📚قصص||روايات||منوعة📚

لازم نكب الماضي بمطرحه ونطلع لمكان جديد.. بس ما كان بدي أحكيلها إني إقتنعت بكلامها ونظراتها كانت غريبة والعمال عم يطلعو الأثاث.. بعد ساعة وصلنا.. أمي فعلاً بعّدتنا.. ساعة كاملة بالسيارة لوصلنا!.. شارع مرتفع فوق منطقة جبلية بعيدة كلها شجر.. عالي بمنحدر طويل آخره خلا ما فيه بيوت.. وبتبدأ البيوت تظهر بالبعد عن @rwayate هالشارع مسافة خمس دقايق بالسيارة.. فتحت أمي عزيزة البيت بالمفتاح وكان واضح إنه منظّف مسبقاً.. كانت بترتب النقلة بدون لأعرف ومن وقت طويل.. دخّلو الأثاث ورتبناه.. الجو إشتد واتحوّل المطر لثلج!.. قالت أمي ما في كاز بالبيت لنشغل الدفاية!.. قلتلها المصاري يلي كانو باقيين معي دفعتهم لعمال التحميل.. حكت بعصبية أيوب برجف وخايفة يمرض!.. الدنيا ثلج برا وهالمنطقة صقيع.. صرّخت وقلتلها بحكيلك ما بقي معي!.. أنا فلّست وما في ولا قرش بجيبتي!.. نحنا هون بإرادتك وبسبب تخطيطك.. إنتي إخترتي هالمنطقة ونفيتينا فوق جبل!.. لو بصير جليد أنا مش مهتم!.. شفتها بتتطلع على تغريد.. وتغريد قالت الباقي جبت فيه أكل لنطبخ.. أمي شتمتنا وقالت رح آخد جلن وأشوف الجيران.. طلعت من البيت.. كان باب البيت قدامه درج صغير والبيت مرتفع عن الأرض كأنه بطابقين.. فتحت الشباك وشفتها بتتطلع حواليها ومش عارفة لوين تروح.. في قبال البيت بيت ثاني من طابقين حجر وبابه قديم وموسّخ.. كانت بتطق عليه وبتتطلع لفوق الشباك يلي قبال شباكنا.. البيت كان قبالنا تماماً ومحاوطنا.. أي شباك من شبابيك بيتنا بنفتحه بنشوف طرف منه.. سكّرت الشباك وفتحت الباب ونزلت أشوفها وين راحت.. شفتها جنب بيت بعيد عنا مئة متر.. انفتح الباب ودخلت.. جنب هالبيت كان في بيت ثاني قريب لفوق شوي والظاهر شافته وما حدا فتحلها.. كان بدي أعرف عند مين دخلت.. بس الثلج كان بنزل بغزارة وعيوني بإتجاه البيت يلي دخلت عليه.. قبل لأمشي لقدام سمعت صوت شباك فتح بقوّة.. إتطلعت وراي وحكيت تغريد؟.. كان شباك بيتنا مسكّر وما كانت تغريد موجودة.. قرّبت من البيت يلي جنب بيتنا.. شباكه كان مسكّر.. أمي طوّلت.. وأنا بقيت بفرك إيديّه ببعض وبخبي وجهي بالجاكيت.. صوت الشباك رجع إنفتح.. وكنت حاسس إنه قريب مني!.. بس ما في قبالي غير بيتين.. بيتنا وهالبيت الحجر والثنين بعاد عني.. في صوت ثاني ظهر فجأة.. خبطة على زجاج شباك.. خبطة قويّة بتتكرر كل ثانيتين تقريباً.. قرّبت ووقفت بين البيتين.. بين درج بيتنا وبين باب البيت الحجر.. قرّبت أكثر من باب البيت الحجر.. وكان صوت الخبطة أقرب.. كنت عند الباب تماماً.. وخفت حدا يفتح الباب ويشوفني وراه.. بس كنت حاسس بصوتهم وراه.. في ناس عم يحكو وكأنه في صوت بنت بتصرّخ وبتبكي مخنوقة.. بعّدت عن الباب من بعد ما سمعت صوت الشباك فوق راسي فتح!.. قلت بعتذر.. إتطلعت لفوق شفته مسكّر.. وبهاللحظة سمعت صوت مشي كانت أمي حاملة الجلن وعم ترجف.. ومن حملها لإله عرفت إنه مليان.. قرّبت منها وحملته.. قلتلها مين صحاب البيت؟.. قالت هلأ بنحكي جوا.. دخلنا للبيت وكان أيوب ببكي.. قالت أمي الولد اتجمد!.. والجو شكله ما رح يرحمنا السنة.. أعطت تغريد الجلن وشغّلت الدفاية.. شفت أمي بتسكّر ستارة الشباك.. قالت البيت لعيلة صغيرة.. أم لشب وبنتين.. أعطتني الكاز وتعرّفت عليّه.. بس إستغربت من وجودي بالبداية وفكرتني تايهة.. وما كان بدها تقول ليش مستغربة بس أنا أصرّيت من بعد ما شهقت بس عرفت إني سكنت بهالبيت.. سألتني إذا شفت حدا قبل لأجي لعندهم.. حكيتلها طرقت باب البيتين يلي بالشارع وأولهم البيت الحجر يلي جنبنا.. بهاللحظة اتغيّر لونها وحسيتها ارتبكت وأنا زاد سؤالي عليها.. قالت تغريد وبعدين؟.. شفت أمي متوترة وقالت لتغريد.. خدي أخوانك للغرفة ودخليلهم الدفاية لجوا.. دخّلتهم لغرفتهم وقفلت الباب ورجعت وأنا بقيت بكرر سؤالي عليها.. بيتنا شو فيه؟!.. حكت أمي إبن المرة إتطوّع يحطلنا دفاية بواري حطب لأنه بشتغل بمحل أنتيكا بالبلد.. قلت لأمي مقابل شو؟.. أمي سكتت.. وتغريد قالت أمي جاوبي لا تغيري الموضوع.. شو حكتلك هالمرة؟!.. قالت خايفين علينا.. قلتلها من شو!؟.. حكت هالبيت صاير فيه جريمة قتل زمان وإنهجر وما حدا قبل يشتريه وكل يلي إستأجروه تركوه لأنه قالو كل حدا سكنه خاف من لعنة مو معروفة أو يمكن من خوفهم من البيت يلي قبالنا!.. لأنها قالتلي شي.. حكيتلها أيوه شو حكتلك؟!.. قالت البيت مسكون!.. كنت بطرق على الباب ليفتحولي وكنت سامعة شبه صوت جوا.. بس ما حدا كان يفتحلي.. وبس رحت لعند هالمرة إتغيّرت بوجهي بس عرفت.. وحكتلي كان لازم تسألي قبل لتتورطي.. وما رضيت تحكيلي كل شي.. أنا متأكدة خبّت عليه.. في شي ما رضيت تكمّله.. قلتلها خلص بنبيعه وبنرجع لبيتنا.. من مين إشتريته؟!.. حكت أمي من زلمة كبير بالعمر بعرفه أبو ربيع.. شتمت أبو ربيع وقلت لأمي إنتي كيف وثقتي فيه!!.. قالت الزلمة بنعرفه من وإنت بعمر أرغد.. وما شفنا منه إلا كل خير.. أنا ما بعرف علاقتهم ببعض إذا قديمة أو معرفة..

بس متأكدة إنه لو أبو ربيع بعرف إنه هالبيت بهالوضع ما كان خلانا نشوفه حتى.. وصعب نرجع نبيعه لأنه أي حدا رح يشتريه رح يسألنا ليه رح تبيعوه وإنتو إشتريتوه من أيام.. صرّخت وقلتلها برجع لصاحبه أنا رح أهدده ليشتريه ويرجعلنا المصاري.. قالت أمي إهدى وبكرا بنحكي مع أبو ربيع هلأ الدنيا ليل.. كانت أمي بتتطلع لناحية الشباك.. وصوت الرعد والبرق مرعب برا.. قالت شفت وحدة بتتطلع من طرف الشباك وأنا تحت عم بطق الباب.. شفت نص وجهها والنص الثاني مخبى بشعر أسود.. وبس رجعت أدق إختفت.. كانت بتخبط راسها بالزجاج بقوّة مثل المجنونة.. خبطات قوّية.. ولهيك تركتهم وركضت للبيت الثاني.. كلام المرة صحيح.. يلي صار غريب وخوّفني.. فكرتها مجنونة وبدها مني أبعد عن البيت.. بس لمّا سمعت كلام المرة فهمت.. خلينا الليلة ننام وما بدي أخوكم أرغد يعرف.. رح يخاف ويخوّف أخوه معه.. أنا رح أتصرّف.. رحت قفلت الباب بالمفتاح.. وقعدنا للصبح على أعصابنا.. (راوية حالياً).. من هاللحظة بدأت الحكاية وآصف ما كان بعرف شو مستنيه بهالشارع هوه وعيلته.. الصبح وصلني البلاغ بالجريمة وكنت جاهزة للتحقيق.. نفين جارة الدكتورة رونان بعلاقة قديمة ومتماسكة معها.. وكانت رونان بتحكيلها أخبارها.. كانت مخبرتها إنها رح تطلع مشوار سريع وتترك إبنها عندها بس هالمرة ما خبرتها لوين.. قالتلها رح أدخل أجهز نفسي وأرجع.. حسّت نفين إنه في شي مو طبيعي فيها.. أو إنها خايفة.. دخلت الشقة وإستنتها وكانت شايفة سيارتها من البلكونة لسه موجودة.. كانت عم ترنلها بس ما كانت بترد.. خافت عليها وبقيت تطرق الباب.. وبس حسّت إنه في شي غلط توترت وطلبت من زوجها يكسر الباب.. كنت بحالة تدقيق.. مسدس بإيد الضحية وعيون مفتوحة وبتتطلع بالسقف.. الثنين فوق السرير غرقانين بدمهم.. الدكتورة راسها تحت السرير وجسمها بالعكس لفوق.. وإبنها على الوسادة.. طلبت عزل لمسرح الجريمة وتصوير المكان وأخذ البصمات عن الأماكن وجمع كل الأدلة البيولوجية يلي ممكن تعطينا دليل.. قرّبت من الجثة.. وإتطلعت على رقبتها.. ما في أي آثار لأظافر أو خنق.. الخبراء المختصيين بالمعاينة كانو بياخدو الإجراءات بدقة تامة وأنا كانو عيوني عشرة على عشرة!.. مرّت ساعات بالتحقيق بمسرح الجريمة.. ووصلتنا النتائج.. ما في أي بصمات غير بصمات الضحية وإبنها بمسرح الجريمة وحتى على الأداة.. خلع الباب خارجي.. والشبابيك مسكّرة ومحميّة من برا بدون عبث.. سجل المكالمات فاضي وهالشي شكّللي علامة إستفهام.. تفريغ التلفون كان كل شي فيه طبيعي.. درجة حرارة الجسم كانت بوقت إكتشاف الجريمة باردة.. وبرغم كل الأدلة الناقصة والموجودة كان لازم الطب الشرعي ياخد إجراءاته أما تحقيقي فكان سريع وفطن.. (آصف قديماً).. تغريد طلعت على المكتب وأنا رحت لأحكي مع أبو ربيع.. خبّرني إنه ما بعرف الزلمة يلي إشترى منه البيت.. هوه شاف الإعلان بالجريدة واتفق معه.. طلبت منه يحكي مع صاحبه ليرجع يشتري البيت ويرجعلنا بيتنا.. حكالي هالشي صعب لأنه الزلمة يلي إشترينا منه البيت سافر!.. أمك حكت معي بالليل وخبرتني باللي عرفتوه.. وخافت تعملّي شي الصبح لهيك حذرتني.. وأنا قبل لتيجي إتصلت برقمه وردت بنته.. بالأول كذبتها بس أعطتني رقمه الخارجي بكندا وللأسف طلع كلامها صحيح.. أما صاحبي أولاده حطوه بدار العجزة واتحفظو على بيتكم القديم.. لأنهم ما رضيو إنه يسكن لحاله ويفضحهم بهالحي القديم بسبب سمعتهم كتجار سوق معروفين.. حاولت أخنقه وأهدده وكان بصرّخ وبلم عليّه الناس.. طلعت وتركته ورجعت للشارع العالي.. أمي صرّخت عليّه وقالتلي ليه تلفونك مغلق؟.. قلتلها صار شي؟.. قالت أيوب ببكي وبأشر لناحية الشباك كل شوي!.. وأنا مش عارفة شو فيه!.. قلتلها شو الغريب ما هوه هيك من زمان!!.. حكت لأ وضعه ما بطمّن وتوترت بسبب الكلام يلي قاله أخوه.. مبارح ما سمعو كلامنا.. ويلي سمعته منه خوّفني.. قلت لأرغد شو حكيت لأمك؟.. قال حلمت بوحدة بيضة كثير وشعرها أسود زي الليل.. باين نص وجهها.. دخلت من هاد الشباك وقفلت الباب علينا أنا وأيوب وبلعت المفتاح.. وقالت أمك أكلها الغول وأخوك آصف ذبحه السفاح.. وأختك تغريد عنا بالبيت وما رح تطلع منه.. وأنا رح أضل معكم نلعب بالبازل ونرتب البيت بالعكس!.. قمت على صوت أخي أيوب ببكي.. ويلي خوّفني إنه قام من السرير وراح بإتجاه الشباك وضل يأشّر عليه لهلأ وكأنه عرف أنا شو كنت بحلم!!.. أيوب ما بحكي.. ومتوحد وبخاف من أقل شي.. ليش ليعمل هيك؟!.. أمي قالتلي شو رأيك؟.. قلتلها هاد كلام فاضي.. عم يلعب معنا.. إنت سمعتنا مبارح وعم تضحك علينا يا قرد!.. صار يبكي وقال والله ما بضحك عليكم!.. أنا ما سمعت شي.. وكنت عم بكتب بتمارين الأسئلة الجاية لحتى ألحّقهم بمدرستي الجديدة وأيوب كان جنب الدفاية بلعب بسياراته.. بهاللحظة اندق الباب.. أمي فزعت.. كان صوت تغريد.. فتحتلها الباب.. قالت المرة يلي ساكنة فوقنا ندهتلي وعرفتني.. وقالتلي لازم تيجي أمك وأخوكي لعندي..

