📚قصص||روايات||منوعة📚

#نۣۗـۙقۣۗـۙطۣۗـۙة_ضۣۗـۙعۣۗـۙفۣۗـۙ,,
@rwayate,,
#الجزء_الثاني
اجت الممرضة ودخلت بيان عغرفة الولادة...واتطلعت نارا بأخوها عروة وئالت بعصبة :لك انته شو موشايفها عم تتعزب ،جاي لحتئ تعزبا بزيادة 😠
عروة :ليش بشو غلطت
نارا :بكل شي ،عروة خلص البنت هلئ متجوزة حرام اللي عم تعملو..
عروة :ئبل ما تتجوزة لهاد اياد كانت خطيبتي ...
نارا :كانت...وهلئ لا خلص ئيم هالفكرة من راسك بكفي ..وبما انك جبت هالسيرة مين اللي ترك التاني بالله ؟مو انته يلي تخليت عنها وئلتلا انكون مو لبعض...
سكت عروة ومعد فتح تمو بكلمة
اما اياد كان متصاوب ونئلو عالمشفئ ودخلو علئ طول عالعمليات لحتئ يشيلولو الرصاصة ...
غيث :شد حيلك يا صاحبي شد حيلك اياد 💔
أما بيان كانت بتولد وعم تصرخ بإسم ايااد ...وفجأة لمحت اياد وائف عند باب الغرفة وعم يبتسم....
بيان :اياااد ....ايااااااااااد
الدكتورة :شدي كمان حبيبتي ..رح ينزل الولد..
وصرخت بيان صوت ئوي وفجأة طلع صوت الولد ...
الدكتورة :مبروك صبي.. ❤️
بيان :اجا شام...وابتسمت وبعدا انئطع نفسها...
الدكتورة :حبيبتي شو صرلك ؟
وبلشت الدكتورة والممرضات يحاولو يصحو بيان...
وبرا كانت نارا ناطرة مع اخوها وامها ..وطلعت الدكتورة لعندون
نارا :طمنينا دكتورة ،خلفت ؟
الدكتورة :انتو اهلا ؟
عروة :اي اهلا احكيلنا شو..
الدكتورة :البيبي وضعو تمام ونحنا اخدنا عالخداج..
عروة :وبيان شو مشانها ...
الدكتورة :انته جوزا ؟
عروة :لك اي احكي
الدكتورة :العمر الكون...الله يرحما..
انصدمت نارا ورجعت لورا ومعد الها حيل توئف .. وسندت ضهرا عالحيط وبلشت تبكي..
عروة :ئولي انك عم تكزبي ..ئولي انو بيان عايشة
الدكتورة :نحنا نئلنا جثة البنت عبراد المشفئ..عن ازنكون
عروة :لك لك @rwayate ليششش ...ليييييش بيااااااان .. 💔
ووئع عركبو وهوة عم يبكي 😭 😭
بيان :اياد حبيبي
اياد :بيان شو جابك لهون ؟
ركدت بيان وحضنت اياد بئوة وئالت :لاتتركني اياد مشان الله
اياد :اكيد مارح اتركك انا بحبك بيان يا عمري كللو انتي
وفجأة تحولت بيان لدخان ودخلت بجسمو وهوة مصدوم وبلش يتطلع بإيديه الفاضيين ...
اياد :بيان ....وين رحتي 💔
فتح اياد عيونو لئا حالو مسطح عالتخت وجنبو غيث
غيث :اياد انتة بخير حاكيني ..
اياد :وين موبايلي ؟
غيث :ليكو بجيبي ..
وعطا الموبايل فتحو اياد واتصل عرقم بيان...بس ما ردت
غيث :شبك اياد بمين عم تتصل ؟
اياد :بيان ماعم ترد
ورجع حاول مرة وتنتين وتلاتة بس محدا عم يرد 😢وبلشو عيونو يدمعو
غيث :اياد شبك ليش عم تبكي
اياد :مابعرف بس حاسس بجبل عصدري غيث ،بدي روح عالبيت بدي اتطمن عبيان
غيث :بس الدكتور حكا ...
اياد :ما بهمني بدي اتطمن عليها
وشال الابرة من ايدو ولبس ئميصو وطلعو من المشفئ...
ركبو بالسيارة وحمل اياد موبايلو وشاف المكالمات اللي من نارا...ورنلها
كانت نارا وعروة وائفين جنب التخت اللي حاطين عليه بيان وعم يبكو
عروة :بيان حبيبتي ئومي ببوس ايدك ياعمري 💔
نارا :لك خلص ياعروة مشان الله 💔
ورما عروة حالو علئ بيان وبلش يبكي بصوت عالي..رن تلفون نارا وشافت رقم اياد وردت بعد تردد
نارا :الو.. @rwayate
اياد :نارا ليش رانة عليي ؟
نارا :بيان...
اياد :شبا بيان عم رنلا عتلفونا وعالبيت وماعم ترد
نارا :اياد بيان ...ماتت وهية عم تولد 💔
انصدم اياد وصار يصرخ :نارا لا تكزبي عليي انا مونائص مزحك نارا
غيث :لك شبك اياد لاتصرخ مشان ما ينفتح جرحك
اياد :لك احكي نارا انتو وييين
حكتلو نارا اسم المشفئ ،وسكرت الخط
غيث :لك احكيلي اياد
اياد :لك عم تئلي بيان ماتت ،لك مائالتلي عم تكزب ئالتلي روحي راحت ياغيث
وطلع غيث بوشو عالمشفئ وبلش اياد يركد بممرات المشفئ وهوة عم يتوجع ويبكي ..وصل اخيرا عبراد المشفئ ولئا نارا وعروة عم يبكو علئ بيان
بلش اياد يمشي بخطوات بطيئة ولما وصل رفع الغطا عن وشا وئال :حبيبتي بيااان ردي عليي ياعمري ،ردي عليي مشان الله..
وحط ايديه علئ وشا وئرب عليها وهوة عم يبكي ...
اياد :بيان لك ليش ،والله بكرتي والله اسعجلتي الموت لييييش ،بيااان ياروحي
ورفعها وضمها وهوة عم يبكي ويصرخ
وغيث كان وائف ودمعو عيونو ،ولمح جرح اياد بلش ينزف ركد غيث علئ اياد وئلو :اياد تروك البنت من ايدك الله يرحما ،شوف حالك رح يصفا دمك يا اياد
اياد :لك اتركني مووت مابدي هالعيشة بدون بيان 💔
نارا :اياد انته عم تنزف مشان الله تركها وخليني اخدك عالدكتور
اياد :تركوني بحالي ،مابدي اترك بيان حبيبتي ،
وفجأة داخ اياد ووئع عالأرض وتحتو بركة دم وبلشت نارا تصرخ :يا اياااد ،عروة روح جيب @rwayate الممرضين بسرعة
اجو الممرضين وحملو اياد علئ الاسعاف ووئفو النزيف ورجعو خيطو الجرح ،وعطو ابرة مهدء وحطو بالغرفة...
نارا :عروة خود امي عالبيت لحتئ ترتاح
عروة :وانتي ؟
نارا :انا رح انطر اهل بيان واياد لحتئ يجو ،وبعدين لازم اعمل شوية وراء مشان البيبي
أخد عروة امو عالبيت ،وعملت نارا وراء البيبي من فحص. دم وفحص شامل وكملت امورو...
...:اسم البيبي
نارا :شام

....:عم تئولي صبي
نارا :اي اختي الله يرحما هيك موصية «طبعا اصدا عن بيان »
وسجلت اسم البيبي شام
ومو ضالل غير يجو اهلو يستلمو
وئفت نارا جنب تخت اياد مع رفيئو غيث وكانو وائفين هنن التنين بنفس الوضعية تئريبا ساندين ضهرون عالحيط غيث حاطط ايدو بجياب بنطلونو ونارا مكتفة ايديها وكان الجو هدوء كتييير وتنيناتون ساكتين...
________________
رح عرفكون من جديد عنارا وغيث
نارا بنت حلوة بس جمالها عادي كتيير يعني مو واو شعرا اسود ورابطتو دنب الحصان وماكتير بتهتم بلبسا او كيف طالعة متل ماكانت بيان هية بنفس عمر بيان لأنو كانو يدرسو سوا ..وعمرا 19
أما غيث 24 سنة اصغر من اياد بسنتين ابيض وشعرو بني ناعم و طويل وبيضل نازل عجبينو...طويل وكتافو عراض وملفت للنظر...
------------- @rwayate
بس نارا ماكان لافتلا نظرها لأنها زعلانة عرفيئتها ،وأخيرا نطئو من بعد سكوت نص ساعة
غيث :كأنو امك مابتحكي ،ماسمعتا حكت شي
نارا :ممم ماما مابتحكي ،
غيث :لاحظت
وسكتو شوي ورجع حكا
غيث :انتي خلصتي اوراق البيبي ؟
نارا :اي مو ضالل غير يجو يستلمو
غيث :منيح...اااخ والله اياد مابيستاهل الي صابو
نارا :الله يعينو ،كان بحبها كتير 😢 💔
غيث :انتي بتشتغلي
نارا :لا انا بدرس
غيث :واخوكي كان اسمو عروة صح ؟
نارا :اي..مابدرس ،خلص بكالوريا وترك واشتغل ميكانيك سيارت
غيث :وابوكي موجود ؟
نارا :ابي !!؟ ههه
غيث :ليش عم تضحكي
نارا :ابي تركنا ونحنا صغار ،طلئ امي وتجوز ومن يومها ماسمعنا عنو شي
غيث :بتصير ...
نارا :لك صحيح الك ساعة بتسئل وانا جاوب ،شو مناسبة اسئلتك ؟
غيث :ابدا بس متعود انا اللي اسأل حسب شغلي
نارا :اه هيك لكن ....اي لبئا تسأل
غيث :براحتك...انا نشف ريئي رح جيب شي اشربو ،جبلك شي معي ؟
نارا :جبلي مي بس
وطلع غيث من الغرفة وضلت نارا وائفة مكانها بنفس الوئفة وعم تطلع باياد وئلبا رح ينفجر من الزعل 😢
وفجأة بلش اياد يتحرك ئربت عليه بسرعة ومسكتلو ايدو وتصحي :اياد اياد انتة منيح
اياد :بياان ...يا بيااان 💔
نارا :اياد اصحئ
فتح اياد عيونو و اتطلع بوش نارا وللحظة تخيلها بيان
اياد :بيان حبيبتي...@rwayate وشد علئ ايد نارا
نارا :اياد انا مو بيان 😢
وفجأة شدها عليه وعانئها وبلش يبكي
اياد :بيان ياعمري ببوس ايدك لاتتركيني
اما نارا كانت لسا ئاعدة جنب اياد وجسما كلو مرمي عجسمو وهوة لاففها بإيديه ماعرفت شو هالاحساس اللي حستو وئتا ،ئلبا بلش يخفئ بئوة ،ومالئت حالها اللا عائتو هيه كمان وبلشت تبكي 😭 💔
نارا :اياد ،خلص حاج تبكي بكفي هاد نصيبها
وبعدت عنو وطالت المحارم وبلشت تمسحلو خدودو من الدموع واتطلعت بعيونو...وصفنت فيون ،ودئئت بكمية الحزن اللي فيون
اياد :سامحيني نارا بس ...
نارا :معزور اياد ...الله يرحما ويجعلامن اهل الجنة ...بس انته طول بالك والله الحياة ما رح رح توئف عند هالنئطة
اياد :انا حياتي وئفت من اليوم ...كيف رح ائئدر كفي حياتي هلئ..
وفجأة دخل غيث وشاف نارا وهية ئاعدة جنب اياد عالتخت وماسكتللو ايديه...
#يتبع....

