ماهر. تمام
محمد. اعمليلنا قهوة
ماهر. لا لا قوم بنشربها برا
محمد. لك لا ليش
ماهر. لك بدك واسطة حتى تقوم خلصني بدي احكي معك
راحو ماهر ومحمد ع قهوة
محمد. خير شو في
ماهر. بدي حل
محمد. حل لشو
ماهر. رح احكيلك انت مو غريب
محمد. اي احكي
ماهر. لك منى متغيرة معي كتير بتعاملها وبتصرفاتها وبكل شي
محمد. كيف يعني للأفضل ولا للأسوء
ماهر. لك عم بشتهي يمرء يوم ما اتخانئ انا وياها كل يوم مشاكل بيني وبينها
محمد. اي ومين سبب المشاكل انت ولا هيا
ماهر. لك انا من البيت للشغل ومن الشغل للبيت
محمد. لكن ايمتا بتصير المشاكل وشو سببها
ماهر. بس ارجع من شغلي
لك هاد الي محيرني انو مافي سبب بنتخانئ ع ابسط شي
لك والله انا بحبها هيا بس لو تقلي شو وجعها شو الي بدها ياه المهم تخلص هالمشاكل
محمد. والله يا صاحبي ما بعرف شو بدي قلك يمكن السبب انو انت ما بتقعد بالبيت وملتهي بالشغل ومابتهتم فيها
ماهر. لك لا ابدا والله كل ساعة كنت اتصل فيها لأتطمن عنا وانا بشغلي بس حتى هي تضايقت منا وقالتلي لعاد تتصل شو كل دقيقة الواحد بيحكي
انا الي قاهرني انو كانت تجن اذا ما حكيت معها
محمد. غريب لكن شو صايرلا
طيب ولا يهمك انا بحكي لسمر وبنجي عليكم شي يوم وسمر قوية بتعرف تحكي معها
لك لو جبتا معك اليوم كنا حليناها
ماهر. ليش انت سدئت انها مرضانة وبالبيت
محمد.لكن وين
ماهر. اليوم قلتلا خلينا نروح مشوار مارضيت
وبعد شوي لبست وراحت لعند رفيئتا بس انا ماني زعلان بالعكس خليها تغير جو
محمد. خلص لكان متل ماقلتلك بنجي عليكم وبنحاول نحلها
ماهر. اي والله ياريت
وهلأ بدي روح
قوم لوصلك
محمد. اي امشي
في بيت سماح وهنن عم يشربو قهوة
منى. طيب ايمتا رح يجينا اولاد هي سلفاتي كلن صار عندن الا انا
سماح. اهاااا معناها انتي هيك تفكيرك لك وكل هالمشاكل بسبب غيرتك من سلفاتك
منى. لا والله مو هيك
سماح. لا تضحكي ع حالك
لك يا مجنونة كلهن 3 سنين صرلك متزوجة ليش مستعجلة لك هي اختي صرلا خمس سنين متزوجة ومابدهم هلأ بقولو بكير
منى. اي اختك ايمتا مابدهن بيقدرو يجيبو
سماح. ليش وانتو شو مو قللكن الدكتور مع العلاج ومع الايام بصير حمل بس بدها طولة بال الشغلة
لا تغاري من سلفاتك
لك بالعكس انا الي بشوفو انو هنن بغارو منك لانو زوجك بدللك ومعيشك متل الاميرات وحباب ورومنسي بس انتي مانك مقدرة هالشي
حتى اختك بتقلك نيالك ع زوجك وهيا عندا اولاد بس مو مرتاحة
منى. اي وشو استفدنا انا بعرف انو منيح واحسن من اخوتو كلن وماشفت منو شي بس انااااا بدي ولد
سماح. اي اصبري الله كريم ليش هوا كمان مو حاب لك بكون قلبو محروء على ولد بس مابيحكي هالشي
يلا اشربي قهوتك بردت
ماهر وصل محمد ع بيتهم وهوا بالسيارة بفكر وبقول
ماهر. اكيد انا مقصر معها بشي ل منى لهيك زعلانة مني ياعمري انتي يا منى والله بحبك لو شو ماعملتي لك حتى لو جنيتي وجننتيني رح ظل حبك ومستحيل حب غيرك ههههه لك والله من مجرد حكيي عنك اشتئتلك
راح ماهر ع محل ذهب واشترا لمنى اسوارة
وراح ع محل الهدايا اشترا دبدوب وورد احمر وقنينة بارفان واشياء لتزيين الغرفة وشريط اغاني هادية وحلوة
وراح ع البيت
زين ماهر الغرفة وخلاها كلها ورد كرمال منى
ماهر. ايوا هيك تمام ومو ناقص شي اكيد هلأ بس تشوفا رح يطير عقلا
لك تأخرت عليها لمنى بتكون نسيت تتصل فيني رح روح جيبها
وصل ماهر ع بيت سماح وزمر بالسيارة حتى طلعت منى وطلعت معها سماح
سماح. كيفك ماهر
ماهر. تمام انتي كيفك
سماح. الحمدلله انزل ليش قاعد بالسيارة
ماهر. لا خلينا نمشي يالله منى
منى. شو بدك ؟
ماهر. بدنا نرجع ع البيت
منى. انا ماني راجعة معك
ماهر. ليش
منى. مو قلتلك لا تجي حتى اتصل فيك
ماهر. بس انتي ما اتصلتي فكرتك نسيتي
منى. لا ما نسيت بس انت هيك دائما بتشك فيني وما بتحبني اطلع ع مكان
نزل ماهر من السيارة
ماهر. اناااا لك بشو شكيت فيكي ليش شو قلتلك
منى. من الاول ماكان بدك ياني اجي وهلأ اجيت من حالك حتى تشوفني اذا عند سماح ولا لأ
ماهر. بصوت عالي لك منى يلا امشي
سماح. ماهر اهدى شوي وانتي منى يلا امشي مع زوجك
منى. ماني رايحة معو ليش ليعلي صوتو بالشارع
سماح. ماهر فوت ع البيت وجوا بنحكي
ماهر. لا خلينا نروح اتأخر الوقت يلا يا منى
منى. معك ماني رايحة
ماهر. لكن مع مين بدك تروحي
منى. اليوم رح ظل هون
ماهر. ليش
منى. هيك بدون سبب بدي ريح راسي من المشاكل لأنو طقت روحي
سماح. ماهر امشي لجوا مو حلوة تتخانئو بالشارع
ماهر. بدك ترجعي معي ولا لأ
منى. لأ
ودخلت ع البيت
سماح. ماهر معليش لا تزعل منها اتحملها شوي
ماهر. اووووف بس
سماح. لك فوت ع البيت وجوا بتتفاهمو وبتشوف شو قصتها
ماهر. لا خليها ليوم تاني
مابكفي عملتلي مشكلة من ولا شي
سماح. معك حق بس طول بالك شوي والله قبل ماتجي انت كنت انصحها وخليها تغير معاملتها