📚قصص||روايات||منوعة📚

#الجزء_الاول || #انتقام_ازرق
@rwayate
- ولك رانياااا يلله وليه فوتي لهون ..

- رانيا : اي اجيت كنت عم العب بالطابة مع سها و لارا

- طالعت اواعي ولحشتن ع التخت وفتلت لعندا ..
رانيا كانت عم تطلع عليها ومستغربة ليش هيك عم تعمل ..

- لك يلله لبسي هدول شو ناطرة ..

- رانيا : ليش لوين رايحين ماما ..

- مو رايحين خلصيني بئا ..
كانت عم تحكي وتلبسني بسرعة وترفع ايديي بقوة ، بعدين اعدتني ع التخت وفردتلي شعراتي وسرحتن وهي عم تشد عليهن لدرجة انو وجعتني ..

- رانيا : ماما شبك شوي شوي .. قوليلي لوين رايحين ؟

- اتطلعت فيها وهي معصبة وعم تزور : مو رايحين ، جايينا خطابين ..

- رانيا : يعني بدي صير عروس و البس بدلة بيضا متل علا بنت جيراننا ..

- اتطلعت وهي عم تلبسا بسرعة وصارت تتنهد وتقلا : اي اي اي خلص سكتي

- رانيا : هيييه يالله رح صير عروس انا كتير فرحانة ..

ماكنت عرفانة شو يعني رح صير عروس و انا بهالعمر ، كنت مفكرة الفرحة انو البس الفستان الابيض و رح عيش بسعادة و انبسط ..
ماكنت عرفانة انو في كوابيس رح تتحقق واحلام رح تموت ..

بعد شوي اندئ الباب ..

الام : رانيا لاتفوتي لحتى ناديلك فهمتي !!

رانيا : اي فهمت ..

ضليت اعدة بأرض الديار عم العب بالوردات يلي حولين البحرة ، كنت متشوقة لفوت شوف عريسي و صير متل سندريلا يلي كانت ستي تحكيلي عنها بالروايات

فاتو الجماعة ع الغرفة انا كنت واقفة ورا البرداية عم اتفرج عليهن ..

(( بعد شوي ماما نادتلي )) : رانيااااا يارانياااا تعي ماما ..

دخلت ع الغرفة و انا خجلانة كتير كان في تلت شباب ومرة وحدة ، صرت اتطلع من تحت لتحت بدي اعرف مين هو عريسي ..
يلي اعد ع اليمين ولا ع الشمال ؟ ، الاصلع ولا يلي شعراتو حلوين؟ ، الاسمر ولا الاشقر ؟
عم اسأل حالي و انا مطخية راسي وساكتة ..

كانو كلهن ساكتين وماعم يحكو شي ..
ماما : اومي ساويلنا قهوة ..

لما اطلعت من الغرفة صارو يحكو ..
ماكنت دقق بعدني طفلة ..

استندت ع حيط المطبخ و انا عم فكر كيف رح صير عروس ورح اطلع متل الاميرات الحلوين ..
وعم فكر بسيارة العروس وباقة الورد وكل هالشغلات يلي بفرحو البنت ..

طلعت امي من الغرفة وهي مبتسمة وعم تودعهن ، وباينة كتير رضيانة ..
سكرت الباب بعد ماراحو و اجت لعندي ..

- امي : عجبوكي الجماعة

- رانيا : مابعرف

- امي : انتي عجبتيهن كتير

خجلت ووطيت راسي و انا عم ابتسم بنعومة كان ع لساني في سؤال بس مترددة وخايفة اسئلو ..
- رانيا : ماما ..

- امي : نعم

- رانيا : اي واحد عريسي من بيناتن ؟

- امي : " ضحكت بصوت عالي " ..
عريسك يلي شعراتو حلوين و اعد ع اليمين .. عجبك ؟

- رانيا : ضحكت وقت يلي حكت هيك لانو عجبني كتير ، كان شب حلو طويل و اشقر وشعراتو ناعمين كتير وعندو غمازة ..

- امي : عريسي انا الاصلع ..

- وقت يلي قالت هالجملة حسيت سكين وفاتت بقلبي بالرغم من اني طفلة بس مبعرف شو حسيت ..

- رانيا : ليش بدك تتزوجيي ؟

- امي : اي ، انا لسعتني صبية و الرجال عاجبني ، بعدين هو بكون ابوه لـ حمزة يلي رح يصير خطيبك ..

- بعدت عن امي و انا عم ارجع خطوة خطوة لورا وعيوني غرقانين بالدموع : وبابا ؟ انتي نسيتيه ؟!!

- امي : رانيا حبيبتي ابوكي الله يرحمو ..

- رحت ع غرفتي و انا عم ابكي اعدت ع تختي و انا عم اتزكر بابا كيف كان يلاعبني ويضحكني ، وكيف كان يحبا لماما كتير ..
معقول هي تقدر تحط حدا تاني مكانو !!

دخلت لعندي ع غرفتي و اعدت جنبي ع التخت..
ماما هي سنة الكون لاتبكي ، ابوكي توفى من سنتين كنتي لسعتك طفلة ، و انا لسعتني صبية بدي شوف حياتي .. مو معقول ضل مدفونة بهالبيت المعفن ..

خلص انتي بتتزوجي حمزة و انا رح اتزوج ابوه ورح ضل معك لاتخافي من شي ..
يلله هلأ تعي نتغدا ، لان المسا رح تجي لعنا امو لعمو ابو حمزة مشان نتفق ع التفاصيل ..

- رانيا عمرا 14 سنة بس ..

المسا اجت امو لابو حمزة و اختو ..
دخلت و انا مستحية كتير ، اعدت ع طرف الكنباية وصرت اتطلع ع الوان التياب يلي لابسينها ..
عجبوني كتير ، انا ماعندي هيك تياب وهيك الوان .. لان مامعنا مصاري نشتري هيك شغلات

- ام سعيد ( امو لابو حمزة ) : عرس رانيا وحمزة حيكون الخميس الجاية متل اليوم وبعد اسبوع بكون عرسكن انتي و ابو حمزة ..

- الام ( هنا ) : اي ليش لاا

- ام سعيد : وكتب الكتاب التلاتا الجاية ، ورح اعطيكي شوية مصاري تتجهزي انتي وبنتك ..

طالعت من شنتايتا رزمة مصاري باينة محرزة وعطتها لامي ، قالتلا شتريلا شوية غراض وشغلات و اشتري الك كمان ولاتاكلي هم اذا نقصك ..

بعد ساعة من الحكي راحو من عنا ..

كنت اعدة عم اتخيل حالي بلبس جديد وتياب حلوين متلهن ، ماني عم فكر بأي شي ولا بمسؤولية ولا بولاد ..

(( خلص هالاسبوع و اجا يوم العرس )) ..
يوم التعاسة والنحس ، يوم يلي صحيت ع حالي ..