#نۣۗـۙقۣۗـۙطۣۗـۙة_ضۣۗـۙعۣۗـۙفۣۗـۙ,,,,,
@rwayate
#الجزء_الثالث
رجع غيث عالغرفة لئا نارا ئاعدة جنب اياد عالتخت وماسكة ايديه...
سعل غيث سعلة خفيفة وئال :كيف صرت اياد ؟
ئامت نارا وئالت :انا رح اطلع لبرة ..
وطلعت من الغرفة
غيث :اياد ...رد عليي اخي
اياد :مو مسدء لسا غيث انا عنجد بحلم وللا بعلم ،لك بيان عنجد راحت ،عنجد مارح ترجع
غيث :وككل الله ...انا لله وانا اليه لراجعون كلنا علئ هالطريئ ،
اياد :مو ئادر استوعب يا غيث ،صعبة
وحط ايدو علئ وشو ورجع يبكي 💔
اخيرا وصلو اهل بيان واهل اياد من سفرون ،ومارح ئلكون كيف كان الوضع محزن ومأساوي وخاصة لأهل بيان 😢
وئفت نارا مع ام اياد...
نارا :العمر الكون خالة
ام اياد :الله يسلمك
طالت نارا وراء البيبي اللي جهزتون وعطتون لأم اياد
نارا :هي وراء شام ابن ابنك ،خلصتون ومو ضالل غير تخريجو من المشفئ
ام اياد :يكتر خيرك بنتي
نارا :عن ازنك
وتركتا وطلعت ،كانت لسا الدنيا عم تمطر ..اتصلت بعروة لحتئ يجي ياخدها
نارا :الوو عروة تعال خدني من المشفئ
عروة :لكن انا وين بس الشوارع مغرئة مي وسيارتي هلئ علئانة بنص بركة مي نارا بتئدري اتدبري حالك وتجي بتكسي ؟
نارا :لك كيف بدك اياني اطلع بتكسي الساعة 2 بالليل ؟
عروة :معناتا خليكي بالمشفئ لبين ما توئف المطر وانا بجي الصبح باخدك
نارا :خلص هلئ بدبر حالي...وسكرت الخط
وفجأة سمعت حدا عم يحاكيها...
....:بئدر ساعدك بشي ؟
التفتت نارا لئت غيث وائف وراها
نارا :اهلين سيد غيث
غيث :اسمعتك عم تحكي عالتلفون مع عروة
نارا :اممم ئللي انو سيارتو علئانة ببركة مي ويمكن مايئدر يجي ياخدني ،وبصراحة بخاف اطلع بتكسي هلئ
غيث :طيب بتئبلي وصلك
نارا :لا مفي داعي ،خلص انا بأضي ليلتي بالمشفئ والصبح بيجي بياخدني
غيث :وين بدك تئضي ليلتك ،مع عيلة بيان اللي عم تندب جوا وللا مع عيلة اياد اللي حالتون ما بتتفسر ،الجو كتيير مخربط ودمار عنجد جوة ،انا مائدرت اتحمل ئعد بيناتون
نارا :...
غيث :خلص انا بوصلك
طلعت نارا بسيارة غيث ،وشغل السيارة ومشي....
غيث :فيني اسألك سؤال بس لاتفهميني غلط
نارا :تفضل
غيث :اليوم لما دخلت عالغرفة لعند اياد كنتي ئاعدة جنبو وماسكة ايديه ،يعني انتي وياه حسيتكون مئربين من بعض كتير
نارا :بالعكس ،انا واياد طول عمرنا مفي بيناتنا غير سلامات
غيث :اسف
نارا :لا عادي ...بس هوة كان بحاجة لحدا يوئف جنبو ويواسيه وانا كنت عم واسيه بس
وصلها اخيرا ...
نارا :اي هون ...شكرا كتيير سيد غيث
غيث :ليش عم تتشكريني هاد واجبي ..كنت ئلت عن لقائنا فرصة سعيدة بس
نارا :كانت ليلة طويلة كتير ،وتغيرت فيها كتير شغلات ،انا ممنونة اني اتعرفت عليك سيد غيث ،بالازن
وتركتو ومشيت ركد تحت المطر عبيتها ،وغيث ئاعد بيطلع فيها ...وئت شافها دخلت عالعمارة رجع مشي بالسيارة...
فاتت نارا عالبيت وراحت عغرفة امها لئتها نايمة غطتها وطلعت عغرفتها...رمت شنتتها عالارض اتطلعت بالصورة يلي جنب تختا ،كانت صورة الها ولبيان وبلشت تبكي وتئول :الله يرحمك يابيان ،ياالله ...ليش الناس المناح بروحو بسرعة 💔
ورمت حالا عالتخت ...وبعد شوي غفيت..صحيت الصبح بكير حوالي الساعة 8 وئامت من تختا وراحت فتحت برداية شباكها وصارت تتفرج عالشارع يلي غرئان مي والجو الكئيب يلي برة ...
طلعت نارا من غرفتا لئت اخوها عروة متسطح عالكنبة ونايم
نارا :ايمتا اجا عروة ؟
...ئربت عليه لتغطي ولاحظت صورة بيان بإيدو و المخدة غرئانة دموع وعيونو مورمين من كتر البكي ..حزنت نارا عأخوها وغطتو ورجعت عغرفتا. ..
وهي راجعة عتختا داست عشنتتها ...وحملتا بالعكس ووئع كلشي بئلبا ،نزلت تلم غراض الشنتة ولئت كيس شفاف فيه دهب...اتفاجأة نارا @rwayate وتزكرت شغلة...
ئبل بيوم بالمشفئ...
....:يا انسة انتي اختا للمرحومة ؟
نارا :اي 😔
....:نحنا نئلنا جثة اختك عالبراد وهي دهباتا اللي كانت لابستون
وعطتا الممرضة الدهبات ...
نارا :شكرا... 😔
....:ممكن توقعيلي هون انك استلمتيون
نارا :اي طبعا...
نارا :كيف راح عن بالي رجعون ،انا لازم رجع دهبات بيان لإياد 😪
راحت نارا غسلت وغيرت تيابا وطلعت عالمشفئ...
وصلت نارا لعند غرفة اياد وسمعتو عم يصرخ.:لك ليش طلعتوها ئبلي من هون
ام اياد :يا ابني اهدئ الله يوفئك نحنا كان لازم انطلعها ،ابوها قرر الدفن اليوم
اياد :لك شلوون بقرر بدون ماياخد ازني انا جوزها وانا اللي لازم اطلعها 💔
غيث :اياد اكرام الميت دفنو
اياد :بس انا ما ودعتا ...غيث اتصل بعمي وئلو يأجلو الدفن مشان الله 💔
ام اياد :خلص ابني انا هلئ بحاكي ابوك مشان يئلو يأجلو ،بس انته مابتئدر تطلع لسا الجرح بصدرك ماطاب ،برضايي عليك ياعمري انته اهدئ مشان صحتك 😭 @rwayate
دئت نارا الباب وفاتت...
نارا :مرحبا ياجماعة
ردو :اهلين
ام اياد :اهلين بنتي
نارا :كيفك اياد ؟
اياد :الحمدلله
نارا :دائما وابدا ...اي خالة انا مبارح استلمت دهبات بيان ونسيت اعطيكي اياهون ،مشان الله ماتآخزيني بس مبارح ماكنت بعئلي

ام اياد:ليش مين منا كان بعئلو ،عكل حال يكتر خيرك بنتي والله مائصرتي مبارح ،حتئ وراء شام جهزتيون ..
طلعت نارا دهبات بيان وسلمتون لأم اياد وئعدت مع اياد وغيث وام اياد شوي..
غيث :اي انسة نارا كيفا الوالدة
نارا :الحمدلله
اتطلع غيث بنارا وعيونو عم تلمع ودئئ بعيونا وبالدمعة اللي كانت مخبيتها بين جفونها... 😢
طلعت ام اياد من الغرفة لتجيب شي ...
اياد :غيث تعال ساعدني بدي البس واطلع
غيث :لا مافي طلعة اول مرة سمعت كلامك فيها ،نزفت وكان رح يصفئ دمك @rwayate
اياد :بدي روح ودعها ...والله حرام اللي عم يصير
نارا :طول بالك اياد ... لاتعمل بحالك هيك ،يعني مفكر بيان رح تكون مبسوطة وانته عم تعزب حالك بهالطريئة 💔
اياد :لك رح جن يانااااس 💔
رجعت ام اياد وهية حاملة ابن اياد بإيدها اتطلعت عليها نارا وركدت لعندا وئالت :ماشالله متل الئمر هالولد ،
وحملتو ....
اطلع اياد بإبنو شام من بعيد ومابين اي ردة فعل بالاول
ام اياد :اياد حبيبي تعاشوف ابنك شو طالع بيشبهك
اياد :بعدو عني 😠
غيث :شو ئلت اياد
اياد : عم ئلكون بعدووو عني ،طلعو لبرة مابدي شوفووو 😡 💔
ام اياد :ابني شو صرلك ؟
اياد :ازا ما بطلعو هالكلب من الغرفة رح ئوصو هلئ ئدامكون 😡
وطال مسدس غيث من خصروا وسلطو علئ نارا وابنو شام وصرخ :والله بئوصو طلعو هالحيوان لبرة 😠 💔
#يتبع....

#نۣۗـۙقۣۗـۙطۣۗـۙة_ضۣۗـۙعۣۗـۙفۣۗـۙ,,,,,
@rwayate
#الجزء_الرابع
اياد :والله بئوصو طلعو هالحيوان لبرة 😠 💔
كانت نارا وائفة ومصدومة من تصرف اياد ...
غيث :لك شو انته جنيت عطيني المسدس من ايدك 😠
نارا :انتة...انتة...وحش مستحييل تكون بني ادم 💔
وطلعت لبرات الغرفة مع البيبي..
ام اياد :لك ابني شوهاد اللي عملتو 😭
اياد :انا ماني متطر ربي هالحيوان
مسكو غيث من بلوزتو وئلو :هاد اللي عم تؤول عنو حيوان بكوون ابنك يا كلب 😠
اياد :يلي ئتلي روحي يلي اخد حياة بيان 💔
غيث :يلي هوة ابنك ...شو زنبو هوة ،ليش ماحطيت اللوم علئ حالك ،ليش عم تلومو بشي مالو دخل فيه ،ليش ما ئلت قضاء الله وقدرو ،لك انتة مافيك احساس مافيك رحمة
ودفشو عالتخت ،ورجع مسدسو علئ خصرو وئال :انا غلطان اني وئفت جنبك اياد...بالازن خالة انا عندي شغل
وطلع غيث من الغرفة ،وشاف نارا وائفة عند الغرفة وحاملة البيبي وعم تبكي
غيث :نارا خلص لاتبكي ...انا ورجيتو ئيمتو
نارا :مصدومة من تصرفو ماتوقعتو يرفض يشوف ابنو بهالشكل ،
غيث :معزور نارا اياد بعدو تحت تأثير الصدمة وانا متأكد انو اللي سوا من ورا ئلبو
نارا :بس مو لهالدرجة ،طب هاد شو زنبو 💔
مع هيك نارا ما تركت ام اياد وام بيان بهالظرف وضلت تروح لحتئ تساعدون وتشيل كتف عنون وخاصة بالبيبي
اما اياد ضل رافض يشوف ابنو شام...وحتئ بعد مامر تلات ايام العزا وهوة حابس حالو بغرفتو ومايرضئ يشوف حدا
وببيت نارا ...كان موبايل عروة عم يرن وهوة متسطح ومو راضي يرد
نارا :مو سامع موبايلك برن ليش ماعم ترد
عروة :لك تركيني بحالي
نارا :اخي ما بصير هيك ئوم عشغلك ،هي الك. تلات ايام ئاعد بالبيت بعدين المعلم بيئلعك
عروة :نارا عم ئلك حلي عني تضربي منك للمعلم
نارا :براحتك لاتئوم خليك ئاعد لا شغلة ولا عملة...والله شكلي انا يلي رح دور عشغل واصرف عليك
عروة :ئلتي شي
نارا :لا سلامتك
عروة :وين رايحة ؟
نارا :والله انا عندي حياة عيشها عن ازنك
وطلعت من البيت .....
وطلعت نارا عدوامها بالمعهد لأنها بتدرس بمعهد سكرتاريا...خلصت دواما وطلعت بوشا علئ بيت اياد ،وصلت ودئت الباب...
ام اياد :اهلين حبيبتي تفضلي
نارا :كيفك خالة ،وينا خالة ام بيان
ام اياد :ليكا جوة تفضلي...
فاتت نارا عالبيت وسلمت عإم بيان وئعدت...
ام بيان :عنجد ماني عرفانة كيف بدي ردلك معروفك بنتي نارا
نارا :الله يسامحك ليش بيان الله يرحما كانت اعز من اخت 😢
ام اياد :يعني ام بيان معها حئ لولا وئوفك جنبنا بهالوضع كنا ضعنا ،بتعرفي اياد وحيدي وبيان وحيدة امها ومالها اخوة بس انتي اثبتيلنا انك اختها
نارا :واجبي خالة....
وفجأة بلش البيبي يبكي
نارا :ارتاحو انا بشوفو...
وراحت نارا لحتئ تشوف البيبي
ام بيان :لك اختي ام اياد ،وهلئ شو رح نعمل ،
ام اياد :بخصوص شو ؟
ام بيان :بخصوص شام يعني بصراحة انا مارح ائئدر ئاخدو معي ،وانا كبرت عترباية الولاد
ام اياد :والله انا متلك يا ام بيان ،يعني نحنا كبرنا عترباية الولاد وجوازنا بكفونا،وبعدين ابني مو شكلو طايئ هالولد
ام بيان :بصراحة في ببالي موال
ام اياد :اي شو هوة ؟
ام بيان :ليش ما بتدوريلو عبنت حلال تربيلو هالولد وتعتني بهالبيت
ام اياد :لك اختي كيف بدك اياني افتح مع اياد سيرة الجواز وبيان لسا تراب ئبرا مانشف
ام بيان :انتي جربي ،بعدين انا لازم ارجع عبيتي وعندي سفرة بكرة
ام اياد :طيب ،وين بدنا نلائي بنت ترضئ بإبني وهوة بهالوضع...؟
اطلعو ام اياد وام بيان ببعضون وكأنو فهمو عبعض
ام بيان :عم تفكري متل ماعم فكر
ام اياد :اكيد ...بس معئول توافئ وخاصة بعد اللي شافتو من اياد ؟
اندء باب البيت وراحت ام بيان وفتحت
وكان غيث اللي عالباب
غيث :كيفك خالة
ام بيان :الحمدلله تفضل ابني
غيث :اياد موجود
ام بيان :اي ليكو ئاعد بغرفتو
فات غيث وئعد عالكنبة ،وراحت ام اياد لتنادي علئ اياد....
طلع اياد من غرفتو وئعد مع غيث لحالون
غيث :انشالله تحسنت
اياد :الحمدلله...
غيث :اي ... انا ائدرت اخدلك اجازة شهر بحالو ،
اياد :اي يسلم ايديك
غيث :يالله فردا اياد ،حاجة حزن
اياد :بيعين الله
وفجأة طلعت نارا من غرفة البيبي وشافت غيث بالصالون...
غيث :انتي هون ؟
نارا :اهلين سيد غيث ،كيفك
غيث :مبسوط بشوفتك
ورجع شام يبكي....
نارا :يي هالولد شو بحب يبكي
بس ئالتها بعفوية وبمزح...
اياد :يعني ماكنتو تعرفو تسكتو ،خلو يسكت احسن مافوت واخفيلو حسو عالاخر 😡
نارا :انا برأيي تسكت انته احسن 😠
اياد :بالله وازا ماسكتت
نارا :بتعرف شغلة اياد ،انا لهلئ مالي عرفانة بيان علئ شو كانت تحبك ،مأنزع وشايف حالك ،منيح مني بجي لهون وبطل عالولد المسكين
غيث : 😳
اياد :محدا طلب منك
نارا :معك حئ انا اسفة اني ساعدت
ام اياد :لك ابني ليش هيك عم تحاكي البنت
اياد :مادخلك انتي انا بحكي متل مابدي
غيث :اياد مابيصير تحكي مع امك هيك
اياد :غيث اطلاع من راسي انته التاني
ورجع شام يبكي
وبلش اياد يصرخ :لك سكتوووووو ماني طايئ اسمع صوتو
نارا :لك انته شو ،انته متأكد انك بني آدم

