📚قصص||روايات||منوعة📚

#مال_الشام
#انقلب_السحر_على_الساحر
@rwayate
-3-

الي لقتو غفران كان ورقه… عليها رقم رفيقتها عهد
عهد رفيقة غفران من ايام المدرسه بس قطعت علاقتها فيها لان عهد كان عندها شي سيء كتيرررررررر..
عهد كانت بتتعامل بكل شي بحياتها (بالسحر و الحجابات) و غفران بتعرف انو هاد الشغل كلو حرام و بغضب ربنا
بس هي كانت ضعيفة كتير و بحالة يئس… مسكت الرقم و اتصلت…

عهد: الو؟
غفران و هي عم تبكي: عهد انا غفران
عهد: هاد انتي ولييييه… هيك يا دبه ما بتسألي عن رفيقتك تضرسي

ضلت غفران عم تبكي

عهد: غفران عم تبكي؟ لك غفران؟؟؟؟

غفران: لا ما عم ابكي… عهد بدي ياكي بخدمه

عهد: لك امبلى عم تبكي وقفتي قلبي لك شبك

حكتلها غفران كل شي صار معها و كيف ميس فاتت حياتها و جننت جوزها و حكى لميس انو هي بدها تطلق و هددها ازا بتحكي الحقيقه لميس بياخد منها الاولاد و ازا سكتت بعطيها ولادها… يعني قايضها على ضناها!
عهد انقهرت كتير عليها و هي بتعرف اديه كانت غفران تحبو لباسل

عهد: الله لا يوفقووووو و شو بدك تعملي؟

غفران: انا لهيك حكيت معك.. انتي رح تساعديني

عهد: كيييف؟

غفران: في وحده كانت تكتبلك حجابات بدي تدليني عليها

عهد: شووووو؟؟؟ من عقلك بتحكي؟ انا تبت من زمان
وخفت الله يعاقبني ما عاد تعاملت بهل شغله اسفه كتير

انهارت غفران و صارت تبكي ( شوو بدي اعمل ياربي ضحيت بكل شي كرمالو و هلأ باعني مشان وحدة ما الو يومين بيعرف، لك وين بدي روح باولادي شو اعمل )

عهد : غفران انا رح اعطيكي العنوان تبعا…. بس بدي قلك شي واحد
هي ما بتكتب حجابات قرآن… فهمتي علي؟ و انا ما رح اقدر اجي معك لاني تبت ومستحيل ارجع روح لعندا

غفران: فهمانه عليكي لو بتتعامل مع الجان الازرق ما بهمني، المهم تقدر تساعدني… ابعتيلي العنوان

اعطتها العنوان و سكرت الخط…. لبست غفران تيابها و اخدت دهبها راحت باعتو و راحت عالعنوان…. ما كانت عم تفكر بشي… الا انها بدها تندم باسل على الي عملو فيها!

بالفعل وصلت و دفعت و اخدت حجاب قالتلها هديك انو رح يخلي جوزها متل ما بدها و يحبها كتير بس هي ما بتعرف شو فيه… وصتها تحطو بمكان بخص جوزها!! و اعطتها كيس و قالتلها هاد ضلك شربيه منو كل فترة و فترة

و هيك رجعت غفران و هي خايفه و متوترة و صارت تفتش وين بدا تحطو…
بالاخير فتحت فرشة التخت حطت الحجاب بقلبها و خيطتها و رجعت كل شي و اخدت الاولاد و نزلت ع بيت حماها لتاخد غرفه هنيك و لتشوف شو رح يصير!!

مرق شي اسبوع و صار موعد عرس باسل …
و تاني نهار …

كانت غفران بالغرفه عم تبكي كل الليل لوش الصبح
و ع طلوع الفجر… دق باب غرفتها

#لعبة_الحياة_بقلم_حواء
الجزء الثالث
@rwayate
كرز: لوين آخدينو ؟
عصام: مو شغلك...ما حدا بفوت لعندي و بيطلع عايش
كرز: كيف يعني...شو رح تعمل.؟
عصام: تجاهل سؤالي و التفت على رجالو ( خلصوا عليه)
كرز: لااااا لحظة
التفت علي عصام...( ليش لا.. ؟ )
كرز: لأنو..ل
زياد: لأنو مرضو بيتعالج...يعني مو واردة نروح علينا مبلغ منيح مشان ما نتتظر شوي.. مو هيك كرز؟
كرز: اي... هيك كان قصدي..
عصام: طيب...دكتور زياد...تولى مهمة علاجو أنت و خلي الرجال يجيبوا الأدوية اللازمة
زياد: تمام
كل هاد و أحمد كان ساكت و ما عم يحكي حرف و مو فهمان شي ابدا
قبل ما يطلع عصام برا الغرفة.. نادالو أحمد ( لحظة شوي...فيني أفهم شو بدك مني..يعني إذا بدك مصاري القصة محلولة )
عصام: خراس و لا تداخل أحسن ما غير رأيي و فضي هالمسدس براسك
طلع لبرا و بقيت أنا و زياد و أحمد بالغرفة..عم نطلع ببعض..
قرب مني زياد و همسلي ( انا عملت يلي علي...الشغلة بقيت عندك...ما عاد فيي ساعدك بشي )
أحمد: فيني افهم أنا وين ؟
زياد: منرحب فيك أستاذ أحمد...انت هلأ باستضافة عصابة لتجارة الأعضاء و لولا الآنسة يلي هون كنت هلأ بخبر كان...بس ما بظن رح تطول كتير
أحمد:.......
بس طلع زياد من الغرفة شرحتلو لأحمد كلشي و شرحتلو انو أنا هلأ مخطوفة متلي متلو..
أحمد: يعني أنا لازم اتصرف على إني مريض؟
كرز: اي.. اذا حابب تضل عايش
أخد نفس عميق و ابتسم ( مو كتير ضروري )
كرز: طيب لكن أنا رح قوم
أحمد: لوين؟
كرز: رح قلون أنو ما معك شي..مو بدك تموت؟
أحمد: هههه لا مو هيك طولي بالك
كرز: ماشي أنا مضطرة كتير روح
أحمد: ماشي
طلعت من الغرفة ع الممر و دغري اجو بعدها شخصين ضخام سكرو الباب و وقفو عندو...و أنا عم امشي شفت وحدة ماشية باتجاه غرفة عصام.. زورتني و فاتت..و أنا وقفت شوي لافهم مين بتكون..
بعد شوي سمعت أصواتن طالعة و عصام كان معصب كتير...لهيك ركضت دغري ع الغرفة و سكرت الباب..
" في مكتب عصام "
تسنيم: أنا ما دخلني...لا تدخلني بقصصك..صح ساكتة بس هاد مو معناها إني مستعدة اشتغل معك
عصام: تسنيم... انتي ساكتة لأنك مجبورة و رح تشتغلي لأنك مجبورة كمان... حاج نضحك ع بعض
تسنيم: عصام....أنا ساكتة لأني بحبك
عصام: هالحكي كان زمان... هلأ تغيرتي
تسنيم: هلأ لأني ما رضيت اشتغل بشغلك الوسخ تغيرت
عصام: تسنييييم انتبهي لحكيك معي!
تسنيم: ما قلتلي...مين هالحلوة الجديدة يلي برا؟ جايبها كالعادة تتسلى معها و بعدين تقبض حقها ؟
عصام: شوو هالمساااا هاد...هي بتكون دكتورة جديدة...
تسنيم: بالله...مع أنو مو شكلها من جماعتكون
عصام: خلينا بموضوعنا هلأ...الشغلة سهلة و بالعكس انتي رح تكوني بصورة الملاك البريء و أنو قلبك كبير و ما في منك....و نحنا منتصرف من ورا بالباقي..
تسنيم: طيب طيب...بس تركني فكر شوي
عصام: ما في وقت... مضطر بسرعة
—------------—
التفكير المستمر بخلي صاحبو يفقد عقلو...بس ما عم اقدر ما فكر بأخواتي شو بكون صاير فيهن.. و كريم... اشتقتلو كتير...رغم تعاملو ببرود معي دائما بس بحبو كتير و برتاح لما اسمع صوتو..
و أنا عم فكر خطر ببالي حديثي مع زياد ( مع أنو كان فيني اهرب ) يعني هو بيعرف يطلع من هون اكيد... طيب و الكتاب...اذا ما حدا بيطلع من عند عصام عايش مين يلي قدر يطلع هالكتاب! و مين يلي كتبو أصلا!
طلعت من الغرفة ع روس أصابعي و مشيت شوي شوي بدون ما حدا يشوفني...و اتجهت لعند غرفة زياد..
نقرت شوي ع الباب..
زياد: مين ؟
كرز: أنا كرز..
زياد: لحظة شوي..
فتحلي الباب و فتت ع الغرفة بسرعة و سكرت الباب مشان ما حدا يشوفني
زياد: شبك ؟
كرز: خفت حدا يشوفني
زياد: هههههه
كرز: ليه عم تضحك؟
زياد: لأنو ما فيها شي...يعني هلأ انتي صرتي وحدة منا بنظر عصام و عادي كتير إنك تتحركي بحرية...
رفع اصبعو بوشي و قرب مني..( بس ضمن المقر )
كرز: بس أنا ما بدي كون وحدة منكن