#ابتلعت_جمراً #الحلقة_3
#بقلم_رند_محمد
@rwayate
رجعت ع البيت و انا مكتئب وكرهان حالي شغلي يلي تعبت بتأسيسو راح ع الجاهز لواحد تاني ، لك حتى البنت يلي حبيتا راحت قبل ما اعترفلا بحبي الها اديش مالي حظ انا !! ..
تسطحت ع تختي وكنت بدي نام اول ماغفيت ، ندئ الباب طلعت لشوف مين ..
لقيت تنين زلم كل واحد فيهن اطول من التاني ..
خبروني انو بسبب الديون الكتيرة يلي انحطت عليي بعد التزوير بالوراق كانت بمبالغ كبيرة كتير وبسبب هالشي انحجز ع بيتي يلي بملكو .. و ع رصيدي الصغير يلي مخبيه بالبنك ..
وخبروني انو ازا خلال تلت ايام مادفعت باقي الدفعات المترتبة عليي رح انحبس او ينحجز ع البيت يلي اهلي عايشين فيه ..
انتهيييت انااا !!!
سكرت الباب و انسدت عليه كانت كل هموم الدنيا واقعة فوق راسي ..
—---------—
ميلانا : بحر تروحي معي بدي اشتري تياب
بحر : لااا روحي لحالك انا كتير تعبانة
ميلانا : هففف منك شو عم يصير معك ، طيب بطلت روح رح ضل معك ، احكيلي شبك
بحر " صرت ابكي بقوة وبدون سبب " : مابعرف شبني بس الدنيا كلا مسكرة بوشي حاسة حالي موجوعة من جواتي
ميلانا : ياعمري ارتاحي ونامي شوي ..
—---------
امي : شبك لك امي
يزن : رح موووت يا امي ، انا تدمرت ، البيت راح والمصاري راحت وحتى هاد البيت يمكن نتألع منو ونعيش بالشارع
امي : لك يزن كرمال الله احكيلي شو عم يصير شوفيي رح تجنني
يزن : طالعوني من شغلي ولعبو عليي لعبة خبيثة كتير وحجزو ع كل شي بملكو
امي : وحد ربك يا ابني نشالله ربنا مابيعطيك الا الخير خلي املك بالله كبير ..
يزن : اخخخخ يا أمي
—----------
مرئو عليي تلت ايام المهلة ومابشوف الا الشرطة جايين مشان يحبسوني لان مادفعت المطلوب ..
حجزو ع بيتي و اخدو مصاريي وبعدين كانو رح يحبسوني كنت مخيير يا اما بتنازل عن بيت اهلي يا اما بيحبسوني ..
امي ما ادرت تضحي فيني مع انو انا طلبت انه يحبسوني واهلي يضلو بالبيت لان ابي زلمة كبير مو خرج شغل و اختي و امي نسوان ، بس اهلي رفضو انو انحبس و فضلو انو يطلعو من البيت ..
اخدنا كم غرض من البيت وتركناه ورجعنا للصفر مامنملك شي ، استأجرنا بيت صغير ومهرهر و اجارو مو كتير غالي ..
بالبداية ماكنت قدران اشتغل شي لان اغلب الناس اصحاب الشركات والمحلات المعروفة رفضو يشغلوني بعد ما ساءت سمعتي بين الناس ..
لحد ما الله جمعني بشغل بمطعم كان الشغل توصيل طلبات دليڤري ع البيوت يمكن هالشغل كان بيفرئ من الارض للسما عن شغلي السابق بس انا بحاجة لعييش اهلي و اصرف ع البيت ..
—---------—
طلعت وقفت ع البرندا كنت مشتائة شوفو بسس راح وماعد عرفت عنو شي ، يمكن ضيعت حب حياتي من بين ايديي ..
اتطلعت ع شباك غرفتو يلي كان مغبر ، و ع الوردات يلي كانو ع برندا غرفتو كان دبلان ونشفان يمكن مشتائينلو كمان ..
ميلانا : بحر وصيت ع بيتزا وشوي وبتوصل
بحر : اي ليش لااا ( حكيتا و انا غاصة )
ميلانا : شبو صوتك ..
لفيت وشي ووطيت راسي وفتت ع غرفتي و انا رح ابكي ..
اربت لعندي ميلانا وسألتني : لككك شبك احكي ..
وهو بكيييت بطريئة عجيبة .. اربت لعندا وضميتا
بحر : ميلاااانا انا بحبو بحبووو
ميلانا : لمين !!
بحر : لـ يزن هداااك الشب يلي ساكن بالبناية مواجهنا
ميلانا : اصدك يلي نقلو من فترة ؟
بحر : ايييييي بحبوووو
ميلانا : بحرررر فهمانة شو عم تحكي ، الله ياخدك شو عم تخبصي لك شوووو شو في بينك وبينو احكي
بحر : مافي بيناتنا شي والله مافي شي
"" اندئ الباب ""
ميلانا : فتحي الباب روحي لبين ماضب تختي هاد اكيد شب الدليڤري ، قال شو بتحبو هه
- قربت وفتحت الباب ..
بحر : يزن هاد انت ، " اخدت العلبة من ايدو زتيتا ع الطاولة وركدت ضميتو " سكتنا !!
يزن : شبك بحر شوفي
بحر : انا حبيتك بس سامحني
" اجت ميلانا " ، ولككك شووو عم تعملو الله يخفيكن .. انت مابتفهم جاية ولابس تياب دليفري مشان تشوف اختي ، مانك شايف الصليب يلي برقبتا .. ناقصنا تعملنا مشاكل نألع من هون ..
فاتت وطبقت الباب بقوة ، انا وقعت بالارض وصرت ابكي بشكل مو طبيعي ..
—------—
يزن : شووووو بحر مسيحية مشان هيك كانت عم تتهرب مني ، لان انا وياها كل مين من دين .. لا يارب لااا
رجعت عالبيت وراسي رح ينفجر كأنو حمل جبال عليه البنت يلي بحبا وبتحبني من سابع المستحيلات تكون الي شو بدي اعمل بحياتي يارب ساعدني ..
—-------
يتبع ..

#الجزء_الرابع
@rwayate
ماكان معي اي شي اتركلا ياه من تيابي لهيك بقيت عندا شكلة شعري ، تركناها وطلعنا ع بيت خالة ام سعيد بالطابق التاني ..
كنت حاسة بوجع راس كتير ، لهيك اتسطحت ع الكنباية وبرفة عين مابعرف كيف غفلت شفت بمنامي انو ماما و ام سعيد عم يخنقوني فعلاً كنت حاسة حالي مخنوقة ، فوق راسي كان هداك الخيال الاسود عم يبكي ..
كمت عم حاول صحي حالس بس ماعم بقدر ، بالغصب بعدين قدرت افتح عيوني لقيت ماما و ام سعيد عم يشربو قهوة ويحكو ، بس بيناتن كان آعد الخيال الاسود يلي بشعر طويل عم يتطلع فيني بشكل بخوف ..
كنت انا بس يلي شايفتو امي و ام سعيد مو حاسين بوجودو رغم انه اعد بيناتن .. صرت غمض عيوني حتى ماشوف شكلو بس مايهرب من وجهي ، يضل عم يتطلع فيني بطريقة بتخوف ..
صرت اصرخ اصرخ لحتى يساعدوني ، آمو بسرعة مااما
و ام سعيد ركدو نزلوني لعند ام عصام ..
ام عصام : شبهاااا
ام سعيد : كانت شايفتو وخايفة ليكي شو صار بجسما ..
بوقتا كان جسمي شكلو متغيير كتير حركتي مشلولة واصابيعي ملفوفين ع بعض عيوني مفتحين ع الآخر وشفايفي زرق .. @rwayate
صارت تقرألي ام عصام و انا اصرخ لدرجة انو صوتي صار مختلف واشبه بصوت رجال ..
كنت حاسة اني في حدا جوات جسمي عم يعزبني وعم يحرق عروقي بنار ، حاسة اني عم اتحرك بشكل قوي كتير وجسمي تعبان بس مو قادرة الا نفذ ومو قادرة اني عارض ..
صرت ابكي وقول : تركوني انا حبيتا لروعة !!؟
الغريب انه هاد الصوت يلي غير صوتي كان عم يبكي ..
وكأنو متمسك فيني ..
ام عصام : مين سلطك ع هالبنت مينن احكي ؟!!
الصوت كان عم يبكي وبس ماعم يرد
ام عصام : عم اسألك جاوبني و الا بحرقك بالنار !! مين سلطك ع جسم هالبريئة
الصوت عم يبكي ويردد لا تطالعوني من روعة لما بتحرقني ، تركوني لما بدا تحرقني
امي كانت مستغربة و خالة ام سعيد انصدمت ، شو دخل لمااا ؟؟
ام سعيد : لما مو بنت حماكي يا ام ايمن ؟
امي : مبلااا
ام عصام ضلت عم تقرأ حواليي وهنن مثبتييني لان الجن يلي بجسمي هو عم يتحكم فيني مو انا ..
ام عصام : مين سلطك !!
لماااا بتحرقني لماااا بتموتني " عم يردد هالحكي وعم يبكي " كان رافض يطلع مني بأي شكل ..
بعد كم دقيقة ارتحت و ارتخت اعصابي من التشنج يلي كان ..
ام عصام : انا هلأ حبستلكن الجن ، حتى مايأذيها بس السحر ما انفك ..
امي : مين عامل السحر ؟
ام عصام : لماا ، مين هي ؟!
امي : بنت حماية وبتكون رفيقة روعة لان من نفس العمر هي وياها
ام عصام : يالطيف ع الحقد ، السحر معمول عند واحد غريب وبشكل فظيع جن مسلط عليها ليخليها تجن وتفقد عقلا وماتنخطب ماترتبط تبقى حياتا واقفة وبس
امي : شو العمل هلأ !؟
ام عصام : روحو ع البيت ، و المفروض ينعملا صلح للبنت لحتى الجن مايأذيها ، لان يلي متسلط عليها قوي كتير بس حاببا لهيك ماخلاها تنأذى
اخدوني ورجعنا ع بيتنا ، اتسطحت بغرفتي و انا تعبانة وحاسة جسمي فارط ، بابا و اخواني الشباب ضلو جنبي كل الوقت ..
بآخر الليل اهلي كلن نامو ضليت انا و اخي محمد سهرانين كنا عم نحكي و عم نشرب شاي ويحكيلي قصص ..
بتقريباً الساعة كانت 2 بالليل والكل نايم وهدوء ..
كان بنفسي اطلع مشوار لو الوقت متأخر ..
طلبت من اخي محمد انو نطلع ندوور شوي بالسيارة ، بالاول ماكان يرضا لان الوقت متأخر بعدين لما لقاني زعلانة ماحكا شي ، لبسنا وركبنا بسيارتنا ورحنا ..
كان الجو بارد ومافي حدا بالشوارع عتمة كتير وصوت كلاب قوي ، فتلنا بالسيارة حولين البيت ، بعدين وصلنا لناح المقبرة ..
روعة : صف السيارة
محمد : وين بدي صفاا !! ناح المقبرة
روعة : صف السيارة بدي انزل ع المقبرة
" كنت عم احكي بس مو بصوتي "
روعة : بدي انزل ع المقبرة ، انت روح وخلي روعة تنزل
ازا مانزلت ع المقبرة رح اقلبلك السيارة
هون اخي فهم مين يلي عم يحكي سبق وحكيت انو نحنا عيلة منغهم كتير بهالقصص و عنا خبرة فيها
محمد : طوول بالك .. شو ننزل ع ابمقبرة بهون عليك رةعث تتأذى
الصوت بلي جوات روعة : لااا
محمد : يلله لكن
وقت مشيت السيارة حسيت اني رجعت لوعيي وطبيعتي ..
حكينا يلي صار لبابا وضلو اعدين معي من خوفو عليي للصبح ..
الصبح كان موعدنا عند ام عصام ، لبسنا انا وماما ورحنا ع بيت خالة ام سعيد مشان تروح معنا ..
—---------