اياد :نارا لا تغلطي احسلك
نارا :لا بدي اغلط ،عنجد انته واحد مافي دم
غيث :طولي بالك نارا
نارا :عنجد بيان عشو كانت بتحبك وكيف ئدرت تستحملك
اياد :لك لبئئ تجيبي سيرتها علسانك
ام بيان :خلص ياجماعة
نارا :لأ مو خلص هاد واحد ما بيتأمنلو ،يمكن يغافلكون ويعمل لشام شي ويأزي
اياد :خايف منك ومن غيرك لأنو
ام اياد :لك ابني شو هالحكي يلي عم تحكي ؟
غيث :مابصير اياد تحكي هالحكي ،هاد بيضل ابنك
اياد :ابني ومابدي اياه ازا بدك اياه انته خدو
نارا :لا انته اكيد مجنون
اياد :لسا ماشفتي شو هوة الجنان
فاتت نارا لعند شام عالغرفة وحملت شنتة صغيرة وحطتلو شوية تياب وحملتو وطلعت
ام اياد :لك بنتي وين رايحة بالولد
نارا :خالة انا بعرف انك مريضة ومارح تأدري تئومي في وخالة ام بيان نفس الشي ،انا رح اخد شام لعندي كم يوم لبين مايرجع هالمجنون لعئلو
اياد :نارا عم ئلك بلا الغلط
نارا :الغلط ...يلي عم تعملو انته سيد اياد ،هاد ابنك ولو كنت تحب بيان عنجد ماكنت رفضتو بهالطريئة
اياد :اي خدي اصلا من لما شفتو ماشفت الخير
غيث :بكفي اياد
نارا :تركو غيث يلي متلو بعمرو مارح يصير بني ادم ،غيث ممكن تجي توصلني
ام بيان :يعني خلص قررتي تاخدي شام معك
نارا :ازا ماعنكون مانع
طبعا ام اياد وام بيان ماكان عندون مانع ولئوها فرصة لحتئ نارا تاخد شام
طلعت نارا من بيت اياد هية وغيث وركبو بالسيارة وراحو
غيث :لك نارا ليش هيك عملتي
نارا :يعني ما شفتو شو مأنزع وكيف عم يحكي من روس منخيرو
غيث :شفتو بس وشام وين بدك تروحي فيه
نارا :عبيتي يعني لوين
غيث :واهلك ،بجوز امك او اخوكي يعارضو
نارا :لا مارح يعارضو ،ماما مرة ئلبا لالله واخي مستحيل يعارض
غيث :وليش متأكدة ؟
نارا :الحكي بيناتنا ،ئبل بيان ما تتجوز اياد كانت خطيبة اخي عروة وكانو يحبو بعض ،بس صارت مشاكل بيناتون وفسخو الخطبة وبعد فترة بيان اتعرفت عاياد وتجوزت
غيث :هيك لكن وانا عم ئول ليش هالشب مئهور علئ بيان اكتر من جوزها
وصل غيث نارا عالبيت ونزلت
نارا :بتشكرك سيد غيث ،عم عزبك معي
غيث :ولو عزابك راحة نارا
وطلتت نارا عبيتها وفاتت ،طلع عروة من المطبخ وشاف اختو فايتة وحاملة بيبي بإيدها...
عروة :نارا !!؟ مين هالبيبي 😳
نارا :اه ...هههه اخي هاد شام ابن بيان
عروة :وليش جايبتي لهون ؟
نارا :رح احكيلك
وحكتلو نارا كلشي عملو اياد معها وكيف رافض شام
عروة :يخربيتو شو حيوان هالزلمة
نارا :لهيك جبتو معي لبين ما يجوبولو مربية تعتني فيه
عروة :بس هاد مسؤولية ،كيف رح نعتني فيه
نارا :بندبر حالنا اخي.....
#يتبع....

#نْقَطًةّ_ضٍعفَ,,,
@rwayate,,
#الجزء_الخامس
عروة :بس هاد مسؤولية ..كيف رح نعتني فيه
نارا :بندبر حالنا اخي...
عروة :لا نارا انا مو متطر اعتني بابن عدوي
نارا :عدوك !!؟ اخي شبك هاد ابن بيان
اتطلع عروة علئ شام وبلش يتزكر بيان ....
عروة :طيب ،بس كم يوم
نارا :لك تئبر ئلبي شو حنون 😘
واخدت نارا شام عغرفة امها وحكتلا كل شي وامها ماعارضت....
وببيت اياد ....
ام اياد :لك ابني حرام عليك ابنك هاد ،من لحمك ودمك
اياد :.....
ام اياد :الي ساعة عم حاكيك ،رد عليي
ام بيان :خلص اختي ام اياد ،يمكن يكون الغريب احن عالولد من ابو
اياد :مين ازضك بالغريب ؟
ام بيان :ازضي عن عروة
اياد :وشو دخل عروة
ام بيان :ممم هيئتك ما بتعرف انو عروة اخوها لنارا هوة اللي كان خاطب بيان ئبل ما تتجوزا
اياد :شوووهاااد
ام بيان :اي ....وكان لسا بحبا ولهلئ بحبا وانا متأكدة انو عروة ابدا ماعندو مانع يربي ابن بيان
اياد :لك ....لك انتي شو عم تحكي ،شو ابنا لحالا !؟
اتطلعت ام بيان بام اياد وغمزتا
ام اياد :ليش عندك مانع بشي ؟ يعني عدم المؤاخزة ،انته ئلتلنا مو طايئو ومابدك اياه
اياد :اي بس مو ياخدو عروة ويربي 😠 ام بيان :يعني نرجع الولد
اياد :بدفنو ومابخلي عروة يئربلو
ام اياد :ارجعنا للكلام اللي بلا طعمة
ام بيان :رح نرجع الولد بس يا ابني الولد بدو مين يعتني في
اياد :هي انتي وامي موجودين
ام اياد :لا بدك تسمحلنا هالمرة ابني ...مرت عمك متطرة تسافر بكرة وبعدين هية ما رح تئدر تعتني بشام
اياد :وانتي امي ! 😰
ام اياد :وانا كمان ابني يعني الضغط والسكري تاعبيني ومارح ائئدر ربي
اياد :لكن شو الحل...الله يرحمك يا بيان شوبدي اعمل هلئ
وحط ايديه عراسو ....
ام بيان :الحل بإيدك ابني
اياد :وشو هوة ؟
ام اياد :تتجوز
اياد :شووووووو لك انتي شو عم تحكي لك مستحيل ومن سابع المستحيلات
ام بيان :ليش ابني ؟
اياد :انتي مرت عمي عم تسألي ،لك انتو شو كيف بدكون اياني اتجوز وبيان ما الها اسبوع متوفية 💔
ام اياد :حبيبي اسماع منا وبعدين احكي يلي بدك اياه
ام بيان :اياد ابنك لسا صغير وبدو حدا يعتني فيه ويحن عليه ...يعني ام
اياد :بدكون اياني جيب وحدة تاخد مكان بيان...لا لا مابدي
ام بيان :يا اياد ازا مابدك تتجوز ابنك رح يضل مع عروة
اياد :.....
ام اياد :بتئبل ابنك يلي من لحمك ودمك يوعئ عزلمة تانية ويندهلو ابي وخاصة هاد الزلمة كان يحب بيان
اياد :... 😰 😰
ام بيان :اي ابني ،ابنك مابعود ابنك غير بالاسم
صفن اياد وئال :تركوني فكر وبعدين بردلكون خبر
بالفرع غيث كان عم يحقق مع صبية...
غيث :نور اعترفي احسلك
جاوبتو وبكل برودة اعصاب :علئ شو بدك اعترفلك
غيث :ليكي لا تتباردي عليي نور ،اعترفي انك شريكة مع ابوكي
نور :ممممم لا ماني شريكة
غيث :يااااااربي ،رح تجنني ببرودتها ،نور اعترفي بتريحيني وبتريحي حالك
نور :بدك تريحني
غيث :اي لهيك اعترفي
نور :احكيلي انته مرتبط 😉
غيث :حسبي الله ونعم الوكيل ،شو دخلك
نور : دخلني ...لأني حبيتك
اتطلع غيث بنور وكيف عم تحكي بكل اريحية ،ضرب ايدو عالطاولة ضربة ئوية خلا الطاولة ترج من الضربة بس نور ما رفلا جفن وهية ئاعدة بس عم تطلع بغيث وتتبسم ابتسامة بريئة 😂
غيث :نور لاتجنني 😠
نور :والله انته يلي جننتني ،لك يسلملي المعصب 😍
غيث :لك ...اعترفي
نور :هي اعترفتلك ،اني بحبك
غيث :الله يطولك ياروح ...احكي وين بلائي ابوكي
نور :هههههه وانا شبعرفني ،انتو لما عملتو الكمين انا كنت نايمة بتختي ووئت صحيت لئيتو فاركها
غيث :ووين ممكن نلائي
نور :لك انشالله مفكرو بيحكيلي شي 😂 بعدين انا ماعرفت انو بابا بتاجر بالمخدرات اللا بعد ما القيتو القبض عليي 😂
غيث :ياااربي تصبرني ،انا مع مين علئت 😭
نور :وحياتك علئت احلئ علئة بحياتك 😍لك دخيل هالغمازات ،وحتئ اسمك حلووو غيييث 😍بتعرف شو معناتو يعني مطر وانا واياك التئينا بالشتوية هلئ صحيح التئينا هون بالفرع بس يالله رضيانة
وغيث عم يطلع فيها وهوة شبه مجلوط من طريئة كلاما وبرودة اعصابها وئال بئلبو :لك شو هالعلئة ،هي عئلاتا طايرين او اكيد ماجرة الفوئاني 😂
وببيت نارا .....
عروة :لك نارا مشان الله سكتي هالولد بدي احضر الاخبار
نارا :انته شو رأيك تروح تدور عشغل بدال مو ئاعد بوجهي
عروة :لك انتي شو دخلك
اجت نارا ووئفت ئدام التلفزيون وئالت :شلون شو دخلني ،مين بدو يصرف علينا...مين رح يدفعلي اقساط المعهد
بلش عروة ينفخ :اففففففف خلص ئايم تضربي انتي ويلي بدو يعد ويناقشك بشي
نارا :نننننن يصحلك تتناقش معي
راحت نارا وحملت شام وبلشت تهزلو وتئلو :يالله ينام شامووو يالله يجي النوووم ،يا الله يا مامااااا تعي سكتي الله يوفئك 😭
اجت ام نارا ومتل ما ئلتلكون هية مابتحكي بس بتأشر تأشير
نارا :ماما الله يوفئك ماعم اعرف شو اللي عم يبكي بس ئليلي شو اعمل
مسكتو ام نارا ورجعت عطتا اياه ومسكتا من راسا وحطتلا اياه علئ حفوضة شام
نارا :ايييييييييع شو هالريحة ،بدو غيار ؟
هزت ام نارا براسها وراحت

#نْقَطًةّ_ضٍعفَ ,,
@rwayate,,,
#الجزء_السادس
تاني يوم الصبح و بما انو ما مسكو علئ نور اي ادلة قررو يطلعوها...
نور :ماااابدي اطلع خليني 😭
غيث :شو مابدك تطلعي ،شو الشغلة عكيفك
نور :الله يوفئك حبسني
ومسكتلو ايدو بلشت تتغالظ عليه
غيث :لك شو احبسك انتي اكيد في بعئلك شي 😥
نور :اي في بعئلي انته ،خليني هون بالفرع وكحل عيوني عطول بشوفتك 😍
غيث :لك تركيني شو هالدبئة هي
وتركها عالرصيف وطلع بسيارتو... 😂
نور :اي وين بدك تروح مني والله لجيبك كرفتة انا بورجيك
وببيت نارا ...طلعت نارا عالمعهد متل العادة وعروة رجع عشغلو وضل شام مع ام نارا ...
رجع عروة عالبيت لحتا ياخد الغدا ...
عروة :ماما الغدا جاهز ؟
اشرتلو امو من المطبخ انو بدو شوي..
عروة :اي ماشي عم استنئ...
ورن جرس الباب وراح يفتح وطلعت بوشو نور...
عروة :مميين انتي !!!؟
نور :انته عروة !؟
عروة :اي
نور :يي ليش هيك كبران... 😁
وبعدتو وفاتت وهوة لسا مسطول فيها..
نور :ياسلام علئ هالريحة مبين عليها اكله محترمة اللي عم تطبخا خالة سميرة
عروة :فيني اعرف مين حضرتك 😒
نور وبكل برودة اعصاب:ولوووو شو نسيتني عروة
عروة :والله ماحصلي الشرف
نور :يبعتلك الهنا يا عروة ،لك انا نور اختك الله يشفيك 😂
عروة :نور !؟ اي وشو جابك لهون ،يالله روحي انئلعي لمطرح ما اجيتي منو .
نور :له له له لك عم تألعني لك عروة ،عم تألع اختك 😢
عروة :نور لا تتباردي عليي ،شرفي انئلعي انا مو نائصني مصايب
نور :الله يسامحك ياعروة اصلا لو نارا موجودة كانت ئالت. ...
نارا :شو عم يصير هون !؟
نور :ها شفت ...
عروة :نارا منيح اجيتي ،تعالي خلصينا من هالمصيبة
اطلعت نارا بنور وصفنت فيها شوي وئالت :نوور !!؟
نور :لك يسلملي اللي بيفهم ،عرفتني بدون ماعرفها عن حالي
واجت وعانئتها..بس نارا بعدتا وئالت :لك انتي شو رجعك ؟
نور :بصراحة ،ببابا سافر ،وهلئ انا ما الي مكان روح علية..
اتطلع عروة بنارا وغمزها...
نارا :ليش وينو ابوكي وامك ؟
اتدايئت نور من سؤالها وحسو عليها ..
نور :ئلتلك ابوكي سافر...
نارا :وامك !؟
نور :ايي امي تركت بابا من تلات سنين وسافرت ومن وئتا ما سمعت عنها شي
نارا :اي نحنا ما عنا مكان تنامي فيه...
وراحت نارا عغرفتا..ولحئتا نور
فتحت نور الباب وشافت نارا عم تتطمن علئ شام...تفاجأة نور وئالت :نارا انتي اتجوزتي 😳
نارا :لك هششششش اسكتي تضربي انتي وهالصوت متل زمور الخطر
نور :اي هادا ابنك ؟
نارا :لا ابن رفيئتي
نور :وليش حاططي عندك
نارا :لأنو امو توفت وهية عم تولدو
نور :يي عنجد ،زعلتيني...هلئ خلينا نرجع لموضوعنا
نارا :اي موضوع
نور :يعني هون بدي نام
نارا :ئلتلك ماالك ئعدة معنا
نور :طب ليش ؟مو انا اختكون اه ئليلي
نارا :يا الله يانور ،لك انتي ما بتتغيري ،بتضلي باردة ومستفزة بحكيك
نور :امممم هيك الله خالئني شو اعمل لك نارا انا بعرف ازا وافئتي انتي ضل انا هون محدا بيسترجي يحاكيكي ولا حتئ عروة...
وبلشت نور تترجئ بنارا لحتئ تئبل تخليها ئاعدة معهون...
نارا :ايييي خلص رح احكي مع عروة اتضلي هون
وطلعت نور ونارا من الغرفة ...واخدت نارا عروة عجنب وبلشت تحكي معو .
عروة :بالله شو لا مافي تعد
نارا :معليش اخي هية بتضل اختنا
عروة :اي بس مافيها جنس الترباية
اتطلع عروة بنارا بنور اللي كانت ئاعدة عالكنبة وحاطا رجل عرجل وبلشت تئلب بالتلفزيون بكل وقاحة
نارا :ففف بعرف ولا فيها احترام وزوء لحدا بس اخي ابوها لك ازضي ابوك مسافر وهية مالها حدا غيرنا بالدنية
عروة :طيب الله يمضي هالفترة عخير
ورجع طلع عروة من البيت....
مر شهر ونور ئاعدة عند نارا بالبيت
نارا :لك نور نوصي صوت المسجلة شام هلئ نام
نور :اي وشو اعمللو بدي ارئص انا
نارا :اي خرسي ،ونوصي الصوت احسللك
وبلش شام يبكي...
نارا :فاء انبسطي ست نور
نور :شو دخلني انا 😏
ورجعت نارا تنيمو
وبيت اياد ...طلع اياد من غرفتو وصرخ لأمو...
ام اياد :خير ابني
اياد :امي ،بتروحي اليوم وبتجيبي شام من عند نارا
ام اياد :وشو مشان اللي حكينا
اياد :موافئ امي
ام اياد :جد انته موافئ
اياد :اي ...انا رايح عشغلي
ام اياد :الله يسرلك
وطلع من البيت....ولبست ام اياد وطلعت بوجها علئ بيت نارا
دئت الباب وفتحتلا نور..
ام اياد :مرحبا
نور :اهلين خالة
ام اياد :وينا نارا
نور :طلعت عالمعهد تفضلي
فاتت ام اياد وئعدت وتجت ام عروة سلمت عليها وئعدت معها...
رجعت نارا عالبيت...
نارا :اهلين خاله ام اياد
ام اياد :حبيبتي كيفك
نارا :الحمدلله تمام ،انشالله ما تكوني جاي تاخدي شام 😥
ام اياد :بصراحة اي
نور :اي منيح اللي تزكرتو 😏
نارا :نوووور اخرسي
ام اياد :انا بعرف دايئتكون كتير وعزبناكون وخاصة انتي نارا..
نارا :طيب لئيتو حدا يعد مع الصغير
ام اياد :انا وابو اياد قررنا نجوز اياد لحتئ يربئ هالولد
نارا :ييتجوز !؟ يعني شام رح يربئ تحت ايد خالة مرت اب 😰

