#نور_عيني
#الجزء_الأول
#بقلم_فتاة_من_ورق

ام قيس : الف مبروك يا سلفي الله يسعدكم .
حمزة : الله يبارك فيكي مرت اخي .
ياسمين : تسلمي يا رب .
ابو قيس : يلا اخي خود مرتك و طلعو على بيتكن .
حمزة : امرك اخي .
ام قيس : الله يهنيكم يا رب .
حمزة : تفضلي ياسمين .

ام قيس : الحمدلله يا عمر زوجت اخوك عقبال ولادنا .
ابو قيس : الله يرضى عليكي لولاكي يا مريم ما كان طلع العرس مرتب هيك .
ام قيس : واجبي بيض وجهك يا سيد الرجال .

#بقلم_فتاة_من_ورق

حمزة : نورتي بيتك يا عروس .
ياسمين : منور بوجودك .
حمزة : سمعيني منيح يا ياسمين .
ياسمين : امرني .
حمزة : اخي و مرت اخي بتحطيهن بعيونك هدول بمقام امي و ابي الله يرحمهم ، انتي بتعرفي منيح انو اخي هو كان مسؤول عن حياتي كلها و مرت اخي هي يلي خطبتك و وقفت معي بكل لحظة .
ياسمين : رح حطهن بعيوني واعتبرهن عيلتي و بوعدك ما زعلهن بحرف .
حمزة : الله يرضى عليكي .

#بقلم_فتاة_من_ورق

*بصباح اليوم التاني...

ام قيس : سوسن استعجلي شوي ساعة عم تفرمي السلطة .
سوسن : اي ماما والله مستعجلة .
ام قيس : من هون لساعة لازم يكون الغدا جاهز مشان نطالعو على بيت عمك .
سوسن : اي اي حاضر امي .
ام قيس : مبارح بعرس عمك طلبتك ام محمود لابنها محمود .
سوسن : شووو ام محمود طلبتني .
ام قيس : اي .
سوسن : وشو قلتيلها .
ام قيس : قلتلها انو البنت عم تكمل تعليمها .
سوسن : لك اذا بكون متخرجة و متوظفة ما بقبل بمحمود شو هالعيلة وشو هالقرف .
ام قيس : سكتي كل الناس خير و بركة انا الحق عليي يلي حكيتلك ، كملي شغلك وانتي ساكتة شو هالجيل هاد .
قيس : شو هالريحة الطيبة يا امي جعت كتير .
ام قيس : يا روحي انت شغلة ساعة بالكتير وبيكون الغدا جاهز .
قيس : الله لا يحرمنا منك ومن طبخك .
ام قيس : الله يرضى عليك .
يارا : ماما جهزنا سلة الورد انا و حلا لخالتو ياسمين .
ام قيس : اي الله يرضى عليكن هلأ وقت بدنا نطالعلهن الغدا بتطالعو سلة الورد .
يارا : حاضر ماما .
سوسن : سلة ورد !!! ليش امي انتي بصباحية عرسك مين جبلك سلة ورد ؟
ام قيس : ستك ام ابوكي الله يرحمها جابتلي سلة ورد مع الغدا وانا بدي عامل ياسمين متل ما عاملتني ستك .

#بقلم_فتاة_من_ورق

اسمي سوسن عمري 18 سنة طالبة صيدلة سنة اولى ، اخي قيس عمرو 16 سنة ، اختي يارا عمرها 15 سنة و اختي حلا اخر العنقود عمرها 10 سنين ...

ابو قيس : شايفك جهزتي كلشي على حين .
ام قيس : اي ما لازم اتأخر عالعرسان .
ابو قيس : معك حق .
ام قيس : رح نطلع انا و البنات نوديلهن الغدا .
ابو قيس : الله يرضى عليكي .
ام قيس : سوسن جهزي سفرة بيتنا .
سوسن : حاضر امي .

#بقلم_فتاة_من_ورق

*حماتي انسانة منيحة كتير ومافي متلها حماية بالكون كلو كانت تعاملني كأني بنتها وانا اقتديت فيها و تطبعت من طباعها و قررت عامل سلفتي نفس المعاملة ... طالعت الغدا و دقيت الباب .

ام قيس : صباحية مباركة .
حمزة : الله يبارك فيكي مرت اخي .
ام قيس : تفضل الغدا سلفي .
حمزة : يسلم هالايدين .
حلا : عمو انا و يارا جبنا ورد لخالتو ياسمين .
حمزة : يا قلب عمك انتي رح نادي لخالتك ياسمين هي تاخد الورد منكن .
حلا : اي .
ياسمين : يا حياتي انتي و خواتك الوردات .
ام قيس : الله يبعتلك وردة احلى من بناتي و يرزقك صبيان يعبو الحارة ويصيرو عز لابني قيس .
ياسمين : الله يسلمك و يخليلنا ياكي .
ام قيس : يلا بالاذن .
ياسمين : اذنك معك .

