📚قصص||روايات||منوعة📚

2?
قلتلها شو قالتلك ..! حكتلي أروح أقلها إنه بنتها كبرت .. وهيه موجودة بالدار يلي كنت أنا فيها .. وصار عمرها خمسة وعشرين سنة .. قلتلها يعني خالتي طلعت من البيت .. هيه مابتعرف الدار يلي رحت عليها .. قالتلي ? تخافي أنا قلتلها وين بالزبط .. توترت ورنيت بسرعه ?يهم .. ماكان برد عليه .. وفجأة باب غرفتي تسكّر لحاله .. لفيت مالقيت تا? .. قلت ?يهم تعال بسرعه أنا خايفه وبرجف .. خالتي طلعت على الدار الحقني بسرعه .. كان باب غرفتي مسكّر وأنا شايفة في حد جوا بتحرك .. باين من بلور الباب .. بس بشكل مو واضح ومتموّج .. قربت اذني ناحية الباب .. صرت بسمع صوت تا? عم تحكي .. وبهمس وبصوت واطي .. وصوت خزانتي بفتح .. مديت إيدي على الباب وتشجعت وفتحته .. لقيت تا? واقفة بنص الغرفة وبإيدها شي وخبته ورا ظهرها .. قلتلها شو بإيدك .. كانت بتتطلع وساكته .. قلتلها فرجيني .. لفيت ظهرها لقيتها حاملة سكينة .. حكيتلها من وين جبتيها ومتى دخلتي على المطبخ .. حكتلي بس كنتي تحكي بالتلفون .. قلت ليه طيب؟ .. حكتلي البنت قالتلي اقتليها .. حكيتلها وينها ه?؟ .. حكتلي بالخزانة .. دخلت جوا .. مديت إيدي ?فتح الخزانه .. وقبل ?فتحها رجعت قطعت الكهربا .. سمعت صوت الهوا برا زاد كتير واشتد وصارت تمطر .. وأنا مو شايفه و? شي .. وصوت الشجر عم بتحرك بقوة وكأنه عم بوقع .. وفجأة سمعت صوت الباب بدق .. عرفت انه أيهم .. صرت بتحرك متل العميه ?روح للباب .. وقبل ?وصله حسيت بسكينة دخلت بجسمي من ورا .. صرخت بصوت عالي ووقعت على ا?رض كنت بتألم وبصرّخ من وجعي وتا? عم تصرخ بالعتمة وبتقول مادخلني هيه طلبت مني تموتي .. باب البيت كان بدق بقوة وأنا بنادي بصوت مبحوح على أيهم .. تا? صارت تتبع صوت الباب لقدرت توصله .. فتحته وسمعتها وقعت على ا?رض .. وأيهم صار يقول مين يلي وقع .. رزان وين .. حكتله تا? قتلتها .. ارتعب وصار يسمع بصوتي من وين عم بتألم وبنادي عليه لوصل لعندي .. ضوّا تلفونه على وجهي وشاف دمي على ا?رض .. قال رزان شو صرلك .. بهاللحظة أغمى عليه وماحسيت على شي .. فتحت عيوني لقيت نفسي بالمستشفى وهوه فوق راسي .. بطمّني وبقلي ليه عملت هيك .. تطلعت لقيت تا? واقفة جنب الباب وبتتطلع عليه بحزن .. حكيتله الحق خالتي رميزة على الدار أنا منيحه .. دخل الدكتور وطمّنا انه الجرح سطحي وباين انها ضربة سكين خفيفة .. وقال الشرطة رح تسألكم مين يلي عمل هيك .. دخلت الشرطة لعنا وسألتنا أنا قلت أني جرحت نفسي بدون قصد .. السكينة كانت على الطاولة موجهه بشكل مباشر وضربت فيني بدون ما انتبه ?ني قمت أعمل أكل لخالتي المريضة
يتبع ..

2
تحملت ألمي وقمت بسرعه وحاولت أقرّب منه .. لمحت تا? واقفة جنب الحيط وعم تتطلع عليه وفجأة بتدخل لجوا وبتختفي .. بسمع صوتها عم بتغني وكل شي بصير بالبيت يهتز وبوقع على ا?رض .. أيهم شادد إيده على وجهه وبتألم وأنا بتوجع من ظهري .. وبقلي مافي وقت ?زم نطلع من البيت .. صرت أصرّخ بصوت عالي أتركينا .. أنا بكرهك بس صدى صوتي كان برجعلي وكأنها عم تمنعني أنا وياه لنطلع من البيت .. وفجاة بسمع صوت حركة برا البيت عند المدخل الخارجي .. أيهم قام وقلي ماتطلعي و? صوت .. تطلع من عين الباب وشاف شخص مشي بسرعه وماقدر يلمحه من شدة المطر .. حكالي في حد برا البيت .. نحنا مو ?