📚قصص||روايات||منوعة📚

#الشرفة_ومابعدها الجزء 3

ماعرفت شو بدي أرد عليها ووقفت ساكته.. طلبت مني أرد وقالتلي احكي ليه ساكته؟ جاوبيني لوين نازله؟ قلتلها ماما كنت بالبرنده لأنه مش جايني نوم وأنا سرحانه وقع مني شالي عالشارع.. لهيك انا نازلة اجيبه.. مسكتني من ايدي وحكتلي بدك تفضحينا ابوكي لو صحي وعرف انك مش هون رح يموتك ويموتني.. بس أنا مارديت عليها ونزلت عالشارع بسرعه.. أول ماوصلت تحت سمعت صوت حدا ببكي.. والصوت خلاني متوترة ومش عارفه أدور على الشي اللي رمالي ياه أو على أني اتطلع فوق وأشوفه لو بعده.. بس ماكنت قادرة اشوف شي من العتمه ومن البرنده بكون مبين أوضح من ما اكون تحت.. الشارع عتمه وبخوف.. الحي كله بوحي بالإشمئزاز والخوف بس أنا كنت أقوى من هالخوف.. وكان في شي جواتي بحكيلي هون في لغز.. في شي غريب أنا لازم أحله.. كنت مئايسه على حياتي بعد ظروفي مع اهلي وعيشتي اللي ماكانت محببه لإلي.. لقيت حالي بهالشارع المخيف ومتفاجأة بشي.. وكان لازم أخوض هالتجربه.. ضليتني أدور بس الصوت ماتركني لحظة.. اتطلعت حواليه لقيت بنت قاعدة عند ماسورة مي وبإيدها لعبة ومش مبينه بالعتمه.. كان شعرها مغطي وجهها ومنزلة راسها وبتبكي.. قلت مش لازم أقرب عليها بس كيف بنت بنص ليل قاعدة بالشارع.. كل ليلة عم بلاقي شي بعقدني أكتر بهالحي.. شو عم بصير وليش عم بصير معي هيك .. هالشي ماكنت قادرة اعرفه.. وأول ما شلت عيوني عنها ورجعت أدور.. سكت صوت بكاها.. وسمعت صوتها بتقلي.. الأشي اللي بتدوري عليه معي أنا.. رجعت اتطلع عليها.. كان صوتها بخوف كله حشرجه.. حكيتلها مين انتي؟ وشو عرفك عشو بدور؟ وبهاللحظة رفعت راسها.. أنا نصدمت من اللي شفته.. كان بدي أهرب على البيت.. بس وقفت صامده ومهمله أي شعور ممكن أحسن فيه.. كان وجهها مشوّه.. مشوّه كتير.. محروقه لدرجه أنه ملامحه مختفيه بشكل كبير.. وعيونها دايبه.. دب الخوف بقلبي من منظرها.. ووماقدرت أسأل او احكي شي.. قالتلي ..خفتي مني مش هيك؟ مابدك تشوفي الشي اللي معي؟ هيه بحضني.. ماتخافي أنا مش عميه بس شايفتك منيح.. لسه عندي طرف عين بقدر أشوف فيها اللي حواليه.. تعالي خديه.. ولو ماوصلتيني رح ارجع اشوفك مرة تانية لا تخافي.. قربت منها وطنشت دقات قلبي ورجفت رجليه.. ولسه بدي أوصل عندها.. ماما طلعتلي من باب العماره.. وحكتلي استبرق بدك تفضحينا.. كل هاد بتدور على الشال.. اطلعي معي بسرعه ابوكي رح يصحى.. زحت راسي ناحية المكان اللي كانت فيه البنت.. مالقيتها.. صفنت بماما وماقدرت أحكي ولا كلمه اتطلعت فيه وحكتلي شو صايرلك بحكي معك! وقربت مني ومسكت ايدي وطلعتني على البيت.. وسكرت الباب.. وصارت تبهدل فيه وتقلي انتي شو صايرلك؟ من اول ما اجينا على هالبيت وانتي مش طبيعيه.. صرلك أسبوع مش مفهومه.. فهميني شو بصير معك.. ماقدرت احكي.. لأني أصلاً مش عارفه شو اللي بصير معي.. حكتلي مابدك تحكي؟ طيب نامي وبكرا الصبح مش رح اتركك لتحكي شو مالك.. وماشفت تحت شال ومبارح كذبتي على ابوكي.. نامي وبكرا بنحكي!.. عملت حالي نايمه.. وتركتها تروح على غرفتها وطلعت من غرفتي على البرنده.. وقفت بتطلع ناحيه المكان اللي طلعتلي في البنت.. ولساتني خايفه.. ياترى جد كان معها الشي اللي رماه الشب.. وليش هوه هلأ مش طالع.. مين هدول! انا شو بصير معي.. كيف اختفت.. شعوري مش عارفه أوصفه ولا قادرة أفهم شي.. الشب ماعاد طلع.. وأنا أعصابي بطلت تتحمل.. نمت الليلة وصحيت الصبح.. وأول ماطلعو خواني وبابا .. ماما صارت تسأل.. احكيلي ليش نزلتي تحت؟ حكيتلها تصدقي مابعرف ليه.. قالتلي ياسلام! جد مش عارفه ليه نزلتي؟ والشال؟ حكيتلها ماما انا ماتعودت اكذب عليكي بس القصة ماكانت عشان الشال أبداً.. أنا عم بشوف ناس حواليه.. قالتلي شو عم تشوفي؟ حكيتلها أشخاص حواليه وفي شي غريب مش مرتاحتله بهالمكان من أول ما سكنا.. حاسه في لغز وفي شي مستقصدني من بداية مادخلت هالحاره وهالعماره تحديداً.. ماما خافت وتوترت وقالتلي شو خلاكي تحكي هيك.. حكيتلها مافي داعي للخوف بس لو بتحبيني خليني أطلع من البيت هلأ.. حكتلي انتي مجنونة أبوكي ممكن يجي بأي لحظة.. حكيتلها بابا اليوم نسي يسكر الباب من برا.. وعشان هيك لازم استغل هالفرصه لأنه ممكن بكرا يسكره وما اقدر اطلع.. حكتلي لوين رايحه؟ حكيتلها الشقة اللي قبالنا بالبرنده.. قالت لمين؟ حكيتلها لشب! حكتلي الله يقصف عمرك.. وبتحكيها بالتم المليان كمان.. بدك تفضحينا! شب! من وين بتعرفيه.. حكيتلها مش متل ما انتي مفكره.. خلص اتركيني اروح.. فتحت الباب وطلعت وضلت تنادي عليه من الباب وهيه حامله أغراض بإيدها.. نزلت بسرعه وحسيتها بدها تلحقني.. بس انا هربت للعماره التانية بسرعه.. وشعوري من جوا انه ماما ورايه.. وصلت الشقة و

#الشرفة_ومابعدها الجزء 4

اخدتني ماما من عمارة الشب ومن الشقة اللي دخلت فيها تحديداً على بيتنا.. وأنا ماعدت عارفه شو لازم احكيلها لأني عارفة انها مش رح تصدقني بس هددتني لو قررت اطلع من البيت رح تحكي لبابا عن كل شي.. ورح تقله اني بعرف شب.. أنا حلفتلتها وقلتلها اني مابعرف شب ولا شي.. بس ماقدرت أفهمها اني عم بشوف أموات.. أنا تأكدت أني عم بشوف أموات من وقت ماطلبت مني المره اني ادخل ايدي براسها.. دخلت ايدي براسها وطلعت من جهة تانية.. هاد الشي أكدلي أني داخلة لغز كبير.. وأنا بالذات.. ليه هيك مابعرف.. بالوقت اللي كنت فيه مع ماما بالبيت.. حسيت بصوت البنت اللي شفتها آخر مرة تحت البيت عم تبكي.. وكان صوت بكاها قريب من البيت كتير.. كنت عم بكنس الغرفه ووقفت وسرحت وصرت أدور على الصوت بكل مكان.. ماما كانت بهاللحظة عم تتطلع عليه من بعيد بس مش مخليتني اشوفها.. وفجأة حكتلي عشو بتدوري.. قلتلها ولا شي.. وسألتها انتي مش سامعه صوت قريب؟ حكتلي صوت شو؟ قلتلها صوت بنت عم تبكي أو شي متل هيك.. قالت بنت صغيرة؟ حكيت لأ بنت كبيرة بعمري هيك مش سامعه شي متل هيك؟ حكتلي لأ مافي صوت.. بس الصوت كان قريب كتير وأنا كنت سامعه.. طلعت على البرنده وصرت ادور على الصوت.. وماكنت اشوفها.. الشي اللي رماه الشب ضل معها وانا كان بدي أخده بس لولا ماما ما لحقتني كان شفتها واخدته بس هيه حكتلي أنا رح أطلع بحياتك مرة تانية ومانسيت هالجمله.. ماما صارت تلاحظ التصرفات الغريبة اللي بتصرفها وبلشت تقلق وتخاف عليه .. وانا بلشت اخفف من تصرفاتي حتى اكسبها وحتى أشوف شو بده يصير.. تصرفت عادي.. وباللحظة هاي كنت عارفه ومتأكده انه ماما مارح تسكت على الشي اللي صار.. ورح تحكي لبابا.. برغم ظلمه وقسوته وبخله علينا.. الا انها على طول صافه معه ضدي.. وبتحكيله كل شي.. بداعي الخوف وانه هوه بقسوته هاي وشدته بكون خايف علينا.. اول ما اجو خواني من المدرسه.. اخدت اخي سفيان على غرفتي.. وحكيتله بدي اقلك شي بس ماتحكي لماما.. اعطيته مصاري اله .. واعطيته مفتاح البي

#أيام_الفزع_قصص
@rwayate
#أيام_الفزع_5 #أيام_الفزع
الحلقة الخامسة
حكيتلهم المره ماقالتلي شي بس حكتلي تعالي انتي وياهم مرة تانية حتى اشوفكم واحكيلكم على كل شي.. همه خافو وماعادو يعرفو شو بدهم يعملوا متلي تماماً بس أنا ضليتني خايفه حكيلهم شي يخوفهم يخليهم يرفضو انهم يساعدوني لأنه الخلاص بإيدهم ولو ما وافقوا انا رح اموت وأكون ضحية كل شي عملوه بابا وماما مع هاد الزلمه.. قلت لماما بدي أروح عندها معهم لأنها هيه اللي خلصتكم زمان.. هلأ بدي أعرف شو بدها تحكيلي.. كل وحدة فيهم كانت خايفة وحاطة ميت سؤال براسها.. وطول الوقت بالسيارة ساكتين.. كنا بسيارة سجود والكل كان ملتزم الصمت لحد ماوصلنا البيت.. منظر البيت من برا كان بخوف.. ومن قبل ليشوفوها كانو عارفين انه رح تطلب شي غير معقول.. يمكن الكل حس بهالشي.. دخلنا على البيت.. دخلتلنا شاي.. شربنا بس سجود ماشربت يمكن لأنها كانت خايفه بس أنا استغربت من تصرفها.. رؤى وهيا ضلهم يتطلعوا على المره بشكل غريب.. ويمكن انتبهت عليهم.. قالتلهم انتوا خايفين مني.. أنا مابخوف.. بالعكس أنا الناس بيجو من عندي من بلاد بعيدة بس لحتى أحللهم مشاكلهم والله معطيني هالقوة بس لحتى أفيد البشر.. حكيتلها ياريت تحكيلنا اللي لازم يعملوه صاحباتي وبسرعه لأنهم على أعصابهم.. قالت متل ماحكيتلك انتي عم تتعاملي مع روح ميته من زمان.. وهالروح كانت سيئة وأذت أمك وأبوكي وبالمقابل أبوكي وأمك أذوها.. والضحية للشي اللي صار هيه انتي.. لأنك بنت هاد الشخص.. حكتلي كل شي شفتيه بالحلم رح يتحقق.. أبوكي رح تشوفيه بالقبر ويمكن أنتي تدفنيه بإيدك.. ورح يشهدو صاحباتك على موتك ويحضرو عزائك.. متل شفتي تماماً.. واللي حيسيطر عليكي هيه روح هاد الشخص اللي رح تخلص عليكي تماماً.. وبوجود صاحباتك.. حكيتلها انتي خوفتيني.. يعني مافي شي ينعمل وخلص أنا رح اموت!!! حكتلي لأ أنا بدي أخلصك وأحكيلك شو لازم تعملي حتى تخلصي من هاللعنة القديمة اللي ما الك ذنب منها.. حكيتلها تفضلي.. قالت بهيك قصص.. الأرواح بتكون منشئها المكان اللي أنتهت وماتت فيه.. انتي لازم تواجهي هاد المكان حتى تقنعي هالروح ما تأذيكي.. لأنها عم تتحكم فيكي من بعيد وانتي مابتشوفيها الا بأحلامك.. بس بالحقيقة هيه موطنها المكان اللي نقتلت أو انتهت فيه.. حكيتلها مافهمت وضحي أكتر.. حكتلي تذكرت اليوم اللي اهلك اجو حكولي عن اللي صار معهم.. وانه روح هالشخص ماعم تتركهم..وقتها حكيتلهم ارحلوا من القرية والمدينة كلها لأنه روحه رح تضل بالمكان.. وهمه عملوا شو حكيت.. بس الظاهر انه الروح لحقتهم وطلبتك انتي.. بدليل الأحلام اللي شفتيها.. حكيتلها كلامك كله الغاز ومافي شي مفهوم.. حكتلها هيا طيب هلأ نحنا شو لازم نعمل حتى نبعد هالروح عنها.. قالت هاد اللي بدي احكيه.. زبدة كلامي كلها.. هيه انه لازم تروحوا كلكم على المكان اللي انتهت فيها هالروح وتواجهوها.. هاد اللي فسرته من حلم مايا.. انتو التلاتة لازم تروحو على بيت زوج أمها وتعيشوا فيه.. روح هاد الزلمه رح تلاقيكم هناك.. رح تطلعلكم ورح تحكو معها ! وتقنعوها ما تقتل مايا.. انتوا بس بتقدروا تعملوا هيك.. هاد هوه تفسير الحلم.. يا أما رح تموت مايا.. وقبل لتموت رح تشهد على موت أبوها زوج أمها وعلى دفنه ويمكن أمها نفس الشي.. لهيك انتوا لازم تنقذوها وتنقذوا عيلتها قبل ليصير كل هالشي.. رؤى وهيا خافوا وصار وجههم مابتفسر.. ورفضوا فوراً.. قالوا نحنا مابنقدر نعمل هيك شي.. اسفين مايا.. مستحيل نخاطر بحياتنا ونحط نفسنا بهيك موقف ومكان.. حكيتلهم بتتخلوا عني !! ماتوقعت ردة فعلكم تكون هيك.. حكتلي هيا وأنا ماتوقعت يكون طلب المره هيك!!.. ماتوقعت انه تطلب منا نعيش فبيت مهجور وشاهد على جثث وشغلات كانت تصير انتي بتعرفيها منيح! حكيت للمره مافينا نغير المعادلة ونعمل شي تاني يقدر يخلصني من هالورطة.. حكت للأسف مافي.. رؤى وهيا طلعو.. وسجود ضلت ملتزمه الصمت حكيتلها ماعبرتي عن رأيك ليه ساكته! قالت أنا موافقة.. حكيتلها عنجد بتحكي! قالت موافقة ومستعدة أعيش بهالبيت حتى أنقذك.. حكيتلها حبيبتي انتي أكتر وحدة طلعتي صادقة فيهم.. ماتوقعت ردة فعلهم هيك تكون.. نحنا عشرة عمر وعشنا مع بعض من الطفولة على الحلوة والمره.. عارفين اني ممكن اموت والخلاص بإيدهم ومع هيك تركوني بهالمحنة وانتي الوحيدة اللي وقفتي جنبي.. أنا بتشكرك وكل عمري مارح اقدر واوفيكي غرضك.. انا فرحت وقلت للمره خلص الحمد لله مو مهم رؤى وهيا.. بيكفيني سجود وافقت وانا وهيه رح نتحدى الخوف بس لأنقاذ حياتي.. حكتلي للأسف مابزبط.. لازم انتي والتلات بنات تكونوا بالبيت.. قلتلها كيف بدي اقنعهم !! حكتلي حاولي.. بس ماتنسي انه الوقت ضيق ويمكن بنهاية هالشهر يكون أبوكي انتقم منكم.. طلعت عم ببكي من عندها ومافي شي قادرة أحكيه.. شو بدي أعمل ؟! كيف بدي أقنعهم! طول الطريق كنت بقنعهم وبترجاهم.. انا حياتي بإيدكم.. أرجوكم..

