📚قصص||روايات||منوعة📚

#الجزء_التاني
Telegram:@rwayate
رهام : تروحي نتمشا اليوم !! و مناكل بوظة ، بعدين منئعد بشي حديقة شو رأيك ؟ .. ديمة ، ديمة

ديمة : اي اي

رهام : عم احكي معك شبك وين شاردة !

ديمة : لا لا مو شاردة ، خلص منروح وين مابدك

رجعت ع البيت بعد دوام المدرسة وفاتت ع المطبخ لعند امها وهي مستعجلة ..

ديمة : ماما ماما ، بسرعة بدي اكل و روح
" كانت عم تحط صحن الاكل و الخبزات ع الطاولة وبلشت تاكل بسرعة وتحكي "

سناا : لوين بدك تروحي

ديمة : عندي درس عربي انا ورفقاتي عند رفيقتنا هبة

سنا : اي طيب ، بس هي اول مرة بتاخدي دروس مو

ديمة : صح ، استاذي مريض و راح علينا كتير دروس ، لهيك الاستاذ يمان الجديد رح يعطينا اضافي
Telegram:@rwayate
سنا : وكل الطلاب حيكونو

ديمة : اي ع الاغلب .. يلا انا ايمة بدك شي

سناا : الله معك

ديمة بيتا بعيد عن بيت هبة ، صارت تركد لحتى توصل ع الوقت .. اطعت الشارع متل المجنونة و هي عم تمشي بسرعة بين عجئة السيارات و ضجة الناس ..

بعدين استندت ع حيط عليه ياسمين لتاخد نفس ، اطفت ياسمينة و قربتا من وجها .. كانت عم تتنفس بسرعة من تعبها ، و عم ترتاح
بعدين بقرب منها شخص ، بيشبه الاستاذ يمان ..

يمان : مرحبا

ديمة : اهلين استاذ

يمان : ديمة مو هيك

ديمة : مبلا

يمان : خير فيكي شي شكلك تعبانة

ديمة : كنت عم اركد مشان اوصل ع الدرس وما اتأخر لان بيتي بعيد

يمان : اوف ، طيب تعي طلعي بالسيارة دقيقتين ومنوصل

ديمة : لا مافي داعي بكمل مشي

يمان : مو معقول رايحين انا وياكي ع نفس المكان و اتركك تروحي مشي ،بعدين مشان ماتتأخري

ديمة : طيب .
Telegram:@rwayate
طلعنا بالسيارة كنت تعبانة كتير وما الي نفس احضر الدرس ، اجت عيني ع مرايا السيارة الامامية ، كان يمان عم بسوق و عيونو مركزين ع الشارع ..
ايديه عم يتحركو بشكل غريب ، وشعراتو عم يطيرو من الهوا ..

ابتسمت لهالشخصية يلي شفتا فيه ، هو شب حلو كتير ..
بعد ما ضحكت رخيت راسي وكنت عم فكر !!

معقول رح يجي يوم وحدا يتطلع فيني متل ما اتطلعت ب يمان !!
يمكن ماحدا رح يفكر فيني ولا حدا رح يقرب مني ..

بعد شوي رن تلفون يمان /
هبة : مرحبا استاذ

يمان : اهلاً هبة
Telegram:@rwayate
هبة : معلش نلغي درس اليوم والله صار عندي بالبيت ظرف مو خرج ابداً حدا يجي من رفقاتي

يمان : طيب ولايهمك اتصلي برفقاتك قوليلن

هبة : خبرت الكل ، بس ضلت ديمة هلأ بتصل فيها

يمان : طيب ، الله معك
قال رح يلغو الدرس اليوم ..

ديمة : ممم ، معناتا نزلني هون و انا برجع ع البيت

يمان : ممكن سؤال ؟

ديمة : تفضل استاذ ..

" وقف السيارة و التفت لعندي "

يمان : شو السر يلي فيكي !!

ديمة : عفواً هههه انا فيني سر

يمان : القوة يلي فيكي ، انا مستغرب كيف بتتحملي تسمعي رفقاتك عم يحكو عنك هيك ، يمكن ازا بكون محلك رح اتخبا وما اطلع ادام حدا
Telegram:@rwayate
ديمة : لا انا ماني قوية ، انا ضعيفة كتير ، بس بتظاهر اني قوية حتى ما اسمح لحدا يحكي عليي ، بتظاهر اني مقتنعة بحالي لحتى ماحدا يتدخل ..
اكيد ماني رضيانة بشكلي انا مو ذنبي انو خلئت مشوهة بس شوفيني اعمل !!

يمان : نيالك ، ع فكرة انتي حلوة كتير

ديمة : شكراً استاذ

يمان : برات المدرسة لاتقليلي استاذ ، خلص يمان وبس مابدي تكبريني لسعتني صغير ..

ديمة : طيب

رجعت ديمة ع البيت وكانت عم تفكر بحكي يمان وعيونو وضحكتو ، يمكن هو اول مرة بدئ قلبا ..
ديمة : ضليت ع هالحلة فترة طويلة كل ماكنت شوف يمان بالمدرسة كانت تزيد دئات قلبي ، وضل صافنة لساعات ..
بس شو الفائدة اني حب و انعجب بحدا مستحيل يفكر فيني ..

كنت اعدة عم ارسم قلوب و صافنة ، وطبعاً الاستاذ عم يشرح الدرس و انا صافنة بعيونو و عم ارسم قلوب ، عبالي ابكي و عبالي اضحك ع حالي ..

يمان : تفضلي ديمة شرحيلنا !!

ديمة : اا .. مم ممكن تعيد سؤالك ؟!

يمان : شو يعني ثرثرة ؟

ديمة : كلام الروح و سحر العيون
Telegram:@rwayate
يمان : ولو انو الشرح يلي حكيتيه مالو علاقة بدرسنا ، بس عندي فضول اعرف تفسيرك لكلمة ثرثرة كأنو غريب

ديمة : العيون بتثرثر اكتر من الكلام ، بتحكي اشكال الوان .. من خلال الصمت بتقدر توصل معنى المشاعر و الحب ..

يمان : براڤو ، تفضلي رتاحي

سامر : ههههه شو دخل الحب بدرسنا يا استاذ

يمان : الحب انوجد قبل كلشي ، وفعلاً كلام العيون بيوصل لقلب اي حدا ..

-----------
#بقلم_رند_محمد

يتبع ..

#الجزء_التالت || ( الاخير ) ..
Telegram:@rwayate
كنت اعدة ع طرف البحرة عم اتصفن نجوم السما نجمة نجمة .. امي اعدة عم تكمل كتاب ثرثرة صامتة ، كانت بالصفحة 200 و الكتاب 300 صفحة ، شكلا مطولة ..

سنا : ديمة شو رأيك تقرأي هاد الكتاب بس اخلصو ؟

ديمة : عن شو بيحكي

سنا : حب و وجع و جرح ..

ديمة : بس تخلصيه بفكر اقرأو

ئمت ع غرفتي نمت ، والصبح فئت ع صوت الباب عم يندئ ..

ديمة : اي اي

الجارة ام مازن : يلله لك ديمة قومي شربينا قهوة اوام

ديمة : شبك خالة لسا الساعة 8

ام مازن : كسلانة ، يلله روحي ساوي قهوة

" حطينا القهوة انا و امي و ام مازن "

ام مازن : شفتك بمنامي انك مخطوبة ماقدرت استنا اكتر

ديمة : هههه طيب هاد منام وبس مارح يصير حقيقة

ام مازن : الله يكرمك بشب متل مابدك
Telegram:@rwayate
ديمة : اييي ، انا بدي روح اشتري فطور خليكي عنا خالة بتفطري معنا ..
طلعت من البيت و ع الطريق
شفت يمان كان عم يشتري فطور كمان ، وقت شافني سلم عليي .. كان مبتسم كتير

يمان : ديمة بدي شوفك اليوم بالحديقة

ديمة : ليش

يمان : حابب احكي معك ..

ديمة : طيب الساعة 6 بشوفك ..

رجعت ع البيت و انا عم فكر شو قصتو هالاستاذ فيه شي غريب ، بحياتي ماشفت استاذ بيتعاطف مع طلابو لهالدرجة ..
ضليت كل نهاري فكر بغرابتو ، وكنت عم استنا الساعة 6 و انا متشوقة

و المسا رحت ع موعدي معو ..

يمان : انا ماقدرت كون معك متل رفقاتك و الناس يلي حوليكي .. انا حبيت كون الحدا المنيح معك بدون مقابل

ديمة : انا مابدي حدا يشفق عليي ولا يتعاطف معي

يمان : ماني شفقان عليكي بس فيكي شي جذبني الك

ديمة : لاتكمل ، مستحيل حدا ينجذبلي ، شكل وجهي مارح يخلي حدا يتقرب مني

يمان : لا الشكل مادخلو الروح هي الحب .. قلتيلي انو الثرثرة هي حديث العيون ، طيب شوفي ثرثرة عيوني ماحسيتي فيها شي غريب

ديمة : انت شو بدك فهمني شو !!؟

يمان : انا حبيتك ، ثقتك بحالك حتى جمالك انا ماني شايفك مشوهة ، شايفك كاملة انا حبيتك كتير

ديمة : مو معقول ، بدي امشي ..

تركت يمان و رحت بسرعة ركدت مابعرف وين رايحة بس كنت عم ابكي و قلبي عم يدئ بسرعة
فتت ع البيت اعدت ع تختي و لقطت نفس و صفنت
Telegram:@rwayate
امي : شبك ديمة ، شو صاير معك

ديمة : يا اممي يمان استاذي قلي انو حبني كتير

امي : ايمتا

ديمة : هلأ من شوي ، شفتو وقلي

امي : وليش عم تبكي شبك !! لازم تفرحي هي في حدا حبك مو متل مابتقولي

ديمة : لااا مستحيل ..

امي : مو مستحيل ، انا قلتلك بيوم من الايام رح يكون في شخص عم يشوفك ملاك .. يلله قومي نئعد برا
" اندئ الباب " ..

ديمة : يلا رح شوف مين وبرجع

فتحت الباب ، كان يمان ..
صفنت فيه ، نزلو دموعي ماعرفت شو بدي احكي ،.مافيني قلو روح لاني بحبو ، ومافيني قلو ضل لاني بخاف بيوم من الايام يحسسني بالشفقة ..

امي : اهلا مين حضرتك !!

التفتت لعند امي و التلا : هاد يمان
Telegram:@rwayate
امي : تفضل
فات يمان اعد و كان عم يتطلع فيني و يحكي مع امي ..

