#داء_وَ_دواء
#الحلقة_الثالثة
#ياسمينة
..
..
..
#فتلت فتون و مسكتها نور من ايدها وفتلتها
- نور : لا تفكري ماني منتبهة عليكي .. رح تبعدي عن يمان
- فتون : تتهني فيه
- نور : اا هلأ صار اتهنى فيه !! وتدبيل العيون واالضم وهالاساليب كلا شو وضعا حبيبتشي ؟
- فتون : والله انا حرة وبعمل يلي بدي ياه بس يكون الك شي عندي تعالي حاسبيني
- نور : طبعا الي ورح حاسبك
- فتون : هه تحاسبيني وبصفتك شو بالله ؟
- نور : خطيبة يمان
- فتون : بس على حد علمي مانكن خاطبين
- نور : ح نخطب وانتي اول المعزومين يا عمري
- فتون : اي ريتو الف مبروك
- نور : بس طبعا لازم تحضري هاا
- فتون : لازم خطبة اكتر تنين خربولي ايامي معقول ما احضر ؟ الله يسامحك انا يلي بحضر
- نور : اي ترقبي الموعد لكن
- فتون : بدي ارتاح بغرفتي الجديدة ممكن تطلعي
- نور : اي طبعا حقك
#طلعت نور وسكرت الباب وراها
- فتون : خطيبتو قلتيلييي
#تحرقصت فتون وصارت تروح وتجي بالغرفة ربع ساعة بعدين قعدت ع التخت
- فتون : افف يا وانتي ليش مزعوجة ينباعو بالعزاااا ما دخلك وما بهمك هاد اصلا رح ترجعي على بيتككك وهلأ اهدي .. اهدي
#قامت ونزلت لتحت كان الكل قاعد
- جليلة : تيابك كلن دم لسه شو ما بدلتي
- فتون : هو .. مافي تياب
- جليلة : معقول ما حدا اخدلك ؟ ثواني
- فتون : مافي داعي
- جليلة : كيف مافي داعي هيك رح تضلي ؟؟
- فتون : انا بدي ارجع ع بيتي احسن الي والكن
- ما بصير بنتي خلص ضلي لبكرى
- فتون : انا كتير حابة ارجع ع بيتي .. ما بحب ضل عند ناس تانين وبيتي موجود الحمدلله
- يمان : تمام انا رح وصلك خلص
- نور : يمان خلي حدا من الحراس يوصلها
- يمان : لا انا جبتا وانا برجعا
- نور : بس قلت بتضل معنا منتسلى شوي
- يمان : ما بطول برجع
- فتون : بكرى بالخطبة بتملي ع قد ما رح تشوفيه صحي بالمناسبة وقبل ما روح الف مبروك يمان
#تطلع يمان باستغراب ونور توترت
- يمان : وانتي مين قلك ع موضوع الخطبة ؟
- فتون : كيف يعني مين قلي نور قالتلي وحتى انعزمت اول العالم
- يمان : وانعزمتي حتى ؟
- فتون : اي ..
#تطلع يمان ب نور
- يمان : وانا ايمت المفروض كان اعرف
- جليلة : ابني
- يمان : امي اذا بتريدي لا تدخلييي هالمرة
- جليلة : لا هالمرة بالذات بدي اتدخل لان انا يلي قلتلا رح احكي معك ونحدد موعد الخطبة
- يمان : طب واناااا وانااا شو هووون ؟ رجل كرسييي
#مسك الكاسة يلي كانت ع الطاولة وكسرها
- يمان : هاتو حكولي ايمت كنتو ناوين تخبروني ؟
#بلشت نور تبكي
- جليلة : خلص يمان بعدين بنحكي
- يمان : لا هلأ بدي نحكي كل مرة بتسكتيني وما بتخليني احكيييي اجيتي وطلبتي منييي قول اني بحبا وقلت وطلبتي قول رح نخطب وقلتتتت وتطلبي ونفذ ونفذ ونفذ وشغلتي كانت بس نفذ طلباتك لتكون نور مبسوطة وما كنت احكي شي بس انك تحطيني تحت الامر الواقع واسكتتت ؟ انتو عنجد مستغبيني لهي الدرجة
- يوسف : خلص اخي
- يمان : شو خلص اخي الي عم تقلي خلص ! اليي ! قول لامك ونور واول مرة واخر مرة بتحطوني تحت الامر الواقع ماشيييي
- يوسف : روووق
- يمان : راااايق
- يوسف : واضح
#تركن يمان ومشي وفتون واقفة مكانها مصدومة من عصبيتو ومن الحكي يلي سمعتوو .. وصل يمان لباب البيت ووقف ..
- يمان : فتون ناطرك بالسيارة
- فتون : ها ؟!
- يمان : بسسسسرعة
- فتون : جااي
#طلع يمان وركضت وراه فتون وركبت معو بالسيارة ومشي بسرعة
___
#بالبيت
- نور : شو هاد يلي سمعتو ؟
- جليلة : هو حكا هيك لانو معصب
- نور : لا .. لا كنت حاسة انو ما بحبني كتير ومو متعلق فيني بس ما توقعت انو يحبني ع طلب منكك .. ما توقعت
- جليلة : نور بنتي سمعيني هو ما حكى القصة منيح
- نور : ما حكى القصة منيح !! هاتي قوليلي شو القصة ترجيتيه اكتر مثلا ؟؟ ما تجبرو بخاطري .. بكفي انكن ما تكسرولي قلبي .. بكفي
#ركضت نور ع غرفتها وهي عم تبكي وحبست حالها
- جليلة : بنتييي
- تركيها بتهدا لحالها
- جليلة : بس ..
