قصة جديدة: #فارسي_لم_يكن_حلمي
.............
قراءة ممتعة🦋💙"
#ⴅÂÐЄĦÂ

#فارسي_لم_يكن_حلمي
#الجزء_الأول
#بقلم_فتاة_من_ورق

كنت قاعدة جنب امي وهي عم تعجن عجينة الخبز الساعة 3 الصبح...

ام رانيا : هبة ساعدي ابوكي بتشعيل نار التنور .
هبة : حاضر ماما .
شهد : ماما خليني اعجن معك .
ام رانيا : خلصت عجن اعمليهن هلأ شكل كرات مشان يسهل على ابوكي خبزن .
شهد : حاضر ماما .
ام رانيا : وينها رانيا ؟
شهد : لساتها نايمة .
ام رانيا : خلصي العجين و روحي صحيها رح يأدن الصبح .
شهد : حاضر .

*عيلتنا المتواضعة عايشين ببيت بيشبه علبة الكبريت ، ابي بيخبز و بيطلع الساعة 5 ببيع الخبز بس ليطالع اجار هالبيت و حق دوا اذا مرضنا من برد الشتا ، اسمي شهد عمري 17 سنة الصغيرة بين خواتي و الاكبر مني هبة عمرها 19 و اكبر وحدة فينا رانيا عمرها 21 ، هم ابي و امي يسعدونا لو بشغلات بسيطة ومع هيك كنا مرتاحين...

ابو رانيا : اسخن خبزة لشهودة العسل .
هبة :و انااا .
ابو رانيا : انتي هبة من الله لابوكي وهي اهلى خبزة .
رانيا : ايوا ايوا عم تدللن وانا نايمة .
ابو رانيا : يسعدلي صباحك يا اميرة ابوكي .
رانيا : الله يخليلنا ياك يا بابا .
ابو رانيا : رايح صلي و بيع هالخبز .
ام رانيا : الله معك الله يحميك ، يلا يا بنات خلونا نبلش تنضيف البيت .

هبة : دريتو رفيقتي اية انخطبت .
رانيا : الف مبروك حاجتا عم تتعذب و تشتغل بولاد اخواتها .
هبة : اي والله .
شهد : ومين سعيد الحظ يلي خطبا ؟
هبة : محمد بياع الحمص .
شهد : هههه بياع حمص يا حرام .
رانيا : اي اسكتي وحاج تضحكي بسخافة صاححلك يعني و قلتي لا .
شهد : اصلا يلي بدو يخطبني غني كتير و حلو و جذاب و متعلم و ابن عيلة و عندو فيلا و
هبة : ههههه على هالاحلام واحد بهيك مواصفات ما بطلع فيكي .
*ركضت و وقفت قدام المراية المكسور فردت شعري الدهبي و كملت حكي
شهد : واحد بهيك مواصفات رح يبوس ايدين ابوكي و امك ليوافقو يعطوه .
رانيا : اي كملي شطف البيت و بلا حكي فاضي قال يبوس ايدين ابوكي و امك .
ام رانيا : يا بنات هاتو شقف بسرعة عم تمطر و البيت تعبى مطر .
شهد : مطر يا الله اديش بحب المطر

*طلعت عالشارع و وقفت تحت المطر صرت اتطلع عالسما و اضحك ، الناس كلها عم تركض و تتخبى و انا بستنى المطر لوقف
تحتو .

ابو رانيا : فوتي عالبيت هلأ بتمرضي .
شهد : اجيت بابا شايف اديش حلو المطر .
ابو رانيا : اي اي يلا فوتي عالبيت .

*صوت قطرات المطر وهي عم تخبط بالدلو وكل غرفة فيها اكتر من دلو تفاصيل صغيرة كنا عم نعيشها رغم قساوتها بس كنا مرتاحين ، اجتمعنا كلنا حوالي سفرة الغدا يلي بتتكون من شوربة و خبز ، ضحكنا و مزحنا و هيك كانت عم تمضى ايامنا...

بلشت الشتوية و شهر بعد شهر زادت قساوتها طلع ابي من البيت مع ادان الفجر و تأخر كتير بهاليوم كان التلج معبي الدنيا طلعنا انا و خواتي لنتطمن عليه...

رانيا : يا عمو شفت ابي شي ؟
ابو محمد : شفتو الصبح راح قعد جنب بياع الحمص ليبيع الخبز .
رانيا : شكرا .
*مشيت وكملت سؤالي عنو .
عصام : اخت رانيا .
رانيا : اي اخي شفت ابي شي ؟
عصام : اختي ابوكي بالمشفى .
رانيا : شووووو ليش .
عصام : وقع على ضهرو واخدناه عالمشفى و عم يقولو الدكاترة انكسر ضهرو .
رانيا : خدني لعندو و بعدين روح جيب خواتي و امي .
عصام : امشي .

شهد : سلامتك يا بابا يا ريت انا ولا انت .
ابو رانيا : بعيد الشر عنك يا بنتي .
ام رانيا : موجوع ؟
ابو رانيا : اي كتير ماعم اقدر اتنفس .
هبة : سلامتك يا حبيبي .
ابو رانيا : لازم اطلع من المشفى ، رجعوني عالبيت .
رانيا : بابا قال الدكتور لازم تبقى كمان يومين .
ابو رانيا : انا هلأ ما بقدر اشتغل لهيك لازم اطلع المصاري يلي بدي حطا للمشفى انتو اولى فيها .
ام رانيا : لا تحكي هيك .
شهد : بابا صحتك اهم من الدنيا كلها .
هبة : يعني اذا نحنا ما عنا اخ مفكر مافي حدا يسندك انت خلفت تلت بنات احسن من مية رجال .
رانيا : حكي هبة صحيح ابي نحنا رح نشتغل محلك لتتعافى .
ابو رانيا : الله يرضى عليكون .
#فارسي_لم_يكن_حلمي
#الجزء_الثاني
#بقلم_فتاة_من_ورق

رانيا : هبة و شهد بتصيرو بتبيعو الخبز مكان ابوكن .
شهد : وانتي ما رح تجي معنا ؟
رانيا : لا انا اكبر وحدة فيكن و ما حلوة انزل وبيع الخبز لهيك رح اشتغل بالتطريز .
هبة : عند ام صالح ؟
رانيا : اي .
هبة : تمام معناها خلونا ننضف البيت مشان بكرا نبلش شغل .

