#لـعـنـة_گـورنـا.#الـجـزء_السابع_والـعـشـرون.#بـقـلـم_إيـمـان_عـلـو.___
طلع آدم من عند تيم وعيونو عم تقدح شرار وحاطط الشر بين عيونو وراسو مليان أفكار ومو عرفان من وين بدو يبلش وبشو…
عند سحر:
___
كان عم يندق الباب بقوة مع الجرس اللي كان رح ينحرق على قد مو كابسين عليه:
سحر:خير مين قليل هالزوق اللي عم بدق الباب هيك؟!.
الخدامة:هلأ رح أفتح وشوف مين ياخانم.
سحر:أنا رايحة.
راحت سحر بأتجاه الباب وهي مدايقة من اللي عم يدق الباب بهالطريقة.
سحر:لكك أيييه فهمنا بقا شو ص…
آدم:(مالحقت تفتح الباب سحر وتكمل كلامها ومسكها آدم من شعرا وبلش يشحط فيها بالڤيلا تبعا)...ولكك أنتِ وحدة واطية وناقصك ترباية.
سحر:(بصوت عالي)...شيل أيدك عني لكك تركنيي.
آدم:(لحشها لحش عَالأرض بعد ماضربها كف)...أنا بحياتي ماتوقعت أني ممكن مد أيدي على بنت(ونزل لعندا وهي لسا واقعة عَالأرض ومسكها من شعرها مرة تانية)...بس أنتِ تخطيتي كل الحدود وصار لازمك ترباية.
سحر:(تطلعت فيه وقالت)...أنتَ واحد مجنون شو مفكر حالك عم تعمل شيل أيدك عني.
آدم:(شد شعرها أكتر وحط عيونو بعيونها وقال)...بدي ربيكي لأنو أنتِ مابقى أستحيتي على دمك وصلت معك إنك تعبي براس أمي عليي وعلى نغم وتتحالفي مع عدنان الكلب ياكلبة.
سحر:(تطلعت فيه بحقارة وقالت)...لو بيطلع بأيدي لأتحالف مع الجن وجننكن كلكن.
آدم:أنتِ ليش عم تعملي هيك شو بدك مننا؟.
سحر:(بصوت عالي وهي عم تبكي)...لأنييي بحبكك أييي بحبك ومستعدة أحرق الدنيا بس لأخلص من نغم وأحصل على قلبك.
آدم:(رفع أصبعتو بوشها وقال)...بتخرسي ومابتجيبي سيرة نغم على لسانك فهمانة ولييكك...وبعدين شو هالجنان هاد بتوقع أنا قلتلك تبعدي عني من زمان من قبل ماحبا لنغم.
سحر:مارح خليكن تتهنوا أنتَ وبنت الشوارع هديك بوعدك أني ماخليكن تشوفو يوم حلو وأنا سحر إذا قلت شي بعملو.
آدم:(رجع سحبا من شعرا وصاروا كتير قراب من بعض وقلا)...مشان ربي فيكِ كلاب الشوارع وأمسح فيكِ الأراضي وإذا أنتِ سحر أنا آدم…(ورجع دفشها عَالأرض وبزق عليها وطلع).
سحر:(كانت الوقعة قوية صارت تصرخ)...أااخ لك عم تضربني مشان بنت الشوراع أنا بفرجيكن ياكلاب أخخ.
الخدامة:(كانت خايفة من آدم ماقدرت تقرب لبعد ماراح وراحت ركد لعند سحر لتقوما)...ييي الله يكسر أديه قومي ياخانم قومي.
سحر(بصوت عالي)...أيدككك عنيي أنقلعي من وشيي.
الخدامة:(خافت منها وصارت تقلا)...حاضر ياخانم بس أنتِ.
سحر:(بصوت أعلى)...عم قلك أنقلعييييي.
راحت الخدامة فوراً وسحر قامت وهي ماسكه أيدا اللي وقعت عليها وكانت كتير واجعتا بس عصبيتها كانت أكبر من الوجع صارت تخبط وتكسر كلشي قدامها وهي عم تصرخ بصوت عالي...كلااب حقرااء الله يلعنكن كلكن.
بعد يومين عند نيرمين:
______
نبراس:برأيي صار لازم نحكي لنغم حاج يعني أنا كنت قبل ماطل فيها للاقي وقت مناسب بس هلأ حتى لو الوقت مو مناسب بدي أحكيلا لأنو نيرمين مو رضيانة تروح عَالبيت لحتى تدرى نغم وأنا مابقى أتحمل شوفا بالشوارع هيك.
نيرمين:طول بالك لنشوف آدم شوفي براسو.
آدم:ياجماعة أنا مافي شي براسي قصدي مابعرف كيف بدي أحكي مع نغم وكيف بدنا نخبرا.
نيرمين:قلنالك أول شي لازم تتصالحوا لتسهل علينا الأمور.
نبراس:فعلاً صار لازم تلاقي فرصة وتحاكيها.
نيرمين:شو ليش ساكت آدم أحكي أيَ شي.
آدم: مابعرف بس نغم ماعم ترضى تعطيني فرصة لنحكي.
نبراس:هلأ روح لعندا وين ماكانت وسحبا خليها تسمعك غصباً عنها.
آدم:لك المشكلة عم كل ماشافتني بتهرب فوراً.
نيرمين:أنا عندي فكرة.
نبراس:آدم:شو هيي؟.
نيرمين:مو قلتلولي أنو رفيقكن كان بالمشفى ونغم كانت مهتمة فيه؟.
نبراس:أيي وشو دخل هي بهي؟.
نيرمين:ببساطة بتروحوا لعندو وبتخلوه يتصل فيها ويعمل حالو تعبان ويقلها أنو تعبان كتير وصحتو تراجعت وماعندو حدا وبدو مساعدة.
آدم:(صفن وكأنو عم يفكر بالقصة).
نبراس:نغم ذكية كتير ورح تحس أنو آدم الو علاقة بالموضوع خاصةً أنها بتعرف كتير منيح أنو تيم وضعو أستقر.
نيرمين:ممكن إذا كان شاطر بالتمثيل رح تحس أنو عنجد ومارح يخطرلا تفكر بهالشغلات.
نبراس:شايفك ساكت آدم شو رأيك بهالحكي؟.
آدم:أنا مع نيرمين عجبتني الفكرة تيم كتير حربوق ورح يزبطا ونغم كتير بتعز تيم لما بتسمعو عم يطلب منها مساعدة مارح توقف ولا ثانية لتفكر بهالمواضيع.
نيرمين:تمام.
نبراس:يعني ناوي تعمل هيك؟.
آدم:أي رح جرب مافي غير هالطريقة حالياً وإن شاء الله بتزبط.
نيرمين:لكن يالله دق الحديد وهو حامي.
آدم:هلأ؟.
نبراس:أي هلأ بما أنو نغم حالياً مالها بالمشفى يعني هاد أنسب وقت.
آدم:طيب أنا رح روح لعند تيم فوراً وبخبركن شو بصير معي.
نبراس:نيرمين: طيب.
نبراس:أنا ونيرمين رح نضل سوا وننطر منك خبر.
آدم:ماشي يلا سلام هلأ.
نيرمين: نبراس:الله معك.
بالمشفى:
__
صفاء:كأنو نغم ونبراس تنيناتن لسا ما أجوا عَالمشفى؟.
