#أنا_الغريب
#الجزء_الثامن
#بقلم_فتاة_من_ورق_بسمه_السباعي

أمين : بدك شي خالتي ؟
احلام : انتبه على حالك الله يرضى عليك .
أمين : ان شاء الله .

*وصلت أمين لعند باب البيت رتبتلو جاكيتو قبل ما يطلع...

أمين : وانتي بدك شي يا عمري ؟
نورا : بدي ترجعلي بالسلامة .
أمين : الله يسلمك .
نورا : الله يحميك .

*طلعت من البيت و بلشت اتذكر حكي نورا بخصوص موضوع السفر .. صرت اتطلع حواليي ناس كتير نازحة على حارتنا .. طفل بعمر السبع سنين فاتح بسطة خضار ليعيش اهلو .. و طفلة صغيرة واقفة قبال محل تياب عم تتأمل الفستان يلي معروض على الواجهة ....
أمين : كلامك يا نورا بمحلو ، بهالبلد ما رح يكون في مستقبل لأولادنا ، انا مستحيل حط ابني او بنتي بهيك موقف ، بدفع عمري ليعيشو ولادي بعز .
________________________________________
#بقلم_فتاة_من_ورق_بسمه_السباعي

أحلام : نورا .
نورا : نعم خالة .
أحلام : انا تعبانة اليوم و بدي روح ارتاح بغرفتي ، نضفي البيت و اطبخي ، اذا عندك أي سؤال بخصوص الطبخة تعالي صحيني .
نورا : سلامة قلبك اتصل بأمين يجبلك الدكتور ؟
أحلام : لا مافي داعي بنام شوي بتحسن ان شاء الله .
نورا : نوم الهنا .

*دخلت احلام على غرفتها .. تأملت البيت حواليي كان بدو شغل كتير .. هي أول مرة بحياتي بستلم بيت لحالي و طبخة كمان !!!
________________________________________
#بقلم_فتاة_من_ورق_بسمه_السباعي

*وقفت عند باب غرفة ابو بلال ..

ام بلال : لازم تعيش يا زكريا ، كرمالي ما كرمال حدا ، انا ماعاد الي بهالدنيا غيرك ، لمين بدك تتركني ؟

ختام : اختي .
ام بلال : نعم .
ختام : انتي لازم تتصلي تخبري صلاح باللي صار .
ام بلال : لا ما بدي خبرهم بشي .
ختام : ما بيصير يا اختي لازم يكون عندو خبر ، يمكن يقدر ياخد اجازة و يجي يشوفك و يشوف ابوه ، يمكن زوجك يتحسن اذا حس انو حدا من ولادو جنبو .
ام بلال : طيب اعطيني التلفون .

* اتصلت بصلاح و ايدي عم ترجف....
****************************************
صلاح : اهلين امي .
ام بلال : كيفك .
صلاح : الحمدلله حبيبتي كيفك انتي .
ام بلال : صلاح انت لازم تاخد اجازة بأسرع وقت .
صلاح : ليش ؟؟ شو صاير ؟
ام بلال : ابوك تعبان و بدي ياك تكون جنبو .
صلاح : شو يعني تعبان ؟ شو وجعو ؟؟
ام بلال : ابوك بالعناية المشددة صلاح .

*هاد الخبر كان صدمة كبيرة بالنسبة الي...سكرت التلفون و بلشت فكر شو لازم اعمل....
________________________________________
#بقلم_فتاة_من_ورق_بسمه_السباعي

لمى : شو حلو هالمكان .
غسان : كل ما بكون متضايق بجي لهون ، بشم الهوا النضيف و بفكر بمستقبلنا سوا لحتى روق .
لمى : فراق اهلي كان صعب عليي كتير بس لما شفتك تغير كل شي .
غسان : كيف ؟؟
لمى : اول ما حضنتك حسيت بالأمان ، حسيت حالي بوطني ، انت ما رح تخذلني صح غسان ؟
غسان : لمى انتي روحي و عمري .. فرحي و سعادتي .. أملي بهالدنيا كيف بدي اخذلك ؟؟ شيلي هالافكار السودا من بالك انتي قلتي انا امانك و وطنك و رح ابقى هيك طول ما فيني روح .
لمى : الله لا يحرمني منك .
غسان : رح قلك خبر يطمنك اكتر .
لمى : شو ؟؟
غسان : من قبل ما تجي انتي لهون و انا عم اشتغل بأوراق امك ، كنت متمني تجو سوا .
لمى : يعني امي رح تجي لهون ؟
غسان : قولي يا رب .
لمى : ما غلطت لما قلتلك انت نعمة من السما .
غسان : ما بدي شي غير شوف هالوجه عم يضحك على طول .
لمى : طول ما انت جنبي و سندي رح ضل اضحك .
________________________________________
#بقلم_فتاة_من_ورق_بسمه_السباعي

ابو فراس : ام فراس .. هديل .. وينكن .
ام فراس : اهلا و سهلا جاية بكير اليوم .
ابو فراس : اي والله جوعان كتير .
ام فراس : الغدا جاهز ، هديل .
هديل : نعم ماما .
ام فراس : حضري السفرة ابوكي جوعان .
هديل : من عيوني .
ابو فراس : وينو فراس ؟
ام فراس : بالمدرسة اليوم دوامو فترة تانية .
ابو فراس : الله يحميه .
ام فراس : اليوم اجت لعنا جارتنا ام يحيى .
ابو فراس : خير شو بدها ؟؟
ام فراس : طلبت هديل لإبنها يحيى .
ابو فراس : و انا موافق .
ام فراس : بس لسا ما سألت عن الشب .
ابو فراس : اليوم بسأل عنو ومع هيك موافق ، سبق و قلتلك بدي زوج هالبنت لأول واحد بيتقدملها خلينا نخلص منها قبل ما تفكر تتصرف متل المغضوبة .
ام فراس : يلي بدك ياه بيصير ، بكرا بردلها خبر لأم يحيى انو موافقين .
ابو فراس : اي منيح .
هديل : ماما .. بابا تفضلو على الغدا .
ابو فراس : يلا بسم الله .

*سمعت حديث أبي .. ما بنكر انو كلامو كسر قلبي .. في اب بيقول عن بنتو خلينا نخلص منها ... ليش ؟ انا شو ذنبي ؟ شو عملت لحتى اخد هيك عقاب ؟؟؟
________________________________________
#بقلم_فتاة_من_ورق_بسمه_السباعي

صلاح : احترامي سيدي .
الضابط : خير يا ابني .
صلاح : سيدي بدي اطلب من حضرتكم طلب ، طمعان بكرمكم و عندي أمل ما تردوني خايب .
الضابط : شو طلبك ؟؟
صلاح : ب

#أنا_الغريب
#الجزء_التاسع
#بقلم_فتاة_من_ورق_بسمه_السباعي

ضياء : طول بالك يا رفيقي ، الله يرحمو .
عمار : كيف بدي طول بالي ، هي تاني مرة بينكسر ضهري .
صلاح : قوووم وقف على حيلك ما بيجوز يلي عم تعملو اخي ، هلأ لازم نمشي امك بحاجتنا جنبها .


*الجرح يلي تركو بقلبي اخي بلال لما توفى لسا ما طاب ، و هلأ جرحي كبر وما بظن في شي بيشفيه .. ما بقدر قول بهاللحظة غير الله يصبرني و يقويني على كل شي مخبيلي ياه القدر ....
________________________________________
#بقلم_فتاة_من_ورق_بسمه_السباعي

*اخدت المبلغ من مرت ابي بعد ما تنازلتلها عن حصتي..تطلعت بقرف على بيت اهلي لآخر مرة..صرت اقرف من هالبيت بعد وفاة أمي..بهاللحظة قررت ارمي كل الدنيا ورا ضهري و اهتم بنورا و بمستقبلنا سوا....بعد ساعة وصلت على البيت...

*كنت عايشة على اعصابي لحتى وصل أمين على البيت ركضت لعندو و حضنتو....

