📚قصص||روايات||منوعة📚

حكيتلها كيف الك قلب تحكي على بنت اخوكي .. مابتخافي على بنتك .. قالت بنتي مربية احسن ترباية وانا نبهتك في حال حدا عرف عن السرقة الكل رح يعرف شو عاملة اختك وهاي انا نبهتك .. نصدمت بكلامها وقبلت طلبها وطلعت من البيت .. رحت عالبيت وضربت ميرال وسامر صار يدافع عنها واخدها من البيت وحكالي شكلك ناوي تخلص عليها متل ماخلصت على امك ؟؟ حكيتله شو ياواطي ؟ انا اللي خلصت على امي ؟؟ حكالي الطب الشرعي ما لقى دليل للشي اللي صار مع امك وحكوا بس صدمة عصبية .. انت بتكره الكل وحقدك عالجميع ماشي فمش بعيد تكون انت اللي قتلتها .. ضربته وطردته هوه واختي وكسرت نص اثاث البيت .. ودخلت عند بابا .. كان عامل حاله طبيعي والزهايمر مش جاييه .. عصبت عليه وصار يحكيلي شو في يا ابني ليش معصب .. كنت بدي اصرخ بوجهه واحكيله ما مليت من لعبتك ؟ بس ماكان عندي دليل كان بدي امسك عليه شي بس لحتى اخليه يعترف ليه هيك عمل ولعب علينا انه مريض .. ولأني ما بدي اكشف اني بقرأ افكاره .. استنيت يصير شي .. فكرني اني طلعت من البيت وأنا ضليتني موجود وفجأة شفته عم ببكي بغرفته وصار يطلع شغلات من الخزانه صور لإلنا وصورة لماما .. مسك صورة ماما وسمعته شو عم بحكي إلها .. ما كان بحكي براسه لأنه فكرني اني طلعت كان عم بحكي بصوت عالي وبقول .. اختي طمعانه فيه وبدها ياني أموت وبنتي فضحتني وتزوجت وابني بكرهني .. وانتي متتي .. بس تعرفي أنا عمري ماحبيتك لأنك ضحكتي عليه وكنتي طول الوقت عم تضحكي عليه وتستغفليني .. حكيت شو عم بحكي ؟؟ امي بشو استغفلته ؟ فجأة صار يمزع الصور.. زاد شكي انه هوه اللي قتلها .. اتصلت عمتي بهاللحظة على تلفوني .. ولحسن الحظ كنت عاملة رجاج .. رحت عالغرفة رديت عليها وحكتلي.. زوجي سمع شو كنا نحكي وعرف انه اختك تزوجت عرفي وقرر يفضحها .. حبيت اخبرك عشان ما تحكي انه انا اللي فضحت الموضوع .. صرت اصرخ وسمعت صوت بأذني بحكيلي .. (( داني الكل رح ينهوك قبل ماتعرف الحقيقة عشان هيك انهيهم ! )) .. صرخت وحكيت اطللللللللللع من رااااااااااااااسي.. وطلعت برا البيت .. صرت اسمع صوات الناس المزعجة براسي وحملت حالي ورحت لزوج عمتي .. اتصلت عليه ياسمين وحكتلي أنا رجعت نقلت عالجامعه مرة تانية وجاية بكرا خليني اشوفك .. فهمتها اني بمر بظروف وبكرا بشوفها .. ووصلت لبيت عمتي ورنيت الجرس.. طلعتلي بنت عمتي الكبيرة حكيتلها وين اهلك ؟ حكتلي طلعوا على ناس ومارح يطولوا تعال ادخل استناهم انا لحالي.. حكيتلها مارح اصبر ليجوا احكيلي مين الناس.. حكتلي مابعرف ماحكولي مين اذا بدك ادخل استناهم اذا موضوعك ضروري .. حكيتلها طيب رح استناهم لأني مارح أقدر أصبر ودخلت جوا
#كملها_ولا_بغيرها...؟ #madeha

#الشرفة_ومابعدها الجزء 4

اخدتني ماما من عمارة الشب ومن الشقة اللي دخلت فيها تحديداً على بيتنا.. وأنا ماعدت عارفه شو لازم احكيلها لأني عارفة انها مش رح تصدقني بس هددتني لو قررت اطلع من البيت رح تحكي لبابا عن كل شي.. ورح تقله اني بعرف شب.. أنا حلفتلتها وقلتلها اني مابعرف شب ولا شي.. بس ماقدرت أفهمها اني عم بشوف أموات.. أنا تأكدت أني عم بشوف أموات من وقت ماطلبت مني المره اني ادخل ايدي براسها.. دخلت ايدي براسها وطلعت من جهة تانية.. هاد الشي أكدلي أني داخلة لغز كبير.. وأنا بالذات.. ليه هيك مابعرف.. بالوقت اللي كنت فيه مع ماما بالبيت.. حسيت بصوت البنت اللي شفتها آخر مرة تحت البيت عم تبكي.. وكان صوت بكاها قريب من البيت كتير.. كنت عم بكنس الغرفه ووقفت وسرحت وصرت أدور على الصوت بكل مكان.. ماما كانت بهاللحظة عم تتطلع عليه من بعيد بس مش مخليتني اشوفها.. وفجأة حكتلي عشو بتدوري.. قلتلها ولا شي.. وسألتها انتي مش سامعه صوت قريب؟ حكتلي صوت شو؟ قلتلها صوت بنت عم تبكي أو شي متل هيك.. قالت بنت صغيرة؟ حكيت لأ بنت كبيرة بعمري هيك مش سامعه شي متل هيك؟ حكتلي لأ مافي صوت.. بس الصوت كان قريب كتير وأنا كنت سامعه.. طلعت على البرنده وصرت ادور على الصوت.. وماكنت اشوفها.. الشي اللي رماه الشب ضل معها وانا كان بدي أخده بس لولا ماما ما لحقتني كان شفتها واخدته بس هيه حكتلي أنا رح أطلع بحياتك مرة تانية ومانسيت هالجمله.. ماما صارت تلاحظ التصرفات الغريبة اللي بتصرفها وبلشت تقلق وتخاف عليه .. وانا بلشت اخفف من تصرفاتي حتى اكسبها وحتى أشوف شو بده يصير.. تصرفت عادي.. وباللحظة هاي كنت عارفه ومتأكده انه ماما مارح تسكت على الشي اللي صار.. ورح تحكي لبابا.. برغم ظلمه وقسوته وبخله علينا.. الا انها على طول صافه معه ضدي.. وبتحكيله كل شي.. بداعي الخوف وانه هوه بقسوته هاي وشدته بكون خايف علينا.. اول ما اجو خواني من المدرسه.. اخدت اخي سفيان على غرفتي.. وحكيتله بدي اقلك شي بس ماتحكي لماما.. اعطيته مصاري اله .. واعطيته مفتاح البي

#الشرفة_ومابعدها الجزء 6
برغم بيتها نظيف بس هالغرفه كانت وسخه كتير.. ولسه بدي أطلع منها.. سمعت صوت بحكيلي.. أنا هون! .. التفتت وراي.. شفت كنان.. تاني كلمة حكالي ياها.. ساعديني.. حكيتله كيف..؟ انت ميت مش هيك.. طيب ليش أنا.. قلي بعدين رح تفهمي كل شي.. بس ساعديني.. حكيتله كيف أساعدك قلي.. حكالي من اللي جوا.. وريحيلي روحي وخديلي حقي.. وبلشت أقرب منه.. اجت المره من ورا وصارت تحكيلي.. توقعت انه بعدك هون وانه جيتك لسبب.. انتي شو بدك وشو عم تعملي بالغرفه.. اطلعي برا بسرعه ولا بقيم قيامتك وبجبلك قضية وبتهمك بشرفك وبخلي ابوكي بدال مايشك يتأكد.. قربت منها وحكيتلها.. فعلاً معه حق.. وضليتني طالعه وهيه وانا نازلة على الدرج حكتلي مين اللي معاه حق.. انتي جوا مع مين كنتي تحكي.. قلتلها رح نعرف!! ..وتركتها وطلعت وأنا طالعة استنيت دقيقة لحد ماسكرت الباب ورجعت.. وقفت قبال باب المره التانية واستنيت.. كان بدي تفتحلي الباب بس الباب مانفتح.. وبهاللحظة وبعد ماتأكدت قررت أروح للمكان اللي قال عنه كنان بس تذكرت كلام المره اللي قالتلي دخولك على الشقة رح يندمك كتير.. وكان بدي أعرف منها ليش رح اندم..ورجعت على شقتنا لأطمن ماما قبل لأروح.. فجأة لقيت المره الميته مع إبنها بتستناني عند باب البيت.. كانت حاملة ابنها وكانت واقفة بعرض الباب.. حكتلي مش رح اخليكي تروحي المكان.. ولو رحتي رح أقتلك وفجأة طلعت ماما من الباب وشافتني وكانت المره مختفيه تماماً.. اختفت المره من باب بيتنا بعد ما هددتني
دخت من الرعبة وكنت رح أوقع ماما حملتني ودخلتني وهيه خايفه عليه.. وحاولت تنيمني وهيه تسألني شو صار معك؟ حكيتلها مش عارفه أنا خايفه كتير.. وأول ماغفيت عيني شوي.. حلمت اني فبيت كبير مهجور.. وفي شخص عم بدور حواليه ومحاوطني من كل الجهات وبحاول يموتني.. كنت أهرب منه بكل مكان بالبيت بس ظهوره كان الي متل لمح البصر وماكان الي القدرة اني اتخلص منه بأي شكل من الأشكال وانتهى الحلم بموتي صحيت اصرخ ووجهي وجسمي كله معرّق دخلت ماما عليه وصارت تطمني وتقلي انها جنبي.. ومن خوفها عليه طلبت مني أحكيلها شو اللي عم بصير معي.. بس أنا ماكان بدي أخوفها أكتر من هيك.. وقلتلها أنا مش خايفه منها.. بس مابقدر أترك كنان.. حكتلي مين كنان.. قمت من الفرشة وطلعت فوراً من البيت وهيه ضلت عم تنادي عليه وتبكي.. نزلت تحت العمارة وصرت اتطلع على برندة كنان وماكنت اشوف شي.. بس النظرة اللي شفتها بعيونه من قريب بغرفته.. كانت بتحكي انه شايف كتير ومظلوم كتير.. وأنا الوحيدة اللي بده ياني أخدله حقه أنا الوحيدة اللي بده ياني أخدله حقه من الناس اللي هون.. قبل ما يموتوه والله يوخدله حقه منهم بالسما.. بس روحه ماتركت المكان ولسه موجودة.. يمكن المكان اللي مات فيه هوه نفسه اللي بطلع فيه.. لهيك لسه هوه هون.. وقفت بعرض الشارع وصرخت بصوت عالي.. بوعدك اخدلك حقك.. ورحت بعد ما ألتمو عليه الناس