#نْقَطًةّ_ضٍعفَ,,,
@rwayate,,
#الجزء_السابع
ام اياد :ازا طلبت ايدك لأبني اياد بتوافئي...
انصدمت نارا وارتبط لسانها ومعد عرفت شو بدها تئول...
نور :شو اختي جاوبي 😂
ام اياد :اي حبيبتي شو ئولتك
نارا :لا...اسفة خالة مابئدر
ام اياد :ليش ؟ليكي انا بعرف انو عم اطلب منك طلب صعب ...بس لو كرمال شام بس
نور :اي شو جاي تطلبيها لتكون مرة لابنك وللا مربية لابن ابنك 😒
ام اياد :يي عليي لا والله مو هيك ازضي يابنتي ...
نارا :نوور في مجال تتركينا لحالنا 😠
نور :اي رايحة وانتي خليكي عنياتك
وفاتت نور عالغرفة ...
ام اياد :خلص بنتي ،يمكن اختك معها حئ ،انا صحيح بدي جوزك ابني بس كرمال شام لأني مارح ائئدر اعتني فيه انا.....بعرف انو هي انانية بس شو طالع بإيدي اكيد مارح لائي وحدة تئبل بإياد وهوة بهالوضع...حزين عمرتو وعندو ولد يدوب عمرو شهر وهالولد بدو عناية وحنية وانا ما شفت هالحنية غير فيكي ،بصراحة حسيت الله عوضو لهالولد فيكي بع. ما فئد امو 😢 💔
سكتت نارا شوي وئالت :خالة ...خلص مابئدر ومشان شام انا بحطو بعيوني
سكتت ام اياد وفهمت انو نارا مابدها اياد وئعدت شربت فنجان ئهوة وأخدت شام وراحت...
نور :منيح اللي استحت عدما واخدت هالولد
نارا :نور انتي يلي استحي عدمك واسكتي
نور :اي وجاي بكل عين وقحة تطلبك لإبنا الارمل 😒
نارا :اي خلص اسكتي
نور :لا مابدي اسكت ياهبلة اوعك توافئي والله ليحطك خدامة تحت رجليه ورجلين ابنو
نارا :اممم متل ماعملت امك بإمي ؟
نور :اه ..وشو جاب هالسيرة ،ماما كانت التانية
نارا :وانا ممكن كون التانية ..يعني ازضك بكون ئاسية متل ماكانت امك
نور :ليكي نارا لبئئ تجيبي سيرة امي علسانك 😠
نارا :امك كانت ئاسية ،ولو ماكانت ئاسية ماكانت تركتك من الاساس
نور :والله بغلط بحئك نارا
نارا :اي شو بدك تعملي
طبعا نور بنت عصبية وبتصير مجنونة بس حدا ينرفزا
اما نارا كانت تكره تصرفات نور وما تئدر تتحملها ...وهنن التنتين بيصيرو متل الزيت والنار عبعض وعلئو مع بعض وركدت ام نارا لتفك بيناتون
طبعا مسكو بشعر بعض وبطلو يتركو
نور :تركي شعري وليه نارا
نارا :والله لنتفلك اياه ياحيوانة
نور :مافي حيوان هون غيرك
نارا :لك خرسي يا ئليلة الترباية
نور :فشرت عينك كون ئليلة ترباية
--------------------------------------
لمحة بسيطة عن نور ...ئوية ئوية ئوية ،ساحقة حارقة قنبلة موقوتة ازا انفجرت بتحرء كل اللي حوليها ...مع هيك حلوة حلوة حلوة ،عيونا عسلي وكبار وشعرا بني شبه الكوريات 😂 ✌️
وزمكة ئصيرة 😂 😂 بس شكلا كربوج 😘
----------------------------------------
بنرجع لموضوعنا ....
نارا :لك حيوانة تركيني
نور :لا وحياتك ماني تاركتك ،لحتئ نتفك يا كلبة 😠
واجا عروة عالبيت لئاهون علئانين بخوانيئ بعض وصواتون واصلة لبرة
عروة :لك شووو هاااد ،لك تركو بعضكون انتي واياها
وركد عليهون وطبعا اكل نص الئتلة منون ... اكم ضربة من نارا علئ كم عضة من نور وهيكا 😂 😂
واخيرا فكون عن بعض....
عروة :ليش عم تتخانئو
نور :لأنها وحدة حيوانة
نارا :لك لا تئولي حيوانة
نور :لسا كل دئيئة والتانية بتجيب سيرة امي ئال شو امي لو ماكانت ئاسية ما كانت تركتني
عروة :بصراحة كلام نارا مزبوط
نور :شو ئلت
عروة :مممو شي ،بعدين شو المناسبة لحتئ تحكيلا هيك
نارا :خلص بدون سبب
نور :لا ليش بدون سبب ئليلو ليش كانت ام اياد هون 😏
نارا :ليكي نور اخرسي احسلك 😠
عروة :شو كانت بدها ام اياد ،اخدت شام
نور :اي ياعيني اخدت شام والظاهر انها حاطا عينا لتاخد شي مع شام
عروة :نارا شو ازضا هي المجنونة
نارا :....
نور :ازضي يافهيم ام اياد طلبت ايد نارا لابنا اياد ،اي لكان شايفتا عنياتا بداها تجوزها ابنا مشان تربيلو الولد
ئامت نارا وسفئت نور كف متل فراء الوالدين....
نارا :خرسي انتي 😠
حطت نور ايدها عوشا وئالت :عم تضربيني لأني خايفة عمصلحتك
نارا :محدا طلب منك تخافي عمصلحتي
عروة :لك لك نارا هالحكي مزبوط
نارا :اي اخي ....
عروة :وشو ئلتيلا ؟
نارا :شبدي ئلا يعني ،ئلتلا مابدي اتجوز وخلص
وببيت اياد....فات اياد عالبيت واول مافات شاف شام مسطحتو امو عالكنبة
ئرب لعندو وئعد جنبو وصفن فيه وبلش يتزكر بيان وصوت بيان ،وبلش يئول لحالو :لك اياد هاد شو زنبو لحتئ ترفضو....لك كنت فرحان ئد الدنيا لما عرفت انو بيان حامل...وصرت تحلم باليوم اللي رح تصير فيه اب ،هيك بتعامل ابن اللي كنت بتحبا 💔
طلعت ام اياد من المطبخ ولئتو ئاعد عالكنبة جنب شام....
ام اياد :اياد يعطيك العافية
اياد :الله يعافيكي ماما
ام اياد : كبران شام ،بتعرف نارا ماكانت بدها تفرط فيه
اياد :.....
ام اياد :لما ئلتلا انو نويت تتجوز خافت تجيب وحدة بنت حرام وتعزب شام لهيك طلبت مني خلي معها هيه تربي،حبيبي اياد انا سألت نارا ازا بتئبل تتجوزك
اياد :شووو ليش تطلبي هيك طلب
ام اياد :ابني انا كان ازضي ....
اياد :شو ازضك ،مالئيتي غيرا

ام اياد :بصراحة انا حسيت انو الله عوضو لشام بحنان الام اللي فئدو وهالحنان كان مع نارا ،بس لا تهكل هم هية رفضت...
اياد :اي احسن ...
وبالليل ببيت نارا كانت نور عم تبرد ضوافرها ونارا ئاعدة عم تراجع بالدروس
نور :نارا لسا زعلانة مني
نارا :.....
نور :لك خلص فرديها
نارا :نور. روحي من وشي لأني مو طايئتك
نور :بكيفك
كانت نارا صافنة وعم تفكر بيلي حكتو ام اياد ....
(انا صحيح بدي جوزك ابني بس كرمال شام لأني مارح ائئدر اعتني فيه انا.....بعرف انو هي انانية بس شو طالع بإيدي اكيد مارح لائي وحدة تئبل بإياد وهوة بهالوضع...حزين عمرتو وعندو ولد يدوب عمرو شهر وهالولد بدو عناية وحنية وانا ما شفت هالحنية غير فيكي ،بصراحة حسيت الله عوضو لهالولد فيكي بعد ما فئد امو 😢 💔 )
سكرت نارا دفترها وطفت اللمبادير وتسطحت وهية لسا عم تفكر بالئصة...وأخيرا غفيت..
اما اياد كان عم يتئلب بالتخت ومو ئدران ينام وهوة عم يفكر بكلام امو
( ام اياد :بصراحة انا حسيت انو الله عوضو لشام بحنان الام اللي فئدو وهالحنان كان مع نارا ،بس لا تهكل هم هية رفضت..)
ئام اياد وئال :مستحيل بحياتي ماممكن فكر بهالبنت ،مأنزعة وشايفة حالها 😠
بس ليش لحتئ جيب لشام وحدة ئاسية وماعندا ئلب لحتئ تربي وتعزبو 😔
☁️ ....:نارا ....يانارا
فتحت نارا عيونها وئالت :مييين عم يناديلي
وطلعت من غرفتها ☁️وشافت شام نايم عالكنبة عندون بالبيت ☁️
نارا :شام شو جابك لهون ،
وحملتو وبلشت تهزلو وفجأة اجت بيان وأخدتو من ايدها...
نارا :بيان ...!؟
بيان :نارا شكرا الك
نارا :علئ شو عم تشكريني
بيان :لأنك صرتي امو ... نارا روحي هيه روحك وشام ئطعة من روحك
بلشت نارا تبكي وتئول :شام ابني وانتي ؟
بيان :انا انتي
ورجعت بيان عطتا لنارا شام واختفت.. ☁️
نارا :بيااان ...
وصحيت نارا من اربعتا عأدان الصبح وهية غرئانة عرء وئلبا عم يدء بسرعة كأنها راكدة مسافة ميت متر ...
نارا :اللهم اجعلو خييير يارب ،شو هالكابووس
مائدرت نارا تنام بعد ماصحيت وئامت توضت وصلت ركعتين ...علئ امل ترجع تنام
وبالفعل ارتاحت وطلع الصبح علئ نارا وهية لسا عم تفكر بهالمنام يلي شافتو وخطر عبالا تسئل نور ،بما انو نور الها علئ هيك شغلات...
نور :والله غريبة ،هلئ انتي متأكدة انها ئالتلك شام ئطعة من روحك ؟
نارا :اي نور
نور :مبينة نارا
نارا :شو هية يلي مبينة
نور :هلئ انا فيني ما احكيلك بس اكيد رح تسألي شيخ يفسرلك حلمك لهيك انا رح اختصر عليكي الطريئ ،بيان زارتك مبارح لأنو روحها مو مرتاحة
نارا :اي
نور :اي شو اي ،روح بيان مو مرتاحة مشان شام...بالمختصر بيان عم توصيكي بإبنا شام
نارا :ولي ،لا اكيد عم تمزحي
نور :طيب ماشي عم امزح.. ليش ما بتروحي لعند حدا بفسر منامات وبترتاحي ليش اجيتي سألتيني من اول
طلعت نارا عالمعهد وطول مالا بالدرس وهية صافنة بكلام نور...وبالمنام اللي شافتو...
وبس خلصت درس طلعت من المعهد واتصلت علئ ام اياد ...
نارا :ككيفك خالة
ام اياد :الحمدلله تمام
نارا :وشام
ام اياد :منيح بس مبارح ما نيمني بالليل من كتر ما بكي كأنو حس انك بعدتي عنو ،شام اتعود عليكي
نارا :خالة بخصوص الموضوع اللي حاكيتيني فيه مبارح..
ام اياد :اي شبو
نارا :انا موافئة خالة...موافئة اتجوز اياد...
#يتبع.....