#الجزء_الخامس ( انتهت )
@rwayate
#بقلم_رند_محمد
رحنا لعند خالة ام سعيد مشان موعدنا عند ام عصام ، اول ماوصلنا فتحتلنا الباب ، فتنا لقيتا متسطحة ومريضة كتير .. سألتا ماما شو صاير معها ..
ماما : خير ام عصام فيكي شي
ام عصام : كشفي ع ضهري وشوفي شبني
رفعتلا ماما البلوزة وشافت اثار ضرب بعصاية وجسما كان مورم و احمر ..
استغربنا ،
ماما : شو هاد !!
ام عصام : مبارح كل الوقت و انا عم اشتغل لروعة كانو عم يضربوني ، البنت يلي عاملتلا السحر ناوية تحبسون بجسما ماعم يرضو يطلعو منها ...
روعة : سلامتك خالة ، اذا كنت سبب بوجعك لاعد تكمليلي خلص
ام عصام : لا انا بدي ساعدك ..
اعدنا بغرفة فاضية وصارت تقرأ عليي لحتى ماعد حسيت ع شي بس الصوت يلي جواتي كان عم يبكي ويصرخ ويقول : مابدي اطلع .. لما بتحرقني
و ام عصام كانت تحااول معو و تقرأ بس هو متسلط عليي كتير وماعم يرضا يتركني
آخر الشي بعد عذاب ووجع توجعتو بجسمي وتعب صحيت ..
كانت ام عصام عم بتقول لازم نعملو صلح
عطتنا الطريقة يلي حيصير الصلح فيها ورجعنا ع بيتنا ..
اتسطحت ع تختي و كنت تعبانة وموجوعة ،
ماما راحت تعملي كاسة عصير .. فتحت موبايلي لاتسلا شوي ، بالصدفة كبست زر الكاميرا قام طلعت ع الكاميرا صورة وجه اسود وشعرو طويل مرخي على وجهووو ، انا تلبكت وتصورت الصورة ..
رجعت دخلت ع استديو الصور مالقيت الشكل يلي ظهرلي ع الكاميرا ، كانت الصورة للخزانة وبس ..
يالله ماعدت خايفة من شي ، بس شكلو ماعم انساه بخوف كتير ..
بعدين اتطلعت بغرفتي شفتو نفسوو كان اعد بزاوية الغرفة عم يبكي ونصو عم يحترق بنار .. انهارت اعصابي وصرت اصرخ : لككك شو بدك مني !!!
خلص مشان الله تعبت !!
فجأة اختفا ، فاتت امي بسرعة اعدت معي وضلت جنبي كل الوقت ، وهي ضاممتني رد رجع ظهرلي صرت اشرلا لأمي محل مو اعد بس مانا عم تشوفو
قربت منا وضميتا اكتر و غمضت عيوني حتى ماشوفو ..
حسيت بنار ع جسمي ، فتحت عيوني وبعدت شوي عن صدر امي شفتو رجعت واقف فوق راسي شكلو بخووف اسوود بأسود وعيونو مخبايين وشعرو مرخي عليي ..
صرخت من خوفي ، صارت امي تقرألي و اجا بابا كمان قرألي هيك لحتى هديت اعصابي و ارتحت شوي ..
حطيت راسي ع المخدة و التفكير آكل شقفة من دماغي ، وغفلت ..
بالوقت يلي نمت فيه ،اتصلت لما بأمي وكانت عم تبكي وملهوفة ..
لما : الوو ، كيفك
امي : اهلين
لما : بدي قلك شغلة
لما : روحي فكيلا عند شيخ لروعة ، كلشي عم يصير معا بدل ع انها مسحورة
امي : شو عرفك انها مسحورة !!
لما : الاعراض يلي عم تصير معها والشوفات يلي عم تشوفا كانت تصير مع رفيقتي وطلعت مسحورة ..
امي : امممم
لما : بدي سكر يمكن اجانا ضيوف
امي : اي سلمي ، الله معك
لما اتصلت وكانت حاسة بالندم ع الغلطة يلي غلطتا معي ، حست انو انا عم موت بسببا ، هي ماكانت بتعرف انو نحنا عم نروح لعند شيخة ونفك السحر ، كانت بكل لحظة ضميرا عم يأنبا ..
صارت الدنيا ليل و اجا وقت الشغلة الاخيرة ليصير صلح و اتعافى من قصة السحر و الاذى ..
كان المطلوب انو بعد الساعة 12 نص الليل اعد بغرفتي لحالي ع العتمة ضو الشمعة بس والباب مقفول ..
في بخور وصحن ملح صغير ..
اذا بشوف هيك مشهد بأفلام الرعب بخاف كملو فما بالكن بأنو يصير بالحقيقة معي !!
مابعرف كيف تحملت نفذ هالشي كنت خايفة كتير ،
انا وحدا تاني معي بالغرفة .. @rwayate
مابعرف كيف الله صبرني وخلاني نام ، ماعد حسيت ع شي للصبح ..
كانت الشمعة مطفية وبصحن الملح في خط ..
بوقتا رحنا لعند ام عصام و قالتلنا ، خلص الصلح تم ومن اليوم ماعد تتأذي ابداً ..
رجعنا ع بيت خالة ام سعيد ونحنا مبسوطين انو الحمدلله خلصت من هالهم يلي كان ع قلبي ، نحنا و اعدين اندئ الباب ..
قالتلي ام سعيد قوم افتح ، طلع ابن اختا " فراس "
دخل ع البيت اخد غراض و راح .. ونحنا بعدا رحنا ع بيتنا ..
فجأة بتتصل ام سعيد !!
كانت عم تطلبني لابن اختا فراس ، قال شافني و اعجب فيني سألت امي عن رأيي !
انا هون حسيت انو شب منيح و ارتحتلو ، وافقت ومشي الحال ..
خطبنا انا وفراس و كان عرسنا بقيانلو 4 شهور ...
انخطبت لما كمان لشخص كان بالبداية كتير منيح بس بعدين انكشف ع حقيقتو وطلع حقير كتير معاملتو سيئة معها ويقتلا .. انا كنت ازعل عليها لانو لما متل اختي مو بس عمتي وهي كانت ندمانة وحاسة بغلطا كل ماتشوفني تضمني وتبكي ، بدون ماتحكي شي او تعترف بيلي صار بس من جواتا كانت ندمانة ..
وعشت حياتي مع فراس بعد الزواج وبقيت شوفا للما وسامحتا لان اوقات الانشان ممكن يغلط من حرئة قلبو او من وجعو .. انا صح ما اذيتا للما بس يمكن وقت طلبني مهران وهي كانت تحبو حترئ ئلبا ، يمكن لما كانت الناس تلاقيني احلا منا كانت تدايئ وصار في حقد بقلبا ..
وبالاخير انا مسامحتا لان بتضل عمتي و اختي ورفيئتي 💙
#واقعية

