معك يومين وبس لترجعيلي كل شي اخدتيه مني بالنصب والاحتيال… وتبعدي عن جواد… والا رح اضطر خلي هالجمال يتخ بالحبوس واعتقد انتي مو خرج بهدله ولاقد الحبس
معك بس يومين فكري منيح وانا ناطر منك خبر… لاتحاولي تتصلي فيي انا بعرف كيف اوصلك وقت ماحب
ملاحظه : طلي من الشباك حاب شوف هالوش الحلو )
عجن الرساله بين ايديه ورماها ع الارض بعصبيه
ياسر : هالكلب الواطي انا بفرجيه
مسكت نهله الستاره ب ايدين مرتجفه وزاحتها شوي لتشوف اشرف راكي حاله ع سيارته ومتكتف وبس لمحها اشرلها وبعتلها بوسه عالهوا
انتفضت وسكرت الستاره بسرعه وبلشت انفاسها تتسارع وتحرك حجر عينها هون وهون بخوف
نهله : اششرف واقف برا اكيد كان عم يراقبني لوصلت عالبيت
ياسر : رح كسر راسه
نهله : ليكو واقف برا ازا مستعجل على اخرتنا روح كسر راسه وماتقصر
سكت ياسر واطلع ب ابوه يلي كان قاعد عم يحك دقنه ويفكر بحل لهي المصيبه
زينات : لساتو واقف برا
اطلعت من طرف الشباك بحذر وتلفتت شمال ويمين وبس شافت الشارع فاضي رجعت راسها وتنهدت براحه
نهله : لا مو هون انهفا
زينات : درب يصد مايرد
نهله بخوف : الله يستر 😰
*╚══════ღღ══════╝
تاني نهار بعد ما طلع جواد على شغله لبست فتون جلبابها الاسود وحطت شالها عكتافها وركبت تاكسي وتوجهت لمكتب المحامي عمران
كانت عم تاخد نفسها بصعوبه ومابدها تعمل هالشي لكنها مضطره… ما ارتاحت لنهله واهلها واصرار ابنها انه يعمللها كلشي بتطلبه خلاها تحس بالخوف من ناحيتهم ولازم تاخد حذرها وتحافظ على تعبها وتعب زوجها طول هالسنين
وصلت عالمكتب وقعدت بغرفة الانتظار لحتى يخلص عمران من زيارة زبون لمكتبه
فتون : يارب دلني عالطريق الصحيح ..يارب تحميلي ابني من كيد الكائدين ورد كيدهم لنحرهم يا رحمن
السيكرتيره : مدام فتون الاستاز عمران ناطرك بمكتبه تفضلي ازا سمحتي
فتون : شكرا بنتي
وقفت فتون بصعوبه وهي حاسه انه اجريها انشلو وعم تحركهم عنوه… . فاتت لمكتب المحامي يلي رحب فيها واشرلا ترتاح فورا
عمران : اهلا وسهلا فتون خانوم طمنيني عنك
فتون بتنهيده : من الله بخير
عمران : خير ست فتون حاسك مو على بعضك
فتون : اي والله يا استاز عمران انا واقعه بمشكله كبيره وبحاجة مساعدتك ومشورتك
عمران : باين الموضوع خطير
فركت ايديها ببعض بتوتر : بصراحه مو عارفه ومابدي ظلم حدا… انا رح قلك يلي عندي وانت شور عليي شو ساوي
عمران : لحظه لاطلب قهوه
فتون : مافي داعي
عمران : ولو ياخانوم…… انسه هدى اعملي فنجانين قهوه لو سمحتي
هدى : امرك استاز
عمران : وهلأ فتون خانوم تفضلي احكي عم اسمعك… ..
فتون : القصه وما فيها……………….
*╚══════ღღ══════╝
#يــــــتـــــبع