📚قصص||روايات||منوعة📚

ناصر : شبك لك وسام من لما قعدنا وانت شارد ومو على بعضك
وسام : مخنوق ياناصر مخنوق
ناصر : سلامتك شبك فشلي قلبك نحنا رفقه ومتل الاخوه
وسام : عمي مصر اني ارجع اتجوز
ناصر : بصراحه معه @rwayate
وسام : انت كمان رح تجي عليي
ناصر : ياوسام العمر بيركض وانت ماعدت صغير وبعدين انت وقت تزوجت بنت عمك الله يرحمها ماكنت تحبها وكان زواجك منها بس لترضي عمك وابوك
وسام : ياناصر انا مو رافض فكرة الزواج بس رافض اني ما اتزوج البنت يلي بحبها
ناصر : رح ترجع تقلي نور
وسام : ايه رح احكي نور لاخر يوم بعمري
ناصر : مابعرف كيف بتفكر يعني بدك تفوت الدب لكرمك
وسام : نور مو متل ابوها ومالها زنب بالمشاكل يلي بين عمامي
ناصر : انا من رأيي تسمع كلام عمك
نفض حاله بعصبيه وقام
ناصر : لوين ؟
وسام : لجهنم الحمرا ماحدا عم يحس فيي
ناصر : تعال يا مجنون مو هيك بتنحل الامور
وسام : تركني ناصر كرمال الله
ناصر : اهدى وصل @rwayate عالنبي وكلشي بيلتقالو حل
وسام : الا مشكلتي ياناصر الا مشكلتي عمي مصمم اتزوج وبسرعه وانت بتعرف اني بعتبرو بمقام المرحوم ابي
صفن ناصر شوي وبعدا ابتسم ابتسامه عريضه
ناصر : لقيت الحل
وسام : شو هو ايدي بزنارك
ناصر : تتزوج
وسام : تضرب انت وحلولك
ناصر : ههههه اسمعني للاخر
وسام : هات لشوف يافيلسوف عصرك وزمانك
ناصر : اتزوج هيك وهيك
وسام : ليش هو في زواج اسمه هيك وهيك
ناصر : اي على ورق يعني
وسام : مافهمتك وضح اكتر
ناصر : استأجر عروس
وسام : لاااا انت جنيت عالخالص
ناصر : لك ليش… في كتار بيوافقوا يمثلو هالدور
وسام : ودخلك انا شو رح استفيد وشو احكي لنور معلش عندي مشهد زواج وبرجعلك
ناصر : مشكلتك عقلك شقفة وحده
وسام : على اساس انت اللي @rwayate عقلك شقفتين
ناصر : لك يا بني ادم انت رح تتفق مع البنت اللي رح تمثل انها مرتك قدام عمك انه هالموضوع كم شهر وكل واحد بيروح لطريقه وطبعا بتكون مفهم نور هالشي
وسام : وانا شو رح استفيد من كل هالمسرحيه البايخه
ناصر : وقت يمر على زواجك شهرين واطلق مرتك بتثبت لعمك انك مو قادر تعيش الا مع البنت يلي بتحبا وبهيك مابيعود يضغط عليك وبينجبر يزوجك نور… ومو بس هيك هوي يلي راح يروح يخطبها بنفسه
وسام : يخرب بيتك شو نس لك من وين بتجيب هالافكار
ناصر : لحتى تعرف محسوبك معلم
وسام : بس مين البنت اللي ممكن توافق تكون عروس للايجار متل ماحكيت
ناصر : تركلي هالموضوع يومين زمان ورح دبرها
وسام ب ارتياح : يارب تتفهم نور هالتضحيه وماتزعل
ناصر : سيبها عليي يامعلم 😉

*╚══════ღღ══════╝
@rwayate
نرجع للاحزان وقلب رفاه اللي انكسر بوفاة ابوها

كانت قاعده بغرفتها حاطه ايدها على خدها ودمعتها عم تنزل بغزاره… . كيف رح تعيش مع زكيه وبنتها وهنه يلي بيكرهوها وكانو يعاملوها ابشع معامله وابوها عايش فكيف حيكون الحال بعد ماراح الاب والسند
دعوات كتيره بقلب مكسور عم اتمتم فيها بهدوء وخوف من المجهول ماكان الها قرايب… لاعم ولا خال ولا حتى حيطه مايله ترتكز عليها ما الها الا صديقتها ملك يلي بتحن عليها وبتعاملها ك اختها

لميس (اخت رفاه الصغيره) : ماما انا رايحه عالكليه بدك شي
زكيه : سلامتك حبيبة البي انتبهي عحالك
رفاه : شو هاد يلي لابستيه لك ابوكي ماصرلو اسبوع متوفي
فتلت حالها وحطت ايدها عخصرها
لميس : انا ماحدا الو كلمه عليي الا امي فاهمه
رفاه : انا ماعم ادخل فيكي انا بس
زكيه : اي اخرسي وسدي بوزك مو ناقص الا بنت ابتسام تحكي ع بنتي
رفاه : ياخاله انا… .
زكيه : هههههههههه هلأ صرت خاله مو على اساس بتناديلي مرت ابي
لميس : انا رايحه ماما باي 💋
زكيه : طريق السلامه يا روحي 😍
رفاه بحزن : لاحول ولاقوة إلا بالله 😔
كزت زكيه على سنانها ومشت ب اتجاه رفاه وعيونها عم تقدح شرر ومسكتها بقرف من كم بلوزتها
زكيه : شوفي يابعدي بدك تقعدي بهالبيت بتسدي نيعك وصوتك ما اسمعه هاد اولا
رفاه : وتانيا
زكيه : تانيا بتنقبري بتخلصي شغل البيت وبعدها بتنقلعي تشوفيلك شغله تصرفي عحالك .. انا مو مجبوره فيكي وكرم اخلاق مني رح اتركك عايشه بهالبيت
رفاه بحزن : حاضر انا اساسا ناويه دور على شغل اطمني
زكيه : نشالله بيدرولك عقطع بسوق الجمعه

*╚══════ღღ══════╝
واقف ساند ضهرو عالسياره عم ينفث سيجاره بهدوء وفكر شارد

وصل وسام عالشركه وهو بكامل نشاطه… كلام ناصر خلاه يحس بشوية امل انه قريبا رح يتزوج البنت يلي بيحبها ويحط الكل عند الامر الواقع…
قعد ورا مكتبه وتناول موبايله وطلب رقم نور واستنى الرد

نور : اهلين حبيبي شتقتلك
وسام : وانتي اكتر ياروحي
نور : اي واضح الاشتياق بدليل انه عيد ميلادي مرق وماعبرتني
وسام : اسف يا روحي فعلا نشغلت بعدين انا ناطر هديتك توصل ب اول شحنه بالباخره
نور : بالله وشو هالهديه يلي بتحتاج شحن بالباخره
وسام : مو حكيتي انه بتحبي السياره الفراري
نور بدهشه : لااااااا موووو معقوووووول بجد عم تحكي
وسام : طبعا حبيبتي كم نور عندي اانا
نور : تسلملي ياروحي 💋
وسام : نور محتاج احكي معك بموضوع بس ياريت ماتفهميني غلط وتفهمي منيح اني عم بعمل المستحيل لنكون سوا
نور : خير وسام شغلتلي بالي شو القصه
وسام : رح اتزوج
نور : نعم !!!!!
وسام : لاتتسرعي وخليني @rwayate اشرحلك كل شي
نور : تشرحلي شو ياوسام انك خذلتني بعد كل هالحب يلي حبيتك ياه وهلأ جاي بكل برود تقلي بدك تتجوز… مو ناقص الا تعزمني وتقلي تعي باركي وارقصي بعرسي
وسام : ممكن تهدي لاشرحلك
نور : تفضل احكي
بلش وسام يشرحلها عن خطته ووعدها انه كلشي رح يكون حبر على ورق ومارح يستمر هالزواج اكتر من شهرين… كانت فرح عم تسمع وعيونها بتلمع وفرحانه
وسام : وهاد ياستي كلشي
نور : واخترت العروس يلي رح تستأجرها لهي التمثليه ؟؟
وسام : لا بعدني بس مارح طول انا سرت مستعجل لهاد الموضوع كتير ولازم اتحرك بسرعه لحتى نكون سوا
نور : اوك موافقه
وسام بفرح : بجد
نور : اي ياروحي انت بتحارب كرمال حبنا وانا رح كون معك بهي الحرب
وسام : لك يسلملي الفهمان @rwayate
نور : بس شهرين هه
وسام : حاضر شهرين وبس
نور : ماشي وسام رح سكر هلأ امي عم تندهني وخبرني شو بيسير معك اول ب اول
وسام : اوك ياروحي انتبهي عحالك
نور : وانت كمان يا البي… باي،💋

سكر الخط وحط ايديه ورى راسه وهو عم ياخد نفس طويل براحه : اخيرا رح تكوني مرتي يانور ماعم صدق 😍