زم نطلع .. بس وجود هالبنت ماكان تاركنا نبقى أكتر بالبيت وألمنا وتحكمها فينا مانعنا .. قلي مين يلي بعمل هيك رزان ..! حكيتله البنت يلي بالبيت .. يلي بتشوفها خالتي موجودة هون وطلع كل شي صحيح صدقني .. بس أنا شفتها بتا? .. تا? يلي بالبيت .. وهيه يلي عم تأذينا وتحركنا بأصبعها .. قلي كيف هيك وتا? راحت معهم ..! حكيتله هددتني قبل لتتطلع وهاد كان تهديدها .. خيال الشخص يلي برا ضل عم يوترنا .. وصرنا نشوف حركته السريعة من ورا الشبابيك .. عم بتحرك بسرعه وكأنه عم بدوّر على مكان يدخل منه .. حكيتله أنا خايفة خلينا نطلع .. قلي مابنقدر نطلع يمكن يكون مسلّح .. حكيتله مين هاد .. حط ايده على تمي وقلي ? تطلعي و? صوت .. مشي معي لغرفة خالتي وصار يسمع الصوت يلي ورا الشباك .. حكالي ماله صوت .. وقبل لنطلع سّكر الباب علينا .. حكيتله البواب كلها عم تسكّر ومابدها تتكرنا لنموت .. حكالي ? تخافي أنا معك ورح نطلع من هون .. وهوه عم بحاول ليفتح الباب سمعنا صوت الباب الرئيسي فتح .. أو أنخلع ! قلي دخل البيت ..! حكيتله رح نموت أيهم .. كنا سامعين بحركة قوية جوا البيت .. وفي شخص عم بفتح ببواب الغرف .. غرفة غرفة .. وبعدين يسكّرهم .. ولمّا وصل لعنا .. مد إيده على الباب وصار يحاول يفتحه .. أنا ماكنت قادرة أتكلم وأيهم شادد بكل ثقل جسمه عليه حتى مايحاول يفتحه .. حتى يوهمه أنه مسكّر تماماً ومو بس ظاهرياً .. ضل عم بحاول يفتحه وثواني وسمعنا صوته من ورا الباب بقول بعرف انكم هون .. افتحو ..! افتحو وإ? رح أضرب نار على الباب من ورا .. كان بحكي بصوت واطي .. ونحنا خايفين .. وفجأة سمعنا صوت فتحة زناد .. خفت وهربت لورا .. وأيهم ضل شادد على الباب وأنا خايفة عليه وعلى نفسي .. وبعد دقيقة سمعنا صوت سيارة الشرطة .. بقينا على وضعنا لحد ما أختفى صوته من برا .. حسينا بالشرطة دخلو وصارو جوا .. فتحنا الباب وطمنّا .. حكالهم أيهم يلي بعتلي التهديد كان هون .. طلّبو منهم يطلعو لبرا ليلحقوه قبل ليبعد عن البيت
يتبع ..

بنات ابليس
الحلقة الرابعة
نحنا رح نحرق قلبك أكتر هلأ ورح نبعتلك كل الصور والأدلة يلي بتثبت كلامنا.. سكرت التلفون وصارت تبعت فيديوهات وصور!!.. بلّشت أدقق فيهم وأنا مو عارفة مين كل وحدة.. بس كان متصور معهم والأغراض يلي كانو بالشنطة نفسهم لابسينهم وبخلفية الصورة وبالمكان يلي همه فيه!.. احترت وما قدرت ابعتلها شي لأنها عملت بلوك بسرعة.. ومفكّرة انه هيك دمرتني بس ماكانت بتعرف انه هاد احسن شي عملته معي بهالوقت!.. قمت بسرعة بإتجاه باب البيت وحاولت افتحه لأوصل لجارتي شروق بس ما قدرت لأنه الباب كان مسكّر.. ضليت اخبّط على الباب لحتى تسمعني.. وفجأة سمعت طقة سكرة باب البيت عم تفتح لحالها !!.. رجعت لورا وأنا برجف والباب فتح
انتظرت لفتح الباب كامل وفجأة لقيت شروق.. دخلت وقالتلي أنا شروق لا تقلقي!.. قلتلها كيف جبتي مفتاح البيت!؟.. حكتلي أنا أخدته بس دخلت عندك وطبعته على معجونة صغيرة وانتي بتحكي معي بس ما انتبهتي.. نسخت عنه وخليته معي وما حبيت أحكيلك لأنه كنت متوقعة زوجك يحبسك.. صرخت عليها وقلتلها كيف بتعملي هيك!!.. قالت مو وقت الكلام واللوم.. انا اخدتلك موعد عند الشيخة زهراء.. لازم هلأ فوراً نقوم لعندها.. حكيتلها مين؟!.. حكت هلأ بتعرفي بس قومي بسرعة.. قلتلها بملابسي هيك!.. قالت متل ما انتي بس ادخلي معي شوي.. دخلت لغرفة النوم وقالتلي بدي كيس كبير.. اعطيتها وصارت تحط أغراض لزوجي وكل ما أسألها تحكيلي لا تسألي شي.. طلعنا من البيت واخدتني لمكان أول مرة بشوفه بحياتي.. حي قديم بس فيه بيوت فخمة.. التناقض العجيب يلي كان موجود بالمكان حيّرني لدرجة انه ما كنت عارفة بيت الشيخة يلي قالت عنها بيت متواضع أو بيت فخم!.. قالتلي هون.. أشّرت على بيت نصه كان لسه عم ينبنى جديد.. وكان طابقين كبار بس من أجمل البيوت الموجودة بهالحي!.. رنّت الجرس طلعت بنت صغيرة وقالت ماما بتنتظركم جوا.. أنا اسمي نايا وكانت مبارح بتقلنا في بنت رح تيجي لعنا اسمها مايا انتي هيّه مو هيك!.. قلتلها صح حبيبتي.. قالتلي خالتو انتي حلوة واسمك بشبه اسمي !.. بوستها وضحكتلها ودخلنا لجوا.. تطمنت شوي من بعد ما شفت البنت الصغيرة.. قعدت بالصالة متوترة.. شايفه نص اثاث وحيطان جوا عالعضم.. استغربت.. اجت