الناس بالحاره صارت كل ماتشوفني احس انها بتهرب مني خصوصاً بعد اللي عملته مع بابا لما شفت البنت المشوهه وهالمره بعد ماصرخت بصوت عالي بنص الشارع بدي اخدلك حقك.. وحاسين اني مش طبيعية خصوصاً اني جديدة على الحي تبعهم.. في شب كان بآخر الحاره وكانت نظراته عليه غريبة.. خفت يكون ميت!.. لأني للحظة بطلت أميّز الناس العايشين من الأموات.. وكله موجود على هالأرض قدام عيوني.. وبصري مفتوح عالكل.. قلت بما انه اتطلع عليه هيك لازم أروح أشوف شو ماله.. ولازم اكسر حاجز الخوف عشان كنان وعشان اعرف اللي صاير منيح.. قربت منه وحكيتله ليه عم تتطلع! حكالي أنا ساكن من زمان هون.. وبصراحه أنا مراقبك من أول مادخلتي الحاره بس انتي ماكنتي شايفيتني.. أنا اسمي تيم ..وبصراحه اكتر شفت اللي صار من يومين قبال العماره وكنت موجود.. انتي كنتي منهاره.. خير صاير معكم شي؟؟ حكيتله لأ وماتدخل مرة تانية مادخلك بشي انت فاهم! ورحت بطريقي.. وفجأة قلت هاد اجاني من الله.. رجعت لعنده وقلتله.. بصير تساعدني بشغلة.. حكالي طبعاً طبعاً.. انتي بس أؤمري.. حكيتله أنا بصراحه خايفه كتير من السكنه هون.. يعني أنا كنت طول عمري متعودة من بداية عمري على بيت معيّن وحاره معينه واجيت هون لقيت نفسي بمكان مابشبهني ابداً.. عم بحس المكان مافي روح مافي أحساس.. كل شي بارد.. قلي معك حق.. لأنه حارتنا أكتر حارة صار فيها جرائم بالبلد.. حكيتله شو؟ جرائم شو؟ قلي انتي مابتعرفي شي.. كل سنتين زمان بصير جريمه هون.. حارتنا مشاكلها كتيرة وعشان هيك بحكيلك اذا بدك شي انا مستعد أساعدك واوقف جنبك لأنك مبينه بنت من عيلة محترمه ومابتعرفو شي هون.. حتى ابوكي انا شفته بمحل خضره.. هوه بشتغل هناك! حكيلته اه! قالي.. مبين ابوكي مسكين برضه ومابعرف شو مخبيه هالحاره.. كل الناس اللي سكنو هون طلعو بعد فترة لأنهم ماتحملو مشاكلها.. وكل عمارة من هالعمارات شهدت على حادثة قت

ل وموت شكل.. اخ شو بدي احكيلك لأحكيلك.. حكيتله تعال معي.. قلي وين حكيتله امشي معي وما

#الحاسة_رقم_سبعة_قصص
#الحاسة_رقم_سبعة_3 #الحاسة_رقم_سبعة
@rwayate
الحلقة الثالثة
ما عدت اوثق بأي شخص بحياتي مين ما كان يكون .. بعد ما سمعت كلام صعب من عيلتي والكل بعلق أغلاطي على المشكلة اللي بعاني منها في نظري.. وبالآخر اتهموني أني سرقت أختي بس الغباء الأكبر كان مني أني اعترفت بهالشي بس ماقدرت وقتها أحكي عن المره اللي دخلت بيتنا واللي أمنتلها ماما وخلتها تدخل على غرفنا ورشت شي على التخوت وخرمشت بإيدها على الصور اللي على الحيط.. كل واحد بالعيلة صار يطلع عليه بطريقة سيئة أني حاولت أسرق وأني مش عارف اشتغل حتى خواني الصغار.. تاني يوم الصبح وبعد ماطلعو خواني على المدرسة وخواني الكبار على جامعاتهم وشغلهم .. حكيت لماما خلينا نروح نزور المرة اللي أجت زيارة لعنا .. خلينا نعرف مين هيه .. وقتها سألتني شو بهمك لتعرف مين هيه ؟؟؟ حكيتلها إحساسي بحكيلي أنه في شي سر وراها.. حكتلي أنت دائماً بتحكيلنا إحساسك وبطلع غلط .. بس أنا وعدتها بزيارة وهيه حكتلي وين ساكنه ووصفتني البيت .. حكيتلها شو إسمها؟؟ حكتلي ميرفت أم عامر.. حكيتلها طيب بعد شوي خلينا نروح ندور عليها.. لبست وطلعت معها ومعنا اختي هبه الصغيرة.. وصلنا المكان اللي وصفتنا عليه وعنفس البيت بالزبط.. كان في برا ولد صغير بلعب حكيتله وين ماما.. دخل وصار يبكي .. طقينا جرس الباب طلعتلنا الخدامة .. حكينالها وين المدام؟؟ حكت أي مدام ؟ حكيتلها مافي حدا نحكي معاه هون .؟ دخلنا على البيت طلعلنا شب بعمري .. لسه قبل ما أسأله عن أمه شفت صورة معلقة بغرفة القعدة لنفس المرة اللي اجت عنا وعليها شريطة سودة من جنب .. توفت !!! .. سألته أمك توفت ؟ حكالي اه من شهر تقريباً.. حكيتله شهر ؟! كيف شهر ؟! مبارح أمك أجت لعنا .. حكالي انت بتهلوس وين أجت ؟! أمي بهالوقت صار رح يغمى عليها وجابلنا الولد ميه شربناها .. سألته شو اسمه حكا عامر.. قلي أمي متوفية من شهر حكيتله طيب كيف؟ حكالي انت شكلك مضيع او مشبه .. قلت إحساسي بمحله أكيد في شي صار كيف توفت من شهر وهيه اجت عنا مبارح ؟ حكالي كيف شكلها حكيتله هاي المرة اللي بالصورة هيه اللي اجت عنا .. اتهمني بالجنون وحكالي نحنا مش متحملين لسه مش متعودين على فقدانها ومع السلامة.. طلعنا أنا وأمي من البيت وعلى وجهنا علامات استفهام وقتها ماكنا عارفين شو اللي صار بالزبط.. حكتلي ماما مش مصدقة كيف هيك لعاد مين اللي اجنا عنا مبارح .. يعني ياهدول بكزبو علينا يا أنه اللي اجت عنا اعوذ بالله.. بس كيف حكينا مع روحها ؟ وشو غرضها لتيجي عنا .. شو بدهم يا امي انا خايفة.. حكيتلها امي انا من أول ما اجيت على البيت وحاسس رح يصير اشي وانتي بتكذبي احساسي .. أنتي لما نزلتي تجيبيلها مي كانت بترش اشي على تخوت خواتي وخرمشت بأصابعها على الصورة.. وانا ما كنت بدي اسرق كنت بفتش على الشي اللي حطته تحت الفرشات .. بس اجت هديل واتهمتني بالسرقة وخبرت بابا ولو نحكيلهم على الشي اللي صار ماحدا رح يصدقنا.. لهيك انا سكتت .. حكتلي طيب خلص يا ابني أنا وياك رح نكشف الموضوع اللي صار بس ما تخبر خوانك ماحدا منهم رح يصدقك وماحدا شاف المرة غيرنا وانت بتعرف العيلة بكذبو كل شي ..لازم نعرف شو اللي صار.. روحنا على البيت وصرنا نشوف الأماكن اللي قعدت فيها .. امي كبت فرشات خواتي ورمتهم برا البيت .. وحاولت تحرقهم كمان.. وكبينا كل الفناجين اللي شربت فيهم.. ومسحنا كل مكان دعست عليه.. بس ماكنا بنعرف شو حنستفيد لو عملنا هيك لأنه مش عارفين شو اللي صار!!.. رن التلفون فجأة رحت أرد طلعلي واحد بحكيلي هون بيت أبو غسان حكيتله اه تفضل حكالي إسمعني.. لازم تعرف إنه في ناس عايشين معكم بالبيت وأنا واحد منهم.. وسكر الخط!! وقتها نشفت رعبة وصرت أحس إنه الشي اللي صار ورا الثلاجة مش من قليل.. مارضيت احكي لأمي مين على الخط وشو حكا.. صرت احكيلها واحد غلطان حكتلي كيف غلطان وحكالك بيت أبو غسان.. ماتخبي عليه واحكي.. حكيتلها مابخبي يا امي بس ناس تانين مش إحنا يعني مافي غيرنا بيت أبو غسان.. مين الناس اللي عايشين معنا ؟؟ شو الي عم بصير؟؟ والمرة اللي اجت عنا طلعت ميته.. حكيت لأمي إحنا لازم نقنع بابا انه نرجع نطلع من هالبيت.. صدقيني إحساسي قوي وبحكيلي انه البيت رح يجيبلنا وجع راس للكل .. لازم نطلع منه بأسرع وقت.. حكتلي أبوك شراه بمبلغ منيح كيف بدك يانا نطلع منه .. حكيتلها خلينا نحاول نقنعه بأي طريقة المهم نطلع منه ..أجو خواني من المدرسة والجامعه وهديل من البنك .. صارت تحكي إنه في شي صار معها غريب بالبنك.. حكينالها شو.. حكت اليوم أجت عندي مرة وصارت تسأل عني وكأنها بتعرفني .. وصارت تحكيلي إنك رح تتزوجي واحد مش منيح والمرة بتعرفنا كلنا وصارت توصفني أشكالكم .. انا مرعوبة وخايفة .. كنت أول مرة بشوف هديل مكسورة وتعبانة وخايفة لهالدرجة .. حكيتلها كيف شكل هالمرة ؟ صارت تحكي لابسة طاقية وجكيت اسود وعمرها قريب من عمر ماما..