*╚══════ღღ══════╝

وببيت نور

نور : هفففففففف لك @rwayate وبعدين يعني يا امي
هاله : شبك ولي شو حكالك وسام لتنزعجي هيك
نور : لا بدو يتزوج
عصام : يتزوج ؟؟؟
هاله : شو عم تحكي
كمال : وشو عملتي
نور : اهدو لخبركم كلشي بس وينك ابي انا بلشت افقد اعصابي من هالتمثيليه ماعاد فيي اتحمل
كمال : هلأ خبريني شو صار بعدين لكل حادث حديث

*╚══════ღღ══════╝

رفاه : السلام عليكم
ناصر وهو عم يطفي سيجارته ويطلع فيها بتمعن : وعليكم السلام
وسام : وعليكم السلام .. تفضلو ارتاحوا
رفاه : لا شكرا مافي داعي انا جايه من طرف عبدالله الحارث يلي كان بيشتغل عند حضرتك فراش
وسام : اهلا وسهلا وينو العم عبدالله
سكتت ونزلت منها دمعه وحكت بصوت مخنوق
رفاه : ابي عطاك عمرو من اسبوع
حس وسام بالشفقه على حال هالبنت .. كانت دمعته صادقه ومن قلب محروق والحزن كاسي ع ملامحها
وسام : الله يرحمه ويغفر له انا اسف ماكنت بعرف لو سمحتي ارتاحي يا انسه
قعدت رفاه وملك وعم السكون للحظه
ناصر : وانتي جايه تشتغلي هون
رفاه : ازا في مجال يا بيك
ناصر : مع مين ساكنه
رفاه : مع مرت ابي واختي
ناصر : والك قرايب
رفاه بعدم فهم : لا بس ليش هالسؤال
ناصر : ابدا مجرد سؤال روتيني… . اي احكيلي مؤهلاتك
رفاه : انا…
قطع حديثهم وسام : مافي داعي لكل هالاسئله ناصر العم عبدالله شرحلي كل شي… وانتي يا انسه… .
وقفت رفاه وحكت بتوتر : اسمي رفاه
وسام : ارتاحي يا انسه رفاه
رفاه : شكرا
وسام : رح عينك بالارشيف حاليا لحتى شوف شغلك
رجعت وقفت وحكت ب امتنان : شكرا يابيك وان شالله بكون عند حسن ظن حضرتك
وسام : ممكن تقعدي
رفاه وهي حاسه حالها غبيه : ااا سسفه
وسام : بالنسبه للراتب رح احسبلك 500 دولار غير الحوافز وانتي وشطارتك
وقفت وحكت متل العسكري : وانا تحت امرك يابيك
ناصر : هههههههههههه
نكشتها ملك لتقعد وحست بالاحراج من تصرفها لكنها تصرفت بعفويه وتلقائيه… كان الراتب كتير منيح ورح تقدر تكفي جامعتها وتصرف عحالها وبيزيد معها
وسام وهو بيحاول يكتم ضحكته لحتى مايجرحها : تمام رح تبلشي دوامك من بكرا وهلأ فيكي تتفضلي لقسم المحاسبه تاخدي راتب العم عبداللة الله يرحمه وبعد اسبوع رح نصرفله مكافأه ورح تستلميها انتي
رفاه : مو عارفه كيف اشكرك شكرا كتير بالازن منك
وسام : نورتي

*╚══════ღღ══════╝

ناصر : كيف شفتها
وسام : مسكينه درويشه وباين عليها طيبه
حط الملف من ايدو وسلط نظرو ع وسام : وهاد المطلوب ياصاحبي بنت درويشه و عباب الله وفوق هيك عايشه مع مرت ابوها
وسام : لشو بدك توصل ناصر
رجع حاله عالكرسي براحه وحط اجر على اجر
ناصر : يعني هي هيه البنت المناسبه
وسام : مناسبه لشو ؟؟
ناصر : هيييي هيدي علينا شبك مخك مسكر .. لك مو قلنا بدنا اندور على بنت درويشه لحتى نعقد معها صفقة الزواج وليكها لحالها اجت على اجريها
وسام : قصدك رفاه ؟
ناصر : ماشالله عرفتها لحالك… اي رفاه كل المواصفات المطلوبه متوفره فيها بنت يتيمه مالها حدا وفقيره
وسام : ولانها يتيمه ومالها حدا نستغلها
ناصر : مين حكا نستغلها بالعكس رح تطلع من هالقصه بمبلغ منيح مايخليها محتاجه حدا… فكر فيها من الناحيه الايجابيه
وسام : لا مو موافق شوفلي وحده تانيه
ناصر : اي تسطفل… انا رايح لمكتبي،

تركه وراح وبقي وسام يفكر بهالملاك الموشح باللون الأسود ونظرة الحزن والانكسار يلي شافهم بعيونها… نفض راسه بقوه ليطرد هالفكرة من تفكيرو وخيالو
وسام : لا مستحيل فكر بهيك شي حرام

*╚══════ღღ══════╝

رفاه : لك انا بحلم ولا بعلم يا ملك ماعم صدق اني اتوظفت بهيك مرتب
ملك الف مبروك يا روحي انتي بتستاهلي كل خير
رفاه : وسام بيك باين عليه كتير جنتل ومنيح شفتي كيف طلب يصرفوا راتب ابي مع انه الشهر ب اولو وابي ما داوم
ملك : في ناس الله عاطيهم وبيحنوا عالغير .. بس وينك ماتجيبي سيره لزكيه عن هالمصاري
رفاه : بس ابي كان زوجها ومن حقها تعرف
ملك : اي من حقها تعرف ومن حقها تاخدهم منك لك تضربي بهالراس اللي ناتعتيه… نسيانه انها مكوشه عالبيت كلو وماعم تعطيكي فلس احمر… بالله كيف رح تروحي وتجي عشغلك وجامعتك لتستلمي اول راتب. اه
حكت راسها بتفكير : اي والله معك حق
ملك : اطلعي اطلعي مو هي اختك لميس يلي بالسياره
رفاه : وينا ؟
ملك : يلي بالسياره الحمرا هونيك
لفت وجهها وانصدمت بس شافت اختها بملابس عاريه وراكبه بحد شب مبين عليه من الطبقه الراقيه وعم يتمازحوا ويضحكوا
رفاه بقلبها : العمااااا لميس شو عم تعمل مع هاد الشب ؟؟
ملك : وين شردتي… روحي جريها مت شعرها
رفاه : لك لا هي مو اختي اكيد انتي مشبهه عليها
ملك بشك : معقول ؟؟؟
رفاه : اايه طبعا… لميس هلأ بكليتها
ملك : اي يمكن مشبهه عليها
رفاه : انا تأخرت عالبيت لازم روح بشوفك حبيبتي
ملك : ماشي انتبهي عحالك
رفاه : وانتي كمان يالله السلام عليكم
ملك وعليكم السلام
وبقلبها : لك بقص ايدي ازا ماكانت اللي بالسياره هي لميس بس ليش رفاه انكرت وغطت عليها ؟؟؟

*╚══════ღღ══════╝

وصلت رفاه عالبيت وهي عم تلهت .. فاتت لغرفة لميس ماكانت موجوده

لميس : حبيبي ايمت رح تعلن زواجنا
ربيع : هانت يا روحي بس لتجي امي من السفر رح اجي واطلبك رسمي… بعدين نحنا متزوجين
لميس : متزوجين عرفي ياربيع انا بدي كون مرتك قدام كل الناس
ضمها لصدرو العاري : وحياتك حتكوني مرتي وحبيبتي قدام كل الناس
لميس : وعد
رفع راسها بطرف ايدو وهمس : وعد ياروحي

بيرن موبايل لميس وبتتناوله
لميس : هي امي هصصص ماتعمل اي صوت
هز راسه وقام من جنبها بهدوء وفات عالحمام
لميس : اهلين ماما
زكيه : وينك ولي
لميس : شبك امي انا بالجامعه
زكيه : ومين الشب اللي كنتي عم تتصرمحي معه بدك تجلطيني بدك العالم يحكوا زكيه ماعرفت تربي
لميس : انتي شو عم تحكي امي هاد اخو رفيقتي ووصلنا عالجامعه بعدين انا ماكنت وحدي معه… اخته كانت معنا
زكيه : اكيد هالحكي لميس
لميس : عم تشكي فيي امي ؟؟
زكيه : لا ياعمري بس هي الكلبه رفاه حكت انها شافتك راكبه مع شب بسيارته
كزت لميس ع اسنانها بغيض : رفاه لكن… ماشي امي صدقيها وكزبي بنتك انا مارح ارجع عالبيت
زكيه : لا يا روحي مصدقيتك حقك عليي خلص ارجعي عالبيت لنتغدا سوا عاملتلك شيخ المحشي
لميس : بس مابدي شوف الست رفاه بالبيت
زكيه : مضطرين نتحملها
لميس : وليش بقى
زكيه : بس ترجعي عالبيت بفهمك
لميس : اوك ماما باي

حطت الموبايل من ايدها وهي عم تغلي من الغضب

ربيع : شبك ياروحي
لميس : اختي الحقيره شافتنا سوا وراحت خبرت امي
ربيع : اي وامك عرفت ؟؟
لميس : لاتخاف دبرتها
ربيع : كتيرر منيح قومي اللبسي لوصلك بطريقي
لميس : ربيع حاول تستعجل لازم نعلن زواجنا
ربيع : قلتلك ماشي شبك لميس بدك اطالعي خلقك فيي
لميس بدلع : لا ياروحي خلقي مابيطلع عليك
ربيع : يسلملي الفهمان

