📚قصص||روايات||منوعة📚

قصة جديدة: #التائه ............. قراءة ممتعة🦋💙"

rwayate

بـدايـة الـقـصـة..🌸✨

📚قصص||روايات||منوعة📚

rwayate

📚قصص||روايات||منوعة📚

rwayate

قصة جديدة: #وأمطرت_لؤلؤاً
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

#وأمطرت_لؤلؤاً
#الجزء_الأول
#بقلم_فتاة_من_ورق

*طلعت من المشفى و مشيت بالطريق مبسوطة لاني اخدت راتبي ، شهر تنين و الدنيا برد كتير ، بطريقي صرت اتأمل الناس و المحلات وقفت قبال محل معلق على الواجهة جاكيت جوخ لونو رمادي صرت اتأمل هالجاكيت و تطلعت على جاكيتي المهتري قررت ادخل و اسأل عن حق هالجاكيت...

ماسة : يعطيك العافية .
البائع : الله يعافيكي ، كيف بقدر اخدمك ؟
ماسة : هالجاكيت شو سعرو ؟
البائع : خمس الاف ليرة .
*فوق راتبي كنت مستلمة الفين ليرة مكافأة ، ما رح يصير شي لو اشتريتو ما بتذكر بحياتي اشتريت شي براتبي مع اني بتعب كتير بكل ليرة بحصلها بحكم شغلي كممرضة...
ماسة : بدي اشتريه .

*حملت الكيس و طلعت كملت مشي صرت امشي بسرعة لحتى اوصل عالبيت و البس الجاكيت يا الله شو حلو و شو مرتب...

عواطف : شو اجيتي ؟
ماسة : اي ماما كيفك .
عواطف : منيحة استلمتي راتبك ؟
ماسة : اي تفضلي ماما .
عواطف : ليش بس 9 الاف ؟
ماسة : اشتريت هاد الجاكيت شوفي شو حلو .
عواطف : من كل عقلك ؟
ماسة : اي ماما تعالي معي رح البسو و انتي عطيني رأيك .

*سحبت امي من ايدها و ركضت على غرفتي لبست الجاكيت و صرت اتأمل حالي بمرايتي المكسورة .

عواطف : انا شو عاملة لربي لحتى رزقني ببنت انانية متلك ؟
ماسة : انا ؟
عواطف : اي انتي انتي وحدة انانية بدال ما تشتري جاكيت كنتي اشتريتي لحمة لاخواتك .
ماسة : بس ماما انا ولا مرة اشتريت شي الي راتبي كلو لاخواتي .
عواطف : راتبك يا دوب يكفي اكل .
ماسة : ماما بترجاكي خليني انبسط بالجاكيت .
عواطف : كيف الك قلب تنبسطي فيه وانتي نقصتي من مصروف البيت ، الله يرحمو ابوكي لو كان عايش ما كنت احتجت منك ليرة .
ماسة : ليش هيك بتعامليني كاني ما بنتك ؟ انتي شفتي البنات يلي بعمري كيف عايشين ؟
عواطف : البنات يلي بعمرك عايشين احلى عيشة ببيت زواجهن ما متلك انتي صار عمرك 29 سنة و لهلأ ما حدا دق بابنا .
ماسة : وانا شو ذنبي اذا الله ما كتبلي اتزوج هلأ بسبب شكلي .
عواطف : ولا رح تتزوجي بحياتك خلص عنستي و مشي الحال ، اشحلي هالجاكيت و حاولي ترجعيه بكرى و تعالي هلأ مشان تتغدي .

*رجعت لفيت الجاكيت لحتى رجعو معها حق امي انا عنست و ما بيلبقلي عيش متل باقي البنات...
__________________________________________

نسرين : نديم بمكتبو ؟
السكرتيرة : اي يا خانم بس
نسرين : عمليلنا فنجانين قهوة انا فايتة لعندو .
السكرتيرة : بس ما فيكي تدخلي على مكتبو هلأ .
نسرين : ليش ؟
السكرتيرة : المدير عندو اجتماع مهم مع مديرة مصنع ال
نسرين : لا تكملي حكيك و معك خمس دقايق لتكون القهوة جاهزة .

*فتحت الباب بسرعة و دخلت...

نديم : تشرفت فيكي مدام يارا .
يارا : الي الشرف استاذ ان شاء الله بكرى بتكون عندك الطلبية .
نسرين : حبيبي .
نديم : نورتي حبيبتي .
نسرين : مطول ؟
نديم : لا خلص الاجتماع .
يارا : انا بستأذن .
نديم : اذنك معك .

نديم : شو هالمفاجأة الحلوة .
نسرين : عجبتك ؟
نديم : بتجنن .
السكرتيرة : القهوة يا خانم .
نسرين : خديها و اطلعي لبرا .
السكرتيرة : حاضر .
*مشيت و قعدت على كرسي نديم ...
نسرين : ايمتا بتوصل بدلتي من ايطاليا ؟
نديم : بعد يومين .
نسرين : بأي بلد شهر العسل ؟
نديم : بكندا .
نسرين : تمام .
نديم : اشتقتلك .
نسرين : يا عمري وانا اشتقتلك وعم فكر صير اجي معك كل يوم عالمكتب .
نديم : مشان ما تشتاقيلي ؟
نسرين : لا مشان ما تصافح ولا وحدة ؟ انت بأي حق بتصافح هي الغبية يارا ؟
نديم : هي مديرة معمل الدهب و اشتريت منها كمية كبيرة من الدهب مشان المجوهرات يلي بدنا نصنعها قريبا و صافحتها بمعنى انو تمت الشروة .
*قمت من عالكرسي و قربت من نديم و مسكت ايديه...
نسرين : ايديك هدول ملكي انا حبي الك الو اكتر من سبع سنين و ما بسمح لأي وحدة غيري تمسك ايدك .
نديم : امرك ما رح صافح ولا وحدة بعد اليوم .
نسرين : يلا هلأ امشي معي .
نديم : لوين ؟
نسرين : بابا عازمك عالغدا .
نديم : الله يخليلي هالبابا على هالخلفة .
نسرين : نديم شبك من ايمتا بتحكي بهي الطريقة انت ارقى من هيك .
نديم : اسف حبيبتي يلا امشي .
__________________________________________

باليوم التاني...

