#أنا_الغريب
#الجزء_الخامس
#بقلم_فتاة_من_ورق_بسمه_السباعي

*بصباح اليوم التاني..تحديداً الساعة 9..نزلت على الحارة لإتمشى بعد ما مرت عليي أطول و اصعب ليلة...بلشت الناس تصبح عليي بس ما بتذكر وقتها اني رديت على حدا..كنت حاسس انو الكل عرفان بمصيبتي و انو بنتي هربت من البيت و خلت راسي بالأرض...فتحت محلي و قعدت فيه....

صبري : صباح الخير عمي ابو فراس.
ابو فراس : اهلين .
صبري : بدي كيلو قهوة .
ابو فراس : ما عندي الله معك .
صبري : بس انا شايف في .
ابو فراس : في وما بدي بيع يلا الله معك سكرت اليوم .

*سكرت باب المحل و بلشت فكر لحالي شو بدي اعمل بهالمصيبة....
________________________________________
#بقلم_فتاة_من_ورق_بسمه_السباعي

لمى : غريبة ما الو بالعادة يعمل هيك .
صلاح : لمى .. لمى .
لمى : نعم اخي .
صلاح : اختي تأخرتي بالفطور والله رح نموت من الجوع .
لمى : آسفة معك حق شوي و بيكون جاهز .
صلاح : خير شبك ؟؟ ليش هيك وجهك ؟
لمى : مافي شي .
صلاح : عم تخبي على اخوكي ؟!
لمى : بصراحة غسان ماعم يرد على اتصالاتي ومو فاتح ولا برنامج من مبارح متوترة شوي مشانو .
صلاح : بيكون لساتو نايم .
لمى : لا ما الو بالعادة ينام لهلأ .
صلاح : خير ان شاء الله لا تخافي اكيد رح يحكي معك بعد شوي .
لمى : ان شاء الله .

*رحت على المطبخ لحضر الفطور...لأول مرة بحس بهالخوف على غسان..انا و غسان ما شفنا بعض ولا مرة على ارض الواقع..خطبوني اهلو وهو بتركيا..كتبنا كتابنا وكان ابوه وكيلو..تعرفنا على بعض عن طريق النت ويوم بعد يوم بلشت اتعلق فيه اكتر...اليوم و بسبب خوفي الزايد عليه عرفت اديه بحبو و اديه متعلقة فيه..عرفت انو لو خسرتو رح كون اتعس انسانة...

لمى : ماما .. بابا .. صلاح .. تفضلو الفطور جاهز .
ابو بلال : الله يرضى عليكي يا بنتي .
صلاح : يسلمو ايديكي .
ام بلال : الله يعطيكي العافية يا روحي .
لمى : صحة وهنا ، بالاذن .
ام بلال : شو بنتي ما بدك تفطري ؟
لمى : لا .. مو جوعانة .. بدي روح ارتاح بغرفتي شوي .
ام بلال : متل ما بدك .
ابو بلال : خير شبها ؟
صلاح : قلقانة على غسان ماعم يرد عليها .
ام بلال : خير ان شاء الله .
________________________________________
#بقلم_فتاة_من_ورق_بسمه_السباعي

*فتحت عيوني شفت أمين عم يتأملني....

نورا : هههههه صباح الخير .
أمين : صباح الياسمين يا نوارة حياتي .
نورا : من زمان صاحي ؟؟
أمين : يعني من شي ساعة .
نورا : ليش ما صحيتني ؟
أمين : عم اتأملك نايمة متل الملاك .
نورا : بتحبني لهالدرجة ؟؟
أمين : حبي الك ما بينوصف ، لو بتطلبي روحي بقدملك ياها بدون تفكير .
نورا : بعيد الشر عنك .
أمين : خالتي جهزتلنا الفطور خلينا نطلع نفطر .
نورا : حاضر .

*مسكت ايد أمين و طلعنا من الغرفة...

احلام : يا صباح الورد لأحلى عروسين بالدنيا .
أمين : الله لا يحرمنا من صباحك خالتي .
نورا : صباح الفل .
احلام : تفضلو .
أمين : يسلمو ايديكي .
نورا : شكرا كتير إلك .
احلام : صحة ومية هنا ، أمين .
أمين : أمريني خالتي .
احلام : قبل ما يتوفى زوجي بشهرين كتب هالبيت بإسمي .. وانت بتعرف ما الي بهالدنيا حدا غير انت و اخوك ضياء ، لهيك قررت اكتب نص البيت بإسمك و النص التاني بإسم ضياء .
أمين : الله يخليلنا ياكي خالتي .
احلام : واعتبر حصتك من البيت هي هدية عرسك .
أمين : الله لا يحرمنا منك .
________________________________________
#بقلم_فتاة_من_ورق_بسمه_السباعي

*قفلت المحل و رجعت على البيت...

ابو فراس : ام فراس .
ام فراس : نعم .
ابو فراس : نادي لهديل و فراس و إلحقوني على الصالون .
ام فراس : أمرك .

*اجتمعنا بالصالون .. كلنا عيوننا بالأرض .. حاسين بالخوف الخجل و التوتر ..

ابو فراس : اليوم بتضبو تيابكن رح ننتقل على حلب .
ام فراس : شو ؟؟؟
ابو فراس : انا اخدت قراري ما بدي حدا يناقشني فيه ، بكرا الصبح رح نسافر على حلب ، اليوم بتروحي لحالك بتودعي اخوكي و بتتحججي أي حجة اذا سألك ليش مسافرين ، لازم اطلع من هالبلد قبل ما ننفضح و تصير سيرتنا على كل لسان ، وسيرة المغضوبة نورا ماعاد بدي اسمعها نهائياً...انا ما عندي بنت اسمها نورا ، انا تبريت منها .

*بلشت حس بالكره اتجاه اختي نورا...هربت و خربت حياتنا بدون ما تفكر بالنتائج...بدون ما تهتم شو ممكن يصير فينا...تخلت عننا كرمال شخص غريب...شو لسا بدو يصير فينا ؟؟؟
________________________________________
#بقلم_فتاة_من_ورق_بسمه_السباعي

*ماسكة تلفوني و عم اتطلع فيه على امل يجيني اتصال من غسان...و بعد انتظار طويل اتصل.....

لمى : غسان .
غسان : كيفك حبيبتي .

*حسيت بغصة وما قدرت امنع دموعي تنزل....

غسان : لمى الووو انتي معي ؟؟؟
لمى : وينك انت وينك ؟؟ كنت رح موت من الخوف عليك ، ليش عملت فيي هيك ؟؟ تقصدت تختفي لتختبر حبي مو ؟ انت روحي غسان والله بموت اذا بيصير عليك شي ، اذا بتحبني لا عاد تعمل فيي هيك لا عاد تختفي و تت

#أنا_الغريب
#الجزء_السادس
#بقلم_فتاة_من_ورق_بسمه_السباعي

*ضبيت شنتايتي بما انو انتهت اجازتي...ما نمت ليلة مبارح بسبب يلي عملتو نورا...بنظري اقل شي عملو زوج عمتي انو ترك البلد...ما بتخيل حالي محلو لو انحطيت بهالموقف بحرق كل شي حواليي بنار غضبي....

ام بلال : صلاح ابني .
صلاح : اهلين امي يسعد صباحك .
ام بلال : من زمان انا هون و انت شارد .
صلاح : رح اشتقلك كتير ما تنسيني من دعائك .
ام بلال : مستحيل انسى يا روحي ، خلي هالحجاب معلق بجاكيتك مشان الله يحميك و يرجعلي ياك بالسلامة .
صلاح : الله لا يحرمني منك .

*ودعت اهلي و طلعت من البيت...

ام بلال : الله يحفظك انت و اخوك .
لمى : آمين .
ام بلال : لمى .
لمى : نعم ماما .
ام بلال : روحي جهزي حالك بدنا ننزل على السوق مشان اشتريلك فستان حفلة الوداع .
لمى : حاضر .
ام بلال : ما بدنا الناس تحس بقصة بنت عمتك .
لمى : طبعا ماما مستحيل حدا يعرف .
________________________________________
#بقلم_فتاة_من_ورق_بسمه_السباعي

*بلشنا نرتب بيتنا الجديد .. ما حدا مننا قادر يحكي .. عيوننا مليانة دموع و قلبنا محروق على ذكرياتنا و كل شي حلو تركناه...

