📚قصص||روايات||منوعة📚

.. وطلع النهار.. إنفتح الباب.. كانت أمي واقفة بعرض الباب.. وقالتلي عمك مات.. وإبنه مفقود.. وأبوكي منهار.. سكّرت الباب وقرّبت مني وقالتلي.. وأنا رح أنهي حياتك لو ما قلتي مين الحقير يلي دخلتيه لبيتنا!!.. مين بكون آسر إبن الحرام!!.. حكيتلها ما بعرف.. كانت إيدها بترجف وعيونها برفّو من الغضب.. حكتلي ما رح أرأف بحالك.. اليوم رح تتزوجي رواد!.. رواد الفقير المنتوف الجاهل خدامنا!.. رح تتزوجيه لو ما قلتي.. أنا جاية أعطيكي فرصة أخيرة قبل لأبوكي ينفذ.. إحكي!.. إحكي وقولي مين بكون!.. رجعت قلت ما بعرف.. رفعت إيدها لتضربني وبهاللحظة إنفتح الباب.. كانت حياة.. قالت لأمي.. صاحبتها سلام بالصالة وعم تسأل عنها بدها تشوفها.. وأنا كنت رح أطلعها لبرا.. قالت أمي لأ ما تطلعيها.. أجت برجليها.. قالتلي رح أرجعلك.. قفلت الباب وطلعت.. وبعد وقت طويل كانت سلام بغرفتي.. إتطلعت على الشباك وقالتلي إنتي شو مخبية عن أهلك؟!.. أمك حكتلي.. وعم تفكرني بعرف.. بس حلفتلها إني ما بحياتي سمعت عنه منك.. وبدها ما أطلع من الغرفة قبل لتعرف مين آسر.. ياقوت مين آسر؟.. حكيتلها ما بعرف.. قالت سلام.. أمك رح تزوجك لرواد!.. خادم بيتكم هاد الغبي يلي على البركة.. صدقيني رح تعملها.. واضحة الجدّية بكلامها.. صرّخت ما بعرف.. ما بعرف!.. قالت يبقى مين يلي دخلو البيت وخطفو إبن عمك؟!.. كيف عرفو بوجوده ببيتكم.. هزّيت راسي بإستهجان.. حطّت إيدها على إيدي وقالتلي ياقوت أوثقي فيّه.. إحكيلي مين بكون؟!.. يمكن إذا طلع شخص منيح نقدر نقنع أبوكي يزوجكم!.. قلتلها ما بعرف عنه شي!.. حكت يبقى في آسر بحياتك!.. كيف عرفتيه إحكيلي؟.. حاولت تفتح الجرار وتطلع القصائد والدفاتر وكنت عارفة إنه أمي حكتلها كل شي لتقدر تعرف كل التفاصيل المبهمة.. قلتلها رح أحكيلك بس لا تقرّبي من هالمكان.. رجّعت إيدها وقالت إحكي.. قلتلها آسر هوه شخص ما بشبه أي حدا.. إنسان جاي من بعيد من مكان صعب نوصله.. بس أنا بكون معه وين ما بكون.. صرلي خمس سنين بعرفه.. عشنا أيام ولحظات ما حدا بعرفها.. ويلي كتبته عنه مو كل شي صار.. في أشياء بقيت مخفيّة وما حدا عرفها غيري وغيره.. شفت سلام مستغربه.. قالت طيب كيف كنتي تشوفيه؟.. أنا دائماً بكون معك بالمعهد وبنروّح سوا.. وأمك عم تقول إنك كنتي عم تنزلي من الشباك.. بس صعب!.. إنتي بالطابق الثاني.. ونزولك من الشباك لبرا صعب وممكن يقتلك!.. كان هوه ينزّلك؟!.. أخواتك عم يقولو إنك كنتي بتشوفيه بالليل.. هيك قرأو بالورق!.. قلتلها بالليل وبالنهار وبكل وقت.. قلتلك آسر معي دائماً وعم يحميني.. أنا متأكدة إنه هوه يلي عمل كل شي صار مبارح.. هوه قلّي!.. وكان موجود قبل ليلة برا.. وبعّد بابا وأمي عن القصائد لحتى ما حدا يقرّب منهم!.. طلبت تقرأهم وحاولت تفتح الجرار وأنا بعدتها.. قلتلها لا تلمسيهم.. يلي بيني وبينه أسرار.. حكتلي إنتي خبرتيه إنه إبن عمك رح يتزوجك؟!.. قلتلها خبرته.. هوه بعرف كل شي.. قالتلي طيب مين بكون؟!.. ما تخافي ياقوت بحلفلك إني ما رح أقول لأمك.. أوثقي فيّه ياقوت!.. قلتلها أنا عنجد ما بعرف.. هوه شخص إقتحم حياتي فجأة.. كنت بحس بوجوده عم يحميني ويدعمني ويحرسني متل الملاك!.. وكان دائماً معي.. كان ملاكي.. في كتير لحظات صارت وتأكدت من حمايته لإلي ومنه هوه بالذات!.. وهوه كان بخبرني فيها قبل لتصير!.. بس أنا ما قلتلك.. حكتلي صحيح ولو ما انفضح أمرك ما كنت عرفت.. إنتي غامضة وغريبة.. هدوئك غريب ياقوت!.. مو بس أنا كنت شاكة إنه في من وراه شي.. حتى كل المعلمات كانو يقولو هالبنت مليانة من جوا.. بتتذكري المدرسة؟.. قلتلها من هالوقت وآسر معي.. نحنا كبرنا سوا.. بس لهلأ ما قلّي شي عن أهله وحياته.. بس يلي بعرفه إنه هوه موجود وعم يأثر فيني.. صدّقيني سلام!.. شفتها سرحت وصارت تتطلع حواليها.. إتطلعت بعيوني وقالتلي بهدوء.. ياقوت.. هاد آسر يلي بحياتك إنتي عم تشوفيه متل ما إنتي شايفيتني هلأ قدامك؟.. وعم تلمسيه متل ما أنا لامسة إيدك؟!.. أو وجود هالشخص بحياتك خيال مأثر عليكي وعم تحسي إنه موجود بينّا بالواقع؟!.. إتطلعت بوجهها وإبتسمت.. حكتلي بهمس.. أوثقي ياقوت وإحكي!.. سرك ما حدا رح يعرفه.. آسر موجود متل ما أنا موجودة معك وعم تحكي معه متل ما أنا عم أحكي معك؟!.. قلتلها صحيح.. قالت إعطيني دليل.. فتحت الجرار وطلعت الزنبقة الذبلانة وقلتلها هي منّه وريحة أصابعة لسه عليها.. شمّتها وأنا أخدتها ورجعتها.. قالتلي وهلأ وينه؟!.. قلتلها برا عم يحرس البيت وشافك!.. انصدمت وقامت تركض للباب

يتبع..

