📚قصص||روايات||منوعة📚

س انا تزوجت على سنة الله و رسوله ما ارتكبت حرام وما غلطت ، انت فضلت على راسي و عطيتني بنتك بس ليش نسيتو انو انا عشت معها 15 سنة ما زعجتها ، يا عمي انا رجال بكره المقت و الخناق و بنتك هي يلي كانت تفتعل المشاكل ، انا تعبت و مليت ومع هيك خبرتها بكل الحقيقة وبكل صدق ، وما كنت رايد طلقها بس هاد طلبها وكانت مصرة عليه ، لو سمحت عمي بيكفي تحكيني بهي الطريقة كأني مذنب بيكفي .

ريما : نحنا جهزنا جدو .
ابو سهيل : انزلو على السيارة يلا .
رنيم : حاضر .

سليم : رح ترجع البنات ؟
ابو سهيل : اي اكيد ما رح خليهن عندي ، رح قلك كلمتين قبل ما امشي ، لو كنت مكاني و اندعس على كرامة بنتك بهاد الشكل صدقني وقتها رح ينكوى قلبك و رح تتمنى تقتل زوجها لتطفي نارك .

*نزلت كلمات ابو نهاد متل السم عليي .. رجعت لورا و خبطت باب البيت بقوة ...
________________________________________
#بقلم_فتاة_من_ورق_بسمه_السباعي

*طلعنا انا و ابي بالسيارة .. بعد لحظات من الصمت...

غسان : أوس ما بدك تخبرني شي ؟
أوس : متل شو بابا ؟
غسان : يعني شي عن دوامك بالمدرسة اليوم ؟
أوس : متل كل يوم حصص مملة و رجعنا عالبيت .
غسان : بس هيك ؟
أوس : اي .
غسان : بحترم انك عم تخبي عني يلي عملو جواد كرمال تحميه من عقابي ، يكون بعلمك أوس انا بعرف كلشي ، المدير بيخبرني بكل تحركاتكن .
أوس : بابا انا كنت بدي خبرك بس قلت هالمرة ما رح احكي يمكن يتغير للأحسن لما يشوفني واقف جنبو .
غسان : جواد لساتو ولد ، مفكر تصرفاتو هي شي طبيعي ، انا اليوم اخترعت قصة العامل مشان حسسو انو عم يغلط .
أوس : يعني قصة العامل مو حقيقية ؟
غسان : لا مو حقيقية ، هي كانت مجرد درس صغير لجواد بتمنى انو يتعلم منو .
أوس : لو ما تعلم شو رح تساوي ؟
غسان : رح يكون حسابو عسير ، يا ابني نحنا عايشين تحت ستر الله ، اذا رب العالمين انعم علينا هاد ما بيعني انو نتكبر على العباد .
أوس : معك حق انا دائماً بفكر بهي الطريقة .
________________________________________
#بقلم_فتاة_من_ورق_بسمه_السباعي

*قربت من غرفة جواد دقيت الباب دقة وحدة و دخلت ...

يسرى : جواد جبتلك كاسة عصير .
جواد : يسلمو ايديكي امي .
يسرى : كيف دراستك ؟
جواد : منيحة .
يسرى : ابني .
جواد : نعم .
يسرى : انا خايفة عليك كتير .
جواد : ليش ؟
يسرى : خايفة عليك من حالك من تصرفاتك و من قلة دراستك .
جواد : مو ضروري كون منيح عندك السيد أوس احسن مني بكتير بتقدرو تعملوه واجهة لعيلتنا ، يعني بتقدرو تفتخرو فيه قدام القرايب و ابي بيقدر يفتخر فيه قدام رفقاتو بالشغل وانتي بتقدري تفتخري فيه قدام صديقاتك .
يسرى : ليش هيك عم تحكي ؟
جواد : لأنو انتو هيك ربيتونا ، من لما كنت صغير كنتو تحاولو تلاقولي هواية لانو أوس هوايتو كرة السلة ، و تحاولو تلاقولي موهبة لأنو أوس موهبتو العزف على الكمان ، و تحاولو تحطولي اساتذة خصوصي ليصير معدلي عالي متل أوس ، لك حتى أكلي كنتو تقولولي انت ما بيعجبك شي شوف أوس كيف بيحمد ربو على النعمة و بياكل كل الأكل بدون تذمر ، انتو يلي خليتو نفسيتي هيك تصير ماما انتو السبب بكلشي انا وصلتلو هلأ .

*حضنتني امي بقوة و صارت تحكي بصوت مخنوق...

يسرى : لا حبيبي ما تفكر بهالشي انتو التنين ولادنا من لحمنا و دمنا ، منحبكن اكتر من كلشي بهالدنيا و مستعدين نقدملكن روحنا ، انا و ابوك ما قصدنا نميز أوس عنك نحنا كل همنا يطلعو اولادنا احسن اولاد بالدنيا و الناس كلها تحلف براسكن .
جواد : انا ما بدي كون احسن انسان انا بدي كون جواد ، اتصرف على طبيعتي و عيش متل ما انا بحب .
يسرى : عيش متل ما بتحب بوعدك ما عاد قارنك بأوس بس بترجاك ما تتكبر على حدا ، اليوم بدرية طول الوقت عم تبكي على زوجها تامر لأنك قلت عنو انو هو مجرد شوفير عنا مافي داعي تحترمو ، عمرك ما تكسر خاطر حدا مشان ربك ما يكسر خاطرك .
جواد : حاضر .
يسرى : هلأ رح اتركك مع حالك شوي فكر على مهلك بكلشي حكيناه بتمنى انك تتغير للأحسن .

*طلعت امي من الغرفة و سكرت الباب .. تغطيت و نمت بدون ما فكر بأي شي....
________________________________________
#بقلم_فتاة_من_ورق_بسمه_السباعي

*دخلنا على بيت جدي .. صرنا ندور بعيوننا على امي ...

ابو سهيل : امكن نايمة روحو صحوها .

*ركضنا انا و اختي .. فتحنا باب الغرفة وصرنا نصحيها....

ريما : ماما نحنا اجينا .
رنيم : ماما اشتقنالك كتير ليش رحتي و تركتينا .

*فتحت عيوني .. ل لحظة حسيت حالي ببيتي و كل يلي مريت فيه مجرد كابوس بشع و صحيت منو .. تطلعت ببناتي و ابتسمتلهن...

ريما : ماما ليش اجيتي على بيت جدو بدوننا ؟
رنيم : ليش ما خبرتينا انك رح تروحي ؟
نهاد : لحظة شوي حبيباتي خلوني غسل وجهي .

*قمت على الحمام غسلت وجهي و تطلعت على حالي بالمراية .. كانت عيوني متنفخة كتير و لونهن احمر متل الدم ...

نهاد : رنيم .. ريما تعالو على الصالون ماما .
ريما : حاضر جايين .

*قعدت و صرت فكر شو بدي احكيل

#إمسك_يدي
#الجزء_الرابع
#بقلم_فتاة_من_ورق_بسمه_السباعي

*بعد مرور ساعة من غياب بناتي قررت روح عند ياسمين...وصلت على بيتها فتحت الباب بهدوء و فتت...

*دورت عليها بكل الغرف ما لقيتها .. وقفت بنص البيت وبلش الشك يدخل لقلبي .. بعد لحظات طلعت ياسمين من الحمام ...

ياسمين : حبيبي انت هون .
*شردت بعيونها و تندمت لاني شكيت فيها و استبعدت فكرة انها تكون بالحمام....
ياسمين : حبيبي شبك ؟
سليم : ولا شي اعمليلي فنجان قهوة .
ياسمين : من عيوني .

*دخلت عالصالون ، شلحت جاكيتي و رميتو ، تمددت على الكنبة و حطيت ايدي على راسي ...

#بقلم_فتاة_من_ورق_بسمه_السباعي

ياسمين : هي اطيب فنجان قهوة لتاج راسي .
سليم : يسلم ايديكي .
ياسمين : يا حبيبي ليش مهموم ؟
سليم : ما كنت متوقع الامور توصل لهون ، ما تخيلت بيوم اني طلق نهاد .
ياسمين : شو كنت متوقع ؟ نهاد مرة مجروحة لانو زوجها تزوج بعد كل هالسنين ، ردة فعلها طبيعية .
سليم : اول مرة بشوف وحدة واقفة مع ضرتها .
ياسمين : مو هيك القصة ، انا مرة و بعرف شو احساسها هلأ .
سليم : يعني انا غلطت ؟
ياسمين : بنظرها و بنظر كل المجتمع انت غلطت لانو مافي سبب تتزوج عليها ، بس بنظري انا ، انت الشمس يلي ضويتلي عتمة ايامي ، صارت حياتي الها معنى بعد ما تزوجنا ، نهاد اختارت تتركك لانك تزوجت بس بالنسبة الي لو تتزوج غيري مستحيل اتركك او اتخلى عنك .
سليم : لهالدرجة بتحبيني ؟
ياسمين : انت كل دنيتي كيف ما بدي حبك هيك ؟ تأكد لو بتطلب مني موت بموت حالي هلأ و بدون ما ناقشك .
سليم : بعيد الشر عنك .
ياسمين : قلي هلأ وين بناتك ؟ تاركهن بالبيت لحالهن ؟
سليم : لا اجا ابو نهاد اخدهن يشوفو امهن و رح يرجعهن اليوم .
ياسمين : يعني نهاد ما بدها البنات يعيشو معها ؟
سليم : يلي فهمتو انو ابوها ما بدو ياهن يعيشو عندو .
ياسمين : طيب انت حاولت تحاكيها لنهاد ؟ جربت تصالحها ؟
سليم : لساتو الخبر جديد عليها لو حاولت حاكيها ما رح ترد .
ياسمين : بناتك ما خبرتهن انك متزوج ؟
سليم : اكيد امهن بتكون خبرتهن .
ياسمين : سليم ما تشيل هم شي ، اذا نهاد و ابوها ما بدهن البنات انا بدي ياهن ، انا بحطهن بعيوني و مستعدة اعمل أيا شي لرجعلك السعادة الك و لبناتي .
سليم : بناتك ؟
ياسمين : اي بناتي .

*استغربت من كلام ياسمين ، وحدة غيرها بتطلب اني اترك البنات مع امهن ، صرت اسأل حالي يا ترى ياسمين صادقة بكلامها ولا بس عم تحكي هيك ليزيد حبي الها ... ؟!
________________________________________
#بقلم_فتاة_من_ورق_بسمه_السباعي

غسان : اختيارك للموتور كان موفق ، هاد من احسن النوعيات .
أوس : اي عملت بحث عن كل الانواع لهيك اخترت هاد .
غسان : يوم الجمعة رح سوقو و بلش علمك عليه .
أوس : ليش انت بتعرف تسوق موتور بابا ؟
غسان : ههههه اي طبعا بعرف ، فيك تقول ضليت 7 سنين عالموتور .
أوس : اول مرة بتحكيلي شي عن حياتك .
غسان : انا كنت متلك ، هلأ بشد عليك و بحقق كل طلباتك لاني بشوف حالي فيك ، انت كتير بتذكرني بحالي .
أوس : ناطر يوم الجمعة بفارغ الصبر لشوفك عالموتور .
غسان : بس ما تنسى وعدك الي .
أوس : اكيد مستحيل انسى .
________________________________________
#بقلم_فتاة_من_ورق_بسمه_السباعي

ياسمين : حبيبي صار لازم تروح عالبيت قبل ما يرجعو البنات .
سليم : ما حابب اتركك .
ياسمين : هلأ نهاد صارت تعرف و لما يعرفو البنات وقتها ماعاد في سبب نضل بعاد عن بعض ، يا بتجي بتعيش هون انت و البنات يا اما انا بجي بعيش معكن .
سليم : ان شاء الله .
ياسمين : انا طبخت بامية مشان تاخدها معك تتغداها انت و البنات .
سليم : اليوم جبتلهن غدا جاهز .
ياسمين : هي اخر مرة بتجيب غدا جاهز انا كل يوم بطبخلكن بتجي بتاخد الطبخة من عندي قبل ما يرجعو البنات من المدرسة .
سليم : الله يرضى عليكي .
ياسمين : ومع هيك هلأ خود البامية معك تعشى منها انت و البنات .
سليم : يسلم ايديكي .
ياسمين : الله يسلمك وما يحرمني منك .

*طلعت من البيت بس قلبي ضل عند ياسمين .. كلماتها كانت ساحرة و حبها واضح من عيونها .. كيف هالمرة قدرت تأثر فيني بهالشكل ...؟!
________________________________________
#بقلم_فتاة_من_ورق_بسمه_السباعي

ابو سهيل : يلا جدو روحو لبسو جواكيتكن مشان ترجعو عالبيت .
رنيم : لا خلينا نضل مع الماما او خلي الماما ترجع معنا .
ريما : اي ماما ارجعي معنا انتي صرتي منيحة .
ابو سهيل : الله يجيبك يا طولة البال .
نهاد : لا حبيباتي ما رح تبقو هون وانا ما رح روح معكن ، البسو جواكيتكن و اسمعو كلام جدو .
رنيم : ليش ما بدك يانا ؟
نهاد : حبيبتي بدي ياكن بس حرام البابا يضل لحالو مو ؟
ابو سهيل : انا ناطركن بالسيارة ما تتأخرو .
ريما : حاضر جدو .

*بوسنا أمي و طلعنا لعند جدي .. طول الطريق ساكتين انا و رنيم و عم نتطلع من الشباك .. يمكن هي حاسة متل ما انا حاسة انو امي ماعاد بدها تكون معنا .. او يمكن بدها ترتاح مننا...

#بقلم_فتاة_

من_ورق_بسمه_السباعي

ابو سهيل : يلا جدو انزلو وصلنا .
ريما : شكرا جدو .
ابو سهيل : عفوا .
رنيم : باي جدو .
ابو سهيل : الله معكن .

*مسكت ايد رنيم و طلعنا عالبيت...

رنيم : ليش ماما ما بدها يانا نبقى معها ؟
ريما : صدقيني ما بعرف شي .

*دقينا الباب و فتحلنا ابي...

سليم : اهلا و سهلا بأميراتي الحلوات .
ريما : طولنا عليك بابا ؟
سليم : اي طولتو و اشتقتلكن كتير .
رنيم : ونحنا اشتقنالك .
ريما : شو هي الريحة ؟
سليم : هي ريحة بامية ، فوتو بدلو تيابكن مشان نتعشاها .
ريما : اكلتي المفضلة مين طبخها ؟
سليم : انا طبختها .
ريما : انت بتعرف تطبخ ؟
سليم : اي طبعا بعرف .
ريما : رح بدل تيابي بسرعة لاني جوعانة كتير .

*توقعت البنات يكونو زعلانين مني بس هالشي ما صار ، معقول تقبلو فكرة اني تزوجت على امهن بهالبساطة ؟؟

#بقلم_فتاة_من_ورق_بسمه_السباعي

رنيم : ممممم كتير طيبة طلعت شاطر بالطبخ بابا .
ريما : الشيف سليم ههههه
سليم : هههههه ، خبروني كيف كان يومكن مع الماما ؟
ريما : كانت طول الوقت زعلانة لأن راسها عم يوجعها .
رنيم : اي وما قبلت انو ترجع معنا و ما سمحتلنا نبقى عندها .
ريما : وكان جدو معصب .
سليم : ما حكولكن شي ؟
ريما : لا ابداً شو بدهن يحكو ؟ اصلا امي كانت عم تبتسملنا بس و عيونها منفخين .
رنيم : انا حسيت انو امي بطلت تحبنا .

*تفاجأت انو نهاد ما خبرت البنات بشي ، قررت انا خبرهن لحتى اقدر جيب ياسمين تعيش معنا ...

