لقتل ؟
ابو ايهم : انتو شو دخلكن بالجيران لك مين سمحلك تتعرفي عليها .
مايا : لحظة عمي انت يلي شو دخلك فينا و على مين منتعرف ما بكفي صار سؤالكن عننا مرة بالشهر و هلأ جاي تحاسبنا على مين منتعرف .
ابو ايهم : انتي روحي من خلقتي اصلا كل البلا من تحت راسك روحييي .
ام مايا : روحي حبيبتي .
مايا : اي رايحة .
ابو ايهم : مرت اخي اذا بدك شي بتتصلي فيني او باخواتي اذا بيلزمك علبة محارم بتقوليلنا ولا عاد تتعرفي على حدا و لا تقربي صوب حدا نحنا ما ناقصنا مشاكل .
ام مايا : ان شاء الله .
ابو ايهم : رح ابعت ايهم يضل عندكن يومين لبين ما يهدى الوضع .
ام مايا : اي يكتر خيرك .
ابو ايهم : يلا سلام .
ام مايا : مع السلامة .
_________________________________________

عيسى : احترامي سيدي .
تامر : شو صار معك يا عيسى .
عيسى : حسب تقرير الطبيب الشرعي ام يحيى مقتولة مخنوقة و في اثر اضافر على رقبتها .
تامر : اضافر ، طيب اديش الها ميتة ؟
عيسى : الها يومين تقريبا .
تامر : يومين ، طيب يا عيسى بدي تروح على شركة البترول مافي غيرها بالبلد ، وقت دوام الموظفين بتروح و بتسال عن شخص اسمو يحيى العامر .
عيسى : امرك سيدي بكرى وقت الدوام بروح و بسأل .
تامر : انصراف .
عيسى : امرك سيدي .

تامر : اثر اضافر القاتلة مرة و اكيد معها نسخة عن مفتاح البيت دخلت قتلتها و طلعت و من الخوف نسيت تسكر الباب ، بس مين ممكن تكون هي المرة ؟!
#ميتة_على_قيد_الحياة
#الجزء_الرابع
#بقلم_فتاة_من_ورق_بسمه_السباعي

*باليوم التاني ...

عيسى : احترامي سيدي .
تامر : شو يا عيسى .
عيسى : هي رجعتي من شركة البترول .
تامر : يلا خبرني .
عيسى : لبست مدني على اساس اني صديق يحيى العامر ، عرفت انو اليوم هو اليوم التالت ما اجا على الشركة و قدرت اعرف وين بيتو .
تامر : اليوم التالت .
عيسى : اي .
تامر : المرحومة الها ميتة تلت ايام هه شو هالصدفة يعني .
عيسى : بتشك فيه ؟
تامر : عمملي اسمو و روح على بيتو لازم يلتقى لو كان تحت سابع ارض .
عيسى : امرك سيدي .
_________________________________________

ام مايا : مايا قومي فطري .
مايا : بردانة ماما غطيني .
ام مايا : شبك حبيبتي .
*قربت من بنتي و حطيت ايدي على راسها حرارتها مرتفعة كتير .

ام مايا : ايهم يا ايهم .
ايهم : نعم مرت عمي .
ام مايا : مايا مرتفعة حرارتها كتير احكي مع ابوك خلي يجبلها دكتور .
ايهم : حاضر مرت عمي .
_________________________________________

نورة : شبك امي ليش زعلانة ؟
ام تامر : دايق خلقي اخوكي الو تلت ايام ما اجا عالبيت و بعدين مع شغلو يلي ما بيخلص .
نورة : معلش يا امي ادعيلو الله يوفقو .
ام تامر : والله عم ادعيلو بس ماعم يرتاح اخوكي بيضل بشغلو .
نورة : بس هو هيك مبسوط .
ام تامر : وانتي .
نورة : شبني انا ؟
ام تامر : ايمتا بدك تصيري متل باقي البنات .
نورة : بشو .
ام تامر : انتي فهمانة عليي منيح بشو بس فتحي هالمخ فتحيه لك كل العالم بيهمتو بحالهن الا بنتي همها تاكل و ما بهمها شي تاني .
نورة : رجعنا لنفس الموضوع .
ام تامر : هاد الموضوع ما رح يخلص لتنحفي .
نورة : معناها ما رح يخلص بحياتو ، انا طالعة على غرفتي .
ام تامر : اي طلعي .
_________________________________________

عيسى : يعني ايمتا غادر البيت ؟
ابو طاهر : اليوم الضهر طلع من بيتو هو و عيلتو و كان معهن شناتي سفر ، سألتو شو مسافر يا جار ما رد عليي .
عيسى : طيب يعطيك العافية .
_________________________________________

ابو ايهم : شو دكتور ؟
الدكتور : مرتفعة حرارتها الظاهر اكلة رعبة حاليا عطيتها خافض حرارة بس بدها تحليل دم ، هي الورقة كتبتلكن عليها التحاليل المطلوبة بس تطلع النتيجة ودولي ياها عالعيادة .
ابو ايهم : حاضر دكتور .
الدكتور : معافاية ان شاء الله ، بالاذن .
ابو ايهم : الله معك دكتور .
ام مايا : الله يعافيكي يا روحي .
ابو ايهم : قومي عمي خليني اخدك عالمخبر تعملي التحليل .
مايا : ساعديني ماما .
_________________________________________

تامر : معناها مقرر يسافر .
عيسى : اي .
تامر : اول ما يوصل عالمطار او عالحدود بتجييوه لهون .
عيسى : حاضر سيدي .
تامر : انصراف .
عيسى : امرك سيدي .

تامر : بدك تهرب يا يحيى بسيطة .

بعد مرور ساعتين ...

عيسى : سيدي .
تامر : خير ؟
عيسى : يحيى و عيلتو صارو عند الباب .
تامر : جيبوهن .

يحيى : خير شوفي ؟
تامر : شو لوين مسافر ؟
يحيى : ليش هالسؤال انا شو عامل ؟
تامر : بتعرف انو امك انقتلت .
يحيى : امي !
تامر : اي اتفاجأ كمان يعني ولا كأنو انت عرفان انو امك انقتلت و هربان .
يحيى : انا انا ما بعرف بهالشي .
تامر : ما عندك مجال غير انو تحكي .
*التفتت على زوجة يحيى كانت عم تفرك ايديها و ومبين على وجهها التوتر .
تامر : شو يا مدام .
نهال : شو ؟
تامر : ليش قلتلتي حماتك .
نهال : انا ؟!
تامر : لك اي اي لا تعملي حالك اتفاجأتي ، انت