#الخروج_من_التابوت_4 #الخروج_من_التابوت
الحلقة الرابعة
@rwayate
دخلت معي نارين على البيت.. وكانت ماما عم ترتب الغرف.. نارين كانت مترددة تدخل.. حكتلي امك بجوز تنزعج مني.. لهيك روح احكيلها اني اجيت قبل ما أدخل جوا.. أنا تركتها عند الباب ورحت عند ماما حكيتلها نارين أجت وبدنا نحكي شوي.. رحت اناديها ما لقيت حدا عند الباب.. سمعت صوت جوا بغرفتي.. دخلت اشوف مين بنادي عليه.. لقيت نارين سبقتني وصارت بالغرفه.. حكيتلها منيح انك صرتي تتعودي علينا.. وهيك أحسن.. بس أنا من جواتي استغربت شوي.. ماما مادخلت أبداً عنا.. ونارين ضلت تحكيلي احكيلي شو اللي عم بصير معك.. كنت لسه بدي أحكيلها اللي صار معي وكيف ساري فرجاني الحلم المخيف.. بس تراجعت بعد ما تذكرت انه قلي مش لازم حدا يعرف شي!!!.. بس هيه حست اني عم بخبي عنها شي.. وسكتت تماماً.. وبعد دقيقة مسكت إيدها وحكيتلها خلينا نطلع نغيّر جو! .. ونخلي الناس كلها تعرف انه انا وانتي بنحب بعض.. حكتلي بس أنا لسه ما قررت إزا بدي ياك أو لأ.. حكيتلها بدك ياني غصب عنك.. وسحبتها وطلعت من البيت وضلت ماما عم تنادي عليه بعد مانزلت انا وياها بسرعه.. طلعنا على مطعم وكنت خايف كتير يصير معي شي فجأة.. طلبت أكل وكان الجرسون عم بتطلع عليه نظرات غريبة.. حسيت انه في شي بده يحكيه بس ما حكا ولا شي.. بعد دقايق اجا الطلب.. ونارين كانت مترددة مابعرف ليه بس أنا حاولت أطمنها ونعيش لحظات حلوة مع بعض.. وبعد مابلشت أغنية حلوة انبسطنا فيها.. صارت خناقة بالمطعم بين شبين عشان بنت ومسكو على بعض سكاكين من المطعم .. أنا تذكرت كلام ساري.. تذكرت كلمة قتل.. وكلمة موت.. حسيت انه بهاللحظة رح يصير شي.. قلت لنارين لازم نطلع بسرعه من المطعم! لازم نطلع.. حكتلي خلينا!! أنا بدي أضل هون!! بدي أشوف شو رح يصير بحب الخناقات.. حكيتلها لازم نطلع يلا الناس عم تطلع.. بس هيه مسكت أيدي وخلتني بالمطعم غصب عني.. وأنا ماقدرت أخدها غصب عنها ونطلع.. صرت أصرخ عليها واحكيلها لازم نطلع.. بنص الخناقة سكرو باب المطعم والظاهر حدا من اللي بشتغلو فيه إتصلو مع الشرطة.. بس الخناقة زادت وواحد من اللي بالمطعم طعن التاني بسكينة والكل صار يصرّخ.. نارين كانت مبسوطة وشفتها عم تضحك وتطلع عليه.. حكيتلها شو اللي بضحك!! صار جريمة قتل لازم نطلع بسرعه الشرطة رح تيجي.. وفجأة اتطلعت على القتيل والدم وجسمي صار يرجف.. لفيت راسي مالقيت نارين.. صرت انادي عليها.. حكيت للجرسون في بنت كانت واقفة هون من شوي من لحظة كانت لفيت راسي ما لقيتها وين راحت .. لابسة بلوزة حمرة .. حكالي ماشفت حدا والشرطة أجت والمطعم نعجق.. طلعو القتيل وكل راسه دم والشرطة اخدت كل اللي بالمطعم ليشهدو وأنا من بينهم بس نارين مش معي.. سألوني شو اللي صار وجاوبت وحكولي كان معك حدا! .. حكيتلهم كان معي بنت بس الظاهر انها خافت وروّحت .. حكولي مين هالبنت.. قلتلهم صاحبة لإلي بتشتغل معي.. بعد دقايق طلعت من المغفر.. رنيت لنارين حكتلي أنا بالبيت.. بالوقت اللي كنت فيه بالمطعم رنت عليه ماما وحكتلي انها تعبانة والصوت وكل شي صار خلاني ما اعرف احكي معك خصوصأً الناس اللي تجمهرت حوالينا فجأة وطلعت من المطعم.. حكيتلها بدي اتطمن على امك قالت رح ارنلك بعد شوي.. بالوقت اللي كنت استناها ترن.. رحت اشتريتلها هدية وكانت عبارة عن دبدوب بتحرك وبطلع منه صوت اغنية.. ولونه أحمر.. أخدته وروّحت على البيت.. وضليتني أستنى فيها لترن بس مارنت.. سكرت الباب عليه ونمت.. وبهاللحظة حسيت اني تعبان كتير وجسمي مش حاملني والتهيؤات رجعت مرة تانية.. رجعت أحداث المطعم اللي شفتها مرة تانية بالحلم.. وشفت حالي أنه أنا القتيل.. واللي صار انه شب طعنّي بجسمي وواحد كان عم بضحك من بعيد ماقدرت اشوف وجهه.. وشخص كان برا عم بحكيله بصوت ماكان غريب عليه.. اقتله اقتله.. وبعد ماطعنّي أنا غبت عن الوعي.. وصرت بالعالم الآخر.. وكانت نارين حامليتني وطالعه فيه من المطعم وعم تحكيلي صرت إلي.. صرت إلي.. واللي خلاني أصحى منتفض .. أني شفت حالي بقبر بالليل وأنا صاحي وشايف نفسي عم بندفن تحت التراب ورجلين أشخاص فوقي عم بخبطوا على التربة.. ونارين دخلت على القبر لابسة فستان عرس ونامت جنبي وخلتهم يدفنونا .. أنا صرخت بأعلى صوت وأجت عليه ماما على الغرفه وهدّتني برغم انه الساعه كانت لسه 6 المغرب.. مسّحت عرقي وصارت تدعيلي أهدى وأرتاح.. وبعد دقايق رن التلفون.. كانت نارين.. حكتلي ماما بخير.. وأنا رح أروح هلأ على الشغل.. لأنه أبو أمجد عم يعصب كتير من اهمالنا.. طلعت من البيت وحكيتلها بدي أشوفك بالشغل..طلعت من البيت ومعي الدب.. ووصلت المول بعد دقايق.. رنلي تامر وحكالي بدنا نسهر اليوم وصقر معنا.. وساري بده يسافر اليوم اذا بتحب تشوفه شو رأيك؟ رح نسهر متل المرة الماضية ونحكي.. حكيتله بشوفكم الساعه 10 بالليل.. بعد ماوصلت المول شفت نارين وكان ابو امجد معصّب.. مسكني على الباب وصار يبهدل فيني..

#الخروج_من_التابوت_6 #الخروج_من_التابوت
الحلقة السادسة
@rwayate
فتحت عيوني لقيت نارين جنبي.. كانت حاملة الدبدوب وبتطلع عليه.. حكيتلها شو جابك؟ حكتلي اللي جابك! أنا إستغربت من كلامها واللي صار باليوم الماضي خلاني أشك كتير وأخاف منها أكتر.. حكيتلها نارين أنتي شو أسم أبوكي وشو عيلتك.. حكتلي غريب شو مناسبة السؤال؟ حكيتلها سؤال عادي بس نحنا ماتعرفنا عبعض.. يعني حبينا بعض واتفقنا على كل شي.. بس ماحكيتيلي ولا شي عن عيلتك ومابعرف شي عنك! أنا بدي أعرف كل شي الآن لو سمحتي.. حكتلي أوكي شو بتحب تعرف.. إسم بابا ضرار وعيلتنا الكامل.. وبنسكن بحي التلة.. اتطلعت فيه نظرة غريبة وللحظة أنا عيوني صارت توجعني.. حكيتلها نارين أنا تعبان ياريت تناديلي الدكتور.. حكتلي احكيلي شو بوجعك وأنا رح اعملك ياه .. بس مابدي أبعد عنك وبخاف يصيرلك شي لو رحت.. حكيتلها نارين حاسس عيوني بوجعوني كتير ومحل الضربه ناحية اجري صار يوجعني.. حكتلي رح أطلع أناديلك ياه.. طلعت نارين وأنا ضليتني أستنى بالغرفه .. وبهاللحظة حسيت في أصوات غريبة عم تطلع.. حسيت صوت الزلمة اللي كنت أسمعه بغرفة الملابس اللي بالمول بس أدخل.. الهمس اللي كنت اسمعه نفسه عم بنعاد مرة تانية.. وحسيت في حدا فعلاً جنبي بالغرفه.. نارين طوّلت وضليت ربع ساعه استنى بالغرفه بس مارجعت.. بهاللحظة فقدت أعصابي والأصوات والهمس اللي حاسه جنبي ومش بعيد عني نرفزني وصرت أصرخ على الدكتور ليجي.. بس ماشفت حدا.. حالتي حسيتها صارت تسوء وضربات قلبي شفتها على المونيتور بتنخفض ..حسيت بألم بكل جسمي وصوت الهمس عم بعلى.. وفجأة خبطت الجهاز برجلي وصرت أصرخ لحد ما وصلت الكبسة اللي برنلها ليجي الدكتور.. وبعد دقيقة كان عندي.. حكيتله كان في بنت جنبي كيف دخلت؟ مش عأساس مابصير حدا يدخل.. حكالي ماشفت حدا دخل على الغرفه وانا والممرضين ناحية الغرفه.. حكيتله بنت لابسة بلوزة سودة وشعرها خروبي على أحمر صديقتي نارين حكتلي رايحة تناديك ومارجعت.. قلي ما اجاني حدا.. خليني أشوف شو مالك.. نمت بالمستشفى واجو اهلي اتطمنو عليه.. صقر وتامر زاروني وسألوني شو اللي صار معي.. بس أنا تذكرت كلام ساري واني ما احكي لحد شو اللي بصير معي.. حكيت لتامر بدي تلحق نارين وتشوف وين بيتها وتجبلي معلومات عنها لو سمحت.. حكالي تكرم عينك.. رح ألحقها واشوف وين بتروح.. واجبلك كل التفاصيل عنها.. وبليلة المستشفى حسيت في برد فظيع صار بالليل وأنا لوحدي بالغرفه رجع صوت الزلمة مرة تانية.. ومعه صوت تاني.. كانت الغرفه عتمة والمستشفى هادي.. شميت ريحة وسخه بالغرفه وكانت سيئة كتير.. وماعرفت من وين مصدرها.. بهالليلة ماعرفت انام لأنه الأصوات مافارقتني.. واللي خلاني أتقلب كتير .. إني شفت خيال حدا عند الحيط.. خيال زلمة طويل عاكس على الإضاءة اللي جايه من طرف باب غرفة المستشفى.. وأول شي فكرته خيال شي عاكس بس لما دققت منيح لقيت انه فعلاً خيال لشخص.. مبين فيه رجلين وادين وراس.. الخيال صار يقرب شوي شوي.. ولما يقرب الشكل يوسع أكتر من ورا.. وأنا من الخوف اللي صار جواتي ماقدرت أوصل هالمرة لكبسة الجرس بسهولة ووقعت عن التخت وأنا أحاول.. وقعتي كانت على راسي.. وأول ماوقعت حسيت في شخص فوق راسي عم بشدني وبده يخنقني والبربيش اللي كان معلق على التحت للسيرون صار يلتف على رقبتي وبده يخنقني.. ورجليه توقفوا عن الحركة بعد ما فقدت أنفاسي.. اتطلعت لفوق وأنا عم بنخنق لقيت الخيال صار بالسقف وكأنه بتطلع عليه وأنا بختنق.. والدم بعيوني تجمع والهوا نقطع عني.. صرت أرفع اديه ناحية التخت لأطلع بس كانو متشنجات والصوت ضل عم يعلى.. وروحي حسيتها بهاللحظة عم تطلع.. وأنا عم بحرك أديه وقعوا الأغراض اللي على الطاولة على راسي وكان من بينهم كاسة مي فاضية.. وقعت بإيدي تماماً.. مسكتها ورميتها ناحية التخت على الجرس.. وبهاللحظة ارتطمت فيه ورن.. والممرضين اجو عليه شافوني بهالحالة والسيرون ملفوف على رقبتي.. شالوه وصارو يسألوني شو اللي صار مين عمل فيك هيك!! اعطوني إبره وهدوني وصحيت بعد ساعه.. سألني الدكتور شو اللي صار ومين دخل عندك؟ حكيتلهم مافي حدا بس همه ماصدقوني وصار حكي كتير ووصل لمدير المستشفى.. واللي خلاهم يشكو انه اللي صار شي غريب كتير.. انه ارتسم على السقف قلب حب كبير.. وكان مكتوب اسمي ..سيف.. حكولي شو بتفسر هالشي اللي صار؟ فيك تفهمنا.. أنا ماقدرت اوضحلهم شي واهلي استغربوا من اللي صار.. بابا حكالهم بدي ابني يطلع من المستشفى ولو بدنا ننقله العناية على البيت.. وبالفعل روّحت على البيت.. وضلت ماما تنام عندي كل يوم.. وتسألني شو اللي عمل فيك هيك.. بس انا كان في جواتي شي مأكدلي اللي صار انه فعلاً من ورا نارين.. ونارين هيه شيء مش طبيعي.. شكيت فيها واللي أكدلي هالشي الحكي اللي سمعته من البنت اللي ظهرتلي بالمقبرة ومن الزلمة اللي شفته.. ومضمونه انه في ناس بدها تموتني عن طريق نارين..

#الغريب_قصص
#الغريب_1 #الغريب
@rwayate
الحلقة الأولى
في سر قديم بعيلتي اكتشفته من جديد.. وكان الموضوع بالنسبة لإلي مادة مثيرة للفضول ومليئة بعلامات الإستفهام المتعددة.. وحتى أعرف الحقيقة وين .. كان لازم عليه أجرب كتير شغلات لأوصللها.. وبدون خوف أو تردد .. إسمي زينة وعندي أخت إسمها داليا وأخ إسمه هاشم.. عايشين حياة بسيطة مع ماما وبابا .. بس اللي صار بحياتنا شي من سنة قلب كل الموازين وخربطنا.. السر اللي عرفته عن عيلتي كان عبارة عن صدفة مخيفة وغريبة نوعاً ما.. دخلت غرفة ماما وكانت وقتها طالعه هيه وبابا على زيارة خاصة لحدا من قرايبنا .. واختي كانت بتدرس لأنه كان عليها توجيهي أما هاشم كان مش موجود بالبيت وأنا كنت لوحدي .. وقتها كنت مريضة كتير وكنت بدوّر على دوا .. بالعادة ماما بتحط الدوا جوا خزانتها عشان ما حدا من ولاد عمي وخوالي الصغار يقرب عليه لأنه سبق وصارت حادثة متل هيك وتأذى ابن عمي الصغير بسبب الأدوية.. دورت على الأدوية بكل مكان وماكنت الاقيهم.. حكيت لازم أطلّع كل شي بالخزانة لحتى الاقيهم لأنه كنت برنلها مابترد أبداً .. وتعبانة كتير.. وأنا عم بطلّع بكل شي بالخزانة لقيت صندوق أسود صغير.. أول ما شفته ما عرته أي أهتمام وضليت عم بدوّر على الشي اللي بدي ياه.. بس للحظة لمحت عيني عليه وحكيت أنا بعمري ماشفت هالصندوق أبداً .. شو ياترى فيه.. بطبعي انسانة فضولية .. واذا شفت شي لأول مرة بكون نفسي أعرف شو محتواه .. رجعت مسكته وهزيته.. ماكان في شي عم بوحي انه فيه مادي .. مجوهرات أو شي متل هيك لأنه انا بعرف ماما وين بتحط مجوهراتها.. قلت لازم اعرف وين مفتاحه.. دورّت بكل مكان مالقيت لأنه كان مبين انه المفتاح اللي اله صغير كتير.. حكيت لازم اكسره لأنه الفضول زاد جواتي.. ولازم اعرف شو فيه هالصندوق الغريب !! .. مسكته وضربته بالأرض .. حسيت داليا انتبهت انه عم بعمل شي وانا ماكنت حابة تعرف اني بطلّع بشغلات من غرفة ماما لأنه بطبعها بتنقل حكي لألها.. حكيتلها ادرسي أنا عم بعزّل بالبيت.. سكرت الباب عليه وبقيت لوحدي مع الصندوق.. قلت لازم اعرف شو جواتك .. مش حاسة فيك شي خير! غطيت الصندوق بحرام خميل حتى ما يطلع صوت وانا عم بكسر فيه من فوق.. وبعد ما حاولت اكسره بالشاكوش مرتين تلات نفتح.. كان فيه ورق كتير.. مبين قديم ومجعلك وشقف جرايد .. اتطلعت على الورق كان فيه كتابات غريبة ولأول مرة بقرأها.. طلاسم مش مفهمومة وصورة لزلمة مبين بالأربعين من عمره.. اله شوراب عريضه سودة وشعر خفيف وبشرته بيضه وحواجبه خمال .. كان بتطلع بالصورة وشكله غريب ومريب للعين.. أول ماشفته خفت.. مابعرف ليه .. حسيت انه بده يحكي شي من خلال صورته.. وحتى شكله كان بخوف.. قلت هاد مين وليه ماما محتفظة بصورة هالزلمة بالصندوق؟ مين بكون ياترى نسيت اني مريضة وصار كل تركيزي عالصندوق وعلى الورق اللي بأيدي.. حاولت أقرأ شو مكتوب ما فهمت شي أبداً وصورة الزلمة ماراحت من بالي برغم اني ضبيتها بالصندوق بس اللي انتبهته انه كان مكتوب عليها من ورا رقم سبعمية واربعة وعشرين ومافهمت شو هالرقم .. فجأة اختي فتحت عليه الباب وحكتلي شو بتعملي وليش ناكشة الغرفة هيك وشو هاد الي بإيدك ؟! حكيتلها ولا شي بس هيه اصرّت تعرف.. فرجيتها الورق وحاولت تستوعب شو المكتوب ماعرفت .. وفتها انا زاد مرضي وحكيتلها لو حكيتي لماما انا رح اموت لأني موجوعة وماتحكيلها شي ارجوكي .. حكتلي مارح احكي لأنه صار عندي فضول اعرف شو هدول.. حكيتلها انتي بتعرفي بابا وماما اذا حسو انه احنا لعبنا بخزانتهم شو ممكن يصير؟ حكتلي بعرف ممكن يقتلونا.. لأنه من صغرنا علمونا الشغلات الشخصية ما نقرب عليها.. ونحترمها لهيك مارح احكي ماتخافي.. ضبينا الصندوق وسكرناه .. وبعد محاولات عديدة لحتى سكّر .. دخلت لغرفتي ومالقيت الدوا .. وضلت داليا عم تحطلي كمادات لأنه حرارتي أرتفعت ووقتها بلشت أهلوس.. اتصلت على ماما بس ماكانت ترد.. وفجأة اعطانا الرقم مغلق وانقطعت الكهربا عن البيت.. التعب اللي كنت أحسه ماكان متحمل قطعة الكهربا.. ومافي لا بابا ولا هاشم بالبيت .. حكتلي اختي هلأ كملت معنا .. خليكي هون رح أجيب شمع .. راحت تجيب شمع وأنا زادت حرارة جسمي بشكل مش طبيعي .. اختي تأخرت وصرت انادي عليها بس صوتي ماكان طالع.. فجأة ظهرلي بالظلام الزلمة اللي شفته بالصورة.. نفس الملامح نفس الشكل نفس الشوارب .. نفسه نفسه تماماً صفنت فيه وصار بدي أصرخ ..بس صوتي ماطلع كان عم بقرب عليه وبتطلع نفس النظرات اللي كان بطلع فيها بالصورة.. حسيت حالي عم بغيب عن الوعي بس شايفته قبالي طالع من الظلمة وبوجه بؤبؤ عيونه وبحواجبه الخميلة عليه.. حاولت أحكي واقله مين انت ؟ بس فجأة حسيت حدا دخل من الباب اتطلعت وكانت اختي جايبة شمعه .. رجعت اتطلعت جنبي من مكان ماطلعلي .. مالقيته ..اختفى نهائياً.. كنت مدمعه وعم برجف.. اختي قالتلي حبيبتي شو صارلك.. غبت دقيقة هيك صار فيكي جسمك عم بغلي..