سليم : بابا انا بدي خبركن بشي بتمنى تفهموني وما تزعلو مني .
ريما : احكي بابا .
سليم : من كم شهر تعرفت على بنت فقيرة و يتيمة ما عندها لا اب ولا ام ولا حتى اخوة .
رنيم : يا حرام .
سليم : انا زعلت على هي البنت و خبرت امكن اني كل يوم رح وديلها اكل و مصاري .
رنيم : انت احسن اب بالدنيا .
سليم : صرت كل يوم وديلها اكل على باب بيتها و اعطيها مصاري و روح ، بيوم من الايام شافني شيخ الجامع يلي بحارة هالبنت و سألني انت بتقربها قلتلو لا انا غريب عم ساعدها ، قلي انت لازم تتزوجها لهالبنت لحتى الناس ما تحكي عليها لانك غريب ، فكرت و فكرت و عرفت انو كلام هالشيخ صح ، و تزوجتها .
رنيم : بس نحنا ولا مرة شفناها .
سليم : اي ما شفتوها لاني كنت خايف تزعلو ، خبرت امكن ولما عرفت زعلت مني ، وانا ما بقدر طلقها لانو هي وحيدة ومافي حدا يوقف جنبها و كمان هي حامل يعني رح يصير عندكن اخ او اخت عن قريب .
ريما : يعني مشان هيك امي راحت على بيت جدو و ماعاد بدها ترجع ؟
سليم : اي .
ريما : اديش عمرها البنت ؟
سليم : 27 سنة .
ريما : اي هي مو صغيرة كانت بتقدر تشتغل و تصرف على حالها وما تحتاج حدا .
سليم : معك حق بس هي ما دارسة شي و كل ما تروح بدها تتوظف يقلعوها .
رنيم : يعني هلأ انت متزوج وحدة تانية غير ماما ؟
سليم : اي ، بس اذا هالشي بيزعلكن بطلقها و بترجع فقيرة و وحيدة ما الها حدا .
رنيم : لا بابا حرام ، خليها تجي تعيش معنا و تجي الماما و يتعرفو على بعض يمكن يحبو بعض .
سليم : ان شاء الله ، شو ريما ليش ساكته ؟
ريما : بابا انا خايفة .
سليم : من شو حبيبتي ؟
ريما : خايفة هي المرة تعذبنا اذا اجت عاشت معنا و خايفة ماما تضل بعيدة عننا .
سليم : لا تخافي حبيبتي هي ما بتعذب حدا ايمت ما بتحبو بخليكن تتعرفو عليها و اذا ما حبيتوها او عذبتكن بطلقها متل ما قلتلكن .
رنيم : بكرا بدنا نتعرف عليها بابا .
سليم : اي من عيوني ، وانتي ريما حابة تتعرفي عليها بكرا ؟
ريما : انا بدي فكر هلأ .
سليم : اي فكري على راحتك المهم اميراتي الحلوات ما يزعلو .

#بقلم_فتاة_من_ورق_بسمه_السباعي

*رحت على تختي ما عرفت نام من التفكير .. كيف رح تكون هي المرة الجديدة ؟ وليش امي بعدتنا عنها و بعدت عننا بسبب زواج ابي مع انها بتعرف انو المرة فقيرة وما الها حدا .. ليش امي تركتنا كان فيها تطلب من ابي انها ما تشوف مرتو طول حياتها وتضل معنا ، معقول امي ما بتحبنا ؟؟؟
________________________________________
#بقلم_فتاة_من_ورق_بسمه_السباعي

*باليوم التاني رحنا على المدرسة .. كان الدوام عادي متل كل يوم .. ولما رجعنا عالبيت دقينا الباب فتحتلنا مرت ابي....

ياسمين : اهلا و سهلا ، تفضلو يا اميرات .
رنيم : مرحبا .
ياسمين : اهلين حبيبتي تعالي بوسك .
سليم : بعرفكن على خالتكن ياسمين امكن التانية ، ياسمين بعرفك هي ريما و هي رنيم .
ياسمين : اهلا يا ريما كيفك حبيبتي .

*ابتسمتلي ياسمين بلطف و مدت ايدها لتسلم عليي..تطلعت فيها و بعد لحظات مديت ايدي و سلمت ...

ياسمين : انتي يلي صفك تاسع ؟
ريما : اي .
ياسمين : مبين عليكي شطورة و انا متأكدة انك رح تنجحي و تجيبي علامات عالية .
ريما : ان شاء الله .
ياسمين : وانتي الحلوة رنيم يلي صفها سابع صح ؟
رنيم : اي .
ياسمين : يا حبيبتي ما احلاكي اكيد انتي شاطرة متل اختك .
رنيم : اي انا بتعلم منها .
ياسمين : الله يحميكم ، انا حضرتلكن الغدا بتحبو تبدلو تيابكن و تتغدو ولا بتحبو هلأ تتغدو ؟
ريما :

نحنا متعودين نبدل تيابنا و نتغدا .
ياسمين : يلا انا ناطرتكن .

#بقلم_فتاة_من_ورق_بسمه_السباعي

سليم : ما توقعت تكون هيك ردة فعلهن معك خصوصي انو ما اخدت موافقة ريما بانها تتعرف عليكي ، طلع اصرارك على استقبالهن بمحلو .
ياسمين : بوعدك طول ما انا بحياتك نعيش باستقرار و حب و دفا .
سليم : ان شاء الله .
________________________________________
#بقلم_فتاة_من_ورق_بسمه_السباعي

*كالعادة قعدنا حوالي سفرة الغدا .. كنت شارد وعم حرك الاكل بملعقتي...

غسان : جواد .
جواد : نعم بابا .
غسان : ليش ماعم تاكل ؟
جواد : بصراحة مو جوعان .
غسان : صاير معك شي اليوم بالمدرسة ؟
جواد : لا ابداً .
أوس : كان يومنا هادي و طبيعي .
غسان : اي الحمدلله .
يسرى : صحيح غسان عنجد يوم الجمعة بدك تسوق الموتور و تعلم أوس ؟
غسان : اي صحيح .
جواد : مو على اساس ليطالع شهادة سواقة اول ؟
غسان : رح علمو هلأ بس ما رح اسمحلو يسوق لحالو لحتى يطالع الشهادة و بعدو انت ان شاء الله .
جواد : انا ما بحب الموتورات .
غسان : شو بتحب لكن ؟
جواد : ما بحب شي .
يسرى : جواد شبك ؟
جواد : ولا شي ، من بعد اذنكم انا طالع على غرفتي .
غسان : الله معك .

#بقلم_فتاة_من_ورق_بسمه_السباعي

*طلعت على غرفتي ، وقفت عند الشباك و صرت اتفرج على موتور أوس....

جواد : مشتهي احرق هالموتور او احرق حالي ، يا ريتني مكانك يا أوس .
________________________________________
#بقلم_فتاة_من_ورق_بسمه_السباعي

ياسمين : عجبكن الاكل ؟
رنيم : اي عجبنا .
ريما : طبخ امي اطيب .
ياسمين : صحة و هنا ، اكيد حبيباتي مافي اطيب من طبخ الام ، يا ريت امي عايشة و تطبخلي .
ريما : الله يرحمها ، بابا .
سليم : نعم .
ريما : انا نسيت خبرك مبارح ، لازم سجل بمعهد لاني بحاجة لدروس رياضيات .
سليم : اصبري عليي شوي حبيبتي بوعدك اول ما يصير معي كم ليرة رح سجلك .
ريما : بس رفقاتي رح يوصلو لنص الكتاب خايفة ما لحق .
ياسمين : ما تخافي حبيبتي انا مخباية كم ليرة رح اعطيكي ياهن لتسجلي .
ريما : لا خالة تسلمي البابا بيعطيني .
ياسمين : شو هالحكي حبيبتي اصلا المصاري يلي معي من ابوكي ، ابوكي ساعدني و وقف جنبي كتير و هلأ اجا الوقت لساعدو انا ، اقبليهن مني و اعتبريهن هدية .

*تطلعت بأبي و انا مستغربة ، غمزني و هز براسو بمعنى (اي)....

ريما : شكرا خالة .
ياسمين : لا تشكريني حبيبتي هاد واجبي .

*قعدنا مع ياسمين و تعرفنا عليها ما بنكر اننا استلطفناها .. بس بنفس الوقت ما حبيناها .. بعد ساعتين اجا جدي و اخدنا لعند امي ....

#بقلم_فتاة_من_ورق_بسمه_السباعي

رنيم : اشتقتلك ماما .
ريما : ماعم نعرف ننام لانك ما معنا .
نهاد : وانا اشتقتلكن يا روحي ، كيف كان دوامكن ؟
ريما : منيح .
رنيم : اليوم المعلمة عطتنا برنامج امتحانات الشهر الاول .
نهاد : اعطيني خليني شوفو .
ريما : ماما ايمتا رح ترجعي عالبيت ؟
نهاد : ما رح ارجع .
ريما : ليش لأنو ابي تزوج المرة الفقيرة الوحيدة ؟
رنيم : ماما والله هي حبابة كتير .
ريما : ما كان لازم تتركينا ابي خبرك بقصتها من زمان ، نحنا شو ذنبنا تتركينا ؟
نهاد : خبركن بالقصة ابوكن ؟
ريما : اي خبرنا انو هو انجبر يتزوجها لانها فقيرة و وحيدة وما الها حدا .
رنيم : كمان قلنا انو شيخ حارتها قلو يتزوجها لحتى الناس ما تحكي عليها لانو ابي غريب .

*تفاجأت كيف لعب بعقل البنات بهالبساطة و حكالهن قصة بتخالف القصة الحقيقية تماماً ليكسب حبهن ... تطلعت فيهن ما قدرت احكي ولا حرف و كأنو ارتبط لساني ....

ريما : ماما بترجاكي ارجعي معنا لا تتركينا بس لأنو ابي تزوج .
رنيم : صرت فكر انك ما بتحبينا نحنا شو دخلنا تتركينا اذا ابي تزوج ؟

*شفت العتب و اللوم بعيون بناتي .. نزلو دموعي و بقيت ساكته .. حاولت احكي بس ما طلع صوتي ما بعرف ليش ...

ريما : رح تضلي ساكته ؟
رنيم : احكيلنا ايا شي ماما .

*قمت من مكاني و رحت على غرفتي تسطحت على تختي وضلت دموعي عم تنزل .. صرت قول لحالي دافعي عن حالك خبريهن بالقصة الحقيقية ، خبريهن انك تطلقتي لتحفظي كرامتك ، خبريهن انو جدهن هو يلي ما بدو ياهن مو انتي ، احكي يا نهاد وين راح صوتك احكيييي ....

#بقلم_فتاة_من_ورق_بسمه_السباعي

ريما : جدو ليش هيك امي عم تعمل ؟
ابو سهيل : البسو جواكيتكن انتي و اختك يلا بدي رجعكن عالبيت .
رنيم : بس هلأ اجينا .
ابو سهيل : قلت البسو يلا .
ريما : البسي رنيم ما تخلي جدو يعصب .

*رجعنا عالبيت و حاملين معنا الف اشارة استفهام ...
________________________________________
#بقلم_فتاة_من_ورق_بسمه_السباعي

كريم : بتعرفي سناء اشتقت لبنات اخي كتير النا زمان ما زرناهن .
سناء : اي والله .
كريم : قومي خلينا نروح نزورهن نتطمن عليهن .
سناء : اتصل بأخوك شوفهن اذا بالبيت لبين ما روح جهز حالي .
كريم : طيب بس استعجلي ما بدي ضل ناطرك 5 ساعات .

*مسكت تلفوني و اتصلت بأخي...

********************************

****
سليم : الو .
كريم : كيفك اخي .
سليم : اهلين اخي كيفك انت شو اخبارك .
كريم : عايش والله من البيت للشغل .
سليم : الله يقويك ، حقك على راسي اخي انا مقصر بحقك بس والله حياتي مقلوبة قلب .
كريم : ان شاء الله خير ، انتو بالبيت ؟
سليم : اي بالبيت .
كريم : شي ساعة و منكون عندكن انا و سناء .
سليم : اهلا و سهلا فيكن .
****************************************
#بقلم_فتاة_من_ورق_بسمه_السباعي

ياسمين : لمين عم تقول اهلا و سهلا ؟؟
سليم : هاد اخي الكبير كريم بدو يجي يزورنا هو و مرتو .
ياسمين : اليوم ؟؟
سليم : اي بعد ساعة .
ريما : شو بابا عمو كريم جاي ؟
سليم : اي حبيبتي .
ريما : هيييي والله اشتقنالو كتيييير رح روح رتب حالي .
رنيم : اي وانا كمان .
ياسمين : كأنو البنات بيحبو اخوك كتير ؟
سليم : اي بيحبوه كتير لانو هو بيحبهن .
ياسمين : طيب شو بدك تقلو مشان موضوعنا ؟
سليم : رح احكيلو الحقيقة .
ياسمين : اذا بدك انا ببقى بالغرفة ليروحو .
سليم : ياسمين انتي مرتي و حاملة ابني ببطنك صار لازم اهلي يتعرفو عليكي و اتباها فيكي بين اهلي .
ياسمين : بس ماضيي
سليم : هسسسس ولا كلمة ماضيكي احترق وصار رماد ، واكبر دليل انو نهاد ما حكت شي للبنات ، وبالنسبة لأهلي رح احكيلهن نفس القصة يلي حكيتها للبنات .
ياسمين : واذا ما صدقو ؟
سليم : ما بيهمني المهم نبقى سوا طول العمر .
ياسمين : الله لا يحرمني منك .
________________________________________
#بقلم_فتاة_من_ورق_بسمه_السباعي

ابو سهيل : ليش ضليتي ساكته ؟ ليش ما خبرتيهن الحقيقة ؟؟
نهاد :.......
ابو سهيل : لك احكي ليش ساكته ؟

*ما كنت عم اقدر رد على ابي .. عم يعاتبني و يحاسبني على شي مو بإيدي .. ضليت عم ابكي و اسمعو بدون ما رد ....

ابو سهيل : يا بنتي بترجاكي احكي شي كلمة .
نهاد :......
ابو سهيل : لا حول ولا قوة الا بالله .. طيب متل ما بدك لا تحكي شي ، والبنات ما رح جيبهن لحتى تحكي و تطلبي مني جيبهن ، تصبحي على خير .
________________________________________
#بقلم_فتاة_من_ورق_بسمه_السباعي

*وصل عمي لعنا .. ركضنا انا و اختي رنيم و حضناه .. كانت سعادتنا ما بتنوصف لانو من زمان ما شفناه ...

سليم : اهلا و سهلا اخي .
كريم : والله يا اخي انا زعلان منك ، اذا الحياة شاغلتك شو ذنبي تحرمني من البنات وانت بتعرف الله ما رزقني بنات ؟
سليم : حقك على راسي اخي ما بعرف كيف نسيت ، تفضلو .. تفضلي مرت اخي .
سناء : الله يزيد فضلك .

*كنت واقفة بالمطبخ و متوترة كيف بدي اتعرف على أهل سليم .. حملت صينية العصير اخدت نفس و طلعت ...

ياسمين : اهلا و سهلا فيكن شرفتونا .
سليم : بعرفكن على مرتي ياسمين .
كريم : شو ؟؟ مرتك ؟؟
سناء : ليش وين نهاد ؟؟
سليم : ياسمين خدي البنات و روحو شوي .
ياسمين : امرك .

#بقلم_فتاة_من_ورق_بسمه_السباعي

كريم : فهمني شو صاير ؟
*بلشت احكي لأخي نفس القصة يلي حكيتها لبناتي .. كانت علامات الصدمة واضحة على وجه اخي و مرتو ...

سليم : وهلأ يلي صار صار ، لا نهاد بدها ترجع ولا انا عاد بدي رجعها .
كريم : لك شو عم تخبص انت ؟ مفكر هي القصة رح صدقها ؟ انت في شي بينك وبين المخلوقة انا متأكد ، و نهاد بدها ترجع على بيتها غصب عنك .
سليم : اخي هي حياتي انا ، وانا يلي اخترت ياسمين و نهاد هي يلي اختارت الطلاق ، اتركني كمل حياتي على راحتي انا ما عاد ولد صغير .
كريم : قومي سناء خلينا نرجع عالبيت .
سناء : يلا حاضر .
سليم : اخي هي حياتي ليش عم تحاسبني هيك ؟
كريم : ما هامك غير حياتك و نسيت بناتك ؟
سليم : بناتي تقبلو ياسمين بكل حب ، لو سمحت تقعد شوي و تروق و تتعرفو على مرتي ، يا اخي انت لو تزوجت انا ما رح اتدخل فيك و حاسبك .
كريم : انا ما بتزوج على مرتي بعد كل هالسنين .
سليم : ماشي اخي انتو كلكن انبياء ومافي منكن بس ما رح اسمحلكن تدخلو بحياتي لهون وبس ، نهاد ما رح رجعها و ياسمين ما رح اتخلى عنها .
كريم : انا رح امشي هلأ و بكرا بدي شوفك عم تفهم.. بدي شوفك .
سليم : ان شاء الله .
________________________________________
#بقلم_فتاة_من_ورق_بسمه_السباعي

*طلعت من بيت اخي سليم معصب و متوتر ركبت بالسيارة ومشيت...

