📚قصص||روايات||منوعة📚

rwayate

الجزء الثالث

بعد مرور عشر دقائق رن تلفون ندى
مسكت ندى الموبايل بتردد
ندى: ششششو ساوي
خليل: اهدي شوي شغلي مكبر الصوت ردي يلا

ردت ندى وشغلت المكبر
ندى: اااالو
دانة: ماما...ماما الله يوفقك تعي خديني من هون الله يوقفك
وفصل الخط فورا

ندى: لك لا تسكر ياكلب بدي بنتي(تبكي) بدي بنتي
خليل: طولي بالك رح نلاقيها

حسان: ممكن شوي سيدي
خليل: يلا جاية

حسان: سيدي الرقم يلي وصل منو المسج طلع لواحد بياع موبايلات وقال انو في اكتر من خط باسمو بس بايعهن يعني الخط مو معو وما بيعرف مين يلي اشتراه وما قدرنا نلقط اشارتو لانو الخط صار خارج الخدمة والخط يلي اتصلو منو هلق كمان صار خارج الخدمة
خليل: اكيد عم يشيل الخط ويقصو لحتى ما نقدر نوصلو بس لهلق ما عرفنا شو بدو
سماع بتحط مراقبة ع بياع الموبايلات وبتجبلي تقرير مفصل عن ندى وهدى بسرعة
حسان: حاضر سيدي

ندى: وصلي مسج تاني اكيد هاد الخاطف
خليل: هاتي لاقرأ المسج

______
المسج

يا ندى خانوم انتي هلق سمعتي صوت بنتك بس اذا ما بتنفذي يلي قلنالك عليه رح تكون هي اخر مرة بتسمعي فيها صوتا وهلق رح اعطيكي وقت مشان تفكري

________

ندى: (تبكي): بدي بنتي شو ما بدهن بساوي بس يرجعولي بنتي
خليل: اطمني ما رح يعملولها شي
ندى: شو ما طلبو بدي ساوي المهم بنتي تكون سالمة
خليل: اكيد اكيد
الشرطي: سيدي كل مرة عم يبعتو من رقم شكل والرقم فورا عم يصير خارج الخدمة ما عم نقدر نحدد مكانو
خليل: طيب مارح نستفيد من هالشغلة لبقا تتبعو الاشارة هدول اذكياء كتير

حسان: سيدي ممكن شوي
خليل: يلا اجيت لعندك
حسان: سيدي جبتلك كل المعلومات عن الست ندى واخت ها الست هدى
خليل: اي خبرني
حسان: الست ندى كانت متزوجة بعمر صغير لواحد كبير بالعمر اسمو السيد شوقي كان رجل اعمال جابت منو بنت وهي دانة المخطوفة حاليا وبعدها بفترة توفى وبعدو تزوجت السيد توفيق يلي هو زوجها حاليا كان يشتغل تاجر صغير بس وقت تزوجتو اعطتويلي طلعلها من ورثتها وورثة بنتها مشان يشتغلو وهلق هو تاجر كبير
خليل: ممممم هاد يعني انهن اغنياء كتير والخطف بداعي السرقة
حسان: اكيد سيدي
خليل: طيب وهدى شو عرفت عنها
حسان: اي سيدي الست هدى كانت متزوجة بس هلق مطلقة وعايشة ببيت اهلها لحالها لانو اهلها متوفيين وما عندن اخوات بس هنن والست هدى اشتغلت فترة وارباحها كمان حطتهن مع زوج اختها مشان يشغللها ياهن
خليل: ايوا طيب ماشي يعطيك العافية
حسان: الله يعافيك سيدي

بعد ساعتين رجع وصل مسج

مسكت ندى الموبايل واديها عم يرجفو
ندى: الموبايل مممسج
خليل: طيب هاتي لشوف شو بعت
ندى: تفضل
______________
المسج
اكيد هلق بتكوني فكرتي منيح هلق رح اتصل وخبرك شو المطلوب بس انتي ما لازم تفتحي تمك بحرف وإلا رح تخسري بنتك للابد
______________

ندى: من شان الله بدي بنتي(تبكي)
خليل: هلق بدك تركزي منيح شو بقلك اهدي

رن ا لموبايل

خليل: يلا مسكي شغلي المكبر
الشرطي: سيدي نراقب الاتصال
خليل: ما في داعي مافي فايدة
يلا ردي

