📚قصص||روايات||منوعة📚

rwayate

بالبكلوريا رح يجي هو و اهلو يخطبوني .
سارة : بالهنا يارب .
يارا : الله يسعدكن .
سماح : تسلمو ، يلا باي بشوفكن بكرا .
يارا : باي .
سارة : الله معك .

*كملنا طريقنا بصمت...كان كلام سماح عم يرن بإدننا....

يارا : سارة .
سارة : نعم .
يارا : معقول انا و انتي بشعات لهيك ما حدا بيحبنا ؟
سارة : ما بعرف انا عم فكر نفس التفكير .

#بقلم_فتاة_من_ورق_بسمه_السباعي

سماح : شو عم يعمل اخي عالبرندا ؟
حازم : ناطرك .
سماح : امممم اكيد في شي ورا هالنطرة .
حازم : سماح مين هدول الصبايا يلي كانو ماشيين جنبك ؟
سماح : رفقاتي بالمدرسة .
حازم : شو اسمها يلي كانت على يمينك ؟
سماح : هههه ما بتذكر مين على يميني ، وصفلي اينو منهن البيضا ولا السمرا ؟
حازم : البيضا .
سماح : اسمها يارا .
حازم : ايوا .
سماح : شبك كأنو عجبتك ؟
حازم : بصراحة اي .
سماح : بتحب عرفك عليها ؟؟
حازم : اليوم قبل بكرا .
سماح : ههههه شو بيسموه هاد حب من اول نظرة ؟
حازم : يمكن .
سماح : اليوم ما بقدر ولا بكرا حتى ، بدي اسبوع لمحلها بالموضوع و اذا شفتها ما عندها مشكلة بعرفك عليها .
حازم : اذا زبطت الك مني شو ما بدك .
سماح : متأكد ؟
حازم : اي متأكد .
سماح : معناها اذا زبطت بتاخدني عالسوق بتشتريلي قطعة تياب و مكياج على حسابك .
حازم : تكرم عينك .
سماح : هههههه اي الله يكرمك .

#يتبع
#بقلم_فتاة_من_ورق_بسمه_السباعي

📚قصص||روايات||منوعة📚

rwayate

📚قصص||روايات||منوعة📚

rwayate

#شجن
#بقلم_فتاة_من_ورق_بسمه_السباعي

((ندم))

*وصلنا عالبيت..رمينا شناتينا بغرفتنا و تطلعنا بعيون بعض...

يارا : سماح و لين احلى مننا ؟
سارة : طالما كل وحدة فيهن عندها الانسان يلي بيحبها معناها احلى مننا .
يارا : لا ، انا و انتي احلى منهن و رح يصير عنا يلي بيحبنا .
سارة : بس يمكن امي تزعل مننا .
يارا : ما رح تعرف .

*طول الليل بقينا عم نفكر بالموضوع انا و اختي...و باليوم التاني اهتمينا بشكلنا اكتر من كل مرة و رحنا عالمدرسة....

لين : طالعين حلوات اليوم .
يارا : والله ؟! عاد كنا مستعجلات ما لحقنا نهتم بشكلنا .
سارة : اي حتى شعري ما فضيت رتبو .
لين : بس بتجننو ما شاء الله عليكم .
سارة : لين .
لين : نعم .
سارة : احكيلنا عن الشب يلي كنتي واقفة معو مبارح .
لين : اممم شفتوني معناها .
سارة : بصراحة اي .
يارا : التفتنا عليكي و شفناكي .
لين : مو مشكلة رح احكيلكن بس ما بدي حدا يعرف .
سارة : اكيد سرك ببير .
لين : هديك السنة و انا طالعة من المدرسة...
************************************

سماح : لين شبك ليش وجهك اصفر ؟
لين : ما بعرف حاسة حالي دايخة .
سماح : اكيد من الشمس ، انطريني هون رح جبلك مي باردة .
لين : لا لا خليني روح معك .

*مسكت ايد سماح و مشينا لحتى و صلنا لعند البقال...

سماح : ثواني رح فوت جبلك مي .
لين : رح انطرك عند الباب .

*أول ما تركت ايدي سماح بلشت الدنيا تفتل فيني و ماعاد وعيت على شي ...

سماح : لو سمحت اعطيني مي باردة .
صالح : تكرم عينك بدك شي غيرو ؟
سماح : لا يسلمو .
صالح : يا ساتر يا ساتر .
سماح : شوفي ؟
صالح : في بنت واقعة عند الباب .
سماح : هي لين ولييي .

*اخد صالح المي فتحها و صار يكت منها على وجهي....

صالح : يا صبية عم تسمعيني ؟؟
سماح : لين بترجاكي فتحي عيونك .

*فتحت عيوني شوي شوي ، شفت صالح و سماح....