- خلص تركيها هلأ مصدومة
- يوسف : معها حق
- جليلة : بس انا عملت هيك مشانها .. لانو بعرف هي اديه بتحب يمان ومتعلقة فيه من زمان .. يمان كان حب طفولتا .. ففكرت لو انو تزوجا يمكن يقدر ييعوضا شوي عن اهلها وفقدانن بس شو عملت اناااا .. كسرتلا قلبا
- يوسف : امي
#قعد يوسف حد امو وضمها
- يوسف : تمام لا تبكي.. اهدي وبوعدك انا احكي مع نور وراضيها
- جليلة : ماا عاد ترضى .. معها حق قلبا انكسر انا انا كسرتوووو
- يوسف : امي .. خلص انتي اهدي بالاول بعدين براسي بروح براضي نور.. وعد لحتى خلي الكل رضيان
________________
#بالسيارة ..
- فتون : فيك توصلني ع المشفى
- يمان : لا تأخر الوقت خلص بوصلك ع البيت

#داء_وَ_دواء
#الحلقة_الاولى
#ياسمينة
..
..
..
#النجاح شعور كتير حلو .. فعلا بتحس بانتصار لما تتغلب على فشلك .. تنجح رغم كل الصعوبات كل المشاكل .. كل الازماات .. كل المعوقات
الشي الغريب فعلا انوو اول واكبر اعاقة لنجاحي كانت ابي .. ابي يلي المفروض يكون سند يكون ملجأ امان بس لا .. كان ملجأ عذاب .. عذاب وبس .. بس رغم هيك نجحت .. نجحت ودرست وصرت دكتورة معروفة بجهدا وشطارتا وقوتا وذكائها ..
_______
#خلصت مناوبتي وبدلت تيابي وطلعت من المشفى .. حبيت اتمشى متل كل يوم والطرقات فاضية .. اكتر من الف شخص مرق من هون اليوم وكلن في بقلبن هموم متلي متلن .. يا ريت لو ما كان في هم بالدنيا .. يا ريت لو قدرنا نزيل الهم بشي تاني .. وشو رح تنفعني كلمة يا ريت ..
#كانت ماشية وعم تفكر بينها وبين حالها لحد ما هدت جنبها سيارة ونزل منها شب لابس اسود ب اسود
- لو سمحتي ..
- فتون : تفضل بشو بقدر اخدمك ؟
- حضرتك بتشتغلي بالمشفى شي
- فتون : اي انا دكتورة هون
- الله يوفقك رفيقي جريح لازم تساعديه
- فتون : وينووو
- ما قدرت جيبو لان في ببطنو سيخ
- فتون : سيخ شو ؟
- كنا بمنطقة عم يبنوها ووقع واجى فوق قطعة وفيها سيخ لازم تنقذيه الله يوفقك هو قريب من هون خمس دقايق منوصل
- فتون : طيب طيب امشي
#كان عم يحكي بلهفة وخوف مو طبيعي .. ركضت فتون وركبت معو بالسيارة ومشي وصار يفوت بطرقات وقفل السيارة
- فتون : لي قفلتا
- ولا حرف
- فتون : مين انت شو بدك مني ؟؟ نزلنيييي
- لازم تعالجي شخص بالاول بعدين برجعك لقدام المشفى
- فتون : لي قفلت السيارة
- اضمن
#حاولت فتون تبقى البنت القوية وما تبينلو انو الخوف متملكها .. كانت عم تردد بينها وبين حالها انو هاد شغلها ورح تخلص شغلها وترجع وتحاول تقنع حالها انو مافي شي رح يصير بس الشب بلش يفوت بمنطقة مقطوعة ما فيها حدا ..
- فتون : رفيقك لي ما اجى عالمشفى وشو هالمكان يلي جاي عليه
- ما تخافي لو بدي اعملك شي رح قلك مو خايف منك
- فتون : رفيقك وين
- بالغابة
- فتون : نزلني
- مو مستاهلة رح نوصل ..
#كان عم يمشي بطرق الغابة .. ما ضل لا بيوت ولا شي وضل يمشي لحد ما وقف قدام بيت .. صف السيارة ونزل وراح فتح الباب ومسكها من ايدها ومشي ..
