ي و سكري الباب .
ام شريف : من عيوني .
*دخلت امي على غرفتي و قعدت على طرف التخت ...
ام شريف : احكي عم اسمعك .
جُهينة : طلال .
ام شريف : شبو ؟
جُهينة : اجا لعندي عالمحل مرة تانية و قلعتو ، كل شوي عم يبعتلي رسائل وماعم رد عليه .
ام شريف : ليش يا بنتي ؟
جُهينة : مو قادرة سامحو .
ام شريف : رب العالمين بيغفر مين نحنا لحتى ما نغفر .
جُهينة : مو قادرة اغفرلو لاني بحبو من قلبي .
ام شريف : لهلأ بتحبيه ؟
جُهينة : اي لهلأ بحبو .. بحبو كتير وهو خذلني وكسرلي قلبي .
ام شريف : طالما بتحبيه لازم تعطيه فرصة و تسمعيلو .
جُهينة : لما عم شوفو عم اتذكر كيف كانو عم يضحكو هو و صفاء وكيف كانت ماسكة ايدو .
ام شريف : انتي قلتيها ماسكة ايدو يعني هي يلي عم تتقرب منو مو هو .
جُهينة : ما لازم يسمحلها تتقرب منو طالما بيحبني الي .
ام شريف : كل انسان بيصير معو شغلات ما بايدو و يلي صار مع طلال ما بايدو هي غافلتو ومسكت ايدو شو يعمل ؟
جُهينة : كان لازم يبهدلها و يقلعها وماعاد يوقف معها ، امي بتتذكري كم مرة تقاتلنا انا وياه مشان صفاء و لانو واقف معها .
ام شريف : وانا بتذكر انو عطول يقلك انهن زملاء ما اكتر .
جُهينة : ما بعرف انا ضايعة يا امي .
ام شريف : بدك رأيي ؟
جُهينة : اي طبعا .
ام شريف : برأيي تقعدي معاه و تحكو على رواق تسمعي منو و يسمع منك ، وانا متأكدة انو طلال بيحبك متل ما انتي بتحبيه و اكتر .
جُهينة : حاضر بس مو هلأ ، لحتى نخطب لأخي .
ام شريف : متل ما بدك ، يلا قومي نتغدا .
_________________________________________#بقلم_فتاة_من_ورق
بعد مرور يومين ...
ام حمزة : مية اهلا وسهلا شرفتونا .
ام شريف : نحنا يلي تشرفنا بمعرفتكن .
ام حمزة : عن اذنكن رايحة جيب القهوة .
ام شريف : ام حمزة .
ام حمزة : نعم .
ام شريف : نهال موجودة ؟
ام حمزة : اي موجودة .
ام شريف : خليها تجي تقعد معنا .
ام حمزة : اي على عيني .
*طلعت من الغرفة وبسرعة خطر على بالي حكي زوجي ابو حمزة...
ام حمزة : والله طلع معك حق يا ابو حمزة في إن بالموضوع .
نهال : اهلا وسهلا خالة .
ام شريف : اهلين فيكي حبيبتي دخيل قلبك شو مرباية ، ايا صف انتي يا حلوة ؟
نهال : صف تاسع .
جُهينة : شاطرة بالمدرسة ؟
نهال : اي كتير الحمدلله كل علاماتي 12 و 13 من 20 .
جُهينة : ما شاء الله عنك شطورة .
نهال : وانتي أيا صف ؟
جُهينة : هههه حبيبتي الله يجبر بخاطرك انا عمري 25 و رح يصير 26 يعني من زمان خلصت مدرسة .
نهال : نيالك انا مو مصدقة ايمتا خلص مدرسة واخلص من السيدة ملعقة .
جُهينة : مين السيدة ملعقة ؟!
نهال : مديرة المدرسة .
جُهينة : هههههههه .
ام حمزة : احم ، نهال حبيبتي روحي شوفي اخوكي عم يناديكي .
نهال : لا ماما ماعم يناديلي .
*زورتني امي و عضت على شفافها ...
ام حمزة : انتي ما سمعتيه .
نهال : اه اي اي بجوز ، عن اذنكن لشوف اخي و برجع .
ام شريف : اذنك معك حبيبتي .
ام شريف : ما شاء الله عنها زينة البنات .
ام حمزة : الله يسلمك ويخلي يلي عندك .
ام شريف : بصراحة يا ام حمزة نحنا اجينا اليوم مشان نطلب ايد بنتك نهال لابني شريف .
ام حمزة : نحنا منتشرف فيكن اكيد بس البنت لساتها صغيرة .
ام شريف : وابني لساتو صغير عمرو 24 سنة ، خريج معهد وعندو محل وبيت وسيارة وشو ما بدكن نحنا حاضرين .
ام حمزة : الله يتمم عليكن متل ما بتعرفي القرار الاول و الاخير لابو حمزة هو رجال البيت .
ام شريف : يا ستي خدو راحتكن بالتفكير بس لا تقطعو بنصيب بنتكن بس لانو لساتها صغيرة ، لو صار نصيب نهال رح تصير بنتي التاني ورح حطها بعيوني وعاملها متل ما بعامل جُهينة واحسن .
ام حمزة : بيصير خير ان شاء الله ، تفضلو كملو قهوتكن .
ام شريف : تسلمي يارب ، هاد رقم التلفون الارضي مشان ترديلي خبر لما تقررو .
ام حمزة : ان شاء الله .
#رفيقة_الدرب#الجزء_السادس#بقلم_فتاة_من_ورقنهال : ليش طالعتيني من الغرفة كنت مبسوطة مع الضيوف .
ام حمزة : بدي قص لسانك تاني مرة .
نهال : يا ربي ليش .
ام حمزة : مليون مرة صرت قايلتلك بتقعدي مع الضيوف وانتي ساكتة .
نهال : اي هي صارت تسألني .
ام حمزة : اي روحي من وجهي روحي حضري سفرة الغدا رح يجي ابوكي .
نهال : حاضر .
_________________________________________#بقلم_فتاة_من_ورق
ام شريف : وعطيتها رقم التلفون لتردلي خبر .
شريف : يعني كم يوم بدها لترد خبر ؟
ام شريف : ما بعرف بس ما اكتر من اسبوع .
شريف : يا رب يقبلو .
ام شريف : ليش لحتى ما يقبلو زينة الشباب تقدم لبنتهن اكيد بدهن يقبلو .
شريف : ان شاء الله .
جُهينة : بدك شي ماما .
ام شريف : لوين رايحة حبيبتي ؟
جُهينة : بدي روح افتح المحل كم ساعة .
شريف : امشي انا بوصلك .
جُهينة : تمام ، يلا باي ماما .
ام شريف : الله معك حبيبتي .
_________________________________________#بقلم_فتاة_من_ورق
ابو حمزة : متل ما توقعت لانو ما معقول هيك ناس يقررو يزوروكي من فراغ .
ام حمزة : المهم