صالح : اشربي من ايدي .
لين : ش شكرا
صالح : يا صبية احملي رفيقتك و دخليها لعندي عالمحل خليها تصحصح و بعدين بوصلكن عالبيت بسيارتي .
سماح : مافي داعي تعذب حالك .
صالح : مافي عذاب ولا شي المهم الصبية تتحسن .
سماح : الله يجزيك الخير .

*قعدنا انا و سماح بالمحل لحتى صحصحت ، وبعدين وصلنا صالح عالبيت الي و لسماح...
************************************

لين : و من بعدها اعترفلي انو حبني من اول نظرة و حس بخوف كبير عليي و كأنو بيعرفني من زمان و هلأ النا سنة منحب بعض و عن قريب رح يبعت اهلو يخطبوني .
سارة : يا الله شو حلوة قصتك .
يارا : الله يخليكن لبعض بالفعل هالقصة متل المسلسلات .
لين : تسلمولي يا صبايا جهزو حالكن انتو اول الناس رح تنعزمو على خطبتي .
سارة : ان شاء الله .
يارا : شبها سماح ليش قاعدة لحالها ؟
لين : ما بعرف يمكن في شي زاعجها .
يارا : رايحة شوفها .
لين : تمام .
سارة : اي لين كمليلي انتي شو قلتيلو لما اعترفلك بحبو .
لين : ابتسمت بخجل و قلتلو انا كمان حبيتك و حسيت بالامان لما ضليت جنبي لحتى صحصح .
سارة : يا الله شو حلو هالكلام نيالك يا لين .

#بقلم_فتاة_من_ورق_بسمه_السباعي

*قربت لعند سماح و قعدت جنبها...

يارا : سماح سموحتي سوسووو
سماح : اي شوفي .
يارا : ليش زعلانة و قاعدة لوحدك ؟
سماح : مافي شي عم فكر بشغلة .
يارا : شو هي ؟
سماح : اذا خبرتك ياها بتوعديني ما تزعلي ؟ لانو الشغلة بتخصك .
يارا : احكي ما بزعل منك انا .
سماح : بصراحة مبارح اخي كان عالبرندا لما وصلتوني عالبيت انتي و سارة .
يارا : اي
سماح : و لما طلعت عالبيت سألني عنك لأنو أعجب فيكي و قلي يمكن هاد حب من اول نظرة .
يارا : أعجب فيني انا ؟؟
سماح : اي والله و طول الليل ما نام و هو عم يفكر فيكي .

*حسيت بسعادة انو حدا أعجب فيني و بنفس الوقت خجلت كتير....

سماح : ليش سكتي ؟ اكيد زعلتي مني و من اخي .
يارا : لا ليش ازعل ؟ بقصد يعني هالكلام حلو بحقي ما فيه شي بيزعل .
سماح : وانا هيك قلت لحالي .
يارا : يلا هلأ تعالي اقعدي معنا ما بحب شوفك لحالك .
سماح : تسلميلي جاية .

*بقيت طول الدوام شاردة و عم فكر بحكي سماح .. معناها انا حلوة كتير لحتى اعجب فيني ، يا ترى هو كيف شكلو ؟ و انا رح أعجب فيه متل ما اعجب فيني ؟؟

سارة : يارا شبك من لما حكيتي مع سماح و انتي مكركبة ؟
يارا : مافي شي .
سارة : لا في احكيلي .
يارا : طيب بحكيلك بالبيت مو هون جنب الباص .
سماح : شو راجعين بالباص ؟
يارا : اي .
سماح : على راحتكن بس انا و لين بدنا نرجع مشي .
يارا : توصلو بالسلامة .
لين : يلا باي منشوفكن بكرا .
سارة : باي .

*ودعنا البنات و طلعنا بالباص...

#بقلم_فتاة_من_ورق_بسمه_السباعي

سماح : ولي شو هالكذبة يلي كذبتيها عليهن ؟ انا كنت رح صدق قصتك .
لين : هههههه غبيات و ما بيفهمو شي قلت كذب عليهن شوي .
سماح : لو يعرفو الحقيقة انو انتي عملتي حالك اغمى عليكي قدام محلو مشان توقعيه بحبك ههههه
لين : اي ولو يعرفو انو انتي كملتي معي الكذبة مشان عرفك على ابن خالتي هههههه

📚قصص||روايات||منوعة📚

rwayate

سماح : ههههه سكري على السيرة بدبحك اذا حدا عرف فيها .
لين : المهم هلأ قوليلي غمزت سنارة يارا ؟
سماح : غمزت .
لين : اي الله يهنيهم .
سماح : قصدك الله يهنيني انا ، حازم اليوم رح ياخدني عالسوق يشتريلي قطعة تياب و مكياج على حسابو لانو زبطتلو موضوع يارا هههههه
لين : والله مانك قليلة .
سماح : يييي عليكي على اساس انتي القليلة .