#سر_جثة_نتالي_قصص
#سر_جثة_نتالي_3 #سر_جثة_نتالي
الحلقة الثالثة
(( @rwayate ))
حكتلي ستي شو بدك؟ قلتلها بدي أعرف نتالي مين ووين؟ قالتلي انا رح البس واتخفى ورح اقابل ثائر.. رح نلعب لعبة مع عيلة الجن هدول.. ورح نوصل للي بدك ياه بس انت خليك بعيد.. ولو صار شي عليه خليه يصير انا صرت مرة كبيرة ومش سائلة عن شي.. بس بدي أريحك وأعرفلك المجهول ولو بده يلحقني أذى.. حكيتلها متى رايحه؟ قالتلي بعد شوي.. اعطيني عنوانه.. اعطيت العنوان لستي حتى تروح تقابل ثائر بالشغل.. وطلبت مني أني ما الحقها ولا أروح وراها .. حكيتلها ماشي بس خبريني شو بصير معك واول ما تطلعي احكيلي وين انتي عشان اجي اجيبك.. طلعت وأنا ضليت مع ماما.. وحكيتلها ستي شو ممكن تعمل؟ حكتلي ماتخاف عليها هيه بتحس وبتعرف الشي السيء لما بده يصير وغير هيك هوه مابعرفها وهيه رايحه مكان عمله فهاد الشي بخليه مايشك فيها أبداً.. أنا كنت بدي أروح عند أم نتالي بس ماما منعتني وحكتلي هاي المرة ممكن تأذيك لا تنسى الشي اللي شفته منها اخر مرة.. لأنها فعلاً ممكن تكون جن.. مابدي يصير عليك شي.. ستي تأخرت وبقيت ساعتين وأنا أستناها.. ماما حكتلي ماتطلع وخلينا نستناها.. بابا ماكان عارف شي ولا عارف اللي بنعمله وحتى ماعنده خبر.. بس أنا كان بدي أتأكد من الشي اللي بدي ياه من خلال ستي وبعدين بحكيله.. يمكن كان غلط اني اخبي عليه بس حسيت انه ممكن يكون هيك احسن.. بعد ما تأخرت كتير قررت اني اطلع بالسيارة استناها أو أمشي بإتجاه العنوان من بعيد لتطلع.. وبالفعل طلعت.. وبقيت بالسيارة بمشي بالشوارع.. وكل ما ارنلها ماترد.. خفت كتير يكون صار معها اشي.. وقررت خلص اني اروح مكان شغله واللي بده يصير يصير.. وأنا ماشي بالطريق صار في أزمه.. وبنص هاي الأزمه رنت ستي.. بس اللي شفته قبالي خلاني أطنش رنتها وما ارد عليها.. لأني غبت عن التفكير بالتلفون للحظة أول ما شفت نتالي ماشية بالشارع.. وكانت بتقطع الإشارة وانا واقفة سيارتي عالضو الأحمر.. وقبل لاتصير الإشارة خضرة.. طلعت من سيارتي وتركت تلفوني بالسيارة ولحقتها وسيارتي واقفة بنص الشارع وبنص الأزمه والإشارة فتحت والسيارات تزمر.. بس أنا طلعت بنادي نتالي وبركض وراها.. كانت هيه وأول ما شفتها نصدمت ولحقتها.. لابسة اسود وبتمشي بشكل سريع.. ولسه بلحق فيها صار ازمه أكتر وسيارات وناس وهيه قطعت الجهة التانية.. ولسه بنادي عليها سمعت صوت حادث ورايه.. اتطلعت للحظة لقيت سيارتي ومجموعة سيارات خلفها ضربوها.. والحادث كبير بسبب تركي للسيارة والاشارة مفتوحه.. طنشت القصة وما اهتميت لسيارتي لأني شفت نتالي بعيوني.. ولما رجعت راسي لقيتها اختفت.. صرت أحكي مش معقول راحت!! وتلفوني بالسيارة!! يالله شو بدي أعمل شو عملت بحالي.. أنا مش معقول بتوهم أنا شفتها ورايه.. وبعد ما فقدت الأمل.. اتطلعت قبالي لقيتها ركبت بتكسي.. وطلعت واجت عيونها بعيوني.. وقبل ما تهرب مني.. ركبت تكسي تاني وحكيتله الحق هاد التكسي بسرعه.. حكالي شو اللي بدك ياه من البنت؟ اذا الموضوع في شي سيء أنا ما بدي ألحقها.. حكيتله بعطيك قد مابدك مافي شي سيء ماتخاف بس الحقها.. ولما حسيته طمع فيه وصار يبطأ بالسرعة.. اختفت السيارة وأنا صرت احكيله انه الموضوع مهم ومسألة حياة أو موت.. بس صاحب التكسي كان خايف والسيارة رجعت ظهرت وشفت نتالي فيها مرة تانية.. ضربته على وجهه وقلتله اركن هون.. ولما ركن نزلت سحبته من السيارة وضربته واخدتها وطلعت وهوه صار يصرخ ورايه ويقول حرامي سرق السيارة.. وبهاللحظة حسيت في سيارة بتلحق فيه بعد ما قال هالجملة.. بس ماخفت من شي وضليتني بلحق بالسيارة لحد ما وصلت للمكان اللي وقفت فيه السيارة.. ولما وقفت نزلت من التكسي وصرت اصرخ نتالي انتي جوا السيارة! انزلي! ولما نزلت.. كانت بنت تانية.. بنفس الملابس بس مش نتالي.. حكتلي انت مجنون ليش معترض الطريق هيك وليش بتصرخ بنص التكسي؟ شو بدك مني ومين نتالي؟ حكيتلها انا ما كنت بتخيل.. انا شفت نتالي.. وين نتالي وين؟! حكتلي روح من هون قبل لأجبلك الشرطة.. بهاللحظة بطلت استوعب اللي صار.. أنا ماكنت بتوهم وهالشي اللي صار حقيقة مش خيال.. وين نتالي؟! ولسه انا بحكي مع البنت كان في سيارة ورايه فيها صاحب التكسي ومعاه واحد وبقله هاد الحرامي.. وأنا هربت وصرت اركض والشب اللي معاه بلحق ورايه.. حاولت افلت منه بس وقعت بالأرض ومسكني.. حكالي لازم تروح معي عالشرطة بسرعه.. حكيتله أنا ماكان بدي أسرق السيارة بس مرتي كانت بالتكسي وفكرتها هيه لأنها ضايعه حتى سيارتي تركتها لأخد التكسي.. ارجوك أنا بورطة والموضوع مش متل ما انت متخيل.. قلي انا مابفهم هالكلام لازم انت تروح عالشرطة.. حكيتله انت بتعرف صاحب التكسي؟ قلي لأ بس حبيت اساعده بعد ما سرقت سيارته منه! حكيتله طيب تعال افهمك ورح اعطيك قد مابدك لتتركني بحالي.. وبعد ماحكيتله القصة..