نورا : أمين..خفت عليك كتير الحمدلله على سلامتك .
أمين : اهدي حبيبتي انا بخير .
نورا : طولت عليي و ما عم ترد على اتصالاتي انا ما الي غيرك بهالدنيا .. بموت والله بموت اذا بيصرلك شي .
أمين : طول ما انتي جنبي انا بخير .
نورا : الله يحميك .
احلام : الحمدلله على سلامتك .
أمين : الله يسلمك خالتي .
نورا : رايحة جهزلك العشا .
أمين : لا لا مو جوعان ، عن اذنك خالتي بدي روح نام .
احلام : فيك شي ابني ؟
أمين : لا انا منيح ، تصبحي على خير .
احلام : وانت بخير .

*لحقت امين على الغرفة كنت حاسة فيه شي مو طبيعي...

نورا : شو صاير معك ؟
أمين : تفضلي .
نورا : شو هدول ؟؟
أمين : 5 مليون ليرة .
نورا : من وين ؟ و لشو ؟؟
أمين : حصتي من بيت اهلي .
نورا : ليش ؟
أمين : رح نسافر انا و انتي تهريب على تركيا .
نورا : عم تحكي جد ؟
أمين : مو هي رغبتك ؟
نورا : ما توقعت انك رح تأمن المبلغ بهالسرعة .
أمين : انتي بس امريني و كل شي بدك ياه بيصير .
نورا : الله لا يحرمني منك .
________________________________________
#بقلم_فتاة_من_ورق_بسمه_السباعي

*وصلنا لعند أمي..حضناها و لأول مرة بحسها بدها مننا الحنية بعد ما كانت هي يلي تعطينا الحنية..كانت ضعيفة و مكسورة و عم تبكي بصمت..تمنيت بهاللحظات شيل الحزن عنها..يا ريت بقدر رجعلها ضحكتها متل لما كنا صغار....

سمر : خالتي .
ام بلال : نعم .
سمر : لمى عم تتصل .
صلاح : اعطيني انا برد عليها .
ام بلال : صلاح لا تخبرها .
صلاح : لازم تعرف امي .
****************************************
صلاح : اهلين اختي .
لمى : صلاح ؟!! انا متصلة بأمك ، كيف انت رديت ؟ معقول عطوك اجازة ؟
صلاح : كيفك .
لمى : مشتاقتلكن كتير كيفك انت .
صلاح : كيفو غسان ؟
لمى : الحمدلله بيسلم عليك .
صلاح : اعطيني ياه .
لمى : اي من عيوني .
غسان : الله حيك صلاح .
صلاح : كيفك صهر .
غسان : داعيلك .
صلاح : غسان اسمعني منيح شو بدي قلك .
غسان : امرني .
صلاح : لمى بأمانتك بدك تداريها و تقويها لانو الايام الجاية رح تكون صعبة عليها ، بدي منك تتحملها و تخفف حزنها هي شمعتنا ما بدي ياها تنطفى .
غسان : لمى بعيوني بس شو مناسبة هالحكي شغلت بالي .
صلاح : اليوم توفى الوالد .
غسان : انت شو عم تحكي ؟؟
صلاح : هالخبر كان صدمة كبيرة النا كلنا لهيك بدي تدير بالك على لمى .
غسان : الله يرحمو و يجعل مقامو الجنة .
صلاح : سلام .
غسان : الله معك .
****************************************

لمى : شوفي ؟ مين توفى ؟

*قربت من لمى حضنتها و تطلعت بعيونها...

غسان : حبيبتي و عمري انتي بدي تبقي قوية و تعرفي انو لكل شي نهاية و انا لله و انا اليه راجعون .
لمى : غسان مين مات من اهلي ؟ احكي بدون مقدمات .
غسان : عمي ، ادعيلو بالرحمة و كوني صبورة انتهى عمرو .
لمى : كيف ؟ كيف مات ؟ كيف تركني ؟ انا اتصلت لأنو مشتاقة اسمع صوتو ، غسان ليش هو ؟؟
غسان : هيك الله رايد .
لمى : يا ربييييييي
________________________________________
#بقلم_فتاة_من_ورق_بسمه_السباعي

بعد مرور اسبوع

هديل : الحمدلله على سلامتك ماما .
ابو فراس : الحمدلله على السلامة .
ام فراس : الله يسلمكن .
هديل : كيف شفتي بيت خالي كيف كانو ؟
ام فراس : كيف بدهن يكونو ؟ وجعنا كبير يا هديل .
هديل : العمر الكن .
ام فراس : حكت معي ام يحيى و عزتني و قالتلي اذا حابين منأجل الخطبة اسبوع كمان .
ابو فراس : لا ما رح نأجلها .
ام فراس : متل ما بدك .

*ما كنت متمنيه افرح او شوف ناس .. و بنفس الوقت ما الي نفس اتناقش بأي موضوع .. باقي للخطبة يومين ، لازم تمضى كيف ما كان....
________________________________________
#بقلم_فتاة_من_ورق_بسمه_السباعي

الضابط : جايبلي شهادة الوفاة لتبرر روحتك بدون اذن .
صلاح : انا جاهز للعقوبة سيدي .
الضابط : رح قدر موقفك هالمرة بما انو توفى والدك وهالشي صعب عليك ، عقوبتك هي خصم نص راتبك وصدقني اذا تكرر هالشي ما رح تشوف ضو الشمس ، فيك تر

محل ورد .
عمار : اي انتبهت عليه. سلام .
غسان : الله معك .

#بقلم_فتاة_من_ورق_بسمه_السباعي

*دخلت على محل الورد و تذكرت اني لسا ما حافظ اللغة التركية منيح....تطلعت بالصبية يلي كانت عم تبيع الورد و ابتسمت.....

عمار : يا الله شلون بدي اطلب منها .. رح جرب اكتب على مترجم قوقل .... اريد باقة ورد حمراء .... ايوا هيك تمام .

جمانة : ههههه خلصت ؟؟
عمار : طلعتي عربية ؟؟
جمانة : ههههههه تاني مرة لما بدك تحكي مع حالك احكي بصوت واطي ما بتعرف من وين بيطلعلك شخص عربي يضحك عليك .
عمار : ليش تعذبيني كنتي احكي من الاول ، بدي باقة وردة جوري احمر .
جمانة : لحبيبتك ؟
عمار : لا .. لأختي هلأ ولدت وجابت صبي عقبال عندك .
جمانة : هههههه انا مو متزوجة .
عمار : اي عقبال عندك لما تتزوجي يعني ويصير عندك صبي .
جمانة : ان شاء الله .

*رتبت الصبية باقة الورد .. كنت طول الوقت عم اتأملها .. حلوة .. حلوة كتير و كأنو اخدت جمال الورد كلو ...

جمانة : تفضل .
عمار : شكرا الك .. انا عمار .
جمانة : تشرفت بمعرفتك استاذ عمار ، انا جمانة .
عمار : حتى اسمك حلو متلك .
جمانة : هاد من لطفك .
عمار : بالإذن .
جمانة : اذنك معك .
________________________________________
#بقلم_فتاة_من_ورق_بسمه_السباعي

*رجعت على المشفى .. اتصلت بغسان ليدلني بأي غرفة صارو...مشيت و طول الوقت كنت عم فكر بجمانة.....

عمار : الحمدلله على السلامة .
لمى : الله يسلمك .
عمار : هدول الورد إلك بعرفك بتحبي هالنوع كتير .
لمى : يسلمو ايديك الله يخليلي ياك .
غسان : عمار تعال شوف ابني .
عمار : اللهم صل على النبي .. خالو حبيبي يلا اكبر بسرعة مشان نلعب بالطابة سوا .. الله يحميه و يجعلو من الصالحين .
لمى : آمين .. من يوم يومك مافي براسك الا الطابة .
عمار : ههههه ما بإيدي بحبها ، شو سميتوه ؟
غسان : ناطرك لتجي لحتى سميه .
عمار : ادنلو و سميه .

*حملت ابني بين ايديي..بهاللحظة حسيت حالي ملكت الكون كلو....

غسان : الله اكبر .. الله اكبر .. سميتك صلاح .
ام بلال : الله يطول عمرو و يجعلو من الصالحين .
لمى : امين .
غسان : آمين يا رب العالمين .
عمار : ان شاء الله بتشوفو ولادو و احفادو .
غسان : آمين .

