قالتلي بدي اروح اجيبلك مي باردة خليكي.. كنت عم بشد على إيدها وبحكيلها ضلي ماتروحي وصوتي مش طالع لأنه الحرارة عم تفقدني وعيي وحركتي عم تثقل.. قالتلي بدك شي حبيبتي احكي.. وبعد صعوبة بالحكي قلتلها .. الزلمة !! .. حكتلي أي زلمة ؟ قلتلها الزلمة الزلمة.. حكتلي حبيبتي انتي عم تهلوسي اي زلمة؟ قلتلها الزلمة اللي بالصورة هون معنا فجأة التفتت حواليها بهدوء وصارت تتطلع يمين وشمال.. حكتلي وصوتها برجف.. زينة ! .. ماتخوفيني ! .. انتي عم تهلوسي مافي حدا معنا.. رجع مرة تانية وكنت عم بشوفه واقف عند الباب وكان موجه نظره لعندي.. بشكله الغريب وعيونه الوسيعه وحواجبه العريضه.. كانت بشرته مشعه وبيضه لدرجة انه كان ضاوي بالليل.. فتحت عيوني وبلشت عم ارجف وأتأتأ.. واشرتلها على الباب من بعيد ناحية ماهوه واقف.. كانت جنبي ونظرها لعندي وهوه وراها .. وانا شايفته وضوح الشمس.. لفت راسها.. وحكتلي شو ؟ قلتلها الزلمة.. وراكي.. قامت وقفت ومسكت الشمعه.. كانت بتتطلع ناحية ما هوه واقف الزلمة .. وأنا كنت شايفته تماماً وعم بطلع عليه.. حكتلي حبيبتي مافي حدا ؟ كيف مش شايفته؟
يتبع