برأيك وحدة عاقلة كل الناس بحمدو بمهنيتها وأخلاقها وسويّتها ممكن تعمل هيك شي!!.. قلتلها ليش ممكن أكون أنا؟!.. الأسباب شو؟!.. وكيف ممكن أدخل بيتها وأنهي حياتها وحياة إبنها بهالسهولة بدون ما حدا يشوفني أو حتى كاميرا تكشفني!.. قالت صحيح كاميرة باب البناية ما في ولا واحد غريب دخلها وتم التحقيق مع كل السكان يلي
Telegram: @rwayate دخلو وطلعو من البناية وما في دليل.. ما في أي تفسير للشي يلي صار!.. لأول مرة بستصعب جريمة.. قلتلها يبقى إقبلي باللي صار.. هاد اللي بإيدك مو دليل ولا وجودها ببيتي قبل يوم من موتها دليل.. الوحيد يلي بعرف ترجمة كل التفاصيل الغامضة يلي بدك ياها هيّه وحدها!.. ليش كانت بدها ياني أطلع معها وليش أجت على بيتي.. وليش حتى ما طلعت من بيتها وقتلت إبنها ونفسها!.. نحنا ما بنعرف شي!.. قالتلي وهاد يلي بإيدي؟!.. أنا بدي أشوف كل الألعاب يلي عندك وأتأكد من يلي بشبهوها!.. قلتلها إنتي مش مخوّلة بالتفتيش وما معك أمر.. التحقيق معي إنتهى مبارح وأنا ما عليّه شي.. قالت وإذا جبت الأمر؟!.. أكيد رح تدفن القطع بالأرض قبل لنوصل.. وما رح تخلينا نركبهم ونعرف لأي صورة تابعة هالقطعة!.. قلتلها أنا مو خايف منك.. أنا ما حدا بؤمرني مين ما كان.. جيبي ورقة التفتيش وتعالي شوفي القطع كلهم.. بس إنك تحكيلي بدي أشوف هيك بسهولة.. فلا تحلمي!.. قالت أمي يا ستي إبني ما بقتل.. أكيد اللي صار شي نحنا ما دخلنا فيه!.. قلت لأمي هيّه محققة مش ست حدا!.. قلتلها الزيارة إنتهت.. ورح أعتبرها زيارة ومباركة بالبيت الجديد مش تحقيق!.. هزت براسها وإتطلعت على البازل بهدوء وحطته بالبالطو وقالتلي.. ولا يهمك.. مبارك البيت.. تشوفو على وجهه الخير.. راحت بإتجاه الباب وأمي قالتلها لسه ما ضيفناكي.. ناديت على أمي وسكّتتها وراوية طلعت.. أمي كانت معصّبة وقالت.. يلي صار مبارح مخيف وكلام ماجدة وإبنها مخيف أكثر!.. هدول ما رح يتركونا.. الأرواح يلي فيه عم تتنقل بالشارع والليل كل ما رح يحل رح يصير جهنم بالنسبة لإلنا.. نحنا لازم نشوف حل!.. صرّخت وقلتلها وين نروح؟!.. إنتي علقتينا!!!.. على أساس جايين نرتاح.. المصايب لحقتنا.. عم تقول ما بطلعو إلا إذا حدا منا مرتكب ذنب!.. شو ممكن يكون صاير؟!.. حكت لا تسألني أنا لسه ما ارتحت من ليلة مبارح وما ترد على كلام هالمجانين!.. لسه صوتها بأذني عم بتدندن.. كأنها لسه معنا.. أنا خايفة إنه هالبيت يكون فعلاً في لعنة مثل ما قالو.. يمكن كل حدا سكنه صابه شي!!.. ونحنا أول ما دعسناه أول شي صار إتهموك بجريمة قتل!.. وهالمحققة المجنونة طلعت بوجهنا!.. وباين إنها ما رح تتركنا لتلبسك القضية.. ضحكت وقلتلها معقول بتفكري إني ممكن أسمحلها؟!.. إنتي مو عارفة إنه عندي غضب كبير على كل حدا بإيده سُلطة على غيره!.. هيّه يلي علقت معنا مو نحنا!.. والله لو بقيت عم تلحقني لأخلي حياتها جحيم!.. قالت أمي خلص مكتوب علينا ما نرتاح.. المشاكل رح تضل لاحقيتنا.. حكيتلها لازم تغريد تجيب نص مبلغ هالدفاية بكرا وأنا رح أجيب الباقي ورح أشتغل بشغل بناسبني.. ما بدنا من حدا شي أبداً.. قالتلي رح أحضّر فطور الولاد جاعو.. طلعت برا أدخن سيجارة.. كنت بتطلع على البيت وبحكي بعقلي أنا لازم أعرف حقيقته.. وليه الأرواح يلي ماتو فيه طلعو أول ما دخلنا البيت!.. ليش صار هيك وشو هالترابط العجيب اللي صار فجأة؟!.. شفت دورية بآخر الشارع عم يتطلعو عليّه.. مسكت السيجارة وقذفتها بإتجاههم بعصبية.. نادت أمي لأدخل أفطر.. أيوب وأرغد بحضرو تلفزيون وتغريد معهم بتحط الصحون على الطاولة بسرعة.. قالت رح أتأخر على المكتب.. بهاللحظة أمي صرّخت.. دخلت للمطبخ.. لقيت أصابعها كلهم دم!!.. قلتلها شو صار جرحتي حالك؟!.. قالت لأ لأ!!.. ما انجرحت بس البلاليع طافحة دم.. هاد دم؟!.. تعال شمّه!.. قرّبت من إيديها وشمّيتهم.. حكيتلها صحيح ريحة دم.. كيف صار هيك؟.. قالت مش لاقية سكاكين بالمطبخ!.. انفقدو.. فكّرت واحد من الولاد كبّهم بالزبالة.. فتحت لأشوف لقيت البلاليع عم تنزل دم.. من وين أجا؟.. إتطلعت على الأرض كان في نقط صغيرة متباعدة.. حكت أمي كيف وصلو لهناك؟!.. أنا ما تحركت من مكاني لسه!.. قلتلها أسكتي.. قرّبت من النقط.. وصرت أمشي وأتتبعهم.. وصّلوني لباب غرفتي.. كان مسكّر.. سامع صوت أمي بتنادي من المطبخ.. وينك!.. تعال أنا خايفة وين رحت؟!.. تغريد بتنادي شو صار معكم؟.. تعالو إفطرو.. حطيت إيدي على إيد الباب وفتحته بسرعة!.. بهاللحظة إنصدمت وشهقت!!!.. أمي غسلت إيدها ولحقتني.. شافت حيطان الغرفة ملطخة بالدم ومكتوب على الحيط فوق سريري كلمة مُجرم.. بخط كبير ومتعرّج كأنه بأصابع إيدين!!.. تغريد بقيت تنادي وصوت التلفزيون طالع بصوت عالي.. لحقتنا وشافت المكتوب.. قلتلهم أنا ما قتلت.. ما قتلت!.. ما بعرفها ولا بعرف بيتها ولا قرّبت منها.. لا منها ولا من إبنها.. أمي قالتلي إهدى.. واضح إنهم معنا وكانو سامعين كلام المحققة.. تغريد دمّعت وقالت خايفة من البيت..

