#الحب_المُرعب
#الجزء_التالت
#ward_handosh

رنا(مرعوبة) :لك اااه مييين…
عمر: ههه لك لاتخافي انا عمر
رنا(مصدومة):عمر
عمر: اي عمر ابن جيرانكن الجديد شبك
رنا: (وهي عم تبكي) لك عم تسألني شبك بعد هالرعبة عم تسالني شبك
عمر: هس وطي صوتك خلص بعتزر بس حبيت اتعرف عليكي بطريقة غريبة اصلا انتي ماكنتي منتبهة وانتي نازلة وكمان اش يلي طالعك ع السطوح بهالوقت
رنا: وانت شو دخلك
عمر: لك له له نحن ولاد جيران ولو
رنا(معصبة) : لك تضرب

(نزلت رنا وهي مرعوبة وعم تمسح دموعا وعمر طلع ليشوف خزان المي دخلت رنا ع البيت بهدوء وراحت غمرت وشا بالمخدة وضلت تبكي لحد مانامت)

_تاني يوم الساعة عشرة الصبح___

(فاقت رنا واجت جودي لعندا كالعادة ليفطرو سوا ويدرسوا)
جودي: شبك رنا خانوم ليش معصبة
رنا: هففف لاتزكريني
جودي: اشفي
رنا: (حكتلا شو صار معا)
جودي: ههههههه ياااي
رنا: في شي بيضحك
جودي: اي هههه لك حب يمزح معك
رنا: خلص اسكتي خليني فكر
جودي: بشو بدك تفكري
رنا: ماراح اسكتلو
جودي: ههههه حاسة حالي بحرب
رنا: هههه لك اي خلينا نتسلا شوي
جودي: طيب احكيلي اشفي ببالك
رنا: خلينا هلئ ندرس بعدين نقعد فرد قعدة ع التخطيط
جودي: اوك
(ضلو عم يدرسوا للساعة 6 المسا)
ام رنا: يابنات تعو ع الغدا
رنا: ياااسلاام ع ريحة اللبنية
جودي: لك دي امشي انا فرطت
(قعدوا صاروا ياكلو)
رنا: ماما اشفي عندك اليوم
ام رنا: مافي شي راح ننزل ع الجيران نباركلن بالبيت الجديد
رنا: اي منيح (اطلعت بجودي وغمزتا)
(بعد ماخلصو اكل راحت رنا وجودي ع المطبخ ليرتبوه)
جودي: اي ماقلتلي شو راح تعملي
رنا: بدي خليه يبتلي ب فاطمة
جودي: هههههههه
رنا: شبك
جودي: مافي شي بس مالقيتي غير هالبنت
رنا: لك اي هي مافي حدا بيتحملا والله راح يجن من وراها
جودي: بس يجن راح ينتحر
رنا: اي كيف لكن ههههه وهو مبين عليه نسونجي ف فورا راح يمشي الحال
جودي: هههه الله يستر
(خلصو شغل ونزلو لعند الجيران)
ام عمر: عمر ابني قوم شوف مين ع الباب
عمر: يلا (قام عمر ليفتح الباب وكانت ام رنا(نورا) واقفة بالوش وجودي وراها واخر شي كانت رنا)
عمر: اهلا وسهلا ب خالة ام رنا تفضلي
ام رنا: اهلين فيك ابني
(دخلت ام رنا وراها جودي ولما رنا اتطلعت ب عمر بنظرة كره)
عمر:(غمزا وقلا بصوت واطي وهو عم يسكر ويقرب من ادنا) شكلك لسا زعلانة
رنا:….
عمر: طيب ماتردي براحتك خليكي زعلانة