سناء : طول بالك حبيبي هو حر بحياتو .
كريم : خرب حياتو وعم تقولي حر ؟
سناء : انت شو يلي زاعجك ؟
كريم : يلي زاعجني انو نهاد بنت اصل ومستحيل تطلب الطلاق لهاد السبب انا متأكد في شي مخبيه سليم عني و لازم اعرف شو هالشي .
سناء : بتعرف انا كمان هيك حسيت و هالشي خلاني خاف على البنات .
كريم : من شو ؟
سناء : خايفة تتمقطع فيهن هي المخلوقة يلي مو معروفة من وين .
كريم : ما بتسترجي ما تخافي .
سناء : كريم انا و انت منحب ريما كتير صح .
كريم : اي صح .
سناء : لهيك صار الوقت انو نخطبها لابننا شادي .

#يتبع
#بقلم_فتاة_من_ورق_بسمه_السباعي

#إمسك_يدي
#الجزء_السادس
#بقلم_فتاة_من_ورق_بسمه_السباعي

*رجعت عالبيت معصب و متوتر من نهاد .. دخلت على غرفتي و سكرت الباب ...

ريما : شبو البابا ؟
ياسمين : ما بعرف رايحة شوفو .

*دقيت الباب دقات خفيفة و فتحت...

ياسمين : سليم شبك ؟
سليم : اطلعي برات الغرفة هلأ .
ياسمين : شو صايرلك ؟ ليش هيك معصب حبيبي ؟ وين كنت ومين شفت لحتى هيك صايرة حالتك ؟
سليم : ياسمين قلتلك اطلعي برات الغرفة .
ياسمين : ما رح اطلع لإتطمن انك صرت منيح ، مستحيل اتركك بهي الحالة حبيبي خبرني شبك ؟
سليم : ماعاد بدي اسمع اسم الكلبة نهاد .
ياسمين : ليش شو صاير ؟
سليم : اخدت باقة ورد و رحت لحتى صالحها ...

*لما سمعت هالكم كلمة من سليم حسيت النار شعلت بقلبي ، معقول لسا رايح تصالحها وانا يلي فكرت حالي نسيتك ياها ؟

سليم : ياسمين انا مصدوم منها نهاد بحياتها ما رفعت صوتها بوجهي من وين اجتها هالقوة لحتى تتصرف هيك ؟!

*سمعت اول كلامو و نهاية كلامو ما بعرف شو يلي صار بالزبط بس يلي بعرفو هلأ اني لازم امسك حالي لحتى ما اهدم كلشي بنيتو .

ياسمين : اهدى يا روحي ما بدي يصرلك شي بسببها ، نهاد صفحة و انطوت ، دفتر عتيق و انحرق ما بدي أي تصرف منها يعكرك ، انت عملت يلي عليك قدام ربنا حاولت تصالحها و هي ما قبلت ، هلأ كمل حياتك بسعادة و راحة بال و خلينا عم ننتظر ابننا يلي جاي عالطريق .
سليم : لولاكي كنت جنيت .
ياسمين : بعيد الشر عن قلبك .
سليم : كيفو ابننا ؟
ياسمين : هههه منيح اليوم اشتقلك متلي صار يدفش .
سليم : يارب يجي بخير و سلامة .
ياسمين : آمين .
سليم : رح اتصل بأخي كريم خبرو باللي صار مشان ما يرجع يتدخل بحياتي .
ياسمين : خود راحتك ، انا رايحة اعملك كاسة عصير مشان تروق .
سليم : يسلم ايديكي .

#بقلم_فتاة_من_ورق_بسمه_السباعي

رنيم : ريما .
ريما : نعم .
رنيم : اشتقت لأمي .
ريما : وانا كمان .
رنيم : ليش اليوم ما اجا جدو اخدنا نشوفها ؟
ريما : ما بعرف .
رنيم : يمكن هي ماعاد تحبنا او ماعاد بدها يانا .
ريما : لا حبيبتي ما تقولي هيك .

*قربت من اختي و حضنتها .. لأول مرة بحس حالي كبرت ، حسيت حالي لازم اهتم بأختي اكتر اعطيها الحنان و الحب و الدفا .. حضنتها و انا عم اسأل حالي معقول امي ماعاد تحبنا ...؟!
________________________________________
#بقلم_فتاة_من_ورق_بسمه_السباعي

سناء : مين كان عم يحكيك ؟
كريم : اخي سليم .
سناء : ردلك خبر مشان نخطب ريما ؟
كريم : لا عم يحكيلي شو صار بينو و بين نهاد .
سناء : رجعو لبعض ؟
كريم : يا ريت ، بعدو عن بعض اكتر و اكتر ، راح ليصالحها رمت بخلقتو باقة الورد و قلعتو .
سناء : اوف معقول نهاد تتصرف هيك تصرف ؟
كريم : حياتها انخربت بسبب مرة شو متوقعة منها .
سناء : الله يعينها و يكون معها .
كريم : المهم هلأ ، بكرا بتروحي بتزوريها و بتحاولي تخففي عنها و بتخبريها اني طلبت ريما لشادي و حتى لو طلبت نأجل الموضوع منأجلو بدون نقاش لانو المخلوقة تعبانة نفسيتها هالفترة .
سناء : من عيوني .
________________________________________
#بقلم_فتاة_من_ورق_بسمه_السباعي

جواد : شو أوس شايفك كل نهارك جنب هالموتور .
أوس : اي والله فرحان فيه ومو مصدق ايمتى يصير بكرا .
جواد : ليش شوفي بكرا ؟
أوس : رح نطلع رحلة و ابوك رح يسوق الموتور و يعلمني عليه .
جواد : اي منيح ، انا ما رح روح .
أوس : ليش ؟
جواد : عندي دراسة شو نسيان انو عندي تاسع السنة ولا امنت على حالك اخدت التاسع بأعلى العلامات .
أوس : اخي انت شو عم تحكي ؟ انا ما بفكر بهي الطريقة ، كل القصة اني حابب وجودك معنا نحنا عيلة وحدة .
جواد : اي بس اخلص من التاسع على خير منرجع عيلة وحدة .
أوس : الله يفرح قلبك اخي .

*حطيت ايدي على كتف اخي جواد وانا عم ابتسملو .. شال ايدي و دار وجهو ومشي...

أوس : الله يهديك .

*تطلعت من الشباك شفت العم تامر عم يسقي الشجر .. نزلت ركض لساعدو...

أوس : يعطيك العافية عمي تامر .
تامر : الله يعافيك يارب .
أوس : بشو ساعدك ؟
تامر : مافي شي تساعدني فيه
أوس : عم نعذبك معنا .
تامر : هاد واجبي .
أوس : لازمك شي عمي محتاج شي ؟
تامر : سلامتك الله يرضى عليك .

*بقيت واقف جنب العم تامر ، كنت ازعل عليه كتير لانو ما عندو اولاد و ما حدا عاطيه قيمة .. بس انا شفت فيه العم الحكيم يلي بيقدر يوقف جنب أيا انسان بهالدنيا ...
________________________________________
#بقلم_فتاة_من_ورق_بسمه_السباعي

نهاد : بابا .
ابو سهيل : عيونو .
نهاد : بدي شوف بناتي .
ابو سهيل : رح جبلك ياهن بس وعديني ما يصير فيكي متل هديك المرة لو شو ما سمعتي منهن .
نهاد : قصص سليم ماعاد تأثر فيني ، انا طفيت ناري لما قلعتو و هنتو ، هلأ صار الوقت ركز على حياتي و على بناتي .
ابو سهيل : الله يرضى عليكي ، رح بدل تيابي و روح جيبهن .
نهاد : الله لا يحرمني منك .

*لميت شعري و ربطتو .. دخلت على المطبخ و بلشت اعمل الكيك يلي بيحبوه بناتي...
__

__________________________________
#بقلم_فتاة_من_ورق_بسمه_السباعي

*سمعنا دقة الباب .. ركضنا انا و اختي رنيم و فتحنا..

رنيم : جدووو
ابو سهيل : حبيباتي بسرعة بدلو تيابكن و انزلو انا ناطركن بالسيارة ، امكن مشتاقتلكن و بدها تشوفكن .
ريما : ونحنا اشتقنالها كتير ، ثواني و مننزل جدو .

*من فرحتنا لبسنا جواكيتنا فوق البيجامات و نزلنا ركض .. استقبلتنا امي بابتسامة و بوجه بشوش .. صارت تضحكنا و خلتنا نزين الكيك يلي منحبو سوا متل ما تعودنا .. بنفس الوقت كانت واضحة نظرة الحزن يلي بعيون امي ... ضلينا سوا للساعة 9 بالليل ....

نهاد : بابا .
ابو سهيل : نعم ؟
نهاد : بكرا جمعة ، بتسمحلي نيم بناتي جنبي الليلة ؟ وبكرا الصبح بتوديهن .
ابو سهيل : اذا هالشي بيسعدك اكيد موافق .
نهاد : الله لا يحرمني منك .

*اخدت بناتي و فتنا على الغرفة ، تسطحت ريما على يميني و رنيم على يساري ، ضليت احكيلهن حكايات لحتى غفينا بدون ما نحس...

#بقلم_فتاة_من_ورق_بسمه_السباعي

ياسمين : تأخرو البنات كتير .
سليم : اكيد بيكونو نامو عند امهن .
ياسمين : الله لا يسامحو جدهن اديه قلبو قاسي ، كيف بيسمح لحالو يفرق ام عن اولادها .
سليم : من يوم يومو قلبو قاسي .
ياسمين : مو مهم المهم انو البنات بخير هلأ .
سليم : الحمدلله .
________________________________________
#بقلم_فتاة_من_ورق_بسمه_السباعي

*بصباح اليوم التاني...

*صحينا الصبح و حضرنا الفطور مع امي ، فطرنا و بعدها بلشت امي ترتبلنا شعرنا بكل حنية متل ما عودتنا ...

نهاد : يلا يا اميراتي روحو لبسو جواكيتكن مشان يوديكن جدكن لعند البابا هلأ بيكون اشتقلكن .
رنيم : اي حتى خالة ياسمين بتكون اشتاقتلنا .
ريما : اسكتي رنيم .
رنيم : اسفة .
نهاد : عادي حبيبتي احكي شو ما بدك ، من زمان اتفقنا ما بيصير الاولاد يخبو على امهن شي ، صح ؟
رنيم : اي صح مشان هيك انا حكيت .
نهاد : الله يرضى عليكن ، انتبهو على حالكن منيح .
ريما : حاضر .
________________________________________
#بقلم_فتاة_من_ورق_بسمه_السباعي

*اليوم اول مرة بصحى نشيط هالقد و حاسس بسعادة ما بتنوصف ، لبست بيجامة الرياضة و نزلت ...

أوس : صباح الخير .
غسان : صباح النور .
يسرى : شو سر هالنشاط ؟
أوس : اليوم احلى يوم بالنسبة الي ، ابي رح يعلمني سوق الموتور .
غسان : بس اهم شي ما ننسى الوعد .
أوس : اكيد .
جواد : صباح الخير .
غسان : صباح النور .
يسرى : يسعد صباحك حبيبي .
جواد : اليوم ما رح روح معكن ، بدي اكسب الوقت و ادرس كم درس احسن .
غسان : الله يرضى عليك هيك بدي ياك .
يسرى : الله يوفقك و ينولك مرادك .
جواد : آمين .

*جهزنا حالنا و طلعنا انا وابي و امي ...
________________________________________
#بقلم_فتاة_من_ورق_بسمه_السباعي

*خلصت ترتيب البيت و بلشت جهز الطبخة .. كنت شاردة و عم فكر باللي صار معي .. قطع تفكيري صوت جرس البيت...

نهاد : مين عند الباب ؟
سناء : افتحي نهاد انا سناء مرت كريم .

*ما بعرف ليش حسيت بسعادة لما سمعت صوتها .. يمكن لأنو سناء كانت بالنسبة الي متل الأخت مو بس السلفة و الرفيقة .. فتحت الباب و حضنتها ....

نهاد : اهلا و سهلا نورتيني .
سناء : يا قلبي انتي سامحيني لاني قصرت بحقك بس والله ما كنت بعرف .
نهاد : تفضلي سناء فوتي اكيد ما رح نضل نحكي عند الباب .

*جهزت كاستين شاي و دخلت لعند سناء...

نهاد : وهي كاسة شاي متل ما بتحبيها ، على فكرة انتي يلي حببتيني فيها .
سناء : يسلمو ايديكي والله و انا ماعاد حبيت الشاي الا من ايدك .
نهاد : خبريني كيفك و كيفو شادي ؟
سناء : كلنا مناح الحمدلله ، انا خجلانة منك كتير .
نهاد : ولا يهمك سناء ، بلا ما نرجع نفتح موضوعي ، قصتي مع سليم صفحة و انطوت .
سناء : كنت بتمنى ترجعو لبعض ، بس خلص طالما ما بدك افتح هالموضوع ما رح احكي فيه ابدا .
نهاد : شكرا .
سناء : على شو عم تشكريني الله يسامحك ، نهاد .
نهاد : نعم .
سناء : بصراحة من بعد يلي صار قررنا انا و كريم قرار .
نهاد : شو ؟
سناء : من بعد موافقتك طبعا ، نخطب ريما لشادي خلال هالفترة ، بعرف ريما لساتها صغيرة بس بالنهاية هنن لبعض و خير البر عاجل .
نهاد : بعرف بس ما فهمت شو دخل يلي صار بخطبة شادي و ريما ؟
سناء : بصراحة ما بدي هي الزفته يلي ما بتتسمى تزعج ريما بما انو ما رح يعيشو البنات عندك ، هيك انا بجيب ريما تعيش عندي من بعد ما تتزوج هي و شادي و انتي بتقنعي ابوكي تاخدي رنيم تعيش عندك احسن ما تبقى لحالها مع مرت الاب ، شو قلتي ؟
نهاد : بس ريما لساتها صغيرة .
سناء : وحياتك لحطها بعيوني ، ريما بنتي مو بس بنتك شو نسيتي انو ربينا ولادنا سوا ، بعدين انا بيحقلي افرح بابني الوحيد وانتي بيحقلك تفرحي ببنتك بعد كل هالحزن يلي مريتي فيه .
نهاد : الله يقدم يلي فيه الخير .
سناء : يعني موافقة ؟
نهاد : موافقة بس بشرط .
سناء : شو ؟
نهاد : ما منعمل الخطبة لبعد ما خلص عدة لانو متل ما ق

#إمسك_يدي
#الجزء_السابع
#بقلم_فتاة_من_ورق_بسمه_السباعي

*كنت طول الوقت راكض ورا أوس .. لحتى صار الحادث ، وقفت مصدوم ، انا صحيح كان بدي ياه يخلف الوعد لصير انا المفضل عند ابي بس ما كان بدي ياه يتعرض لحادث أبداً...

*نزل شب من السيارة و ركض لعند أوس ، بهي اللحظة خفت قرب ما خطر ببالي غير انو اتصل بأبي...

غسان : نعم جواد .
جواد : بابا أوس .
غسان : شبو أوس ؟
جواد : عمل حادث .
غسان : اعطيني مكان الحادث بسرعة مشان احكي مع الاسعاف .

*شرحت لأبي وين مكان الحادث ، سكرت التلفون و صرت امشي اتجاه أوس وانا متردد...

جواد : يارب ما يكون مات يارب .

*وصلت لعندو ، قعدت على ركبي عم اتأملو و مصدوم .. الشب صاحب السيارة تأكد انو أوس لساتو عايش و اتصل بالاسعاف .. بعد لحظات وصلو الاسعاف اخدو اخي و راحو .. بعدهم وصل ابي...