خلونا نعرف كل شي ولا تخبّو!.. حكومتنا ما رح توقف معنا.. نحنا بس بنقدر نطلّع نفسنا من هالمصيبة.. قال زاهر أبي قتل ولد صغير وأمه.. سمّهم.. كان بشتغل بكرم فيلا نائب شعب معروف.. الزلمة كان بسافر كثير بحكم شغله وأموره مع الدبلوماسيين.. ومرته ما كانت علاقتها معه كويّسة ومش طايقة هاد الوضع.. وطلبت الطلاق.. أبي كان حاقد عليه وعاللي بعمله بالشعب هوه والنواب.. بس ما كان قادر يوصله.. إبنه كان يحب ياكل من التفاح الأحمر الموجود بالكرم.. وأبي قطفله تفاحتين بإيده وسمّهم بالمبيدات السامة.. كان بده ياكل التفاحتين ليتأكد من موته بسرعة قبل ليسعفوه بس الولد أعطى أمه تفاحة منهم وماتت معه.. أبي كان مخطط يقتله ليتزوج أمه لأنه كان مفكر لطفها معه حب وكان بستنى تطلق زوجها ويعيش بالفيلا معها ليخلص من سيطرة أمي وعصبيتها وأوامرها.. بس الثنين ماتو وما طال شي!.. الناس إتهموها بالجنون بسبب زوجها وإنها سمّت إبنها ونفسها.. نهلة عرفت الموضوع يلي حتى الشعب ما عرفه وهوه إعترفلنا.. بالليل إنتقمت منه بالغول يلي خبرتنا عنه!.. ويلي لهلأ ما بنعرف شو هوه!!.. لارا قالتلي لو أنا صرلي شي وإتدمر مستقبلي مثل أختي ما رح أسامحك ورح أقتلك!!!.. قلتلها خلينا نفكر كيف نخلص منهم لترتاحي.. قال زاهر أنا حبستهم من خلال تعويذة.. قدرت أتوصللها من كتب الأرواح يلي قرأتهم وساعدني بتنفيذها ختيار خبير بهالأمور عايش فوق جبل.. هاد من سنين طويلة.. ما بعرف لو بعده عايش!.. بهاللحظة رن الجرس.. الكل اتنفض.. زاهر راح فتح الباب.. كانت تغريد.. كانت بتلهث ومبلولة.. قالتلي شو صار معك؟!.. قلتلها فحصو الدم يلي على الشرشف وطلع مو دم بني آدمين وصدقوني إنه دم قطة!.. ولجنة التحقيق بناءاً من النيابة أمرو بخروجي لأنه البازل مش دليل إدانة كافي.. أنا طلّعت نفسي بذكائي.. ما فيهم يعملولي شي.. لا بصمتي على قطعة البازل ولا حتى شافوني بالكاميرا.. بس هدول الأشياء الغامضة يلي صارو فجأة عجّزوهم بالأخص الست المحققة راوية!.. وأظن أنهم ما رح يتركوني.. قالت تغريد صحيح ما رح يتركونا.. اليوم حكت معي المحققة راوية وطلبتني للتحقيق.. أخدت رقمي من مكتب المحاماة يلي بشتغل فيه.. قالت أمي.. هالإنسانة ما رح تتركنا بحالنا!.. حكتلها تغريد في حال صار شي رح أخلي حدا من المحاميين يساعدنا.. قال زاهر إذا ما إلك إيد بالقصة كيف قطعة البازل أجت بمسرح الجريمة؟!.. على كلامكم ويلي إستنتجته إنها القطعة إلك وإنت متأكد.. قلتله ما بعرف.. مو قادر أعرف.. ولو بعرف ما رح أحكيلك.. إنت نسيت حالك وعم تتدخل بحياتنا الشخصية!.. إستغرب من كلامي وقال نحنا بنفس المركب.. جيران مع بعض.. ويلي عملته نهلة مبارح فيكم وفينا.. دليل إنه نحنا الثنين مهددين!.. لهيك لا تتصرف معي بهالطريقة.. قالت أمي وقت تتخانقو؟!.. هلأ خلونا نفكّر كيف بدنا نعيش مرتاحين.. وشو سبب كل شي بصير معنا.. إتطلعت بجويرية.. قلتلها القطة يلي حكيتي عنها ويلي كانت عندك شبه القط البري؟!.. حكت تماماً سودة بشعر طويل.. كانت نحيفة كتير.. إنت شو عرّفك؟.. قلتلها شايفة الدم يلي على الشرشف يلي بإيدي؟!.. إتطلعت بريبة وقالت أيوه شو فيه؟!.. حكيتلها دم إبن القطة يلي بتقولي ماتت!.. لارا قالت مستحيل نحنا دفنناها ورا الشجرة يلي ورا بيتنا.. ورا هاد الشباك!.. قلتلهم القطة طلعت من الشباك مبارح وطلّعت إبنها من تحت سريري.. كان ميّت.. دمّه على الحيط وعلى الأرض.. كان ببيتنا ونحنا ما بنعرف.. وفي حدا قتله.. وبتخيّل هاد كله لتوصيل رسالة مثل ما حكيتو!.. نهلة بالبيت!.. عايشة معنا.. ومو بس روحها وروح هالقطة البريّة.. أنا بدأت أتأكد ومو أشك إنه موت الدكتورة رونان جزء من حكاية نهلة.. في شي عم يرتبط بكل شي عم يصير قدام عيوننا ويوصلنا لهالجريمة.. حتى كلامكم عن أبوكم.. أبوكم قتل ولد وأمه.. ونهلة أبوها قتلها مع أمها وأخواتها.. وهالقطة دخلت البيت وسحبت إبنها لتقلنا إنه في حدا قتل إبنها!.. ورونان ماتت قتل مع إبنها.. مو ملاحظين إنه كل الجرائم بشبهو بعض!.. قالت جويرية لأ لأنه القطة ماتت بسبب الورق يلي بلعته وأنا خبرتك بهالشي ولارا دفنتها.. يعني ما حدا قتلها!.. شفت لارا بتتطلع بخوف عليها ونزلت عيونها.. قلتلها إنتي دفنتيها؟!.. قالت لارا أيوه ثاني يوم.. بس أنا قتلتها بسكينة المطبخ!.. ودفنتها وقت كانت جويرية بالمدرسة.. أنا خبرتها إنه القطة ماتت من الورق وما اتحمّلت.. خافت جويرية منها وقالت إنتي شو عم تحكي؟!.. قتلتيها؟!!.. قالت أيوه خفت أحكيلك لتتأثري وترسبي!.. القطة حكت وكان صوتها بصوت نهلة.. وقالتلي رح أخلّي أختك ترسب ورح يمر الوقت وتعيشي نفس اللي عاشته.. هددتني!.. وأنا ما قدرت أحكيلك هالكلام بسبب سيطرتك ومن خوفي منك ولحبك للقطة.. كان بدي أكبر وأدرس وما يصير فيني مثلك لأنه بعد كل شي صار كان متوقع إنك ترسبي.. وهاد يلي

صار.. صرّخت جويرية وحاولت تعتدي عليها وقالتلها الله ينتقم منك.. يمكن عم تنتقم منا بسبب يلي عملتيه فيها!.. ماجدة بعّدتها وحكتها أختك مرضت بهاليوم وكانت رح تموت!.. نسيتي؟!!.. صرّخت وحكيتلهم بس خلص!!!.. أنا بدأت أستوعب.. قال زاهر شو فهمت من يلي صار!؟.. قلتلهم لو الكلام يلي براسي صحيح يبقى الموضوع أخطر من ما تخيلت.. حكت أمي قلنا وفهمنا.. شو ناطرنا لسه؟!.. صفنت فيهم وقلتلهم يلي عم يصير أحجية مثل لعبة هالبازل.. وخدعة بشكل مدروس.. لازم نرتبها لنفهم!.. يمكن كلامي يكون مسموع منهم بس صدقوني في شيطان عم يلعب لعبة مع كل الناس يلي عايشين بهالشارع.. وعلى مر السنين.. في لعنة أكيد عم تتكرر.. في شي عم ينعاد لنفس الأسباب.. قال زاهر فهمنا!!.. إذا إنت بهالذكاء فهمنا لأنه نحنا ضعنا!!.. قلتله أبوك قتل الولد لسبب شخصي ودارى السُلطة مع أبوه النائب ليفوز بمرته وبيته.. وبالنهاية قتل أمه بالغلط وفي حدا إنتقم منه وقتله.. الناس ما عرفو هالشي بس نهلة عرفت!.. القطة ماتت قتل ويلي قتلها لارا لأسباب كمان شخصية.. كان بدها تدرس وما يصير فيها مثلك لهيك قتلتها وإنتي لليوم فكرتي إنها ماتت بسبب قتلها لنفسها بأكلها للورق.. بس في إيد خفيّة قتلتها.. ونهلة عرفت!.. وبدليل إبنها يلي كان بغرفتي ويلي بالتأكيد حدا قتله.. السكاكين دليل!.. بقولو رونان قتلت إبنها ونفسها.. بس كل الدلائل الغامضة بتوحي إنه في إيد بالموضوع وحدا معيّن بعرفني وبده ينتقم مني لأسباب معيّنة وأكيد شخصية!.. الناس مفكرين إنها قتلت إبنها ونفسها.. وما عرفو المخبى يلي المحققة راوية عم تحاول تكشفه من خلالي.. وبذات نفسها قالت إنها لأول مرة بتستصعب جريمة لأنه في شي غامض ومع هيك ما في أدلة!.. ولو بالفعل طلع في مجرم ورا هالجريمة الغامضة يبقى رح نتوصّل للشي الأكبر.. إنه بيت ثروت باشا العالي السفاح في من وراه شي غامض.. وإنه ممكن ما يكون هوه يلي قتل عيلته مثل ما الناس فكروه لليوم إنه هوه يلي عمل هيك فيهم وبنفسه!.. نهلة بتعرف كل شي.. والمحققة راوية يمكن معها حق.. المجرم ممكن يكون قريب.. ويمكن يكون عايش معنا بهالشارع!.. قال زاهر كلامك خوّفني.. معقول ممكن يكون في ترابط لكل شي صار؟!.. قلتله الأيام رح تعرّفنا.. إذا الجريمتين القديمات والجداد كان وراهم إيد فاعلة غير يلي فعلها ولأسباب شخصية أو لأ!.. نهلة بتعرف كل شي قلتلك.. كل شي تماماً وأنا متأكد حتى يلي مو قادرة تعرفه المحققة.. وهيّه حالياً الطبقة الحاكمة والمسيطرة علينا.. ونحنا الكادحين!.. وأنا قررت لأول مرة بحياتي إني أداري السُلطة لأعرف المخبى والحقيقة كلها.. لأنه السُلطة والحقيقة حالياً بإيد نهلة ويا أما بتنهينا يا أما بننهيها.. قالت تغريد شو نعمل يعني؟!.. كيف نبعد عن شرّها؟!.. قالت أمي خايفة تأذي الولاد.. نحنا لازم نرجع على البيت قبل ليرجعو.. طلعنا من البيت وشفنا سيارة راوية بالشارع جنب البيت الثالث.. قال زاهر شو عم تعمل هالسيارة جنب بيت ست نجلاء؟!.. قلتله سيارة المحققة راوية!.. قالت أمي شو لسه بدها منّا كل يوم بتلحقنا لهون؟!.. رحنا بسرعة بإتجاه بيتنا.. وفتحنا الباب.. قعدنا على الكنب صامتين.. قالت تغريد في ورق شجر عالأرض!!.. حكت أمي الشبابيك كانت مسكرة مبارح بس النار ولعت بالسجادة.. حكت وفي شي كمان!.. هاد وسخ قطط!!.. ورق الشجر بكل مكان بالبيت!!.. رفعت إيدي وطلبت منها تسكت وما تتكلم!.. صرنا نمشي بالبيت.. وأمي تتلفت حواليها.. تغريد تتبعني وأنا بتطلع بزوايا البيت.. وسخ القطط بكل مكان.. وورق الشجر بالزوايا.. قلت بصوت واطي نهلة؟.. وكررت مرة ثانية نهلة؟.. تغريد قرّبت من غرفتها وفتحت الباب.. كانت بعيدة عني كم خطوة.. صرّخت صوت عالي ودخلت وقفلت الباب.. قلتلها شو صار؟!.. شو شفتي وليه قفلتي الباب!!.. كانت بتصرّخ وبتتنفس بسرعة.. طلبت منها تفتح وصرت بخبّط على الباب.. بس ما كانت ترد.. أمي خافت وقالتلها شو بتعملي إفتحي الباب بسرعة!!.. بهاللحظة سمعت صوت وقع بالمطبخ.. تركت أمي واقفة جنب الباب ودخلت للمطبخ.. كانو السكاكين على الأرض مصفوفين وعاملين شكل عين.. والأواني بتحرّكو بهدوء.. وصوت دندنة النغمة الحزينة طالع من ورا شباك المطبخ بصوت هادي.. قرّبت بهدوء من الشباك.. وقلت نهلة؟!.. إطلعي وإحكي معنا لا تفكرينا خايفين منك!.. شو بدك منّا؟!.. كنت بتطلّع من ورا الزجاج.. وبستنى أشوفها.. قلتلها شو بدك منّا؟!.. كان صوت الدندنة بعيد بين الشجر برا.. بس سامعه من ورا الشباك.. سمعت صوتها بأذني بتهمس من قرب وكأنها جنبي وبتقول.. بدي ياكم.. لفّيت بسرعة وانتفضت.. ما في حدا بالمطبخ غيري!.. الهوا إشتد برا.. والشجرة اللي كانت واقعة فوق الشجرة يلي جنب البيت الحجر وانقطعت الكهربا بسببها وقعت على بيتنا ودخل جذع طويل منها من شباك المطبخ.. اتكسّر الزجاج ودخلت لجوا بقوّة وأنا جنبها.. كان بيني وبينها خطوة وحدة لتقتلني!.. تركت كل شي ورجعت لعند أمي.. حكتلي شو صار جوا؟!.. شو يلي وقع؟!..