*صرنا نشتغل انا و هبة مكان ابي ، الصبح نعجن العجين و نخبزو و بعدين نطلع لنبيع الخبز جنب محلات الاكلات الشعبية .

مجهول : اي شو هالخبز الحلو يا هيك الخبز يا بلاا .
هبة : شو قلة هالذوق هي .
شهد : هبة عطيني الساطور .
هبة : اي تكرمي اختي .
مجهول : لك شو ساطور ما ساطور اسفين خيتو ما بتلقو مزح .
شهد : معك 3 ثواني لتنقلع من هون يا اما رح امزح معك بالساطور .
هبة : هههه الله حيك شهودة .

ام صالح : معك يومين لتخلصي تطريز هالقطع .
رانيا : بس يومين قليل يا خانم .
ام صالح : اي معناها هاتيون و الله معك .
رانيا : لا لا شو هاتيون خلص من عيوني يومي

ن .
*حملت كيس القماش و طلعت كان فيه فوق ال20 قطة للتطريز و بلشت شغل فيون .

ابو رانيا : موجوع قلبي على البنات يا ام رانيا .
ام رانيا : سلامة قلبك يا روحي عشت طول عمرك عم تقدملن و فترة صغيرة و بتتعافى و هن بيرجعو بيتستتو لا تشيل هم .
ابو رانيا : ان شاء الله .
ام رانيا : يلا خليني طعميك الشوربة .

_______________________________________

كريم : مخنوق بدي اطلع من البيت .
ام كريم : بس يا ابني انت بتعرف
كريم : بعرف و مع هيك بدي اطلع يلي بدو يضحك يضحك ماعاد حدا يهمني ، يا عزيزة .
عزيزة : نعم يا بيك .
كريم : خلي صادق يجهز السيارة .
عزيزة : حاضر يا بيك .

*طلعت على غرفتي و بدل تيابي تطلعت على حالي بالمراية...
كريم : عمري 28 سنة و ماعم اتعود على حالي بهالشكل كيف الناس بدها تتعود عليي .
عزيزة : السيارة جاهزة يا بيك .
كريم : يلا نازل .

*طلعت من البيت و حطيت قطع الاسفنج على مقعد السيارة و قعدت .

صادق : لوين بتحب تروح يا بيك ؟
كريم : نحنا شي مرة رحنا على حارات عشوائية ؟
صادق : لا يا بيك .
كريم : اي خدني لهنيك .
صادق : بس يا بيك
كريم : بدون بس امشي صادق .
صادق : امرك يا بيك .

_______________________________________

شهد : ضروري كنا نضاعف الكمية
هبة : يا غبية ليكي اديش عم نبيع احسن اذا ضاعفناها .
شهد : اي بس والله تعبت .
هبة : اي تعبي شوي معلش لبين ما يجي فارس احلامك يلي ما رح يخليكي تشتغلي شي ابدا من كتر غناه هههه .
شهد : عم تتمسخري وليه .
هبة : اي عم اتمسخر يا جدبة بدك تتعودي .
شهد : لا ما رح اتعود وبكرا بتشوفي كيف رح يكون عريسي .
هبة : اي ان شاء الله .
مجهول : باديش الرغيف يا اختي

______________________________________

كريم : وقف السيارة هون .
صادق : امرك بس ليش ؟
كريم : بدي انزل اتمشي شوف هالحارة عن قرب .
صادق : تفضل يا بيك .
*صرت اتمشى بين الحارات و كل الناس عيونها عليي و عم يضحكو ومع هيك كنت عم ابتسم و كأني مو شايف شي .

_____________________________________

ام كريم : ابنك اصرّ يطلع من البيت .
ابو كريم : اي يطلع و انتي ليش زعلانة ؟
ام كريم : ما بدي ياه يزعل و ينكسر خاطرو من العالم هو شغل ماعم يقدر يشتغل بشهادتو بسبب حالتو .
ابو كريم : اي واذا يعني بيختنق بالبيت خليه يطلع بعدين انا ما بدي ياه يشتغل ليش شو ناقصو .
ام كريم : يا ربي يا ريتني رحت معو .
ابو كريم : انا عندي شغل هلأ سكري .
ام كريم : حاضر باي .
ابو كريم : باي .

_____________________________________

ام رانيا : الدكتور قال رح يطالعك بكرا بس بدك تضل متسطح شهرين .
ابو رانيا : يا رب فرجك .
ام رانيا : وكل الله يا ابو رانيا .

شهد : واخيرا خلصنا .
هبة : اي والله يلا رح ضب البسطة مشان نروح نشوف ابوكي .
شهد : ههههههه هبة هبة .
هبة : شبك شو هالضحكة .
شهد : تطلعي شوفي هاد شوفي .
هبة : شو هاد وين ؟!
#فارسي_لم_يكن_حلمي
#الجزء_الثالث
#بقلم_فتاة_من_ورق

شهد : تطلعي شوفي هاد شوفي .
هبة : شو هاد وين ؟!
شهد : ههههه هاد القزم يلي واقف هنيك .
هبة : ههههه تضربي استغفري ربك .
شهد : يا ماما ليكي جاي لعنا ولي ولي شكلو سمعني عم اضحك عليه خبيني وراكي .
هبة : الله ياخدك يا شهد .
كريم : مرحبا .
هبة : اهل اهلين .
كريم : ليش هالصبية متخبية وراكي هيك ؟
هبة : هي اختي الصغيرة وبتخاف تحكي مع العالم .
كريم : بس بتضحك عليون يعني ؟!
شهد : اسفة .
كريم : ما تتاسفي بس تاني مرة لما بدك تضحكي على شكل حدا ما تبينيلو و ما تأشري عليه .

*درت ضهري و مشيت بس ضلت ضحكة هالصبية عم ترن بادني...
كريم : يلا صادق رجعني عالبيت .
صادق : امرك يا بيك .