البنت معها دفتر رسم.. قالتلي ارسميلي شي هون.. شفتها كاتبه كلمة نجران.. وحرف الألف مكرر تلات مرات.. قلتلها شو هاد.. قالت هون ارسمي.. اجيت ارسم قالتلي شروق.. هلأ بتيجي اتركي بنتها بحالها !.. دقيقة ودخلت من الصالة مره حلوة بعمري تقريباً ودخلت نايا تبتسملي !!.. نذهلت وسألتها بصوت واطي هي الشيخة!.. ابتسمتلي وقالت أنا زهراء.. تفضلي اجلسي.. حكت بعرف انك مستغربة توقعتي يكون عمري خمسين مثلاً مو هيك ؟!.. بس أنا تقريباً قدك.. الله أعطاني إلهام أنا مستغربة منه.. بس أنا بعرف السبب لهالشي!.. تطلّعت على الكيس وقالت هدول أغراض زوجك يلي طلبتهم من شروق؟!.. كنت رح أشرحلها حالتي قالت ما بدي تحكي شي.. صدقيني أنا بعرف.. مسكت الشعرة الحمرة يلي كنت محتفظه فيها وتطلّعت عليها.. حكتلي ريحتك وتصرفاتك ونظرات عيونك بتقول انك مأذية وأذية قويّة بس أنا صعب أعرف هلأ.. لازم أقعد مع نفسي واتفحص كل غرض.. حكيتلها بترجاكي حاولي أنقذيني.. جارتي حذرتني من يلي جاي وخايفة تتدمر علاقتي مع زوجي.. أنا لسه ما لحقت أفرح.. أنا متأكدة هوه ما كان هيك.. عم يتغيّر تدريجياً وحتى أنا عم بعمل تصرفات خارجة عن ارادتي!.. حكت قلتلك بعرف لا تشرحي!.. حافظة كل شي!.. انتي لازم ترجعي على بيتك وأنا رح أحكي معك تلفون وأحكيلك شو عرفت.. اعطيتها رقمي وقلتلها أنا ما بدي بس أنشفى من يلي صرلي.. أنا بدي أعرف مين يلي أذاني.. زوجي بقول عرف ست بنات وتعمّق بعلاقته معهم.. قلتلها شو سمعت من اخواته مياده ووجد.. وفرجيتها الصور يلي بتلفوني.. طلبت انقلهم على تلفونها.. وأنا رجعت على بيتي خايفة ومحتارة.. وأنا عالباب بحكي مع شروق.. قالتلي تركت ولادي عند امي لحتى اطلع معك.. حكيتلها انا اسفه بالأول ما ارتحتلك مابعرف ليه بس هلأ تأكدت انك انسانة منيحه.. رح أأمن بيتي عليكي ورح أخلّي المفتاح معك.. لو ما طلعت معك اليوم وكلام الشيخة زهراء ريحني شوي كنت بقيت محبوسة بالبيت.. دخلت عبيتها وأنا دخلت عالبيت.. كنت دايخة وحاسة نفسي جوعانة بس بنفس الوقت رح استفرغ!!.. كان بنتابني شعور انه في حدا معي بالبيت.. بس كنت بحكي يلي شفته مجرد هلوسات.. البنت يلي بشوفها شفتها بسبب شكوكي بزوجي.. بس فعلاً يلي بصير ما اله علاقة بهلوسة أو تعب.. أنا فعلاً مأذية من وحدة من البنات يلي كان بعرفهم!.. وكنت متشوّقة أعرف يلي رح تحكيه زهراء.. رحت لأطلّع شي من التلاجة رنّتلي أسماء اختي.. حكتلي ليه قفلتي بوجهي اليوم!.. احكيلي شو فيكي!.. حكيتلها صدقيني ما بعرف.. تخربطت حياتي فوقاني تحتاني وانا مو عارفة ليش.. قلتلها تخيلي نظفت نص البيت وما الي مراق انظف النص التاني.. جسمي هزلان وبحس بتعب.. قالت اذا بدك باجي اساعدك!..

الحلقة السادسة
حاولت أسماء تطلع من البيت بس أنا وقفتها وحكيتلها يلي حكت معي كيف عرفت انتي شو قلتيلي !؟.. قالت ما بعرف أنا مصدومة متلك !!.. بس أنا متأكدة إني شايفه البنت يلي بالصورة.. قلت انها حكت انه البنات يلي لابسين متل بعض بكونو اخوات !.. وبيتهم قبال مقبرة ويلي كان بشتغل فيها أبو صاحبتها المرحوم!.. بتذكر كلام ميادة ووجد لمّا حكو عنهم قالو انه البنت يلي إسمها ايناس أبوها كان بشتغل بالمقابر.. وهاد دليل إنه هالبنت بتكون صاحبتهم.. بس مين يلي اتصلت وليه لتخبرني بمكانهم!.. حكت أسماء خلينا نطلع من هون لأنه بالفعل بيتك بخوّف ومسكون.. فتحت الباب بالمفتاح وشافتنا شروق على الدرج.. قالت الزبال الحقير ما أجا يوخد الزباله وريحة العمارة كلها زبالة.. غرفة الزبالة نتنة كتير.. حكيتلها عن يلي صار وقالت هالكلام بتحكيه لزهراء لأنه ما فيكي تروحي تدوّري على بيت بعلامة بشجرة جنب مقبرة!.. انتي عارفة كم مقبرة في بالبلد !!.. حكتلها أسماء بتقدري توخدينا عند زهراء يلي قلتي عنها !؟.. حكت ايوه بقدر بس خلوني ألبس أي شي وأسكّت