📚قصص||روايات||منوعة📚

3? بابا رجع صرخ بأمي وقلها كيف بتدخلي هيك ناس .. حكتله بعدين خلص بنتفاهم مرت اخوك عنا .. أجل الك?م ودخل جوا وبقينا لنص الليل .. حاولنا ننسى أو نتناسي اللي نقال وصار وعملنا تبولة وكيك وبلشنا نحتفل بالسنة الجديدة ونغني ونص ساعه خلصنا وراح ساجد يوصلهم عبيتهم .. ماما دخلت عغرفة بابا وسكرت الباب وميس دخلت عغرفتها وحكتلي كان يوم مو طبيعي .. فايته أنام .. فكرت كتير بالك?م .. وكانت الساعه تمنيه المسا والليل كان عم يقرّب .. فتحت الباب وتطلعت على الحفرة اللي دفن فيها ساجد القطة وصرت أعيد براسي ك?م البصارة .. سكرته ودخلت على الحمام وسكرت الباب .. صرت أغني لحتى أروّق .. ?ني عارفه مافي شي رح يروقني من اللي فيني غير الغنا .. شلحت كل م?بسي .. ورميتهم برا الباب .. وماكنت واعية على شي بهاللحظة غير اني عم غني وبدي اتغسّل .. البيت هادي ومافي غير صوتي طالع بالحمام .. والمي عم تنزل عليه بهدوء عجسمي ومستمتعه بغناي وناسية حالي .. بهاللحظة بلّشت أوعى عشي .. حسيت بشعور غريب .. كأنه في حد عم يلمس جسمي من ورا وقريب مني .. فع?ً في حد عم يقرب مني ويلمسني كأنها ايد خشنة عم تنمد عليه من فوق لتحت .. وتقرّب أكتر وأكتر .. كنت بهرب للحيط بس ماكان معي مجال وكنت بحس هالشي عم يتقرّب مني وكأنه عم يتحرّش فيني .. كأنه في حد معي بالحمام ..!!! في حد معي فع?ً أنا مابتوهم .. صرخت بأعلى صوت ووقعت با?رض والمي لسه عم تنزل .. م?بسي برا ومادخلت معي م?بس .. ماكنت واعية ومخي موقف .. وليش ?رمي م?بسي برا ..!! سمعت صوت امي بتدق الباب .. أسماء أفتحي؟ ! شو بصير ليه صرختي بنتي شو في؟ ! قلتلها امي جيبلي م?بس بسرعه .. مادخّلت معي .. قالتلي في برا م?بس الك؟ ليه راميتهم هون .. قلتلها مابعرف .. حكت شفتي يا بنتي كان معي حق وقت حكيتلك انه انتو وخمين وبترمو م?بسكم برا .. حكيتلها بعمري ماعملتها امي ومابعرف ليه عملت هيك .. ? تحاسبيني ه? انا ماعم بمزح في حدا معي جوا وكان عم بلمس جسمي .. امي انا مو ?بسه شي ومادخلت معي م?بس .. بترجاكي جيبلي شي البسه .. سمعت صوت بابا وساجد كان جاي بعد ماوصّل مرت عمي وبناتها وكان بسأل شو في ليه واقفين عند الحمام .. كان بابا ورا الباب بصرّخ وبقول شو عم بصير معك .. حكيتله بعدّو من ورا الباب بدي أطلع .. امي جابت الم?بس واعطتني ياهم من طرف الباب وأنا كنت بلبس بسرعه وبس بدي أطلع خايفه وشعري عم بنقط .. طلعت من الحمام والت?تة واقفين قبالي بسألوني شو صار؟ ..! قلتلهم أنا خايفه .. دخلو لعندي عالغرفة وميس ماطلعت .. كانت بهاللحظة نايمه ومو واعية على شي وأنا مرعوبة وعم بتطلع حواليه متل المجنونه ملموسة من اللي حسيته وصار
يتبع ..
#ⴅმძ3Һค

#أيام_الفزع_قصص
@rwayate
#أيام_الفزع_6 #أيام_الفزع
الحلقة السادسة
اخدت نفسي بدون وعي لعند بيت بابا التاني.. رنيت الجرس مالقيت حد.. سمعت في صوت جوا البيت.. حاولت اطق الباب ماحد رد عليه.. قلت طيب شو هاد الصوت اللي جوا البيت.. ومين ممكن يكون جوا.. بهاللحظة اجا ولد صغير قبالي طالع على الطابق اللي فوق.. حكيتله حبيبي بتعرف شو اللي صار اليوم بهالشقة ووين الناس اللي فيها.. حكالي هاي صاحبتها اليوم لقيوه مقتول بالشقه.. والشرطة سكرت الباب وطلعت الكل اللي فيه.. حكيتله بس انا سامعه في صوت جوا.. حكالي مستحيل الشرطة منعت أي حد يدخل.. حكيتله شكراً حبيبي وهوه راح.. بهاللحظة قربت داني على الباب منيح وصرت اسمع الشي اللي بصير جوا.. سمعت صوت حدا عم بمشي بالشقة والصوت كان قريب كتير مني لدرجة اني حسيته جنبي.. وبهاللحظة رنت عليه ماما بتحكيلي انه سجود اجت عنا وكانت بدها تحكي معي وخبرتها انه بابا توفى.. حكيتلها هلأ برنلها.. رنيتلها ماردت.. أنا صرت خايفه كتير على حالي وحاسه انه موت بابا كان لسبب خفي وفي شي بشقته غريب انا متأكده.. رجعت حطيت داني وأنا عم بسمع نفس الأصوات مرة تانية قريبة كتير مني.. بهاللحظة قلت أنا مش لازم اخبي على باسل شي وقلت لازم اتصل معه وخلص احكيله.. حكيتله بدي أشوفك تعال أنا عند بيت بابا.. ضليتني عم بستنى لأجى.. قلتله بابا مات قتل اليوم.. وهوه طلع مو بابا الحقيقي.. الشقة مسكرة كيف فينا نفتحها.. نصدم من كلامي وأنا فهمته كل شي بإختصار واللي صار كله بس أنا كان بدي حد أقوى مني ليفتح الباب أو يكسره.. حكالي مافينا نعمل هيك شي رح يشكو فينا خلينا نمشي.. حكيتله لو ماعملت هيك أنا رح اموت.. انت رح تفقدني خلال هالكم يوم اللي جايين.. بدك اموت ؟! قلي مستحيل أنا بحبك.. حكيتله اخلع الباب.. قلي ولو في شافنا.. حكيتله السكان بهالعمارة قلال.. اخلع الباب.. دقايق وكان باسل خالع الباب.. دخلنا الشقة وصرنا نمشي جواتها بكل مكان.. مافي شي غريب.. ومافي أي صوت بني ادم متل اللي سمعته.. قلي خلعناه عالفاضي.. مافي شي.. وثواني وسمعنا باب تسكّر من الغرفة اللي جوا.. حكيتله سمعت !! قلي معقول في حد بالشقة.. حكيتله يمكن مايكون في.. تعال معي.. رحنا لعند الغرفة وقربنا منها.. مديت ايدي لأفتح الباب باسل قلي لأ.. حكيتله بدي أعرف مين جوا.. فتحت الباب بسرعة لقيت دم على الأرض والفرش كله دم.. حكالي خلينا نطلع قلتله هون انقتل بابا.. بس أنا بدي أعرف كيف نقتل بنفسي.. وبهاللحظة رجعنا سمعنا باب تاني تسكّر.. كانت بواب البيت تفتح وتسكّر لحالها.. بهاللحظة باسل خاف.. قلي في شي غريب بهالشقة.. الشقة مسكونه خلينا نطلع.. حكيتلها مارح أطلع من هون.. الروح سكنت المكان وهيه موجودة بالشقة.. حكيتلها مارح أطلع من هون.. الروح سكنت المكان وهيه موجودة بالشقة.. أنا بدي اضل لوحدي هون.. ومش بحاجة صاحباتي.. اذا بدك روح أنا بدي ابقى.. قلي لأ مابخليكي لحالك شو بدك تعملي.. بدك تنقتلي متل ابوكي !! وقفت بالصالة وصرت اصرخ واحكي ياروح انا موجودة هون.. شو بدك مني! ليش بدك تنهي حياتي.. حكالي باسل وطي صوتك رح ننفضح.. أنا عصبت وقلتله اطلع برا.. لو ماعملت هيك انا رح انتهي خلال ايام فاهمني! هوه ماحب يتركني لحالي وانا عم بحكي وبسمع اصوات عم تتحرك جوا الغرف بس ماعندي جرأة افتح البواب.. بس بكلمها من برا.. وبلشت اعلي صوتي واطلب منها تروح وتتركني وماتقتلني وبهاللحظة دخلت الشرطة على البيت واقتحمته.. وحكولي شو بتعملي هون مين انتي.. اخدوني انا وباسل معهم وحققوا معي.. قلتلهم دخلت شقة بابا اشوف شو اللي صار لأني مابعرف شو صار.. الشرطة شكت فيني وفكرت الي علاقة بموت بابا.. اخدو اقوالي واقوال باسل.. وحكولي رح نخلي عليكي مراقبة مارح نتركك أبداً.. لأنك دخلتي بوقت غريب ولازم نعرف ليش دخلتي وكسرتي الباب كمان !! اللي عملتيه ما اله تفسير تاني الا انه انتي الك ايد بقتل ابوكي.. حكيتلهم مستحيل.. بس ماصدقوني.. وباسل نفس الشي.. حكالي شفتي شو عملتي فينا.. طلعت من المغفر ببكي ومحتارة شو حيصير.. قلتله خلص اتركني بحالي انا بدي اموت.. قلي مابتركك.. رنيت لسجود قلتلها بدي اشوفك.. تعالي انا وباسل طالعين.. قلنالها على اللي صار استغربت وحكت كيف فيكي تعملي هيك شي.. وانت كيف فيك تطاوعها.. قالت انا اجيت لعندكم ونصدمت البقية بحياتك بس ماحكولك الشرطة مين قتله.. قلتلهم حكو انه مافي اي دليل على القتل وحتى مرته ماكانت بالبيت بهالوقت هالشي اللي شكللهم علامة استفاهم ومافهمو شو اللي صار.. والدليل الوحيد اللي صار عندهم انه انا اللي قتلت لأني دخلت الشقة انا وباسل.. قلتلها لازم نقنع رؤى وهيا ليجو معي عالبيت اللي بالقرية لأنه لو ما اجو انا رح انتهي بنهاية هالشهر.. حكتلي انا رح اقنعهم لا تخافي.. تاني يوم حضرت دفن بابا وبكيت كتير برغم انه كان شخص بعيد عني واذى ماما نفسياً بزواجه من وحدة تانية بس بكيت عليه ونقهرت..