هبة : عجبك هيك سببتيلنا بهدلة .
شهد : اي شو اعملك اول مرة بشوف قزم ما قدرت امسك حالي من الضحك .
هبة : امشي لروح شوف ابوكي .
______________________________________

ام كريم : ابني حبيبي وينك لهلأ ؟
كريم : مشوار ، انا طالع على غرفتي .
ام كريم : اكيد حدا كسر بخاطرك يا روحي .

*مشيت و طلعت على غرفتي بدلت تيابي وانا عم فكر بهالصبية...
كريم : اصحى كريم مستحيل تقبل فيك ، انت قزم وهي حلوة حلوة كتير .

*مسكت دفتري و بلشت اكتب عنها...
كريم : يا من سلبتِ عقلي من اول نظرة و من اول ضحكة اشعلتي في قلبي نار إعجابي بكِ.......
_____________________________________

شهد : بابا اشتقتلك كتير ايمتا بدك ترجع و تنور البيت .
ام رانيا : بكرا رح نطلع .
هبة : الله يعافيك يا بابا .
ابو رانيا : وين اختكن ؟
هبة : بالبيت .
ابو رانيا : ليش ما اجت معكن فيها شي ؟
هبة : لا لا ابدا .
شهد : صارت تجيب قطع من عند ام صالح و تطرزهن .
ام رانيا : معناها يلا يا بنات ارجعو عالبيت .
شهد : بدي ضل جنب ابي شوي .
ام رانيا : اختك لحالها لهيك ارجعو يلا و بكرا بصير ابوكي بالبيت .
شهد : حاضر .
______________________________________

ابو كريم : انت بتعرف ما ع

ندي شي ببلاش .
ابو منير : بعرف قلي اديش بدك .
ابو كريم : مليون دولار .
ابو منير : شوووو كتير هيك .
ابو كريم : خلص معناها هالشركة رح تصير اقوى من شركتك اذا ربحو المناقصة و انت ولا شي .
ابو منير : خلص بس بدي 3 ايام .
ابو كريم : 3 ايام اذا بزيدو يوم ماعاد اخد شي و رح خلي هالشركة تربح.
ابو منير : سلام .
_____________________________________

رانيا : شبك ليش عم تبتسمي ؟
شهد : يا ريت لو كنتي معنا اليوم ، حزري شو شفت .
رانيا : شو ؟
شهد : شفت قزم ههههه
هبة : اي ومن كتر ما ضحكت اختك اجا القزم و بهدلنا .
رانيا : مجنونة شهد عنجد مجنونة .
شهد : مافي احلى من الجنان .
هبة : طيب قومي شيلي العشا ونامي مشان ما جننك عنجد .
شهد : اي يلا قايمة .
______________________________________

بصباح اليوم التاني...

كريم : يلا صادق جهز السيارة .
صادق : لوين بدك تروح يا بيك ؟
كريم : على نفس مكان مبارح .
صادق : يا بيك ما بدنا يتكرر معك نفس موقف مبارح .
كريم : انت ما دخلك يلي عليك توصلني يا اما بلاقي شوفير غيرك .
صادق : خلص يلي بدك ياه بصير .
*رحت لنفس المكان لشوف الصبية ، وقفت بعيد و صرت اتأملها ، لون شعراتها تحت الشمس و ملامحها البريئة نحفروا بعقلي و على قلبي ومستحيل انساهن .
_____________________________________

رانيا : الله لا يحرمنا من وجودك يا بابا .
ابو رانيا : الله يحميكي يا بنتي .
رانيا : انا رايحة ودي الشغل لأم صالح .
ام رانيا : الله معك .

ام صالح : اي منيح يعطيكي العافية .
رانيا : في شغل كمان ؟
ام صالح : اي في و هي اجرتك وبعد 3 ايام بكونو جاهزين .
رانيا : هي اجرتي بس قليل كتير .
ام صالح : اي هاتي الشغل من ايدك و روحي شوفي حدا يعطيكي اكتر .
رانيا : لا خلص كتر خيرك .
ام صالح : 3 ايام بس .
رانيا : حاضر .
*حملت الكيس كان تقيل كتير و مليان قماش والاجار كان قليل كتير بس كنت مبسوطة لاني عم ساعد اهلي .

شهد : اففف والله تعبت .
هبة : اي لا عاد تجي معي لك كل يوم بتحكي نفس الحكي .
شهد : اي شو اعملك طيب شي بتعب .
هبة : الله يساعدو ابوكي كيف كان يتحمل .
كريم : يعطيكي العافية .
شهد : هههههه هاد انت .
كريم : بدي اشتري من هاد الخبز .
هبة : اي اخي تفضل .
كريم : شكرا الك ، اديش بتريدي ؟
هبة : 50 ليرة .
كريم : تفضلي .
هبة : شهد روحي شوفي اذا في فكة عند ابو امين .
شهد : اي حاضر .
كريم : اسمها شهد .
هبة : عفوا ؟
كريم : ولا شي .

*فرحت كتير اني عرفت اسمها و رجعت عالبيت و كملت كتابة عنها...

بقيت شهرين روح شوفها من بعيد ولما قرب و اشتري خبز اتقصد اعمل هيك لشوف ضحكتها ، ضحكتها يلي بتنسيني همي و بعد كم يوم صرت لما روح شوف رجال ختيار محلها و كل ما روح شوف نفس الرجال...
#فارسي_لم_يكن_حلمي
#الجزء_الرابع
#بقلم_فتاة_من_ورق

بقيت شهرين روح شوفها من بعيد ولما قرب و اشتري خبز اتقصد اعمل هيك لشوف ضحكتها ، ضحكتها يلي بتنسيني همي و بعد كم يوم صرت لما روح شوف رجال ختيار محلها و كل ما روح شوف نفس الرجال قاعد على كرسي متحرك...