ام فراس : جبتنا على هالبلد فجأة طلعت مجهز البيت و ما فكرت شو بدك تشتغل هون .
ابو فراس : صاحب هاد البيت بيكون صديقي و في محل جنب مدخل البناية الو ، استأجرت البيت مع المحل لا تشيلي هم شي .
ام فراس : الله يرزقك .
ابو فراس : بدي هديل تضل تحت عيونك انا ماعاد عندي ثقة بالبنات يمكن تتجرأ و تعمل متل اختها وقتها مافي شي بيصبرني .
ام فراس : بعيد الشر الله لا يقدر .
ابو فراس : اول عريس بيتقدملها بدي زوجها ياه ، اسم نورا بدي ياه يختفي من هالبيت ، اذا جربو يتعرفو عليكي نسوان هون بتخبريهم انو ما عندك غير صبي و بنت مفهوم ؟
ام فراس : مفهوم .
ابو فراس : هلأ بدي روح اقفل الشباك بغرفة هديل اذا بشوفو مفتوح رح يكون مصيرها الموت .

*سمعت حديث أبي .. ما توقعت بيوم هالانسان الطيب الحنون يتغير هيك .. مين بدي لوم غير اختي ؟! راحت و تركت العذاب الي ....
________________________________________
#بقلم_فتاة_من_ورق_بسمه_السباعي

أمين : انا لازم ارجع انزل عالشغل .
نورا : خليك كمان يومين .
أمين : متمني ضل كل العمر جنبك بس لازم اطلع و اشتغل .
نورا : بتتأخر ؟؟
أمين : على الساعة 5 بكون بالبيت ، بدك شي يا عمري .
نورا : بدي ترجعلي بالسلامة .
أمين : الله يسلمك ، بدك شي خالتي ؟
أحلام : سلامتك حبيبي الله يحميك .
أمين : يلا السلام عليكم .
أحلام : وعليكم السلام الله معك .
نورا : الله يحميك و يرجعك بالسلامة .
أحلام : آمين يارب .
نورا : رح اطلع اشطف البيت .
أحلام : الله يقويكي .

*عبيت السطل مي و بلشت اشطف ، تذكرت اديه كنا نتخانق انا و هديل على الشطف و شغل البيت .. صرت ابتسم بدون ما انتبه على حالي.....

احلام : لسا هلأ طلع من البيت لحقتي تشتاقيلو و تفكري فيه هههههه .
نورا : ههههههه .
احلام : نورا .
نورا : نعم .
احلام : كيف قدرتي تتركي بيت اهلك بهالسهولة ؟؟ هالسؤال كتير عم يخطر على بالي من اول مرة شفتك .
نورا : يمكن الحب هو يلي خلاني اخطي هالخطوة بدون تردد .
احلام : طيب ما فكرتي بأهلك شو ممكن يصير فيهن ؟
نورا : هنن ما فكرو شو صار فيني لما رفضو أمين اكتر من مرة بدون سبب .
احلام : شعور الأهل ما بيتقارن بشعور الأولاد .
نورا : اليوم انا رح اطبخلكن .
احلام : شطورة بالطبخ ؟؟
نورا : لما تدوقي بتحكمي .
احلام : معناها هاتي انا بكمل شطف عنك وانتي روحي بلشي بالطبخة .
نورا : حاضر .
________________________________________
#بقلم_فتاة_من_ورق_بسمه_السباعي

*وصلت على مكان خدمتي...تواصلت مع عمار لأعرف وين انفرز...حسيت الدنيا ما واسعتني من الفرح لما عرفت انو موجود على حاجز بيبعد عني ٢ كيلومتر....

ضياء : مين كان عم يحاكيك ؟؟
عمار : هاد اخي صلاح طلع قريب علينا كتير .. شو رأيك كل كم يوم نروح نسهر عندو .
ضياء : موافق بشرط .
عمار : شو .
ضياء : اذا تعاقبنا بتعطيني نص راتبك ههههه
عمار : ليك انسى انو عزمتك بروح و برجع لحالي .
ضياء : هههههه ولو عمارو انا معك عالموت .
عمار : الله يطول عمرك .
________________________________________
#بقلم_فتاة_من_ورق_بسمه_السباعي

*مضيت الأيام بسرعة...و اجا اليوم يلي رح سافر فيه لعند غسان و اترك قلبي و روحي عند أهلي....

ام بلال : الله يسعدك و يبعتلك حناين .
لمى : انتبهي على حالك كل يوم رح اتصل فيكي وقت موعد دواكي .
ام بلال : طول ما انتي و اخواتك بخير رح كون بخير .
لمى : ارضي عليي .
ام بلال : الله يرضى عليكي و يبعد عنك كل شر .

*حضنت أمي بقوة وبكيت...بكيت كتير ... التفتت ودعت خالتي و بنتها سمر .

لمى : سمر امي بأمانتك .
سمر : لا تشيلي هم حبيبتي توصلي بالسلامة .

*تساعدنا انا و أبي و نزلنا شناتيي...كنت متطمنة لأنو ابي رح يوصلني على لبنان...تطلعت على البيت و الحارة

#أنا_الغريب
#الجزء_السابع
#بقلم_فتاة_من_ورق_بسمه_السباعي

*رفعت راسي و تطلعت بعيونو يلي كانت عم تدمع...

غسان : الحمدلله على سلامتك يا عمري .
لمى : الله يسلمك حبيبي ، ليش عيونك مدمعة ؟
غسان : ما مصدق أنك واقفة قبالي هلأ ، تعذبت و نطرت كتير لأوصل لهاللحظة ، طول الوقت كنت عايش على اعصابي لتوصلي بخير و سلامة .
لمى : الله لا يحرمني منك .
غسان : طلعتي احلى من الصور بكتير .
لمى : وانت كمان .
غسان : خلينا نمشي .
لمى : عرباية الشناتي تركتها وقت ركضت لعندك .
غسان : هههه هلأ بجيبها و منمشي .
لمى : بس بدي تلفونك لازم اتصل بأمي طمنها عني .
غسان : اي طبعا تفضلي .
لمى : شو كلمة السر ؟
غسان : اسمك .

*ابتسمت بخجل..فتحت التلفون و اتصلت بأمي...
________________________________________
#بقلم_فتاة_من_ورق_بسمه_السباعي

ام فراس : انتي كيف بتكسري كلمتي و بتفوتي بتقدمي القهوة للضيوف ؟؟
هديل : يا ماما والله طقت روحي ، انا شو ذنبي ليش عم تحاسبوني اذا اختي يلي غلطت .
ام فراس : الف مرة قلتلك لا تجيبي سيرتها خلص افهمي انتي ما عندك اخت .
هديل : طالما تبريتو منها ليش عم تعاملوني هيك ؟؟؟
ام فراس : لحتى ما تفكري مجرد تفكير تغلطي متلها .
هديل : انا غير والله غير بيكفي تعاملوني بهالطريقة اصلا انا ما عندي الجرأة اتصرف متلها .
ام فراس : هالموضوع بإيد أبوكي مو بإيدي ، وهلأ تأخر الوقت لازم تنامي لأنو بدي اقفل عليكي الباب قبل ما يجي ابوكي .
هديل : بتسمحيلي احضنك قبل ما نام ؟
ام فراس : اي اكيد .

*حضنت أمي لحتى حس بالأمان .. ابتسمت بوجهها دخلت على الغرفة و سكرت الباب .. بعد لحظات سمعت صوت قفل الباب .. قعدت بالأرض وبكيت لحتى غفيت...
________________________________________
#بقلم_فتاة_من_ورق_بسمه_السباعي

ام بلال : الحمدلله على سلامتك يا عمري طمنتي قلبي .
لمى : الله يسلمك امي انتبهي على حالك .
ام بلال : لا تشيلي همي انا كتير منيحة خالتك و بنتها رح ينامو عندي اليوم و سمر رح تبقى عندي اسبوع .
لمى : الحمدلله سلميلي عليهم .
ام بلال : وانتي سلمي على غسان .
لمى : الله يسلمك يارب .
ام بلال : هلأ تصبحي على خير .
لمى : وانتي بخير حبيبتي .

*سكرت التلفون و رجعتو لغسان...