الولاد جوا.. دخلت وسكّرت الباب وبقينا نستنى برا وقت ونحنا بنحكي.. حكتلي أسماء بيتها هادي مو سامعة صوت ولاد !.. حكيتلها أكيد بيتها كبير متل بيتي وقاعدين جوا.. طلعت وحكت حكيت معها وبتستنانا.. وصلنا بيت زهراء.. قالت نايا بنتي بتضّل تسأل عنك يمكن لأنه أسمك بشبهها تعلقت فيكي.. قلتلها وينها ؟!.. حكت بالمدرسة هلأ.. سألتني عن ليلة مبارح أسئلة كتير وجاوبتها بكل شي شفته.. قالت السحر تحوّل لربط.. حكيتلها كيف يعني!.. قالت الجنية مرتبطة بزوجك وعم تحاول تبعده عنك وهوه ببعد بس بنفس الوقت بده تضلي معه عشان تضل تعذبك !.. حكيتلها هاد يلي حسيته مبارح.. كل يوم رح تتعمق بزوجك لتصير جزء منه وبتشبهه.. رح تعيش فيه ويمكن توسوسله بقتلك.. بس انتي مو لازم تبعدي عن البيت لأنه خلاصك الوحيد فيه.. لازم تبقي معه عشان تنهي هالقصة الصعبة.. ويلي تأكدت منه إنه في سحر تاني.. بس السحر ما إله أي علاقة بوجود هالجنية بحياتكم.. يلي مسحور هوه انتي!.. ويلي ملبوس هوه زوجك!.. خربطتني وخوّفتني!!.. قلتلها يعني أنا مادخلني باللي عم يصير معه والعكس صح ؟!.. قالت بالزبط.. مايا انتي عليكي أكتر من أذيّة ومن الممكن يكون سحر أسود !.. انتي لازم تلاقي البنات هدول بأسرع وقت!.. وياريت تجيبي أغراضهم لأنه من خلالهم أنا رح أكشفلك كل هويّتهم!.. حكيتلها بس الأغراض بغرفة اخوات زوجي وأنا لو أموت ما بدخلوني عليها !.. كيف أجيبهم الشنطة لسه معهم وما بعرف وين حاطينها !.. ومن بعد يلي عملته حماتي مستحيل تستقبلني.. قالت أسماء أنا رح أتصرف!.. حكيتلها شو رح تعملي!.. قالت حمادة رح يساعدنا بس يارب يلي عم بفكّر فيه يقدر يعمله.. حكتلي زهراء إنه ما في وقت وكل دقيقة عم تمر عم تنهيني أكتر.. سألتني إذا بحس بوجع بمكان! قلتلها بحس بدوخة وإرهاق بكل جسمي وعضمي وبحس بوجع براسي وشعور بإنه رح أستفرغ!.. حكتلي انتي فحصتي اذا حامل أو لأ !!.. قلتلها ما صرلي شهر متزوجة.. قالتلي السحر!.. طلعنا محتارين وأنا ما كنت صابرة وكان بدي أعرف وين بيتهم!.. ونحنا طالعين شفنا يوسف صاحب زوجي صدفة.. كان بدخّل أغراض بسيارته شاريها من السوبر ماركت.. ولأنه كنت كتير أشوفه وأسلّم عليه بوقت الخطبة عرفني فوراً وسألني عن زوجي!.. قلتله ليه هوه مو معك بالمكتب؟!.. قلي لأ أنا تركت المكتب من شهر ونص.. ومحمد صرلي أكتر من شهرين ما شفته!.. قلتله هوه بخير بس ممكن تعطيني رقمك لأنه زوجي ضيّعه وبدي اعطيه ياه.. قلي أكيد.. أسماء سجّلته على تلفونها وحكتلي زوجك كان بكذب عليكي!.. اعطتني مفتاح بيتي وقالت هلأ رح أروح أحكي مع حمادة عشان يلي طلبته زهراء.. شافتني شروق تعبانة قالت انا تأخرت على البيت.. انتي لوين ماشية.. خلص لا تضلي تفكري أنا متأكدة رح تنشفي وتنحل أمورك.. وزوجك يرجع متل الأول متل ما صار معي!.. حكيتلها هالصيدلية بتشتغل فيها صاحبتي نانسي.. أنا بدي أشوفها انتي ارجعي!.. حكتلي متل ما بدك.. راحت وأنا دخلت على الصيدلية.. شافتني نانسي استغربت وقالت حبيبتي كيفك!.. صرت أبكي.. حكيتلها ما عم تتركني.. بدها تقتلني ومو فاهمة تصرفاته وكل شي بقول إنه في بنات بالموضوع.. أنا خايفة أرجع على البيت بس زهراء بتقول لازم أرجع! حكيتلها عن المكالمة وقلتلها بدي أروح أدوّر على البيت.. أنا مو صابرة!.. حكت ما بتركك تروحي لحالك.. دخل وليد صاحب الصيدلية يلي بتشتغل عنده وسمع كلمة مقابر.. ولأنه ما كان بدي أوتّر علاقتهم من بعد ما طلب يخطبها حاولت اطلع من المكان بس حكتلي نانسي ما بتروحي لحالك.. فهّمت وليد وقلها باخدك بالسيارة وبنلف بكل مقابر البلد.. بس الدليل ضعيف ياريت حكتلك اسم شارع أو المنطقة !.. طلعت معه وبقيت نانسي بالصيدلية لحالها.. وصلنا أول مقبرة وكانت كبيرة وكلها شجر.. قلي هون ما في أي بيوت متل ما انتي شايفة خلا.. حكيتله مو هيّه اكيد..