ام كريم : انا هلأ بدي افهم ابني وين عم يروح كل يوم الو شهرين ونص .
صادق : يا خانم كريم بيك بس بيتفتل بالسيارة .
ام كريم : لا انت عم تكذب انا شفت دفترو عم يوصف بنت شعرا اشقر ابني وين عم يروح ؟
صادق : بصراحة يا خانم البيك معجب بصبية ساكنة بحارة عشوائية و كل يوم عم يروح يشوفا من بعيد لبعيد ومرات بقرب و بيشتري منها خبز .
ام كريم : خلص فيك تروح .

كريم : عزيزة خلي صادق يجهز السيارة .
عزيزة : امرك يا بيك .
ام كريم : كريم .
كريم : نعم امي .
ام كريم : بدي روح معك .
كريم : مافي داعي امي صادق معي .
ام كريم : بدي شوفا .
كريم : مين بدك تشوفي امي انا هلأ مشغول بس ارجع منحكي .

*طلعت وشفت نفس الرجال...
كريم : يعطيك العافية .
عصام : ههه الله يعافيك .
كريم : بدي اسألك سؤال بس لو سمحت جاوبني عليه بصراحة .
عصام : تفضل .
كريم : مكان الرجال يلي قاعد على كرسي متحرك و عم يبيع خبز كان في بنتين .
عصام : هاد ابوهن من شهرين ونص انكسر ضهرو و صارو بناتو يبيعو خبز مكانو .
كريم : هو انشل يعني ؟
عصام : لا بس بدو شوية علاجات ليرجع يمشي وهالعيلة فقيرة كتير و الكرسي هاد واحد من الحارة تبرعلو فيه متل ما شايف هي حارة عشوائية و يا دوب كل واحد فينا يطالع حق لقمة الاكل .
كريم : شكرا الك .

*ضليت واقف لشفت اخت شهد جاية لتاخد ابوها ، لحقتن بدون ما ينتبهو و قدرت اعرف البيت...

كريم : صادق انت حكيتوشي لأمي ؟
صادق :........
كريم : رد لا تضل ساكت .
صادق : اي حكيت هي جبرتني احكي قالتلي انها شافت دفترك .
كريم : بكرا بدنا نوزع لهي الحارة اكل و مصاري .
صادق : بس اذا عرف ابوك
كريم : يعرف ما بهمني المهم هالناس تعيش .

رجعت عالبيت و كالعادة كانت امي ناطرتني لتحقق معي .
ام كريم : وين كنت هلأ بدك تفهمني كلشي .
كريم : خلينا نحكي بغرفتي .

ام صالح : ليش هدول ال5 قطع لسا مو جاهزين ؟
ر

انيا : والله يا خانم ما لحقت الكيس فيه فوق ال50 قطعة .
ام صالح : رح اخصملك نص الاجرة .
رانيا : بس هيك ما رح يبقى شي .
ام صالح : هاد الناقص تتشرطي عليي احمدي ربك اني عم اعطيكي شغل وانا ماني بحاجتك اصلا ، نفس الكمية اضافة لهدول ال5 قطع وبعد 3 ايام واذا كانت قطعة وحدة مو جاهزة رح قلعك وما رح اعطيكي اجرة .
رانيا : حاضر .

ام كريم : يا روحي انت شو رأيك اخطبلك ياها .
كريم : امي بدنا نضحك على بعض هي حلوة كتير وانا قزم قزم و هي مستحيل تقبل فيني .
ام كريم : بتقبل فيك انا بقنعها .
كريم : وكيف بدك تقنعيها ؟
ام كريم : خلص شو بدك انت انا بقنعها .
كريم : امي خلي الاحلام للنوم و خلينا نتقبل واقعنا .
ام كريم : بكرا خدني على بيت اهلها .
كريم : بكرا ما بقدر عندي شغل .
ام كريم : شغل شووو ؟
كريم : خلص شغل و بعد بكرا باخدك على بيت اهلها .
ام كريم : طيب ماشي .

*تاني يوم طلعنا الفجر انا و صادق و اشتريت اكل وفرقناهن بكياس و صرت حط بكل كيس مبلغ صغير اضافة للاكل و نترك الكيس عند كل باب بيت بهالحارة العشوائية و نمشي..

هبة : امي لقيت هاد الكيس عند باب البيت .
ام رانيا : شو هاد ؟
هبة : ما بعرف مسكر ولسا ما فتحتو .
ام رانيا : خلينا نفتحو و نشوف .
هبة : مين ممكن يعمل هيك ؟ وليكي في مصاري كمان .
ام رانيا : ما بعرف بس الله يكتر خيرو .
شهد : اكيد حدا بيعرفنا و متقصد يعمل هيك .
هبة : اي
ام رانيا : خلص ادعو الله يكتر خيرو يلي عمل هيك ولا توجعو راسكن بالتفكير ، هبة روحي ضبي الاكل .
هبة : حاضر ماما .
#فارسي_لم_يكن_حلمي
#الجزء_الخامس
#بقلم_فتاة_من_ورق

ام رانيا : شهد شوفي مين عم يدق الباب .
شهد : حاضر ماما .

*ركضت و فتحت الباب...

كريم : مرحبا .
شهد : ههههههه هاد انت شو جابك .
ام كريم : شو مافي تفضلو ؟
شهد : اهلا و سهلا تفضلو .
*كانت مرة مقدرة و اكابرية كتير دخلت هي و كريم يلي كان حامل معو باقة ورد و علبة شوكولاة .

ام كريم : بعرفكن عن حالي انا ام كريم و زوجة السيد اياد يلي غني عن التعريف لانو كل البلد بتعرفو .
ام رانيا : تشرفنا .
ابو رانيا : اهلين فيكي .
ام كريم : و بصراحة انا جاية اطلب ايد بنتكن شهد لإبني كريم .
شهد : ههههههه تطلبيني لكريم ههههه ما عم صدق .
كريم : هاد الورد الك انسة شهد .
*قرب و عطاني باقة الورد ورجع قعد عالكرسي و رجليه ما واصلين للأرض وبالنسبة الي بس عم اضحك .
ام رانيا : بكفي ضحك فضحتينا .
شهد : شو اعمل ماعم اقدر امسك حالي .
ابو رانيا : من البداية رح قلك يا اختي ام كريم الله يبعت لابنك بنت الحلال بس مو بنتي شهد .
ام كريم : طيب ممكن احكي مع شهد كلمتين لحالنا ؟
ام رانيا : اي اختي اكيد ممكن .