ي دخلتي على بيت حماتك قتلتيها خنقتيها و خفتي و هربتي من البيت و بسبب توترك ما سكرتي الباب منيح و حكيتي لزوجك ومبين انو زوجك كتير مرضي لهيك قرر ياخدكن و يسافر و يكمل حياتو برا البلد .
يحيى : لا مو صحيح هالحكي مو صحيح .
تامر : صحيح مية بالمية ، و الدليل اضافر مرتك ، شو يا مدام بلاقيكي بلشتي بكي !
نهال : اي انا قتلتا .
تامر : شو السبب شو يلي خلاكي تقتلي حماتك ؟
نهال : لانو معها كتير مصاري و ما رضيت تحن على ابنها بولا ليرة تقاتلنا انا وياها و بالاخير صارت تصرخ لحتى ما حدا يسمعها حاولت سكتها حطيت ايدي على تمها لحتى تسكت صارت تصرخ اكتر حطيت مخدة على وجهها و بايدي التانية مسكتها من رقبتها بعد دقايق سكتت و ارتخت قتلتها بدون قصد والله بدون قصد .
تامر : حطيتي ايدك على رقبتها و بتقولي بدون قصد ! حتى في اثار اضافرك على ايديها .
نهال : اي اخدت السنسال يلي على رقبتها لهيك خرمشتها بدون قصد و اخدت من ايدها الاساور لما شفتها ارتخت و اخدت المصاري يلي بالبيت و طلعت .
تامر : وطلعتي مستعجلة من البيت وما سكرتي الباب .
نهال : ما بعرف انا بتذكر اني سكرتو بس يمكن ما طبق منيح .
تامر : وانت سيد يحيى اخدت سلفة من الشغل و بعت سنسال و اساور امك و قررت تهرب انت و مرتك المجرمة .
يحيى :.....
تامر : تفه عليك كرمال المصاري قبلت تنقتل امك ، يا عيسى .
عيسى : حاضر سيدي .
تامر : نزل هالاندال عالزنزانة و الاطفال خدهن على دار الرعاية لبين ماحدا يجي يستلمن .
نهال : لاااااااا بترجاك لا .
تامر : نزلهن .
عيسى : امرك سيدي .
_________________________________________

ابو ايهم : شو دكتور ؟
الدكتور : متل ما توقعت مايا انصابت بمرض (اليرقان) وهاد المرض بيجي بسبب الرعبة متل ما خبرتك او مي ملوثة ، هلأ رح اكتبلها على ادوية و شوية تعليمات لازم تتبعها .
_________________________________________

*بعد مرور اسبوع طلعت نتيجتي ناجحة و بمعدل عالي بس مرضي خرب عليي فرحتي .

ام مايا : الف مبروك يا روحي .
مايا : الله يبارك فيكي حبيبتي .
سارة : يلا اختي طيبي بسرعة مشان نعمل حفلة .
مايا : هههه ان شاء الله .
_________________________________________

ام تامر : ما خبرتني امي لشو عزمتنا عالمطعم ؟
تامر : لحتى خبركن الخبر يلي مستنيه من زمان .
ابو تامر : خير ؟
تامر : ارتفعت رتبتي بالشغل .
نورة : الف مبروك اخي والله فرحتني .
ام تامر : الحمدلله يا ابني الله يعطيك ليرضيك .
ابو تامر : معناها ماعاد الك حجة صار لازم نفرح فيك .
تامر : اي رح تفرحو فيني .
ام تامر : يا روحي انت من بكرى رح بلش دورلك على احلى بنت و اخطبلك ياها .
تامر : مافي داعي تدوري او تعذبي حالك .
ام تامر : ليش ؟
تامر : انا لقيتها للبنت .
نورة : عنجد اخي الله يسعدك .
ام تامر : ومين هالصبية يلي امها داعيتلها بليلة القدر ؟ انا بعرفها ؟
#ميتة_على_قيد_الحياة
#الجزء_الخامس
#بقلم_فتاة_من_ورق_بسمه_السباعي

تامر : انا لقيتها للبنت .
نورة : عنجد اخي الله يسعدك .
ام تامر : ومين هالصبية يلي امها داعيتلها بليلة القدر ؟ انا بعرفها ؟
تامر : لا ما بتعرفيها بس بتتعرفي عليها .
ام تامر : طيب احكيلي عنها .
تامر : صبية حلوة كتير واثقة من نفسها لما بتطلعي على عيونها بتنسي الدنيا وما فيها لونهن بذكروكي بالبحر .
نورة : شو اسمها ؟ وين تعرفت عليها ؟
تامر : اسمها مايا ، الصدفة يلي جمعتنا غريبة شوي بس كانت سبب برفع رتبتي .
ام تامر : بتعرف بيتها ؟
تامر : اي بعرف بيتها بعد اسبوع بتروحي لعندها و بتطلبيها .
ام تامر : ليش بعد اسبوع .
تامر : لانو لسا بدي اسبوع لحتى استقر .
ام تامر : على راحتك حبيبي المهم تكون مبسوط .
_________________________________________

بصباح اليوم التاني...

الدكتور : ما شاء الله صحتك تحسنت كتير يا مايا .
ام مايا : الحمدلله .
الدكتور : رح نوقف الادوية بس خليها متبعة الحمية .
ام مايا : اي ان شاء الله .
الدكتور : الحمدلله على سلامتها ، بالاذن .
ام مايا : الله يسلمك دكتور ، الله معك .

مايا : ماما .
ام مايا : نعم يا روحي .
مايا : ايمتا بدنا نروح نسجل بالجامعة .
ام مايا : بكرى حبيبتي ، بس هلأ ارتاحي مشان بكرى تصحي متحسنة عالاخير .
مايا : ان شاء الله .
_________________________________________

اية : كيفك نورة .
نورة : الحمدلله تمام انتي كيفك .
اية : منيحة و مبسوطة كتير .
نورة : شو السبب ؟
اية : السبب الرئيسي اني خطيبة عمر .
نورة : هههه وين الجديد .
اية : بتعرفي الله يبعتلك واحد متل عمر .
نورة : ان شاء الله .
اية : قررنا انا و عمر نعمل العرس الشهر الجاي .
نورة : اي بس هي السنة الاخيرة النا بالجامعة استني لتتخرجي .
اية : بتخرج على مهلي المهم هو تخرج .
نورة : اها الله يقدم يلي فيه الخير .
اية : تسلمي يا رب ، ليكي نورة عمر عم يبعتلي بحكيكي بعدين .
نورة : اوكي حبيبتي الله معك .

*سكرت تلفوني و وقفت قبال المراي

صباااحكن سعادة 💚✨
قصة اليوم: #ميتة_على_قيد_الحياة
.............
قراءة ممتعة🦋💙"
#ⴅÂÐЄĦÂ

#ميتة_على_قيد_الحياة
#الجزء_الأول
#بقلم_فتاة_من_ورق_بسمه_السباعي

الفضيلة والثروة ثقلان في كفّتي ميزان، لا يمكن أن يرتفع أحدهما دون أن ينخفض الآخر.

سارة : اهلين عمي تفضل .
ابو ايهم : نادي لامك بدي احكي معها .
سارة : حاضر عمي .

*رحت باتجاه غرفة امي قبل ما دق الباب سمعت صوت امي عم تبكي ، نقرت على الباب نقرات خفيفة .

سارة : ماما .
ام مايا : اي حبيبتي تفضلي .
سارة : اجا عمي وهلأ قاعد بالصالون بدو يحكي معك .
ام مايا : يلا طالعة .

*غسلت وجهي لحتى امحي دموعي بس القلب عم يبكي ، حطيت غطا على راسي و طلعت .

