نتاالي:بس انا بكرهك كتير
نورا:طيب كيف وضعو هلأ؟
نتالي:بين الحياة و الموت بسببكن
اطلعت فيه نورا من وراالازاز ،كان ملفوف معظم جسمو بالشاش الابيض،؛استرجعت بذكرياتا اول مرة انقذا فيا وقت كانت مرمية بالشارع و عم تموت ،اجا و حملا و ركض فيا على المشفى و هي كافئتو بانو حبستو عشر سنين ، و هلأ للمرة التانية خاطر بحياتو و فات وسط النار ليرجع يحملا و ينقذ حياتا مرة تانية بس هالمرة وعدت حالا انو رح تكون معو ما عليه لانو هو الانسان الوحيد يلي بحبا و قدملا من غير مقابل ، بقيو الاتنين واقفين ورا لوح الازاز و عم يطلعو فيه و يدعولو و ناطرينو ليرجع يصحى مرة تانية و الاتنين كانو خايفين و متوترين مين هي يلي بدو يختارا ليكمل باقي حياتو معا ،و خاصة نتالي كانت مستحيل تتخلى عنو حتى اجت على المشفى و شافت هالمشهد يلي خلاها توقف بارضا و تبكي على الساكت و تعرف انو ما الها مطرح بيناتن ابدا ،اياد صحي من وضعو و نورا قاعدة جنبو و حاطة ايدا بأيدو و ابنن معتز قاعد بيناتن ، نورا عم تطلع فيه و عيونا عم يلمعو و اياد عم يطلع فيا و يبتسم ،كانو الاتنين عم يداوو جروح بعض و يكملو بعض ،انتبهت نورا على وجودا و اجت لتسحب ايدا من ايد اياد بس اياد تمسك فيا اكتر ،كانت الصورة واضحة بدون اي كلام ،لهيك قررت تنسحب بما تبقى من كرامتا ،نزلت من المشفى عم تبكي لتضرب بكتف المحقق طاهر ،اطلع فيا المحقق طاهر مستغرب و تابع لعند اياد ليحقق معو
طاهر:طيب انا رح اعمل حاالي اني صدقتكن انتو الاتنين انكن بتحبو بعض و رح سكر المحضر عهالاساس ،سامر و عامر كمشناهن مبارح و بكرا رح ينساقو عالمحكمة بتهمة محاولة قتل متعمد بس بدي منكن تثبتو زواجكن بالمحكمة لانو كمان فيه عقاب عهالموضوع بس انا رح اعمل حالي ما سمعت شي
اياد:شكرا الك
طاهر:بس من رأيي الشخصي انو تاخد مرتك و ابنك و تطلعو برا هالبلد لانو فيه اتنين من اخوات نورا برا السجن و هدول ممكن يعملولكن مشاكل و ينتقمو مع اني حاطط مراقبة شديدة على تحركاتن و حتى سامر و عامر احتمال بس يقضو محكوميتن يطلعو يكملو يلي تركوه ناقص و كمان كرمال تكمل علاجك ،نصيحتي اهربو و ما تعطو عنوانكن لحدا ..و اذا بدكن انا بساعدكن بهالموضوع لاني حاسس انو انت الاتنين انظلمتو بكل هاالقصة
اياد:انا ما حابب اطلع من البلد؛انا كنت ناووي كمل دراستي
نورا:اياد كلام المحقق طاهر صحيح؛اخواتي مستحيل يتركونا بحالنا ،خلينا ناخد معتز و ليان و نطلع اول ما تتحسن
بعد شهور طلع اياد من المشفى بنسبة تشوه منيحة بجسمو و بوجهو بس طلع ليرجع يرتب حياتو ،تزوج نورا وسجل ابنو و التقى بنتاالي بالشقة هو و عم يضب تيابو ،وقفت نتالي على باب الغرفة تبكي على ااساكت ،كان اياد متعاطف و زعلان عليا كتير بس ما كان حابب يظلما اكتر ،سكر الشنتة و سحبا ليطلع من الباب
اياد:انا ...انا ما بعرف شو بدي احكي بس وعدت حاالي اني ...
نتاالي:ما تحكي شي ،انا الحق علي انا فرضت حاالي عليك و انا سمحتلك تستغلني
اياد: انا بعرف ظلمتك كتير وقت تزوجتك و انا قلبي و عقلي مع حدا تاني ،بس انا اكلت عقابي و مشي الحال ،يمكن ما تسامحيني بس بتمنالك تعيشي سعيدة و ما تعطي قلبك لحدا ما بيستاهلك ،انت طالق طاالق طالق
نزل من عند نتاالي ليطوي صفحتا على الاخير و يبلش صفحة جديدة و حياة جديدة مع مرتو و ابنو و ليان ،طارو بعيد عن البلد بأمل جديد انو اياد يكمل علاجو و دراستو و انو ينسي كل واحد منن التاني الالم و الوجع يلي سببوه لبعض.
#انتهت.