*╚══════ღღ══════╝

داليا : مستر وسام مالك بيك طالبك بمكتبه
حط الملف من ايدو وغمض عيونو واخد نفس طويل لانه عارف انه عمه رح يرجع يفتح معه موضوع الزواج وبعدو مالقي عروس يستأجرها لمده معينه وينفذ بعدها خطته ليكون مع نور قام من مكانه وتوجه لمكتب عمه

وسام : مسا الخير عمي .. حضرتك طلبتني
مالك : اقعد وسام
وسام وهو عم يقعد قبال عمه : خير عمي صاير شي
مالك : فهمني شو هاد… ورمى قدامه فواتير جايه من المانيا
وسام بتوتر : هاد…
مالك : النت يلي شريت هالسياره ماهيك
وسام : اي عمي انا
مالك : لنور خانوم
وسام : شو فيها ازا هديت بنت عمي سياره الخير كتير
مالك : مافيها شي لو هديتها فيلا ماكنت رح اعترض بس تتصرف من ورا ضهري ياوسام عم تخون ثقتي فيك
وسام : بعتزر عمي.مارح تتكرر
مالك : معاك 3 ايام بتكون ملاقي عروس ومتزوج
وسام : بس ياعمي
مالك : مارح عيد كلامي وسام يا اما بتتزوج خلال 3 ايام او بتنسى اني عمك
وسام : لاتفسى عليي عمي اول مره تزوجت ل البي رغبتك ورغبة ابي هالمره اتركني اختار البنت اللي بدي ياها
مالك : قدامك بنات الكون اختار منهم وحده ماعدا بنت كمال
وسام : بس انا بحب نور ومابدي غيرها
مالك بحزم : النقاش خلص وسام فيك تتفضل لمكتبك وفكر بكلامي
شد على قبضته لحتى برزت عروقه مابدو يزعل عمه وبنفس الوقت مابيقدر يتخلا عن البنت اللي بيحبها… كان القرار صعب والاختيار اصعب
رجع لمكتبه ودفن راسه بين كفيه وفجأه لاح بخياله صورة رفاه
شد شعرو بقوه وضرب المكتب بكفه وهو عم يزفر الاه من قلب محروق
وسام : سامحيني رفاه بعرف مالك زنب بس بوعدك ما اتخلا عنك واعوضك
معقول توافق… . ليش لا هالعرض مارح تلاقي متله بحياتها ورح اعطيها مبلغ يكفيها لتعيش حياه كريمه واكتبلها بيت ب اسمها
ماعاد عندي وقت لازم اتحرك بسرعه… ضغط على الانتر كام بمكتبه

وسام : داليا ابعتيلي ناصر فورا
داليا : امرك مسيو وسام
@rwayate
*╚══════ღღ══════╝

رجعت لميس عالبيت وفاتت فورا لغرفة رفاه واطلعت فيها بقرف وحكت من بين اسنانها

@rwayate
وسام : كتير منيح… . ناصر روح جيب الشيخ
ناصر : امرك
زكيه : بس بعدنا ماتفقنا يابيك
وسام : مية الف دولار منيح
زكيه : هاااا 😲
وسام : نخليهم ميتين الف وتنسي وحده اسمها رفاه
زكيه : ليش مين هي رفاه 🤔
وسام : لكن متفقين وانتي رفاه رح اكتبلك مليون دولار وفيلا ب اسمك
رفاه بقهر : مابدي منك شي
تجاهل كلامها وتوجه لزكيه : شو ياخانوم مارح تشربينا شي
زكيه : مووو على عيني انت بتؤمر يابيك شو بتحب تشرب
رفاه : قهوه ساده
وسام : انا فعلا بحبا ساده
رفاه :……
*╚══════ღღ══════╝

وصل المأذون وانكتب كتاب رفاه ووسام عالسكت لانه بعدو ابوها متوفي جديد ووسام مابدو موضوع زواجه ينتشر
وسام : مبروك رفاه
رفاه : مبروك عليك حبيبتك وسام بيك
وسام : ممكن تعطيني ايدك لحتى لبسك المحبس
رفاه : لا @rwayate
زكيه : ولوا يخلع رقبتك مدي مكسورتك ولي 😡
وسام بحده : ست زكيه اعتقد رفاه هلأ صارت مرتي واحترامها من احترامي وانا ابدا مابسمح لحدا يهين مرتي
بلعت زكيه السانها واتضاهرت بالفرح…
وبعد ماطلع وسام وناصر واخدو معهم رفاه علي صوتها وبلشت ردح وضرب ع اجريها ووجها
زكيه : طوووول عمرها محظوظه بنت ابتسام اااخ لو هالعريس لبنتي شو كان صار
لميس : امي انتي مقتنعه بالشي اللي صار
زكيه : وليش ما اقتنع فرشلها ملايين تحت اجريها وكتبلا فيلا ب اسمها شو بدها احسن من هيك
لميس : بس كأن هالجيزه غامضه
زكيه : شلون يعني
لميس : يعني في سر بالموضوع ولازم اعرفه
وبقلبها… الله لايهنيني ازا يخليكي تتهني بهالجوازه ياست رفاه 😈

*╚══════ღღ══════╝
@rwayate
كان سايق سيارته عالهدا عم يسرق نظرات عليها من مرايته وبقلبه غصه عالشي يلي عمله معها والاسلوب اللي جبرها توافق عالزواج

ناصر : مبروك ياعرسان انا صار لازم ارجع عالبيت
وسام : انا بكرا مو جاي عالشركه غطي ع غيابي
ناصر بخبث : اي محلاك وتجي ياعريس ههههه يالله سلام
وسام : الله معك

بقي الصمت مخيم عليهم ووسام بعدو واقف مكانه
وسام : ممكن تقعدي قدام ..مو حلوه الناس يفكروني الشوفير تبعك
رفاه : الضاهر انك رح تأمرني كتير والمطلوب مني نفذ من تم ساكت
وسام : هالشي مو صحيح ابدا
رفاه : واضح من طريقتك لاجباري اني وافق عليك
فتل حاله عليها وحكا بصوت حنون بعث الطمأنينه لقلبها
وسام : رفاه انا بعترف اني غلطت وطريقتي كانت حيوانيه لكن بترجاكي تقدري موقفي… . اعتبريني اخوكي او صديقك ومحتاج مساعدتك لكن ارجوكي لاتتخلي عني
رفاه : انت ماخليتلي مجال اقبل او ارفض وسام بيك عاملتني كأني شي امه بسوق العبيد وجيت تحررها من العبوديه لتتملكها وحدك @rwayate
وسام بحزن : لاتظلميني رفاه… . ولاتخليني حس بالزنب
رفاه : مدامها بنت عمك شو المانع انك ماتتروجها
وسام : في بين عمامي مشاكل كتيره ونحنا ضحيتها لهيك رفاه بتمنى تساعديني وتمثلي قدام امي وعمي انك تزوجتيني برضاكي وبوعدك ما المسك ولا قرب عليكي وعاملك متل اختي
رفاه : ولايمت هالمسرحيه وسام بيك
وسام : شهرين مو اكتر وبعدها انتي حره
رفاه : بس مابترك جامعتي
وسام : اكيد لا هاد مستقبلك وطموحك ومارح وقف بوجهك
رفاه : وبدي اشتغل
وسام : بهي اسمحيلي .. طول ما انتي زوجة. وسام الخطيب مافي شغل واللي بتحتاجيه رح يحضر لعندك ومن احسنه
رفاه : مابدي كون حمل عحدا انا بقدر اهتم بحالي
وسام بضحك : انا مو حدا انا زوجك
رفاه : ههههه لا والله جد
وسام : حدا قلك انها ضحكتك بتسحر
رفاه :……
وسام بنظرة رجاء : موافقه رفاه @rwayate
رفاه :… ..
وسام : الضاهر مو حابه تساعديني خلص رح رجعك ع بيتك ورح طلقك هلأ ازا هالشي بيريحك 😔
رفاه : شهرين مو اكتر وسام بيك
وسام بفرح : شهرين مو اكتر… . شو موافقه
رفاه : موافقه بشرط
وسام : اي تفضلي
رفاه : مابتحكي عروس للإيجار مره تانيه 😡
وسام : ههههههههههههه امرك رفاه خانوم وانا اسف
رفاه : مممممممم
مد وسام ايدو : اصدقاء
مسكت رفاه ايدو وشدت عليها : لا اخوه
وسام : واجدع اخت بالكون .. ممكن تتفضلي بحد اخوكي
رفاه : طبيب
وسام : خليني اخدك عالسوق لجيبلك كم قطعة تياب بلا ماتفوتي بيتك بالاسود… . حتى هو فال مو منيح ما 😉
رفاه : انا لابسته ع روح ابي 😔
وسام وهو حاسس بوجعها لانه كمان يتيم الاب : الله يرحمه الحزن مابيجوز اكتر من تلات ايام ومابعتقد ابوكي رح يرضيه تلبسي اسود ع روحو