عالي ورجعت سبع صفحات.. كنت بصفحة 20 صرت بصفحة 13.. وقتها عرفت إنه بهالرقم بالفعل في سر.. وبتعلّق فيني انا مابتعلّق لا بالشقة ولا بالجثث.. بدأت أقرأ مذهولة.. ويلي قرأته خلّاني أتأكد من هالشي
طلعت من المكتبة بسرعة وبإيدي الكتاب.. خايفة وبتطلع بكل الإتجاهات.. أستعرت الكتاب وخبيته بشنطتي ورنيت لرهف.. كانت مشغولة وفصلت عليه.. حكيت مع سحر قالتلي إنها مع سيلين وسلسبيل.. رحت أشوفها كانت قاعدة معهم.. حكيتلها لازم نمشي أنا خايفة ومو قادرة أضل بالجامعة.. حاولت اتهرب من أسئلتها لحتى البنات يلي معها ما يعرفو شي.. بس سيلين كانت مُصرة تعرف وقالت وجهك كتير أصفر وباين إنك خايفة كتير.. قلت لسحر حاسة إني تعبانة والخوف عم بسيطر عليه أكتر.. شبح الشخص الأسود مابفارقني والكتاب يلي قرأته وقلي عنه كان في كلام كتير خوّفني عن الماضي والموت والعالم الآخر ومابعرف شو.. وفوق هاد رقم 13 طلع في إله كتير أدلّة.. صفنو البنات فيّه وقالو كلامك غريب ونحنا مو فاهمين.. قلتلهم مارح تفهمو شي لأنه أنا عم بمر بحالة نفسية.. حكتلي سلسبيل هون في دكتورة نفسية اسمها زينب.. شو رأيك نروح عندها وتشرحيلها عن حالتك.. يمكن تساعدك.. حكيتلها الشي طلع أكبر من مرض نفسي.. أنا عم بعيش المخاوف حقيقة.. وفي شي تاني مرتبط بالماضي وبالشقة يلي عايشين فيها عم بصير وأنا مو قادرة أفسّره.. حكتلي سيلين مابتخسري تعي معنا.. الدكتورة بتعطينا علم نفس.. وهيه كتير منيحه صدقيني.. قالت سحر شو رأيك نروح لعندها ؟!.. قلتلهم اتطلعو على أصابعي كيف بترجف.. أنا تعبانة !!.. اخدوني غصب عني لمكتب الدكتورة زينب.. طلبت منهم يطلعو وقالتلهم استنوها برا.. حكت معي وطلبت مني أشرحلها شو بحس.. قلتلها بخاف من فكرة الموت وبخاف على الأشخاص يلي بحبهم من الفقدان.. في كتير لحظات صعبة مرّت بحياتي وأنا صغيرة سبب لهالشي ومابعرف إذا صحيحة أو لأ.. قلتلها عن الحرب وعن لحظة موت أهلي وحتى عن تعلّقي بأخي مهند لأنه ربّاني.. حكتلي هاد السبب.. بس انا حاسة خوفك أكبر من ماتكون هالمشاهد شكّلتلك فوبيا نفسية من الموت.. في شي تاني عم بصير معك ؟!.. تهرّبت من السؤال بس قالتلي لا تخافي واحكيلي.. انتي بأمان والكلام يلي بنحكى جوا هالمكتب مابطلع برا بابه.. قلتلها الشقة يلي نحنا فيها تحت بلاطها في جثث لبنتين مابنعرفهم.. قلتلها عن الشخص الأسود وعن مكالماته وعن كل شي شفناه وحتى عن كلام الببغاء !!.. قالتلي هاد السبب الأكبر.. اعطيني الكتاب أشوفه!.. قرأت الصفحة 13 وقالتلي.. الصفحة عم تحكي عن الموت وعن أسراره.. وفي كتير تفاصيل عن الخوف منه.. وبتشرحلك عن العالم الآخر بشكل مفصّل.. وفي كلام أشبه بالألغاز.. شو معنى رؤيا الرجوع للماضي لمشاهدة الأموات بالحلم ؟!.. قلتلها صحيح أنا بشوف كوابيس.. من وقت يلي دخلنا البيت لليوم.. ومبارح شفت أهلي كلهم.. وشفت رقم 13 ولمّا قمنا من النوم لقيناه مكتوب على الحيط.. معقول كل شي بشوفه بالحلم بتحقق !.. قالت لأ.. أبداً مافي هيك شي بعلم النفس.. قالتلي يلي صاير بالبيت انتي متأكدة منه ولا بس تهيؤوات !؟.. قلتلها انا مو مجنونة الست حنان اعترفت.. ماقدرت أحكيلها عن الجريمة التانية.. فضّلت أسكت وأسمع شو حتقول.. حكتلي رح تيجي لعنا عالبيت لتعرف الموضوع أكتر.. وبدها تشوف الببغاء.. قلتلها واذا ست حنان مادخّلتك!.. حكتلي قوليلها أني امك!.. طلعت من عندها وبقيت سحر تسألني.. ماجاوبت شي.. رجعت معها على البيت.. باللحظة يلي وصلت فيها البناية شفت شادي واقف جنب سكنهم.. ركض لعندي بسرعة.. وسحر حكتلي خلينا ندخل قبل ليوصّل.. دخّلتني لجوا وهوه حاول يدخل بس ماقدر.. طلعت معها وصرت أبكي.. قلتلها هاد مارح يتركني.. ويمكن اذا شاف رهف يأذيها.. وفادي صاحبه بهددنا بالصور.. أنا كيف بدي أروح لعنده احكيلي!!.. قالتلي لازم قيس يساعدنا.. نحنا رح يتدمر مستقبلنا لو الصور راحت للشرطة.. وبنفس الوقت كيف رح تخاطري بحياتك !.. حكيتلها صحيح خليّنا نستنى رهف.. فتحت سحر العلبة البلاستيك وشافت الببغاء.. حكتلي إنها تعبانة كتير.. وباين رح تموت.. حاولت تطعميها ماقبل تاكل.. وأنا شفت وجهي أصفر كتير من الخوف.. وكنت حاسه بوجع براسي قوي.. قلتلها أنا زاد خوفي أكتر من يلي صار مبارح.. وصرت خايفة هون وحتى جنب البيت بالشقة يلي قبالنا !.. وصلت رهف السكن وقالتلنا شفت قيس وحكيت معه.. للأسف عرف يلي بده ياه شادي منك والصبح ضربه.. وبحكيلك لا تروحي أبداً وحتى لو بلّغو عنا.. اعطيته البكلة يلي لقيناها مبارح وقلي كمان إنه الدوا يلي لقيتيه هوه دوا مسكن للأعصاب.. وقدّر يفك بعض الألغاز من كلام الببغاء.. بس قلّي ضروري تروح لطبيب لنعرف منها أكتر !!.. بس كيف رح نطلع وعديمين الضمير بستنونا برا !.. قلتلها عن الدكتورة زينب وعن حلم مبارح.. قالتلي كيف رح تيجي لعنا !.. قلتلها اعطيتها العنوان والمسا رح تيجي.. وقالتلي احكي لست حنان إنها أمي لتدخل بسهولة للسكن.. تغدّينا وبقينا على أعصابنا.. خوف وترقب وفزع كل الوقت..