*قعدنا انا و امو لكريم بغرفة تانية .
شهد : تفضلي يا خانم عم اسمعك .
ام كريم : انا سمعت انو ابوكي بدو علاج ليقدر يرجع يمشي .
شهد : اي صحيح و اختي الكبيرة عم تشتغل لتجمع حق العلاج .
ام كريم : انا مستعدة ادفع كل التكاليف لعلاج ابوكي و كمان بشتري بيت لأهلك غير هاد البيت و بشتريلن محل و مهرك 10 الاف دولار بينحط بالبنك بس بترجاكي اقبلي بابني .
شهد : شو عم تحكي انتي ؟
ام كريم : بترجاكي والله ابني بحبك كتير و كاتب عنك كتير هو نظلم بحياتو بسبب شكلو بس انا متأكدة انو رح يسعدك و تسعديه .
شهد :...........
ام كريم : ببوس ايدك اقبلي كرمال اهلك ما كرمال حدا تاني .
شهد : انا ... انا بدي فكر .
ام كريم : اي اي فكري و خدي راحتك بس بتمنى توافقي كلمة موافقة رح تغير حياتك و حياة اهلك للاحسن .
شهد : رجعو بعد يومين بعطيكي جوابي .
ام كريم : ان شاء الله خير .

*رجعنا و قعدنا مع اهلي بس كان تفكيري كلو بحكي ام كريم ، لو وافقت على هالقزم رح تتغير حياتي للاحسن هو فيه المواصفات الموجودة بفارس احلامي الا الشكل ، يا ربي ساعدني .

هبة : هاد يلي شبعتي تمسخر عليه اجا يطلبك هههه فارس احلامك يلي كنتي تحكيلنا عنو بس ما قلتي قزم ههه .
رانيا : صحيح قزم بس والله مذوق كتير طيبة هالشوكولاة .
شهد : خلص بكفي مسخرة انتي وياها .

مضيو هاليومين بدو ما تغمضلي عين...

شهد : صباح الخير .
ابو رانيا : صباح الورد .
ام رانيا : صباح النور .
شهد : بدي احكي معكن بموضوع .
ابو رانيا : احكي .
شهد : اليوم رح تجي ام كريم لتاخد الجواب .
ام رانيا : اي ؟؟؟
شهد : انا انا موافقة .
ام رانيا : شووو
ابو رانيا : هي جبرتك اكيد شو حكتك ؟
شهد : لا بابا هي ما دخلا بس انا مقتنعة بكريم .
ام رانيا : بشو مقتنعة فيه ؟
شهد : هو قلبو طيب و انا هاد يلي بهمني .
ابو رانيا : شو عرفك اذا قلبو طيب .
شهد : انا هيك حسيت و احساسي ما بخيب ابدا انا موافقة على كريم و مقتنعة فيه و حاسة ما رح يجيني احسن منو .
ام رانيا : يا بنتي لسا عمرك 17 بيجيكي احسن منو بكتير .
شهد : خلص هاد قراري ومستحيل غير رأيي ، رايحة اعمل العجين .

كريم : حاسس انو رح ننخجل .
ام كريم : بس انا متفائلة .
كريم : امي انتي شو قلتيلا لما كنتو لحالكن ؟
ام كريم : ما قلتلا شي بس ا

نو انت معجب فيا .
ابو كريم : اذا وافقو بكرا منكتب الكتاب .
كريم : لا تستعجلو ولا تبنو احلام عالفاضي هالصبية مستحيل تقبل فيني .
ام كريم : انا جاهزة امشي كريم .

ام كريم : اي يا بنتي شو قررتي ؟
شهد : انا موافقة .
هبة : هه شو ؟!
رانيا : من كل عقلك !
ام كريم : الف مبروك يا بنتي ، كريم قوم عطيها الهدية .
*اجا كريم لعندي و عطاني علبة كان في بقلبها سنسال دهب حملتو وصرت اتأملو هي كانت اول مرة بحياتي بمسك دهب او بمسك سنسال بالاساس .
ام كريم : مهر شهد رح يكون بيت ملك و محل لتشتغلو فيه و مبلغ بالبنك هي حرة التصرف فيه ، و كريم طلب انو يعالج السيد ابو رانيا حتى لو بدو يطالعو برات البلد .
ام رانيا : بس
ام كريم : بدون بس شهد جوهرة و بتستاهل اكتر من هيك .

*كريم ما كان شكلو قبيح بس انا ما حبيتو وسبب موافقتي لتتغير حياة اهلي للاحسن .

كريم : شفتو شو حلوة .
ام كريم : انت مبسوط حبيبي ؟
كريم : اي مبسوط كتير هي اميرتي ما بس خطيبتي .

انتقلنا انا واهلي لبيت جديد بحارة مرتبة كتير و هادية ، فرش البيت و كبرو و اطلالتو هدول لحالهن بجيبو السعادة ، كل وحدة فينا الها غرفة لحالها اضافة لتياب جديدة كان حلمنا نلبس متلها .

هبة : رح شوف مين عالباب .
مريم : السلام عليكم ، هون بيت السيد ابو رانيا ؟
هبة : وعليكم السلام ، اي بس مين حضرتك ؟
مريم : انا الخدامة بعتتني الست ام كريم .
هبة : اي اهلا وسهلا تفضلي .
#فارسي_لم_يكن_حلمي
#الجزء_السادس
#بقلم_فتاة_من_ورق

رانيا : بسببك يا شهد طاقة الفرج انفتحتلنا .
هبة : خدامة و بيت و محل ما كنا نحلم نصير هيك بيوم .
شهد : انا رايحة نام .
رانيا : شو ما عاجبك الحكي ؟
شهد : عاجبني بس نعسانة .
*مشيت على غرفتي و طالعت صورة كريم و صرت اتأملها مشان اتعود عليه .