#نْقَطًةّ_ضٍعفَ,,,,
@rwayate,
#الجزء_الثامن
نارا :انا موافئة خالة.....موافئة اتجوز اياد...
ام اياد :يي عنجد بنتي... 😳
نارا :اي ...
سكرت نارا التلفون ومشيت بالطريئ...وهية ماشية سمعت صوت عم يحاكيها : انسة نارا..!؟
التفتت نارا وشافت غيث..
نارا :اهلين سيد غيث
غيث :شو هالصدفة الحلوة..ونزل من السيارة وسلم عليها بالايد
نارا :فعلا صدفة حلوة
غيث :بتدرسي هون ؟
نارا :اي بهداك المعهد بدرس سكرتارية
غيث :حلو ...يعني انتي فاضية هلئ
نارا :ممم يعني
غيث :اي بتئبلي عزيمتي عفنجان ئهوة
نارا :اوك ليش لا
وراحت معو عالكافيتيريا....طلبو الئهوة وبلشو يحكو..
غيث :يعني شهر يمرء وما شوفك بعد ما اخدتي شام
نارا :انشغلت كتير هاد الشهر ومبارح بس اجت خالة ام اياد وأخدتو
غيث :بالله..اي يعني مين رح يعتني فيه علئ علمي ام اياد ما بتئدر تئوم فيه لأنها مريضة ؟
نارا :قررو يجوزو...
غيث :اياد رضي يتجوز ،لا في كتير تطورات صايرة ومين صاحبة النصيب ياترئ
نارا :انا...
غيث 😳 😳!!؟
نارا :اي ليش مستغرب
حس غيث بخيبة الامل وخاصة انو أعجب بنارا وبشخصيتا الئوية واتزانها... 😔
غيث :ااه...للا وككيف صارت هيك
نارا:سدئني انا نفسي مابعرف ،بس اجت لعندي خالة ام اياد مبارح وأخدت شام وئالت انو لازم يجوزو اياد كرمال ابنو ،وطلبت ايدي ،ببصراحة انا بالاول عارضت لأني بصراحة خفت من اياد ،بس فكرت بالموضوع ،ليش لحتئ شام يعيش بين ايدين مرة ما بتخاف الله 😔
غيث :ااي ... اياد شب كتير منيح والله العظيم كتير ئلبو طيب ،الله يبعت اللي فيه الخير...
والمسا بس رجع اياد عالبيت استلمتو امو يلي كانت طايرة من الفرح بعد ما سمعت جواب نارا بالقبول..
اياد :اففف شو سر هالانبساط
ام اياد :حبيبي ،انا لئيتلك بنت وافئت عليك...
اياد :جد ..ومين !؟
ام اياد :نارا...
اياد :ناراا ما غيرا !؟امي مالئيتا غيرا
ام اياد :اي حبيبي نارا ...بعدين من شو بتشكي ،سبحان الذي خلئها جمال وشخصيتا ئوية وحنونة وصاينة حالا بدك احلا من هيك
اياد :انا ما ئلتلك سكري عالئصة
ام اياد :لا مارح سكر عالئصة ،اياد انا متطرة ارجع عبيتي لعند ابوك يلي عم يئضي اكتر ايامو عند عماتك ،مابيصير اتركو اكتر من هيك
اياد :امي خلي ابي يجي يسكن هون معي ...وبتضلو عطول معي
ام اياد :وليش ما بتجيب شام وبتجي انتة تسكن معنا
اياد :ماما انا شغلي هون وما بئدر انئلو ببساطة
ام اياد :وابوك مابيئدر بهالبساطة يترك البيت ،بعدين انا ئلتلك مارح ائئدر ربي شام...وحتئ حماتك نفس الشي ،لهيك حط عئلك براسك وارضئ بهالبنت يلي اتنازلت ورضيت فيك...
اياد :اتنازلت !!!؟ امي انتي من كل عئلك عم تحكي ،ليش من شو بشكي انا لحتئ تتنازل تنازل لحتئ رضيت تتجوزني
ام اياد :بهالوئت انته بتشكي من كل شي ،ارمل واخلائك زفت وعندك ولد لسا بيرضع وبدو عناية خاصة ،يعني حبيبي اياد انته اللي معلول مو البنت
انصدم اياد من كلام امو...
اياد :هاد اللي طلع معك !؟ انا يلي طلعت معلول
ام اياد :امي برضايي عليك ،اتنازل شوي عن كبريائك ،كرمال هالطفل
فات اياد عغرفتو وئفل علئ حالو الباب ،وما طلع اللا لتاني يوم الصبح...
اياد :صباح الخير
ام اياد :صباح النور ...ليش ما طلت اتعشيت مبارح
اياد :ماكان الي نفس...ماما بخصوص جوازتي...خلص انا موافئ روحي اليوم وطلبيها رسمي..
انبسطت ام اياد كتير واتصلت بنارا
نارا :اهلين خالة
ام اياد :اي حبيبتي اليوم رح زوركون انا وابني ونطلب ايدك رسمي من اخوكي
نارا :اي اهلا وسهلا ،بس ..
ام اياد :خير بنتي بس ماتكوني غيرتي رأيك 😥
نارا :لا خالة لاغيرتو ولاشي بس كنت عم فكر تجيبو الشيخ معكون وتجو خلينا نكتب الكتاب اليوم
ام اياد :هيك بهالسرعة بنتي
نارا :خالة ...اسمعي مني
ام اياد :اي حبيبتي متل مابدك ،انا رح جيب ابني وجوزي ومعارفنا ونجي نخطبك ونكتب الكتاب
نارا :بدون فترة خطبة خالة...انا اليوم لازم كون عند اياد بالبيت
استغربت ام اياد من نارا وئالت :ليش مستعجلة بنتي
نارا :مو ئصة عجلة بس هيك احسن..
سكرت نارا التلفون ودمعو عيونا انها عم تقرر هيك قرار بدون تفكير حتئ ...وجمعت عروة ونور وامها علئ اجتماع عائلي...
نور :خير ياطير شو سر هالاجتماع
نارا :في موضوع مهم بدي حاكيكون فيه وياريت محدا يئاطعني ،وخاصة انته عروة
عروة :شرفي احكي
نارا :أنا...قررت اتجوز
الكل :شوووو... 😳!؟
نارا :متل ما اسمعتو ،واليوم
عروة :اسسستني انتي عنجد عم تحكي اليوم اليوم يعني كيف ماعم بفهم
نارا :رح فهمك اخي....الجماعة اليوم جايين يطلبو ايدي ونكتب الكتاب وروح معهون
عروة :شو انتي جنيتي ،شو مفكوة مافي وراكي حدا ؟لك ...
نارا :عروة سمعني للآخر لو سمحت
عروة :ماني متطر وهاد الشي مارح يصير
نارا :لا بدك تسمعني ؟اليوم شغلات كتير رح تتغير ،وانا قررت وعطيت كلمة ،عروة اخي انا رح اعمل عمل انساني
عروة :انتي رح تتجوزي وللا رح تعملي عمل انساني ،والله ماعم بفهم عليكي ،بعدين مين هالجماعة يلي مستعجلين لهالدرجة لحتئ ياخدوكي بهالطريئة
نارا :اياد واهلو ...

صرخ عروة :شوووووهااااد اياااد
نور :ها بلشنا..
عروة :لك انتي شو والله بدبحك ومابخليكي تتجوزي لا هاد الحكي مستحيل يصير..والله بئلب الدنيا عراسك وراسو 😡
ونارا وائفة بكل ثقة وعم تسمعلوواخيرا سكت عروة ...
نارا :خلصت ؟ انا رايحة جهز حالي
وراحت نارا عالغرفة...
عروة :عجبكون اللي رح تعملو هالبنت ،عجبك امي لك بنتك بدا تجلطني
اشرتلو امو انو هية ماعندا مانع ،ازا كان هاد الشي لمصلحتا وانو اياد شب منيح
عروة :حتئ انتي امي ،لك انا وين عايش بمشفئ مجانين
نور :عروة ...اهدا
عروة :نور اطلعي من راشي انتي التانية ها ،هي الجوازة مارح تصير اللا عجثتي 😠
نور :لا وحياتك ،نارا وانا بعرفها رح تعمل يلي براسها بدون حتئ ماتاخد ازنك...بعدين نارا مو من حالا قررت هالقرار اساسا هي كانت رافضة الفكرة
عروة :وشو اللي اتغير ؟
نور :منام ....نارا بنفس الليلة يلي رفضت فيو طلب ام اياد شافت بيان بمنامها عم توصيها عشام...
عروة :هلئ كرمال منام غيرت رأيا ؟مجنونة هالبنت
نور :لا مانا مجنونة ،عروة حاول تتئبل الوضع ،يعني انت بتعرف نارا از قررت شي محدا رح يئدر يوئف بوشا
اخيرا اقتنع عروة ....
اتصلت ام اياد عإياد وخبرتو انو اليوم رح يروحو يطلبو نارا ويكتبو الكتاب ويجيبوها معهون ،اتفاجأ بالوضع بالاول بس ماعارض ...
كانت نارا ئاعدة بغرفتا عم تبكي وتئول :هي اخرتك يانارا ،يااارب تفتح بصيرتي وتسهل طريئي...
فتح عروة باب الغرفة وفات..
عروة :نارا مع اني مو موافئ بس خلص هادا قرارك وانتي حرة مارح اغصبك عشي
نارا :حاول تفهمني عروة
عروة :فهمان عليكي ،والله يئويكي كمان
ئامت نارا وعانئت أخوها وئلبا محروء ...باسها من جبينها وئلا :الله يرضئ عليكي ،وكانت الدمعة بعينو...
وطلع من الغرفة....ورجعت فاتت امها
نارا :ماما 😭
ئربت امها عليها وبلشت تمسحلا دموعها وتهديها وراحت عالخزانة فتحتا وطلعتلا فستان لون اف وايت ...
نارا :بدك اياني البس هاد 😢
هزتلا امها براسها وبلشت تحاكيها بالاشارة
نارا :انا....عروس حاجتك ماما 😔
نور :اي واحلئ عروس بالدنيا ،هي امك نئتلك الفستان وانا رح اتكفل بالبائي 😉
طبعا نور ئضت نهارها تجهز بنارا ،شي مكياج وشي تسريحة شعر...وأخيرا اجا المسا...واجا اياد وامو وابو وجاب معو الشيخ وعمامو ونسوانون وغيث كمان...
فاتو الضيوف عالصالة بعد ما استئبلون عروة وامو...وطبعا لا عروة طايئ اياد ولا اياد طايئ عروة ،اما نارا ونور كانو لسا جوا بالغرفة عم يتجهزو...
نارا :نور ليش انا عملت ؟
نور :له ليكون ندمانة عهالقرار اصحك اختي ،الجماعة صارو هون
نارا :طيب رح كون ئوية
نور :تركينا من هالحكي ،لك انتي طالعة بتجنني 😍
وطلت نور عالجماعة وشافت من شئ الباب وهي عم تئول :ياااا هاد جايب كل العيلة ،
وفجأة لمحت غيث بين الحضور
نور :ييييي غيييييث هوووون 😳
#يتبع.

#نْقَطًةّ_ضٍعفَ,,,,,,
#الجزء_التاسع
@rwayate
نور :ييي غيث هووون 😳!
نارا :شو ئلتي نور ؟
اجت نور لعند نارا وسحبتا من ايدا وسألتا :نارا هداك الشب الحليوة اللي ئاعد جنب اخوكي ،شو بيئرب لاياد؟
نارا :اصدك غيث ؟
نور :اي
نارا :هاد ...رفيقو لاياد
نور :ليش اياد شو بيشتغل؟
نارا :بيشتغل بمديرية مكافحة المخدرات
نور :احلفي 🙂
نارا :شبكي نور ليش هيك اتغير لونك؟
نور :لا ابدا مفي شي

اجت ام نارا ونادت للبنات لحتئ يطلعو ...وطلعت نارا من الغرفة واول ما شافوها انبهر الكل بجمالها.. بس اياد مارفع راسو ولا رضي يطلع فيها.او يعبرها..
سلمت عليون وئعدت....
اما نور لبست وزبطت حالا وطلعت وئعدت جنب نارا وبس شافها غيث انصدم وصارو عيونو هيك 👈😳
غيث بئلبو :نور !؟،شو عم تعمل هون هالمجنونة 😳
ويحرام طول مانا ئاعدة وهية تطلع فيه من طرف عينها وهوة مو ئادر يشيل عينو عنها لك حتئ اياد اشتلق عليه
اياد :غض بصرك والله مو مفكرك هيك
غيث :ااه...انا
اياد :لك ليش هيك بتطلع بالبنت رح تاكلها اكل بعيونك
غيث :اياد انته بتعرف مين ابوها لهالبنت ؟
اياد :لا والله ما حصلي الشرف
غيث :لك هي نور اللي مسكناها بالكمين من شهر...وابووها هوة تاجر المخدرات اللي عم ندور عليه
اياد :العمئ ازا هالحكي صحيح ،طيب هي شو عم تعمل هون ؟علئ فكرة اول مرة بشوفها
غيث :والله مابعرف ،شكلا ئرايبتون
ام اياد :خير ابني بشو عم تتهامس انتة وصاحبك..!؟
اياد :اه ....
ولما شاف الكل صارو يتطلعو فيون :بصراحة أخي غيث عم يسئلني عن الانسة نور ،ازا كانت عم تفكر تتجوز
نور :😍
غيث بئلبو :الله ياخدك يا اياد
عروة :شوهاد!؟
ابو اياد :ايوة ،اجينا نخطب لاياد ،بس ابني ازا البنت عاجبتك بخطبلك اياها
غيث :عععمي ااانا...
ونكشو اياد وغمزو
ابو اياد :اي ابني عروة التانية اختك صح ؟
عروة :اي ...وشو مناسبة هالسؤال ؟
همس اياد لغيث :طلعت اختون
غيث :معناتا ابو نارا هوة ...
اياد :سكر عالبائي...وارضئ بنصيبك
غيث :الله يسامحك علئ هالعلقة
«يحرام ياغيث جاي يحضر خطبة اياد وانخطب هوة 😂»

وطلب ابو اياد نارا لاياد ونور لغيث 😂
وطبعا عروة وافق علئ غيث بدون مايعرفو ،اساسا هوة لئاها فرصة ليخلص من نور 😂😂😂
اخيرا اتفئو عكل شي ...
الشيخ :يالله يا ابني ياعروة حط ايدك بإيد اياد....
مسك عروة ايد اياد وهية تحت المنديل وهنن يشدو عإيدين بعض تحت المنديل وهنن عم يتزكرو الماضي...
«لك انا نسيتك من زمان انا بحب اياد وما ممكن حب غيرو »
اما اياد...«اي عروة هوة الشب اللي كان خاطب بيان ئبل ما تتجوزا انته »
وبلشو يتطلعو ببعضون والشرار بيطلع من عيونون ...وانتبهت نارا عليهوة وعنظراتون لبعض
نارا بئلبا :الله يمضي هالليلة علئ خير 😥
أخيرا خلص الشيخ واخدو موافقة نارا وكتبو الكتاب ...واجا دور غيث ،وبالفعل انكتب كتاب غيث عنور بسبب اياد 😂
واخيرا راحو الضيوف وضل اياد واهلو وغيث...
ئربت نور عغيث :ئلتلك انتة اخرتك الي 😏
غيث :نور حلي عني
نور :لك بحبك يا مجنون
اتطلع غيث بعيون نور وخجل
غيث:خلص بنحكي بهالموضوع بعدين
نور :اي عطيني رقمك
غيث :مابدي...

بلشت نارا تودع اهلا وتبوس بايد امها
نارا :ماما سامحيني اني عملت هيك
اشرتلا امها انها مو زعلانة...
وراحت لعند عروة ...
عروة :والله واتجوزتي يانارا
نارا :عئبالك اخي
عروة :اسماع اياد بتعرف ازا بتزعل نارا او بتبكيها سدئني مارح سامحك 😠
اياد :اي لاتخاف عليها مالي بعبع
نور :اي نارتي ديري بالك عحالك
لبست نارا جاكيت جوخ ابيض فوق الفستان وطلعت من البيت....