(دخلوا كلن وقعدوا سوا وعمر قعد قدام رنا قصداً)
جودي: وينا سنا
ام عمر: عندا انسة خصوصي لتراجعلا المنهاج
جودي: ايوا الله يوفقا
ام عمر: تسلمي روحي…انا رايحة اعمل
ام رنا: لا يي في تنين صبايا يقوموا يعملو
ام عمر: لا مابيصير هي اول مرة تدخلو بيتنا
ام رنا: شبك ام عمر مو بيناتنا
رنا: اي خالة انا بعملا ماعندي اي مشكلة الا ازا ماحبيتي قهوتي امبارحة
ام عمر: لا والله كتير طيبة
رنا: اي خلص لكن راح اعملا (قامت رنا ع المطبخ وجودي كانت غرقانة بالموبايل مع بهاء)
(بعد عشر دقايق رجعت رنا ومعها القهوة ضيفت ام عمر بالاول بعدا امها واخر شي عمر)
ام عمر: ليش ماحسبتي حسابك انتي وجودي
رنا: نحنا شربانين
(كانت رنا طول الوقت عم تطلع عمر..طبعا عمر استغرب لان من وقت ماقعدت مااطلعت فيه نظرة وحدة)
(قام عمر واخد فنجانو لانو مو متعود يقعد مع نسوان وبعد مادخل ع غرفتو بخمس دقايق سمعو صوت تكسير)
ام عمر: يي اشفي
(قامت ام عمر لتشوف اشفي ولحقوا الباقي ولما فتحت الباب شافت فنجان القهوة ع الارض مكسور راحت رنا ع المطبخ لتجيب ممسحة تمسح القهوة)
ام عمر: لك ابني ليش كاسر الفنجان
عمر: معقولة انا اكسرو بس وقع بالغلط
ام رنا: يلا انكسر الشر
(اجت رنا عم تنظف مكان القهوة والكل رجع ع محلو وام عمر شالت البلور وراحت لتكبو نزل عمر ع الارض جنبا وحكا معها)
عمر:ليش هيك عملتي
رنا: بتستاهل
عمر: بالله شو ع كلن انا بورجيكي
رنا: بتعرف شغلة لما امك قالت انك دكتور عيون تفاجئت لان يلي بيشوف حركاتك المولدنة مابيتوقع انك دكتور
عمر:ع الاساس انتي العاقلة
رنا: (قامت من محلا وطلعت فيه بكل ثقة) طبعا عاقلة (وطلعت وسكرت الباب)

#يتبع.... 👻

#الحب_المُرعب
#الجزء_الرابع
#ward_handosh
_12 باليل__
(رن موبايل رنا كانت جودي ع تتصل ردت عليها وقالتلا انو هي ع السطوح عم تستناها قامت رنا لبست وطلعت ع السطوح)
(كانت رنا طالعة ع الدرج وهي بنص الدرج فجأة حست بحدا مسكا من ايدا وسحبا فرد سحبة لورا)
عمر: ههههههه شكلك بيضحك وانتي مرعوبة
رنا(وهي عم تعيط) : لك شو قصتك معي
عمر: بتستاهلي
رنا: لك بكرررهك بكرهك الله ياخدك
(طلعت رنا ع الدرج بسرعة وهي عم ترجف)
جودي: ليش هيك وشك
رنا(قعدت جنبا):الله ياخدو شو انو دب ومابيفهم
جودي: مين
رنا: بطيخ
جودي: ايواا عمر هههه
رنا: اي بطيخ عمر
جودي: ليش شو عمل
رنا:(حكتلا يلي صار)
جودي: اممم هههههه
رنا: هو عصب مني
جودي: ليش
رنا: حطيتلو فلفل وملح وبهارات وزنجبيل وكلشي بهارات بفنجان قهوتو
جودي: هههههه والله بيستاهل ماقصرتي… من شان هيك كسر الفنجان
رنا: هههه اي بس والله اشتهيت شوف منظرو وهو عم يشربا
جودي: هههههه
رنا(تنهدت وطلعت ع السما) :جودي
جودي: نعم
رنا: تتزكري لما كنت زعلانة من يزن وخطفني يوم كامل لان ماكنت رد عليه
جودي: اي بتزكر بس لازم تنسي
رنا:(بعيونا دموع)لك كيف انسى مو ع الاساس ميت كيف طلع عايش ليش هيك عمل لك كيف الو قلب يبيع اعضاء الناس ليش ليعمل هيك
جودي: والله مابعرف بس ديري بالك ع حالك لان ازا عرف مكانك راح يخطفك ونحنا بزوررر لاقنعنا امك تنتقلو من البيت من شان مايلاحقك
رنا(عم تبكي) مااعم صدق يا الله كيف هيك… اصلا سورية كبيرة ماراح يلاقيني… وانا غيرت رقمي ومعهدي وكلشي
جودي: حتى لو انتبهي ع حالك