غسان : فرحتي بشوفة عيونك كبيرة لدرجة حاسس انو هالدنيا مو واسعتني .
لمى : الله يخليلي ياك .
غسان : من بكرا رح بلش عرفك على البلد و بوعدك تعيشي بسعادة طول ما انا جنبك .
لمى : بدي منك طلب .
غسان : أمريني .
لمى : بدي امي ، لازم نجيبها لهون .
غسان : رح اعمل جهدي لتشوفي امك هون بأقرب وقت .
لمى : بتعرف اني بحبك و بموت فيك .
غسان : بتعرفي اني بعشقك .
________________________________________
#بقلم_فتاة_من_ورق_بسمه_السباعي

ام بلال : اختي قومي نامي بغرفة لمى ، الحمدلله تطمنا عليها و تأخر الوقت هلأ .
ختام : الحمدلله ، تصبحو على خير .
ام بلال : انتي بخير ، سمر وانتي كمان روحي نامي .
سمر : حاضر خالتي .

*طفيت اضوية البيت و دخلت على غرفتي .. غطيت ابو بلال و نمت....
________________________________________
#بقلم_فتاة_من_ورق_بسمه_السباعي

أمين : خبريني كيف كان يومك بغيابي ؟؟
نورا : مو حلو .. اشتقتلك كتير .
أمين : وانا اشتقتلك بس شو بدي اعمل بدنا نعيش و نأمن لمستقبل اولادنا .
نورا : اولادنا ما رح يكون الهن مستقبل بهالبلد .
أمين : ليش ؟؟
نورا : الوضع عم يصير اسوأ و انا و انت ما النا حدا بهالبلد لازم نفكر بشكل جدي نسافر قبل ما يصير عنا اولاد .
أمين : النا خالتي شو نسيتيها ؟
نورا : خالتك في الها اخوك ، أمين انا خايفة كتير يصير عنا ولد و يموت بهالحرب متل ما توفى ابن خالي .
أمين : الله لا يقدر لا تستبقي الاحداث ، من هون ليصير عنا ولد بتكون تغيرت الدنيا و صار الوضع احسن .
نورا : يلي سافرو مانهن احسن منك ، انت في بإيدك شهادة و معك صنعة و يا دوب عم تطالع حق الأكل .
أمين : نورا حبيبتي عم توجعي راسك بهي المواضيع اتركي كل شي على الله .
نورا : متل ما بدك .
أمين : انا تعبان كتير و بدي نام تصبحي على خير .
نورا : وانت بخير .
________________________________________
#بقلم_فتاة_من_ورق_بسمه_السباعي

صلاح : يلا عمار خود رفيقك و ارجعو على الحاجز .
عمار : امرك اخي .
ضياء : تشرفت بمعرفتك صلاح .
صلاح : الي الشرف .
عمار : يلا ضياء خلينا نمشي .
ضياء : مشينا .
صلاح : عمار .
عمار : نعم .
صلاح : لا عاد ترجع تجي لهون .
عمار : ليش ؟؟
صلاح : ما بدي ياك تتعاقب .
عمار : ما بيهمني المهم ضل شوفك اخي .
صلاح : روح هلأ الله معك .
________________________________________
#بقلم_فتاة_من_ورق_بسمه_السباعي

*الساعة 6 الصبح .. فتحت عيوني و طلعت من غرفتي...

ابو بلال : استغفر الله كيف بتروح عليي صلاة الفجر .. لمى يااا لمى

*شردت شوي بعد ما ناديت بإسم لمى ، حسيت بضيق بعد ما تذكرت انو بنتي راحت ، شو بتمنى بهالعمر يكونو

#أنا_الغريب
#الجزء_الأول
#بقلم_فتاة_من_ورق_بسمه_السباعي

حياتنا سلبتنا الحُب بعد أن ملكناه..و خطفت منا الحبيب بعد أن أحببناه..أوهمنا بسعادة اللقاء..ثم صفعتنا بمرارة الفراق...

*مشعل نار و قاعد قبالها لحتى حس بالدفا يلي فقدتو من ٣ شهور ، ماسك صورة ماريا و عم اتأمل ملامحها البريئة و استرجع احلى أوقات عمري معها ، اشتقتلها كتير و اشتقت شوف ابتسامتها الحنونة ، ماريا رفيقة الطفولة و حبيبة العمر ...

ضياء : شايف صورة بنت بإيدك شو القصة ؟

*خبيت الصورة بجيبتي و مسكت خشبة صرت كسرها و ارميها عالنار ...

ضياء : ليش خبيتها ما بدك نشوفها يعني ؟
عمار : لا طبعاً ما بقبل تشوفها .
ضياء : بتحبها ؟
عمار : لو ما بحبها ما بخبي صورتها .
ضياء : شو صار فيها ؟
عمار : من وقت انسحبت عالعسكرية ماعاد عرفت عنها شي .
ضياء : ان شاء الله بتنزل اجازة و بتشوفها .
عمار : ما مصدق إيمتا تجي هاللحظة ، ما مصدق إيمتا ارجع عالبيت شوف امي و بوس ايديها و آكل من طبخها و بعدين اطلع لشوف ماريا و اعرف كيف مضت ايامها بغيابي .
ضياء : الله يرجعك بالسلامة .
عمار : و انت كمان الله يرجعك بالسلامة .
ضياء : الله يسلمك مع انو ما عاد تفرق اذا رجعت ولا لا .
عمار : ليش ؟
ضياء : لأنو ما عندي حدا ناطرني .
عمار : في ابوك و امك ناطرينك ما ضروري يكون عندك بنت بتحبك تنطرك .
ضياء : هه امي الله يرحمها و أبي من لما تزوج صار انسان تاني ، تغير كتير و قسي قلبو علينا ، لهيك بالنسبة الي الجيش ارحم .
عمار : الله يرحمها ، بعتذر .
ضياء : ولا يهمك تعودت .. هالحكي الو خمس سنين .

*تطلعت بالنار .. شردت و بلشت اتذكر ...
=====================================

عمار : ارضي عليي أمي .
ام بلال : بترجاك يا ابني لا تروح .
عمار : كيف ما روح يا امي ؟؟ مهما تأخرت نهايتي روح عالجيش .
ام بلال : بس انا ما بدي اخسرك متل ما خسرت اخوك بلال الله يرحمو ، وما بدي انحرم من شوفتك متل ما انحرمت شوفة اخوك صلاح يلي رح يصرلو سنة ما نزل اجازة .
عمار : بإذن الله رح ارجعلك انتي بس ادعيلي .
ام بلال : الله لا يحرمني منك الله يحميك و يرضى عليك .
=====================================

ضياء : عمار الوووو .
عمار : اي معك .
ضياء : كيف معي وانت شارد ؟
عمار : عم اتذكر اهلي .
ضياء : اهلك ولا حبيبة القلب ؟
عمار : ههههه اهلي اهلي .
ضياء : الله يخليلك ياهن .
عمار : امين .
ضياء : انا رايح جيب ابريق الشاي .
عمار : لا تنسى تحسب حسابي .
ضياء : تكرم عماروو .

*رجعت طالعت صورة ماريا و ابتسمت...
=====================================

ماريا : يعني باقي يومين لتروح .
عمار : اي .
ماريا : عمار بتتذكر وقت سرقت صورتك من بيت اهلك ؟
عمار : هههه اي بتذكر وما رجعتيها .
ماريا : اي ما رح رجعها بس جبتلك بدالها ، تفضل .
عمار : بس هي صورتك .
ماريا : اي صورتي خليها معك دائماً وهيك منكون تصافينا ، صورتك معي و صورتي معك .
عمار : هههههه تمام قبلت .
ماريا : ما رح تنساني ؟
عمار : شو عم تحكي انتي ؟ مستحيل انساكي .
ماريا : وعدني انك رح تنتبه على حالك .
عمار : بوعدك ، وانتي كمان انتبهي على حالك .
ماريا : رح ضل ناطرتك ترجع بالسلامة .
=====================================

ضياء : وهي أحلى كاسة شاي لأحلى عمار .
عمار : الله يسلم هالايدين .
ضياء : الله يسلمك ، عادي لا تخبي الصورة ما رح اتطلع .
عمار : بعرف عندي ثقة فيك بس خبيتها مشان ما تضيع .
________________________________________
#بقلم_فتاة_من_ورق_بسمه_السباعي

الساعة ٨ الصبح...

لمى : الفطور صار جاهز بابا .
ابو بلال : روحي صحي امك الله يرضى عليكي .
لمى : من عيوني .

*دخلت لعند امي بستها من راسها متل كل يوم ...