ام رانيا : حاسة انو اختكن مو مبسوطة .
رانيا : لا امي هي مبسوطة بس نعسانة .
ام رانيا : والله ما حدا بيفهمها غيري .

بلش ابي بالعلاج و صار يتحسن بسرعة ، وتحدد عرسي بعد اسبوع .

كريم : ماعم صدق انك قبلتي عزيمتي .
شهد : صدق .
كريم : شهد انا بحبك بحبك و بموت فيكي .
شهد : شكرا .
كريم : جبلتك هاد الخاتم هدية .
شهد : طيب شكرا .
كريم : معلش لبسك ياه ؟
شهد : اي معلش .
*نط من عالكرسي و نزل واجا لعندي و لبسني الخاتم .
شهد : شكرا .
كريم : كتير لابق لإيدك .
*رجع نط وقعد على الكرسي ، حركاتو كانت تضحكني غصب عني و بتوقع هو يعمل هالحركات قصدا ليضحكني .
كريم : شهد انا بعرف انتي ما حاببتيني و حاسس انك زعلانة
شهد : لا لا كريم .
كريم : انا بوعدك اعمل كلشي بفرحك وما ازعجك ابدا بس كوني رضيانة .
شهد : بشكرك كريم هاد من لطفك .

*كان كريم كل ما يجبلي هدية يجيب لخواتي معي ، ومضى الاسبوع واجا يوم عرسي ما قبلت اعمل عرس لحتى ما حدا يشوف كريم بس لبست بدلة و ساويت شعري و رحت على الفيلا يلي عايش فيها كريم كانت اشبه بالقصر بلشت اتأمل المكان...
ام كريم : يلا يا عرسان روحو على غرفتكن .
*تطلعت بأم كريم و ابتسمت .
كريم : تفضلي امشي من هون .
شهد : شكرا

دخلت على غرفتنا كانت مليانة شموع و ورد و في طاولة صغيرة عليها اكل الغرفة فخمة كتير كأنها غرفة ملك حجمها قد بيت اهلي الجديد .
كريم : انا انا ساويت كلشي لحالي زينتها بالورد و الشموع حتى كلشي فيها جديد .
شهد :.........
كريم : انتي زعلانة ؟
شهد : لا بس حاسة اني اشتقت لأهلي .
كريم : مع انو لسا ما الك ساعة تاركتيهن .
شهد : معلش تفكلي شعري ؟
كريم : اي اي اكيد معلش .
*قعدت على الكرسي و ركض كريم جاب كرسي و طلع وقف عليه .
شهد : ههههه
كريم : ما بوصلك .
شهد : يسلمو اول مرة حدا بفكلي شعري بدون ما يوجعني .
كريم : شهد انا حاسس انك زعلانة والله هيك حاسس .
*نزلت راسي و صارو ينزلو دموعي حسيت حالي مخنوقة .
كريم : عم تبكي شهد انتي عم تبكي لانو زوجك قزم ؟
*نزل من عالكرسي و وقف قبالي مع اني منزلة راسي بس هو قدر يشوف دموعي قرب و باس ايدي .
شهد : شو عملت كريم ليش بست ايدي .
كريم : ما بدي شوفك زعلانة و عديني ماعاد تبكي ليكي اذا وجودي بهالغرفة زاعجك بطلع منها .
شهد : لا كريم ما تطلع بس انا بدي فترة لحتى اتعود عليك .
كريم : انتي جوعانة ؟ لا تستحي هاد بيتك حتى خليت عزيزة تجهزلك اطيب اكل تعالي دوقيه .
شهد :........
كريم : طيب انا رح جبلك لقمة اذا عجبك الاكل بتجي بتاكلي .
*ركض وجابة اكل و طعماني ياه بايدو .
شهد : ههههه طيب كتير .

بلشت حياتي الجديدة مع كريم ، كريم يلي ما كنت متوقعة بحياتي اني صير قريبة منو كريم يلي ماكان من ضمن افكاري .

فتحت عيوني الصبح شفت كريم واقف ناطرني لاصحى .
كريم : انتي صحيتي ليكي جبتلك فستان حلو لتلبسيه بس هيك ما رح يبين عليكي شكلو لحظة لاطلع عالكرسي .
شهد : ههههه من ايمتا صاحي ؟
كريم : انا ما نمت طول الليل عم اتأملك ، عجبك الفستان ؟ اذا ما عجبك خزانتك مليانة فساتين .
شهد : عجبني كريم بس انا لسا ما صحصحت بدي قهوة .
كريم : اي رايح جبلك قهوة انتي اختاري فستان و

البسيه لكون رجعت .
شهد : ماشي .

صار الكل يدللني و يعاملني احلى معاملة كرمال كريم ، مضيت الايام و ابي فتح المحل و صار يشتغل فيه هو و امي وبالنسبة لخواتي رانيا و هبة انخطبو لأخين و رح يسكنو جنب اهلي .

عزيزة : الغدا صار جاهز يا خانم .
شهد : يلا رح انزل .

*نزلت و قعدت على السفرة كان ابو كريم و ام كريم قاعدين .
ابو كريم : يلا تفضلو بسم الله .
شهد : رح تاكلو بدون كريم ؟
ام كريم : لا مين قال .
كريم : انا هون شهد بس عزيزة نسيت تحط اسفنج على الكرسي .
شهد : ههههه اسفة ما شفتك ، طيب يعني وين المشكلة اذا عزيزة نسيت انا بطعميك بايدي تعال اقعد عالكرسي يلي جنبي .
كريم : رح اجي .
*نزل كريم من عالكرسي و مرّ من تحت الطاولة لوصل لجنبي .
شهد : يلا اول لقمة لكريم الامير .

*هي كانت اول مرة بحسس كريم بالاهتمام ، شوي شوي صرت خاف على زعلو و اهتم فيه كتير ونطلع كل يوم انا وياه نتمشى وطبعا كل مرة ارجع بباقة ورد ، بس كان سؤال دايما يخطر على بالي ابو كريم من وين عم يجيب كل هالمصاري اذا هو رئيس قسم بشركة ؟!
#فارسي_لم_يكن_حلمي
#الجزء_السابع_الأخير
#بقلم_فتاة_من_ورق

مشيت وانا طالعة على غرفتي سمعت صوت ابو كريم عم يحكي بصوت عالي بغرفتو قربت و صرت اتسمع يمكن اعرف سبب غناه...
ابو كريم : انا قلت مليون دولار ، لا لا مستحيل انزل ولا دولار ، لا تنسى انا عم خاطر بالشركة يلي متوظف فيها معك بس يوم لتفكر .