كانت عم تسمع كلامه وحاسه بحنيته وصدقه وانصاعت بكل الرضا لتوقف معه وتساعده ليتزوج حبيبته… . لكن ياترى هي نهاية القصه ولا القصه الحقيقيه هلأ بلشت
@rwayate
*╚══════ღღ══════╝

وصلوا رجال كمال عالمخزن حاملين ناصر يلي كان بعدو غايب عن الوعي وزتوه عند اجرين كامل
كمال : شو عملتو فيه
فريد : مو نحنا معلم… الله وكيلك لقيناه ببيته غايب عن الوعي وجبناه لهون
كمال : صحولي ياه
رشو عليه مي بارده وفز على اربعته وهو يشهق
كمال : صحيت يا افندي
ناصر وهو بيطلع حواليه : كمال بيك ؟؟ انا وين ؟؟
كمال : انت بجهنم الحمره
ناصر : شبك معلم
كز ع اسنانه وحكى بحده : وين وديت وسام
ناصر : ليش وينو وسام مو بالمخزن
مسكو عصام من جاكيته واردف بصوت عالي : لك عم تجدبها ولا مو انت بعتلي رساله انه الشرطه عرفت مطرح وسام ولازم نغير قرنتنا
ناصر : انا ؟؟؟ هالشي ماصار معلم
عصام وهو بيحط الموبايل بوجه ناصر : وهااااد شوووو مو مسج منك
ناصر : الله وكيلك مو انا… . واتزكر يلي صار بينه وبين نور
لحظه لحظه… انا اخر شي بتزكرو اني كنت قاعد مع نور بعد ماعملتلي قهوه وبعدا غبت عن الوعي
كمال بعصبيه : بدك تفهمني انه بنتي يلي هربت وسام
ناصر : ما بعرف بس والله العظيم مو انا يلي بعتت لعصام المسج
كمال : وينا نور
نور : انا هون ابي
اطلع الكل ناح الصوت وشافوا نور واقفه وعم تطلع فيهم نظرة تحدي… قربت بخطوات ثابته وركزت عيونها بعيون ابوها
نور : ليكني بابا
كمال : وين كنتي
نور : كنت مع وسام بالمشفى
كمال : انتيييييي جنيتيي 😡
نور : لا ماجنيت انا تصرفت بعقل
عصام : عقل شو ياخاينه لك انتي دمرتينا كلنا
نور : ما تخاف سيد عصام ماحدا فيكم رح ينئزى
كمال : ليش هربتي وسام
نور : لانه نحنا هدفنا المصاري مو الدم
كمال : وهلأ بعد ماهربتيه حضرتك ماصفى لامصاري ولادم
نور : انت مو بدك مصاري
كمال : ايه
نور : وهاد شيك بخمسه مليون دولار موقع من وسام
كمال : خمسه مليون وكيف قبل وسام
نور : وسام مو ضعيف ولا خاف يواجهكم… وسام قرر ينهي هالخلاف ولو عحسابه
عصام : اكيد هالشيك مضروب
نور : تعوا معي عالبنك لنتأكد
كمال : هاتي الشيك نور
نور : مو قبل ما اخد منكم كلمه بابا
كمال : كلمه بشو
نور : انو ماعاد تتعرضوا لوسام بنوب
كمال : ازا هالشيك مو مضروب انا بوعدك انسى كل الخلاف وشيل وسام من راسي
نور : وانت عصام
عصام : مدام في مصاري يبقى خلص عليه الامان بس شو يضمنا مايروح يشكي للشرطه
نور : اطمن مارح يشكي… . واطلعت بناصر… حتى يلي حاول يقتله مارح يشكي عليه
ناصر : وانتي ليش متأكده كل هلقد
نور : لانه وسيم رجل وعند كلمته
سكت الكل وبلشوا يطلعوا ببعض،
نور : ناطره جوابكم
كمال : انا مافيي ائمن غدر عيلة الخطيب لهيك رح اصرف الشيك واخدكم وسافر برات البلد
نور : ياريت بابا انا ماعاد فيي ابقى هون بعد اللي صار
كمال : موافق عصام
عصام : اكيد ابي
كمال : وانت ناصر
ناصر : بعد مانكشفت قدام وسام مابظن فيي عيش هون لهيك انا معكم
كمال : لكن بالاول بنتأكد من الشيك وبعدا منرتب امور السفر
عصام : يا فررريد صب نخب الانتصار
الكل : هههههههههه
نور بقلبها : الله يحميك ياوسام انا بعدتك عن كل الشرور وحتى البنت يلي تجوزتا. كرمالي .. وبهيك بريت زمتي قدامك وقدام ربي… سامحني على كل شي 😔

*╚══════ღღ══════╝

وسام : وهاد يلي صار عمي انا اشتريت راحة راسي وراسك بالمصاري
مالك : بالك عمك رح يتركنا بحالنا
وسام : هالشي مهمة نور
مالك بشك : يعني شلت نور من راسك
وسام : نور هلأ صارت من الماضي وعلى زمة رجال تاني
مالك : ورفاه
تغيرت معالم وجهو واردف بحزن : طلقتها
مالك : ليش عملت هيك
وسام : لاني تزوجتها لغرض وهي بتعرف هالشي وانا مافيي اجبرها تبقى معي
مالك : بس البنت بتحبك
وسام : بتحبني ؟؟ شو هالحكي عمي مابظن
وقف ومشي ناح الشباك وسرح وهو عم بيراقب الغروب
مالك : لو شفت نظرة الخوف بعيونها وقت اجت لعندي عالمكتب ولا لهفتها عليك كنت عرفت انها بتحبك
وسام : رفاه بنت طيبه واكيد كانت رح تقدم المساعده لاي حدا بيحاجها
التفت عليه وحكا بحزم : طيبه لدرجة انها ترمي حالها عالموت لتنقدك
وسام :………… .

حس مالك انه رفاه البنت المناسبه لوسام ولكنه قرر ما يدخل لحتى يجي وسام ويطلب بنفسه انه يتزوجها

مالك : قوم معي لوصلك عالبيت لحتى ترتاح
وسام : معلش عمي اسبقني وانا لاحقك عندي شغله لازم قضيتها بالاول
مالك بخبث : مافي مأذون بالمشفى بتحب اطلبك واحد
وسام بخجل لانه عمه كشفه : لللشو المأزون عمي
مالك : قلت يمكن بتحب تاخد رأيه بشي… عموما انا سابقك عالبيت بدي شق عالست راويه
وسام : ماشي عمي

*╚══════ღღ══════╝

طلع مالك وبقي وسام لوحدو لتبلش مخيلته تستعرض كل شي صار معه وفجأه لاحت رفاه بمخيلته بشعرها الاسود وعيونها الشهل وابتسامتها العذبه
وسام : انتي من شو مخلوقه رفاه ياترى انتي ملاك على هيئة بشر
اطلع ب ايدو وشاف المحبس وارتسمت على وجهو ابتسامه عذبه
وسام : ياريت عرفتك بغير هالظروف بس شو ماصار انا مارح اتخلا عنك ورح ابقى حدك
قام من مكانه وتوجه لغرفة رفاه ودق عالباب بخفه
وسام : رفاه ممكن ادخل……
ماكان في رد
رجع دق عالباب… . رفاه انتي هون ؟؟… انتي منيحه
كمان مافي رد… . استجمع قوته وعزم يفوت لعندها ويعتزر منها عالشي اللي بدر منه
وسام : رفاه ؟؟
كانت الغرفه فاضيه ورفاه مو موجوده…حس بالخوف عليها وانه ممكن يكون صار معها مضاعفات لانها طلعت من المشفى وراحت لعند عمه… .توجه لقسم الاستعلامات وسأل الممرضه
وسام : لو سمحتي مدام رفاه عبدالله ب اي غرفه هلأ
الممرضه : مدام رفاه تركت المشفى من شوي يابيك
وسام : كيف تركت المشفى والدكتور كيف سمحلا تغادر وهي بهالحاله
الممرضه : المدام وقعت على خروج ع مسؤوليتها وغادرت
غمض عيونو بقهر وحمل حاله وطلع من المشفى يدور عليها
وسام : اكيد مابعدت كتير هيه تعبانه ومافيها تتحرك بسرعه انا لازم لاقيها شو ماكلفني الثمن

