#سكر_الحب @rwayate
#الجزء_الأولسارة: هاتي بوسة خالتي الحلوة
جبهان : الله ييسرلك حبيبتي مابدي وصيكي هي سندويشتك ازا بترجع معك بزعل منك
سارة: يا الله يا خالتو صار عمري 18 و لهلأ بتوصيني بالسندويشة.. يييي هي بابا تحت عم يزمرلي يلا انا نازلة…
جيهان: سارة انتي منيحة؟
سارة: لا تخافي علي خالتو انا منيحة… العيد بعد 3 ايام و اليوم ذكرى وفاة الغالية… هي الذكرى الرابعه لوفاتها بس انا منيحة و قوية… يلا لازم انزل… باي
نزلت سارة و طلعت مع ابوها… حطها عند المدرسة و راح
نطرتو ليغيب عن عينها و وقفت تكسي
سارة: تكسسسسي
شوفير: لوين ؟
سارة: بدي روح على المقبرة بتوصلني؟
شوفير: المقبرة؟!
سارة: ايه بدي زور قبر امي..
شوفير: طيب اطلعي
سارة: اديه بدك اجرتك؟
شوفير: خلص اطلعي
سارة: لا انا بس معي 350 ليرة بدي روح و ارجع فيهن
شوفير: توكلي على الله اطلعي..
___________________________
قبل أربع سنوات
____________________________
مالك: هيام انا طالع و سارة معي
هيام: انت رح توصلها؟ طيب حباب رجعها معك والله ماعم لحئ بعد 3 ايام العيد بدي اعمل كعك و بدي عزل البيت و بدي خلص فستان سارة الي عم خيطلها ياه
مالك: شو جبتي الك؟
هيام: ياااا سلاااام شو فاضي لحالك… خلص بكرا بجيب فستان لالبسلك ياه مالك بيك
مالك: جيبيه زهري
سارة: شو هو الي تجيبو زهري بابا؟
هيام: هههههههههه اخ منك يا بنتي يلا اطلعو اطلعو بدي بلش شغل
سارة: مااابدي روح عالمدرسة خليني ساعدك بالتعزيل امااانه
صارت هيام تدفشهن و سكرت الباب وراهن …
مالك: بسيطة يا ام فادي سكري الباب بوشي
سارة: بابا والله ازا بتسمو اخي فادي بدبحو هاااا!!
مسكها مالك من ادنيها و صار يقلدها: بدبحو هااا… امشي ام لسان لوصلك ع مدرستك… وخدي هاد مفتاح البيت ارجعي لحالك
سارة: بااااابااا شو ارجعي لحالك والله بقول لماما
مالك: ييييه بتهدد الفصعونة… رح ابعتلك وليد يوصلك لهون عندي اجتماع… دخيل امك على هالخلفة عاطستك عطس
وصل بنتو عالدوام و طلع على شغلو و بعد خمس ساعات تذكر انو صار موعد رجعت سارة، اتصل على وليد زميلو بالشغل ووصاه يروح يجيبها بطريقو و ياخدها عالبيت…
طلع وليد و مرق ع مدرسة سارة و نزلها عند البناية و راح..
سارة: يا لطيف شو شايف حالو هالوليد….اممممم مو شامة ريحة معمول و لا كعك بالبنايه… اوووف منها امي اكيد ما عملت…
طلعت عالدرج… وصلت عالباب و صارت تدق الباب… رنت الجرس ما مشي الحال…
سارة: اضرب شو جدبة معي نسخه من المفتاح….. ماما
ام فادي وينك… مو عام- - - ماما… ماما…
ددددمممم
مامااااااا…. ماااماااا…… امييييييييييي
لقيتها بالارض … بالارض غرقانه بدمها… غرقااانه بدممممهاااااااا… شدتهااا لحضننها… وبوست عيووونااااا
يااااموووو…. امي حبييييبتييييي… لك يا امي قومي
يا ضو عيوني قومي….
__________________________
نزلت دمعتها… و الشوفير( أكرم) كان عند قبر جنبها قلها انو هاد قبر اخوه رح يقرألو الفاتحة و ينطرها ليرجعها على مدرستها..
أكرم: الله يرحمها ايمت توفت؟
سارة مسحت دمعتا: اربع سنين… اليوم ذكرى وفاتها
اكرم: جرحك جديد… بدو وقت ليطيب..
سارة: ما رح يطيب كل العمر
اكرم: كلنا منقول هيك بس الحي ابقى من الميت هي سنة الكون
سارة رفعت ايديها: شايف هدول؟ بهدول الايديتين ضميتها… لملمت دمها من الارض… كان دمها عم ينزل بغزارة و ينزل ببالوعة المطبخ… صرت لمو بايدي و اصرخ لاا… لا لا
كانت حاطة السلم… و عم تنظف سقف المطبخ…
ما كان عندها حدا… وقعت و نزفت كتير…
تركت فستاني ناقص ما كملت خياطتو
و تركت عجينة حلو العيد الي محضريتو بدون ما تخبزو
تركت البيت بغبرتو… تركتني لحالي
ما بدي شي غيرها… بس بدي ياااااهاااا اشتئتلها اشتئتلها كتيررررر
أكرم نزلت دمعتو و سارة حطت راسها عالقبر و صارت تبكي من كل قلبها…
لف وشو مشان ما تشوف دمعتو و نزل راسو بالارض…
سارة: يااااا الله شو كانت وشها بارد… ايديها باردين
مغمضة عيونا متل الملاك
التلي رح تجيبلي اخوه كتير… التلي رح تخيطلي فستان عرسي بايدها..
ركضت عالهاتف و دقيت على ابي… و رجعت ضليت ابكي فوق راسها لوصل…
مسك ايدها و باسها… و ضمني لحضنو..و صار يبعدني عنها
قلتلو مافي مخلوق رح ياخدها من بين ايدي
قلتلو بدبح حالي ازا بتبعدني عنها
قلي مااااتتتت ماااااتتت
شدني لصدروكأنو عم يشم ريحتها فيني…
كانت كل ذرة فيني عم تتوجع… كل جزء فيني عم يحترق
اخدوها من بين ايدي غصب عني… اخدوها مني… اخدوها مني
أكرم: استغفر الله العلي العظيم.. استغفر الله
لا حول ولا قوة الا بالله…
ما قدر اكرم يهديها ابداً… قرر يتركها تبكي و تحكي ليرتاح البها… بس نشفو دموعا و هديت جابلها مي لتشرب و تسقي