*رجعت فكر بجمانة...اصلا ما راحت عن بالي ولا لحظة .. كيف الانسان بيقدر يحب بهالسرعة .. كيف بلحظة بينسى كل حزنو و بيركز تفكيرو على الشخص يلي دق قلبو الو ... غافلت اهلي و رجعت نزلت لعند جمانة...ومن هاللحظة بلشت قصتنا.....
________________________________________
#بقلم_فتاة_من_ورق_بسمه_السباعي

****بعد مرور ست سنوات****

زكريا : باباااا هاد بلال ماعم يعطيني الطابة .
عمار : بلال اعطي الطابة لأخوك الكبير ممنوع تعذبو هاد ابي .
بلال : اي وانا اخوك مو انت هيك بتقلي .
عمار : اي والله كلامك صح .
بلال : معناها خلي الطابة معي و اشتريلو طابة تانية الو .
عمار : اي امرك .
زكريا : بس انا ابوك لازم كل الطابات يضلو معي .
عمار : بدي عد للتلاتة بعدها ما بدي شوف لا ابي و لا اخي هون احسن ما ارتكب جريمة هااا .
زكريا : حاضر .
جمانة : ههههه جننونك صح .
عمار : اي والله جننوني .
جمانة : شو بقول انا كل النهار عم ينطو بخلقتي .
عمار : لو الي خبر رح يكونو ولادنا مجانين هيك كنت دعيتلك اول ما التقينا ان شاء الله بيصير عندك بنت .
جمانة : لساتك متذكر ؟
عمار : مستحيل انسى هداك اليوم لأنو كنتي احلى من الورد كلو .
جمانة : بحبك .
عمار : انا بموت فيكي .

غسان : مرحبا نحنا اجينا .
لمى : ما نكون تأخرنا عليكم .
عمار : اهلا و سهلا .
ام بلال : كيفك ابني .
عمار : زعلان منك يا امي معقول يعني تحبي بيت لمى اكتر مني .
ام بلال : سلامتك من الزعل يا روحي خلص من اليوم رح ابقى عندك .
لمى : و اناااا ؟؟
ام بلال : بجيكي زيارات بس كلو الا زعل اخوكي .

ضياء : شو شايف الكل اجا قبلنا بس ما تكونو خلصتو الاكلات .
عمار : اهلين ابو بطن من يوم يومك روح قلبك الاكل .
امين : هالعادة فيه من لما خلق .
عمار : الله يعين مرتو .
زينة : اي والله الله يعيني بضل بالمطبخ .
نورا : بدك مساعدة جمانة ؟
جمانة : يسلمو ايديكي خلصت كل شي .
نورا : الله يقويكي .
عمار : يلا يا جماعة تفضلو الاكل على قد المحبة عم وصي الكل من عدا ضياء ههههه
ضياء : هههههه اي لأني ما بحاجة توصية .

#أنا_الغريب
#إنتهت

#أنا_الغريب
#الجزء_العاشر
#بقلم_فتاة_من_ورق_بسمه_السباعي

*بلشت اكتب بحرقة..كنت عم اكتب كل شي حسيت فيه من لما هربت نورا...

ام فراس : شو عم تعملي ؟
هديل : عم اكتب مشان تتحسن كتابتي وما ضل أمية .
ام فراس : ليش ؟ مين قلك هالحكي ؟
هديل : يحيى .. شاف كتابتي على الوتس ضعيفة سماني حبيبتي الأمية .
ام فراس : ههههه بيكون عم يمزح معك .
هديل : اي صحيح و انا هيك عم قول .
ام فراس : كملي كتابة حبيبتي وما تزعلي منو لو ما بيحبك ما بيخبرك برأيو .
هديل : حاضر .

*بهاللحظة عرفت انو امي بدها ياني اسكت و اصبر على كل شي من يحيى كرمال اتزوج و تخلص مني....
________________________________________
#بقلم_فتاة_من_ورق_بسمه_السباعي

*واقفة عند الشباك و عم اتأمل الطريق...

نورا : أمين .
أمين : نعم .
نورا : خلينا نطلع نتمشى الجو حلو كتير .
أمين : انتي مو ملاحظة على حالك ؟؟
نورا : شو ؟
أمين : صرلك اسبوعين كل يوم بدك تطلعي تتمشي ، واذا ما طلعتي عم توقفي عند الشباك تتفرجي على يلي رايح و يلي جاي .
نورا : اي شو فيها ما النا حدا هون يعني عم جرب سلي حالي .

*تطلع فيني أمين بعصبية .. قرب مني و وقف قبالي...

أمين : ما النا حدا .. نسيتي انو هاد خيارك انتي .
نورا : لا ما نسيت .
أمين : مين هو ؟
نورا : ما فهمت شو مين هو ؟؟
أمين : مين هو يلي بدك تطلعي تتمشي كرمال تشوفيه .
نورا : شو ؟ شو قصدك ؟ انت سامع حالك شو عم تحكي ؟
أمين : سامع و واثق من كلامي .
نورا : أمين شبك ؟ انت حبيبي الأول و الأخير عمري و نور عيوني مستحيل فكر بغيرك .
أمين : طيب روحي جهزي حالك لنطلع نتمشى .
نورا : ما بدي .
أمين : نورا جهزي حالك معك خمس دقايق بدك تكوني جاهزة .
نورا : حاضر .

*حسيت بوجع بقلبي لما سمعت حكي أمين..معقول بعد كل هالحب يشك فيني ؟؟ معقول بعد ما تخليت عن الدنيا كلها كرمالو يفكر فيني بهاد السوء !!!
________________________________________
#بقلم_فتاة_من_ورق_بسمه_السباعي

ضياء : شايف رجعلك التوحد ، قاعد قبال النار وعم تصفن ، خير شو صاير معك ؟
عمار : اشتقتلها ، اشتقت لعيونها لصوتها لضحكتها ، حرقت صورتها و رسائلها و ذكرياتنا ، حرقت قلبي بسبب حبي الها بس ماعم اقدر انساها .
ضياء : لهي الدرجة بتحبها ؟
عمار : آااخ يا ضياء كلمة بحبها قليلة على يلي بحسو اتجاهها ، كل ما بكون متضايق او زعلان بتخطر على بالي بتمنى اسمع صوتها عم تخفف عني ، من يوم يلي تركتني وانا ما شفت السعادة بحياتي .
ضياء : صرلها سنة متزوجة لازم تنساها .
عمار : يا ريت بقدر انساها ، كيف ما تلفتت عم شوفها حواليي .
ضياء : ليش عم تعذب حالك يا اخي و انت بتعرف انها مو الك ؟
عمار : مو بإيدي حبي الها هو يلي عم يعذبني .
________________________________________
#بقلم_فتاة_من_ورق_بسمه_السباعي

*مسكت ايد أمين ونحنا عم نتمشى..بالنهاية ما إلي سند غيرو بهالدنيا..مر قبالي طفل صغير بعمر السنتين تقريباً..ابتسمت و إلتفتت على أمين...

أمين : عم تطلعي فيني لتتأكدي اذا شفتك وانتي عم تبتسميلو او لا .
نورا : يعني شفتو ؟
أمين : بكل وقاحة عم تسأليني ؟
نورا : وقاحة !! انا عم اسألك شفت الطفل الصغير يلي ابتسمتلو .
أمين : هه مفكرتيني غبي لحتى صدقك .
نورا : مو انت أمين يلي حبيتو .

*تركت ايد أمين و مشيت باتجاه البيت...لحقني ركض و مسكني من ايدي بقوة....

نورا : ترك إيدي عم توجعني ، بعدين نسيان نحنا بالشارع .
أمين : شكلك انتي يلي نسيتي اننا بالشارع ، كيف بتتركيني و بتمشي هيك ؟
نورا : بدي ارجع عالبيت انا كرهت المشي .
أمين : نورا انا بحبك لهيك عم غار عليكي .
نورا : هي مو غيرة هاد اسمو شك .
أمين : انا آسف حبيبتي .
نورا :......
أمين : عم قلك آسف معقول تعمليها قصة هلأ ، نورا انا بعشقك ما بتخيل حياتي بدونك ما تزعلي مني .
نورا : و انا بحبك بس بترجاك تشيل هالأفكار السودا من راسك لأنو مافي حدا غيرك بقلبي اصلا انا ماعم شوف حدا غيرك بهالدنيا .
أمين : تشربي عصير ؟
نورا : اي .
أمين : من عيوني .
________________________________________
#بقلم_فتاة_من_ورق_بسمه_السباعي

*جهزت البيت و حضرت الأكلات يلي بتحبها أمي..عملتلها غرفة خاصة إلها بالبيت..كنت عم حس بسعادة ما حسيتها من قبل...مضى الوقت و وصلو غسان و أمي..ركضت و فتحت الباب و حضنت أمي بقوة....