- فتون : شوي شوي
- امشي من تم ساكت
#دخلها ع البيت ودخلها ع غرفة ووقعت بالارض قدام شب منصاب برصاصة بكتفو
- عالجيه
- فتون : لازمني كتير غراض وحتى بدي حدا يساعدني
- كل شي موجود
#راح ومسك صندوق وعطاها ياه وقعد جنب الشب من الجهة التانية
- كل شي بدك ياه بتلاقيه هون
- فتون : بدي كحول لحتى عقمهن
- نور
- نور : امرني
- جيبي كحول
- نور : حاضر
#جابت البنت كحول وبلشت فتون تعقم الاغراض .. مسكت المقص وقصت الكنزة
- فتون : مافي مخدر هون
- مشي حالك بلاه
#تطلعت فتون بالمصاب
- فتون : انا اسفة بس رح تتوجع كتير
- بتحمل مو مشكلة بس خلصينيييي
#بلشت فتون تفتح الجرح وكان الشب عم يساعدا بتخفيف الدم وتعقيم الجرح وكتير شغلات وهي عم تشيل الرصاصة توجع الشب ومسك ايدها
- فتون : ما بقدر شيلا
- كيف ما بتقدريييي مو انتي دكتورة
- فتون : الواضح انو الرصاصة بين عظام الكتف ما بقدر طالعها بدون الصور والتحاليل
- طالعيا
- فتون : صدقني خطر كبير كتير ع حياتو اذا رح طالعها
- ما فيني اخدو ع المشفى
- فتون : وانا ما فيني اعمل شي غير انو عقم الجرح واكتبلك ع مسكناات
- تمام
- فتون : شكلك ما عم تستوعب اللي عم قولو
- انتي اللي ما عم تستوعب انو ما بقدر دخلو مشفى ما بقدررررر .. قوليلي اي شي تاني لحتى جبلك ياه
#خيطت الجرح وعقمتو وضمتو
- فتون : هلأ لحالك رح تغفى
#حرك الشب راسو بمعنى اي .. اما الشب التاني ف طلع من الغرفة ولحقتو فتون
- فتون : لازم يروح ع المشفى
- ما بيقدر يروح
- فتون : ليشش
- نور : لا تكتري اسئلة
- فتون : اها .. تمام معناها رجعني ع المشفى
- ما بقدر
- فتون : لحظة كيف ما بتقدر !!! ما قلتلي بس تعالجيه رح رجعك
- بس انتي ما عالجتيه
- فتون : بس انا م..
#عصب وضرب ايدو بالحيط
- قلت ما فيكي تروحييي
- نور : تمام يمان اهدا
- فتون : ما فيك تحبسني هون
- يمان : مبلا فيني واي تصرف غلط باخد روحك ماشي .. فوتي ضلي جوا عندو وانتي خليكي معا مشان ما تعمل تصرف غلط
- فتون : عم قلك ما فيني ابقى هووون شبك ما عم تفهم
- يمان : نور خديها من هون بسرعة
- نور : امشي قدامي .. فوتييي
#دفشتها نور لجوا الغرفة وفااتت وقعدت ع الكرسي وفتون ضلت واقفة اما يمان ف طلع برا البيت وشغل السيارة ومشي
- فتون : فيني اعرف ليش ما رح تاخدوه ع المشفى
- نور : لانو بالمشفى حياتو بخطر اكبر

#داء_وَ_دواء
#الحلقة_الثانية
#ياسمينة .
..
..
..
- خالد : انا اسف
- فتون : شو
- خالد : انا هلأ لوعيت ع حالي .. انا عنجد اسف ظلمتك كتير
- فتون : يعن..
- خالد : حتى .. حتى انو انحرمتي من امك بسببي .. انا ادمنت ع شي اسمو مشروب ما عاد قادر عيشك وعيشهاا .. انتي اثبتيلي انو الانسان بيقدر ع كل شي ما حدا كان بيتوقع انو بنت السكرجي تطلع دكتورة شاطرة هيك.. ما بدك تقولي شي
- فتون : شو ممكن قول
- خالد : من صغرك شفتي قسوتي وظلمي وبحياتك ما قلتيلي بابا .. قوليلي بابا ولو لمرة وحدة
- فتون : ما بقدر .. صعب ما في شي بخليني قلك بابا .. مو شايفة منك شي انا
- خالد : انا رح اتغير .. اليوم كابرت ع حالي وما سكرت صدقيني رح اتغير
- فتون : بس تتغير منحكي
- خالد : انا ما كنت سند الك .. ممكن تكوني سند لابوكي وتساعديه ؟
- فتون : طبعا رح ساعدك لحتى توقف هالقرف
- خالد : رح حاول ..
#فتح ايديه وقرب بدو يضما رجعت لورا فتون
- فتون : ما بقدر
#راحت ع غرفتا وقفلت الباب وقعدت
- فتون : اليوم بعد عشرين سنة رح تتغير .. عشرين سنة وانا محرومة من شي اسمو ام .. محرومة من الحنان والحب .. عشرين سنة وانا عايشة تحت رحمتك وقسوتك وظلمك ما بقدر .. ما بقدر بيوم وليلة حبك واتصرف ولا كأنو صار شي .. ما بقدر
#قامت فتون بدلت تيابا وطالعت البوم الصور وقعدت تتفرج ع صور امها .. صورها وهي طفلة .. صورة عيلتن لما كانت عيلة مثالية .. وغفيت وهي عم ترجع بذكريات الطفولة ...