اخدت الموبايل ردت وشغلت المكبر
@rwayate

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الرابع

اخدت ندى الموبايل ردت وشغلت المكبر

الخاطف: مممممم ممتاز هلق اي حركة غلط بتعمليها مصير بنتك الموت تذكري منيح الموت
ندى: (تبكي)
الخاطف: المطلوب منك بس عشرة مليون بعرف حياة بنتك اغلى من هيك بس انا عم خفف عليكي ههههههههه
معك تجهزين لبكرى الصبح وانا بحدد المكان والزمان

وفصل الخط
ندى:(تبكي) رجعولي بنتي يلي بدو ياه بعطي ياه بس يرجعلي بنتي بترجاكن ما بدي انتو تساوو شي بس بدي بنتي ترجع لحضني
خليل: ولا يهمك هلق نحنا ما رح نساوي شي لترجع البنت
ندى: ما معنى وقت لازم المصاري يكونو هون بكرى الساعة سبعة بترجاك
خليل: طيب انتي معك هون بالبلد هاد المبلغ
ندى: انا اكيد لأ لازم حاكي زوجي

اخدت ندى التلفون واتصلت بزوجا

ندى ( تبكي): الحقني طلبو فدية عشر ملايين ....... كيف ما معك هلق لازم تدبرهن معنا وقت بس لبكرى الصبح سبعة لازم يكونو معي هون بالفيلا ..... بترجاك عميل اي شي ...... طيب ماشي عم انتظر لا تطول
هدى: خلص اختي طولي بالك

بعد مرور ثلاث ساعات

خليل: الموبايل عم يرن
ندى: هاد زوجي
الو ..... اي كتير منيح ايمتة بيوصلو ...... شو بكرى ع الساعة ستة ما بيمشي الحال قبل هاد الوقت ...... طيب ماشي بتمنى ما يعملولها شي لبنتي...... ماشي سلام
هدى: شو قال
ندى: قال انو رح يحولهن ولازم بكرى الساعة ستة نروح نقبضهن
هدى: اي كتير منيح ولا يهمك اختي بنتك رح تكون منيحة انشالله
ندى: انشالله

تاني يوم الصبح رحت انا وندى جبنا المصاري ورجعنا ع البيت

الساعة سبعة
ندى: وصل مسج من الخاطف

__________
المسج

اكيد هلق المصاري صارو معك بتاخدي المصاري انتي لحالك ومعك المصاري الساعة تنتين بليل بتوقفي بالساحة الرئيسية وبس تجي السيارة بتنزلي بتحطي المصاري بالسيارة وبنتك رح تكون معنا بالسيارة بس ما رح نعطيكي ياها فورا لحتى نتأكد من المصاري انن مظبوطين ولحتى ما تفكري تعملي اي شي غلط بس يكون بعلمك اي اطلاق نار بصير السيارة بوووووم هههههههههه

_____________

خليل: هاد الشي مو عدل يعني مارح يعطونا البنت لحتى ياخدو المصاري
ندى: خلينا نعمل متل ما قالو بركي برجعوها
خليل: وفرضي مثلا اخدو المصاري وما رجعو البنت شو الضمان
ندى: ما بعرف ما بعرف المهم عندي انو البنت ترجع سمعت بدي بنتي ورح ساوي يلي قالو عليه وانتو رجاءً لا تتدخلو ما بدي يصير ع بنتي شي
خليل: طيب يلي بدك ياه

وبقينا اعدين لصارت الساعة وحدة قامت ندى وجهزت حالها وطلعت بالسيارة وراحت ع الموقع يلي خبروها عنو

الشرطي: سيدي نلحقها
خليل: لا خلينا نشوف شو رح يصير

بعد ساعتين رجعت ندى وكانت عم تبكي

هدى: اختي طمنينا شو صار
ندى: الحمدلله بنتي منيحة انا شفتا منيحة
خليل: احكيلنا بالتفصيل شو صار
ندى: رحت ع المكان يلي قالولي عليه وبقيت اكتر من ساعة بالسيارة ما كان حدا يجي وبعدين اجو بقيت بالسيارة بس ما حدا طلع منها امت انا نزلت ورحت لعند السيارة ترددت اول شي ما كان مبين فيها حدا لانها مفيمة وبعد شوي فتحت الباب شفت بنتي(تبكي) كانت مربطة ما قدرت تحكي معي بس كانت عم تبكي وقالولي حط الشنتة وارجع ع سيارتي وانو اذا مشيت سيارتهن ما الحقها ابدا والا رح يقتلو بنتي حطيتها ورجعت وبعد شوي مشيو بالسيارة وانا استنيت شوي قلت بركي بترجع بنتي بس ما شفتا وقمت رجعت ع البيت
خليل: طيب ما قالولك ليش طولو اكتر من ساعة لرجعو
ندى: امبلا قال انو كانو عم يتأكدو انو مافي حدا ابدا بالمنطقة
خليل: ممممممم طيب ما شفتي حدا منهن
ندى: اكيد لا كانو ملثمين
خليل: طيب ما ميزتي حدا منن من صوتو
ندى: كمان لا
خليل: مممممم طيب ما شفتي رقم السيارة
ندى: اذا بتريد انا تعبانة كتير ومو قادرة احكي واصلا ما شفت شي عم قلك كان عتمة كتير انا بس بدي بنتي ترجعلي واكتر من هيك ما بدي
خليل: طيب عراحتك