#بقلم_فتاة_من_ورق

ياسمين : حمزة .
حمزة : عيون حمزة .
ياسمين : خدني شهر عسل .
حمزة : حبيبتي حكينا بهاد الموضوع من ايام الخطبة ما عطوني اجازة من الشغل غير اسبوع بسبب ضغط الشغل ، بوعدك باقرب فرصة رح اخدك شهر عسل و عوضك .
ياسمين : متل ما بدك .
حمزة : ضحكي لشوف ما بدي شوفك زعلانة انا وعدتك .
ياسمين : امرك .
حمزة : الله لا يحرمني من هالضحكة .

#بقلم_فتاة_من_ورق

بعد مرور شهر ...

ابو قيس : اهلا وسهلا اخي تفضلو .
حمزة : اهلين فيك اخي .
ام قيس : نورتو .
ياسمين : بوجودك .
حمزة : يا سوسن .
سوسن : نعم عمو .
حمزة : روحي جيبي صحون جايبلكن كنافة وبدي حليكن كلكن .
سوسن : اي من عيوني .
ابو قيس : بمناسبة شو بدك تحلينا ؟
حمزة : بمناسبة اني رح صير اب .
ابو قيس : الف مبروك .
ام قيس : هي الاخبار الحلوة يلي بتنسمع الله يتمم على خير .
ياسمين : امين الله يسلمكن .
ابو قيس : يا ام قيس روحي جيبي علبة الدهب .
ام قيس : اي من عيوني .
ابو قيس : بيوم عرسكن ام قيس اشترت النقوط و اشترت هالطوق قالت هاد لياسمين لما تخبرنا انها حامل .
ام قيس : حماتي الله يرحمها هيك عملت .
حمزة : الله يخليلنا ياكن ويرحم امي و ابي .
ابو قيس : امين .
ياسمين : يسلم ايديكن كتير حلو هالطوق .
ام قيس : الله يسلمك .
#نور_عيني
#الجزء_الثاني
#بقلم_فتاة_من_ورق

بعد مرور 9 اشهر...

سوسن : ما شاء الله بتجنن هالبنت .
ام قيس : الله يبيض ايامها و يسعدها بكل حياتها .
ياسمين : تسلمو يا رب .
ابو قيس : الله يحميها .
حلا : مام

قصة جديدة: #نور_عيني
............
قراءة ممتعة🦋💙"
#ⴅÂÐЄĦÂ

ص ساعة و حمزة بالعناية المشددة حالتو سيئة كتير ... الحادث كان مع شاحنة نقل بضائع الشاحنة ما تضررت كتير بس السيارة قلبت كذا مرة .

ابو قيس : اخي شد حيلك .
*حكيت مع اخي كان مغمض عيونو وشبه نايم ... بعد ثواني فتح عيونو و حكا بصعوبة .
حمزة : عع عمر
ابو قيس : نعم يا اخي .
حمزة : و وتين أمانة برقبتك .
*خلص اخي جملتو و توفى ...

#بقلم_فتاة_من_ورق

وفاة اخي كانت صعبة عليي كتير حسيت ضهري انكسر وفاة الاخ اصعب من وفاة الاب و الام ... خلص العزا دخلت على بيتي ركضت وتين لعندي وهي عم تبتسم ... حملتها و قعدتها بحضني و بإيدي صرت امسح على شعراتها بعد دقايق غفيت وتين بحضني .

*طفلة إذا ما كبر همّها بقلبها غسلته قطرات المطر وإذا زادت همومها محاها ضيّ القمر وبقبلةٍ صغيرة غفت ليلها وهجرت السهر ...
#نور_عيني
#الجزء_الثالث
#بقلم_فتاة_من_ورق

*بعد وفاة عمي و مرت عمي زاد دلالنا لوتين و زاد خوفنا عليها ... مهمتي كل يوم حممها و رتبها و مهمة قيس كل يوم يطالعها من البيت و مهمة يارا و حلا يلعبوها لحتى ما تحس بالوحدة .

بعد مرور 4 سنوات ...

صار عمر وتين 5 سنين ... انا صار عمري 23 سنة ابي فتحلي صيدلية و صرت اشتغل فيها ... اخي قيس صار عمرو 21 سنة عم يدرس هندسة سنة تالتة ... اختي يارا صار عمرها 20 سنة عم تدرس ترجمة ... واختي حلا يلي ماعاد اخر العنقود من بعد جية وتين صار عمرها 15 سنة .

