قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
انو يسعدهن المتفاعلين دايماً 😍💚 وهي قصة اليوم :
بـدايـة الـقـصـة..❤️
Link
0
3.3k
20:202018/07/29
Link
0
3.3k
20:202018/07/29
انو وهي قصة تانية اتسلوا فيها كمان😇💙

#الشيطان_يتبعني
لـ مال الشام
.............
قراءة ممتعة🦋💙"
#ⴅÂÐЄĦÂ
Link
0
3.4k
20:202018/07/29
#الشيطان_يتبعني
@rwayate
انا اسمي ماري… او بالاصح مرام… بس بما انو كبرت بأمريكا و دخلت المدارس مع طلاب اميركين ف استخدمت هاد الاسم الاقرب للطابع الغربي…
تزوجت امي وهي بعمر صغير 16 سنة… كانت غير مؤهلة لتجيب اولاد و لتأسس عيلة… اجت لهون ع امريكا وهي ما بتعرف ابي ابداً…الاهل تعارفو و اتفقو و جهزوها و بعتوها لعندو ليستقبلها هون
و بأول شهرين حملت بأخي حسام…
الله يرحمو
لما اجا حياة امي صارت جحيم ( حسب ما قالت)
و اكتشفت انها ما بتقدر تتحمل مسؤولية اطفال و رح توقف عن الانجاب… استمرت هيك لسبع سنين و بعدها جابت اختي جيسي ( جميلة) لان اتفقت هي و ابي يعطو علاقتهم فرصة جديدة و يجددو الحب بطفل جديد…
صار عمر حسام 13 سنة لما انا بلشت اتشكل برحم امي…
كان الخبر عليها متل الصاعقه…لان علاقتها بأبي كانت كتير بشعه… ومن سيء لاسوء و ما كان بدها منو اطفال… بس انا اجيت رغم عن هي الحياة القاسية.. و لإرادة إلهية غامضة..

احد الذكريات العالقة براسي من عمر ال 8 سنوات هو مشهد حسام وهو ميت…
كان شكل جثتو مخيف كتير…
منزوعة الاعضاء و الدم مصفى منها… كشفت التحقيقات لاحقاً انو كان عضو من مجموعة اسمها " عبدة الشيطان " هي عبارة عن جماعو بيعبدو الشيطان و العياذ بالله ... و قدموه تضحية و قربان للشيطان بالعالم السفلي بارادتو الكاملة… و بليلة اكتمال القمر كانت السهرة و المشروب هو دم حسام مخلوط بعصائر متنوعه لاتمام طقوسهم … ' هيك سمعت ' و لهاد السبب لليوم برفض شرب اي سوائل ( العصائر على اختلاف انواعها القهوة الشاي الحليب و اي شي تاني) كنا انا و جيسي بحالة رعب هستيرية و امي كانت عم تحاول تتماسك و تحتوينا.. و ابي كان منهار تماماً لان كان يحب حسام بشكل فظيع وما كان مسدء كيف و ايمت ابنو ضاع منو… ضلينا بنفس البيت لمدة شهر و ساءت علاقة ابي و امي كتير قررو انو الانفصال هو الحل الوحيد … و انتقل ابي ليعيش بولاية بعيدة عنا و يمسحنا من حياتو بشكل نهائي…

لبداية جديدة و لخوف امي علي انا و جيسي انتقلنا من بيتنا لبيت جديد… و حاولت تعطينا بداية جديدة و بمدارس جديدة و جيران جداد… كنا منخرطين بالمجتمع بشكل جيد و لغتنا ممتازة و حتى هيئتنا امريكية… بس الماضي ترك ندبه و اثر بشخصياتنا..
بعد سنتين من الحادثة تزوجت امي برجال امريكي (جاك) … تعرفت عليه بالمطعم الي عم تشتغل فيه… كان صعب علينا نقنعها انو ما حبيناه و ما ارتحنالو لانها كانت شايفه انها صغيرة ولسه بشبابها و انظلمت بزواجها من ابي…

جاك كان السبب بحالة نفسية صعبه دخلت فيها
كان شخص جشع… اناني… و مخيف…
وامي كانت اغلب وقتها بالمطعم تشتغل صباحي و مسائي لتقدر تأمن احتياجاتنا…

هي الظروف البشعة الي عشت فيها… اثرت ع نفسيتي بشكل كبير… لوقت ما صرت صبيه بعمر 18 سنه…

كنت قاعده بغرفتي الي نادر بطلع منها… عم اقرأ رواية ممتعه

سمعت صوت انفاس شخص تحت شباك غرفتي…. كانت انفاس متسارعة كتير…

فكرت حالي بتوهم… و كملت قراءة…
و فجأة سمت صوت… صوت شخص عم يحتضر او عم يتألم..
كان يأن بصعوبة كبيرة… و يكرر اسمي ببطئ… و ببحة مخيفة… ' مرام… '... ' مرام… '

تشنجت اطرافي… الصوت كان بيدل ع صوت مسخ…و صوت الانفاس كان عم يقرب كأنو عم يطلع عالشباك… بلشت تقرب مني اكتر لدرجة حسيت برعشة

رميت الكتاب و سكرت البلور فوراً و نزلت البرداية… و طلعت من الغرفة ع غرفة جيسي..