رحت على غرفتي و سكرت الباب وحطيت ايدي على قلبي من خوفي لا يكون حس عليي .
كريم : شبك ؟ ليش هيك خايفة ؟
شهد : ما مافي شي شو ما بدنا نطلع نمشي ؟
كريم : اي يلا .

ضل حكي ابو كريم عم يدور ببالي شو قصدو بجملة انا عم خاطر بالشركة يلي متوظف فيها ، انا لازم ضل وراه لافهم كلشي .

مضيو كم يوم هاديين وماعاد سمعت شي من ابو كريم .

ابو كريم : مليون ونص .
ابو منير : لا انت اكيد عم تمزح .
ابو كريم : انا قلتلك يوم وانت تأخرت 3 ايام و بتعرف انو هالمناقصة كتير مهمة و كتير رح ترفع اسم شركتك لو ربحتا .
ابو منير : طيب عطيني مهلة .
ابو كريم : يومين وبس ، يلا الله معك .
ابو منير : سلام .

والله ونقشت معك يا ابو كريم هي اخر مرة بعطيه رقم المناقصة و بس اخد المليون و نص رح سافر انا وعيلتي برات البلد ، قطع افكاري رنة تلفوني .
ابو كريم : اهلا ابو مرهف الغالي ، اي من عيوني ربع ساعة و بكون عندك .

شهد : كريم .
كريم : عيون كريم .
شهد : انا كتير برتاح لما بشوفك جنبي بحسك رح تحميني من الدنيا كلها و بنبسط لما بشوف ضحكتك انا باختصار بلشت حس اتجاهك متل ما بتحس اتجاهي .
كريم : هالحكي من قلبك ؟
شهد : اي من قلبي .
كريم : النا شهرين متزوجين لسمعت منك هالحكي يعني احتمال كبير بعد شهرين كمان اسمع كلمة بحبك .
شهد : بحبك
كريم : شو !
شهد : بحبك بحبك كريم .
*كان واقف جنبي وقت حكيت هيك فجأة لف عليي و حضني متل الولد الصغير .
شهد : هههه رح انزل لعندك لتحضني منيح .
*نزلت و وقفت على ركبي و حضني كريم ، ما كنت حاسة بكل هالحب بس الحنية هي يلي غلبتني ، حنيت عليه وقررت بادلو نفس مشاعرو حتى لو بس حكي .

ابو مرهف : يا اهلا يا اهلا ابو كريم .
ابو كريم : اهلا فيك يا غالي ، اكيد الموضوع يلي بدك ياني فيه عن الشغل .
ابو مرهف : اي اكيد .
ابو كريم : معناها احكي بسرعة و بلا مقدمات لانو انا بحب شغلي و بحب احكي فيه .
ابو مرهف : بدي رقم المناقصة .
ابو كريم : اي بس بتعرف انا
ابو مرهف : بعرف انت بتقبض على هالشغلة لانو فيها مخاطرة ، اديش دفعولك ؟
ابو كريم : مليون ونص .
ابو مرهف : واذا قلتلك بدفعلك مليونين .
*نصدمت من المبلغ انا اعلى مبلغ اخدتو مليون وهي اول مرة بطلب مليون ونص وهلأ ابو مرهف بقلي مليونين .
ابو كريم : موافق .
ابو مرهف : وبالنسبة للشخص يلي دفعلك مليون ونص ؟
ابو كريم : رح قلو ما قدرت جيب رقم المناقصة .
ابو مرهف : بكرا بكونو المصاري عندك .
*ابتسمت و حطيت ايدي بايد ابو مرهف و مشيت بعدا .

باليوم التاني و صلني شيك بالمبلغ وقتها بعتت رقم المناقصة لابو مرهف و بعد ساعات...

ابو كريم : تفضل .
ابو منير : تفضل شيك بقيمة مليون ونص .
*بطبع الانسان مافي شي بيملي عينو غير التراب اخدت الشيك وانا مبسوط هيك صارو 3ملايين ونص .
ابو منير : رقم المناقصة .
ابو كريم : تفضل .
*عطيتو رقم بخالف رقم المناقصة الاصلي .
ابو منير : بشكرك يلا سلام .
ابو كريم : سلام .

رحت و سحبت المبلغ يلي عطاني ياه ابو مرهف و رجعت بالليل و سحبت المبلغ التاني و خبيتهن بالفيلا .

بعد ايام...

مجهول : حضرتك السيد كريم ؟
كريم : اي انا كريم مين معي ؟
مجهول : بس حبيت خبرك انو ابوك انقتل .
كريم : شووو شو عم تحكي انت ؟ طيب وين انقتل فهمني .
مجهول : انقتل قبل ما يوصل على الشركة ، سلام .
شهد : كريم شوفي مين المقتول ؟
كريم : ابي بس ماعم صدق بدي روح شوف بعيني .
شهد : بدي روح معك ما بخليك تروح لحالك .
كريم : لا شهد ابقي هون .

طلعنا من البيت انا و صادق و لما وصلنا كانت الشر

طة مطوقة المكان و ابي متقوص براسو .
كريم : ابييييييي مين عمل هييييييييك فيه .
الضابط : بعد من هون ممنوع تقرب .
كريم : لك ابي هاد ابي .
الضابط : ممنوع تقرب شو ما بتفهم .
*رجعت وانا مصدوم ابي بحياتو ما كان الو اعداء مين قتلو وليش ؟

صادق : خلينا نرجع عالبيت .
كريم : صادق انت شو عم تحكي ابي مقتول قدام عيوني وبتقلي نرجع .
*نقلو ابي على المشفى و بعد ساعات استدعاني الضابط .