#بقلم_فتاة_من_ورق_بسمه_السباعي

يارا : وهي هيي كل القصة .
سارة : يعني انتي متأكدة انو هو أعجب فيكي انتي ؟
يارا : اي لو ما أعجب فيني انا ما كانت حكت معي سماح ، بعدين انا و انتي صحيح توأم بس ما منشبه بعض يعني اكيد لا هو ولا سماح خربطو .
سارة : اي الله يهنيكي .
يارا : زعلتي ام السوس ؟
سارة : لا
يارا : لا تزعلي وحياتك رح يجي يلي يحبك بس صبري شوي .
سارة : رح اصبر .
يارا : قومي معي هلأ خلينا نطبخ شي شغلة بعد شوي بيجي ابوكي .
سارة : اطبخي انتي انا ما الي نفس ، بدي نام .
يارا : اي على راحتك ، يا ويلي شو عينك ضيقة .
سارة : شو قلتي ؟
يارا : قلت مبين من عينك نعسانة .

#بقلم_فتاة_من_ورق_بسمه_السباعي

افترقنا انا و لين عند بيتي .. و اول ما طلعت عالبيت لقيت حازم واقفلي عند الباب....

حازم : شو صار معك ؟
سماح : ليش ملهوف كل هالشي ؟ خليني اخد نفس بالأول .
حازم : طيب هي اخدتي نفس قوليلي شو صار معك ؟
سماح : حكيتها وما قبلت .
حازم : ليش ؟ شو خبرتيها ؟ وليش ترفض وهي لسا ما بتعرفني ؟
سماح : هههههه عم امزح معك
حازم : سماح ما تجننيني احكيلي شو صار .
سماح : شو بدو يصير يعني ؟ حكيتلها انك معجب فيها وهي صارت تضحك و خجلت يعني موافقة تتعرف عليك .
حازم : معناها بكرا بترجعو مشي و بشوفها و بعطيها رقمي .
سماح : ما بتهمني هالتفاصيل ، يلي بيهمني تروح تجهز حالك مشان تاخدني عالسوق .
حازم : ليش بدي اخدك عالسوق ؟
سماح : شو ليش ؟ نسيت الاتفاق تشتريلي مكياج و قطعة تياب .
حازم : اي بعدين ، هلأ ما فاضي .
سماح : حااااازم والله بروح بخرب كلشي و ما تحلم تتعرف على يارا .
حازم : روحي اسبقيني عالسيارة الله يعدمني ياكي .
سماح : ويعدمني ياك ههههه .

#بقلم_فتاة_من_ورق_بسمه_السباعي

*مضى يومي و كلام سماح عم يرن بآدني....

يارا : يا ريتني رجعت معهن مشي يمكن شفتو .. لا منيح ما رجعت معهن مشان ما تفكر سماح انو دابحة حالي عليه ، بس بكرا لازم نرجع مشي و شوفو .

ميادة : مساء الخير .
يارا : مساء النور ماما يعطيكي العافية .
ميادة : الله يعافيكي شو وين اختك و ابوكي ؟
يارا : سارة نايمة و بابا رجع تغدا و طلع من البيت .
ميادة : ليش نايمة سارة من هلأ تعبانة شي ؟
يارا : لا ابدا بس نعسانة ما نامت منيح مبارح لانها كانت عم تدرس .
ميادة : شو طبختي ؟
يارا : مجدرة ، رايحة اسكبلك .
ميادة : لالا مو جوعانة بدي روح نام .
يارا : بس لسا بكير عالنوم .
ميادة : حبيبتي تعبانة كتير ، صحيح مسكي هدول المصاري الك و لأختك اشترو فيهن شو ما بدكن .
يارا : يسلمو ايديكي .
ميادة : تصبحي على خير .
يارا : وانتي بخير .

*راحت امي على غرفتها و سكرت الباب...تطلعت بالمصاري يلي عطتني ياهن و حسيت بحزن كبير...انا ما بدي مصاري ولا بدي اشتري شي ، كل يلي بدي ياه اقعد مع امي احكيلها يلي صار بيومي و خبرها عن الشخص يلي أعجب فيني ، كنت بتمنى اعرف ردة فعلها رح تفرح متل مو انا فرحانة ؟؟

#يتبع
#بقلم_فتاة_من_ورق_بسمه_السباعي

📚قصص||روايات||منوعة📚

rwayate

📚قصص||روايات||منوعة📚

rwayate

#شجن
#بقلم_فتاة_من_ورق_بسمه_السباعي

((ندم))

*باليوم التاني بعد ما انتهى الدوام...رجعنا انا و أختي و سماح مشي بعد ما ودعنا لين....