__________
#اليوم_التاني
#جهزت حالها فتون وطلعت من غرفتا كان ابوها نايم ع الكنباية وكان المشروب مليان وكان في كاسة مكسورة .. الواضح انو عاش صراع كبير الليلة الماضية
شالتن فتون وخبتن وجهزت فطور وكتبت ملاحظة صغيرة " صباح الخير ليوم جديد وحياة جديدة "
وراحت ع المشفى وتركت ابوها نايم
__
#بالمشفى
- صباح الخير دكتورة
- فتون : صباح النور
- ادم : هاا دكتورة
- فتون : صباح النور ادم
- ادم : اسف .. صباح الخير
- فتون : مشان المريض يوسف
- ادم : ما دخلنا ع الغرفة غير مرة وحدة وكان منيح هلأ ما بعرف
- فتون : مو مشكلة انا هلأ بشوفو
- ادم : تمام دكتورة .. اليوم في مواعيد بتبلش من الساعة ١١
- فتون : تمام وغيرو
- ادم : كل شي طلبتيه مني من صور وتحاليل للمريض ٥١٤ صارو ع مكتبك فيكي تشوفين وتخبريني ايمت حدد العملية
- فتون : وغيرو
- ادم : ما ضل شي غيرو .. قهوتك ربع ساعة وبتكون بمكتبك
- فتون : ماشي
#راحت فتون ع غرفة يوسف وكان الامن واقف ع الباب
- فتون : في حدا فات ع الغرفة
- لا دكتورة بس في ممرض واحد فات مرة وحدة وطلع وبعدا لا عاد حدا طلع ولا حدا فات
- فتون : تمام .. اي حدا بدو يفوت بتخبروني قبل ما تخلوه يفوت ماشي
- ماشي
#فتحت الباب ودخلت كان يمان نايم ع الكرسي ويوسف نايم بتختو .. سكرت الباب شوي شوي ودخلت وقفت وتطلعت ب يمان وحكت بهمس
- فتون : اديه بتكون ملاك وهادي وانت نايم يا ريت تضل نايم
- يوسف : حاقدة عليه !
- فتون : اا .. لا
- يوسف : نظرتك اما حب او حقد حسب اللي حكيتيه
- فتون : شو حكيت
- يوسف: شو كنتي عم تهمسي فوق راسو
- فتون : انت مو كنت نايم
- يوسف : وهلأ فقت
- فتون : انا اجيت افحصك واطلع.. يمكن فيك تطلع اليوم
- يوسف : يا خسارة القعدة عنكن كانت حلوة
- فتون : صار دور غيرك
#بلشت فتون تفحصو وبعدين تطلعت ع تحاليلو
- فتون : خبر حلو فيك تطلع اليوم
- يوسف : يعني تحسنت ع الاخر
- فتون : لا لازم ترتاح كم يوم بالبيت لانو الجرح لسه جديد وممكن يتجرثم بسهولة والمفروض بهيك حالة ما خرجك بس اخوك مصٌر انو ما يخليك هون
- يوسف : اصلا اريحلي بالبيت وهيك
- فتون : تمام في حال صار اي شي فورا بتتصل فيني تمام
- يوسف : تمام شكرا الك دكتورة
- فتون : العفو
#طلعت فتون وراحت ع مكتبا ودخل وراها زياد
- زياد : فتون
- فتون : ايي
- زياد : مين المريض يلي عملتيلو عملية
- فتون : واحد بخصني ليش
- زياد : مستغرب ليش مو مسجلة اسمو ومعلوماتو كاملةة .. ومسجلتيه بسجل المجهولين
- فتون : ما بدي حدا يعرف انو هو هون
- زياد : وليش
- فتون : زياد اسئلتك كترانة !
- زياد : انا مستغرب لانو صرلك سنتين بتشتغلي هون بحياتك ما عملتي تصرف غلط او شي يخلي العالم تشك فيكي
- فتون : تشك بشو زياد .. قلتلك القصة وما فيا انو ما بدي حدا يعرف انو هو بالمشفى
- زياد : وتشديد حراسة الامن كمان لحتى ما حدا يعرف
- فتون : وما بدي حدا يفوت لعندو كمان
- زياد : بس..
- فتون : اذا بتريد .. عندي شوية شغل قبل ما تبلش مواعيدي ف يا ريت كل واحد منا يشوف شغلو
- زياد : طيب .. بس لخبرك انو ما ح اترك الموضوع

- فتون : اوك لا تتركو
#طلع زياد من الغرفة
- فتون : هاد يلي كان ناقصني
#دق الباب
- فتون : خير زياد
- ادم: هاد انا دكتورة
- فتون : فوت ادم
- ادم : اجيت مشان شوف شو صار معك مشان المريض ٥١٤
- فتون : لسه هلأ فتت ع الغرفة تعال بشوفن وبخبرك
- ادم : طيب
#بلشت تشوف الصور والتحاليل
- فتون : الاهل ما كانو موافقين ع العملية شو صار معن
- ادم : بعدن عند قرارن
- فتون : لكا ع اي اساس عم نحدد العملية
- ادم : انا قلت لو يشوفو ويدركو خطورة الموضوع ممكن يقتنعو او ممكن تحكي معن
- فتون : العملية بكرى .. وانا رح حاول اقنع الاهل
- ادم : ماشي .. مشان المواعيد ح تبلش بعد شوي
- فتون : اوك جاهزة انا

#بلشت المواعيد .. الاول والتاني ..