يمان : ياخالة والله حبيتا لديمة ، شكلا مابهمني ،انا شايفها احلا بنت روحا حلوة وبكفيني
ديمة ماعم كزب عليكي ، انا رح ابعت اهلي لعندكن ...

سنا : طيب ازا كان فعلاً بتحبا لديمة خلي اهلك يجو لعنا ..

اجو اهلو ليمان شافوني و اكيد.متلن متل غيرن ماعجبتن ، طلعو وهن مشمئزين ..
بوقتا عرفت انو يمان خلص مارح يرجع ، و انو اهلو مارح يخلوه

اتصل فيني يمان وكان عم يبكي !
يمان : كيفك
ديمة : منيحة
يمان : اهلي كا..
ديمة : لاتكمل ، بعرف اني ماعجبتن خلص مافي داعي تحكي
يمان : شو اعمل ، امي ماقبلت و غضبت عليي ازا رح ضل ع تواصل معك بس انا مستحيل رد عليها ..
ديمة : لاا مارح اقبل ضل معك و اهلك مو رضيانين
يمان : شو عم تحكي انا بحبك ..
ديمة : قصتنا مارح تكمل مافي داعي نضل سوا
يمان : طيب سامحيني ..

سكرت الخط و اعدت ع الارض كنت منهارة ع الاخير بكيت كتير ، حسيت بالخيبة و الكسران ..
كسري بحياتو ما انجبر ولو بكلمة ..
Telegram:@rwayate
طلعت من غرفتي ، لقيت امي اعدة عم تبكي و تقرأ كتابا يلي صارت بصفحاتو الاخيرة ..

ديمة : شو صار امي

سناا : ابطال الرواية تركو بعض , كنت متوقعة يخلص كتاب " ثرثرة صامتة " بحدث حلو ، بس خلص بحدث بوجع ..

ديمة : دائماً الثرثرة مالا وجود ، و العيون مادخلا هلأ اقتنعت بالمعنى الحقيقي للكلمة

ضميت امي وبكيت ، هي الحدا الوحيد يلي بيزعل ع زعلي وبهمو انا ..

-- / مرئو سنتين ع القصة \ --

عملت عملية تجميل لوجهي و صرت احلا بكتير من ما كنت بتوقع .. كملت دراسة ونسيت كل الماضي بلشت ديمة جديدة ..

بالصدفة اجتمعت ب يمان كان عم يمشي بسرعة و معو صبية طرف وجها عليه اثر حرق ..
وقت شفتو تغيرت ملامحي ، قربت كان بدي سلم عليه مو لاني اشتقتلو ..

كان بدي ياه يشوف شكلي الجديد ، كنت بدي اعرف شو اخبارو ..

ديمة : كيفك يمان

يمان : د ديمة ، هاد انتي

#الظل_الشقي_بقلم_مال_الشام
(الجزء الأول + الجزء الثاني)
Telegram:@rwayate
- سجن الأحداث / 2001 م -
- شو اسمك ؟
يامن
- عمرك ؟
15 سنه
- شو تهمتك يا يامن ؟
سرقة
- شو سرقت ؟
رز و زيت وسمنة...و ... آه ..وسكر
- كيف سرقتهن وليش ؟
هلأ انا مو سرقتهن ، كنت اشتغل بالدكانة وضليت 4 شهور ما اعطاني راتبي وكل شهر يوعدني الي بعدو ... وانا ما كنت بدي اسرق عرفت كيف ؟ بس كان لازم اخد أكل مشان اكل انا ورفقاتي ولانو هاد حقي مزبوط ؟
- لا مو مزبوط يا يامن السرقة ما الها مبرر ، لازم تكون ندمان .. مو ندمان ؟
لا مو ندمان عم قلك هاد حقي ليش ما حدا عم يفهم انا مو حرامي
- مفهوم مفهوم ، انت صرلك هون 4 شهور ولهلا ما حدا اجا سأل عنك حسب ما فهمت .. لايمت رح تضلك هون ؟
لطبق السن القانوني ... لان صاحب الدكان ما اسقط حقو ومارح يجي حدا يسأل عني لا تعذبو حالكن
- طيب شو عم يعلموك هون ؟ تعلمت حرفة او صنعه ؟
عم اتعلم صيانة سيارات .. بطلع الساعه 8 ومنرجع عال1 .. وبعلموني عربي وانجليزي
- حلو ممتاز ، وصار عندك اصدقاء ؟
Telegram:@rwayate
اي
- طيب اهلك ليش ما بيزوروك وليش ما حطولك محامي ؟
( بعدائية وصوت عالي ) وانت شو دخلك ؟ شو بدك مني ؟ ما عاد بدي احكي شي !!
- بعتذر على ازعاجك ابني بعتذر
التفت على المصور واشرلو ليوقف التصوير ... وقف من مكانو وشال المايك وتطلع على الولد بقرف ( مجرمين ما بلبقلكن الواحد يحكي معكن بتهذيب .. خلص خدوه نزعلنا المقابلة هالغبي )
___________________________________
___________________________________
المستشفى الوطني - قسم الولادة / 2011
- انتي ليش ما حكيتيلي انو في خطر على حياتك ؟ كيف احتفظتي بالجنين مقابل حياتك ؟ كيف ما اخدتي رأيي على الأٌقل
شدت على ايدو بقوة اكتر وكتمت صرختها هي وعلى سرير المستشفى والعرق عم يتصبب منها .. ملامحها باهتة والخوف عم يشع من عيونها بس عم تحاول تكون قوية
ابتسمت بتعب : أسفه .. كنت عارفه انك رح تخليني اخسر ابني لهيك خبيت عليك
- ما تخافي ما رح يصيرلك شي اسراء ... هلأ رح تقومي بالسلامة ونفرح بجية آدم سوا ... لا تخافي ايه ؟
ما قدرت تكتم وجعها اكتر ... صرخت و نزلو دموعها ... شدتو ليقرب منها شوي وحكت بصوت مبحوح : اذا متت اوعدني تدير بالك على ابننا .. وتنتبه على حالك ... اوعدني تضلك قوي و حاضر ابننا ما يكون الو علاقة بماضيك
ما تخلي شي يكسرك ... اتذكر كل شي بنيناه سوا .. رح ضل مرافقتك على طول ماشي ؟ ..بحبك
Telegram:@rwayate
كان جسمو عم يرجف ودموعو عم تهزمو لأول مره ، مرر اصابعو بين خصل شعرها وطبع بوسه صغيرة على جبينها : عم استناكي هون انتي وابننا .. يا امي وبنتي واختي وحبيبتي ورفيقتي .. عم استناكي
سحبو الممرضات السرير .. وبصعوبة ايدها تركت ايدو .. (( سلملي على امي .. بحبك كتير ))
غابت عن عيونو وهو مو مصدق انو اللحظة الي كان متخيلها رح تكون احلى لحظة بحياتو .. تحولت للحظة رعب و خوف ... قعد على ركبتو وعيونو لسه معلقة على باب غرفة الولادة
حط ايديه على راسو ... وضل هيك لساعات ... لساعات طويلة ..
__________________________________
__________________________________
- فندق الميرال / 2018 م
كانت لابسة فستانها الأبيض وشابكة ايدها ببعض بتوتر وخوف .. وعيونها عم تتفقد الأشخاص الحاضرين بحذر كبير .. رجع مروان قعد جنبها بعد ما تعب من الرقص مع رفقاتو .. التفت عليها وابتسم هو وعم يمسح جبينو بالمنديل
Telegram:@rwayate
مروان : حبيبتي في شي زاعجك ؟
هزت راسها ورسمت ابتسامة مصطنعة : لا حبيبي ابداً
مروان : بس انتي مو على بعضك ، بعرفك من أربع سنين وحافظ كل حركاتك انتي مانك مبسوطة ومتوترة كتير .. يعني العرس ما عجبك ؟
ليلى : لا لا .. بس بتعرف ؟ بيكون شوي من التعب ولاني ما اكلت شي من الصبح
مروان : طيب رح روح على البوفي وجيبلك شي تاكليه .. وما بدي اي اعتراض ، يلا راجعلك
نزل مروان باتجاه البوفيه ... ومن بعيد اجت رفيقة ليلى قعدت جنبها وهمستلها
مي : ليلى والله الي عم تعمليه غلط ، رح تخسري كل شي لسه فيكي تتراجعي
ليلى : الله يوفقك خلص خلص بكفي ،، اتركيني بالمصيبة الي انا فيها رح يوقف قلبي ماعاد فيني اتراجع عن شي ما ضل وقت.. كل هاد الي عملتو لأني بحبو ما غلطت بشي ... بس اضمن انو صار الي وما فيه يتركني بفهمو الحقيقه هلأ ما فيني ما فيني
مي : اهدي اهدي ... خلص متل ما بدك ... هلأ ابتسمي و روقي لان الكل منتبه انك مو مبسوطة رح تفضحي حالك لحالك !
ليلى : مروان اجا غيري السيرة
قعد مروان جنبها ورفع الشوكة لتمها : افتحي تمك وكلي بدون اعتراض
ضحكت واكلت اللقمة من ايدو .. بعد دقايق ولما بلشت ترتاح وتنبسط بالحفلة
اجت ام مروان من بعيد و وملامحها ما بتتفسر .. قربت من مروان وهمستلو بادنو بكلمات خلتو ينتفض ويلتفت على ليلى
Telegram:@rwayate
انتبهت ليلى انو عم يتطلع فيها بنظرات غريبه .. بلعت ريقها وسألت بتردد : خير حبيبي في شي مشكلة ؟