#الخروج_من_التابوت_6 #الخروج_من_التابوت
الحلقة السادسة
@rwayate
فتحت عيوني لقيت نارين جنبي.. كانت حاملة الدبدوب وبتطلع عليه.. حكيتلها شو جابك؟ حكتلي اللي جابك! أنا إستغربت من كلامها واللي صار باليوم الماضي خلاني أشك كتير وأخاف منها أكتر.. حكيتلها نارين أنتي شو أسم أبوكي وشو عيلتك.. حكتلي غريب شو مناسبة السؤال؟ حكيتلها سؤال عادي بس نحنا ماتعرفنا عبعض.. يعني حبينا بعض واتفقنا على كل شي.. بس ماحكيتيلي ولا شي عن عيلتك ومابعرف شي عنك! أنا بدي أعرف كل شي الآن لو سمحتي.. حكتلي أوكي شو بتحب تعرف.. إسم بابا ضرار وعيلتنا الكامل.. وبنسكن بحي التلة.. اتطلعت فيه نظرة غريبة وللحظة أنا عيوني صارت توجعني.. حكيتلها نارين أنا تعبان ياريت تناديلي الدكتور.. حكتلي احكيلي شو بوجعك وأنا رح اعملك ياه .. بس مابدي أبعد عنك وبخاف يصيرلك شي لو رحت.. حكيتلها نارين حاسس عيوني بوجعوني كتير ومحل الضربه ناحية اجري صار يوجعني.. حكتلي رح أطلع أناديلك ياه.. طلعت نارين وأنا ضليتني أستنى بالغرفه .. وبهاللحظة حسيت في أصوات غريبة عم تطلع.. حسيت صوت الزلمة اللي كنت أسمعه بغرفة الملابس اللي بالمول بس أدخل.. الهمس اللي كنت اسمعه نفسه عم بنعاد مرة تانية.. وحسيت في حدا فعلاً جنبي بالغرفه.. نارين طوّلت وضليت ربع ساعه استنى بالغرفه بس مارجعت.. بهاللحظة فقدت أعصابي والأصوات والهمس اللي حاسه جنبي ومش بعيد عني نرفزني وصرت أصرخ على الدكتور ليجي.. بس ماشفت حدا.. حالتي حسيتها صارت تسوء وضربات قلبي شفتها على المونيتور بتنخفض ..حسيت بألم بكل جسمي وصوت الهمس عم بعلى.. وفجأة خبطت الجهاز برجلي وصرت أصرخ لحد ما وصلت الكبسة اللي برنلها ليجي الدكتور.. وبعد دقيقة كان عندي.. حكيتله كان في بنت جنبي كيف دخلت؟ مش عأساس مابصير حدا يدخل.. حكالي ماشفت حدا دخل على الغرفه وانا والممرضين ناحية الغرفه.. حكيتله بنت لابسة بلوزة سودة وشعرها خروبي على أحمر صديقتي نارين حكتلي رايحة تناديك ومارجعت.. قلي ما اجاني حدا.. خليني أشوف شو مالك.. نمت بالمستشفى واجو اهلي اتطمنو عليه.. صقر وتامر زاروني وسألوني شو اللي صار معي.. بس أنا تذكرت كلام ساري واني ما احكي لحد شو اللي بصير معي.. حكيت لتامر بدي تلحق نارين وتشوف وين بيتها وتجبلي معلومات عنها لو سمحت.. حكالي تكرم عينك.. رح ألحقها واشوف وين بتروح.. واجبلك كل التفاصيل عنها.. وبليلة المستشفى حسيت في برد فظيع صار بالليل وأنا لوحدي بالغرفه رجع صوت الزلمة مرة تانية.. ومعه صوت تاني.. كانت الغرفه عتمة والمستشفى هادي.. شميت ريحة وسخه بالغرفه وكانت سيئة كتير.. وماعرفت من وين مصدرها.. بهالليلة ماعرفت انام لأنه الأصوات مافارقتني.. واللي خلاني أتقلب كتير .. إني شفت خيال حدا عند الحيط.. خيال زلمة طويل عاكس على الإضاءة اللي جايه من طرف باب غرفة المستشفى.. وأول شي فكرته خيال شي عاكس بس لما دققت منيح لقيت انه فعلاً خيال لشخص.. مبين فيه رجلين وادين وراس.. الخيال صار يقرب شوي شوي.. ولما يقرب الشكل يوسع أكتر من ورا.. وأنا من الخوف اللي صار جواتي ماقدرت أوصل هالمرة لكبسة الجرس بسهولة ووقعت عن التخت وأنا أحاول.. وقعتي كانت على راسي.. وأول ماوقعت حسيت في شخص فوق راسي عم بشدني وبده يخنقني والبربيش اللي كان معلق على التحت للسيرون صار يلتف على رقبتي وبده يخنقني.. ورجليه توقفوا عن الحركة بعد ما فقدت أنفاسي.. اتطلعت لفوق وأنا عم بنخنق لقيت الخيال صار بالسقف وكأنه بتطلع عليه وأنا بختنق.. والدم بعيوني تجمع والهوا نقطع عني.. صرت أرفع اديه ناحية التخت لأطلع بس كانو متشنجات والصوت ضل عم يعلى.. وروحي حسيتها بهاللحظة عم تطلع.. وأنا عم بحرك أديه وقعوا الأغراض اللي على الطاولة على راسي وكان من بينهم كاسة مي فاضية.. وقعت بإيدي تماماً.. مسكتها ورميتها ناحية التخت على الجرس.. وبهاللحظة ارتطمت فيه ورن.. والممرضين اجو عليه شافوني بهالحالة والسيرون ملفوف على رقبتي.. شالوه وصارو يسألوني شو اللي صار مين عمل فيك هيك!! اعطوني إبره وهدوني وصحيت بعد ساعه.. سألني الدكتور شو اللي صار ومين دخل عندك؟ حكيتلهم مافي حدا بس همه ماصدقوني وصار حكي كتير ووصل لمدير المستشفى.. واللي خلاهم يشكو انه اللي صار شي غريب كتير.. انه ارتسم على السقف قلب حب كبير.. وكان مكتوب اسمي ..سيف.. حكولي شو بتفسر هالشي اللي صار؟ فيك تفهمنا.. أنا ماقدرت اوضحلهم شي واهلي استغربوا من اللي صار.. بابا حكالهم بدي ابني يطلع من المستشفى ولو بدنا ننقله العناية على البيت.. وبالفعل روّحت على البيت.. وضلت ماما تنام عندي كل يوم.. وتسألني شو اللي عمل فيك هيك.. بس انا كان في جواتي شي مأكدلي اللي صار انه فعلاً من ورا نارين.. ونارين هيه شيء مش طبيعي.. شكيت فيها واللي أكدلي هالشي الحكي اللي سمعته من البنت اللي ظهرتلي بالمقبرة ومن الزلمة اللي شفته.. ومضمونه انه في ناس بدها تموتني عن طريق نارين..

#الخروج_من_التابوت_7 #الخروج_من_التابوت
@rwayate
الحلقة السابعة
ما تمالكت أعصابي باللحظة اللي شفت فيها نارين ..وبدون وعي بسبب تعبي ومرضي وبدون تفكير طعنتها !! وقتلتها بطريقة خارجة عن إرادتي تماماً.. طعنتها وشفت دمها عبّى أرض الغرفه.. ماقدرت أعرف أنا ليه هيك عملت!!.. كل اللي استوعبته بعدين اني تذكرت الكلام اللي حكالي ياه ساري.. إنه في شخص رح ينقتل.. يا انا رح اموت وأنقتل .. يا أما أنا رح أقتل حدا.. وبالفعل.. إصراري على نارين ولأني بدي ياها تحكي شو عيلتها ومين هيه قتلتها.. ويمكن كان بدي أعرف اذا هيه فعلاً إنسان او ميته.. كتير شغلات غابت عن بالي باللحظة اللي مديت السكينة عليها بالغرفه.. ويمكن ماكنت بدي اقتلها الا لما شفتها مرميه بدمها استوعبت أنا شو عملت.. أنا رجعت لصوابي.. ورجعت أفكر شو بدي أعمل الآن.. شو ممكن اتصرف.. صار جسمي يرجف.. وجسيت نبضها.. مالقيت فيها شي بتحرك وانفاسها نقطعت.. خفت كتير وصرت أبكي واتوسللها تصحى.. بس خلص ماتت.. اتصلت على ماما فوراً حتى أعرف متى رح يجو!.. حكيتلها وينكم ومتى راجعين.. حكتلي نحنا رح نطول شوي ابوك عم بحل القصة فيك شي انت تعبان نروّح هلأ ؟ حكيتلها لأ أوعك امي.. حكتلي شو في ؟ صوتك مش عاجبني انت تعبان؟ أنا تظاهرت انه ماصار اشي.. وسكرت التلفون.. رجعت اطّلعت على نارين وأنا برجف وكلي خوف.. حسيت اديها لقيتهم باردات.. وبهاللحظة تأكدت من موتها.. حكيت بحالي شو لازم أعمل هلأ !! مسكت تلفوني وصرت بدي أرن لتامر.. قلت يمكن يساعدني هوه أقرب مني من صقر.. ويمكن يتفهمني ويساعدني.. حكيت معاه.. وحكيتله تعال على البيت بسرعه.. بعد دقايق كان تامر بالبيت.. حكيتله قبل ما تفوت الغرفة بدي ياك توعدني تساعدني .. انت بتعرف انا مابقدر على المصايب لوحدي وانا ضعيف كتير وبأمن بصاحبي القريبين مني ليساعدوني .. بترجاك ساعدني .. هوه حكالي ماعليك شو اللي صار احكيلي!؟ حكيتله أنا قتلت نارين.. حكالي شو ؟! شو عملت انت ؟! معقول؟! حكيتله ساعدني.. حكالي وينها؟ قلتله جوا بالغرفه.. قلي طيب خليني اشوفها.. وأهلك وين؟ حكيتله طالعين وبدنا نلحق ننظف البيت ونعمل شي نخفيها من هون.. حكالي انت شو عملت شووو ؟! اسمع اول شي لازم نخفي الجثة من البيت.. وننظف الدم لأنه الشغلة فيها قتل وقضية ومش لازم نفضح حالنا.. ولا من شاف ولا من دري.. حكيتله كيف يعني وين رح نروح فيها؟ قلي جيب سجادة من جوا أو حرام خميل او اي شي ننقلها فيه.. دخلت على غرفة ماما وصرت أدور على شي خميل .. ماقدرت أخد السجادة لأنه رح تشك بالموضوع وتحكي وينها؟ دخلت عنها واخدت حرام خميل من غرفتها واعطيته لتامر.. تامر لف نارين فيه وحكالي سيارتك وين؟ حكيتله سيارتي صغيرة ومش ممكن توسعها.. حكالي بتوسع لو حطيناها ورا بس كيف بدنا نطلع.. بخاف حدا يشوفنا من الناس.. كتير صعبة انه نطلع فيها.. لو حدا شافنا بالشارع رح تصير قصة.. الأحسن نلاقي حل تاني.. حكيتله شو ؟! قلي خلينا ندفنها قريب من هون.. بالمزرعه اللي برا .. جنب الحوّش .. حكيتله مستحيل؟ كيف بدك يانا ندفنها برا جنب البيت.. هالشي كتير صعب.. قلي أحسن ماحدا يشوفنا مطلعين شي بإدينا وتصير قصة.. ولا تنسى الكل صار يعرف انك صرت على علاقة فيها .. يعني الشك رح يتمحور عليك انت.. ولو حدا شافنا رح يشهد عليك وتنفضح وتروح فيها.. أنا هون لأساعدك ولو انت مش واثق بكلامي ماكنت جبتني لهون.. لهيك رد عليه.. طلعناها لبرا البيت.. وصرنا نحفر جنب البيت.. وحفرنا لوصلنا لحفرة غميقة.. أنا ماقدرت أوقف نفسي عن البكا ومسكت نارين وحطيتها بالقبر.. وكلي خوف وندم على الشي اللي عملته.. دفنناها تحت الأرض وطمرنا التراب عليها.. دخلت أنا وتامر جوا البيت وصرنا ننظف محل الدم .. والحيطان اللي طرّش عليهم الدم.. وقبل مانخلص بدقايق كانوا واصلين اهلي... دخلت امي علينا وشافتنا بننظف بالغرفه.. حكتلنا شو هاد؟ شو بتعملوا؟! حكيتلها تامر عندي .. رحبّت فيه ماما وبابا استغرب من وجوده بالساعه المتأخره وخصوصاً انه مابيجي عندي كتير متل صقر.. حكالي شو في وليش بتنضفوا شو اللي صار؟ اناا ماحكيت بس تامر انقذنا من الموضوع وصار يحكي .. اجيت اخبر سيف انه ابو امجد طرده من الشغل وللأسف وصاني احكيله كم كلمة علساني وحلفني لأنه سيف من التعب اللي صار فيه ما راح على المحل وسأل شو اللي صار.. وسيف عصّب وكب الشاي اللي عمّلي ياه على الأرض والسجاد الله يصلحه وأنا لمته وحكيتله لما تيجي أمك رح تزعل فنضفنا المكان..ماما صارت تشكر تامر وتحكيله خلص ولا يهمك وبتلاقي شغل احسن.. وتركونا.. بعد دقايق تامر حكالي لازم امشي واللي صار ماحدا رح يعرف فيه لا تخاف .. انا حكيتله بترجاك خليه سر.. وحتى صقر مابدي ياه يعرف .. أنا تعبان كتير ولو حدا عرف بالشي اللي صار مارح ارتاح أبداً.. روّح تامر على بيته وانا ضليت بالغرفه لوحدي أفكر .. وماما اجت تحكيلي عن المشكلة العائلية اللي راحو حلوها وانا مش معها..