#الغريب_5 #الغريب
@rwayate
الحلقة الخامسة
حسسوني اني مجنونة والشي اللي عم بشوفه نتيجة للضغوطات اللي مرت معي بهالفترة.. بس أنا ما كان بدي اثبتلهم اني مجنونة .. طلع الصبح واتصلت على لما.. حكتلي مابنقدر نعطل اليوم على الجامعه لأنه عنا امتحان.. حكيتلها بنقدم الأمتحان وبنطلع فوراً لعند ام فارس.. حكتلي ماشي.. قدمت الأمتحان وماكنت دارسه شي.. وطلعت نتيجتي اني راسبة بنفس اليوم.. وهالشي ما زعلني لأنه كل اللي بدي ياه الاقي هالشخص مرة تانية لأنه بقيلي سبعة وعشرين يوم .. رحنا لعند ام فارس وحكتلي الزلمة الختيار هاد بكون ابو الزلمة صاحب الصورة أكيد.. لأنه الصورة اللي شفتيها بغرفة النوم اثبتت كل شي.. وخصوصاً رقم البيت.. اذن السر عند هاد الختيار لازم ترجعي تشوفيه مرة تانية.. وهوه حكالك انه ابنه توفى.. حكيتلها اه وما لحقت أسأله ولا عن تفصيل لأنه دخلت لأعمل الشاي وصار اللي صار.. برغم اني كنت محضرة أسئلة كتير لأسئله ياهم.. حكتلي اذا فعلاً ابنه المتوفي نفسه صاحب الصورة فإنتي هيك بتكوني نحطيتي بمأزق قوي.. حكيتلها شو هوه .. حكتلي المفروض تشوفي الشخص اللي عملك الحجاب أو حطه .. واذا هاد الشخص ميت .. فالمفروض عليكي تفتحي قبره وتشوفيه شخصياً !!! حكيتلها شووو !؟!!؟ شو عم تحكي انا مستحيل اعمل هيك شي.. مابقدر انا بني ادمه وهالشي حرام.. حكتلي اذا بدك تموتي انتي حره عشان قصة حرام وقصة خوف.. بس انتي لازم تشوفي الشخص اللي عملك الحجاب او الروح اللي بتطلعلك عشان تبطلي مفعول الحجاب وترجعيله ياه .. واهم شي لازم تعرفي كم صارله متوفي.. لو من مدة قصيرة فهاد أحسن لأنه بتكون جثته لسه ما تحللت.. وهيك فيكي تفتحي القبر وتعطيه الحجاب.. وعشان حياتك خاطري.. حكيتلها ماشي رح اعمل هيك.. بس بدي اعرف مين هاد بما انه مافي حدا من عيلتي بعرفه مين هاد !! .. مين هالشخص الغريب وليش عمل هيك ليش بدي اعرف.. حكتلي هاد اللي رح نعرفه .. وهلأ روحي مرة تانية لبيت الختيار واعرفي منه تفاصيل عن ابنه.. حكيتلها رح اعمل المستحيل لأعيش.. انا لسه ماتزوجت وماخلفت وعندي احلام وطموحات مابدي تكون نهايتي بعد كم يوم مابدي.. رحت انا ولما مرة تانية على بيت الختيار.. دقينا الباب ماحدا رد .. دقينا مرتين ماحدا جاوب.. اخر شي طلعتلنا مرة شكلها غريب كتير وحكتلنا تفضلو شو بدكم.. حكينالها بدنا نشوف الزلمة اللي جوا.. صرخت بوجهنا وحكتلنا مافي زلام هون أنا لحالي يلا نصرفوا .. حكتلي لما هاي شكلها مرة ابنه اللي حكالك عنها.. لازم ندخل بالزوق.. رجعنا طقينا الجرس.. وماحدا جاوب.. صرت اصرخ واحكيلها افتحي الشغلة فيها حياتي ياعديمة الزوق.. طلعت وصرخت بوجهي وحكتلي اذا مابتروحي من هون رح اطلبلك الشرطة.. حكتلي انسي هاد العنوان وماتقربيه ابداً ولو حاولتي ترجعي رح تشوفي شي عمرك ماشفتيه.. انا استغربت الشي اللي عملته وما قدرت اعرف ليه هيك تصرفت.. حكتلي لما يمكن الختيار حكالها كل شي وانه انتي دخلتي على الغرفة وسكّر عليكي الباب وفكروكي سراقة.. يعني انتي خربتي عحالك كل شي بس دخلتي على غرفة النوم.. حكيتلها لو مادخلت ماكنت عرفت انه بكون ابو الزلمة الغريب صاحب الصورة.. حكتلي طيب تعالي نشوف البيت اللي جنبه.. مش هوه حكالنا المرة الماضية انه هاد البيت رقم سبعمية وأربعة وعشرين.. حكيتلها يالله.. حاولنا ندخل بس كان الباب الأمامي مسكر .. قلتلها بدي أنط عنه واروح اشوف شو جوا.. نطيت عن الباب ولما نفس الشي.. دخلنا لقينا بيت صغير وبابه الرئيسي مسكّر وكأنه مهجور من زمان .. اتطلعت من الشباك لقيت في شغلات جوا البيت بتتحرك وكأنه في حدا جوا.. قلتلها انا شايفه في حدا جوا البيت.. حكتلي مستحيل البيت مبين مهجور شوفي الغبرة اللي على الباب .. وهدوء ومافي حدا.. حكيتلها طيب شوفي حطي راسك.. دخلت راسها جوا الشباك وشافت في اجسام بتتحرك بس مش ملحوظة.. حكتلي اه والله في متل ناس جوا.. شو هاد هيك ؟! مين ممكن يكون!! .. معقول البيت مسكون !! .. صارت تتعوذ وتقرأ ادعية وشغلات وتحكي خلينا نروح أنا خفت كتير.. حكيتلها انا ماعاد اخاف من شي اذا الموت قريب مني من شو بدك اخاف مافي شي اخاف عليه وبدي اكسر الشباك وادخل جوا البيت.. حكتلي انتي مجنونة ابصر شو في جوا.. شكله مسكون اسمعي في اصوات كمان طالعه من جوا البيت.. حكيتلها مابهمني ولازم اعرف شو في جواته .. مسكت حجر كبير ووجهته ناحية الشباك .. لما هربت لآخر الباب الصغير الحديد.. وأنا لسه بدي ارمي الحجر على الشباك طلعلي الختيار من بيته اللي جنب هاد البيت وحكالي تعالي وماتعملي شي .. اتطلعت على لما وحكيتلها امشي معي.. رحنا لعنده ودخلنا .. كانت مرة ابنه عم تتطلع علينا نظرات غريبة وكأنها بدها تقتلنا .. حكالي الزلمة مين انتي وشو بدك ؟؟ طلعت الصورة وحكيتله مين هاد الزلمة !! .. حكالي شو جاب صورة ابني لعندك ومين انتي ! .. حكيتله ابنك ؟! وينه احكيلي عشان احكيلك مين أنا .. حكالي ابني توفى من فترة قصيرة

#الغريب_قصص
@rwayate
#الغريب_7 #الغريب
الحلقة السابعة
حكالي أرجوكي لا تبكي ولا تسأليني مين اللي قتلني لأنه اللعنة رح تروح عنك وعني أول ماتعرفي إسم الشخص اللي قتلني.. وأنا مش حابب تروح لأني تعلقت فيكي.. حكيتله كيف فيه اعرف هالشخص؟ حكالي أنا ما بقدر أساعدك بس لأني بحبك رح احكيلك شي.. الرقم سبعمية وأربعة وعشرين موجود بغرض من أغراضه وهوه رقم عزيز كتير عليه لهيك هوه اختار تكون لعنته للشخص اللي بكرهه بنفس هالرقم.. ولو شفتيها رح تعرفي مين هالشخص بسهولة.. حكالي رح اضلني جنبك ومارح افارقك أنا حواليكي وبحبك ومارح أأذيكي أبداً لاتنسي هالشي.. وفوراً صار يرجع للناحية اللي رجع منها واختفى من ورا الشجرة .. وأنا وقفت حايرة بتطلع على القبر اللي حفرته والدنيا زادت شتى عليه ومش عارفة احط الوراق ولا ارجعهم لأنه ماعدت عرفت شو أعمل أبداً .. وقفت أفكر لدقايق وصرت ابكي .. حكيت مارح ارد عليه.. رح ارد على كلام ام فارس وهيه اللي حكته صحيح.. هاد بده يضل وراي ورح يقتلني وهاد كذاب أكيد.. رح احط الورق حتى ما اموت.. نزلت ناحية القبر وماقدرت اشيل تراب اكتر .. مسكت الورق بعد ما نبل وصار متل العجينة .. حطيته بالتربه ورميت عليه التراب.. رميت المنكوش وطلعت من المقبرة ببكي وبرجف ورجعت مرضت من جديد.. فتحت تلفوني بعد ماطفيته وكانت ماما رانه عليه.. حكيت مع لما وحكيتلها عملت كل شي وصار شي بخوف مش قادرة احكي ولا أعبر.. بدي اجي عندك فوراً.. وقفت نص ساعه بستنى بتكسي لأنه كانت الشوارع فاضية.. طلعت بالتكسي ووصلت بيت لما.. حكتلي احكيلي شو اللي صار بسرعه .. قلتلها على كل شي صار .. وحكيتلها