غسان : جواااااد .
*ركضت لعند ابي ركبت بسيارتو و لحقنا سيارة الاسعاف..كنت عم ارجف و حاسس بخوف ، يمكن لأنو انا السبب او يمكن لأني ما بدي اخسر أخي...تطلعت على ابي كان وجهو اصفر و عم يفك الكرافة بعصبية بدون ما يحكي شي....
________________________________________
#بقلم_فتاة_من_ورق_بسمه_السباعي

سناء : كريم .
كريم : امريني .
سناء : اليوم بدي انزل عالسوق اشتري تياب جديدة .
كريم : شو المناسبة ؟
سناء : شو نسيت اليوم بدنا نروح نطلب ريما من اخوك .
كريم : لا ما نسيت ، امسكي هدول المصاري جيبي تياب جديدة الك و لشادي و بطريقك جيبي هدية لريما .
سناء : الله يخليلنا ياك و يرزقك .
كريم : بدك شي غيرو ؟
سناء : بدي سلامتك ، الله يحميك .
________________________________________
#بقلم_فتاة_من_ورق_بسمه_السباعي

سليم : اليوم جاي اخي كريم و عيلتو مشان يطلبو ريما .
ياسمين : ايمتى عطيتهن الموافقة ؟
سليم : ما عطيتهن الموافقة ، مبارح بالليل اتصل فيني و خبرني انو رح يجي يطلبها اليوم .
ياسمين : اي وانت شو قررت ؟
سليم : اكيد ما رح قول لا ، بالنهاية شادي و ريما لبعض .
ياسمين : طيب اخدت رأي ريما بالموضوع ؟
سليم : لا هلأ رايح خبرها .
ياسمين : وانا رايحة جهز الفطور .
سليم : الله يعطيكي العافية .

#بقلم_فتاة_من_ورق_بسمه_السباعي

*كنت قاعدة بغرفتي و مسكرة الباب وعم احفظ دروسي .. اندق باب الغرفة دقة خفيفة...

ريما : تفضل .
سليم : صباح الخير حبيبتي .
ريما : صباح الورد بابا .
سليم : من أي ساعة اميرتي الحلوة صاحية عم تدرس ؟
ريما : من الساعة 5 الصبح .
سليم : الله يرضى عليكي و يفرحني فيكي .
ريما : آمين .
سليم : بنتي بدي احكي معك بموضوع .
ريما : احكي بابا عم اسمعك .
سليم : انتي هلأ صرتي صبية .. صبية حلوة كتير ، و صرتي قادرة تعتمدي على نفسك بكلشي .
ريما : اي .
سليم : لهيك اتصل فيني عمك و قلي
ريما : شو قلك بابا ؟
سليم : قلي بدو يطلب ايدك لشادي .

*انصدمت و حسيت بالخجل...ما كنت متوقعة اني انخطب هلأ...

سليم : ريما حبيبتي من لما اجيتي على هالدنيا و عمك قال ريما لشادي ، بس بالنهاية القرار لإلك اذا ما موافقة كلشي بيلتغى ، شو رأيك ؟
ريما :........
سليم : طيب لا تعطيني رأيك هلأ ، فكري على مهلك معك للمسا بتكوني اخدتي قرارك وشو ما كان قرارك انا موافق عليه .

*طلع ابي من الغرفة .. مشيت و تطلعت على حالي بالمراية .. ابتسمت ، حسيت حالي فرحانة و بنفس الوقت خايفة ، بتذكر شادي لما كان يلاعبني و يدللني و يهتم فيني ، بتذكر منيح كيف كان يضرب أيا حدا بيزعلني ، بتذكر انو كان كل عيد ميلاد لإلي يجبلي هدية و يقلي "اشتريتلك ياها من مصروفي" ...

ريما : بس دراستي و التاسع و مدرستي شو رح يصير فيهن ؟؟ و امي يلي ما بتعرف .

*طلعت من الغرفة ملهوفة ...

ريما : بابا .
سليم : نعم .
ريما : امي بتعرف ؟
سليم : اي بتعرف ، عمك خبرني انو سألوها و قالت انها موافقة .
ريما : و دراستي ؟
سليم : بتكمليها عادي .
رنيم : شوفي ؟
ريما : مافي شي .

*رجعت على غرفتي مسكت كتابي بس ما قدرت اقرأ ولا كلمة و انا عم فكر...
________________________________________
#بقلم_فتاة_من_ورق_بسمه_السباعي

*كنا عايشين انا و ابي على اعصابنا .. منمشي شوي و منرجع منقعد عالكراسي ناطرين أي خبر عن أوس المهم نتطمن عليه...

جواد : بابا تلفونك عم يرن .

****************************************
غسان : الو .
يسرى : وينك ؟ وين الاولاد ؟
غسان : نحنا بالمشفى .
يسرى : ليش شوفي ؟
غسان : رح ابعتلك اسم المشفى برسالة بس تجي بفهمك كلشي ما تتأخري ، سلام
****************************************

#بقلم_فتاة_من_ورق_بسمه_السباعي

ابو سهيل : مين عالتلفون ؟
نهاد : هي سناء عم تخبرني انو اليوم رايحين يطلبو ريما .
ابو سهيل : ما توقعتك تقبلي تزوجيها هلأ .
نهاد : بابا انا ماعم زوجها لغريب ، شادي ابن عمها ربيو سوا و سناء و كريم كتير بيحبو بناتي و بيحنو عليهن يعني انا رح كون متطمنة عليها عندهن احسن ما تعيش تحت رحمة مرت الأب ، و الأهم م

ن كل هاد انا ماعاد عندي طاقة لإهتم بحدا ، حاسة حالي تعبانة كتير بابا .
ابو سهيل : سلامتك يا بنتي شو هالحكي لسا كل عمرك 38 سنة شو بقول انا ؟
نهاد : العمر مجرد رقم ، المواقف هي يلي بتكبرنا او بتخلينا محافظين على شبابنا ، حبي لسليم ما كان بينوصف لهيك اجتني الصدمة منو كبيرة كتير .
ابو سهيل : وحبي لأمك ما كان بينوصف ، تركتني و راحت و لهلأ ما قدرت روح لعندها .
نهاد : بعيد الشر عن قلبك ما تحكي هيك انا ما الي غيرك .
ابو سهيل : معناها بدي ياكي تقوي حالك متل ما انا قويت حالي ، متل ما انا عايش مشانك و مشان اخوكي انتي لازم تعيشي مشان بناتك .
نهاد : من بعد يلي صار معي اذا بدي عيش كرمال حدا هو كرمالك انت و اخي بس .
ابو سهيل : و بناتك ؟
نهاد : بناتي بحبهن كتير بس قدرو يعيشو بدوني و يتقبلو مرت ابوهن ، اما انت وقفت معي و كرهت سليم كرمالي ، كان همك ارجع طبيعية ، وسهيل كان همو ارجع انطق ، انتو التنين يلي فكرتو فيني انا بينما بناتي و سليم فكرو بحالن ، ليش الحياة مو عادلة ؟؟ ليش منترك اهلنا لنروح نربي ولادنا و اخر شي ما بيكون حب ولادنا متل حب اهلنا النا ؟؟
ابو سهيل : هي سنة الحياة يا بنتي ، الولد بحاجة لحب الاب و الام بحاجة لإهتمامهن و عطفهن لو صار عمرو مية سنة ، و رب العالمين زرع بالاهل حب الاولاد و الاهتمام فيهن ليقدرو يربوهن بدون تعب و ملل وهيك بتستمر الحياة .
نهاد : بتعرف بابا لو الي خبر هيك رح يصير معي ما كنت تزوجت ، كنت بقيت جنبك و جنب امي الله يرحمها و ما بعدت عنكم ولا لحظة .
ابو سهيل : ما تزعلي يا بنتي ، انتي هلأ عم تعيشي اختبار من رب العالمين ليشوف صبرك (ان الله مع الصابرين) .
نهاد : والنعم بالله .
ابو سهيل : شو رأيك تجدديلنا القهوة لأنو هلأ بيجي سهيل .
نهاد : من عيوني .
________________________________________
#بقلم_فتاة_من_ورق_بسمه_السباعي

*وصلت عالمشفى بدون ما اعرف شو صاير .. تطلعت بغسان و سألتو بخوف ...

يسرى : ش شو شوفي ؟
غسان : أوس عمل حادث .
يسرى : مااات ؟
غسان : لا لا بعيد الشر هو بالعناية المشددة هلأ .
يسرى : ياربي شو هالمصيبة ايمتى صار هالشي ؟ وليش ما خبرتوني ؟
غسان : ايديي مربطة ما بعرف شو بدي اعمل .
يسرى : بدي شوف ابني .
غسان : مافيكي تشوفيه هلأ ليسمح الدكتور .
يسرى : ياربي تنجي ابني ياربي تقومو بالسلامة ياربي ما تختبرني فيه .
________________________________________
#بقلم_فتاة_من_ورق_بسمه_السباعي

ياسمين : وهيك منكون رتبنالها شعراتها للأميرة ريما .
ريما : شكرا .
ياسمين : العفو حبيبتي ولو .
رنيم : طيب وانا رتبيلي شعراتي كمان .
ياسمين : من عيوني .
ريما : خالة انتي شو رأيك ؟
ياسمين : بشو ؟
ريما : بموضوع خطبتي من شادي .
ياسمين : برأيي هو ابن عمك و اكيد بيحبك كتير لهيك بدو يخطبك من هلأ .
ريما : رح روح اتصل بأمي .
ياسمين : ليش لهلأ ما اتصلتي فيها ؟
ريما : لا .
ياسمين : ما بيصير كان لازم تتصلي من الصبح ، روحي اتصلي بسرعة قبل ما تزعل .
ريما : يلا رايحة .

*حكيت مع امي و خبرتها بكلشي صار معي .. بعد ساعة وصلو بيت عمي ، استقبلناهن كالعادة و سلمت عليهم بخجل .. لحتى وصلت لعند شادي...

شادي : اوووه الأميرة الحلوة كبرت و صارت احلى صبية بالعالم .
ريما : شكرا .
سناء : كتير حلوين شعراتك ريما مين رتبلك ياهن هيك ؟
ريما : خالتي ياسمين .
سناء : تعالي اقعدي جنبي .
ريما : حاضر .

كريم : المهم اخي اليوم انا اجيت لأطلب ايد ريما لشادي .
سليم : البنت بنتك اخي .
كريم : شو يا ريما موافقة على ابن عمك شادي ؟

*تطلعت بشادي ابتسملي بكل لطف ، نزلت راسي وانا خجلانة .

كريم : ما سمعتك علي صوتك عمي موافقة ؟

*هزيت براسي بمعنى اي ...

كريم : سمعونا الفاتحة على نية التوفيق .
سليم : صدق الله العظيم .
سناء : جبنالها للحلوة هدية ان شاء الله تعجبها .
ريما : شو هي ؟

*طالعت مرت عمي من العلبة سنسال و لبستني ياه ، تطلعت عليه كانت التعليقة على شكل فراشة ملونة .. حبيتو كتير حطيت ايدي عليه و ابتسمت....

كريم : عجبك عمي ؟
ريما : اي كتير يسلمو ايديكن .
رنيم : طيب و انا ؟
سناء : هههههه حبيبتي انتي .
كريم : اكيد ما نسيتك يا عمي تعالي لعندي .

*طالع عمي سنسال بيشبه سنسالي بس كانت التعليقة على شكل وردة لونها زهري .

كريم : عجبك ؟
رنيم : اي اي كتير عجبني شكرا عمو .
سليم : يسلم ايديك اخي .
كريم : ولو اخي هدول بناتي .
ياسمين : تعيش و تجيب ابو شادي .
كريم : الله يسلمك مرت اخي .

*كنت حاسة بسعادة ، كل شوي اتطلع على شادي لما يبتسملي اخجل و نزل راسي .. حسيت بدفا العيلة مرة تانية بس بنفس الوقت كان ناقصني وجود امي جنبي لشوفها فرحانة فيني و عيونها عم تضحك ...
________________________________________
#بقلم_فتاة_من_ورق_بسمه_السباعي

*بعد مرور 3 أيام...

غسان : طمني عن وضع ابني دكتور .
الدكتور : ما بقدر احكي شي ليصحى ، بس ما بخفيك انو في اصابة بالراس وهي يلي مخوف

خطبة بنتها ، اليوم بعتذر من ريما و بخبرها اني ما رح احضر .
سليم : بس انا بدي ياكي تكوني .
ياسمين : سليم ، نهاد بدها تفرح بخطبة بنتها انا مافي داعي اتواجد و اخرب الفرحة .
سليم : متل ما بدك .
________________________________________
#بقلم_فتاة_من_ورق_بسمه_السباعي

*ودعنا امي و رجعنا مع شادي عالبيت...

شادي : رنيم الحلوة .
رنيم : نعم ؟
شادي : معلش تنزلي ركض على البيت تجيبيلي مي انا ناطرك بالسيارة .
رنيم : اي حاضر ، باي .
شادي : باي .
ريما : انا كنت بجبلك .
شادي : مو مشان المي انا بدي احكي معك .
ريما : تفضل .
شادي : بدي تبطلي المدرسة و تخبري امك بدال الخطبة منعمل العرس .
ريما : بس خليني خلص التاسع .
شادي : اسمعيني ريما انا بحبك كتير و جهزتلك بيتنا متل ما بتحبي و بالنهاية رح تتركي الدراسة لهيك خلينا نعمل العرس .
ريما : عمو موافق ؟
شادي : شو بدك بعمو ؟ انا يلي رح صير زوجك و بتسمعي كلامي الي .
ريما : حاضر .
شادي : يعني العرس لما تخلص امك العدة ؟
ريما : اي .
شادي : بتعرفي اني بموت فيكي ؟
ريما : و انا .
شادي : جبتلك معي هدية اطلعي على البيت و افتحيها .
ريما : يسلمو .
شادي : يلا اطلعي عالبيت بسرعة .
ريما : باي .
شادي : باي .

#بقلم_فتاة_من_ورق_بسمه_السباعي
*طلعت على البيت ركض ...

رنيم : رح نزل المي لشادي و ارجع .
ريما : تعالي شادي راح .
رنيم : ما بدو مي ؟
ريما : لا .
رنيم : شو هي يلي بايدك ؟
ريما : هدية من شادي تعالي نفتحها .

*قعدت على تختي و فتحت العلبة ، كانت مليانة مكياج و عطورات ...

رنيم : يا الله شو حلوين ، اعطيني منهن .
ريما : لا انتي لساتك صغيرة مافي .
رنيم : الله يخليكي .
ريما : بس تنخطبي خطيبك بيجبلك هدول بدي خبيهن لبيتي .
رنيم : زعلت منك .
ريما : طيب خلص خدي هي الحمرة ، بتحطي منها بعرسي .
رنيم : و بالخطبة ؟؟
ريما : مافي خطبة .
رنيم : ليش ؟
ريما : لشو الخطبة خلص منعمل العرس وبس .

ياسمين : يا بنات .
ريما : نعم خالة .
ياسمين : تعالو ما شفتكن .
رنيم : اجينا .
ياسمين : معقول تفوتو عالبيت دغري تروحو على غرفتكن بدون ما تسلمو عليي ؟
رنيم : اي كنا عم نشوف الهدية يلي جابها شادي لريما .
ياسمين : مبروك حبيبتي .
ريما : الله يبارك فيكي .
رنيم : خالة هي ريما عم تقول ما بدها تعمل خطبة بسرعة عرس .
ريما : اي لأنو شادي هيك طلب مني .
ياسمين : اي حبيبتي عادي يعني الخطبة للتعارف وانتي بتعرفيه لابن عمك وتاني شي شادي اكيد بيحبك لحتى طلب يعمل العرس بدل الخطبة .
ريما : هيك رأيك ؟
ياسمين : طبعا .
ريما : طيب وينو البابا ؟
ياسمين : من ساعة راح على الشغل بلش شغل جديد مسائي .
ريما : الله يرزقو .
ياسمين : هلأ انا رايحة جهز حالي مشان نروح سوا على السوق لنشتري تياب البيبي .
رنيم : عنجد رح نروح معك ؟
ياسمين : اي اكيد جد حبيبتي نسيتو انو البيبي اخوكن ؟ ، يلا انا رايحة جهز حالي ما بتأخر .