#أيام_الفزع_9 #أيام_الفزع
@rwayate
الحلقة التاسعة
صارت تحكيلهم بتتذكروا الحلم اللي حلمتوه ؟ كان نفس الحلم اللي حلمته مايا.. بس بإختلاف بسيط أنه كل وحدة شايفه حالها بهالحلم ولما قررت تحكي معكم عرفتو انه في سر وقررتو تيجو لتخلصوا من هاللعنة.. بس أول ماعرفتو بالمخاطر اللي لازم تعملوها خفتو وهربتو.. حتى ماتساعدوها.. انتو مفكرين انكم بتعملوا هالشي بس عشانها ؟! حكتلها هيا شو قصدك ؟! ورؤى وقفت عن البكا وركزت معها.. حكتلها سجود.. حبيباتي أنا اليوم كنت عند أم الرمادي.. حكيت معها.. وكان معي باسل.. قبل لنخطفكم.. حكت انه الكل رح يموت من خلال هاللعنة لو ماوصلتوا البيت هاد وحكيتوا مع روح أبو مايا.. لأنه اللعنة على الكل مش بس عليهااا !!!.. حكيت لسجود انتي شو عم تحكي!! شو هاد الحكي ليه ماحكيتيلي !! قالت انا ماقدرت احكي شي.. لأنه كان بدي الخطة تمشي متل مابدي أنا وباسل.. وباسل قرر يساعدك لأنه بحبك.. هيا ورؤى خافو وصارو يحكو شو رح يصير فينا هلأ.. شو لازم نعمل احنا رح نموت.. حكتلهم سجود.. السر تحت بالغرفة القديمه اللي كان يصير فيها القتل والموت.. حكيتلها بدي باسل معي انا خايفه انزل تحت سجود.. باسل وين.. بدي ياه.. بهاللحظة فتحت الباب وصرت انادي على باسل بس ماكان في حدا والجو بلش يمطّر ورعد وعواصف ومافي غير سيارته برا وهدوء تام والأصوات المرعبة اختفت من البيت وضل بس الهدوء وصوت المطر.. حكتلي سجود أنا معكم ورح اموت معكم.. من أول ماعرفت هالشي وماقدرت اقنعكم تيجو.. كان لازم اعمل هيك.. حتى تنفك اللعنة عنا كلنا.. حكت هيا كيف صار هالشي وليش روح أبوها بدها تنتقم منا نحنا ليش!! حكت سجود هاد الشي اللي ماعندي جواب لأله.. خلونا ننزل لأنه عم نضيع وقت.. انا كان الخوف بقلبي كبير ومش قادره امشي خطوة اكتر من اللي مشيته.. وواقفه عند الباب انا ورؤى وهيا.. وسجود عم تقلنا يلا لتحت.. بلشنا نمشي كلنا بصمت.. والهدوء بالبيت وريحة الغبره والعفن كانت بتقتل وحتى ريحة الحيوانات الميته والحشرات.. كل شي كان بموّت.. بلشوا البنات يرجفو.. ومش عارفين يمشو من هزهزة رجليهم بسبب الخوف والقلق وشادين بأدين بعض.. أنا قلت مش شايفه شي عتمه.. سجود قالت معي قداحه باسل.. كان لازم جبت معي مصباح بس نسيت بسبب اللي صار.. شعّلت سجود القداحه وبلشنا نشوف أحسن.. كان البيت مخيف لدرجة فظيعه.. الجدران متآكله وعوشك تنهار.. وكلها عفن ورطوبة.. وصلنا لعند الدرج.. كان خشب وطويل واخره عتمه مش معروف شو اخرها.. سجود قدامنا وانا وراها وهيا ورؤى خلفنا.. ننزل خطوة خطوة.. بلشنا نسمع صوت تحت.. كان الصوت خافت بس عم بعلى تدريجياً.. كل بنت فينا كانت عم ترجف وشوي ورح نوقع عن الدرج.. كل خطوة كانت توخد معنا دقيقة لنخطيها.. بحكيلهم سامعين هاد صوت شو؟ هيا بتحكي صوت بني ادم عم يصرخ بصوت واطي وحاسه في حدا كمان.. البيت مسكون يا جماعه.. هاد البيت مسكون خلونا نطلع نحنا نازلين عالموت.. سجود قالت لهيا اسكتي مابدنا صوت.. ام الرمادي قالت بس تنزلو لتحت ماتحكو ولا حرف وخليكم عم تسمعو وبس.. انا حكيتلها خلص اهدي.. نزلنا نص الدرج وكل ماكنا ننزل الصوت يقرّب علينا.. ودقات قلبنا تزيد.. الصوت يعلى ونحنا رجل لقدام ورجل لورى.. كنت عارفه ومتيقنه انه البيت مسكون وفي جن وشياطين عايشة فيه وبالذات بالغرفه اللي حكالي عنها وشرحلي عنها بابا.. انه كان زوج امي يطلع جثث من المقبرة ويمثّل فيها تحت.. طيب ليش كان يعمل هيك هاد اللي ما شرحلي ياه ومات قبل لأعرفه.. بس يمكن اللي عرفته من كلامه انا بابا كان مجنون وماما هربت مع زوجها عشان تخلص منه ومن جنانه بس ماكانت عارفه انه المشعوذ اللي متزوجيته رح يهلكها بلعنه بعد مايموت ويهلك بنتها بعد سنوات.. وصلنا تقريباً لأخر الدرج.. القداحه صارت تطفي.. حكيتلها شو صار !! حكتلي اسكتي!!! ماتحكي شي..!! وصارت تقلنا بصوت واطي.. بلا ما نولعها خلينا نمشي شوي شوي ونتحسس على الحيطان لنعرف وين الباب.. كلكو امسكو الحيط وماتحكو.. بلشنا نتحسس الحيطان.. بس كيف حنعرف الباب.. اذا نحنا مش شايفين بعض ؟ نزلنا اخر درجة وكنا حاسين انه خلص نحنا قطعنا كل الدرج وصرنا بالطابق الأرضي.. من كلام بابا قلي انه في باب بهاد الطابق اللي حاول يدخل منه وماقدر لهيك طلع من الاسطوح على الشباك.. كان بدي اعرف وين الباب بهالطابق ولو بنقدر نهرب منه بعد مانفوت الغرفة ونحكي مع روح بابا.. بس ماكنا شايفين شي ولا حتى بعض.. سمعت صوت رؤى بتحكي انا حاسه هاد باب.. امسكو هون.. مسكت محل ماحكت.. كان فعلاً متل أيد باب وشي خشب غير عن الحيط.. هيا قالت الباب مفتوح ياجماعه.. فعلاً الصوت كان قريب كتير.. أشخاص بتتألم وأصوات غريبة لبني ادمين كأنهم بتعذبو جوا بالغرفة بس انا حاسه انه المكان هون مسكون والأصوات أصوات الجن.. بلشنا ندخل كلنا.. كان صوت سجود مختفي.. أنا خفت وقلت سجود وينك ؟ البنات حسو متلي.. صوت سجود اختفى.. وما عاد سمعنا صوتها.. بس رجلينا عم تدخلنا محل ما عم نسمع..