بس الشرطة ضلت حاطة محور الشك علينا حتى بعد ماطلعنا براءه.. ليه دخلنا البيت بتوقيت القتل؟.. وليه نلحق ورا شقفة ورقة من صورة.. كان السبب مو مقنع.. طلعنا من المغفر وأيهم قلي بصوت واطي بكرا رح نروح على الدور بس حاولي توخدي الألبوم مرة تانية يمكن يكون في صور نحنا مو شايفينها لسه ومابنعرفها وتكشفلنا شي من يلي مخبيته خالتك.. حكيتله الليلة رح أحاول.. نادت عليه خالتي وقالتلي يلا على البيت.. كانت خايفة عليه وطلبت مني أهدا.. وقالتلي شو يلي قلك ياه أيهم.. قلتلها يلي حكالي ياه عن بنتك.. مو نحنا وعدناكي نرجعلك ياها.. قالتلي صحيح بس هيه بنفسها مو راضية تشوفني.. رح تقدري تخليها ترجعلي ؟.. قلتلها رح اقدر بس اعطيني الألبوم يلي معك أنا محتاجه صور لأهلي لأنه يلي معي نمزعو

يتبع..
Mahmoud Salloum

وباين إنها عصبية ومابتطيق حد يكلمها ومعاملتها سيئة.. حكا معها أيهم وسألها نفس السؤال يلي سألناه لإدارة الدار الأولى.. قالت مابعرف حد بهالإسم.. وكانت مزعوجة.. استغربنا من تصرفها وقرأنا إسمها جنب مكتبها.. كان تمارا جبلي.. وقبل لنطلع من المكان أجت بنت كبيرة ومعها كمشة صور.. قالت الصور جاهزة والشرطة رح تيجي كمان شوي لتستلمهم منا.. قالتلها روحي.. صرت أتطلع على الصور.. كانو لنفس صور البنت يلي شفتها بالكافيه.. نفسها!.. قلتلها هدول صور مين!.. قالت ليه بتسألي.. حكيتلها يمكن أكون بعرفها.. حكت لبنت من عنا إسمها تالا.. هربت من الدار من شهرين.. ومو عارفين نلاقيها.. انتي بتعرفيها؟.. قلتلها لأ مابعرفها.. طلعت مع أيهم من الدار وقلتله صورة البنت نفسها يلي بالصورة.. نحنا لازم نلاقيها قبل الشرطة ما تلاقيها وتوخدها.. حكالي وين كانت بأي كافيه.. طلعت أنا وياه بسرعه لنفس المكان يلي شفتها فيه.. سألت صاحب المحل قال أنه صرلها فترة ما أجت.. حكيتله شفت إنها بلا أهل متل ماتوقعت.. ويمكن لو قعدت مع خالتي تتعلق فيها وتنسيها بنتها الوهمية يلي بتتخيلها طول هالسنين.. نحنا لازم نلاقيها.. لفينا كل المنطقة يلي جنب الكافيه ومالقيناها.. سألنا عليها مكان مكان بس ماكنا نشوفها ولا يلاقوها.. تعبنا كتير وبعد وقت طويل قلي تعي لنروح ناكل.. دخلنا مطعم وطلبنا أكل.. بعد ماخلصنا وطلعنا من المكان وقفنا قريب منه عم نحكي.. حسيت في حد شد طرف ملابسي من ورا وسحبه.. لفيت راسي.. شفت البنت واقفة ومادة وردة عوجهي وبتقلي.. الله يخليكم لبعض.. اشترو مني!.. تطلعت بسرعة على أيهم وقلتله هيها !.. حكالي رزان اسكتي أنا رح أتصرف.. قلها حبيبتي شو أسمك.. حكتله أنا تالا.. قلها طيب رح أشتري منك كل الورد بس فيكي تيجي معنا شوي.. وافقت.. حكالها إطلعي بالسيارة.. طلعت وما سألت ولا سؤال.. صار يحكي معها بالهدوء ويقلها شو رأيك تروحي على مكان منيح يريحك أحسن من الشارع.. تتنضفي وتلبسي لبس حلو غير هاد.. قالتله لوين.. حكيتلها