#بقلم_فتاة_من_ورق

ام قيس : يا وتين فوتي عالبيت قيس رح يتأخر .
وتين : بدي استناه .
ام قيس : هههههه .
حلا : طيب شو رأيك انا اخدك عالسوبر ماركت اشتريلك ؟
وتين : لا بس قيس بياخدني .
يارا : لساتها قاعدة عالباب عم تستنى قيس ؟
حلا : اي والله .
يارا : وتين يا حلوة فوتي نلعب انا وياكي .
وتين : بس يجي قيس بفوت .
يارا : ههههه المشكلة انو قيس ما رح يجي لبكرا معقول تضل برا .
حلا : لو النا خبر بدها تعمل هيك كنت خليت قيس ياخدها معو .
يارا : من عقلك عم تحكي طالع مع رفقاتو رحلة كيف بدو ياخدها .
حلا : احسن شي اقعد جنبها .
وتين : حلا انا جوعانة .
حلا : شو رايك نفوت ناكل ؟
وتين : لا جبيلي سندويشة لهون .
حلا : هههه امرك .

*بقيت وتين طول النهار قاعد عند باب البيت عم تستنى قيس ...

#بقلم_فتاة_من_ورق

ابو قيس : ليش قاعدة هون ؟
وتين : قيس تأخر يا بابا .
ابو قيس : قيس ما رح يجي اليوم .
وتين : ليش .
*قربت من وتين حملتها و دخلت عالبيت .
ابو قيس : لانو راح مع رفقاتو و ما بيرجع لبكرا انتي لازم تنامي هلأ مشان يصير بكرا بسرعة و تشوفي قيس .
وتين : حاضر .

*نامت وتين زعلانة ... كلنا منعرف انها متعلقة بأخي قيس بس ما توقعنا لهالدرجة ..

#بقلم_فتاة_من_ورق

سوسن : كيفك ماما .
ام قيس : اهلا وسهلا يا روحي يعطيكي العافية .
سوسن : الله يعافيكي .
ام قيس : كيف كان يومك ؟
سوسن : والله تعبت كتير بدي جيب كمان بنتين يساعدوني .
ام قيس : الصيدلانية يلي معك ماعم تساعدك ؟
سوسن : دمها بارد كتير اذا قلتلها رتبي رف ادوية واحد بياخد معها ساعتين .
ام قيس : المهم بنتي بدي احكي معك بموضوع .
سوسن : احكي ماما .
ام قيس : بس تخلصي اكل منحكي .
سوسن : لا عادي احكي هلأ .
ام قيس : رجعت اتصلت اليوم ام جميل مشانك .
سوسن : يا الله هي المخلوقة ما بتفهم يعني انو مستحيل اخد ابنها .
ام قيس : يا بنتي والله هالعيلة اكابر و ابنهن متعلم .
سوسن : كلشي حكيتيه صح بس نسيتي انو قصير يعني اطول مني ب5سم بس .
ام قيس : انا ما بعرف شو بدك شي قصير و شي بشع وشي مو متعلم وشي فقير يا بنتي مافي حدا كامل .
سوسن : في حدا كامل و عم يدور عليي و رح يلاقيني و بكرا بتشوفي .
ام قيس : ان شاء الله يا بنتي ، الله يبعتلك واحد يكون متل ما بدك واحسن .

#بقلم_فتاة_من_ورق

باليوم التاني...

وتين : ماما اصحي يا ماما .
ام قيس : اي يا روحي صباح الخير .
وتين : طلع الضو و ما اجا قيس .
ام قيس : هههه لسا الساعة 6 الصبح ما بيجي هلأ .
وتين : يا ربي انا زعلت منو .
ام قيس : لا تزعلي حبيبتي هلأ منفطر و منطلع انا و انتي منستناه عند الباب .
وتين : طيب .

*طلعو البنات من البيت .. فطرنا انا و وتين و طالعتها تستنى قيس ... كل ما مرت سيارة توقف وتين تفكر انو قيس و لما تعرف انو مو قيس ترجع تقعد و عيونها دبلانة .

#بقلم_فتاة_من_ورق

مرح : لك حلا مو كأنو محل هالاكسسوارات جديد .
حلا : اي والله هالمحل قبال بيتنا وانا ما انتبهتلو .
سارة : انا كتير بحب الاكسسوارات خلونا نفوت نتفرج شو عندو .
حلا : لا انا بخاف اتأخر عالبيت هلأ امي بتزعل مني .
مرح : لك حلا المحل قبال بينك وخايفة تتأخري دقيقتين ما بيأخروكي .
حلا : طيب .

*فتنا عالمحل كان كلشي حلو و مميز وحتى ديكور المحل كان حلو كتير .

ايمن : اهلا و سهلا بالصبايا نورتو المحل .
مرح : تسلم .
ايمن : في ببالكن شي معين و لا بس حابين تتفرجو ؟
سارة : اليوم بس بدنا نتفرج .
ايمن : اعتبرو المحل محلكن .
حلا : هههه تضربي انتي وياها فايتين عهيك محل بدون ولا ليرة و ب

كل قوة بتقولي جايين نتفرج .
سارة : اي شو يعني حرام ولا عيب .
حلا : انا رايحة عالبيت باي .
مرح و سارة : باي .