لمى : ماما قومي افطري حبيبتي مشان تاخدي دواكي .
ام بلال : الله يرضى عليكي و يفرحني فيكي .
لمى : الله لا يحرمني منك ومن دعائك .
ام بلال : بيوم عرسك رح كون اسعد انسانة بس بنفس الوقت رح افقدلك مين رح يهتم فيني بغيابك ؟
لمى : بوعدك ما رح اتركك لحالك لحتى تخطبي لأخي صلاح وقتها بكون أمنت عليكي .
ام بلال : ليش مين رح يعطيه لصلاح وهو رح يصرلو سنة ما نزل ولا يوم اجازة .
لمى : الله كريم حبيبتي ، يلا البابا ناطرك على الفطور بيكون جاع .
ام بلال : بسم الله .

*طول الوقت كنت عم اتأمل ملامح ابي و امي .. حابة اشبع منهم بما انو زواجي على سفر و الله عليم ايمتا برجع و بشوفهم مرة تانية بعد ما سافر .. بعد ما خلصنا فطور رتبت المطبخ و رحت على غرفتي لإتصل بخطيبي ...

****************************************

لمى : صباح الخير حبيبي .
غسان : الله لا يحرمني من هالصوت .
لمى : كيفك .
غسان : مشتقلك كتير .
لمى : يلي بيسمعك ما بيصدق انو ضلينا نحكي للساعة 2 الصبح .
غسان : لو بتضلي تحكيني الوقت كلو ما بمل منك .
لمى : الله يخليلي ياك .
غسان : اليوم رح يوصل فرش البيت يلي اخترتيه ان شاء الله لما رتب البيت بحكي مع فيديو تشوفيه .
لمى : ا

#أنا_الغريب
#الجزء_الثاني
#بقلم_فتاة_من_ورق_بسمه_السباعي

*وصلت على بيت اهل غسان .. ودعت أبي و نزلت من السيارة...

لمى : مرحبا .
ام صفوان : اهلا و سهلا فيكي يا روحي ، تفضلي .
لمى : كيفك مرت عمو .
ام صفوان : هلأ صرت منيحة بشوفتك يا مرت الغالي .
لمى : غسان عازمكن على الغدا .
ام صفوان : الله يرضى عليكي و عليه و ان شاء الله بشوفكن سوا عن قريب .
لمى : امين يا رب ، خلينا نتغدى قبل ما يبرد الأكل .
ام صفوان : رتبي السفرة رح نادي لعمك .
لمى : من عيوني .

*من لما انخطبت وانا بحس مرت عمي هي أمي التانية .. ما جربت تزعجني ولا بحرف واحد حتى .. يوم بعد يوم صرت اتأكد انو خطبتي لغسان هي نعمة كبيرة بحياتي ...

لمى : يلا تفضلو .
ابو صفوان : الله يرضى عليكي يا بنتي .
لمى : الله يطول عمرك عمو .
ام صفوان : بتعرفي يا لمى كل ما بشوفك بتمنى لو صفوان يلي مسافر و غسان يلي عايش معنا لتضلي جنبي .
لمى : الله كريم ان شاء الله بتقدرو تسافرو معي انتي و عمو .
ابو صفوان : انا ما بدي اطلع من بلدي بدي ضل فيها لحتى موت .
لمى : بعيد الشر عنك عمو .
ام صفوان : لشو هالحكي ابو صفوان الله يطول عمرك .
لمى : كيفها نادين .
ام صفوان : لا تذكريني فيها مو طايقتها تخيلي صرلها اسبوع ما اتصلت و قالتلي كيفك يا مرت عمي ، رح ضل ورا صفوان لزوجو التانية و طقق قلبها .
لمى : طولي بالك مرت عمو يمكن مشغولة .
ام صفوان : اي خليها مشغولة لتلاقي زوجها تزوج التانية .
ابو صفوان : اتركيهن بحالهن يا ام صفوان .
لمى : بيكون غسان رجع من شغلو هلأ رح اتصل فيه فيديو لنحكي معو .
ام صفوان : اي الله يرضى عليكي .
________________________________________
#بقلم_فتاة_من_ورق_بسمه_السباعي

ضياء : شايفك ضبيت تيابك بسرعة .
عمار : مبسوط كتير ما مصدق ايمتا اوصل عالبيت .
ضياء : اي طلاع من هالبواب و قول مو مصدق ايمتا تشوف حبيبة القلب .
عمار : هههههه انت دائماً كاشفني .
ضياء : الحب مبين من عيونك الكل كاشفك ما بس انا .
عمار : هلأ المهم انت ما بدك تجهز حالك ؟
ضياء : لحقان مو مستعجل ، بتعرف حتى ما الي نفس انزل حاسس هالاجازة سنتين ما يومين .
عمار : الله يكون بعونك .
ضياء : آمين .
________________________________________
#بقلم_فتاة_من_ورق_بسمه_السباعي

نورا : بشو ساعدكن ؟
ام فارس : اي ها الله يرضى عليكي من زمان اطلعي من غرفتك و خلينا نشوفك والله ما حلو يلي كنتي عم تعمليه بحالك .
هديل : انا رتبت كلشي باقي الجلي عليكي .
نورا : طيب .

*كنت مبينة للكل هدوئي بس النار عم تاكلني من جوا ، حسيت حالي خسرت أمين للأبد و ماعاد اقدر شوفو مرة تانية ، حب سنتين ضاع بسبب رفض أبي ، ليش كل شي منتمناه ما منقدر نحصل عليه بسهولة ليش ؟؟

هديل : نورااااا كسرتي الكاسة و جرحتي ايدك بشو شاردة .
نورا : اه ما انتبهت .
هديل : كيف ما بتنتبهي شو بالظاهر نسيتي الجلي ، روحي لفي ايدك انا بكمل جلي .
نورا : لا عاد تحكي معي بهالأسلوب انا اختك الكبيرة عم تفهمي .
هديل : حاضر ، روحي لفي ايدك هلأ .

*مسكت قطن و طلعت من المطبخ ....

ابو فارس : نورا .
نورا : نعم بابا .
ابو فارس : شبها ايدك ؟
ام فارس : هلأ ما كان فيكي شي .
نورا : انكسرت الكاسة بإيدي و انا عم اجلي .
ابو فارس : يلعن ابو الجلي تعالي لعندي انا بعقملك ايدك .

*بلش ابي يعقملي ايدي و انا عم اتأملو .. ما قدرت بهاللحظة امنع دموعي تنزل بكيت بدون صوت لحتى نزلت دمعة من عيوني على ايد أبي ....

ابو فارس : ليش عم تبكي يا عيوني عم توجعك ايدك ؟
نورا : اي .. شوي .
ابو فارس : لا تبكي حبيبتي شوي و بتخف ، اهم شي لا تبكي لأنو دموعك بتكويلي قلبي .
نورا : حاضر .
ابو فارس : انتي و اخواتك زينة حياتي ، بخاف عليكن من نسمة الهوا ، حتى العريس يلي تقدملك رفضتو بدون سبب بس لأني ما ارتحتلو .
نورا : الله يخليلنا ياك .
ابو فارس : روحي ارتاحي هلأ .
نورا : امرك بابا .
ابو فارس : ام فارس .
ام فارس : نعم .
ابو فارس : لا عاد تخلي نورا تلمس الجلي .
ام فارس : حاضر من عيوني .

*دخلت على غرفتي .. حضنت مخدتي و بكيت...
نورا : لو تعرف يا بابا انو قلبي يلي عم يوجعني مو ايدي .. لو تعرف انو هالانسان يلي رفضتو هو اقرب حدا الي و لروحي بهالدنيا ....
________________________________________
#بقلم_فتاة_من_ورق_بسمه_السباعي

*بعد ساعتين رجعت على بيت اهلي...عملت فنجان قهوة و قعدت مع أمي....

ام بلال : اي والله اجا بوقتو فنجان هالقهوة .
لمى : صحة ومية هنا .
ام بلال : كيف كان يومك ببيت حماكي ؟
لمى : الحمدلله منيح كتير انبسطت فيي مرت عمي .
ام بلال : لأنك مرضية الله عم يبعتلك حناين .
لمى : الله لا يحرمني من رضاكي و رضا أبي .
ام بلال : امين .
لمى : ماما كنت عم فكر بشغلة .
ام بلال : شو ؟
لمى : شو رأيك نخطب هديل بنت عمتي لصلاح ، هي بتحبنا و اكيد رح اتطمن عليكي معها بعد ما سافر .
ام بلال : هي صح بتحبنا بس مو مناسبة .
لمى : ليش ؟
ام بل

#أنا_الغريب
#الجزء_الثالث
#بقلم_فتاة_من_ورق_بسمه_السباعي

*دخلت لعند عمار على الغرفة .. كان قاعد بالأرض و لسا مو مبدل تيابو...