لعندي.. أنا حابه أعتني فيكي.. وفي ست كبيرة كمان رح تشوفك وتحبك.. شو قلتي؟.. قالت موافقة.. حكت هيك وانبسطت.. بس أيهم كان حابب يعرف عنها أكتر.. سألها أكتر من سؤال.. وقلها أنتي وين ساكنه ومع مين.. حكتله بدار أيتام.. أنا ما إلي أهل بس طلعت منها لأنه صرت أحسها متل السجن.. قلها خلص بتضلي عند رزان وهيه رح تعتني فيكي.. قالت بس أنا بخاف من المديرة تمارا.. لو عرفت إني عندها رح تقتلها.. حكيتلها ليه هالقد خايفة منها.. حكت لأنها بتخوّف.. وبتعمل شغلات هيه والبنات يلي بالدار بتخوّف كتير.. أنا عشان هيك هربت.. أستغربت من كلامها وماعرفت شو أجاوبها بس كنت قدر الإمكان عم بطمنها لتوثق فيه.. قلت لأيهم قبل كل شي خلينا نروح لعند دعاء.. قلي ليه.. حكيتله لازم اعتني فيها والبسها من لبس أختها عشان خالتي رميزة تشوفها بشكل حلو.. بفتكر هيك رح تتعلق فيها أسرع.. رنيت لدعاء.. قالتلي بس أنا رح أطلع لعند بيت أهله لحسن.. مامعي وقت.. أنا قبلت أسمع منها وقلتلها نص ساعه مابطوّل.. وصلت البيت واخدت تالا معي.. نزلنا من السيارة ودخلنا على البيت.. شفتها معصبة والظاهر مرتبكة من شوفتي.. قلتلها دعاء اسفه بس صدقيني ضروري هالشي.. حكتلي بس حاولي تستعجلي لأنه امي طلعت وحسن جاي بعد شوي.. مابدي يجو يلاقوني مو جاهزة.. دخلتها لغرفتها وسرحت شعرها ورشيتلها عطر.. ولبستها من لبس أخت دعاء وكانت جاهزة لتطلع.. استغربت أنه أيهم طلع على البيت.. وماكان بدي يجي.. بس هوه عفوي وبفكّر كل شي عادي وطبيعي.. دخل وحسيت دعاء ارتبكت من وجوده وبس بدها أخلّص بسرعه.. وقبل لنطلع أجا خطيبها حسن وشافنا بالبيت وشاف أيهم.. صار يسأل مين هاد وهيه مابتجاوب.. صارو يصرّخو على بعض وعلي صوتهم.. ودعاء حاولت تفك بينهم.. بس علقت أكتر وحسن مد إيده على أيهم.. وأنا نصدمت.. أيهم دافع عن نفسه وضربه وفجأة صرّخت تالا صوت عالي.. وتطلعت عليهم نظرة غريبة ودخلت بالنص بينهم وبعّدهم بإيدها بعنف ودفعتهم.. وضربتها لإلهم كانت قويّة كتير لحسيت إنهم تألّمو.. رفعت أصبعها السادس بوجههم وقالت لو فكّرتو تعملو هيك مرة تانية لا تلومو إلا نفسكم.. حكتلي خلينا نطلع.. وتركنا حسن ودعاء عم بتخانقو مع بعض بسبب وجودنا الغير مبرر بالبيت.. رحنا لعند خالتي.. وطلبت من أيهم يروح.. كان بدي نضل لوحدنا.. دخلت على البيت وصارت تتطلع عليه بشكل غريب.. قلتلها عجبك.. حكت ايوه.. وفجأة دخلت خالتي عالصالة من غرفتها وشافتنا.. تطلعت على البنت وماقالت شي.. ضلت تتصفن فيها.. وآخر شي قالتلي مين هاي!.. استغربت من ردة فعلها.. توقعتها تحكي شي تاني.. قلتلها بنت حابة تتعرف عليكي.. طلبت من تالا تروح لعندها.. قربت منها وباستها على خدها.. ماعرفت شو يلي خلاها تعمل هيك.. خالتي فوراً ضحكتلها وقالتلها شو اسمك.. قالت تالا.. حسيتها فرحت.. وحسيت انه البيت عاجبها كتير ومبسوطه..