#بقلم_فتاة_من_ورق_بسمه_السباعي

رنيم : ريما كأنو خالة ياسمين بتحبنا كتير ؟
ريما : عادي .
رنيم : كيف عادي يعني وحدة غيرها ما بتستنى لنرجع عالبيت لتشتري تياب اخونا .
ريما : يمكن هي ما بتحب تروح عالسوق لحالها ، ما ضروري تكون بتحبنا .
رنيم : لا بتحبنا و انا صرت حبها كمان .
ريما : على راحتك بس بالنسبة الي انا ما بحبها لانو امي ما بتحبها وامي تطلقت من ابي بسببها .
رنيم : بس ابوكي خبر امك وهي يلي ماعاد بدها تبقى معو .
ريما : خلص سكري هالسيرة اجت مرت ابوكي .
ياسمين : انا صرت جاهزة .

رحنا على السوق مشي .. كنا طول الوقت عم نحكي و نضحك .. بلشت حس ياسمين رفيقتنا مو مرت ابونا .. و قررت لازم اقنع اختي ريما تصير تحبها متل ما انا بحبها...
________________________________________
#بقلم_فتاة_من_ورق_بسمه_السباعي

شادي : الحمدلله .
سناء : بس ما اكلت شي .
شادي : مو جوعان باكل بعدين .
سناء : صحتين .
كريم : عطيت الهدية لبنت عمك ؟
شادي : اي بابا عطيتها ياها ، و قررت قرار بتمنى انو توافقوني عليه .
كريم : شو ؟
شادي : بابا انا برأيي نعمل العرس بدال الخطبة ، ريما بنت عمي بتعرفني و بعرفها لشو الخطبة ؟
كريم : مشان دراستها تاخد التاسع على الاقل .
شادي : بالنهاية هي رح تترك الدراسة ما رح تفرق ان اخدت الشهادة وان ما اخدتها .
سناء : بس انت ابني الوحيد بدي افرح بكل تفاصيل زواجك ، خطبتك و عرسك .
شادي : امي والله ما الها داعي الخطبة يعني الخطبة للتعارف وانا بعرف ريما .
كريم : شادي معو حق ، اليوم بحكي مع اخي و بخبرو وانتي احكي مع نهاد و خبريها .
سناء : يلي بدك ياه بيصير .
________________________________________
#بقلم_فتاة_من_ورق_بسمه_السباعي

*بعد مرور شهرين ...

*خلصت أمي العدة .. والكل وافق على قرار شادي .. بلشت حضر حالي للعرس .. كان باقي يومين لعرسي .. قررت اليوم نام ببيت ابي و بكرا نام عند امي لودعهن ...

ياسمين : هي آخر سهرة بتسهريها معنا .
ريما : هههه اكيد لا خالة بضل بج

ي انا و شادي بسهر معكن .
رنيم : اليوم اخر يوم بتنامي معي بالغرفة ، عرسك اجا بسرعة .
ريما : اي هيك بتصير الغرفة الك لحالك بتخربيها على كيفك .
رنيم : ههههه .
سليم : عم تضحكو بدوني .
ياسمين : اهلا و سهلا حبيبي ، عم نحضر العشا و نضحك ، روح بدل تيابك بيكون العشا جهز .
سليم : ليش عم تعذبي حالك انتي هلأ لازم تضلي مرتاحة ماعاد باقي شي لتولدي .
ياسمين : مافي عذاب ولا شي هي البنات عم يساعدوني .
ريما : الله يعطيك العافية بابا .
سليم : الله يعافيكي يا اميرة .
رنيم : شو جبت معك للأميرة الصغيرة ؟
سليم : اوف والله نسيت يا اميرتي الصغيرة سامحيني .

*اجتمعنا حوالي سفرة العشا .. و كملنا حكينا...

ريما : يعني معقول الخالة رح تولد و لهلأ ما اخترنا اسم لأخونا .
رنيم : اي والله كيف نسينا .
ياسمين : بتعرفو شو امنيتي .
سليم : شو ؟
ياسمين : امنيتي يجي بيشبه سليم نفس العيون و الملامح و نفس السمار ، مشان ضل غنيلو متل ما كنت غنيلك .
ريما : شو كنتي تغنيلو للبابا ؟
ياسمين : هالأسمر اللون .. هالأسمراني .. تعبان ياقلب خيو .. هواك رماني .. يابو عيون وساع .. حطيت بقلبي وجاع ...

*لما سمعت صوت ياسمين عم تغني .. تذكرت لما شفتها اول مرة كيف قدرت تسرق قلبي و عقلي بسرعة .. صرت ابتسم ...

رنيم : يا الله ما احلى صوتك خالة .
ريما : كملي كملي ليش وقفتي .
ياسمين : ههههه تعبت صاير نفسي قصير .
ريما : عنجد صوتك احلى صوت بسمعو بحياتي .
ياسمين : معقول ؟
سليم : ليش عم تقولي معقول ؟ يعني ما بتعرفي انو صوتك هو يلي سرق قلبي و عقلي ؟
ياسمين : يلا يا بنات ساعدوني نلم السفرة .
________________________________________
#بقلم_فتاة_من_ورق_بسمه_السباعي

*اليوم مضى شهرين وكم يوم على فقدان بصري .. ما قدرت اتأقلم ولا اتعود .. كانت حالتي النفسية عم تزيد سوء بدون ما حدا يحس او يعرف....

يسرى : الاصابة يلي براسو تعافت و لهلأ ما رجعلو بصرو .
غسان : انا قررت روح حط خبر اني بحاجة لقرنية ، بدي ابني يرجع يشوف مهما كلفني التمن .
يسرى : انا حاسة انو نفسيتو تعبانة حتى لو ماعم يحكي ، بس انا ام و بحس بإبني .
غسان : والله لو اضطريت بيع كل املاكي رح بيعهم المهم يرجع لطبيعتو .
يسرى : الله ييسر امرو .

#بقلم_فتاة_من_ورق_بسمه_السباعي

أوس : جواااد

*أول ما سمعت صوت اوس عم يناديلي ركضت لعندو .. كنت حاول نفذ كل طلباتو لحتى خفف من شعوري بالذنب شوي ...

جواد : نعم اخي .
أوس : اعطيني الكمان مو متذكر بأي مكان بالغرفة خبيتو اخر مرة .
جواد : حاضر .

*دورت عليه لحتى لقيتو ...

جواد : تفضل .
أوس : اشتقتو لعزفي صح ؟
جواد : اي والله اشتقنا كتير .

*لأني متعود على العزف ماكان هالشي صعب عليي .. كنت بدي خفف من قهري .. حملت الكمان و صرت اعزف ....

يسرى : شو هالصوت ؟
غسان : كأنو صوت الكمنجا تبعيت أوس .
يسرى : انا طالعة شوف .

*وصلت على غرفة أوس .. ما كنت عم صدق عيوني انو ابني بلش يرجع للحياة .. نطرتو لحتى خلص عزف و صفقتلو بكل قوتي....

يسرى : حبيبي ما بتتخيل اديه اشتقت لهالصوت .
غسان : من زمان كنت اعزفلنا و غيرلنا جو .
جواد : المفروض تكون استاذ بتعليم العزف على الكمان .
أوس : ههههه مو لهالدرجة .
يسرى : لهالدرجة و اكتر ، كلام جواد صحيح مية بالمية .
أوس : الله كريم .
________________________________________
#بقلم_فتاة_من_ورق_بسمه_السباعي

*مرو اليومين بسرعة كبيرة .. لبستني امي الفستان الابيض و رتبتلي شعري متل ما كانت حابة .. حتى هي اختارتلي الوان المكياج و مكيجتني .. كانت كل خطوة عم تعملها عم امسك ايدها و بوسها ....

ريما : سامحيني ماما اذا شي يوم زعلتك .
نهاد : انتي و اختك بعمركن ما زعلتوني الله لا يحرمني منكن .
ريما : اليوم لحتى حسيت بالفرحة لأنك جنبي ، يوم يلي طلبوني بيت عمي كنت حاسة بغصة و كلشي بنظري كان ناقص لأنك بعيدة عني .
نهاد : لا تفكري بهالشي هلأ بدي ياكي تكوني مبسوطة اليوم .
ريما : حاضر .
نهاد : وبدي منك تسمعي كلام شادي شو ما بيقلك ، واسرار بيتكن ممنوع حدا يعرف فيها ، واذا شي يوم تخانقتو لا سمح الله ما لازم حدا يعرف بهي الخناقة ابدا لأنو باللحظة يلي بدك تخبري فيها اهلك و اهلو اعرفي انو هي النهاية لزواجكن ، اهلي بعمرهن ما عرفو بخناقاتي مع ابوكي لحتى تطلقت .
ريما : امرك ماما .
نهاد : من اليوم شادي رح يصير زوجك و عيلتك وكلشي بحياتك ، الله يسعدكن حبيبتي .
ريما : ان شاء الله .

*كانت حفلة عرسي حلوة كتير متل ما تمنيت و اكتر .. بنهاية الحفلة ودعت اهلي و رحت على بيتنا انا و شادي....

#بقلم_فتاة_من_ورق_بسمه_السباعي

سليم : مبروك نهاد .
نهاد : مبروك الك .
سليم : بتحبي وصلك على البيت ؟
نهاد : لا ، هلأ بيجي ابي بياخدني .

سناء : مبروك سليم و نهاد .
سليم : الله يبارك فيكي مرت اخي و مبروك الكن كمان .
كريم : الله يبارك فيك اخي .
نهاد : الله يبارك فيكم ، الله يسعدهم و يهنيهم .
سناء : آمين يا رب .
نهاد : وصل

ابي .
رنيم : ماما خديني معك بدي نام عندك اليوم .
نهاد : امشي حبيبتي ، عن اذنكم .
سناء : اذنك معك .
سليم : الله معكن .

كريم : اخي كأنو شفتك عم تحكي مع نهاد طمني ان شاء الله رح ترجعو لبعض ؟
سليم : اخي هالشي مستحيل بتمنى ما ترجع تفتح هاد الموضوع ، تصبحو على خير .
كريم : وانت بخير .

________________________________________
#بقلم_فتاة_من_ورق_بسمه_السباعي

*دخلت على البيت سمعت صوت ياسمين عم تئن...

سليم : ياسمين شبك حبيبتي ؟
ياسمين : بطني عم يوجعني كتييير .
سليم : ليش ما اتصلتي فيني ؟
ياسمين : ما بدي اخرب عرس ريما ، بس هلأ ما عاد اتحمل .

*حملت ياسمين ، ركبتها بالسيارة و رحت على المشفى ، لما وصلنا اخدو ياسمين على غرفة الولادة و انا بقيت برا ناطر و عايش على اعصابي....
________________________________________
#بقلم_فتاة_من_ورق_بسمه_السباعي

شادي : نورتي بيتك يا عروستي الحلوة .
ريما : البيت منور بوجودك فيه .
شادي : ريما .
ريما : نعم .
شادي : انا مستعد قدملك كلشي بتطلبيه بس بالمقابل انتي لازم تسمعي كلمتي بكلشي ما تناقشيني وما تخالفيني .
ريما : حاضر و اسرار البيت و اذا صار خناقة بيني و بينك ماحدا بيعرف فيهن .
شادي : مين علمك هالشي ؟
ريما : امي .
شادي : الله يخليلنا ياها .
ريما : آمين .
شادي : وبالنسبة لعمك كريم هو ماعاد مسؤول عنك متل زمان ، حاليا انا يلي مسؤول عنك .
ريما : انت رح تصير زوجي و عيلتي و كلشي بحياتي هيك امي قالتلي .
شادي : صحيح هالكلام .
ريما : بس شادي مشان دراستي انا عم فكر انو
شادي : هسسس هي السيرة خلصنا منها ، انسي الدراسة .
ريما : حاضر .
شادي : الله يرضى عليكي .
________________________________________
#بقلم_فتاة_من_ورق_بسمه_السباعي

*بقيت ناطر بالمشفى .. كانت حركة الممرضات غريبة عم يركضو بسرعة باتجاه غرفة ياسمين و يطلعو بسرعة .. وبعد 6 ساعات....

الممرضة : حضرتك السيد سليم زوج ياسمين ؟
سليم : اي انا .
الممرضة : ياريت تتفضل معي بسرعة .

*مشيت ورا الممرضة ، عطتني تياب مخصصة لأدخل على غرفة العمليات...

الممرضة : زوجتك طالبة تشوفك .
سليم : ممكن تفهميني شو عم يصير ؟
الممرضة : ما بخفيك انو حالتها الصحية سيئة ، زوجتك خسرت دم كتير و ما قدرت الدكتورة توقف النزيف .
سليم : شو يعني هالحكي بدها متبرع بالدم انا بتبرعلها .
الممرضة : حطينالها وحدتين دم و خسرتهم ، تفضل هي غرفتها .

*دخلت لعند ياسمين ، كان وجهها اصفر و شفايفها زرق ...

ياسمين : سليم .. سليم .
سليم : عيون سليم .
ياسمين : امسكلي ايدي انا عم موت .
سليم : بعيد الشر عنك .

*مسكت ايد ياسمين و بستها ...

ياسمين : حبيبي سامحني انت و نهاد ، و قلو لإبننا بس يكبر يسامحني انا ما رح اقدر كون جنبو . وما رح شوفو عم يكبر وهو ما رح يشوفني .
سليم : بترجاكي حبيبتي ما تحكي هيك .
ياسمين : سليم .
سليم : نعم يا عمري .
ياسمين : انا بحبك و رح ضل حبك حتى لما صير تحت التراب .
سليم : و انا بحبك يا عمري بعيد الشر عن قلبك نحنا بدنا نختير سوا .

*ابتسمت و شديت على ايد سليم لآخر مرة ...

سليم : ياسمين يا عمري لا تغمضي عيونك ، انتي ما رح تموتي حبيبتي ياسمين .. ياسميييييييين .

*ركضو الممرضات غطولها وجهها لياسمين و طالعوني برات الغرفة ...

#يتبع
#بقلم_فتاة_من_ورق_بسمه_السباعي

#إمسك_يدي
#الجزء_التاسع
#بقلم_فتاة_من_ورق_بسمه_السباعي

*طلعت برات المشفى .. ما كنت عم صدق اني فقدت ياسمين بهالسرعة .. قعدت عالرصيف صرت اسمع صوت ياسمين وهي عم تغني .. كان صوتها عم يرن بإدني ما اختفى ولا لحظة .. ما بنكر اني بكيت ، حبيت ياسمين كتير و تمنيت كمل معها عمري كلو و نختير سوا بس يمكن صار فيني هيك لأني كسرت خاطر نهاد بعد 15 سنة زواج...

كريم : الو .
سليم : تعال لعندي انا بالمشفى .
كريم : خير اخي شبك ؟
سليم : توفت ياسمين .
كريم : لا حول ولا قوة الا بالله انا لله و انا اليه راجعون ، شوي و بكون عندك .
________________________________________
#بقلم_فتاة_من_ورق_بسمه_السباعي

سناء : خير شوفي ؟
كريم : توفت ياسمين .
سناء : و الطفل ؟؟ هي كانت حامل .
كريم : ما بعرف شي هلأ رايح لعندو عالمشفى .
سناء : خبرني شو بيصير معك .
كريم : انزلي دقي الباب على شادي صحيه خليه يجي يوقف معي ومع سليم وانتي خدي ريما و روحو على بيت سليم .
سناء : حاضر ، رح بدل تيابي و انزل .

#بقلم_فتاة_من_ورق_بسمه_السباعي
*نزلنا سوا انا و كريم .. هو ركب بسيارتو و راح و انا صرت دق الباب على شادي...

شادي : اوف مين هالمزعج من الصبح .
ريما : اكيد امك او امي .
شادي : يلا جاي جاي .

*فتحت الباب و انا عم افرك عيوني لسا...