*╚══════ღღ══════╝

‎رجعت لبيتها تجر حالها وخيبتها بعد ماتنازلت عن كل شي كتبلا ياه وسام ...
دقات قلبها عم تعمل بضلوعها غصه وهي عم تتزكر كلام نور الها وقفت ب انكسار ودقت عالباب
زكيه : مين عالباب
رفاه : هي انا مرت ابي
زكيه : رفاه ؟؟ ... شو جابا هي ؟؟
فتحت الباب وشافت رفاه سانده حالها عالباب وايدها معلقه برقبتها ووجها شاحب
زكيه : ولي على امتي شبك ولي شو صايرلك ووينو جوزك
رفاه : .....
زكيه : فوتي لشوف
فاتت رفاه من سكات وتوجهت لغرفتها وسكرت الباب
لميس : مين كان عم يدق امي
زكيه : هي رفاه
لميس : وشو جايبها مو على اساس حكا جوزها ننساها
زكيه : هلأ بعرف شو السيره دفشت الباب وفاتت
... كانت رفاه عم تجمع تيابها وكتبها
زكيه : شو عم تساوي
رفاه : شوفة عينك
زكيه : ليش عم تضبي اغراضك جوزك وينو ردي عليي يامقصوفة الرقبه
رفاه : طلقني
زكيه وهي بتضرب عصدرها : طلقك ؟؟ ولي على طولي ليش طلقك كان طاير عقله فيكي
رفاه : هاد اللي صار مرت ابي
زكيه : اي ينهفى المهم جبتي معك المصاري اللي عطاكي ياهم .. اكيد عم تضبي اغراضك لتروحي عالفيلا اللي سجلها ب اسمك ... وينك رفاه انا مرت ابوكي وبمقام امك لااااا يمكن اسمحلك تروحي تسكني لحالك اجري على اجرك ايوا
رفاه : ......
زكيه : اديش حصلتي منه ... اكيد هبشتي هبشه محرزه بعرفك شاطره ..
رفاه : .....
زكيه : وينك لاتاخدي تيابك المشرشحه انتي هلأ مليونيريه اي لكن مليون متقدم ومليون متأخر والله وضحكتلك الدنيا ياتقبريني شوفي وجه ربك و اكيد مارح يهون عليكي تتركينا بهالفقر والتعتير ما هيك
رفاه .........
زكيه : اي اكيد عم تحكي لحالك انه وسام بيك عطاني متين الف صدقيني ياروحي بزمتي بديني بعافيتي راوحو سداد ديون ورا المرحوم ابوكي وماصفى معي شي،
رفاه : .......
زكيه : اممم خليني روح جهز حالي لاجي معك مسسستحيل اتركك تروحي لوحدك ياضي عيني شيه انتي متل بنتي .. يالميسسس
رفاه : انا طالعه من هون لادور شغل مرت ابي
زكيه : وشو لازمته الشغل بعد ماصرتي مليونيريه
رفاه : انا تنازلت لوسام بكل شي
زكيه : شوووووووو الله لا يوفقك اللهي اعدمك ولحقك باللي خلفك وليش تنازلتي ياحماره ياوجه الفقر‎
رفاه : ممكن تتركيني اضب اغراضي وروح
زكيه : تروح روحك وتفتح جروحك لك تضربي بالراس المتيس انقلعي من بيتي مابدي المحك بنوب انا مو ناقصني اصرف ع وحده مطلقه ابصر ليش جوزا طلقها بعد يومين زواج… . اكيد معيوبه ولا فيكي شي ياوسخه ياترباية ابتسام
رفاه : خلص مرت ابي انا رايحه ومافي داعي تهكلي همي او تداخلي فيي
زكيه : ان شاء الله بيدخل فيكي الحكيم ومابعرفلك دوا ياحق لك عازك وعوازك والف رقعه بأمبازك قال البسقه شافت بنتها عالحيط آلت تؤبريني متل اللوليه بالحيط روحي اسألي عن امك وصيتها بالحاره يلي ياكل من بيتها الجردان والصرصور والفاره
طلت لميس راسها من شق الباب : شو في امي
زكيه : الخانوم اطلقت لك اللهي يارفاه ينكت كرارك ويشعل نارك ويشوفك الحكيم ومايعرفلك دوا
لميس بفرحه : هههههه توقعت انه تزوجها تسلايه اي خرجك الله لايقيمك
زكيه : الغبيه بدل ماتهبش منه هبشه مرتبه تنشلنا من هالفقر متنازله للبيك عن كل حقوقها
لميس : ابصر شو شايف عليها واخد منها كل شي انتي صدقتي انه هي يلي متنازله

فوت ارتاح شوي
زكيه : لك شبك يا امي صرلك مده وجهك اصفر وطول الوقت نايمه لتكوني مرضانه ولي عطولي
لميس بتلعثم : لللا امي مافي شي بس لاني بسهر لوقت متأخر وانا بدرس علمك الامتحانات قربت
زكيه : الله يفرحني فيكي يارحي ويشرح صدرك وييسر امرك يااااااااااحق

*╚══════ღღ══════╝

ملك : ليكو المطعم رفاه
رفاه : تعي لنفوت بسرعه يارب ماتكون الوظيفه طارت

فاتو البنتين وطلبوا يقابلو مدير المطعم
ربيع : اهلا وسهلا انا صاحب المطعم بشو بقدر اخدمكم
رفاه : حضرتك نحنا جايين كرمال اعلان الوظيفه يلي بالجريده
ربيع : بس الاعلان بيحكي انه مطلوب موظفه وحده مو تنتين
ملك : الوظيفه لرفيقتي انا بس جايه معها
حول ربيع نظره ب اتجاه رفاه وبلش يتفحصها بنظرات ثاقبه
ربيع : شو اسمك
رفاه : رفاه
ربيع : الدوام يارفاه من الساعه اربعه للساعه عشره مساءا
رفاه : اي بعرف حضرتك وانا حابه كون بالشيفت المسائي لاني الصبح بكون بجامعتي
ربيع : اي منيح والمرتب 200 دولار والبخشيش الك وانتي وشطارتك مع الزباين… ..
رفاه : تمام استاز
ربيع : اهم شي بشغلتنا تتزكري انه الزبون دائما على حق مابدي اي شكوى والا بقلعك مفهوم
رفاه : حاضر
ربيع : روحي هلأ وبكرا بتجي الساعه 3 ونص لتستلمي الوظيفه وتتعرفي عالمكان وطبيعة الشغل
رفاه : شكرا كتير بالازن منك
ربيع : اهلا وسهلا … . وبقلبه… لك شو هالشقفه هي شكلي رح انبسط كتير هههههه
*╚══════ღღ══════╝

وصل وسام لبيت ملك ورن عالجرس وراحت انعام لتفتح الباب
انعام : اهلا وسهلا مين حضرتكم
وسام : عفوا ياخانوم هاد بيت الانسه ملك
انعام بخوف : ايه خير شو في
وسام : مافي شي حضرتك انا جاي اسأل عن رفاه حكولي ببيتها انها عند بنتك
انعام : رفاه ؟؟ وعفوا مين بتكون ؟؟
وسام : انا زوجها
انعام بقلبها : العما هاد شو بدو من رفاه بعد ماطلقها انا لازم خبي رفاه وماخبرو انها عندي
وسام : ممكن تندهي لرفاه
انعام : بس رفاه مو هون يا استاز
وسام : لكن وينها
انعام : ما بعرف اكيد ببيتها
وسام : لا مو ببيتها من شوي سألت عنها ماكانت موجوده
انعام : بعتزر منك استاز انا مابعرف شي
وسام : يمكن الانسه ملك بتعرف
انعام : بنتي ببيت عمها من اسبوع
وسام : طيب ياخانوم هاد الكرت تبعي عليه كل ارقامي ازا اجت رفاه لهون ممكن تخبريني
انعام : تكرم عينك
وسام : شكرا الك واسف ع الازعاج بالازن
انعام : الله معك
فاتت وسكرت الباب وهي حاطه ايدها عقلبها… واطلعت بالكرت اللي ب ايدها
انعام : هاد شو بعد بدو من هالمسكينه بعد ماطلقها وبهدلها… . بس والله باينته محترم وابن ناس… افففف احسن شي شق هالكرت وماخبر رفاه بجيته خطي البنت مو ناقصها
وشقت الكرت وزتته بالزباله

*╚══════ღღ══════╝

رجعوا عالقصر وفات وسام على غرفته بدون اي كلمه
راويه : شو صار معكم
مالك وهو بيقعد بتعب : مالها اثر
راويه : وين بدها تكون راحت البنت مجروحه وجرحها طري
مالك : جرحها ماعم يوجعها مرت اخي يلي بيوجعها انكسار قلبها بضلوعها وكرامتها اللي نهانت
راويه بحزن : مسكينه هالبنت والله ما بتستاهل يصير فيها كل هالشي
مالك : ان شاء الله بتلتقى
راويه : يااارب… شو وينو وسام
مالك : فات لغرفته كتير مزعوج من نفسه
راويه : خليه يحس بغلطه ويعرف انه بنات الناس مو لعبه ب ايديه
مالك : معك حق… .