............................/
ابو اياد :اي ابني انا رح اخد امك وابنك شام ونروح ننام عند بيت عمك
اياد :ليش تعو نامو عندي بالبيت
ام اياد :لا بدك تسمحلنا هالمرة عمك عزمنا عالعشا وعالنومة عندو ئبل ما نسافر...وانا رح اخد شام معي
نارا :خالة مافي داعي تاخدي شام عطيني اياه ،وانا بدير بالي عليه بالليل
ام اياد :اه...لا بنتي سلفتي وبناتا طلبو مني جيبو لأنو مشتائيللو يالله ماما انشالله الف مبروك وتتهنو...يالله ابو اياد

وطلع ابو اياد بسيارتو هوة وام اياد وشام وتركو نارا واياد وائفين لحالون بالشارع...
اياد :شرفي اطلعي بالسيارة
نارا :لا انا باخد تكسي
اياد :لا يا ...وليش تطلعي بتكسي وطريقنا واحد
نارا :انا راجعة عالبيت ...
مسكها اياد من ايدها وطلعها بالسيارة وسكر الباب
اياد :بلا ولدنه
ركب بالسيارة وشغلها ومشي...
نارا :اياد انتة بتعرف انا ماتجوزتك محبة فيك😠
اياد :عفكرة نفس الشي...😒
نارا :اي منيح اللي بتعرف

وصلو عالبيت وفاتو ،
نارا :طب عالئليلة تعال ساعدني بشنتتة تيابي
اياد :انتي ئلتيها شنتت تيابك مو شنتت تيابي 😏
نارا :ماشي يا اياد...
وبلشت تجر الشنتة عالارض...

.
#نقطةّ_ضٍعفَ,,,,,,
#الجزء_العاشر
@rwayate
رجع غيث عشئتو وهوة لسا مو مستوعب اللي صار...
وصار يحكي مع حالو متل المجانين:العمئ شو اللي صار ؟جد انا خطبت !ومين.... نور شو اللي خلا لساني يرتبط...😰
راح اتسطح عالتخت بتيابو وهوة لسا عم يفكر وفجأة رن تلفونو...ورقم غريب
غيث :الوو...
....:شو لسا مصدوم ؟☺️
غيث :مين انتي
.....:ولو حلك تنسئ صوتي
غيث :نور !؟ منين جبتي رقمي
نور :خايف عليي ،والله لو كان تحت الارض لجيبو 😉
غيث :انا رح سكر😒
نور : طب استنئ عشو مستعجل
غيث :انا عندي شغل بكرة بدي نام
نور :غيث ....😢
غيث :نعم...
نور :أنا عنجد بحبك وماعم امزح 💘
غيث :لك انتي مجنونة في وحدة بتحب واحد ما بتعرف عنو شي😓
نور :معليش احكي اللي بدك اياه ،بس انا حبيتك...غيث الله يوفئك ماتفسخ خطبتك عني 😢
غيث :بفكر...😪
وسكر غيث تلفونو وجواتي شي عم يئلو استمر معها...

............................/
تاني يوم الصبح صحي اياد وطلع من غرفتو شاف نارا ئاعدة عالكنبة وعم تشرب فنجان ئهوة...
اياد :انا بوش مين متصبح 😒
نارا :صحلك تتصبح بوشي😒
اياد :اي هاتي الفنجان ....واخد الفنجان من ايدها
نارا :الركوة عالغاز روح صب فنجان
اياد :مابدي ،بعدين فنجانك فاتر مابحب الئهوة سخنة 😏

انزعجت نارا وبلشت تهز رجلا...وطبعا اياد بيتنكرز من حدا بيهز ئدامو وهوة ئاعد😠
اياد :اي عدلي ئعدتك وحاج تهزي متل رئاص الساعة😠
نارا :بئعد متل مابدي ...😏
اياد :بس انا بكره هي الحركة
نارا :وانا ماني شايفة بأعدتي في شي غلط
وزادت نارا هز برجلا ...واياد ئاعد ومتنكرز منها...
وفجأة اندق الباب
نطت نارا :انا ئايمة افتح
فتحت الباب وطلعت ام اياد بوجها..
نارا :لك اهلين خالة
ام اياد :له هيك زعلتيني منك
نارا :ليش شو عملت؟
ام اياد :ناديلي من اليوم ورايح مرت عمي
نارا :تكرمي...مرت عمي ،عطيني شام يي شو اشتئتلو
واخدت شام وفاتو...
ام اياد :كيفك اياد ،صباحية مباركة يا عرسان
انحرجت نارا من كلام ام اياد وفاتت لجوة
اياد :اهلين ماما
ئعدت امو جنبو :اي ابني كيف شفت نارا؟
اياد :كيف بدي شوفا يعني ؟بنت متلا متل اي بنت
ام اياد :اي ما اختلفنا ،يعني ..
اياد :شو بدك تعرفي امي؟
ام اياد :بدي اتطمن عليكون وريح ئلبي
اياد :اي رتاحي ماصارشي ،كانت ليلة عادية كتير متل اي ليلة بتمر
ام اياد :اي...
اياد :شو اي ...يعني انا نمت بغرفة وهية بغرفة
ام اياد :ليش !؟
اياد :شو ليش !امي لا تنرفزيني لا انا طايقها ولا هية طايقتني
ام اياد :طيب متل مابدك اهدئ...بس ابني نحنا ماجوزناك البنت لنجيبا تخدمك انته وابنك
اياد :هي رضيانة بهالوضع ،وانا مالي خلق علئ شي ،عن ازنك
ام اياد :وين يا مهون
اياد :رايح البس واطلع عشغلي

لبس اياد وطلع .....
طلعت نارا بعد مانيمت شام ...
نارا :فطرتي مرت عمي
ام اياد :ئبل الفطور بنتي ،انا بعتزر منك بدال اياد
نارا :ليش !؟ اياد مابدر منو شي وانا ماني زعلانة عفكرة ،بصراحة انا رضيانة
ام اياد :لك يسلملي عئلك شو كبير
وضمتا...

............................/
طلع اياد عالمديرية وراح بوجهو لعند غيث...
اياد :صباحووو شريك
غيث كان مقهور ومعصب من عملة اياد ولهيك مارضي يرد عليه
اياد :عم نصبح مابينرد علينا
غيث :لا والله ،لك اياد انته مو حالل عني لتجبلي اخرتي
اياد :افف شو مناسبة هالحكي
غيث :لك لاتغشم حالك ،الله يسامحك علئ هالعلقة اللي علقتني اياها مبارح
اياد :اه اصدك عن نور
غيث :اي اصدي عن نور...
اياد :اي روق مو محرزة ،بعدين انا شفتك كيف عم تطلع فيها باهتمام ئلت ليش لأدبس لحالي بجوازة ببليك معي 😂
غيث :لا دمك خفيف ليكو ... لك اياد هي البنت وضعا غريب ولا تنسئ انو ابوها مجرم
اياد :هون حطنا الجممال
غيث :مافهمت
اياد :لك ياغيث ،انا لما عرفت انو نور بنتو لـ أبو اليسر خطرتلي هي الفكرة واللي هية خطبتك منها
غيث :يخربيتك ،كنت ئاعد بحفلة كتب كتابك وعم تفكر كيف توئع ابو اليسر
اياد :مشان تعرف .. شغلنا مو لعبة ،غيث انا متأكد انو نور بتعرف مكان ابوها ،وماعم ترضئ تعترف ،وانته اللي رح تكشف هالئصة
غيث :فهمت عليك يعني بدك اياني مثل عليها
اياد :اي ،وبس نلقي القبض عليه ،طبعا نور رح تكون شريكة ورح تنحبس بتهمة التستر علئ المجرمين وهيك رح خلصك منها بس صبور ونفذ اللي عم ئلك عليه
غيث :أمرك....

............................/
كان عروة ئاعد بالورشة وعم يصلح موتور سيارة ...
....:شو صار معك
عروة :شغلها لشوف
....:اي اشتغلت يسلمو ايديك
عروة :الله يسلمك
وراح الزبون ....

راح عروة يرتاح وشاف سيارة فخمة جاي من بعيد ووئفت علئ باب الورشة...وطلع منها رجال كبير..
عروة :اهلين عمي تفضل
اتطلع الرجال بعروة من فوق لتحت وبلش يتمايز بشكلو...
عروة :خير عمي في شي ؟
....:انته عروة !؟
عروة :اي.... انته بتعرفني شي ؟
عطا الزلمة عنوان :بكرة الصبح تعالي علئ هاد العنوان
عروة :عفوا بس ليش ؟
.....:بس تجي بتعرف ،وياريت ما تخبر حدا عالمكان يلي رح تروحو
ورجع الزلمة طلع بسيارتو وراح ..وعروة وائف ولسا مصدوم من حكي الزلمة وطريقة كلامو يلي ما بتريح 😰

............................/
المسا رجع اياد عالبيت وراح بوشو عغرفتو....غير تيابو وطلع من الغرفة ولئا نارا بوجهو..
نارا :يا الله ...لك انته هيك بتفوت عالبيت لا احم ولا دستور
اياد :وليش لحتئ دستر وانا فايت عبيتي
نارا :لا سلامتك ،بس والله انته مو ساكن لحالك . .يعني كانت صابتني السكتة من الرعبة اللي اكلتا
اياد :اي خلص تاني مرة بتصل ئبل ما اجي
نارا :اي احسن هيك
اياد :شو شام نايم
نارا :لا ليكو صاحي بس ساكت

فات اياد لعند شام لحتئ يتطن عليه...
فاتت نارا وراه :ماشالله شو حنون
اياد :ليش هيك عم تحكي ؟
نارا :لا بس يلي بيشوفك هأئ مابيسدق انك رفعت عليه المسدس بس شفتو
اياد :نارا في مجال لبئا تجيبي هالسيرة
نارا :حاضر...😒

طلع اياد من الغرفة وئعد عالكنبة...
نارا :امك وابوك سافرو اليوم عالضيعة بعد ما اطلعت انته عالشغل
اياد :اي حاكيتون...

حطتلو عشا واتعشا وشرب شاي ورجعت حطتلو فواكي وكلمة شكرا ما حكالها 😒
كان اياد عم يتابع الاخبار ،ونارا ملت من الئعدة ،والتلفون ،اتطلعت عالمكتبة وئامت من مكانها لتختار كتاب مشان تقرأو
وبس ئامت لجنب المكتبة ومدت ايدا عليها ،ما سمعت اللا صوت اياد طلع فجأة :تركي من ايدك 😠
نئزت نارا ومن رعبتا ضربت ايدا بمزهرية كانت جنب الكتب ووئعت وانكسرت علئ رجلا
نارا :ااااه 😭 لك ليش هيك صرخت ؟
اياد :ليش لتئربي علئ هالمكتبة ،شو لك فيها
نارا :كنت بدي اقرا بكتاب شو خربت الدنيا..
اياد :اي لعد تئربي عليها ،بعدي عنها لشوف
نارا :لك انته شو ؟ ااااخ 😭

اطلع اياد عرجل نارا يلي انكسرت عليها المزهرية
اياد :لك هي جرحتي حالك انبسطي
نارا :يعني مو بسببك 😠
اياد :والله مو انا يلي ئلتلك كتري غلبة وئومي لعبي بكتب المكتبة
نارا :العب ؟شو شايفني بنت صغيرة
اياد :هلأ تعالي طلعلك الئزاز من رجلك وعقملك الجرح
وبالفعل ئعدت عالكنبة وجبلا المعقم وبلش يشيل الئزاز ويعقملا الجرح...
نارا :ااااخ عم يحرق 😭
اياد :اصبري شوي
بلشت نارا تبكي من وجع رجلا ،رفع اياد راسو ولما شافها عم تبكي
اياد:ننارا خلص بتطيب والله بتطيب
نارا :عم توجعني مو من الجرح ،من الضربة ااااخ يالله
اياد :انتي عنجد عم تحكي .. انشالله ما تكون انكسرت

طلع لعند جارتو الدكتورة وجابها...
اياد :طمنينا دكتورة
الدكتورة: لا الحمدلله مو كسر رضة بسيطة
ولفتلا اياها وعطتا حبة التهاب
نارا :يسلمو دكتورة
اياد :عزبناكي دكتورة
الدكتورة :ولو الجيران لبعضون
وطلعت.....

اياد :اي نارا لساتا عم توجعك...؟
نارا :لا بس كيف بدي امشي عالغرفة
اياد :لا تهكلي هم..انا باخدك ئومي

وئومها وبلش يمشيها عالغرفة وهية تعرج....وصلا عغرفة شام وئاعدا عالتخت ..بلحظتها بلش ئلب نارا يرجع يخفق من جديد وحست بنفس الاحساس وئت ضمها اول مرة بالمشفئ...💓
اياد :انا رايح نام ،بدك شي
نارا :لا سلامتك..
اياد :تصبحي علئ خير

وطلع اياد من الغرفة وسكر الباب وراه ،حطت نارا ايدها عصدرا :شو هالاحساس هاد 😯

فات اياد عغرفتو ورما حالو عالتخت...وبلش يحاكي حالو :انشالله مايكون صابها شي ؟اي هية من اول ليش لحتئ تئرب عالمكتبة !؟ لك شو فيها اياد وتئرب شو فارئة معك انتة ،يااربي رح جن انا وينك ياروحي 💔
#يتبع.....