لمى : عمار .. أخي جهز الغدا وانت لسا لهلأ ما بدلت تيابك ؟!
عمار : القدر هو يلي وصلني إلها و هو يلي سرقها مني ، شو لسا مخبيلي هالقدر ؟
لمى : بإذن الله كل خير .
عمار : طول الوقت كنت عم فكر فيها و عم فكر باللحظة يلي رح شوفها فيها بعد هالغياب .
لمى : أخي حبيبي ربك رح يعوضك بالأحسن منها ، اشكر ربك انك رجعت بالسلامة و شفت ابوك و امك ناطرينك اشكر ربك انك ما فقدت حدا منهن ، الحبيبة و الزوجة بيتعوضو بس الأب و الأم و الأخوة ما بيتعوضو ، نسيت لما توفى اخوك بلال شو صار فينا ؟؟ نسيت اديه قلتلي انكسر ضهري ؟؟ صح انت فقدت هي البنت بس متأكدة رح يجي يوم تتعرف على بنت تانية وتكون من نصيبك و تنسى ماريا و تنسى وجعك بسببها .
عمار : ان شاء الله .

ام بلال : عمار .. يلا ابني الغدا جاهز .

لمى : قوم لعند امك و بينلها انك مبسوط لا تنزعلها فرحتها بشوفتك زعلان .
عمار : الله لا يحرمني منكن .

*ما بنكر انو بهاللحظات وجعي وحزني كبير .. بس كنت قادر اخفي كل شي ورا ابتسامتي بوجه أمي ....

ام بلال : كيف كانو يعاملوك ؟؟
عمار : ههههه شو هالسؤال امي .
لمى : اي اخي احكيلنا .
عمار : من وين بدي بلش ؟
ام بلال : شو كانو يطعموك ؟
عمار : يوم مشاوي ، يوم محاشي يعني يحتارو كيف بدهن يدللوني .
ابو بلال : ههههههههه
عمار : هههههه صح كلامي ابي .
ابو بلال : اي مية بالمية .
ام بلال : هلأ وقت المسخرة عم اسأل و بدي جواب صريح .
عمار : يا امي شو بدك بوجع هالقلب ، انتي بتعرفي الجواب من على دور اخواتي و لهلأ ما تغير شي ، هاد جيش يعني مفردات راحة و دلال و سعادة واكل مرتب مو موجودين .
ام بلال : ان شاء الله بتخلصو خدمتكن انت و اخوك صلاح على خير و ترجعولي بالسلامة يا نور عيوني انتو .
لمى : آمين .
عمار : آمين الله يخليلي ياكن .
________________________________________
#بقلم_فتاة_من_ورق_بسمه_السباعي

*بالليل نطرت لحتى كل اهل البيت نامو .. قعدت بغرفة لحالي .. اخدت نفس لحتى خفف التوتر و اتصلت بأمين....
****************************************

أمين : الو .
نورا : كيفك .
أمين : منيح .
نورا : اشتقتلك .
أمين : من كل عقلك متصلة لتقوليلي هالكلمة .. نورا علاقتنا انتهت .
نورا : بس انا بحبك .
أمين : وانا بحبك بس اكيد ما رح ضل كل عمري احكي معك على التلفون ، تقدمتلك اكتر من مرة و ابوكي رفضني و هلأ سامحيني انا مو مستعد ارجع اطلبك و انذل اكتر من هيك و كمان مو مستعد امشي بطريق نهايتو مسدود .
نورا : لا ما تقول هيك انت ما نذليت .. كل مرة تقدمتلي فيها كنت عم تكبر بعيني اكتر ، أمين أنا بحبك ، انت النفس يلي بتنفسو من سنتين والله اذا تركتني بموت .
أمين : مافي بإيدي حل يا نورا صدقيني .
نورا : شو ما قلت رح ابقى حبك و رح ابقى عايشة على أمل انو نكون من نصيب بعض .
أمين : يعني انتي رايدتيني ؟؟
نورا : معقول بعد كل هالكلام تسأل هيك سؤال ؟! انا رايدتك و رح ضل ناطرتك العمر كلو .
أمين : بدك تكملي عمرك معي ؟
نورا : هي امنيتي الوحيدة بهالدنيا .
أمين : معناها اسمعيني منيح شو رح قلك .
نورا : اي عم اسمعك .
****************************************
________________________________________
#بقلم_فتاة_من_ورق_بسمه_السباعي

*بصباح اليوم التاني...

عمار : يا الله ليش تركتوني نايم لهلأ بدي اشبع من شوفتكن .
ام بلال : الله لا يحرمني من صباحك يا نور عيوني .
عمار : الله يطول عمرك .
لمى : الفطور جاهز اخي متل ما بتحب .
عمار : والله حاسس حالي ملك .
ابو بلال : عرفت هلأ ليش ما كنت اسمحلك تتذمر من أي تفصيل بهالبيت .
عمار : اي والله يا ابي عرفت ، الانسان ما بيعرف قيمة النعمة يلي عايش فيها لحتى يفقدها .
ام بلال : يلا قولو بسم الله .
عمار : بسم الله الرحمن الرحيم ، يعيشو هالايدين يا ام بلال و يا لموش .
ام بلال : صحة ومية هنا .
لمى : عوافي اخي .
عمار : لمى ما خبرتيني كيفو غسان ؟
لمى : الحمدلله منيح ، صار مجهز البيت و عن قريب رح تزبط اوراقي لسافر .

*غصيت باللقمة لما حسيت موضوع سفر اختي صار جد ويمكن الاجازة الجاية انزل وما لاقيها بالبيت....

ام بلال : بسم الله عليك .
لمى : تفضل اخي اشرب مي بسم الله .
عمار : يسلمو ايديكن ، عم اكل بسرعة لهيك غصيت .
ام بلال : شوي شوي لك ابني معك النهار بطولو ضل عم تاكل لتسافر .
عمار : حاضر امي .
لمى : و غسان طلب مني خبرو لما تفضى بدو يحكي معك .
عمار : اي شوي تانية اتصلي فيه مشان احكي معو .
لمى : من عيوني .
________________________________________
#بقلم_فتاة_من_ورق_بسمه_السباعي

نورا : يلا يا اهل البيت اصحو حضرتلكن الفطور .
هديل : هي اول مرة بتكوني نشيطة هالقد .
ام فارس : انتي حضرتي الفطور ؟؟
نورا : اي انا .
ابو فارس : يا بنتي ما قلتلك لا تشتغلي شي

#أنا_الغريب
#الجزء_الرابع
#بقلم_فتاة_من_ورق_بسمه_السباعي

*مسكت ايد أمين و مشينا لوصلنا لعند سيارة تكسي ...

نورا : لوين رح نروح ؟
أمين : اطلعي بالسيارة لما نوصل بتعرفي .

*ركبت بالسيارة و صرت اتأمل بالشوارع الفاضية .. بلشت اسأل حالي كيف رح تكون حياتي مع أمين ؟؟ يا ترى هو رح يكون قد الثقة يلي عطيتو ياها ؟؟ شردت و بلشت اتذكر كلامو يلي طمنلي قلبي و خلاني اخطي هالخطوة بدون خوف او توتر...
=====================================
أمين : بدك تكملي عمرك معي ؟
نورا : هي امنيتي الوحيدة بهالدنيا .
أمين : معناها اسمعيني منيح شو رح قلك .
نورا : اي عم اسمعك .
أمين : انا حاولت كتير مع ابوكي لتكوني من نصيبي ونكمل العمر كلو سوا ، بس ابوكي رفض بدون ما ترفلو عين وقتها حرق قلبي و صارت الدنيا سودة بنظري ، حسيت حالي خسرتك للأبد ، اتصالك اليوم اثبتلي انو نحنا خلقنا لبعض و رح نكمل عمرنا سوا غصب عن الدنيا كلها .
نورا : كيف ؟؟
أمين : بتهربي معي و منتزوج .
نورا : اهرب ؟؟!!
أمين : اي بتهربي معي مافي غير هالحل ، نورا انا بحبك و بعشقك و بوعدك عيش عمري كلو لإلك و لإسعدك .
نورا : بس شو رح يصير بأهلي ؟؟
أمين : أهلك لو بيحبوكي بيسامحوكي مع الأيام .
نورا : طيب وين بدنا نعيش ؟
أمين : هلأ ما تشغلي بالك بهي الأمور انا رح رتب كل شي ، بس تأكدي رح تكوني بأمان طول ما انتي معي .
نورا : الله لا يحرمني منك .
أمين : اعطيني قرارك هلأ بتقبلي تهربي معي لنكمل عمرنا سوا ؟؟
نورا :..........
أمين : بتقبلي نورا ؟؟
نورا : أي بقبل .
أمين : معناها بكرا الساعة 1 ونص بعد نص الليل رح كون ناطرك تحت بيت أهلك .
نورا : و انا رح كون جاهزة .
=====================================

*بعد ساعة وقفت السيارة قبال بيت بحارة بسيطة و قديمة .. قرب أمين و فتحلي باب السيارة ...