ام مايا : اهلا و سهلا سلفي .
ام ايهم : اهلين فيكي مرت اخي تفضلي قعدي .
ام مايا : خير سلفي شوفي ؟
ابو ايهم : انا و انتي و كل العيلة منعرف انو البيت يلي قاعدين فيه انتو هو بيت ابي الله يرحمو .
ام مايا : الله يرحمو .
ابو ايهم : يلي كان مسكتنا على قعدتكن هو اخي بس توفى اخي و انتي خلصتي العدة يا مرت اخي و انا و اخواتي بدنا ناخد ورتتنا من هالبيت .
ام مايا : شو يعني ؟
ابو ايهم : يعني بدكن تطلعو من هاد البيت .
ام مايا : وين منروح ؟ انا و بناتي وين بدنا نروح ؟
ابو ايهم : ما تشيلي هم مرت اخي في شقة فاضية بعمارتي بتعيشي فيها انتي و بناتك وما بدي منكم اجار .
مايا : انت و اخواتك بدال ما تقسمو الورتة حنو علينا و تركولنا هالبيت لك اموالكن ما بتاكلها النيران .
ام مايا : ماياااا روحي على غرفتك ما بدي اسمع صوتك .
ابو ايهم : لساتك صغيرة يا عمي ما تدخلي بهيك مواضيع .
مايا : صغيرة !
ام مايا : عم قلك روحي على غرفتك .
ابو ايهم : شو قلتي مرت اخي ؟
ام مايا : متل ما بدكن .
ابو ايهم : معناها ضبو تيابكن و انا بكرى ببعت شركة تنقل الفرش كلو على الشقة .
ام مايا : بس هاد الفرش لعمي ما نحنا جبناه .
ابو ايهم : ولو يا مرت اخي نحنا بدنا ناخد البيت بس ما رح ناخد الفرش هاد الفرش كلو الكن و حصتك انتي و بناتك رح تاخدوها من هالبيت .
ام مايا : الله يجزيك الخير .
ابو ايهم : بالاذن مرت اخي .
ام مايا : اذنك معك .
_________________________________________

ابو تامر : شو حبيبتي كيف جامعتك ؟
نورة : الحمدلله تمام .
ام تامر : يا ريت بس لو علاماتك على قد وزنك .
ابو تامر : لشو هالحكي ام تامر .
ام تامر : من قهري يا رجال مو شايف بنتنا كيف صايرة .
نورة : شبني ماما كيف صايرة يعني ؟ بعدين ما لقيتي تحكيني هالحكي غير عالاكل ؟
ام تامر : ايمتا حكيكي ؟ وقت ماعاد فيكي تتحركي من السمنة حكيكي .
ابو تامر : خلص ام تامر خلي البنت تعرف تكمل اكلها .
ام تامر : لمعلوماتك انت عم تضرها ماعم تنفعها ، الحمدلله .
ابو تامر : لوين رايحة كملي اكلك .
ام تامر : شبعت .

* رحت على غرفتي مسكت تلفوني و اتصلت بابني تامر .

تامر : اهلين امي .
ام تامر : كيفك حبيبي .
تامر : منيح الحمدلله .
ام تامر : رح تتأخر بشغلك اليوم ؟
تامر : اي والله يا امي عندي مناوبة ما رح ارجع للساعة 4 الفجر .
ام تامر : انتبه على حالك حبيبي .
تامر : امرك امي .
ام تامر : بأمان الله .

*الله يحميك يا ابني و يبعد عنك ولاد الحرام .

ابو تامر : ليش هيك زعلتي بنتك ؟
ام تامر : والله من قهري عليها كل الصبايا يلي بعمرها بيلبسو فساتين وهي ما بتقدر تلبس فساتين وكل ما بعملها رجيم انت بتخربلها ياه بدلالك الها .
ابو تامر : شو اعمل ما بقدر اقسى عليها بنظري لساتها طفلة .
ام تامر : الله يهديكن ، بتحب ساويلك كاسة شاي ؟
ابو تامر : لا بدي انزل عالمحل عالساعة 5 رح توصل طلبية الجنزات يلي وصيت عليها من يومين .
ام تامر : الله يقويك و يرزقك من عالي سماه .

*وقفت قبال المراية و الدموع ملت عيوني...
نورة : ليش هيك انتي يا نورة ليش هيك جسمك مو متل باقي البنات كيف بدك تتخصلي من حبك للاكل ، يا ربي والله مافيني اترك الاكل هو الشي يلي بفرحني و بخليني حب الحياة .

((اسمي نورة عمري 20 سنة عم ادرس صيدلة سنة تالتة وزني 98 و لساتو عم يرتفع و طولي 160 بحب الاكل كتير ما بقدر اتخيل يمر عليي يوم بدون ما آكل ، اخي تامر عمرو 26 سنة دارس حقوق و بيشتغل بالشرطة بستنى جيتو من الشغل لانو دايما بيكون مشتريلي كيس فيه كل الاكلات الطيبة يلي بحبها ))

ابو تامر : نورة .
نورة : نعم بابا .
ابو تامر : ما بدي ياكي تزعلي نحنا منحبك كيف ما كنتي و امك حكت هيك لانها مقهورة عليكي .
نورة : لا بابا مو زعلانة لا تخاف .
ابو تامر : الله يحميكي يا بنتي .
_________________________________________

مايا : يا ماما كيف بتقبلي تتركيلو البيت .
ام مايا : بنتي هاد مو بيتنا مو بيت ابوكي لحتى اقبل ولا ما اقبل .
مايا : بس هن عندهن مصاري ما بتاكلها النار و نحنا ابي يلي توفى و ما تركلنا شي كانو يتركولنا هالبيت مستورين فيه .
ام مايا : عمك رح يعطينا شقة بعمارتو نعيش فيها بدون اجار .
مايا : مبسوطة انو بدون اجار بدال ما يسجلها باسمك .
سارة : خلص يا مايا امك ما ذنبها ساعديها بضب التياب و بلا حكي لانو ما رح ت

ستفادي شي من الحكي .
مايا : الله ينتقم منهن بس .

((اسمي مايا عمري 17 سنة الكبيرة بين اخواني بعدي اختي سارة عمرها 15 سنة و الصغيرة اختي هنادي عمرها 10 سنين ، توفى ابي من 5 شهور تقريبا ابي عاش فقير و مات فقير و عمومي بدال ما يعوضونا قررو يرمونا بشقة بحجم علبة الكبريت ، امي من يوم يومها مسكينة و ما بيطلع بايدها شي اخواتها اخدو حصتها من ورتة ابوها وامها ما كانت ردة فعلها غير "الله يسامحهن" هيك الدنيا دايما بتقسى على الطيب و بتوقف جنب الخبيث يلي ما بيرحم))
_________________________________________

بصباح اليوم التاني...

نورة : اي اية انا صرت بالجامعة ، انتي وين ؟ اه اي شفتك شفتك .
اية : كيفك .
نورة : الحمدلله ، شو ليش تاخرتي فكرتك غايبة ؟
اية : لا شو غايبة بس كنت واقفة مع عمر .
نورة : والله ! اي بالهنا .
اية : الله يهنيكي و حرزي شو خبرني .
نورة : شو ؟
اية : يوم الجمعة رح يجي هو و اهلو يطلبوني .
نورة : اي مبروك .
اية : الله يبارك فيكي عقبالك .
نورة : شكرا .
اية : يلا هلأ امشي معي .
نورة : لوين ؟ عندي محاضرة هلأ .
اية : لك امشي بدي اعزمك على كيك بهالمناسبة السعيدة .
نورة : كيك على شوكولاه .
اية : اي على شوكولاه .
نورة : هههه معناها يلا خلينا نمشي ليش لهلأ واقفين هون .