بعدها أيهم ورماها على التخت وقلها هاد جزاتنا فوق ما جبناكي من الشارع ونضفناكي.. رح نرجعك على الميتم عشان يحبسوكي مرة تانية.. حكت خالتي رميزة ماحد يقرّب عليها أبداً.. يلي بمد إيده عليها رح أقتله أنا كمان.. أنا كنت مصدومة ورح أبكي.. حكيتلها بحرقة أنا شو عملتلك !.. حكت ماعملتي لإلي بس انتي قتلتي صاحبتي.. قلتلها أنا جوا شو بتخبصي انتي! كيف قتلتلها احكي فهميني شو قصدك!.. قالت هيه قالتلي على كل شي.. قالتلي إنك بدك تخلصي من أمها وتقتلها عشان مابتحبيها وعشان بدك كل مصاريها.. وقالتلي انك بتكرهيها وبتحكي عن أمها مجنونه ومابدك ياها تلاقيها.. انتي حقيرة حقيرة.. صاحبتي دخلت على الخزانة وطلعت الحبلة وخنقت حالها جواها بس أنا حاولت أفكه عنها بس ماقدرت.. ماتت.. ماتت بسببك!.. أيهم راح ناحية الخزانة.. كان نصها مفتوح ونص تاني لأ.. فتحها كاملة وصار ينزل بالأواعي ويكبهم على الأرض ومافي شي.. حكا لتالا وينها؟.. مافي حد.. لو هيه فعلاً هون اثبتيلنا انه كلامك صحيح قبل لتغلطي عليها.. حكتلي مارح اتركك وأصبعي رح أحطه بعيونك لأنه هاي كانت وصيتها.. شوفي أصبعي متيح.. هاد رح يدخل بعينك ويعصره عصر.. خالتي وقفت بوجهي وفجأة ضربتني على وجهي.. وقالت بتكرهيني وبدك تاخدي مصاريه وبتحكي عني مجنونه.. ؟ كنت حاسه.. وكنت عارفه انه طول عمرك مابتحبيني.. عشان هيك ماخليتك تحكيلي كلمة ماما.. الله يحرقك !.. صرت أبكي وانهرت وهيه اخدت تالا من أيدها وقالتلها من اليوم انتي بنتي.. انتي الوحيدة بنتي.. ومارح أسمح لهالحقيرة تتمادى أكتر.. صرت أبكي وأيهم يقلي كل شي رح ينحل أوثقي فيه.. أنا حاسس في شي غلط بالموضوع.. أنا تهت والفيلم يلي كنت مركّز على أحداثه مابتدخل فيه هيك تفاصيل.. يالله شو بصير!.. حكيتله بدي أطلع من البيت.. مسكت شنطة ملابسي وصرت أضب غراضي لأطلع من البيت.. وخالتي قالتلي لا ترجعي.. بنتي الحقيقة رح ألقاها بدونك.. وبدون وعودك.. وانتي من اليوم مو بنتي.. شفت تالا بتضحك وعيونها بتقدح شرار وحقد.. وقبل لأطلع من البيت وأنا حاملة شنطتي أجت دعاء على البيت وقالت حسن جايب الشرطة وجاي.. تالا لازم تطلع من البيت.. هاد مجنون وغيرته حرقته من بعد ماشاف أيهم ببيتي وفكّر فيني غلط.. ومن لمّا شاف البنت معنا بالبيت عرفها من الصور الموزعة بالشارع ومكتوب تحتها مفقودة وبلّغ عنها.. وهلأ الدار والشرطة جايين على البيت ليوخدوها.. تالا خافت وقالت لخالتي مابدي أروح.. ودقيقة وكانت تمارا مديرة الدار بالبيت وقالت هدول يلي خطفوها.. وكان خطيب دعاء معها وقلهم هي البنت.. أخدوها غصب عن خالتي وعني وحكولهم البنت رح ترجع على الدار.. ورح تيجي معنا.. وانتو متهمين بتهمة الخطف.. قرّبت مني تالا وقالتلي بصوت واطي بأذني.. أنا رح أروح على سجني.. بس روحها رح تضل جنبك وتقتلك متل ماقتلتيها وخدعتي أمها.. ومارح تتركك ترتاحي من هاللحظة!.. طلعو وأخدوها وأنا بقيت مع أيهم خايفة من كلامها.. قلي لا تخافي.. وطلعنا مرة تانية للشرطة ليوخدو أقوالنا بموضوع الخطف.. مر نص اليوم.. اعترفت خالتي بإنه هيه يلي اخدتها من الشارع بموافقتها واتفقت معها على هالكلام.. وتركتني ببيتها وحكتلي انبسطي بالبيت لوحدك.. بدك بيتي ومالي خديه.. بس انتي خسرتيني وأنا رايحة أدوّر على بنتي هناك وتالا رح تلاقيلي ياها ومن بكرا رح اتبناها.. وخليكي لوحدك أنا مارح أسامحك.. أخدت شنطتها وطلعت.. وبقيت لوحدي بالبيت مع أيهم.. حكيتله تركتني عشان هالبنت!.. باعتني.. قلي امشي معي.. رحنا لغرفتها وصرنا نحاول نفتح الدرج التالت.. بعد محاولات كتير سكرناه.. لقيناه فاضي.. قلي أخدت الألبوم معها والظاهر سكّرته لتموهنا.. خالتك مو قليلة.. نحنا مو لازم نتركها.. لو فعلاً حابة تعرفي مين أهلك لازم نضل وراها.. وأول شي نلحقها على الدار.. وهلأ بدي أفرجيكي تفاصيل من الفيلم ركزي فيها منيح.. قعدت معه بالصالة وفتحلّي على الفيلم شفت التفاصيل يلي قال عنها.. بروح بطل الفيلم للميتم يلي بتكون بنته فيه وبيظهر بحياته واحد عجوز بخبّره إنه بيعرف تفاصيل عن حياته وعن بنته.. بس بنقتل ومابقول الحقيقة كاملة.. وبيبقى الأب يدوّر عن بنته ليلاقيها.. بتظهر اخر شي بس بيموت وبتنتهي القصة نهاية مأساوية مع أحداث صعبة بالدار وأحداث أصعب مع زوجته يلي بتكون مو نفس أم البنت وبكون معها مرض عصبي.. قلي شوفي كأنها قصة خالتك !!.. فيها كتير منها.. ركزي.. حكيتله صحيح.. مرض عصبي.. فقدان ذاكرة!.. رجل عجوز بيظهر بحياته.. تالا أم الستة!.. وإذا البطل هوه خالتي طيب أنا مين؟!.. قلي مو ضروري الشخصيات تكون نفسها يلي عم تصير معكم.. بس شوفي شو الأحداث متطابقة.. وغير التفاصيل يلي بتحصل بالدار مع البنات يلي بشوفهم وبحاول يعرف أي وحدة من يلي بشوفهم بنته الحقيقة

يتبع..
Mahmoud Salloum