- فتون : يعني مافي شي خطير بس
#قطع كلامها فتح الباب بقوة
- فتون : لا حول ولا قوة الا بالله
- يمان : تعي معي
- فتون : عندي مواعيد مو فاضية
- يمان : لازم تجي
#مسكها من ايدها وقومها
- فتون : عن اذنكن شوي وجاي بس شوف المريض
- ولا يهمك
#اخدها برا الغرفة بعدين سحبت ايدها
- فتون : انت شو مفكر حالك عم تعمل
- يمان ؛ لاخر مرة بقلك تعي معي لازم تشوفي يوسف كتير موجوع
- فتون : بجي بس يا ريت تاني مرة تكون محترم شوي لان انا ما بشتغل عندك
- يمان : امنت بالله
#بلش يمان يعصب .. مشت فتون بسرعة قبل ما يعصب ويخانق وراحت ع غرفة يوسف
- فتون : انت منيح
- يوسف : منيح بس يمان بكبر الموضوع
- فتون : شو فيك
- يوسف : قمت ع الحمام وضرب كتفي بالباب ع الجرح يعني وهي كل القصة
- فتون : بس.. تيابك كلن دم الجرح عم ينزف رح شفلك ياه
#فات يمان وراها وهي عم تقص القميص عند الكتف
- فتون : متل ما توقعت انفتق الجرح .. رح تتوجع بتحب خدرك ولا بتتحمل شوي
- يوسف : بتحمل
#مسكت فتون الخيط وبلشت تخيط ويوسف عم يحاول يكابر وما يبين انو موجوع ويمان عم يتطلع بفتون ما شال عيونو عنها
- فتون : اذا توجعت ما رح ينقص من رجولتك شي
- يوسف : لا لا مو موجوع
- فتون : خليك عم تكابر .. رح خلص هنن كم قطبة
- يوسف: مو مشكلة ما عم اتوجع
- فتون : ابدا.. خلصنا بس رح ضمد الجرح
#قبل ما تخلص فتون كلامها اجاه اتصال ل يمان وفورا صرخ شوووو
- يوسف : شو صار ؟
- يمان : جاين لهون لازم نطلع
- فتون : ميين
- يمان : يلا اخي
- فتون : لازم ضمد الجرح
- يمان : طبعا .. لهيك رح تجي معنا يلاا بسرعة بسرعةةة
- فتون : فهمني شو يلي عم بصير
- يمان : امشي بعدين بفهمك
- فتون : الاسعافااات الاولية رح جيبا
- يوسف : اخخ
- فتون : ع مهلك عليه شوي شوي
- يمان : تحمل اخي بس نوصل للسيارة بترتاح
#نزل يمان ويوسف وفتون بسرعة وطلعو من الباب الخلفي وركبو بالسيارة ومشو .. بلشت فتون تضمد الجرح وتسكرو
- فتون : ممكن تفهمونييي !! كيف هيك بتخلوني اترك المشفى
- يمان : يا ريت تشتغلي من تم ساكت
- فتون : عفوا منك يعني بس في عالم ناطرة بمكتبي
- يوسف : تمام اهدو انتو التنين
#رن جوال يمان ..
- يمان : اي نور
- نور : طلعتو ؟ كيفك انت منيح ؟
- يمان : اي طلعنا ونحن بخير وجاين ع البيت
- نور : تمام لكن رح اسبقك
- يمان : ماشي
#سكر الخط وفتون كانت عم تزور ومو عاجبها اي شي بخص نور ..
- فتون : وانا بدي احكي مكالمة
- يمان : احكي مين ماسكك
- فتون : شو ذكي.. موبايلي ضل بالمكتب لما حضرتك شحطتني شحط
- يمان : الخلاصة !! المطلوب !!