وفرصتك تحكيلنا عن آسر.. أبوكي عم يعطيكي هالفرصة إستغليها!.. رجعت سكتت.. قال بابا متل ما توقعت.. قالت أمي لأ مستحيل.. راقبتها بعيوني.. ما حركت ساكن بس دخل وأخد إبن عمها.. صدقني هوه!.. صرّخ بابا يبقى ليش ما بدها تحكي!.. إذا بتحبه وبدها ياه ليش ما عم تحكي!.. ما عم تحكي لأنه البنت عم تتوهّم.. طلع المرض بالوراثة.. يارب ليه هالشي برجع يتكرر!!.. شفته دمّع.. قلي يا بنتي لا تخليني أخسرك متل ما خسرت أمي.. لا تفضحيني.. لا توطي راسي بالأرض قدام الناس.. أنا عمدة والكل بعرفني.. ما بدي يطلع هالموضوع برا حيطان هالبيت وما بدي يأثر على مستقبل أخواتك.. ما بدي أكون خسرت حلمي بالخلفة وأخسركم وأخسر كل شي كمان وأموت بحسرتي.. إنتي بتتوهمي صح؟!.. عم تتخيّلي شخص إسمه آسر.. مستحيل هالبنت الطيبة الرقيقة يلي ربيتها على كفوف إيدي وإعطيتها كل الحنيّة تخون تربايتي وتروح تشوف واحد من ورا ظهري حتى بالليل!.. كل شي كتبتيه هوه من خيالك صحيح؟!.. أنا رح أوقف معك وأحميكي وأعملك كل شي بدك ياه طول ما أنا عايش بس تصارحيني وتحكيلي إنه هالشخص مو موجود غير بخيالك.. بس لا تعانديني وتخليني ألبس وجه القسوة يلي ما بشبهني.. صرّخت أمي لسه عم تترجاها.. تقول ولا عمرها ما تقول.. إذا كان موجود أو مو موجود إنت لازم تعمل اللي اتفقنا عليه وتزوجها.. ما في وقت.. قال بابا بهدوء.. شانتيل إهدي.. بنتنا مريضة.. عم تتوهّم.. انا متأكد.. بعّدت الصحن بإيدي ورجّعته لأرجّع الكرسي لورا لحتى أطلع على غرفتي وبهاللحظة إنتبهت على أصبعي!.. شفت بنصر إيدي اليسار محفور بشكل دائري.. عليه أثر لوجود خاتم كان فيه!.. معلّم وواضح والمكان لسه أحمر.. بقيت عم بتطلع عليه والكل بتجادلو.. وبابا عم يطلب مني أعترف إنه آسر شخص غير موجود.. قلتله آسر موجود.. إذا إنت فعلاً خايف بدي هلأ تتطمن.. بدك تعرف ليه ما فيني أطلب منه يجي يطلبني منك؟!.. وليه ما عم بقبل أتزوج أي حدا؟!.. قالت أمي إحكي.. أبوكي عم يتعب ويتوتر منك!.. قلتلها لأني تزوجته.. شفت اخواتي شهقو وحطو إيديهم على تمهم.. وبابا بقي عم يتطلّع عليه بدون أي كلام.. أمي قالت شو قلتي؟!.. قلتلها يلي سمعتيه.. قمت عن الكرسي وكان بدي أطلع على غرفتي.. قال بابا إنتي ما بتعمليها.. لأ مستحيل.. قلتله تزوجته.. أنا صرت بالغة عاقلة راشدة وعملت يلي كان بدي ياه.. وهلأ إتركوني!.. قامت أمي عن الكرسي لترجعني مسك بابا إيدها ورجعها وأنا طلعت على غرفتي وقفلت الباب وما كنت عارفة شو حكو من بعد يلي قلته.. أنا عملت يلي قاله آسر.. يمكن ليحميني منهم كان لازم أقول هيك!.. نمت على السرير وخلال ثانية سمعت طرقة على الخشب يلي عند الشباك!.. طرقة خفيفة.. متل كأنه صوت حجرة صغيرة نطرقت على الشباك من برا!.. قربت أذني للخشبة.. رجعت سمعت نفس الطرقة مرة تانية!!.. سكتت لدقايق.. قلبي بقي يدق.. وحسيت إنه الحدث تكرر!.. يبقى مو صدفة.. مو متل ما توقعت!.. طفل من أطفال الحي ضرب الحجرة!.. بعد لحظات إتحوّل الصوت لضربة أصابع.. كأنه بحكيلي إفتحي الخشب بدي أشوفك!!.. قلت بصوت واطي مين؟!.. مين في ورا الشباك!.. بعد هاللحظة سمعت صوت خبطة قويّة.. صوت حدا وقع!!.. حاولت أشده وأكسر الخشب بإيدي بس كان مشدود بالمسامير.. مو قادرة أشيله!.. بهاللحظة سمعت صوت صراخ برا.. وضرب على الباب الخارجي.. خفت!.. فتحت باب غرفتي.. كان صوت بابا طالع.. وعم يحكي بصوت عالي بس مو فاهمة شي!!.. نزلت عن أول الدرج.. شفت أمي واقفة مع أخواتي إنجي وحياة وعم يتطلعو والباب مفتوح!.. أمي عم بتنادي بابا وبتقله جلال أدخل خلينا نتصل بالشرطة.. بهاللحظة ما قدرت أصبر.. نزلت بسرعة وسألتهم شو في برا؟!.. قربت أمي مني وضربتني على وجهي وحكتلي إطلعي فوق يا وقحه.. قلتلها بدي أعرف شو صار ووين بابا؟!.. قالت حياة حبيبك برا يا خانم وكان فوق شباكك!!.. كنت مرعوبة ومصدومة.. كانو بطلبو مني أطلع بس كنت واقفة مكاني وعم بحاول أتطلع على الحديقة برا بس ما كنت شايفة شي.. بعدتهم وطلعت شفت باب البيت يلي على شارع الحي مفتوح.. شفت بابا مع رواد سكّرو الباب.. قربو من باب البيت ودخلو.. بابا كان عم يتطلّع عليّه بغضب.. وأمي رجعت طلبت مني أطلع غرفتي بس أنا بقيت وكان بدي أفهم مين شافو!.. قلت لرواد مين كان برا؟!.. حكالي واحد طويل كان طالع على فوق الحيط على خشب القرميد وعم يحاول يتطلع من شباك غرفتك!.. بس الحمد لله إني سكّرته بالمسامير!.. هاد أكيد حرامي!.. قالتله أمي خليك عم تحرس ونحنا رح نخبر الشرطة بكل شي!.. قلتله رواد كيف كان شكله؟!.. قال ظلمه ما كنت شايف وجهه بس هوه شب طويل وكتافه عريضه.. جهم يعني!.. واضح إنه حرامي متمرّس وعم يشوف مداخل البيت من برا.. حكيتله شعره طويل؟!.. حنكه عريض؟!.. قرّبت مني أمي وقالتلي إطلعي يا وقحه فوق!!!.. ما كانت قادرة تتمالك أعصابها.. وأنا كنت لسه بسأله.. وهوه مستغرب.. بابا قلّه خلص إطلع إنت كمّل حراسة.. قلت لأمي قلتلكم إنه موجود آسر جنبي ومعي وما رح يتركني..

بس في أشياء انتي ما بتعرفيها يا بنتي.. قلتلها شو يلي ما بعرفه؟!.. حكت عيلتنا كلها مشاكل وما كان بدي تدخلي فيهم.. حكيت صحيح.. عيلة بابا الله يرحمه كبيرة بس عيلتك صغيرة.. نحنا ما إلنا غير خالتي.. وأخوكي خالي رائف يلي ما بنعرف عنه ولا شي.. قالت أمي لهيك بقلك إنسيهم.. حكيتلها ليش هجركم وسافر؟!.. حكت انفصال أمي وأبي.. أخده رباه وكرّهه فينا وأمي أخدتنا بس للأسف ماتت بالسبعينات ونحنا كنا لسه صغار.. قلتلها كيف كانت جدتك؟!.. حكتلي قالولي إنها طيبة وكويسة.. نحنا كنا تقريباً بعمر تسعة وعشرة سنين وأنا مو متذكرة لا أمي ولا جدتي.. بس يلي متذكرته ألماس الله يرحمها.. حكيتلها مين ألماس؟!.. قالت أنا تعبانة ومو نايمة.. وإنتي عم ترجعيني للماضي.. كنا بموضوعك فتحتيلي قصص عيلتي!.. إنتي لازم ترجعي لوسيم.. هلأ بتتصلي معه بتعتذريله.. ما إلي غير خالتك ما بدي أخسرها بسببك!.. قلتلها رح أحاول بس عشانك.. رح أعطيه فرصة بس إحكيلي مين ألماس وشو قصتها ومتى ماتت؟!.. قالت ونحنا صبايا ماتت.. بأول التسعينات.. قلتلها مين بتكون!.. قالت ألماس هيه بنت ياقوت!.. شهقت وقلتلها تزوجت!.. يالله خسارة ياريت لو كانت عايشة!.. كنت عرفت كل شي.. سألتها ألماس خلّفت؟!.. حكت بعدت عنا من بعد ما خطبنا.. وتقريباً طوّلت كتير لتزوجت!.. سمعت إنها خلّفت ولد وحيد ومن بعدها اختفت أخبارها وعرفنا إنها ماتت ولسه إبنها صغير بس مين أخده ورباه ما بنعرف!.. قلتلها بدي أوصل لإبنها بأي طريقة.. حكت أمي إنتي ناوية تفضحينا!!.. عشان يتأكد وسيم إنه في واحد بحياتك!.. إنسي هالعيلة وطلعي هالدفاتر من راسك.. قلتلها مو قادرة مسيطر عليّه وعلى كل حواسي.. بدي أعرف السبب.. اترجيتها تقول لو بتعرف أي شي عنه.. قالتلي خالتك بس بتعرف كثير تفاصيل من ألماس.. لأنها كانت فضولية وهيه صغيرة وبدها تعرف كل شي وليش أخدتنا وربتنا بعد موت أمي.. وكانت تحكيلها عن الماضي!.. قلتلها يبقى لازم أتقرّب من خالتي.. طلبت منها ترنلها.. وبس رنتلها قفلت بوجهنا الخط.... مساء يونيو 1917.. القوات البريطانية أعلنت الحرب.. نحنا مو بأمان.. وبهالليلة إعترفلنا بابا إنه رهن البيت بسبب مجموعة أراضي كان شاريهم على إسمنا وكان طالب مساعدة كبيرة من البنك.. عرض الأراضي للبيع والبيت مرهون للبنك وخلال أقل من شهر لازم يتم السداد وإلا رح