سارة : قربتي توصلي على بيتك سموحة .
سماح : اي شو يعني ؟
سارة : يعني هلأ بدنا نودعك لأنو بدنا نروح عالسوق انا و يارا .
يارا : بس خلينا نوصل سموحة بالأول .
سارة : لا مافي داعي اختي .
سماح : سارة شبك ؟ انا الي قراري ، بعدين بدي روح معكن عالسوق .
يارا : عنجد عم تحكي .
سماح : اي والله جد ، بس منخلي اخي حازم ياخدنا و يرجعنا بسيارتو .
يارا : متل ما بدك .
سارة : لا شو اخوكي ياخدنا ما بدنا نعذبو .
سماح : الله يسامحك لا عذاب ولا شي بكل الاحوال بدو يوصلني عالسوق بيوصلكن معي .
يارا : شكرا الك سموحة .
سماح : العفو حبيبتي ، ها وصلنا هي سيارتو وقفو جنبها لإطلع ناديه .
يارا : خدي راحتك .

*نطرت لحتى طلعت سماح عالبيت و التفتت على يارا...

سارة : ليش لتقبلي اخوها يوصلنا ؟
يارا : سارة شبك ؟؟ نسيتي انو اخوها معجب فيني يعني اكيد هو يلي طلب من سماح تاخدنا معها .
سارة : ما نسيت بس انتي ما بتخافي امك تعرف ؟
يارا : قلتلك مية مرة ما رح تعرف .
سارة : اي ان شاء الله .

#بقلم_فتاة_من_ورق_بسمه_السباعي

سماح : يعني بتعرفني برجع بهالوقت ليش ما جهزت حالك ؟
حازم : كنت بالشغل .
سماح : طيب استعجل عم تهتم بحالك كأنك عريس .
حازم : روحي اسبقيني انتي شوي و لاحقك .
سماح : لا سيدي رح ضل هون استعجلك ، اذا كانت بدها تحبك رح تبطل على قد ما تأخرت عليهن .
حازم : جهزت جهزت .
سماح : نسيت تتعطر .
حازم : بسببك .
سماح : يلا امشي .

*كنت واقفة و عيوني على مدخل بيت سماح ، و أول ما شفت حازم و اجت عيني بعينو حسيت قلبي رجف و كسرت نظري....

حازم : تفضلو صبايا .
سارة : الله يزيد فضلك .
يارا : شكرا .
سماح : حازم حطلنا اغنية .
حازم : تكرم عينك .

*طول الطريق كان حازم عم يتطلع عليي من خلال المراية ، كان عم يتأمل عيوني كأنو عم يقلي كلمات هالأغنية إلك...

سارة : لحظة وقف السيارة .
حازم : خير ؟
سارة : بدي انزل على هاد المحل .
حازم : تفضلي .
سارة : ما بدك تنزلي معي يارا ؟
يارا : لا ما بدي شي من هالمحل .
سماح : انا بنزل معك سارة .
يارا : لا تتأخرو .
سارة : حاضر .

حازم : كيفك يارا .
يارا : الحمدلله .
حازم : يارا .
يارا : نعم .
حازم : انا .. انا معجب فيكي .
*ابتسمت بخجل وما رديت.....
حازم : حاسس انك رح تكوني من نصيبي ، حبيبتي و زوجتي و رح نكمل عمرنا سوا .
يارا :..........
حازم : بعرف كلامي خجلك لهيك ساكته ، بتمنى تاخدي هالورقة مني فيها رقمي لنتعرف على بعض اكتر .

*اخدت الورقة و خبيتها...

سماح : طولنا عليكم ؟
حازم : لا أبداً .
سارة : يا ريت نزلتي معنا يارا في كتير اشياء حلوة شوفي شو جبتلك معي .
يارا : يسلمو ايديكي .

* حكت معي سارة كتير..بس ما بتذكر ولا كلمة لأنو طول الوقت عقلي مع حازم...

*مضى الوقت بسرعة لانو قضيناه مع اشخاص منحبهم...نزلنا عند بيت سماح و كملنا طريقنا مشي...

سارة : شوفي هي البلوزة شو حلوة .
يارا : مبروك .
سارة : ليش ما اشتريتي شي الك ؟
يارا : مافي شي عجبني .
سارة : يارا .
يارا : نعم .
سارة : شو قلك حازم لما نزلنا ؟
يارا : شو بدو يقلي ما قال شي .
سارة : عم تكذبي عليي ؟
يارا : مو كذب بس مافي شي مهم يعني بس عطاني رقمو لأتعرف عليه .
سارة : اي بعتيلو .
يارا : ما بدي ابعتلو هلأ ، بخاف يفكرني قاتله حالي عليه .
سارة : ما رح يفكر يلا ابعتيلو و خليني اقرأ معك .
يارا : طيب .