سناء : صباح الخير .
شادي : صباح النور امي تفضلي .
سناء : مافي وقت حبيبي بعرف انو لازم قلك صباحية مباركة بس صار شي مو منيح و بدي ياك تروح توقف مع عمك و ابوك .
شادي : شو صار ؟
سناء : توفت مرت عمك .
ريما : ولي امييي .
سناء : بعيد الشر لا حبيبتي طولي بالك ، توفت ياسمين .
شادي : الله يرحمها .
ريما : كيف توفت ؟ و اخي يلي ببطنها ؟
سناء : لسا ما بعرف شي ، جهزو حالكن مشان نروح .
شادي : يلا شي ربع ساعة ومنكون جاهزين .
سناء : انا طالعة على البيت لما تجهزو خبروني .
شادي : ماشي .

#بقلم_فتاة_من_ورق_بسمه_السباعي

شادي : نزعولنا صباحنا .
ريما : وقع قلبي فكرت امي بعيد الشر عنها .
شادي : اي من لما شفتها لهي ياسمين ما طقتها و بزيادة نزعت صباحية عرسنا والله لولا عمي ما بطلع وما بشوف حدا .
ريما : وانت قلتها ، بابا بيكون بحاجتنا جنبو هلأ .
شادي : الله يطول عمرو .
________________________________________
#بقلم_فتاة_من_ورق_بسمه_السباعي

كريم : وحد الله اخي العمر الك .
سليم : لا اله الا الله .
كريم : شفت ابنك ؟
سليم : والله نسيت موضوع ابني لهلأ ما بعرف وينو .
كريم : امشي خلينا نسأل .

*بعد ما سألنا الممرضة جابتلنا الولد...

كريم : بسم الله ما شاء الله احملو انت اخي .

*حملت ابني و تطلعت فيه .. بهيك لحظات كان المفروض اني افرح بما انو صار عندي صبي يحمل اسمي ، تأملتو و تذكرت حكي ياسمين لما تمنت انو بيشبهني و تغنيلو هالأسمر اللون..قربتو مني و ادنتلو...

سليم : الله اكبر الله اكبر.... سميتك أسمر .
كريم : يربى بعزك و دلالك .
شادي : يربى بعزك عمي .
سليم : الله يسلمكن .
سناء : الله يخليلك ياه سفلي .
سليم : الله يسلمك .
ريما : العمر الك بابا و الحمدلله على سلامة اخي .
سليم : احملي اخوكي ريما و روحي عالبيت .
ريما : حاضر .
سناء : هو اجينا مشان ناخد الولد و نروح .
كريم : الله معكن .

#بقلم_فتاة_من_ورق_بسمه_السباعي

*حملت اخي و صرت اتأمل ملامح وجهو ...

ريما : يا حبيبي ما اصغرك .
سناء : عقبال لما نشوف ولادكن انتي و شادي .
ريما : ان شاء الله .
سناء : بتصدقي اني فرحانة .
ريما : ليش ؟
سناء : اول شي فرحانة لانو اجا الصبي بخير و سلامة و تاني شي فرحانة لانو ماتت المرة يلي فرقت ابوكي و امك عن بعض .
ريما : الله يرحمها .
سناء : مو مصدقة ايمتى نوصل على بيت ابوكي مشان اتصل بأمك و خبرها .

*ما حبيت كلام مرت عمي ، يمكن لانو ما شفت الا المعاملة الحلوة من ياسمين او يمكن لاني زعلانة على اخي يلي رح يكبر بدون ام...
________________________________________
#بقلم_فتاة_من_ورق_بسمه_السباعي

*دقيت باب غرفة أوس و دخلت...

جواد : صباح الخير .
أوس : صباح النور .
جواد : الفطور جاهز خلينا ننزل نفطر .

*نزلت مع جواد .. قعدنا حوالي السفرة ...

أوس : صباح الخير .
غسان : صباح النور .
يسرى : حبيبي ما احلى صباحك .
أوس : جواد كيف دراستك ؟
جواد : الحمدلله منيحة كتير .
يسرى : جواد متغير صاير بيصحى الفجر مشان يدرس .
غسان : الله يرضى عليه .
أوس : بابا .
غسان : نعم .
أوس : انا مليت من القعدة ، لا قادر كمل دراستي ولا قادر اتعلم طريقة بريل للقراءة ، لهيك بعد اذنك قررت قرار .
غسان : تفضل .
أوس : بدي صير استاذ بمعهد موسيقى لتعليم العزف على الكمان بإشراف استاذي باسل يلي علمني العزف .
يسرى : حلو كتير .
غسان : انا رح افتحلك معهد بس قلي وين بتحب الموقع .
جواد : من مبارح قلتلك لازم تعلم الناس العزف .
أوس : بدي ياه بنص البلد ، يكون مقسم لصفوف و كل صف فيه نوع آلة موسيقية ومدرب مختص بهي الآلة ، الشهر الأول للمت

دربين بيكون مجاني بعدين بيصيرو بيدفعو مبلغ قليل .
غسان : يلي بدك ياه بيصير .
________________________________________
#بقلم_فتاة_من_ورق_بسمه_السباعي

****************************************
سناء : صباح الفل نهاد .
نهاد : صباح النور ، حليان صوتك اليوم اي من زمان كنا نزوج شادي و ريما لبعض مشان يحلى صوتك هيك .
سناء : اي ما بعرف الحق عليكي انتي جبتيها صغيرة وما صدقنا ايمتى صار عمرها 14 هههه
نهاد : ههههه معك حق .
سناء : ومو بس هاد يلي مفرحني .
نهاد : شو كمان ؟
سناء : ماتت ياسمين .
نهاد : شو ! كيف ماتت ؟
سناء : وهي عم تولد .
نهاد : و الولد صرلو شي ؟
سناء : لا الحمدلله صحتو منيحة بس مشكلتو كل شوي بيبكي .
نهاد : حبيبي الله يحميه .
سناء : شبك ما فرحتي بوفاة يلي سرقت زوجك ؟
نهاد : ما فرحت لانو ما بتجوز الشماته بالموت و بنفس الوقت ما زعلت ، سليم كسر بخاطري عادي ينكسر خاطرو .
سناء : معك حق يلا الله يرحمها ، المهم ابعتيلنا رنيم خليها تجي تساعدنا بتنضيف البيت ما بتعرفي ايمت بيجو العالم بيعزو .
نهاد : شي ساعة و ببعتها .
سناء : بدك شي .
نهاد : سلامتك .
****************************************

سناء : ريمااا
ريما : نعم مرت عمو .
سناء : انا نازلة جيب ببرونة لأخوكي بعملو يانسون يمكن يسكت .
ريما : اي تمام .
________________________________________
#بقلم_فتاة_من_ورق_بسمه_السباعي

*دفنا ياسمين .. بقيت واقف جنب قبرها .. صوتها و صورتها ماعم يغيبو عن بالي ولا لحظة .. كنت متمني ابقى جنب القبر ما فارقها ولا لحظة ...

كريم : يلا اخي خلينا نرجع عالبيت .
شادي : شد حيلك عمي الحمدلله ابنك بخير وسلامة
سليم : الله يسلمك .

*رجعنا عالبيت مقهور و حاسس الدنيا اسودت بوجهي .. كانو الكل حواليي بس انا ما كان بدي حدا غير ياسمين...
________________________________________
#بقلم_فتاة_من_ورق_بسمه_السباعي

*صحيت رنيم لتجهز حالها و تروح على بيت ابوها...

رنيم : لسا بكير يا ماما و مبارح كان عرس اختي والله تعبانة .
نهاد : مرت عمك بدها ياكي تنضفو بيت ابوكي .
رنيم : ليش ؟ في ياسمين هي بتنضفو .
نهاد : ياسمين توفت .

*كان هالخبر صدمة بالنسبة الي بعد ما حسيت ياسمين رفيقتي مو مرت ابي .. صرت ابكي عليها و رحت بدلت تيابي بسرعة ...

نهاد : بنتي عم تبكي و نسيت اديه أنا بكيت بسبب هالمرة .
ابو سهيل : ما تزعلي ابي ، رنيم لساتها صغيرة و بتفكر كل حدا ضحك بوجهها يعني بيحبها .
نهاد : مو زعلانة ، الله يسامحهم .
________________________________________
#بقلم_فتاة_من_ورق_بسمه_السباعي

سليم : وين أسمر ؟
سناء : هلأ نام لانو شربتو يانسون .
سليم : بيسوالو ليش ؟
سناء : اي طبعا ، كل افكار اهل اول مفيدة و نافعة .
سليم : ان شاء الله خير .
ريما : يا حبيبي كل شوي بيبكي .
سناء : اي لأنو لساتو صغير .
شادي : بتوصونا شي يا جماعة ؟
كريم : سلامتك ابي .
سليم : سلامتك عمي الله معكن .
شادي : يلا ريما امشي .

#بقلم_فتاة_من_ورق_بسمه_السباعي

*طلعنا من بيت اهلي..كان شادي معصب و عابس...

ريما : ليش هيك طلعنا بسرعة من بيت اهلي ؟
شادي : لاني بكره جو المقت .
ريما : طيب ليش معصب اليوم اول يوم النا مع بعض .
شادي : كيف ما عصب ما شفتي كيف صحونا من النوم ؟ وبعدين واذا ماتت هي زفته ياسمين شو ذنبنا نحنا .
ريما : من واجبنا نوقف مع ابي .
شادي : معناها بيكفي وقفة لليوم ليش لسا بدك تضلي عندهن ؟
ريما : انا ما قلت بدي ضل عندهم بس استغربت كيف طلعنا بسرعة .
شادي : ريما ما تناقشيني .
ريما : حاضر خلص .

*سكتت و التفت للجهة التانية صرت اتأمل الشارع من شباك السيارة .. حسيت شادي مسك ايدي ...

شادي : اسف حبيبتي بس عنجد معصب .
ريما : ولا يهمك .
شادي : رح نروح نتعشى بالمطعم و لما يخلص عزا ياسمين رح نسافر اسبوع على البحر لنروق ، اتفقنا ؟
ريما : اتفقنا .
شادي : ورجيني ضحكتك الحلوة .
*تطلعت بعيونو و ابتسمتلو...
شادي : الله لا يحرمني من هالضحكة .
________________________________________
#بقلم_فتاة_من_ورق_بسمه_السباعي

*بعد مرور 5 أيام .. خلص عزا ياسمين و رجع أبي يداوم بشغلو ، شادي و ريما سافرو عالبحر ، بقيت انا و أخي بالبيت .. كان عم يبكي وما بعرف شو اعملو ، حملتو و رحت اتصلت بأمي ...

****************************************
نهاد : الو .
رنيم : كيفك ماما .
نهاد : الحمدلله .
رنيم : ماما اخي عم يبكي ما عرفانة شو اعملو .
نهاد : شربيه حليب .
رنيم : شربتو و ما سكت ، مرت عمي قبل شوي راحت على بيتها وانا حاسة حالي ضايعة .
نهاد : لا حول ولا قوة الا بالله ، رح ابعت خالك يجيبك ، غطيه منيح لأخوكي وانتبهي وانتي نازلة عالدرج فيه ، وجيبيلو الببرونة وكل مستلزماتو معك .
رنيم : حاضر ماما .
****************************************
________________________________________
#بقلم_

فتاة_من_ورق_بسمه_السباعي

نهاد : اخي الله يرضى عليك روح جيب رنيم من البيت .
سهيل : اي تكرم عيونك .
ابو سهيل : بدك تجيبيها هي و اخوها ؟
نهاد : اي .
ابو سهيل : نسيانة هالولد ابن مين ؟
نهاد : ما بيهمني بابا ، هاد طفل صغير لساتو ما ذنبو و عم يبكي كتير بدو عناية من حدا كبير ورنيم ماعم تعرف تعتني فيه .
ابو سهيل : اعملي يلي بريحك .

*بعد ربع ساعة وصل اخي ومعاه رنيم و الولد .. لما شفت الولد رجف قلبي و حملتو بكل حنية ، صرت امسح على راسو و اقرألو قرآن بهدوء ، حملت الببرونة و عملتلو فيها حليب جديد و صرت شربو ، بعدين حممتو و بدلتلو تيابو و عطرتو....

رنيم : كأنو نام .
نهاد : اي .
رنيم : أول مرة بيكون هادي هيك من وقت يلي انولد لهلأ .
نهاد : لساتو صغير كتير و بدو عناية خاصة ، انا مستغربة كيف سناء ما اهتمت فيه او طلبت تاخدو معها عالبيت .
رنيم : انا اليوم ما رحت عالمدرسة كرمال ابقى جنبو .
نهاد : هي اخر مرة بتهملي دراستك ، ماعاد بدي اسمعك غبتي فهمانة .
رنيم : طيب و أخي ؟ مين بدو يبقى جنبو ؟
نهاد :......
رنيم : ما عندك جواب ؟

*تطلعت بالصبي حسيت انو ما الو غيري وما سكت منيح الا بإيدي .. تذكرت اني انحرمت جيب اولاد من بعد رنيم لهيك كانت حنيتي على هالولد كبيرة ...

نهاد : كل يوم الصبح قبل ما تروحي عالمدرسة بتخلي ابوكي يوصلك لعندي بتتركي اخوكي هون و بتروحي عالمدرسة .
رنيم : عم تحكي جد ماما ؟
نهاد : اي عم احكي جد ، يمكن انحرمت من الاولاد من بعدك مشان حن على هالولد يلي رح يعيش بدون ام ، هلأ قومي اتصلي بأبوكي خبريه لأنو بيدق على البيت اذا ما رديتي بينشغل بالو .
رنيم : حاضر .
________________________________________
#بقلم_فتاة_من_ورق_بسمه_السباعي

شادي : مبسوطة ؟
ريما : اي كتير ، نفسي اسبح بالبحر .
شادي : لا .
ريما : اي قلت نفسي ما حكيت شي .
شادي : ريما انتي ماعاد بنت صغيرة ، انتي متزوجة ولازم تعملي حساب لتصرفاتك و كلامك .
ريما : انت ليش بتعصب عليي كل ما حكيت شي ؟
شادي : لأنو بدي ياكي توعي و تفهمي انك ماعاد صغيرة .
ريما : حاضر .
________________________________________
#بقلم_فتاة_من_ورق_بسمه_السباعي

نهاد : خبرتي ابوكي ؟
رنيم : اي .
نهاد : شو قلك ؟
رنيم : قلي الله يجزيها الخير .
نهاد : آمين .
رنيم : لهلأ نايم اسمر ؟
نهاد : اي .
رنيم : متأكدة ما شربتيه منوم ههههه ؟ هي اول مرة بينام هيك .
نهاد : ما وقت سخافتك هلأ ، روحي اتصلي برفقاتك شوفي شو راح عليكي دروس .
رنيم : امرك يا احلى ام بالدنيا .
________________________________________
#بقلم_فتاة_من_ورق_بسمه_السباعي

أوس : شو صار معك بابا ؟
غسان : اشتريت بيت حر و كبير و حكيت مع متعهد مشان يجيب ورشة و يغيرو بلاط البيت و يدهنو و يجهزوه ليكون مركز لتعليم الموسيقا .
يسرى : الله يرزقك .
غسان : بتحب تضيف شي ؟
أوس : اي متل ما قلتلك فوق كل غرفة يعلقو قطعة خشب كبيرة مكتوب عليها اسم الآلة الموسيقية .
غسان : اي خبرتهن بهي الشغلة .
أوس : الله يخليلنا ياك .
غسان : ما بدي شي من هالدنيا غير اني شوفك مبسوط .
أوس : الله كريم .
________________________________________
#بقلم_فتاة_من_ورق_بسمه_السباعي

*كنت شارد بتصرف نهاد .. معقول بعد ما كسرت خاطرها تقرر تهتم بإبني ؟!
سليم : فعلا كلشي بالحياة دين و وفا ، قهرت نهاد بزواجي توفت ياسمين و انقهرت انا ... وياسمين كانت تعامل بناتي معاملة حلوة بعد ما ماتت الله بعت نهاد تعامل اسمر معاملة حلوة ، لازم من يوم و رايح احسب كل خطوة قبل ما اخطيها .. استغفر الله العلي العظيم .