نخسر البيت أو يتم سجنه.. انحبسنا بالبيت.. ورواد كثّف حراسته برا بمسدس بابا.. وزاد حماسه ونظراته لإلي!.. كنت مزعوجة ومحبوسة وما في شي معي غير آسر والورق.. كانت ليلة مخيفة.. كنت حاسة إنه بابا رح يزوجني بسرعة بالأخص من بعد ما تأكد من عدم ثبوت زواجي رسمياً بالدولة وإني عزباء.. بس يمكن تجاهل الموضوع بسبب الأخبار الصعبة يلي وصلت.. وأوامر البلد بإنه لازم نلتزم بيوتنا قبل دخول القوات لإعلان الحرب.. كنت بقدر أستغفلهم وأهرب من البيت.. بس كمان كنت من جوا عارفة إنه آسر بالخيال.. بس يلي تعبني إنه الخيال كنت بشوفه حقيقة!.. شعور حقيقي لكن ما كنت قادرة ألاقيه بالحياة يلي أنا عايشتها معهم لهيك بقيت الإتهامات والشكوك تراودهم تجاهي.. وكنت بحبهم برغم معاملتهم السيئة بالأخص أمي!.. بهالليلة ما كان جاييني نوم.. ولا قادرة أتخيّل آسر وأحكي معه متل دائماً.. الخوف من الحرب سيطر عليّه.. مشاعر الحب كانت باردة.. طلعت من الغرفة للحمام.. كانت إيناس الخدامة عم تمسح الدرج.. خبرتني إنه الكل نامو.. سألتني إذا بدي أتعشى لأنه ما حدا أكل الليلة.. قلتلها لأ برغم إني كنت جداً جوعانة.. نزلت عن الدرج.. وشفتها نزلت وراي.. قالتلي تعالي معي عالمطبخ.. حسيتها بدها تحكي شي.. توترت بس قفلت الباب.. حكتلي ياقوت إنتي لازم تعرفي شي مهم.. لازم تنتبهي أو تهربي!.. إستغربت وسألتها ليش عم تحكي هيك!.. قالت سمعت أخواتك بحكو.. أنا خايفة أقلّك.. قلتلها قولي بسرعة!!.. حكت كانو عم يخططو يقتلوكي.. سم بالأكل!.. قرّبت من إيدي وحاولت تبوسها وقالتلي بترجاكي لا تحكي إني قلت!.. قلتلها وعد ما رح أحكي.. بدي منك إنتي ما تحكي شو سمعتي.. وبدي منك تسمعي كل شي عم بصير بهالبيت متل ما سمعتي اليوم.. حكتلي الحمد لله إنه البيك ما أمر بالعشا الليلة.. ما كنت عارفة لو ما سمعت الكلام وأنا عم بمسح شو كان صار قبل!.. قالت بس ليش؟!.. أنا مو مصدقة لهلأ.. أخواتك أصلاً ما بحبو بعض.. ليش ليتفقو على هيك شي وعشان شو!!!.. حكيتلها رح نعرف.. أنا لازم أدخل عالحمام.. دخلت وكنت متوترة.. غسلت شعري ووجهي.. إتطلعت بالمراية وسرحت وصرت بعالم آخر.. كنت بمطعم كبير فخم بالليل لوحدي.. بابه كان مفتوح والمكان فاضي ومضوي بالشموع والفوانيس المعلقة على الحيطان.. كنت عم بمشي بين الكراسي والطاولات.. بسمع صوت حدا بغني.. صوت آسر!.. حبيبي آسر.. بلتفت لورا.. بشوفه حامل بإيديه تورتة كبيرة ملوّنة ومزينة بالكرز والتوت.. عليها شمعة وحدة كبيرة كتير.. ببتسم وبقرب وبقلي كل عام وروحك الغالية بخير ومعي.. الليلة عيدك ياقوت.. قلتله أنا بخير من أول يوم لقيتك فيه ومن أول ساعة حكيتك فيها.. من أول لحظة مشاعر عشتها معك.. ومن أول مرة حكيتلك إني بحبك.. أنا عيدي هوه إنت.. بس ليش شمعة؟!.. أنا كبرت.. قال شمعة وحدة لأنه حياتك معي ما فيها سنين.. زمن عمري واقف حدك.. رح أضل أشوفك صغيرة وطفلة عمرها سنة بس رح تكبر معي وبين عيوني ورح تضل كبيرة بقلبي ياقوتّي الثمينة.. إبتسمت وحكيتله بس أنا صرت عشرين سنة مو صغيرة!.. قلّي من أول مرة شفتك فيها وزمني واقف ما بمشي.. من أول مرة دخلت قلبك وحياتك وتفكيرك.. إنتي حلّيتي سنيني ورسمتي الضحكة على وجهي.. كان وجهه بضحك على ضو الشمعة وعيونه بلمعو.. حكيتله أنا ناسية إنه اليوم عيدي.. أصلاً ما حدا متذكر.. ما حدا تذكرني غيرك.. إنت تذكرتني وذكّرتني.. الأول والأغلى بحياتي إنت وبقلبي وبخيالي ما في غيرك آسر.. إنت المهم والأهم إنت حلمي الحلو.. إنت يلي بفتش عليه متل الهوا لأعيش.. إنت الوعد يلي ما خان وما تركني ودائماً كان بسندني وبحميني لليوم.. إنت الأمان وما في أمان غير معك.. أنا معك بكون متطمنة.. وما في أعظم من الإطمئنان ولا قبله.. بس أشوفك بنسى الوجع وبفرح وبكون سعيدة.. أنا بحبك من جوا روحي.. أنا بنتهي لما إنت بتختفي من حياتي مو بس أغمض وأموت.. إختفاءك من حياتي أصعب من الموت عليّه.. ضحك وقال كيف أختفي وأنا متغلل براسك وتفكيرك وحياتك؟!.. أنا معك حتى وإنتي نايمة.. حكيتله بابا عرف إني مو متزوجة رسمي.. كيف أثبتله؟!.. حكالي لا تفكري أنا مرتب كل شي بس إنتي دائماً قلقانة.. لازم تكون ثقتك كبيرة فيّه.. إنتبه على شعري وقال شعرك مبلول ياقوت ما أحلاه.. شتا أول الصيف دايماً حلو ودافي.. بشبهك!.. كتير حلو شكلك هيك!.. قلتله آسفة آسر ما انتبهت.. مشطّته ونعّمته وعطرته بس الشتا خرّبه.. قال ومين قال إني مهتم ليكون ناعم أو ممشط؟!.. بكرا رح تفهميني أكثر.. حكا حلو الخاتم بأصبعك وحط التورتة على الطاولة.. غنالي بهدوء وقطعها معي وأكلت منها من إيده.. حكالي بعرف إنك جوعانة.. وبعرف شو بتحبي تاكلي.. شفته إتطلع على باب مطبخ المطعم.. دخلت عربة أكل ملكية لوحدها ووقفت عنا.. كان عليها حمام محشي وديك رومي بالخضار ولحمة مشوّية ورز وشوربات وعصائر وفواكة!.. حكالي كنتي بتتوقعي أخليكي تنامي جوعانة ويضيع يومك وإنتي مو متذكره عيدك؟!..