- فتون : بدي الموبايل
- يمان : خدديه
#زتلا الجوال ومسكتو وزورتو ويوسف كان منتبه .. اتصلت فتون بالمشفى
- مشفى الحياة تفضل
- فتون : عطيني ادم
- حاضر دكتورة
- ادم : اي دكتورة
- فتون : ادم سمعني وركز معي كتير منيح .. اول شي العالم يلي بمكتبي بتطلع بتعتذر منن نيابة عني وبتقول صار وضع مستعجل كتير وبتلغي كل المواعيد وبتنظمهن بيوم تاني .. العملية بكرى ما رح تكون اجلها ل اقرب فضى عندي اوك ؟
بكرى عندي مناوبة ما رح كون موجودة احكي مع مدير الاطباء وخبرو انو عندي ظرف وما بقدر ليحلو وضع المناوبة اي شي بيتطلب اذني او توقيعي فيك تاخد الموافقة من الدكتور علي وع مسؤوليتي ماشي
- ادم : كل هاد
- فتون : ادم
- ادم : قصدي حاضر دكتورة
- فتون : يلا بسرعة
#سكرت الخط وفورا مد يمان ايدو
- فتون : شو ؟
- يمان : هاتي الموبايل
- فتون : لازم احكي مكالمة تانية
- يمان : كمان
- فتون : انت اخدتني ع غفلة اذا انت ما عندك حدا يسأل عليك انا عندي
- يمان : طيب خلصيني احكي
#كتبت رقم البيت وترددت كتير تتصل او لا بعدين اتصلت رن .. ورن .. ورن بالاخر فكرت فتون انو ابوها خلف بوعدو ورجع شرب وكانت رح تسكر بس سمعت الو
- فتون : لي تأخرت
- خالد ؛ كنت عم حضر شي
- فتون: انت منيح

- منار : بنتيي
- فتون : يوسف شاكك فيني لانو وصل لكاميرات المراقبة وشافنا لما قعدنا سوا
- منار : وو ؟
- فتون : لا ما عرف انو امجد اخي حتى صراحة يمان هو اللي دافع عني وخلصني
- منار : يمان ؟
- فتون : اي يمان
- منار : طيب المستشفى فيه امن وكتير نظام مستحيل يوصل للتسجيلاات الا اذا
- فتون : الا اذا حدا من الكادر ساعدو ومين غير زياد الكلب
- منار : انا بحاسبو
- فتون : ما تهتمي فيه .. ع كلن انا اتصلت لحتى خبرك دبري طريقة من تحت الارض وسفري امجد
- منار : طيب تعالي بكرى منحكي وبتشوفي وضعو ومندبر طريق امن سوا
- فتون : لا بكرى ما بقدر
- منار : ليش ؟
- فتون : رح نطلع انا وجليلة
- منار : لوين
- فتون : ما بعرف قالت اموات ونزورن وهي عادة وما بعرف شو
- منار : يعني رايحين ع مقبرة ***
- فتون : ما بعرف ليش عم تسألي
- منار : ولا شي ابدا مافي شي ع كلن انتي ارتاحي وبكرى بعد ما ترجعي تعالي لعندي
- فتون : بحاول .
____________
#المسا
#انا طالعة من غرفتي شفت جليلةة حاملة صينية الاكل وطالعة فيها للعلية .. غريب رغم انو الاكل عم يتجهز ع السفرة وليش طالعة للعلية
ابتسمت بوجها ونزلت قابلني يوسف ونور ونظراتن اللي بتقتل ..
قعدت جنب يمان وفجأة دخل ادم
- ادم : اوووه ما اشتقتولي
- يمان : وينك لهلأ وكنت مختفي ومحدا عم يوصلك
- ادم : بخبرك بعدين
- فتون : عادي فيك تحكي قدامنا كلنا انو كنت عم تصلح اخطاء يمان
- ادم ؛ ههه يا الله يا مرت اخي شو بتحبي المزح
#نزلت المعلقة من ايدي وضربتا بالصحن ضرب ..
- فتون : اولا انا ما عم امزح تانيا والأهم انا ماني مرت اخوك ولا ممكن صير عم تفهممم
#تركت الاكل وقمت
- يمان : فتتووون
#كملت طريقي وما رديت
______________
#ماشية بطريق الغابة ومعصبة منو وعم احكي عليه وع اخوه والعيلة كلا.. تفركشت رجلي ووقعت وقعدت ابكي ما بعرف من الجرح ولا الحياة اللي عم عيشا .. بكيت وبكيت كتيرر لحد ما سمعت صوتو
- خالد : بنتي
#رفعت راسي كان ابي ومدلي ايدو .. وقفت وضميتو وبكيت اكتر
- خالد : كيف بتطلعي من البيت هيك
- فتون : بابا انا تعبت تعبت ما عاد قادرة اتحمل اي شي
- خالد : وين بنتي اللي حاربت الكل من قبل
- فتون : بابا انت ما بتعرف شي .. منار رجعت
- خالد : بعرف
- فتون : بتعرف ؟؟
- خالد : بعرف كل شي صار واحد ورا واحد
- فتون : خلينا نسافر ونهرب .. ع اي مكان .. لعند عمي مثلا
#سمعت صوتو من ورا
- يمان ؛ بدك تروحي وتتركيني
#التفتت لقيتو وراي على بعد كم متر
- فتون : يمان خلص انا بدي اطلع من حياتك ورح اطلع من هالبلد كلا
- يمان : مستحيل
- فتون : يمان بترجاك
- يمان : في حساب لازم نصفيه
- فتون : حساب ؟ حساب شووو
- يوسف : حساب الخيانة مثلا
- فتون: يوسف !!
- نور : والله من الاول كنت شاكة فيكي واخيرا قدرت افضحك
- يمان : اغيد عملتيلو عملية يعني ما في احتمال يكون ابن عمك
#حركت راسي يمين ويسار بمعنى لا
- فتون : انا تبريت منهن كلهن ما فيك تحسبو ابن عمي
- يوسف ؛ يا ترى ابوكي ليش راح عند عمك وشو بيضمن ما كنتو تنقلو اخبارنا
- فتون : ما نقلنا شي ولا رح ننقل وقلتلك ما عاد النا علاقة ببيت عمي
- نور : خرسي وحدة خاينة
- فتون : انتي بتخرسي عم تفهمي
#قربت ع يمان وتطلعت فيه
- فتون : انا ما خنتك .. هاد اخر شي بفكر فيه بحلفلك ما خنتك
#كان عم يتطلع فيني ومبين انو ما عم يصدق ..