#الخروج_من_التابوت_8 #الخروج_من_التابوت
@rwayate
الحلقة الثامنة
ابو نارين جاب الصورة واعطاني ياها.. حكالي هاي بنتي.. انا مسكت الصورة واتطلعت عليها.. وكانت الصدمه انه الصورة لنفس نارين اللي عرفتها!!! السؤال اللي كان براسي بهاللحظة إذن أنا مين اللي عرفتها ومين قتلت!! ماعرفت وقتها شو أجاوب نفسي.. وضليتني بحالة ذهول تام.. حكيتلهم صاحبة نارين بس بدها توصللها انها مشتاقه وانا بعرفها ومارضيت تحكيلي تفاصيل بس طلبت مني ازوركم واوصللكم سلامها يمكن لأنها بتحبها كتير!.. حكتلي امها بس أنا حاسه انه في شي غير هيك.. لأنه تصرفاتك غريبة ومن أول مادخلت البيت وكأنك حاسس باللي صار بنارين.. نارين في واحد قتلها لأنه حبها.. وعأساس يجي يخطبها.. البنت ماكانت مخبره حدا بس كانت مخبره صاحبتها وهيه اللي كشفت القاتل بعدين.. حكيتلهم والقاتل وين هلأ؟ حكتلي القاتل نحكم مؤبد.. ومارضيت تحكي تفاصيل أكتر بس اكتفت انه تحكيلي اللي صار معها.. لأنها شاكة اني جاي لشي معيّن.. انا صرت بحيرة من أمري .. خصوصاً بيتهم مابوحي انهم فقرا متل ماحكا أبو أمجد.. ومبينين عيلة مرتاحه ومعهم مصاري.. وعفشهم مبين غالي.. وحتى نارين ماكان مبين عليها هالشي.. انا طلعت من البيت وحكيتلهم انا وصلت رسالتي وبعتذر لو أزعجتكم.. بس أمه حسيتها ماصدقتني .. وانه في شي تاني..اتصلت بتامر وحكيتله تعال عندي بسرعه.. بدي أشوفك.. حكالي وين عالبيت حكيتله لألأ مش عالبيت خلينا نلتقي بمكان برا.. رحت على حديقة فاضية وصرنا نحكي.. حكيتله اللي صار وانه نارين طلعت مقتولة من زمان وقتيلها بالسجن والصورة لنفس البنت!.. شو بتفسر هالشي.. أنا مين قتلت..!! معقول نارين ماكانت بني أدم! انا كنت كل ما اشوفها اخاف منها واحسها مش بشر! .. حكالي تامر هالشي مابتصدق وانا مابتوقع هيك .. بس بيني وبينك الشغلة فيها وجهة نظر.. يمكن نارين شيطان أو روح خرجت من القبر وبدها توخد بتارها من اللي قتلها.. بس ليش لتيجي عليك انت! وكيف يصير هيك! حكيتله هاد اللي بدي اعرفه.. المشكلة نحنا دفناها بالبيت .. وقبرها موجود بالمقبرة الي ضعت فيها.. ومش عارف شو اعمل ساعدني.. حكالي لازم نبحث بعلم الأرواح ونكشف السر اللي صار معك! .. حكيتله كيف.. قلي خلينا نبحث على الانترنت على علماء بقصص الارواح ليساعدونا بس مايكونو دجالين لأنه هدول الشي اللي بحكولنا ياه ممكن يزيد الطين بلة.. روّحنا على البيت وقعدنا نفتش بالكمبيوتر ولقينا واحد اسمه أبو عكرمه.. بعرف بعلم الأرواح والأموات وحتى الشغلات اللي بتصير بعد الموت.. بعتناله أيميل ورد علينا.. بعتلنا الرقم واتصلنا معاه.. حكيتله حضرة ابو عكرمة.. نحنا لازم نزورك ..أنا اسمي سيف وعم بصير معي كتير شغلات مابتنحكى عالتلفون لو سمحت خليني اشوفك.. قلي تعال على هاد العنوان.. رحنا على بيت أبو عكرمة وكان شكله زلمة ختيار وشايب وعيونه مكحلات وبيته شبه فاضي بس غرفه وحدة فيها كتب وشغلات غريبة ماقدرت افهم شو هيه.. متل عضم حيوانات وشغلات محنطة ومخيفة! .. انا بالأول فكرته دجال بس لما قعدت معه وحكيتله قصتي حسيته فاهمني وعارف اللي صار معي.. حكالي انت وين دفنت الجثة.. حكيتله بالبيت وبصراحه مبارح حلمت شغلات كتير سيئة وصار بالبيت حدث غريب.. أنا قتلت هاي البنت بسكينة من سكاكين المطبخ ومبارح بالليل شفت السكاكين كلها متجمعه على الطاولة وكأنه تهديد.. او الروح هاي مش مرتاحه.. حكالي اسمعي يا ابني.. اول شي البنت اللي كنت تتعامل معها هيه روح.. روح نارين! .. يعني البنت نقتلت وماتت من سنة بس روحها ضلت موجودة في مكان ما.. والظاهر هيه مش مرتاحه ومتل ماحكولك اهلها انه في واحد قتلها وكان يحبها وتحبه.. يمكن هيه جاي تنتقم منه.. بس هاي الروح عشقتك.. انت كنت تشتغل بمول والبنت اشتغلت معك .. فمعقول اللي كانت تحبه كان يشتغل بنفس المهنة! .. حكيتله انا كنت اسمع صوت زلمة جوا الغرفه وكنت احس بصوتها متل همس ! معقول في تواصل مع شخص تاني.. بس ليه أنا .. انا حبيتها وهيه حبتني واللي صار خارج عن ارادتي صدقني! .. حكالي هاي الروح هيه اللي خلتك تقتلها.. لأنه هيه بدها ترجع من محل ما اجت .. واللي دفنتها انت روحها مش جسدها الأصلي اللي هوه بالقبر هناك محل ماكنت.. بس الخوف حالياً من الروح اللي ندفنت فبيتكم.. لأنها ممكن تدمرك وتقتلك! .. مش لازم دفنتها بمكان قريب منك! لأنها رح تضل محاوطتك حتى بأحلامك ومش ممكن انك تخلص منها.. هاي الروح جايه تنتقم من كل جنس ادم.. وبلشت فيك.. وماتستبعد انها تستلبس أبوك أو أخوك أو صاحبك اللي دفنها معك! .. حكيتله اطلعها وادفنها بمكان تاني! حكالي لأ .. لأنه لو طلعتها مارح تستفيد شي.. كان المفروض تندفن أول ما قتلتها مش بعد ! .. ولو خرجت حالياً رح تحرقك وتقتلك.. خليها محل ماهيه .. بس خد هاي المي ورش منها على التربة كل يوم الساعه 1 بعد الليل.. ولحد ماتخلص تأكد رح تختفي من حياتك متل ما رجعت! .. طلعت من عنده وفكري تايه وتعبان كتير.. حكالي تامر ماتخاف ورد عليه..