ام بلال : يا روحي أنتي .
لمى : اشتقتلك كتير .
ام بلال : وانا اشتقتلك يا عيوني .
لمى : لا تبكي حبيبتي .
ام بلال : عم ابكي من الفرح لأني شفتك .
غسان : اهلا و سهلا فيكي مرت عمي نورتينا .
ام بلال : الله يرضى عليك و يقويك و يرزقك من عالي سماه يا ابني .
غسان : آمين .
لمى : نطرت هاللحظة كتير ، يا ريت لو بقدر شوف أبي .
غسان : الله يرحمو .
ام بلال : ادعيلو يا بنتي .
لمى : كل الوقت بدعيلو ، و من شوقي لإلو عم ادعي شوفو بحلمي ، احكيلي عنو كيف كان لما توفى وكيف ودعتوه .
غسان : حبيبتي روقي عليها شوي رح تبقى هون و بتشبعو

#أنا_الغريب
#الجزء_الحادي_عشر
#بقلم_فتاة_من_ورق_بسمه_السباعي

*رجع ابي على البيت .. سكر عليي الباب و قفلو .. كان الشر واضح بعيونو ...

ام فراس : ليش قفلت عليها الباب من هلا ؟
ابو فراس : ما بدي شوف خلقتها اليوم .
ام فراس : الله يهديك والله البنت ما عملت شي غلط .
ابو فراس : قلتلك انتي ما دخلك .

*ضاقت الدنيا فيني ، قررت ريح أبي من همي و ريح حالي من هالعذاب ، فتحت علبة الدوا و فضيتها بإيدي....

ام فراس : هالمرة رح اتدخل بيكفي يلي عم تعملو بهالبنت سكتتلك كتييير بس هلأ ما رح اسكت .
ابو فراس : فاتن خليكي بعيدة عن هالموضوع .
ام فراس : حرام عليك حراااام هي بنتك و كانت اغلى شي على قلبك حرام عليك تضل تعذب فيها هي قطعة من روحك ، بترجاك اعطيني المفاتيح بترجاك .
ابو فراس : واذا كانت غلطانة ؟
ام فراس : وقتها انا رح ادبحها بإيدي .
ابو فراس : هي المفاتيح .

*اخدتهن و ركضت فتحت الباب..شفت هديل قاعدة بالأرض و بإيدها حبوب دوا...

ام فراس : شو عم تعملييييي .
هديل : بدي ارتاح من هالدنيا .

*اخدت من ايدها الدوا و حضنتها لقلبي..بكينا انا و هي..بكيت من خوفي اخسرها..وهي بكيت من وجعها....

هديل : ليش انقذتيني اتركيني موت و ارتاح .
ام فراس : لا يا روحي الله يجعل يومي قبل يومك ، انا خسرت اختك ما بدي اخسرك ، لهلأ قلبي محروق على شوفة نورا ، قلبي محروق اسمع صوتها ، والله اذا بيصرلك شي ، انا بموت بمووت .
هديل : انا بكرهها لأختي هي خربت حياتي ، راحت و عيشتني بعذاب ، انا بكرهها و بحبها بنفس الوقت .
ام فراس : الله يحميكي و يحميها و يحمي فراس ، الله يرضى عليكن و يسعدكن ، ما بدي تفكري مرة تانية بالانتحار انا متأكدة رح تتغير حياتك للأحسن .
هديل : انا ماعاد عندي حياة ، هلأ عم عيش جسد بدون روح ، حبيتو كتير ليحيى و كسر قلبي ما بتصور انو رح تتغير حياتي للأحسن بعد كل هاد .
ام فراس : خلي املك بالله كبير يا بنتي .

*كنت عم اسمع حديث بنتي و مرتي..حسيت حالي غلطت كتير بحقها..وجعني قلبي عليها و بلشت اندم....
________________________________________
#بقلم_فتاة_من_ورق_بسمه_السباعي

ام بلال : بسم الله الرحمن الرحيم .
لمى : ماما شبك حبيبتي ؟
ام بلال : ما بعرف حاسة بتقل على صدري و صار قلبي يوجعني .
لمى : بسم الله عليكي .
غسان : اكيد مليتو من قعدة البيت ، لمى روحي جهزي حالك مشان نطلع نغير جو .
لمى : ثواني و بكون جاهزة .
غسان : وانتي كمان مرت عمي جهزي حالك .
ام بلال : ما الي نفس حاسة في شي مو منيح رح يصير .
غسان : وحدي الله مرت عمي مافي الا كل خير ، هلأ منطلع منغير جو و بيروح هالاحساس .
ام بلال : ان شاء الله .
________________________________________
#بقلم_فتاة_من_ورق_بسمه_السباعي

*بعد ساعتين عم الهدوء بالمكان....

عمار : ضيااااااااء عم قلك اتركنيييييي .
الضابط : خلص تركوه و بعدو عنو .
ضياء : امرك سيدي .

*اول ما بعدو عني العساكر ركضت باتجاه حاجز صلاح .. بعمري ما ركضت بهالسرعة .. ما كان بدي شي غير انو اوصل اتطمن على اخي و اتأكد انو بخير ...

*وصلت .. و يا ريت ما عشت لأوصل و شوف هالمنظر .. لسا باقي شوية نار ما انطفت و العساكر مرميين على الارض مغرقين بدمهم .. حسيت حالي ضعت .. صرت دور بيناتهم على صلاح .. الأغلب ملامحهم ماعاد معروفة .. تطلعت حواليي شفت شخص بعيد عن الحاجز عم يزحف و كأنو عم يطلب المساعدة .. ركضت لعندو و تطلعت فيه .. كان وجهو دم .. رفع ايدو لما شافني ابتسملي ..و مات....

عمار : صلاح .. صلاح بترجاك لا تروح اخي .. صلاااااااااااح .
ضياء : عمار .
عمار : انقلع من وجهيييي انت السبب لك انت السبب لو تركتني كنت لحقت اخي كنت انقذتو .

*بلشت اضرب ضياء و هو ما قاوم .. نار الجاحز انطفت بس نار قلبي زادت و هبت لحتى حرقت كل شي حلو كان باقي جواتي....

عمار : انت السبب انت .

*لأول مرة ببكي بصوت عالي ، لأول مرة بتكون حروفي عم تحرق حنجرتي لما عم تطلع...شدني ضياء لعندو و حضني...بتذكر انو سمعتو عم يبكي معي....

عمار : ما ضل الي حدا ، انحرق قلبي يا ضياااء ، يا ريت تركتوني اجي و موت مع اخي ، شو هالدنيا يا ضياء شو صار فينااااا
ضياء : الله يصبرنا و يكون معنا .
عمار : ابتسملي قبل ما يموت ، هو عرفني بس انا ما عرفتو لحتى رااااح ، يااااااااا الله خود روحي بيكفيني وجع يا الله .
ضياء : لا حول ولا قوة الا بالله
________________________________________
#بقلم_فتاة_من_ورق_بسمه_السباعي

أمين : نوراتي وينك ؟؟
نورا : الحمدلله على سلامتك .
أمين : الله يسلمك .
نورا : كيف كان شغلك ان شاء الله ما تعبت .
أمين : الحمدلله منيح ، بس جوعان كتير .
نورا : خسا الجوع يا عمري ، الأكل جاهز روح بدل تيابك لحضر السفرة .
أمين : يسلم ايديكي .

*دخلت على الغرفة لحتى بدل تيابي..شفت ورقة على الطاولة..حملتها و قرأتها..كانت كلها عبارة عن حكي حب و غزل..طلعت من الغرفة و الشر بعيوني ....

أمين : شو هاد ؟

#أنا_الغريب
#الجزء_الثاني_عشر
#بقلم_فتاة_من_ورق_بسمه_السباعي

*سكرت الخط مع عمار و مسحت الدمعة يلي نزلت من عيني غصب عني....

لمى : غسان .. حبيبي شوفي ؟ ليش عيونك حمر هيك ؟
غسان : راسي عم يوجعني شوي .
لمى : قبل ما يتصل فيك ادهم ما كنت هيك ، صاير معو شي يعني ؟
غسان : اي ادهم واقع بمشكلة بشغلو .
لمى : الله يعينو ، ان شاء الله بتنحل لا تشيل هم .
غسان : ان شاء الله .
لمى : رح جبلك دوا ليخف وجع راسك .
غسان : يسلمو ايديكي .