الصبح الساعة سبعة رن التلفون الارضي بالبيت ركضت ندى وردت فورا

الجزء الخامس

ركضت ندى وردت فورا

ندى: الو.....بنتي دانة ياعمري .... وين انتي ...... اي اي يلا جايين لعندك
خليل: شو صار وينها هية
ندى: قال زتوها بالشارع وهية عم تحكي من سوبر ماركت ع الطريق خلينا نروح نجيبا
خليل: طيب ماشي

رحنا بالسيارات ع المنطقة يلي قالت عليها وجبنا البنت ومشطنا المكان ما عرفنا اي شي عن الخاطفين
وبعدين رجعنا ع الفيلا

خليل: انسة دانة نحنا لازم نحكي معك مشان نكمل التحقيق

ندى: انت عنجد عم تحكي مو شايف البنت تعبانة ومرعوبة لازم ترتاح وبكرى نخنا منجي لعندكن وبتحكيلك كلشي هلق ياريت تتفضلو تروحو لانو البنت تعبانة
خليل: طيب ماشي عم نستناكي بكرى
ندى: اكيد اكيد مع السلامة

طلعنا كلنا من الفيلا وانا كنت عم استنى بكرى بفارغ الصبر لحتى اكشف ملابسات هي الجريمة

تاني يوم الصبح اجت ندى وبنتها دانة واختها هدى لعندي

خليل: اهلا وسهلا مدام ندى شرفتو
ندى: اهلين فيك
خليل

📚قصص||روايات||منوعة📚

rwayate

: كيفك انسة دانة انشالله تكوني ارتحتي
دانة: اي الحمدلله ارتحت
خليل: وهلق بدي تحكيلي بالتفصيل شو صار معك من قبل ما تصير حادثة الاختطاف
دانة: كنا انا وخالتي سهرانين وامي كانت لسا مو جاية يعني كان بدها لسا شي ساعة وكنا انا وخالتي هدى تعبانين كتير بالشغل قام قلنا لحالنا ننام شوي لبين ما تجي امي ورحنا كل وحدة ع غرفة بعد شي نص ساعة حسيت بصوت غريب عندي بالغرفة فقت لقيت في ناس ملثمين بغرفتي شمموني شي بالمحرمة وما عاد حسيت ع شي غير اني فقت لقيت حالي مربطة ومو قادرة اتحرك عطوني موبايل و قالولي احكي مع امك وحاكيتها ورجعو خدروني مرة تانية وبعدين فقت لقيت حالي بسيارة كمان كنت مربطة وبعد شوي شفت امي فتحت باب السيارة وانا صرت قلها خديني معك بس ما قدرت كانو هدول الملثمين معي بالسيارة وامي حطت الشنتة وقالولها روحي ع سيارتك وراحت امي رجعو خدروني فقت الصبح لقيت حالي بالسيارة بس مو مربطة زتوني بالطريق ومشيو بسرعة قمت بقيت امشي للقيت سوبر ماركت واتصلت ع البيت واجيتو اخدوني
خليل: ما شفتي رقم السيارة
دانة: كنت تعبانة كتير ما قدرت شوف السيارة منيح وبعدين هنن مشيو بسرعة
خليل: طيب ما قدرتي تميزي حدا من صوتو
دانة: كمان لا كنت كل الوقت مخدرة ما كنت وعيانة منيح يعني
خليل: طيب انا هلق رح ابعتك ع المشفى وهنيك هنن رح يفحصوكي
ندى: مافي داعي بنتي ما فيها شي الحمدلله
خليل: بس نحنا لازم نتأكد من صحتها ضروري وهاد اجراء امني ممنوع تعترضي
ندى: طيب ماشي

بعتناها ع المشفى فحصوها وعملولها تحاليل وقالولنا انو نتيجة التحليل بتطلع بعد ساعتين
وبعد ساعتين طلعو نتائج التحاليل وبعتولي ياهن لعندي ع المكتب ورجعو لعندي ندى وهدى ودانة