#بقلم_فتاة_من_ورق

حلا : ههههه انتي لهلأ عند الباب ؟
وتين : اي .
ام قيس : اهلين حبيبتي اقعدي جنب وتين انا بدي روح جهز الغدا .
حلا : حاضر ماما .
وتين : انا زعلانة منو .
حلا : اي الحق معك لازم تحرميه من الطلعة من البيت .
وتين : تأخر كتييييير .
حلا : صح والله تأخر كتير .
وتين : اجااااا .
قيس : مرحبا شو مقعدكن هون .
حلا : واخيرا اجيت استلم جننتنا مشانك .
وتين : انا زعلت منك .
قيس : الاميرة زعلانة مني يا باطل ، ليش ؟
وتين : تأخرت كتير وما اشتريتلي .
قيس : تكرم عينك هلأ بس بسلم على امي و باخدك بشتريلك .
وتين : طيب .

*ضلت وتين طول اليوم ماسكة ايد قيس كأنها عم تقلو لا تتركني ... بعد هالقصة زاد تعلق وتين بقيس و اخي قيس كان يحبها كتير لانها طفلة و بيعتبر حالو هو رباها .

#بقلم_فتاة_من_ورق

حلا : ماما .
ام قيس : نعم حبيبتي .
حلا : بدي مصاري .
ام قيس : خلص مصروفك ؟
حلا : غير مصروفي بدي مصاري لانو فتح محل اكسسوارات جديد و بدنا نشتري من عندو انا و رفقاتي .
ام قيس : اي تكرم عينك بس الله يرضى عليكي بتشتري يلي بدك ياه بسرعة و بتطلعي .
حلا : امرك ماما .

*باليوم التاني طلعنا انا و رفقاتي من المدرسة و رحنا عالمحل ... اشتريت الي و لاخواتي و لوتين ...

ايمن : انتي مذوقة عرفتي شو تختاري .
*حملت الكيس و طلعت .

سارة : حلا رجعي لسا ما خلصنا نحنا .
حلا : بس انا اشتريت و خلصت مافي داعي ابقى باي .
مرح : عفكرة انتي صايرة جامدة كتير .

*كملت طريقي عالبيت ... بلشت لاحظ انو رفقاتي عم يتغيرو بقيو بالمحل ساعة يضحكو مع صاحب المحل و اشترو كيس صغير و طلعو ما عجبني تصرفهن لانو غلط و عيب و مو من اخلاقنا نضحك مع رجال غريب ... بلشت شوي شوي ابعد عنهن ... بس كل ما كون رايحة او راجعة من المدرسة يوقف صاحب المحل عالباب و يتطلع فيني .

#نور_عيني
#الجزء_الرابع
#بقلم_فتاة_من_ورق

*بعد شهر وانا راجعة من المدرسة...

ايمن : حلا .
*لما سمعت اسمي بصوت رجولي فكرت حالي عم اتخيل رجعت مشيت خطوتين ...
ايمن : حلا استني شوي .
حلا : عفوا !!! مين انت لتقلي استني ؟ ومن وين عرفت اسمي ؟
ايمن : انا سألت رفقاتك عن اسمك لاني معجب فيكي .
حلا : يا الله شو تافه .

*كملت طريقي للبيت عصبت منو بس عصبت من رفقاتي اكتر ... استنيت نص ساعة و مسكت التلفون و اتصلت بسارة .

سارة : الو .
حلا : كيفك سارة .
سارة : تمام وانتي كيفك .
حلا : انا مو منيحة ابدا .
سارة : ليش شوفي ؟
حلا : عطيتي اسمي لشخص غريب و بتسألي شوفي ! هي نهاية صداقتنا .
سارة : والله هو سأل اكتر من مرة عن اسمك اخر شي جاوبناه انا و مرح .
حلا : حتى لو سأل مليون مرة ما لازم تجاوبوه .
سارة : بدال ما تفرحي لانو معجب فيكي وعم يسأل عنك .
*سكرت التلفون و رحت على غرفتي صرت ابكي من قهري ...

#بقلم_فتاة_من_ورق

ام قيس : وتين .
وتين : اي .
ام قيس : روحي نادي حلا و قيس صار الغدا جاهز .
وتين : حاضر .

*اجتمعنا حوالي السفرة انا عيوني دبلانة من الزعل ...

ام قيس : حبيبتي شبك ؟
حلا : مافي شي ماما .
ابو قيس : اخدة علامة مو منيحة ؟
حلا : لا .
قيس : شكلا زعلانة من يارا لانو يارا انا سمحتلها تاخد من اغراضها .
حلا : هههه لا زعلانة من رفقاتي بس عادي بكرا منتصالح .
ام قيس : خير ان شاء الله .