خايفة المكتوب على الحيطان يتحقق!!.. شو بدها منا؟!.. قالت أمي روح دوّر على بنت صاحب هالبيت.. إتوسللها ترجعلنا مصارينا وتشتري البيت منا.. قلتلها لو نموت ما بتوسللها.. حكتلي يبقى أنا رايحة أدوّر عليها.. رح أخلي أبو ربيع يوصلني لإلها ولو بدي أبوس رجليها.. قلتلها إنتي بدك تذلي نفسك وتذلينا؟!.. هدول ناس ما بفكرو غير بمصالحهم.. ما رح يفيدك غير الذل!.. قالت بدي أجرّب.. وهلأ رايحة للحارة أشوف أبو ربيع ليحكي معها.. هوه بعرف رقمها وحكا معها.. طلعت أمي من البيت وأنا بنده عليها.. وتغريد دخلت لتعمل أكل لأرغد وأيوب.. وأنا حاولت أستجوب أيوب ليحاول يحكي بس كانو نظراته غريبه وبسرح بالحيطان والشبابيك.. طلبت من تغريد ما تخاف وتقعد هادية ولو صار شي تندهلي.. قلتلها رايح لبيت زاهر.. ورح أشتري خط تلفون جديد.. طلعت من البيت ودورية الشرطة كانت فوق بيت نجلاء.. كان زاهر طالع من بيته وشافني.. قلي كنت رح أجي لعندك.. وضع أخواتي متوتر والبيت كله.. يلي عم بصير بأكدلنا إنهم طلعو من البيت.. وصارو يتفتلو بينا وجوا بيوتنا.. هالعيلة ملعونة وبتأذي.. لهيك لازم أرجع أعمل يلي عملته زمان.. تروح معي على بيت الختيار الحاجب؟.. قلتله هاد الشخص يلي خلّصكم؟!.. قال الوحيد يلي رح يخلصنا.. عنده علم بكيفية الخلاص من شر الأرواح.. التعويذة إلها وقت وما بتستخدم غير لمرّة.. لهيك لازم نرجع نشوفه.. طلعنا على السوق.. إشتريت خط تلفون.. وركبا الباص بإتجاه إكليل الجبل.. كان بعيد عنا بيتنا ساعة وربع.. بس زاهر كان حافظ الطريق.. وصلنا البيت.. بقينا نطرق الباب لتعبت إيدينا.. لوقت ما أجا زلمة وخبّرنا إنه الختيار الحاجب اتوفى ببيته من زمان ومن سنين!.. تقريباً من الوقت يلي أعطى زاهر التعويذة وهالشي صدمة!.. نفس التاريخ ونفس التوقيت ونفس السنة!!!.. سألناه كيف مات؟.. قال طبيعي جوا بيته.. قال زاهر أنا شاكك بموته.. التوقيت نفسه وأنا لسه حافظه.. ليه ليموت بنفس هالوقت؟.. قلتله والعمل؟.. قال لازم ندوّر على شخص مثل الختيار الحاجب ليساعدنا.. رجعنا على البيت.. والثلج بدأ يذوب والشمس تطلع دافية.. زاهر دخل لبيته وأنا رجعت للبيت.. أمي كانت تصرّخ على تغريد وتغريد بتقلها ليه رحتي؟!.. قلّك لا تروحي.. حكيتلها شو صار؟.. قالت ما رضيت تشوفني وخلّت الحراس يطردوني.. يلي عرفته إنه إسمها ريما.. قلّي الحارس ست ريما ما بدها تشوفك وما فيها تساعدك لأنه البيت لأبوها وهوه مسافر.. ما قبلت حتى تطلع تشوفني وأجا حارس ثاني طلعني لبرا.. صرّخت عليها وقلتلها ذليتي نفسك!.. هلأ إنبسطتي؟.. قلتلك هدول ناس ما بهمهم حدا.. وأبو ربيع أنا رح أحاسبه.. قالت الزلمة ما دخله.. كل شي صار من إيدينا وهوه ما بعرف.. إتركه بحاله وخلينا نفكّر كيف نحمي نفسنا.. كان بداية الغروب.. الجو برد.. وصوت الكلاب المشردة بين الشجر

بتطلع بالليل.. سكّرت الباب وتربست الشبابيك.. اتعشينا وتغريد نيّمت أرغد وأيوب بسريرهم.. طلعت من الغرفة وقالت وأنا بحط أيوب على سريره وقع من جيبته هاد الشي!.. كان بإيدها شي صغير.. أمي قالت شو هاد؟!.. حكت يمكن بروش!.. شكله غريب وقديم.. من وين جابه؟.. وبهاللحظة سمعنا صوت أيوب ببكي.. دخلت أمي شافته واقف وكل الأغراض بالغرفة منثورة.. الأغطية والوسادات والملابس والألعاب والكتب.. ما في شي بمكانه.. الخزاين مفتوحة والأغراض تحت وفوق الخزانة وعالأرض.. كان واقف عند الشباك وبحاول يوصل للفصالة يلي بتفتحه.. وكأنه بستنجد بحدا وبدوّر على شي بين الأغراض من نظراته.. تغريد انصدمت وقالت من دقيقة حطيته بسريره.. كيف هالأغراض انتثرو هيك؟.. قرّب منها وبعيونه دمعه.. وفتح إيده.. قالتله عم تدوّر على هاد؟.. حاول ياخده منها بعّدته.. قالت أمي إعطيه ياه.. حكتلها إستني أمي.. قالتله مين أعطاك هالبروش؟.. ما كان بحكي وبمد إيده عليها.. بده ياه.. قالتله بنت؟.. حطّت شعرها على نص وجهها.. وحكتله وين شفتها؟.. مسكت إيده وفتحت الباب وطلعت.. كان برد قوي وهوا والجو رح يمطر.. وقفت بنص الشارع.. بين البيت الحجر وبين بيت نجلاء.. إتطلعت على نظراته ورفعت إيده ليأشر على البيت.. لف وجهه ناحية البيت الحجر.. وصار يضحك.. رجع فتح إيده.. أعطته ياه وكان عم يتطلع وكأنه شايف حدا جنب البيت.. الليل خيّم على الشارع وما كان في شي مبيّن غير إنارة الشارع.. وأمي كانت بتطلب من تغريد تدخل.. بس هيّه كانت عنيدة وبدها تعرف من وين جابه.. دخلته للبيت وراحت بإتجاه بيت ست نجلاء.. وانا طلبت من أمي تسكّر الباب ولحقتها ومعنا أيوب.. انفتح باب نجلاء وشفنا راوية.. قالت أهلاً شو سر هالزيارة؟!.. قلتلها كيف إنتي هون وسيارتك مو بالشارع؟!.. قالت الشرطة جابوني وسيارتي بقيت بمكان شغلي.. ما قلتلي ليه جايين؟.. قالت تغريد في شي معنا بدنا نشوف ست البيت.. دخلنا ونجلاء قاعدة مع بنتها جنب الدفاية وعم تحط الأكل على الطاولة.. قالتلها أخي معه هاد الشي.. وما عم يقول من وين جابه.. قالت رنوة أول مرة بشوفه.. هاد بروش نسائي.. بتعلق على الملابس وواضح إنه قديم.. راوية طلبت تشوفه.. طلّعت تلفونها وصوّرته.. قالت رح أتأكد من شي بكرا.. أيوب كان بصرّخ وبده ياه.. أخده من إيدها وشد عليه.. ورنوة قالت أخوكي اليوم خوّفني.. ظهر بغرفتي فجأة وكان طول الوقت عم يتطلّع بالغرفة وكأنه شايف حدا.. ولعب بشعري بطريقة غريبة.. حطه على عيوني وكأنه عم يقلّد حدا.. أنا بعرف يلي صاير بهالحي من زمان بس امي عم تبعدني عن المشاكل لراحتي النفسية وعشان وضعي الحرج.. بس أنا مو مرتاحة.. بدأت أنخنق من غرفتي.. وعم بحس طول الوقت كأني مراقبة.. في حدا جنبي وحواليه أو عم يتطلّع عليّه.. خايفة أنام.. وخايفة أطلع من البيت.. مو عارفة شو صار من بعد ما أخوكي ظهر بالبيت.. بهاللحظة أنطرق الباب.. ارتجفنا.. وأنا قلت يمكن أمي.. راحت راوية وفتحت الباب.. شفنا بنت واقفة وخايفة وبتبكي.. قالتلها راوية شو جابك إنتي لهون؟!.. كيف أجيتي!!.. قالت رنيتلك بس ما حدا كان عم يرد.. قالتها أنا أعطيتك رقم الشغل مو رقمي الشخصي.. وهلأ أنا ما بكون موجودة.. شو فيكي؟!.. حكت زوجي حاول يذبحني ويذبح إبني بالسكين.. اتغيّر وعم يتصرف تصرفات غريبة.. حاسيته إنجن وعم يشوف شبح رونان بكل مكان.. عم تقله خدولي حقي من يلي قتلوني وقتلو إبني.. وعم يحس إنه هوه يلي قتلها لهيك بده يريّح ضميره ويقتلنا.. رحت للنيابة وأخدت العنوان وسفّرت إبني مع أختي قبل ساعة للإمارات.. رايحة تحضر مؤتمر إعلامي لشهر كونها صحفية.. وما أمنّت على نفسي بالبيت.. بدي أبقى معك.. قلت لراوية مين بتكون؟.. حكتلي نفين جارة المغدروة.. قعدت جنب رنوة وحكتلها ست نجلاء بتنامي عنا الليلة.. وبكرا ان شاء الله بتلاقي حل.. تغريد قالت نحنا لازم نرجع على البيت مو لازم نترك أمي وأرغد لحالهم.. كنا بنتطلع على نفين بإستغراب وواضح إنها خايفة.. رجعنا على البيت وأنا بسأل تغريد.. ليه لزوجها يعمل هيك؟.. يحاول يقتلهم بنفس الطريقة يلي اتكررت الجرائم فيها!!.. واضح إنها مرعوبة.. ما في وحدة بتترك إبنها وبتسفّره بعيد وبتيجي بهالشكل إلا إذا في شي عنجد صحيح بكلامها!.. قالت ما بعرف أنا إحترت.. هالجريمة عم تلحقنا وكل حدا كان قريب منها عم يقرّب منا لهالشارع.. وصلنا البيت وفتحنا الباب.. ما شفنا أمي بالصالة.. نادت عليها تغريد ودخلنا للغرفة.. كانت أمي بغرفة أرغد.. أرغد واقف وسريره مكشوف وعم يتطلع عليها ويبكي.. وهيّه شايلة كل ساعات البيت وعم ترميهم من الشباك بإتجاه البيت الحجر.. قلت لأرغد شو صار؟.. قال كانت عم تحاول تطلّعني للبيت الحجر وقالتلي عم يستنوك.. بعدين مسكت الساعات ورمتهم من الشباك.. قرّبت منها وقلتلها ليه عملتي هيك؟.. عزيزة؟!.. إتطلعي فيني.. مسكت آخر ساعة ورمتها من الشباك.. قفلته وقلتلها شو صار؟.. ليه عم تعملي هيك؟.. قالت عشان ما نحس بالوقت.. سنة ال52 كانت صعبة..