#نْقَطًةّ_ضٍعفَ,,,
@rwayate,,,
#الجزء_الحادي_عشر
تاني يوم الصبح لبس عروة تيابو وطلع من غرفتو...وطلعت بوشو نور وهية عم تتاوب
نور :صباح الخير عروة
عروة :اهلين...
نور :خير ياطير وين رايح من صباحية الله
عروة :عالشغل وين يعني
نور :هلأ بدك تقنعني انك متطقم وطالع من البيت عآخر طرز مشان تطلع عالورشة 😒
عروة :وشو دحشك بهالموضوع ،انا رايح
@rwayate
وطلع من البيت .....
رن تلفون نور وطلع عندا رقم غيث طارت من الفرحة لما شافتو :لك يئبرني هالصباح...😍وردت
نور :الو 😍
غيث :كيفك نور
نور :تمام انا منيحة
غيث :ممم نور بصراحة بخصوص خطبتنا .
نور :لاتئول انك مو مقتنع 😥
غيث :لا ..بالعكس انا فكرت بالموضوع كتير منيح ،ولئيت الانسب انو نكفي مع بعض
نور :عنجد غيث ما ح تتركني 😍
غيث :ليش لحتئ اتركك ،انا بحبك نور
نور :انت...ة شـ شوو
داخت وغط علئ ئلبا 😂
ركدت عليها ام نارا وبلشت تصحيها ،
غيث :الووو نور وين رحتي ؟
@rwayate
سكر موبايلو :غريبة 😟
ورجع اتصل عاياد ورد عليه
غيث :صباحووو ايادوو
اياد :صباح النور..
غيث :شوف اياد انا عملت اللي ئلتلي عليه
اياد :اي..
غيث :لك اياد ،انا بلش ضميري يأنبني من هلأ 😓
اياد :وليش بئا؟
غيث :من كل عئلك عم تسئل ،يعني كيف بدي مثل عليها اني بحبا ،انا بأيام كنت مراهق ما سويتا 😓
اياد :ياغيث ،انك تضحك عالبنت شي ،وانك تعمل هيك كرمال الشغل شي تاني...
غيث :طيب امري لالله ،بس ليك انا ضروري اشتريلا خاتم
اياد :طبعا ،لازم
غيث :خلص ماشي ،انته ايمتا جاي عالشغل؟
اياد :لا غيث مارح اجي ياريت تاخدلي اجازة
غيث :خير انشالله
اياد :بعدين بئلك...وسكر الخط..
@rwayate
............................/
..كانت نارا متسطحة عالتخت ومو ئادرة توئف...وبلش شام يبكي..
نارا :اي يالله جايه
وئامت وبلشت تمشي عرجلا وهية عم تعرج وحملت شام وبلشت تسكتو...واندق باب الغرفة..
نارا :اي اياد
اياد :فوت ؟
نارا :اي فوت
وفات اياد وشافها وائفةا...
اياد :لك ما ئالتلك الدكتور لا توئفي عليها لحتئ تطيب
نارا :شو بدك اياني اسمع شام عم يبكي وضل ئاعدة....
ئرب اياد عليها وأخد شام من ايدها وحطو بسريرو ورجع مسك نارا وئاعدها
اياد :ماعليكي من شام ،انا بعتني فيه
نارا :بس... @rwayate
اياد :خلص اللي صابك بسببي ،انا اسف
نارا :عادي بتصير...بس ليش انفعلت وعصبت لما ئربت عالمكتبة
اياد :بصراحة هي كانت مكتبة بيان وهدول كلون كتبها ،اصلا هيه كانت مجننتني بالقراءة ...
وئعد جنب نارا عالتخت...
نارا :اي بيان لما كانت بالمدرسة كانت بتحب المطالعة كتير...اياد بدي اسألك هلا بيان كانت مثالية...؟
اياد :بكزب عليكي ازا ئلتلك اي ...ماكانت مثاليه بالمرة...بتزكر متل هيك وئت كنت اصحئ ئبلا وضل صحيها ساعة ،وتئوم بالاخر بس تئوم من التخت وترجع ترمي حالا عالكنبة لحتئ تكفي نومتها 😁بس انا ما كنت اتدايق و ارجع جيب غطا من غرفة النوم وغطيها....ههه ولما كنت ارجع من الشغل كنت لائيها معجوئة بالطبخة والمطبخ ئايم وئاعد وضل ناطر العشا 3 ساعات وأحيانا بالاخر بتحترق الطبخة وبنتطر نطلب اكل من برة يا اما بنئضيها نواشف...كانت تحب تتابع افلام رومنسية حزينة وكل فلم كانت تتابعو تضل تلات ايام زعلانة عالنهاية الحزينة ...هههه وما كانت ست بيت شاطرة وكنت جدد ئزاز المطبخ كل اسبوعين عئد ماكانت تكسر صحون وكاسات بدون ئصد...
@rwayate
كانت نارا ئاعدة وعم تسمع وتطلع بعيون اياد وهوة عم يحكي علئ بيان...وانتبهت كيف غرغرت دمعة بعينو..
اياد :تخيلي نارا خلال تلات شهور بس اشتريت 3طئوم صفرة وبرضو كسرتون
مع هيك ماكنت ازعل منها ،بالعكس كانت ضايفة لحياتي طعم حلو ،كنت بحبا وكنت ...💔
مائدر اياد يخبي دمعتو وحط ايدو علئ عيونو وبلش يمسح دموعو...😢
مسكت نارا ايدو :الله يرحما وهية كانت تحبك كتير وسدئني ،انتة الوحيد اللي طلبت تشوفو ئبل ما يدخلوها عغرفة الولادة ...بس نصيبها..💔
وبلشت نارا تبكي هية كمان...😭
حط اياد ايدو عكتف نارا :خلص نارا ،انتي ئلتي نصيبها
وئربها عليه وحطلا راسها عصدرو وهوة كمان مائدر يمسك حالو ورجع يبكي...
بعدت نارا وبلشو هنن التنين يتطلعو بعيون بعض...وفجأة رجع شام يبكي
مسحت نارا عيونها :أنا لازم كابر عحالي وئوم بدي غيرلو تيابو ورضعو
اياد :خليكي ئاعدة رح جبلك اياه لعندك ..
@rwayate
جبلا اياد شام وراح طالو تياب وحفوضة ورجع عملو ببرونة حليب وجبلا اياها وماخلاها توئف ابدا...

#نْقَطًةّ_ضٍعفَ,,,,
@rwayate,
#الجزء_الثاني_عشر
رجع عروة فتل وجهو وشاف زلمة وائف عراس الدرج ،انصدم عروة كأنو حدا كب عليه سطل مي باردة :انتة ..!!؟😳
....:اي انا ليش مستغرب ؟
عروة :لك انته شوبدك مني !؟مابكفي يلي عملتو فينا 😠
نزل الزلمة لعند عروة :له يا ابني في حدا بيحكي مع ابو بهالطريقة
عروة :ابي !؟ والله ضحكني ،يا سيد...الاب مابيعمل اللي انته عملتو
ابو اليسر :انا اللي عملتو كان كرمال مصلحتكون
عروة :كرمال مصلحتنا !؟ انك تتركنا خمس سنين بحالون ونحنا صغار بدون معين ولاسند صار لمصلحتنا
ابو اليسر :انته معك حق،
وئرب عليه وضمو :والله لعوضك انته واختك نارا عن كل شي انحرمتو منو
بعد عروة عنو :نحنا مابدنا شي منك ،لا انا ولا اختي ولا حتئ امي نحنا الحمدلله عايشين ومو نائصنا شي
ابو اليسر :اختك نور عندكون؟
عروة :اي اجت لعنا لأنو فكرتك سافرت...انا رايح ورح ابعتلك اياها لعندك لأنو مو نائصني مشاكل فوق مشاكلي
ابو اليسر :لا عروة خلي اختك عندك ،بس دير بالك عليها
عروة :وليش مابدك اياها تجي لعندك ،مو هية مدللتك
ابو اليسر :عروة انا بدي رجعكون كلكون سوئ لتحت جناحي
عروة :ونحنا مو ناويين نرجع ،خلص نحنا اتعودنا نعيش لحالنا ...

وفتل حالو بدو يروح لما صرخ ابو اليسر :عروة والله بغضب عليك ازا ما بتسمع الكلمة 😠
وئف عروة بمكانو واطلع بأبو وابتسملو ابتسامة استهزاء :ليش إنتة معتبر حالك اب لحتئ غضبك يمشي علينا
ورجع طلع من المزرعة وهوة متدايق ومقهور ....

............................/
وببيت اياد .... فات اياد لعند نارا عالغرفة
اياد : نارا انا جهزت الفطور
نارا :عنجد !
اياد :ليش غريبة يعني ؟
نارا :لا ابدا بس شو سر هالاهتمام
اياد :هلأ بدك تضلي تاخدي وتعطي ،ئلتلك انا اخدت اجازة اليوم لأنو رجلك انضربت بسببي ،بعدين ئومي بسرعة وكليلك لئمة ئبل ما يصحئ شام
نارا :اي والله صح...طب تعال ساعدني وئف...
مسك اياد ايد نارا وشدا لعندو وهية ما استحكمت توئف ...رجع لفها من خصرها وحطلا ايدها عرئبتو...وبلش يمشيها
اياد :لك نارا عنجد بتوجعك وللا عم تدللي عليي
نارا :وليش لأتدلل عليك 😒
اياد :يعني حاسس عم تعملي هيك مشان تتقربي مني 😏
انغاظت نارا من كلام اياد وئامت ايدها عن كتف اياد وبعدتو عنها
نارا:لا اتطمن ،انا كلك ماعم فكر فيك
وبلشت تتسند عالحيط مشان تمشي وهية عم تنط...
اياد :يعني هيك صارت هي فوق ماعم ساعدك
نارا :انا موبحاجة لمساعدتك
وفجأة رجع اختل توازنها وكانت رح توئع لو ما ركد عليها اياد ومسكها ووئعت بين ايديه ....وهون رجع ئلبا يخفق وهية عم تطلع بعيونو واتلبكت ومعد عرفت شو بدا تعمل 😓
كان اياد لسا ماسك نارا وتقريبا حاضنها كرمال ما توئع ،وهوة كمان حس انو الوقت وئف للحظة وهية بين ايديه...
نارا :ااياد في مجال ترجعني عالغرفة
اياد :لا رح اخدك عالمطبخ ،مشان تفطري
وحملها وبلش يمشي فيها وهيه مصدومة ...😍

حطها عالكرسي وئعد مئابيلها وبلشو يفطرو...وكانت نارا تسرق نظرات علئ اياد وهوة عم يفطر وتتمايز حركاتو ،وكل ماكان يتطلع فيها تنزل راسه وتكفي اكلها...وفجأة رن جرس البيت
اتطلع اياد بساعتو :غريبة مين جايينا بهالوئت
نارا :اي هي بتكون امي واختي نور

ئام اياد وفتح الباب ...
نور :مرحبا صهري كيفك
اياد :اهلين نور...اهلين مرت عمي تفضلو ليكا نارا ئاعدة بالمطبخ
فاتت نور وام نارا عالمطبخ ..
نارا :لك يا اهلا وسهلا ،اهلين ماما اشتئتلك...
نور :وما توتوئفي وتسلمي متل العالم والناس
اياد :مارح تئدر توئف رجلا مضروبة

خافت امها عليها وئعدت وجنبا وبلشت تسئلها بالاشارات كيف انضربت
نارا :لا تخافي ،مبارح وانا عم نضف المكتبة وئعت المزهرية وانكسرت عرجلي ،لا تاكلي هم انا منيحة
نور :يعني حادثة ومو شي تاني 😒
اياد :وشو اصدك بشي تاني ،يعني انا بدي اضربا مثلا
نور :والله كلشي وارد
نارا :نور ،ئلتلك حادثة واياد ماتركني واليوم اخد اجازة مشاني
نور :اي فيك الخير صهري
اياد :اي كيفك مع غيث؟
نور :اتطمن متل السمنة عالعسل 😌
نارا :والله مو مسدئة لهلئأانك انتي وغيث انخطبتو
نور :اي وشوفيها ،هوة حبني وانا حبيتو من النظرة الاولئ 😍
اياد :ئلتيلي من النظرة الاولئ ،يعني ما التئيتي بغيث ئبل هالمرة😏
اتلبكت نور واتغير لونها :وين بدي شوفو يعني 😅اي انتي نارا كيفك مع اياد
نارا :نحنا مناح اتطمنو...
اشرتلا امها عشي خلا وشا يحمر وانتبه عليها اياد ..
نارا :شو هالحكي ماما ،خلص بعدين بئلك...خلص سكري عالبائي
نور :شو نارا عنشو عم تحكو ؟
نارا :وانتي شو دخلك 😒

............................/
اما عروة رجع بوشو عالورشة وئعد وبلش يفكر :طيب ليش لهلأ لتزكرنا ،ومنين جاب المصاري ليكون عندو هيك مزرعة علئ علمي كان اندبوري ،لا ومو شلون ما كان وبيك...اكيد في سر كبير وراه ....انشالله مايكون بيشتغل شغل مو نضيف 😰
وبلشت الاسئلة تحيرو بزيادة...

............................/
بعد تلات ساعات ببيت عروة...
رن جرس الباب وراحت نور تفتح ...ولما فتحت انصدمت :بابا 😳
ابو اليسر :كيفك نور
نور :منيحة بابا ،بابا شو جابك لهون انته ،انتة لازم تروح هلأ
ابو اليسر :وليش بئا
نور :لأنو ...بابا
عروة :لك نور مع مين عم تحكي عالباب
ولما شاف ابو بلش يصرخ ...
عروة :لك انته مابدك تتركنا بحالنا ،شو جاي تعمل هون
فات ابو اليسر عالبيت وئعد عالكنبة وشعل سيكار....
ابو اليسر:هي فوق مو جاي واتطمن عليكون لا وبنتي نور بتئلي روح من هون...
نور :بابا ...انا مو بأصدي بس المفروض تكون مسافر ،ليش ماسافرت
ابو اليسر :شو نسيتي ؟
عروة :نور عن شو عم يحكي ابوكي ؟
ابو اليسر :كأنو نور ما ئالتلك انا بشو بشتغل
كانت نور متل الخشبة وائفة ووشا صار اصفر..
عروة :ماحدا ئلي ،سألتا وما جاوبتني...
ابو اليسر :أنا بشتغل بالـ...
نور :بابا انتة ماصار لازم تمشي
اتطلع عروة بنور :لا ،احكي لشوف
ابو اليسر :رح ئلك ،انا بشتغل بالتجارة
عروة :تجارة شو...
ابو اليسر :تجارة ...كهربائيات
نور :اففف يعني هلأ شو جاي بدك من عروة...!؟
ابو اليسر :بدي اياه يستلم الشغل عني ،
نور بئلبا :جاي لهون لتورط هالمسكين ،مارح اسمحلك
نور :اطلاع لبرة
اتطلع عروة فيها :شوصرلك نور ؟
ابو اليسر :تركا عروة ،علئ كل حال انا رايح وانته فكر بالشغل معي ،سدئني عروة انته رح تكون الكل بالكل ،ومتل ما شفت غير بيك مارح ينادولك
سكت عروة وماعطا اي ردة فعل...
وراح ابو اليسر ...حست نور انو عروة اقتنع بكلام ابوها وخافت يجرو علئ شغل تجارة المخدرات معو..
نور :عروة ،ليك ئد ما قنع فيك ابي تشتغل معو لا تئبل
عروة :وليش ،يعني ازا كان الشغل عادي متل تجارة. كهربائيات ليش لأ
نور :بس ياعروة ...😰
عروة :خلص نور حاجتي عم اشتغل عند العالم

وطلع عروة من البيت...
نور :ولي علئ ئامتي ،هي اخرتك ياعروة انا لازم اتصرف 😰

............................/
طلع اياد من الغرفة ولئا نارا ئاعدة وعم تتفرج عالتلفزيون ومو منتبهة الو..وهوة سند حالو عالحيط وكتف ايديه وضفن فيها وهوة عم يتبسم...❤️
اتزكر كيف كانت ملهوفة عليه وكيف سهرت طول الليل عراحتو... وهون حس في شي اتحرك جواتو ،وبلش ئلبو يرجع يدق من جديد 😍
انتبهت نارا عاياد :ايمتا صحيت ؟
اياد :هلا ،ليش ماصحيتيني من ساعة ،انا لازم روح عالشغل
نارا :بس انته مريض 😥
اياد :لا تاكلي هم ،انا منيح وازا بدك اتأكدي
ومسك ايدها وحطا عجبينو ،وضل يتطلع بعيونا وعيونو عم يلمعو ...
اياد :تأكدتي
نارا :اممم يعني بدك تروح عالشغل هلأ ؟
اياد :اي انا رايح البس
نارا :معناتا رح اعملك فطور

راحت نارا عالمطبخ وفات اياد عغرفتو لحتئ يلبس تيابو...