بيرسم أي شي

جوليا: بس أنا متأكدة انو هالبنت مو مجرد رسمة و بس

ماسة: هههههههههههههه .....

انقطعت ضحكة ماسة و دققت باللوحة أكتر و تغيرت ملامح وشها..

جوليا: شبك ؟

ماسة: لك...لك هي مو وحدة من البنات يلي فاتوا مرة على بيتنا و صارت هديك المشكلة ؟

جوليا: لعمة...لك اي ولله

ماسة: ما فهمت شو عم يصير !

فاتت أم أمير ع الغرفة ( شو عم تعملوا ؟ )

جوليا: اه...ولا شي مرت عمو كنا عم نرتب الغرفة

أم أمير: بعت أمير رسالة قال عندو شغل كتير و رح يضل الليلة هنيك و موبايلو ما كان جنبو

اتطلعو ماسة و جوليا ببعض و بلشوا يحسوا انو في شي غريب بالقصة ..

____________________

كانت غاطة بنومها و مو حاسة على شي...انفتح باب البلكون و فات حدا منو و فاتت نسمة هوا معو...

فتحت عيونها لقت البرداية عم تتحرك و خيال عم يتحرك معها... رفعت راسها و بدها تصرخ بس انمدت ايد على تمها و وقفتها...

#يتبع

#الجزء_الاول || #انتقام_ازرق
@rwayate
- ولك رانياااا يلله وليه فوتي لهون ..

- رانيا : اي اجيت كنت عم العب بالطابة مع سها و لارا

- طالعت اواعي ولحشتن ع التخت وفتلت لعندا ..
رانيا كانت عم تطلع عليها ومستغربة ليش هيك عم تعمل ..

- لك يلله لبسي هدول شو ناطرة ..

- رانيا : ليش لوين رايحين ماما ..

- مو رايحين خلصيني بئا ..
كانت عم تحكي وتلبسني بسرعة وترفع ايديي بقوة ، بعدين اعدتني ع التخت وفردتلي شعراتي وسرحتن وهي عم تشد عليهن لدرجة انو وجعتني ..

- رانيا : ماما شبك شوي شوي .. قوليلي لوين رايحين ؟

- اتطلعت فيها وهي معصبة وعم تزور : مو رايحين ، جايينا خطابين ..

- رانيا : يعني بدي صير عروس و البس بدلة بيضا متل علا بنت جيراننا ..

- اتطلعت وهي عم تلبسا بسرعة وصارت تتنهد وتقلا : اي اي اي خلص سكتي

- رانيا : هيييه يالله رح صير عروس انا كتير فرحانة ..

ماكنت عرفانة شو يعني رح صير عروس و انا بهالعمر ، كنت مفكرة الفرحة انو البس الفستان الابيض و رح عيش بسعادة و انبسط ..
ماكنت عرفانة انو في كوابيس رح تتحقق واحلام رح تموت ..

بعد شوي اندئ الباب ..

الام : رانيا لاتفوتي لحتى ناديلك فهمتي !!

رانيا : اي فهمت ..

ضليت اعدة بأرض الديار عم العب بالوردات يلي حولين البحرة ، كنت متشوقة لفوت شوف عريسي و صير متل سندريلا يلي كانت ستي تحكيلي عنها بالروايات

فاتو الجماعة ع الغرفة انا كنت واقفة ورا البرداية عم اتفرج عليهن ..

(( بعد شوي ماما نادتلي )) : رانيااااا يارانياااا تعي ماما ..

دخلت ع الغرفة و انا خجلانة كتير كان في تلت شباب ومرة وحدة ، صرت اتطلع من تحت لتحت بدي اعرف مين هو عريسي ..
يلي اعد ع اليمين ولا ع الشمال ؟ ، الاصلع ولا يلي شعراتو حلوين؟ ، الاسمر ولا الاشقر ؟
عم اسأل حالي و انا مطخية راسي وساكتة ..

كانو كلهن ساكتين وماعم يحكو شي ..
ماما : اومي ساويلنا قهوة ..

لما اطلعت من الغرفة صارو يحكو ..
ماكنت دقق بعدني طفلة ..

استندت ع حيط المطبخ و انا عم فكر كيف رح صير عروس ورح اطلع متل الاميرات الحلوين ..
وعم فكر بسيارة العروس وباقة الورد وكل هالشغلات يلي بفرحو البنت ..

طلعت امي من الغرفة وهي مبتسمة وعم تودعهن ، وباينة كتير رضيانة ..
سكرت الباب بعد ماراحو و اجت لعندي ..

- امي : عجبوكي الجماعة

- رانيا : مابعرف

- امي : انتي عجبتيهن كتير

خجلت ووطيت راسي و انا عم ابتسم بنعومة كان ع لساني في سؤال بس مترددة وخايفة اسئلو ..
- رانيا : ماما ..