#يتبع
#بقلم_فتاة_من_ورق_بسمه_السباعي

ه_السباعي

نهاد : بالليل بتغيريلو الحفاض متل ما علمتك و بتشربيه يانسون .
رنيم : حاضر ماما .
نهاد : اذا صحي بالليل وصار يبكي بتعمليلو حليب .
رنيم : والله حفظت الدرس ماما .
سناء : نهاد انا بحملو لأسمر و بخلي سليم يرجعني على بيتي .
نهاد : امانة خليكي للمسا .
سناء : بتمنى بس بدي سخن الطبخة هلأ بيجي كريم .
نهاد : الله يقويكي ، سلميلي على ريما و شادي .
سناء : بيوصل .
رنيم : باي ماما .
نهاد : الله معكن .

#بقلم_فتاة_من_ورق_بسمه_السباعي

*طلعنا مع ابي بالسيارة .. غمضت عيوني من تعبي ...

سناء : كيفك ابو اسمر .
سليم : اهلين مرت اخي .
سناء : ما شاء الله عليه اسمر صاير وجهو متل البدر .
سليم : الله يحفظك .
سناء : الله يرضى عليها نهاد عم تعاملو كأنو ابنها ، روحها معلقة فيه لهالصبي .
سليم : الله يجزيها الخير .
سناء : ابو اسمر شو رأيك ترجع تطلب نهاد من ابوها و تتزوجو و تخلو هالولد يوعى بحضن ابوه و امو التاني .

*فتحت عيوني بعد ما قالت مرت عمي هيك ، ابتسمت و التفتت على ابي ...

رنيم : اي بابا الله يوفقك ارجعو لبعض انت و امي .
سليم : بيصير خير .
________________________________________
#بقلم_فتاة_من_ورق_بسمه_السباعي

ابو سهيل : نهاد بشو شاردة بابا ؟
نهاد : اه ولا شي .
ابو سهيل : متأكدة ؟
نهاد : اي .
ابو سهيل : حاسس انك مخبية عني شي لما تحبي تحكي رح اسمعك متل كل مرة .
نهاد : بصراحة بابا في شي قالتلي ياه سناء هو يلي خلاني اشرد .
ابو سهيل : شو ؟
نهاد : اقترحت عليي نرجع انا و سليم لبعض ليربى أسمر بيناتنا .
ابو سهيل : وانتي شو كان جوابك ؟
نهاد : مستحيل ارجع .
ابو سهيل : ما حدا رح يجبرك على شي ، انا بدي راحتك و سعادتك و طول ما مرتاحة ببيت ابوكي خليكي عند كلامك .
نهاد : حبيبي بابا انا ما برتاح غير ببيت ابي ، بيكفي انك ما خذلتني و وقفت جنبي .
ابو سهيل : تأكدي ما رح تلاقي حدا يحبك متل حب ابوكي و امك .
نهاد : الله يخليلي ياك و يرحم امي .
ابو سهيل : آمين .
________________________________________
#بقلم_فتاة_من_ورق_بسمه_السباعي

*خلصت تنضيف البيت و حضرت غدا جديد ، دخلت على الغرفة وانا خايفة ، تطلعت على حالي بالمراية كانت اصابع شادي معلمة على خدي من قوة الكف ، قربت من شادي وانا عم ارجف و صحيتو ...

ريما : شادي ال الغدا جاهز .
شادي : يسلمو ايديكي حبيبتي .

*غسلت وجهي و قعدت عند السفرة لحتى آكل ، تطلعت على ريما كانت قاعدة و منزلة راسها بالأرض ، قربت ايدي من وجهها خافت و بعدت...

شادي : ما تخافي ، انا اسف .

*رفعتلها راسها بإيدي و مسحتلها دموعها ...

شادي : سامحيني والله انا بحبك بس ما بدي ترفعي صوتك عليي .
ريما : مسامحتك .
شادي : غسلي وجهك و تعالي نتغدى ما رح آكل اذا ما اكلتي معي .

*صغر سني و حبي لشادي خلاني ارضى بأي كلمة حلوة منو بس بنفس الوقت كنت عم حس اتجاهو بخوف ما حسيتو من قبل...

ريما : التلفون عم يرن .
شادي : انا رح رد كملي اكلك انتي حبيبتي .

****************************************
شادي : الو .
كريم : كيفك شادي .
شادي : اهلين ابي .
كريم : بعد ساعة رايحين انا و امك على بيت عمك سليم بدكن تروحو معنا انت و ريما ؟

*تطلعت بريما كان أثر الكف لساتو على خدها...

شادي : لا بابا ، انا و ريما بعد شوي رايحين عالسوق و بعدها بدنا نتدرج .
كريم : على راحتكن ، سلملي عليها .
شادي : الله يسلمك .
****************************************

ريما : مين ؟
شادي : هاد ابي عم يسأل اذا بدنا نروح معو على بيت عمي سليم .
ريما : اي منروح والله مشتاقة لأبي و أسمر كتير .

*تطلعت بريما و سكتت...

ريما : انت شو قلتلو ؟
شادي : قلتلو انو بدي اخدك على السوق و بعدها نتدرج .
ريما : خلص معناها متل ما بدك .
شادي : روحي جهزي حالك انا رح ودي الاكل على المطبخ .
ريما : حاضر .

________________________________________
#بقلم_فتاة_من_ورق_بسمه_السباعي

*ودعت استاذي و رجعني تامر عالبيت ..

أوس : مرحبا .
غسان : اهلا بالاستاذ النشيط .
يسرى : نورت حبيبي .
جواد : اهلا و سهلا اخي .
غسان : خبرني شو صار معك عجبك المعهد ؟
أوس : عجبني الوصف كتير .
غسان : شو قلك باسل ؟
أوس : كان فخور فيني ، رح يساعدني و يحول طلابو على المعهد و رح يوظف رفقاتو الموسيقيين ، يعني بالكتير شهر و رح يكون المعهد مليان طلاب و اساتذة .
يسرى : الله يوفقك حبيبي .
غسان : حلو كتير .
جواد : الله يوفقك اخي .
أوس : جواد عم تدرس ؟
جواد : اي اخي رح ارفع راسكن هالسنة ، نزلت مشان شوفك و هلأ طالع كمل دراسة .
أوس : اذا في سؤال ما عرفان حلو انا بساعدك .
جواد : ما الي غيرك اخي .
أوس : موفق ، أمي طالعيني على غرفتي بعد اذنك .
يسرى : تكرم عيونك حبيبي .
________________________________________
#بقلم_فتاة_من_ورق_بسمه_السباعي

*وصلنا على بيت اخي سليم ، عملتنا قهوة رنيم و راحت تهتم بأسمر...

كريم : اي اخ

ي انا اجيت اليوم لإحكي معك .
سليم : تفضل .
كريم : صار الوقت لنرجع المي لمجاريها ، يعني انت و نهاد صار لازم ترجعو لبعض .
سليم : اخي انا ضايع بتعرف شو يعني ضايع ، ماعم اقدر انسى ياسمين وماعم اعرف فكر بنهاد و ارجع بلش من جديد .
كريم : ما رح تنسى ياسمين الانسان ما بينسى ولا لحظة عاشها بحياتو ، هلأ اختلف الوضع صار عندك طفل صغير عمرو شهر بحاجة لأم تضل جنبو 24 ساعة ، رنيم لساتها صغيرة وما بتعرف تهتم فيه منيح وانت بعمرك ما اهتميت بطفل صغير ، هاد الولد بيبقى عند نهاد للساعة 2 الضهر و الجمعة و السبت ما بيشوفها ، خبرتني سناء انو ما بيسكت و بيهدا غير بإيد نهاد ، بيكفي انانية اخي هلأ ابنك اهم منك ومن شعورك .
سليم : خايف اظلم نهاد معي .
كريم : ما رح تظلمها لأنك بتحبها ، عيونك ما انشالت عنها يوم عرس ريما و شادي علما انو ياسمين كانت لساتها عايشة ، يلي بينك وبين نهاد 15 سنة ما يوم ولا اسبوع .
سليم : ما بعرف شو قلك .
كريم : انت ما رح تقول شي هلأ ، بكرا رح نروح انا و سناء و نقنع نهاد تقبل ترجعلك ، وقتها منروح انا و انت و منطلبها من جديد .
سليم : واذا ما قبلت ؟
كريم : ساعتها بيكون ماعاد الكن نصيب ببعض .

*ضليت طول الليل عم فكر بكلام اخي ، حسيت معو حق ابني اهم مني هلأ وهو بحاجة لنهاد تضل جنبو كل الوقت ، وبنفس الوقت نهاد كانت مرتي لمدة 15 سنة بتفهمني و بفهمها و بيكفيني انو ما رح لاقي احسن منها لتحن على اسمر ...
________________________________________
#بقلم_فتاة_من_ورق_بسمه_السباعي

*بصباح اليوم التاني ، صحيت الساعة 9 كان يوم جمعة ، كنت زعلانة لأني ما رح شوف أسمر اليوم ، حضرت الفطور لأبي و صحيتو...

ابو سهيل : الله يرضى عليكي .
نهاد : صحة ومية هنا بابا .
ابو سهيل : على قلبك .
نهاد : بابا ممكن بعد الصلاة توديني على بيت ريما .
ابو سهيل : تكرم عينك .
نهاد : الله يكرمك يارب .
________________________________________
#بقلم_فتاة_من_ورق_بسمه_السباعي

*صحيت من النوم غسلت وجهي ، تطلعت على حالي بالمراية كان في اثر خفيف للكف ، دخلت على غرفتي تمكيجت لإخفي الأثر....

ريما : شادي يا شادي .
شادي : اي حبيبتي .
ريما : يلا اصحى بدنا نطلع نفطر عند بيت عمو .
شادي : الله يخليلي هالوجه الحلو، اي كل يوم صحيني وانتي ملونتيه هيك .
ريما : ههههه يلا قوم هلأ بيزعلو اذا تأخرنا .
شادي : اسبقيني شوي و بلحقك .
ريما : حاضر .

*طلعت ركض على بيت عمي ، سلمت عليهم و بلشت حضر السفرة مع مرت عمي...

سناء : تمنينا تروحو معنا مبارح .
ريما : اخدني شادي على السوق اشترالي فستان و بعدها تعشينا برا و تمشينا .
سناء : بالهنا .
ريما : الله يهنيكي مرت عمو .
سناء : هلأ عمك بدو يحكي شي رح يفرحك .
ريما : شو هو ؟
سناء : بس نقعد عالسفرة بتعرفي .
ريما : بلشت افرح قبل ما اعرف شو هالشي .
سناء : ان شاء الله على طول بشوفك فرحانة ، خبريني كيف شادي معك ؟
ريما : شادي .. منيح مافي منو الله يخليلي ياه .
سناء : آمين .

*هربت من وجه مرت عمي لحتى ما تسألني كمان سؤال بخصوص شادي...
________________________________________
#بقلم_فتاة_من_ورق_بسمه_السباعي

رنيم : بابا شو اعمل لأسمر ماعم يسكت .
سليم : هاتيه انا بجرب سكتو .
رنيم : خلينا نوديه لعند امي .
سليم : امك ما مجبورة فيه ، اليوم عطلة انا يلي لازم اهتم فيه .
رنيم : تفضل احملو .

*حملت اسمر و حاولت سكتو بس ما كان في شي عم يسكتو...

رنيم : عملتلو يانسون شربو ياها .
سليم : ايمت شربتيه حليب اخر مرة ؟
رنيم : عال٧ الصبح .
سليم : هاتي اليانسون و روحي اعمليلو ببرونة حليب يمكن جاع .
رنيم : حاضر .
________________________________________
#بقلم_فتاة_من_ورق_بسمه_السباعي

*اجتمعنا حوالي السفرة ، كنت متحمسة بدي اعرف عمي شو بدو يحكي ..

ريما : عمو قالتلي مرت عمو انو في شي حلو بدك تحكيه .
كريم : اي صحيح .
شادي : شو هو بابا ؟
كريم : لما نرجع انا و شادي من الصلاة بدي اخدكن و نروح على بيت نهاد نقنعها ترجع لسليم .
ريما : عنجد عمو .
كريم : اي طبعا واذا قبلت بكرا منجيب الشيخ يكتب كتابهم و بترجع معززة مكرمة على بيتها .
ريما : يارب تقبل ياااارب .

#بقلم_فتاة_من_ورق_بسمه_السباعي

*كنت ناطرة رجعة عمي من الصلاة على احر من الجمر .. وصل عمي و نزلنا انا ومرت عمي ركبنا معو بالسيارة و رحنا على بيت امي....
________________________________________
#بقلم_فتاة_من_ورق_بسمه_السباعي

ابو سهيل : يلا نهاد جهزي حالك مشان اخدك لعند ريما .
نهاد : ربع ساعة و بكون جاهزة .

*قعدت بالصالون ناطر نهاد .. بعد عشر دقايق بيندق الباب..مشيت و فتحت ...

كريم : السلام عليكم عمي .
ابو سهيل : وعليكم السلام .
كريم : بعد امرك جايين لنشوف حضرتك و نشوف اختي نهاد .
ابو سهيل : تفضل اهلا و سهلا .
ريما : كيفك جدو .
ابو سهيل : اهلا يا جدو نورتي.

*سمعت صوت بنتي ريما ، لبست تيابي بسرعة و ط

صار معي من اول يوم زواج لحد هاللحظة...
________________________________________
#بقلم_فتاة_من_ورق_بسمه_السباعي

غسان : بدي تشد حيلك هالسنة كمان ، العاشر تمهيد للبكلوريا و بدي مجموعك عالي .
جواد : حاضر بابا .
غسان : رح درسك ادارة اعمال مشان تصير ايدي اليمين بالشغل المهم جبلي مجموع عالي .
جواد : ان شاء الله .

*سمعت حكي ابي و اخي جواد .. صرت امشي شوي شوي لحتى طلعت برات الفيلا....

تامر : أوس ، ليش طالع لحالك ؟
أوس : لا تهتم يا عمي تامر صرلي اكتر من سنة فاقد نظري تعودت و صرت اعرف امشي لحالي .
تامر : الله يعافيك ، ليش حاسك مقهور ؟
أوس : هه لا ابدا مبسوط كتييييير ابي عم يحضر اخي جواد ليكون ايدو اليمين .
تامر : ابوك بيحبكن انتو التنين قد بعض ، و اعتمد على جواد شوي هاد الشي ما بيعني انو فقد الامل منك ، لساتو لهلأ عم يدور على متبرع بالقرنية ، معبي الجرايد و المجلات و حاطط اخبار بكل مكان ، بس شو بدك تعمل لسا ربك ما اذن تلاقو متبرع ليرجعلك نظرك ما بدي ياك تزعل .
أوس : انا ما زعلان عمي ، الله كريم ، بعرف ابي بيحبنا كتير الله يخليلنا ياه ، خبرني لساتها الجنينة بنفس شكلها ؟
تامر : اي طبعا .
أوس : الله يقويك يا عمي .
________________________________________
#بقلم_فتاة_من_ورق_بسمه_السباعي

*بعد ما خلصت ريما كلامها طلعت من البيت وماعم شوف بعيوني من العصبية ...

ريما : بابا وين رايح ، باباااا .
نهاد : تركيه .
ريما : عمي و مرت عمي ما ذنبهن والله .
نهاد : يا روحي انتي ما تخافي ابوكي ما بيزعج عمك و مرتو .
ريما : ماما اذا اجا يوم و زوجتي اختي رنيم ما توصيها متل ما وصيتيني .
نهاد : انا ما كان قصدي تخبي كل هالشي ، انا قصدت بأسرار البيت الكلام يلي بيخبرك فيه زوجك عن شغلو او عن شي زاعجو .
ريما : بس قلتيلي لو تخانقتو ما حدا يعرف الا لما بدك تطلقي ، سمعت كلامك و طلعت من البيت و خبرت عمي لاتطلق .
نهاد : يا روحي انتي ما تفكري بشي هلأ ، الله يكسر ايديك يا شادي .
رنيم : كل هالشي صاير معك و متحملة يا اختي .
ريما : انا تعبانة كتير هلأ بدي اتحمم و نام .
نهاد : متل ما بدك حبيبتي ، رنيم .
رنيم : نعم ماما .
نهاد : خدي اخوكي و اقعدو بالصالون و سكرو الباب ما بدي صوتكن يطلع مشان اختك تنام منيح .
رنيم : حاضر .
________________________________________
#بقلم_فتاة_من_ورق_بسمه_السباعي

*وصلت على بيت شادي صرت اخبط الباب بكل قوتي...

