#لغز_الحب
#بقلم_أمل_الحياة
#الجزء_العاشر

دخلو عالفيلا وهنن مبسوطين ... لجين كانت كتير متغيرة ... عم تضحك وتحكي كتير مع تيم ...
حنان بهمس ل نورة : شبها هي اليوم
نورة : والله علمي علمك ...
حنان : يلا خير ... بالإذن انا صار لازم ارجع عالبيت
نورة : ماشي الله معك
( راحت حنان على بيتها ... ونورة مسكت ايد لجين وطلعو لفوق عالغرفة ... )
لجين : شوفي نورة ؟!.. ليش ساحبتيني بهالطريقة ؟!
نورة : لك لولو مو شايفة حالك ... متغيرة من الصبح لهلق ...
لجين : لاء مو متغيرة انا .... شو عملت
نورة : يعني انتي مالك بالعادة تمزحي وتحكي مع تيم بهالطريقة ...
لجين : خلصنا رورو والله تفكيركم محدود ... يعني وين المشكلة ... تيم ابن عمتي مو غريب ...
نورة : الله يهديكي ياشيخة ...
____

عند تيم وميرا تحت ....
تيم : ماما شبها لجين اليوم ؟!... حاسسها متغيرة ...
ميرا : هههههه وانا كمان انتبهت لهالشي ... باينتها حاببتك ....
تيم : هههههه مستحيل تحبني ... شو رح تحب فيني ... يعني معقول تترك كل الشباب وتحب واحد متلي ...
اكيد شفقانة عليي مو اكتر
ميرا : لاء لاتحكي هيك ياقلبي ... انتي الف وحدة بتتمناك ....
_____

رجع نورس المسا عالبيت .... وراح على غرفة ابوه ... دق الباب ودخل ...
نورس : كيفك بابا ... بتسمحلي احكي معك شوي ؟!...
كرم ( ابو نورس ) : اي اكيد .... تفضل ....
نورس : يعني بصراحة رح احكي فورا بدون لف ودوران ....
كرم : تفضل ابني شو في !!!... شغلتلي بالي ...
نورس بإبتسامة : يعني انا صرت شب متل مابتعرف ... وبصراحة انا قررت اخطب ... من بعد اذنك طبعا ...
ام نورس من وراه بفرح : عنجد ؟!.... ياقلبي انتي واخيرا رح شوفك عريس ....
نورس : ههههه تسلميلي ياغالية ...
ابو نورس : ماقلتلي مين صاحبة النصيب ؟!..
نورس : بصراحة انا عم فكر ب لجين بنت عمي ... وحابب اتزوجها على سنة الله ورسوله ...
ابو نورس : ونعم الاختيار ياابني ... خلص بكرة رح فاتح جدك بالموضوع .... وان شاء الله خير ....
نورس بفرح : الله يخليلي ياكن يااحلى ام واب بالدنيا
______

تاني يوم الصبح بغرفة الجد .....
ابو كرم : خلص ياابني لجين ل نورس بإذن الله ... وبكرة رح نعمل الخطبة ...
ابو نورس : بس يابابا لازم تسأل البنت اول ...
ابو كرم بعصبية : نحنا ماعنا بنات بتختار عريسها .... العريس اللي بوافق عليه بتتزوجو ... غير هيك ماعندي ...
ابو نورس : طيب متل مابدك ... بس برأي احكي مع البنت من هلق ... مشان بكرة ماتنصدم ...
ابو كرم : ان شاء الله .... ناديلي ياها بس طلعت ...
ابو نورس : اي تكرم يا غالي .....
( طلع ابو نورس من غرفة ابوه ... وراح لعند لجين وخبرها انو جدها بدو ياها ... )
لجين : حاضر عمو ... يلا تيم بالإذن ... بس ارجع بكملك القصة
تيم بإبتسامة : ولا يهمك عادي ... الله معك ...
_________

بغرفة الجد ....
ابو كرم : اي ... وانا حبيت خبرك مشان تجهزي حالك ...
لجين بصدمة : شووو ... لاء مستحيل ... جدو انا مابحب نورس ... مابدي ياه ...
ابو كرم بعصبية : مو على كيفك .... اللي بقولو انا بدو يصير ...
لجين والدمعة بعينها : بسسسس ...
ابو كرم : قلتلك مو على كيفك ... بنات آخر زمن ....
طلعت لجين من الغرفة وهي عم تبكي ... وقعدت مقابيل تيم تحت بالصالون ....
تيم بإستغراب : لجين !!!... شبك عم تبكي ؟!.. من شوي كنتي مبسوطة شو اللي غيرك ....
" اطلعت لجين ب تيم نظرة حزن وبعدها حطت ايديها على وجهها وصارت تبكي ...."
( بهالحظة نزل نورس ع الدرج وهو مبسوط .... قرب على لجين مشان يحكي معها ... بس انصدم أنها عم تبكي ... بيغمزه تيم بمعنى لاتحسسها بوجودك سكوت لشوف شو الموضوع ... )
تيم بحنية : احكيلي شو الي زاعجك ...
لجين وهي تطلع عليه نظرة وحدة مجروحة : بدن يزوجوني نورس غصب عني ... انا مابحبو ... مابدي ياه .... ماعم يفهمو عليي ...
نورس من وراها بصدمة : شووو ... لك مبارح سمعتك عم تقولي انك بتحبيني ... شو اللي غير رأيك حكيلي ...
لجين وهي تطلع لوراها على نورس : مابحبك ... انا مابحبك ... كنت عم اتوهم انو بحبك بس اكتشفت مبارح انو انا بحب تيم .....
( انصدم نورس ومسكها من ايدها وسحبها عالمطبخ مشان يحكي معها ... )
تيم بإستغراب : هههههه بتحبني انا ؟!...
ماهر بإبتسامة : شو عم تحكي مع حالك ؟ هههه
تيم : اهلين ماهر تفضل قعود معي ....
ماهر : يلا شوي وبرجعلك ... بدي روح عالمطبخ اشرب مي ...
تيم : ماشي ...
( راح ماهر عالمطبخ وقبل مايدخل سمع صوت نورس ولجين .... وصابو فضول وقرر يسمع الحديث ... )
نورس : شو عم تحكي انتي ... لك واعية على حالك شو عم تحكي ...
لجين : اي عارفة حالي شو عم احكي .... انا بحب تيم ...
نورس بعصبية : ليش ؟!... ليش هيك عملتي ... لك ليش حبيتي تيم ... ما بكفي انو عشتو طول عمركم مابتعرفو اهل ابوكم من ورا امو ... لك احكيلي مابكفي انو مو معروف مين ابوه ... لك بتعرفي انو عمتك هربت يوم العرس مع حبيبها و

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه

المجموعات و القنوات

Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com