ومن هالوقت مزعت قميصي ودفنته بالشارع.. ووعدت نفسي أقطع الوقت وما أحس فيه.. تعرف ليش؟.. لأني متت.. قلتلها مين؟.. مين يلي مات؟.. حكت أنا.. الساعة سبعة وستة وعشرين دقيقة المسا خلص كل شي.. شفتها بتقلّب عيونها للسقف وبإتجاه الشباك.. وبتحاول تفتحه.. قلتلها بس!!.. تركتك ما فيكي شي.. شو صرلك؟.. شفتي حدا؟.. ضحكت وقالت شفته بتطلّع عليه هناك.. قلتلها وين هناك؟.. أشّرت على الممر بإتجاه باب الحمام.. وقالت رجع السفاح.. رجع ورح يقتلكم وإنت أول واحد!.. ورجع يقتلنا وإحنا أصلاً متنا.. متنا يا آصف.. يلي صار زمان رح يتكرر بهالبيت.. رح تقتلهم.. زي ما قتلت رونان.. ضحكت أمي بصوت عالي وتغريد إتطلعت عليّه بنظرات غريبة.. وقالتلي شو قصدها عن شو عم تحكي؟.. عم تتطلع على باب الحمام.. شو شايفة مين هناك ليه عم تتصرف هيك!!.. بترجاك شو هالكلام؟!.. إنت رح تأذينا وإنت قتلت؟!.. قلتلها أسكتي!!.. مو أمي يلي بتحكي.. في حدا جواها.. في شي صار من لمّا طلعنا.. شفتها بتتطلع على أيوب.. وقرّبت منه وأخذت البروش.. أيوب صار يبكي.. وهيّه كانت بتحسس بأصابعها فوق البروش بهدوء.. وقالت القميص يلي دفنته ورا البيت.. أيوب طلّعه اليوم.. برافو حبيبي.. مبسوطة إنك عم تساعدنا.. ولسه بريفان وجيلان رح يحكولكم تتمة القصة.. بس بطريقتهم الخاصة.. قلتلها مين بريفان ومين جيلان؟.. قالت بناتي التوأم الصغار.. أما نهلة فهيّه هلأ عند بيت ماجدة.. إشتاقتلهم لأنها كانت تحبهم زمان.. بس همّه حاولو يقتلوها حتى بعد ما ماتت!!.. مسكت إيد أمي وقلتلها.. عزيزة إتطلعي عليّه.. شو صار بس طلعنا؟.. قالت عزيزة هلأ جوا بيتنا.. عم تتعرّف على فايزة ولبابة ووتين.. قلتلها مين؟.. مين هدول؟.. وليه عم تتطلعي للممر.. شو شايفة؟.. قالت هناك رح يقتلني.. شفتها بتبكي.. وقالت رح يقتل ثريا.. رجع.. رجع من جديد!!.. بهاللحظة إنفتح باب الحمام.. وإنفتح شباكه.. ودخل هوا قوي.. وسكّر بقوة!!!!.. قالت سمعني ورجع دخل للحمام!!.. روح طلّعه.. طلّعه وقلّه يبعد عني وعن بناتي.. قلتلها مين ثروت باشا؟!.. صرّخت وقالت لا تجيبلي إسمه.. مو قادرة أنسى.. الساعة سبعة وستة وعشرين دقيقة.. دفنت القميص ومتت.. ثريا ماتت.. قلتلها إنتي ثريا؟.. حكت صح.. ثريا العالي مرته لثروت.. تغريد قالت خلينا نعمل شي!.. أمي بتروح منّا.. طلبت منها تسكت وقلت لأمي.. يبقى عزيزة بالبيت هلأ؟.. حكت قلتلك بالبيت!!.. هناك جوا.. أنا ثريا.. أكثر إنسانة إنظلمت.. روح إلحقه طلع من الشباك.. حكيتلها ثروت؟.. قالت لأ.. مش ثروت.. قلتلها مو ثروت يلي كان هون وإنتي خايفة منه؟.. صرّخت وقالت لأ.. لأاااا.. قلتلها مين؟!.. بهاللحظة إنطرق باب البيت.. طلبت من تغريد تمسك أمي.. وتبقى مع أرغد وأيوب.. الطرق كان قوي.. تغريد قالت رجلّيه عم يهتزو.. مسكت إيد أرغد وأيوب وكانت بتتطلع على الباب خايفة.. رحت وفتحت الباب.. شفت جويرية واقفة عالباب بتتطلع عليّه بهدوء بالعتمة وشعرها على نص وجهها وزاهر وماجدة ولارا بالشارع عم يركضو.. إتطلعت عليهم وضحكت وقالت مع إني بلعت المفتاح بس بياع الأنتيكا قدر يفتح الباب بطريقته ويطلعهم.. حكتلي دخلني وسكّر الباب.. حاولت أبعدها بس كانت أقوى مني وفتحته ودخلت.. شفتها بتدخل لجوا.. وزاهر وصل مع أمه وأخته لارا وقلي خلينا نلحقها.. بسبب صدمتنا فيها تركنا الباب مفتوح.. وانجمعنا كلنا بالغرفة يلي بتنام فيها تغريد مع أرغد وأيوب.. كانت جويرية حاضنة أمي.. والثنتين صامتين وشادين على بعض.. زاهر قال لجويرية إرجعي هاد مو بيتك.. صح مو بيتي وأنا مو أختك.. أنا نهلة.. أختك جويرية بالبيت مع عزيزة.. قلها وشو بدك منا؟!.. خلينا نتواجه هلأ وفهمينا!.. قالت بصوتها مو بصوت نهلة.. في أرواح انظلمت بسببكم.. وفي روح شريرة بينكم.. نحنا خايفين منها.. بدها تأذي وتقتل وتخرّب الدنيا.. أجت لهالشارع لتخرّب كل شي.. وتقتلكم واحد واحد.. عم بنبهكم إنه يلي صار ممكن يتكرر.. قلتلها مين؟.. عن مين قصدك؟.. إتطلعت أمي فيني وقالت ثريا إنظلمت.. وفي أم إنظلمت مثلها.. بس نحنا خايفين.. قال زاهر لا تخافو قولو ليش ظهرتو من جديد ومين يلي ظلم مين؟.. قالت وهيّه مدمّعة.. رونان.. رونان ما إنتحرت.. رونان إنقتلت.. والقاتل مو بعيد.. والجاي أكبر وأعظم.. جويرية صرّخت وهيّه بترجف وقالت لا تقولي.. نحنا دخلنا أجسامهم لحتى نحكي هالكلام ونشوف إذا رح ننقتل أو لأ.. معقول يهونو بهالسهولة؟.. معقول أنا أهون؟!.. بس حتى لو قتلتونا رح نرجع.. أنا قلت برجفة صوت.. فيكم تتطمنو نحنا ما رح نأذيكم.. بس قولو مين قتل رونان؟!.. قالت جويرية أسكت.. إنت كله منك.. إبعد عنّا.. شفتهم بتطلعو عليّه وتغريد قالت ما بتعملها صح آصف؟.. قالت جويرية نحنا خايفين نحكي.. من كثير أشياء.. بس بنعرف كل شي.. وباقي أهل البيت رح يوضحولكم يلي صار وتوصلكم الرسالة.. لتعرفو إنه السفاح واحد مهما تغيّرت الشخوص والأوقات.. بهاللحظة إنفتح الشباك.. سمعنا صوت بنتين عم يبكو..

وبعدين إتأكدت إنهم مشيو من جنب بيتنا بإتجاه الشجرة وكان واضح إنه المطر أخفى الأثر لأنه جويرية وقعت تحت مكان مظلل ومن بعدها بكون المكان مكشوف تماماً.. كنت ورا البيت وتغريد لحقتني وقالتلي شو في؟.. قلتلها في شباك صغيرة ورا الحيط.. أول ما حاولت أقرّب إيدي لأفتحه لجوا.. سمعت صوت بحكيلي عم تدوّر علينا؟.. إتطلعت قدامي شفت أرغد ماسك إيد أيوب وواقفين بآخر طريق بيتنا.. وأرغد لابس كندرة رجالية سودة كبيرة.. قرّبت منه أنا وتغريد وحكيتله وين كنت مبارح؟!.. قال ما بعرف.. يمكن مكان ما كنت إنت واقف!.. سألته لمين هالكندرة؟!.. قال أيوب أعطاني ياها.. شلّحته ياها شفت رجليه مشققين وبنزل منهم دم.. وواضح إنه كان بركض.. أخدتها ودخلته للبيت وأمي حضنتهم.. بقيت تغريد تتفحص الكندرة وقالت مهترية وقديمة!!.. سألتها البروش لسه معك؟!.. قالت خبيته ورح أخبّي هالكندرة.. انا حاسة كل شي بصير ليوصلنا لشي!.. طقت راوية الباب.. وشافت الولاد مستغربة.. وبقيت بتتطلع عليّه وبتقول زاهر عم يهددك.. الشرطة بالبيت باخدو أقوال أمه وأخته لأنهم منهارين من مبارح.. وعم يهدد يقتلك!.. قلتلها أنا ما قتلتها.. كنت بدوّر على أخواني وإنتي موجودة وشهدتي!.. ما كان معي أي أداة جريمة!.. خلص بكفي!.. أنا متلك مصدوم ولو بده يهدد يجي بوجهي هون ويحكي.. وقتها أنا رح أدافع عن نفسي وعن عيلتي وأقتله وأنا مش خايف.. دفاع عن النفس وما فيكي تحاكمينا.. قالت كيف ماتت جويرية؟.. وليش لتكون جنبها؟!.. قالت أمي أنا مش متذكرة شي.. كل يلي متذكرته إني كنت مع أرغد عم بحطه بالسرير لينام.. ومن بعدها شعرت بحركة بالصالة.. رحت لأشوف مين.. شعرت بإيدي بتتحرك لوحدها.. وفي حدا نفخ بوجهي.. كان هوا بارد.. ورحت أتأكد إذا الباب مسكّر كويّس ومن بعدها اهتز توازني ولمحت عيني على الساعة.. وأول شي فكّرت فيه أرميها من شباك أرغد.. ومن بعدها ما عرفت شو صار أبداً.. قالت راوية.. لو ما شفت جويرية شو عملت بعد ما فتحنا الباب عليكم وقبل لتموت كنت رح أقلك برافو بتستاهلي الأوسكار على أدائك المذهل.. بس أنا هلأ مخربطة.. وموت البنت جنني!!.. قلتلها كانت رح تحكي شي قبل ما تكون بوعيها وبعد ما شكيت إنها بوعيها وأنا جنبها بس ما سمعت.. ماتت ومن بعدها أجا زاهر وشافني.. قالت وجود أخوانك هلأ بالذات غريب.. رح أضل أشك.. ورح أضل أشك!!.. لأنه كل شي عم يصير عم يشككني!.. قرّبت منهم وقالت لأرغد وين كنت مبارح؟.. قلها مو متذكر شي.. يمكن حوالين البيت أو جواته.. أنا مو متذكر.. لقيت نفسي جنب بيتنا وشايف أخي آصف بدوّر عليه مع تغريد وأنا كنت لابس كندرة كبيرة عليّه.. قالتله وينها؟!.. لف وجهه بإتجاه الباب.. وراوية شافتها محطوطة.. قالت لتغريد إعطيني ياها لو سمحتي.. جابتها وأخدتها.. وصوّرتها بتلفونها.. قالت أنا جاي أأكدلكم اليوم إنه البروش طلع لمدام ثريا زوجة ثروت العالي.. شوف هالصور بتلفوني.. شفت مرة جهمة لابسة لبس قديم بصورة عائلية.. واقفة مع زلمة