#يتبع.... 👻😹

#الحب_المُرعب
#الجزء_الخامس

جودي: حتى لو انتبهي ع حالك… خدي كلي بزر
(اخدت رنا البزر وصارت تاكل)
جودي: اي وشو من شان عمر
رنا: مابعرف شبدي اعمل بهالبطيخ بس المهم مااسكتلو لعما اديشو دب ومابيفهم بالفعل انو بطيخ هففف لا وقال شو هو دكتور عيون وبا شو مقرف
جودي:….
رنا: ليش ساكتة احكي
جودي: (رفعت حواجبا وهي عم تطلع وراها طلعت رنا وراها وهي عم تقول…
رنا: لك تضربي شبك (لما دارت شافت عمر واقف وأيديه بجيوبو)
رنا(مستغربة) :شو جابك لهون
عمر(نزل وقعد قداما وطلع بعيونا بثبات):انا بطيخ
(رنا خافت منو ومن نظرتو)رنا: لك انت من ايمت بتعرفني لتصير ترعبني هيك من ايمت بتحكي معي لتاخد وش وتمزح وتضحك معي
عمر: حبيت نكون اولاد جيران
رنا: بس مو بهالطريقة
عمر: طيب خلص بطلت رعبك امشي انزلي امي وامك بدن اياكي
(نزلت رنا وعمر وجودي ضلت فوق لتحكي مع بهاء براحتا لان خالتا عندا بالبيت وفي ضجة…)
عمر: غريبة ماخفتي تنزلي معي
رنا: ليش لاخاف
عمر: انو بلكي رجعت رعبتك او عملتلك شي
رنا(سكتت وماعرفت شو ترد انو عنجد ليش ماخافت من النزلة معو وماخافت يرعبا او يسحبا من الدرج)
(دخلت عمر ورنا ع بيت ام عمر وكان في عالم)
رنا: مين هدول
عمر: بيت عمي
رنا: امم
(دخلت رنا سلمت عليهن كانت ام خالد مرت عم عمر وبناتا التلاتة موجودين بس)
ام خالد: ما شاءالله الله يحميكي يارنا
رنا: تسلمي خالة
ام خالد: شو رايك يانورا(ام رنا) بعد اسبوعين تجي ع عرس اخي
ام رنا: والله مابحسن يااام خالد
ام خالد: ليش
ام رنا: بعد اسبوعين عيد ميلاد رنا وبدي احتفلا فيه
ام خالد: ايوا اي ع قبال المية سنة يارب
ام رنا: تسلمي

#يتبع.... 👻🚶‍♀

#الحب_المُرعب
#الجزء_السادس
#ward_handosh

ام رنا: تسلمي

(عدا اسبوعين هاديين عمر ورنا ماالتقو ببعض ابدا ورنا التهت بدراستا)