- امي : نعم

- رانيا : اي واحد عريسي من بيناتن ؟

- امي : " ضحكت بصوت عالي " ..
عريسك يلي شعراتو حلوين و اعد ع اليمين .. عجبك ؟

- رانيا : ضحكت وقت يلي حكت هيك لانو عجبني كتير ، كان شب حلو طويل و اشقر وشعراتو ناعمين كتير وعندو غمازة ..

- امي : عريسي انا الاصلع ..

- وقت يلي قالت هالجملة حسيت سكين وفاتت بقلبي بالرغم من اني طفلة بس مبعرف شو حسيت ..

- رانيا : ليش بدك تتزوجيي ؟

- امي : اي ، انا لسعتني صبية و الرجال عاجبني ، بعدين هو بكون ابوه لـ حمزة يلي رح يصير خطيبك ..

- بعدت عن امي و انا عم ارجع خطوة خطوة لورا وعيوني غرقانين بالدموع : وبابا ؟ انتي نسيتيه ؟!!

- امي : رانيا حبيبتي ابوكي الله يرحمو ..

- رحت ع غرفتي و انا عم ابكي اعدت ع تختي و انا عم اتزكر بابا كيف كان يلاعبني ويضحكني ، وكيف كان يحبا لماما كتير ..
معقول هي تقدر تحط حدا تاني مكانو !!

دخلت لعندي ع غرفتي و اعدت جنبي ع التخت..
ماما هي سنة الكون لاتبكي ، ابوكي توفى من سنتين كنتي لسعتك طفلة ، و انا لسعتني صبية بدي شوف حياتي .. مو معقول ضل مدفونة بهالبيت المعفن ..

خلص انتي بتتزوجي حمزة و انا رح اتزوج ابوه ورح ضل معك لاتخافي من شي ..
يلله هلأ تعي نتغدا ، لان المسا رح تجي لعنا امو لعمو ابو حمزة مشان نتفق ع التفاصيل ..

- رانيا عمرا 14 سنة بس ..

المسا اجت امو لابو حمزة و اختو ..
دخلت و انا مستحية كتير ، اعدت ع طرف الكنباية وصرت اتطلع ع الوان التياب يلي لابسينها ..
عجبوني كتير ، انا ماعندي هيك تياب وهيك الوان .. لان مامعنا مصاري نشتري هيك شغلات

- ام سعيد ( امو لابو حمزة ) : عرس رانيا وحمزة حيكون الخميس الجاية متل اليوم وبعد اسبوع بكون عرسكن انتي و ابو حمزة ..

- الام ( هنا ) : اي ليش لاا

- ام سعيد : وكتب الكتاب التلاتا الجاية ، ورح اعطيكي شوية مصاري تتجهزي انتي وبنتك ..

طالعت من شنتايتا رزمة مصاري باينة محرزة وعطتها لامي ، قالتلا شتريلا شوية غراض وشغلات و اشتري الك كمان ولاتاكلي هم اذا نقصك ..

بعد ساعة من الحكي راحو من عنا ..

كنت اعدة عم اتخيل حالي بلبس جديد وتياب حلوين متلهن ، ماني عم فكر بأي شي ولا بمسؤولية ولا بولاد ..

(( خلص هالاسبوع و اجا يوم العرس )) ..
يوم التعاسة والنحس ، يوم يلي صحيت ع حالي ..

نبيل : مابعرف انا متأكد سمعت صوت الباب .. يلا بكل الاحوال اختي فوتي ع غرفتك نامي و انا رح نام
Telegram@rwayate
ملك : تصبح على خير ...

ملك كانت شرسة كتير مع بابا وماما بس بالعكس تماماً معي اوقات بتعصب عليي وبتحاول تضربني وتألعني من غرفتا وماترد عليي وقت حاكيا وتطنشني بس أغلب الاوقات بس احكي معا اد ماكانت ضايجة بتسكت وبتعد بزاوية الغرفة يمكن بتحس انو مارح أأذيا ولا اوجع قلبا متل اهلي وفراس ..

رجعت لغرفتي غفلت وفقت تاني يوم من بكير .. لقيت عمتي عنا وعم يشربو القهوة هي وماما

نبيل : صباح الخير

عمتي : صباح النور .. متأخر بالفيقة اليوم

نبيل : اي والله سهرت مبارح

عمتي : ممتاز بما انك سهرت خبرني سمعت شي صوت حركة ع الدرج او حدا نازل بسرعة معقول يكون حرامي ؟!

صفنت شوي بعدين جاوبتا : بجوز شي قطة.. لاتخافي عمتي البناية مسسكرة و آمنة
Telegram@rwayate
سكتت وبلشت فكّر أكتر و أكتر مزال عمتي حست ع الصوت معناتا فعلاً كان في حدا بالبناية دق الباب وهرب بس مين؟ شو يلي عم بصير هون؟!..
طلعت ع السقيفة وفتحت الصندوق و صرت اتفحصو الصور ابداً مو واضحين و التفاحة ماكانت موجودة من الأصل ..
تركت البيت و اهدت معي مفتاح الطوابق يلي فوق و طلعت ع الطابق التالت كان فاضي مافيه ولا غرض ولا اي شي .. دخلت عليه وصرت دوور بالغرف او الأغراض القديمة ع شي دليل بس مالقيت شي كل يلي كان بالبيت هو كم كرسي و طاولة و سرير حديد وبس حتى السقيفة مافيا شي يعني مستحيل يلتقى معي دليل غريب

#بقلم_رند_محمد يتبع ..

#المجهول #الجزء_الخامس
@rwayate
و انا بطريق رجعتي ع البيت رن تلفوني وكان بابا ..
طلب مني و انا راجعة اشتريله ورق ..

رجعت ع البيت أول مادخلت ناديت لبابا و أعطيته الورق ..

بابا : بنتي الحلوة شتهتني بورق و الله عندي يابابا ليش عذبتي حالك ..

صفنت فيه : بابا شو عم تحكي ؟ مو انت اتصلت فيني وطلبت ورق قلي مو انت ¿¿!

بابا : لا والله يابنتي انا ما اتصلت فيكي .. أساساً عندي ورق كتير شوفيون برا ع المكتب ..

قربت ع المكتب و فعلاً كان مليان ورق ابيض .. رجعت لعند بابا و كنت حاسة بتعب جوا دماغي : انا ما جنيت والله انت دقيتلي .. رح ورجيك المكالمة ع السجل ، فتحت تلفوني ع السجلات بس الغريب انو فعلاً ماكان في اتصال وبابا مو متصل فيني ..

اتطلع فيي و هز براسو وحكالي روحي ارتاحي ونامي منيح ..

فتت لغرفتي سكرت الباب و صرت أبكي ، أوقات الانسان بيضعف كتير بس مو لدرجة انو يحس حالو مجنون و يلي حواليه عم يشفقو عليه ، معقول أوصل لمرحلة انو اهلي يشفقو عليي ويعاملوني متل مجنونة .. شو هالشي المجهول يلي عم يمشي بدمي وماعم أقدر أعرفه شو هو ..