*طلعت من البيت و رحت على المحل...
ماسة : انا مبارح اشتريت من عندك هاد الجاكيت .
البائع : اي متذكرك بدك اصغر ؟
ماسة : لاء انا بدي رجعو .
البائع : اسف ما برجعو .
ماسة : بس انا مضطرة رجعو .
البائع : ما تشتريه بالاساس ترجيع ما برجع .
ماسة : ماشي يعطيك العافية .

*فرحت كتير لما رفض يرجعو ، وصلت على المشفى و لبست الجاكيت و رحت لعند رفقاتي ...

مرح : شو هالجاكيت الحلو ماسة .
نهال : عنجد كتير حلو من وين جبتيه .
ماسة : امسكي هاد كيس المحل اذا بدك تروحي تشتري متلو .
مرح : وانا بدي اشتري متلو بس ان شاء الله ما يكون غالي .
نهال : ليش ايمتا ماسة اشترت شي غالي .
راما : ماسة في عملية للدكتور احمد لازم تنزلي على غرفة العمليات بعد ما تجيبي

📚قصص||روايات||منوعة📚

rwayate

المريض من الغرفة رقم 21 .
ماسة : حاضر .

*مشيت لوصلت على الغرفة 21...
ماسة : مرحبا .
سامي : اهلا .
ماسة : المريض ليث عملية لوز .
سامي : اي .
ماسة : يا روحي كم عمرك انت ؟
ليث : 8 سنين .
ماسة : يلا حبيبي امشي معي .
ليث : بتوجع العملية ؟
ماسة : لا حبيبي ابدا ما بتوجع .
هيام : انتبهي على ابني .
ماسة : بعيوني .
*حملت الطفل لحتى اخدو على غرفة العمليات...
هيام : سامي ابني ما رح يصرلو شي ؟
سامي : لا تخافي حبيبتي ما رح يصرلو شي ، خلص بكفي بكي عملية بسيطة .
*كان مبين عليهم عيلة بحبو بعض كتير ابتسمت و كملت طريقي و دعيت بقلبي الله يديمهن لبعض ...
__________________________________________

ماري : اصحي يا خانم رئيف بيك بدو ياكي .
نسرين : يا الله شو بدو بابا .
ماري : ما بعرف .
نسرين : طيب اطلعي لبرا هلأ .
ماري : حاضر يا خانم .

نسرين : صباح الخير .
رئيف : صباح النور حبيبتي .
منى : شو كل هالنوم يا عروس .
نسرين : لسا ما صرت عروس ماما .
منى : ضل 4 ايام لعرسك و ما بدك قلك عروس !
نسرين : بابا كان بدك ياني ؟
رئيف : اي بنتي كان بدي ياكي بخصوص زواجك من نديم .
نسرين : بابا هاد الموضوع حكينا فيه كتير بعرف انو نديم اغنى منك بس انا مو اخدتو غير لاني بحبو .
رئيف : و مصلحة ابوكي ؟
نسرين : بابا مستحيل حول زواجي لمصلحة ابي او امي او ايّ حدا بالدنيا .
رئيف : ماني طالب منك شي غير بكتبلك معمل العصير باسمك بحجة انو هاد حقك .
نسرين : مستحيل بابا مستحيل لاني بعرف منيح مصلحتك من هالشي انت بدك ياه يكتب المعمل باسمي و بعدين على اساس بعتك ياه و تصير تضارب على معمل رامز بيك لانو في تارات قديمة بينك و بينو .
رئيف : صدقيني يا بنتي بهي الطريقة بتصيري انتي لحالك اغنى من نديم و كل عيلتو .
نسرين : لآخر مرة بقلك بابا زواجي من نديم تتويج لحبنا مو زواج مصلحة ، انا بدي امشي هلأ بشوفكن المسا .
منى : الله معك بنتي .
رئيف : ايمتا بدو يكبر عقلها بنتك .
منى : معها حق ما لازم تلومها .
رئيف : المشكلة انو رامز بيقرب نديم و لو عرضت على نديم اشتري المعمل رح يعرف رامز و يفهم اني بدي ضارب عليه لهيك طلبت من نسرين هالطلب .
منى : ريح بالك من هالقصص عندك اعداء كتير ما ناقصنا كمان اعداء .
__________________________________________

ماسة : الحمدلله على سلامتو .
سامي : الله يسلمك ايمتا رح يخرجوه ؟
ماسة : عالاغلب بعد 4 ساعات .
هيام : ابني الحمدلله على سلامتك حبيبي .
ماسة : ما رح يقدر يحكي هلأ ولا تخافو عليه عملية بسيطة و بيتحسن بسرعة .
هيام : ان شاء الله .

*طلعت من غرفة الطفل و دخلت على غرفة تانية فيها مرة عجوز هالمرة الها شهر بالمشفى و تعودت كل يوم روح اتطمن عليها و احكي معها ، الختيارة مريضة بالضغط و السكري اولادها حطوها بالمشفى لحتى ما يهتمو فيها ، ما حطوها بدار المسنين مشان ما ينحكى عليهن هيك خبرتني ...