وبغرفة وسام

كان قاعد عطرف التخت عم يتأمل محبسه الفضي وصورة رفاه قدام عيونه
وسام : ياترى وين اراضيكي يارفاه… . معقول لهي الدرجة انا حقير ومتجرد من الاحاسيس 😔
قام ووقف قدام الشباك
وسام : متل هالقمر وجهك يارفاه ومتل النسمه بطيبتك وحنيتك انا لازم لاقيكي واعتزر منك ورجعك عالبيت
وفجأه صورة رفاه انعكست عالقمر وحاكته

رفاه : عم ادور عليي لحتى اداوي جرحك بعد ماعرفت انها نور مابتحبك ومتزوجة رفيقك
وسام : لا يارفاه انا بدي اعتزر منك وعوضك عن الشي اللي عملته
رفاه : انا مسامحيتك وسام اتركني بحالي وعيش حياتك
وسام : مافيي رفاه والله مافيي انتي مابتعرفي قديش تعبان وحاسس بالذنب تجاهك… لاتكوني قاسيه عليي وعطيني فرصه
رفاه : انت بعدك بتحب نور ياوسام انا مالي بقلبك مكان
وسام : نور اختارت طريقها وصارت من الماضي
رفاه : بس انا ماكنت بحياتك لا بالماضي ولا بالحاضر انا مجرد عروس للإيجار انهت مهمتها ورميتها بدون مايرفلك جفن
وسام : سامحيني بترجاكي 😔 بترجاكي ارجعي لاكفر عن غلطتي وتكوني مرتي قدام الله وقدام كل الناس
رفاه : رفاه ماتت ياوسام
وسام : لا رفاه لاتروحي لاتتركيني تايه بترجاكي رفاااه رفااااااه

وعي عحاله وهو عم يشهق بين دمعاته مسح وجهو بكفوفو ورفع راسه للسما
وسام : يااااارب ساعدني لحتى لاقيها يارب والله ندمان والله

وسام : اي نور انتي ماسافرتي
نور بعصبيه : وينك انت ليش ماعم ترد
وسام : انا كنت ..
نور : لسه بدك تشرح تعال لوسط المدينة عند الدوار التالت
وسام : مالي خلق يا نور بعدين
نور بصراخ : رفااااه انخطفت ياوساااام رفاه انخطفت
حس وكأنه حدا شلع قلبه من بين ضلوعه وهشمه
وسام : انتي شوووو عم تحكي نور
نور : لك متل ماعم قلك في واحد خدرها ولحشها بسيارته ونحنا ماشيين وراه
وسام : انتو وين بالزبط
نور : عند الدوار التالت
وسام : انا هناك رح اجي فورا
تعال بسرعة قبل مايعملا شي
وسام : خليكي عالخط لاتسكري ابدا
نور : ماشي

حط عالسبيكر ليبقى على تواصل مع نور ودعس بنزين وحط الضو العالي وضغط عالزامور
صارو السيارات تفكرو من الشرطه او معه حاله طارئه ويفسحولو الطريق وهو طاير ب اقصى ساعه

وسام بقلبه : والله ازا بيلمس شعره منها لاطلع بروحو 😡

*╚══════ღღ══════╝

وبالمشفى
كمال : طمني دكتور كيف وضعا
الدكتور : انت بتعرفها شي
كمال : ابدا… انا كنت ماشي بسيارتي وفجأه طلعت بوجهي كانت عم تصرخ وتركض وما عرفت اتفاداها
الدكتور : عندها ارتجاج بالمخ وكسر بالحوض… ياريت تشوف مين اهلها لتبلغهم
كمال : لاحول ولاقوة إلا بالله… ماشي دكتور يعطيك العافية

*╚══════ღღ══════╝

وصلت لميس على بيت ربيع وفتحت الباب بالمفتاح يلي معها
لميس : ربيع… ربيع … وينو هالكلب احسن شي استناه ليجي
فتلت حالها لتسكر الباب ولمحت ربيع نازل من سيارته عم يجر بنت
لميس : العما شو عم يعمل هاد ومين هي يلي معه
وقفت ورا الباب ورفعت سكينها لحتى فات وزت البنت عالكنبه
رفاه بتعب : اه… انا وين
ربيع : لك تعبتيني لحتى قدرت احصل عليكي… الليله انتي
ملك لربيع وبس ياحلوه
رفاه : بعد عني يا واطي اه…وصارت تحاول تنادي بصوت يادوب مسموع وساااام وساااام
ربيع وهو بيشلح قميصه وبيقرب عليها : ههههه نادي لمين مابدك هون ماحدا رح يسمعك
لميس : متأكد ياربيع
فتل حاله ناح الصوت واتفاجئ بلميس واقفه وراه وحامله ب ايدها سكين
ربيع : لميس ؟؟
لميس : اي لميس يا واطي لميس اللي ضحكت عليها وبدك تزتها للشارع وبكل وقاحة جايب اختي معك لهون
ربيع بتلعثم : اااهدي يا روحي ووووالله مابعرف انها اختك
لميس : بعدك عم تكزب ياكلب ياواطي،
هجمت عليه وحاولت تطعنه وربيع بجثته وبنيته القويه خلصها السكين بحركه وحده وزتها فوق رفاه
ربيع : هههههه شكلها ليلتي حتصير احلا مع الاختين
حضنت رفاه لميس وصرخت : بعد عن اختي يانجس
ربيع : اااه بدكم تتعازموا… هيك مابيمشي الحال ياحلوين
وقفت لميس وحاولت تضربه وصدها ولكمها بقوه على وجهها
وسحب رفاه من اجريها ونيمها تحته
ربيع : اااه شو استنيت هاللحظه
رفاه : بعددددد عني ياوووووووواااااطي وسااااااااااااام
ربيع : ههههههههههههه
قرب منها وشقلها قميصها نصين وقبل مايهجم عليها تلقى ركله قويه بوجهو
وسام : لك يا واطي يا ابن الحرام عم تمد ايدك على مرتي والله لاشرب من دمك
هجموا التنين على بعض وقدر ربيع بجسمه القوي يتملك وسام يلي كان منهار ومو قادر يتوازن
رفاه : وسااااام انتبه
ناصر : اجاك الكبير ياصغير
عصام : اجتك الفزعه ابن عمييييي
هجموا الشباب على ربيع وصارو البنات يساعدو بالضرب
وهون صار ربيع متل العجينه بين ايديهم… وماعاد عرف من وين عم يجيه الضرب شي شباشب شي كفوف شي بالحزام لحتى تهبر جسمه وصار الدم يدفق من تمه وانفه ووقع تحت اجرين وسام لا من تمه ولا من كمه

وسام : رفاه
رفاه بدموع : وسام

وقف الزمن فيهم للحظه سكتت شفايفهم وحكت عيونهم كل شي بقلوبهم…
‏دعينى أبلغ عيناكِ أني-----------------عشقتها غرقت وما أروع
الغرق في بحورها-------------------أسرت وما أجمل الأسر بها
عشقت ولا عشق يفوق------------عشقي لها دعيها تحتضنني
فما أجمل أحضانها وما-------------أروع الحديث في نظراتها
أتركي عينيكِ تحتضن-----------------عيوني ودعيني أعشقكِ
بصمتي وجنوني دعينا------------------------نعشق بكل اللغات
دعي عيوننا-------------------------------------تتحدث بالنظرات
---------------------------------------------------------

كان نفسها ترتمي بحضنه وتقله اشتقتلك وهو كان نفسه يضمها ويقلها غيابك عذبني وهد حيلي
بقيوا صافنين ببعض لحتى قطع هالمشهد الرومانسي صرخة نور : اخيييييييي انتببببه
استغل ربيع انشغالهم ببعض وسحب السكين اللي وقعت من لميس وهجم على عصام وحط السكين عرقبته
ربيع : ههههه معلش قطعت عليكم المشهد العاطفي
وسام : تركوا يا كلب
ربيع : مابدي اسمع نفس واحد فيكم .. يالله اتجمعوا عالحيط يالله
وسام : لا تخاف عصام وخليك هادي
ربيع : يالله عالحيط 😡
بلشوا يتجمعوا عالحيط ولميس عم تحاول تحلل صندلها وتفتل ورا ربيع بهدوء
ربيع : معلش مافيي اخد هالبغل معي تعالي انتي يارفاه
مسك وسام ايد رفاه وخباها وراه : ما الك ب رفاه خدني انا عواض ابن عمي
ناصر : خدني انا عواضهم
ربيع : على شو عم تتعازموا شو اخدكم سيران انا