أمين تفضلي .
نورا : شكرا .
أمين : تعالي وقفي جنبي ما تخافي .
نورا : اي حاضر .

*رفعت ايدي و دقيت الباب و انا عم اتطلع بعيون نورا يلي كانت عم تلمع متل عيون الطفل البريئ....

احلام : مين عند الباب ؟؟
أمين : انا أمين خالتي افتحي .
احلام : اهلا و سهلا حبيبي تفضلو .
أمين : الله يزيد فضلك ، تفضلي نورا .
نورا : شكرا

*دخلت على البيت .. كان بيت بسيط و بيشبه البيوت القديمة .. فيه أرض ديار و بنصها نافورة و الغرف موزعة حوالي هالأرض....

أمين : نورا بعرفك هي خالتي أحلام أمي التانية .
نورا : تشرفت بمعرفتك خالة .
أحلام : اهلا و سهلا فيكي يا بنتي .
أمين : خالتي نورا بأمانتك ، رح امشي هلأو بكرا الصبح رح اجي اخد نورا عالمحكمة لنكتب كتابنا .
أحلام : ولا يهمك ابني ، الله معك .
أمين : انتبهي على حالك نورا .
نورا : وانت كمان .
أمين : بالاذن .
نورا : الله معك .
أحلام : الله يحميك يا ابني .

*بقيت راقب أمين لحتى طلع من البيت و سكر الباب....

أحلام : نورا .
نورا : نعم خالة .
أحلام : هي الغرفة الك خدي شنتايتك و روحي نامي و ارتاحي ، بكرا رح يكون يوم مهم .
نورا : ان شاء الله ، شكرا كتير إلك .
أحلام : العفو .
________________________________________
#بقلم_فتاة_من_ورق_بسمه_السباعي

*بصباح اليوم التاني*

عمار : ارضي عليي وما تنسيني من دعائك يا امي .
ام بلال : الله يرضى عليك و يحميك و يرجعلي ياك بالسلامة .

*قربت من ابي و بست راسو...
ابو بلال : الله يرضى عليك .
عمار : الله يطول عمرك .

لمى : انتبه على حالك اخي .
عمار : وانتي انتبهي على حالك و على ابوكي و امك .
لمى : ما بدي توصية .

صلاح : يومين و لاحقك اخي ههههه
عمار : هههههه لا تتأخر .
صلاح : الله يحميك .

*تطلعت بعيون امي يلي مليانة دموع .. ابتسمتلها و مشيت .. القدر يلي فرقنا عن بعض الا ما يرجع يجمعنا .. و ينسينا وجع هالايام ....
________________________________________
#بقلم_فتاة_من_ورق_بسمه_السباعي

ضياء : أبي انا رايح بدك شي ؟؟
خلود : ابوك لساتو نايم يلا روح احسن ما تتأخر و تتعاقب شي عقوبة ههههههه .
ضياء : لا حول ولا قوة الا بالله .
خلود : روح و سكر الباب وراك .

*طلعت من البيت على أمل اني ماعاد ارجع عليه مرة تانية .. حتى اخي يلي من ابي و امي الله يرحمها ما سأل عني و عن وجودي...
________________________________________
#بقلم_فتاة_من_ورق_بسمه_السباعي

*فتحت عيوني بعد ما حسيت بالبرد ...

هديل : يا الله نورا كيف ما بتسكري الشباك الغرفة متلجة .

*سكرت الشباك و تطلعت على الساعة...

هديل : الساعة سبعة ونص ، نورا قومي نحضر فطور متل يلي حضرتيه مبارح ، نورا .. نورا اصحي بقا ، يعني يوم بتكوني نشيطة و باقي الايام كسولة .

*قربت من التخت و كشفت الغطا ...

هديل : مو بتختها اكيد بالمطبخ ههههه ، طلعتي انتي يلي فاتحة الشباك مشان تصحيني .

*ركضت على المطبخ شفت أمي عم تحضر الفطور ...

ام فارس : صباح الخير ، صاحية بكير اليوم .
هديل : صباح النور ماما .

*طلعت من المطبخ و بلشت دور بالبيت على اختي

#أنا_الغريب
#الجزء_الحادي_عشر
#بقلم_فتاة_من_ورق_بسمه_السباعي

*رجع ابي على البيت .. سكر عليي الباب و قفلو .. كان الشر واضح بعيونو ...

ام فراس : ليش قفلت عليها الباب من هلا ؟
ابو فراس : ما بدي شوف خلقتها اليوم .
ام فراس : الله يهديك والله البنت ما عملت شي غلط .
ابو فراس : قلتلك انتي ما دخلك .

*ضاقت الدنيا فيني ، قررت ريح أبي من همي و ريح حالي من هالعذاب ، فتحت علبة الدوا و فضيتها بإيدي....

ام فراس : هالمرة رح اتدخل بيكفي يلي عم تعملو بهالبنت سكتتلك كتييير بس هلأ ما رح اسكت .
ابو فراس : فاتن خليكي بعيدة عن هالموضوع .
ام فراس : حرام عليك حراااام هي بنتك و كانت اغلى شي على قلبك حرام عليك تضل تعذب فيها هي قطعة من روحك ، بترجاك اعطيني المفاتيح بترجاك .
ابو فراس : واذا كانت غلطانة ؟
ام فراس : وقتها انا رح ادبحها بإيدي .
ابو فراس : هي المفاتيح .

*اخدتهن و ركضت فتحت الباب..شفت هديل قاعدة بالأرض و بإيدها حبوب دوا...

ام فراس : شو عم تعملييييي .
هديل : بدي ارتاح من هالدنيا .

*اخدت من ايدها الدوا و حضنتها لقلبي..بكينا انا و هي..بكيت من خوفي اخسرها..وهي بكيت من وجعها....

هديل : ليش انقذتيني اتركيني موت و ارتاح .
ام فراس : لا يا روحي الله يجعل يومي قبل يومك ، انا خسرت اختك ما بدي اخسرك ، لهلأ قلبي محروق على شوفة نورا ، قلبي محروق اسمع صوتها ، والله اذا بيصرلك شي ، انا بموت بمووت .
هديل : انا بكرهها لأختي هي خربت حياتي ، راحت و عيشتني بعذاب ، انا بكرهها و بحبها بنفس الوقت .
ام فراس : الله يحميكي و يحميها و يحمي فراس ، الله يرضى عليكن و يسعدكن ، ما بدي تفكري مرة تانية بالانتحار انا متأكدة رح تتغير حياتك للأحسن .
هديل : انا ماعاد عندي حياة ، هلأ عم عيش جسد بدون روح ، حبيتو كتير ليحيى و كسر قلبي ما بتصور انو رح تتغير حياتي للأحسن بعد كل هاد .
ام فراس : خلي املك بالله كبير يا بنتي .

*كنت عم اسمع حديث بنتي و مرتي..حسيت حالي غلطت كتير بحقها..وجعني قلبي عليها و بلشت اندم....
________________________________________
#بقلم_فتاة_من_ورق_بسمه_السباعي

ام بلال : بسم الله الرحمن الرحيم .
لمى : ماما شبك حبيبتي ؟
ام بلال : ما بعرف حاسة بتقل على صدري و صار قلبي يوجعني .
لمى : بسم الله عليكي .
غسان : اكيد مليتو من قعدة البيت ، لمى روحي جهزي حالك مشان نطلع نغير جو .
لمى : ثواني و بكون جاهزة .
غسان : وانتي كمان مرت عمي جهزي حالك .
ام بلال : ما الي نفس حاسة في شي مو منيح رح يصير .
غسان : وحدي الله مرت عمي مافي الا كل خير ، هلأ منطلع منغير جو و بيروح هالاحساس .
ام بلال : ان شاء الله .
________________________________________
#بقلم_فتاة_من_ورق_بسمه_السباعي

*بعد ساعتين عم الهدوء بالمكان....