#بقلم_فتاة_من_ورق

الساعة 10 بالليل ... بعد تفكير طويل قررت احكي لأخي قيس هو مو بس أخي ... قيس رفيقي و بيت سري ... رحت على غرفتو و دقيت الباب .

قيس : تفضل .
حلا : عم تدرس ؟
قيس : اي .
حلا : الله يوفقك ، قيس معلش احكي معك ؟
قيس : اي طبعا معلش فوتي .
حلا : بدي احكيلك انا ليش اليوم كنت زعلانة بس وعدني ما تخبر حدا من اهلك .
قيس : كنت عرفان انك رح تحكيلي وما بتخبي عليي شي ، بوعدك ، يلا احكي عم اسمعك .

*بلشت احكي كلشي صار معي من اول ما انفتح محل هالاكسسوارات ... خيبتي برفقاتي هي يلي وجعتني اكتر شي و دموعي صارو ينزلو ... تغيرت ملامح اخي قيس و العصبية صارت واضحة على وجهو .

قيس : خلص حبيبتي حاج تبكي رح فهمك شو تعملي .
حلا : اي .

#بقلم_فتاة_من_ورق

باليوم التاني طلعت من البيت متل ما قلي اخي و كالعادة كان صاحب المحل واقف عند الباب ... مشيت بدون ما اتطلع لورا ...

قيس : انت صاحب هالمحل ؟
ايمن : اي انا .
*قربت منو و مسكتو من قميصو ...
قيس : سماع يا كلب هي البنت بتكون اختي اذا مفكر مافي وراها رجال بتكون غلطان كتير و هلأ رح ربيك لتعرف كيف تتعامل مع بنات الناس .

*ضليت اضربو لحتى تعبا و جهو دم و اجتمعو اهل الحارة و بعدوني عنو ...
قيس : هي مو قتلة هي تنبيه بس بقسم بربي اذا بتتعرض لاختي مرة تاني او لأي بنت بهالحارة رح احسب الله ما خلقك .

#بقلم_فتاة_من_ورق

مرح : زعلانة مننا حلا ؟
سارة : يعني مافي داعي لكل هالشي بس قلنالو اسمك .

*تطلعت برفقاتي بقرف و درت وجهي ومشيت بدون ما رد

عليهن ... صادقت بنت جديدة و قررت انسى رفقاتي .

*بعد ما انتهى الدوام ... مشيت لحالي بدون رفقاتي و قبل ما وصل عالبيت انتبهت انو محل الاكسسوارات مسكر ... ابتسمت و كملت طريقي و تأكدت انو مهما كان الأخ عصبي و تعامل بقسوة بيبقى هو احن انسان على اختو و السند الوحيد الها ومافي بنت صادقت اخوها و عملتو بيت سرها و ندمت .

#بقلم_فتاة_من_ورق

ابو قيس : صحيح متل ما سمعت يا قيس انك عملت مشكلة اليوم ؟
قيس : انا ؟! لا ابدا مافي هيك شي ابي هي اشاعات .
*تطلع فيني قيس و غمزني ... ابتسمت وكملت اكلي وانا مرتاحة .
وتين : قيس يلا خدني على السوبر ماركت .
قيس : اي بأمرك انا .
وتين : احملني ما بدي امشي .
قيس : اي طبعا رح احملك الاميرات ما بيمشو .
يارا : مين قلك الاميرات ما بيمشو ؟
قيس : انا قلت ، يلا وتين .
وتين : يلا .
ام قيس : ههههه الله يحميكن .

#بقلم_فتاة_من_ورق

*بالسهرة اجتمعت العيلة كلها تتابع التلفزيون ...

يارا : ماما .
ام قيس : نعم .
يارا : تعالي معي انتي و سوسن بدي احكيلكن شغلة .
ام قيس : اي حاضر .

سوسن : شوفي ؟
يارا : في شب بدو يتقدملي .
ام قيس : مين هو ؟
يارا : معي بالجامعة عرفني عن حالو اسمو امجد ال**** و هالسنة خريج ادب انجليزي .
ام قيس : اي ؟
يارا : وما حكا معي شي غير انو بدو يتقدملي .
سوسن : اول شي عيلتو عادية .
يارا : بس هو كتير محترم .
سوسن : حلو ؟
يارا : استحيت دقق بملامحو بس كنظرة عامة يعني عادي .
سوسن : ما عجبني .
يارا : شو دخلك ما بدو يتقدملك الك و ما بهمني اذا عجبك ولا لا .
ام قيس : انتي شو رأيك فيه يارا ؟
يارا : بصراحة ماما هو مبين عليه محترم و رح يتخرج بمجموع عالي .
ام قيس : ولو اني كنت حابة تنخطب سوسن اول شي بس طالما عاجبك و عاجبتيه ما رح اقطع بنصيبك خليه يبعت اهلو .
سوسن : يلا اصلا وزيادة عليكي .
يارا : شو ؟
سوسن : ولا شي تصبحو على خير .
يارا : ماما ليش هيك حكت سوسن ؟
ام قيس : لا تزعلي منها اختك و بتعرفيها و بتعرفي شروطها .
يارا : امرك حبيبتي .