ماسة : صباح الخير خالة خديجة .
خديجة : ايّ صباح صار الضهر تأخرتي عليي .
ماسة : حقك عليي بس كان عندي عملية ، ليش ما اكلتي ؟
خديجة : ناطرتك انتي تطعميني انا ما بحب اكل لحالي .
ماسة : من عيوني .
خديجة : بتصدقي لو عندي ابن اعزب كنت خليتو يتزوجك والله انتي مافي منك المفروض يكون عندك ولاد هلأ .
ماسة : هاد نصيبي يا خالة وانا رضيانة فيه .
خديجة : ما حدا سأل عني اليوم ؟ ما حدا طلب يزورني ؟
ماسة : لا .
خديجة : ايييي على هالدنيا ربيتهن لحالي تركت الدنيا كرمالهن و لما كبرو تركوني كرمال الدنيا .
ماسة : لا تزعلي يا خالة رح يحسو بقيمتك و يرجعو .
خديجة : ايمتا رح يحسو بقيمتي لما موت ؟
ماسة : بعيد الشر عنك يلا كلي من ايدي مشان تاخدي الدوا .
__________________________________________

نسرين : كيفو حبيبي .
نديم : اهلا يا عمري كمان اليوم عاملتيلي مفاجأة .
نسرين : اي و كل يوم رح اعملك مفاجأة ، شوفي على مكتبك ليش خبيتو هيك ؟
نديم : مافي شي لا تهتمي .
نسرين : بدي اهتم بعد خليني شوف .
نديم : منطلع نشرب شي ؟
نسرين : نديم بعد بدي شوف شو هاد الشي يلي خايف اني شوفو .
نديم : لا نسرين كرمالي بتشوفيه بعدين .
*قربت من المكتب بسرعة و بعدت الاوراق يلي كان مغطي فيهن هالشي و وقفت مصدومة...
#وأمطرت_لؤلؤاً
#الجزء_الثاني
#بقلم_فتاة_من_ورق

*قربت من المكتب بسرعة و بعدت الاوراق يلي كان مغطي فيهن هالشي و وقفت مصدومة...
نسرين : شو هااااد !!!!
نديم : هاد العقد انا عملتو و عم حط لمساتي الاخيرة عليه لانو رح يكون هدية زواجنا .
نسرين : بجنن كتير حلو بعمري ما شفت عقد بجمالو .
نديم : ما كان بدي ياكي تشوفيه هلأ كنت حابب خليه مفاجأة .
نسرين : نديم خليني جرب البسو .
نديم : لا لسا في كم الماسة مو ثابتة منيح .
__________________________________________

ماسة : حارقة قلبي هالمرة الختيارة .
مرح : شي منو كتير .
ماسة : عم فكر اتصل على حدا من اهلها يجو يتطمنو عليها و يفرحو قلبها .
مرح : ما رح تستفادي شي لو بدهم

📚قصص||روايات||منوعة📚

rwayate

يجو يزوروها كانو زاروها من زمان .
__________________________________________

بعد مرور يومين كلشي مرتب و منظم متل ما بدي و احلى لبست بدلتي و نزلت لشوف نديم ناطرني...مسك ايدي و باسها و مشينا بلشنا نحقق حلمنا بهاليوم توجنا حبنا يلي الو سنين طويلة ، رقصت معو وكل الناس عيونها علينا دعيت ربي يديم حبنا و ما يفرقنا...

نديم : الي سنين ناطر هاليوم حبك خلاني حب الحياة .
نسرين : حبك خلاني انسانة جديدة انسانة ما بتخاف من شي غير خوفي اني افقدك .
نديم : الله لا يفرقنا .
__________________________________________

ماسة : ما بحب الشفت المسائي .
داليا : هاد شغلك لازم تحبيه و ما تنسي الثواب يلي بتاخديه .
ماسة : بحب شغلي و بنبسط فيه بس بحس بهالوقت بتجينا حالات مخيفة حوادث و هيك ، هاد الشي يلي بكرهني بالشفت المسائي .
__________________________________________

باليوم التاني سافرنا انا و نديم لنبلش شهر العسل ، كان كلشي حلو غريب و جديد ...

نديم : ليكي هاد الرسام بدي خليه يرسمك .
نسرين : اممم اي موافقة خليه بس يرسمك معي .
نديم : اول رسمة انتي لحالك بدي حطها بمكتبي و ضل اتأملها .
نسرين : اوكي .

صار الرسام يرسمني و نديم واقف عم يتفرج عليي بعد لحظات بنتبه انو في بنت صارت تحكي مع نديم...تركت الرسام و رحت لعند نديم .

نسرين : خير شو بدها ؟
نديم : سائحة عربية مفكرتني ابن بلد و عم تسألني عن اماكن .
نسرين : ما لقت غيرك ؟!
نديم : انتي ليش قمتي من عالكرسي ؟ لسا ما خلص الرسام .
نسرين : لانو هي حكت معك انتبهت كيف راحت لما انا جيت .
نديم : لا هي خلصت حكيا بس انتي ليش هيك تصرفتي .
نسرين : لاني بغار بغار عليك بحترق بموت اذا شي وحدة قربت منك و حكتك .
نديم : حبي الك ما بينقص ولا بيتغير لو حكيت مع بنات العالم كلو و هلأ يا حبيبتي ريحي بالك و ارجعي اقعدي عالكرسي خليه يكمل رسم .
نسرين : اوكي .
__________________________________________

ماسة : امي انا اجيت .
عواطف : اي منيح بدلي تيابك مشان تساعديني بشغل البيت .
ماسة : حاضر ، وين اخواتي ؟
عواطف : ببيت جدك .
ماسة : شو اخدهن ؟ بيت جدي ما بدهن يانا .
عواطف : عمتك اجت اخدتهن بدون ما تحكي معي .
ماسة : ابي توفى و تركنا بمشاكلنا مع اهلو .
عواطف : لا تلوميه هو كان يحكي الحق ودايما ياخدلي حقي منهن بس هن بيكرهو الحق لهيك كرهو ابوكي و كرهوني .
ماسة : ما فهمت كيف حن قلبهن على اخواتي .
عواطف : لانو اجا عمك من السفر و هو طلب يشوفهن .
ماسة : وما سألو عني ؟
عواطف : لا .
ماسة : رح بدل تيابي و اجي ساعدك .

*وقفت قبال المراية و صرت اتأمل حالي...ليش هيك حياتي ؟! بيت جدي بيكرهوني لاني بشبه امي و امي بتجافيني و بتقسى عليي لاني الكبيرة...معقول يجي يوم و تصير حياتي احسن ؟! معقول يجي حدا يعوضني عن كل هالايام ؟! انسي ماسة انتي صرتي كبيرة بالعمر وما حدا رح يطلع فيكي .
__________________________________________

بعد مرور شهر...