عمار : ضيااااااااء عم قلك اتركنيييييي .
الضابط : خلص تركوه و بعدو عنو .
ضياء : امرك سيدي .

*اول ما بعدو عني العساكر ركضت باتجاه حاجز صلاح .. بعمري ما ركضت بهالسرعة .. ما كان بدي شي غير انو اوصل اتطمن على اخي و اتأكد انو بخير ...

*وصلت .. و يا ريت ما عشت لأوصل و شوف هالمنظر .. لسا باقي شوية نار ما انطفت و العساكر مرميين على الارض مغرقين بدمهم .. حسيت حالي ضعت .. صرت دور بيناتهم على صلاح .. الأغلب ملامحهم ماعاد معروفة .. تطلعت حواليي شفت شخص بعيد عن الحاجز عم يزحف و كأنو عم يطلب المساعدة .. ركضت لعندو و تطلعت فيه .. كان وجهو دم .. رفع ايدو لما شافني ابتسملي ..و مات....

عمار : صلاح .. صلاح بترجاك لا تروح اخي .. صلاااااااااااح .
ضياء : عمار .
عمار : انقلع من وجهيييي انت السبب لك انت السبب لو تركتني كنت لحقت اخي كنت انقذتو .

*بلشت اضرب ضياء و هو ما قاوم .. نار الجاحز انطفت بس نار قلبي زادت و هبت لحتى حرقت كل شي حلو كان باقي جواتي....

عمار : انت السبب انت .

*لأول مرة ببكي بصوت عالي ، لأول مرة بتكون حروفي عم تحرق حنجرتي لما عم تطلع...شدني ضياء لعندو و حضني...بتذكر انو سمعتو عم يبكي معي....

عمار : ما ضل الي حدا ، انحرق قلبي يا ضياااء ، يا ريت تركتوني اجي و موت مع اخي ، شو هالدنيا يا ضياء شو صار فينااااا
ضياء : الله يصبرنا و يكون معنا .
عمار : ابتسملي قبل ما يموت ، هو عرفني بس انا ما عرفتو لحتى رااااح ، يااااااااا الله خود روحي بيكفيني وجع يا الله .
ضياء : لا حول ولا قوة الا بالله
________________________________________
#بقلم_فتاة_من_ورق_بسمه_السباعي

أمين : نوراتي وينك ؟؟
نورا : الحمدلله على سلامتك .
أمين : الله يسلمك .
نورا : كيف كان شغلك ان شاء الله ما تعبت .
أمين : الحمدلله منيح ، بس جوعان كتير .
نورا : خسا الجوع يا عمري ، الأكل جاهز روح بدل تيابك لحضر السفرة .
أمين : يسلم ايديكي .

*دخلت على الغرفة لحتى بدل تيابي..شفت ورقة على الطاولة..حملتها و قرأتها..كانت كلها عبارة عن حكي حب و غزل..طلعت من الغرفة و الشر بعيوني ....

أمين : شو هاد ؟

#أنا_الغريب
#الجزء_الثاني_عشر
#بقلم_فتاة_من_ورق_بسمه_السباعي

*سكرت الخط مع عمار و مسحت الدمعة يلي نزلت من عيني غصب عني....

لمى : غسان .. حبيبي شوفي ؟ ليش عيونك حمر هيك ؟
غسان : راسي عم يوجعني شوي .
لمى : قبل ما يتصل فيك ادهم ما كنت هيك ، صاير معو شي يعني ؟
غسان : اي ادهم واقع بمشكلة بشغلو .
لمى : الله يعينو ، ان شاء الله بتنحل لا تشيل هم .
غسان : ان شاء الله .
لمى : رح جبلك دوا ليخف وجع راسك .
غسان : يسلمو ايديكي .

*رحت على غرفتي مسكت راسي بايديي...
غسان : شو بدي قول لمرت عمي و لمى ؟؟ شو هالمصيبة يلي نزلت علينا ؟؟ الله يرحمك و يكتبك من الشهداء يا صلاح .
________________________________________
#بقلم_فتاة_من_ورق_بسمه_السباعي

ام فراس : هديل شوفي مين عند الباب .
هديل : من عيوني .

*حطيت شال على راسي و فتحت الباب...

ام أمير : مرحبا .
هديل : اهلا و سهلا .
ام أمير : هون بيت ابو فراس ؟
هديل : اي هون .
ام أمير : الوالدة موجودة ؟
هديل : اي تفضلي .
ام أمير : الله يزيد فضلك .

*رحبت بالضيفة و ركضت على المطبخ لعند امي...

هديل : ماما في وحدة اجت و سألت عنك ، دخلتها على غرفة الضيوف .
ام فراس : مين هي ؟
هديل : ما بعرف .
ام فراس : طيب تعالي انتبهي على الطبخة لروح شوفها .
هديل : اي حاضر .

*طلعت من المطبخ و رحت لشوف مين هالمرة ..

ام فراس : اهلا و سهلا .
ام امير : اهلين فيكي ، انا ام امير جارتكم بالبناية يلي جنبكم .
ام فراس : نورتينا .
ام امير : النور نوركم ، بصراحة انا عم اخطب لإبني و دلوني انو عندكم صبية حلوة و مؤدبة ، بتمنى انو هي نفسها يلي فتحتلي الباب .
ام فراس : اي بنتي هديل ما عندي غيرها .
ام امير : الله يحميها و يجعلها من نصيب ابني امير .
ام فراس : الله يقدم يلي فيه الخير ، عن اذنك دقيقة .
ام امير : خدي راحتك .

*كنت واقفة عم اجلي لما اجت لعندي امي و عم تبتسم...

ام فراس : هديل روحي بدلي تيابك بسرعة .
هديل : ليش شوفي ؟
ام فراس : هي المرة خطابة جاية تشوفك و يمكن تخطبك لإبنها .

*وقع الصحن من ايدي لما سمعت هالجملة...

ام فراس : بسم الله انكسر الشر ، روحي بدلي تيابك بسرعة انا بلمهن .
هديل : بس انا ما بدي انخطب .
ام فراس : هلأ روحي رتبي حالك وبعدين منحكي بهالموضوع .

*رحت على غرفتي بدلت تيابي و الدمعة بعيني...ما كنت حابة انخطب و ارجع انصدم...انا ما عاد بدي شي من هالدنيا غير اني عيش مرتاحة وما حدا يزعجني....
________________________________________
#بقلم_فتاة_من_ورق_بسمه_السباعي

ختام : مع مين حكيت ؟
عمار : مع غسان .
ختام : بس ما تكون قلتلو يلي صار .
عمار : اي حكيتلو كل شي و فهمتو ما يجيب سيرة لحتى صير انا عندو .
ختام : بدك تسافر ؟
عمار : اي خالتي بدي سافر و كمل حياتي بتركيا .
ختام : ليش ؟؟ فيك تكمل حياتك هون و تفتح محل ابوك الله يرحمو .
عمار : انا كرهت هالبلد .. كيف ما مشيت عم شم ريحة الدم و عم حس بالموت .. انا تعبت خالتي وما ضل إلي حدا .. اخي الكبير توفى و ترك بقلبنا غصة .. اختي الوحيدة سافرت .. أبي توفى و تركنا .. و سندي الوحيدة بهالدنيا استشهد .. انا ليش بدي ضل هون ؟؟
ختام : بس هاد نصيبك من الدنيا لازم تصبر و تتحمل .
عمار : صبرت كتير لحتى اسودت الدنيا بوجهي ، قلبي محروق يا خالتي ، انا اخدت قراري و من بكرا رايح على المنطقة يلي رح سافر منها تهريب على تركيا .
ختام : الله ييسر امرك .
________________________________________
#بقلم_فتاة_من_ورق_بسمه_السباعي

*دخلت على غرفة الضيوف .. ما كنت قادرة ابتسم .. ضيفت القهوة و قعدت منزلة راسي للأرض....

