الشب: لا تخافي هني عم يساعدوه وبيعرفو أكتر مننا
نزلت راسها وبلشت تدعيلو وبعدين سألتو: قلي لقوهن لأهلي؟؟
Telegram:@rwayate
الشب: عم اتواصل مع الشوفير لسا ما ردلي خبر
هزت راسها ورجعت تدعي ربها
ابتسم وهو بيسألها: شو اسمك؟
بهمس جاوبته: أسمي أمان
رجع ابتسم ابتسامة اكبر لبينو سنانو اللوليات وهو بيهمس: اسمك حلو بحسسك بالراحة
نزلت راسها لما احمرو خدودها وما جاوبتو بس هو رجع حكى: وانا اسمي كرم
لما نطق اسمو نطقت هي كمان معو الاسم
فتح عيونو مستغرب منها: شو عرفك؟
أمان: بعرفك كتير بشوفك
كرم: وين بتشوفيني !؟
أمان: بالكافيتيريا يلي على طريق مدرستي دائما بتقعد فيها وأنت بتقرا
نزل راسو وهو بقول: بحب أحيانا كون لحالي
أمان: واضح
كريم: وكيف عرفتي اسمي
أمان: سمعت الكرسون بناديك
ابتسم وهو بمد ايدو باتجاهها وبقول: معناها نحنا منعرف بعض من قبل صرنا صحاب !؟
بتردد رفعت ايدها لتسلم عليه: اكيد وشكرا لانك ساعدتني.
سحبت ايدهت بسرعة وخجل واضح على مساحة وجهها … سكتو اتنيناتن وبقيو ناطرين ليسمعو خبر جديد عن اخوها … وهو ما عاد حكى أي شي حتى ما يزيد توترها
*****
Telegram:@rwayate
بهالأثناء كانوا هدى وندى راكبين بسيارة الشوفير الخاص بهالعيلة الكبيرة وعم يحاولو يدلوه على مكان اهلهن
همست ندى للشوفير: اي عمو نحنا اجينا من هاد الطريق
الشوفير: اذا عند البحيرة ماغيرها انا بعرف روح عليها
نزلت راسها وهي بتهمس: ماشي
كانت هدى عم تفرك ايديها ببعض وهي ميته رعبة وبتتلفت حواليها كل شوي لتعرف وين صارو
همستلها اختها لتقويها: شبك ليش هيك خيفانة
هدى: حاسة هاليوم مارح يمرق على خير
ندى: وانا كمان الله يسترنا
قربو لحتى لزقو ببعض وهني بيتطلعو حواليهن بقلق وخوف
بعد وقت قصير كانت السيارة بتمشي بطريق زفتي فجأة انعكست السيارة ودخلت الغابة
التفتو البنتين لبعض وبلشو يبكو من دون اي صوت من خوفهن الزاد بهاللحظة
والشوفير كان لسا بيمشي جوا الغابة بعجل لحتى وصل لعند البحيرة … والبنات لما شافو البحيرة بلشو يضحكو وحسو حالن صارو بأمان
الشوفير: هون كنتو
هدى: أي أي هون
فتحت الباب ونزلت واختها لحقتها وهني بدوروا على اهلهن وبيصرخولن ليسمعوهن … بس ما لقو اي حدا
قرب منن الشوفير وهو بيسألن: معكن رقم جوال اهلكن
ندى: اي انا حافظة رقم بابا
مدلا جوالو لتدق الرقم
ندى: اي بابا وينكن
ابو ندى: لك انتو وينكن
Telegram:@rwayate
ندى: نحنا رجعنا لعند البحيرة
ابو ندى: يلا راجعين نحنا
سكرت الخط وبقيو ناطرين عشر دقايق لوصلت سيارة ابوها يلي اخدها من رفيقو كرمال هالمشوار
نزلو منها وهني بيركضو وهدى وندى بيركضو باتجاههن
ابو ندى: لك وين كنتو؟
ضمتو هدى لابوها وهي بتبكي: ضعنا
وقفت ام أمان وهي بتهمس بقلق: وين أمان وأحمد ؟؟
نزلت راسها هدى وهي بقول: احمد وقع اخدوه ع
المشفى
صرخو الكل بصدمة
ام أمان: شووو ياويلي شو صرلو؟
هدى: مابعرف وقع
هلق بلشت الام تبكي واختها بقربها عم تهديها
ابو أمان: اي مشفى هاي ؟؟
قرب الشوفير وهو بقلو: لاتقلقو البيك اخدهن تعالو
هلق روحو لبيت البيك واستنوهن هونيك
*****
اكتر من ربع ساعة مرت وهوي عم يدور بالغرفة رايح جاي وهي بس عم تراقبو وتدعي ربها يحميلا اخوها
بس قطع الهدوء رنة تلفونو … رد عليه وسمعتو عم يقول: لقيتوهن … أي تمام تمام
ارتاح قلبها شوي لأن بنات خالتها صارو بأمان
وسمعتو عم يكمل: وجبتوهن ع البيت؟ … أي ماشي … الولد لسا مافي شي عنو بس لا تقلقو هوي منيح … لأ لأ … لا تجيبهن بس يطلع من العمليات بجي انا وبجيبهن
سكر التلفون لما اندق الباب وقفت الممرضة وقالتلو: لازمنا دم
كرم: اي عطوه دم
Telegram:@rwayate
الممرضة: بس زمرة دمو ما عنا منا
كرم: كيف هيك دم مافي !؟
الممرضة: هاد يلي صار
وقفت أمان وقالتلن: أنا بعطيه
كرم: ليش شو زمرة دمك؟؟
رفعت كتافها وقالتلن: مابعرف
الممرضة: تعالي معي بسرعة هلق منفحصك
طلعت معا وأخدتها على المخبر بالمشفى … سحبولا من دمها لتعملها الفحوصات اللازمة
#بقلم_مروةآغادخلت الممرضة على الغرفة الداخلية وأمان بقيت قاعدة وكرم قاعد بعيد عنها … بس بتقدر تشوفو من طرف البرداية وهو قاعد ومكتف ايديه التنين وعم يتطلع ……………
وانصدمت لما شافتو عم يتطلع عليها !!
من الصدمة لفت راسها عنو لان في شي تاني شاغلها … قلبها وعقلها مع أخوها المرمي بالعمليات … ولسانها لهاللحظة ما وقف دعاء … وكانت خجلانة تسألو سؤال جديد بخص أخوها
وقفت ومشيت لجهة الممرضة كانت عم تشتغل
التفتت عليها لما شافتها وقالتلا بعصبية: شو دخلك لهون
أمان بتوتر: أسفة بس كنت بدي أسالك حالة اخي خطيرة حتى بدكن دم؟
الممرضة: صار معو ارتجاج دماع وراسو انشق ونزف كتير لبين ما جبتوه لهون … وصار بحاجة لدم ما اكتر
نزلت راسها وهمست: الحمد لله … وما صار شي تاني
الممرضة: يمكن كسور ورضوض لسا ما عرفت بالتمام
مسحت دموعها وهي بتهمس: شكرا كتير الك
طلعت لبرا ورجعت قعدت مكانها لبين ما خلصت الممرضة شغل