*رحت على غرفتي مسكت راسي بايديي...
غسان : شو بدي قول لمرت عمي و لمى ؟؟ شو هالمصيبة يلي نزلت علينا ؟؟ الله يرحمك و يكتبك من الشهداء يا صلاح .
________________________________________
#بقلم_فتاة_من_ورق_بسمه_السباعي

ام فراس : هديل شوفي مين عند الباب .
هديل : من عيوني .

*حطيت شال على راسي و فتحت الباب...

ام أمير : مرحبا .
هديل : اهلا و سهلا .
ام أمير : هون بيت ابو فراس ؟
هديل : اي هون .
ام أمير : الوالدة موجودة ؟
هديل : اي تفضلي .
ام أمير : الله يزيد فضلك .

*رحبت بالضيفة و ركضت على المطبخ لعند امي...

هديل : ماما في وحدة اجت و سألت عنك ، دخلتها على غرفة الضيوف .
ام فراس : مين هي ؟
هديل : ما بعرف .
ام فراس : طيب تعالي انتبهي على الطبخة لروح شوفها .
هديل : اي حاضر .

*طلعت من المطبخ و رحت لشوف مين هالمرة ..

ام فراس : اهلا و سهلا .
ام امير : اهلين فيكي ، انا ام امير جارتكم بالبناية يلي جنبكم .
ام فراس : نورتينا .
ام امير : النور نوركم ، بصراحة انا عم اخطب لإبني و دلوني انو عندكم صبية حلوة و مؤدبة ، بتمنى انو هي نفسها يلي فتحتلي الباب .
ام فراس : اي بنتي هديل ما عندي غيرها .
ام امير : الله يحميها و يجعلها من نصيب ابني امير .
ام فراس : الله يقدم يلي فيه الخير ، عن اذنك دقيقة .
ام امير : خدي راحتك .

*كنت واقفة عم اجلي لما اجت لعندي امي و عم تبتسم...

ام فراس : هديل روحي بدلي تيابك بسرعة .
هديل : ليش شوفي ؟
ام فراس : هي المرة خطابة جاية تشوفك و يمكن تخطبك لإبنها .

*وقع الصحن من ايدي لما سمعت هالجملة...

ام فراس : بسم الله انكسر الشر ، روحي بدلي تيابك بسرعة انا بلمهن .
هديل : بس انا ما بدي انخطب .
ام فراس : هلأ روحي رتبي حالك وبعدين منحكي بهالموضوع .

*رحت على غرفتي بدلت تيابي و الدمعة بعيني...ما كنت حابة انخطب و ارجع انصدم...انا ما عاد بدي شي من هالدنيا غير اني عيش مرتاحة وما حدا يزعجني....
________________________________________
#بقلم_فتاة_من_ورق_بسمه_السباعي

ختام : مع مين حكيت ؟
عمار : مع غسان .
ختام : بس ما تكون قلتلو يلي صار .
عمار : اي حكيتلو كل شي و فهمتو ما يجيب سيرة لحتى صير انا عندو .
ختام : بدك تسافر ؟
عمار : اي خالتي بدي سافر و كمل حياتي بتركيا .
ختام : ليش ؟؟ فيك تكمل حياتك هون و تفتح محل ابوك الله يرحمو .
عمار : انا كرهت هالبلد .. كيف ما مشيت عم شم ريحة الدم و عم حس بالموت .. انا تعبت خالتي وما ضل إلي حدا .. اخي الكبير توفى و ترك بقلبنا غصة .. اختي الوحيدة سافرت .. أبي توفى و تركنا .. و سندي الوحيدة بهالدنيا استشهد .. انا ليش بدي ضل هون ؟؟
ختام : بس هاد نصيبك من الدنيا لازم تصبر و تتحمل .
عمار : صبرت كتير لحتى اسودت الدنيا بوجهي ، قلبي محروق يا خالتي ، انا اخدت قراري و من بكرا رايح على المنطقة يلي رح سافر منها تهريب على تركيا .
ختام : الله ييسر امرك .
________________________________________
#بقلم_فتاة_من_ورق_بسمه_السباعي

*دخلت على غرفة الضيوف .. ما كنت قادرة ابتسم .. ضيفت القهوة و قعدت منزلة راسي للأرض....

ام امير : الله يحميكي .
هديل : شكرا .
ام امير : كل الحارة مدحت منكم و من اخلاقكم ، حتى ام يحيى خبرتني انها كانت خاطبة بنتكم لابنها وما صار نصيب وهي لهلأ مقهورة من هالشي ، دورت لإبني على عرايس كتير وما كنت لاقي البنت يلي بتمناها لإلو .. بس لما شفت بنتك يا ام فراس تمنيت انها تكون مرت ابني .
ام فراس : الله يقدم يلي فيه الخير .
ام امير : ابني دكتور عيون عمرو 28 سنة عندو بيت بيبعد نص ساعة عن هون .
ام فراس : الله يخليلك ياه .
ام امير : امين ، و انتي حبيبتي اديه عمرك ؟
هديل : 18 .
ام امير : العمر كلو يا رب .
هديل : شكرا ، بالإذن .
ام امير : اذنك معك ، بتقدرو تسألو عننا مين ما بدكم ، و بتمنى ترديلي خبر بأسرع وقت .
ام فراس : ان شاء الله .

*ودعت ام امير و رحت لعند هديل لحتى اتطمن عليها...

هديل : كلهم بالبداية بيكونو مناح .. و بعدين بيظهرو على حقيقتهم .
ام فراس : مو شرط ، حرام ام يحيى لهلأ بتحبك .
هديل : بس ابنها كسر قلبي بدون ما ترفلو عين .
ام فراس : حطي ببالك هو مو من نصيبك .
هديل : هو ماعاد يهمني انا هلأ خايفة .
ام فراس : من شو ؟
هديل : خايفة ينكسر قلبي مرة تانية ، خايفة يرجع ابي ما يوثق فيني و يرجع يحبسني ، والله بقتل حالي .
ام فراس : صلي و ادعي ربك يخترلك الخير ، الدنيا

#أنا_الغريب
#الجزء_الثالث
#بقلم_فتاة_من_ورق_بسمه_السباعي

*دخلت لعند عمار على الغرفة .. كان قاعد بالأرض و لسا مو مبدل تيابو...

لمى : عمار .. أخي جهز الغدا وانت لسا لهلأ ما بدلت تيابك ؟!
عمار : القدر هو يلي وصلني إلها و هو يلي سرقها مني ، شو لسا مخبيلي هالقدر ؟
لمى : بإذن الله كل خير .
عمار : طول الوقت كنت عم فكر فيها و عم فكر باللحظة يلي رح شوفها فيها بعد هالغياب .
لمى : أخي حبيبي ربك رح يعوضك بالأحسن منها ، اشكر ربك انك رجعت بالسلامة و شفت ابوك و امك ناطرينك اشكر ربك انك ما فقدت حدا منهن ، الحبيبة و الزوجة بيتعوضو بس الأب و الأم و الأخوة ما بيتعوضو ، نسيت لما توفى اخوك بلال شو صار فينا ؟؟ نسيت اديه قلتلي انكسر ضهري ؟؟ صح انت فقدت هي البنت بس متأكدة رح يجي يوم تتعرف على بنت تانية وتكون من نصيبك و تنسى ماريا و تنسى وجعك بسببها .
عمار : ان شاء الله .

ام بلال : عمار .. يلا ابني الغدا جاهز .

لمى : قوم لعند امك و بينلها انك مبسوط لا تنزعلها فرحتها بشوفتك زعلان .
عمار : الله لا يحرمني منكن .

*ما بنكر انو بهاللحظات وجعي وحزني كبير .. بس كنت قادر اخفي كل شي ورا ابتسامتي بوجه أمي ....