شو حكالي وشو تصرف.. قالتلي فعلاً هالشي مابتصوره عقل .. مش معقول الميت يطلع ويحكي! .. انتي متأكدة من اللي شفتيه.. حكيتلها اه متأكده .. قالتلي القبر اللي حفرتيه قدرتي تطلعي على شكل الجثة.. حكيتلها ماقدرت كنت خايفة وما قدرت انبش اكتر لأنه اصلاً المنكوش علق بالتربة وما قدرت اتحرك والجو صار مطر.. حكتلي لو قدرتي تشوفي الشخص اللي بالتربة كان تأكدنا من الشي اللي فبالي.. حكيتلها شو اللي فبالك.. حكتلي انا خايفة يكون هالشخص مش ميت وفعلاً عم بظهرلك بالحقيقة.. حكيتلها لأ مستحيل كيف هيك وهوه اصلاً بظهرلي بغرفة النوم وبكل مكان وفجأة بختفي.. هالشخص موجود فعلاً ومش بعيد يكون بيني وبينك هلأ ! .. حكتلي لا تخوفيني!! أنا جد بخاف من هالأمور .. حكيتلها وحياتك هوه حكالي انا وين ماتروحي جنبك .. ممكن فعلاً يكون بينا هلأ .. بس ما بظهر لحدا غيري !! .. اللعنة المسلطة علينا مخليته يحبني ويضل جنبي.. ومارضي يحكيلي الاسم اللي أذاه وقتله عشان ماتروح اللعنة وما يعود يشوفني! .. شو رأيك شو اعمل انا.. احترت ومش قادرة افكر .. حكتلي خلينا بكرا نروح لأم فارس وخلينا ننام هلأ .. وماتخافي دام ما بظهر لحدا غيرك فأنا وياكي مع بعض مستحيل يظهر وانتي بأمان.. طلع الصبح علينا وورحت عالجامعه مع لما وبعد ماخلصنا شفنا فراس واخدنا بالسيارة على بيته .. حكيت لأمه كل شي عملته وانه ظهرلي وحكالي هيك .. حكتلي اللي حكاه صحيح.. اللعنة انا ماكنت عارفة شو مضمونها بالزبط بس هلأ اتوضحلي كل شي.. اللي مسلط عليكم هاللعنة مخليه يظهرلك ويتعلق فيكي لمدة محددة بس لما تخلص هالمدة رح تموتي متل ماحكيتلك .. وهالشخص اناني بده يضل معك برغم عارف رح تتأذي لو ماراح عنك.. بس ماتخافي انتي عملتي متل ماقلتلك وحطيتي الحجاب اللي فيه اللعنة مع الصورة بالتربة محل ما مات.. وأيام وان شاء الله كل شي بنحل.. مارح يرجع يظهرلك ورح يختفي.. انتي عملتي الشي الصح وكل شي رح يكون تمام.. اتطمنت من الكلام اللي حكته ولما ابتسمتلي وطمنتني وحكتلي خلص ماتخافي.. طلعت من البيت وروحت.. وكنت تعبانة كتير وبدي أنام.. دخلت على الغرفة ونمت وحكيت لماما ماتصحيني وطلبت من داليا تدرس بعيد عن الغرفة لأني بدي أرتاح.. وكنت متطمنه انه كل شي صار منيح وخلص كل شي رح ينتهي عن قريب.. غمضت عيوني وغفيت.. صحيت بعد دقايق وأنا عم اتقلب يمين يسار.. وقلبت حالي لليسار.. فتحت عيوني لقيته جنبي ومفتّح عيوني.. عيونه ناحية عيوني وعم يتطلع عليه.. صرخت بأعلى صوتي وأنا عم ارجف وفتحت الباب وصرت أنادي على ماما.. اجت عندي داليا حكتلي شو صاير شو شفتي؟ حكيتلها جوا جواااااا.. كنت منهارة وعم ببكي.. اجا بابا وهاشم اخوي وكلهم صارو يتطلعو عليه وانا منهارة وعم ببكي ومش قادرة القط انفاسي.. اختي جابت مي وصارت ترمي على وجهي وتشربني وترش عليه عطر لحتى اصحصح واوعى على حالي لأني كنت مش قادرة أركز ولا أجمّع .. نمت بهاللحظة بدون إرادتي وصحيت بعد ساعه تقريباً ولقيت أهلي كلهم حواليه بسألوني شو اللي صار.. شرحتلهم كل شي.. وحكيتلهم الشخص الغريب اللي بالصورة كان جنبي بالغرفة.. هاشم اخوي عصّب وحكالي انتي شو عم تحكي هاد الشي تخبيص ومش معقول انتي صرتي عم تهلوسي .. جنيتي؟!

#الغريب_قصص
#الغريب_8 #الغريب
الحلقة الثامنة
@rwayate
مش أنا اللي كان ممكن أنأذى ماما هيه كانت الهدف! .. حكت ماما مين اله مصلحة يأذيني وليش هيك ليعمل فيه ليش أنا شو عملت .. حكيتلها انا مش زعلانه اني شفت الورق او على الشي اللي بصير فيه والحمد لله انه ما صار فيكي شي وما شفتي الصندوق انتي ولا كان انتي محلي والزلمة بظهرلك.. كان ظهرلك بكل مكان بغرفة النوم وجنبك .. كان تطلقتي كان ماصدقوكي كان حكولك تعالي معنا على دكتور نفسي.. لهيك بشكر الله.. ماما زاد بكاها وحكتلهم خلونا نفكر بطريقة تانية .. الشي اللي شفته فعلاً حجب واللي بتمر فيه البنت مش حالة نفسية أبداً.. بس هاشم وبابا ما كانو مصدقين هالشي وانه حدا دخل بيتنا وبس بدهم يودوني على دكتور نفسي.. صرنا نفكر مين دخل بيتنا اخر فترة بس مالقينا جوا لحدا دخل غرفة نوم ماما !! .. رحت على الجامعه تاني يوم وحسيت انه الأمور بلشت تتحسن معي.. وصرت أفكر كتير بكلام فؤاد اللي حكاه انه اذا بدي اخلص منه لازم الاقي غرض عليه رقم سبعمية وأربعة وعشرين واذا لقيته رح اعرف مين قتله ورح يختفي من حياتي نهائياً وتبطل اللعنة.. صرت ادور بالسراج والفتيلة على هالرقم واتطلع على كل شي بين إدين الناس اللي بعرفهم وبعرفوني متل المجنونة بس ماكنت الاقي شي أبداً.. وصلت لمرحلة فعلاً صرت ابين انه معي حالة نفسية.. لما حكتلي هالشي مأثر عليكي كتير.. لازم نروح لأم فارس عشان تحكيلنا شو تعملي.. حكيتلها بعد الدوام خلينا نروح.. خلص الدوام وبقيت بالقاعه لوحدي بعد ماطلعو كل الطلاب .. ماكنت عارفة انه الوقت سرقني من كتر مافكرت وما ركزت مع الدكتور .. ولأني لحالي سمعت صوت بالممر .. ماكان في طلاب وكان وقتها الدوام كتير تأخر وغفيت وانا عالمقعد وجهازي كان سايلنت ولما بترنلي.. قمت بسرعه ورنيتلها حكتلي انتي وينك خليني اجيلك حكيتلها بالطابق الأخير ماضل في حدا والطابق فاضي وهيني نازلة.. لسه بدي انزل وانا ماشية بالممر شفت خيال لحدا واقف بآخره من ورا الحيط .. خفت وماقدرت اكمل مشي.. وقفت ورنيت للما حكيتلها اطلعي بسرعه وشوفيلي مين واقف.. حكتلي يلا جاييتك وكنت سامع وحدة بتحكي معها عرفت انه حدا ماسكها تحت وملهيها بالحكي.. وانا زهقت وانا واقفة .. حكيت خلص رح امشي.. مشيت مالقيت حدا وكان الخيال مختفي.. سمعت صوت مشي رجلين وراي.. لفيت راسي واتطلعت لقيته وراي وعم بتطلع !! .. صرخت بالممر وبطلت عارفة انزل لأنهم تشنجو رجليه سمعني عامل التنظيف وسمعته بحكي لحدا في طالبة بتصرخ فوق.. كان بحكيلي فؤاد لاتخافي لاتخافي أنا بحبك خلص !! .. حاولت ازحف عالدرج وتطلعت لتحت كان جاي العامل يركض واول ماوصل كان فؤاد مختفي تمامآ.. حكولي شو مالك ماكنت عارفة امشي وفعلاً كانو رجليه متشنجين من الخوف.. طلبولي الاسعاف وحكيت مع لما وحكيتلها اللي صار.. اخدوني على المستشفى وحكولي صار معك صدمة عصبية .. اعطوني دوا وخلوني وقت شوي لحد ماعرفت امشي واجو اهلي.. سألوني شو اللي صار حكيتلهم ظهرلي الزلمة بالجامعه.. بابا ماتفهم وهاشم نفس الشي وحكولي اليوم رح تروحي معنا على دكتور نفسي !! روحت على البيت ببكي وبس خلي البيت تماماً من بابا وهاشم اتصلت على لما ورحنا عند ام فارس.. شفناها حكيتلها عملت اللي حكيتي عليه ورميت الحجاب بالقبر وهلأ شو رجع يظهرلي!! شو بدي اعمل.. حكتلي رح احكيلك شي تاني ولسه