............................/
اما نور لبست تيابا وطلعت من الغرفة وئالت لأم نارا :خالة تروحي معي هالمشوار
رضيت ام نارا تروح مع نور وبالفعل راحت ام نارا تلبس...
رن تلفون نور وردت :اهلين غيث
غيث :كيفك حبيبتي
نور :منيحة ،شو بدك ؟
غيث :شبكي حبيبتي ،حاسك مو علئ بعضك...
نور :اه...لا ابدا بس طالعة انا وخالتي ام عروة مشوار بس ارجع بحاكيك..
وسكرت الخط..

بعد شوي رجع اتصل عل

بعد شوي رجع اتصل علئ غيث عنصر مراقبة
غيث :خير
....:سيدي البيت يلي ئاعدين عم نراقبو ،ئبل شوي طلع منو رجال بمواصفات ابو اليسر..
غيث :شوووو ،طيب ؟
....:الشب طلع بعدو مباشرة ،بس راح علئ ورشة مكانيك ،وهي البنت هلأ طلعت من البيت مع مرة كبيرة بالعمر وليكنا لاحئينون بالسيارة..
غيث :اسمع خليك عم ترائبون واتصل فيني ازا استجد معك شي
....:حاضر سيدي
سكر الخط ورجع رن علئ اياد
غيث :اياد ليش اتأخرت
اياد :والله كنت مريض ،وليكني جاي
غيث :ابو اليسر بين ،وهالمرة كان ببيت حماك
اياد :بيت حمايي ؟
غيث :اصدي ببيت اهل نارا
اياد :اي ...!!
غيث :تعال فورا ،يمكن نور هلأ رايحة لعندو
اياد :جاي فورا
طلع اياد من الغرفة وركد برا البيت حتئ بدون ما يودع نارا...
اما غيث كان ئلبو ئامطو
غيث:يارب مايكون الها علاقة بشي 😔
#يتبع....

#نْقَطًةّ_ضٍعفَ,,,,,,
#الجزء_الرابع_عشر
@rwayate
وصل اياد عالفرع وراح بوشو عمكتب غيث...
اياد :مرحبا غيث
غيث :اهلين اياد
اياد :شو ما اجاك لسا خبر...!؟
غيث :لسا..اياد هلأ ازا ئدرنا نمسك ابو اليسر ورجالو اليوم رح تروح نور فيها 😥
اياد :ازا اتبينلنا انها شريكة ،أكيد رح نلقي القبض عليها
غيث :😔💔
اتصل عنصر المراقبة بغيث ورد عليه :اي شو صار معك
....:سيدي البنت وصلت عمنطقة عطراف المدينة بس مو بعيدة كتير
غيث :يعني...
اخد اياد الهاتف من ايد غيث :شو شايف بالزبط ؟
....:سيدي التكسي هلأ وئفت ئدام مزرعة مسورة وحوليها حراسة مشددة برجال مسلحة
اياد :هي هية ،عطينا العنوان ليكنا جايين
عطاهون العنوان ...وطلعو اياد وغيث مع الدعم ليداهمو مزرعة ابو اليسر

............................/
وصلت نور عمزعة ابوها :خالة فيكي تستنيني هون..
هزت ام عروة براسها ودخلت نور عالمزرعة...
كان عنصر المراقبة عم يراقب من بعيد ،و نور كانت منتبهة عليه طول الطريق وهي عم تفكر :خليها تجي منون ،انا اسفة بابا...😔

فاتت عالفيلا واتفاجأة لما شافت عروة ئاعد بالصالة...
نور :عروة !! لك شو عم تعمل هووون ؟😱
عروة :ليش اجيتي لهون ؟
نور :عروة انته لازم تمشي فورا
عروة:شبكي نور ليش هيك اتغير لونك
بلشت نور تصرخ :اخي مشان الله ،لاتورط حالك انته مالازم تكون هون ،طلاع هلأ ئبل ما يجو 😱
عروة :والله ماعم بفهم عليكي ،نور فهميني ليش مابدك اياني اجي لهون ؟ومين هنن اللي بدون يجو !؟
وفجأة سمعو صوت ابوها عم يصرخ :لك نوووور انتي ليش اجيتي لهون 😠
التفتت نور علئ ابوها :لك انتة شبدك بعروة ،ليش لتدخلو بهي الئصص
ابو اليسر :هاد فوق مابدي شيلو هوة واختو من الحضيض
نور :بس مو بهي الطريقة ،عروة ماعملك شي لحتئ تكافي بهالطريقة ،عروة مو نائصو مشاكل وطول عمرو بيمشي جنب الحيط وبئول ياربي السترة 😭
عروة :لك مشان الله حدا يفهمني شواللي عم يصير ؟
حمل ابو اليسر موبايلو واتصل عحدا :اي..سماع هي بنتي الغبية كشفت مكاننا دبرلي مكان روح عليه...لك اكيد بكونو عالطريق
وسكر الهاتف...
ابو اليسر :انتي اجيتي لهون عن اصد لحتئ تدليون عمكاني ،لك بتعرفي حالك مراقبة وبتجي لهون 😠
نور :لا مافي تروح عمكان ،وماحخليك تورط عروة اكتر ،عروة بتعرف ابوك شو الشغل اللي بدو يسلمك اياه ؟
عروة :شو
نور :تجارة مخدرات
عروة :😳😳😱؛
نور :مكافحة المخدرات بأي لحظة بكونو هون ،ورح تروح فيها ازا ما هربت هلأ عروة
انصدم عروة ...
ابو اليسر :لك انتي بنت كلب
نور :بعرف بنتك وتربايتك
مسك عروة ايد نور :تعالي معي نور...
وركدو برا الفيلا بس ما لحئو لأنو صوت سيارات الشرطة بين وصوت اياد طالع بمكبر الصوت...:ابو اليسر سلم حالك ،انته محاصر من كل الجهات
نور :عروة مشان الله سامحني ،كان لازم خبرك من اول تبعد عنو 😭
عروة :لا تخافي ،انا ماعليي شي

مسكها و ئربا لعندو وكانو بدن يطلعو لما بلشو رجال ابو اليسر يئوصو عالشرطة...
خافت نور ولزئت بعروة ورجعو فاتو عالفيلا ...
ئدرو غيث واياد يسيطرو عالوضع عالباب ودخلو لجوة عالمزرعة..

اياد :غيث خود معك كم عنصر وطلعو من هاد الطرف وانا رح اخد الباقي وفوت لجوة الفيلا...
فات اياد وصارو يئشو كل مين ئاعد بالفيلا من خدم ورجال متخبية جوة ،
كان ابو اليسر حامل شنتة ونازل بسرعة عالدرج واتفاجأ باياد وهوة مسلط عليه المسدس..
اياد :اخيرا ... ئابلتك وش لوش ابو اليسر
ابو اليسر :فرصة تعيسة فعلا
وطال المسدس من خصرو وبلش يئوص علئ اياد واللي معو...
اما اياد بلش يدافع عن حالو ...واتخبا ورا الحيط وبلش يحكي :ابو اليسر مافي داعي للمقاومة ،نحنا محاوطين المزرعة من كل ئرنة.. بعدين مو عيب عليك تخلينا نتطر نستغل بنتك لحتئ نوصلك
كان عروة ماسك نور ومتخبين ورا البرادي..ونور سامعة كل كلام اياد
ابو اليسر :شو اصدك انكون استغليتوها ؟
اياد :هههه ليش مائالتلك بنتك انو اللي خطبها كان هدفو انو يوصلك...الضابط غيث...بالظاهر بنتك ورتانة الغبا منك يا ابو اليسر ،وهي رح تروح انته واياها بخبر كان
انصدمت نور من الحكي يلي حكا اياد وبلشت تبكي
عروة :نور شو صابك
نور :انا...خطبني ومثل عليي انو بحبني كرمال يوصل لابي 😢💔
فات غيث عالفيلا مع العناصر
اياد :اه صحيح بما انو عم نسولف ،فيني اعرف وين دفنت جثة مرتك اما لنور
عروة :😳
نور :...ماما 😳
ابو اليسر :انا ما ئتلت حدا ،
طلعت نور من مكان مو متخبة وبلشت تمشي بالساحة بين ابوها واياد وصرخت :لك باااااباااااا ،انتة ئتلت امي وئلتلي انها سافرت ...لييييش 😭💔
بين ابو اليسر وسلط مسدسو عنور
ركد غيث لعند نور وبعدا عن الساحة وئوص ابو اليسر وانصاب غيث اصابة بسيطة بكتفو...
نور :تركني عم ئلك بعد عني غيث 😭

اما اياد عرف انو خلص مخزن الرصاص مع ابو اليسر وركد عالدرج وحط المسدس براس ابو اليسر
اياد :ماضل الك مهرب ابو اليسر ،شرف معنا 😠
طلع عروة ووئف ئدام ابو وهنن شاحطينو..
اياد :عروة شو عم تعمل هون ؟
عروة :خمس سنين غبت واختفيت ،واخرشي رجعت مشان تورطنا ،كان لازم اعرف ،مو لالله رجعتك ...
مسكو الشرطة عروة وكلبشولو ايديه ئدام اياد بس هوة موطالع بايدو شي
وأخدو نور من بين ايدين غيث وكلبشوها والقو القبض عليهون كلون...وحطوهون بالسيارات واخدوهم

ركد اياد عغيث ...
اياد :غيث انتة منيح
غيث :اياد مشان الله نور مابتستاهل تنحبس
اياد :خلص بشوف ازا بنئدر نطلعها ،ئول انشالله ابوها مايعترف عليها وعلئ اخوها...

............................/
واخدو وطلعو عالفرع وبلشو يحققو مع اللي مسكوهم ...كانت ام عروة ئاعدة بالفرع وعم تبكي ..
ئرب اياد عليها وعطاها كاسة مي :خلص خاله ،لاتخافي علئ عروة ،سدئيني مارح خلي ينحبس ،بعدين هوة مافي عليه شي
بلشت ام عروة تأشرلو...
اياد :مافهمت ،عم تحكي عن نور
هزت ام عروة براسها
اياد :الحمدلله بما انو ابو اليسر ما اعترف عحدا فيون فهنن اكيد رح يطلعو بس يمكن نور تطلع بالاول...

طلعت نور وهية وعم تبكي من غرفة التحقيق لعند ام عروة.. شافها غيث واجا لعندا بسرعة..
غيث :نور حبيبتي
اتطلعت نور فيه :ههه ليش ماخلصت تمثيليتك لهلأ
غيث :نور والله انا ماكنت عم مثل
نور :لك انا ما خبيت عليك وئلتلك اني حبيتك بكل صراحة وبدون مقدمات ،سدئني ماكنت ازعل لما كنت تحاول تصدني وتبعدني عنك ومع هيك حبيتك ،بس انك تلعب بمشاعري وتمثل انك بتحبني ،هاد الشي انا ما حأسمحلك فيه ولا رح سامحك بحياتي

مسكت ام عروة نور وضمتها وبلشت تأشرلا...
نور :منيحة خالة ،بس خلينا نروح عالبيت حاسة حالي رح طق 💔
مسكها غيث :مو ئبل ما تفهمي... نور انا ما استغليتك
نور :كلام اياد كان واضح منيح ،مو عيب علئ بابا يخليكون تستغلوني لتئدرو توصلولو...شبك اياد ليش ساكت ؟،اه وشو فارئة معك ليكا نارا عندك بالاسم بس مرتك ومبلش مستغلها ومستغل طيبة ئلبا بس مشان تربيلك ابنك ،يالله خالة خلينا نمشي

ومسكت نور ام عروة من ايدها وطلعو من الفرع....
وغيث وائف مكانو ومو عرفان شو بدو يحكي...
وصلت نور عالبيت منهارة وحست انو ئلبا رح ينفجر ،رن تلفونا ومسكتو وزتتو عالكنبة وفاتت عالغرفة وئفلت الباب عحالها...بلشت ام عروة تخبط عالباب بس نور ما كانت ترد...وفجأة بلشت نور بالصراخ وتكسر بغراض الغرفة ،وبس سمعتا ام عروة خافت ،واتصلت بنارا ..
نارا :الوو...الووو مين عم يحكي
وبلشت ام عروة تنقر عالهاتف لحتئ نارا تعرفها..
نارا :ماما ...!!!!
حطت ام عروة التيلفون عباب الغرفة لحتئ تسمعها صراخ نور والتكسير...
نارا :شبها نور جنت 😳😱،انا جايي فورا
لبست نارا جاكيتا بسرعة ولبست برجلا وحملت شام وطلعت من البيت...
وصلت عبيت اهلا وكان لسا صوت نور طالع ...
عطت نارا شام لأمها وركدت وبلشت تخبط عباب الغرفة...
نارا :نووور افتحيلي الباب ،نووور ردي عليي
نور :لك تركوني بحالي ،انا ليش عايشة لهلأ
نارا :نور افتحي خلينا نتفاهم شو اللي زعلك
نور جوة ئعدت وهية عم تبكي وعم تتزكر شو حكا اياد ( مو عيب عليك تخلينا نتطر نستغل بنتك لحتئ نوصلك... هههه ليش مائالتلك بنتك انو اللي خطبها كان هدفو انو يوصلك...الضابط غيث...بالظاهر بنتك ورتانة الغبا منك يا ابو اليسر ،.... اه صحيح بما انو عم نسولف ،فيني اعرف وين دفنت جثة مرتك اما لنور)
نور :كلشي راح ...معد في حدا بيستاهل اعيش كرمالوو 💔
نارا :لك نور ردي علي شو بدك تعملي يامجنونة 😱
نور :نارا ،سامحيني اختي ،انتي الوحيدة اللي وئفتي جنبي ..بس هلأ خلص معد ازعجك بشي
نارا :نور شو اصدك ما عم بفهم
مسكت نور شئفة ئزازة من المراية اللي كسرتا وئطعت شرايين ايدا...😢
واختفا صوت نور..
نارا :نور ياننووور ردي عليي ولي علئامتي شو اعمل انا 😱

#يتبع...