مرام: جيسي… جيسي وينك

ما كانت بغرفتها… هاد الشي طمني انها ممكن تكون هي عم ترعبني…
جاك كان بالمطبخ عم ياكل و انتبه علي انو مرعوبه و عم دوربالبيت متل المجنونة…

جاك: بدك مساعدة؟؟

مرام: خليك بعيد عني… و بس

فتحت باب التواليت لاتاكد انها مو فيه… و ما لقيت حدا…
لفيت ضهري لاطلع… و فجأة سمعت صوت نفس بالتواليت… انفاس انسان…. انفاس متسارعه و عميقه…
نشف الدم بعروقي..

كان صوت الانفاس جاي من ورا ستارة البانيو (الدش)... نفس الانفاس الي سمعتها بغرفتي تماماً…
الستارة كانت سميكة… و مو مبين شو وراها… بس صوت النفس واضح…

مرام: جيسي؟؟ هاد انتي؟

قربت بخوف كبيرررر بس فضولي كان اقوى…

مرام: جيسي انتي هون؟

تشجعت… وقربت باتجاه الستارة… و صوت الانفاس كان يوضح اكتر و اكتر و انا رجلي ما عاد حملوني

مرام: جيسي بكفي لعب…

و بس صرت على بعد خطوة وحدة من الستارة… وحسيت الانفاس نخرت جسميييي نخر…

اجا صوت من وراي و كان ينادي باسمي … بنفس البحة… بس مع ضحكة مخيفة… ' مرام '... هههه… ' مرام '... و حسيت بانفاس حارة كتيررر على رقبتي….

و بس صرت على بعد خطوة وحدة من الستارة… وحسيت الانفاس نخرت جسميييي نخر…

اجا صوت من وراي و كان ينادي باسمي … بنفس البحة… بس مع ضحكة مخيفة… ' مرام '... هههه… ' مرام '... وحسيت بانفاس حارة كتير على رقبتي عم تقرب مني

بعمري ما مريت بل
Link
0
3.3k
20:202018/07/29
حظة خوف مشابة… الصوت كان قريب مني و انا كنت خايفه اتحرك اي حركة…. كنت شبه مشلولة

مرام: مين في وراي؟

فجأة اختفت الانفاس…. و راح الصوت و محدا جاوب

مرام: جاك هاد انت صح؟ بدك تجنني لتخلص مني؟

كمان محدا جاوب… وقتا حسيت انو الي كان موجود راح و لازم اطلع فوراً لان كنت ع وشك غيب عن الوعي…

و كأن هاد الشي الغريب الي معي و عم اسمع نفسو عرف بشو عم فكر…. و اول ما لفيت ظهري تسكر باب الحمام…

رجعت خطوتين لورا و دمعتي نزلت… ما كنت فهمانه شو عم يصيرررر…. كنت عم احبس انفاسي لاقدر اسمع ازا في نفس تاني معي و لا لا… كان هدوء لثواني و بعدا بلش سبام ينبح ( كلب الحراسة للعائلة) ….
كان ينبح كتير كأنو شاف حدا غريب حوالين البيت لان سبام كلب حراسة مدرب….

مرام: مااااماااا
جيسييييي…. افتحولي الباب…. انا كنت عم اصرخ و سبام عم ينبح بصوت عالي… و فجأة اتقطع الصوت…

و انا خفت اكترررر لهيك ركضت عالباب و فتحتو.. ما كان مقفول

ركضت عالمطبخ

مرام: انت حقيرررر مجنووووون انا كنت عم اصرخ ليش ما جبت ساعدتني

اتطلع علي بنظرة مصدومة و قلي انا ما سمعت صوتك ابداً!!

مرام: كيف ما سمممعت كيف؟ و سبام ما سمعتو و هو ينبح؟

جاك: انتي مجنونة؟ انا ما سمعت شي…

ملامحو كتنت جديه كتيرررر بلشت شك بحالي…!!