لهيك بدي ما تتهوري وتصيري تفتشي على هالشب بين الناس.. لنفسك ولأهلك بما أنه أبوكي عمدة ومعروف يا ياقوت.. ما تتهوري.. قلتلها وإذا بقلك إنه هالشب يلي بخيالي قلي رح أبعد إبن عمك عنك قبل ليتزوجك.. وبليلة طلبته لإلي إنخطف من تنين ملثمين إقتحمو بيتنا ولليوم مو مبين!.. شو رأيك إنه في شخص عم يحاول يطلع لشباكي يلي قفلته أمي بالمسامير بسبب شكوكها إني عم بنزل منه وبروح معه.. وهالشخص ضرب نار على الشب يلي بعمل عنا وكان بابا واعده بالزواج وهلأ إنعطبت رجله وصار يعرج!.. إنصدمت وقالت غريب!.. هالشي بخوّف.. أو برعّب.. مين بعرف عن القصائد والدفاتر؟!.. قلتلها أخواتي.. والخادم رواد عرف كل شي عن هالشخص وحتى إيناس الخدامة وصاحبتي سلام.. قالتلي شاكة بمين فيهم ممكن يكون سرّب الخبر لبرا ؟!.. قلتلها ولا حدا.. إنصدمت وحكت إنتي بتقولي إنه أخواتك بعاد عنك وممكن يكونو غارو منك وحكو لحد.. أو صديقتك لأنه الثقة إنعدمت بين الأصدقاء أو الخدام والخدامة؟!.. ليه ولا حدا!.. حكيتلها لأنه أخواتي ما طلعو من البيت أبداً من وقت ما اكتشفو السر وانحرمو من المعهد بسببي ودخل هالشخص المجهول البيت خلال وجودهم.. أما رواد بخاف من @rwayate بابا كتير وهوه على البركة ونحنا عارفينه.. وإيناس كانت مسافرة برا البلدة عند بنتها.. وبابا وماما خايفين من حالهم على إنه ينكشف سرّي بالأخص بس قلتلهم إني تزوجته.. حكتلي وحجة سلام شو؟!.. قلتلها فيكي تقولي بوثق فيها.. بس أنا مو متأكدة لأنها من أول ما عرفت وأنا قلتلها إنه آسر برا بالحديقة نزلت تشوفه وخبرت أمي!.. حكتلي يبقى سرك إنفضح والكل عارف يا ياقوت.. ويمكن يكون في شخص عم يلعب معك وبده يخوفكم.. قلتلها وبضرب نار وبخبر رواد إنه إسمه آسر؟!.. أنا صرت خايفة.. خايفة يكون خيالي صار لعنة.. وإنه إنتقلت أفكاري لروح شخص بشكل عكسي

كانت مشاعري صادقة معك ومع أهلك لسنين وبالوقت يلي إنتي ما كنتي حاسة فيني وقلبك كان مع واحد مجرم!.. إتطلعت عليه بإستغراب وفجأة إنفتح باب الملجئ ونزل بابا وبسام.. ورجع صوت الحرب برا.. وبقينا قاعدين بالملجئ لوقت ما طلع الفجر.. كانت الشوارع هادية.. وبسام طلع من الملجئ ليشوف الوضع ورجع.. قال لسه الجنود بحومو برا.. بس الوضع هادي.. طلعنا كلنا من الملجئ.. ورواد حط قفل ثاني للباب.. وبسام وبابا كانو بسمعو الأخبار بالراديو جوا الصالة.... نهاية يوليو 2017.. كنت مع إلهام صديقتي في نفس المطعم.. كنت قاعدة معها على طاولة تسعة وطاولة ستة فاضية.. حكيتلها رح تساعديني ولا لأ؟!.. قالت طبعاً بس أنا زعلانة عليكي.. بتتركي خطيبك يلي بحبك عشان واحد مجهول بحياتك ما شفتيه وبتتركي شغلك بالبنك وبتشتغلي بمطعم جرسونة لحتى تتبّعي أحداث دفاتر عمرهم قرن!.. قلتلها يلي كان خاطبني ما بعرف يحب إلا نفسه وشغل البنك كان خانقني.. أنا هون مرتاحة.. قالتلي لا تضلي تتلفتي على الطاولة.. الناس شاكين إنه نحنا عم نستنى حدا.. يعني معقول يتحقق المكتوب بالدفاتر ويجي الشب وتشوفيه؟!.. قلتلها ياقوت عم تقول بآخر دفتر إنه الشخص يلي كان يجي عالمقهى ظهر بحياتها وخبرها سر عن آسر.. وإذا المكتوب على الطاولة تحقق بحياتي متل ياقوت يبقى رح يظهر شخص.. ورح يحكيلي شي بتعلق عن آسر!.. ضحكت وحكت رح تحكي مع كل شب رح يقعد على الطاولة؟!.. لو حاسس فيكي متل إحساسك فيه يبقى رح يدوّر عليكي متلك.. ورح يكون قريب منك حتى بالأماكن يلي إنتي بتكوني فيها لأنه هيك التخاطر!.. أنا حاسة إنك عايشة حالة تخاطر.. وإنه كل شي عم يصير بحياتك متخاطر مع وجود شخص بعرف الدفاتر!!.. إنصدمت وقلتلها نفس المكتوب!.. في وحدة إسمها وئام صاحبة المقهى يلي شافته ياقوت قالتلها نفس الكلام يلي إنتي قلتيه هلأ!!.. قالت مستحيل أنا فكرت هيك عادي.. إنتي هلأ عم تخوفيني!.. طلعتلها تلفوني.. وكنت مصورة الدفاتر عليه.. قلتلها إقرأي..