-------بعد اسبوعين-----

رنا: ماما بدي روح لعند جُمانة
ام رنا: لك بنتي جنيتي انتي الساعة راح تصير تسعة
رنا: ماما حبابة بدن يحتفلو بعيد ميلادي
ام رنا: لك بنتي مو احتفلنا امبارحة خلص
رنا: ماما هلئ انا ورفقاتي غير وقت لحالنا
ام رنا: طيب بس اوعك تتأخري
رنا: اوك
•••••••
سارة: لك جمانة وطي الصوت عم يندق الباب
جمانة: رايحة افتح…
… جمانة: هيييي اجت رنوش
(لما سمعوا البنات جمانة عم تقول اجت رنوش انبسطو كتير وصار يعيطو ويعلو صوت الاغاني…ضلت رنا ساعتين ونص ورجعت ع البيت واضطرت ترجع مشي لان ماكان في تاكسي)
(وهي عم تقطع الشارع العام بتمر سيارة سودا بسرعة كتير كبيرة ولما تقرب لدتعس رنا بتوقف فجآة رنا من الرعبة مابتحسن تتحرك وبتضل واقفة بيطالع الشب راسو من السيارة)
عمر: انتبهي لما تقطعي الشارع
رنا: عنجد انك قليل زوق وبلا احساس
(وهي الطريق كانت معدية من جنب باب بناية اسود وقديم وحديد وحست في حدا سحبا من ايدا لجوا)
عمر: لا تخافي لاتخافي انا عمر
رنا: لك كرماللل الله حل عني بقا
عمر: طولي بالك ماكنت ناوي رعبك
رنا: خلص بقا بعد هيك
(سكر عمر الباب واتسند عليه)
عمر: ازا بتقدري تبعديني عن الباب روحي
رنا: لك قد الدب شو بدي بعد فيك
عمر: هههه مقبولة منك… ع كل الاحوال انا عملت هيك لاعطيكي هدية عيد ميلادك
رنا: مابدي شي منك
عمر(مد ايدو وفيها علبة زرقا ملفوفة بشريط اسود وحجما وسط) مافي روحا لتفتحيا
رنا: هففف منك
(اخدت رنا الهدية وبلشت تفتحا ولما قربت تنفتح بعد عمر عن الباب وفتحو فتحت رنا الهدية ولما شافتا صرخت وزدتا بوش عمر وطلعت عم تركض وتبكي…

#يتبع....👻💔

#الحب_المُرعب
#الجزء_السابع
#ward_handosh

وطلعت عم تركض وتبكي…

(وصلت رنا ع البناية وماحسنت تطلع ع البيت لانو شكلا مبين انها كانت عم تبكي فطلعت ع السطوح بسرعة وكانت جودي فوق)
جودي: شو كيف كانت الحفلة مع رفقاتك
رنا: (بنشافة) حلوة
جودي: كم مرة قلتلك عرفيني عليهن كنت هلئ رحت معك
رنا: خلص بس نخلص فحص
جودي: شبك مو ع بعضك
رنا: (حكتلا يلي صار)
جودي: اي واش كان في بالهدية
رنا: (وهي عم تبكي) عنكبوت
جودي :(مصدومة) كيف يعني عنكبوت
رنا: قفص صغير وجواتو عنكبوت
جودي: الله لا يوفقو
رنا: هففف انا تعبانة كتير بدي انزل نام
جودي: خدي هي قنينة مي غسلي وشك وامشي ننزل
رنا: اوك

(غسلت رنا وشا واستنو شوي ونزلو لما نزلت رنا ع بيتا سلمت امها وفاتت نامت فورا لانها كانت تعبانة

تاني يوم__
سنا: ماما مين في هون
ام عمر: اخوكي عزم الدكتور اياد ع فنجان قهوة
سنا: ايوااا

عمر: لحظة دكتور عم يندق الباب
(راح عمر يفتح الباب)
عمر: خالة نورا اهلين
ام رنا(نورا) :دخيلك ياعمر اطلاع شوف بنتي شبها
عمر(مصدوم) :شوفي
ام رنا: قامت لتفطر وفجأة داخت
(طلع عمر ومعو الدكتور اياد)