((اية رفيقتي من الطفولة ربينا سوا و درسنا سوا ، وجهي احلى من وجهها بس يلي بميزها عني انو جسمها متل عارضات الازياء ، الكل كانت عينو على اية و بالنهاية هي اختارت عمر احلى شب بالجامعة و اغنى شب ، اما انا ما حدا كان يطلع فيني او يحكي معي الا اذا بدو دفتري لياخد الواجبات مني ))
_________________________________________

مايا : البيت وسخ كتير من وين بدنا نبلش الله لا يسامحك يا عمي .
ام مايا : خلينا نبلش تنضيف بغرفة النوم مشان نحط فيها تيابنا .
سارة : صحيح هالبيت صغير بس مضوي اكتر من بيت جدي .
ام مايا : الحمدلله .
مايا : اي قنعو حالكن انو هالبيت احسن و خليكن ساكتين عن حقكن .
ام مايا : خلص يا مايا بكفي ندب شو طالع بالايد يعني انبسطي بحياتك هلأ و فكري بدراستك و بس ، نسيانة انو السنة عندك بكلوريا .
مايا : لا مو نسيانة بس الله يهدي بالي لحتى اعرف ادرس .
ام مايا : امين الله يهدي بالك و بالنا يا بنتي .
هنادي : ماماااااااااااااا .
مايا : بسم الله شبها البنت ليش عم تصرخ .
ام مايا : شبك حبيبتي .
هنادي : في فارة ليكيها دخلت على قلب الخزانة .
سارة : فارة بدها كل هالصريخ طلعو من المطبخ انا بقتلها .

*صرنا نسمع صوت الخبط اختي سارة عن الف رجال .
سارة : موتي موتي يا فارة يا كلبة موتي .
مايا : هههه خلص بكفي هرستيها .
سارة : مشان ما تضلي خايفة ست هنادي .
هنادي : لا خلص انا مو خايفة هلأ .
سارة : الله لا يوفقها هالفارة الكلبة من وين اجت .
مايا : فارة كلبة ! ما علينا يلا خدي كيس و شيليها للفارة .
ام مايا : الله يرضى عليكن يا بنات خلونا نكمل تنضيف رح تغيب الشمس .
#ميتة_على_قيد_الحياة
#الجزء_الثاني
#بقلم_فتاة_من_ورق_بسمه_السباعي

*بعد اسبوع خلصنا تنضيف البيت رتبنا اغراضنا و استقرينا فيه ، انا بلشت دراسة منهاج البكلوريا كان عندي ايمان كبير انو بعلمي بقدر غير حياتي و حياة امي و خواتي للاحسن...

ام مايا : هنادي .
هنادي : نعم ماما .
ام مايا : شبك حبيبتي ليش زعلانة ؟
هنادي : اشتقت لبابا .
ام مايا : تعالي لعندي حبيبتي .
*حضنت بنتي و مسحت على راسها بحنية .
ام مايا : بابا فوق بالسما عايش حياة حلوة كتير و ان شاء الله منجتمع كلنا معو بالجنة ، ابوكي شايفك و ما بدو ياكي تزعلي .
هنادي : يعني هو بيشوفني اذا بكيت ؟
ام مايا : اي بيشوفك ، و بتتذكري هو كان يزعل لما يشوفك زعلانة و عم تبكي .
هنادي : اي بتذكر انا ما رح ابكي مشان ما يزعل .
ام مايا : الله يرضى عليكي .
_________________________________________

ام تامر : باقي ساعات لتبلش خطبة رفيقتك و بسبب وزنك لهلأ ما عرفانة شو بدك تلبسي .
نورة : عرفت شو بدي البس .
ام تامر : اي منيح عرفتي اينو بنطلون و بلوزة اخترتي ؟
نورة : هدول .
ام تامر : يا بنتي والله حارقتيلي قلبي الصبايا يلي من عمرك بيلبسو فساتين بهيك حفلات اسمعي مني و من بكرى بدك تبلشي ريجيم قاسي و انا يلي رح نظملك كلشي .
نورة : متل ما بدك .
ام تامر : ما حافظة غير هالجملة و بالاخير بتخالفيني .

*بعد ساعتين رحنا انا و امي على الصالة ، كانت افخم صالة بالبلد و احلى صالة تمنيت لو انا كنت العروس و هي الصالة صالتي ، دخلت اية و صرت اتأملها حلوة كتير و نحيفة كتير...

نورة : بتاكلي كتير كيف ما بتسمني ؟!
ام تامر : شو قلتي ؟
نورة : ما قلت شي عم احكي مع حالي .
ام تامر : قومي ارقصي مع هالصبايا شوي غيري جو .
نورة : لالا ما بدي خلينا مستورين .
مرح : يييي نووووورة كيفك .
نورة : اهلين مرح انا منيحة انتي كيفك .
مرح : مشتاقة شو ليش قاعد قومي نرقص مع ايوش شوفي شو طالعة حلوة .
نورة : لا معلش رجليي عم ي

وجعوني .
مرح : لك قومي بس شوي خلينا نفرح رفيقتنا ولو .
ام تامر : قومي بنتي .

*قمت وقفت جنب اية و على وجهي ابتسامة خجل كانت كل عيون العالم عليي بعرف بسبب شكلي و سمني مو بسبب جمالي ما قدرت ضل اكتر من خمس دقايق ، مشيت باتجاه طاولة امي و بطريقي سمعت صبيتين عم يحكو...
شوفي شوفي هي تقولي خزان مي مو طبيعية .
لا و قامت و رقصت مفكرة حالها حلوة تستحي على شكلها كلها عم ترج متل الجلي .
** ههه عنجد هاد الوصف كتير لابقلها عم ترج متل الجلي .

*قعدت جنب امي و عيوني مليانة دموع بس للاسف لازم ابقى للاخير لانو العروس رفيقتي المقربة و اختي يلي ما جابتها امي...بعد ساعة خلصت الحفلة قربت لعند اية لحتى لبسها اسوارة و باركلها .

عمر : عيوني ما شافت احلى منك .
اية : تسلم .
عمر : انا محظوظ لانو خطبت احلى و الطف انسانة بالعالم .
اية : و انا محظوظة لانو خطيبي احن انسان بالعالم .
نورة : مب مبروك يا عرسان .
عمر : الله يبارك فيكي .
اية : الله يبارك فيكي حبيبتي عقبالك .
نورة : تفضلي حبيبتي هي هدية خطبتك الله يسعدكن .
اية : يسلم ايديكي ان شاء الله بردلك ياها يوم خطبتك .
نورة : بالاذن .

*بيقولو الحب ما بيخبي حالو بس كمان الغيرة و الحزن ما بيخبو حالهن على قد ما كنت مبسوطة لرفيقة عمري على قد ما كان قلبي محروق على حالي .