بدها تحكي طق الباب بصوت عالي .. فتح الباب فارس .. كان هاشم جاي هوه وبابا وجايين يشوفوا ام فارس.. بهدلوها وقالولها انتي بدك تودي البنت بداهيه شو بتفكري تعملي.. هاشم صار يصرخ بصوت عالي وتخانق مع فارس وانا خفت تصير خناقة قوية بينهم.. حكولي تعالي معنا على البيت بسرعه وماتفكري تيجي لهون بس انا كنت عنيدة كتير وكان بدي اعرف شو الطريقة التانية اللي بدها تحكيها لأنها ماضل كتير عوقت الحجاب وممكن جد اموت !! .. ماقبلت اروح وهاشم مد ايده عليه وضربني وانا انهرت من البكا ورجعتلي الحالة العصبية وحكيتله لسه طالعه من المستشفى حاسه اني ماعم اقدر امشي.. وفعلاً ماكنت قادرة امشي منيح.. لما صارت تدافع عني لبابا وهاشم وتحكيلهم انتو مش بشر حيوانات بتصرفكم والبنت ماعم تمشي منيح ومش مصدقينها كمان .. طلبولي الاسعاف مرة تانية وام فارس دخلتني جوا لغرفتها تهديني وتركتهم بالصالة وحاولت تهديهم وحكتلي يابنتي الحجاب شكله معمول لعيتلك كلها وشكلكم حتتأذوا كلكم.. طلبولي الاسعاف مرة تانية وام فارس دخلتني جوا لغرفتها تهديني وتركتهم بالصالة وحاولت تهديهم وحكتلي يابنتي الحجاب شكله معمول لعيتلك كلها وشكلكم حتتأذوا كلكم! أنا نصدمت من كلامها وحكيتلها كيف لعيلتي كلها.. يعني خواني رح ينأذوا .. ماما وبابا ؟ شو الحل احكيلي حكتلي هاي الليلة بتضلي عنا لازم تنامي اليوم هون لأنه لو طلعتي من هالبيت المبارك رح تنقتلي.. الظاهر الأيام اللي باقيتلك صفّرت وما ضللّك ولا يوم .. حكيتلها كيف ولا يوم مش عأساس ضللي نص شهر !! .. كيف خلصو فهميني انا مش فاهمة شي..

#الغريب_9 #الغريب
@rwayate
الحلقة التاسعة
بتتذكري بس نمت مرة عندك ؟ ما مانعو اهلي لأنهم بعرفوكي وبعرفو سمعة أهلك.. بس انا تدايقت بصراحة بس اجيت نمت عندك اخر مرة لأنه حسيت امك ما ارتاحت وهيه مابتطيقني عكس ابوكي.. حسيت لما بتكره ماما من كلامها ومتدايقه من تعاملها لما اجت نامت عندي.. قلتلها لأ هيه بهداك الوقت كانت متدايقة ومتخانقة مع بابا لا تزعلي منها.. حكتلي ما بزعل منكم أنا بحبكم وانتي أكتر يا بطة !! .. يلا رح اروح اجيب اغراضي وارجعلك خدي راحتك فبيت حبيبي فارس وخالتو ام فارس الطيوبة.. سلام.. طلعت من البيت وبقيت لحالي مع ام فارس.. حكتلي تعالي بدي افرجيكي على شغلات.. دخلتني ام فارس لجوا على غرفة سودة شكلها غريب.. وشكلها بخوف.. قالتلي هون أنا بصنّع الشغلات المباركة واللي بنقذ فيهم الناس وبفك عنهم الحجب.. أنا هيك الله خلقني لحتى أساعد الناس.. مافيه اشوف واحد بتعذب من حدا وما اقدر اساعده .. الناس يا بنتي صارت تأذي بعضها وما عاد الزمن متل الأول.. حكيتلها رح تنقذيني.؟ مارح اموت أنا مش هيك .. حكتلي أكيد يابنتي .. وبيتي أنا مبارك ومستحيل يقربله فؤاد شو ما صار .. ورح نتغلب عليه وما رح يلحقك ولا تشوفيه مرة تانية.. حكيتلها رح تقدري تعرفيلي مين اللي عمل هيك ؟ مين اللي حط الأغراض ومين اللي قتله ؟ حكتلي أنا بقدر اعرف بس مستحيل أحكي.. لأنه نحنا مابنقدر نفضح الناس أبداً.. أنا ما بدور على مشاكل ولا بدي وجع راس وسين وجيم.. بساعد وبس.. حكيتلها انتي بس طلعيني من هالقصة وما بدي اعرف ولا شي تاني.. قالتلي هلأ احنا لحالنا بالبيت .. لازم اول شي تصلي وبعدين تدخلي معي على الغرفة السودة.. بدي أقرأ عليكي شغلات واشربّك شغلات من عندي.. عشان تتعافي وخلص تروح عنك اللعنة.. دخلت جوا وصليت .. وحكتلي لا تعملي ولا شي وما تحكي ولا شي بس اقعدي هون واتطلعي عليه شو رح اعملك.. قعدتني بالغرفة السودة على كرسي صغير .. وصارت تقرأ طلاسم وشغلات مش مفهومة وأنا راسي صار بده ينفجر وحسيت حرارتي ارتفعت كتير.. وبطلت عارفة اتنفس.. ومش قادرة احكي ولا احكيلها خلص بكفي ما تعملي هيك.. بس هيه زادت وصارت تصرخ وتعمل حركات بإيدها.. ونبهتني ما احكي أبداً ولا اعمل اي حركة .. خفت كتير وحركاتها كانت غريبة والكلام اللي بتحكيه .. وأنا شوي ورح يغمى عليه.. هديت وجابت كاس كبير متل صحن .. وحطت فيه مي فاترة وكان في جواتها ورق.. وكإنها باليتهم فيها.. حكتلي اشربي.. وقرأت شغلات مافهمت شو هيه.. وأنا شربت.. حكتلي اشربي.. وقرأت شغلات مافهمت شو هيه.. وأنا شربت.. معدتي حسيتها قلبت وصرت بدي اراجع حكتلي اصبري.. خلص كل شي رح يصير تمام ورح تتعافي.. خلص الشر رح يروح عنك.. ورجعت شربتني شي تاني لونه ابيض بعلبة تانية .. وبهالوقت ماقدرت اصبر حسيت حالي بدي اراجع خلص.. حكتلي روحي على الحمام بسرعه وفرغي كل شي فبطنك.. دخلت راجعت حسيت في شغلات بتطلع مني لونها غريب.. اصفر على احمر.. وكان الشي اللي راجعته غير عن اللي شربته.. حكتلي خلص تعافيتي واللعنة رح تروح عنك وأخيراً.. حكيتلها متأكدة قالتلي متأكدة .. أنا بهاللحظة صرت اسمع صوت فؤاد حواليه بحكيلي.. انا مظلوم وأنا بحبك .. زينة أنا بحبك .. أنا مظلوم .. أنا بحبك لا تتركيني.. زينة زينة زينة .. صرت احكي خلص واصرخ .. وهيه تطلع عليه وتحكيلي شو مالك.؟ حكيتلها صوت فؤاد براسي عم بحكي بحكيلي بحبك وما تتركيني وأنا مظلوم.. حكتلي ما تحكي ولا شي.. خلص اسكتي.. وصارت تصرخ وتحكي حل عن البنت وإرجع من محل ما جيت.. ورجعت تحكي حكي مش مفهوم .. انا الصوت ضل ينخر براسي.. لحد ما اغمى عليه.. صحيت وأم فارس فوق راسي وكانت عم ترش عليه مي .. وتحكيلي اصحي خلص راح الشر يا بنتي ماتخافي.. قالتلي رح أروح اعملك شي سخن خليكي بغرفتي وما تتحركي أبداً.. هيه قامت على المطبخ وأنا قمت من تختها وصرت امشي في البيت وماعرفت ليش أنا هيك بعمل.. فتحت بواب بيتها كلهم .. وفجأة وصلت غرفة فارس .. دخلت عليها وصرت اتطلع بكل إتجاه.. فتحت جواريره واتطلعت على اغراضه وحسيت بشي غريب وشعور اجاني فجاة انه اشوف بيتها.. اتطلعت على تخته وعلى أغراضه المكركبه بكل مكان .. ضربت عيني على كمشة مفاتيح على مكتبه.. مسكتهم.. لقيت مفتاح رقمه سبعمية وأربعة وعشرين .. نصدمت بس شفت المفتاح بغرفة فارس وكان مكتوب عليه سبعمية وأربعة وعشرين!! .. ضليتني ماسكيته وبتطلع .. تذكرت كلام فؤاد بس ظهرلي آخر مرة بالمقبرة وحكالي بس وقت ما تلاقي غرض مكتوب عليه هالرقم.. ساعتها رح اختفي من حياتك وتنتهي اللعنة نهائياً.. غمضت عيوني وحكيت مش معقول اللي بفكر فيه صح !! .. دخلت أم فارس على الغرفة ومعها كاسة شاي أخضر وحكتلي شو بتعملي بغرفة فارس؟! شو حاملة بإيدك ؟! حطت الكاسة على المكتب وشلعت المفاتيح من إيدي .. وسكرت الباب.. حكتلي ولا بتطلعي ولا صوت فاهمة!! .. مسكتني من إيدي وصارت تشد فيه .. وأنا ماقدرت اقاومها أبداً.. دخلتني مرة تانية على الغرفة السودة وسكرت عليه الباب..