مرام: جيسي وين؟

جاك: مع امك بالمطعم… بتساعدها…

كنت كتير اكرهو بس حالة الرعب الي فيها جبرتني اقعد معو لترجع امي و جيسي و احكيلهم شو صار… كنت تعبانه كتير و نعسانه… حطيت راسي ع طاولة المطبخ و انا مطمنة انو جاك موجود…

مابعرف كم مرق من الوقت بس صحيت مرعوبة ع صوت صراخ حدا…. كانت صرخه عالية…

انتفضت من مطرحي و تزكرت شو الي صار معي

مرام: جاك. جاك وينك… جاك…. مين في بالبيت…
ميييييين في بالبيت…

صرت اركض بين الغرف و شغل الاضوية و افتح الابواب و سكر كل الشبابيك…

ضو الصالة انطفى…
رجعت لشغلو… شغل و رجع طفى…
صرت اكبس كل الازرار ليشتغل الضوو و دقات قلبي عم تزيد

بعدين قررت شغل شموع وحطهن… شغلت الشموع و صرت راقب اللهب تبعهن لاتاكد انو ما رح ينطفو…

كان ما في اي صوت…. و لا حركة…. سمعت صوت حدا عم يغني…. صوت ناعم كتير…

التفتت حوالي و صرت راقب كل زاوية….

مرام: مين في هون؟؟؟ …

حاولت ركز لاعرف صوت مين او من وين..كان جاي من فوق
الطابق التاني عبارة عن غرفة كبيرة كنا نستخدمو متل سقيفه و مخزن للاغراض الي ما منستخدمها….
الصوت جاي من هنيك… بس هاد الطابق ما فيه ضو (#مال_الشام)

حملت شمعة بايدي… و وقفت ع اول درجة…
لسه عم يغني كلمات مو مفهومة…
طلعت تاني درجة… و الصوت صار اقرب…
Link
0
1.8k
20:202018/07/29
Link
0
1.4k
20:202018/07/29
#الشيطان_يتبعني
#بقلم_مال_الشام
@rwayate
-2-

حملت شمعة بايدي… و وقفت ع اول درجة…
لسه عم يغني كلمات مو مفهومة…
طلعت تاني درجة… و الصوت صار اقرب…

ما قدرت امنع حالي اطلع شوف شوفيه.. مع كل الخوف الي كان بقلبي… بس كان لازم اطلع وشوف مين في فوق…

طلعت الدرج ووقفت قدام باب الغرفه…. و الصوت صار واضح تماماً….
و الباب كان مردود مع اننا منقفلو…
دفشت الباب بايدي…
وهيك صار الصوت مسموع وواضح…. بس كانت الغرفة عتمه كتيرررر

مرام: شوووو عم يصيرررر… خلص اسكت لا تغني خللللص خلللللللص

وقف الصوت…. و غاب

مرام: انت مين؟ شو بدك مني…

كانت ايدي عم ترجف…. و الشمعه ضوها عم يخفت…

ضلت مرام دقايق عم تتفقد المكان بحواسها و تحاول تطمن انو الصوت ما رح يرجع … و ما رجع الصوت….

طلعت و سكرت الباب و نزلت عالدرج و انفاسها رح تنقطع…ماسكة بايد الشمعه و بالايد التانيه ماسكه سلم الدرج

وهي عم تنزل وقعت من ايدها الشمعه و خافت كتير و صارت ترجف نزلت عالارض تتلمس لتدور عليها فجأة لمست ايد طفل!! حست بايد بني ادم صغيرة كتير ….
صار العرق يصب منها…
و صارت تأن بصوت عالي ( ئئئئئئئئ ئ ئ ئ ئئئئ ئئئ)

حاولت شوي شوي ترفع ايدها… و فجأة مسكها الطفل بقووووة و رجع يغننننني

سحبت ايدها و ركضت عالمطبخ بجنون وقفلت الباب و صارت تببببكي و تصرخ و تطلع على ايدها برعب

مرام: شووووو عم يصيررررر شوووو عم يصيرررررر

انتبهت ع تليفون الارضي انو بالمطبخ… ركضت عليه و اتصلت ع رقم اختها جيسي….

و فجأة… سمعت رنة موبايل اختها برا… قربت من الشباك
و تاكدت انو صوت الموبايل برا بحديقة البيت….
سكرت الخط بسرعه…
ما كان ضو الحديقه شغال… ما قدرت تشوف وين الموبايل

ضلت ربع ساعه بزاوية المطبخ و ماسكه بايدها سكين…

مرام: انا لازم اطلع من هون…

فتحت باب المطبخ شوي شوي…
و ركضت ع الباب الخارجي وقفلتو وراها بالمفتاح…
و وقتها حست بالراحه انها طلعت من البيت…

كانت عم تتلفت حواليها بحذر… و بعدا سمعت رنة تلفون اختها...صارت تدور عليه متل المجنونة لتحكي مع اي حدا..

و اخيراً لقت الموبايل عالارض بين العشب مسكتو وشغلت الضو…. و زاد الرعب بقلبها

كان الموبايل كلو دم….حتى هي كانت قاعده ع بركت دم…
Link
0
1.5k
20:202018/07/29
و ما عرفت شو مصدر هاد الدم!!!