نسرين : بتصدق مع انو انبسطت كتير بس حسيت برياحة اول ما وصلنا على بلدنا .
نديم : شي طبيعي ، هلأ وين بتحبي تروحي لعند اهلك ولا لعند اهلي ؟
نسرين : على بيتنا .
نديم : امرك .

*مضت الايام و بلشنا حياتنا الحلوة بشكل طبيعي ، نديم بشغلو و انا ضليت بعادتي كل يومين روح لعندو على المكتب...

نديم : حبيبتي بما انو اغلب وقتك عم تمضيه هون شو رأيك تصيري تساعديني .
نسرين : اي موافقة .
نديم : تصيري مساعدة المدير منو بتضلي مريحة بالك اتجاه البنات و منو اذا صرلي شي انتي بتديري الشغل .
نسرين : بعيد الشر اذا بصرلك شي بموت انا ، لا عاد تحكي هيك .
نديم : ما عاد احكي .
نسرين : زعلت منك .
نديم : خلص قلتلك ما عاد احكي اسف حبيبتي .
نسرين : بدي مكتبي جنب مكتبك .
نديم : شو رأيك تجيبي كرسي تحطيه جنب كرسيي بكفينا مكتب واحد .
نسرين : ههههه رايحة جيب كرسي .
نديم : وحياة عيونك الحلوة من اليوم رح بلش بتجهيز مكتبك .
نسرين : اوكي انا هلأ راجعة عالبيت اليوم رح يجو اهلي و اهلك لعنا و عندي شوية تجهيزات .
نديم : ماشي حبيبتي انا ما رح اتأخر اليوم عندي كم شغلة رح خلصهن و ارجع عالبيت .
نسرين : ناطرتك .
__________________________________________

ماسة : كيفك يا حلوة .
خديجة : انا ختيارة شو حلاني .
ماسة : بالعكس كل يوم عم تحلي اكتر و اكتر .
خديجة : الله يسعدك يا بنتي .
ماسة : اخدتي الدوا ؟
خديجة : اي .
ماسة : تعشيتي ؟
خديجة : لا ناطرتك نتعشى سوا .
ماسة : اي ليش لا .
خديجة : لما كانت بنتي صغيرة ما كانت تقبل تتعشى اذا ما تعشيت معها .
ماسة : وينها بنتك هلأ ؟
خديجة : مسافرة .
ماسة : ايمتا اخر مرة اجت ؟
خديجة : والله يا بنتي ما بعرف ايمتا اخر مرة اجت هه يمكن اجت و سافرت بدون ما اعرف انا و بدون ما تزورني .
ماسة : انا متأكدة لو اجت رح تزورك انتي امها و البنت ما بتقسى على امها .
خديجة : ان شاء الله يا بنتي .
ماسة : يل

📚قصص||روايات||منوعة📚

rwayate

ا هلأ خلينا ناكل مشان تنامي و بكرا رح اخدك مشيكي برا المشفى .
خديجة : و زور ابني ؟
ماسة : منشوف ليش انتي كم ولد عندك هون ؟
خديجة : 3 صبيان و بنت ، عندي ابن عايش هون وهو يلي اختار يحطني بالمشفى و صبيين و بنت مسافرين برة البلد .
ماسة : الله يجمعك فيهن .
خديجة : امين .

*بعد ساعة طلعت من عند خديجة...

ماسة : وين قهوتي .
نهال : تفضلي بس بردت و انتي عشتي بغرفة هالختيارة .
ماسة : والله بتحرق القلب كيف ولادها بيقدرو يعملو فيها هيك .
نهال : في كتير من امثالها .
مجهول : ساعدونيييييي بسرعة بسرعة نقالة رح يموت الشب .
#وأمطرت_لؤلؤاً
#الجزء_الثالث
#بقلم_فتاة_من_ورق

مجهول : ساعدونيييييي بسرعة بسرعة نقالة رح يموت الشب .
ماسة : خير شوفي .
مجهول : انا انا سائق شاحنة و عملت حادث مع سيارة الشب ساعدوه انقذوه لا تخلوه يموت .
نهال : يا الله الدم مغطيه
ماسة : بسرعة احكي مع الدكتور عمر انا رح اخدو على الطوارئ .
نهال : حاضر .

*حطينا الشب على النقالة و وديناه على الطوارئ ، كان كلو دم ما مبين منو شي ، بالنسبة الي هالمنظر كان ابشع منظر بشوفو بالمشفى ...

الدكتور عمر : على غرفة العمليات .
ماسة : حاضر دكتور .

*وانا بطريقي على غرفة العمليات كان الشب عم يتمتم بكلمات مو مفهومة...خيطنا الجروحة بعد ما طالعنا بقايا الزجاج من جسمو و جبرنا الكسور و نقلناه على غرفة...كانت حالتو صعبة كتير مع انو مبين عليه شب صغير بالعمر ما تعدى ال35 .

بصباح اليوم التاني...

نديم : انا وين ؟!
ماسة : الحمدلله على سلامتك انت عملت حادث و هلأ بالمشفى .
نديم : اي اي متذكر كلشي .
ماسة : هلأ رح تجي الشرطة و تستجوبك .
نديم : ما بدي احكي مع حدا بدي نسرين احكي مع نسرين .
ماسة : حاضر من عيوني عطيني رقمها .
نديم : سجلي عندك .
ابو علي : كيفك يا ابني كيف صرت .
نديم : اهلا !
ابو علي : انا صاحب الشاحنة .
نديم : خير ؟
ابو علي : سامحني يا ابني والله بعرف انا الغلطان وانا جاي عكس الطريق بس كان ابني مريض و مشيت عكس الطريق لحتى لحقو و صار يلي صار .
نديم : الله بعين .
ابو علي : لو تركتني بالحبس ما رح ازعل والله لاني بعرف حالي غلطان و الشي يلي صار فيك
نديم : لا تكمل يا عمي ان شاء الله بصير خير .
__________________________________________