#بقلم_فتاة_من_ورق

*بصباح اليوم التاني ...

حلا : يلا باي ماما .
ام قيس : الله معك حبيبتي .

*طلعت من البيت انتبهت انو محل الاكسسوارات مسكر و معلق عليه ورقة (محل للبيع بالاضافة لرقم التلفون) ضحكت من قلبي و كملت طريقي .
#نور_عيني
#الجزء_الخامس
#بقلم_فتاة_من_ورق

*بعد اسبوعين تمت خطبة اختي يارا و امجد ... امجد شب محترم كتير و كل الناس مدحت منو ... لما يتطلع بأختي يارا ينسى الدنيا وما فيها مع انو شكل اختي يارا عادي كتير بس طيبتها هي يلي محليتها ...

سوسن : شو لهلأ عم تحكي معو ؟ مو كأنو طولتي .
يارا : خطيبي و مكتوب كتابنا لا عيب ولا حرام ليش عم تحاسبيني .
سوسن : لانو مو منيح الحكي الكتير بيمل منك و بتملي منو .
يارا : مستحيل مل منو لو بضل 10 سنين متواصلة عم احكي معو .
سوسن : انتي وياه اسخف من بعض .
يارا : لنشوف خطيبك بكرا .
سوسن : خطيبي ما بيشبه أي رجال رح يكون هاد متلي وما بيحكي غير الكلمة اللازمة .
يارا : شو عرفك فيه ؟
سوسن : بتوقع .
يارا : لنشوفو أول بعدين توقعي .
سوسن : ما تبلشي تشوفي حالك عليي لانك انخطبتي وانا لسا ليكي لو بدي انخطب لواحد حيلا متل أمجد كنت انخطبت من زمان .
يارا : أمجد حيلا ؟!
سوسن : اي فقير و شكلو عادي و عيلتو عادية و بدو يعيشك ببيت اجار و عندو 5 خوات بكرا بيجننوكي .
يارا : عمرو الفقر ما كان عيب و الشكل ربك خلقو ما حدا اختار شكلو و ما حدا اختار عيلتو و بمعاملتي انا بقدر اكسب خواتو لصفي المهم هو بيحبني و من اول يوم دخلت فيه عالجامعة سرقت قلبو هاد اهم شي عندي ، سوسن انتي وحدة معقدة وما بعرف ايمتا رح تخلصي من عقدتك تصبحي على خير .
سوسن : ما حدا غيرك المعقد .

#بقلم_فتاة_من_ورق

*بعد مرور 5 سنوات ...

وقفت قبال المراية لحتى رتب شعري ... صار عمرك 28 سنة يا سوسن بلشت التجاعيد تظهر تحت عينك و ماعاد اجاكي خطابين متل اول لإيمتا رح تضلي هيك ؟! معقول تبقي طول عمرك وحيدة !!!

ام قيس : يا سوسن ، سوسن وينك .
سوسن : نعم ماما .
ام قيس : لك افتحي الباب عم يندق والله ماعاد الي حيل قوم انا .
سوسن : وينهن حلا و وتين يفتحو الباب هن .
ام قيس : حلا بالجامعة و وتين راحت تاخد درس خصوصي عند معلمة الفرنسي .
سوسن : اهلا وسهلا اختي تفضلي .
يارا : كيفك حبيبتي .
سوسن : منيحة .
ام قيس : اهلا وسهلا يا عمري شو وينهن ولادك ؟
يارا : اخدتهن بنت حمايي عالحديقة تلعبهن بالمراجيح وقلت بجي لعندك بشرب فنجان قهوة على رواق .
ام قيس : الله يحميهن ، كيفو امجد ؟
يارا : يا عمري امجد بيطلع من دوامو بالمدرسة بيروح عالمعهد بيدرس خصوصي وبيطلع من المعهد بيروح على 3 بيوت بيدرس ولادهن خصوصي كمان و بيرجع الساعة 9 بالليل ما قدران يحكي .
سوسن : شو هاد زوجك ما بيشبع شغل و لم عملة ؟!
يارا : مين قلك عم يلم عملة راتبو يلي بياخدو من المدرسة كلو بيحطو اجار بيت و الباقي منصرفهن طول الشهر بيقلي انا عم اعمل هيك مشان تضلي

.
#نور_عيني
#الجزء_السادس
#بقلم_فتاة_من_ورق

حلا : توفيق !
ام قيس : اي توفيق .
حلا :....
ام قيس : احكي موافقة ؟
*هزيت براسي بمعني اي موافقة و رحت كمل دراستي ...