امي : انت كيف بتفوت بدون أذن ؟

صفوان : مرت عمي الباب مفترح وسمعت دلع عم تصرخ مافيني اتحمل دق الباب ..

دلع : صفوان تعا عود هون .. انتو طلعو لبرا..

طلعو أهلي من غرفتي و صفوان أعد جنبي و سكت .. قربت عليه وحطيت راسي ع صدرو و صرت ابكي ..
@rwayate
صارت الساعة 11 بالليل أمي و أبي نامو و الهدوء صار تام .. طلعت انا وصفوان من البيت و دخلنا ع بيت جارنا الغريب انو الباب كل الوقت مفتوح .. دخلنا كانت الغرفة كبيرة وفاضية وبس مافي مكان تاني ولا غرفة تانية .. البيت عبارة عن اربع حيطان مهرهرين و بس .. طلعنا بأنحاء الغرفة مالقينا شي غريب ..

دلع : يلا صفوان خلينا نطلع من هون قبل مايرجع جارنا

اتطلع صفوان عالحيط يلي ورايي وقرب عليه .. كان في لوحة كبيرة حط أيدو عليها وحركا .. حسينا انو بترتفع بسهولة .. رفعا طلع في وراها باب ..
اتطلعنا ببعض ونحنا مو فاهمين شي شو هالباب ؟
فتح الباب صفوان كان في درج لقبو تحت الارض بس مو مبين شي تاني لان إ
آخرو كان عتمة كتير .. مسك ايدي و نزلنا ع مهلنا ومعنا ضو صغير ونحنا عم ننزل ع الدرجات شفنا ضو قوي جاي من تحت و تبينلنا انو في غرفة .. بس طلعنا بسرعة انا وصفوان و هربنا برات البيت قبل مايكشفنا ..
@rwayate
صفوان راح ع بيته و انا فتت ع بيتنا .. اهلي نايمين و انا أعدت بغرفتي لحالي لتصلت برفيقتي نسرين وحكيت معا وخبرتها يلي صار حكيتلا أني مو قادرة بقى انزل عالجامعة هالكم يوم و أعصابي تلفانة كتير .. وعدتني انو هي رح تجي لعندي بكرا ..

فيقتني ماما الساعة ٦ ونص كانت القهوة جاهزة ع البرندا وهي وبابا آعدين .. طلعت أعدت معهن و اعتذرت منن ع يلي تصرفتو مبارح بعدين أعدت و سكتت ..

ماما : ايمتا راح خطيبك مبارح ؟

دلع : شي 11

ماما : نحنا نمنا بحدود ال 10 كان لازم تتركيه يروح ع بيتو هيك بتنزعي نظامك كلو

بابا : يا صباح تركيا لبنتك ساعة سهر زيادة مارح تأثر بنظاما

دلع : اليوم رح تجي لعندي رفيقتي نسرين

ماما : أي ساعة ؟ حاولي أنو تجي وقت الغدا مشان تتغدا معنا مانسخن لان الأكل اذا تسخن بتروح فوائدو ...

دلع : رح شوف شو عندا وخبرا

بابا : اهلا و سهلا ..

رتبت غرفتي و بعدين أعدت انتظر نسرين لتجي ..
ماما عملت غدا و طلعت لعند خالتي تقضي نهار عندا .. و بابا تركنا انا ورفيقتي مشان مايأثرنا وراح ع القهوة يلي بالشارع التاني

وصلت نسرين أعدنا انا وياها بغرفتي ..
طلعت اعمل عصير وأنا بالمطبخ و بارمك ضهري لمحت خيال مرئ بسرعة .. فتلت مالقيت شي بعد لحظة سمعت صوت نسرين عم تصرخ ...
ركدت بسرعة لقيت شخص ضخم ملتم ومعو سكينة هاجم علبها صرت اصرخ انا كمان بعدين دفشنا ع التخت وفتح باب البيت وهرب ..

وقعنا و ماعد قدرنا نرفع راسنا صرنا نبكي .. اتصلت بأبي و أمي خبرتهم فوراً يجو .. بعد شوي وصل بابا و بعدو ماما ..
حكيتلن يلي صار و نسرين كانت عم ترجف و تبكي ووجها أصفر ..

طلع بابا دوور عليه حولين البيت بس مالقا حدا .. نسرين وصلا بابا ع بيتا و انا بهالليلة نمت بغرفة ماما و بابا .. تاني يوم الصبح طلعت ع الجامعة وهنيك قابلت صفوان

صفوان : شو عم تحكي انتي ؟؟

دلع : متل ما خبرتك .. انا صرت خايفة من هالشي المجهول .. مابعرف فسّر يلي عم بصير معي .. سحر جن وهم ما ماعم بعرف بس والله رح يطئ عقلي ...