تامر : اهلا وسهلا .
ام تامر : حبيبي رجعت الله يعطيك العافية .
تامر : الله يعافيكي يا ست الكل .
ام تامر : الك زمان راجع ؟
تامر : لا من نص ساعة .
ام تامر : معناها روح بدل تيابك لحتى سخنلك الاكل .
تامر : لا لا امي مافي داعي .
ام تامر : ليش آكل بالشغل ؟
تامر : لا بس حابب نطلع ناكل برا بدي غيرلها جو لنورة .
نورة : الله يخليلي ياك يا اخي رح اطلع بدل تيابي و برجع .
تامر : تمام .

*نسيت حزني و فكرة الريجيم طارت من مخي و الغزل يلي قالو عمر ل اية اعتبرتو جزء من شي مسلسل و قنعت حالي انو مافي حب غير بالمسلسلات و انو الحب الوحيد يلي بيبقى هو حبي للاكل .

ام تامر : كنت مفكرة احرمها من العشا و بلشلها بريجيم بس ما رح اخجلك اليوم .
تامر : يا امي شو تحرميها صحيح نورة رح يصير عمرها 21 بس عقلها لساتو عقل طفلة .
ام تامر : حتى لو عقلها عقل طفلة انا بدي بنتي تكون احسن و احلى بنت اليوم كانت خطبة رفيقتها اية و ما حدا حس بوجع نورة غيري .
نورة : انا جهزت .
تامر : معناها يلا خلونا نمشي مشان ناخد ابي من المحل .
_________________________________________

ابو هاني : تفضلي مرت اخي هي شوية اكل و مسكي هالقرشين مشان تصرفي منهن انا بهاليومين بستلم راتبي و برجع بجبلك كمان مصاري .
ام مايا : الله يعوض عليك سلفي كل قرش بعشرة .
ابو هاني : بدكن شي ؟
مايا : اي عمي انا بدي .
ابو هاني : شو ؟
مايا : انا السنة بكلوريا وبدي مصاري لازمني اساتذة يدرسوني .
ابو هاني : ليش شو عم تعملي بالمدرسة ؟
مايا : والله بالمدرسة ما بيشرحو متل ما بيشرح الاستاذ الخصوصي .
ابو هاني : ابن عمك هاني جاب التالت على المحافظة بدون ولا استاذ و انتي اعتمدي على حالك و ادرسي لحالك وشيلي فكرة الاساتذة من بالك انا بدي اصرف على بيتي و لا على اساتذتك .
مايا : هاد حقي ما فيك تحرمني لا انت ولا اخواتك منو .
ابو هاني : احترمي حالك انا و اخواتي كل واحد همو لفوق راسو ما ناقصنا ، سلام .
مايا : لك عمي عمي .
ام مايا : فوتي لجوا فضحتينا قدام الجيران .
مايا : امي ما بصير هيك ما بكفي لهلأ ما عطونا حصتنا من بيت جدي مصاريهن ما بتاكلها النيران و بيعطونا مصروفنا بالقطارة كأنو عم نشحدهن !
ام مايا : معلش يا بنتي الا ما ربك يفرجها .
مايا : يكون بعلمك انا ما بدي اساتذة وماني بحاجتهن بس عم اختبر عمي ، وحياة عيونك يا امي رح اخد حقك و حق اخواتي من بين عيونهن .
ام مايا : الله يحميكي يا بنتي روحي هلأ نامي مشان تصحي بكير تدرسي .
مايا : امرك امي .
_________________________________________

نورة : كتير حلو هالمطعم و اكلو طيب يسلمو ايديك اخي .
تامر : وايديكي حبيبتي .
ام تامر : تامر .
تامر : نعم امي .
ام تامر : ايمتا بدي افرح فيك و شوفك عريس .
تامر : ان شاء الله امي .
ابو تامر : امك معها حق حاجتك ابني دراسة و درست و شغل وعم تشتغل و راتبك عالي خلي امك تخطبلك .
تامر : لو سمحتو هاد الموضوع لا تحكو معي فيه حاليا همي الوحيد ترتفع رتبتي بشغلي و بعدين بفكر بالخطبة و الزواج .
ام تامر : الله يهديك يا ابني .

*بصباح اليوم التاني...

نورة : صباح الخير ماما .
*قعدت على سفرة الفطور و مسكت رغيف خبز .
ام تامر : صباح النور تركي من ايدك .
نورة : ليش ماما ؟
ام تامر : فطورك تفاحة و بس .
نورة : شو عم تحكي ماما انا صاحية جوعانة هلأ بموت بالجامعة اذا ما اكلت منيح .
ام تامر : غير هالتفاحة مافي ويا ويلك اذا بتاكلي شي غيرها بالجامعة .
نورة : امري ل الله رح اكل هالتفاحة احسن ما موت من الجوع .
#ميتة_على_قيد_الحياة
#الجزء_الثالث
#بقلم_فتاة_من_ورق_بسمه_السبا

حت على غرفتي عم ابكي .
ابو ايهم : اسمعي يا مرت اخي بنتك لساتها صغيرة وما بتعرف مصلحتها و تأكدي انو انا عم اعمل الصح .
ام مايا : الله يخترلها الخير .
#ميتة_على_قيد_الحياة
#الجزء_السادس
#بقلم_فتاة_من_ورق_بسمه_السباعي

تامر : شو ابي ردولك خبر الجماعة ؟
ابو تامر : اي اليوم حكا معي عم البنت .
تامر : شو قلك ؟
ابو تامر : قلي البنت بنتكن .
تامر : الحمدلله معناها وافقت .
ابو تامر : اي و بكرى رح نكتب الكتاب .
ام تامر : الف مبروك يا عمري .
تامر : الله يبارك فيكن .

*كتبنا الكتاب كنت حاسس انو في شي ما طبيعي مايا مو متل لما شفتها اول مرة...عملنا الخطبة كان حكيها قليل توقعتها خجلانة مني .

بعد مرور اسبوع...

تامر : مايا .
مايا : نعم .
تامر : شبك ؟ النا اسبوع مخطوبين وما سمعت منك ولا كلمة حلوة .
مايا :.....
تامر : احكيلي زعلانة من شي ؟
مايا : لا .
تامر : شو رأيك نطلع مشوار ؟
مايا : لا تعبانة مو قادرة اطلع .
تامر : طيب انا بدي امشي .
ام مايا : خليك تغدى هون صهري .
تامر : تسلمي مرت عمي بس خلي مايا ترتاح برجع بجي بعدين ، سلام .
ام مايا : الله معك .

ام مايا : لك ليش هيك عم تتعاملي مع خطيبك .
مايا : خلص ماما يلي بدكن ياه انتي و عمي صار هلأ لا تدخلي بيني و بين خطيبي .
ام مايا : ليش هيك عم تحكي معي ليش هيك صايرة نفسيتك .
مايا : بعد كل هالشي و بتسالي ليش خطبتوني غصب عني انتي و عمي دفنتوني بالحياة و بتساليني ليش هيك نفسيتك ، تركوني بحالي ماما تركوني بحالي يا اما رح اقتل حالي و ريحكن .
ام مايا : لا حول ولا قوة الا بالله .
_________________________________________

*دخلت على المطبخ ما قدرت قاوم الاكل بلشت اكل و اكل بدون وعي .
ام تامر : شو عم تعملي ؟
نورة : ماما انا انا
ام تامر : انتي شو ؟! لايمتا بدك تضلي هيك اخوكي رح يتزوج وانتي ما حدا تطلع فيكي و لسا الك نفس تاكلي بهالكميات .
نورة : ماما
ام تامر : ما بدي اسمع شي روحي على غرفتك ، الله يساعدني عليكي .