#الخروج_من_التابوت_9 #الخروج_من_التابوت
الحلقة التاسعة
@rwayate
شافت ماما طرف الحرام اللي دفنت فيه نارين وأصرّت تعرف ليش مدفون تحت التربة.. أنا حكيتلها مارح تطلعيه لو شو ماصار.. بس إصراي على إنه ماتطلعه زاد من إصرارها لتعرف أنا ليه بعمل هيك.. وحكتلي سيف شو مخبي تحت التراب؟ ليش الحرام مدفون وبابا شافني وأنا برش المي على التربة وبلفظ أسم نارين.. وشك اني مخبي عليهم شي.. انا بهاللحظة حكيتلهم اتركوا الحرام تحت الأرض بحكيلكم كل شي وشو عملت.. وليش مابدي أسحبه.. ماما حكت تعال ندخل جوا.. دخلنا جوا وسكرنا الباب.. وقعدنا كلنا بالصالة وصرنا نحكي.. حكتلي ماما احكي شو اللي مخبيه علينا.. حكيتلهم أنا قتلت بنت اسمها نارين!!.. ماما صرخت وحكت شو !! شو عملت؟ وصارت تبكي وبابا سكتها.. حكالي احكي مين نارين وشو اللي عملته.. حكيتلهم ماتخافوا اللي قتلها مش بني آدم.. أنا قتلت روح ميته يعني ماتت من سنة! .. بهاللحظة مافهموني وماعرفوا أنا شو بقصد.. بلشت اشرحلهم اللي صار.. وكيف تعرفت عليها بالمحل وعجبتني وكيف صرت أطلع معها.. ماما فوراً تذكرتها.. وحكتلي هاي اللي اجت عنا على البيت وكان وضعها مش عاجبني مش هيك! ووقتها سألتك مين هيه حكيتلي صاحبتي .. انا من الأول ما ارتحتلها بس كيف هيه مش بني ادم فهمني!! حكيتلهم هاي البنت ميته ..في واحد قتلها.. وروحها خرجت من تربتها عشان تأذيني أنا خصيصاً بس مابعرف ليش!! وليش أجت عليه أنا.. في واحد حكالي انت في يوم من الأيام رح تقتل حدا أو رح يموت حدا بتعرفه او رح تموت أنت.. حكالي شغلات مافهمتها بس مضمونها قتل وموت.. والوقت اللي طلعتوا فيه من البيت بالليل عشان المشكلة العائلية! .. عزمتها على البيت وكان بدي أعرف مين هيه لأنه باليوم اللي ندعست فيه وكنت سهران عند صحابي اجريه ودوني على مقبره بدون ما أحس وحسيت اللي صار بفعل فاعل وكأنه حدا سحب سيارتي لمكان المقبرة وعطلها كمان!! وصار كتير شغلات لما دخلت هالمقبرة .. شفت واحد ختيار حاول يأذيني وقلي أنا روح بدي أأذيك وخلاني أحط أيدي بتربة حدا ميت.. وغير البنت اللي شفتها بنفس المقبرة وخلتني أروح أشوف قبر نارين .. أنا متأكد كل اللي صار من حدا بده يأذيني ومسلط عليه روح نارين.. حتى الوقت اللي قتلتها فيه ماكنت حاسس على حالي فيه!! أنا مابعرف ليه صار هيك.. حكالي بابا احكيلي مين اللي عرفك على البنت.. انا حكيتله ابو امجد جابها على المحل ومن وقتها تعرفت عليها وعجبتني.. وصارت الأحداث تيجي شوي شوي بحياتي.. أنا تعبان كتير.. وخايف أبو عكرمه مايساعدني!! ماما حكت مين هاد كمان !! حكيتلها هاد واحد عالم أرواح لقيناه على الانترنت أنا وتامر.. لأنه أنا حكيت لتامر وقت ماقتلت نارين واجا دفنها معي بنفس المكان اللي انتوا كنتوا واقفين فيه معي برا.. ولفيناها بحرام بابا ودفناها.. وهوه اعطاني ميه حكالي أرش منها كل يوم الساعه 1 على القبر حتى تختفي من حياتي تماماً.. ومش لازم ننبش القبر ولا نطلعها ولا نغير مكانها لأنها رح تأذينا.. وانا الأحلام مش تاركيتني بحالي وحاسس روح نارين معنا هون بالبيت وبدها تأذينا.. وانا شفتها من ساعه بالحلم وكانت حامله سكينة وحكتلي رح أأذي أهلك.. ومن بعد ماصحيت لقيت ماما بتصرخ وبتحكي شفت وحدة بالمرايه ! انا متأكد انها شافت نارين.. وفعلاً ممكن تأذينا كلنا.. حتى السكاكين اللي كانوا بالمطبخ على الطاولة .. بتتذكري ماما!!! هاي علامة منها بأذية عيلتي.. صرت أبكي.. وماعدت عرفت شو بدي أعمل.. بابا حكالي ولا يهمك رح نلاقي الحل.. بس انت كيف عرفت انها ميته من سنة وكيف تأكدت انها مجرد روح.. حكيتله رحت شفت اهلها بمحافظة تانية بعيدة شوي عن محافظتنا وفرجوني صورتها وطلعت هيه نارين اللي عرفتها وطلعت معها وحبيتها طول هالفترة.. وحكولي في واحد كانت تحبه وقتلها وكان عأساس يخطبها.. أبو عكرمه حكالي انها ممكن تكون طلعت من قبرها عشان تأذي جنس آدم بسبب أذية حبيبها لإلها واجا الموضوع فيني.. ومش بعيد يجي بشب تاني.. لازم نشوف حل بابا.. حكالي بابا السر موجود بإيد أبو أمجد .. هوه بعرف كيف أجت ومن وين أجت!! .. ماحدا بشغل حدا عنده إلا لما يكون عارف مين هوه! ..حكيتله فعلاً حتى هوه كان حاكيلي انها فقيرة برغم انه هيئيتها ومنظرها ماكان بوحي انها هيك.. وحتى بيتهم كان فخم وكتير حلو.. انا متأكد انه بعرف مين هيه.. ماما صارت تبكي وتحكي من وين طلعتلنا هالقصة.. انا خايفة من الجثة المدفونه برا.. وحاسه انه روح هالبنت مش رح تتركنا .. أنا شفتها بدها تقتلني وشفتها بالمرايه بتطلع عليه.. بابا هداها وحكالها خلينا ننام هالكم ساعة الباقين لنعرف نفكر بكرا شو بدنا نعمل.. وقبل مايصير فينا شي.. رحنا كلنا ننام وأنا ماقدرت أغفى وبالي مشغول.. غفيت قبل الفجر بشوي.. وصحيت لقيت بابا لابس وماما عم تحضر الفطور.. حكالي أنا مارح أروح على شغلي اليوم.. لازم نطلع أنا وياك بعد الفطور عند أبو أمجد ونحكي معاه.. لازم نعرف البنت هاي من وين اجت وكيف أجت!!