سليم : طلاع يا رجال ، عم تتقاوا على بنتي ، طلاع ولاااا .

*سمعت صوت اخي سليم ، نزلت لعندو...

كريم : اخي شادي مو هون .
سليم : وين هرب هالكلب ضرب بنتي و هرب .
كريم : اخي روق و اهدى .
سليم : لو كان عندك بنت كنت حسيت بشعوري و ما هديييييت .
كريم : معك حق والله معك حق .
سليم : انا رايح هلأ وبس يرجع هالكلب الجبان رح يكون حسابو عسير .
كريم : متل ما بدك .
________________________________________
#بقلم_فتاة_من_ورق_بسمه_السباعي

*رجعت عالبيت .. طول الليل ما عرفت نام و انا عم فكر ببنتي .. ليش هيك صار فيها ؟ فجأة خطرت على بالي جملة قلي ياها عمي....
(((ابو سهيل : رح قلك كلمتين قبل ما امشي ، لو كنت مكاني و اندعس على كرامة بنتك بهاد الشكل صدقني وقتها رح ينكوى قلبك و رح تتمنى تقتل زوجها لتطفي نارك)))

سليم : آاخ يا ربي معقول لهلأ عم اتحاسب على يلي عملتو بنهاد !
________________________________________
#بقلم_فتاة_من_ورق_بسمه_السباعي

سناء : وليييي منيح انك سفرتو والله كان سليم دبحو و شرب من دمو .
كريم : لا حول ولا قوة الا بالله .
سناء : لازم اتصل بنهاد و اعتذر منها .
كريم : اوعك تتصلي هلأ ، اذا بتتصلي رح تكوني عم تكبي الزيت على النار .
سناء : يا ربي تهدي النفوس ، كريم كأنو تلفونك عم يرن .
****************************************
كريم : الو .
شادي : ابي انا شادي صرت بأمريكا اتصلت لطمنك .
كريم : ماعاد تفكر ترجع لهون بحياتك .
****************************************

*سكرت الخط بوجه شادي ...

سناء : هاد شادي ؟
كريم : اي .
سناء : ليش هيك قلتلو ؟
كريم : لانو ما بدي تزيد المشاكل بيني وبين اخي معقول بعد كلشي شفتيه لسا عم تسألي .
________________________________________
#بقلم_فتاة_من_ورق_بسمه_السباعي

*صحيت من النوم ... كانت نومة طويلة كتير ، قررت قوم من تختي و اول ما حطيت رجليي عالارض وقعت....

ريما : ماما .. مامااااا

#يتبع
#بقلم_فتاة_من_ورق_بسمه_السباعي

متلك يسرى .
يسرى : اعميل شي سفرو برات البلد .
غسان : من هون لسنة اذا ما لقيت متبرع بدي سفرو .
يسرى : و ليش ما هلأ ؟؟
غسان : عندي ضغط شغل كبير ومافي حدا يساعدني ، أوس تحمل كل هالسنين بيقدر يتحمل كمان سنة .
يسرى : شغلك اهم من ابنك ؟؟
غسان : خلص يسرى انا تعبان وما الي قدرة احكي هلأ ، على فكرة انا مقهور عليه اكتر منك بس مافي بإيدي حل ، طالع نام شوي .
يسرى : الله يصبرك يا ابني .

#بقلم_فتاة_من_ورق_بسمه_السباعي

تامر : أوس شبك ؟ شو زاعجك ؟
أوس : انت الوحيد يلي بتفهم عليي .
تامر : احكي ابني فضفض .
أوس : والله يا عمي مقهور على حالي كتير ، ابي نسيني و نسي انو لازم اعمل عملية لإرجع شوف ، مركز على جواد وبس .
تامر : لا اوس ما تفكر صدقني ابوك مانو نسيانك بس شو يعمل اذا لهلأ ما لقى متبرع بالقرنية ؟؟
أوس : ايمتى رح نلاقي انا اشتقت شوف الدنيا ، متمني اعرف كيف صار شكلي و متمني شوف معهدي و طلابي .
تامر : الله كريم ابني انا متأكد رح يجي يوم و ترجع تشوف .
أوس : يااااااااا رب.
________________________________________
#بقلم_فتاة_من_ورق_بسمه_السباعي

*بعد الغدا دخلنا انا و ريما على غرفتنا .. كل وحدة قعدت على تختها و فردت كتبها ... كانت ريما مشغولة بمراجعة دراستها بس انا عم فكر بالاستاذ اوس و بموهبتو ....

رنيم : ريما .
ريما : نعم .
رنيم : عم فكر بشغلة .
ريما : شو ؟
رنيم : بما اني رح خلص دراستي بمعهد تصميم الازياء و اتخرج منو عم فكر سجل بمعهد موسيقا شو رأيك ؟
ريما : طالما حابة هالشي اعمليه ليش لا .
رنيم : يعني برأيك اذا قلت لابوكي و امك ما رح يعارضو ؟
ريما : طبعا لا حبيبتي .

أسمر : ريما .

ريما : تعال حبيبي ليش زعلان ؟
أسمر : انا بكره المدرسة .
ريما : هههههه ليش ؟
أسمر : صف الاول صعب صعب .
ريما : هههههه يا ويلي .
رنيم : اذا صف الاول صعب شو خليت لباقي الصفوف ؟
أسمر : بدي صير متل صف رنيم ارسم و لون بس .
ريما : ههههههه
رنيم : و اخيرا لقيت حدا يتمنى يصير متلي ، تعال حبيبي هي ورقة وهي الوان ارسم و لون لتشبع .
أسمر : اي هلأ رح ارسم رسمة حلوة كتير .
ريما : الله يقويك .

#بقلم_فتاة_من_ورق_بسمه_السباعي

*ضليت فكر بموضوع معهد الموسيقا...بالليل كنا سهرانين انا و اهلي...

رنيم : بابا .
سليم : عيونو .
رنيم : انا حابة سجل بمعهد موسيقا .
نهاد : تخرجي من معهد التصميم أول .
رنيم : ماعاد باقي شي لإتخرج و بصراحة عندي وقت فراغ كتير حابة اشغل حالي بالموسيقا .
سليم : متل ما بدك حبيبتي بكرا بسألك عن معهد موسيقا و بسجلك فيه .
رنيم : لا بابا رفيقتي عفاف مسجلة بمعهد قريب من معهد التصميم بدي سجل معها .
نهاد : اي قولي هيك من الاول .
سليم : معناها الشغلة غيرة .
رنيم : لا والله مو غيرة خلص انسو ما بدي سجل .
سليم : عم نمزح معك بابا طول ما انا عايش تدللي و طلبي ، روحي بكرا انتي و رفيقتك و سجلي فيه .
رنيم : الله يخليلي ياك وما يحرمني منك .
________________________________________
#بقلم_فتاة_من_ورق_بسمه_السباعي

*باليوم التاني .. رحنا انا و عفاف و سجلت بالمعهد....

رنيم : بقدر من اليوم بلش تدريب استاذ ؟
أوس : هههههه لا رنيم ما بتقدري ، انتي لسا بدك تاخدي المستوى الأول و هدول درسهن بيكون الساعة 9 الصبح بيناسبك ؟
رنيم : اي بيناسبني .
أوس : معناها تعالي بكرا لتاخدي اول درس .

*حسيت بفرحة كبيرة .. صرت كل يوم روح عالمعهد و كون اول وحدة بين زملائي جاهزة لإحضر الدرس .. بعترف اني معجبة بالاستاذ اكتر من اعجابي بالموسيقا ...
________________________________________
#بقلم_فتاة_من_ورق_بسمه_السباعي

*كنت طالعة من باب الكلية .. وناطرة رفيقتي تمارة لتجي ...

بسام : يعطيكي العافية آنسة ريما .
ريما ؛ الله يعافيك .
بسام : انا بسام طالب هندسة عمارة سنة خامسة ، يعني كم شهر و بتخرج .
ريما : مبروك سلفا ، بقدر اعرف كيف عرفت اسمي ؟
بسام : بصراحة ريما انا شفتك من اول ما دخلتي على الجامعة ، اعجبت فيكي و صرت لاحقك من بعيد لبعيد سألت عن اسمك و عمرك و ضليت لاحقك لحتى اجت هاللحظة يلي صار لازم اعترفلك فيها اني معجب فيكي و حابب اتقدملك .
ريما : كل الاحترام الك و لصراحتك بس بعتذر منك انا ما بدي اتزوج .

*كملت طريقي بدون ما التفت ورايي .. صحيح قدرت اتناسى شادي بس كانت فكرة الزواج رعب بالنسبة الي...

*وهيك مضى اسبوعين ونسيت موضوع بسام....
________________________________________
#بقلم_فتاة_من_ورق_بسمه_السباعي

أوس : رنيم .
رنيم : نعم استاذ .
أوس : انا ملاحظ انك كل يوم بتكوني اول وحدة بالصف بس بدي افهم ليش رفقاتك احسن منك بالعزف ؟
رنيم : يمكن .. يمكن
أوس : يمكن شو ؟
رنيم : يمكن لأنو انا استيعابي قليل .
أوس : هههههه مافي حدا استيعابو قليل ، في حدا جاي لانو بيحب يتعلم الموسيقا و حدا جاي ليتسلى و يروح ، اذا ضليتي هيك للاسبوع الجاي انل بعتذر منك مضطر اطردك .
رنيم : ليش ؟
أوس : لان

تي معها....
________________________________________
#بقلم_فتاة_من_ورق_بسمه_السباعي

يسرى : عنجد انا صرت محتارة هلأ .
رنيم : ليش ؟
يسرى : لانو كلهن حلوين .
رنيم : عم تحكي جد ؟
يسرى : اي والله .
رنيم : والله فرحتيني كنت عايشة على اعصابي .
يسرى : ساعديني اختاريلي اكتر تصميم بيليق فيني .
رنيم : يمكن هاد .

*نزلت من غرفتي .. كنت عم اسمع صوت بيشبه صوت رنيم....

أوس : بدك شي امي انا رايح على المعهد .
يسرى : سلامتك حبيبي انتبه على حالك .

*التفتت ورايي بعد ما سمعت هالصوت و انصدمت لما شفت اوس قبالي ....

رنيم : أوس ؟؟ هاد انت ؟
أوس : رنيم .
رنيم : اي رنيم ، رنيم يا فقير يلي عم تشتغل بالمعهد لتعيش اهلك ، ليش كذبت عليي اه ؟
أوس : اهدي خليني اشرحلك .
رنيم : ما بدي تشرحلي شي ، انت كذبت عليي أوس هاد كلشي فهمتو .

*حملت شنتايتي و طلعت من الفيلا ركض...من العصبية نسيت كل تصاميمي عندهن ... اخدت تكسي و رجعت على البيت عم ابكي.

يسرى : بتعرفها ؟
أوس : ما بعرف غيرها .
يسرى : مين هي ؟ و شو بتكون لإلك ؟
أوس : هي البنت الوحيدة يلي حبتني و انا كذبت عليها امي ، اتركيني هلأ الله يخليكي .

*التفتت لإطلع على غرفتي ... و قبل ما امشي اجت بدرية عم تصرخ و تبكي....

بدرية : بترجاكن الحقونيييي .
يسرى : شبك ؟
بدرية : تامر مات .
أوس : شو عم تحكي .
يسرى : كيف ؟ كيف مات ؟
بدرية : ما بعرف ، اخدت الاكل لنتغدى انا وياه لقيتو نايم حاولت صحيه بس ما صحي معي وماعم يتنفس .
أوس : اطلبولو الاسعاف .
________________________________________
#بقلم_فتاة_من_ورق_بسمه_السباعي

*بعد التحاليل اكدولنا بالمشفى انو تامر توفى بجلطة .. كان خبر وفاتو صعب عليي كتير عمي تامر كان رفيقي الوحيد يلي بقدر احكيلو كلشي و اسمع منو ...

*اضطرينا نترك العم تامر ببراد الموتى لأنو الوقت تأخر و رجعنا عالبيت...قعدنا بالصالون انا و اهلي وما حدا فينا حكا....

بدرية : يسرى خانم .
يسرى : بدرية حبيبتي انتي منيحة ؟
بدرية : كيف بدي كون منيحة و انا فقدت رفيق عمري ؟
يسرى : الله يرحمو و يجعل مقامو الجنه .
بدرية : من سنة كتب تامر هي الورقة و سكرها و قلي اذا متت يا بدرية اعطي هالورقة للسيد غسان خليه يقرأها قدام العيلة بصوت عالي ، بتمنى تحققو وصية المرحوم .
يسرى : حاضر .

*حملت الورقة و عطيتو ياها لغسان بدون ما افتحها...

يسرى : اقرأها بصوت عالي .
غسان : بسم الله ((سيد غسان لما تقرأ هي الورقة رح كون انتقلت لرحمة الله تعالى ، انت بعمرك ما قصرت معي وما حسستني ولا ل لحظة اني مجرد عامل عندكن ، طول حياتي ما قدرت ردلك الجميل بس بمماتي يمكن اقدر رد ، أوس كان غالي عليي كتير لهيك قررت اعطيه اغلى شي عند كل انسان ، انا قررت اتبرع بقرنيتي لابني يلي ما جبتو بتمنى تتطابق نتائج التحليل و يرجع يشوف الدنيا مرة تانية وقتها رح كون سعيد بقبري))

أوس : الله يرحمك يا عمي .
غسان : الله يرحمو .
يسرى : آمين .
جواد : آمين يا رب العالمين .
________________________________________
#بقلم_فتاة_من_ورق_بسمه_السباعي

*ضليت ابكي طول الليل بدون ما حدا يحس عليي ... يمكن بنظر اوس هي كانت كذبة صغيرة بس طالما كذب معناها هو كذب عليي حتى بمشاعرو ... بكيييت لحتى غفيت .

بصباح اليوم التاني...

ريما : رنيم يلا قومي لشو كل هالنوم ؟
رنيم : امانة اتركيني ريما بدي نام .
ريما : ما بدك تروحي على المعهد ؟
رنيم : لا .
ريما : اي على راحتك .
رنيم : الله يقطع المعاهد و ساعتهن ما بيجي من وراهن غير وجع القلب .
ريما : قلتي شي ؟
رنيم : عم قول سكري باب الغرفة لما تطلعي .
ريما : طيب حاضر .

*جهزت حالي و رحت على الجامعة...
________________________________________
#بقلم_فتاة_من_ورق_بسمه_السباعي

*طلعنا الصبح على المشفى .. بلشنا بإجراءات العملية .. حسيت بلهفة ابي عليي كان بدو ياني ارجع شوف بأسرع وقت لأنو التقى متبرع ... باليوم التاني طلعت نتائج التحليل كانت مطابقة حددنا العملية بنفس اليوم .. دخلت على العملية و كنت متأمل انها تنجح......

*بعد مرور اسبوع*

*فتحت عيوني شوي شوي .. كانو ابي و امي و اخي واقفين جنبي و عم يبتسمولي ....

غسان : شايفنا ؟
اوس :......
يسرى : اوس حبيبي قلي شايفنا ؟
اوس : شايفكن .
يسرى : الحمدلله يا عمري انت .
جواد : متغيرين عليك ؟
اوس : هههه بس انت متغير اما ابي و امي لساتهن متل ما هن .
جواد : الف مبروك اخي .

*رجعنا على البيت كل هالفترة كان تفكيري عند رنيم .. بعد يومين جهزت حالي و طلعنا انا و امي من البيت ...

****************************************
رنيم : الو .
يسرى : انا رح اوصل على الكفتيريا يلي تواعدنا فيها لأعطيكي تصاميمك .
رنيم : تمام انا وصلت .
يسرى : مسافة الطريق و بكون عندك .
****************************************

#بقلم_فتاة_من_ورق_بسمه_السباعي
*وصلت و عطيت التصاميم لرنيم .. كانت مبينة ز