*طلعت على غرفتي و عيوني مليانة دموع ، قهرني حكي امي و انقهرت على حالي...رن تلفوني شربت مي لحتى ما يبين على صوتي و رديت .

اية : كيفك نورة .
نورة : الحمدلله انتي كيفك .
اية : بخير ، حبيبتي نورة اتصلت اعزمك على عرسي الاسبوع الجاية .
نورة : والله ! اي مبروك .
اية : بدك تجي
نورة : اي اكيد رح اجي .
اية : اوكي حبيبتي انا بدي اعزم باقي رفقاتنا .
نورة : بالهنا .
اية : الله يهنيكي و عقبالك ، باي .
نورة : باي .

*باليوم التاني رحت دور على فستان مشان عرس اية بس للاسف ما لقيت شي على مقاسي اشتريت قماش و قررت خيطها فستان لحتى ما حدا يتمسخر عليي .
_________________________________________

مايا : كيفك .
تامر : والله ما صدقت عيوني لما شفت اسمك عم تتصلي بس هلأ صدقت لما سمعت صوتك .
مايا : بدي شوفك .
تامر : اي بتحبي اجي لعندكن ؟
مايا : اي تعال خدني مشوار ضايق خلقي ما بدي ابقا بالبيت .
تامر : ماشي يا عمري جهزي حالك شوي و بكون عندك .
مايا : اوكي .

تامر : يا عيسى .
عيسى : امرك سيدي .
تامر : انا بدي اطلع شغلة ساعتين و برجع .
عيسى : خود راحتك سيدي .
تامر : اذا صار امر طارئ اتصل فيني بسرعة .
عيسى : امرك سيدي .
تامر : يلا سلام .

*طلعت من شغلي اشتريت باقة ورد وحطيتها بالسيارة ، كل التفاصيل يلي بتجمعني بمايا حلوة و بحبها ، وقفت تحت بيتها وبعد دقايق نزلت لعندي .

تامر : نورتي .
مايا : شكرا .
تامر : الورد هاد الك .
مايا : شكرا الك كتير حلوين .
تامر : رح اخدك على احسن مطعم بالبلد .

*ضلت مايا طول الطريق ساكتة بس انا كل شوي التفت عليها و ابتسملها لحتى وصلنا ....

تامر : تفضلي حبيبتي .
مايا : شكرا .
تامر : شو بتحبي اطلبلك ؟
مايا : عصير .
تامر : من عيوني .
مايا : تامر .
تامر : عيون تامر .
مايا : في كم شغلة بدنا نتفق عليهم .
تامر : احكي .
مايا : بعد اسبوع بيبدأ دوام الجامعة انت رح تسمحلي داوم ؟
تامر : انا بهمني ام ولادي تكون متعلمة .
مايا : يعني ؟
تامر : يعني بتداومي بشكل طبيعي و اي شي بتحتاجيه بتطلبيه مني انا وبس لاني رسميا انا زوجك .
مايا : شكرا الك .
تامر : على شو بدك تتفقي كمان ؟
مايا : انت بتحبني ؟
تامر : انا من اول لحظة شفتك فيها بلشت حبك ثقتك بنفسك و قوتك خلتني عطول فكر فيكي ، ولما خبرنا عمك انو قبلتي فيني كانت سعادتي ما بتنوصف ، بس انتي شكلك ما بتحبيني .
مايا : رح كون صريحة معك .
تامر : اي طبعا اهم شي بالنسبة الي الصراحة .
مايا : انا ما بعمري حبيت و لا بفكر بالحب ولما امك طلبتني انا عارضت بس عمي غصبني عليك و لما كتبنا الكتاب حسيت حالي اندفنت بالحياة .
تامر : وهلأ ؟
مايا : هلأ ما بعرف بس حاسة براحة من ناحيتك .
تامر : و حب ؟
مايا : ما بقدر قلك شي عن الحب حاليا سامحني .
تامر : رح اطلب الغدا لانو بدي ارجع على شغلي .
مايا : تمام .
_________________________________________

مضى الاسبوع و صار يوم عرس ر

فيقتي اية ، لبست الفستان بس ما كنت مبسوطة مشاعر الغيرة سيطرت عليي ، بكل رقصة لعمر و اية كانت عيوني تدمع و اتمنى لو اني محلها ، بس انا يلي ما سمعت كلمة امي و عملت ريجيم بستاهل النتيجة ...

*مضى شهور و تخرجت من الجامعة و قعدت بالبيت لانو نظرات العالم الي كانت عم تقتلني بسبب شكلي .
_________________________________________

تامر : ناقصك شي غيرو مرت عمي ؟
ام مايا : عذبت حالك صهري الله يحميك والله انت ماعم تخلي شي ينقصنا اصلا .
تامر : معناها بتسمحيلي شوف العروس ؟
ام مايا : لا ما بسمحلك ممنوع تشوف العروس قبل عرسها باسبوع فال ما منيح .
تامر : بكفي تعذبيني يا مرت عمي .
ام مايا : معلش مشان تشتقلها .
تامر : والله اشتقتلها اشتقتلهااااا سمعانتيني مايا اشتقتلككككك .
مايا : ههههه سمعانتك تامرررر .
ام مايا : خلص فضحتونا ، يلا صهري روح على شغلك ميسرة .
تامر : ماشي مرت عمي مقبولة منك هالتقليعة ، سلام .
ام مايا : الله يحميك يا ابني .

مايا : ليش ما خليتيني شوفو بس شوي .
ام مايا : مافي خليه يشتقلك .
مايا : طيب .
ام مايا : صرتي تحبيه بشوفك .
مايا : شهور وهو منيح معي كيف ما بدي حبو وهو حققلي كلشي بتمناه اي امي صرت حبو و كتير ، هو صار اغلى من روحي .
ام مايا : بس ولا مرة بينتيلو هالشي .
مايا : بخاف بينلو يبطل يحبني .
ام مايا : يلي بيحب مستحيل يكره ، بينيلو حبك و عيشو حياتكن .
مايا : الشي الوحيد المنيح يلي عملو عمي معنا انو غصبني على خطبتي من تامر .
_________________________________________

نورة : انا رايحة نام تصبحو على خير .
ابو تامر : وانتي بخير حبيبي .
ام تامر : وانتي بخير .

*طلعت على غرفتي وقبل ما نام قلبت شوي بالفيس ، لقيت في طلب صداقة و رسالة من نفس الشخص يلي باعتلي طلب صداقة فتحت الرسالة وانا عم اقرأها صارو ينزلو دموعي ...
#ميتة_على_قيد_الحياة
#الجزء_السابع
#بقلم_فتاة_من_ورق_بسمه_السباعي

*طلعت على غرفتي وقبل ما نام قلبت شوي بالفيس ، لقيت في طلب صداقة و رسالة من نفس الشخص يلي باعتلي طلب صداقة فتحت الرسالة وانا عم اقرأها صارو ينزلو دموعي ...