ام بلال : كيف كانو يعاملوك ؟؟
عمار : ههههه شو هالسؤال امي .
لمى : اي اخي احكيلنا .
عمار : من وين بدي بلش ؟
ام بلال : شو كانو يطعموك ؟
عمار : يوم مشاوي ، يوم محاشي يعني يحتارو كيف بدهن يدللوني .
ابو بلال : ههههههههه
عمار : هههههه صح كلامي ابي .
ابو بلال : اي مية بالمية .
ام بلال : هلأ وقت المسخرة عم اسأل و بدي جواب صريح .
عمار : يا امي شو بدك بوجع هالقلب ، انتي بتعرفي الجواب من على دور اخواتي و لهلأ ما تغير شي ، هاد جيش يعني مفردات راحة و دلال و سعادة واكل مرتب مو موجودين .
ام بلال : ان شاء الله بتخلصو خدمتكن انت و اخوك صلاح على خير و ترجعولي بالسلامة يا نور عيوني انتو .
لمى : آمين .
عمار : آمين الله يخليلي ياكن .
________________________________________
#بقلم_فتاة_من_ورق_بسمه_السباعي

*بالليل نطرت لحتى كل اهل البيت نامو .. قعدت بغرفة لحالي .. اخدت نفس لحتى خفف التوتر و اتصلت بأمين....
****************************************

أمين : الو .
نورا : كيفك .
أمين : منيح .
نورا : اشتقتلك .
أمين : من كل عقلك متصلة لتقوليلي هالكلمة .. نورا علاقتنا انتهت .
نورا : بس انا بحبك .
أمين : وانا بحبك بس اكيد ما رح ضل كل عمري احكي معك على التلفون ، تقدمتلك اكتر من مرة و ابوكي رفضني و هلأ سامحيني انا مو مستعد ارجع اطلبك و انذل اكتر من هيك و كمان مو مستعد امشي بطريق نهايتو مسدود .
نورا : لا ما تقول هيك انت ما نذليت .. كل مرة تقدمتلي فيها كنت عم تكبر بعيني اكتر ، أمين أنا بحبك ، انت النفس يلي بتنفسو من سنتين والله اذا تركتني بموت .
أمين : مافي بإيدي حل يا نورا صدقيني .
نورا : شو ما قلت رح ابقى حبك و رح ابقى عايشة على أمل انو نكون من نصيب بعض .
أمين : يعني انتي رايدتيني ؟؟
نورا : معقول بعد كل هالكلام تسأل هيك سؤال ؟! انا رايدتك و رح ضل ناطرتك العمر كلو .
أمين : بدك تكملي عمرك معي ؟
نورا : هي امنيتي الوحيدة بهالدنيا .
أمين : معناها اسمعيني منيح شو رح قلك .
نورا : اي عم اسمعك .
****************************************
________________________________________
#بقلم_فتاة_من_ورق_بسمه_السباعي

*بصباح اليوم التاني...

عمار : يا الله ليش تركتوني نايم لهلأ بدي اشبع من شوفتكن .
ام بلال : الله لا يحرمني من صباحك يا نور عيوني .
عمار : الله يطول عمرك .
لمى : الفطور جاهز اخي متل ما بتحب .
عمار : والله حاسس حالي ملك .
ابو بلال : عرفت هلأ ليش ما كنت اسمحلك تتذمر من أي تفصيل بهالبيت .
عمار : اي والله يا ابي عرفت ، الانسان ما بيعرف قيمة النعمة يلي عايش فيها لحتى يفقدها .
ام بلال : يلا قولو بسم الله .
عمار : بسم الله الرحمن الرحيم ، يعيشو هالايدين يا ام بلال و يا لموش .
ام بلال : صحة ومية هنا .
لمى : عوافي اخي .
عمار : لمى ما خبرتيني كيفو غسان ؟
لمى : الحمدلله منيح ، صار مجهز البيت و عن قريب رح تزبط اوراقي لسافر .

*غصيت باللقمة لما حسيت موضوع سفر اختي صار جد ويمكن الاجازة الجاية انزل وما لاقيها بالبيت....

ام بلال : بسم الله عليك .
لمى : تفضل اخي اشرب مي بسم الله .
عمار : يسلمو ايديكن ، عم اكل بسرعة لهيك غصيت .
ام بلال : شوي شوي لك ابني معك النهار بطولو ضل عم تاكل لتسافر .
عمار : حاضر امي .
لمى : و غسان طلب مني خبرو لما تفضى بدو يحكي معك .
عمار : اي شوي تانية اتصلي فيه مشان احكي معو .
لمى : من عيوني .
________________________________________
#بقلم_فتاة_من_ورق_بسمه_السباعي

نورا : يلا يا اهل البيت اصحو حضرتلكن الفطور .
هديل : هي اول مرة بتكوني نشيطة هالقد .
ام فارس : انتي حضرتي الفطور ؟؟
نورا : اي انا .
ابو فارس : يا بنتي ما قلتلك لا تشتغلي شي

#أنا_الغريب
#الجزء_الرابع
#بقلم_فتاة_من_ورق_بسمه_السباعي

*مسكت ايد أمين و مشينا لوصلنا لعند سيارة تكسي ...

نورا : لوين رح نروح ؟
أمين : اطلعي بالسيارة لما نوصل بتعرفي .

*ركبت بالسيارة و صرت اتأمل بالشوارع الفاضية .. بلشت اسأل حالي كيف رح تكون حياتي مع أمين ؟؟ يا ترى هو رح يكون قد الثقة يلي عطيتو ياها ؟؟ شردت و بلشت اتذكر كلامو يلي طمنلي قلبي و خلاني اخطي هالخطوة بدون خوف او توتر...
=====================================
أمين : بدك تكملي عمرك معي ؟
نورا : هي امنيتي الوحيدة بهالدنيا .
أمين : معناها اسمعيني منيح شو رح قلك .
نورا : اي عم اسمعك .
أمين : انا حاولت كتير مع ابوكي لتكوني من نصيبي ونكمل العمر كلو سوا ، بس ابوكي رفض بدون ما ترفلو عين وقتها حرق قلبي و صارت الدنيا سودة بنظري ، حسيت حالي خسرتك للأبد ، اتصالك اليوم اثبتلي انو نحنا خلقنا لبعض و رح نكمل عمرنا سوا غصب عن الدنيا كلها .
نورا : كيف ؟؟
أمين : بتهربي معي و منتزوج .
نورا : اهرب ؟؟!!
أمين : اي بتهربي معي مافي غير هالحل ، نورا انا بحبك و بعشقك و بوعدك عيش عمري كلو لإلك و لإسعدك .
نورا : بس شو رح يصير بأهلي ؟؟
أمين : أهلك لو بيحبوكي بيسامحوكي مع الأيام .
نورا : طيب وين بدنا نعيش ؟
أمين : هلأ ما تشغلي بالك بهي الأمور انا رح رتب كل شي ، بس تأكدي رح تكوني بأمان طول ما انتي معي .
نورا : الله لا يحرمني منك .
أمين : اعطيني قرارك هلأ بتقبلي تهربي معي لنكمل عمرنا سوا ؟؟
نورا :..........
أمين : بتقبلي نورا ؟؟
نورا : أي بقبل .
أمين : معناها بكرا الساعة 1 ونص بعد نص الليل رح كون ناطرك تحت بيت أهلك .
نورا : و انا رح كون جاهزة .
=====================================

*بعد ساعة وقفت السيارة قبال بيت بحارة بسيطة و قديمة .. قرب أمين و فتحلي باب السيارة ...

أمين تفضلي .
نورا : شكرا .
أمين : تعالي وقفي جنبي ما تخافي .
نورا : اي حاضر .

*رفعت ايدي و دقيت الباب و انا عم اتطلع بعيون نورا يلي كانت عم تلمع متل عيون الطفل البريئ....

احلام : مين عند الباب ؟؟
أمين : انا أمين خالتي افتحي .
احلام : اهلا و سهلا حبيبي تفضلو .
أمين : الله يزيد فضلك ، تفضلي نورا .
نورا : شكرا

*دخلت على البيت .. كان بيت بسيط و بيشبه البيوت القديمة .. فيه أرض ديار و بنصها نافورة و الغرف موزعة حوالي هالأرض....

أمين : نورا بعرفك هي خالتي أحلام أمي التانية .
نورا : تشرفت بمعرفتك خالة .
أحلام : اهلا و سهلا فيكي يا بنتي .
أمين : خالتي نورا بأمانتك ، رح امشي هلأو بكرا الصبح رح اجي اخد نورا عالمحكمة لنكتب كتابنا .
أحلام : ولا يهمك ابني ، الله معك .
أمين : انتبهي على حالك نورا .
نورا : وانت كمان .
أمين : بالاذن .
نورا : الله معك .
أحلام : الله يحميك يا ابني .