صفوان : هاد الرجال أكيد جاركن .. اليو بالليل رح اكشف اسرارو كلا

دلع : دير بالك ع حالك حبيبي مابدي ياك تنضر

صفوان : مارح انضر اهم شي ماتخبري حدا

#بقلم_رند_محمد يتبع

#تحت_الارض_الجزء_الرابع #رند_محمد

طول الليل بقيت سهرانة عم فكر بيلي صار معنا ..
المكان يلي تحت الأرض هو موجود فعلآ و أنا ماعم اتخيل بس كيف اجا لهون كيف ماحدا كان منتبهلو شو يلي عم يصير تحت الأرض؟؟؟ ..
فتحت الانترنت وحكيت مع أمل و اتطمنت كيف صارت .. خبرتني أمل أنو رح تجمعني بعالم اسمو آسان هو عالم أصلو روسي بيهتم بالعلوم المجهولة وعندو كتب عن مسيرتو الحياتية و الدروس يلي استفادا و التفسيرات يلي قدر يحصل عليها من خلال تجاربه .
باليوم التاني رحت لعند أمل و أعدنا أنا وياها نستنا آسان ليجي .. أول ماوصل لاحظت انو نظراتو غريبة كان عم يتطلع عليي و بالأخص كان مركز بعيوني .
آسان مانو صغير ع حسب شكلو عمرو واضح انو بال 45 سنة
رحبت فيه و اكتشفت انو هو متقن للّغة العربية
حكيتلو عن يلي عم يصير معي بالضبط .. بعدين لقيتو صفن شوي وحكالي انتي ضمن لعبة .. وحقل من الألغاز وعليكي تلاقي الحل ..
بدي اسألك اديش صرلك مكتشفة هالقصص كلا يعني ايمتا بلشت تصير معك هالأحداث؟
جويل : من تلت ايام بالضبط .
هز براسه و شغل سيجارتو وبعد أول سحبة قلي : الرقم 12 معناتا انو بعد 12 يوم بدك تموتي .. صار مارر 3 منهن يعني بقي معك 9 أيام بس ولازم تعرفي اللغز ومين السبب بكل هاد .
انصدمت من كلامو وماعد عرفت شو بدي أعمل .
جويل : كيف عرفت انت انو هاد التفسير ؟
آسان : صرلي 20 سنة مكرّس حياتي للاكتشاف و ربط الأحداث .. ومن خلال بحثي وتحليلي عن الرقم 12 وعن الأحداث يلي كانت مرتبطة فيه فهاد هو تفسير التكرار ..
لاتنسي انك انتي ضمن دوامة غريبة .. وفي شي عم يصير من حوليكي .. القبو يلي تحت الأرض و امك و اختك و الرقم 12 يلي عم يظهرلك بالقصة وجنبو كلمة الموت .. لاتنسي تكرار الأعداد المكوّنة لهاد الرقم يلي هن 2 ، 1 هن تكررو معك بعدد الدرجات مثلآ... حالياً انا اكتر من هيك مافيي اشرحلك .
مشيت من عند أمل ورجعت ع البيت دخلت ع غرفتي بدون ما فكر آكل أو غير تيابي فتحت الانترنت وصرت ابحث عن اي شي بخص الرقم 12 .. الغريب انو كلشي قرأتو كان إيجابي ولاشي حسسني انو الرقم فيه تشاؤم . اعتقدت انو هالرجال مو فهمان شيه وبس بدو يطبق فلسفتو عليي لهيك ما اهتميت كتير لحكيو من بعد مابحثت عن الرقم .
و أنا عم سكر مواقع الانترنت يلي فاتحتا كرمال كفي البحث
وصلتني مسج عبر موقع مجهول كان مكتوب فيا
" رح تموتي لو ماحكيتي الحقيقة " مع سمايل مبتسم ..
وفوراً بعد ما قرأتا اختفت عن الشاشةة و اختفى الموقع كلو .
طلعت من غرفتي وكان لون وجهي غريب .. لقيت أنجيلا و أمي آعدين عم يحكو قربت أعدت معهن : عرفتو شي عن فارس؟
أنجيلا : ولا أي شي .. أهلو قلبو الدنيا عليه وما الو أثر .. الكل حاسين إنه مخطوف .
هزيت براسي
التفتت ماما لعندي : كل العالم راحت اتطمنت ع عمتك الا انتي أديشك مابتفهمي ياجويل؟
جويل : ماما يلي فيني مكفيني .. ماحدا حاسس
أمي : شو يلي فيكي ازا بتنامي لآخر الليل ويادوب تاكلي و بترجعي بتنامي شو يلي مو حاسين فيه مرتاحة ع الآخر
جويل : انا بنظركن هيك بس بالحقيقة أنا عم عيش شغلات رح موت منا
ماما : احكي شوفي؟
جويل : لو حكيت رح تقولي عني صفتين وهن مجنونة و كسولة

تركتن ورحت لغرفتي .. صرت اتصل ع الرقم يلي بعتلي فارس منو مسج من مدة .. ضليت عم بتصل لحتى رد عليي وهو عم يتنفس بخوف : شوفي ؟ خوفتيني احكي !!
جويل : احكيلي شوفي وليش تركت البلد؟؟
فارس : مجنونة انتي ؟ حلي عني
جويل : فارس العالم عم بقولو انك مخطوف وكلمة تانية انا رح احكي كلشي
فارس : مشان الله انا ماحكيتلك لحتى تفضحيني .. ساعديني أنا متورط والله متورط ومافيني أحكي شي هلأ .
فصل المكالمة و بقيت متل اللي آعد على نار ..

بعد شوي وصل أخي جمال من شغلو .. دائمآ كنت حب أعد معو أكتر ما اعد مع أمي و أنجيلا .
حطيتلو اكل بالمطبخ و أعدت جنبو ع الطاولة .
حسيت انو ماحدا غيرو ممكن يصدقني ويساعدني بس ترددت خفت يسايرني وبعدين يقول عني مجنونة أو يحكي لأمي و أنجيلا ووقتا تراجعت إني احكيلو .
طول ما كنت أعدة معه وهو عم ياكل و عم احكي معه كان عم يتجاهل حكيي او يرد بكلمة وكأنو حدا زعلان مني ..
بعدين قلي : كيف صارت أمل رفيقتك بعد الحادث ؟
جويل : تمام اتحسنت منيح .
كمل اكلو بعدين مشي ع غرفته ..

سألتني أمي شو صار بس أنا ماكنت عم بقدر احكي كان في شي بحلقي ماعم يخليني أحكي .. صرت أسعل أسعل بقوة لحد ماطلع دم من تمي وبقيت عم أسعل لحتى طلع دود من تمي هون أمي و أنحيلا ارتعبو عليي وصار لونهن أصفر ..
مسحت الدم وحكيتلن كلشي صار معي وكلشي شفته تحت الأرض وكلشي عم حس فيه وهن سدقوني هالمرة ماحكولي مجنونة
اتواعدنا بهالليلة أنو ننزل لتحت الأرض لفرجيهن كلشي .. جمال كان نايم بغرفتو و انا و امي و انجيلا بغرفة أمي .. فجأة شهقت وحكيتلن لاء مافينا ننزل .. سكتت أمي هي و انجيلا و اتطلعو ببعض وحكولي ليش ؟
Telegram @rwayate
#رند_محمد #يتبع