(( يا حبيبي .. طيب وين عنوان بيت رفيقتك ؟ ))
// بشارع المعتصم جنب النادي الرياضي بتعرفو ؟ //
هزيت راسي وحركت السيارة ، كان المكان بعيد نص ساعه ... وانا مقهور منها وهي قاعده هادية وفي ابتسامة خفيفه على ملامحها
// هلأ رح تاخد مني أجار التوصيل ولا ببلاش ؟ // ...
(( ببلاش ))
// شو اسمك طيب ؟ //
(( كتير ضروري يعني ؟ ))
// ما بدي اعرف اسم الشخص الي كان رح يقتلني يعني ؟ ... بتعرف كيف انرعبت فوق ما انا معصبة ومتخانقة مع بابا ؟ وكسرتلي الموبايل ؟ ونزل ضغطي ودخت وغط على قلبي ؟ //
(( اييييييييييي ايييي ... اسمي يامن بطيخ ... ))
// تشرفنا يا يامن ... انا ديمة //
(( يا ديمة انتي دايماً هيك ؟ ))
// كيف هيك ؟ //
Telegram:@rwayate
تطلعت فيها ببرود ونفخت السيجارة (( بتعملي مشاكل للناس ))
// يعني عم تحكي معي هيك ؟ ... بتعرف كيف انرعبت فوق ما انا معصبة ومتخانقة مع بابا ؟ وكسرتلي الموبايل ؟ ونزل ضغطي ودخت وغط على قلبي ؟ //
(( استغفر الله العظيم ، ممكن نكمل الطريق بدون حكي لانو داق خلقي منك ! ))
// اي بيكون احسن .. //
تكتفت ولفت وشها ناح الشباك لمدة خمس دقايق .. بعدين مدت ايدها على المسجل وصارت تقلب المحطات لوقت استقرت على موسيقى هادية وصارت تطلع على الطريق قدامنا
كنت عم اتطلع فيها بطرف عيني وهي كل دقيقتين تطلع فيني كأنو بدها تحكي شي وترجع تسكت .. وأخيراً وصلنا للعنوان واشرتلي على البناية الي بدها تنزل عندها
وقفت السيارة وضلت قاعده ما نزلت ... نطرتها شوي لتنزل لحالها بس ما تحركت
(( مو هي البناية يعني ؟ ))
Telegram:@rwayate
// امبلى هي .. بس انت بتعرف كيف انرعبت فوق ما انا معصبة ومتخانقة مع بابا ؟ وكسرتلي الموبايل ؟ ونزل ضغطي ودخت وغط على قلبي ؟ //
(( انتي في بمخك شي ؟ هي وصلتك واعتذرنا منك وعرضت عليكي اخدك على المستشفى بس ليكك متل القرد اسم الله ما فيكي البلى .. شو بدك اعملك يعني ؟ ))
ردت بعصبيه // مو كسرتلي موبايلي ؟ بدي تعوضني عنو ... بدي موبايل جديد //
(( تمام ، احكي هيك من الأول ولا توجعيلي راسي .. قديش حق موبايلك ؟ ))
// كتير حقو ... موبايلي ايفون اصلاً ! //
(( ايفون قلتيلي ؟ ماشي .. ماشي مو مشكلة .. بكرا بجيبلك ايفون ))
// طيب اكتبلي رقمك على ورقة وهلأ بدقلك من رقم وحده من رفقاتي مشان بكرا ترنلي ونتفق كيف رح تعطيني الموبايل //
Telegram:@rwayate
(( انا بكرا برجع لهون الساعه 6 المسا وبعطيكي ياه ))
// ايه بكون احسن شو مفكرني قاتله حالي لاخود رقمك //
ونزلت من السيارة هي ومعصبة ، ضربت باب السيارة بقوة وضلت واقفه عم تزورني
(( العمى شو هالمجنونه ! )) شغلت سيارتي ومشيت بعد ما استفزتني هالبنت لابعد حد ونزعت مساي ..
______________________________
______________________________
#ديمة
طلعت على البناية و دقيت باب البنات وتأخرو لفتحولي ... فتت انا ومعصبه وعم احكي بانفعال // يعني شو مفكر حالو ؟ لكن انا بقلي متل القردة ؟ هو القرد الحق علي الي ما اشتكيت عليه وبهدلتو //
استغربت انو ما حدا سألني شبني ، كانت مي و هيا ساكتات و اشكالهن حزينة كتير وما عم يحكو شي
ديمة // شبكن هيك كأنو ميتلكن حدا بعيد الشر ؟ شوفي صاير شي ؟ //
Telegram:@rwayate
ضربت جبيني وتذكرت فوراً // لك مو كنتو بعرس ليلى ؟ يعني زعلانين لانها تجوزت وتركتنا ؟ لكن شو احكي انا الي بابا ما خلاني احضر عرسها ؟ بتعرفو اديش انقهرت ؟ اخر شي هربت من البيت واكيد هلأ ماما بتكون عرفت اني مو بغرفتي وخبرت بابا بس ما بهمني .. لك اصلا لازم ما رديت عليهن وجيت حضرت العرس
وانبسطت ... احكولي امانة كيف طلعت ليلى ؟ كتير حلوة مو ؟ كانت مبسوطة ؟ //
ضلو ساكتين وما حدا جاوبني .. رحت وقعدت جنب مي ونكشتها // خلص ولو يعني بدل ما تفرحولها انو اخدت حب حياتها ؟ لك نيالها ... لازم نزعل على حالنا مو عليها //
وانا عم احكي بصوت عالي .. ما شفت إلا ليلى طالعه من غرفة مي وهي لابسة فستانها الأبيض وشعرها منكوش ومكياجها كلو منزوع .. عيونها منفخين و وشها معتم ...
وقفت مكاني وفتحت تمي انا ومصعوقة
جرت ليلى فستانها واجت قعدت معنا .. سندت ايدها على جبينها وحطت راسها بالأرض .. تطلعت بمي و هيا كانو عم يبكو ويتطلعو بليلى بحرقة .. نزلو دموعي انا كمان لان شفتها بهل منظر وعرفت انو اكيد في مصيبة
قربت لعندها ... حطيت ايدي على كتفها وسألتها بتردد
// ليلى .. حبيبتي ... شو .. شو صاير معك ؟ شو في .. والله رح يوقف قلبي //
بلشت تبكي بصوت عالي وتشهق .. تطلعت بالبنات // لك شو صاااار .. مروان صرلو شي ؟ مشان الله رح موت رعبة فهموني شو صار ؟ //
#يتبع

يامن : ما ليكني شايفك منيحة وما فيكي شي ليش لاسالك ؟ ... بعدين تأخرت عليكي كان الطريق كتير ازمة ..
ديمة : ايه انا فكرتك سحبت علي وما رح تجي .. بس عنجد جيت وجبت ايفون كمان هههه
يامن : ايه شو شايفتيني لاكذب ؟ قلتلك جاي يعني جاي !
ديمة : ليك انا ضميري عم يأنبني لانو كذبت عليك ، انا موبايلي مو ايفون ...
Telegram:@rwayate
يامن : والله توقعت .. بس شكلك بنت عالم وناس مو عيب تنصبي على شب اكابر متلي ؟
ديمة : لا لا مو هيك والله .. انا ما رح اخود الموبايل اصلاً .. بس هيك .. انو عصبت منك امبارح وانت كنت كتير لئيم .. بس اليوم حاسستك جنتل وحباب ف ما اجا من قلبي اضحك عليك
وفوقها بكفي انو وفيت بوعدك
يامن : مو مشكلة خلص خديه بدل موبايلك الي ضاع مسامحك
ديمة : لك لا اصلا ما كان معي موبايل تذكرت انو تاركتو بالبيت
يامن : كماااااااان !!!!!!!!! لا نصابة ومكتره
تلبكت كتير واحمرو خدودي : لا عفواً لو سمحت لا تاخد هي الفكرة عني ، بس والله انا انقهرت منك وقت قلتلي متل القردة .. يعني هلأ انا قردة ؟
رفع حواجبو باستغراب: هلأ هاد الي زعلك ؟ كان قصدي انك سليمة ما فيكي شي بس انا الفاظي هيك ..
رجعتلو كرتونة الموبايل انا ومبتسمة : تفضل خدو .. بس بدي رقمك كرمال ازا احتجت مشوار انا او رفقاتي انت توصلنا
Telegram:@rwayate
يامن : يعني اشتغل شوفيرك الخاص مثلاً ؟
ديمة : هلأ انت كيف هيك ؟ شوي بتكون حباب ورايق وشوي بتصير لئيم كتير وما بتتحاكى .. شو رح نطلع معك ببلاش ؟ منحاسبك على العداد .. وازا ما بدك تصطفل
يامن : انا اليوم رايق كتير ومزاجي عال العال .. بس انا ما بشتغل عالطلب ، في تكاسي بتشتغل هيك بس انا لا
ديمة : طيب مو مشكلة ... بعتذر على كل شي صار من امبارح لليوم يا يامن
يامن : ما تعتذري مضت على خير .. هاد الموبايل اكيد ما بدك ياه ؟
قبل ما جاوبو سمعنا صوت حدا عم يصرخ بصوت عالي .. تطلعت لفوق وشفت هيا واقفه على البرندة وعم تبكي وتصرخ (( حدا يسااااااااعدناااااااااا ... حدا يساعدنا بسررررررررررررعه البنت رح تموت ليلى ماتت لحقونا حدا يساعدناااااااااااا ))
ركضت بسرعه لفوق ، فتت على الشقه ولقيت ليلى ممددة بأرض الحمام قاطعة شرايين ايدها وعم تنزف دم كتير .. ومي عم تبكي فوق راسها وهي عم تصرخ برا على البرندة .. صرت ابكي واصرخ متلهن
ما شفت الا يامن وراي .. فات على الحمام حمل ليلى بين ايديه : جيبو هويتها لندخلها على المستشفى بسرعه بسرعه رح تموت البنت يلااااااااااا
_______________________________
_______________________________
#يامن
بعد ساعه طلعت الممرضة وقالت انو نقلو دم للبنت و وقفو النزيف ، و قالت انو الدكتور رح يتصل بالشرطة ليجو ويفتحو محضر محاولة انتحار .. فتت على مكتب الدكتور واضطريت اعطيه كم ليرة ليلف السيرة وما يتصل بالشرطة
Telegram:@rwayate
البنات رفقاتها نزلو على الكفتيريا يرتاحو شوي ... رحت على غرفتها وفتحت الباب .. كانت نايمة ومو حاسة بشي
وقفت وتطلعت فيها وعم فكر ليش هالبنت كانت بدها تقتل حالها ؟ كيف هيك عندها هالشجاعه تنهي حياتها ؟ شو الشي الي وصلها لهون !
حركت عيونها ونزلت دمعتها وصارت تأن وتحكي كلمات مو مفهومة ابداً ...
يامن : موجوعه شي ؟ ناديلك الممرضة ؟ .. شو عم تحكي انتي هلأ ؟
ضربت ادني لعندها لحاول افهم شي بس ما فهمت .. اجت ديمة بدون ما لاحظ وجودها
ديمة : شو في ؟ ليلى فيها شي ؟
رجعت خطوة لورا : ما بعرف والله عم تحكي بس مو فاهم عليها
ديمة : يا حبيبتي .. والله ما بتستاهل كل شي صار فيها .. عنجد ما بتستاهل
يامن : خلينا نطلع نحكي برا احسن ..
طلعنا من الغرفة .. سندت ضهري على الحيط وسألتها : هي رفيقتك ولا اختك ؟
ديمة : لا رفيقتي
Telegram:@rwayate
يامن : وليش هيك عامله بحالها ؟
ديمة : الله يعينها على مصيبتها
يامن : لك ليكون حدا ضحكان عليها ؟
صرخت بعصبيه : شو عم تخبص انت ؟ ليلى بنت شريفه ومحترمة وما في من هالتخبيص ! العمى ما بترحمو فوراً بتطعنو البنت بشرفها !
يامن : اهدي اهدي .. بعتذر خلص .... عموماً انا خلصت ولازم امشي
ديمة : لحظة اسفه انو صرخت بوشك هيك بس مو معقول حكيك
يامن : طيب خلص اصلاا شو دخلني انا .. عملت الي علي وريحت ضميري
ديمة : بس جد ليلى مو هيك .. هي امبارح كان عرسها والعرس انخرب وجوزها تركها و هي تخانقت مع اهلها كمان ورجعت لعندنا ما رضيت تروح معهن .. وهيك البنت مصدومة كتير فهمت ؟
جلست ضهري وحكيت راسي : اوف وليش هيك ؟
ديمة : ما بعرف الموضوع كتير خاص وحساس ما بقدر احكيلك شي ، بس صدقني ليلى بنت نظيفة وبعمرها ما غلطت ابداً ... وهي انظلمت والله
يامن : خير ان شاء الله .. ابقو ديرو بالكن عليها لا ترجع تحاول تنتحر .. يلا عن اذنك
ديمة : يامن شكراً كتير .. لولاك ما بعرف شو كان صار معنا يعني عنجد بتشكرك ما رح انسى معروفك
يامن : ولا يهمك ما عملت غير واجبي .. سلام
ديمة : مع السلامة