ندى: سيد خليل انا ما اطلعت ع التحاليل قالولي انو صارو عندك فيني اخدهن
خليل: اي فيكي بس بالاول نحنا لازم نحكي شي ضروري
ندى: ليش في شي بتحاليل بنتي
خليل: بصراحة اي في بس مارح احكي فيهن هلق بعدين بخبرك شوفيهن
ندى: طيب هلق شو بدك تقول
خليل: نحنا عرفنا مين يلي خطف بنتك يا مدام ندى
ندى: شووووو مستحيل كيف عرفتو ما خلو ولا دليل وراهن كيف عرفتوهن
خليل: مين قلك ما تركو ولا دليل هدول الخاطفين اغبياء كتير مفكرين حالهن بيعرفو يلعبو ع الشرطة
ندى: شو يعني مين هنن
خليل: للأسف يا مدام الخاطف هو انتي واختك وبنتك
ندى: شو هالتخريف هاد انا واختي بدنا نخطف بنتي لا وبنتي متهمة معنا كمان الظاهر انتو ما قدرتو تلاقو المجرم حبيتو تلزقوها بضهرنا ههه شو هالمسخرة
خليل: مدام ندى انتي ليش انفعلتي هيك انا لما عم اتهمكن اكيد مو بلا ادلة
ندى: طيب ورجيني وين الادلة تبعك
خليل: الدليل الاول انو اختك قالت انو الحادثة صارت الساعة تسعة وهنن نايمين انتي وين كنتي بهاد الوقت
ندى: اكيد بالمطار كنا انا وانت سوا شو نسيت
خليل: طيب مو من المفروض بهل الوقت تكوني بالبيت لولا انو ضاعت شنتايتك بالمطار
ندى: اي انا اتصلت باختي وخبرتها انو ضاعت شنتايتي واني رح اتأخر
خليل: بس يا خانوم بسجلات الاتصال مبين عنا انو هدى هي يلي اتصلت فيكي مو انتي
هدى: اي اي انا اتصلت فيها مشان شوفا اذا وصلت وخبرتني انو شنتايتها ضايعة بالمطار ورح تتأخر بس اختي نسيت مين يلي اتصل
ندى: اي هاد يلي صار صح
خليل: طيب وقت اتصل الخاطف وقال انو المصاري لازم يكونو جاهزين الصبح ما حدد اي ساعة بس انتي خبرتي زوجك انو لازم يكونو جاهزين الساعة سبعة الصبح وبالفعل المسج تبعو وصل الساعة سبعة
ندى:(تلبكت) اي صدفة
خليل: ووقت رحتي شفتي بنتك بالسيارة قلتي انو ما قدرت تحاكيكي ولما حكت بنتك عن يلي صار معها قالت انو حاكتك
ندى: اي بتكون نسيت
خليل: طيب نحنا شفنا الكميرات يلي بالمطار ويلي بين انو اختك حاكتك قبل ما يطلعو الشناتي وبعد ما سكرتي شفتي شنتايتك وتجاهلتيها
ندى: لا هاد الشي مو صحيح وان كان صحيح شو دخلو بقصة الخطف
خليل: يلي صار انو الحارس يلي بالفيلا التانية تأخر لراح لهيك اضطريتو تأجلو عملية الخطف وبهاد الوقت و انتي مو لازم تكوني موجودة لهيك عملتي انو ع اساس ضاعت شنتايتك مشان تتأخري

@rwayate

📚قصص||روايات||منوعة📚

rwayate

📚قصص||روايات||منوعة📚

rwayate

الجزء السادس(الاخير

ندى: لأ هاد الحكي مو مزبوط ومافي منو
خليل: والشي يلي منعكن انو تبقو ببيت هدى لانو البيت كان ببناية والناس طالعة ونازلة يعني الخطف منها شبه مستحيل لهيك بقيتو بالفيلا وصرفتو الخدم والحارس صح مدام هدى
هدى: لا انا قلتلك انو بقينا بالفيلا لأنو هي كانت رغبة دانة
خليل: طيب يا مدام ندى انا بعرف انو انتي واختك حاطين مصاري مع زوجك مشان يشغللكن ياهن ولما سألت عن المبلغ طلع انو انتي كنتي حاطة سبعة مليون واختك مليونين ونص يعني قريب العشرة مليون وهاد المبلغ يلي انطلب فدية
ندى: مافيك تعتمد ع هاد الشي
خليل: اكيد لأ بس هاد يلي خلاني شك فيكن
ندى: كل هدول ادلة غير ملموسة
خليل: ولا يهمك في ادلة ملموسة
ندى: شو هية هات لشوف شو عندك
خليل: اول شي انا طلبت انو كل الموبايلات بالبيت تتراقب ونحنا عنا علم انو انتي معك موبايل تاني بالبيت هو يلي كنتي تحكي في مع الخ اطفين وتعطيهن المعلومات
ندى: ههه شو هالتخريف منين جايب هالحكي
خليل: بتحبي تسمعي شوي
ندى: ....
خليل: سمعي لكان