(فحصا الدكتور اياد لانو هو دكتور داخلية مو دكتور عيون)
اياد: بنتي ايمت اكلتي آخر رعبة
رنا(مصدومة من السؤال وطلعت بعمر وعيونا فين دموع) امبارحة دكتور
(تنهد عمر وكان مستعد للبهدلة يلي راح ياكلا)
دكتور اياد: طيب شو هي الرعبة
رنا: كنت معدية من جنب البناي وفجأة طلع بوشي كلب اسود كبير وارتعبت
(عمر كان بدو يضحك من الشي يلي قالتو)
دكتور اياد: خير ان شاء الله
ام رنا: دكتور شو طلع معها
دكتور اياد: ابو صفار
رنا(عم تبكي) :يالله كيف راح قدم فحص
دكتور اياد: من هون لشهر بتكوني طبتي بس لازم حدا يدرسك لان لحالك ماراح تحسني
ام رنا: خلص بنتي لاتخافي انا بدبرلك انسة او استاذ
عمر: خالة نورا ازا بدك انا بدرسا هالشهر لان فاضي ماعندي شي
دكتور اياد: فكرة حلوة عمر كان يعطي دروس خصوصي وهو شاطر كتير وبيضل احسن من الغريب
ام رنا: والله مابعرف يعني…
قاطعا عمر (عمر: خلص خالة نورا بكرا راح يبلش اول درس
(استسلمت رنا للامر الواقع رغم انها ماكانت رضيانة بس مجبورة)

_اجت جودي لعند رنا المسا___

جودي: طيب احكي لامك يلي صار معك
رنا: لك كيف ح احكي ازا راح احكي امو وامي ح يتقاتلو ولساتن جداد بالبناي
جودي: هفف منك ومن تفكيرك
رنا: عمر راح يدرسني هالشهر
جودي: ههه شو شو القصة
رنا: شو قصدك
جودي :غريبة رضيتي
رنا: مجبورة
جودي: ممم صدقت

#يتبع.... 👻🎈

#الحب_المُرعب
#الجزء_التاني
#بقلم_ward_handosh

نامت رنا من دون ماتحس وفاقت ع صوت امها
ام رنا: رنا قومي
رنا: اشفي
ام رنا: الساعة 8 ونص قومي هلئ يجو الجيران
رنا: يلا قايمة
(قامت رنا رتبت حالا واتصلت بجودي وع ال9 طلعو الجيران).

ام رنا: مية السلامة شرفتو
ام عمر: الله يسلمك(سكتت لتستنى تقول ام رنا اسما)
ام رنا: اسمي نورا
ام عمر: عاشت الاسامي
ام رنا:تسلمي روحي
يلا يا رنا وين القهوة
رنا: يلا امي ثواني
جودي: رنا كأنو الجيران حبابين وابنن بيشل
رنا: (بعدم مبالاة) اي وشو اعمل يعني
جودي: ولاشي بس انو عم نتناقش
رنا: اي يلا امشي
(دخلت رنا ومعها القهوة ووراها جودي)
رنا: مرحبا
ام عمر: اهلين بنتي
سنا(بنت ام عمر) :مراحب
(ضيفت رنا القهوة وهي مبتسمة
وقعدت جنب امها)
ام عمر :هدول بناتك نورا
ام رنا: رنا بنتي وجودي بنت جيرانا
ام عمر: ماشاءالله الله يحمين
سنا: اي صف انتو
رنا: بكلوريا
سنا: وانا كمان بكلوريا موفقين
رنا: وموفقة انتي كمان

(ضلو عم يحكو ويتناقشو لحد ماوصلو لآخر حدث صار بالبلد)
ام عمر: سمعتي يانورا عن بياع الاعضاء الله لايوفقو صايرة عم خاف ع اولادي كتيير
ام رنا: اي والله سمعت الله لايوفقن
(لما رنا سمعت الحديث دمعو عيونا وقامت من مكانا وراحت ع المطبخ وجودي ماحسنت تلحقا لان كانت عم تحكي مع سنا بعد ربع ساعة رجعت رنا ومعها فواكه)
ام عمر: لك ليش معذبين حالكن
رنا(مبتسمة) :ولو اهلا وسهلا نورتوا

(بعد ساعة راحو الجيران وراحت جودي بعد مااطمنت ع رنا ورنا لملمت البيت واتحممت وراحت طلعت ع السطوح وقعدت تتفرج ع النجوم وتتزكر)

