#مذكرات_بحر
#الجزء_الأول
#بقلم_فتاة_من_ورق
قد نغيب كالغروب .. وقد يلهينا الزمن .. ولكن يبقى نبض القلب لا ينسى الأحبة.
بنظرات حزن عم اتأمل صور عرسي .. مكسور قلبي على حالي ؛ أنا الصبية يلي ترملت بعمر ال20سنة .. مكسور قلبي على الانسان يلي سميتو عمري .. عمري القصير راح بحادث سيارة من تلت شهور بعمر 25 سنة .. مكسور قلبي على إبني يلي تيتم وهو ببطني ...
زواجي بقي سنة .. هالسنة مرت متل نسمة الهوا السريعة ، كنا أنا و عمري ناطرين إبننا ، كل يوم نتخيلو و نتساءل يا ترى مين بيشبه ؟ و شو صفاتو ؟
___________________________________
#بقلم_فتاة_من_ورق
*بعد نص ساعة اندق باب غرفتي .. مسحت دموعي و خبيت الصور تحت المخدة ...
منال : مين ؟
ام علي : هي أنا بنتي .
منال : فوتي مرت عمو .
ام علي : ليش حابسة حالك بالغرفة صارت الساعة 4 العصر معقول كل هاد نوم ؟
منال : لا لا بس تعبانة شوي .
ام علي : خير حبيبتي عم يوجعك شي ؟
منال : لا الحمدلله بس شوية ارهاق .
ام علي : معلش يا روحي يمكن لانو قرب موعد ولادتك .
منال : ان شاء الله .
ام علي : قومي حبيبتي اجا عمك و حلف يمين ما بيتغدا لتجي تقعدي عالسفرة .
منال : حاضر شوي و بلحقك .
*بدلت تيابي و طلعت ...
ابو علي : كيفك بنتي .
منال : الحمدلله منيحة عمو .
ابو علي : قالتلي مرت عمك انك ما طلعتي من غرفتك طول النهار ، وهي تركتك على راحتك ما حبت تزعجك ، مع انو هي ما أول مرة بتحبسي حالك هيك .
منال : تعبانة شوي عمو .
ابو علي : وجعك نفس وجعنا و يمكن نحنا اكتر ، علي وحيدنا و فقدناه بلمح البصر ومع هيك صابرين و راضين بحكم ربنا و عم نحمد الله انو انتي و بنتنا غالية بألف خير .
منال : الحمدلله .
ابو علي : و بدي ياكي انتي كمان تحمدي ربك انو رح يجيكي ولد عن قريب يحمل اسم المرحوم ابوه .
ام علي : والله يا بنتي انا ام و ما رح تحسي بشعوري لحتى تولدي ؛ وقتا بتعرفي اديش محروق قلبي على وفاة ابني ، بس على طول بحمد ربي انو رح يجي ولد من ريحتو يحمل اسمو بحمد ربي اني رح ارجع شوف علي بابنو .
منال : اغلب حزني انو هالولد رح يخلق يتيم مو عرفانة كيف رح تكون نفسيتو لما يكبر .
ابو علي : انا جدو مستحيل حسسو انو يتيم طول ما انا عايش .
منال : الله يطول عمرك .
*قربت من مرت عمي و حضنتها ، حسيتهن عم يوصلولي رسالة انو مهما حزنتي نحنا حزننا اكبر ، حسيت بدهن ياني انا خفف عنهن ما هن يخففو عني ...
*بآمن انو العمر مجرد عدد ... عمري 20 سنة كانت ملامح الطفولة مسيطرة على وجهي بس من لما توفى زوجي حسيت حالي كبرت كتير ؛ بسبب حزني و مسؤولية ابني يلي رح احملها عن قريب ... حماتي و عمي اعمارهم بال50 بس من بعد الحادث كبرو 30 سنة ، شيبهن كتر و التجاعيد صارت واضحة اكتر من قبل على وجوههم ...
*حتى بنت حمايي غالية ...
**************************
بعد الحادث بشهر ...
غالية : بيكفي بكي منال ، البكي ما بيرجع اللي راح .
منال : كيف عم تطلبي مني هالشي هاد زوجي و حبيبي يلي راح لو بضل ابكي عليه سنة قليل .
غالية : زوجك راح و مع السنين بيخف وجعك و ممكن تتزوجي بس بالنسبة الي اخي يلي راح ؛ يعني ضهري انكسر ، يعني سندي و قوتي الوحيدة اختفت من هالحياة ؛ فقدان الأخ متل كأنك واقفة بنص غرفة ما الها حيطان يعني مافيكي تسندي ضهرك لو تعبتي .. الأخ ما بيتعوض بس الزوج بيتعوض لهيك ارحمينا ، بيكفي تبكي و تبكينا .
***************************
___________________________________ #بقلم_فتاة_من_ورق
طلال : مرت عمي قال بدك تحكي معي .
ام ياسر : اي ابني بدي اطلب منك طلب .
طلال : تفضلي .
ام ياسر : بدي منك تأجل عرسكن انت و هلال شهرين لبين ما تولد منال و تفك العدة ؛ مشان تكون جنب اختها بهاليوم .
طلال : طلباتك على عيني و راسي مرت عمي بس ما بدنا نأجل العرس .
ام ياسر : ليش ابني ؟
طلال : لانو النا سنتين مخطوبين لسا بدنا نأجل شهرين ؟! بعدين في خواتي بيضلو جنب هلال هن متل خواتها ، وفي انتي مرت عمي الله يطول عمرك اكيد رح تضلي جنب بنتك بهاليوم ، صح ولا غلط هلال ؟
هلال : طبعا صح .
طلال : ما رح نغير الموعد مرت عمي .
ام ياسر : طيب خير ان شاء الله .
طلال : هلأ عن اذنك بدي ارجع عالشغل .
ام ياسر : اذنك معك .
هلال : الله معك .
#بقلم_فتاة_من_ورق
ام ياسر : الله يعدمني ياكي .
هلال : ليش ماما ؟
ام ياسر : بدال ما توقفي معي بتوقفي مع خطيبك ، لك بدال ما تقولي بدي اختي معي بهاليوم بتشدي على ايدو ؟؟؟ مين قلك انو خواتو متل خواتك مييين ؟
هلال : ما بدي اكسر كلمتو امي ليش انتي ايمتا كسرتي كلمة ابي .
ام ياسر : بعمري ما كسرت كلمة ابوكي بس لما كانت امي تحكي كلمة كنت اخرس قدامها ، انبسطي هلأ بحالك بدون اختك .
هلال : اصلا اختي ما رح تحضر عرسي حتى لو خلصت العدة بكرا بتقلك لساتني حزنانة .
ام ياسر : روحي من وجهي روووحي قال ما بتحضر قال .
هلال : بس يا ماما
ام ياسر : قلتلك روحي من وجهي ما بدي شوهك باقي اسبو