نسرين : لسا تلفونو مغلق .
منى : الله يستر .
نسرين : كيف بيعمل فينا هيك خبرتو انو اهلي و اهلو جايين كيف بيعمل هيك من مبارح طالع من الشركة و مسكر تلفونو وين راح .
منى : اهدي يا بنتي اكيد رح يجي بس ادعي انو يكون بخير ، تلفونك عم يرن .
******************
نسرين : الو .
ماسة : مرحبا معي نسرين ؟
نسرين : اي مين انتي شو بدك تقولي .
ماسة : انا ممرضة بمشفى سجلي عندك عنوان المشفى و يا ريت تجي بسرعة .
نسرين : بسرعة ! نديم نديم فيو شي ؟
ماسة : بس تجي بتفهمي كلشي .
******************

ام نديم : بنتي شوفي ليش وجهك صار اصفر ؟
نسرين : نديم بالمشفى .
__________________________________________

ماسة : هلأ لازم تعمل كم صورة اشعة غير الصور يلي عملناهن مبارح .
نديم : شو قالتلك نسرين ؟
ماسة : رح تجي .
نديم : اجلي الصور لبعدين بخاف تجي نسرين بغيابي و ما تلاقيني .
ماسة : كيف اجلهن طلبهن الدكتور و كلشي فيك متكسر انت مو شايف حالك كيف كل جسمك مربط و مجبر .
المحقق : لو سمحتي بدنا ناخد افادتو .
ماسة : تفضل سيادة المحقق .
نديم : ما بدي احكي شي هلأ .
المحقق : لازم تحكي لنعرف اذا الحادث مقصود ولا غير مقصود ، شو اسمك اول شي ؟
نديم : نديم حكمت .
المحقق : احكيلي كيف صار الحادث .
نديم : كنت سايق السيارة و فجأة طلعت بوجهي شاحنة معاكسة للطريق كانت هي سريعة و انا مأسرع وما لحقت وقف السيارة او بعدها عن الطريق .
المحقق : عندك اعداء ؟
نديم : لا ابدا .
المحقق : عندك ايّ اضافات ؟
نديم : اي لو السائق متقصد الحادث ما كان جابني عالمشفى لهيك انا بسقط حقي لولاه كنت ميت هلأ .
المحقق : هو مجبور يجيبك عالمشفى لانك لو متت رح تكبر القصة و يمكن يروح فيها مؤبد و بالنسبة لشغلة تسقط حقك هالشي منحكي فيه بعدين ، سلام .

نسرين : وينو زوجي وينو ؟
مرح : مين زوجك ؟
نسرين : اسمو نديم بأي غرفة ؟
مرح : بالغرفة 46 .
نسرين : يا ربي .

*دخلت عالغرفة كانت صدمتي لما شفت حبيب عمري مرمي بالتخت و كل جسمو مجبر و ملفوف بشاش ...

نسرين : نديم حبيبي .
نديم : لا تخافي .
نسرين : شو صاير فيك كيف ما خاف .
نديم : حادث بسيط حبيبتي المهم انتي بخير .
نسرين : كل هاد و بسيط يا روحي انت شو حاسس هلأ

*تركتهن و طلعت من الغرفة ، طلعت مدمعين عيوني...
مرح : شبك ليش عم تبكي ؟
ماسة : المشاهد الرومنسية و الحزينة دايما بتصير قدامي .
مرح : ههههه وبسرعة بتدمعي خلص صار لازم تتعودي .
ماسة : شو اعملك حساسة انا .
مرح : ماسة انا بدي روح على بيتي فطر زوجي و ابني و ارجع لا تروحي على بيتك ، غطي محلي لوقت ارجع انتي ما عندك لا زوج ولا ولاد

📚قصص||روايات||منوعة📚

rwayate

.
ماسة : خلص ولا يهمك .
__________________________________________

نسرين : مين عمل فيك هيك ؟
نديم : حبيبتي مسحي دموعك ولا تشيلي هم شي الحادث بدون قصد صار .
نسرين : حتى لو بدون قصد بدي خليه يتخ بالحبس .
نديم : نسرين شو بدك انتي اصلا انا اسقطت حقي .
نسرين : كيف بتعمل هيك ما لازم تسقط حقك .
نديم : الرجال كبير بالعمر الصبح اجا و تطمن عليي .
نسرين : لايمتا بدو يضل قلبك طيب هيك مع الناس .
نديم : امي و ابي ليش ما اجو معك ؟
نسرين : انا سبقتهن هن عالطريق بكونو .
ام نديم : ابني حبيبي شو صاير فيك .
ابو نديم : لا تشيل هم ابني يلي عمل فيك هيك رح خليه يتخ بالحبس .
نديم : يا ابي شبكن هو كم كسر ليش عملتوها قصة .
نسرين : بتقلي كسر صغير عطوه مراية يشوف حالو شو صاير فيه .
__________________________________________

ماسة : يسعد صباحك .
خديجة : الي زمان صاحية تأخرتي عليي .
ماسة : اسفة بس مبارح جابو شب عامل حادث و اجيت شوفك بسرعة و بدي رد روح مشان ناخدو عالاشعة .
خديجة : لا حول ولا قوة الا بالله شباب هالايام بيسرعو بالسيارة مشان يتفاخرو .
ماسة : لا يا حرام هو ما ذنبو .
داليا : ماسة روحي جهزي غرفة الاشعة مشان المريض نديم غرفة46 .
خديجة : نديم ؟
ماسة : اي نديم هو الشب يلي صاير معو الحادث .
خديجة : نديم شو ؟
ماسة : نديم حكمت .
خديجة : بدي شوفو بدي شوفووو .
ماسة : شو بدك فيه يا خالة .
خديجة : لازم شوفو خديني على غرفتو .

*تطلعت فيها صارت تبعد الحرام عنها و جهزت حالها لتقوم من محلها...