*توفيق شب مؤدب كتير اكبر مني ب5 سنين دارس ادارة اعمال ... هو كان رفيق اخي بالحارة بس ماعاد شفتو من لما كنت صغيرة .

*تمت خطبتنا انا و توفيق و اخي حدد موعد سفرو بعد خطبتي ب3 أيام ...

سوسن : رح تعيشي ببيت حماكي .
حلا : اي البيت فاضي ما فيه غير حماتي .
سوسن : الله يساعدك .
حلا : اختي لسا في سنة لعرسي بعدين حماتي كتير حبابي و رفيقة امك من زمان .
سوسن : اي بس رح تضلي تحسي هالبيت مو بيتك ، ليكي قوليلو يبيع بيت اهلو و يشتري شقتين صغار وحدة الك و وحدة لأمو .
حلا : مستحيل اعمل هيك شي .
سوسن : اي خليكي غبية متل اختك يارا .

#بقلم_فتاة_من_ورق

وتين : بكرا رح تسافر .
قيس : اي .
وتين : و انا .
قيس : شو انتي ؟
وتين : مين رح يهتم فيني .
قيس : في سوسن وفي امي وفي ابي وفي حلا .
وتين : بس حلا بعد سنة رح تتزوج و سوسن ما بتعرف ايمتا رح تتزوج كمان .
قيس : الله ييسر امرهن .
وتين : طيب الجامعات منيحة هون .
قيس : وتين خلص ما بتملي انتي ؟! انا اخدت قراري و رح سافر بعدين كلها كم سنة و برجع لهون يعني مافي داعي لكل هالمقت .

*بسبب صغر سني ما كنت قادرة عبر عن مشاعري ... صرت ابكي لانو الدموع هو الشي الوحيد يلي بقدر عبر فيه ... انا تعلقت بقيس من صغري لانو هو اكتر واحد حن عليي و دللني و اهتم فيني ولو سافر انا متأكدة انو رح افقد هالشي .

قيس : يا الله بلشنا بكي .
وتين : خلص رايحة ابكي بغرفتي .
قيس : وتين حبيبتي افهميني انتي لساتك طفلة بس لما تكبري رح تقولي قيس معو حق و بتصيري بدك تدرسي متلي ، ما رح تشتاقيلي لانو كل يوم رح اتصل احكي معك .
وتين : وعد ؟
قيس : اي وعد ، يلا هلأ روحي غسلي وجهك و نامي عندك مدرسة بكرا .
وتين : ايمتا رح تطلع من البيت ؟
قيس : الساعة 10 الصبح .
وتين : معناها بدي غيب مشان ودعك .
قيس : متل ما بدك .
وتين : تصبح على خير .
قيس : وانتي بخير .

#بقلم_فتاة_من_ورق

*سافر قيس و تركني ... بكيت كتير بس عمرو البكي ما فاد بشي ... لا رجع ابي و امي ولا منع قيس من السفر .

*بعد سنة تزوجت حلا و صار البيت فاضي كتير ... بلشت اكبر و اكبر و كان كل ما يجي قيس يقلي صايرة صبية ... انا عم اتغير بس هو لا ، لساتو حلو متل ما هو و قلبو طيب .

#بقلم_فتاة_من_ورق

بعد مرور 7 سنوات ...

*اليوم طبقت ال35 سنة ... اخر مرة اجاني خطابين لما كان عمري 30 هه هالزمن كيف عم يمضى رفضت اخر عريس لانو شكلو مو حلو و هلأ حتى اللي مو حلو ماعاد تطلع فيني .

*لبست فستان زهري و مشطت شعري و تركتو مفرود ... صار عمري 17 سنة صبية صغيرة بأول عمري و ما بعرف شي من هالدنيا غير بيت عمي يلي ربوني ... مبسوطة كتير اليوم رح يرجع الدكتور قيس يعيش هون لهلأ متذكرة انو باقي 4 أيام لعيد ميلادو بيطبق ال33 سنة و بيدخل بال34 .

ام قيس : لهلأ ما جهزتو يا بنات .
سوسن : انا جاهزة ماما .
وتين : و انا جاهزة .
ام قيس : ما شاء الله شو هالجمال يا وتين .
*ابتسمت بخجل ... وتين : الله يخليلنا ياكي ماما .
ام قيس : سوسن افتحي الباب اكيد هدول خواتك و ولادهن .
سوسن : اهلا وسهلاااا .
يارا : مرحبا .
ام قيس : اهلين حبيبتي .
حلا : مرحبا بس ما نكون تأخرنا .
سوسن : لا ما تأخرتو تعالو نرتب السفرة .
ام قيس : وينهم توفيق و امجد ؟
يارا : راحو مع ابي عالمطار مشان يجيبو الدكتور قيس .
ام قيس : يا عمري شو حلوة هالكلمة (الدكتور قيس ) .
سوسن : احسن شي عملو اخي انو اخد شهادة الدكتوراه بسرعة بيتوظف و براتب عالي .
حلا : يلا امي هلأ دورلك تدوريلو على عروس للدكتور .
ام قيس : يوم المنى .