الضابط : هي الرسالة كانت بجاكيت ابوك .
*حملت الرسالة و بلشت اقرأها (( اخر شي كنت متوقعو يا ندل انك تغدر فيني وتعطيني رقم المناقصة خطأ بعد ما تاخد المليون ونص دولار بس رح اقتلك و اطفى النار يلي بقلبي يا حرامي ))
كريم : شو هاد ؟؟؟؟ شو حرامي و شو مناقصة ؟ انا ماعم افهم شي .
الضابط : من الواضح انو ابوك كان يعطي ارقام المناقصات الخاصة بالشركة يلي بيشتغل فيها لاشخاص و يقبض مصاري .
ابو كريم : طيب مين هالاشخاص .
الضابط : كرمال هالسؤال انا جبتك انت بتعرف
كريم : قبل ما تكمل حضرة الضابط انا ما بعرف شي عن شغل ابي وانا ما بشتغل اصلا بسبب شكلي متل ما شايف حضرتك انا قزم لهيك بدي روح ادفن ابي و التحقيق شغلتكن حضرة الضابط .
الضابط : نحنا رح نحجز على كل اموالو .

*حزن و قهر اضافة للصدمة حسيت حالي ضايع ، بلشت دور عن اثبات و عن المبلغ يلي مكتوب بالرسالة وللأسف يلي اثبتلي هالحكي لقيت اضعاف المبلغ المذكور بالرسالة بخزنة بغرفة ابي .

شهد : كريم لا تعمل هيك بحالك روق كرمالي .
كريم : انتي بتعرفي امي ؟
ام كريم : والله ما كنت اعرف كل ما اسالو كان يجاوبني انو المدير بحبو و بيعطيه مكافآت .
شهد : انا مرة سمعت ابوك عم يحكي بموضوع المليون يعني هالحكي صحيح كريم .
كريم : الشرطة رح تحجز على كلشي بس الاملاك يلي باسمي كلها من مال حرام شو اعمل فيها .
شهد : تبرع فيها لدار الايتام .
كريم : هي الفكرة المناسبة .
ام كريم : عميل يلي بريحك حبيبي ، انا معي ورتتي من اهلي رح اشتري فيها بيت و نعيش فيه .

بعد مرور اسبوع...

شهد : حبيبي .
كريم : عيوني .
شهد : انت صار لازم تشتغل ما حلوة نضل نصرف من ورتتة امك و بعد كم شهر كمان رح تزيد مصاريفنا ويصير بدنا حليب و حفاضات و
كريم : لحظة لحظة شو حليب و حفاضات شو يعني هالحكي
شهد : يعني رح تصير بابا كريم .
كريم : شو شو ؟؟؟ انا رح صير اب و يصير عندي ولد يحمل اسمي .
شهد : ههه اي ليش مستغرب .
كريم : والله كرمال هالخبر انا رح اشتغل شو ما كان المهم اشتغل و خلي ابني يعيش بعز .
شهد : انا عندي فكرة لتشتغل وانت مرتاح وبدون ما تسمع حكي من يلي حواليك .
كريم : شو ؟
شهد : افتاح مطعم و سمية مطعم الاقزام و حط اعلان بالجريدة بدك موظفين اقزام و هيك بتكسب ثواب تشغيلهن معك .
كريم : حلوة كتير هالفكرة بس
شهد : انا بساعدك لا تقول بس بمصاريي يلي بالبنك بشتري المحل و امك بتساعدنا شوي .
كريم : لولا وجودك جنبي انا ما كنت بقيت عايش لهاللحظة .
شهد : بعيد الشر كريم ، طيبة قلبك و حنانك عليي هن يلي خلوني حبك و صرت بس فكر بسعادتك .

*فتحت المحل و الناس اعجبو بالاسم و اعجبو بانو كل الموظفين اقزام و الزباين تزيد اكتر و اكتر وبرأيي السبب الوحيد انو الشغل حلال ومال الحرام ما بدوم لمتو كتير لأبي بس بضل بدعيلو ربي يغفرلو .

الضابط : انا جبتك سيد كريم لتعرف انو القينا القبض على الشخص يلي قتل ابوك .
كريم : واكيد رح يتحاسب .
الضابط : اي اكيد .
كريم : الله يعطيك العافية ، صحيح ابي غلط بس انا صلحت غلطو و هالشخص لازم ياخد حسابو .
الضابط : رح ياخد حسابو وبعد بكرا محاكمتو اذا بتحب تكون .
كريم : مين الشخص ؟
الضابط : ابو منير و اسمو عابد ال****
كريم : شكرا الك حضرة الضابط ، السلام عليكم .
الضابط : وعليكم السلام .

وبعد شهور...

كنا واقفين انا وامي عند باب غرفة العمليات وعيوني مدمعين من خوفي على شهد ، لحظات و طلعت الممرضة .
الممرضة : وين زوج المدام شهد ؟
كريم : انا .
الممرضة : انت ؟!
*طلعت و وقفت على كرسي وقلت بكل ثقة .
كريم : اي انا اقتنعتي ؟
الممرضة : هههه الف مبروك اجتك بنت متل القمر .
كريم : الحمدلله و شهد منيحة ؟
الممرضة : اي شهد بخير وشوي و منطالعهن .
ام كريم : الف مبروك يا ابني الله يجعلها من الصالحات .
كريم : امين .

*ضليت عايش على اعصابي لطلعت شهد من غرفة العمليات و ركضت حطيت كرسي و وقفت عليه و صرت اتأمل بنتي و اميرتي .
شهد : كريم
كريم : عيون كريم الحمدلله على سلامتك .
شهد : بنتنا حلوة
كريم : حلوة بس انتي احلى .
ام رانيا : يا عيني عالدلال يا عيني .
كريم : نورتي مرت عمي تعالي اقعدي عالكرسي .
ام رانيا : لا خليك واقف عليه والله ما بتنزل .
كريم : ما حلوة مشان واجبك .
ام رانيا : خلص حلفت والله ما بتنزل .
شهد : هههه الله لا يحرمني منكن .

#فارسي_لم_يكن_حلمي
#إنتهت
#بقلم_فتاة_من_ورق