@rwayate
الحلقة الثانية
ماما ردي عليه.. قربت من السيارة وفتحتها بدون ما أخاف.. مالقيت فيها حد .. كان الباب اصلاً مفتوح بس اللي توقعته انه في حد بلعب معي ومعاه لوك شبيه للسيارة .. اخدت الأغراض وتركت السيارة وطلعت اخدت تكسي ورحت على البيت بسرعه كبيرة.. دخلت البيت وأنا برجف .. كان الجو هدوء ومافي صوت.. صرت أدور وأنادي على ماما بس مافي صوت..قربت من المطبخ لقيت تولينا مرميه على الأرض ومربطه.. وعلى عيونها شاشة.. سألتها وين ماما ومين عمل فيكي هيك.. حكت مابتعرف.. رحت لغرفة ماما.. لقيتها مقتولة.. صرت اصرخ وابكي.. لقيت رسالة بخط إيدها لأني بعرفه منيح.. طلبت مني ما اخبر حدا من الشرطة لأنه الموضوع بتعلق بموتنا وممكن نموت بسبب بلاغنا.. ليش طلبت هيك ومين اللي قتلها.. ماكنت عارفه.. اتصلت على غيداء وعلاء واجو على البيت.. بعد ساعه من بكائنا وعدم استياعابنا للي صار.. ضلينا نقرأ بالرسالة.. كان توصينا ماما انه مانبلغ الشرطة وصتنا تلات مرات ماحد يحكي شي.. وأنا خايفه انه فعلاً في حد بده يقتلنا أنا خواني من اللي صار اليوم.. علاء كان بده انه نبلغ الشرطة بدون مانخاف ولا نسأل بس غيداء حكت انه لو مش ماما متأكده انه في شي رح يضرنا ما بتطلب هيك.. اللي قتلوها هددوها بشي.. جلست معنا الخدامه تولينا وقالتلنا انها ماشافت ولا شي.. نضربت على راسها وغابت عن الوعي.. وماقدرت تشوف مين دخل البيت.. ونصدمت بقتل ماما متلنا بالزبط.. صدقناها وقررنا انه مانبلغ الشرطة.. متل ما ماما وصتنا لأنه ما بنقدر ما نسمع كلامها.. وكل شي بحياتنا كنا نعترض فيه وتقول عكسه كنا نندم.. حسينا لو عملنا عكس اللي بالرسالة رح نندم ورح نتأذى.. لازم نخفي جثتها وندفنها بمكان قريب ما حد يعرف عنه.. ونحكي لكل الناس وقرايبنا انه ماما رجعت على كندا.. وهناك بنعلن انها ماتت للناس اللي هون.. هاد اللي خططناله كلنا سوا.. وقررنا ننفذه بس تولينا سمعت كل اللي دار بينا.. لأنه كنا بحالة توتر وتلف أعصاب ومش قادرين نستوعب اللي صار وليش هيك.. لفينا ماما بسجادة وقررنا نوخدها لمكان مهجور بالليل.. مافي بني آدم.. بعيد عن المقابر.. حتى ماحد يعرف اللي بدنا نعمله.. طلعنا بسيارة علاء وغيداء ضلت طول الوقت تبكي.. لأنها متعلقة بماما ومش متصورة اللي صار.. حكيتلهم انه تركت سيارتي ومافيني ارجع.. اللي قتلوا ماما كانو هناك.. بس ماقدرت اشوف حد.. اللي قتلها كان بده يبلغني برسالة ماما.. وصلنا مكان مهجور.. مافي انس ولا حيوان.. الهوا بارد بس ماكنا حاسين ببرودته منيح لأنه كنا بنرجف من الخوف.. طلعنا الجثة وصار علاء يحفر.. ماكنا شايفين شي أبداً والظاهر انه كنا نحفر بمكان غلط .. قلت لعلاء اضوي ضو خفيف للسيارة خلينا نشوف.. ضوا الضو.. وصرنا نحفر منيح حتى نشوف.. بس بنرجف وخايفين.. وانا واختي بنبكي.. خلصنا كل شي.. وقررنا نطلع من المكان ونرجع عالبيت.. تركنا كل شي.. وروحنا.. بنص الطريق قابلنا زلمه مبين انه فقير ومعتر.. حكالنا انا ضايع ومش قادر أوصل بيتي.. هاد المكان وين.. حكيناله مابنعرف.. علاء حاول يتهرب بس الزلمه ما كان مبين عليه شي.. غير انه فعلاً بدور على مكان يطلع منه ومضيع حاله.. بعدين قلت لعلاء.. خلص طلعه نوصله.. طلع الزلمه ركب جنب علاء وصار يسأل وين نحنا وشو في هون.. علاء ضل ساكت ومايجاوبه.. بعد شوي صار يحكي قصته بدون مانطلب منه.. قلنا في واحد بده مني دين اخدته منه.. كنت بدور على بيته وضعت.. حكولي انه ساكن هون بهالمنطقة.. بيته رقمه اطنعش(12) بس ماقدرت ألاقيه أبداً.. دورت على البيت مافي.. ولقيت حالي بالعتمه مقطوع.. وبدي اعطيه سبعطعش (17) ليرة ذهب.. وبتصله مابرد.. يمكن يكون مات !.. انا ماكنت مركزة.. بس لما قال يمكن يكون مات استغربت.. وحتى علاء.. الزلمه طلب ينزل.. وقاللنا هون هون نزلوني بعرف هالمنطقة.. شكراً كتير.. نزل الزلمه وانا ضليت افكر.. ليش قال هيك.. راجعت الكلام.. وصار علاء يقول حدا بيجي يسد حد دين بهالوقت.. بنص الليل.. كلامه غريب وشكله حرامي ومن كلمة ذهب.. أنا صرت أفكر بكلامه وجمعته حرفياً .. قال رقم البيت طنعش والدينه سبعطش ليرة ذهب.. يعني لو حطيت الطنعش والسبعطش جنب بعض بطلع الرقم واحد تنين واحد سبعة وهاد نفسه الرقم اللي كان مكتوب على صورة بابا من ورا !!!. قلت لعلاء مش معقول.. الحق الزلمه بسرعه.. علاء قلي ليش شو في ! حكيتله هاد بكلامه في لغز.. وصللنا رسالة وراح.. انا متأكده انه بعرف شي ووجوده ما كان بدون سبب.. قللتهم عن الرقم وانه شفته وكان غريب وعن الصور اللي كلها دم.. علاء دوّر السيارة ولحقنا بالمكان اللي نزلناه فيه.. ما قدرنا نلاقيه.. وقفنا السيارة شوي.. وصرنا نحكي ونفكر.. وغيداء ضلت تبكي.. وانا بفكر بكلامه شو مضمون الرسالة اللي حكاها.. ماقدرت أعرف شو.. معقول المجرم كان مستلف من بابا مصاري او بابا ما اعطاه.. ماما بتعرف شي واجا قلتها؟ وشو سر رقم طنعش .. اذا سبعطش رقم الفلوس.. بعد دقايق