*بقيت راقب أمين لحتى طلع من البيت و سكر الباب....

أحلام : نورا .
نورا : نعم خالة .
أحلام : هي الغرفة الك خدي شنتايتك و روحي نامي و ارتاحي ، بكرا رح يكون يوم مهم .
نورا : ان شاء الله ، شكرا كتير إلك .
أحلام : العفو .
________________________________________
#بقلم_فتاة_من_ورق_بسمه_السباعي

*بصباح اليوم التاني*

عمار : ارضي عليي وما تنسيني من دعائك يا امي .
ام بلال : الله يرضى عليك و يحميك و يرجعلي ياك بالسلامة .

*قربت من ابي و بست راسو...
ابو بلال : الله يرضى عليك .
عمار : الله يطول عمرك .

لمى : انتبه على حالك اخي .
عمار : وانتي انتبهي على حالك و على ابوكي و امك .
لمى : ما بدي توصية .

صلاح : يومين و لاحقك اخي ههههه
عمار : هههههه لا تتأخر .
صلاح : الله يحميك .

*تطلعت بعيون امي يلي مليانة دموع .. ابتسمتلها و مشيت .. القدر يلي فرقنا عن بعض الا ما يرجع يجمعنا .. و ينسينا وجع هالايام ....
________________________________________
#بقلم_فتاة_من_ورق_بسمه_السباعي

ضياء : أبي انا رايح بدك شي ؟؟
خلود : ابوك لساتو نايم يلا روح احسن ما تتأخر و تتعاقب شي عقوبة ههههههه .
ضياء : لا حول ولا قوة الا بالله .
خلود : روح و سكر الباب وراك .

*طلعت من البيت على أمل اني ماعاد ارجع عليه مرة تانية .. حتى اخي يلي من ابي و امي الله يرحمها ما سأل عني و عن وجودي...
________________________________________
#بقلم_فتاة_من_ورق_بسمه_السباعي

*فتحت عيوني بعد ما حسيت بالبرد ...

هديل : يا الله نورا كيف ما بتسكري الشباك الغرفة متلجة .

*سكرت الشباك و تطلعت على الساعة...

هديل : الساعة سبعة ونص ، نورا قومي نحضر فطور متل يلي حضرتيه مبارح ، نورا .. نورا اصحي بقا ، يعني يوم بتكوني نشيطة و باقي الايام كسولة .

*قربت من التخت و كشفت الغطا ...

هديل : مو بتختها اكيد بالمطبخ ههههه ، طلعتي انتي يلي فاتحة الشباك مشان تصحيني .

*ركضت على المطبخ شفت أمي عم تحضر الفطور ...

ام فارس : صباح الخير ، صاحية بكير اليوم .
هديل : صباح النور ماما .

*طلعت من المطبخ و بلشت دور بالبيت على اختي

#أنا_الغريب
#الجزء_الثالث_عشر
#بقلم_فتاة_من_ورق_بسمه_السباعي

*وصلت عمار و ضياء على البيت و رجعت على بيتي...اول ما فتحت باب البيت شفت لمى واقفة و ناطرتني....

لمى : وين كنت ؟
غسان : لمى لسا بكير كتير شو مصحيكي من هلأ ؟
لمى : غسان ما تغير الحديث عم اسألك وين كنت ؟
غسان : كان عندي شغل ضروري .
لمى : شو هالشغل يلي بهالوقت ؟ و فوقها اليوم عطلة .
غسان : حبيبتي انا تعبان بدي روح نام .
لمى : مافي تنام قبل ما تقلي وين كنت .
غسان : بوعدك خبرك بالوقت المناسب .
لمى : ليش مو هلأ ؟
غسان : لأنو هلأ تعبان و بدي نام .
لمى : الله يصبرني .
________________________________________
#بقلم_فتاة_من_ورق_بسمه_السباعي

*رميت حالي على التخت و نمت...ضليت نايم لتاني يوم الصبح لما اجا غسان و صحاني....

غسان : يلا شباب قومو افطرو .
عمار : يسلم ايديك صهر .
غسان : صحة و هنا .
ضياء : والله نحنا عم نتعبك معنا .
غسان : ولو شو هالحكي .
عمار : غسان .
غسان : نعم .
عمار : بدي شوف امي و لمى .
غسان : فيك تشوفهن بأي وقت هي مانها مشكلة بس المشكلة شو بدك تقلهن عن وفاة صلاح .
عمار : هلأ ولا بعدين رح يعرفو .
غسان : معك حق بس حط ببالك النتائج رح تكون صعبة .
عمار : الله يكون بالعون .
________________________________________
#بقلم_فتاة_من_ورق_بسمه_السباعي

*صحيت الصبح على صوت رنة تلفوني....

هديل : صباح الخير .
أمير : الله لا يحرمني من هالصوت .
هديل : ههههه
أمير : هلأ وصلت على العيادة حسيت حالي مشتاق اسمع صوتك و بدي قلك انو مبارح كنتي احلى بنت بالدنيا .
هديل : الله يخليلي ياك .
أمير : اليوم المسا بدي اجي زوركم .
هديل : اهلا و سهلا .
أمير : بعرف حالي ازعجتك كملي نومتك ، سلام .
هديل : الله معك .

*سكرت التلفون و ابتسمت .. بعمري ما حسيت بهيك سعادة .. بعمرو ما حدا حبني و اهتم فيني بهي الطريقة.....قمت من تختي فتحت البرداية و الشباك .. طلعت من غرفتي غسلت وجهي وانا عم اضحك.....

ام فراس : شايفتك مبسوطة اليوم يسعد صباحك .
هديل : مبسوطة لدرجة حاسة حالي رح طير .
ام فراس : الله يسعدك و يهنيكي .
هديل : المسا جاي أمير يسهر عنا .
ام فراس : مية اهلا و سهلا بس ما لحق يشتقلك يعني مبارح كانت حفلة خطبتكم .
هديل : هههههه
ام فراس : الله يسعدكم .
________________________________________
#بقلم_فتاة_من_ورق_بسمه_السباعي

ام بلال : بنتي شبك ؟ صحيتيني مشان افطر لحالي يعني ؟ كلي معي .
لمى : ما الي نفس .
ام بلال : ليش ؟
لمى : غسان صرلو تلت ايام متغير عليي ، بيحكي مكالمات وهو بعيد عني ، وشي بيطلع من البيت آخر الليل او وجه الصبح و بيتحجج انو عندو شغل و بيكون يوم عطلة .
ام بلال : يمكن بجد عندو شغل اعذريه .
لمى : انا بعرفو لغسان منيح بعرف عيونو لما بيكون عم يكذب و لما بيكون صادق ، انا خايفة يكون عم يخونني .
ام بلال : حطي ببالك غسان بيحبك كتير و مستحيل يخونك .
لمى : طالما هيك شو المبرر لتصرفاتو ؟
ام بلال : الباب عم يندق .
لمى : كملي اكلك رايحة شوف مين .

*حطيت شالة على راسي و فتحت الباب...

عمار : كيفك اختي .

*اول ما شفت عمار شهقت و صرت ابكي...قرب مني حضنني و صار يمسح على شعري....

عمار : اهدي حبيبتي لمى .
لمى : ماعم صدق عيوني عمار هون .
عمار : صدقي يا اختي .
لمى : كيف اجيت ؟
غسان : ما وقتو هالحكي هلأ وينها مرت عمي ؟
لمى : بالمطبخ .
غسان : لمى خدي عمار لعندها .
لمى : حاضر ، تفضل اخي .

ام بلال : شو هالصوت يا لمى مين عند الباب ؟
عمار : هاد انا امي يسعد صباحك .
ام بلال : عمار !!
عمار : اي عمار ما اشتقتيلي امي ؟

*تطلعت امي بعيوني و صارت تبكي بدون صوت...قربت منها حضنتها و صرت بوس ايديها.....

ام بلال : يا عمري انت يا روحي الله يرضى عليك .
عمار : الشام ما بتسوى شي بدونك .
ام بلال : كيفو اخوك و كيف قدرت تجي لهون ؟

*سكتت و تطلعت بغسان ، بعرف رح تسألني امي هيك سؤال بس ما كنت قدران جهزلو اجابة....