خديجة : يلا خديني .
ماسة : بس انتي ما بتعرفيه ليش مصرة تشوفيه ؟
خديجة : نديم حكمت اسم حفيدييي .
#وأمطرت_لؤلؤاً
#الجزء_الرابع
#بقلم_فتاة_من_ورق

*دخلت على الغرفة كانت كل العيلة متجمعة حوالي نديم...
ماسة : نديم لازم اخدك على غرفة الاشعة .
نسرين : قولي استاذ ما تقولي نديم .
ماسة : اها اوكي استاذ نديم .
نديم : ماشي انا جاهز .
ماسة : بس اول في ضيفة حابة تزوك .
نسرين : مين هي ؟
ماسة : فوتي خالة .

خديجة : حبيب ستك .
نديم : ستي !!!
خديجة : اي ستك يا حبيبي شو صاير فيك .
نديم : ستي انتي منيحة ؟!
خديجة : اي منيحة .
نديم : شعرك ما هر .
خديجة : ليش بدو يهر !
نديم : ستي يعني تحسنتي بعد العملية .
خديجة : عملية شو يا ستي اجيت اتطمن عليك بتسالني هيك اسئلة .
نديم : ابي خبرني انو معك سرطان مشان هيك انتي بالمشفى و كل ما بقلو بدي اجي زورك بقلي حالتك سيئة وبالعناية و ما بخلوني زورك .
ام نديم : شو لزومو هالحكي ابني .
خديجة : ماني مستغربة من حكيك حبيبي كنت متوقعة هيك شي .
ابو نديم : امي !
خديجة : لا تزعل من يلي عم يصير فيك نديم بس هي افعال ابوك عم تنرد فيك و بدي توعدني يا نديم شو ما صار ما ترمي ابوك بالمشفى و تكذب على ولادك .
ابو نديم : امي انا اسف بس حسيت هون اريحلك .
نديم : ستي خليكي هون .
خديجة : بس يروحو زوارك بجي ، بنتي ماسة .
ماسة : نعم .
خديجة : وديني على غرفتي الله يرضى عليكي .
ماسة : حاضر .
ابو نديم : امي بس اسمعيني .
ام نديم : خلص تركا .

*وصلت الختيارة على غرفتها و رجعت لحتى اخد نديم على غرفة الاشعة...

ماسة : بعدو شوي لو سمحتو .
نسرين : بدي روح معكن .
ماسة : اي تفضلي .
نسرين : حبيبي انا جنبك لا تشيل هم شي .
نديم : بعرف حبيبتي لو كل الدنيا تركتني انتي ما رح تتركيني .

*وصلنا على غرفة الاشعة و صارو يصورو الكسور...

نسرين : بدي تنقلوه على غرفة تاني .
ماسة : اي طبعا رح ننقلو عم نجهزا .
نسرين : و بدي ابقى معو فيها .
ماسة : هاد شي بخصك .
نسرين : و انا بعطيه الدوا انتي ما دخلك فيه .
ماسة : انا ممرضة انتبهي لهالجملة و بعامل الكل متل ما عم عامل الاستاذ نديم .
نسرين : وانا مرتو و مستعدة اقتل ايّ وحدة ممكن تقرب منو .
ماسة : عن اذنك انا عندي شغل فوق ، فارس بس تخلص انت طالع الاستاذ على غرفتو .
فارس : حاضر .
__________________________________________

ابو نديم : امي .
خديجة : شو جابك لعندي هلأ روح خليك جنب ابنك .
ابو نديم : اجيت شوفك .
خديجة : بس انا ما بدي شوفك .
ابو نديم : بترجاكي سامحيني يا امي انا والله فكرت هون اريحلك .
خديجة : حتى لو اريحلي ما بتجي بتطمن عليي ؟
ابو نديم : انشغلت بالحياة .
خديجة : صدقني يا ابني متل ما انت قلبك محروق على نديم انا قلبي محروق على فراقك .
ابو نديم : بتحبي اخدك معي اليوم ؟
خديجة : لا .
ابو نديم : ليش ؟
خديجة : ما بدي مرتك تزعل انا مرتاحة هون خلص و الممرضة ماسة صارت بنتي .
ابو نديم : رضيانة عليي ؟
خديجة : قلبي و ربي رضيانين عليك يا ابني ، ما حدا من اخواتك اجا من السفر ؟
ابو نديم : ما حدا اجا ولا بيتصلو حتى .
خديجة : ربيتكن احلى تربية ليش صرتو قاسين هيك .
ابو نديم : الحياة خلتنا نقسى .
__________________________________________

مرح : حدا سأل عني ؟
ماسة : لا .
مرح : طيب خلص روحي على بيتك ارتاحي انتي .
ماسة : ماشي اذا بدك شي

📚قصص||روايات||منوعة📚

rwayate

اتصلي فيني .
مرح : ان شاء الله .
ماسة : باي .
مرح : الله معك .

*طلعت من المشفى و بلشت الدنيا تمطر ، كل الناس عم يهربو من المطر ويتخبو و العشاق ماسكين بايدين و عم يضحكو و يحاولو يدارو بعض من حبات المطر...وانا وحيدة من يوم خلقت وحيدة كنت ماشية تحت المطر بدون مظلة ومع هيك ما حسيت بحبات المطر و قت نزلو عليي و عبوني مي...وصلت عالبيت...

عواطف : ييي شو هاد ليش هيك تيابك .
ماسة : شو هاد يعني امي مبين مطر .
عواطف : اشلحي بوطك و جاكيتك برا ما بدي تبللي البيت .
ماسة : اي حاضر .