#معزوفة_الموت_قصص
#معزوفة_الموت_8 #معزوفة_الموت
الحلقة الثامنة
Telegram:@rwayate
أنا بس شفت المسج تدمرت نفسياً وصرت أبكي .. وأخدت أرقام المهرجان وكسرت الخط نهائياً وضليتني فزعانه وخايفة ومش عارفة شو بدي أعمل .. يعني معقول اللي بصير مش بسبب روح شريرة وفي جد شخص عم يراقبني وعارف أنا شو بدي أعمل.. طيب مين بده يكون وليش ؟! ليش هيك عمل ؟! وكيف عرف انه انا وزوجي دفنا ولاء.. معقول هاي نفسها المره الشريرة وعم تنتقم .. اوهمت نفسي بهالشي وقلت مستحيل الشرطة تعرف لأنها هاي مرة ميته والشرطة خلص ماحتعرف بالموضوع.. ضليتني أبكي ودخلت عليه ماما بتحكيلي ليش بتبكي؟ حكيتلها انتي اللي وصلتيني لهون .. في واحد بعتلي مسج بحكيلي انه بعرف وين ولاء ووين ندفنت وبعرف انه كنت بدي أحرق البيت .. مين بعرف كل هاد مش بس أنا وانتي ؟ يعني انتي اللي بتعملي فيه هيك ؟؟ حكتلي يا خسارة تربايتي فيكي.. هاي اخرتها يا تاليا ؟؟ بتتهمي أمك انها بدها تأذيكي .. أنا بدي أعمل هيك وأأذيكي وأأذي زوجك وبنتك ؟؟ وبنت الناس اللي ما إلها ذنب؟؟ طيب ليش فهميني ؟؟ ليش أعمل هيك أنا ؟؟ أنا قلتلك انه هاي الروح الشريرة للمره لأنه متأكده من كلامك وباصمة بالعشرة إنها هيه من لمّا أجت عندك على البيت ودخلتي على المطبخ تجيبيلها مي وساعتها حطتلك حجاب.. حكيتلها طيب هلأ شو أنا رح أموت وبنتي ؟؟ مهوه البيت انحرق!! .. حكتلي نحنا لسه ما إتأكدنا إنه البيت لسه ضايل فيه حجابات تانية.. ممكن حطت تنين بس مابتعرفي .. بس ضلي صلي وإدعي إنه مايصير معك شي.. وإتأكدي انه الله رح ينجيكي .. حكيتلها ما شاء الله على الإيمان.. كلك إيمان.. انتي اللي وصلتيني لهون أنا مارح أغفرلك أبداً شو ماصار فاهمة .. وأنا بكرهك بكرهك .. دخلت كاتيا فجأة شافتني عم بحكي لماما أنا بكرهك وصارت تبكي وتحكي وأنا بكرهكم انتو التنين.. بكرهكم كتير وأنا حكيت للشرطة إنك انتي قتلتي ولاء لأني بكرهك لأنك قتلتي صاحبتي وبكره بابا كمان.. كانت وقتها صدمتي كبيرة جداً بس سمعت إنه بنتي بتكرهني لهالدرجة.. ولدرجة إنها مفكرة انه امها قتلت صاحبتها ..ولدرجة إنها تبلغ الشرطة عن أمها وما يهمها موت أبوها أبداً.. دخلت بسرعه على غرفتها وانا ضليت واقفة مكاني وحكيت لأمي شو بدنا نعمل ؟؟ الشرطة صارت تعرف انه البنت نقتلت وندفنت عنا بالبيت.. والحوش ماصارله شي وما تأثر بالنار اللي صارت.. إحكيلي شو بدي أعمل طلعيني من القصص اللي كنتي سبب فيها .. حكتلي إسمعي مش اللعبة أخدتها أم البنت اللي نقتلت ؟ حكيتلها اه اخدتها .. حكتلي طيب اصبري ورح السحر اللي جواتها يخلص عليها ويجننها لأنها بتملك هاي اللعبة اللي فيها الحجاب وهيه مابتعرف .. وبجنانها اللي حيصيرلها الشرطة رح تشك إنها هيه قتلت بنتها.. حكتلي إسمعي مش اللعبة أخدتها أم البنت اللي نقتلت ؟ حكيتلها اه اخدتها .. حكتلي طيب اصبري ورح السحر اللي جواتها يخلص عليها ويجننها لأنها بتملك هاي اللعبة اللي فيها الحجاب وهيه مابتعرف .. وبجنانها اللي حيصيرلها الشرطة رح تشك إنها هيه قتلت بنتها.. حكيتلها انتي كيف بتجيكي هالأفكار ؟؟ بس كيف بدي أستنى والشرطة عرفت وبنتي اعترفت واكيد بكرا الصبح رح يروحو يفتشو الحوش أكيد ولأنه الدنيا ليل خلوها لبكرا وحكوا لكاتيا ماتحكي انها اعترفت لحتى ما افكر اهرب او شي متل هيك.. وبكرا رح يوخدوني ومارح اقدر اشارك بالمهرجان اللي بعد كم يوم ورح يتدمر حلمي وتخرب حياتي وكله عشان شو ؟؟ عشانك انتي وبسبب امك .. الله ينتقم منكم يارب.. مش راضية عنكم.. حكتلي امي لو شو ماحكيتي هاد شي صار من سنين وخلص.. وبعد ما صار عندك بنت صار فيها هالروح الشريرة تنتقم منك ومن بنتك .. بس اجت ببنت الناس مش ببنتك احمدي ربك واشكريه على هالنعمة.. ما قدرت افكر شو بدي اعمل طول هالليلة وما نمت أبداً.. تاني يوم الصبح صبّحت جاية عنا أم ولاء.. أجت عم تبكي وتحكيلي ساعديني أبوس إيدك ورجلك .. حكيتلها شو في ؟ قالتلي مش عم بعرف انام ولا ارتاح بدون بنتي وكل يوم عم بشوفها حواليه وصارت تتهيألي وبشوفها كل يوم بدها تنتحر وبركض وراها .. أنا ندمانه على كتير شغلات .. وزعلانه على حالي وعاليوم اللي قبلت اوديها تنام عندكم.. ابوس ايدك لو بتعرفي وينها احكيلي .. ريحي قلبي والله متت وروحي طلعت بغيابها وأبوها مش سائل ولا حاسس فيه وبتعبي وبالتهيئات اللي بتيجيني كل يوم وكل ليلة فيها.. قلتلها انا مابعرف وينها صدقيني.. هيه طلعت من البيت لأنه حكتلنا انه اجانا اتصال منك وحكينا هالشي اكتر من مرة .. بس جد أنا مش عارفة شو احكيلك.. للحظة شفقت عليها وشفت الحزن بعيونها كيف على فقدان بنتها وتترجاني وتبوس ايدي وتنزل عند رجلي وأنا أشد إديها وارفعها حتى ما تنذل لألي .. بس اللي استغربته انه حكت ابوها مش سائل .. كان هالشي غريب بالنسبة لإلي.. برغم اني شفته بصرخ وقت ما اجا عنا على البيت يدور عليها بكل مكان .. وبلشت تحكي وتخبص بدون وعي وشكلها بخوف لدرجة اني خفت منها وهيه بتحكي..