#الخروج_من_التابوت_10 #الخروج_من_التابوت
@rwayate
الحلقة الأخيرة
فتحنا القبر.. وشلنا الحرام من التربة.. اتطلعنا فوراً ما لقينا ولا حدا.. ماكان في حد بالقبر ونارين مش موجودة.. حكيت لبابا مافي حدا!! اتطلع عليه بابا نظرة غريبة وحسيت بده يحكي شي.. ونظرة ماما لإلي كانت نفس الشي.. حكيتلهم شو في؟ مالكم!! حكالي بابا.. حبيبي إنت متأكد اللي عملته فعلاً صار !! حكيتله بابا إنت مفكرني عم بكذب ولا عم بتوهم!! أنا عرفت بنت إسمها نارين وتعرفت عليها وجبتها على البيت كمان شو في مالكم ؟! وإذا مش مصدق إسأل ماما هيها هلأ رح تحكيلك.. إتطلعت ماما عليه وحكتلي حبيبي مالك ياروحي انت ماجبت حدا على البيت ومافي حدا دخل بيتنا.. إصحى وحاجة تحكي نارين ونارين .. مافي بنت إسمها نارين دخلت على بيتنا وما شفت بنت إسمها نارين أبداً.. حكيتلها ماما.. قبل شهر مش أنا جيت ومعي بنت.. وسألتيني وحكيتيلي مين البنت اللي معك.. حكيتلك نارين صديقتي وكانت جاية تتطمن عليه بعد الحادث ومرضي.. وحتى إني ضيفتينا عصير.. مش اليوم لسه حكيتي عن الموضوع وانك ما ارتحتيلها..!! اتطلعت ماما على بابا وهزت راسها.. وكإنها حكتله ماصار هالشي! أنا نجنيت وصرت أصرخ بالليل.. بابا حكا رح تصحي الجيران تعال جوا نتفاهم مع بعض!!.. حكيلت لماما شو صارلك لسه اليوم حكيتي انك ما ارتحتيلها بس دخلت بيتنا!! اتطلعت ماما عليه وحكت.. انت بهداك اليوم إجيت إنت وصاحبك صقر.. وأنا حتى ضيفتكم عصير.. وهوه طلب يدخل على الحمام وبعد بدقايق صار حادث المطبخ ووقع رف الصحون على راسي وجبت قهوة وحطيتها على راسي.. وبعدها صقر طلع من البيت وكان رح يساعدنا بس هوه مشي مستعجل لظرف طارء.. اللي كان بالبيت صقر مش نارين إصحى!!!! وحتى ما شرب عصيره وحكيتلك ليه ماشربه شكله ماعجبه!.. ونحنا متعودين صقر يجي عنا.. من وين طلعتنا بموضوع نارين! بابا حكا لماما استرجعي ذاكرتك وتذكري.. اجت بنت على البيت ولا لأ؟ حكت ما أجت ومادخل بيتنا بنت.. وأنا متأكده انه صقر اللي أجا.. أنا بهاللحظة سألت بابا.. ماما حكت اليوم عن هاي البنت بس ذكرتها فيها! .. حكالي لأ ما حكت أبداً.. التنين أنكروا الحادثتين اللي صارو هدول وأنا صفيت بحيرة من أمري.. صقر اللي اجا على بيتنا هداك اليوم مش نارين!! يعني أنا كنت بتخيل وجودها كل هالوقت!! وكان الشخص الحقيقي اللي معي هوه صقر.. أنا كنت بتخيل صقر نارين!! .. معناته مافي غير شيء واحد .. إنه تامر وصقر لعبوا عليه عن طريق شخص بلعب بالأرواح.. وخلاني أتخيل روح هالبنت وأحبها.. بس ليش!! .. دخلت على غرفتي وسكرت الباب وبهالوقت ماكان في كلام جواتي.. إلا هواجس صارت تطاردني بهالليلة من كل مكان.. كل ما كنت أغمض عيوني أشوف نارين قبالي عم تضحك وتطلع عليه.. وتحكيلي رح تموت .. رح تموت.. رح تموت متل ماقتلتني!!.. وأنا أصرخ وأرجع أغفى وأنا ببكي وأرجع أشوفها.. وأشوف كل شي حواليه بتحرك وروحها لسه موجودة برغم ما إلها جثة بالبيت!.. طلع الصبح بصعوبة وكانت أعصابي خلص تلفت.. طلعت من الصبح على المول.. وقبل ما يوصل أبو أمجد على المحل كنت خاطفه.. حطيت سكينه على رقبته وسحبته لمكان مهجور قريب من المول.. وكان الوقت لسه صبح ومافي ناس بالطرق.. حكالي شو في مالك نجنيت سيف!! .. حكيتله رح أقتلك لو ماحكيت الحقيقة.. حكالي أي حقيقة ! قلتله انت شو اتفقت مع تامر وصقر!.. شو حكيت معهم إحكيلي.. حكالي ماحكيت اشي وصار يرجف ويبكي ويتوسل.. حكيتله رح أقطع راسك لو ماحكيت وأرميك بهالمكان للكلاب.. حكالي خلص رح أحكي.. بلش يحكي.. قلي بيوم أجا عندي تامر وصقر على المحل وحكولي بدنا نشوفك بعد الدوام وانه ما احكيلك شي.. حكيتلهم ماشي.. رحت شفتهم بمكان برا الشغل.. فهموني عكتير شغلات.. بالبداية ماكنت فاهم شو بدهم وشو اللي بحكوه.. بس اللي فهموني ياه انه لازم اتظاهر قدامك بوجود بنت جديدة بالمحل اسمها نارين!.. واحكيلك انها بنت غنية وجاية تشتغل لأنها بتحب هالمهنة واعطوني مصاري كتير عشان اضل اتظاهر لأسبوعين بالزبط.. بس أنا لما شفتك حكيت عكس ماحكولي وقلت بنت فقيرة.. وكنت ناسي بالزبط شو بدهم مني بس المصاري عموني بس شفتهم.. وانت انبسطت.. الشي اللي صدمني انه البنت اللي أسمها نارين كانت صقر!! .. وهوه اللي كان يشتغل بالمحل بس أنا ماكنت عارف شو اللي بصير بس كنت بستلم مبلغ من تامر عشان أضل مستمر بالفيلم هاد.. ومشيت الأمور وصقر عم بشتغل معنا بدون راتب بس لشي أنا مابعرفه.. واللي صدمني أكتر انه انت كنت شايف صقر بنت وبتناديه نارين!!! وعطول كنت مبسوط فيه وتقعد معاه.. وبينكم انسجام.. حتى الزباين بالمحل فكرو انه بينكم شي شاذ!! وأنا خفت عسمعة المحل بالآخر واستغليت اللي صار معك بعد مادخلت المستشفى وطردتك.. وحتى صقر قلي انه لو بتحكي عن اللي صار رح نقتلك ووصلك المبلغ وخلصت مهمتك.. بس ليش عملوا هيك ماكنت عارف وحتى الشي اللي كنت تعمله انت ماكنت بعرف ليش هيك وكنت مفكرك نجنيت بس كنت مستمر معهم!!

#مدينة_الموتى_3 #مدينة_الموتى
@rwayate
الحلقة الثالثة
بعد اللي صار مع بيتر زاد خوفي اكتر من انه الشخص عم براقبني او بده يقتلني .. بس برغم اني مابخاف هالمرة خفت من الغدر.. وقررت اني اكشف سر الصور اللي وصلوني.. اتصلت من رقم ماما على واحد بعرفه بالجامعه إسمه زياد وهوه مصوّر فوتوغرافي وجرافيكي وحكيتله الموضوع مستعجل ولازم اشوفك بأسرع وقت ياريت تيجيني على البيت أحسن.. اجا على البيت وسكرت الباب علينا وحكيتله الموضوع سرّي ومابدي حدا يدرى فيه لو سمحت .. حكالي احكيلي خوفتني شو القصة ؟! قلتله شو رأيك بقصة قتل بيتر ؟ قلي فعلاً الموضوع غريب وفي سر غامض.. مين اله مصلحة يقتله اذا هوه بحاله وبعمره ما أذى حدا .. ليش ليعموا هيك وليش ليقتلوه فبيته كمان .!! حكيتله أنا وصلني إيميل من الشخص اللي قتله وصوّر الجريمة .. مابعرف طبعاً ليش عمل هيك وليش بعتلي ياهم إلي.. رح افرجيك ياهم .. فتحتله الصور وفرجيته ياهم صورة صورة .. وشاف تفاصيل الجريمة كيف صارت وقت ماصوّره وهوه عم بعمل شاي وبعدين صور البيت .. والصورة اللي مبين طرف وجهه فيها.. حكالي فعلاً مبين طرف وجه ومغبش شوي .. بس أنا بقدر اوضحه واستخرجلك الصورة بطبيعتي بس بدك تمهلني يومين لهالشي.. حكيتله ياريت اسرع من يومين .. بس ليش يومين .. حكالي لأنه بدي أخبر واحد شاطر بهالشي يساعدني أنا مافيه لحالي.. حكيتله لألأ مستحيل اقبل .. انا حكيتلك انت لأني بوثق فيك وبعرف انك صاحب لألي وبتعرف بيتر .. واذا الشرطة عرفت بهالأيميل رح نروح فيها.. اذا حابب تريّح روح صديق جامعتك خليك بتشتغل لحالك.. حكالي طيب انت ليش خايف؟ ليش هيك عم تعمل ؟ ليه مابعتت الصور مثلاً للشرطة وهمه تكفلو بما انك ما الك بالقصة لا من بعيد ولا من قريب.. وهمه بحلّو الموضوع .. حكيتله مستحيل لأنه رح ادخل بسين وجيم .. وانا عندي جامعه وعلامات وامتحانات وشغلات كتيرة .. رح يهلكوني اسئلة وروحه وجية .. حكالي ماتوقعتك هيك يعني صاحبك هاد وبتعرفو بعض من سنين .. ليه لتسكت .. حكيتله بدك ياني اندم اني حكيتلك !! .. حكالي لأ مابدي بس انت موضوعك مش طبيعي .. رجع مرة تانية يقلب بالصور .. وشاف صورة بيتر مرة تانية وهوه عم بعمل شاي وكان حاطط على الطاولة كاستين مش كاسة وحدة .. حكالي ليش كاستين شاي مش كاسة !! .. انت شكلك كنت عنده لهيك خايف !! .. قلتله انت ليش عم تسأل كتير .. بدك تودينا بداهيه يعني ومش عارف انه الموضوع فيه شرطة وحبس وقصص كتيرة .!! .. حكالي احكيلي الحقيقة وانا رح احكيلك شو تعمل.. قلتله بيتر نقتل وانا عنده .. دخلت على الحمام طلعت لقيته مقتول.. والمجرم شكله معاه مفتاح وبعرف البيت منيح .. وحتى كان عارف اني بدي ادخل على الحمام .. غير قصة صاحب التكسي كمان .. حكالي زياد شو قصة صاحب التكسي.. حكيتله فعلاً انت شكلك بدك تودينا بداهيه.. وبدك تعرف كل شي.. انا فعلاً ندمت اني حكيتلك.. بس بعد شوي حكيتله كل شي لأنه صار عنده علم بكل شي.. قلتله طلعلي الصور بسرعه لو سمحت .. وهوه حكالي خلص رح اشتغل عليهم لحالي حتى لو الموضوع صعب رح اتعلم واشوف كتب وشغلات كتير لأوصل للنتيجة .. حكيتله ياريت.. وطلع من البيت .. أول ماطلع وبعد 5 دقايق بالزبط وصلني أيميل تاني من نفس الشخص.. بحكيلي يعني عملت اللي براسك سيد ستيفن .؟ بكرا الصبح رح تشوف شي مارح يعجبك أبداً.. انا قلت كيف عرف ! معناته هاد الشخص بعرف زياد وبراقبني وهوه حوالين البيت كمان .. !! سكرت الباب منيح وصرت امشي بكل مكان بالبيت حتى ماما انتبهت عليه وحكتلي شو في مالك مش طبيعي حاسيتك ؟؟ قلتلها ماما ياريت ما تسأليني ولا شي هاي الفترة .. حكتلي بدك تحكيلي هلأ انت مش على بعضك من مبارح .. معقول كل هاد عشان موت صاحبك .. حكيتلها انتي كيف عرفتي .. حكتلي عرفت حبيبي يعني اذا انت ماعرفت انا كيف مابدي اعرف.. كل الفيسبوك كاتبين عنه وحاطين صورته وانت ماحكيتلي .. ليش ماحكيت هالقد زعلان عليه .. الله يرحمه ..حكيتلها لأنه نقتل قتل ياماما وصرلي بعرفه من زمان.. انتي بتعرفي هالشي.. حكتلي طيب حبيبي دير بالك على حالك ولاتخوفني عليك .. انت لسه حاط هداك الموضوع براسك .. حاولت اتناسى القصة واحكيلها اي موضوع .. وفجأة دق باب البيت .. حكيت مين بده يجي عنا الساعه 11 .. حكتلي ماما غريب وابوك فوق نايم واختك نايمة كمان مين بدق.. حكيتلها شوي ماتفتحي.. سكتتها وانا سكتت .. قلت مين ؟ مافي حدا رد .. حكيت مرة تانية مين ورا الباب ؟ رجع ماحدا رد .. عصبت كتير واتطلعت من العين الساحرة ما شفت حدا.. قلتلها ماما اطلعي فوق بسرعه .. حكتلي حبيبي مين بده يكون ورا الباب أنا خايفة .. ماتفكر تفتحه وتطلع أبداً فاهمني.. حكيتلها طيب خلص متل مابدك بس اطلعي فوق.. طلعت فوق وانا صرت اتطلع من العين الساحرة وفجأة شفت الشخص نفسه عم بمرر ايده من جنب العين الساحرة.. وبأشرلي على المنطقة اللي فيها شباكنا على اليمين .. قلت لازم افتح وامسكه مين ماكان يكون .. بس أول شي خليني امسك سلاح ..