#الظل_الشقي_بقلم_مال_الشام
الجزء الرابع
Telegram:@rwayate
نزلت ديمة من السيارة بدون ما تحكي شي ، تركتها ومشيت بدون ما اتطلع وراي وصرت دخن سيجارة ورا التانيه بتوتر وعصبية .. بعد وقت استوعبت شو الي عملتو
وتذكرت كيف كانت ملامحها وانا عم عيط بوشها بدون ما تعمل اي ذنب او تفهم شبني ! نزلت بالحديقه الي كنت التقي فيها انا واسراء .. اشتريت قهوة و قعدت على نفس الكرسي الي كنا نقعد عليه
هديت اعصابي وارتحت ، دائماً هيك بلحظات العصبيه والزعل بصير حدا مجنون ما بفكر .. حسيت بتأنيب الضمير تجاه ديمة طلعت الجوال و اتطلعت برقمها انا ومتردد اتصل او لأ ؟
بعد تفكير طويل اتصلت ..
يامن : الو .. مرحبا
ليلى : اهلين .. مين ؟
يامن : عفواً مين معي ؟ مو ديمة ؟
ليلى : لا انا رفيقتها ، حضرتك مين ؟
يامن : انا يامن
ليلى : مين يامن ؟
يامن : صاحب التكسي الي وصلتكن الصبح عالبيت
ليلى : اه ، انت الي انقذت حياتي ؟
يامن : انتي ليلى ؟
Telegram:@rwayate
ليلى : ايه انا .. بس هاد رقمي ، شكلها ديمة اتصلت فيك من رقمي
يامن : ايه هيك الظاهر ، بتقدري تبعتيلي رقمها
ليلى : ليش في شي ؟
يامن : ها ؟ لا .. بس نسيت شي معي بالسيارة لما وصلتها عالبيت ف بدي خبرها
ليلى : طيب اوكي .. هلا ببعتلك رقمها
يامن : تمام تمام .. شكراً
ليلى : ليك ... كنت بدي اتشكرك لانك ساعدتني
يامن : لا يا بنت الحلال واجبي ولا يهمك
ليلى : بس ياريت ما تكون اخدت عني فكرة غلط ، انا ماني هيك ... محدا بيعرف الوجع الي بقلبي
يامن : لا الله يسامحك ما في هيك شي ، المهم سلامتك وما يتكرر الموضوع لانو مو دايماً رح كون انا موجود .. واذا اصريتي ولابد .. دقيلي قبل بنص ساعه مشان الحق اوصل لعندك
ليلى : هههه
Telegram:@rwayate
يامن : ايه هيك ها ، اضحكي .. الله وكيلك هالحياة مو محرزة .. اضحكي وانسي
ليلى : شكراً كتير يا يامن
يامن : عفواً كتير ... سلام
سكرت الخط انا ومبسوط ... ضحكتها خلتني حس بشي حلو .. شي متل الطمئنينة والسلام .. ضحكة تعبانه وسريعه .. بس بريئة وهادية .. بعد ثواني وصلني رقم ديمة بمسج واتصلت فوراً
رنيت تلات مرات ما ردت .. هيك للمره الرابعه حتى جاوبتني وكان صوتها مبحوح و مو واضح
ديمة : الو مين ؟
يامن (بخجل) : كيفك ديمة ؟ انا يامن
ديمة : هاد انت !!!
يامن :شوفي انا بس بدي اعتذر
ديمة ( تبكي )
يامن : الو ؟ انتي معي ؟ ... عم تبكي !
ديمة : عن اذنك لازم سكر ..
يامن : شوفي صار سوء تفاهــ ـ ـ ( توت توت توت )
فصلت الخط ! اي معا حق .. لكن شو بدا تقلي ولا يهمك عادي فيك تصرخ علي وتبهدلني وتشلفني بالشارع وتمشي؟ اي والله معا حق ... ايييييييييييه من وين طلعتلي هي ورفقاتها لهوني كتير عن شغلي واخدو من وقتي
هلأ لازم وزع بقية البضاعه الي ضلت معي وشوف بقية الشباب شو صار معهن بالصنف الجديد ..بكفي تضيع وقت .. بكفي ...
Telegram:@rwayate
////////////////// بعد يومين ///////////////////////////
طلال : يامن هي العملية ما حدا بيخلصها غيرك انت ويوسف ... بدك تلاقيه من تحت الأرض وتجيبو
يامن : بسيطة معلم ، انا بشيلها لحالي ما في داعي حدا يكون معي
طلال : لك شو عم تستغبيني انت ورفيقك ؟ عملتكن بشر وشغلتكن عندي ... لميتكن من الحبوس يا حوش وهلأ ما عم نعرف نحكي مع يوسف بيك .. بطلنا نعجبو .. ما عاد بدو يشتغل بعد ما كان يبوس صباطي لارضى عنو.؟
يامن : هييييييي هيييي طول بالك ... ما في داعي لتكبر بالحكي .. قلتلك انا بشيلها لحالي وانا قدها .. ويوسف مو هربان منك بس عندو شوية ظروف ... اعرف حالك شو عم تحكي
طلع طلال الفرد و حطو قدامو : اي احسن الك والو انو يخلص ظروفو بسرعه ويرجع
سحبت فردي من تحت قميصي وحطيتو كمان عالطاولة : وانت احسن الك تعرف انو يامن ما عاد الولد الصغير الي بتقدر تلعب عليه وتخوفو ... يامن صار (الظل) الي الكل بيحسبولو حساب
بيطلع بالوقت الي بدو ياه ، وبختفي بالوقت الي بدو ياه .. وما بترك وراه أثر على شي ...
Telegram:@rwayate
طلال : يمكن يوسف فكر انو بيقدر يعمل متلك ويترك الشغل وبعدين بس يرجعلو عقلو يرجع يعتذر ويقلي معلم شغلني ، بس انت وقت تركت انا سامحتك لانك ترباية ايدي ... لاني بعتبرك اخي بالدم وظهري
تركتك تروح وتتجوزها لهديك البنت الي حبيتها وتبلش حياة جديده .. وليك انت رجعت لحضني بكامل ارادتك ..
بس هاد الشي مستحيل يتكرر ... ويوسف ما بينحط بنفس الكفة معك ...
يامن : يوسف عندي ... اتركلي موضوعو
طلال : لا تجرب تغطي عليه ، اذا انا تركتو ... الشباب هون بياكلوك وبياكلوه .. بهاد الشغل محدا مستعد يعرض حالو للخطر مشان حدا ، والي بيفوت وبيشتغل معنا وبيعرف اسمائنا و وجوهنا وطريقة شغلنا
ما عاد الو طلعه الا على قبرو
يامن : ياااااااا عبووود .. اعمللنا ارجيلة لمعلمك لانو معصب كتير ... وحطلو من الصنف الجديد خليه يزهزه ويروق
وقفت ورجعت مسدسي لمكانو : انا بدي امشي هلأ و شيل يوسف من راسك .. قلتلك عندي
Telegram:@rwayate