قصير أصلع بشوارب عريضة ووجه كبير.. وبنتين صغار شعرهم قصير.. وبنت طويلة بالنص شعرها على نص وجهها.. قلتلها هدول همّه!.. هي عيلة العالي؟!.. قالت بس لسه في أفراد منهم مفقودين بالصورة.. يلي عرفته إنه مو بس هدول كانو عايشين معهم.. قلتلها صحيح.. أمي قالت مبارح في فايزة وفي لبابة ووتين.. هدول مين يا ترى؟.. قالت عم ببحث.. أنا هلأ عاملة تحرياتي لأعرف كل شي عن هالعيلة.. وهلأ إتأكدنا إنه البروش لهالست.. بس ليش طلبت من هالولد يطلّعه من التراب؟!.. وكيف دخل بيت ست نجلاء.. وليش؟!.. قلتلها يبقى هلأ عم تتأكدي إنه السر بالعيلة مش فينا.. قالت وعندي شكوك إنه قصتكم وقصتهم جزئين لحكاية وحدة.. هالعيلة ما رح تترككم.. وموت جويرية أكبر دليل إنه المجرم موجود هون.. إتطلعت راوية بتغريد وقالتها بدي أحقق معك مرة ثانية.. بسبب اللي صار مع أمك مبارح وإختفاء أخوانك.. قالت إنتي شفتي كل شي مبارح.. ليه ليتحقق معنا؟!.. وشفتي إني بقيت موجودة معكم بالشارع ودوّرت على أخواني مع الشرطة.. قلتلها لأ يا تغريد مش مصدقة كلامي.. يمكن شاكة إنه أنا وإنتي أخفينا أخواننا لسبب.. قالت راوية إعطيني البروش.. وجهزي نفسك رح تلاقي سيارة الشرطة برا.. قالت تغريد أنا عندي شغل بالمكتب بعد شوي وما في وقت إلا لأطعمي أخواني وأطلع على شغلي.. حكت وأنا ما رح أعطلك.. دخلت تغريد وأعطتها البروش.. وبهاللحظة أيوب صار يبكي ويتطلع على الشباك.. طبطبت على ظهره وقالته بس حبيبي إهدى.. قرّبت مني وقالتلي.. ما رح أصدق إنه الأرواح ممكن يقتلو ولو زاهر وأمه أقنعوكم إنه في غول ساكن هالشارع وإنتقم من أبوهم من خلال هالعيلة!.. إبتسمت وطلعت.. وأمي صارت تضرب على وجهها وقالت رح تضل وراك لتسجنك بدون ذنب!.. ما رح تتركنا.. قلتلها خليها.. إذا هيّه حابة تلعب معنا خلينا نلعب معها.. كنت معهم بالبيت وتغريد طلعت مع الشرطة.. الشارع هادي والسما صافية.. وسيارة شرطة ثانية عند بيت زاهر.. في سيارة كانت جاية من بعيد.. تكسي!.. إستغربت مين ممكن يكون جاي؟!.. يلي عرفته إنه بيت ماجدة ما بعرفو حدا.. ومش ممكن يكون حدا جاي يعزيهم.. كانت السيارة بتمشي ببطئ وأنا بتطلع عليها.. قرّبت لعندي.. ونزل منها بنت.. حكتلي حضرتك ساكن هون؟!.. قلتلها صحيح نحنا ساكنين هون مين إنتي؟!.. نزلت بنت ثانية من السيارة وحكو للتكسي إرجعلنا بعد ساعة.. قرّبو مني.. حكتلي وحدة.. أنا أيلول.. باحثة بمجال الماورائيات.. قالت الثانية وأنا هبة.. باحثة بنفس المجال.. عم ندرس دكتوراة.. وموضوع بحثنا عن الخوارق والماورئيات وكل شي من ما وراء الطبيعة من وجهة نظر الناس.. يعني إذا الناس ممكن يصدّقو هيك أشياء أو لأ.. وهالشارع مادة زخمة لهيك موضوع.. قالت للبنت هبة هاد هوه البيت!.. قلتلها بيت ثروت العالي؟.. الظاهر إنكم قارئين عنه ودارسين كثير كويّس لحتى متأكدين إنه هاد البيت.. حكت أيلول أشهر ونحنا عم نقرأ عنه وعن أصحابه ويلي سكنوه بس ما قدرنا نعرف النهاية يلي آلت لأصحاب هالبيت.. معقول ثروت باشا العالي قتلهم؟!.. هيك بقولو.. لهيك أطلقو عليه بعد ما مات لقب السفاح.. بسبب شخصيتة القوية وجبروته.. حاولت تقرّب منه قلتلها وقفي.. إنتو جايين بكل سهولة تبحثو وتشوفو بدون ما تعرفو يلي صاير؟.. حكت أيلول على حد علمي إنه ما صار شي من بعد ما إنترك هالبيت.. وكل البيوت هون عايشين بسلام بس الضجة جاية من جواه.. نحنا جينا من فترة طويلة وكان هالبيت هاد مهجور.. إنتو متى سكنتو؟.. قلتلها الكلام رح يطول.. إدخلو للبيت قبل ليشوفكم حدا.. دخّلتهم للبيت وحكينا.. قالت هبة لهيك سيارة الشرطة برا.. قالت لأيلول.. الموضوع خطير وما توقعنا يكون عم يصير لهلأ بهالتفاصيل!!.. معقول بدك نكمّل.. قالت أيلول هاد المطلوب.. يكون واقعي وحقيقي وبخوّف.. بدي أبحث ميدانياً عن شريحة كبيرة من الناس يلي سمعو عن هالبيت وأهله وأشوف شو بعرفو.. لازم أبحاثنا توصل للعالمية بمصداقية كبيرة.. ونوثّق كل شي بالصور.. حكت هبة وكيف والبيت مشمّع بالشمع الأحمر؟.. وكيف وفي قضايا قتل عم تصير؟.. قلتلهم عليكم نور.. إنتو داخلين دائرة الخطر وجايين لمكان الدنيا والعة فيه.. البنت يلي إنقتلت مبارح حطت ألف سؤال قبال عيون الشرطة وهالمحققة يلي ما بدها تتركنا.. سكنت بالشارع جنب ست كبيرة إسمها نجلاء لتشوف كل شي بعينها وتتأكد.. والموضوع مش بهالسهولة.. حكت هبة لأيلول كيف نتراجع؟!.. ما بقيلنا شي.. والدكاترة أثنو على الموضوع لأنه فيه جانب سياسي.. أشهر طويلة عم نقرأ ونراجع ونبحث عن هالبيت وآخر شي كل شي ينقلب بلحظة!.. حكت أيلول أنا ما رح أتراجع.. وبدي أبحث عنه.. قلتلها هشش.. يمكن يكونو سامعينك.. نهلة بتعرف كل شي.. وروحها بكل مكان.. أخواتها التوأم مبارح أخدو أخواني ورجعوهم الصبح.. بقولو إنهم مش متذكرين شي.. أو يمكن دخلو البيت وهوه مقفول!.. أما أمهم ثريا روحها لبست جسم أمي.. وأمي كانت مغيّبة عن الوعي.. وحكتلنا ثريا إنه روحها بقيت بالبيت..

وظهرلي بهيئة أكثر شخص بحبه.. أمي.. برغم السيطرة والشخصية السيئة إلا إني بحبها ومش قادر أتخيلها تموت!!.. بقيت تحكيلي شو فيك؟.. شهقت وقالت إيديك زرقة.. ليه هيك؟!.. دخلتني وكان الغدا على الطاولة والبيت دافي.. غسّلتلي وجهي وقالت لازم هالبيت يتبارك.. انا صرت أسرح كتير وحاسة بخنقة وحاسة معي ناس موجودين.. عم بحط الشغلة وبرجع بفقدها.. وعم برتب مكان برجع بشوفه بشكل مختلف عن يلي عملته.. هوه فيني ولا بسبب حدا؟!.. أنا مشتته يا آصف وتعبانة.. شو شفت ليه وجهك وإيديك أزرق؟.. صار شي قول!!!.. قلتلها لأ ما في شي.. اليوم مش لازم نطلع من البيت.. عتبتة مش لازم نخطيها.. حكت ليه؟.. قلتلها إسمعي كلامي وإقفلي الشبابيك.. حكت حبيبي الشبابيك مقفولة.. عم بستنى أخوانك يرجعو والأكل جاهز.. هلأ أختك بترجع ورح نضل بالبيت متل ما بدك.. دخلت للغرفة.. وسمعت صوت الرعد.. المطر بدأ ينزل وإتأكدت من إنه الشباك مقفول كويّس.. كمّلت ترتيب البازل.. وكان لسه بدي كثير لأكمّل الصورة.. بس حتى لو إكتملت رح تبقى ناقصة لأنه القطعة الأخيرة بقيت مع راوية.. وكان عندي فضول أعرف القطعة من وين ناقصة.. ومن أي شباك من البيت.. سمعت صوت الباب الخارجي إنفتح.. قمت بسرعة وسمعت صوت تغريد.. طلعت من الغرفة وقلتلها ليش راجعة بكير؟.. حكت المحامي رافي صاحب المكتب قلي روحي إرتاحي.. كان واضح التعب عليّه.. وصار بعرف بالقضية.. رح يساعدنا.. ورح يوقف جنبك.. وهدول باقي مصاري زاهر.. هيك بنكون دفعنا حق الدفاية.. أعطت أمي فلوس للبيت وحكتلي في مصنع ملابس جديد فتحوه قريب من مكتب المحاماة وقدمتلي طلب ورح يحكو معي.. شكرتها وقالتلي حبيبي نحنا مو بحاجة حدا.. ورح نخلص من هالورطة.. أنا حطيت رقمي وعنوان البيت بجريدتين كإعلان.. في حال حدا إتصل معنا رح نتفاوض معه لنبيع.. أنا حاسّة رح نخلص قريباً.. حضنتها أمي وقالت هلأ أخوانكم برجعو.. سكبت شوربة العدس لكل واحد بطبقه وبمكانه ليبرد ورح أدخل أضب المصاري جوا.. قالت تغريد وأنا رح أدخل أغيّر ملابسي.. تركتهم ودخلت أكمّل البازل.. بقيت دقايق عم برتب.. وكنت بهاللعبة سريع البديهة.. بحط القطعة بالمكان المناسب.. سمعت صوت الباب الخارجي.. وبعدها صوت شي إنكسر.. بعد ثواني سمعت صوت أرغد بقول ليه هيك ماما؟!!.. ليش؟!!.. إستغربت وطلعت من الغرفة.. شفت الأكل على الأرض والصحون مقلوبة.. وأمي واقفة متجمّدة بهدوء وجنبها أيوب ببكي.. سألت أرغد شو صار؟!.. قال دخلنا البيت شفنا أمي عم تقلب الصحون وتكب الأكل على الأرض!!.. قلتله خد أخوك وأدخل بسرعة لجوا.. دخل معه وطلعت تغريد قالت شو في؟!.. أمي ضحكت وقالت كان الأكل طيّب.. تغريد خافت وقالت ليه عملت هيك؟!.. قلتلها جاوبيني ليش عملتي هيك؟.. قالت بيت العيلة مثل صحن هالأكل.. بعد ما نتعب بطبخه ونستنى ليستوي بتطلع الطبخة مُضرة بالصحة ومو نظيفة لهيك لازم نكبها.. لحتى ما نموت.. إنت بدك تموت؟.. قلتلها لأ ولا بدي حدا منكم ينأذى.. بس شو قصدتي؟!.. إنتي شو بدك منّا وليه رجعتي؟!.. قالت بناتي رح يفاجئوكم اليوم.. أما نهلة.. قربت تكتفي.. لأنه روحها تعبت.. تعبت كتير.. وإنتو السبب.. قلنالها نحنا بحالنا.. إنتو إتركونا!.. قالت ما بزبط.. رح تنتهو لو ما عملنا شي.. وما بدنا يتكرر!!!.. تغريد مصدومة وقالت رح أمسح الأرض.. قالت أمي الباب رح ينطرق.. الشر برا لا تفتح!.. قلتلها إنتي خايفة من شي.. إيديكي عم يهتزو!.. ووجهك أصفر.. شفتها بتتطلع ناحية الشباك وبإتجاه الباب.. بتقلب عيونها يمين وشمال.. حكيتلها قولي!!.. من مين خايفة؟!.. إحكي شو يلي عم بصير وريحيني!.. ثريا إحكي.. إحكي.. قالت الليلة رح يقتلني.. ويمكن يقتل حدا كمان.. قلت مين؟.. حكت إنت.. إنت بتعرف إنك قتلت رونان.. صح؟.. وجويرية.. حكيتلها لأ.. لأ أبداً.. في حدا قلّك تحكي هيك؟.. إنتي عم تتطلعي لمكان وشايفة حدا.. مين في هون؟!!.. بهاللحظة وقّفو عيونها عن الرمش والتقليب وصفنت فيّه.. وبهاللحظة إنطرق الباب.. لفيت راسي وإتطلعت عليه.. وقلت مين؟.. ما حدا رد.. رحت بإتجاه الباب.. وقرّبت منه وفتحته.. ما لقيت حدا.. لفيت راسي لأطلع على أمي ما لقيتها.. كنت بدي ألحقها بس بقيت واقف جنب الباب.. وناديت مين؟.. طلعت لبرا.. ونزلت على الدرج الصغير.. صوت الغربان رجع.. الباب سكّر بهدوء.. كنت سامع صوت حدا ببكي.. والصوت طالع من جوا البيت الحجر.. صوت بكا عالي هالمرة كثير.. ناديت تغريد إفتحيلي.. إفتحيلي مفتاحي جوا والباب إنقفل.. طبّلت على الباب.. وبهاللحظة سمعت صوت باب إنفتح.. كنت مستدير من ناحية باب بيتنا.. والصوت طلع من ورا!!.. كان صوت باب البيت الحجر!.. إنفتح!!.. رجّعت راسي بهدوء لناحيته.. شفت مرة واقفة وأول مرة بشوفها.. شعرها مفروق من النص ووجهها أبيض زي الثلج.. وعيونها زرق.. فردت إيديها ورفعتهم لفوق.. وقالتلي فايزة بتقلّك إبعد عن وتين.. وتين تعبانة.. بهاللحظة دخل من باب البيت كرسي متحرّك وصار يتدحرج من باب البيت لآخر الشارع..