*بلشنا نتعرف انا و حازم على بعض..كان كلامو مليان حنية و هالشي انا بحاجتو من زمان..صرت حس انو في حدا بيخاف عليي بهالدنيا في حدا يسندني في حدا يسمعني لما احكيلو الشي يلي بيفرحني و بيزعلني...

*وهيك مضى اسبوعين...بهالايام القليلة تعلقت بحازم بشكل سريع ، وما كنت عرفانة العواقب.....

#بقلم_فتاة_من_ورق_بسمه_السباعي

*طلعنا الصبح بباص المدرسة ، كانت سارة طول الوقت مكشرة ، و فجأة التفتت عليي و قالت....

سارة : ليش ؟
يارا : شو ليش ؟؟
سارة : ليش انا لهلأ وحيدة ؟؟ انتي بشو احسن مني ؟
يارا : انا مو احسن منك أبداً ، بس هاد نصيب و كل وحدة بيجيها نصيبها بالوقت المناسب .
سارة : بس انا وانتي توأم و عايشين نفس الحياة ليش ما اجا نصيبي معك ؟
يارا : حبيبتي سارة ما تفكري بهالطريقة والله ما عندي جواب لإلك بس يلي متأكدة منو انو عن قريب رح يجي نصيبك .
سارة : ان شاء الله .

*غيرة سارة مني كانت عم تكبر يوم بعد يوم..صرت اتمنى أيا حدا يحبها لحتى اخلص منها ومن غيرتها....

*طول الدوام ما حكت معي سارة...قررنا نرجع مشي على امل انو تغير جو....

سماح : اليوم الجو حلو كتير .
لين : اي اجا الخريف و بلش البرد .
يارا : اكتر فصل بحبو الخريف .
سماح : شو سارة بدك تضلي ساكته ؟
سارة : اي هيك احسن .
سماح : على راحتك .

عمر : ريتو يسلملي الجمال .
رامي : ما يبلى هالشقار .

لين : سماح لازم تتحجبي و تريحينا من شقارك .
سماح :

📚قصص||روايات||منوعة📚

rwayate

ههههه وانتي ليش غيرانة ؟
يارا : صبايا انا بدي امشي بسرعة لأنو هلأ بيزعل حازم .
سماح : يووو انتي التانية واذا زعل حازم .
يارا : بموت اذا بيزعل .
سارة : ان شاء الله بتموتو كلكن .
لين : شو قلتي سارة ؟
سارة : عم قول ان شاء الله بيموتو الشباب يلي لاحقينا .

*لأول مرة بدعي على اختي يارا و رفقاتنا ، ما بنكر انو حسيت بالغيرة ، ليش ولا مرة حدا قلي كلمة حلوة ؟؟ وقفت و التفتت على الشباب....

سارة : انتو ما بتستحو امشو بطريقكم .
رامي : وانتي مين حكا معك ؟؟ اذا مفكرة الحكي الحلو إلك بتكوني غلطانة يا شمئرين الساحرة .

*بلشت تنزل دموعي بدون ما رد....

عمر : خراس رامي و روح من هون روووح .
رامي : رايح .
عمر : بعتذر منك يا صبية بس هالشب ما بيعرف يحكي .
يارا : انقلع من وجهي انت احسن ما اتصل بخطيبي يجي يعملك مشكلة .
عمر : متل ما بدكم بالاذن .

يارا : سارة لا تبكي حبيبتي .
سماح : والله اذا بيرجع بيلحقنا رح خلي اخي يمسح فيه الأرض .
سارة : بعرف اني بشعة بس ما كنت متوقعة حدا يقولها بوجهي هيك .
لين : سارة انتي احلى بنت بالدنيا لا تسمحي لكلام هالتافه يأثر عليكي .
يارا : يعني يا اختي انتي ليش تلتفتي عليهن يحكو شو ما بدهن بالأخير رح ينقلعو .
سارة : ما بعرف شو صرلي .
سماح : امسحي دموعك سوسو و تعالو نشتري عصير .

#بقلم_فتاة_من_ورق_بسمه_السباعي

عمر : رامي رامييي
رامي : شو بدك ؟
عمر : شبك انت جنيت ؟؟
رامي : لا انا ما جنيت انا حكيت بصراحة و اقسم بالله لو ما بعتبرك اخي كنت مسحت فيك الأرض لأنك قلعتني .
عمر : انت اجدب و بدك فت خبز كتير .
رامي : شو قصدك ؟
عمر : قصدي يا بهيم لما وحدة بتلتفت عليك وبتحكيك بهالأسلوب كأنها عم تقلك خلي هالحكي و التلطيشات إلي .
رامي : و المعنى ؟
عمر : المعنى انك طيرت هالبنت من ايدك .
رامي : اي بالناقص شو بدي بهيك مناظر .
عمر : متل ما بدك .