ام امير : الله يحميكي .
هديل : شكرا .
ام امير : كل الحارة مدحت منكم و من اخلاقكم ، حتى ام يحيى خبرتني انها كانت خاطبة بنتكم لابنها وما صار نصيب وهي لهلأ مقهورة من هالشي ، دورت لإبني على عرايس كتير وما كنت لاقي البنت يلي بتمناها لإلو .. بس لما شفت بنتك يا ام فراس تمنيت انها تكون مرت ابني .
ام فراس : الله يقدم يلي فيه الخير .
ام امير : ابني دكتور عيون عمرو 28 سنة عندو بيت بيبعد نص ساعة عن هون .
ام فراس : الله يخليلك ياه .
ام امير : امين ، و انتي حبيبتي اديه عمرك ؟
هديل : 18 .
ام امير : العمر كلو يا رب .
هديل : شكرا ، بالإذن .
ام امير : اذنك معك ، بتقدرو تسألو عننا مين ما بدكم ، و بتمنى ترديلي خبر بأسرع وقت .
ام فراس : ان شاء الله .

*ودعت ام امير و رحت لعند هديل لحتى اتطمن عليها...

هديل : كلهم بالبداية بيكونو مناح .. و بعدين بيظهرو على حقيقتهم .
ام فراس : مو شرط ، حرام ام يحيى لهلأ بتحبك .
هديل : بس ابنها كسر قلبي بدون ما ترفلو عين .
ام فراس : حطي ببالك هو مو من نصيبك .
هديل : هو ماعاد يهمني انا هلأ خايفة .
ام فراس : من شو ؟
هديل : خايفة ينكسر قلبي مرة تانية ، خايفة يرجع ابي ما يوثق فيني و يرجع يحبسني ، والله بقتل حالي .
ام فراس : صلي و ادعي ربك يخترلك الخير ، الدنيا

#أنا_الغريب
#الجزء_العاشر
#بقلم_فتاة_من_ورق_بسمه_السباعي

*بلشت اكتب بحرقة..كنت عم اكتب كل شي حسيت فيه من لما هربت نورا...

ام فراس : شو عم تعملي ؟
هديل : عم اكتب مشان تتحسن كتابتي وما ضل أمية .
ام فراس : ليش ؟ مين قلك هالحكي ؟
هديل : يحيى .. شاف كتابتي على الوتس ضعيفة سماني حبيبتي الأمية .
ام فراس : ههههه بيكون عم يمزح معك .
هديل : اي صحيح و انا هيك عم قول .
ام فراس : كملي كتابة حبيبتي وما تزعلي منو لو ما بيحبك ما بيخبرك برأيو .
هديل : حاضر .

*بهاللحظة عرفت انو امي بدها ياني اسكت و اصبر على كل شي من يحيى كرمال اتزوج و تخلص مني....
________________________________________
#بقلم_فتاة_من_ورق_بسمه_السباعي

*واقفة عند الشباك و عم اتأمل الطريق...

نورا : أمين .
أمين : نعم .
نورا : خلينا نطلع نتمشى الجو حلو كتير .
أمين : انتي مو ملاحظة على حالك ؟؟
نورا : شو ؟
أمين : صرلك اسبوعين كل يوم بدك تطلعي تتمشي ، واذا ما طلعتي عم توقفي عند الشباك تتفرجي على يلي رايح و يلي جاي .
نورا : اي شو فيها ما النا حدا هون يعني عم جرب سلي حالي .

*تطلع فيني أمين بعصبية .. قرب مني و وقف قبالي...

أمين : ما النا حدا .. نسيتي انو هاد خيارك انتي .
نورا : لا ما نسيت .
أمين : مين هو ؟
نورا : ما فهمت شو مين هو ؟؟
أمين : مين هو يلي بدك تطلعي تتمشي كرمال تشوفيه .
نورا : شو ؟ شو قصدك ؟ انت سامع حالك شو عم تحكي ؟
أمين : سامع و واثق من كلامي .
نورا : أمين شبك ؟ انت حبيبي الأول و الأخير عمري و نور عيوني مستحيل فكر بغيرك .
أمين : طيب روحي جهزي حالك لنطلع نتمشى .
نورا : ما بدي .
أمين : نورا جهزي حالك معك خمس دقايق بدك تكوني جاهزة .
نورا : حاضر .

*حسيت بوجع بقلبي لما سمعت حكي أمين..معقول بعد كل هالحب يشك فيني ؟؟ معقول بعد ما تخليت عن الدنيا كلها كرمالو يفكر فيني بهاد السوء !!!
________________________________________
#بقلم_فتاة_من_ورق_بسمه_السباعي

ضياء : شايف رجعلك التوحد ، قاعد قبال النار وعم تصفن ، خير شو صاير معك ؟
عمار : اشتقتلها ، اشتقت لعيونها لصوتها لضحكتها ، حرقت صورتها و رسائلها و ذكرياتنا ، حرقت قلبي بسبب حبي الها بس ماعم اقدر انساها .
ضياء : لهي الدرجة بتحبها ؟
عمار : آااخ يا ضياء كلمة بحبها قليلة على يلي بحسو اتجاهها ، كل ما بكون متضايق او زعلان بتخطر على بالي بتمنى اسمع صوتها عم تخفف عني ، من يوم يلي تركتني وانا ما شفت السعادة بحياتي .
ضياء : صرلها سنة متزوجة لازم تنساها .
عمار : يا ريت بقدر انساها ، كيف ما تلفتت عم شوفها حواليي .
ضياء : ليش عم تعذب حالك يا اخي و انت بتعرف انها مو الك ؟
عمار : مو بإيدي حبي الها هو يلي عم يعذبني .
________________________________________
#بقلم_فتاة_من_ورق_بسمه_السباعي

*مسكت ايد أمين ونحنا عم نتمشى..بالنهاية ما إلي سند غيرو بهالدنيا..مر قبالي طفل صغير بعمر السنتين تقريباً..ابتسمت و إلتفتت على أمين...

أمين : عم تطلعي فيني لتتأكدي اذا شفتك وانتي عم تبتسميلو او لا .
نورا : يعني شفتو ؟
أمين : بكل وقاحة عم تسأليني ؟
نورا : وقاحة !! انا عم اسألك شفت الطفل الصغير يلي ابتسمتلو .
أمين : هه مفكرتيني غبي لحتى صدقك .
نورا : مو انت أمين يلي حبيتو .

*تركت ايد أمين و مشيت باتجاه البيت...لحقني ركض و مسكني من ايدي بقوة....

نورا : ترك إيدي عم توجعني ، بعدين نسيان نحنا بالشارع .
أمين : شكلك انتي يلي نسيتي اننا بالشارع ، كيف بتتركيني و بتمشي هيك ؟
نورا : بدي ارجع عالبيت انا كرهت المشي .
أمين : نورا انا بحبك لهيك عم غار عليكي .
نورا : هي مو غيرة هاد اسمو شك .
أمين : انا آسف حبيبتي .
نورا :......
أمين : عم قلك آسف معقول تعمليها قصة هلأ ، نورا انا بعشقك ما بتخيل حياتي بدونك ما تزعلي مني .
نورا : و انا بحبك بس بترجاك تشيل هالأفكار السودا من راسك لأنو مافي حدا غيرك بقلبي اصلا انا ماعم شوف حدا غيرك بهالدنيا .
أمين : تشربي عصير ؟
نورا : اي .
أمين : من عيوني .
________________________________________
#بقلم_فتاة_من_ورق_بسمه_السباعي

*جهزت البيت و حضرت الأكلات يلي بتحبها أمي..عملتلها غرفة خاصة إلها بالبيت..كنت عم حس بسعادة ما حسيتها من قبل...مضى الوقت و وصلو غسان و أمي..ركضت و فتحت الباب و حضنت أمي بقوة....

ام بلال : يا روحي أنتي .
لمى : اشتقتلك كتير .
ام بلال : وانا اشتقتلك يا عيوني .
لمى : لا تبكي حبيبتي .
ام بلال : عم ابكي من الفرح لأني شفتك .
غسان : اهلا و سهلا فيكي مرت عمي نورتينا .
ام بلال : الله يرضى عليك و يقويك و يرزقك من عالي سماه يا ابني .
غسان : آمين .
لمى : نطرت هاللحظة كتير ، يا ريت لو بقدر شوف أبي .
غسان : الله يرحمو .
ام بلال : ادعيلو يا بنتي .
لمى : كل الوقت بدعيلو ، و من شوقي لإلو عم ادعي شوفو بحلمي ، احكيلي عنو كيف كان لما توفى وكيف ودعتوه .
غسان : حبيبتي روقي عليها شوي رح تبقى هون و بتشبعو