قرأت المكتوب.. ياقوت عم تحكي عن وئام وعن التخاطر الوجداني في الحب وكيفية التلاقي.. حكتلي الهام وليه ما قلتيلي؟!.. انتي ليه عم تخبي تفاصيل الدفاتر حتى عني!.. قلتلها لأتأكد.. لأعرف!.. ياقوت كانت ضايعة وشاكة بكل الناس يلي حواليها وحاسة إنه يلي عم يصير مؤامرة منهم.. لهيك ضاعت.. أنا ما كان بدي أضيع متلها وفضلت أخبي كل التفاصيل حتى عن أقرب الناس لأعرف إذا يلي كانت عم تحسه حقيقي فعلاً أو مجرد مؤامرة بالذات إنه آخر دفتر إنتهى نهاية بقيت ناقصة وما عرفت شو صار!.. قالتلي الهام شو حكت آخر شي؟!.. حكيتلها ما بقدر أقول.. لازم ألتزم الصمت وأمشي عالحرف لأوصل لإله.. وهلأ إحكيلي إنتي شو صار معك؟!.. حكت بعد البحث المطوّل جبتلك أسماء من نفس عيلة أمك عن مواقع التواصل.. بس قلال.. أربع شباب.. وكل واحد فيهم ببلد.. عيلة النفيس صغيرة وعالفيسبوك ما لقيت.. بحثت كتير إنستغرام سناب تويتر بكل مكان.. ما بقى إلا النفوس.. قالتلي بس المشكلة الوحيدة إنه الأشخاص في منهم من أصول ثانية غير أصلكم.. يعني ممكن ما يكونو منكم وما بعرفو شي.. ويمكن ما يكون إبن ألماس منهم.. قلتلها ممكن كتير إنه ما يكون منهم.. لأنه عيلة أبوه مختلفة.. ولو بده يكون إله حساب على مواقع التواصل المفروض يكون مسمّيه على كنية أبوه مو أمه ونحنا ما بنعرف كنية أبوه.. قالت هاد كله تضيعة وقت.. ما إلك إلا خالتك!.. هيه بتعرف ألماس وزوجها ويمكن مكان إبنها.. حكيتلها وسيم لسه عم يهددني وخالتي قاطعتنا ومستحيل تساعدني.. شو الحل؟.. شو أعمل؟!.. قالتلي إلهام إذا عم تقولي إنه وئام صاحبة المقهى شجّعت ياقوت تلاقي هالشخص من خلال التلاقي بسبب التخاطر يبقى لازم تمشي متل ما هوه مكتوب.. بالتأكيد هالشخصية ساعدتها ويمكن تكون لقته بالآخر بس تركت النهاية ناقصة لسبب معيّن رح تعرفيه بعد ما تلاقي الأسير يلي عم تدوّري عليه وبتتخيلي نفسك معه بلحظات خاصة.. ويمكن صار معها شي بالنهاية ما حبت توثقه على الورق.. بس الأهم إنها ما ماتت قبل لتتزوّج وهاد بطمّن برغم كل شي صار معها.. يعني تزوجت وخلّفت ألماس.. بس تزوجت مين يا ترى؟!.. آسر أو حدا غيره؟!.. كان لازم يا فاتنة تكتبي مذكراتك متل ياقوت!.. لأنه أنا شايفة حتى الشخوص والأحداث عم تنعاد.. مثلاً أنا.. حتى إسمي قريب من وئام.. وعم بساعدك متلها وفكرت متلها وكلامي حرفياً متل المكتوب مع إني ما شفت الدفاتر بحياتي وما قرأت حرف منهم ولا إنتي حكيتيلي!.. قلتلها ويلي صار معي نفس أحداث حياتها الواقعية.. قالتلي متل شو؟!.. قلتلها مثلاً إبن عمها يلي غصبوها أهلها بالزواج منه وما تم هالشي بينهم.. النهاية كانت صعبة وأذاها كتير كتير!.. لأنه إتهمها بموت أبوه وحملها ذنبه وبقي وراها لآخر لحظة.. وأنا هلأ إبن خالتي عم يحملني سبب حزن أمه عليه وكسرة فرحتها فيه لأنه مو متقبل حدا ورافض الزواج بسببي ولأنه حبّني.. وأمه أصلاً مريضة وعندها ضغط وسكري وأمراض تانية وخايفة لو صرلها شي يحملني ذنب موتها ويصير متل المكتوب.. عدا إنه العيلة كان بينهم مشاكل وقطيعة.. وأمي خبرتني إنه عيلتنا كلها مشاكل.. خالي رائف مقاطعنا وما بعرف السبب حتى أنا مقاطعة أختي بسبب غيرتها مني وتفرقة بابا الله يرحمه بينا.. عيلتنا فيها سر شبيه بلعنة!.. قالت شو سبب هالمشاكل يلي بينكم؟.. قلتلها زوجها سيء الطباع وأكيد ما بدها آخد حدا أحسن منه.. طول عمرها أنانية ولئيمة.. وهيك كانو أخوات ياقوت وزاد حقدهم وحقارتهم معها بعد دخول بسام لحياتهم.. قالتلي مين بسام؟!.. قلتلها رح أحكيلك هلأ بس إحكيلي كيف أبدأ بالتخاطر؟!.. قالت لازم نشتري كتب ونقرأ كتير عنه ونشوف ناس تساعدنا لنعرف شو لازم نعمل.. وأنا ضروري أعرف تفاصيل أكتر عن الدفاتر لأساعدك.. أوثقي فيّه.. وبالنسبة لخالتك رح نلاقي خطة جهنمية تخلينا ناخد منها كل شي بدنا ياه على طبق من ذهب!.. وبهاللحظة الهام شهقت وقالت في واحد قاعد على الطاولة لوحده.. لفيت راسي.. شفت واحد جهم عم يشرب قهوة ويدخن سيجارة.. قلتلها خليكي هون شوي وبرجعلك

يتبع..

من بعد هاليوم تكثفت مكالماته ووسيم كان بعرف بكل شي لأنه كان يراقبني بالمطعم وشافني بس طلعت معه وواجه أمي وقلّها هاد الشخص يلي تركتني عشانه وكان بشوفها بالمطعم.. أنا كنت عم بتجاهله بس أمي كانت خايفة على سمعتي وإنه يخربها.. وهاد يلي كان بعمله.. يلي خوّفنا إنه فجر كان بهاليوم جاي ليقرأ كتاب وبس سألته عن شو.. قال كتاب قصائد شعر.. صوّرلي منه وبعتلي على الواتسب.. كان بشبه نوع الشعر يلي كانت تكتبه ياقوت.. وكان عم بحكيلي عن أحلام بتراوده وخيالات.. ما كنت عم بحكيله شي عنها لأشوف لوين رح يوصل.. قلّي إنه بحلم بتنين رجال كبار بالعمر برمو مرة جوا بير.. وبشوفهم ولد صغير من بعيد.. الولد الصغير بخبر راعي بده يسحب مي من البير إنه أمه وقعت فيه.. وبطلب منه ينزل بحبلة ويسحبها بالليل.. وبوخدها بدفنها تحت شجرة بلوط.. وبتكون لابسة خاتم ياقوت أحمر.. الراعي بعد ما يحفر بترك المنكاش بعيد وبقرّب من المرة وبحاول يسحب الخاتم من إيدها بس الولد بضربه بالمنكاش بقوّة وبقتله وبدفنهم جنب بعض وبطمر التراب فوقهم.. قال إنه هالحلم تكرر كتير.. ودائماً كان في بنت بتطلب منه يروح يطلّع الخاتم من تحت شجرة البلوط!!.. الهام كانت مصدومة.. وقالتلي لازم أعد للعشرة قبل لأوثق فيه.. بس أنا كنت مندفعة ورحت شفته وحكينا وقلتله إني بملك دفاتر عن هالبنت.. وإنه في شي إسمه تخاطر وهاد يلي صار بينّا.. ولازم أعرف شو كنية أمه لأتأكد إنه كل شي صحيح.. الكنية كانت النفيس بس ما كان حابب يحكي إسم أمه لأنه قلي إنه بكرهها كتير وما بده يتذكرها!!.. خبّرني إنه في شي خلّاه يحب هالمطعم ويروح عليه.. الهام كانت خايفة عليّه وأجت زارتني بالبيت ومعها كتب عن التخاطر الوجداني.. وقالتلي كيف بقول إنه الأم وقعت بالبير وفي بإيدها خاتم ياقوت ووالد ياقوت كان من عيلة فقيرة؟!.. وصفه للخاتم كان متل وصف ياقوت للخاتم يلي أهداها ياه آسر.. الشكل تماماً.. بس يلي حيّرني إنه ياقوت ما ذكرت شي عن هالتفصيل وهوه ما بعرف أبداً شكل الخاتم كيف لأنه مكتوب بالدفتر وهالأشياء تفاصيل صغيرة صعب أي شخص يعرفهم بهالسهولة والإتقان المتناهي بالوصف!!.. من وقت ما دخل حياتي ما أرتحت ولا شفت النوم ولا قدرت أسرح بخيالي.. وأمي كانت حاسة في شي عم بصير من بعد ما خسرت شغلي بالبنك والمطعم.. سهرنا وقرأنا الكتب وكان عم يتواصل معي وعم يخبرني إنه حلمه عم يتكرر أكتر من بعد ما عرفني!.. وبطلب مني يعرف أكتر عن الدفاتر وعن مكان البيت.. كان بده يخلص من البنت يلي بتراوده بأحلامه وبتقله جيب الخاتم.. بس الهام كانت تحكيلي ما أحكي ولا شي.. قرأت أحلام كل دفاتر ياقوت الثلاثة وأنا كنت عارفة شكل شجرة البلوط وبيتهم القديم والمنطقة بس ما قلتله.. كان بدي أرتاح من الصراع الداخلي يلي مو مخليني أتطمن أو أتطمن لهالإنسان.. وطلبت من الهام فكرة تخلينا نعرف معلومات من خالتي.. بس أنا كنت ضايعة وكنت شاكة بكتير أمور وخايفة أعطيه الثقة!.. لأنه الثقة أكتر شي بخليني أندم لو ما كان قدّها.. تركت الهام ورحت لغرفة لوحدي كان بدي أسرح بخيالي وأشوف آسر.. بس هالمرة ما شفته.. ما أعطاني أي إشارة!.. وما عرفت السبب!!.. دخلت لعندي الهام وقالتلي بعد ليلتين خلصت.. ودرست الدفاتر والكتب كاملين.. وصار لازم أحكيلك شو لازم تعملي

يتبع..