*شردت و صرت فكر بهالبنت...
عمر : مبين عليها مسكينة و انكسر خاطرها ، ليش ما تصير جبار خواطر يا عمر ههههههه .

#يتبع
#بقلم_فتاة_من_ورق_بسمه_السباعي

📚قصص||روايات||منوعة📚

rwayate

📚قصص||روايات||منوعة📚

rwayate

#شجن
#بقلم_فتاة_من_ورق_بسمه_السباعي

((ندم))

*رجعنا انا و اختي على البيت...

يارا : بدك تضلي ساكته ؟؟
سارة :.......
يارا : بصراحة انتي غلطتي .
سارة : بشو غلطت ؟
يارا : يعني ما كان لازم تردي عليه .
سارة : والله من قهري يا اختي يعني معقول انتي و سماح و لين كل وحدة عندها يلي بيحبها وانتي اقل كلمة قلتيلو هلأ بتصل بخطيبي يجي يعملك مشكلة ، طيب ليش الحكي الحلو ما كان الي ؟ ليش انا ما حدا معبرني ؟
يارا : خلص امسحي دموعك انا متأكدة الله رح يبعتلك يلي يحبك و يعوضك .
سارة : ان شاء الله ، يارا .
يارا : نعم
سارة : هلأ عنجد حازم بدو يخطبك ؟
يارا : اي قلي بس تنجحي بالبكلوريا بدي اجي اخطبك .
سارة : الله يهنيكي .

ميادة : وينكن يا بنات .

يارا : اجت امك قومي غسلي وجهك و لحقيني لنسلم عليها .
سارة : حاضر .

#بقلم_فتاة_من_ورق_بسمه_السباعي

سماح : اخي .
حازم : نعم .
سماح : انت بتحب يارا ؟
حازم : طبعا بحبا .
سماح : و رح تخطبها ؟
حازم : اي .
سماح : والله ما توقعت هالشي .
حازم : شو متوقعة لكن ؟
سماح : يعني كنت مفكرتك عم تتسلى لأنو بعرف من زمان انو بنت خالتك بتحبك وانت بتحبها و رايدها ، و من يوم يومنا منقول ميس لحازم و حازم ل ميس .
حازم : ههههههههه
سماح : ليش عم تضحك ؟
حازم : سلامتك ، روحي و تركيني نام شي نص ساعة قبل ما انزل عالمحل .
سماح : نوم الهنا .

#بقلم_فتاة_من_ورق_بسمه_السباعي

ميادة : سارة شبك ؟
سارة : مافيني شي ماما .
ميادة : يارا شبها اختك ؟
يارا : متزاعلة هي و رفقاتنا بالمدرسة .
ميادة : سارة هاد الشي ما بيزعل كلنا منتعرض لمواقف من رفقاتنا وما منتأثر هيك ، روحي غسلي وجهك و بلشي دراسة و انا رايحة حضر الغدا .
يارا : ساعدك ماما ؟
ميادة : لا روحي ادرسي انتي كمان .
يارا : حاضر .

*فردنا كتبنا على الطاولة لنبلش دراسة....

يارا : شايفتك رجعتي تبكي .
سارة : بتعرفي ليش عم ابكي هالمرة ؟
يارا : ليش ؟
سارة : لأنو تمنيت لو امي حضنتني و خففت عني بغض النظر عن يلي مزعلني ، تمنيت لو حسستني بحنيتها او زعلها عليي ، بس هي مافي ببالها شي غير انو تشتغل و تأمنلنا مصاري ، يارا انا ما بدي مصاري انا بدي امي تحن عليي .
يارا : يا روحي انا بحضنك .

*حضنت سارة و مسحتلها دموعها بإيدي...انا و سارة نفس الشعور تنيناتنا فاقدين حنية الأب و الأم ، بس انا عوضت بحبي لحازم اما سارة وحيدة و يمكن تضل وحيدة.....

#بقلم_فتاة_من_ورق_بسمه_السباعي

*بصباح اليوم التاني وصلنا على المدرسة متأخرين....

يارا : كلو منك روحتي علينا الباص .
سارة : شو اعمل والله ما بعرف كيف طفيت المنبه و نمت بعدين انتي ليش ما رابطة منبهك ؟
يارا : امنت فيكي لانو كل يوم بتصحي قبلي .
سارة : معناها الحق عليكي .
يارا : اي سكتي و استعجلي هلأ تأخرنا كتير رح تبلش الحصة الاولى .

عمر : سارة .. سارة

*سمعت اسمي بصوت حدا غريب ، وقفنا انا و يارا و إلتفتنا....