طلال : انت من ايمت بتحمل مسدسك وبتمشي فيه ؟
يامن :ما بمشي فيه .. بس وقت يكون معي بضاعه بالسيارة بخليه معي .. ما خلصت توزيع هلأ رح وصل اخر كيس و بنفق
طلال : تمام يا ظل ، بكرا عال12 بتتحركو .. رح يطلع معك خلدون ما بدي ابعتك لحالك
يامن : قلتلك انا بشيلها لحالي
طلال : وانا قلتلك مو أمان ... البضاعة كبيرة والعين مفتحة هاليومين .. خدو الشاحنة الزرقا محملة بصناديق البرتقال وجاهزة
يامن : مشي معلم ... سلام عليكم
________________
________________
#ديمة
خلصنا العشا وطلب مني بابا اعملو فنجان قهوة والحقو على البرندة ليحكي معي ، جهزت القهوة ولحقتو انا وعم ادعي انو ما نتخانق هي المره كمان
ديمة : تفضل بابا .. بدك شي تاني مني ؟
بابا : اقعدي بدي احكي معك
اخدت نفس وقعدت : تفضل
بابا : كيفها رفيقتك ليلى ؟
Telegram:@rwayate
ابتسمت بفرح : منيحه بس يحرام ما رجعت شفتا
بابا : مو مشكلة بتقدري بكرا تروحي تشوفيها ، اوقفي جنبها بمصيبتها
قمت بستو على جبينو : ما اطيبك يا بابا ، مع انك ما بتحبني رافقهن ودايماً منتخانق على هالموضوع بس ليك كيف ما هان عليك شوف رفقاتي بمصيبه وما وقف معهن
بابا : المهم
ديمة : اي ؟
بابا : في مصنع ادوية ، دبرتلك شغل محترم جداً فيه .. وبراتب مغري
ديمة : بس !
بابا : بدون أي اعتراض ... بتبلشي شغلك من الأسبوع الجاي و ياريت تشتغلي منيح لانو صاحب المصنع صديقي ما بدي فضايح معو
ديمة : انت ليش هيك ؟ قلتلك بدي اشتغل معلمة بمدرسة .. اتركني اعمل الي بدي ياه
بابا : والراتب الي بدك تاخديه بكفيكي مواصلات يا انسة ديمة ؟ ... شغلك شقفة معلمة رح يعمل الك قدر و قيمة بين الناس ؟
ديمة : من ايمت صارت المعلمة ما الها قدر وقيمة ؟ انت ليش بتشوف الناس كلهن اقل منك وما بتحترم اي انسان ... ما بصير تحكم على الــنــ ـ ـ
صرخ فيني : بكفي حكي فاضي ، انا ما عاد في نقاش بيني وبينك .. وبدك تلتزمي بحكيي والي انا بشوفو مناسب الك
ديمة : بس هي مو حياة !
بابا : ع غرفتك
Telegram:@rwayate
ديمة : يا بابا
فتل وشو للجهة التانيه و كمل شرب قهوتو .. وانا ركضت على غرفتي قفلت الباب وصرت ابكي ... نمت انا وعم ابكي .. وصحيت على صوت موبايلي عم يرن
اسناولتو وتطلعت لقيت يامن الي عم يتصل ! استغربت اتصالو بهل وقت .. فكرت حالي عم احلم .. قمت شربت مي وشغلت ضو الغرفة .. تطلعت على الساعه لقيتها تلاته وربع .. خلصت المكالمة ورجع اتصل مره تانيه رديت عليه
ديمة : الو
يامن : مرحبا .. انا .. انا بعتذر على اتصالي بهيك وقت
ديمة : خير في شي ؟
Telegram:@rwayate
يامن : اي في ... انا محتاجك ... محتاج تساعديني ضروري
ديمة : انا ؟ بشو بدي ساعدك وليش ! ما عم افهم
يامن : انا ما الي حدا .. ما لقيت حدا يوقف جنبي غيرك .. وفعلاً محتاجك ديمة
كان صوتو عم يرجف ومتغير كتير بدون ما فكر منيح وافقت ساعدو ما بعرف على شو ... وما عاد قدرت ارجع نام ضل بالي مشغول شربت قهوتي وضليت صاحيه لصارت الساعه سبعه جهزت حالي ولبست
وطلعت من البيت شوي شوي بدون ما حدا ينتبه علي .. وكان يامن ناطرني بالتكسي تحت .. طلعت بسرعه عالسيارة
ديمة : صباح الخير.. شو صاير ؟
التفتت عليه وشفتو بمنظر غريب ...
حطيت ايدي على كتفو : يامن ؟ انت منيح ؟ فيك شي ؟
يامن : تمام .. انا منيح ما فيني شي
بعد ايدي عنو وتنهد ... كان لابس اسود باسود و ملامحو تعبانه كتير في سواد تحت عيونو
ديمة : ما عم افهم شي ... بشو بدك ساعدك احكي عم اتوتر
Telegram:@rwayate
يامن : ليكي ، انا بعرف الي عم يصير كتير غريب ... بس والله العظيم ما لقيت اي مخلوق بقدر اعتمد عليه .. فكرت كتير ... وحسبتها كتير
تخيلي انو انا بني ادم ما في حدا بحياتي ممكن يساعدني ازا احتجت ! ما لقيت قدامي غيرك ..
ديمة : طيب وانا مو فهمانه شي بس اهدا ورح ساعدك وعد ؟ احكيلي شو في ؟
يامن : بصير بدل ما احكيلك ورجيكي ؟
ديمة : شو بدك تورجيني ؟
يامن : لنوصل بتفهمي... رح يكون الشرح اصعب بدون ما تشوفي ...
ديمة : طيب ..
تحركت السيارة وكل الطريق كان يامن ساكت ، وانا ماعم صدق شو عم اعمل معو وكيف رايحه بدون ما اعرف لوين او شو في !
بس من اول لحظة شفتو ... دق قلبي !!! .. ايه ايه .. دق قلبي الو
حسيت بدي اعرفو اكتر ... بدي ياه يكون بحياتي ... اخر موقف عملو معي رعبني منو .. بس في مشاعر كتير لطيفه وغريبه عم حسها تجاه هاد الإنسان الغريب الي بألف شخصية وألأف وجه
يامن : وصلنا ... انزلي
ديمة : لوين ؟ بس قلي وين ماخدني ؟
يامن : امشي معي تحمليني شوي اذا بتريدي
ديمة : طيب ..
Telegram:@rwayate
كان بيت ارضي الو جنينة حلوة كتير وباب خارجي حديد لونو زهري ... ببساطة البيت كأنو جنة صغيرة
فتح يامن الباب الزهري وتطلع علي لألحقو ، وبعدا فتح باب البيت الداخلي .. وقلي تعي وفات لجوا
ديمة : لحظة لوين ؟ بدك فوت عالبيت لجوا ! !
اخد نفس وهز براسو : ايه ..
ديمة : بس مين في جوا ؟

#الظل_الشقي_بقلم_مال_الشام
Telegram:@rwayate
الجزء السابع

#ليلى

كنت واقفه بالمطبخ عم حضر العشا وكل شوي اتطلع بالسرقه عالصالون شوف الشب رفيق يامن الي اسمو يوسف ... اجا لقطني وابتسم .. صرت قد الكمشة وركضت كملت شغلي
اجا على المطبخ وقف على الباب وتنحنح

يوسف : احم احم

ليلى بخجل : تفضل بدك شي؟

يوسف : انا جيت شوف ازا انتي بدك شي لانو كنتي عم تطلعي علي ؟

ليلى : لا ابداً بس عم اتاكد انو آدم لسه نايم

يوسف : اها

تكتف وارتكى على الحيط : حلو اسمك

ليلى : شكراً .. وانا بحبو كتير

يوسف : انتي من وين ؟ من نفس المدينة هون ؟

ليلى : لا .. انا اهلي ساكنين بالريف وانا جيت لهون لما سجلت بالجامعة

يوسف : بس هلأ تخرجتي ليش ما رجعتي لعندن

ليلى : تخانقت معهن وما بدي ارجع

يوسف : في حدا بيتخانق مع اهلو ؟ حرام بيكون امك قلبها متل النار

تنهدت والتفتت عليه : وانا قلبي متل النار .. وزعلانه منهن ومن الحياة ومن كل شي
Telegram:@rwayate
يوسف : اوف اوف .. ليش بقى ؟

مسحت ايدي بتايبي لنشفهن من المي : شو بدك بهل سيرة قصة طويلة كتير متل الأفلام .. فيك تصحي آدم مشان يتعشا ؟

يوسف : طيب ان شاء الله يصحى

ليلى : انا رح نادي الصبايا

فتت على غرفة مي وهيا وقلتلهن يجو يتعشو .. ما تطلعو فيني ولا ردو علي

ليلى : شبكن ملتئمين هيك ؟

وقفت هيا بعصبية : هاد لايمت بدو يضل هون ؟ لك الجيران شو بدهن يحكو علينا هلأ ؟

سكرت الباب مشان يوسف ما يسمع

ليلى : هسس وطي صوتك

مي : ليش توطي صوتا ؟ معا حق ... يعني ينحكى بسمعتنا مشان الاستاز يامن ؟

هيا : ازا ديمة مجنونة ومو سائلة عن سمعتها وقبلت تروح تصير مربية ببيت رجال اعزب ... ف نحنا مو هيك ابداً .. وما عرفناكي هيك يا ليلى

صرخت بعصبية : لك شو عم تخبصي عم تحكي عن رفيقتك هيك ؟

هيا : اي عم احكي ... لانو انا بعرف انو رفيقتي شريفه ومحترمة وما غلطت بشي ابداً .. بس الناس والعالم ما بيعرفو ...
Telegram:@rwayate
وقفت مي بالنص بيناتنا : اهدو شوي ما بصير نحكي مع بعض هيك

ليلى : ديمة عملت الي عملتو كرمال هاد الطفل الي ملقح برا وما الو ام او اب يهتمو فيه

هيا : لا هي عملت هيك مشان تطبقو ليامن لانو طاير عقلها فيه

ليلى : لا مو صحيح ...هي بتحبو لآدم وتعلقت فيه .. وما عملت كل هالشي بس مشان يامن ... انتي ما رح تفهمي شو يعني طفل يتربى بدون اب و ام .. صعب كتير تفهمي صح ؟

هيا : يلا ممتاز لكن خلونا نفتح ميتم هون بدون شي صاير عندنا ايتام تنين مو معروف اصلهن

ما بعرف كيف رفعت ايدي وضربت هيا على وشها بقوة وقهر ... كسرتلي قلبي وبحياتي ما توقعت انو رفيقتي تحاكيني هيك !!

ليلى : انا رح اطلع من هاد البيت .. بس اعطوني يومين لضب اغراضي ولاقي مكان اسكن فيه ...
Telegram:@rwayate
مسكتني مي من ايدي هي وعم تبكي : ليلى طولي بالك والله هيا ما بتقصد بس هي من زعلها عم تخبص

ابتسمت والدمعه بعيوني : لا هي ما غلطت بشي .. فعلاً انا مو معروف اصلي .. وما بيصير ضل عايشه مع ولاد الحسب والنسب والأصول ... ما تواخذوني ... غلطت بحقكن .. بس بدي يومين وبتركلكن البيت كلو

طلعت من الغرفة .. سكرت الباب وبوشي على الحمام بكيت لانتفخ قلبي .. دق يوسف علي باب الحمام

يوسف : ليلى لو سمحتي اطلعي ضروري

غسلت وشي ونشفتو وطلعت

ليلى : شو في ؟

يوسف : جهزي حالك رايحين على المستشفى

ليلى : مستشفى شو ؟ شو صاير ؟

يوسف : ديمة بالمستشفى وحالتها خطيرة ... رح نروح وآدم معنا

_____________
_____________

الدكتور : نظفنا جروحها و وقفنا النزيف بس لسه ما صحيت ... حالياً حطيناها تحت المراقبة ورح نستناها تصحى لنتأكد انو الكدمات الي بالرأس ما سببتلها اي ضرر

يامن : بس هي بشكل عام منيحه صح ؟ ما فيها شي

الدكتور : قلتلك كسر بالأيد ورضوض بالجسم عامة ... و
Telegram:@rwayate
ليلى : و شو دكتور ؟