#الغريب_قصص
@rwayate
#الغريب_7 #الغريب
الحلقة السابعة
حكالي أرجوكي لا تبكي ولا تسأليني مين اللي قتلني لأنه اللعنة رح تروح عنك وعني أول ماتعرفي إسم الشخص اللي قتلني.. وأنا مش حابب تروح لأني تعلقت فيكي.. حكيتله كيف فيه اعرف هالشخص؟ حكالي أنا ما بقدر أساعدك بس لأني بحبك رح احكيلك شي.. الرقم سبعمية وأربعة وعشرين موجود بغرض من أغراضه وهوه رقم عزيز كتير عليه لهيك هوه اختار تكون لعنته للشخص اللي بكرهه بنفس هالرقم.. ولو شفتيها رح تعرفي مين هالشخص بسهولة.. حكالي رح اضلني جنبك ومارح افارقك أنا حواليكي وبحبك ومارح أأذيكي أبداً لاتنسي هالشي.. وفوراً صار يرجع للناحية اللي رجع منها واختفى من ورا الشجرة .. وأنا وقفت حايرة بتطلع على القبر اللي حفرته والدنيا زادت شتى عليه ومش عارفة احط الوراق ولا ارجعهم لأنه ماعدت عرفت شو أعمل أبداً .. وقفت أفكر لدقايق وصرت ابكي .. حكيت مارح ارد عليه.. رح ارد على كلام ام فارس وهيه اللي حكته صحيح.. هاد بده يضل وراي ورح يقتلني وهاد كذاب أكيد.. رح احط الورق حتى ما اموت.. نزلت ناحية القبر وماقدرت اشيل تراب اكتر .. مسكت الورق بعد ما نبل وصار متل العجينة .. حطيته بالتربه ورميت عليه التراب.. رميت المنكوش وطلعت من المقبرة ببكي وبرجف ورجعت مرضت من جديد.. فتحت تلفوني بعد ماطفيته وكانت ماما رانه عليه.. حكيت مع لما وحكيتلها عملت كل شي وصار شي بخوف مش قادرة احكي ولا أعبر.. بدي اجي عندك فوراً.. وقفت نص ساعه بستنى بتكسي لأنه كانت الشوارع فاضية.. طلعت بالتكسي ووصلت بيت لما.. حكتلي احكيلي شو اللي صار بسرعه .. قلتلها على كل شي صار .. وحكيتلها شو حكالي وشو تصرف.. قالتلي فعلاً هالشي مابتصوره عقل .. مش معقول الميت يطلع ويحكي! .. انتي متأكدة من اللي شفتيه.. حكيتلها اه متأكده .. قالتلي القبر اللي حفرتيه قدرتي تطلعي على شكل الجثة.. حكيتلها ماقدرت كنت خايفة وما قدرت انبش اكتر لأنه اصلاً المنكوش علق بالتربة وما قدرت اتحرك والجو صار مطر.. حكتلي لو قدرتي تشوفي الشخص اللي بالتربة كان تأكدنا من الشي اللي فبالي.. حكيتلها شو اللي فبالك.. حكتلي انا خايفة يكون هالشخص مش ميت وفعلاً عم بظهرلك بالحقيقة.. حكيتلها لأ مستحيل كيف هيك وهوه اصلاً بظهرلي بغرفة النوم وبكل مكان وفجأة بختفي.. هالشخص موجود فعلاً ومش بعيد يكون بيني وبينك هلأ ! .. حكتلي لا تخوفيني!! أنا جد بخاف من هالأمور .. حكيتلها وحياتك هوه حكالي انا وين ماتروحي جنبك .. ممكن فعلاً يكون بينا هلأ .. بس ما بظهر لحدا غيري !! .. اللعنة المسلطة علينا مخليته يحبني ويضل جنبي.. ومارضي يحكيلي الاسم اللي أذاه وقتله عشان ماتروح اللعنة وما يعود يشوفني! .. شو رأيك شو اعمل انا.. احترت ومش قادرة افكر .. حكتلي خلينا بكرا نروح لأم فارس وخلينا ننام هلأ .. وماتخافي دام ما بظهر لحدا غيرك فأنا وياكي مع بعض مستحيل يظهر وانتي بأمان.. طلع الصبح علينا وورحت عالجامعه مع لما وبعد ماخلصنا شفنا فراس واخدنا بالسيارة على بيته .. حكيت لأمه كل شي عملته وانه ظهرلي وحكالي هيك .. حكتلي اللي حكاه صحيح.. اللعنة انا ماكنت عارفة شو مضمونها بالزبط بس هلأ اتوضحلي كل شي.. اللي مسلط عليكم هاللعنة مخليه يظهرلك ويتعلق فيكي لمدة محددة بس لما تخلص هالمدة رح تموتي متل ماحكيتلك .. وهالشخص اناني بده يضل معك برغم عارف رح تتأذي لو ماراح عنك.. بس ماتخافي انتي عملتي متل ماقلتلك وحطيتي الحجاب اللي فيه اللعنة مع الصورة بالتربة محل ما مات.. وأيام وان شاء الله كل شي بنحل.. مارح يرجع يظهرلك ورح يختفي.. انتي عملتي الشي الصح وكل شي رح يكون تمام.. اتطمنت من الكلام اللي حكته ولما ابتسمتلي وطمنتني وحكتلي خلص ماتخافي.. طلعت من البيت وروحت.. وكنت تعبانة كتير وبدي أنام.. دخلت على الغرفة ونمت وحكيت لماما ماتصحيني وطلبت من داليا تدرس بعيد عن الغرفة لأني بدي أرتاح.. وكنت متطمنه انه كل شي صار منيح وخلص كل شي رح ينتهي عن قريب.. غمضت عيوني وغفيت.. صحيت بعد دقايق وأنا عم اتقلب يمين يسار.. وقلبت حالي لليسار.. فتحت عيوني لقيته جنبي ومفتّح عيوني.. عيونه ناحية عيوني وعم يتطلع عليه.. صرخت بأعلى صوتي وأنا عم ارجف وفتحت الباب وصرت أنادي على ماما.. اجت عندي داليا حكتلي شو صاير شو شفتي؟ حكيتلها جوا جواااااا.. كنت منهارة وعم ببكي.. اجا بابا وهاشم اخوي وكلهم صارو يتطلعو عليه وانا منهارة وعم ببكي ومش قادرة القط انفاسي.. اختي جابت مي وصارت ترمي على وجهي وتشربني وترش عليه عطر لحتى اصحصح واوعى على حالي لأني كنت مش قادرة أركز ولا أجمّع .. نمت بهاللحظة بدون إرادتي وصحيت بعد ساعه تقريباً ولقيت أهلي كلهم حواليه بسألوني شو اللي صار.. شرحتلهم كل شي.. وحكيتلهم الشخص الغريب اللي بالصورة كان جنبي بالغرفة.. هاشم اخوي عصّب وحكالي انتي شو عم تحكي هاد الشي تخبيص ومش معقول انتي صرتي عم تهلوسي .. جنيتي؟!