبت جنبو وسكرت الباب .. ماقدرت احكي شي كنت بس عم ابكي وهو يعطيني محارم وانا ابكي .. لوقت ما وصلنا على حارة ورا الحارة الي انا ساكنه فيها
نزل ومشا باتجاه بيت وفتح الباب .. : تعالي
فتنا على البيت .. وقعدت فوراً لانو رجلي ما كانو حامليني .. قعد هو جنبي
يامن : اسف كتير بس كنت خايف عليكن لهيك كان لازم ضل بعيد
ديمة : فكرتك متت
يامن : لهيك حاطة هاد البطيخ بايدك ؟
مسك ايدي وسحب المحبس من اصبعي ورماه
ديمة : ليش ما حكيت معي وطمنتني على الأقل
يامن : ما كنت عرفان اذا فيني احكي معك او لا .. ولهلأ مو حاسس بالأمان ... طلال مو ميت بعدو موجود حكينا وتفاهمنا بس ما بثق فيه
ديمة : بعدك بتشتغل معو !!!!!!!!!!!
يامن : لا لا ... بس دفعتلو مصاري واعتذرتلو ... صحيح تكسرت عظامي من الضرب بس محدا بموت ناقص عمر ضليت متمسك بالحياة لآخر نفس .. وفيكي تقولي الحظ لعب معي شوي
ديمة : كيف ؟
Telegram:@rwayate
يامن : ابن طلال بشتغل معنا ومره اشتبكنا مع الشرطة وانا انقذت حياتو ، اكلت رصاصه عنو ... وهو ساعدني كتير لاقدر حل مشكلتي مع طلال
قربت منو وحطيت راسي على صدرو
يامن : فيني افهم شو كنتي رايحه تعملي عند الكراج ؟
ديمة : شو بعرفني قلت هداك المكان مسكر ومهجور اكيد انت متخبي جواتو
يامن : يا حبيبتي شو ذكية .. لولا ما لحقتك كنتي لهلا هنيك وما حدا سامعك
ديمة : لحقتني ؟
يامن : اي .. انا كنت بالعرس
ديمة : شووووووووووووووووو؟
يامن : لك انا عطول كنت حواليكي يا جدبة
ديمة : لك كيف ؟ انا دورت عليك منيح مستحيل .. كيف كنت حوالي وما عرفتك
يامن : يمكن انتي نسيتي ، بس لازم ذكرك ... انا الظل الشقي بكون بكل مكان وبكل وقت ..بدون ما اترك أي اثر
______________
______________
شهر العسل بفرنسا ، هي كانت رغبة يامن ... قلي انو بارس اسمها مدينة الحب ... لهيك حابب نبلش حياتنا من هون .. صحيتو وكنا عم نشرب قهوتنا لما قتحت معو موضوع ليلى
ديمة : بدي ياك تمسك اعصابك وما تتوتر ماشي ؟
يامن : خير ؟ لتكوني حامل ؟
Telegram:@rwayate
ضربتو على كتفو : ما اغلظك هلا عم احكي معك جد
يامن : هههههههه طيب طيب تفضلي
ديمة : وقت رحت على الميتم دور عليك ... المديرة قالتلي انو الك اخت وعم تدور عليها ... وبهداك اليوم ليلى قالت انو هي كانت بهاد الميتم كمان تخيل !!!!!!!
يامن : طيب ؟
ديمة : يعني ممكن ليلى تكون اختك !!!!!!
نكشلي شعراتي وصار يضحك : حبيبتي انا رح سميكي كونان
ديمة : ضلك اتمسخر علي ، الحق علي عم ساعدك
يامن : اولاً اختي اكبر من ليلى ... واسمها نور ... والعيلة الي اخدوها سافرو فيها برا البلد لهيك ما وصلتلها
ديمة : يعني مو ليلى
يامن : لا مو ليلى
Telegram:@rwayate
ديمة : يعني متل العاده انا بطلع غبيه
يامن : هههههههههههه مو غبية طولي بالك
ديمة : لا عنجد زعلت .. ولا شي بيزبط معي
يامن : لك تعي لهون وين حردتي .. خلص اعتبريها اختي .. تعي يا هبلة .... ههههههه
_____________
_____________
#يامن
اليوم بكون مر على وزاجي انا وديمة سنتين ... كنت عم اتأملها هي ونايمة والعب بخصل شعرها ... تركتها وقمت شوف ادم اذا نايم او محتاج شي ..
فتحت باب غرفتو لقيتو نايم والكتاب بحضنو .. اخد الكتاب منو و غطيتو منيح وطفيت ضو غرفتو وطلعت وسكرت الباب وراي .. قبل ما ارجع على غرفتي .. رن موبايلي
طلعت على البرندة ورديت
يامن : اي معلم
طلال : بعد بكرا رح نستلم
يامن : عندي علم كل شي جاهز انت لا تشغل بالك
طلال : هي اول عملية بسلمك ياها كاملة بدون ما يكون معك شريك من بعد مشكلتنا الأخيرة .. فرصتك تثبتلي انك لسه قد هالشغل
Telegram:@rwayate
يامن : له الله يسامحك .. انا قدو تكرم عينك
طلال : تمام تمام ...
سكرت الخط واخدت نفس كبير : رح يجي يوم واقتلك بايدي هدول يا طلال ... وصدقني هاليوم قريب كتير
ديمة : حبيبي ؟
التفتت عليها بتوتر .. : صحيتي ؟
ديمة : شو عم تعمل هون ؟
يامن : لا ما في شي ... بس عم شم شوية هوا
ديمة : بس الجو برد
يامن : تمام لكن خلينا نفوت بلا ما تبردي انتي وبنتي
ديمة : يا الله منك قلتلك حاسة في صبي مو بنت
يامن : بس انا بدي بنت مو صبي
ديمة : صبي
يامن : بنت
ديمة : صببببببببببي
يامن : طيب فوتي لنتفاهم جوا ...
بقدر اخدع ديمة والكل واقنعهم انو انا بلشت حياة جديدة ونظيفة ، بس ما بقدر اخدع حالي ..
ما كان في اي طريقة اخلص من طلال ، الموضوع مو بهل بساطة ... والخيار ما كان بايدي ... انا مضطر ضل اشتغل معو كل حياتي مقابل انو ما يئذي عيلتي
احياناً بتضطر تكون بصف الشيطان لتسلم من شرورو
حاولت ابعد تماماً عن ابني وديمة ، بس ما قدرت ... ما تحملت شوف ديمة مع رجال تاني .. ما تحملت خليها عم تعاني اكتر .. وما قدرت شوف ابني عم يكبر بحضن عيلة تانيه بعيد عني .
الظل الشقي لازم يضل موجود دايماً ليحمي عيلتو ...
#تمت