وشغلت الشريط المسجل

ندى: الو سماع منيح اياك تتصل وتحكي معي كتير ابعت مسجات بس ووقت بدك تحكي حاكيني بأقل من دقيقتين سمعت
الخاطف: حاضر مدام ندى

خليل: شو عطيني رأيك بالدليل
ندى: .......
خليل: بحب طمنك انو نحنا عرفنا مكان الخاطف من البداية بس حبينا نكمل معك اللعبة لنشوف شو بدك تساو
ندى: .....
خليل: شايفك سكتي حابة تسمعي كمان طيب سمعي هي

_______________________
هدى: تعالي دانة لنفهمك شو لازم تقولي للمحقق بس يسألك عن يلي صار
دانة: اي خالتي قوليلي شو قول
هدى: لازم تفهمي انو كنتي كل الوقت مخدرة لحتى ما يحاول يسحب منك كلام ابداً
دانة: طيب اوكي بس شو مشان اني حاكيت امي ع الموبايل
ندى: بتقولي انك صحيتي وقالولك احكي مع امك حكيتيني وبس سكرو رجعو خدروكي
دانة: ماشي امي متل ما قلتي رح قول

_______________________

خليل: هاد الحديث يلي سمعتي سجلناه بجهاز كنا مركبينو بالفيلا بعد ما رحتو مشان تجيبو البنت
ندى: ......
خليل: وبالفحوصات يلي عملناها لدانة بين معنا انو مافي اي اثر لمخدر يعني ما كانو عاطينها شي ابداً وهاد دليل كافي يدين فعلتكن انتو التلاتة
هدى: قلتلك بلا ما ندخل الشرطة ما قبلتي قلتي احسن مشان زوجي يسدقن
ندى: خلص اخرسي مو فكرتك الخطف
خليل: هلق احكولي ليش عملتو هيك
ندى: انا واختي حطينا كلشي معنا مصاري مع زوجي مشان يشغلهن ويعطينا ارباحنا وصار يشتغل ويعطينا الارباح بس صرت لاحظ انو هو مصاري عم تكتر وتكتر بس نحنا ارباحنا هي هية ما عم تزيد بنوب اكتشفت بعد فترة انو عم يطالع مصاري كتير وعم يضحك علينا بهل كم قرش يلي عم يعطينا ياهن واجهتو بهل الشي قلي انو هدول حقو لحالو لانو هو يلي عم يشتغل ونحنا ما بيطلعلنا شي بس عم يتحنن علينا لهيك طلبت منو يعطينا المصاري تبعاتنا بس ما قبل ابدا لهيك اقترحت اختي نخترع قصة الاختطاف مشان نرجع حقنا وبس وما بدنا منو شي وبدها انا بطلب الطلاق ومنشتغل انا واختي بالمصاري تبعنا ما كان بدنا شي اكتر من هيك سدقني
خليل: هاد مو مبرر ابدا لتعملي هالشي كان فيكي تلجأي للقانون
ندى: كان قدر يطالع حالو متل الشعرة من العجين واصفى انا واختي وبنتي ايد من ورا وايد من قدام
خليل: بس هاد كلو ما بيسمحلك تلجأي للسرقة الغاية لا تبرر الوسيلة
ندى: معك حق نحنا غلطنا كتير بس مافي عنا حدا نلجألو لا اب ولا ام ولا حتى أخ ياخود حقنا
خليل: بس لا تنسي انو في الله وهو يلي بحاسب العبد
ندى: صحيح معك حق هلق انا ندمانة كتير
هدى: وانا كمان ندمانة
دانة: وانا
خليل: هلق الندم ما عاد يفيد العدالة لازم تاخود مجراها
يا شرطي تعال خدهن
قصة واقعية
انتهت.
@rwayate📘💙

📚قصص||روايات||منوعة📚

rwayate

#جريمة_اختطاف.. قرلءة ممتعة🎶💙" #ⴅმძ3Һค

📚قصص||روايات||منوعة📚

rwayate

بـدايـة الـقـصـة..🌟

📚قصص||روايات||منوعة📚

rwayate

📚قصص||روايات||منوعة📚

rwayate

قصة جديـدة: #الف_عام_مـن_العشق❤️✨

#ⴅმძ3Һค