وما حدا بقول هيك إلا إذا متردد.. كان ممكن يقول منطقة معيّنة بس هاد تلميح.. حكيتلها مين ممكن يكون الشخص؟!.. حكت إذا ببعد ساعة عنكم يبقى الشخص إيناس!.. لا تنسي إني بس قلتلك إني شاكة بسلام طلع كل شي صحيح.. ولحسن الحظ بقعدتنا سوا بالبيت إنتي حكيتيلي عن كل شي.. وبما إنه إيناس عايشة ببلدة ثانية يبقى بيته هناك!.... نهاية اغسطس 2017.. ما توقعت أحب فجر.. وأعترفله بكل شي.. بالدفاتر ومحتواهم وبمشاعري.. ما توقعته يكون آسر يلي بخيالي.. لأنه من بعد ما ظهر بحياتي إختفى آسر يلي عم بتخيّله!.. بس في شي كان مخوفني ما كنت عارفة مصدرة.. ولأتطمن قلت لأمي عن فجر.. وحكيتلها ممكن يكون إبن ألماس.. وبعرف تفاصيل عن الدفاتر.. حكتلي كيف رح توثقي فيه وتحكيله على مكان البيت؟!.. قلتلها رح أروح معه.. ما بنعرف شو ممكن نلاقي!.. قالت هاد البيت قديم كتير وممكن يكون إنسكن حالياً أو انهد واتعمر فوقه بيت جديد أو مطعم أو منتجع أو أي شي تاني!.. قلتلها لو بقيت الشجرة موجودة لليوم رح أتأكد من وجود البيت.. ياقوت وصفت كل شي وصف حرفي.. قالت مو متطمنة.. خايفة عليكي.. وخالتك ما عم ترد.. بدي أعرف منها تفاصيل وإذا هاد إبن ياقوت!.. ليه ما بده يقول إسم أمه؟!.. حكيتلها لأنه أكيد في سر!.. برغم إني خايفة بس ما بعرف ليه حاببته.. حاسة وجهه وملامحه وشكله وصفاته نفس ما وصفت ياقوت آسر!.. كيف ممكن هيك شي يرجع يتكرر يا أمي!.. حكتلي وين الهام؟!.. قلتلها طلعت تتأكد من أسماء تانية من النفوس.. هالبنت تعبت معي!.. نحنا تواصلنا مع الناس يلي طلعناهم من مواقع التواصل وإتأكدنا إنهم ما بفيدونا ومستحيل واحد منهم يكون إبن ألماس.. ما في غير فجر بعرف هيك تفاصيل!.. بس عدم وضوحه وتخبايته لإسم أمه قلقنا.. قالت أمي يعني الهام راحت لتدوّر على إسم أمه كمان مو هيك!.. قلتلها صحيح.. وعم نحاول نلاقي طريقة نقدر نجيب خالتي لهون!.. حكت بعد شو.. ما بدها حتى تسمعني!.. إنطرق الباب.. كان الهام.. سألتها شو صار؟!.. قالت ما بقي ناس من عيلة النفيس.. ويلي صدمني إنه حتى فجر ما إله معلومات.. قلتلها يعني ما عرفتي إسم أمه!.. حكت لأ ما لقيتله أي معلومات!.. أمي خافت وارتبكت وحكتلي إبعدي عنه.. إتركينا من هالعيلة مشان الله!.. قلتلها أنا حبيته.. وحاسيته قريب مني كتير.. وما بقدر أبعد عنه!.... مساء الأول من أغسطس 1917.. كنت بالبيت محجوزة بغرفتي من ثلاث أيام.. ونضال كان يجي ويهدد بسلاحه ويطلع.. بابا كان مريض فعلاً.. وما قبل إعتذاري.. أمي فهمته إني طلعت بإرادتي وما قبل يصدق بسام.. كان بحالة صدمة من كل شي صار وعم يصير.. الحرب وخسارته للأراضي وللبيت ونحنا وكلام الناس عنّي بالحي!.. وفوق كل شي إبن أخوه والماضي.. إنعزل وأنا كنت عم بقوى بآسر يلي كان عم يجيني كل ليلة وعم يطمّني بلحظات خاصة وحلوة وقلي رح ياخدني على بيته!.. وطول الليالي الماضية وئام ما تركتني وكانت سلام

موجودة بغرفة إنجي ووجودها كان بالإلزام من نضال.. ما كنت عارفة ليش.. كنت مع وئام بالغرفة وقدرنا نكسر الخشب يلي على الشباك عن طريق السيف الضالع.. وكان الباب مفتوح بسبب الخلع يلي صار.. راقبنا الحي والحديقة وإنتظرنا يجي هالشخص برغم خوفنا بس ما أجا طول الليالي الثلاثة!.. بليلة نهاية الأسبوع كنا نايمين.. وكان رواد بحرس البيت برا.. والجنود عم يحومو متل المعتاد.. إنفتح الشباك وطلع هوا قوي والشموع كلهم إنطفو فجأة.. فتحت عيوني.. وإتطلعت من الشباك.. ما كان في حدا.. بس حسيت في حركة جنب الشجرة.. قررت إني انزل ووئام بقيت على السرير نايمة.. فتحت الباب.. كان البيت هادي.. نزلت على الدرج.. وحطيت إيدي على قلبي.. لوصلت للباب الخارجي.. فتحته بالمفتاح وشقّيته شوي.. كانت الحديقة فاضية وهادية.. وما في صوت حتى لرواد.. لمحت خيال.. كان عم يروح ويجي.. وأنا ما قدرت أصبر أو أرجع.. فتحت الباب أكتر.. وطلعت لبرا.. الهوا كان قوي.. والشجر عم يهتز.. وصوت دبابات بهدوء عم تمشي.. بسبب الهوا باب البيت سكّر.. إنقفل بالكامل!.. وأنا ما عرفت أرجع أفتحه!.. انحجزت بالحديقة.. وناديت على رواد.. شفته قاعد كرسي بآخر الشجرة وحامل مسدس.. ناديته فتّح عيونه.. وقرّب لعندي.. قلي شو في ياقوت خانم ليه إنتي برا؟!.. قلتله حسيت في حركة غريبة.. وحدا عم يمشي قريب من الباب وباب البيت إنقفل ومو عارفة أدخل.. قال خليكي وأنا رح أشوف.. حكيتله إعطيني المسدس وأنا بشوف.. راح بإتجاه الباب وأنا رحت بسرعة لعند الشجرة.. شفت آثار حفر عميق بالأرض كتير هالمرة وقريب من الشجرة!!.. وبهاللحظة ظهر بالظلمة حدا بوجهي!.. كان قريب كتير.. ووجهه بالظلمة مو واضح!.. قلتله مين إنت؟!.. قال بهدوء.. آسر.. حاولت أرجع للبيت كان الباب مقفول.. وشايفته لسه واقف جنب الشجرة.. حتى رواد اختفى!.. ناديت عليه كان صوتي مبحوح والجنود برا.. شفته بلوحلي بإيده وبده أقرّب منه.. شفت بإيده شي.. كان خاتم ياقوت أحمر واضح وبلمع!.. ومن عنده رماه لعندي.. كان تحت رجلي.. مسكته وإتطلعت عليه.. كان نسخة عن الخاتم يلي لبّسني ياه آسر بالخيال.. نسخة طبق الأصل!!.. رفعت وجهي ما لقيته.. كان مختفي.. ورواد قريب مني من اليسار بحكيلي بهدوء يا خانم عم بنادي عليكي!.. قلتله وين كنت؟!.. وين رحت!!.. قال تفقدت الباب برا.. الجنود بكل مكان.. لازم حدا يفتحلك.. وين عم تتطلعي؟!.. رحت بإتجاه الشجرة.. وهوه قرّب مني.. قلتله مين حفر هون؟!.. قال صحيح آثار حفر وعميقة كتير!!.. حكيتله صحيح مين يلي حفر هالحفرة الصغيرة العميقة!.. قال ما بعرف.. يمكن شي حيوان أو فارة أو حشرة.. قلي ليه عم تتلفتي حواليكي.. في حدا ؟!.. رحت بإتجاه الباب وفجأة فتح.. كانت سلام.. قلتلها لوين رايحة وليه صاحية بهالوقت ؟!.. شفتها أرتبكت وقالت حسيت في صوت برا لهيك فتحت الباب.. أنا كنت رايحة للحمام.. دخلت للصالة وقفلت الباب.. قلتلها رايحة للحمام ولابسة الجاكيت؟!.. إنتي ليه اجيتي لعنا ؟!.. نضال شو بده منك فهميني!.. حكت لبسته لأنه الجو بارد وما إلك حق تعرفي.. ما بطلعلك حتى تسألي بعد الخراب يلي سببتيه للكل.. شفتها طلعت وأنا كان بإيدي الخاتم.. طلعت للغرفة وقفلت الباب.. وئام قامت.. قلتلها كان تحت وشفته وإختفى فجأة.. إعطاني الخاتم!.. هاد نفسه صدقيني يلي لبسني ياه آسر.. شوفي!.. قالت أوف شو هاد!.. بذهل مو طبيعي.. حجر ياقوت أصلي!.. واضح إنه غالي كتير!.. حكتلي ووين راح؟!.. قلتلها ما بعرف.. حاسيته شبح ظهر وفوراً إختفى.. ما عرفت ألاقيه.. كلام بسام صحيح.. بابا دفن جدتي تحت.. وهاد هوه خاتمها!.. أنا كل شي عم بشوفه إله علاقة بماضيها يا وئام.. وصرت عم بحس إنه هالشخص يلي بشوفه برا الزلمة هوه يلي كانت تعرفه جدتي!.. قالت شو قصدك؟!.. إنه ميّت وروحه معها بالمكان؟!.. شفتها ضحكت وكانت خايفة وقالت مستحيل.. حكيتلها مو عارفة.. بس لو كان هيك كان ما قدر يأثر.. أنا سمعت صوته وفتح الخشبة بإيده.. أكيد ليعطيني الخاتم.. بس ليش؟!.. أنا السيف لسه موجود معي.. لازم أحكي مع بابا.. لازم أعرف منه كل شي عن الماضي وما رح أقدر أصبر للصبح.. بدي أعرف كيف دفن جدتي تحت ومين يلي كانت تعرفه.. مو قادرة أصبر.. وفجأة سمعت صوت أمي بتصرّخ.. فتحت الباب وشفت أخواتي عم ينزلو على الدرج.. وئام نزلت معي تركض.. طلعت أمي من الغرفة ونادت يا بنات تعالو بسرعة أبوكم مات!