انعام : بعدها ماردت عليكي
ملك : لا والله وقلبي غليان عليها
انعام : جربي اتصلي على لميس لازم تعرف انه امها عملت حادث
ملك : طيب امي
طلبت رقم لميس وضغطت على زر الاتصال واستنت الرد
ملك : افففف كمان لميس مابترد
انعام : لاحول ولاقوة إلا بالله… شو هالليله هي
تقدم كمال ب اتجاهم واردف بصوت هادي
كمال : مسا الخير
ملك وانعام : مسا النور
كمال : انتو اهلها للمصابه
ملك : نحنا جيران والست زكيه كانت عنا قبل ماتفقد اعصابها وتطلع عالشارع
كمال : معكم رقم زوجها او حدا من اهلها
انعام : زوجها متوفي وبناتها ماعم يردو ع تليفوناتهم
ملك : حضرتك يلي دعستها
كمال : اي… . بس ماكان بدي ادعسها مابعرف كيف طلعت بوجهي
انعام : هيه كانت منهاره ومو بوعيها
كمال : على كل حال هاد الكرت تبعي ازا بين حدا من اهلها ياريت تخبروني
مسكت ملك الكرت وتوسعوا عيونها وشهقت : حضرتك من عيلة الخطيب 😲
كمال : اي… في مشكله
ملك : بتعرف وسام الخطيب
كمال : طبعا وسام ابن اخي
ملك : ابن اخوك ؟؟
كمال : عفوا من وين بتعرفي وسام
انعام : ابن اخوك ضحك على بنت هي المره يلي دعستها تزوجها ليله وطلقها
كمال : البنت اللي تزوجها وسام بنت هي المره ؟؟؟
انعام : مو بنتها بنتها… هي بتكون بنت زوجها
كمال : عن ازنكم لحظه
بعد عنهم ومسك موبايله واتصل بناصر
ناصر : اهلين عمي
كمال : البنت اللي تزوجها وسام شو اسما
اطلع ناصر بمرايته ع رفاه وتلبك : ليش عم تسأل
كمال : جاوب بدون ما تسأل
ناصر بهمس : رفاه
انتبهت نور انه همس ب اسم رفاه .. اطلعت فيه وهزت راسها : شو الموضوع ؟؟
رفع كتافه انه مابيعرف
كمال : معك رقمها
ناصر : في شي عمي
كمال : انا بالمشفى
ناصر بصدمه : بالمشفى ؟؟
نور بخوف : شبو بابا يا ناصر
ناصر : عمي انت منيح صاير معك شي
كمال : انا منيح بس دعست مره بسيارتي وعرفت انها مرت ابوها لرفاه لهيك بدي رقمها لتجي او يجي حدا من اهل المره
ناصر : رفاه معي نحنا جايين فورا
كمال : معك ؟؟؟
ناصر : بس اجي بفهمك عمي سلام

نور : شو القصه ناصر
ناصر : مرت ابوها لرفاه عملت حادث
رفاه بخوف : شووو
ناصر : وعمي يلي دعسها
رفاه : وكيف وضعها
ناصر : ما بعرف هلأ بس نوصل عالمشفى بنفهم
نور : ان شاء الله خير لا تخافي
ضمت اختها لصدرها ونزلت منها دمعه حاره… . هالعيله من لما فاتت حياتها وهي بالمشاكل والهموم… اطلعت بطرف عينها على نور وتزكرت كلامها وقت كان وسام بالمشفى
رفاه بقلبها : ياترى وسام سعيد بحياته معك ؟؟ بس هيه ليش ركبت مع ناصر وخلت عصام يركب مع وسام وليش هيك منظر وسام باين عليه التعب والهم معقول متزاعلين… . ؟؟؟

*╚══════ღღ══════╝
وبالطرف الاخر

عصام : سامحتني من قلبك وسام
وسام : اكيد عصام والشي اللي عملته انت وناصر ونور مابنساه طول عمري
عصام : حبيتها
وسام :… .. انا بدي ياها تسامحني عالشي اللي عملته معها
عصام : بس انت حبيتها
وسام : عم قلك انا
وسام : حبيتهاااا
وسام :… ..
عصام : نظرة عيونك ولهفتك كل هالشي بيأكد انك حبيتها
وسام : حتى لو كنت بحبها هيه مارح تسامحني ولارح تقبل ترجعلي
عصام : بس انا شايف عكس هيك
وسام : كيف يعني
عصام : كانت بعيونها دمعة شوق ولهفه وخوف… هيه كمان كانت ملهوفه عليك
وسام : شو اشتقت لعيونها
عصام : احم احم نحن هنا… .. لحظة ياروميو ناصر عم يتصل
عصام : اي ناصر…… شلون…… اي طيب طيب انا ماشي وراك عالمشفى هلأ بشوف الموضوع… .. سلام
وسام : شو في
عصام : هي الدنيا هلقد صغيره
وسام : لك احكي نطفت قلبي
عصام : ابي دعس بسيارتها مرت ابوها لرفاه
وسام : زكيه !!
*╚══════ღღ══════

وبالمــــــشفـــى

فوتوا لميس على غرفة العمليات وركضت رفاه لعند زكيه لتطمن عليها
رفاه : خاله زكيه
كانت زكيه نايمه بتختها وراسها ملفوف واجرها مجبره وقلبها مكسور
اول ما شافت رفاه نزلت منها دمعة ومدت ايدها بعجز ونطقت من بين شفايف مرتجفه : رررفاااه .. االححقي اخخخختك
تقدمت منها رفاه ومسكت ايدها وباستها والدموع بعيونها
رفاه : لا تخافي خالة لميس بخير مستحيل اسمح لحدا يئزيها
زكيه : للللمممييس حححامممل
رفاه : لا خاله شو حامل كان في خربطه
زكيه : لاتكزبي عليي رررفاه لممميس ووووطططلتي ررراااسسيي
رفاه : راسك مرفوع خاله… لميس اتزوجت بالسر يعني حتى لو حامل هو بالحلال والله بالحلال
زكيه : اناااا غضضضضبانه عليييها لييييوم الد….
حطت ايدها عتمها بعجل : لاتغضبي عليها يامو
زكيه : يامو
رفاه : طول عمري بعتبرك متل امي بس انتي ماكنتي تسمحيلي ناديكي يامو
زكيه بدموع : سسسامحيني رررفاه اانناااا ظلمتك كتير يياااا بنننتي
رفاه : مسامحتك يامو انا مافيي ازعل منك انتي يلي ربيتيني
زكيه : وينااا لميييسسس
رفاه : اه… لميس هلأ بتجي ارتاحي يامو ولاتتعبي حالك
زكيه : مممابدي شوفاااا
رفاه : بعرف هالحكي من ورى قلبك يامو… انتي جواتك اطيب قلب بالكون
زكيه : بعدد كللل شششي عملته معك عممم تححكي هيييك
رفاه : مافي بنت بتزعل من امها .. وهلأ حاج تحكي وارتاحي
زكيه : فيييي شييي لازم قلك ياه
رفاه : بعدين امي ارجوكي ارتاحي
زكيه : ووووساااام وسسسام
رفاه : امي ممكن بلاا سيرة وسام

وقبل ماتحكي زكيه يلي عندها بيندق الباب وبيفوت وسام وناصر وعصام ونور وانعام وملك وكمال
كمال : حمدلله ع سلامتك ياخانوم
هزت راسها بدون جواب وعيونها مسلطه على وسام
وسام : كيف صرتي خاله زكيه
زكيه : وووسسسام وسسسسام كان ييييجي كل دووووم ليسسسسأل عنك ووويدور عليكككي
رفاه : امي مافي داعي لهاد الحكي هلأ…… عن ازنكم
ملك : لوين
رفاه بهمس : بدي اطمن على لميس
ملك : خديني معك

طلعت رفاه وبقي وسام مكانه مصدوم معقول مابدها تسامحه معقول خسرها للابد… . نزل راسه بيأس وغمض عيونو ب الم
عصام وهو بيحط ايدو عكتف وسام : لا تخاف كلشي رح يتصلح
زكيه : وووسسام
وسام : اي خاله
زكيه : سسسامحني ابني انا كزبت عليك وعععطيتك امل كزاااب كنت بعرف اننننها رفاااه ببيت ممممملك وماقبلت خبرك لما كننتت تجي تسسسأل عنها كل يوم
وسام : الضاهر مارح تسامحني خاله
زكيه : رفاااه بتفكر انك متزووووج بنت عمك لهههيك عممم تبعد عنك الحححقها ابببني رفااه بتحبك
وسام بصدمه : شوووووو
نور : وانا كمان خبرتا انه انا وانت سرنا مع بعض سامحني وسام 😔
انعام : وانا ماخبرتا وقت اجيت تسأل عنها وشقيت الكرت… . اسفه ابني كنت عم حاول احميها
حط ايديه عراسه وغمض بقهر : لك انتووووو شووووو مافي بقلوبكم رحمه بدك تحميها مني وانتي يابنت عمي ماكفاكي اللي ساويتيه كمان خربتي بيني وبين رفاه
نور : وسام انا
وسام : حاج نور مابدي اسمع شي لامنك ولا من غيرك كلكم ظلمتونا ماحدا فيكم فكر فينا كل واحد فكر بالشي اللي بريحه… اتركوني بحالي مابدي حدا ولابدي شوووف حدااا

*╚══════ღღ══════╝

طلع وسام من المشفى ودموعوا بعرض وجهوا… ليش هيك صار معه وليش الكل واقف ضدو… حتى رفاه مابدها تسمعه
وسام : بعرف اني جرحتك وقت طلقتك بس انا كان لازم فكك من قيدي لحتى ماتنجبري تكوني معي غصبا عنك
رفع راسه للسما… يشهد ربي اني حبيتك رفاه ومابدي حدا غيرك ياريت عطيتيني فرصه ياريت ما كنتي قاسيه 💔