و أنا بهالحالة هي رن تلفوني وكان صفوان حكيت معه وخبرني انو خلال ساعتين رح يكون هون و مالازم حدا يشوفو او يدرى انو اجا ..
غيرت تيابي و أعدت انطرو وقت وصل علملي رنة و سكر .. استنيتو ورا بيتنا وقفنا مع بعضو قلي استناه برا البيت و أي شي بصير وبكون غريب ابعتلو مسج فوراً ..

دخل صفوان ع بيت جارنا و انا بقيت برا ناطرتو بعد عشر دقايق سمعت أصوات غريبة جاي من البيت .. كاقدرت اتحمل وضل برا فتحت الباب و دخلت لجوا لقيت جارنا عم يحاول يخنقو لصفوان صرت صرّخ بعدين حملت عصاية وضربتو فيا لحتى غمي ..
اتطلعنا ببعض انا وصفوان و فكرناه مات .. بلحظة صمت سمعنا صوت سيارات الشرطة برا ..

بابا وقت سمع أصوات غريبة بالبيت ماقدر يقرب بس اتصل بالشرطة بدون مايعرف مين يلي جوا .. دخلو الشرطة وبعد شوي طالعونا انا وصفوان مقيدين بالحديد .. اتطلع فينا بابا وصار يرجف و يقلي شو عملتو شو صاررر

بعد شوي طالعو جارنا ع النقالة و اسعفوه ..
رحنا ع المخفر وهنيك وقفونا ليلة انا و صفوان .. كل الليل كنت بين المسجونات يلي اشكالن بتخوف و انا عم ابكي و أعدة بالزاوية براسي في اصوات بشعة ومخيفة ..

اجا لعندي الشرطي الحرس وحكالي : اطلعي معي ..
@rwayate
اخدني و طلعنا ع مكتب الضابط كان هنيك صفوان و جارنا حالتو متحسنة بس جرحو مضمد و الحمدلله انو مامات لأن كنت رحت فيا انا ..

الضابط : يلا ياصفوان حكيلي شو فوتكن ع بيت جاركن و ليش اعتديتو عليه ؟

صفوان : جارنا عندو سر كبير .. ولما عرف اني كشفتو كان رح يقتلني يا سيادة الضابط .. رح اكتفي انو آخدكن للبيت وتكشفوه لحالكن .

طلعنا كلياتنا بسيارة الشرطة .. و دخلنا ع البيت
قرب صفوان وبعّد اللوحة يلي كانت بالحيط و نزل هو و الضابط و شرطي لتحت و بقيت انا وباقي الشرطة و أهلي فوق ...

بعد شوي طلعو ومعهن مرة ؟؟ نفس المرة يلي شفتا بالليل دقت عليي الشباك ..
نفس شكلا .. اتطلعت فيني و ابتسمتلي

رجعنا ع المخفر ووقعنا ع الضبط و طلعنا براءة وجارنا هداك انحبس .. لأن كان عم يدّعي انو مرتو ميتة وهو حابسا بقبو البيت ومانع عنا كلشي بسبب جنونو و مرضو و نحنا قدرنا ننقذ حياتا .. البشع انو الإنسان يموت وهو ع وجه الحياة وقيد التنفس ..
@rwayate
كانت هالليالي صعبة عليي كتير و حسيت من بعدا براحة نفسية .

قضيت هالليلة بغرفة أهلي عم نام جنبن ع التخت بس هاليوم كنت حاسة من أوله أنو في شي بشع بدو يصير .. سمعت صوت جرس الباب عم يندئ
قمت ، اتطلعت من العين الساحرة مالقيت حدا .. بعدين سمعت صوت دعسات خفيفة حد باب البيت وكل ما اتطلع من العين الساحرة ماشوف حدا .. فتحت الباب بسرعة مالقيت حدا بس ورقة كانت جنب باب البيت ..
حملتا وقرأت فيا : " أنتي اخترتي هيك "

اخدتا و دخلت لجوا ، اتصلت بصفوان بس ماكان عم يرد عليي .. حكيت لنسرين يلي صار و خبرتني انو ممكن يكون طايرة بالغلط او حدا عم يتسلا فيني و يضيع وقت ..
تركت الورقة بدرجي و طلعت ..
أعدت مع اهلي كانو عم بحكو عن خالتي .. وماما خبرتني انو رح تروح لعندن تزور اذا بدي الحقا بعد كم ساعة ..

#اوتيل_5_نجوم #كتابة_رند_محمد_الجزء_التالت
@rwayate
اليوم حاسة فيني شعور كئيب كتير محتاجة أمي .. حاسة في شي بشع صاير معها ، مالقيت بوجهي غير انو اطلب من فريد يعطيني تلفوني لاتواصل مع اهلي .. طلعت لعندو و انا خايفة منو، دقيت الباب وفتت ..
فريد : نعم؟
غالية : استاذ لو سمحت بدي اتطمن على اهلي صرلي اسبوع مابعرف شي عنن لو سمحت خليني حاكيون دقيقتين
فريد : انسي الموضوع و طلعي لبرا
غالية : الله يخليك .. امي و اختي لحالن

اتطلع ع جسمي نظرة خبيثة .. و ابتسم بعدين قلي : رح خليكي تحكي معهن بس بشرط ..
@rwayate
تقريباً عرفت شو بدو .. : تفضل
فريد : بدي اسهر معك سهرة مرتبة ..

غالية : شكراً ، ماعد بدي احكي مع امي و اختي و تلفوني خليلك ياه

طلعت من الغزفة وسكرت الباب و انا عم ارجف ، كان بنفسي اضربو بس مابعرف شو حيصير فيني لو تصرفت بهالطريقة

رحت لعند عهد وحكيتلا يلي صار ، بعد شوي اجا أيهم بالسرقة ليشوفنا ، حكتلو عهد يلي صار و قلي انو معو موبابل مخبيه وفيني احكي مع اهلي منو ، مارفضت لان كنت محتاجة اتطمن عليهن
حكيت مع امي و اتطمنت و شكرتو لأيهم .. @rwayate
بالليلة هي مانمت منيح ، كل مانام يتهيألي اصوات غريبة خاصة انو هالليلة كانت كتير باردة و صوت الرعد و الشتا برا بخوف و المنطقة عتمة و هادية .. طلعت من غرفتي بي ماكنت شايفة شي بسبب عتمة الممرات ، رجليي اخدوني ع هديك الغرفة .. وقفت و انا مترددة بين افتح الباب او لا ، فتحتو ع مهلي وكنت سامعة صوت دقات قلبي .... فتت وصلت ع الباب الأسود، مابعرف شوفي جواتو بس لازم اكشف السر ..

فتحت الباب كان مقفول .. ضليت حاول فيه بدون ما طالع ولا صوت لحتى قدرت افتحو .. كان في ضو صغير كتير كتير معلق بأول الباب وواضح انو في درج طويل اكتر من 25 درجة .. مابعرف اذا نزلتي صح او غلط ..