والثقافة بالمدارس.. قال ليش وهوه سفاح؟!.. نسي الموضوع بس أنا دخلت حياته وذكّرته فيه.. وقدمتله خدمة زي ما قلتلك.. قلّي إعرفي يلي أنا ما قدرت أعرفه.. وإبحثي من خلال هالمعلومات وبالناس يلي كانو بحياة هالرمز المهم.. قلتلها يعني نركّز على فايزة وبنتها والخدامة أكثر من ثروت العالي وبناته؟!.. قالت أيلول تماماً.. أنا تواصلي معه رح يكون بالسر ورح يبقى يساعدني.. بس كيف بدنا نوصل للحقيقة وهوه ما بعرف كثير؟!.. حكيتلها من الأرواح.. روح فايزة هلأ جوا جارتنا ماجدة.. وروح ثريا ما عم تترك أمي.. نهلة بدأت تختفي لسبب نحنا مش عارفينه.. يمكن قدرت تقنع أمها وهالمرة يوصلولنا الرسائل من خلال أجساد الأمهات.. أو حتى أحلام عم تشوفهم بنت مقعدة معها شلل.. بس إختفائها إله سبب أكيد.. قالت هبة يعني من كلامك عن يلي صار قدرت أعرف الشخصيات يلي بهالعيلة ويمكن أشياء بتربطهم.. حفظتهم تماماً.. بس هلأ صار لازم نربط الأحداث من كلام الأرواح لنوصل لنتيجة.. المرايا والحذاء.. القميص والبروش.. وحتى الساعات!!.. أمك لمّا رمت الساعة كانت ملامحها مرعوبة.. في شي مخوّفها منهم.. قالت أيلول صحيح.. بالأخص إنه ثريا يلي كانت عم تحكي معنا.. مرته لثروت.. كنا قاعدين سوا وتغريد مع أرغد وأيوب بالغرفة وأمي معهم.. كنا بقمة التركيز.. كانت الساعة ستة ونص المسا.. وبهالوقت الليل حل.. قلتلهم عن يلي شفته الصبح.. الروح الشريرة يلي حذرتني بهيئة أمي.. ملامح هبة تغيّرت.. وقالت لأيلول كيف نبقى لليل؟.. حكت أيلول الكاميرا معي ورح نرصد كل شي.. رح نصوّر أي شي رح يصير.. لا تخافي الشرطة دائماً هون بالشارع.. لأنه هالمحققة ما رح تتركهم.. والتكسي على الساعة ثمنية رح يجي.. أنا دفعتله كثير وقلتله يمكن نتأخر ساعة.. يعني ممكن نبقى للتسعة أكثر شي!.. ما تخافي وقوّي قلبك.. طلعت تغريد من غرفتها وقالت أنا لازم أطلع.. حكيتلها لوين؟.. رن تلفونها.. قالت أيوه رافي.. الشارع يلي على الشمال.. في شجر سرو كثير جنبه.. خليك دغري.. بتلاقي بيتنا بآخر الشارع بعد بيتين واحد عاليمين وواحد على الشمال.. قفلت الخط وقالت هاد رافي المحامي صاحب المكتب يلي بشتغل فيه.. مو قلتلك إني قلتله عن القضايا؟.. هوه حب يشوف المحققة راوية ويحكي معها.. من حظنا إنه في ناس واقفين معنا وعم يساعدونا.. رح نشوفها وبعدين نطلع لمكان هادي.. الشب طلبني للزواج من شهر وبده يعرف ردّي.. قلتلها ومو المفروض يتعرّف علينا؟!.. قالت رح يتعرّف ورح يساعدنا.. بس إنت شايف إنه هاد وضع يدخل بيتنا فيه؟!.. هوه شاف أخلاقي وقلي ما رح ألاقي متلك.. بس أنا من شهر مو عارفة أحكيلكم بس هلأ أمي عرفت.. قلتلها أنا بوثق فيكي.. وفيكي تشوفيه وتشوفي حياتك.. أنا بعرف إنك تعبتي معنا.. قالت شكراً آصف.. وطلعت من البيت.. قالت هبة أختك معها حق.. المفروض تلاقو محامي شاطر يوقف معكم بدل ما هالمحققة عم تاخدكم وتجيبكم متل ما بدها.. قلتلها أختي رح تعرف تتصرّف.. انا بوثق فيها ودائماً بتطلعنا من المصايب.. رنّيت لزاهر وقلتله يجي على البيت.. دقايق وكان هون.. أعطيته باقي مصاري الدفاية يلي ركبها واتعرف على هبة وأيلول.. وأيلول سألته أسئلة عن يلي صار الصبح.. قال أمي تحوّلت وصارت بدها تكسّر المرايا يلي بالبيت بدون سبب.. وقالت فايزة بتعرف كل شي وعارفة شو تعمل.. بس هلأ رجعت طبيعية ومو متذكرة شي.. أنا خايف على أختي لارا وعليها!!.. قالتله أيلول لأنك خايف عليهم لازم توقف معنا وتعرف إنه نحنا كمان جايين هون لنساعدكم ونكشف هالقصة يلي صرلها سنين طويلة.. أكيد المقابل رح يكون أبحاثنا بس.. يعني مو طالبين شي منكم.. بدنا نوصل للدكتوراة ونقدم هالرسالة عالمياً.. لأنه كل دكاترة قسمنا متشوقين يعرفو اللي ما حدا قدر يعرفه وحاطين كل أملهم فينا.. نحنا رح نساعدكم وإنتو رح تساعدونا.. قال زاهر بس أنا ثقتي بهالإنسان مو كبيرة.. كل شي عم بصير برجعني لنقطة البداية.. عدم الثقة.. قلتله أنا صح كنت أراجع الدكتورة رونان لأني تعبان نفسياً بس أنا ما وصلت لمرحلة الجنون.. والكلام يلي قلتلي ياه اليوم أنا نسيته.. قالت أيلول شو مصلحة آصف يقتل أختك؟!.. فكّر بعقلك.. قال يمكن لأنها بدأت تكشف لعبته وقتله للدكتورة.. يمكن لأنه خاف على نفسه من كلامها.. قالوله إنه هوه يلي قتلها!.. قلتله إنت ما شفت نظراتهم.. ما شفت كيف كانو يتطلعو هيّه وأمي.. الأرواح الشريرة بتأثر عليهم.. وحتى لهاللحظة كانو خايفين.. فكّر بكلامهم منيح.. لأنه في تخبط كبير.. وفي تراجع.. بحكو شي وبتراجعو عنه.. في خوف وتخوّف من شي رح يصير لقدام.. بس ما قدرت أعرفه.. قالت أيلول وهاد يلي رح نعرفه.. قال زاهر ياريتهم ضلو لسه محبوسين.. ياريت ما مات الختيار الحاجب.. قالت أيلول مين؟!.. قال هاد ختيار ساعدني من سنين لأسجنهم بالبيت من بعد يلي عملته نهلة فينا.. إستخدمت تعويذة قلّي إنها من جن خيّر.. وبعدناهم فيها..