#تحت_الأرض_الجزء_الخامس #رند_محمد

اتطلعو ببعض وحكولي ليش؟؟ جاوبتهن لأن في شي لازم نتأكد منو بالأول.
امي : احكي شوفي ؟
جويل : العباية يلي كنت شوف هدول الناس لابسينها هي نفسا لقيتا بخزانة جمال
انجيلا : مستحيل ، هي لعبة
جويل : إما انتو عم تلعبو فيني و ابصر شو مخبيين إما جمال عم يلعب فينا والصح انو انتي و امي عم تلعبو فينا
امي : جويل لاتكبري حكي فهمي شو عم تخبصي
جويل : فيكن تفهموني مشاويركن يلي مابتحكولي عنها وين بتكون ؟ أو اختفاءكم من البيت ورجعتكم بسرعة وين ؟؟ انا هلأ متأكدة انو انتو السبب بكلشي وعم تخبو هالأدوات بخزانة جمال لأن مستحيل افتحا و اكتشف حقيقتكن
انجيلا : فعلآ انتي مريضة وبدك علاج .
تركتن ورحت ع غرفتي وهون بلشت حس حالي غبية لأني حكيت كلشي وماكان لازم أحكي لحدا .
نمت وباليوم التاني طلعت من بكير على بيت مانيسا كان في حراسة مع انو الساعة 8 الصبح . وقفت بزاوية البناء وصرت اتطلع ع كل شبابيك البيت هون لمحت بنت واقفة ع البلور وعم تطلع ع الشارع .. حسني قلبي انو هي مانيسا .
صرت لوحلا بإيدي و أشرلا لحتى شافتني وصارت تدقق فيني
اشرتلا على تمي بمعنى انو في حكي بدي قولو ..
@rwayate
بعدين تركتني واختفت ..
ضليت استناها لترحع تطلع بس ماكانت عم تطلع وهون انفتح الباب وشفتا طالعة هي ورجال ضخم باتجاهي ..
قربت مني وحكتلي مرحبا ..
ابتسمتلا وقلت أهلين ..
ضلت تطلع بعيوني بعدين قالت للرجال يلي معا وقف بعيد شوي .. هو بعد وهي قربت لعندي حكتلي من طرف فارس انتي صح؟ حكيتلا اي انا بنت خالو ..
نادت للرجال يلي جنبا وحكتلو هي رفيقتي اميرة وبدي دخلا لعندي صرلي سنين ماشفتا ..
فتت معا عالبيت كان بيت شبه قصر من جوا كبير ومرتب و كل الاثاث فيه تقيل ولونو بني ..
استقبلتني مرة كبيرة ودخلتني على غرفتا اعدنا انا ومانيسا وحكيتلا بقلك فارس هو موافق ..
هزت براسا وقالتلي ممتاز .
جويل : معلش أسألك عن قصتكن؟ فارس ماحكالي شي و انا بدي ساعدكن اعتبريني اختك
فجأة نزلو دموعا : هاد البيت هو الحبس يلي انا محبوسة فيه
أبي رجل أعمال كبير ومن خوفه عليي حبسني بالبيت مع حراسة كاملة كان خايف حدا يخطفني ليحرق قلبو او يطلب فديتي مبالغ كبيرة ويكسر عين أبي .
تعرفت على فارس بالصدفة وحبيتو كتير واتزوجنا عرفي
بس لما اكتشف بابا هددو بأنو يحبسو ويخفيه عن وجه الأرض يا أما بيدفعلو مبالغ طائلة رتبها بابا والمحامي تبعو ..
لهيك فارس تركني وهرب مابعرف وينه .
بس انا مستغربة هيك وافق يدفع هالمبالغ وهو مامعه هيك مبلغ كبير؟
جويل : ابوكي بيقبل يزوجك ياه ازا العيلة كلا اجت لعندكن و اعزروله؟
مانيسا : مابعرف ..
@rwayate
جويل : ابوكي حنون عليكي وبحبك؟؟
مانيسا : بابا مابيرفضلي كلمة وطلب ما الو غيري من بعد ماماتت امي
جويل : اترجيه انو يسامح فارس لحتى نزوجكن رسمي وبحضور اهلو اترجيه واحكيلو سعادتي معو وبحبو
مانيسا : وين فارس؟
جويل : مابعرف .. فارس بعتلي خبر مع رجال مابعرفو وخبرني هيك قلك ..
مانيسا : رح حاول مع بابا .. اعطيني رقمك لدقلك وخبرك يلي بصير ..
تركتلا رقمي وبعدين طلعت من عندا .. طول الطريق و انا مصدومة عم عيد الحكي كلو براسي بدون ما استوعب .
اتصلت بفارس وحكيتلو يلي صار معي وحكيتلو شو قلت لمانيسا وهون هو صار يضحك : شبك فارس ليش عم تضحك
فارس : لك ياحبيبتي نحنا زنكيل اي نعم بس مستوانا غير مستوى ابوا لمانيسا وهو مستحيل يقبل فيني فهمتي .. بعدين هو بدو ياخد تارو مني .
جويل : ادعي يزبط يلي حكيتو احسنلك من هالشلفة هي
فارس : رح سكر هلأ لأني مشغول
جويل : طيب يلا
وصلت عالبيت .. دخلت ع الصالون كانو امي و اختي آعدين رميت السلام ودخلت على غرفتي .. كنت حاسة عضلات جسمي مهدودة وتعب فظيع بعضمي لدرجة انو مو ادرانة شيل الكاسة ..
ارتميت ع تختي وصرت آخد نفس بطريقة شهيق وزفير بعد لحظات حسيت عيوني مغبشين وماعدت قادرة شوف منيح الصورة يلي عم شوفا مو واضحة إيديي كانت حركتن مشلولة وكأني مثبتة بالتخت حتى تمي ماعد قدرت افتحو لطالعو صوت و نادي لحدا هالحكي كان عند الساعة 10 بالليل .
@rwayate
فجأة صارت توضحلي صورة بنت دخلت من الشباك كانت لابسة أسود وشعراتا سود وفي على الفستان يلي لابسته شكل جمجمة اتطلعت فيني وحكتلي : الليلة ال 12 ..
بعدين اختفت وصارت غرفتي كلا دخان بلشت اسعل بقوة لحتى دخلت أمي و أختي وشافو الدخان الفظيع للحظة بلشو يدورو ا ذا في شي عم يحترق بغرفتي بعدين فتحو الشبابيك والباب وطلعنا اعدنا بالصالون .
كانو مرعوبين كتير وبلشو يسألوني عن يلي صار بس ماكنت مأمنة لحدا لا لأمي ولا لأختي لأن عندي شك أنو هن السبب
انجيلا : نحنا اليوم لازم ننزل لتحت الأرض لنعرف سبب يلي عم يصير
جويل : لاء مالنا رح ننزل انتو السبب انتو .
امي : اهدي يلي عم تحكيه غلط بغلط وما الو وجود .
فكرت شوي بعدين حكيتلن : مارح انزل الا ليكونوو معي آسان و أمل

حكيتلن عن أمل و آسان وشو عملو وكيف ساعدوني بعدين قررت اتصل فيهن .. بقيت عم اتصل بس موبايلاتن كانت مغلقة.. كان في عندي كتير أسئلة ماعم لاقيلا جواب ..
الساعة 11 الا ربع اندق باب البيت فتحت أنجيلا الباب سمعت صوت بنت ورجال فكرت اجانا ضيوف بس بتفاجأ اكبر مفاجأه انو مانيسا أجت لعندي على البيت هي ورجالين ..
امي و أنجيلا كانو واقفين ومستغربين من دخلتن ومانيسا عم تندهلي جويل ..
قربت لعندا بدون ما أحكي وهون لقيت الابتسامة انرسمت على خدودا وحكتلي بابا وافق ..
اتغيير لوني وحكيتلا ليش ما اتصلتي ع موبايلي ليش اجيتي وكيف عرفتي البيت؟
مانيسا : بابا ماقبل الا اجي انا و الرجال وعن طريق رجال بابا يلي لحقوكي الصبح عرفت البيت
جويل : لحقوني؟
مانيسا : اي ماحدا بفوت بيتنا الا والرجال بيلحقوه ليعرفو كلشي عنو
هزيت براسي و اتطلعت بأمي وأختي .. وهون ماما سألتني مين هي؟
كنت حاسة بخجلة من أختي .. جاوبتا مانيسا : أنا رح صير خطيبتو لفارس
بهاللحظة أنجيلا وقعت ع الأرض وفقدت الوعي
ركدنا لعندا وصحيناها وهون ماما بلشت تصرخ عليي وعلى مانيسا وهي عم تقلعا من البيت .. اخدت مانيسا ع جنب و اعتذرت منا وحكيتلا انو اختي مريضة وعندا انهيار عصبي .. لان اذا عرفت انو في شي بين انجيلا وفارس رح تخبر ابوا وتخليه ينهي حياة فارس .. قبلت اعتذاري وطلعت من البيت ..
صحيت انجيلا و اعدت معهن هي و امي وحكيتلن كلشي ..
انجيلا كانت عم تبكي و امي صافنة .. حسيت بكسرة القلب يلي عايشتا أختي مابعرف اذا اللوم عليي او لاء .
تركتن هنن التنتين آعدين وساكتين وقمت على غرفتي اتسطحت وغمضت عيوني مع دمعة نزلت على خدي كنت عم تمتم بصوت واطي خلص تعبت تعبت ..
غفلت لمدة خمس دقايق بعدين فقت مرعوبة ع صوت طقة عقرب الساعة 12 وصوت رنة النواس .. شعقت وكأن بدو يصير معي شي ..
في حدا مشاني من تختي لبرات الغرفة ماكان في حدا بالصالون
فتحت باب الحديقة وطلعت لبرا .. كان عتمة كتير بس في صوت ذئاب .. مافي ولاضو غير ضو القمر المكتمل
ضليتني أتطلع فيه و كنت حاسة بؤبؤ عيني عم يتوسع لدرجة انو رح ينفجر .. بلشت حركتي تنشل أعصابي ارتخت و عضلاتي تغيير شكلا .. قلبي عم ينبض بسرعة وماني قدرانة لا قوم ولا احكي .. واقعة بأرض الحديقة ورقبتي مرفوعة لجهة القمر لدرجة انو عروقي مشكولة وعيوني مفنجرة ..
اجا صوت من بعيد خلاني اصحا شوي من هالوضع صوت حدا عم ينادي جويل ..
راحت الحالة مني وقدرت اتحرك التفتت لجهة الصوت كان آسان و أمل عم يركدو بجهتي .. وصلو لعندي مسكني آسان وصار يرش ملح حواليي بشكل دائري بعدين أعطى أمل كيس كبير وقلا انا رح احملا و انتي بتضلي جنبي عم ترشي الملح من كل الاطراف .. اذا ماعملتي هيك رح نخسرا ساعديني امل ..
حملني وبلش يمشيني فيني لجهة بيتنا وهي تمشي وراه وترش الملح لحد ماوصلنا ع البيت ودخلنا ..
امي كانت فايقة هي شافتو دخل وهو حاملني ومنظري غريب ومرعب وصارت تصرخ...
ماكان في بالبيت غير هي و انجيلا .. فاقت انجيلا ع صوتا و اجت لعندي ..
حطوني ع الأرض و ...