سكرت الباب و سندتو بربطة شعري كرمال مايقفل ونزلت ... ضليت انزل لوصلت لممر طويل و قديم حيطانو لونا زيتي ووسخة كتير ومكتوب عليها ببخاخات الوان .. مافهمت شو مكتوب ، مشيت شوي شوي بالممر وصلت لغرفة مسكرة وكان في اشارة X ع الباب .. نزلت راسي لمكان المفتاح وتطلعت ، شفت سرير مرضى وسخ كتير و طاولة مكسورة عليها صينية وبسس .. ماقدرت شوف اكتر ..
@rwayate
مشيت لقدام كان الممر طويل ومافي شي تاني غير هالغرفة ، سمعت صوت حدا جاية من بعيد صرت ارجف مابعرف وين بدي اتخبا ، وقفت بزاوية الممر المعتمة ، كان في ادوات زراعة قديمة مرمية هون تخبيت جنبن و صرت اتطلع ، مر رجال ضخم و اصلع لابس تياب بيض وسخين كتير كتير و حامل بأيدو مقص مشي لوصل لمكان قريب مني وهون نقطع نفسي بعدين لف و دخل بممر مقابيلي ماكنت انا شايفتو ...

اول ماشفتو اختفا عن نظري طلعت بسرعة و هربت من الممر وصلت للدرج طلعت عليه لفوق فتحت الباب و طلعت و انا عم سكرو سمعت صوت حركة بممر الاوتيل ، بلعت ريقي و تخبيت ورا الخزانة الموجودة بالغرفة ، بعد شوي انفتح الباب و دخلت منال و بأيدا صينية عليها زبدية شوربة و خبزا .. فتحت الباب ونزلت لتحت ... ستنيت شوي وبعدين طلعت من الغرفة و رحت ع غرفتي و انا عم الهت ، لقيت عهد اعدة ع التخت و عم ترجف
غالية : انتي فايقة ؟؟
عهد : وين كنتي؟؟؟ لك مجنونة انتي !!!! وين رحتي
غالية : عهد ليكي نحنا مالازم نضل هون ولا لحظة ، في قصة للأوتيل لازم نهرب هلئ ... خبري أيهم يطلع معنا
عهد : كيف كيف بدنا نطلع و الحراسة؟؟ و منال ... و بشرى ... بركي حدا حس علينا
@rwayate
ماكان في ولا طريقة لنطلع لبرات هالفندق الملعون .. نمت ساعة وحدة وبس وبلشت بشرى تصحينا و تدق ع بوابنا لنفيق ..

اول ماطلعت من الغرفة نزلت ت المطبخ لشوف أيهم مالقيتو .. طلعت بالممرات و الغرف كمان ماكنت لاقيه وصلت للغرفة يلي فيا باب اسود .. فتحت الباب لقيتو واقف جنب الباب وعم يتطلع عليه ، بهاللحظة شكيت فيه : انت شو عم تساوي هون؟
أيهم : انتي اجيتي .. شبك ..
غالية : بكفي كذب ، جبتنا لهون أبصر شو النية يلي ببالك .. و مرة بشوفك عند فريد وهلئ بهي الغرفة وعم تتأمل الباب
أيهم : لك غالية بشو بدي احلفلك انو مالي علاقة بشي والله مالي علاقة ليش ماعم تصدقيني .. انا هون لان سألت عن الأوتيل وعملت أبحاث و عرفت انو البنات يلي بيشتغلو هون كل سنة بيختفي حدا منن وماحدا عرفان السبب .. @rwayate
اهالي البنات رح يجنو ليعرفو بناتن وين عم يروحو بس ماحدا قدر يعرف و الشرطة كذا مرة أجت لهون وما لاحظت شي غريب ، فريد حكالن انو هو ماله علاقة البنات عم يتركو الشغل ومادخلو بيلي بصير برا وبفرجيهن تواقيع البنات ع وراق استقالة و بينسحب من الموضوع فهمتيييي... انا اجيت لان بحبك وبدي طالعكن من هون انتي وعهد

غالية : ليش ماحكيت من الاول ليششش

ايهم : مبارح بالمطبخ لما أجيت بدي قلك ماخليتيني و قلتيلي أنو انا كذاب

غالية : السر كلو بهاد الباب

أيهم : بتعرفي شي عنو؟؟

#اوتيل_5_نجوم #كتابة_رند_محمد_الجزء_الرابع
@rwayate
أنا ماشية و ايهم ورايي عم نحاول مانطالع ولا صوت .. وصلت لعند باب من هالابواب وحطيت ادني عليه ، سمعت صوت أنين جاي من جوا ... رفعت صوتي شوي وناديت : عهد انتي هون!
فتل أيهم و اشرلي بأيدو لأسكت ..

مشينا شوي لقدام كان في غرفة مفتوحة وفي حدا اعد ع كرسي هزاز و بارم وجهو يعني ضهرو لعنا .. في جنب هالشخص طاولة وعليها سلسلة كبيرة فيا مفاتيح .. هي المفاتيح اكيد للابواب المدربسة ..

قطعنا الباب بدون ماينتبه علينا وكفينا مشي لآخر الممر الضيق كانت آخر غرفة . اتطلع فيي ايهم وحكالي : هدول الابواب فيهن بشر وناس محبوسين مابعرف لأي سبب .. لازم ناخد المفاتيح ونطالع هالناس من هون . بس الموضوع مو سهل ابداً ..
قبل ما يخلص ايهم كلامو سمعت صوت باب بعيد انفتح ودعسات حدا .. مسكت أيهم و انسندت ع الحيط انا وياه و بحك العتمة الموجودة ما كنا باينين .. نزلت منال و فاتت ع الغرفة يلي كان فيا هالحدا.. بعد شوي طلعو ووقفو بالممر وصارو يحكو.. يلي كانت اعدة جوا هي بنت مو رجال .. صوتا مو غريب عليي ابداً ..

مشيو هي ومنال و طلعو من هالفسحة وبعدو عنا شوي حكالي ايهم : لازم جيب المفتاح قبل ماحدا يرجع ..
صار يمشي وهو منسند ع الحيط وبخطوات ضعيفة لوصل ع الغرفة دخل و انا دخلت وراه اخد المفاتيح و هو عم يلف ليطلع ضرب فيني ووقعت المفاتيح من ايدو وطلع صوت ..

مسك ايدي وماعرفنا وين بدنا نتخبا الغرفة فاضية تماماً ، رفي صوت حدا عم بركد جاي من برا ..
مالقيت الا حدا شدني بقوة ...

كان أيهم مسكني و نزلني لتحت الطاولة .. فاتت البنت هي ومنال وصارو يتطلعو بالغرفة
منال : شو هالصوت مو معقول!
البنت : مابعرف ... هااا ليكي المفاتيح واقعين ع الأرض
منال : لك كم مرة بدي فهمك حطي ضو بسيط لتشوفي وين عم بتحطي الاغراض .. أكيد حطيتيون بطرف الطاولة

نزلت البنت لتجيب المفاتيح وشفت طرف وجها ... حطيت ايدي ع تمي وشهقت .. بعد ما طلعو من الغرفة اتطلعت بأيهم وقلتلو : هي البنت تبع الريسبشن ايهم اتذكرتا ؟؟ هي اللئيمة!!
أيهم : اي اي عرفتا لعما
غالية : ماهون المشكلة .. المشكلة انو هي البنت انقتلت و قدام عيوني كان السكين مغروز بصدرا و الدم عم يغرقا ... يالله في شي مو طبيعي عم بصير هون ..