صارت تمسح ايديها وتصررخ دممممم دمممممم

و اجا ضو من بعيد… كان ضو سيارة…. اتطلعت مرام منيح بس كان الضو قوي و ما قدرت تشوف مين في بالسيارة…
Link
0
1.4k
20:202018/07/29
Link
0
1.3k
20:202018/07/29
#الشيطان_يتبعني
#مال_الشام
@rwayate
-3-

وقفت السيارة و انطفى الضو…
و نزلت من السياره امها و جيسي و جاك…

ركضت امها لعندها

الام: ماري شو عم تعمل هون…. ماري شبك… ماااري
ماااااري

وقعت مرام بين ايديها و غابت عن الوعي…

و ما صحيت لتاني نهار….

نزلت اشعة الشمس على عيونها… و صارت تحاول تفتحهن بصعوبة… و ما اخدت ثواني لتتزكر كل الرعب الي عاشتو امبارح

انتفضت و صارت تصرخ…. و فوراً امها غمرتها لان كانت كل الليل قاعده جنبها… و جابولها طبيب… اعطاهن مهدئات و قلهن انو لازم تضل تحت المراقبة…

مرام: امي… امي… امييييي وين كنتوووو
وين كنتووو…. في حدا بالبيت
في حدا بدوووو يقتلنا
امي برا كان في دم
جيسي!!! جيسي وييين
جيسييييي جيسيييي

اجت جسي بسرعه ع صوت اختها…

جيسي: ماري صحيتي؟؟؟ حبيبتي خفنا عليكي كتيرررر

الام: هسسس حبيبتي كلنا معك… اهدي و احكيلي شو فيه

و صارت مرام تشرحلهن كل شي صار بالتفصيل لوقت ما لقت الموبايل و كانت كلها دم…

الام: ماري انتي تعبانه و عم تتوهمي

مرام: لا لا… اسمعي كان في دم

الام: مزبوط في دم….سبام امبارح كان مقتول… و نحنا اتصلنا بالسرطة و انتي نايمه و رحنا معهن لنعرف مين قتل كلب الحراسه الخاص فينا بهي الطريقه…

مرام: شو؟ ليش ليقتلو كلب؟

صارت جسي تبكي و تقلي انهم قاتلينو بطريقه بشعه كتيررر و ساحبين الدم منو و مقطعين اعضائو…. و انا كنت متجمدة و خايفه كتير

و تزكرت لما تسكر علي الحمام و سمعت نباح سبام… اكيد وقتها قتلوه!!!
في شي غريب عم يصير بهاد البيت.. و انا مو فاهمة شي..

مرقو اسبوعين كنت تعبانه و عطول عم اتزكر الي صار معي… خلال هالاسبوعين الاحداث ما تكررت ابدا و ما صار اي شي… كنت نام بغرفة جيسي… و كان راسي رح ينفجر من التفكير بالاحداث الي صارت… يا ترى شو عم يصير! و ليش بس انا عشت هي الاحداث… و صوت الطفل ما كان يروح من راسي وهو عم يغني… … خلصو الاسبوعين

وبعدا قررت ارجع على غرفتي… فعلياً الصدمة الي عشتها اعطت عندي مفعول عكسي… صار عندي شجاعة و قوة قلب لان الي صار معي مو قليل ابداً…
رجعت هديك الليلة ع غرفتي… بس خفت افتح الشباك…

كان عندي تاني نهار امتحان بالكلية… سهرت لوقت متاخر و بسبب ضغط الدراسة نسيت خوفي…
انتبهت انو الساعة صارت 2… سكرت الكتاب و طفيت الضو
ضليت عم فكر بتختي بسبام و كيف مات… بعدا حاولت ابعد هي الافكار عن راسي و فكر بشي حلو…. مممم شو اكتر شي حلو انا بحبو؟
غمضت عيوني و اول صورة شفتا هي صورة مراد!!!
ابتسمت و غطيت وشي بالسرشف و صرت فكر فيه
مراد شب تركي بيعطينا مادة رياضيات بالمعهد…هو من اصول تركية… الو دقن خفيفة و مجذبة… شقرا… بلون الشمس
طويل و عيونو عسلي…. و كان بيني وبينو نظرات اعجاب و اهتمام متبادل…

بعدين تعبت…و قررت نام…
غمضت عيوني و غفيت… عالساعه 4:30 حسيت ريقي نشفان و عطشانه… عطشانه كتيرررر
بس كنت نعسانه ومو قادرة قوم من التخت…

مرام: يا الله ليش ما جبت مي معي عنجد اني جدبه…

و فجأة… حسيت شي لمس ضهري…
فتحت عيوني على وسعهم… و حبست نفسي… يا ترى انا عم اتوهم!!! …
Link
0
1.3k
20:202018/07/29
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com