#وحوش_القمر_3 #وحوش_القمر
الحلقة الثالثة
@rwayate
وصل علي على البيت فوراً بعد مارنيت عليه.. ماما ضلت جوا ونحنا بنصرخ كلنا.. وبسبب اللي عمله زيد فيها وتحوله الغريب لذئب بشري قدام عيوننا.. طلب علي منا نبعد لأبعد منطقة بالبيت ورحنا كلنا على المطبخ وسكرنا الباب.. كان حامل المسدس مرة تانية.. وكان الخوف جواتنا انه ممكن يقتل زيد.!! نحنا مش عارفين ليه هيك صار وكيف تحوّل وليه تصرف هيك.. كيف بقدر يقتل امه! شو اللي صار هاد الشي ماكنا عارفينه.. بس دقايق وكان صوت علي طالع وريحة دخان معبية البيت.. وكأنه في شي بحترق بالبيت.. وبوّلع.. حكتلي سميره خلينا نطلع نشوف شو اللي صار وخايفة وبتبكي.. حكيتلها علي حكا مالازم نطلع ولازم نرد عليه.. بس بشيره صار رأيها من رأي سميره وصاروا بدهم يطلعوا من المطبخ وأنا أمنع فيهم لأني خفت يصير بوحدة منهم متل اللي صار مع منيره..دقايق وكان علي بدق على باب المطبخ وبحكيلنا اطلعو بسرعه.. طلعنا كلنا ورحنا لغرفه تانية.. وكان عم بتصل مع الأسعاف مرة تانية.. ودقايق وكان برا البيت.. اخدو ماما وزيد وراح علي معهم.. أنا طلعت من الغرفه أنا وخواتي وصرنا نتطلع عليهم من بعيد وهمه طالعين.. أنا قبل مايطلع علي معهم قربت منه وحكيتله دير بالك على حالك وهوه اتطلع فيه نظرة غريبة وراح معهم..بهاللحظة اختي سميره شافتني وشكت اني معجبة فيه.. بس حبت تتأكد مني ..وأنا ماسبق وحكيت لوحدة من خواتي هاد الشي وخليته بنفسي وجواتي لأنه ولا وحدة فيهم ممكن تفهمني ولو عرف بابا رح يدبحني لأنه عقليته قديمه متل جدي وعندهم كل شي عيب وغير مسموح فكيف لو كان حب إبن الجيران.. أنا ماكان هاممني شي بهاللحظة غير اني احكيله اني بحبه لأني كنت خايفه يداهمه الذئب اللي بالقريه ويقتله أو يصير متل اخي زيد.. وهالشي اللي صار وضحلنا كلام او فؤاد انه صح وانها شافت زوجها اللي توفى بهيئة غريبه ومخيفه وبس صرخت اختفى من البيت.. خواتي بس شافو زيد طالع على الاسعاف بهالمنظر انصعقو وصارو يصرخو وماما كلها دم.. بس أنا كنت قارئه روايه من الروايات اللي بقرأهم على طول.. وحدة منهم خيالية بتحكي عن المستذئبين من البشر اللي بتحوّلو لذئاب بعد اكتمال القمر.. وكان الواضح انه هاد شي خيالي وخرافه قديمه ولكن تحققت بقريتنا وشفتها بأخي زيد الليلة وبالفعل كان القمر بكامل اكتماله.. بابا ماعرف بالشي اللي صار .. وضل بالمستشفى مع منيره ..سكرت الباب علينا انا وخواتي وبقينا بالبيت لحالنا مامعنا حدا.. خصوصاً انه اهل القريه كل واحد صار فيهم اللهم نفسي ويسكرو البواب من على بكير خوف من أنه الذئب الكبير اللي سبب بكل اللي صار فينا وفيهم يداهم واحد منهم.. وعلي طلع شهم لدرجة ماكنت متصورتها .. برغم انه صوّب على اختي بالغلط بعد ماكان رح يقتل الذئب.. بقيت مع خواتي لحالنا وكل وحدة بتطلع بالأرض ودمعتها على خدها.. وسميره بتتطلع فيه نظرات غريبه.. سميره اصغر بنت فينا.. حكيتلها بهاللحظة شو في؟!!! حكتلي انتي بتحبي علي مش هيك! حكيتلها شو بتخبصي انتي ؟؟ مين قلك هالكلام وعلى أي أساس بتحكي هيك انتي.؟ حكتلي شفت نظراتك لأله وكلمة دير بالك على حالك وفتحتك للباب مبارح ماكانت من فراغ.. لو صار لأختك منيره شي فبكون بسببك انتي فاهمة.. وبس يرجع بابا رح أحكيله انك بتحبي علي وضحيتي عشانه لتتطمني عليه وفتحتي الباب.. حكيتلها مجنونة انتي واذا حكيتي هيك شي كلنا رح نروح فيها.. رح تخربي بيتنا كلنا.. بشيره وقفت معي وبهدلت سميره وحكتلها اوعك تجيبي هالسيره لأبوكي أو تحكي هالشي.. واختك مستحيل تعمل هيك شي أو تحب وتخرب سمعة العيلة.. انتي مابتعرفي بابا شو ممكن يعمل فينا لو عرف انه في هيك شي ولو كان مزح.. انتي ناسية عقلية جدك كيف كانت؟!! وهالعقلية ورثها لأبوكي وصار طبق الأصل عنه.. أوعك تحكي.. انا وبشيره نبهنا سميره ماتحكي أبداً.. بس اللي كنت بعرفه انه اختي مش ممكن تنسى شي ولو مجرد شك مارح تسكت.. وهددتني مرة تانية لو صار لأختك شي رح أحكي.. وانا ضل الخوف بقلبي انها تحكي.. بلحظة سكتنا كلنا.. وحسينا في صوت برا البيت.. وحركة مش طبيعية.. قمت من مكاني وحكيتلهم ماحدا يقرب.. حطيت راسي على الباب وصرت اسمع الصوت.. وقتها عرفت انه الذئب صار برا.. أنا قشعر بدني وحكيت بصوت واطي.. ذئب القريه برا.. ورا الباب بالزبط.. خواتي صارو يبكو.. وبعدو لأخر غرفه بالبيت.. باللحظة هاي!! سميرة راحت على المطبخ وجابت سكينه.. انا ماكنت مستوعبه ليه هيك عملت!! وفجأة حكتلنا ابعدو عن الباب وروحو لآخر الغرفه.. أنا صفنت فيها وحكيتلها شو بدك تعملي!! صرخت بوجهنا وحكتلنا بعدو لورا.. بعدنا لورا.. مسكت السكينة ناحيتنا وصارت تحكي اللي بقرب مني رح افرجيه.. لهيك بدي ياكي تجاوبي على سؤالي ولا والله لأفتح الباب وأخلي الذئب يدخل علينا!! كانت الحركة برا عم بتزيد وانا ماكنت فاهمة سميره شو بتعمل... حكتلي سميره انتي بتحبي علي !!؟ حكيتلها لأ.. قالتلي كذابة.. احكي ولا والله لأفتح الباب ..

#وحوش_القمر_4 #وحوش_القمر
الحلقة الرابعة
@rwayate
سميره قالت كل شي لبابا.. حكتله إني على علاقة مع علي.. برغم اني محتفظة بمشاعري لأله من وقت طويل.. بس لما شافته قالت كل شي حتى تنتقم مني وبوجود علي.. بعد ماخلصت كلامها فوراً بابا اتطلع على علي.. وحكاله.. كلامها صحيح؟ علي اتطلع على سميره مستغرب من الكلام ومش عارف بهاللحظة شو بده يحكي.. هوه مابعرف بشي والظاهر ماكان بعرف بمشاعر سميره أصلاً وكله كان كذب حتى تقهرني وتعترف بلحظة طيش وولدنه لبابا.. بس ماكانت متوقعه النتائج اللي رح تصير من ورا هالكلمة اللي حكتها.. بابا رجع عاد السؤال مرة تانية على علي.. بس علي ماعرف شو بده يجاوبه من الصدمه وصار يحكيله انه مابعرف شي عن هالموضوع أبداً.. بابا قله لعاد انت بتساعدنا وبتوقف معنا عشان بنتي!!! من متى بتعرفها ومن متى بتعرفيه؟ أنا قلتله إنه سميره بتخبص وأنا كمان مابعرف شي عن الموضوع.. بس بابا مارضي يصدق حدا وطرد علي فوراً من البيت وقله حسابك بعدين معي والليلة رح أجي عندكم على البيت وأخبر أبوك ورح أحكي للشرطة انك انت قتلت بنتي رح أوديك للسجن بإيدي يا عديم الشرف.. وطرده وسكر الباب وراه.. ومسكني من راسي وصار يضرب بوجهي ويحكيلي انتي بدك تفضحيني! انتي بدك تسودي وجهي بالقريه! وين بتشوفيه ومن متى بتعرفيه.. ماعرفت اربيكي أنا الله يغضب عليكي يا فاجره.. سمعني كلام قاسي وماكان بإيدي إلا أبكي وأتوسله بكل لحظة عم بضربني فيها.. وسميره دخلت فوراً وسكرت عحالها.. ماكنت بعرف بهاللحظة هيه عم تضحك ولا عم تبكي.. بعد ماضربني وخلّص.. شفت على الطاولة المسدس تبع علي.. كان ناسيه عنا!!! وما مر دقايق معدوده من خروجه من البيت وضرب بابا لإلي إلا ما سمعنا صوت الذئب وحركه سريعه برا وصوت صراخ وحدا بستنجد.. صرت أقول لبابا في صوت برا حدا بصرخ!! وفي صوت حركه.. يا بابا هاد أكيد علي لأنه سلاحه على الطاوله موجود!!!! .. بابا حكالي خايفه عليه!! .. ماتخافي يمكن قتله الذئب!!.. أنا صرت أتوسل وابكي وهوه مارضي يفتح الباب بس أنا طلعت ركض وفتحت الباب.. شفت الذئب فوراً بوجهي وعلي عم يهرب لبيته وبعرج برجل وحدة.. كان مبين كتير منيح انه الذئب داهمه بعد خروجه من عنا وتمكّن من رجله وهوه هرب منه.. شفته بدخل على بيته والذئب بوجهي.. ناديته علي!! تطلع عليه وأشرلي انه ادخل جوا.. بس أنا دخلت بسرعه وجبت المسدس من على الطاوله وخليت الباب مفتوح.. بابا صار يصرخ ويطلب مني اسكر الباب.. رحت بسرعه والذئب بعيد عني كم متر.. ووقفت بشجاعه وعلي بتطلع عليه من بعيد.. وجهت المسدس ناحية الذئب وطخيته برجله بس اللي صدمني انه ما تأثر ولا أن وهرب لبعيد ناحية بيوت القريه.. علي دخل على بيته وأنا صرت أضحك برا.. بابا اجا شدني من إيدي ودخلني على البيت واخد المسدس وحبسني بالغرفه وسكّر عليه.. صرت أبكي ورحت لسميره حكيتلها ارتحتي هيك!! الذئب وصل لعلي.. يمكن بعد دقايق يتحوّل متل ماصار مع اخوكي.. مبسوطه هيك!! خلص!! حكتلي شو بتحكي! وصارت بدها تطلع من البيت.. فتحت الباب ولقيت بابا عم بحط على الباب أثاث البيت وبسكره وبمكنه حتى ما نفكر نطلع أو نقرب منه.. مرت نص ساعه ونحنا بالغرفه كل وحدة فينا ماعم تحكي مع التانية وبشيره عم تهديني وتتلمّس شعري بإيدها وتحكيلي ماتزعلي.. في شباك صغير بغرفتنا بطّل على جهة من القرية بس بعيد عن بيت علي.. بطّل على بيت أم فؤاد.. وأم رشدان.. سمعنا صوت وقمنا فتحنا الشباك.. كان الدفاع المدني مرة تانية جاي والإسعاف.. وصوت الناس بالقريه عم يطلع من كل مكان وأضواء من كل ناحية.. قلت لبشيره هدول أخدو علي.. أنا متأكده.. صرنا نسمع الكلام اللي عم ينحكى.. كان الدفاع المدني والشرطة تقريباً محاوطين بكل مكان ورافعين سلاح وبقولوا رح نحاول نمسكه ماتخافوا.. والكل رح يضل متواجد بالقريه ليقدروا يمسكوه ويخلصوكوا منه.. بس اللي خلاني أقلق وأخاف أكتر إني سمعت صوت أم علي عم تبكي وتصرخ وتقول مابدي أبني يصير فيه شي!! أنا خايفه عليه.. الخبر اللي صار بقريتنا انتشر.. والكل صار عم يتناقل خبر الذئب الي عم يقتل أهل القريه متل كلمة صباح الخير بالصبح.. الإذاعات ماصار عندها خبر إلا هالخبر.. والصحفيين والإعلاميين كلهم متواجدين بالقريه من كل ناحية.. تاني يوم الصبح شفناهم انا وخواتي جايين وعم بسألوا بعد ماعطلونا أسبوع عن المدرسة وطلبوا من الطلاب ماحدا يجي بسبب الرعب الي ازداد بين سكان القريه والخوف اللي عشش بقلوبهم من الذئب اللي عم بحوّل شبابها وناسها لذئاب متله.. أم فؤاد كانت عم تحكي مع صحفية وبتحكيلها انه زوجها مات لكنها بتشوف كل يوم بالليل طيف عم بتمشي ناحية البيت وكل ماتفكره الذئب بتفتح الشباك لتطلع بتشوف زلمة كله شعر وهيئته وملامحه على ملامح زوجها.. وكأنه ما مات.. كأنه لسه عايش.. والنسوان وقفوا معها وحكولها زيد إبن أبو زيد بالمستشفى وبحكوا حالته نفس الشي.. الولد تحول لذئب بشري وعم يتعالج وماحدا عارفله علاج..