بعد ما اختفت الاصوات طلعنا انا و أيهم من تحت الطاولة و أخذنا المفاتيح أول ماطلعنا من الغرفة لقينا منال و البنت بوجهنا وصارو يضحكو ..
منال : مفكريني غبية لصدق انو المفاتيح توقع لحالا !!
أيهم : كشفنا كل لعبتكن .. ركدت علينا البنت وهي في بأيدا أبر هاجما أيهم و دفشا بس ماقدرلا من كتر ما كانت قوية بسرعة خطت الأبرة برقبتو وفقد وعيو هو ... صفيت لحالي صرخت وبلشت اسمع اصوات يلي بالغرفة وهن عم يأنو .. مسكتني منال و البنت هديك اعطتني أبرة ..

مابعرف بعد أديش من الوقت صحيت كنت عم افتح عيوني و ارجع غمضهن حاسة حدا ضاربني ع راسي .. كانو ايديي مربطين بالسرير و رجلي مربطين .. بالسرير اللي جنبي كان ايهم بس لسا نايم ومربط متلي ..
دموعي عم تنزل وماعم اقدر ارفع راسي كتر مو دايخة ، كلشي حوليي كنت عم شوفو عم يفتل ..

اجت ع الغرفة البنت هي ومنال غمضت عيوني فوراً وعملت حالي مافئت
منال : جيبي أبر خليون ع الطاولة كل ماصحيو عطيون ابرة هيك لحتى ينتهوا منحبسن بغرف حديد .. انا طالعة مشان ماحدا ينتبه ع غيابي ..

ضليتني مغمضة عيوني وخايفة من ايهم ليفيق كنت عم حاول شوفا بطرف عيني بس ماكانت عم تطلع من الغرفة .. بعد شوي طلعت بلشت حرك ايديي و رجليي بس مربوطين بقوة ..
أيهم فتح عيونو وهو عم يأن صرتت احكي معو : ايهم سكوت هسس لاتحكي .. ايهم مشان الله رح يقتولك عميل حالك نايم ولسا مافئت

أيهم كان منتهي ومو فاهم شو عم احكي رجعت عدت كلامي قام غمض عيونو .. صرت ابكي بس بدون صوت وضليت حاول فك الرباط .. قدرت فك ايد و بلشت حاول فك التانية .. جلست وفكيت رجليي و قمت من تختي ، أخدت أبرة من عالطاولة وطلعت من الغرفة .. أيهم اتطلع فيي بس قربت عليه وقلتلو : لاتخاف
تركتو ومشيت لبرا .. وصلت للغرفة يلي كانت اعدة فيا ، لقيتا ع كرسيا نفسو ودايرة ضهرا قربت عليها ع مهلي حطيت الابرة برقبتا بكل قوتي هي صرخت بعد ثواني كانت فاقدة الوعي حملتا ع الغرفة وربطتا بمكاني وفيقت أيهم ..
حطيت بجيبتي ابرة تانية و بجيبة ايهم ابرة ..

#اوتيل_5_نجوم #كتابة_رند_محمد_الاخير
@rwayate
جهزت البنات و أيهم طلع لفوق وعمل حالو عم ينضف ببهو الأوتيل .. وصلت سيارات الشرطة وحكو مع رجال السكيورتي يلي برا وحكولن انو في بلاغ عن الاوتيل .. حاول ايهم يأشر للشرطة بأيدو بس مانتبهولو ركبو السيارة ومشيو وبعد شوي دخل الرجال اللي كان واقف برا ركض ايهم لعنده وسألتو شو كان بدن الشرطة .. كان بدو يعمل اي شي كرمال مايخليه يقول لفريد ..

أيهم : اسمع مني شغلة مو حرزانة تخبر عنا فريد بيك وتخوفو أكيد هدول مخربطين عن اوتيل تاني .. وضع الاوتيل عنا تمام وعال ليش نعمل ذعر بين الموظفات

رجال السكيورتي : اي فعلاً .. رح ارجع للباب إنت كمل شغلك ..

نزل ع غرفتي وخبرني يلي صار .. و طلب مني ارجع اتواصل مع الشرطة واحكيلن انو المكان طبيعي من برا ولازم يداهمو الاوتيل مداهمة .. طلع من غرفتي و اخد غراض التنظيف وداهن ع الحمام حتى ماحدا ينتبه انو عم يدخل كتير ع غرفتي كتير ... بعدين رجع لعندي ..

خلال لحظات في حد دفش علينا باب الغرفة كانت بشرى وفريد ومنال ومعهم البنت تبع الريسبشن .. فريد كان حامل بأيدو مسدس وموجهو علينا

صرت ارجف و ابكي و أيهم عم يحاول يتفاهم معهن بالحكي
فريد : بدكن تكونو أذكياء ؟! مفكرين تمسكونا بهالسهولة هي !!

غالية : بترجاك نحنا مو ذنبنا بشي .. مادخلنا بشي

منال : رح تدفعو دم قلبكن حق الابرة يلي عطيتوني ياها

أيهم : فريد بيك نحنا مادخلنا بشي ومارح نحكي لحدا شي بس لاتقتلنا ...

فريد : وين رحتو بالبنات ؟

غالية : أيا بنات .. صدقني ماشفنا حدا

فريد : الأحسن انو ماعد الو داعي وجودكن يهالحياة
@rwayate
قرب أيدو ع الزناد ورح يقوص، البنات يلي بالغرفة صارو يصرخو كرمال يشتتوه ومايقوص .. و فجأة دخلت الشرطة من وراه وحطو المسدس براسو هو ومنال و بشرى : ارمي سلاحك ..

أخدوهن بسيارة الشرطة الأولانية و نحنا وكل بنات الأوتيل مع اللي كانو ضحية اخدونا بباص كبير ..
دخل فريد ع التحقيق أول واحد و طلع بعد دقايق وكان باين انو في على وجهو آثار ضرب .. منال وبشرى انحبسو بالنظارة من غير تحقيق دخلت انا و عهد و أيهم حكينا القصة من أول ما فتنا للأوتيل لحد هي اللحظة ..

رجع الضابط طلب فريد .. حكالو : وين العقود و الكمبيالات يلي كاتبا !!!
هز براسو و دار وجهو .. قرب عليه الضابط و ضربو ع راسو : احكيييييي !!
فريد : بمكتبي .
@rwayate
طلب الضابط انو روح انا و ايهم وهو معنا ع الاوتيل لندور ع العقود يلي بمكتب فريد ..
وصلنا لهنيك كان الأوتيل محاوط بالشرطة وماحدا عم بفوت عليه و لا حدا قرب من الغرف ..
دخلنا ع مكتبو و صرنا ندور ع الاوراق و العقود كلا لحد مالقيت درج مقفول كسرو ايهم وطالعنا منو سندات كبيرة ..