((مرحبا اسمي عماد انا شب كنت معك بالجامعة انسة نورة بعتت لكل البنات يلي اسمهن بيشبه اسمك على الفيس ما بعرف أي وحدة فيهن انتي نورة ، نورة البنت المهضومة الحلوة الرقيقة كنتي عم تدرسي صيدلة عيونك خضر و ناصحة شوي بس حلوة كتير ، شوفي صوري على صفحتي يمكن تتذكريني واذا انتي هي نورة يلي بقصدها بتمنى تردي عليي))

*نزلو دموعي من الفرحة ما كنت متخيلة في انسان بالدنيا يكون عم يفكر فيني و يدور عليي.... مسحت دموعي و رديت عليه .

((اي انا هي نورة يلي بتقصدها ، تذكرتك لما شفت صورك مع انو ولا مرة بحياتي الجامعية حكيت معك ، ممكن تقلي شو بدك ؟ ))

*سكرت تلفوني و نمت...و باليوم التاني فتحت تلفوني لشوف الرد .

عماد((الحمدلله انو لقيتك ، ما بدي منك شي انا معجب فيكي من زمان و حابب اتعرف عليكي اكتر))

*رديت عليه حكيتلو عن حالي و سألتو عن حالو ... بس للاسف كان مسكر ... رد عليي بعد ساعة و حكالي عن حالو و طلب صورة الي خجلت ابعت صورتي بسبب سمني اعتذرت و قررت ابدأ ريجيم قاسي .
_________________________________________

نورة : صباح الخير .
ابو تامر : صباح الورد تعالي افطري معنا .
نورة : صحتين انا رح افطر تفاحة وبس .
ام تامر : ليش خير ؟
نورة : قررت اعمل ريجيم قاسي .
ام تامر : انا بحلم ولا بعلم ! قرصوني لصدق انو هي نورة بنتي .
نورة : بدون ما نقرصك صدقي ، انا طالعة بدل تيابي بدي روح سجل بنادي .
ام تامر : ماعم صدق يا ابو تامر .
ابو تامر : صدقي ، قلتلك رح يجي يوم وهي تحس على حالها و تقرر تنحف حالها .
_________________________________________

تامر : والله ما مصدق ايمتا يمرو هالخمس ايام و تصيري مرتي و كحل عيوني بشوفتك .
مايا : لهالدرجة بتحبني ؟!
تامر : واكتر كمان .
مايا : اممم بتعرف .
تامر : شو ؟
مايا : وانا كمان بحبك كتير .
تامر : بعرف .
مايا : هههه شو عرفك .
تامر : اخر مرة شفتك فيها عيونك قالولي انك بتحبيني .
مايا : الله يخليلي ياك .
تامر : ويخليلي ياكي .
مايا : ماعم تسمحلي امي اطلع من البيت قال مشان ما شوفك .
تامر : هههه والله اشتقتلك ليش ماعم تصدق امك .
مايا : هي مصدقة بس قالتلي فال مو منيح .
تامر : لساتها بتامن بالمعتقدات القديمة انو فال مو منيح .
مايا : اي امي هيك ، يلا هن خمس ايام و بتشوفني و بتمل مني كمان .
تامر : مستحيل مل منك انتي احلى شي بحياتي .
_________________________________________

*سجلت بأحسن نادي و اتبعت حمية غذائية ، همي الوحيد انو انحف ويشوفني عماد بأحلى صورة لانو معجب فيني وهو اكيد اول و اخر حدا بيعجب فيني .

*مضيت الخمس ايام و صار يوم عرسي كنت مبسوطة كتير و بنفس الوقت زعلانة انو رح اترك امي و اخواتي ، عرسي كان احلى و افخم عرس و بنات عمي كلهن صارو يحلمو و يخططو يلبسو ب

دلة بتشبه بدلتي و يعملو عرس بيشبه عرسي .

تامر : تفضلي حبيبتي .
مايا : كل هاد ورد !
تامر : اي حلوين صح ؟
مايا : كتير حلوين .
تامر : بس انتي احلى منهن بكتير .
مايا : هههه
تامر : الله لا يحرمني هالضحكة .
مايا : الله يخليلي ياك .
_________________________________________

نورة : اية تزوجت و رح يصير عندها ولد عن قريب مرح و ايمان و نسرين كلهن نخطبو ، اخوكي تزوج بنت عمرها 19 سنة وانتي شوووو لساتك ببيت اهلك عم تحكي مع شخص وهمي انتي لازم تموتي يا نورة لازم تموتييييييييي .
*مسكت شفرة و بدي اقطع شرايني لحتى موت و ارتاح اصلا انا ميتة بهالحياة خليني موت عنجد و ارتاح .

ام تامر : نورة شو عم تعملي بنتي ؟
نورة : اتركيني ماما بدي موت بدي موووووت .
ام تامر : يا ابو تامر الحقني .

*انقذوني اهلي من الموت شالو كل الادوات الحادة من غرفتي و تركوني نام ، صحيت تاني يوم وشفت رسالة من عماد .

عماد (( اشتقتلك طول الليل ناطرك تحكيني ، انتي منيحة ؟ ))

نورة (( اي عماد انا منيحة بس نمت بكير شوي ، وانا اشتقتلك ))
*سكرت و بدلت تيابي و رحت عالنادي بشكل طبيعي ونسيت كلشي عملتو ليلة مبارح .

عماد (( ايمتا بدنا نلتقي ؟ حابب شوفك و اقعد معك ))
*شفت الرسالة لما رجعت من النادي...

نورة (( شو رأيك بكرى الساعة 12 الضهر بكفتيريا اسمها الزهور ))

*بالليل رد عليي عماد انو موافق .
_________________________________________

ابو تامر : بنتك متغيرة شوي بشوفها مبسوطة و شوي معصبة و زعلانة ، احكي معها ام تامر فهمي منها .
ام تامر : معلش هي عم تمر بفترة صعبة تركت الاكل اكتر شي بتحبو بهالدنيا توقع منها كلشي .
ابو تامر : طيب خير ان شاء الله ، بتوصيني بشي ؟
ام تامر : سلامتك حبيبي .
ابو تامر : يلا سلام .
ام تامر : الله معك .

* لبست احلى لبس عندي و تعطرت و طلعت من غرفتي .

ام تامر : شو لوين رايحة ؟
نورة : لعند اية .
ام تامر : ماشي حبيبتي لا تتاخري .
نورة : حاضر .

*رحت عالكفتريا قابلت عماد لاول مرة صرت احكي و اضحك معو كأني بعرفو من مية سنة ، كانو كل الناس عم يتطلعو فيي باستغراب ، اكيد عم يقولو معقول هالشب الحلو يقعد من بنت بهالشكل !! بس بيشوفو كيف رح انحف كرمال هالشب الحلو و صير متل عارضات الازياء .
_________________________________________

تامر : مبسوطة يا عمري ؟
مايا : البحر هو احلى مكان بجي عليه .
تامر : من اول يوم شفتك فيه صرت حب البحر كتير .
مايا : ليش شو علاقتي فيه ؟
تامر : لون عيونك متل البحر .
مايا : معناها لما تشتقلي تعال على البحر و تذكرني .
تامر : ما رح اشتقتلك .
مايا : ليش ؟
تامر : لانو ما رح خليكي تبعدي عني ولا لحظة .
#ميتة_على_قيد_الحياة
#الجزء_الثامن_الأخير
#بقلم_فتاة_من_ورق_بسمه_السباعي

*رجع اخي و مرتو من شهر العسل...