_

رنا: انت واحد مجنون
يزن: هه وليش بقا
رنا: بلكي طلع هلئ حدا ع السطوح وشافونا
يزن: اي عادي عم نتفرج ع النجوم
رنا: لك جد ولو بعدين كيف بتجي هيك ع بيتي
يزن: هيك اجا ع بالي جن
رنا: مجنون
يزن: لك والله بحبك
رنا: اي وانا كمان
يزن: انتي شو
رنا: انا شو؟
يزن: عم اسالك انتي شو؟
رنا: انت يلي لازم تجاوب انا شو؟
يزن: ههه انتي حياتي وروحي وعيوني وكلشي بملكو
رنا(خجلانة) : انا بحبك

__

(حست رنا ببرودة ف قررت تنزل ع البيت من شان ماتمرض وهي نازلة ع الدرج والضو خفيف وموبايلا مو معها فنزلت ع مهلا وبعيونا دموع من الشي يلي تزكرتوا وفجأة حست حدا مسكا من ايدا وسحبا لتحت وحاطط ايدو ع تما)
رنا(مرعوبة) :لك ااه مييين.…

#يتبع.... 👻

#الحب_المُرعب
#الجزء__التامن
#ward_handosh

جودي: مممم صدقت

[عمر درس رنا شهر كامل بأول هالشهر كانوا يتقاتلو بس بعدين عمر بلش يضحك ويمزح معها بالاول ماتقبلت هالشي بس بعدين تقبلت هالشي وصارو متفقين دائما]
(بعد ماطلعت نتائج الفحص طلعت ناجحة بمجموع عالي كتير ونزلت مبسوطة لعند عمر)
عمر: شو طمنيني
رنا(عم تضحك ومبسوطة) لك نجحت بمجموع عالي
عمر: (مبسوط وعم يضحك) مبرررووك ع قبال التخرج


{اجتمعوا المسا كلن ببيت ام رنا }
ام عمر: والله كتير انبسطلك يارنا
رنا: خليلي قلبك وكمان مبروك ع نجاح سنا
سنا: الله يبارك بعمرك روحي… وصلت جودي لعند بهاء
رنا: اي وصلت وشافت نتائجا هنيك
سنا: اي منيح الله يديمن لبعض
رنا: آمين
عمر: شو رأيكن بكرا الصبح آخدنكن ع مكان برا سورية كلو خضار
ام عمر: اي والله ياابني فكرة حلوة
ام رنا: ونحنا ماعنا مشكلة


(ضبوا اغراضن وتاني يوم طلعو بسيارة عمر واستأجروا مزرعة هنيك)

رنا: يالله وينو عمر لازمنا كتير اغراض للبراد مافي شي ناكلو
ام رنا: اي والله ماحسبنا حساب
رنا: انا راح اطلع اشوف ازا في محلات برا
[طلعت رنا لحالا وماحسنت تروم سنا لانها كانت عم تنظف الغرف]
(وهي طالعة شافت عمر)
عمر: شو عم تعملي برا يافارة
رنا:رايحة جيب اكل
عمر: خلص ارجعي انا رايح
رنا: ما راح ارجع بعد ما لبست
عمر: خلص امشي معي

(راحو عمر ورنا سوا)

ام رنا: يالله مو كأنوا رنا أتأخرت صرلا اكتر من ساعة
ام عمر: وعمر كمان أتأخر

#يتبع.... 👻🔪

#الحب_المُرعب
#الجزء_التاسع
#ward_handosh

عمر: (عم يصرخ) لك اتركونا ياكلاب
مجهول: هههه انت هسس واخيرا يا رنا خانوم لقيتك
(رنا سكتت لما سمعت صوتو)
مجهول: فكوا الربطات عن عيون

(لما فكوا الربطات رنا ماحسنت تطلع عليه لان بتعرف مين هو فنزلت راسا بالارض وصارت تبكي اما عمر ففوراً طلع عليه)