#بقلم_رند_محمد #يتبع

#تحت_الارض_الحزء_السادس #رند_محمد

حطوني عالأرض وهون رجعت حركتي تنشل تدريجياً ورجعت رقبتي تنشكل بجهة الشباك يلي باين منه القمر لحتى آسان صرخ على أمل تسكر الشباك وبقيت بمكاني فاقدة حركتي .. آسان صار يحط الملح حواليي ويرش عليي مي مقدسة
هيك لحتى رجعت ارتخت اعصابي ونمت بمكاني بقيت هيك لأول ماطلع الضو هون صحيت لقيت حالي بالأرض و الكل حوليي ..
رفعت راسي شوي وكنت حاسة بدوخة مو طبيعية : شوفي؟
آسان : الحمدلله عسلامتك هلأ صرتي بخير .
رفعوني من مكاني وحطوني ع الكنبا وغطوني بحرام ..
بعدين آسان مسك إيدي من ناحية العرق يلي بيعطي نبض
وقلي فهمت القصة ..
حكت ماما وهي عم تبكي : شوفي؟؟ طمني مشان الله
آسان : في حدا عم يعمل أذى لحدا بخص بنتك .. وهي تأثرت
عمل شيطاني نجس .. المطلوب قربان .
امي : سيد آسان انا ماعم بفهم شي مشان الله وضحلي
آسان : لازم ننزل لتحت الأرض .
رحنا كلياتنا لغرفة أمي وهون أنا ضربت ع الحيط تلات ضربات لحتى انفتح وظهر الدرج الطويل ..
امي و انجيلا كانو مفزوعين من المنظر يلي شافوه .
بلشنا ننزل ع الدرج ورجعت ضربت تلات ضربات لحتى فتح الدرج يلي تحتو كمان نزلنا فيه .. وصلنا للغرفة الكبيرة ..
كان في طقوس غريبة عم تصير شموع و أعدات غريبة وحدا عم يدور ويفتل .. نحنا كنا واقفين بمكان بعيد عنهن لهيك مو شايفينا .. قرب آسان شوي ورش ملح ع شكل خط فاصل بينا وبينهن .. بعدين قرب وظهرلن حالو .. هون انتزعت طقوسن وهجموا على آسان ليقتلوه بس فجأة ركد واحد من بيناتن باتجاهنا وشال غطا العباية عن وجهو .. جمال
أمي صرخت : جمااال؟ ليشش انت هون ..
@rwayate
جمال : اطلعو لفوق
آسان : الشرطة رح تنهي كلشي بعدين منطلع لفوق
جمال : لا لا .. اطلعول لفوق وأنا رح أصرف الكل من هون ..
قرب جمال من الرجال يلي واقفين وحكالن طلعو يلا .. وقفو بآخر الغرفة وضربو تلات ضربات على الحيط انفتح وطلعو من الشارع فوراً ..
آسان : عم تسخر نفسك للشيطان؟
جمال : مجبور
امي : شووو يلي خلاك مجبور
جمال : النقص
آسان : شو يلي بدك ياه
جمال : بدي آخد روحو و عذبو.. بدي حسسو بالفقر والبعد والتعب والوجع..
آسان : لمين
جمال : بدي ضيعلو عمرو ..
جويل : لك لمين لمين ؟
أعد ع الأرض ونحنا كلياتنا كنا واقفين عم نسمعو :
كان يجاكرني بسيارات ٱبوه وبالمصاري يلي معو وبالبيوت يلي عندن .. كان يجاكرني انو هو كلشي بيجي لعندو وقت يطلب و أنا لازم اهلك لأحصل على القرش ..
فارسس أنا قدمت نفسي للشيطان كرمال يأذيلي فارس ..
عرفتو على مانيسا وعلقتن ببعض لأن بعرف شو رح يصير بعدين .. و خربت حياتو لما خليتو يطلع ببرات البلد ينلحش هنيك ويدوب قلب عيلتو عليه...
جويل : انا متفاجأة فيك !! معقول انت حقود لهالدرجة
جمال : اي حقود .. حقود وبكره
جويل : بتعرف انك اذيتني الي اكتر من فارس ..
@rwayate
جمال : ليشش شو دخلك انتي؟
جويل : اكتشفت هاد المكان من زمان كلشي كان عم يظهرلي الي .. انت اذيتني ..
طلعنا على البيت كلياتنا وجمال بقي آعد بزاوية البيت ماعم يحكي مع حدا ..
آسان : ياجماعة الطقوس انتهت وطالما مضيت الليلة 12 على خير معناتا زال الخطر عن حياة جويل ..
بس في مشكلة بدي اعرفا .. مزال جمال حكا انو بدو ينتقم من فارس معناتا شو دخل جويل ؟؟ ليش جويل تأثرت !!!
وطبعاً هالشي ماكان في إله تفسير ابداً