يتبع..

لأنه مكتوب لإلي.. وكنت عارفة إنه وصيّة المختار رح تتحقق.. بإني أختار شريك حياتي وأحارب عشانه حتى لو كان بكل العالم حرب وكل شخص حواليّه عم يحاربني.. بس برغم كل الظروف وبإرادتي إخترت.. وتأكدت من يلي كان لازم أتأكد منه لأتطمن.. إنه حبّني متل ما أنا وبأسوء صورة.. وكنت عايشة أحلى مشاعر.. كانت حقيقية وقريبة وواضحة هالمرة كتير.. وكنت فرحانة إنه القدر حرّر الأسير الخيالي المأسور بعالمي الخاص وخلّاه واقع شايفته متل مو شايفه كل البشر.. كان الزنبق بكل المستشفى وريحته بكل مكان.. كان بنشر السعادة من خلاله أو ببحث عني فيه.. ببحث عن يلي كتب عنها بخياله لتحس وتعرفه!.. لأنه كان مآمن فيّه ومآمن بالحب وبالتلاقي متل ما كنت أنا مآمنه بإنه رح أتلاقى فيه يوماً ما.. قلتله كنت عارفة إنك كنت عم تدوّر عليّه بس ما كنت بتعرف إني معك من سنين.. وزنبقتك برغم إنها نشفت بقيت معي لليوم.. أنا لقيتها بالمدرسة من بعد ما قطفتلي ياها بخيالي وعرفت إنها منك!.. متل ما كنت دائماً معي.. كان كلامك بوصلني.. قليّ وكلامك دائماً كان بوصلني وكنت بحس فيكي.. كان في شعور بأكدلي إنك موجودة وإنه كل شي بكتبه مو لفراغ.. وما مليت ولا توانيت إني أبطّل أكتبلك.. لوقت ما تأكدت اليوم إنك حقيقة يا أحلى من كل الزنبق يلي موجود على الأرض.... مارس 2018.. إلتقيت أنا ومرجان بألمانيا.. كان بدرس ماجستير إدارة أعمال.. تعرّفنا وحكينا وقرأنا آخر دفتر.. الدفتر المفقود يلي كان بحتوي على القصائد والزنبقة الناشفة.. قلّي خالتك من سلالة العم الثالث لياقوت.. كان إسمه عايد.. إنفقد بعمر 5 سنين بالوقت يلي كان أبو ياقوت عمره 9 سنين وأخوه الكبير 14 سنة.. تزوج عايد بالعشرينات من عمره وكان لسه مفقود.. خلّف بنت إسمها ميسلون ومات بالسبعينات من عمره.. بعد نهاية الحرب الأولى بعشر سنين لقى أهله.. بنته كانت متزوجة وفكّرت إنه إلها ورث من العيلة.. أخدت الطبع السيء والقسوة من أبوها يلي حقد على عيلته لأنه ضيّعوه وكانت حقودة متله.. دخلت حياة ياقوت بالقوة.. وكانت ياقوت بالثلاثين من عمرها بعد ما ورثت المال عن أخت المختار بعد موتها.. وبنت عايد ميسلون كانت متزوجة وعندها بنتين.. الكبيرة عبلة والصغيرة فريدة.. بقيت ميسلون بتطالب بالورث من ياقوت ويلي مو من حقها.. ياقوت تزوجت سرمد واعترفتله بكل شي وعرفت إنه تخاطرها معه تحقق!.. خلّفت منه بنتها ألماس.. ياقوت قررت تعلم بنات بنت عمها كيف يحبو بعض وسكنتهم معها ومع بنتها في بيت المختار يلي وهبوه لإلها العيلة.. وعاشوا سوا بعد موت أمهم.. في عام 1930 كانو بنات ميسلون كبار وبقيو مع ياقوت وألماس.. وياقوت علمت ألماس عالحُب لكن بنات ميسلون كانوا سيئين وأطباعهم طالعة لأمهم السيئة.. كبرو سوا برغم شخصياتهم السيئة وسائت بعد فترة الحرب العالمية الثانية.. فريدة الصغيرة سرقت المذكرات بعمر العشرين.. وألماس بهالوقت كانت مراهقة.. تأثرت فريدة بالمذكرات بعد قراءتها كل الصفحات.. وعاشت حالة إكتئاب قويّة وماتت بعد فترة قصيرة بسبب حزنها على أمها وكرهها لأختها وعدم إيجادها لشخص متل آسر.. في عام 1942.. ألماس صارت بالعشرين من عمرها وعبله تزوجت وخلفت ولد إسمه حليم.. ألماس ورثت الدفاتر بعد موت فريدة وبقيت متأثرة فيهم بعد موت ياقوت بسنوات وإحتفظت بالخاتم منها.. إبن عبله حليم تزوج سنة 1957 وخلّف بنتين.. جمانة وهادية وولد إسمه رائف.. وألماس صارت بالأربعين من عمرها.. بعد إنفصال أبوه عن أمه وأخذه لإبنه.. رباه أبوه عالكره والحقد ونفاه عن أمه وأخواته بسبب الورث الوهمي.. ماتت الأم فجأة وألماس ربّت بنات حليم.. أم فاتنة وأم وسيم.. وعلمتهم عالحُب متل وصيّة أمها.. وسلمتهم المذكرات والخاتم بعد زواجهم.. ألماس تزوجت بعد فترة طويلة من عمرها لأنها كانت خايفة ما تلاقي الإنسان يلي بتتمناه بسبب تعمقها بمذكرات ياقوت ودخول آسر لحياتها.. بس إلتقت بشخص حنون وطيّب حبّها وحبّته وتزوجته وخلّفت مرجان وماتت.. وبالبحث عرف كل تاريخ عيلتها.. أم وسيم بعد زواجها خربطت بالصناديق