#وحوش_القمر_5 #وحوش_القمر
الحلقة الخامسة
@rwayate
دخلت السيارة وسكرت الباب بسرعه والذئب هجم عليه وعلى السيارة واعترضنا وصار يوكل بالعجل لحد ما نفّس ويطلع على الزجاج من قدام ويحاول يكسره ويطحّن بالسيارة والزلمة معي برجف وبتطلع عليه وبحكيلي علقنا!!! رح يخلص علينا , ماتحاولي تفتحي الباب أو تطلعي أبداً .. بس أنا حكيتله شو بدنا نعمل رح يضل يعمل هيك ليكسر السيارة ويفتح الباب!!.. بعد مايأسنا وحطينا كل الأحتمالات اللي ممكن تصير.. شفنا الذئب رجّع راسه لورا .. وكأنه سمع صوت من ورا الشجر ..أنا استغربت واتطلعت بالزلمة وحكيتله شو ماله؟! حكالي خلينا نشوف.. صرنا نتطلع ناحية ما عم يتطلع جهة الشجر وعيوننا عليه كمان.. نزل الذئب عن السيارة وراح ناحية الشجر وفجأة شفنا ذئب تاني طلع من جنب الشجر والذئب الأول اللي كان معنا راح معاه ناحية القريه وصفيت أنا والزلمة بالسيارة عم نتطلع فبعض وكلنا صدمة.. حكيتله مش معقول! طلع في أكتر من ذئب بالقريه ونحنا مفكرين واحد!! ياربي شو بدنا نعمل.. واحد ماكنا عارفين نمسكه او نقتله شو اللي عم بصير بهالقريه الملعونه!! حكالي فعلاً متل ماحكيتي.. أنا سمعت عن اللي صار بقريتكم وجاي لأكتب عنها لأني انا صحفي بشتغل بجريدة وكنت جاي تحديداً بالليل وايدي على قلبي خايف لينط الذئب عالسيارة ويعترض طريقي بس صدفت وشفتك وانقذتك.. فعلاً الشي اللي عم بصير بقريتكم غريب وشكلها لعنة حاصلة عليكم لحتى عم تتحقق فيكم قصص المستذئبين الخرافية وتصير واقع! بس طلعت واقع ولازم نكشفه.. انتي شو مطلعك بالليل؟ وليه هاربه من قريتكم وشو السر! بنت متلك حلوة وصغيره بنخاف عليها! خلص الزلمة كلامه وأنا حكيتله رايحه أشوف أهلي بالمستشفى وخواتي بالبيت.. حسيت بنظراته في خباثه وحسيته بلش يقرب مني.. أنا خفت وكنت مش عارفه بهاللحظة شو بدي أعمل.. أطلع من السيارة ويلاقيني الذئبين واصير فريسة لألهم ولاّ أضل بالسيارة وأنبلي.. كان ايدي على قلبي بهاللحظة ومش عارفه شو اللي ناطرني بعد دقايق.. سكتنا للحظة وضلينا بالغابة.. هدوء وخوف فظيع وأنا دقات قلبي زادت من الخوف.. اتطلع عليه وحكالي.. احكيلي عن حياتك.. بصراحه حابب أعرف كل شي عنك.. حكيتله شو اللي بدك تعرفه عني؟ وليش!! قلي ولا شي بس انتي عارفه لو طلعنا من هون رح نموت.. لا تنسي انه بستنانا برا ذئبين مش واحد.. والظاهر رح نضل هون لوجه الصبح.. فخلينا نتسلى مع بعض ونحكي شوي.. احكيلي عن حياتك.. وبعد لحظة بلشت أحكيله.. حكيتله اللي صار مع ماما واختي وزيد اخي وانهم بالمستشفى وقلتله انه بابا عندهم وكان لازم اروح لأني خايفه عليهم وتركت خواتي التنتين بالبيت.. بس ماحكيتله شي عن علي.. برغم اني أنا رايحه اشوف علي واتطمن عليه وعلى حلمي معاه اللي مارح يتحقق واللي تدمّر بلحظة بعد اللي صار.. بعد ما خلصت رجع يحكيلي انتي حلوة كتير وغريب ماتزوجتي لسه.. بعرف أهل القريه بزوجو بكير! ..كلامه خوفني وحسيت بنبرته في خباثه وقلتله انه بابا مش متل بعض رجال القريه وما بزوجوا حدا بكير.. برغم انه جدي ابو ماما كان هيك وزوّج خالاتي صغار.. وحتى ماما تزوجت طفله.. بس أنا حكيتله بابا عقليته مش هيك.. برغم بأوقات كنا نحس انه ممكن يتغير كتير ويصير متل جدي أبوه اللي كان متل هيك كمان.. غيّرت الموضوع معاه وحكيتله أنا تأخرت ولازم أطلع من هون.. شوف حل بسرعه لازم العجل اللي نفّس يتصلح.. حكالي أنا معي بالسيارة عجل زيادة بس كيف بدي أطلع من السيارة أصلحه!! حكيتله لازم تخاطر شوي لحتى نطلع من هون.. أنا مع حدا غريب مابضل.. شوف حل بسرعه أنا لازم أروح عالمستشفى.. قلي طيب رح أنزل أجيب العجل من السيارة من ورا.. خليكي هون ولا تتحركي.. نزل من السيارة وأنا ضليت أتطلع ناحية الغابه وخايفه.. طلّع العجل وبلّش يركبه.. وبس فك العجل التلفان وحط الجديد.. بلشت أحس انه في حدا عم يتطلع من بين الشجر ناحية الغابه وهالشي رعبني.. ما مر دقايق وفوراً يطلع الذئب مرة تانية من نفس المكان ويشوف الزلمة.. وقف يتطلع عليه وانا شايفته من زجاج السيارة من قدام.. بس الزلمة منزل راسه ومشغول بتركيب العجل ومش شايف الذئب! قبل لا يتقدم خطوه صرت أطبله على زجاج السيارة ليدخل وهوه شوي ورح يركب العجل.. فوراً انتبهلي وزاح راسه ناحية ما أشرتله .. شاف الذئب وفتح السيارة ودخل بلمح البصر بعد ما الذئب كان عم بركض ناحيته.. وعيونه شديدة اللمعان.. رجع هجم عالسيارة ويخرب فيها.. أنا صرت أصرخ وابكي وخايفه.. أجا الزلمة حضنّي وصار يهدي فيني.. وأنا نسيت نفسي وهوه حاضنّي ودموعي نازلة عكل خدودي.. وبعد ما رفعت راسي وصراخي خف .. شفت الذئب مختفي.. واتطلعت وعيت على حالي أنه الزلمة حاضنّي وبتطلع فيني نظرات غريبه.. حكيتله بعد عني.. بدي أطلع من هون.. حكالي لوين رح تموتي!! مافيكي تطلعي الذئاب كلها برا ورح يضلوا كل الليل.. خليكي معي هون! وصار يطلب مني يهديني من جديد بنفس الطريقه لحد ما تمادى معي وبلش يمسك أيدي غصب عني وأنا أفلته..