- فتون : يماان
#دفشني ووقعت بالارض قرب ابي لعندي.. رفع المسدس بوجهي
- يمان : انتي اكتر حدا سامحتو وتغاضيت عن اغلاطو بس شو كان المقابل ؟؟ عنجد ما عم صدق انو كل هاد طلع منك انتي
#بلشت ابكي
- يمان : بتحبي عذبك بمقتل ابوكي اول.
#حركت راسي يمين ويسار بمعنى لا
- يمان : اي منقتلو وبعدا منقتل امجد مثلا
#تطلعت فيه عم حاول استوعب حكيو انتبهت ع يوسف اشر للرجال وراحو ونزلو حدا مربط من السيارة ..شالو الغطا عن وجهو وكان امجد
- فتون : يمان ما حدا فيهن دخلو بالموضوع بترجاك
- يمان : كيف ما دخلهم كلهم خونة
#صوب المسدس ع ابي وقوص ع قلبو
- فتون : بابا بااباا
#شلت الشال اللي ع رقبتي وحطيتو ع الجرح
- فتون : لك انت شووووو ما فيك رحمة ..
#تطلعت ب ابي اللي كان عم يلفظ انفاسو الاخيرة
- فتون : بابا بابا اهدا خود نفس حاول تاخد نفس مشان الله لا تموت بابا لا تتركني لا تغمض عيونك حاول حاول حاول انت بتقدر حاول تاخد نفس
#بلشت ابكي بشكل هستيري
- يوسف ؛ خبي شوية دموع لاخوكي
- فتون : يا حيوانااااات يا مجرميييين يا حيوانااااتت ..
#ما عاد تحرك ولا عاد تنفس مات وعيونو مفتوحة عم يتطلع فيني .. صرخت باعلى صوت
- فتون : باباااااااا

#بلشت اضرب ع قلبو لازم يقوم لازمممم ما فيه يتركني .. اضرب .. واضرب .. واضرب بس مافي فايدة ..
تطلعت ع ايدي اللي كلن دم وانا عم بشهق
#انتبهت انو كان في مسدس ع خصر بابا .. مسكتو وصوبت ع يوسف وعيوني كلها دموع .. قوصت بس اجت نور قدامو وتصاوبت هي بدالو ووقعت بحضن يوسف وهو صار يبكي ويترجاها ما تتركو
- يوسف : جيبو السيارة لهووون بسرعةةةة
#يمان ما تحمل المنظر وشكلو كان بحب نور وهو مو عارف.. صوب ع اخي .. ركضت لعندو بس ما لحقت قتلوووو
- يمان : كان ممكن اعفي عنككك بس بعد اللي عملتيه لااا
#اجت من بعيد وهي عم تركض وتصرخ وتبكي
- منار : ابنيييييي امجدد يا ضو عيونيييي
__
# واقفة بالنص بين امي ويمان والتنين موجهين سلاحاتن ع بعض .. ما بعرف شو اعمل ماني قادرة فكر بشي افكاري انهارت جسمي انهار كل شي فيني انهار ما عاد افهم واستوعب اي شي
صحيت ع صوت الرصاص ويمان وقع بالارض .. ركضت لعندو
- فتون : يمااان يمااان يمماااااااان لك ليش هيك عملتيي ليشش
- منار : هاد اللي كان لازم يصير
- فتون : يمان رد علي
- منار : تعالي لازم نروح من هون
#مسكتني من ايدي وبلشت تشدني وانا عيوني كانت ع يمان وع ابي واخي والكل كانوو بالارض بدون اي حركة .. بس انا متأكدة يمان ما ماات مستحيل يموت يمان ما بموت بهالسهولة
- فتون : يمااااان

#يتبع
#ياسمينة 💜

- فتون : كذاااب انا وياه مستحيل نتفق ع شي كييف بدي حبو
- يمان : كمليه كمليه لا تنكري من البداية
- زياد: حتى انو هي من فترة منيحة انتقلت لتعيش عندي بسبب ظلم ابوها وانا كنت شب وحداني ويوم بعد يوم صار في علاقة بيني وبينها
#وقفت الفيديو ورمت الجوال ع التخت
- فتون : لك هاد عم يكذب ويألف حكي من عندوووووو ما صار اي شي من يلي حكااه
- يمان : لسه لسه التسلاية لقدام كملي
- فتون : ما بدي
- يمان : رح تكمليه
- فتون : بس..
#عطاها الجوال مرة تانية
- زياد : وبعدين فتون لزمها مصاري لان ابوها كان بيصرف كل راتبها تقريبا ع المشروب والقمار ورهن البيت لحتى يلعب فيه قمار وكانت فتون رح تنرمى بالشارع بوقتها اجت .. اجت وعرضت علي ..