الدكتور : والصبيه متعرضة لمحاولة اغتصاب

شهقت وحطيت ايدي على تمي : شو ؟؟؟؟؟؟؟؟؟

الدكتور : اطمني البنت شكلها قاومت كتير ولهيك مضروبة بهل شكل الحيواني هاد ... ما صار اغتصاب بس اعتقد هاد الشي يأثر على نفسيتها .. وانا صعب غطي على جريمة بهل بشاعه هي
ومضطر خبر الشرطة

ليلى : ليش لسه ما خبرتو الشرطة شو عم تستنو ؟؟؟؟؟؟
Telegram:@rwayate
يوسف : ليلى تعي انتي معي لبرا

ليلى : لك شو تعي معي لبرا مين الي عمل فيها هيك

سحبني غصب عني وطلعنا من مكتب الدكتور وضل يامن جوا

ليلى : شو عملت انت ورفيقك بالبنت ... ازا الدكتور ما جاب الشرطة انا رح جيبهن واخرب الدنيا فوق راسكون ... لك اغتصاااااااااب ؟؟؟ شو الوساخه الي عايشين فيها انتو شو هالمصيبه

شد على اسنانو : وطي صوتك فضحتينا

ليلى : بعد ايدك عني

ليلى : حاسة حالي كتير لئيمة كيف عملت معن هيك ؟ ومشان شو ؟ مروان قلعني بكلمة وحده من امو .. امو الحقيقيه ما فكرت بمشاعرو وهي بتعرف انو منحب بعض .. حولت سعادة ابنها لجحيم

يوسف : لا تلومي حالك الي صاير معك ردة فعل بدون وعي .. الي مريتي فيه مو سهل

ليلى : بيسامحوني هلا بس روح لعندهن ؟

يوسف : ايه طبعاً بيسامحوكي ... انا من وانا صغير كنت شقي ومئذي كتير وابي رايح جاي على الحبوس يطلعني ههههه

ليلى : عنجد ؟ مع انك مبين كتير راكز وهادي
Telegram:@rwayate
يوسف : انا تعرفت على يامن بالحبس ... و صار متل اخي تماماً .. وكنا عم نشتغل سوا شغل مو نظيف .. وضليت هيك لفترة قصيرة تعب ابي وصار معو جلطة وكنت رح اخسرو
بهديك اللحظة صحيت على حالي وحسيت قديش عذبتو لهل رجال المسكين .. تبهدل بحياتو كتير بسببي ... لما صحي بعد عمليتو ولقاني عم ابكي بحضنو .. حط ايدو على شعراتي وصار يمزح معي
قلي انت عم تبكي لانك عارف انو محدا موجعلي قلبي غيرك صح ؟ ... بستلو ايدو و وعدتو ما عاد اوجعلو قلبو ابداً ..

ليلى : ايه ؟

يوسف : ايه ... وقررت ابدا حياة نظيفة وجديده ... بس الموضوع مو بهل سهولة ... شوفة عينك .. الي بيغرق بالوسخ ما بنظف منو بسلام

ليلى : يعني كل شي عم يصير بسبب الشغل الي كنتو تشتغلوه ... ويامن كمان بدو يبطل لهيك بدهن يئذوه ؟

يوسف : يعني تقريباً هيك

ليلى : وليش هو بدو يبطل ؟
Telegram:@rwayate
يوسف : هلا وقت انا قررت اترك هالشغل اول شي هو عارضني وحاول كتير يرجعني لان كان خايف علي من طلال .. بس شوي شوي وقف جنبي وصار يغطي علي مشان ما حدا يعمل معي شي
وبعدين قال انو بدو يترك لان اكتشف حقيقه طلال وانو هو الي ورطو من الأساس وكل شي كان فخ .. بس بدك الصراحه انا ما اقتنعت

ليلى : ليِش ؟

تطلع يوسف على يامن وهو عم يلاعب ابنو وابتسم : اعتقد انو صاحبي رجع قلبو يدق ...

ليلى : مممممم يدق قلتلي

يوسف : ههههه ايه .. يدق

ليلى : طيب خليه يدق منيح ويخلصنا من هالمصيبه الي وقعنا فيها

يوسف : بتخلص انتي بس وكلي الله

ليلى : على خير يارب .. على خير ..

كملنا مشي ونحنا ساكتين .. كان الجو حلو .. والحديقه هادية .. والسما صافيه ... والمشاعر متل البركان .. في الف شعور مختلط ببعضو ... وما في شي مفهوم

_______________
_______________

#ديمة
Telegram:@rwayate
اليوم كان اول يوم برجع فيه لوعيي ... صحيت لما الممرضة فتحت شباك الغرفة وفاتت الشمس .. سألتها وين انا ... وطلبت منها تجيبلي اهلي انا وعم ابكي
تذكرت بشاعه كل شي صار معي .. كنت خايفه كتير وموجوعه .. بعد ما طلعت الممرضة بشوي اجا الدكتور فصحني وسألني اسئلة كتير .. قلي انو اطمن علي ورح يسمح لرفقاتي يفوتو يشوفوني
ورجعت اكدت عليه يتصل بأهلي يجو ياخدوني ..
طلعت الدكتور وفاتت ليلى ويامن
ركضت ليلى لعندي حطت ايدها على راسي وبوستني بحنية

ليلى : الحمدلله على سلامتك ... خفت كتير عليكي
ديمة : بابا بيعرف انو انا هون ؟
ليلى : لا خفنا نخبرو بس هو عم يدور عليكي ... مفكر انك خايفه تواجهيه عم يتصل فيني كتير .. قطعلي قلبي اخر مره قلي خبرك انو هو ما رح يعصب عليكي ابدا وما رح يجبرك تشتغلي شي ما بدك ياه بس ارجعي على البيت
ديمة : اتصلي فيه خليه يجي لعندي بدي ياه
ليلى: وانتي بهل حالة ؟
ديمة : اتصلي فيه كرمالي
ليلى : طيب رح اطلع احكي معو بس خليني فكر شو بدي قلو
ديمة : احكيلو ضربتني سيارة
ليلى : رح يسأل الدكتور
ديمة : انا حكيت مع الدكتور و وافق يقول هيك ..
ليلى : طيب رح احكي معن فوراً
Telegram:@rwayate
طلعت ليلى من الغرفة .. كان يامن واقف بعيد عند الباب

ديمة : آدم منيح ؟
يامن : منيح

حاولت اتجلس .. وجعتني ايدي .. اجا يامن وساعدني .. حطلي الوسادة ورا ضهري .. واعطاني كاسة مي .. وقعد على الكرسي الي جنب التخت

ديمة : ليش ما قلتلي انك لسه عم تشتغل مع هاد طلال
يامن : _ _
تطلعت باتجاه الشباك واخدت نفس : حاسة حالي بحلم .. ما توقعت ضل عايشه
يامن : انا اسف كتير
ديمة : لا تعتذر .. دفعت ثمن غبائي
يامن : غبائك ؟
ديمة : الي بتحب واحد متلك شو بدها تكون غير شقفة بنت غبية ؟
يامن : بس انا مو هيك ..
تطلعت بعيونو وكانت في نار جواتي : حاولو يغتصبوني

نزل راسو للارض وشد على قبضة ايدو لدرجة كل عروقو صارو بارزين

ديمة : انت واحد منهن ... وبتشبهن ... واكيد عامل هيك شي من قبل

يامن : لا !! .. لا انا ما بشبهن ابدا
Telegram:@rwayate
ديمة : ضربوني كتير ... كسرلي ايدي لاعطيه عنوان بيتك ... حاولت اتحمل بس ما قدرت وانجبرت احكي

مسحت دمعتي واخدت نفس .. مديت ايدي ورفعتلو راسو

ديمة : تطلع فيني ... احفظ كيف هيئتي وملامحي .. وكيف حالتي هلأ بسببك ... بتعرف هاد كلو ليش ؟