#وحوش_القمر_6 #وحوش_القمر
الحلقة السادسة
@rwayate
بابا اجا فوراً على الغرفه وصار يطبل على الباب ويصرخ ويحكيلي افتحي.. فتحت الباب وصار يستجوبني ويضرب فيني وأنا بكاي يزيد ومش عارفه أرد عليه.. وبس قررت أحكيله اللي صار رن التلفون.. قطعت كلامي وراح هوه يرد.. كان من المستشفى.. حكوله أنه ماما ومنيره توفّوا.. نحنا سمعناه بحكي منيره ومرتي توفّوا.. وصرنا نصرخ ونبكي أنا وبشيره وسميره وهوه طلع وتركنا وسكّر الباب علينا وطلب منا ما نطلع من البيت.. ضلينا بالبيت عم نبكي لحد ما طلع الصبح علينا.. رجع بابا من الصبح من المستشفى عم ببكي وبحكيلنا اليوم رح يجي عنا ناس كتير لحتى يقدموا التعازي بأمكم وأختكم وأخوكم طالع من المستشفى بعد يومين.. أجو الناس عنا وعشنا أصعب يوم بحياتنا أنا وخواتي بعد مانكسرنا بموت ماما ووفاة اختنا.. همه كانو يبكوا عليهم وأنا كنت ببكي عليهم وعلى اللي صرلي بليلة مبارح.. مر اليوم هاد بصعوبة والذئب ما مر على القريه بهالليلة.. وكانت القريه هاديه.. كنت خايفه من هالهدوء الفظيع وايدي على قلبي.. لأنه مابعد الهدوء ألا العاصفه.. بابا ماكان ناسي قصة اني طلعت بالليل.. وبعد مانشفوا دموعنا وماعاد صرنا قادرين نبكي.. أجا بابا لعندي وصار يحكيلي.. وين كنتي مبارح؟ أنا ماقدرت احكي شي وصرت أبكي بزيادة.. حكالي بنتفاهم بعدين.. وطلع من الغرفه.. انا بهاللحظة ماكنت قادرة أخبي جواتي أكتر ولأني بوثق بأختي بشيره قررت أحكيلها وحكيتلها في شي بدي أحكيلك ياه.. واخدتها على الغرفه التانية.. بابا كان نايم وسميره نايمة كمان ودخلت أنا وياها بسرعه وبلشت احكيلها اللي صار.. بشيره نصدمت وصرنا نبكي أنا وياها.. مسحتلي دموعي وحكتلي لازم نشوف حل لهالشي لأنه البكا مارح يفيد هلأ واللي صار صار.. أول ما طلعنا من الغرفه حسينا في حركة جنب الباب.. ونصدمنا بس سمعنا الصوت.. حكتلي بشيره في صوت!! دخلنا على غرفتنا وحسينا سميره تغيرت نومتها ورجليها عالتخت بشكل غريب مش معتادين نشوفها نايمة هيك.. اتطلعت فيه بشيره وحكتلي بصوت واطي.. معقول سمعتنا!! مضت الليلة على خير.. وطلع الصبح.. كان بالنسبة لألنا أصعب صبح بطل علينا بعد ما فارقتنا ماما.. مسؤولية كبيرة صارت علينا.. صرنا كلنا نتعاون لنخدم بابا ونقدمله الطاعه.. حسينا قديش كانت ماما متغلبه معاه.. وقديش كانت مدلليتنا.. والأيام اللي كنا نساعدها فيها شوي تحوّل كل شي بسيط لصعب وكتير.. بابا راح عالمستشفى.. وجاب زيد.. أما علي ماكنت عارفه عنه ولا شي.. زيد كان طبيعي وما كان حاسس هوه شو عمل.. وانه هوه اصلاً كان السبب بموت ماما وقتلها.. بابا قال للشرطة انه اللي نهش لحمها ذئب القريه ومش زيد وهوه كان بعرف هيك كمان!.. وماحد كان بعرف انه اللي بالقريه مش ذئب واحد غيري!! .. كانت تصرفات زيد عاديه معنا وكان طبيعي جداً.. باليوم هاد كانوا مبلغين الأمن عن الأوضاع اللي صايره بالقريه وانه لازم ينقذونا قبل مايزداد القتل والموت فيها.. بس للأسف الوضع كان عم بزداد سوء أكتر.. خصوصاً انه زيد بالليلة هاي تغيرت حالته ورجع متل ماكان .. الجنون اللي صابه وقت ما قتل ماما رجع صابه بعد ما نام بتخته وكأنه رجع هالشي فيه من جديد بعد ما دخل تخته لأنه بالنسبة لأله أول ما صار فيه هيك كان بهالمكان.. كانت سميره نايمه عنده باللحظة اللي نجن فيها.. على أساس تهديه وتحنحن عليه بعد عرف بموت ماما.. بس تفاجأنا بصراخها بالليل والباب تسكر فوراً.. أنا وبشيره قمنا من التخت نركض على غرفة زيد وحاولنا نفتح الباب لقيناه مسكر.. بابا كان برا البيت عند الشرطة عم بغير أقواله عشان اللي صار مع منيره وكان وقتها متعاطف مع علي لأنه بدافع عنا بس بعد اللي عرفه من سميره قرر انه يغير أقواله بعد موتها.. وراح حكالهم انه علي اللي قتل منيره وبعد ماسمعته بحكي مع الشرطة بالتلفون وبحكيلهم بده يغير أقواله.. أنا نجنيت وكنت رح الحقه بس ماكنت عارفه شو رح يصيرلي لو طلعت.. باللحظة هاي وبعد ماتسكر الباب على منيره.. ماعرفنا شو بدنا نعمل.. طلعت بشيره من البيت وراحت لبيت جارنا أبو ثائر وصارت تطبل عليهم لأنهم جنبنا.. وماكانت خايفه انه ممكن يداهمها الذئب بهاللحظة لأنه خوفنا على سميره كان أكبر.. وصلت مع أبو ثائر لعنا وأم ثائر كانت معاه.. اجا ابو ثائر وصار يطبل على باب زيد ماكان بفتح.. قرر بهاللحظة يخلع الباب.. أول ماخلع الباب نصدمنا بالشي اللي شفناه.. كانت سميره غرقانه بدمها على التخت ورقبتها شبه متمزعه.. زيد نهش لحمها.. كان الشعر بارز على جسمه بشكل قوي وكأنه ذئب بشري مش أخي اللي بنعرفه.. اخو سميره على المستشفى وابو ثائر نادى على شباب من الحاره اخدو زيد من البيت على غرفة صغيره بحوش أبو ثائر وحبسوه فيها وسكروا عليه.. ضلينا حايرين ونبكي بالبيت لحد ما اجا بابا.. وصل وصار يحكيلي غيرت أقوالك وحق أختك رح يرجعلنا.. وحبيب القلب خلص طار رح ينحبس بعد أيام من خروجه من المستشفى.. بشيره اتطلعت فيه بغضب وقالتله اجو اهل الحاره اخدو سميره..

#وحوش_القمر_
@rwayate
الحلقة السابعة
قرأنا المكتوب عن قصص المستذئبين كامله أنا وبشيره.. وختمناها بصدمه واللي صدمنا ونحنا بنقرأ شي غريب ما إله حل وحطّنا بحيره وقلق كبير .. بتنتهي الرواية بقتل الذئاب بالقريه ورجوع الأشخاص اللي نأذوا لطبيعتهم.. بس اللي لازم يصير حتى يرجع كل شي طبيعي.. إنه لازم حد يضحي بحياته عشان يموت الذئب.. ولازم الذئب يحب بنت من القريه ويتعلق فيها وبعد مايحبها تقتله.. وفي حال ماقدرت تقتله فحتموت معه!.. أنا وبشيره وقعنا بحيره من اللي قرأناه.. وصرنا نفكر شو لازم نعمل ومين اللي ممكن يعمل هيك وبحبه الذئب او البنت اللي ممكن تقدم نفسها للذئب حتى يحبها ويأمنلها وتقتله بسهولة.. بشيره صارت تقترح عليه أسماء من بنات القريه.. بس ولا وحدة منهم عندها الشجاعه انها تعمل هيك شي.. وهالشي بالنسبة لإلنا سر واللي لازم يقدم عليه لازم يضحي فيه ويكون قد هالمسؤولية.. بشيره كانت خايفه وصارت تحكي أنا مافيه أعمل هيك شي.. ماعندي الجرأة اوقف قبال الذئب واقدمله نفسي واخليه يحبني بطريقه أو بأخرى.. وبنات القريه رح يفضحوا القصة وعارفه التخلف هون كيف وأهل القريه كيف بفكروا.. لازم نلاقي حل حتى نخرج من هالمأزق وننقذ أهل القريه.. وبما انه احداث الرواية كلها من البداية كانت متل اللي صار بالقريه فأكيد النهاية رح تكون هيك مشابهه لهالأحداث.. شو بدنا نعمل!! .. أنا اتطلعت عليها بجرأة وحكيتلها أنا اللي رح اعمل هيك.. أنا رح أقدم نفسي للذئب واخليه يحبني ويتعلق فيني.. الحياة ماعادت بتعنيني بقدر من أنه بدي أنتقم منه.. هالذئب سلب مني حياة امي واختي وكان السبب بضياع حب حياتي وعدا عن هيك شوفي أخوكي كيف حالته وسميره كانت رح تلحق ماما الا شوي.. حكتلي بشيره كيف نسيتي اللي عملته فيكي بشيره.. انتي قلبك كبير.. واكيد رح تحققي اللي ببالك ورح تنقذي القريه من اللي حيصير فيها.. الله معك حبيبتي.. نمنا بالغرفه بهالليلة الهادية وكان الهدوء شبه قاتل وماغفلتي عين وانا افكر شو لازم اعمل بكرا حتى أقدر اخلي الذئب يحبني.. كيف رح أواجهه .. معقول اللي قرأناه صح! .. صحيت الصبح على المدرسة ونفسيتي تعبانه .. خواتي مجهزين حالهم وانا مجهزة حالي وحزينه.. الصبح كئيب والقريه بائسه مخطوف الفرح منها بشكل ملحوظ.. الحياة صارت تسوّد شوي شوي بينّا وبابا مش خايف على شي على قد ماهوه خايف على شرفه واللي صار معي.. جهزنا حالنا لنطلع على المدرسة .. اجا بابا وقف قبالي واتطلع عليه نظرة حقد وحكالي خليكي هون انتي مافي مدرسة اليوم.. وانتوا يلا على المدرسة اتركوني معها.. خواتي طلعوا وبقيت معاه.. بعد ماطلعوا وقف جنبي وصار يحكيلي احكيلي اللي صار بالزبط.. أنا حكيتله مرة تانية لأنه كان حاسس انه في شي ناقص.. قلي هسه رح نطلع انا وياكي على نفس المكان ولازم تكون سيارته موجودة.. طلعت انا وياه لآخر القريه نهاية الغابات ووقفنا ناحية المكان اللي صار فيه الحادث.. السيارة مش موجودة وما ألها أثر أبداً.. حكيت لبابا هون كانت السيارة ومن هون طلعوا الذئاب.. أنا متأكده .. حكالي وين اختفت السيارة.. هاد دليل انه هوه نفذ من الذئب ورجع الصبح اخد سيارته.. لازم نبلغ الشرطة.. حكيتله كيف بدك تبلغ وشو بدك تحكيلهم.. رح ننفضح بالقريه ..قلي ماحدا رح يعرف .. الشرطة رح تأمن الموضوع.. اخدني من أيدي على الشرطة ..وقدمني لإلهم.. بنتي صاحبة ال15 سنة صار معها هيك من زلمة غريب وهيه حافظة شكله منيح.. اوصفيلنا شكله!! انا وقفت ببكي وبتذكر اللي صار بألم.. وبعد هالكلام اللي حكولي ياه قدرت اوصف شكله منيح.. وحكولي شو حكالك عنه .. حكيتلهم صحفي وهيك هيك هيك.. ساعات قليلة وكانوا جايبين صور لمعظم الصحفيين اللي بشتغلوا بجرايد المدينة.. عرضوهم عليه.. لقيت صورته بينهم.. حكيتلهم هاد هوه وماقدرت اتطلع عليه كتير.. قدمولنا معلوماته.. زلمة متزوج عمره 50 سنه عنده ولاد.. ماكنت متوقعه عمره هيك وكنت حاسه تقريباً يكون عمره بآخر التلاتين أول الأربعين.. كان عمره صدمه بالنسبة لإلي.. وشي مابتصدق.. روّحنا على البيت وحكولنا بس نطلبكم بتيجوا.. وصلت على البيت قبل ليجوا خواتي.. وبنظرات دونيه من بابا حسيت اني مذنبة واني انا اللي عملت بحالي هيك او ارتكتب هالجرم بحق نفسي.. خبرونا انهم جابوه وانه لازم نيجي.. رحنا مره تانية.. شفته وصرت ابكي وبابا هجم عليه وصار بده يضربه.. هوه بس شافنا عرف اللي صار وليش جابوه.. حاول يبرر اللي صار بطريقته بس الشرطة كانت واقفه معي وبعد ماعرضوني على الطب الشرعي تأكّد كل شي وصار الوقت ليحسموا الموضوع وينتهي بدون علم حدا من أهل القريه.. الزلمة عرض على بابا انه رح يتزوجني ورح يعاملني منيح.. انا ماكنت متقبله الموضوع وصرت ابكي واحكي مابدي اتزوجه مابحبه ومابدي ياه بس هالشي كان لازم يصير.. بعد اليأس والإحباط اللي صابني رضخت للأمر الواقع وصار وقت اني اوافق على هالشي.. تزوجني وتم الموضوع وبعد ماسألوني على شرطوني..