يارا : انت شو جايبك لهون ؟ ومن وين بتعرف اسم اختي ؟
عمر : انا موجود هون من الصبح ناطر سارة سمعتكن مبارح عم تقولو سارة عرفت اسمها .
يارا : اي شو بدك منها ؟
عمر : سارة ممكن تقبلي مني هي الرسالة ؟
سارة : اي بقبل شكرا الك .
عمر : انا يلي بشكرك .
يارا : يلا سارة امشي .
سارة : حاضر .

*خبيت الرسالة بإيدي..كان عندي فضول كبير إقرأها...دخلنا على الصف قعدت و فتحت الرسالة و خبيتها بكتابي...مع كل حرف كان عم يدق قلبي...هي أول رسالة بتوصلني و أحلى رسالة....
************************************
سارة .. يا أجمل من كل الشقر ، و أحلى من كل السمر ، طول الليل ما نمت و انا عم فكر فيكي ، دمعاتك حرقت قلبي ، بعرف عم تقولي لحالك ليش لحتى احرق قلبو وهو ما بيعرفني وما بعرفو بس انا حاسس حالي بعرفك من زمان ، من لما اجت عيني بعينك حبيتك ، هاد حب من أول نظرة ، كتبتلك رقمي بتمنى تحكيني لأتطمن عنك ... عمر .
************************************

سارة : يارا .. ياراااا
يارا : نعم .
سارة : إقرأي شو كاتبلي .
يارا : اعطيني لشوف .

*قرأت الحكي و حسيت بفرحة كبيرة لأختي و أخيراً طلع في حدا بيحبها بهالدنيا و ما رح تضل وحيدة...

سارة : ليش عم تبتسمي ؟
يارا : فرحانة لإلك .
سارة : يعني برأيك لما ارجع عالبيت اتصل فيه ؟
يارا : اي اتصلي .

*صار عندي ثقة بحالي..خليت كل رفقاتي يقرأو الرسالة...كنت عم شوف الغيرة بعيونهم وما مهتمة...رجعت عالبيت تواصلت مع عمر و من هاللحظة بلشت قصتنا....

#بقلم_فتاة_من_ورق_بسمه_السباعي

*مرت ايام و شهور...خلصت المدرسة و العطلة الصيفية...صرنا بكلوريا مرحلة تحديد المصير...ببداية الدوام طبقنا ال18 سنة...عملنا حفلة عيد ميلاد كبيرة و عزمنا رفقاتنا عليها.....

سماح : جد كانت حفلة حلوة كتير عقبال المية سنة .
يارا : الله يحلي ايامك .
سارة : الله يسلمك .
لين : بتمنى تعجبكم هديتي .
يارا : اكيد رح تعجبنا .
سماح : تمشي لين ؟
لين : اي طبعا .
سماح : يلا بالاذن .
يارا : ا

📚قصص||روايات||منوعة📚

rwayate

لله معكن .

سارة : يارا انا بدي روح رد على عمر اتصل فيني كتير وما قدرت حكيه .
يارا : بس اول خلينا نرتب البيت .
سارة : يعني امك مناوبة الليلة عنا الليل بطولو نرتب البيت على راحتنا .
يارا : على راحتك روحي احكي معو وانا رح احكي مع حازم .
سارة : تمام .

*ركضت على غرفتي و سكرت الباب....

سارة : الو .
عمر : كل عام و حبيبتي بألف خير .
سارة : و انت بألف خير .
عمر : اشتقتلك كتير اليوم طولتي الغيبة عليي .
سارة : ما توقعت رفقاتي رح يطولو هالقد .
عمر : ولا يهمك حبيبتي .
سارة : عمر صوتك مو منيح صاير معك شي ؟
عمر : لا تشغلي بالك .
سارة : كيف ما اشغل بالي خبرني شو صاير معك .
عمر : صاير معي مشكلة بالشغل .
سارة : شو هي ؟
عمر : متل ما بتعرفي انا مندوب مبيعات .
سارة : اي .
عمر : في صبية طالبة طلب و اتصلت فيها لخبرها انو بعد ساعة بوصلها الطلب .
سارة : اي .
عمر : وهي عم تحكي معي سمعها اخوها او زوجها ما بعرف و صار يصرخ عليها لأنها عم تحكي مع شخص غريب ، انا سمعت كل المشكلة يلي صارت لأنو ما سكرت الخط معي .
سارة : طيب و شو صار بعدين ؟
عمر : ما صار شي انا سكرت الخط و حسيت حالي انا السبب سببت مشاكل وانتي بتعرفيني ما بريد للناس الا كل خير .
سارة : اي يا عمري والله بعرفك .
عمر : سارة .
سارة : عيوني .
عمر : ممكن اطلب منك مساعدة ؟
سارة : طبعا ممكن اذا بدك عيوني بعطيك ياهن .
عمر : تسلم عيونك ، انا بدي منك تساعديني بشغلي ، يعني اذا كانت الزبونة بنت انتي تتواصلي معها و تسلميها الطلب و اذا الزبون شب انا بتواصل معو و بسلمو الطلب .
سارة : بس هيك ؟
عمر : اي بس .
سارة : من عيوني .
عمر : تسلملي عيونك ، القرار الوحيد الصحيح يلي اخدتو بحياتي هو انو حبيتك .
سارة : الله لا يفرقنا .
عمر : آمين ، حبيبتي انا بدي روح صلي المغرب .
سارة : الله يتقبل .
عمر : منا و منكم ، سلام .
سارة : الله معك .