‏تمنيت العُمُر وياك
‏لكن للظروف أحكام .>> وأنا ربي حكم إني أحبّك وأنحرم منّك ! 🎶

*╚══════ღღ══════╝

كانت واقفه بحد لميس وماسكه ايدها لتفيق بعد مااجهضت الطفل اللي ب احشائها قربت منها ومسحت ع وجهها بحب
رفاه : حمدلله عالسلامه اختي
لميس : شو صار
رفاه : صار معك نزيف واجهضتي البيبي
لميس بتهيده : الحمد لله مابدي شي يربطني بهالحقير
رفاه : لو سمعتي كلامي يا اختي ماكان صار اللي صار
لميس بندم : بعترف اني غلطت الغرور عما على عيوني وبصيرتي 😔
شدت ع ايدها لتحسسها بالامان : كلنا منغلط اختي انسي كل شي وبلشي من جديد
لميس : ومين رح يقبل يربط حياته بوحده متلي 😔
رفاه : مابدي اسمع منك هالحكي انتي اتزوجتي مارحتي بالحرام… صحيح يلي عملتيه غلط وغلط كبير بس بتبقى كلمة مطلقه ارحم مليون مره من……… .
لميس : وينا امي
رفاه : خاله زكيه حواليكي ماتشغلي بالك
لميس : بدي شوفا بدي تسامحني
رفاه : اهدي هلأ واهتمي لصحتك واتركي موضوع خالة زكيه عليي
لميس : رفاه
رفاه : عيوني اختي
لميس : سامحيني اختي سامحيني انا ماكنت الاخت الحنونه ياما ازيتك وسبيتك ودايقتك وانتي كنتي احسن مني
ضمتها بحب لتنزل دموع الخوات وتغسل كل اوجاع الماضي الاليم
رفاه : مسامحتك اختي بس اوعديني ماتكرري الشي يلي عملتيه
لميس : بوعدك اختي
بيندق الباب وبتفوت نور وناصر وعصام وانعام
نور : رفاه ممكن احكي معك
رفاه : بخصوص شو
نور : وسام… وسام مو
رفاه : لو سمحتي نور مابدي احكي بهالموضوع وسام استغلني ابشع استغلال ليوصلك ورجع رماني عالطريق بدون مايرفله جفن
ناصر : وسام بيحبك رفاه
رفاه : بيحبني ؟؟ واطلعت بنور
هزت نور راسها ب ابتسامه وحضنت ناصر : انا ما تزوجت وسام انا مرتو لناصر
رفاه بصدمه : مرتو لناصر ؟؟ بس وسام
عصام : ممكن تجي معي لنحكي بهدوء انسه رفاه
رفاه : شو بدنا نحكي .. شو بعد باقي مفاجأت مابعرفها
عصام : الله يسامحك نسيتيني احكي ل لميس حمدلله عالسلامه ومال براسه بشقاوه ناح لميس : حمدلله ع سلامتك لميس ورقة طلاقك من الحقير صارت معي
لميس : بجد
عصام : اها
لميس : شكرا عصام
عصام : الشكر الك لميس نسيانه انك انقذتي حياتي
نزلت لميس راسها بخجل وتبسمت بود
عصام : شو ست رفاه رح تيجي معي ولا اشحطك شحط 😡
رفاه : جايه
عصام : ايوا لازم تخليني حمر عيوني 😁

*╚══════ღღ══════╝

فات عالقصر مخنوق وقلبه مكسور … يمكن بهاللحظه حس بشعور رفاه وقت جبرها تتزوجه ورجع طلقها تاني يوم… حس اديش الظلم شعور بشع وقاسي… كان عم يلعن نفسه وقلت حيلته وقرر يترك البلد ويسافر لبعيد
حط بشنتايته الاغراض الضروريه وفتح الدرج وتناول رسالة رفاه ورجع يقرأها… . قرأها مره ومرتين وتلات لحتى تبللت الورقه بقطرات دموعه… ضم الرساله يلي كانت اخر تذكار من رفاه واستنشقها لتغلغلت حروفها جوات صدرو واستقرت بقلبه المتعب
حمل شنتته ونزل عالدرج بخطوات ثقيله مهزوزه متعبه
وســـــام
التفت ناح الصوت ليشوف امه العاجزه عم تحاول تجر كرسيها ب اتجاهه وتلحقه… ركض عليها وحضنها
راويه : لوين رايح وسام لوين تارك امك ورايح
وسام : ماعاد فيي اتحمل امي كرمال الله سامحيني
راويه : ورفاه
وسام : حتى رفاه ماعاد بدا ياني خلص امي كلشي انتهى
راويه : من ايمت وسام بيستسلم
وسام : انا مو حجر امي انا انسان وعندي طاقه للتحمل… رفاه رافضه تعطيني فرصه تانيه رافضه تسمعني
راويه : ازا رفضت اليوم تسمعك بتقبل بكرا
وسام : مابعتقد امي… رفاه اخده قرارها انه ماترجعني لحياتها
حطت كفيها على وجهو بحنيه ودفا واردفت بصوتها الحنون
راويه : رفاه بتحبك امي
وسام : لو بتحبني كانت سمعتني

مالك : لو مابتحبك مابقيت لابسه دبلتك لليوم
وسام : عمي ؟؟
مالك : روح لعندها ابني ولاتخسرها
وسام : انت كيف عرفت
كمال : انا خبرته
وسام : عمي كمال ؟
كمال : صار الوقت ليتصلح كلشي ابني انا السبب بالي انت فيه ولازم صلح غلطي
اطلع ب امه يلي كانت دموعها بتنزل بفرح ورجاء… مسحلا دمعتها بكفه وقام رمى حاله بحضن اعمامه ليستمد قوته منهم ويرجعوا عيله من جديد
كمال : حاج دموع ابني ويالله لنروح نخطبلك رفاه
وسام : بس
مالك : لاتبلش اتبسبس اسمع الكلمه ولابدك حلاوة هالمنظر يروح ببلاش
وسام بتعجب : اي منظر ؟؟
مالك : اطلع وراك بتعرف
فتل حاله ليشوف امه واقفه ع اجريها وفاتحه ذراعيها اله
وسام : اممي انتي واقفه على اجريكي
راويه : تعا لحضن امك يا روحي
وسام : امييييييي
ركض لعندها حضنها ملئ الحب وملئ الشوق نزل لعند اجريها يبكي بفرح :
وسام : ماعم صدق عيوني يا امي انتي واقفه ع اجريكي ياربي دخيل اسمك ازا كان حلم ماتفيقني منه
راويه : مو حلم ابني ربك قادر على كل شي
وسام : انا مو عاطي فرحتي لحدا امي مو عاطي فرحتي لحدا ياروحي اااخ يا امي
بكي كمال وبكي مالك وبكي كل يلي بالقصر حتى الحجر والصخر… كان الكل بحاجة هالدموع لتغسل قلوبهم وتنقيها ويعرفوا انه المصاري مابتعوض الانسان عن عيلته وصحته ولا بتشتري السعاده ولا بتستأجر عرايس… .!!!؟

*╚══════ღღ══════╝

ثورة غضب اجتاحت قاعة الكافتيريا واصوات حاده تتعالى
رفاه : انت شو عم تحكي عصام…
عصام : هاد يلي صار رفاه
رفاه بضحكه هستيريه ممزوجه بالقهر : ههههههههههههه كنت مفكره حالي عروس للإيجار طلعت بديل احتياطي للسيد وسام
عصام : مو هيك الموضوع رفاه
رفاه : الموضوع واضح عصام مو بحاجة شرح ..البيك بعد ما فشل يحصل على حبيبته بدو يحبني ع اساس مكتوب عجبيني علاج القلوب المكسوره تأخذ عند الحاجه
عصام : انتي التفاهم معك صعب
سكتت لبرهه لتأخذ الدموع مجراها بخدها الوردي وتحمر عيونها السود
رفاه : بالعكس التفاهم معي ولا اسهل منه بس وقت يتعلق الموضوع بكرامتي بتحول… . حط حالك محلي عصام او حط نور مكاني بتقبل اختك تكون بديل مكاني ليعالج وسام جراحه وخيبته بالحب ؟؟
عصام : انتي حبيتيه رفاه
ضحكت ب انكسار من بين دموعها : للأسف اي حبيته وما بعرف كيف حبيته ولا خططت لشي عصام 😔
عصام : وهالحب مابيستاهل تعطيه فرصه تانيه ليعيش لاتقتلي حبكم وهو بالمهد
رفاه : ما عاش من الاساس ليموت
عصام : شو افهم من كلامك
وقفت بثقه ومسحت دمعتها بقوه
رفاه : الموضوع منتهي عصام وسام مابيحبني وسام بدو وحده تنسيه جرحه وحده تنسيه انه انسان فاشل…ياريت تحكيلو ينساني لاقدر كفي حياتي … . عن ازنك ..... ايه نسيت وقله شكرا على كل شي
اطلع ب ايدها المرتجفه واردف : هاد المحبس وسام لبسك ياه
رفاه بتلعثم : للاا مابعرف… عن ازنك
عصام : رفاه .. رفااااه ارجعي لنتفاهم رفاااااه…… .هووووووف شو يباسة هالراس هي

نور : شو عصام قدرت تقنعها
رمى حاله عالكرسي وحط ايدو عجبينو : عنيده عنيده كتير
ناصر : والحل
عصام : وسام بدو معجزه
اطلعوا التلات ببعض بعجز… كيف ممكن يرجعوا وسام ورفاه لبعض
ناصر ; مو وقت السكوت هلأ قوموا لنلحقها بسرعه

*╚══════ღღ══════╝