يامن : _ _ _

#الظل_الشقي_بقلم_مال_الشام
الجزء الثامن #الأخير
Telegram:@rwayate
ليلى : يعني انا ما بعرف ، يوسف ما قلي شي بس هاد الشي متوقع صح ؟ بعدين انتي عرفتي حقيقة يامن ليه لسه خايفه عليه !
ديمة : نعم ؟ ويوسف شو ؟ مو كان رفيقو وليكك رايحة تتجوزيه
ليلى : _ _ _
اجا يوسف و شاف الجو بيني وبين ليلى متوتر .. تطلع فينا وسأل : شبكن ؟
ديمة :اسأل خطيبتك شو كانت تحكي
فتحت ليلى عيونها على وسعهن و عضتلي على شفايفها لاسكت
يوسف : شو كنتي تحكي ؟
ليلى : انا ؟ ما حكيت شي ابداً .. عم تمزح ديمة
ديمة : ما في شي بس كنا عم نتخانق مشان ادم كل اسبوع بدها تاخدو ينام عندها خميس وجمعه
يوسف : يعني عادي هي لانها بتحبو ... نيالي اديشك حنونة ورح تهتمي بولادنا بكرا
ابتسمت ليلى بتصنع وهزت راسها : ايه ... طبعاً
كانت قعده كلها مشحونة وغير مريحه ، يمكن انا حسيت بغيرة لما شفت ليلى ويوسف مع بعض ... و يمكن الشوق بقلبي ليامن عم يخليني اتعب اكتر ... والأكيد انو اسئلة ادم عن ابوه كمان سبب رئيسي لخاف على يامن
خلصنا اكل وطلبنا عصير فريش .. ليلى ويوسف كانو يتهامسو ويضحكو .. وانا صافنه ... بعدين خطرلتلي شغله
ديمة : يوسف
يوسف : ايه ؟
Telegram:@rwayate
ديمة : رح اسالك سؤال وقبل ما تجاوب فكر منيح واعصر مخك عصررر
يوسف : طيب ؟
ديمة : بدي اسم الميتم الي كان يامن عايش فيه
يوسف : ليش؟
ديمة : بدون ليش ساعدني !
يوسف : هلأ هو مره قلي بس ما عم اتذكر بالضبط .. بس بعتقد انو بقدر اتذكر مكان الميتم لان يامن كان يضل يروح كل فترة وفترة يقلي الو شغل مهم .. ومره اخدني معو
ديمة : ممتاز يعني بتقدر تاخدنا ؟
يوسف : هلأ ؟
ليلى : دمدوم اهلك رح ينشغل بالهن عليكي خليها لبكرا منروح بكير
قمت وضبضبت اغراضي : لأ هلأ .... يلا ..
_____________
_____________
Telegram:@rwayate
وصلنا للميتم .. نزلنا من السيارة وكنت عم اتطلع بالقارمة : ميتم حياة ...
ليلى : يوسف
يوسف : شو حبيبي؟
ليلى : انا الميتم الي اخدوني منو اهلي كمان اسمو ميتم حياة
التفتت عليها باستغراب : شو ؟
ليلى : ايه .. لهلأ عندي اغراض احتفظو فيهن اهلي ... في اسوارة خشب مصنوعة يدوي ومكتوب عليها ميتم حياة ... وصندوق كرتون الي الميتم اعطوه لاهلي وفيه بقيةاغراضي كمان مكتوب عليه ميتم حياة
ديمة : صدفة غريبة ..
يوسف : فعلاً غريبة كتير
ديمة : طيب انا رح فوت اسأل عن شغلة بتجو ولا بتنطروني هون ؟
يوسف : برأيي انتي فوتي لحالك...حاسس ليلى مو منيحه رح ضل معها هون
ليلى : ايه احسن .. ما بدي فوت انا
ديمة : طيب ..
فتت لجوا وحكيت مع الحارس انو بدي شوف المدير عن المكان لموضوع ضروري .. دخلوني ورحت على قسم الإدارة وضليت استنا .. لوقت ما اجت وحده مبينه بعمر الخمسينات
ملامحها حاده و قاسيه .. شعرها خليط من الرمادي والأبيض .. وشادة شعرها ورافعتو كعكة .. لابسة بنطلون قماش اسود و قميص مقلم .. قعدت ورا مكتبها وابتسمتلي
المديرة : تفضلي
ديمة : حضرتك المسؤولة عن هاد المكان ؟
المديرة : شو شايفه ؟
ديمة : طيب انا رح فوت بالموضوع مباشرة ، في طفل يتيم من هالميتم هاد .. هرب من سنين طويلة وهالفترة هو مفقود .. وحسب ما فهمت انو كان الو زيارات متكررة لعندك لهون
اسمو يامن
Telegram:@rwayate
المديرة : اي مزبوط ، يامن بعرفو وبتذكر قصتو من لما انفقد من الميتم .. لان كنت مستلمة الإدارة هون جديد وقصة هربو عملتلي مشاكل كتير
ديمة : تمام ممتاز
المديرة : وشو سؤالك هلأ ؟
ديمة : سؤالي انو شفتي يامن خلال الاربع شهور الي راحو ؟
المديرة : لا ابداً ما اجا لهون .. حتى في اولاد متعودين عليه فقدوه
ديمة : كيف متعودين عليه ؟
المديرة : يعني هو كان يتردد لهون كتير وايام كان يروح لعند الاولاد يلعب معهن ويدير بالو عليهن ويجبلهن اغراض وهداية ... مع انو بكرهني وبكره هاد الميتم بس بيحب الأولاد هون
والأستاز تيم مفكر انو الأولاد ممكن يكونو بتعرضو لعنف او معاملة سيئة ... بس الميتم تغير كتير وما عاد في اهمال او تسيب .. وحبيت اثبتلو هاد الشي كنت خليه يمضي قد ما بدو وقت ويحكي مع الأولاد
ابتسمت وحسيت حالي اشتقتلو اكتر .. كنت متمنية لو شوفو بهل لحظة واحضنو بقوة كتير كتير كتير ...
ديمة : تمام فهمت .. انا رح اتركلك رقمي اذا اجا بتخبريني ضروري ممكن ؟
المديرة : ما بدك تتركي اي تبرعات للميتم؟ يامن كان يتبرع
ديمة : هلأ مو حاسبة حسابي بس بوعدك قدملكن تبرعات باقرب فرصة تمام؟
المديرة : ماشي
Telegram:@rwayate
ديمة : عن اذنك
وقفت ومشيت .. ولما وصلت على الباب رجعت سألتني
المديرة : بعدو عم يدور على اختو ؟
تطلعت حوالي لاتاكد انها ما عم تحكي مع حدا غيري
ديمة : عفواً ؟
المديرة : يامن .. لسه عم يدور على اختو ؟
ديمة : مين اختو ؟ ؟؟
Telegram:@rwayate
رجعت قعدت على الكرسي .. وضليت مكاني لفهمت القصة كلها ... وبعدا شكرتها وطلعت
يوسف : تأخرتي كنت فايت شوفك
ليلى : عنجد شو عملتي كل هالوقت ؟
ديمة : خلونا نمشي هلأ ... بشرحلكن بعدين

طلعنا بالسيارة وانا صافنه .. ليش ما قلي انو عندو اخت ؟ معقول تكون هي !!!!!!!
التفتت على ليلى وهي عم تضحك وتحاكي يوسف .. ضليت اتأملها وفكر .. معقول تكون هي !!!!!!!!!
_________________
_________________
#ليلى
ديمة : الو ليلى ؟
ليلى بصوت نعسان : الو .. اي ؟
ديمة : ما كون صحيتك .. قلت بتكوني سهرانه
ليلى : الساعه 2 ديمة
ديمة : ممممم طيب بس بدي بكرا الصبح تلاقيني انتي ويوسف
ليلى : ليش شو في ؟
ديمة : بدنا ندور على يامن ما رح روح على شغلي
ليلى : وين ندور عليه ؟
ديمة : بكل مكان .. بستناكن الصبح كملي نومك ..
الصبح كنت انا ويوسف تحت بيت ديمة .. نزلت لعندنا هي ومبوسطة
ديمة : صباح الخير
جاوبناها مع بعض : صباح النور
ديمة : يلا نمشي ؟
يوسف : ايه يلا .. بس وين ؟
ديمة : مممم يوسف انت بدك تفكر بكل الاماكن الي ممكن يكون يامن فيهن
يوسف : جد ؟
Telegram:@rwayate
ديمة : ايه جد .. لازم نلاقيه
حسيت يوسف متدايق وكانت تارك شغلو وجايه .. ف حبيت هدي الجو
ليلى : طيب خلونا نفطر بالأول
ديمة : ما بدنا نضيع وقت ، هون براس الحارة في محل فلافل بنزل بجيب 3 سندويشات ومناكلهن عالطريق يلا
ليلى : تمام يلا .. امشي حبيبي
وقفنا قدام المحل ونزلت ديمة ..
ليلى : حبيبي معليش تطول بالك ؟
يوسف : يعني بشرفك هاد حكي ؟ جايبتني من الصبح مشان لف بالشوارع دور على يامن ؟
ليلى : طيب انت قلها الي بتعرفو وارتاح
Telegram:@rwayate
يوسف : ما فيني قلها يامن وصاني واكد علي ما احكي .. بعدين اخر مره حكى معي فيها من شهرين وقال انو اليوم رح يحل موضوع طلال على الآخر ومستيحل يرجع الا ليتاكد انو ما في خطر على حدا
يعني لو الوضع أمان كان رجع صح ؟ .. ومين بيعرف ! .. يمكن من اخر مره حكى معي يامن فيها مات ...
حطيت ايدي على كتفو : ان شاء الله لا .. لا تقهر حالك انت حاولت تساعدو وتوقف جنبو
يوسف : يعني ديمة شو مفكرة ؟ انو انا مو هاممني ؟ ترجيتو يقلي هو وين ويفهمني شو عم يخطط بس ما رضي نهائياً .. وانا بتمنى يكون بخير ويرجع لابنو .. بس !
ليلى : طيب .. هلأ كرمال خاطر يامن طول بالك على ديمة ، هي عنجد بتحبو ... حرام محدا حاسس فيها خلينا نساعدها شوي
يوسف : طيب انتي فهميني .. وين بدو اخدها هلأ ؟
ليلى : يعني وين كنت تقعد انت ويامن وين تروحو وين تجو .. هيك اماكن
يوسف: طيب ..
ليلى : ليكها اجت افرد وشك شوي
يوسف بابتسامة هادية : حاضر
.
.