عمر: ايواا هاد انت يلي بتبيع الاعضاء واسمك يزن
يزن: تماما
عمر: شو بدك منا
يزن: مابدي شي بس بدي منك خدمة
عمر: وشو هية بالله
يزن: ليك انا ورنا كنا منعرف بعض وكنا منحب بعض وانا قلتلا اذا بتطلعي مع شب غيري راح اقلع عيونك وهي بعد فترة طلعت مع شب غيري وبما انك انت دكتور عيون فأنت راح تتولى هالمهمة ههههه

عمر(مصدوم) :شو عم تخبص انت
يزن: مصطفى روح خدن ع الغرفة التانية وسكر الباب عليهن منيح
مصطفى: حاضر
عمر: لك اتركنا ياكلب..
(دخل مصطفى عمر ورنا ع الغرفة وقفل عليهن… قعدت رنا بالارض وصارت تبكي..)
عمر: مين يزن؟
رنا:تعرفت عليه لما كنت صف عاشر كان يوقف ع باب المدرسة ويستناني وبالاخير تعرفنا ع بعض وضلينا مع بعض لحد ماخلصت حادي عشر بعدين دقلي رفيقو وقلي انو اتعرض لحادث ولما رحت قلي الدكتور انو اتوفى وبعد فترة قررت ارتبط بشب بيحبني وبعد اسبوع لقيت رسالة ع الباب وكانت تهديد من يزن فأنا ارتعبت وتركتو للشب وعرفت بوقتا انو مو ميت وانا و جودي اقنعنا امي ننتقل من البيت ولما وصلنا ع البيت بعد باسبوع طلع ع التلفزيون انو هو مطلوب وبيبع اعضاء
عمر: لا اله الا الله ع هالعلقة لا تخافي راح نطلع من هون
رنا: (حطت ايديها ع وشا وصارت تبكي) انا خايفة كتير
(نزل عمر وقعد جنبا كان بدو يحضنا ليطمنا بس ماحسن يعمل هالشي لان حرام ف صار يحاول يخفف عنها بالحكي بس)

°°°°°°
ام عمر: يالله وينن الاولاد
ام رنا: يارب الطف
سنا: خلونا نتصل بالشرطة
ام عمر: اي اي قومي اتصلي بالشرطة
سنا: يلا

°°°°°

ضلو عمر و رنا قاعدين ع الارض وصارت الدنيا ليل الغرفة ماكان فيها شي ابدا ولا حتى تخت.. نامت رنا من دون ماتحس ومال راسها ع كتف عمر)
عمر: الله يسامحك يارنا ليش ماحكيتلي من قبل كنت سفرتكن برا سورية
(عدا اكتر من تلت ساعات بعدين يدخلو تلت رجال ع الغرفة تفيق رنا مرعوبة من خبطة الباب القوية بيدخلو هالتلت رجال وبياخدوا عمر وبيطلعو وهي تضل عم تصرخ وبعد مايروحوا يسكروا الباب ويرجعوا يقفلوه والغرفة بتصيررر عتمةةةة وبتضل لحالا بهالعتمة ولما يطلع النهار يرجعوا عمر وبيكون دوخان ومو وعيان ع حالو رنا بتخاف منو وبتخاف ليكونوا شربوه شي ويرجعوا ليشيلو عيونا… بيقعد عمر ع الارض من دون مايحكي ولا كلمة.. بتحاول رنا تتقرب منو لتعرف شو صار معو…بتقعد قدامو وتمسك بأيدو وتطلع بعيونو بثبات)
رنا: عمر
عمر: عيونو
رنا: شبك
عمر :تعبان
رنا: شو عملوا فيك
عمر: ولا شي
رنا: لكن ليش اخدوك
عمر: ماعملو شي بس قتلة صغيرة ورجعولي ههه
رنا: الله يكسر ايديهن...شو عم يوجعك
عمر: جسمي كلو
رنا: سلامتك. طيب شو اعمل ليروح وجعك
عمر: ههههه ولا شي بس اوثقي فيني وهلئ بس نام بيمشي الحال
رنا: فكرتن شربوك شي لتشيل عيوني
عمر: هههه حدا عم يشوف هيك عيون ويروح يشيلن
رنا(خجلت) :.....
عمر: انا حسنت اتفق مع واحد انو يهربنا مقابل مليونين
رنا:اي وايمت راح نطلع
عمر: اليوم باليل… بدي اياكي تنامي منيح لان ورانا ركض خير الله
رنا: طيب ماشي
(سحبت رنا ايدا ورجع عمر مسكا بقوة)
عمر: بدي اسالك سؤال
رنا: شو
عمر: انتي ماسالتي حالك ليش قبلت درسك شهر وليش حاولت اتقرب منك
رنا: امبلا سالت حالي
عمر: حابة تعرفي الجواب
رنا: طبعا
عمر: لأن بحبك
رنا(مصدومة بس بنفس الوقت خجلانة ومبسوطة)…
عمر: يلا نامي وارتاحي وانا كمان راح نام