- كمل ليش سكتت
- زياد : صراحة بخجل قولها بس عرضت علي انو تنام مع رفقاتي مقابل مبلغ وتقدر تجمع المبلغ يلي هي محتاجتو وبوقتا قالت انو ما ضل عندا شي تخسرو
#رمت فتون الجوال ع المراية وانكسرت
- فتون : كذاااب لعماا شو ندل واطييي حقيررر
- يمان : طلع عندك وجهين
- فتون : انت مصدق هاد الحكي يلي قالو ؟ من كل عقلك بتصدق واحد مجنون متل هاااد
- يمان : مجنون قلتيلي
- فتون : لك روح اسأل كل يلي بالمشفى بيعرفو انو انا بكره زياد وانو دائما بحاول يعمليي مشاكل
- يمان : ما بدي روح اسأل حدا .. اثبتيلي انتي
- فتون : كيف
#بلش يمشي خطوة خطوة تجاها ويفك زرار قميصو بهدوء
- فتون : ش.. شو عم تعمل
- يمان : مو بدك تأثبتيليي
- فتون : فشرت اثبتلك بالطريقة الوسخة
- يمان : حاج تمثلي
- فتون : ما عم مثل مااا عم مثل
#انفجرت فتون بالبكي
- فتون : مزبوط بابا كان بيسكر وبيلعب قمار وحتى هو رهن بيتنا ولكن مو هاد البيت رهن بيتنا القديم وصفينا بالشارع وانا اشتريت هاد البيت من شغلي وتعبييي انااا لك انا مو بس كنت دكتورة كنت ادرس كتير طلاب لحتى جمع مصارييي بس زياد هو يلي كاااان دائما واقف بطريقي والسبب انو كان هو اشطر حدا بالمشفى بس لما اجيت انا صرت انا الدكتورة المعروفة بالمشفى واكتر من عملية عملتا خلت المشفى ينشهر اسمو وبلشت اترقى ع هاد الاساس وهو كان مقهور من هاد الشي ودائما يحاول انو يفشلني وبكتيرررر اوقات يتدخل بمرضااي مشان يتعبههن ويقول اني فاشلة وبعدينن .. بعدين هو يلي اجى وقلي انو غلط بحقي كتير وما كان لازم يعمل هيك واعترفلي انو بحبني بس انا يلي ما قبلت لان بعرفو وسخ وبعرف انو عندو علاقات كتيرة وحتى مع دكاترة كتير بالمشفى وهلأ جاي يحكييي هيككك وانت بتصدقو فورااا ..
#كانت قاعدة بالارض وعم تبكي وتحكي وتشهق .. مسكها من ايدها ورفعها وضمها
- يمان : تمام اهدي
- فتون : بعد هيك لا تقرب مني
#بلشت تدفشو وتبعد عنو
- يمان : لا تكبري القصة
- فتون : ما كبرهاا؟؟ لك لككك قلي انت هلأ بشو فرقت عن زياد ؟
- يمان : فتووون
- فتون : شو فتوننن بكل مرة بدك تهرب وتسكر ع الموضوععع
- يمان : ما عم اهرب وزياد انا رح حاسبو ع كذبو هاد
- فتون : لا انا بدي روح ع المشفى وهلأ واذا ما رح تاخدني رح روح احكي ليوسف كل شي وخليه هو ياخدني
- يمان : فتون قلتلك انا رح حاسبو خلص انهي القصة
- فتون : تمام بس لازم اني احكي معو وبهدلو غير هيك ما رح اتزوجك وبقول لا قدام الكل
- يمان : مشان اقتل ابوكي
- فتون : قتلووو وبقتل حالي بعدوو ما عاد فارقة معي عم تفهممم . هلأ بدي روح ع المشفى
- يمان : امنت بالله .. امشي
#راحت فتون مع يمان ع المشفى ووقف السيارة قدام المشفى
- فتون : انطرني هون انا بدي حكيه لحالي
- يمان : ماني ولد تضحكي ع عقلي
- فتون : بفتح مكالمة وبتسمع كل شي مو بدك اثبتلك انو هو كذاب !
- يمان : ماشي لنشوف اخرتها معك .. بس اوعك تحاولي تلعبي هيك او هيك
#نزلت فتون وضل يمان بالسيارة وعم يسمع كل شي من المكالمة .. وصلت لغرفة زياد اخدت نفس ودخلت
- زياد : فتون
- فتون : زياد لازم نهرب
- زياد : نهرب! وانا وانتيييي خير ان شاء لله
- فتون : موو انت قلت انو انا وانت منحب بعض وفي بينا علاقة وانا اكدت هالحكييي وقدرت اهرب منهن رح يقتلوني ويقتلوووك بسرعة
- زياد : شوووو .. لك انا كذاب مافي شي من يلي قلتو صح
- فتون : بعرف .. انت كذبت لانك بتحبني وبدك تنقذني
- زياد : انا حتى ما بحبكككك كذبت لاخربلك حيااتك .. سمعت انو رح يتزوجك ورحت ع الشركة لعندو وححكيتلو هيك ليقتلك واخلص منكككك
- فتون : بس انت قلتلي انك بتحبني شو نسيت
- زياد : لا ما نسيت كنت بدي استغلك وافضحك وتتقلعي من المشفى
- فتون : معقول ! انت !!
- زياد : اي اي عندي استعداد اعمل اي شي لارجع لمكانتي بهالمشفى
- فتون : مبروك لكننن رح ترجع لمكانتك لاني رح اهرب بس لقلك ما رح تنبسط كتير لان يمان رح يقتلككك عم تفهم رح يقطعك ويرميك للكلاب هاد ما عندو رحمة