صارت الساعه 7 المسا ... لفينا كل الأماكن وسألنا اذا يامن مر او حدا شافو .. بس بدون نتيجة ..
طلعنا من آخر محل قلنا يوسف انو بيعرفو ..
قعدت ديمة على طرف الطريق .. رحت وقعدت جنبها
ليلى : لازم نرجع على البيت .. كلنا تعبنا
ديمة : يامن مات
Telegram:@rwayate
ليلى : لا تحكي هيك
التفتت علي هي وعم تبكي : خلص .. ما ضل في داعي نضحك على بعض .. يامن مات
ليلى : ديمة حبيبتي ..
وقفت ومسحت دموعها : وصلوني على البيت .. ضيعت وقتكن
طلعنا بالسيارة و حاولت كتير خليها تحكي شي .. حسيتها دبلانه ويئسانه .. فجأة رفعت راسها وحكت : يوسف
يوسف : اي
ديمة : بتعرف كراج العم ابو اسراء وين صاير ؟
يوسف : كراجو تسكر من زمان بعد موتو يامن قفلو وصار مهجور
ديمة : ما فينا نروح نشوف ؟ وعد .. آخر شي بطلبو
ليلى : الدنيا عتمت خلص ديمة بكفي
يوسف : مو مشكلة .. رايحين يلا
ديمة : شكراً
رجعت ركنت راسها على الشباك ودموعها عم ينزلو ..
لوقت وصلنا للمكان .. كان بحارة بسيطة كتير وقديمة و صلنا لعند الكراج وكان فعلاً مهجور من سنين ومافي حواليه بيوت او محلات وما في اضاءة منيحه
ليلى : بيخوف هاد المكان
يوسف: شو ديمة ؟ .. نمشي ؟
Telegram:@rwayate
مشت ديمة باتجاه الكراج .. وصلت لعند الباب الي كان مسكر بجنازير حديد وقفلين كبار عليهن صدى
ليلى : ديمة بلا جنان تعي بلا ما يطلعلنا شي هلأ
حطت ايدها على الباب وتنهدت .. ضلت واقفه دقيقتين بعدين رجعت : تمام ... مشينا
((بعد مرور 6 شهور ))
اليوم عرسي ... اليوم الي رح اجتمع فيه مع الشب الي اختارو عقلي وقلبي .. مع الإنسان الي متاكده انو بيحبني ومو ممكن يتخلى عني تحت اي ظرف ولأ سبب
كانو اهلي ورفقاتي حوالي ... فرحتي مكتملة تماماً ... تجهزت ولبست فستاني و رفقاتي تجهزو
كانت ديمة لابسة فستان لونو سماوي وتاركه شعرها نازل ... وفي بايدها محبس خطبتها من ابن صاحب المصنع الي بتشتغل فيه ... صحيح انها باخر فترة نزل وزنها بشكل مفاجئ وكبير
ومع كمية الحزن الكبير الي عايشتو والي واضح بعيونها ... بس لسه عندها هالملامح الطفولية الناعمه بوشها ... رغم كل شي بتضلها الأجمل ... وين ما كانت بتلفت الأنظار
Telegram:@rwayate
نهارها بالحفلة كان خطيبها قاعد معها على نفس الطاولة هو واهلو واهلها ... وانا تفكيري معها وعيوني عليها .. كانت كتير باردة مع خطيبها اي حدا بيقدر يلاحظ انها ما بتحبو وهو عم يحاول يتقرب منها
يوسف : رح بلش صار من ديمة ها .. ركزي معي
ليلى : هههه حبيبي انت اهم شي بحياتي ، بس عنجد زعلانه عليها .. ليك كيف دبلانه البنت
يوسف : معك حق ، بس اليوم يومنا ... فكري فينا وبس ممكن ؟
ليلى : ممكن .. بحبك
صار وقت الأكل ... فتحو البوفيه والناس توزعو لياكلو ... ضلت ديمة على الطاولة لحالها ولسه صافنه .. اشرتلها بايدها وغمزتها .. زتتلي بوسة بالهوا وضحكتلي .. بعدين ما بعرف شو صارلها
تطلعت حواليها .. حطت الشال على كتفها وحملت فستانها وطلعت من الصالة
__________________
__________________
#ديمة
ديمة : ايه عمو هون المكان
الشوفير : يا عمو شو جايبك لهون هاد مكان مهجور ومافيه بشر
ديمة : عمو بس استناني شوي الله يخليك في شي ضروري بدي شوفو وبرجعلك بسرعه
الشوفير : شو الشي الضروري الي بدك تشوفيه بهاد المكان
ديمة : رح ادفعلك قد ما بدك بس استناني هلأ برجع ..
Telegram:@rwayate
نزلت من التكسي .. وبعد خطوتين شلحت الكعب من رجلي لان ما كنت عرفانه امشي.. رفعت فستاني وكملت مشي باتجاه الكراج .. دقيت على الباب بقوة : يامن ... هي انا ديمة
انت جوا صح ؟ افتح الباب واحكي معي ... انا اشتقتلك كتير ... يامن انا دورت بكل البلد عليك ... المشافي و المغافر وكل مكان كنت تروحو ... بتعرف انا صرت امشي بالشوارع ودور على وجهك بين الوجوه
افتحلي الباب خلص ...يامن ..
مسكت حجر كبير من الأرض وصرت اضرب القفل الي على الباب ... صاحب التكسي شغل سيارتو وراح .. رميت الحجر من ايدي وحاولت الحقو لانو المكان مقطوع وعتمه كتير .. بس الندل تركني وراح
قعدت بالأرض انا وعم ابكي : يامن انا بكررررهك ... بكرهك يا غبي يا لئيم بكرهك
حسيت في صوت حوالي ، حاولت وقف بس كنت عم اتفركش بالفستان وحوالي عتمه كتير
يامن : اهدي شوي هاد انا
تطلعت وراي .. فتحت تمي متل الغبية وكان قلبي رح يوقف ..
نزل قعد على رجليه .. حط ايدو تحت دقني : شو جايه تعملي هون ؟
حاولت احكي بس حسيت كأنو لساني انشل ... حطيت ايدي على وشو لاتاكد انو مو حلم ... قرب مني وباسني على خدي
يامن : تعالي هيك خليني طلعك من هون
حملني بين ايديه ومشا فيني لاول الحارة .. فتح الباب السيارة ونزلني : تفضلي ..
Telegram:@rwayate
وقفت على رجلي وضليت عم اتطلع فيه : انت عايش ؟
يامن : اطلعي بالسيارة هلأ .. بس تشوفني عم سوق بتتاكدي انو ماني شبح
ديمة : كيف قدرت تضل بعيد عني كل هالوقت !
يامن : مين قلك انو كنت بعيد ؟

غمزني وباسني على خدي ... وراح طلع بالسيارة وشغلها ... ركبت جنبو وسكرت الباب .. ماقدرت احكي شي كنت بس عم ابكي وهو يعطيني محارم وانا ابكي .. لوقت ما وصلنا على حارة ورا الحارة الي انا ساكنه فيها
نزل ومشا باتجاه بيت وفتح الباب .. : تعالي
فتنا على البيت .. وقعدت فوراً لانو رجلي ما كانو حامليني .. قعد هو جنبي
يامن : اسف كتير بس كنت خايف عليكن لهيك كان لازم ضل بعيد
ديمة : فكرتك متت
يامن : لهيك حاطة هاد البطيخ بايدك ؟
مسك ايدي وسحب المحبس من اصبعي ورماه
ديمة : ليش ما حكيت معي وطمنتني على الأقل
يامن : ما كنت عرفان اذا فيني احكي معك او لا .. ولهلأ مو حاسس بالأمان ... طلال مو ميت بعدو موجود حكينا وتفاهمنا بس ما بثق فيه
ديمة : بعدك بتشتغل معو !!!!!!!!!!!
يامن : لا لا ... بس دفعتلو مصاري واعتذرتلو ... صحيح تكسرت عظامي من الضرب بس محدا بموت ناقص عمر ضليت متمسك بالحياة لآخر نفس .. وفيكي تقولي الحظ لعب معي شوي
ديمة : كيف ؟
Telegram:@rwayate
يامن : ابن طلال بشتغل معنا ومره اشتبكنا مع الشرطة وانا انقذت حياتو ، اكلت رصاصه عنو ... وهو ساعدني كتير لاقدر حل مشكلتي مع طلال
قربت منو وحطيت راسي على صدرو
يامن : فيني افهم شو كنتي رايحه تعملي عند الكراج ؟
ديمة : شو بعرفني قلت هداك المكان مسكر ومهجور اكيد انت متخبي جواتو
يامن : يا حبيبتي شو ذكية .. لولا ما لحقتك كنتي لهلا هنيك وما حدا سامعك
ديمة : لحقتني ؟
يامن : اي .. انا كنت بالعرس
ديمة : شووووووووووووووووو؟
يامن : لك انا عطول كنت حواليكي يا جدبة
ديمة : لك كيف ؟ انا دورت عليك منيح مستحيل .. كيف كنت حوالي وما عرفتك
يامن : يمكن انتي نسيتي ، بس لازم ذكرك ... انا الظل الشقي بكون بكل مكان وبكل وقت ..بدون ما اترك أي اثر
______________
______________
شهر العسل بفرنسا ، هي كانت رغبة يامن ... قلي انو بارس اسمها مدينة الحب ... لهيك حابب نبلش حياتنا من هون .. صحيتو وكنا عم نشرب قهوتنا لما قتحت معو موضوع ليلى
ديمة : بدي ياك تمسك اعصابك وما تتوتر ماشي ؟
يامن : خير ؟ لتكوني حامل ؟
Telegram:@rwayate
ضربتو على كتفو : ما اغلظك هلا عم احكي معك جد
يامن : هههههههه طيب طيب تفضلي
ديمة : وقت رحت على الميتم دور عليك ... المديرة قالتلي انو الك اخت وعم تدور عليها ... وبهداك اليوم ليلى قالت انو هي كانت بهاد الميتم كمان تخيل !!!!!!!
يامن : طيب ؟
ديمة : يعني ممكن ليلى تكون اختك !!!!!!
نكشلي شعراتي وصار يضحك : حبيبتي انا رح سميكي كونان
ديمة : ضلك اتمسخر علي ، الحق علي عم ساعدك
يامن : اولاً اختي اكبر من ليلى ... واسمها نور ... والعيلة الي اخدوها سافرو فيها برا البلد لهيك ما وصلتلها
ديمة : يعني مو ليلى
يامن : لا مو ليلى
Telegram:@rwayate
ديمة : يعني متل العاده انا بطلع غبيه
يامن : هههههههههههه مو غبية طولي بالك
ديمة : لا عنجد زعلت .. ولا شي بيزبط معي
يامن : لك تعي لهون وين حردتي .. خلص اعتبريها اختي .. تعي يا هبلة .... ههههههه
_____________
_____________
#يامن
اليوم بكون مر على وزاجي انا وديمة سنتين ... كنت عم اتأملها هي ونايمة والعب بخصل شعرها ... تركتها وقمت شوف ادم اذا نايم او محتاج شي ..
فتحت باب غرفتو لقيتو نايم والكتاب بحضنو .. اخد الكتاب منو و غطيتو منيح وطفيت ضو غرفتو وطلعت وسكرت الباب وراي .. قبل ما ارجع على غرفتي .. رن موبايلي
طلعت على البرندة ورديت
يامن : اي معلم
طلال : بعد بكرا رح نستلم
يامن : عندي علم كل شي جاهز انت لا تشغل بالك
طلال : هي اول عملية بسلمك ياها كاملة بدون ما يكون معك شريك من بعد مشكلتنا الأخيرة .. فرصتك تثبتلي انك لسه قد هالشغل
Telegram:@rwayate
يامن : له الله يسامحك .. انا قدو تكرم عينك
طلال : تمام تمام ...
سكرت الخط واخدت نفس كبير : رح يجي يوم واقتلك بايدي هدول يا طلال ... وصدقني هاليوم قريب كتير
ديمة : حبيبي ؟
التفتت عليها بتوتر .. : صحيتي ؟
ديمة : شو عم تعمل هون ؟
يامن : لا ما في شي ... بس عم شم شوية هوا
ديمة : بس الجو برد
يامن : تمام لكن خلينا نفوت بلا ما تبردي انتي وبنتي
ديمة : يا الله منك قلتلك حاسة في صبي مو بنت
يامن : بس انا بدي بنت مو صبي
ديمة : صبي
يامن : بنت
ديمة : صببببببببببي
يامن : طيب فوتي لنتفاهم جوا ...
بقدر اخدع ديمة والكل واقنعهم انو انا بلشت حياة جديدة ونظيفة ، بس ما بقدر اخدع حالي ..
ما كان في اي طريقة اخلص من طلال ، الموضوع مو بهل بساطة ... والخيار ما كان بايدي ... انا مضطر ضل اشتغل معو كل حياتي مقابل انو ما يئذي عيلتي
احياناً بتضطر تكون بصف الشيطان لتسلم من شرورو
حاولت ابعد تماماً عن ابني وديمة ، بس ما قدرت ... ما تحملت شوف ديمة مع رجال تاني .. ما تحملت خليها عم تعاني اكتر .. وما قدرت شوف ابني عم يكبر بحضن عيلة تانيه بعيد عني .
الظل الشقي لازم يضل موجود دايماً ليحمي عيلتو ...
#تمت