(وقبل مايناموا اجا شب وحطلن برغل ومي وراح)

عمر: بعرف انك جوعانة وعطشانة بس بلا ماتاكلي او تشربي شي بلكي حاطين شي فين)
رنا: هو هيك

#يتبع.... 👻🙊

#الحب_المُرعب
#الجزء_العاشر_والاخير
#ward_handosh

____بعد ماعتمت الدنيا اجا الشب يلي اتفق معو عمر___

الشب: ليك يادكتور عمر بكرا العصر ازا ماكانوا المصاري بالمكان يلي اتفقنا عليه ياويلك
عمر: طيب خلص ماشي

(طلعو عمر ورنا وهنن عم يركضوا وضلو اكتر من تلت ساعات عم يركضوا وكل شوي بتوقف رنا وبتقول تعبت وعمر بيحاول يشجعا ليوصلو للطريق العام)
رنا: حاج حاج تعبتتتت
عمر: رنوش ضل شوي ومنوصل ع الطريق العام
رنا: (تنهدت) ماشي خلينا نكمل
عمر: يلا

(كملو عمر ورنا لحد ماوصلو الطريق العام وعدت سيارة ووقفوا وطلعو فيها ووصلتن ع المدينة… كانت المزرعة بعيدة حوالي تلت ساعات روحة بالسيارة.. فاضطروا يروحوا مشي…)
وهنن عم يمشوا
رنا: عمر
عمر: عيونو
رنا: اديش كان راح يربح يزن بعيوني
عمر: حسب علمي هنن بيربحوا ع العيون بين ال16 و20 مليون
رنا: ايوا
عمر: بس عيونك راح يكونوا اغلا من هيك بكتتتييير
رنا: ليش بقا
عمر(غمزا) لانن عيونك
رنا(خجلت) خلص بقا انضب
عمر(بصوت حنون) رنوش انا اسف ع كلشي عملتو بس كنت حابب اتسلا ولحسن حظي وقعت بغرامك بس بوعدك انو ماراح عيدا
رنا: ولا يهمك قصص وراحت
عمر: بس نتزوج ماراح ارعبك ابدا خلص التوبة
رنا(مصدومة) ليش راح نتزوج؟
عمر: لك ايي شو شايفتيني عم اتسلا… لاتكوني مو موافقة ها
رنا: لا مين قال هيك
عمر: ههههه

(وصلو عمر ورنا عند العصر..)

ام عمر(حضنت عمر وصارت تبكي) : لك وين كنتوا يااولاد

ام رنا (حضنت رنا وصارت تبكي) لك وين كنتي ياروحي انتي


(عمر ورنا دخلو وماحكو شي ولما شافوا الشرطة فورا راحو حكولن ع الشي يلي صار وقدرت الشرطة تمسك يزن)



*بعد سنة*

رنا: عمر تعا شوف ابنك ماعم يسكت
عمر: لك رايح نام تعبان
رنا: بلا غلاظة انا تعبت ع قد ماحملتو اليوم
(ضلت تحكي وعمر ومارد عليها ف عرفت انو نام.. رغم انو ماكان نايم ..وبعد ربع ساعة رجع عمر قام واخد سليم من ايدا ونيمو فورا من شأن خانم رنا ماتزعل منو)

#____النهاية____ 🌸✨