مايا : واو نورة نحفانة .
نورة : عنجد عم تحكي ولا مجاملة ؟
مايا : والله مبين عليكي نحفانة .
تامر : اي والله يا اختي مبين انو نحفانة كملي لتنحفي اكتر .
نورة : هههه اكيد بدي صير متل عارضات الازياء .
ابو تامر : ايمتا رح ترجع على شغلك ابني ؟
تامر : بكرى ان شاء الله .
ام تامر : معناها مايا بتبقى عنا و باجازتك بتروحو على بيتكن ابني بس طول فترة الدوام بتضل مايا عنا .
مايا : والله مافي داعي مرت عمو .
ام تامر : معقول مرت الغالي تقعد ببيتها لحالها ؟
تامر : حكي امي صح انا مرات بضل يومين بشغلي حاليا ضلي عند اهلي .
مايا : امركن .
ام تامر : تامر انا جهزت غرفتك الك و لمرتك طلعو ارتاحو هلأ و المسا رح تجي ام مايا و البنات يتعشو عنا .
تامر : الله يخليلي ياكي امي .
_________________________________________

*مضيت شهور و صار يبين عليي النحف اكتر و اكتر و عماد كل ما يشوفني يهنيني بقوة ارادتي و نحفي بسرعة و يتغزل فيني و مع هيك كانت عيون العالم ماعم تنشال من عليي وانا مع عماد ، بس ما هموني لانو انا و عماد صرنا نحب بعض و غير عماد ما حدا بيهمني .

*بيوم خلصت حكي مع عماد وصلتني رسالة على الفيس من حساب اسمو مجهول كان مضمون الرسالة...

((عماد عم يكذب عليكي هو ما بيحبك بس عم يتسلى فيكي هو عندو حبيبة بيحبها كتير و بيطلع معها دايما و اذا حابة تتاكدي خبريني لحتى ابعتلك اول ما شوفهن مع بعض ))

نورة (( انت كذاب عماد بيحبني الي وما بيحب حدا غيري ، ويمكن يلي عم تشوفها معو تكون اختو ، انت مين لحتى عم تخبرني وكيف بتعرف بعلاقتي مع عماد ))

*بعد ساعة وصلني رد...

مجهول (( انا بعرف كلشي و اسمي فاعل خير ، عماد ما مع اختو عماد مع حبيبتو وانا لما شوفهن مع بعض رح خبرك لتصدقيني ))

*ما صدقت الحكي وما رديت على مجهول و بقيت عم نحف حالي لحتى يشوفني عماد بأحلى صورة .
_________________________________________

مايا : تامر .
تامر : اي حبيبتي .
مايا : ايمتا بدك تجي من شغلك ؟
تامر : يمكن ما اجي اليوم حبيبتي عندي تحقيق .
مايا : بس انا و ابنك اشتقنالك .
تامر

تبلش تتحسن حطلها محامي و تقرير الطبيب النفسي رح يفيدها ليطالعها براءة خاصة انو عمر لساتو عايش .
تامر : رح اعمل جهدي و وكل احسن محامي المهم اختي ترجعلنا بخير و سلامة .
_________________________________________

*بعد مرور 3 سنوات ...

الطبيب : لازم تضل مداومة على هاد الدوا طول عمرها .
تامر : اي اكيد دكتور .
الطبيب : معافاية .

*مسكت ايد نورة و طلعنا من المصح .

تامر : الحمدلله على سلامتك اختي .
نورة : الله يسلمك ، اديش الي ناطرة هاليوم .
تامر : ونحنا كلنا ناطرينك .

*دخلنا على بيت اهلي...

ام تامر : يا روحي الحمدلله على سلامتك .
ابو تامر : نور البيت برجعتك يا حبيبة ابوكي .
مايا : الحمدلله على سلامتك .
نورة : الله يسلمكن يا رب ، هاد ابنك اخي ؟
تامر : هههه اي .
نورة : يا روح عمتك تعال لعندي .
مايا : روح سلم على عمتك ، قلها كيفك عمتو .
ياسر : كيفك عمتو .
نورة : يا عمري و بيعرف يحكي .
تامر : ما شفتي بنتي نورة .
نورة : يا عمرييي كمان صار عندك بنت .
مايا : هي نورة الصغيرة عمرها سبع شهور
نورة : ما شاء الله ربي يحميها و ان شاء الله هالنورة بتكون ايامها احلى من ايام عمتها نورة .
تامر : رح نترك نورة ترتاح و نروح على بيتنا بكرى منرجع منجي امي .
ام تامر : اي حبيبي الله معكن .
_________________________________________

مايا : الحمدلله انها رجعت بخير و سلامة .
تامر : نامو الولاد ؟
مايا : اي حبيبي نامو .
تامر : منيح معناها قومي بدلي تيابك خلينا نهرب .
مايا : هههه لوين نهرب ؟ بعدين يمكن تصحى نورة بغيابنا و تبكي .
تامر : اختك سارة ساكنة تحتنا هي و زوجها شو نسيتي ؟ منترك الباب مفتوح اذا سمعت صوتها بتطلع لعندها .
مايا : لا ما نسيت ، معك حق .
تامر : معناها امشي نسترجع ايام الخطبة والله مل قلبي من المقت .
مايا : ههههه و نسترجع حب ايام الخطبة كمان .
تامر : بحبك بايام الخطبة و ايام الزواج و بكل الايام وحتى لما صير تحت التراب رح ابقى حبك .
مايا : بعيد الشر عن قلبك .
تامر : يلا بدلي تيابك معك ربع ساعة او بلغي المشوار .
مايا : لالااا شو تلغيه خمس دقايق و بكون جاهزة .
تامر : شو هاد الصوت ؟ كانو نورة عم تبكي ؟
مايا : اي والله رح رجعلها نومتا و اجي .
تامر : خلص جيبيها لضرتك ما رح تنام لحتى نحنا ننام انسي المشوار .
مايا : ههههههه الله بيعين .

#ميتة_على_قيد_الحياة
#إنتهت
#بقلم_فتاة_من_ورق_بسمه_السباعي

مرات كتير منكون عم ننصح اقرب الناس النا لاننا زعلانين على حالتهن بس منكون عم نغلط لما منرمي كلمات بدون تفكير ما منعرف اديش بتأثر فيهن ، الامراض النفسية اخطر بكتير من الامراض العضوية و للاسف الامراض النفسية اسبابها البشر ، واجبنا نزين كلامنا قبل ما نحكيه حتى لو كان هالشخص قريب كتير مننا ، مرات الكلمة بتكون متل السهم بنص قلب الانسان يلي قبالنا ، قل خيراً او تجمل بالصمت ❤
#انتهت