💝 #في_حضرت_الحب_اموت 💝

#الجزء_الأول

زين : آية لايمت رح نضل هيك
آية : حبيبي ما بعرف يعني انا مبسوطة هيك
زين :طيب انا ما عم اقدر اتحمل غيابك عني انا بدي ياكي بالحلال بس بيت بهيك ظروف و حرب ما قادر أمن ليش ابوكي معقدا كل هالقد
آية : طيب بس قلي انا شو قادرة اعمل ليش مفكر فيني عيش بدونك مفكر اني ما مشتاقة اسكن معك لو بغرفة بالاجار بس ابوي عاش بالفقر و اتعذب و مفكر يزوجنا لناس مرتاحة ماديا مشان ما نتعذب متلو
زين :طيب و الحب اللي بيناتنا معقول ينقتل بحجة البيت خلص انا ما بقا قادر اتحمل اكتر بدي شوفو اليوم و اترجاه انو يقبل
آية : طيب بس امانة لا تخليه يعصب احسن ما تضيع كل أحلامنا
زين : عمي ابو وليد بدي احكي معك اذا بتريد
أبو وليد : لك انا كم مرة قلتلك ما الك نصيب عنا بس يصير عندك بيت تعا
زين : يا عمي اذا بتريد بس خلينا نحكي كلمتين
ابو وليد :احكي شو عندك شي جديد اذا ما عندك تفضل روح من وشي
زين : يا عمي و الله عم اشتغل دوامين مشان لم حق بيت و صرت مصمد شوية مصاري خلينا نتزوج انا و آية هلأ و بكرا الله بيرزقني و بشتري بيت و بنتك ما رح تعيش الا معززة مكرمة
أبو وليد : ليك يا زين انا كنت واضح بكلامي كتير اذا ما عندك بيت لا بقا تفرجيني وشك هون و نصيب ما الك عنا يلا لبرا
وليد : لك حيوان شو جابك لعنا كم مرة بدنا نقلعك من هون
زين :وليد انا جاية لعند ابوك انت خليك برا الموضوع
وليد : اذا بتطلع عيونك ما رح نرضى تصير صهرنا يا اندبوري يا مشرشح
زين : عم تعيرني بالفقر يا وليد اللي عطاكم بيعطينا
وليد : روح من هون يلا
ترررن تررن
آية : حبيبي طمني شو صار معك
زين : شو صار ليش اهلك بشر بشك انو عندهم حجر بدل قلوبهم
آية : طول بالك حبيبي و حياتك و محبتك اللي زرعها الله بقلبي ما بتزوج حدا غيرك و اذا جبروني رح اقتل حالي و ما بكون لغيرك
زين : لا تحكي هيك بعيد الشر عنك ليش انا برضا ترتكبي هيك جريمة بحق حالك و بحق حبنا شو بستفاد بكون خسرتك دنيا آخرة انتي بس ادعيلي الله يرزقني و نتزوج
آية : ان شاء الله بتفرج و الله بيرزقك ع قد حبي الك
زين : تسلميلي انتي حياتي كلها .
انا لازم لاقي حل لازم أسس مستقبلي افضل من هيك شو الحل يا ربي
أنس : شبك زين بشو صافن
زين : لك آآآخ يا أنس يا رفيقي أهل حبيبتي صاروا خمس مرات رافضيني و كل مرة بيطلبو مني بيت و خايف حدا جديد يتقدملا و هالمرة يجبروها عليه متل ما بتعرف صارت رافضة اربعة شباب كل مرة بحجة شكل و أكيد ما بقى رح يصبرو عليها اكتر
أنس: طول بالك أنا عندي الك حل
زين : الحقني فيه دخيل الله
أنس : بتطوع بفرقة الاقتحام رواتبها عالية و عقودها سنوية يعني بسنتين بتجيب حق بيت مع المصاري اللي معك
زين : بس أنا وحيد بيقبلوني
أنس : لك أي هو تطوعي ما اجباري يعني وظيفة نظامية عقد و راتب و تعويضات
زين : ماشي رح خبر آية و خليها تخبر أهلها يصبرو علي و منشوف شو بصير
أنس : أوك بكرا منروح منقدم عليها سوا جهز أوراقك
زين : ع خير ان شاء الله يلا سلام
أنس : الله معك
يلا آية ردي
آية : الو
زين : كيفك اسمعي هالخبرية
آية : احكيلي ان شاء الله خير
زين : في وظيفة بفرقة عسكرية تابعة للجيش رواتبها عالية و بعقود خلال سنتين بطلع حق بيت بدي تصبري علي هالسنتين و بعدها منتزوج ما رح نعمل خطبة طويلة
آية : حبيبي يعني بدك تروح للحرب لا ما بقبل ما بدي تنضر و يصيبك شي بجن بموت بدونك
زين : و انا بموت اذا ما تزوجتك و هيك هيك أنا ميت ادعيلي ما في قدامي غير هالحل أهلك جبروني
آية : كل هالقد بتحبني حتى تخاطر بروحك
زين : أنتي كل عمري و روحي و حياتي من دونك ما الها طعمة
آية : يا قلبي الله يحميك و ينور دربك
زين : الحامي الله ادعيلي و انطريني هالفترة أكيد رح تنقطع اخباري عنك انطريني
آية : الله يحميك حبيبي دير بالك ع حالك
#يتبع
الجزء الثاني