#وحوش_القمر_8 #وحوش_القمر
@rwayate
الحلقة الثامنة
رحت لأشوف إذا علي رجع من ضو بيتهم بالليل وصوت الضجة القريبه .. ولما مشيت خطوات وقربت من بيتهم سمعت صوت خلفي.. لفيت راسي وشفت عيون الذئب بتلمع.. وقفت وسألت نفسي شو ممكن يصير! صار يتقدم لعندي ودقات قلبي تضرب.. كل مايقدم يزدوا دقات قلبي أكتر.. صرت أرجع خطوات لورا والذئب يقدم مني لقدام.. اتطلعت بعيونه وحاولت اشيل الخوف من قلبي.. هاي أول مرة بكون قريبة كل هالقرب من الذئب وبهالشكل هاد.. سمعت صوت أختي براسي عم تحكي برواية المستذئبين وعم بسترجع بذاكرتي اللي قرأته واللي حللناه سوا.. للحظة حسيت الموت قريب مني وصرت استنى يفترسني.. البنت اللي حبّها الذئب بالرواية حكت معاه أول مرة وحكتله يساعدها من الظلم اللي عايشته.. لأنها كانت بتعاني من مرض وكل اهل القريه بعايروها بمرضها.. طلبت منه الأنتقام منهم وهوه لباها .. أنا كنت بعاني من ظلم الظالم نفسه واللي هوه الذئب.. كيف بدي أحكيله عن حاله.. بس أنا مظلومه من بابا ومن الناس والمجتمع المتخلف اللي هون بالقريه.. هاد سبب كافي لحتى استنجد فيه ليخلصني من اللي أنا فيه.. اتطلعت بالذئب وبلشت أحكي.. انا مابعرف اذا اصلاً هوه حاسس ولا فاهم شو بحكيله.. وقفت قباله وحكيتله كل شي بقلبي بعد ماشلت أي خوف جواتي تجاهه.. قلتله اللي عمله فيني الزلمة وكيف تصرف معي بابا واستحقرني وكيف اختي سلبت مني حب حياتي.. حكيتله عن الماضي وايام الحزن اللي عشتها وعن الأيام اللي بتمناها.. حكيتله عن ظلم اهل القريه لألنا وتخلفهم وتراجعهم.. طلبت منه الأنتقام منهم.. وانه انا رح انتقم منهم ورح اصير معاه لنتخلص من ظلمهم وجبروتهم وتخلفهم لألنا.. صرت احكي واحكي واحكي وانا ابكي وابكي.. غمضت عيوني ونسيت نفسي بالحكي والبكا ..وأول مافتحت عيوني مالقيت الذئب.. ما كان حدا موجود!! اتطلعت حواليه وصرت ادور .. مسحت دموعي وشفت القريه قبالي مافي حدا! الذئب اختفى وانا بحكي.. ماعرفت وقتها شو لازم اعمل.. أروّح ولا أرجع أشوف بيت علي.. رحت ركض على بيت علي.. ناحية غرفته.. وكانت مضويه.. سامعه ضجه وصوت ناس.. هدول اهله !!.. قررت بهاللحظة اني انتظر حتى يختفي صوتهم وادق على شباكه ليطلعي.. بدي أحكي معاه لأول مره.. واقله عن كل شي جواتي.. بدي احكيله اني تزوجت ومابدي زوجي واني بحبه.. انا كنت حاسه انه بحبني وفي شعور مخفي ومش ظاهر لألي منيح .. يمكن خوفه من القريه او من كلام الناس.. او يمكن من ترددي ومن كتير شغلات.. او يمكن من سميره اللي خربت كل شي واعترفتله بحبها قبلي.. ماكنت بعرف السبب.. بس عندي شجاعه اني احكي معاه.. بعد دقايق من انتظاري تحت الشباك اختفى الصوت.. مسكت حجر صغير وضربته على الشباك.. ماحدا رد عليه.. رجعت مسكت حجر صغير ورميته على شباكه.. الشباك ارضي وممكن يشوفني وينزل يحكي معي بسهولة والدنيا ليل ومافي غير ضو القمر الخفيف مضوي على المكان.. كنت خايفه وعم بشجع نفسي بالزور.. وبقنع نفسي اني شجاعه وبقدر اعمل اي شي عشانه.. وبعد تالت حجر .. طلعلي علي.. شفت ايد من عم تفتح الشباك.. خميله وكلها شعر.. وسوده.. مين اللي جوا!! شو اللي بصير.؟؟ اتطلعت منيح واستنيت لطلعلي كامل تماماً ..عهيئة ذئب بشري.. كله شعر ومخيف وبشع وملامحه مخفيه.. حاولت اهرب بس هوه نزل من الشباك بسرعه ومسكني وصار يحاول يمزع ملابسي بأديه.. وأنا ماقدرت الا اصرخ بصوت عالي.. ساعدوني.. رح اموت.. بلحظة مخيفه مسك رقبتي وحاول يخلص عليه ويفترسني بمخالبه البارزه.. شكله مخيف ونفرت منه.. صراخي صحى كل اهل القريه.. وأولهم بابا اللي طلع من البيت على صوتي ..متل صفاره الأنذار ولدرجة تميز صوتي عرف انه انا.. مع علي ليش وكيف وليش برا البيت.. اهل القريه عم يطلعوا من بيوتهم شوي شوي.. وانا بين مخالب علي بطلب النجدة.. اهل القريه اجو ساعدوني ومسكو علي بس قوته ذهلتهم.. ووسط صريخ من الكل وقف بابا ومعاه بلوكه كبيره ورماها على على ظهر علي وجعته ووقعته على الأرض.. مسكني بابا قدام اهل القريه كلهم وضربني على وجهي.. وبكلام قاسي وتوبيخ منه.. بدك تفضحيني.. طالعه تشوفيه برا بالليل!! مش عارفه انه صار ذئب متله متل أي واحد بالقريه.. انتي بدك تفضحيني اكتر من هيك!! وجرني من شعري على البيت .. حسيت بإهانه كبيره وماقدرت أعبر عن غضبي الا بتكسير اغراض غرفتي كلها.. وصريخي واستنجادي.. وبلحظة سمعت صوت الذئب.. حسيته حاسس فيني وحسيته شاف اللي صار.. بابا ضل برا .. وحكا لأهل القريه من برا بدي ازوج بنتي.. واي حد بده بنت من بناتي يوخدها بدون مصاري وبدون ولا شي!! .. ببساطه فضحنا بعد موت ماما ماعاد النا كرامه.. هيه الكرامه الوحيدة اللي كانت باقيه لإلنا.. فراغ كبير وتأثير كبير صار بعد موتها.. اجا الصبح.. والعريس كان جاي.. نقلت غراضي على بيتي الجديد ووسط تهاني من اهل القريه بزواجي.. علي عرف باللي صار وكيف تصرف بدون وعي.. ماشفت نظراته بس سمعت اهل القريه..