رجعنا ع المخفر شفنا العقود ... ياريت ماشفناهن !! المصيبة الاكبر كانت فيهن
العقود كانت مصنفة لعدة انواع .. اول نوع هو للبنات يلي كان يعطيهن للزباين ليقضو معهن ليلة و بمبالغ طائلة مقابل انو الزبون يعمل يلي بدو ياه بالبنت .. فيه يقتلا او يغتصبا بطرق شنيعة او يعمل اي شي بيرضيه ..

العقود التانية كانت لبنات ما اتحملو هالقصص و هربوا و بالتالي هو لحق فيهن عن طريق عصابات مشكلة و قتلن ببيوتن و سحب إيدو من الجرائم لان البنات انقتلو خارج الاوتيل .

العقود التالتة كانت لبنات انتحروا بالأوتيل نفسو و اندفنو بأماكن بعيدة .. و لما الأهل يسألو عن بناتن يقدملن فريد وراق مزورة عن تواقيع البنات انو هن تركو الشغل بهالفترة هي و استقالوا .. كمان ينسحب من القصة وماحدا يعرف.
@rwayate
العقود الرابعة و الأخيرة كانت مبالغ كبيرة من الزبون مقابل انو الزبون يعزب البنات بالقتل لهاد السبب كان في بالغرفة يلي تحت الارض سرير و ادوات طبية

الغرفة يلي كانت تحت الأرض كانت طابقين ، طابق لتعذيب البنات يلي مابيرضو يشتغلو و لتعذيب البنات من قبل الزباين ..
و الطابق التاني الاسفل كان لحبس هدول البنات بزنزانات من حديد و بدون وجود أي شي يساعدن ..

انحكم فريد بالإعدام ، ومنال وبشرى بالحبس لمدة 25 سنة دون تخفيض الحكم ..
___________________

#تحت_الارض_الجزء_التاني #رند_محمد
من لما قرأت هالتاريخ يلي كلو رقم 12 و أنا حاسة انو اليوم في طاقة سلبية مع أنو بالعادة رقم 12 بفائلني بس اليوم حاسة بطاقة سلبية كتير ، ماما و انجيلا عم يحضرو الغدا لأن رح يجي فارس يتغدا معنا .. انا ماكنت حابة أعد معهن بعد نظرات فارس لإلي ..
بقيت بغرفتي كل الوقت ، كان عندي كتاب اسمو " الرقمي"
صرلو سنين ملحوش بدرجي ولا مرة فكرت اقرأو لأن مابحب مصطلحات الثقافة ابدا وبمل منا ..
بس أنا هلأ بدي استغل الوقت مشان ما اطلع لبرا .. فتحت الكتاب و صرت أقلب بصفحاتو بملل ...
بعدين بلشت اقرأ من الصفحة الأولى ، وكل ماخلّص صفحة انتقل ليلي بعدا صرت لاحظ انو الكتاب كتير بشدني و فيه حكي حلو .. كان كتاب بيحكي عن علم الأرقام و يحكي قصص عن ناس ارتبط ميلادا بيوم معين ..
لحد ماوصلت للصفحة رقم 12 كانت صفحة بيضا مكتوب عليها كلمة وحدة بس وهي " الموت"
بلشت خاف من تكرار هالرقم..
سكرت الكتاب و طلعت للصالون لقيت فارس ابن عمتي آعد هو و أنجيلا ع جنب عم يحكو .. سلمت عليه و برمت ضهري لروح ع المطبخ... لاحظت انو حتى وقت سلم عليي ما اتطلع فيني ولا رفع راسو .. بعكس نظراتو يلي عملا تمامآ ..
رحت ع المطبخ لقيت ماما محضرة الاكل ، طلبت مني اعطيا حجاب تحطو ع راسا وتفوت تسلم ع فارس ..
رحت لغرفتا منشان جيب الحجاب .. أول مافتحت الباب لقيت الجلالة يلي بآخر الغرفة عم تطير مع العلم انو الشبابيك مسكرة .. اتطلعت حوالين الغرفة مافي شي ، قربت من ناحية الجلالة كان الباب موجود .. الباب نفسو يلي فتحتو من قبل كان موجود .. مسكت الإيد وحاولت افتح الباب بس كان مسكر منيح وما انفتح معي هالمرة .. فتحت ماما باب الغرفة بسرعة ، لقتني واقفة بمكاني وجمدانة ..
قربت عليي : شبك جويل؟
فتلت راسي لعندا : ماما الباب ماعم يفتح ..
ماما : اي باب حبيبتي
رفعت إيدي و اشرتلا ع الحيط : هاد
ماما : هاد حيط ماما مانو باب .. اتطلعي منيح
فعلاً ماكان في باب ابداً كان حيط وبس .. مسكتني امي و طالعتني من الغرفة
بعد ماخلصنا غدا الساعة كانت بحدود ال ٥ المسا .. الشمس غابت وصار عتمة لأن الدنيا شتوية .. انجيلا وفارس أعدو يلعبو شدة وماما بتابع تلفزيون و أنا آعدة ع الكنباية لحالي .. دائ خلقي كتير أخدت جاكيتي و طلعت اتمشى شوي بحديقة بيتنا الحديقة كبير وهي محاوطة بيتنا كلو ومليانة زرع و خضار .. و أنا ماشية صرت اسمع صوت فحيح أفعى .. كان واضح تمامآ يعني مو تخيل ، صرت أبعد عن مكان الصوت لأن خفت أنو الأفعى تقرصني .. و امشي ع مهلي لأطلع من مكان الحوش و الزرع ..
بعد شوي حسيتا لفت عرجلي .. صارت تلف كتير لدرجة انو حسيت رجلي رح تنقطع من كتر الشد ع عروقي صرخت بس صوتي ماكان مسموع ..
فجأة و انا واقفة شفت مرة لابسة فستان ازرق و شعرا بني .. نصدمت من وين اجت هي .. نسيت انو الأفعى لافة ع رجلي وجمدت فيا .. حكتلي : تعي لعندي ..
مابعرف كيف فلتت رجلي عن الأفعى وركدت لعندا ..
كانت واقفة بزاوية من زوايا بيتنا وفاتحة ايديها وقت ركدت لعندا .. قالتلي لاتلمسيني بس لاتخافي انا رح احميكي ..
بعدت عن مكانا شوي كان في درج محفور لتحت الأرض ..
حكتلي : انزلي ، هاد الدرج نفسو يلي كان بالبيت ..
خفت كتير من الدرج و اللي شايفتو ..
بس كان في شي بعقلي عم يقلي انزلي عادي ..
دعست أول درجة و أنا لساتني عم اتطلع ع المرة يلي واقفة.. هي كانت ثابتة بمكانا وعم تبتسم.. رجعت دعست الدرجة التانية وهي بعدا عم تطلع فيني وتبتسم.. دعست التالتة و الرابعة و الخامسة هون بلش يتسكر الباب يلي نزلت منو ..
وهو عم يتسكر كان بدي ارجع اطلع من هالمكان بس ماقدرت اطلع ع الدرجات رجليي كانو ثابتين بهالمكان .. عم اقدر انزل بس مافيني اطلع ..
ضلت تضحك لوقت سكر الباب ع الآخير وماعدت شايفة ولا أي شي بسبب العتمة الكبيرة .. ضليت انزل ع الدرج بخوف ..
كان درج طويل قطعت تقريباً 122 درجة ..
وصلت بعد تعب لآخر الدرج كان في ممر طويل .. هالممر مبني من الحجر يعني قديم .. الحيطان عليها فانوس صغير مضوي مكانو بس .. صرت امشي ولحد الآن قدرانة شوف أدامي ..
ضليت أمشي بنفس الممر لمدة من الوقت ماكنت بعرف اديه هي .. وبدون مالاقي اي مكان تاني كان هالممر وبس مابعرف اديه بدي ضل امشي لأوصل لشي معين .
حاولت ارفع حالي لآخد فانوس من الفوانيس المعلّقة ع الحيطان ضليت حاول لحتى وصلتلو بس ماقدرت امسكو وقع من إيدي و انكسر .. تركتو ورجعت كملت مشيي ..
بعد ما مر تقريباً نص ساعة من المشي تعبت وصرت ابكي من الخوف و انو مافي مخرج.. اعدت ع الأرض ، وقت أعدت لمست إيدي ع شي قاسي.. اتطلعت عليه كان قطع قزاز من الفانوس يلي انكسر.. هاد دليل انو انا ماعم امشي انا عم افتل بمكاني... المسافة يلي عم امشيا هي شي دائري عم امشي كتير كتير بس عم ارجع لنفس النقطة وبس ..
وقفت ورجعت حاول أمشي و أنا اتلمس الحيطان منيح بركي بوصل لمكان اطلع منه ..