إنقلبت حياتنا من بعد القطة يلي ماتت لهيك ما قدرت أتخيّل إني أخسر أمي أو وحدة من أخواتي وهلأ كله صار!!.. بهاللحظة دخلت القطة السودة من جوا وقعدت على الكنبة!.. زاهر إنتفض وقال نفسها!!.. هيّه!!.. كيف رجعت دخلت لبيتكم؟!.. هبة خافت وبعّدت وقالت شو فيها هالقطة؟!.. قلتلها حكايتها من حكايتهم.. ما بنعرف لو ماتت أو لأ.. أو هيّه روحها أو فيها روح منهم!.. أيلول حكتلها لا تخافي.. قال زاهر بعصبية كيف رجعت دخلت البيت؟.. حكيتله وطّي صوتك.. خلينا نحكي بهدوء.. إتهيألي إنه إنفتح باب البيت الحجر.. وطلعت مرة وذكرت إسم فايزة.. أنا حاسس إنها هيّه.. ومن بعدها شفت القطة عم تخرمش رجلي.. وتركتها وجيت لبيتكم ولمّا دخلنا البيت أنا وإنت وإتهمتني بالجنون كانت جنب تغريد فوق الكنبة.. قال زاهر بس أنا ما شفتها.. ما شفتها إلا هلأ!.. قلتله يعني ما لمحتها على الكنبة جنبهم؟!.. قال لأ.. صدقني لأ.. شفت أخوانك وأمك وأختك بياكلو على الطاولة والوضع هادي لهيك ما صدقتك ورحت بسرعة.. بس ما شفتها.. أيلول شدّت إيد هبة وقالتلها سجّلي الكلام على تلفونك.. ما بدنا يفوتنا شي.. وخليكي مركزة.. قلت لزاهر أنا مستغرب متلك.. بس أوعك ترجع تتهمني بالجنون أو التوهّم.. أوعك!.. سامحتك مرة.. بس مرة ثانية ما تلوم غير نفسك!.. قال زاهر لأيلول شفتو إنه ثقتي فيه عدم.. كلامه وتهديده دائماً بخوّفني.. قالت لازم نهدى.. ونستغل هالمعلومات لنوصل لنتيجة.. روح فايزة قريبة من ماجدة ويمكن تبقى تقرّب منها.. وروح ثريا قريبة من عزيزة.. وكلام يلي ساعدني بهالوراق بأكدلني إنه الحقيقة من عيلة ثروت وبالأخص مع يلي مع عيلته.. بس أنا خايفة المحققة راوية تأثر علينا وتخرّب كل شي بالأخص إنه ما معنا تصريح أو إثبات.. بس وقتها أنا ما رح أسكت.. قلتلها وشو رح تعملي؟!.. قالت رح أخلّي الأقوى منها يأثر عليها.. قلتلها لهالدرجة إنتي واصلة؟.. وبتعرفي سياسيين مهمين ليأثرو على هيك محققة جرائم جنائية رتبتها عالية؟!.. قالت لأ.. رح أخلّي الجن يتدخّل.. رح نسحرها.. ونبعدها عنا.. والجن يلي ساعد زاهر زمان.. قادر إنه يكشفلنا باقي الوراق ويساعدنا.. صرّخت هبة إنتي شو عم تحكي!!.. إنتي أكيد إنجنيتي!!!.. قالت لأ.. بس ما رح أخلّي هيك وحدة تخرّب عليّه تعب وأبحاث سنين.. اليوم أجينا بالسر بس بكرا ما رح نقدر نكمّل.. ويلي ساعدني ما رح يورط حاله أكثر.. يعني لازم يكون في داعم قوي ليساعدنا.. حاولت هبة تطلع.. قلتلها لسه بكير.. الساعة ما صارت سبعة.. قالت أيلول لزاهر.. بدنا نلاقي واحد مثل الختيار الحاجب.. قال زاهر الختيار مات بتاريخ وتوقيت قريب كثير من اللي صار زمان.. وغيره ما قدرت أعرف.. حكت أيلول رح ألاقي.. بس إنتو أوثقو ببعض ولا تزيدو الطين بلة.. بهاللحظة سمعنا صوت صفقة.. صفقة قويّة.. إتطلعنا ببعض.. وقالت أيلول مين بصفق؟!.. دخلت أمي بهدوء.. وقالت برافو عليكم.. حذرتكم ومع هيك ما هديتو.. قلتلكم إطلعو من هاللعبة وما قبلتو.. إنتو قدنا؟.. قد يلي رح يصير؟.. راوية عرفت بوجودكم هلأ.. ويلي خايفين منه رح يصير.. رح تمنعكم وتخرّب عليكم كل يلي رح تعملوه.. والنهاية رح تكون خراب.. إطلعو هلأ.. معكم خمس دقايق قبل لتوصل البيت وتشوفكم.. إهربو من الشارع ولا ترجعو.. لأنه لو صارت الساعة سبعة وستة وعشرين دقيقة.. وحدة منكم رح تنقتل.. وروح ثانية رح تروح بسببكم وإنتو رح تحملو ذنبها.. زي ما غيركم حمل ذنبنا لليوم

يتبع..

ولحتى أعرف شو مكتوب حطتلي ورق شجر ووسخ قطط من الصالة لغاية غرفة تغريد.. بس تغريد دخلت غرفتها قبلي لأنها شكت باللي نحنا ما شكينا فيه وحذفت المكتوب بعد ما قفلت الباب!.. عملت شكل عين بالسكاكين.. لحتى أفتّح عيوني منيح.. والشجرة يلي وقعت ودخلت من الشباك ما كانت رح تقتلني زي ما توقعت.. كان تحتها أرغد من بعد ما ضاع أيوب وقت كان يطلّع القميص والبروش المسحور بأمر من نهلة.. كانت الشجرة رح توقع عليه بس حرفتها لتحميه ومرة ثانية عشانك وانتي فوق سطح البيت.. وحطته ببيت نجلاء لتحميه من شر أختي.. وقالتلي بدنا ياكم وأنا خفت وما فهمت!.. البازل كان بوحيلي إنه كل شي مترتب.. بس انا ما شكيت فيها.. برغم إنها أقرب حدا لإلي وبتعرف شو بلعب.. بيتنا حاولت تحرقه بس بيت ماجدة نهلة حاولت توصللنا إشارة بحرق كتاب لارا.. لنعرف إنه في حوالينا حقد طبقي.. ولهيك كانت بتوضحلنا هالشي من الكلمات يلي بقيو.. الكادحين والعمال.. لنعرف مين حرق البيت.. الأرواح طلعو مرة ثانية لأنهم عارفين تغريد شو بدها منا.. وليه جابتنا.. الأرواح شي خيالي وغير مرئي بحسّو وبعرفو وحوالينا وما بنشوفهم يا أيلول.. كانو عارفين زوج ماجدة شو عمل.. ولهيك حذرونا.. موضوع تحسين ولبابة اتكرر.. بس نحنا عرفنا متأخر.. وكانو خايفين لأنه الأرواح الشريرة بتأثر عليهم.. وهاد يلي خدم تغريد.. الناس ما عرفو الحقيقة.. ما عرفو إنه لبابة وتحسين قتلوهم.. مثل ما عرفو كمان إنه زوج ماجدة قتل إبن النائب ومرته.. ومثل ما نفين تسببت بقتل رونان.. وكله بتفاصيل

متشابهه.. أقرب الناس لإلهم أذوهم.. أقرب الناس يلي وثقو فيهم وأمنولهم طعنوهم وخانوهم.. بس قدرة الأرواح كانت أقوى وكشفت الظالم من المظلوم.. لأنه مو كل شي بنسمعه أو حتى بنشوفه بكون صحيح.. أوقات الظالم مظلوم والمظلوم هوه الظالم.. وهاد إنطبق عليّه انا كمان.. راوية ما تركتني وإتهمتني بالقتل برغم إني مظلوم.. نهلة كانت بتعطينا إشارات حتى لأهل ماجدة وما كانو يفهمو حتى بموت القطة!.. ثريا كانت معنا وكانت بتقلي ما رح تفهم ومو عارف تفهم.. لأني فعلاً غبي.. ومنعت أمي تموت وخلّتها تقلب الصحون وتكبهم.. لأنه تغريد كانت رح تقتلها لحتى ما تفضحها.. لهيك قالتلي بيت العيلة مثل صحن الأكل.. بعد ما نتعب بطبخه ونستنى ليستوي بتطلع الطبخة مُضرة بالصحة ومو نظيفة لهيك لازم نكبّها.. وفعلاً.. كانت إشارة إنه تغريد أذتنا.. وكانت مُضرة وقتلتنا.. برغم كل شي ما اكتفت لأنها عارفة في أرواح شريرة واقفة معها.. وعم تمنع الأرواح الخيّرة ليحكو.. لهيك كانو أمي وجويرية خايفين وبقلبو الكلام وبتهموني.. حاولو كتير معي وما كنت أفهم حتى جيلان وبريفان.. بدعسات رجليهم ورا جثة جويرية يلي انقذتني من التهمة وكلام أخواني ما فهمت.. خافو إنه لارا تقتل نفسها من بعد ما تعرف الحقيقة.. ولهيك طلبو إنه المرايا تنكسر.. خافو عليهم من اللعنة تتكرر والسحر ينعاد.. وأحلام رنوة كانت إشارات وأدلة.. الكندرة السودة الكبيرة.. يلي كان فيها المسدس كانت بمكان قريب من الشجرة جنب القبو يلي فيه مسدس تغريد.. كاتم الصوت.. بس ما فهمنا.. روح تحسين الشريرة ساعدت تغريد للآخر.. لأنه بشبهها وكان بمنعني أكشف الحقيقة.. لهيك أنقذها بالبيت من بعد ما طلعت فايزة من البيت وقالتلي إبعد عن وتين.. كان قصدها عن ثروت يلي كان حابسها وتكرار الأحداث حالياً.. أوهمتني إنه ما صار شي برغم صراخها من ثريا يلي كانت لابسة جسم أمي.. بس روح تحسين الشريرة أثّرت عليها وهاد بفسّر وجود القطة يلي ما كان شايفها زاهر لحتى ما يشك غير فيني.. بالتأكيد كان جواها.. وأثّر عليها.. لأنه إيد تغريد كانت عليها.. إستعانت فيه بالتأكيد لينهي حياتك وحياة هبة لأنكم بدأتو تكشفو اللعبة وحياة ثروت العالي.. بالوقت يلي كانت بتخطط مع صاحبها ليقتلو رنوة عن طريق نفين.. أوهمتنا إنه المحامي رح يساعدنا زي ما ساعدتنا بالفلوس وببحثها لإلي عن شغل.. بالليلة يلي طلعت فيها من البيت وإنتي وهبة معنا أنا وزاهر.. خبّرت راوية عنكم وبالتأكيد قالتلها لا تقولي إسمي لحتى ما نشك فيها.. وراوية بسبب إثباتها لنفسها ما قالت لتحكيلنا إنها واعية وعارفة شو بصير.. ومن بعد ما تغيّبتي عن الوعي مع هبة وزاهر.. روح تحسين الشريرة كانت موجودة.. بجسم القطة.. وهاد يلي شفتيه على الشجرة.. وما بيّن بالكاميرا لأنها غير مرئية.. وزاهر حتى ما شافها.. بس قادرة تأثر.. ونشوان كان موجود وقتل هبة بقوة الشر يلي خدمتهم.. وتوهّم لراوية إني جوا عم بخنقها لتصدّق إني المجرم.. بس جيلان وبريفان أخدو المفتاح وطلّعو أمي وأخواني من البيت عن طريقهم.. وشافو شو كان يصير من بعد ما نشوان قتل نفين لأنها فشلت بقتل رنوة والشرطة رح تاخدها وتعترف.. لهيك بصمات أرغد كانت بالبيت.. وما كان واعي.. بس عاشت رنوة وخبّرت أمها.. لهيك طلعت لبيت ماجدة تستنجد فيها وتم تصفية نفين ورميها بالبيت.. ونشوان بقي موجود بالشارع لأنه المسدس ما قدرو يطلعوه من الأرض.. بالوقت يلي تغريد هربت فيه طلبت منه يرجع ياخده بس انصدم إني بحاول أدخل البيت مع زاهر وقتل زاهر لتثبت التهمة عليّه للمرة الأخيرة لحتى أبقى أتعذب بالسجن.. وكلام جيلان لخّص يلي صار.. قالت لأرغد لا توثق بالعيلة ولا توثق بأخوك.. وبالفعل حتى الأخ طلع ما بنوثق فيه.. تغريد أو تاغي طلعت عكس التوقعات.. طلعت أسوء من كل التوقعات.. حقدها بسبب أبي علينا خلّاها شخصية ثانية لابسة قناع لوجه ما بشبهها.. بس الوجه الحقيقي ما كنا شايفينه.. وهوه حقيقتها السيئة

يتبع