*دخلت عالبيت و نمت ، نمت لحتى ما فكر بقسوة امي ، نمت لحتى ما فكر بوحدتي ، نمت لحتى انسى الدنيا كلها ...
__________________________________________

ابو نديم : انا و امك رح نمشي منجي بكرى .
نديم : ماشي .
ام نديم : انتبه على حالك ابني نسرين انتبهي عليه .
نسرين : لا توصي حريص .
نديم : الله معكن .
نسرين : رح ابقى عندك مشان هيك نقلوك على غرفة اكبر .
نديم : كم يوم رح ضل بالمشفى .
نسرين : اربعين يوم هيك قال الدكتور .
نديم : الشغل !
نسرين : لا تشيل هم الشغل ابوك بيستلمو .
نديم : وانتي ؟
نسرين : باقية جنبك .
نديم : الله يخليلي ياكي .
نسرين : يلا نام و ارتاح هلأ .
نديم : يمكن تجي ستي .
نسرين : بس تجي بصحيك .
__________________________________________

*مضى اسبوعين بشكل طبيعي ، كانت نسرين ما تفارقني و اهلي كل يوم يجو ولما بلش الاسبوع التالت...

نسرين : حبيبي انا بدي روح نام بالبيت اليوم .
نديم : ماشي حبيبتي .
نسرين : بجي لعندك المسا .
نديم : رح كون ناطرك .
نسرين : انتبه على حالك .
نديم : وانتي كمان .
__________________________________________

*طلعت من المشفى و رحت على بيتي ...

ليان : شو صرتي بالبيت ؟
نسرين : اي هلأ وصلت .
ليان : لايمتا رح تضلي على هالحالة ولا كانك عروس .
نسرين : ليان انا تعبانة و بدي نام .
ليان : انا و الصبايا بدنا نجي نسهر عندك اليوم .
نسرين : اهلا و سهلا .
ليان : روحي ارتاحي هلأ باي .
نسرين : باي .
__________________________________________

ماسة : ما شاء الله وجهك منور اليوم استاذ .
خديجة : حفيدي من يوم يومو وجهو منور .
نديم : الله يخليلنا ياكي ستي .
ماسة : تفضل الدوا استاذ .
نديم : شكرا .
ماسة : حاسس بوجع لسا ؟
نديم : لا .
ماسة : الحمدلله صحتك عم تتحسن بسرعة و على هيك بالكتير اسبوعين منفك الجبصين .
نديم : ان شاء الله .
ماسة : خالة خديجة بتحبي تبقي هون ولا رجعك على غرفتك ؟
خديجة : بدي ابقى هون .
ماسة : على راحتك ، بستأذن انا .
نديم : اذنك معك .
__________________________________________

ليان : كيفك يا عروس .
زهور : الف مبروك ما قدرنا نجي نزورك بسبب وضعك .
مايا : شو هالبيت هاد بيت ملكة ما بيت عروس .
نسرين : نورتو صبايا .
زهور : بوجودك .
نسرين : تفضلو ارتاحو .
مايا : صحيح يلي سمعناه عن زوجك ؟
نسرين : اي صحيح .
مايا : يا حرام راحت عليكي .
نسرين : شو راحت عليي ؟
مايا : عروس جديد و هيك صار بزوجها .
نسرين : بكرى بيتحسن .
مايا : اي ان شاء الله يتحسن .
نسرين : شو تشربو صبايا ؟
زهور : قهوة .
نسرين : من عيوني .
ليان : وين خدامتك ؟
نسرين : قلعتا .
ليان : اي شو بدك فيها اذا انتي و زوجك عايشين بالمشفى .
زهور : الله يعينك يا نسرين والله حظك بشع .
نسرين : الحمدلله على كل حال .
#وأمطرت_لؤلؤاً
#الجزء_الخامس
#بقلم_فتاة_من_ورق

ماسة : استاذ صار لازم تتعشى مشان تاخد دواك .
نديم : لا ناطر نسرين .
ماسة : بس الدوا ما بينطر استاذ .
نديم : روحي شوفي ستي لتجي نسرين .
ماسة : حاضر استاذ و لما ارجع رح تاكل و تاخد الدوا حتى لو مو جاية المدام لانو هاد دوا وانا مسؤولة عنو .
نديم : ماشي .
__________________________________________

ليان : راحو الصبايا و انتي مبين عليكي تعبانة .
نسرين : اي والله تعبانة كتير .
ليان : رح نام عندك اليوم .
نسرين : لا بدي روح لعند نديم .
ليان : شو بدك تروحي تعملي عم تتعبي حالك عالفاضي خليكي ببيتك و ارتاحي و الصبح بتروحي لعندو .
نسرين : هيك رأيك .
ليان : اي و هاد احسن رأي .
نسرين : انا طالعة على غرفتي نام و انتي نامي بغرفة نوم الضيوف .
ليان : اذا احتجتي شي اتصلي فيني .
نسرين : شكرا الك .
ليان : ولو نحنا رفقة لا تتشكريني .
نسرين : تصبحي على خير .
ليان : وانتي بخير .
__________________________________________

ماسة : من وقت اجا نديم وانتي مبسوطة .
خديجة : مع اني ما بردلو الشر بس مبسوطة بوجودو جنبي .
ماسة : الله يعافيه و يعافيكي .
خديجة : وانتي الله يبعتلك ابن الحلال يلي يسر قلبك .
ماسة : لا خلص انا فاتني القطار هههه .
خديجة : لا تيأسي رح يجي يوم و تتذكري كلامي لما تكوني حاملة ابنك على ايدك رح تقولي الله يرحمها خديجة كان احساسها صح اني رح اتزوج متلي متل ايّ بنت .
ماسة : بس انا ما بشبه باقي البنا

📚قصص||روايات||منوعة📚

rwayate

ت هن احلى مني .
خديجة : بس انتي قلبك طيب ، شو فائدة جمال الشكل اذا الروح بشعة و القلب اسود ؟! طيبة قلبك يا ماسة و روحك الحلوة هي يلي محليتك .
ماسة : شكرا الك .
خديجة : هي حقيقة لا تشكريني .
ماسة : بدي اعطي الدوا لنديم و ارجعلك .
خديجة : خدي راحتك .
__________________________________________

ماسة : شو لساتك مستنيها ؟
نديم : اي .
ماسة : يلا كول مشان تاخد الدوا هيك اتفقنا صح .
نديم : يعني ما رح تجي ؟
ماسة : بتحب اتصل فيها ؟
نديم : لا مافي داعي انا رح نام .
ماسة : طيب بس تفضل الدوا .
نديم : شكرا .
ماسة : الله يعافيك استاذ .
__________________________________________

بصباح اليوم التاني...كنت عم راقب نظرات نديم وهو مستني نسرين ، صدق يلي قال الحب بذل...بعد ساعة اجت نسرين و انا رجعت على بيتي لانو خلص دوامي .