رح أراهن على نفسي وأصدّقك لأنه أنا إحساسي ما بخيب وبصيرتي دائماً مفتوحة.. وحاسس إنه كلامك طلع بصدق كامل.. وطلّعت يلي ما قدرت تطلّعه للدكتورة رونان.. بس ما في داعي تحس إنك ضعيف.. كلنا بنمر بلحظات ضعف.. الناس @rwayate بشوفو الظاهر فينا.. بس ما حدا بعرف المخبى جواتنا يا آصف.. وجودك هون رح يكون إلزامي بسبب الجرائم اللي إسمك فيها.. بس بوعدك إني رح أكشف الحقيقة.. وبس أكشفها رح أوكّلك أحسن محامي وعلى حسابي الشخصي لو إتطلب الأمر لهالشي.. مر شهر وأنا بالسجن.. وما كنت بعرف شو كان عم يصير برا.. بس المعلومات كانت بتوصلني مع فرسان وأمي كانت بتزورني كل أسبوع وكنت بشوفها بتتعب كل مرة أكثر وأكثر.. وما كانت بتقلي بالتفصيل شو عم بصير معهم.. بالأخص بعد إنكسارها بسبب إختفاء تغريد.. تم إخلاء سبيلي بدون لأعرف الأسباب.. وفرسان قلّي بس تطلع برا رح تفهم.. القضية قريباً رح تتسكّر.. حكيتله عرفت المجرم؟!.. ما قبل يجاوبني وطلّعني.. ما كنت فاهم كيف دخلت وطلعت.. بس في شي صار.. وكان بدي أعرفه!!.. رجعت على الشارع العالي.. وأمي إنصدمت من رجوعي.. قالتلي إنه راوية كانت بتساعدها بالمصاريف وكانت بتبيع ملابس صوف من صنع إيدها لمحل ملابس وماجدة إنعزلت مع بنتها لارا وبطّلو يطلعو أو يشوفوها.. قلتلها رح أروح بنفسي لعند ريما بنت صاحب البيت وأحكي معها.. نحنا لازم نطلع من هون.. قالتلي ولو طردتك؟.. حكيتلها هالمرة ما رح أسأل ولا رح أتأثر.. إتصلت مع أيلول وسألت عنها.. قالتلي إنها أجّلت مناقشة بحثها بسبب الظروف يلي صارت وبسبب اكتئابها.. قلتلها ما في شي رح يتأجل.. طلبت أشوفها.. وقعدنا بمكان برا.. حكيتلها نحنا لازم نكشف الحقيقة.. طلّعوني وما بعرف ليه.. وحاسس إني مراقب بس كله لأسباب بالتأكيد.. أنا بدي أعرف الأرواح شو كانوا بدهم منا.. وليه صارت كل هالحفلة!!.. وليش كانو خايفين يحكو وشو كانو حابين يوصّلو.. أمي قالتلي إنه الشارع هدي من بعد دخولي للسجن وإختفاء أختي.. بس ليه؟!.. ملامحها ما كانت بتقول هيك.. يمكن كان تخدير لشي قوي رح يصير.. حكتلي شو يعني حابب نخاطر؟!.. قلتلها أكيد.. خلينا ندخّل القوى الأكبر منهم.. الجن.. قالت وأنا حابة آخد حق هبة من يلي كسر فرحتها.. (راوية حالياً).. ما قدرت أترك الشارع وبقيت فيه لأنه القصة صارت بتعنيني بسبب الوقت الكبير يلي أخدته.. ست أشهر ونص وأنا عايشة على أعصابي وخايفة وتعبانة ومتحملة ضغط.. بس ما كنت عارفة إنه الست أشهر الباقيين رح يكونو أصعب.. كنت حاسة إنه النيابة أخفو عني شي.. وتهرّب فرسان من أسئلتي كان عم يقهرني ويثير فضولي.. لهيك بقيت بالشارع لأتحدّاهم وأثبت إني قادرة أبقى وما أستسلم.. وكنت عم براقب آصف وبشوفه بقابل أيلول وبتفقو على شي أنا ما كنت عارفته.. بس من بعد ما طلعت وراهم آخر مرة.. عرفت إنهم زارو واحد خبير بالأرواح وبتعامل مع الجن إسمه السيد كنز.. ووقتها فهمت لشو حابين يوصلو.. (آصف قديماً).. السيد كنز أعطانا تعويذة سحرية رح تخلينا نشوف يلي صار لهالعيلة بسنة 52 بشكل مختصر ونعيد الماضي.. وهالشي بواسطة جن من زعماء الجن الكبار.. رح يتحكّم بكل الأرواح ويمنعهم يخربو علينا أي شيء حتى الشرير منهم.. بس كان عنا تخوّف من خسارة حدا منا.. كان المفروض نبعد الشرطة عن المكان وحتى راوية لنقدر نكشف الحقيقة.. أمي حسّت إني عم بخطط لشي بالأخص إني طلبت منها أخد أرغد وأيوب لبيت أهل أيلول ليلة وحدة.. وبقيت بتسألني ليش؟!.. بعثناهم وأيلول رجعت معي للشارع.. قالتلي حابة أتأكد من شي.. طرقت باب نجلاء وسألت عن راوية.. قالتلها إنها راحت لبيتها وكان وضعها غريب.. حكتلي إتأكد إنه وجودها بهالشارع إنتهى!.. قلتلها شو عملتي؟!.. نحنا ما إتفقنا نأذيها.. عملتي شي؟!.. ما جاوبتني وحكت الليلة رح نفهم كل شي.. ونكشف حكاية ثروت باشا العالي يلي سمّوه بالسفاح.. ووقتها رح نرتاح.. بقيت أيلول بتستنى المسا.. وبرودة الطقس كانت قوّية هالليلة.. كانت الساعة سبعة.. قلتلها الساعة سبعة وستة وعشرين دقيقة رح أقرأ التعويذة بصوت عالي.. ورح نشوف شو رح يصير.. عدّينا الدقايق لصارت الساعة سبعة وستة وعشرين دقيقة.. وقرأت التعويذة بصوت عالي.. الشجر إهتز مع كلامي.. الغيوم غطّت القمر.. والعتمة زادت أكثر.. أصوات صراخ طلعت من البيت.. وخبط وتكسير مع كلامنا.. وكان واضح إنه الجن حضر.. وعم يأثر عليهم.. كنا بعاد عن البيت كثير.. بس قادرين نشوف ونسمع يلي بصير.. سمعنا ضجة قويّة وصراخ والهوا إشتد أكثر.. وفجأة المكان هدي.. وباب البيت إنفتح.. طلع منه زلمة بشبه اللي بالصورة يلي مع راوية.. وعرفنا إنه ثروت باشا العالي.. قفل الباب بالمفتاح ومشي بإتجاه الشارع لفوق وراح بعيد.. رجلينا أنا وأيلول إنسحبو للبيت.. ودخلنا لجوا.. شفنا نفسنا جوا بيت فخم كبير حيطانه خشب مزيّنة بالنقشات الهندسية.. كان حلو وكبير.. شفنا مرة قاعدة على الكنبة مع مرة ثانية.. قلت لأيلول ثريا اللي على اليمين.. قالتلي يبقى فايزة يلي على الشمال..