#وحوش_القمر_9 #وحوش_القمر
الحلقة التاسعة
@rwayate
مر الليل بطوله وأنا مع الذئب برا البيت ولما تركني ونمت صحيت على خبر زواج خواتي!!.. بهاللحظة قلت لازم أعرف بابا شو عمل! هل زوجهم غصب عنهم ولا برضاهم.. شو اللي صار وكيف بأسبوع صار هيك.. حملت حالي وطلعت من البيت بإتجاه بيتنا بعد ماصحي زوجي! وصار ينادي عليه ويحكيلي لوين رايحه تعالي.. وصلت على البيت وصرت أطبّل على الباب.. طلعلي بابا وصار يحكيلي انتي شو جابك لهون! انتي ما الك مكان بهالبيت يالله روحي على بيتك!! حكيتله بدي أحكي مع خواتي.. صار يشدني من ايدي ويحكيلي روحي على بيتك بسرعه.. ما كان بده ياني أدخل على البيت ولدرجة انه مش طايق يشوفني أبداً.. طلعت سميره من غرفتها وصارت تحكيلي ما سمعتي ابوكي شو حكا ! حكالك روحي على بيتك.. وماحدا منا هون بده يشوفك.. أنا نسيت كل شي عملته معي وصرت احكيلها انتي عارفه كم عمرك؟! عارفه انه عمرك 13 سنه.. كيف وافقتي.. حكتلي مادخلك فينا واليوم عرسنا وكل القريه رح تحضره وانتي لأ.. كان في لغز كبير بالشي اللي صار.. كيف سميره توافق.. معقول صار هالشي بس لأنه بابا ضغط عليها.. ولا لأنه عرفت انه ما في أمل أبداً من علي بعد اللي صار فيه وبعد ما تأكدت انه مارح يشفى وبعد ما شافت اللي صار مع اخي زيد وكيف متحفظين عليه الأمن.. طلبت اشوف بشيره وبابا رجع منعني.. صرت انادي عليها واجت لعندي.. اتطلعت عليه بحزن.. قلتلها شو عملتي بحالك؟ انتي مش مضطره توافقي على شي مابدك ياه أنا مبعرف انه مابدك.. حكتلي شهيره روحي من هون.. حكتلي هيك وانا نصدمت وكنت بدي أطلع لقيت زوجي وراي بحكيلي كيف اجيتي لهون أنا حكيتلك اطلعي؟! اسف عمي ماكنت بعرف انها طلعت وبعرف انك لسه مش راضي عليها بعد اللي عرفناه.. كان قصده باللي عرفناه.. عن علي لأنه عرف بالقصة من أهل القريه بس ماسأل لأنه أخدني تسلاية وبس لحتى يصلح غلط هوه عمله وأنا ما الي أي اعتبار ولا ذنب.. روّحت معاه على البيت وبعد ساعه كانوا عاملين عرس بالقريه.. في جاره جنب بيتي عرفتها من جديد وكانت عارفه كل اللي صار.. بس ماعرفت ليش تزوجته وكانت مفكره انه زواجي من هالزلمة الختيار بس عشان بابا عرف اني رحت لأشوف علي بالقريه.. حكيتلها بدي أروح على العرس وحتى لو بابا بده يفضحني انا لازم أروح.. حكتلي استني ليروح زوجك يبارك بالعرس وأنا رح أطلعك ونروح نشوف خواتك ربع ساعه ونرجع قبل ليرجع.. لبسنا على روسنا لحتى ماحدا يعرفنا وغطينا وجوهنا.. ورحنا مكان الحفلة.. كانوا خواتي فبيتنا وفي زفة برا البيت.. دخلت جوا وشفتهم.. بشيره كان الحزن بعيونها وحتى سميره نفس الشي.. مافي حدا منهم كان مبسوط.. بعد ما اجو زواجهم كانت الصدمه كبيرة بالنسبة لإلي.. شفتهم زلام كبار بعمر اللي تزوجني.. وشوي وحيختيروا.. كبار بالعمر وشكلهم من معارف بابا ومتزوجين والهم ولاد.. وحكالهم بدي ازوج بناتي واخلص منهم.. روّحت على البيت ببكي وخلص انتهى كل شي بالنسبة لإلي.. وما عاد في مكان للفرح بقلبي.. اجت أيام طويلة ومرت أيام وكل مايجي الليل أعيش لحظات سوده مع هالزلمة اللي مابحبه.. وبس ينام أعرف انه الذئب بستناني برا.. بطلع بشوفه وبحكي معاه وبحكيله على كل شي دايقني بهاليوم.. كنت بسأل نفسي دائماً بس أشوفه كيف رح يجي يوم وأقتله فيه؟ الذئب طلع أحن من البشر عليه.. معقول اللي عم بصير.. بس كنت أرجع احكي مستحيل.. هاد الذئب أكيد أجا من خلال لعنة على هالقريه لأنه مستحيل يصير هيك شي الا بالخيال والروايات اللي بقرأها.. عشان هيك رح أقتله وأخلّص القريه منه..بس حتى ما أحسسه بهالشي حاولت أتقرب منه أكتر وأخليه يحبني أكتر.. وحطيت برقبته سنسال ذهب إلي بس قبل ما أدخل على البيت وأتركه مكانه حسيت في صوت جوا البيت.. وفي حد عم يتحرك.. انا خفت كتير وحكيتله لازم تروح من هون بسرعه.. بس هوه مارضي يتركني ويروح.. حكيتله أبعد عن البيت روّح.. روح احسن مابدي يصير شي هلأ.. وفجأة فتح باب بيتي.. وطلع زوجي شافني برا.. حكالي شو بتعملي هون؟ أنا خفت وانصدمت ولفيت راسي لأشوف الذئب بعده أو لأ.. وفجأة لقيته اختفى.. نصدمت من السرعه اللي اختفى فيها.. وماكنت متوقعه الذئاب سريعن لهالدرجة بالفرار والهرب.. اتطلع عليه زوجي نظرات غريبة وصار يلف حوالين البيت.. ويدوّر.. بس ما لقى شي.. وفجأة ضربني على وجهي ووقعني على الأرض.. حكالي بتشوفيه هون ياحقيرة !! بتشوفيه هون ياواطيه.. وببيتي كمان!! وصلت فيكي تشوفيه عندي بالبيت.. سمعتك وانتي بتحكيله روح من هون.. روح حسن مايصير شي.. شو اللي كان بده يصير؟ اكيد اني اشوفه واخلص عليكم.. بس لأ وحياتك.. لأ يا وسخه.. وأنا اللي فكرت حالي جاي اصلح غلطي معك.. وطول الوقت عامله حالك شريفه ونضيفه ولا شو بدك تطلعي يا بنت القريه يا وسخه.. انا لازم افضحك بالقريه كلها وافرجي عليكي كل الناس هون قبل لا اطلقك واخلص منك.. حكيتله لأ أرجوك أنت فاهم غلط مش متل مابتفكر.. حكالي سمعتك بذاني وماحدا حكالي شي.. ودخلني على الغرفه وخلاني ألبس..

#وحوش_القمر_
@rwayate
الحلقة الأخيرة
حكيت لزوجي, أنا كنت بحكي مع الذئب مش مع علي.. ماصدقني.. بس اقنعته لو بدك تتأكد من كلامي وتقتنع فيه خلينا نروح على بيت بشيره وهيه رح تفهمك كل شي.. زوج بشيره كتير متعصب وعقله متخلف متل كل أهل هالقريه المتخلفه.. ولازم يعرف نحنا ليش بدنا ياها.. رحنا لعندهم وطلعلنا هوه حكاله زوجي مرتي بدها تشوف اختها شوي وتحكي معها.. هوه ما اقتنع وحكاله أنا مابدي تشوف أختها.. لأنه الكلام كتر عليه بالقريه واللي شوّهوا سمعتي القراب مني.. وبابا أولهم.. كان فارض علينا حتى ندخل يعرف الموضوع.. حكاله زوجي مرتي بدها تبري حالها من تهمه وبتقول انها حكت مع الذئب واللي بعرف هالشي بشيره مرتك.. بشيره طلعت وحكتله خليني احكي معهم.. وقفت برا البيت وحكت لزوجي.. نحنا اتفقنا على شي.. وهيه فعلاً حكت مع الذئب وصادقته واللي سمعتها بتحكي معاه مش علي هاد الذئب.. قلها هاد كلام مابدخل العقل.. الذئب بقتل وبنهش بلحم أهل القريه وبحولهم لذئاب متله بطريقه مش معقوله.. كيف فيها تتحدى هالخوف وتحكي مع الذئب.. بدي أفهم.. حكتله بشيره.. نحنا قرأنا رواية.. هاي الرواية فيها كتير ألغاز والأحداث اللي جواتها نفس اللي صارت بالقريه وتقريباً مابتخلف عنها شي.. الرواية بتحكي عن بنت نظلمت من قرية متخلفة وأفكار أصحابها كتير رجعية.. بهدلوها وأهانوها وعايروها بمرض هيه ما ألها ذنب فيه.. فقدرة خيالية سلطت على هالقريه ذئب كاسر أخد حق البنت هاي منهم وحولهم لذئاب لأنهم أذوها.. حكالها زوجي.. طيب انتي بتحكي انه الذئب بالرواية اخد حق البنت من أصحابها.. ولنفترض انه هاي البنت متل شهيره وانه احنا ظلمناها! ليه الذئب ليأذي أخوها؟ هوه بشو ظلمها؟ صارت تحكيله بشيره.. النهاية هيه اللي رح تفهمنا كل شي.. انت مارح تفهم ويمكن احنا فاهمين نص الحقيقة واللي جاي تأكد رح يفهم الجميع ليش صار هيك.. ويمكن الذئب اللي اجا على هالقريه انتقام من شي تاني.. ويمكن حدا تاني بهالقريه مظلوم وسلطه على أهلها.. ويمكن شي نحنا مابنعرفه وفينا نحط ألف إفتراض بس تأكد رح يجي يوم نفهم كلنا ليش صار هيك.. ومرتك حكت مع الذئب مش مع علي اقتنع بهالشي.. وياريت تدير بالك على حالك.. حكالها شو قصدك؟ حكتله مابعرف.. ودخلت جوا البيت وزوجها سكر الباب بوجهنا وسمعناه جوا بصرخ عليها وبحكيلها احكيلي شو مابعرف!.. روّحت على البيت وزوجي لسه مش مقتنع.. صار يهددني ويغلط على أمي وعلى تربايتها لألنا لأنه هوه مش مصدق كلامنا.. نجرحت بكلامه وصرت ادافع عن حالي.. بس فجأة صار يضربني ويخبط راسي بالحيط.. لحد ماغبت عن الوعي.. صحيت تاني يوم الصبح.. وكان راسي بوجعني ومربوط بشريطه.. عرفت وقتها انه زوجي عالجني بعد ماغبت عن الوعي ونمت.. قمت من مكاني وصرت ادور عليه بس ما لقيته.. طلعت من البيت على أمل ألاقي الذئب بس ما كان موجود بحوش البيت لأنه مستحيل يظهر بالصبح.. طلعت أسقي الورد الذبلان بحوش البيت.. سمعت حركة ورا الحيط.. قلت مش معقول الذئب.. زوجي مش موجود وبشغله.. طيب مين اللي هون.. حكيت مين؟ وفجأة طلع حدا من ورا الحيط.. كان علي.. حكيتله علي! انت شو بتعمل هون روح بسرعه قبل ليجي زوجي.. شو بدك مني؟ حكالي رح اروح بس قبل لازم احكي معك.. حكيتله احكي بسرعه وبعدين مش انت بتتعالج كيف طلعت؟ حكالي في مره اجت عندي من القريه وخبرتني على كل شي صار.. حكيتله مين هيه.. مارضي يحكي بس انا توقعت انها جارتي اللي ساعدتني لأشوف خواتي بالعرس لأنها بتعرف كل شي.. قلي أنا اسف.. اسف لأني ماحبيتك أو ماقدرت أحبك.. واسف لأني ماكنت بعرف مشاعرك.. يمكن لو عرفت كان قدرت اعمل شي.. وكان تزوجتك.. اللي صار مبارح أنا ما الي ذنب فيه حتى اللي صار إلي وموت أختك منيره.. إنتي تحملتي مشاكل كبيرة عشاني وبدون ذنب.. أنا بعتذر منك.. وبتمنى منك تسامحيني.. لأني مارح أرجع متل ماكنت هيك حكوا الأطباء.. وماحدا عارف شو اللي فيني.. متل أخوكي زيد ومتل كل شباب القرية وزلامها اللي تأذوا من الذئب.. حكيتله خلص صار اللي صار.. حياتي نحكم عليها بالإعدام قبل لأشوفها وقبل لأعرف شو يعني حياة !.. بتمنى تطلع من البيت قبل ليصير شي ساعتها رح تدمرني أكتر مادمرتني.. حكالي رح أطلع بس سامحيني.. حكيتله أنا سامحتك وانت ما الك ذنب.. وبعرف سميره انها كذبت ولأنها صغيره ومابتعرف شو بتحكي وهيه هلأ مع زلمة بكبرها تلاتين سنة.. حكالي أنا رح أنتقملك من اللي خرب كل شي.. واللي هوه الذئب.. وعد مني لأقتلك ياه لأنه هوه اللي عمل فينا هيك وشتت الكل.. حكيتله ماتقتله.. أنا رح أقتله.. عشان امي ترتاح وعشان القريه ترجع متل الأول وانت تطيب كمان.. حكالي كيف انا اطيب؟ حكيتله لازم تتحقق نهاية الرواية بموت الذئب على أيدي.. الذئب بحبني حالياً ولازم أنا أقتله.. حكالي فهميني مافهمت قوليلي شو بتحكي انتي؟! ولما اجيت احكيله الحقيقة.. زوجي أجا.. وشافنا.. ومن بعيد صار يركض وهجم على علي وصار يسب عليه ويضربه..

#معزوفة_الموت_قصص
#معزوفة_الموت_3 #معزوفة_الموت
الحلقة الثالثة
Telegram:@rwayate
سكر زوجي الحمام وتركنا أنا وكاتيا برا عم نحكي مع حالنا ومش عارفين شو اللي صار.. ضليتني ماسكة بنتي وعم برجف من خوفي .. قلبي ما عاد اتحمل هالليلة واللي صار فيها وكان بدي يطلع الصبح وارتاح من الهم اللي اجاني.. بعد نص ساعه طلع زوجي من الحمام وحامل شي بإيده ملفوف بالستارة .. استغربت وشكيت بالوضع .. غطيت عيون بنتي وسألتها ماشفتي ولاء وين راحت ؟ هزت راسها لتحت وكان وجهها اصفر وخايفة ..وقتها شكيت انها مع زوجي وطلعها من الحمام وأخدها جوا عغرفة .. وماكنت قادرة اترك بنتي من أيدي واروح اشوف .. وللحظة الفضول حرقلي دمي وجريت بنتي من إيدها للغرفة .. فتحت الباب على زوجي ولقيته بعمل تنفس اصطناعي لولاء .. نصدمت وحكيتله شو اللي صار بالبنت ؟ احكي؟ حكالي ليش اجيتي لهون اطلعي برا بسرعه انتي وكاتيا.. وكاتيا شافت صاحبتها هيك صارت تبكي وبطلت عارفة اهديها.. حكيتلها بجوز وقعت حبيبتي ماتبكي خلص.. بهاللحظة أخدت بنتي وفتح باب البيت فجأة .. كان الباب الخارجي يلي فتح .. كيف فتح وهوه مسكر! .. صابني حالة من الذهول وعلامات الإستفهام صارت تخطر عبالي.. صارت كاتيا تصرخ وأنا بنادي على زوجي وهوه مش سامعنا ومشغول مع ولاء.. كان الباب عم بفتح وكأنه في شخص عم بفتحه وأنا ماسكه بإيد بنتي وبهرب معها للغرفة اللي فيها زوجي وولاء.. صرت اخبط على الباب ليفتحلي وأحكيله في حدا عم بفتح الباب الخارجي.. ماكان برد عليه وبحكيلي حكيتلك ما تدخلي خليكي انتي والبنت جوا .. ومش قادرة احكيله .. كنت عم بسمع صوت حدا بفتح فباب البيت وبده يدخل وزوجي مش تاركلي مجال اشرحله اللي صار وبنتي صوت صراخها وبكاها مش تاركلي مجال كمان.. مسكت إيدها وحكيتلها ماتخافي فاهمة اهدي خلي ابوكي يسمعني ويفتحلي الباب.. بس هيه كانت عم بتبكي وتصرخ بصوت عالي.. اخدتها من إيدها وهربت لغرفة نومها وسكرت علينا الباب.. ورحنا ناحية الخزانة .. حضنتها وكانت خايفة.. بتحكيلي ماما أنا سامعه حدا بحكيلي تعالي ألعبي غماية معي.. قلتلها وين الصوت ؟ قالتلي هيه ورانا برا الشباك عم بحكي معي .. حكيتلها مش سامعه اسكتي شوي .. حاولت اسمع شي ماقدرت وما كان في صوت واضح.. هدوء وصوت هوا والبيت هادي.. حكتلي ماما خليه يسكت عم بحكي أنه قتل ولاء.. حكيتلها حبيبتي وين الصوت مش سامعه.. قالتلي بده يقتلنا مامااا.. وزاد بكاها.. حكيتلها كيف عم تسمعيه أنا مش سامعه شي أبداً .. كيف فهميني.. ضلت تبكي وتصرخ.. وتحكيلي ماما خديني عند بابا في واحد عم بحكي سامعه الصوت وبحكيلي رح يقتلنا والله.. شديت على إيدها وفتحت باب الغرفة ورحت لزوجي.. Telegram:@rwayate رحت لزوجي قلتله افتح بسرعه البنت بتبكي وفي شي عم بخوفنا افتح بحكيلك وفهمني شو اللي صار.. أنا كنت عارفة وقتها انه خايف على مشاعر بنتي ومابده يخليها تشوف شو اللي صار.. وقتها اختفى صوت زوجي قلت نورس وينك رد عليه ؟ افتح الباب أرجوك لا تخوفني ليه ماعم ترد عليه.. بعد دقايق بلشت أيد الباب تنزل لتحت .. تراجعت أنا وبنتي وكانت عم تشهق وتبكي طلع زوجي بتطلع علينا وبحكيلي البنت توفت .!! حكيتله شو بتحكي ؟ صرت ابكي واحكيله كيف وشو اللي صار فهمني شو بدنا نعمل .. اهلها رح يفكرونا قتلناها.. احكيلي شو الي صار.!! .. حكالي بس دخلت على الحمام لقيتها معلقة بالسقف بطريقة غريبة وستارة الحمام ملفوفة عرقبتها متل الحبل ووجها ازرق.. في حدا ربطها وخنقها بس كنا جوا انا وانتي ..وكانت بنتي بتبكي وهوه بحكي معي وتوترنا .. حكيتله لازم تصدقني بعد اللي صار.. شو بدنا نعمل هلأ كيف بدنا نتصرف .. لو بدنا نحكي لأهلها توفت بطريقة تانية رح يكشف الطب الشرعي كيف توفت وتصير في قضية أو شي.. فهمني شو لازم نعمل .. حكالي لازم نتصرف يمكن المرة الجاي تتأذى بنتنا أو واحد منا لازم نعرف شو بدنا نعمل.. قلتله خلينا ندفنها حوالين البيت مافي غير هالحل.. قلي متأكده هالحل ممكن يخلصنا من أي عقوبات ؟! حكيتله اه ماحدا رح يحس وبنحكيلهم انه ما اجت عنا البنت .. لو الشرطة واهلها عرفو تأكد رح تصير مشكلة كبيرة ونعلق .. حمل البنت واخدها جنب البيت عالحوش وصار يحفر بالكريك وأنا وبنتي جوا البيت.. حكالنا ماتطلعوا لأدفنها وفي حال لاحظتوا شي صار اصرخو صوت.. دفن البنت متل ما هيه وبأواعيها وبنتي ماوقفت لحظة عن البكا والصدمة اللي شافتها .. حكيتلها حبيبتي ماتحكي لحدا عن الشي اللي صار .. صاحبتك من اليوم اختفت وما اجت على بيتنا أبداً فاهمة .. واذا اجو اهلها عنا بتحكيلهم انها ما اجت عنا أبداً طيب؟ ..حكتلي ماما أنا خايفة الصوت رجع يحكي معي سامعته من جوا بالغرفة.. حكتلي ماما أنا خايفة الصوت رجع يحكي معي سامعته من جوا بالغرفة .. سكتت للحظة واتطلعت ناحية الغرفة قلتلها وين بالزبط..؟ قالتلي بحكيلي تعالي العبي معي عم بقولي مرة تانية ..