تركتو وطلعت برا المحل و انا عم قلو : الساعة 6 رح نجتمع عند معن سكر المحل ولحقني انا رايح اتحمم وغير تيابي و ارتاح شوي ..
رجعت عالبيت لقيت أمي نايمة و أختي قمر طلعت من غرفتي ..
@rwayate
استغربت ليش قمر كانت جوا الغرفة ووقت شافتني هربت
بسرعة؟؟ ناديتها وسألتا شو كانت عم تعمل بغرفتي
بس جاوبتني انو كانت عم ترتب الغرفة لأن مكركبة كتير ..
فتت ع غرفتي و أنا مو مقتنع من جوابا ويلي زاد استغرابي اكتر أنو غرفتي كانت مكركبة ومانها مرتبة ابداً فكيف هي كانت عم ترتبا!!
ماقدرت اعرف السبب بس يمكن ماكان بهمني زيادة .
تحممت بعدين نمت شوي ولما فئت اتغديت ولبست تياب جداد وطلعت بسيارتي لعند معن ..
فتحلي معن الباب وكان جوا صقر وبراء وخالد.. سلمت علبهن وأعدت وصرنا نتحدث ..
معن عايش مع امو بس لهيك اكتر جمعاتنا عنده لان ما منأثر حدا ..
كنت عم أحكي عن شغلي و المحل والبضاعة و خالد آعد مقابيلي .. كل شوي كان تلفونو عم برن وخالد يرجع يفصل
لحد ما أخدو وطلع لبرات الغرفة رد وبعدين رجع ..
أما صقر فطول الأعدة كان عم يغمض عيونو لأن نعسان وبس بدو ينام و براء أخي كل شوي كان عم يدخن سيكارة ويفتح مسجات موبايلو ويبتسم ..
رغم كل هاد بس الاعدة ماكانت مملة كنا مستمتعين وعم نحكي ونمزح وبالأخص أنو نحنا رفقات من وقت كنا صغار
الشي يلي أثار انتباهي هو معن لما فجأة طلع من الغرفة وماعاد رجع بقي نص ساعة برا... طلع صقر نادى لأم معن ليسألا وين راح معن لأن نحنا بدنا نمشي... فكان حواب أمو : مابعرف ..
يعني معن طلع برات البيت بدون مايخبرنا وبدون مايخبر أمو ياترى شو السبب يلي خلّى معن يطلع ويترك أمو لحالا مع رفقاتو الشباب ..
طلعت أنا وصقر لقدام البيت وصرنا نندهلو .. أجا من بعيد وكان حامل بإيدو أنينة عصير و كياس شيبس ..
@rwayate
صقر : انت مجنون؟ بتطلع من البيت بدون ماتخبر حدا!!
معن : قلت سهرتنا طويلة لأطلع اشتري شيبس و عصير نتسلى فيهن .. يلا تعو ندخل لجوا ..
استأذنت أنا وأخي براء لأن تأخرنا كتير عن البيت و بالعادة نهار الخميس لازم نكمل السهرة مع ابي و أمي ..
طلعنا بالسيارة ومشينا لآخر الحارة ونحنا طالعين لاحظت انو كل الدكاكين يلي بالحي هاد مسكرين .. يبقى معن من وين اشترى الشيبس و العصير؟؟؟
بقيت ماشي بسيارتي للبيت... فتحت بمفتاحي ودخلت
لقيت أهلي مجتمعين وعم يحكو أعدنا بينهم جنب الصوبيا وسردنا بالأحاديث... انسحبت أختي قمر لتنام بغرفتا و براء انسحب وراح ع غرفتو بقيت انا و ابي و امي ..
تاني نهار كان يوم الجمعة .. اجتمعت كل العيلة ع الفطور عدا براء لأن كان نايم .. كنت حاسس بملل مو طبيعي اتواصلت مع رفقاتي شوي وتصفحت مواقع التواصل شوي بعدين مليت.. جربت اقرأ بكتاب بس ماعندي هالهواية .. بعدين نمت
فئت ع وقت الغدا طلعت من غرفتي بجهة الحمام لغسل وجهي ..
الممر يلي بودي من غرفتي للحمام فيه غرفة أختي قمر .. وقت مريت من جنب باب غرفتا سمعتا عم تحكي بصوت ضعيف .. كانت عم تقول : رح فكر وبعدين رح احكي معٓك
وخبرك شو صار معي ..
فتحت الباب بقوة لان كان بدي اعرف اختي مع مين عم تحكي..
التفتت عليي بسرعة ولونا مخطوف : كيف بتدخل ع غرفتي هيك بدون ماتدق ؟
عمر : مع مين كنتي عم تحكي؟؟
قمر : شو دخلك!! انت عم تتسمع عليي يعني؟
عمر : مين هاد يلي قلتيلو بعدين بحكي معك، وبدي فكر وبخبرك، مين هاد يلي عم تحاكيه؟
قمر : هاد زميلي بالجامعة وبدو مني نصير نعطي دروس للطلاب المستجدّين و أنا لازم فكر قبل ما أخطي هالخطوة فهمت !!
عمر : هاااااا .. رح اقتنع
تركتا وطلعت من الغرفة وأنا معصب .. اكلت كم لقمة وبعدين رجعت لغرفتي وماطلعت منا لليوم التاني ع محلي ..
@rwayate
#رند_محمد يتبع ..