#بقلم_فتاة_من_ورق

وصل قيس ... كل العيلة ركضت لعندو يضموه و فرحانين فيه ... انا واقفة عم اتأملو من بعيد ...

حلا : وتين ما بدك تسلمي على قيس ؟
وتين : الحمدلله على سلامتك .
*تطلع فيني و ابتسم ابتسامة باردة و بكل هدوء رد عليي ...
قيس : الله يسلمك .

*اجتمعنا حوالي سفرة الغدا ... قيس عم يحكي شو صار معو و عم يناقش عمي و صهوراتو وانا بس عم اتأملو و حاسة مافي حدا غيرو بالغرفة ... كنت مفكرة انو لما يرجع قيس رح يدللني متل أول و رح يفرح فيني و يقلي يا اميرة و يا حلوة بس هالشي كلو ما صار ...

#بقلم_فتاة_من_ورق

بعد مرور اسبوع ...

قيس : امي .
ام قيس : نعم حبيبي .
قيس : انا قررت اتزوج .
ام قيس : يا روحي انت ، من بكرا بدورلك على عروس .
قيس : العروس جاهزة مافي داعي تدوري .
ام قيس : من سعيدة الحظ ؟
#نور_عيني
#الجزء_السابع_الأخير
#بقلم_فتاة_من_ورق

بعد مرور اسبوع ...

قيس : امي .
ام قيس : نعم حبيبي .
قيس : انا قررت اتزوج .
ام قيس : يا روحي انت ، من بكرا بدورلك على عروس .
قيس : العروس جاهزة مافي داعي تدوري .
ام قيس : من سعيدة الحظ ؟
قيس : صبية عمرها 28 سنة كانت عم تدرس طب ببريطانيا ، تعرفت عليها من سنتين و

وج و يصير في بيناتنا ولاد .
قيس : شو قصدك ؟
مروى : قصدي تفضل خاتمك .
قيس : اي هاتي خاتمي بكرا اوراق طلاقك بتكون عندك .

#بقلم_فتاة_من_ورق

بعد مرور اسبوعين ...

*دخلت اعمل فنجان قهوة شفت قيس قاعد بالجنينة ... طالعتلو فنجان و طلعت ...

وتين : تفضل .
قيس : شكرا .
وتين : ايمتا بدك تبلش دوامك بالجامعة ؟
قيس : بعد اسبوع .
وتين : موفق .
قيس :....
وتين : قيس .
قيس : نعم .
وتين : من وقت تركتو انت و مروى ومو على بعضك .
قيس : لا عادي بس حسيتها كذبت عليي ما صارحتني بعلاقاتها كل هالسنين .
وتين : بتحبا ؟
قيس : كنت حبا بس هلأ لا .
وتين : قيس انا بحبك .
قيس : هه شو ؟
وتين : بحبك من لما وعيت على هالدنيا بحبك ، من وقت خطبت مروى لوقت تركتها و انا ما نشفت دمعتي ، بيوم خطبتك انت مو شايف حدا غير مروى بس انا مو شايفة حدا غيرك .
قيس : وتين بيني و بينك 16 سنة ، انتي بأول عمرك بس انا بلش الشيب براسي .
وتين : ما بيهمني انا ما بدي من هالدنيا غيرك انت ابي و امي و كل عيلتي .
قيس : لما رجعت من السفر و شفتك ابتسمت و تمنيت لو كنتي اكبر شوي لتقبلي فيني .
وتين : بس انا قبلانة فيك كيف ما كنت انا بحبك بحبك ليش مو مصدقني .
قيس : والله مصدقك .
*حطيت راسي على كتف قيس و لأول مرة بحس بالامان ...
وتين : قيس .
قيس : نعم .
وتين : انت نور عيني .
قيس : وانتي نور قلبي .

قيس خبر العيلة انو رح يخطبني ... فرحو بهالخبر اكتر من يوم خطبتو من مروى لانو هن ربوني و كبروني ... تزوجنا انا و قيس و عشنا ببيت اهلي ... ربي عوضني عن كلشي بشع بحياتي و تأكدت وقتها انو رب العالمين ما بياخد من العبد شي الا بيعوضو بشي احسن و بيسعد قلبو .

#نور_عيني
#إنتهت
#بقلم_فتاة_من_ورق❤