#تحت_الأرض_الجزء_السابع #رند_محمد الاخير

أختي و أمي كانو مرعوبين ومو عارفين شو يتصرفو خاصة انو الدنيا بعد نص ليل ومنظري المرعب وصوتي الغريب كان عم يزيد الجو خوف ..
بهي اللحظة اتذكرت أمي انو عمتي أم فارس مرة تقية وبتخاف ربا وبالعادة بتقرأ قرآن ورقية عالناس لحتى يرتاحو.
مسكوني هن التنتين وصارو يسكرولي تمي ويلهوني لحتى قعدوني بالسيارة ومشيت انجيلا لعند عمتي ..
دقو الباب قام فتحلن أنس اخوه لفارس وقت شاف منظري استغرب وخاف قمت انا ضحكتلو وصرت احكيلو مو أنت مو أنت .. دخلتني أمي لعند عمتي وصارت تترجاها وتبوس إيديها لحتى تشوف شبني .. المفاجأة الأكبر كانت أنو فارس صايبو نفس حالتي وحاطينو بالسرير وعمتي عم تقرأ فوق راسو ..
أمي وانجيلا خافو وقت شافو فارس بوضع متل وضعي و خافو انو عمتي تعرف انو جمال السبب بكل يلي عم يصير ..
هون فارس نام ، مسكتني عمتي وثبتتني ع السرير وصارت تقرألي لحتى نمت ..
مابعرف أديش نمت بس بعرف أنو اول مافتحت عيوني فارس فاق .. كنا طبيعيين كتير ونحنا التنين مستغربين من وضعنا و المكان و البيت ويلي حوالينا كيف عم يتطلعو ..
كنت شايفة الكل وصحيانة منيح بس حاسة انو مابدي أحكي مع حدا و أي حدا عم يتوجهلي بسؤال كنت عم صرخ عليه ..
ماكان بدي حدا يحكي معي غير فارس .. اختي وامي وعمتي وولادا وقت يتطلعو فيني صرخ عليهن فوراً بس فارس وقت يسألني عن وضعي كنت جاوبو برواق هاد السبب يلي خلا الكل يستغرب اكتر .
بقيت على هاد الوضع للصبح ، فارس اتحسن وضعو كتير بس أنا بقيت على حالي .. اتصلت أمي بأمل لحتى تجي هي و آسان .. أول ما وصلو اعدو كلن بالصالون و انا بقيت بالغرفة لحالي
عمتي كانت عم تقرأ كتاب و زوجا وولادها و أمي و أختي اعدين مع بعض وعم يحكو باامشكلة يلي صارت معي .
كل واحد كان عم يطرح رأيو ..
واحد يقول شكلا مآذاية و التاني يقول شكلا مسحورة واللي يقول جانة على وفاة أخوها واللي يقول نفسيتا تعبانة
بهالوقت آسان كان عم يحكيلن انو حالتي غريبة لأن السبب الأساسي انتهى .. بهاللحظة أمي عضت ع شفتا مشان ينتبهلا آسان ويسكت ..
زوج عمتي انتبه انو في شي غريب بالموضوع وسألو لآسان عن السبب يلي بيقصدو و انتهى .. جاوبو آسان بقصد قصة جمال ووفاتو ..
بهاللحظة عمتي صرخت للكل ليسكتو .. التفتو على صوتا وهن مندهشين ليش عم تصرخ؟؟
قربت لعندن وحكتلن أنا عرفت كلشي .
جويل وفارس كانو مسحورين ..
سألتا امي : مين وليش؟؟
اتطلعت عمتي بأمي وحكتلا : ليش ... أنانية
أما مين ... فالجواب عندك
أمي : خلص رح تعرفو كلشي ... جمال كان حاقد على فارس بسبب المصاري يلي معو وبسبب مجاكرتو لابني .. الحقد عمى قلبو وخلاه يسخر نفسو للشيطان وهالأعمال هي وفعلاً صارت هالمشكلة مع فارس و مانيسا و اتغرب لبرات البلاد .. بس ليش ليأذي جويل ليشش؟؟
صارت عمتي تبكي وتحكي لأمي : الله يرحمو مافيني قول غير هيك . مافي يوم من الأيام الا وكنت عاملو متل ولادي لك ياريتو طلب مني ساعدو بمصاري والله ماكنت قصرت .. ياريتو قلي ابنك عم يزعجني ويجاكرني كنت كسرت راس ابني ..
انقلبت الأعدة لمأساة و الكل صار يبكي .. فارس كان نايم و أنا لساتني عالتخت يلي حطوني عليه ...
زوج عمتي قرر ينادي لجارهن بالبناية هو رجل متدين وشيخ بالجامع وحكالو القصة كلا ..
أول مادخل عالبيت حسيت بقشعريرة بجسمي .
أعدو كلهن بالصالة و صار يقرأ قرآن وهن ساكتين بهاللحظة أنا
أعدت وصرت أضرب راسي بالحيط لدرجة انو صوت هالضربة كان أقوى من صوت الرجال يلي عم يقرأ ..
دخلو لعندي كلن وصارو يهدّوني بعدين نمت وماعد حسيت لبعد ساعة ونص .
كنت راجعة لوصعي الطبيعي تمامآ حاسة بعقلي و متذكرة كلشي ووعيانة ع حالي شو عم اعمل بس شعري كان متنتف ومقصوص وتحت عيوني اسود وجسمي فيه رجفة ..
اعدت بالصالون جنب أمي ولفتني بحرام أدام الدفاية .. و الكل بقيوا موجودين وساكتين
الشيخ : الحمدلله فارس وجويل صارو بخير هلأ
زوج عمتي : الحمدلله يارب
الشيخ : بدي أعرف شي مهم .. شو صلة القرابة بين جويل وفارس ؟
عمتي : جويل بنت أخي .
الشيخ : غير هيك
استغربنا من الجملة لأن هي القرابة الوحيدة بيني وبين فارس .
اتنهد وحكالن : صلة أخوة !!
عمتي صارت تطلع بزوجا وبأمي نظرات مخيفة وكأن عم تقلن اعترفو شو يلي بيناتكن من زمان ..
الكل كانو متوترين وعم يتطلعو ببعض بخوف وكل واحد نظراتو عم تشكك بالتاني .
أمي : يا شيخ هالحكي مو مزبوط رجاءً اعرف حالك شو عم تحكي
الشيخ : صلة أخوة ..
زوج عمتي : ما بحياتي لمست وحدة غير مرتي وهالحكي مستحيل مستحيل جويل بنت اخوها لمرتي و فارس ابني. وابنا
الشيخ : في رضاعة بين الأمهات ؟
عمتي : كيف ؟؟
الشيخ : جاوبوني شي وحدة منكن مرضعة ابن التانية ؟؟
عمتي : اي اي تزكرت .. مرت أخي لما ولدت جويل كنت ولدانة صرلي 5 شهور وهي صابتا حما وماعد قدرت ترضعا لهيك صرت رضعا أنا
أمي : اي تزكرت والله صح
الشيخ : هاد السبب
زوج عمتي : كيف يعني ؟

الشيخ : السحر انعمل لفارس وبما إنو يلي عمل السحر كان من أخواتا الحقيقين لجويل .. ولّد عندا شعور غريزي مع فارس يلي هو أخوا برضاعة وخلاها تحس فيه وتتأثر بالسحر يلي انعملو لهيك هي وياه عم يتأثرو مع بعض
عمتي : لهالدرجة الأخوة ممكن تحرك الغريزة أد ما كانت ضعيفة؟ يعني بحياتو ماحدى أخد فكرة الرضاعة بهالطريقة؟؟
الشيخ : الأخوة شيء فطري واللهفة لبعض بتكون بدون سبب سابق ..
Telegram @rwayate
فارس : صحيح كلامك ياشيخ .. أنا مرة من المرات شفت جويل عنا وكانت طالعة حلوة ولابسة لبس حلو ولفتت تظري كتير وصرت اتطلع عليها بس في شي من جواتي كان عم يخانقني ويقلي هي أختك أو متل أختك و بالفعل بالمرة التانية ما اتطلعت فيا ابداً ومابعرف السبب يلي خلاني لما سافر أنو ما خبر حدا تاني غير جويل .. حتى انجيلا يلي كنت بعرف أديش بتحبني ماكنت واثق اني خبرا ..

التفتت الأنظار كلا على انجيلا .. كانت واقفة ع طرف الباب وعم تبكي وترجف .. اتطلع فيا الشيخ وحكالا : يابنتي يلي الو نصيب بياخدو بقدرة الله مو بالسحر .
انجيلا : سامحوني كلكن سامحوني انا والله حبيتو لفارس ..
عمتي : شو عم تحكي انتي ؟؟
الشيخ : يلي كان صايب فارس وجويل هو من السحر يلي عملتو أنجيلا لفارس كرمال يتزوجا ويحبا .. لهالسبب فارس صابتو نفس حالة جويل . أما بالنسبة للشي يلي كان صاير قبل فهالشي كان بسبب جمال و انتهى لأن الشيطان لما اتسخر لخدمة بني آدم وفشل هالبني آدم رح ينتقم منو ويرجع لمكانو .. والشيطان انتقم من جمال وخلاه ينتحر ووقتا انفك كلشي كان بسبب جمال
اما يلي صار بعدين فهو بسبب انجيلا .. وبرجع بقلكن الغريزة :
اخواتا الحقيقين أذوها .. أخ الرضاعة حست فيه

أنجيلا صارت تعتذر من عمتي وزوجا وفارس و أمي وتبكي وتطلب من السماح .. السماح من رب العالمين لأن اشتغلت بالسحر يلي هو من أحد الكبائر والمحرمات ...
العيلة كلا سامحت أنجيلا وزوج عمتي قرر انو يسمح لأنجيلا تشتغل بالمكتب تبعهن ويعطيا راتب ممتاز ويخصصلا سيارة
هالشي كان مداواة لجرح قلبا يلي صار بسبب حبها لأبنن .
و أنجيلا وافقت ع العرض وصارت تشتغل ونسيت كلشي
Telegram @rwayate
أما فارس فاتزوج مانيسا وعاشو ببيت لحالن و رضي أبوها وماضل في مشاكل كتير بيناتن .
وبالنسبة إلي صرت اقرأ كتب مفيدة وما جيب كتب مابعرف شو أصلا و ارميها بالدرج حتى مايتحول الكتاب بيوم من الأيام لرموز تخليني شك أنو رح تقتلني و اربط أرقاما بالتاريخ وصير محققة ... صرت اشتغل و اطلع من البيت على طول .
اتعلمت دروس مهمة من يلي صار معي .. أول درس انو الأخ سند ومتل ماقال رب العالمين بكتابه
قَالَ : (( سَنَشُدُّ عَضُدَكَ بِأَخِيكَ ))
و الإنسان ما يآمن بقدرة بهالكون غير قدرة ربنا هو يلي بيعطينا مطلبنا وهو يلي بساعدنا وبس .
كلشي صار معي كان دروس إلي ولغيري .
#انتهت