نسرين : اسفة ما قدرت اجي مبارح لانو سهرو عندي رفقاتي و بعد ما راحو نمت .
نديم : حبيبتي المهم انتي بخير .
نسرين : اي بخير .
نديم : مين مزعلك ؟
نسرين : ما حدا .
نديم : طيب اضحكي .
نسرين : خلص نديم اتركني بحالي .
نديم : معناها حدا مزعلك .
نسرين : حياتي مزعلتني نديم حياتي بشعة وانا قليلة حظ .
نديم : شو بتحبي اعمل لاسعدك ؟
نسرين : انت مكسر و ما فيك تمشي و بتقلي اسعدك ؟! انا هلأ لازم كون عم ساعدك بالشركة و عم اتباهى فيك قدام رفقاتي و قلهن هاد حبيبي يلي صار زوجي .
نديم : لا تزعلي حبيبتي انا رح اتحسن .
نسرين : ان شاء الله .
نديم : روقي .
نسرين : انا بدي روح لعند اهلي هلأ .
نديم : اذا هالشي بيسعدك روحي حبيبتي .
نسرين : بزورك بالليل ، باي .
نديم : الله معك .

*بلشت تقل زيارات نسرين الي مع انها مرتي و مجبورة تبقى جنبي بس انا ما كنت اجبرها تبقى لاني حسيت حالي مكسور حسيت ما عاد الي كلمة لاني مو قادر اتحرك من محلي...
__________________________________________

مضيت الايام و اجا اليوم يلي فكولي فيه الجبصين...

نسرين : مبسوطة لانك رح ترجع تنور بيتك اليوم .
نديم : وانا مبسوط لانو ما عاد في شي يفرقني عن حبيبة قلبي .
الدكتور عمر : الحمدلله على سلامتك .
نديم : الله يسلمك دكتور .
الدكتور : هلأ بما انو فكينا الجبصين حرك ايديك .
*بلشت حرك ايديي شوي شوي ما كنت حاسس بوجع بلشت حس اني عم ارجع لطبيعتي .
الدكتور : تمام و هلأ حرك رجليك .
*حاولت حرك رجليي ما قدرت فاقد الاحساس فيهن .
الدكتور : حركهن متل ما حركت ايديك .
نديم : ما قدران ما حاسس فيهن .
نسرين : شو يعني ما حاسس فيهن ؟
نديم : ماعم اقدر حركهن كأنهن مخدرين ماعم حس فيهن .
الدكتور : ماسة .
ماسة : نعم دكتور .
الدكتور : خدو المريض على غرفة الاشعة .
ماسة : حاضر دكتور .

*بعد ساعة اجا الدكتور و معاه الصور...

الدكتور : ما عرفان شو احكي .
نسرين : احكي دكتور .
الدكتور : حسب الصور بين معي انو بسبب الحادث نديم انشل .
نسرين : شوووو دكتور كيف ما الو علاج ؟
الدكتور : للاسف لا .
نسرين : يا ربي يعني ما عاد يمشي بحياتو رح يضل هيك .
الدكتور : هاد قدرو ، بالاذن .
نسرين : نديم سمعت شو قال ما الو علاج رح تبقى طول حياتك هيك .
نديم : خلص بقا بكفي بكي و صريخ هاد قدري و ما بدي اسمع ايّ صوت بخصوص هالموضوع .
ماسة : استاذ نديم خبرني الدكتور انك رح تبقى بالمشفى لمدة شهر بدنا نبلشلك بالعلاج الفيزيائي و مافي حل غير هيك .
نسرين : بيرجع متل اول بالعلاج الفيزيائي ؟
ماسة : ما بعرف .
نسرين : نديم انا رح اتركك ترتاح هلأ
نديم : بعرف بدك تروحي الله معك .
نسرين : ما قصدي نديم بس
نديم : الله معك .
__________________________________________

*طلعت من المشفى عم ابكي على نديم و على حظي عشنا احلى شهرين بزواجنا و الباقي كملناه نكد و تعب كنت متخيلة حياتي رح تكون احلى حياة بس بثواني حياتي تحولت لجحيم .

بعد مرور اسبوع...

ليان : هالشي ما بصير شوفي حالك بالمراية كيف دبلانة لايمتا بدك تضلي هيك ؟
نسرين : ما بعرف .
ليان : نسرين هي مو حياة عايشة ببيت سياح نياح لحالك و زوجك مشلول ومافي امل انو يرجع لطبيعتو شو مستنية ؟
نسرين : مستنية فرج الله .
ليان : بدي ذكرك بشغلة نسرين انتي اصغر من نديم ب10 سنين حلوة و متعلمة و غنية الف شب بيتمناكي .
زهرة : وانا مع ليان بهالحكي .
نسرين : شو قصدكن ؟
ليان : تطلقي .
زهرة : اي نسرين تطلقي و عيشي حياتك بعدك صغيرة عالهم و الحزن .
نسرين : انا اتطلق ! انتو نسيانين انو نديم حب حياتي .
ليان : فكري منيح نديم حب حياتك بس انتي هيك رح تدمري حياتك .

*ضليت طول الليل فكر شو بدي اعمل اكيد حكي رفقاتي صح انا صغيرة و حلوة ما لازم عيش بهم من هلأ...
__________________________________________

بصباح اليوم التاني...

ماسة : يسعد صباحك استاذ .
نديم : و صباحك .
ماسة : اخدت دواك ؟
نديم : اي .
ماسة : ليش زعلان ؟
نديم : شوفي شي بفرح ؟
ماسة : اليوم عندك جلسة بالعلاج الفيزيائي بدي ياك تتجاوب معو انت ر