*سكرت التلفون و صرت اضحك بصوت عالي.....

رامي : يخربيتك شو ممثل يا زلمي انا رح صدق انك رايح تصلي ههههههه
عمر : ههههههههههههه تعلم .
رامي : عم اتعلم بس ما قلتلي ليش بدك تدخلها معنا بالشغل ؟؟
عمر : لأنو مليت منها و صار لازم اخلص منها عن قريب .
رامي : حقك تمل اصلا انا مستغرب كيف تحملتها كل هالمدة .
عمر : عم نتسلى .

#بقلم_فتاة_من_ورق_بسمه_السباعي

يارا : ما بدك تقلي ليش متغير عليي ؟
حازم : ما متغير تعبان من الشغل .
يارا : ريتو التعب لقلبي .
حازم : يارا بدي روح نام .
يارا : بكير من هلأ .
حازم : عم قلك تعبان من الشغل شو ما بتفهمي .
يارا : خلص لا تعصب نوم الهنا حبيبي .

*سكر الخط بوجهي قبل ما يودعني...هي اول مرة بيعاملني بهالطريقة...حتى ما باركلي بيوم ميلادي....

سارة : خلصتي حكي ؟
يارا : اي خلصت .
سارة : شبك ؟ شوفي ؟
يارا : مافي شي حازم تعبان شوي و خايفة عليه .
سارة : سلامتو ، يلا قومي معي نرتب الكركبة قبل ما يجي ابوكي .
يارا : حاضر .

*مرت الايام وما كان عقلنا بالدراسة أبداً...انا بلشت اشتغل مع عمر وصل الطلبات للزبونات...و اختي يارا كل يوم زعلانة وعم تبكي بسبب مشاكلها مع حازم...بهالفترة كانت امي تشتغل ساعات اكتر لتقدر تأمنلنا مصاري المعهد و قسط المدرسة...و أبي من يوم ما وعينا عليه لهلأ ما بيتهم لأمرنا وما جرب يتغير ولا واحد بالمية.....

#بقلم_فتاة_من_ورق_بسمه_السباعي

((بعد مرور شهرين))

عمر : مسيك هي الشريحة بتروح على المكان يلي خبرتك عليه و بتتصل بالشرطة بتقلهم متل ما علمتك و بعدين بتكسر الشريحة و بترجع لهون مفهوم .
رامي : مفهوم .
عمر : وبالنسبة للمبلغ يلي وعدتك فيه رح تاخدو اليوم كامل .
رامي : كبير يا عمر .
عمر : يلا الله معك .
____________________________________

يارا : شايفتك عم تلبسي لوين رايحة ؟
سارة : عندي مشوار صغير ما بتأخر بس قبل ما روح خبريني تصالحتي مع حازم ؟
يارا : لا .
سارة : خلص بس ارجع لازم نفكر بحل .
يارا : ان شاء الله .
سارة : باي .
يارا : الله معك .

*بعد ما طلعت سارة من البيت بلحظات رن تلفوني...

يارا : حازم حبيبي .
حازم : انا تحت انزلي لعندي .
يارا : ثواني و بكون عندك .

*رجعت حس بحب حازم لإلي...اكيد اجا ليعتذر مني...نزلت بسرعة وهي أول مرة بكون سريعة هالقد....

يارا : حازم .
حازم : اهلين يارا .
يارا : خير حازم شبك ؟ ليش الدمعة بعينك شو صاير ؟
حازم : يارا انتي بتعرفي انو ما حبيت ولا رح حب وحدة متلك .
يارا : اي يا عمري بعرف لهيك ما بزعل منك .
حازم : بالفترة الماضية لما كنت عصب عليكي كنت عم اتعذب كتير .
يارا : سلامة قلبك من العذاب مو مشكلة انا مو زعلانة المهم انت ما تزعل حالك .
حازم : انا زعلان علينا .
يارا : علينا ؟؟
حازم : الله جمعنا و نحنا ما من نصيب بعض .
يارا : ما عم افهم شو يعني شو قصدك ؟
حازم : سبب عصبيتي كان بسبب المشاكل بيني وبين امي غضبت عليي اذا ما خطبت بنت خالتي ، و من خوفي من غضبها رحت و خطبت بنت خالتي بس بحلفلك انا ما بحبها ولا رح حبها ،