👹👸
#الجميلة_والوحش 👸👹
#الجزء_الثاني هههههههههههههههههههههههه هههههههههههههههه ههههههههههههههه اااااااخ يا بطني ... مستحيييييييل
ايوب بانزعاج : تضرب انت والي بحكيلك شي .. خلص انعمى على البي يا زلمة .. تخيل انو حتى ورقة التحاليل ما شفتها
ما بعرف على اي اساس تصرفت .. خلص كنت ماشي وراها لك بس بدي امسك ايدها كنت متل الاجدب.. لك تمنيت الأرض تنشق وتبلعني ..
جمال : ايه بسيطة اخي ... هاد سحر الجميلات .. شو بدنا نعمل
ايوب : بلا جميلات بلا حكي فاضي .. مو هيك الموضوع ، انا بس اهتميت فيهن لان مهند وصاني .. هي كل القصة ..
جمال : هههههههههه لك ما عم اقدر اتخيل منظرك وقت قالتلك بعد عني هيك .. شو احساسك يا زلمة
( زبالة ، الله وكيلك احساس زبالة .. خليها لربك بس )
اعتزرت منهن كتير و رجعت اخدت ورقة التحاليل و عملت التحاليل اللازم لامها ..
بقى المفروض بكرا يجو ياخدوهن ... بيني وبينك خجلان اتطلع بوشهن للجماعه .. ما علينا
... يلا انا طالع .. بدكن جيب شي انا وراجع ؟ )
جمال : والله ما بعرف اسأل الوالدة ..
ايوب : خلص ازا بدكن شي دقولي .. يلا سلام
جمال : هههههههههه الله معك هههههههههه
ايوب وهو طالع وعم يبتسم : ايه ضلك اضحك من هون لبكرا .. والله معك حق ..
______________________
ليش مع انو وجعني بس ما زعلت منو ؟ .. وليش كنت متشوقة نرجع لعندو تاني نهار ناخود التحاليل ؟
وليه لبست احلى شي عندي و ما رحت على الجامعه ؟
طيب ليه لما عرض علينا رقمو ليساعدنا بالمرات الجايه ما رفضت واخدتو منو !!
اسئلة كتير براسي ... مجرد اعجاب او فضول ! .. بس اعجاب بشو ؟ وفضول لشو ؟
ما بعرف
كأنو الإبرة ضربت على نبض قلبي ؟ هههه
بعد مدة اربع ايام رحت انا وستي لنعمللها تحاليل .. انا زتيت حالي بالنص وتبرعت اخدها ما بعرف ليش .. بس كنت حابه ارجع شوفو كمان مره .. اتصلت عليه واخدت موعد لتاني نهار
بس ما بعرف ليش لما رد علي كان كتير متلبك ومصدوم
سمعت اصوات عيلة وعجقة وناس حواليه .. حكينا برسمية مبالغ فيها .. وبرود
وتاني نهار لما وصلنا استقبلتنا الموظفة وفوتتنا على مكتبو ..
أيوب : أهلا وسهلا مدام .. اهلين ماسة .. تفضلو ..
ماسة : يعطيك العافية دكتور .. انا حكيت معك ، بدنا نعمل تحاليل لستي .. ؟
أيوب : اها .. تحاليل شاملة ؟ ..طيب بس بالأول كيف صحة الوالدة بعتزر ما سالتك امبارح
- امي منيحة ..
هي من فترة عم ينزل ضغطها باستمرار .. المشكلة ابي مو هون .. سافر يقعد فترة عند اخواتي
وكتير عم يضل بالي مشغول يصي
ر معنا شي لا سمح الله ..
أيوب : لا ما تشغلي بالك .. تحاليلها كانت سليمة .. بس نقص بسيط بالدم و بتعالج بدون ادوية ..
تطلعت بستي ( طيب لكن شوفلنا ستي اليوم )
قربت ستي من مكتب ايوب واتطلعت فيه بنظرة ثاقبة .. (انت دكتور ؟ )
ايوب : اها ؟
- دكتور عيون ؟
ايوب : لا .. طبيب عام
- طيب بتقدر تفحصلي عيوني ؟
اتطلع ايوب فيني و ابتسم .. قام من ورا المكتب و حنى ضهرو شوي واشر على عيون ماسة .
ايوب ( اطلعي بعيون الصبيه .. شو لونهن ؟ )
قربت ستي مني وتطلعت بعيوني ..
ايوب ( ركزي بعيونها .. شو لونهن ؟ )
انا كنت عم اتطلع بعيونو بتركيز كبير .. كان قريب مني .. .. وعيونو لونهن ازرق متل لون البحر ..
ماسة ( ازرق .. )
ايوب باستغراب ( لا عيونك بني ؟ )
ماسة ( لا قصدي انت عيونك ازرق ! )
ايوب بحبث ( اها فكرتك خربطتي .. قلت يمكن لانو لبسك كتير خفيف اخدتي لفحة برد وما عدتي ركزتي .. )
نزلت عيوني لاتزكر حالي شو لابسة !! .. جينز وبلوزة قصيرة ..
( لا تيابي مو خفيفين والجو مو برد على فكرة )
رجع لورا مكتبو و حط النظارات على عيونو ( لا خفيفين ، المهم .. تفضلو على الغرفة وهلأ ببعتلكن صبيه لعندكن ؟ )
ماسة ( يعني ما انت رح تعمل التحاليل ؟ طمنتي ! )
أيوب بجدية ( الساعه 9 الصبح بتقدرو ترجعو تاخدو النتيجة ؟ )
ماسة ( لا طبعاً .. عندي محاضرات .. )
أيوب ( ليش شو بتدرسي ؟ )
ماسة ( طب اسنان .. )
رفع عيونو وتطلع فيني ( اها .. يعني زميلة .. )
______________________________
زميلة بشو ؟ ... طيب انا ما بدي كون زميلة .. بعدين عيونك ما بتحكي انو زميلة هه !
فضول فظيع كان يشدني لهل مخلوق .. غريب كتير بحركاتو و تصرفاتو .. مزاجو متقلب .. بالدقيقة الوحده ببتسم وبيعبس مية مره .. يمكن هاد الي خلاني انجذبلو .. بس طبعاً كل شي مدروس ..
اخر شي بفكر فيه هو انو فوت بعلاقة ما الها مسمى .. او خلي حدا يلعب بمشاعري .. الموضوع كان بالنسبة الي .. طبخة على نار هادية .. وعم تستوي شوي ... شوي ..
كنت بالجامعة لما وصلني مسج على الواتساب منو ..
أيوب ( صباح الخير .. بتمنالك نهار سعيد .. ربي يوفقك ويحميكي .. )
قرأت الرسالة وطنشت ..بعد ساعه رجع بعتلي .. ( وياريت تلبسي منيح .. لان تيابك كتير خفيفه .. )
رديت بدون شعور ( عفواً دكتور ؟ )
هي الــ ( عفواً ) كانت مفتاح حديث طويل بيني و بينو .. راح الوقت ونسيت محاضر