ام بلال : لا تقلي انك هربت و تركت اخوك والله بعدين ما بيرحموه ، صلاح هرب معك صح ؟
عمار : لا .. انا ما هربت و صلاح مو معي ، انا تسرحت امي .
ام بلال : تسرحت ؟!
غسان : مرت عمي صلاح
ام بلال : لا تكمل غسان ما بدي اسمعها .. ما بدي اسمعها

*راحت امي على غرفتها...التفتت على غسان شفت الدمعة بعينو...التفتت على عمار شفتو عم يبكي...

لمى : صلاح راح ؟
غسان : الله يرحمو و يكتبو من الشهداء .
لمى : لا لا لاااااااا .. لا يا ربيييي .. حرقت قلبي يا اخييييي
غسان : لمى يا عمري بترجاكي اهدي .
لمى : ليش راحو و تركونيييي ليش حرقو قلبي

*تركت غسان عم يهدي لمى و لحقت امي...شفتها قاعدة بتختها عم تبكي بدون صوت...و حاضنة بين ايديها صورة اكيد صورة صلاح...قربت منها و حضنتها....

عمار : انا جنبك يا أمي ، اجيت لحتى ضل معك ، يمكن ما اقدر عوضك عن اخواتي بس بوعدك ما رح اتركك .
ام بلال : ربيتكن كل شبر بندر .. شو حلمت و شو

#أنا_الغريب
#الجزء_الرابع_عشر_الأخير
#بقلم_فتاة_من_ورق_بسمه_السباعي

*كنت عم اتأمل وجه هالصبية...ابدا مو غريب عليي ، معقول هي هيي ؟؟؟

عمار : نورا .. انتي نورا ؟؟

*رجف قلبي لما سمعت اسمي...رفعت راسي و تطلعت فيه .. معقول هاد عمار ؟؟ شو يلي مغيرو هيك ؟

عمار : آسف استشبهت فيكي .
نورا : لا عمار .. انا نورا .
عمار : شو جابك لهون ؟؟ ومين عمل فيكي هيك ؟ مين ضاربك ؟؟
نورا : زوجي .
عمار : زوجك ؟؟ انا ما بعرف انك تزوجتي اصلا و مين هالكلب يلي بيسترجي يمد ايدو عليكي .

*خبيت وجهي بإيديي و صرت ابكي بحرقة...

غسان : عمار شو صاير ؟
لمى : شغلت بالنا اخي شوفي ؟؟
عمار : كنا عم نتمشى انا و ضياء و بطريقنا صادفنا هالصبية عم تركض ومبين عليها خايفة من شي ولما وصلت لعنا اغمى عليها...وهلأ بعد ما صحيت عرفت انها نورا...بنت عمتي .
لمى : نورا !!!!!

*قربت مني لمى و تطلعت بعيوني...

لمى : كيف وصلتي لهون ؟ و وين زوجك ؟
نورا :.......
لمى : احكي ما تضلي ساكتة .
نورا : احضنيني لمى مو قادرة احكي ، انا اغبي انسانة بهالدنيا لأنو ما سمعت كلامك .
لمى : اهدي يا روحي .

*حضنت نورا وكان في مية سؤال براسي....

لمى : عمار جبلي كاسة مي باردة لنورا خليها تشربها و تهدى .
عمار : حاضر .

*شربت المي و ايدي عم ترجف...حاسة بخوف من يلي بدو يصير....

لمى : هلأ صار فيكي تحكي ؟
نورا : اي .
لمى : احكيلي كل شي بالتفصيل من يوم يلي هربتي فيه .
نورا : رح احكي .
________________________________________
#بقلم_فتاة_من_ورق_بسمه_السباعي

أمين : وين بدا تكون راحت بهالليل ؟؟ يا ربي هي ما بتعرف حدا بهالبلد شو عملت فيها و بحالك يا أمين .. جنيت و جننتها معك .. اصحى على حالك هي حبيبتك و رفيقة عمرك يلي تخلت عن كل شي كرمالك .. ادعي ربك تلاقيها بأقرب فرصة يا أمين لأنو اذا بيصرلها شي رح تعيش طول عمرك ندمان .. كانت عيونها عم تحكي الصدق ليش اصريت تطالعها خاينة و انت بتعرف انها بتعشقك ليش يا امين .

*ضليت بالشارع عم دور على نورا على أمل اني لاقيها....
________________________________________
#بقلم_فتاة_من_ورق_بسمه_السباعي

هديل : تأخر الوقت معقول تضل عم تحكيني كل الليل ؟ صار لازم تنام بكرا عندك دوام .
أمير : وقت بحكي معك بتمر الساعات بسرعة بدون ما حس .. يوم بعد يوم عم يزيد حبي الك صرت مستعد ادفع عمري كلو كرمال شوفك سعيدة .
هديل : انت تعويض من ربي عن كل شي صعب مريت فيه ، من لما عرفتك اختصرت سعادة الكون كلو بحروف اسمك ، أمير اوعدني انك ما رح تتركني لو شو ما صار .
أمير : بوعدك مافي شي بيفرقنا الا الموت .
هديل : الله لا يحرمني منك ، أمير .
أمير : نعم .
هديل : انت ما بتشوفني اقل منك لأني مو مكملة دراستي ؟
أمير : انتي تاج راسي شو هي اقل مني ؟؟ اصلا انا بفتخر انك رح تصيري مرتي و ام ولادي .
هديل : طيب بقدر اطلب منك طلب ؟
أمير : طلبي و تدللي .
هديل : بعد ما نتزوج بدي كمل دراستي ، بدي قدم البكلوريا و بدك تساعدني و توقف جنبي لإنجح ، و بعدين بدي ادرس بالجامعة و صير دكتورة متلك .
أمير : بوعدك كون معك خطوة بخطوة و حقق حلمك و اعمل جهدي لتضلي سعيدة .
هديل : بحبك .
أمير : و انا بحبك يا اغلى شي عندي .
________________________________________
#بقلم_فتاة_من_ورق_بسمه_السباعي

نورا : هاد كل شي صار معي .
لمى : كم مرة حذرتك و قلتلك اتركيه ؟ انتي بتعرفي شو عملتي بأهلك ؟؟ اهلك تركو الشام و سافرو على حلب لحتى ما حدا يعرف باللي عملتيه .. تركو اهلهم و ناسهم ليخبو الفضيحة وما يضل راسهم بالأرض .
نورا : والله انا ندمانة .
لمى : بعد شو ؟؟ بعد ما خربتي حياتك و حيات اهلك ؟
نورا : كنت عم فكر بقلبي بس .. كنت مفكرة اهلي متحكمين و ما بدهم سعادتي .. يا ريتني سمعت من ابي لما قلي انو ما مرتحلو .
عمار : كيف صار كل هاد و انا ما عندي علم ؟؟
لمى : ليش ما خبرك صلاح الله يرحمو ؟
عمار : صلاح بيعرف ؟؟؟
لمى : اي بيعرف .
عمار : الله يرحمك يا اخي .
نورا : ليش صلاح توفى ؟؟
عمار : اي من شهر تقريبا .
نورا : لا حول ولا قوة الا بالله .
لمى : نورا قومي معي هلأ خليني اخدك لعندي عالبيت تبدلي تيابك و ترتاحي ولما يطلع الضو منشوف حل .
عمار : لما يطلع الضو بدي روح كسرو لزوجك خليه يعرف انك مو لحالك بهالدنيا و في وراكي رجال يحموكي و يدافعو عنك .

*ابتسمت لعمار و حسيت بالأمان يلي فقدتو من لما تركت اهلي....رحت على بيت لمى بدلت تيابي ونمت كأنو الي سنة مو نايمة.....
________________________________________
#بقلم_فتاة_من_ورق_بسمه_السباعي

ابو فراس : صباح الخير .
ام فراس : صباح الورد .
ابو فراس : شو رجع اتصل فيكي الرقم الغريب ؟
ام فراس : لا الحمدلله .
هديل : صباح الخير .
ام فراس : صباح الفل .
هديل : بتعرفو اني بحبكن كتييييير و انو انتو احلى اب و ام بالدنيا ؟
ام فراس : هههههه جنت البنت .
ابو فراس : و نحنا منحبك .
فراس : شو سمعان عم تحبو